கர்நாடகா: பாஜக அரசுக்கெதிராக லிங்காயத் சமூகம் போர்க்கொடி; இட ஒதுக்கீடு கேட்டு பெரும் போராட்டம்!

கர்நாடக மாநிலத்தில் இன்னும் ஐந்து மாதங்களில் தேர்தல் நடக்கவிருக்கும் நிலையில், அனுதினமும் அரசியல் களத்தில் அனல் பறக்கிறது. மாநிலத்தின் ஆட்சிக்கட்டிலில் கட்சிகளை அமரவைக்கும் முக்கிய காரணிகளுள், லிங்காயத் சமூகம் முக்கிய பங்கு வகிக்கிறது. இந்த நிலையில், இந்த சமூகத்தைச் சேர்ந்த பா.ஜ.க எம்.எல்.ஏ தலைமையில் ஒரு லட்சத்துக்கும் மேற்பட்டடோர், பா.ஜ.க அரசுக்கு எதிராக பெரும் போராட்டத்தை துவங்கியுள்ளது, கர்நாடகத்தில் பரபரப்பை ஏற்படுத்தியுள்ளது. கர்நாடக மாநிலத்தின் மொத்த மக்கள்தொகையான, 6.5 கோடியில் 18 சதவீதத்துக்கும் மேல், லிங்காயத் சமூகத்தைச் சேர்ந்தவர்கள் உள்ளனர். மொத்தமுள்ள, 224 தொகுதிகளில், 90 தொகுதிகளுக்கு மேல் இந்த சமூகத்தைச் சேர்ந்தவர்கள் அதிகம் உள்ளனர். கர்நாடக அரசியலை தீர்மானிக்கும் பல சமூகங்களில், லிங்காயத் மக்கள் முதன்மையானவர்கள். தற்போது, கல்வி மற்றும் வேலைவாய்ப்புகளில், 5 சதவீதம் இட ஒதுக்கீடு பெறும் ‘3B’ பிரிவில் உள்ளனர்.போராட்டம் நடத்தும் லிங்காயத் மக்கள். லட்சக்கணக்கானோர் போராட்டம்! இந்த நிலையில், இன்று காலை முதல், லிங்காயத் சமூகத்தின் பஞ்சமசாலி பிரிவைச் சேர்ந்த, ஒரு லட்சத்துக்கும் மேற்பட்ட மக்கள், ‘கல்வி மற்றும் அரசு வேலையில், ‘2A’ (15 சதவீதம் இட ஒதுக்கீடு பிரிவு) என்ற இட ஒதுக்கீடு வழங்க வேண்டும்’ என, வலியுறுத்தி பெலகாவியில் போராட்டத்தில் களமிறங்கியுள்ளனர். பா.ஜ.க எம்.எல்.ஏ பசானாகெளவுடா பட்டில் மற்றும் லிங்காயத் மடாலய தலைவர் ம்ருத்யுநய சுவாமி தலைமையில், போராட்டக்காரர்கள் கர்நாடக மாநிலம், பெலகாவியில், குளிர்கால சட்டமன்ற கூட்டத்தொடர் நடக்கும் சுவர்ண விதான சவுதா அருகே போராட்டம் நடத்தி வருகின்றனர். இதனால், அப்பகுதியில் போலீஸார் குவிக்கப்பட்டுள்ளனர். ‘2023 தேர்தலில் முடிவு தெரியும்’! லிங்காயத் மடாலய தலைவர் ஜகத்குரு ஸ்ரீ பசவ ஜெய ம்ருத்யுநய சுவாமி நிருபர்களிடம், ``கர்நாடகத்தில் நாங்கள், 1.3 கோடி பேர் உள்ளோம். லிங்காயத் சமூகத்திலேயே நாங்கள் தான் அதிக எண்ணிக்கையில் உள்ளோம். எங்கள் சமூகத்தில், 22 எம்.எல்.ஏ-க்கள், 2 எம்.பி-க்கள், 4 எம்.எல்.சி-கள் உள்ளனர். நாங்கள்தான் தற்போதைய பாஜக அரசின், 80 சதவீத வாக்கு வங்கி. பல ஆண்டுகளாக, இட ஒதுக்கீடு வழங்க வலியுறுத்தி கோரிக்கை வைத்து வருகிறோம். எங்களை, 2-ஏ பிரிவுக்கு மாற்றி, கல்வி மற்றும் அரசு வேலைகளில் சிறப்பு இட ஒதுக்கீடு வழங்க வேண்டும்.தலைவர் ம்ருத்யுநய சுவாமி. எடியூரப்பா தலைமையிலான அரசு எங்களுக்கு இட ஒதுக்கீடு வழங்கவில்லை, அதனால்தான், அந்த அரசு கலைந்தது. தற்போது, முதல்வர் பசவராஜ் பொம்மை தலைமையிலான அரசு தொடர்ந்து வாக்குறுதி மட்டுமே கொடுக்கிறது, இதுவரை எங்களுக்கு இட ஒதுக்கீடு வழங்கவில்லை. பசவராஜ் பொம்மை எங்கள் கோரிக்கையை நிறைவேற்றாவிட்டால், 2023 தேர்தலில் எங்கள் முடிவு என்ன என்பது தெரியும்" என, காட்டமாக பாஜக அரசுக்கு எச்சரிக்கை விடுத்து பேட்டியளித்துள்ளார். தேர்தல் நெருங்கும் நிலையில் லிங்காயத் சமூகம், தங்களுக்கு எதிராக போர்க்கொடி துாக்கியுள்ளதால், கர்நாடக பாஜக–வினர் கலக்கத்தில் உள்ளனர். ‘லிங்காயத் சமூகத்தின் வாக்கு வங்கியை தக்கவைக்க, முதல்வர் பசவராஜ் பொம்மை மற்றும் பாஜக மேலிடம் தீவிர ஆலோசனையில் இறங்கியுள்ளது’ என்கின்றனர் அரசியல் விமர்சகர்கள்.கர்நாடக மடத்தில் ராகுல் காந்தி... காங்கிரஸுக்கு `கை’கொடுக்குமா `லிங்காயத்’ கணக்கு?!
http://dlvr.it/SfqTBb

Read More

மதுரை: இப்ப கிரிக்கெட்டு... அடுத்து ஜல்லிக்கட்டு - ஆர்வம் காட்டும் மும்பைத் தமிழர்கள்!

தமிழர்கள் கணிசமாக வாழும் மும்பையில் பாரம்பரிய விளையாட்டான ஜல்லிக்கட்டு நடத்த வேண்டும் என்ற கோரிக்கை அங்குள்ள தமிழ் மக்கள் மத்தியில் எழுந்துள்ளது. அதற்கு முன்னோட்டமாக தமிழ் இளைஞர்கள் மட்டும் பங்குபெற்ற பிரிமியர் லீக் கிரிக்கெட் போட்டியைச் சிறப்பாக நடத்தி அசத்தியுள்ளனர். மும்பையில் சிதறிக்கிடக்கும் தமிழர்களை ஒற்றுமைப்படுத்த அங்குள்ள அமைப்புகள் பெரிய அளவில் விளையாட்டுப் போட்டிகள் நடத்தத் தொடங்கியுள்ளன. அதை நேரில் காணவும், அங்கு ஜல்லிக்கட்டுப் போட்டி நடத்துவதற்கான சாத்தியம் உள்ளதா என்பதை ஆய்வு செய்யவும் சிவந்தி ஆதித்தனார் நற்பணி மன்ற பொதுச்செயலாளர் ஜெகதீஷ் சவுந்தர், தமிழ்நாடு ஜல்லிக்கட்டு பேரவை நிர்வாகியும், பட்டிமன்றப் பேச்சாளருமான மதுரை அவனி மாடசாமி தலைமையில் ஒரு குழுவினரும் மும்பை சென்று வந்துள்ளனர். பரிசளிப்பு விழா அவர்களிடம் பேசியபோது, "மும்பையில் செயல்படும் சிவந்தி ஆதித்தனார் நற்பணி மன்றத்தினர் ஐ.பி.எல் போன்று மும்பை தமிழர்களை ஒருங்கிணைத்து முதல் முறையாக எஸ்.பி.எல் எனும் பெயரில் கிரிக்கெட் போட்டியை நடத்தியுள்ளனர். முலூண்ட் பகுதியிலுள்ள ராஜே சம்பாஜீ மைதானத்தில் நடந்த இப்போட்டியில் மும்பையில் செயல்படும் முக்கியமான 6 தமிழ் அணிகள் கலந்துகொண்டன. கிரிக்கெட் போட்டி தொடங்கும்போது தமிழர்கள் மரபுப்படி கிரிக்கெட் ஸ்டம்ப் அருகே தேங்காய் உடைத்து ஊதுபத்தி காண்பித்து ஸ்டம்பிற்கு மாலை அணிவித்து வணங்கினர். அதன் பிறகே டாஸ் போட்டு போட்டியைத் தொடக்கி வைத்தது ஆச்சரியமாகவும் மகிழ்ச்சியாகவும் இருந்தது. முதல் பரிசாக கோப்பையுடன் ரூ.51,000-ம் வெள்ளிக் காசும் வழங்கினார்கள். தமிழகத்தின் பல்வேறு மாவட்டங்களை, குறிப்பாக தென் மாவட்டங்களைச் சேர்ந்த மக்கள் இடம் பெயர்ந்து மும்பை சென்று கடுமையாக உழைத்துப் பல்வேறு தொழில்களைச் செய்து முக்கிய சக்தியாக உருவாகியுள்ளார்கள். பல பகுதிகளில் பல குழுக்களாகப் பிரிந்துகிடந்தாலும் எல்லோரையும் ஒன்றிணைப்பது தமிழர் எனும் அடையாளம்தான்.ஜல்லிக்கட்டு தமிழ்நாட்டில் ஜல்லிக்கட்டுப் போராட்டம் நடந்தபோது மும்பையிலும் தொடர்ந்து போராட்டம் நடத்தினார்கள். இதுபோல் உலகில் எந்த மூலையிலும் தமிழருக்கு ஒரு பிரச்னை என்றால் மும்பைத் தமிழர்கள் குரல் கொடுப்பார்கள். இந்த அடிப்படையில்தான் கலை, இலக்கிய விழாக்களைக் கொண்டாடி வருபவர்கள் தற்போது பெரிய அளவில் விளையாட்டுப் போட்டிகளை நடத்தியுள்ளார்கள். அடுத்து ஜல்லிக்கட்டையும் நடத்த விரும்புகிறார்கள். அதற்கான வாய்ப்புகள் விரைவில் உருவாகும்" என்றனர்.
http://dlvr.it/SfmZ9j

Read More

தன்பாலின ஈர்ப்பு விவகாரத்தில் கொல்லப்பட்டானா கேரள சிறுவன்? - குமரியில் சிபிசிஐடி விசாரணை தீவிரம்!

கேரள மாநிலம், விழிஞ்ஞம் பகுதியைச் சேர்ந்தவர் நிஜிபு. இவருடைய இரண்டாவது மகன் ஆதில் முகமது (12). இவர் அங்குள்ள பள்ளியில் 7-ம் வகுப்பு படித்து வந்தார். ஆதில் முகமதின் தாயார் சுஜிதாவின் சொந்த ஊர் கன்னியாகுமரி மாவட்டம், பூதப்பாண்டி அருகே உள்ள திட்டுவிளை. ஒவ்வொரு கோடை விடுமுறைக்கும் ஆதில் முகமது திட்டுவிளையிலுள்ள பாட்டி வீட்டுக்கு வந்து சில நாள்கள் தங்கி விட்டுச்செல்வது வழக்கம். கடந்த கோடை விடுமுறை சமயத்தில் தன்னுடைய தாயுடன் மே மாதம் ஆதில் முகமது பாட்டி வீட்டுக்கு வந்திருந்தார். மே மாதம் 6-ம் தேதி மதியம் வீட்டிலிருந்து வீட்டைவிட்டு வெளியேச்சென்ற ஆதில் முகமது வெகுநேரமாகியும் வீடு திரும்பவில்லை. இது குறித்து பூதப்பாண்டி போலீஸாருக்குத் தகவல் தெரிவிக்கப்பட்டு, அவரை தேடி வந்தனர். இந்த நிலையில், மே மாதம் 8-ம் தேதி திட்டுவிளை மணல்திட்டையில் உள்ள குளத்தில் மூழ்கிய நிலையில் ஆதில் முகமது சடலமாக மீட்கப்பட்டார். மகனின் மரணத்தில் சந்தேகம் இருப்பதாக சுஜிதா பூதப்பாண்டி போலீஸில் புகார் கூறினார். இது தொடர்பாக போலீஸார் விசாரணை நடத்தி வந்தனர். அந்தப் பகுதியில் உள்ள சி.சி.டி.வி கேமராப் பதிவுகளின் அடிப்படையில் போலீஸார் தனிப்படை அமைத்து விசாரணை மேற்கொண்டனர். இந்த வழக்கு தொடர்பாக பலகட்ட போராட்டங்களும் நடத்தப்பட்டன. இந்த நிலையில், கடந்த 2 மாதங்களுக்கு முன்பு சிறுவனின் பெற்றோர் கேரள மாநில முதல்வர் பினராயி விஜயனை நேரில் சந்தித்து இது தொடர்பாக மனு அளித்திருந்தார். அதனடிப்படையில் தமிழக முதல்வரின் கவனத்துக்கு இந்த வழக்கு கொண்டு செல்லப்பட்டது. தொடர்ந்து 5 முறைக்கு மேல் போலீஸார் தடயங்களைச் சேகரிக்கும் முயற்சியில் ஈடுபட்டனர். இது தொடர்பான விசாரணை பூதப்பாண்டி காவல் நிலையத்தில் நடைபெற்று வந்த நிலையில், இந்த வழக்கு கடந்த வாரம் சி.பி.சி.ஐ.டி-க்கு மாற்றப்பட்டது. சி.பி.சி.ஐ.டி போலீஸார் இப்போது விசாரணையை தொடங்கியிருக்கின்றனர். இதற்கிடையே தன்பாலின ஈர்ப்பு விவகாரத்தால் சிறுவன் கொலைசெய்யப்பட்டிருக்கலாம் என உறவினர்கள் சந்தேகம் கிளப்பியிருகின்றனர். இது குறித்து ஆதில் முகமதின் மாமா சுனில், ``ஆதில் முகமது பள்ளி விடுமுறை காலங்களில் இங்கு வரும்போது எங்கள் வீட்டுக்கு அருகில் உள்ள மற்றொரு சிறுவனுடன் நட்பாக பழகி வந்தான். காணாமல்போன அன்று அந்த சிறுவனுடன் சென்றது சி.சி.டி.வி கேமராவில் பதிவாகியிருக்கிறது. பின்னர் அந்த சிறுவன் தனியாக திரும்பி வந்ததும் கண்காணிப்பு கேமராவில் உள்ளது.ஆதில் முகமதின் மாமா சுனில் அந்த சிறுவனுக்கு தன்பாலின ஈர்ப்பாளருடன் தொடர்பு இருப்பது அந்தப் பகுதி மக்களுக்குத் தெரியும். என்னுடைய மருமகனின் உடல் குளத்திலிருந்து மீட்கப்பட்டபோது அவனது ஜீன்ஸ் பேன்ட் கால்வரை உருவப்பட்ட நிலையில் இருந்தது. அவன் அணிந்து சென்ற டீ சர்ட்டை இதுவரை கண்டுபிடிக்க முடியவில்லை. எனவே தன்பாலின ஈர்ப்பு விவகாரத்தால் கொலைசெய்யப்பட்டிருக்கலாம் என சந்தேகிக்கிறோம். மேலும் என்னுடைய மருமகனுடன் சேர்ந்து அந்த சிறுவன் மொபைலில் கேம் விளையாடியிருக்கிறான். என் மருமகனின் மொபைல் போனிலும் அவனது ஐ.டி-யை பயன்படுத்தி கேம் விளையாடியிருக்கிறான். அந்த கேமை எங்கள் வீட்டில் உள்ளவர்கள் அழித்திருக்கின்றனர். இவை அனைத்தையும் கணக்கிட்டு பார்க்கும்போது என்னுடைய மருமகனை அந்த சிறுவன் குளத்துக்கு அழைத்துச் சென்று தள்ளிவிட்டுக் கொலைசெய்திருக்க வாய்ப்பு இருக்கலாம் என கருதுகிறோம்" என்றார். இந்த விவகாரத்தில், ஆதில் முகமது ஒருவரிடம் பேசிக்கொண்டிருந்ததாகவும், அவர் வெள்ளை நிற ஆடை அணிந்திருந்ததாகவும் கூறி ஆரம்பத்தில் போலீஸை திசை திருப்பியிருக்கிறான் அந்த சிறுவன். மேலும் ஆதில் முகமதை அழைத்துச் சென்றது 14 வயது சிறுவன் என்பதால் தங்கள் பாணியில் விசாரிக்க முடியாத நிலை போலீஸுக்கு ஏற்பட்டிருக்கிறது. எனவேதான் போலீஸாரால் இந்த வழக்கை சரியாக கையாள முடியவில்லை எனக் கூறப்படுகிறது. அதே சமயம் குளக்கரையில் விளையாடச் சென்ற சமயத்தில் சிறுவன் குளத்தில் தவறி விழுந்து இறந்திருக்க வாய்பு உள்ளதாக போலீஸ் தரப்பில் கூறப்படுகிறது. இப்போது வழக்கு சி.பி.சி.ஐ.டி வசம் சென்றிருப்பதால் போலீஸ் அதிகாரிகள் வெளிப்படையாக கருத்து தெரிவிக்க முன்வரவில்லை. சென்னை: பெண் கொலை; பல மாதங்களுக்குப் பிறகு செல்போன் சிக்னலால் துப்பு துலக்கிய வழக்கு! - இளைஞர் கைது
http://dlvr.it/SfjZ6l

Read More

"தேசியப் பதவிக்கான கனவு; கண்மூடிக்கொண்டு கேரள அரசின் அத்துமீறலை அனுமதிக்கிறார் ஸ்டாலின்!" - அண்ணாமலை

``நாகர்கோவில், தேனி மாவட்டப் பகுதிகளில் கேரள அரசு, சுமார் 80 ஏக்கர் பரப்பளவுகொண்ட நிலத்தைக் கையகப்படுத்தியிருப்பதாக அந்தப் பகுதி மக்கள் குற்றம்சாட்டியிருக்கின்றனர்’’ என பா.ஜ.க தலைவர் அண்ணாமலை தெரிவித்திருக்கிறார். இது தொடர்பாக அவர் வெளியிட்டிருக்கும் அறிக்கையில், "திறமையாகச் சுரண்டும் கம்யூனிஸ்ட் ஆட்சியிடம், மண்டியிடும் திறனற்ற அரசு தி.மு.க. கேரள அரசு டிஜிட்டல் நில அளவீட்டு திட்டம் `என்ட்டே பூமி' என்ற பெயரில் தமிழக-கேரள எல்லைப் பகுதிகளில் நில அளவீடு செய்து, தங்களுடைய கேரள மாநில எல்லைகளை தமிழக எல்லைக்குள் விஸ்தரித்துவருவதை, தமிழக அரசு அதிகாரிகளும், முதலமைச்சர் மு.க.ஸ்டாலினும் கண்டுகொள்ளாமல் இருப்பது மிகுந்த கவலை அளிக்கிறது.ஸ்டாலின்-பினராயி விஜயன் கேரள அரசின் அறிவிப்பின்படி, புதிய கணக்கெடுப்பு வரைபடம் முடிவடைந்தவுடன், ஒவ்வொரு நபரின் நிலத்தின் அதிகாரபூர்வப் பதிவு, கேரள எல்லைக்குள் சென்றுவிடும் ஆபத்து ஏற்பட்டிருக்கிறது. வயநாடு, காசர்கோடு, ஊட்டி, நாகர்கோவில், தென்காசி, பொள்ளாச்சி, கொடைக்கானல், குமுளி உள்ளிட்ட 13 முக்கிய எல்லை நிர்ணய மண்டலங்களில் தீவிரமாக கணக்கெடுப்பு நடத்தப்படுகிறது. இந்தத் திட்டம் 1-11-2022 அன்று தேனி மாவட்ட எல்லையில் தொடங்கப்பட்ட நிலையில், 7-11-2022 அன்றுதான், ஆழப்புழா மாவட்ட நிர்வாகத்திடமிருந்து பெறப்பட்ட கடிதத்தின் மூலம், தேனி மாவட்ட நிர்வாகத்துக்கு இந்தத் தகவல் உறுதியாகத் தெரியவருகிறது. இந்தச் செய்தியை மறுத்து, 10-11-2022 அன்று, தமிழ்நாடு வருவாய்துறைச் செயலாளர் குமார் ஜெயந்த் வெளியிட்ட செய்திக்குறிப்பில், `கேரள எல்லையில் டிஜிட்டல் முறையில் நில அளவை எதுவும் செய்யப்படவில்லை' என்று கூறியிருக்கிறார். ஆனால், எல்லைப் பகுதியில் வசிக்கும் விவசாயிகள் நில அளவை நடப்பதை உறுதி செய்திருக்கின்றனர். 17-11-2022 அன்று நாகர்கோவில், தேனி மாவட்டப் பகுதிகளிலும், கேரள அரசு, தமிழக அரசைக் கலந்தாலோசிக்காமல், சுமார் 80 ஏக்கர் பரப்பளவுள்ள நிலத்தைக் கையகப்படுத்தியிருப்பதாக அந்தப் பகுதி மக்கள் குற்றம்சாட்டியிருக்கின்றனர். இடுக்கி, தேனி எல்லையில் அமைந்திருக்கும் வரலாற்றுச் சிறப்புமிக்க, மங்கலதேவி கண்ணகி திருக்கோயிலின் நிர்வாகத்தின் தமிழக உரிமைகளில், கேரள அரசு ஏற்கெனவே தலையிடுகிறது. கேரள அரசின் தலையீட்டை தமிழக அரசு இதுவரை தடுக்கவில்லை. தமிழ் மகள் கண்ணகி திருக்கோயிலைப் பாதுகாக்க தமிழக அரசு எந்தவிதமான நடவடிக்கையும் எடுக்கவில்லை. தன்னுடைய தேசியப் பதவிகளுக்கான கனவுகளுக்காக, தமிழக முதல்வர் கண்மூடிக்கொண்டு கேரள அரசின் அத்துமீறல்களை அனுமதிக்கிறார். பினராயி விஜயனின் நட்பைப் புதுப்பித்துக்கொண்டு, மலையாளத்தில் பேசி, தமிழக நிலங்களை, மக்கள் நலன்களைக் காவு கொடுத்து, பதவி ஆசைக்காக மௌனம் காக்கிறார்.அண்ணாமலை கேரள அரசு நில அபகரிப்பு செய்வதைக் கண்டுகொள்ளாமல் இருப்பது வன்மையாகக் கண்டிக்கத்தக்கது. கேரளத்திலிருந்து கோழிக்கழிவுகளையும், மாமிசக் கழிவுகளையும், மருத்துவக் கழிவுகளையும் கொண்டு வந்து தமிழக எல்லைகளில் கொட்டுவது; தமிழகத்தின் நீர்நிலைகளைப் பாழ்படுத்துவது; தமிழகத்தின் கனிம வளங்களை, ஆற்று மணலை கடத்தல் மூலம் கொள்ளையடிப்பது என கேரள அரசின் தொடர் அத்துமீறல்கள், தமிழக நலன்களை பாதித்துக்கொண்டே இருக்கின்றன. தனிப்பட்ட அரசியல் ஆதாயங்களுக்காக, தமிழக நலன்களை பலி கொடுத்த வரலாறு தி.மு.க-வுக்கு உண்டு. ஆனால், இனியும் அதைத் தொடர தமிழக பா.ஜ.க அனுமதிக்காது. விரைவில் எல்லைப் பகுதிகளில், நானே நேரிலே சென்று ஆய்வு செய்வேன். தமிழகத்தின் ஒரு சதுர அங்குல மண்ணைக்கூட கேரள அரசு கொண்டு செல்ல தமிழக பா.ஜ.க அனுமதிக்காது.அண்ணாமலை ஆகவே, தமிழக அரசு விரைந்து நடவடிக்கை எடுத்து, இது பற்றிய ஒரு வெள்ளை அறிக்கையை மக்கள் மன்றத்தில் சமர்ப்பிக்க வேண்டும். இல்லையேல், மக்கள் சக்தியுடன் இணைந்து தமிழக எல்லையை மீட்பதற்கு தமிழக பா.ஜ.க மிகப்பெரிய போராட்டத்தை நடத்தத் தயாராக இருக்கிறது" எனத் தெரிவித்திருக்கிறார். கேரளாவில் `டிஜிட்டல் ரீ சர்வே' - குறிவைக்கப்படும் தமிழர்கள்... கவனிக்குமா தமிழக அரசு?
http://dlvr.it/SffVKt

Read More

`10-ம் வகுப்பு மாணவர்களுக்கு இனி இரண்டு செமஸ்டர் தேர்வுமுறை' - ஆந்திர அரசு முடிவுக்கு காரணம் என்ன?

ஆந்திராவின் அனைத்து அரசுப் பள்ளிகளிலும் அடுத்த கல்வியாண்டு முதல், இரண்டு செமஸ்டர் தேர்வு முறை நடைமுறைக்கு வரும் என்று அம்மாநில அரசு அறிவித்துள்ளது. இது குறித்து, டிசம்பர் 17, சனிக்கிழமையன்று அம்மாநில அரசு உத்தரவை வெளியிட்டது. அதில், ஆந்திராவின் அனைத்து அரசுப் பள்ளிகளிலும், அடுத்த கல்வியாண்டு முதல், 1-ம் வகுப்பு முதல் 9-ம் வகுப்புவரை பயிலும் மாணவர்களுக்கு இரண்டு செமஸ்டர் தேர்வுமுறை நடைமுறைக்கு வரும். 10-ம் வகுப்பு மாணவர்களுக்கு 2024 - 25-களில் இரண்டு செமஸ்டர் தேர்வுமுறை நடைமுறைக்கு வரும். தேர்வு ஆந்திராவின் அரசுப் பள்ளிகளில் 8-ம் வகுப்பு பயிலும் மாணவர்களுக்கு, சிபிஎஸ்இ பாடத்திட்டம் 2022-23-ம் கல்வியாண்டில் அறிமுகப்படுத்தப்பட்டது. அடுத்து வரவிருக்கும் இரண்டு ஆண்டுகளில் 9 மற்றும் 10-ம் வகுப்பு மாணவர்களுக்கு சிபிஎஸ்இ பாடத்திட்டம் அறிமுகப்படுத்தப்படும். இதனால் இரண்டு செமஸ்டர் தேர்வு முறை குறித்த நடவடிக்கை எடுக்கப்பட்டுள்ளது. தேசிய கல்விக்கொள்கை 2020-ஐ திறம்படச் செயல்படுத்த மாநில அரசு எடுத்துவரும் நடவடிக்கையின் ஒரு பகுதியாக இந்தப் புதிய நடைமுறை ஏற்படுத்தப்பட்டுள்ளது. இந்த இரண்டு செமஸ்டர் தேர்வுமுறை மூலமாக, மாணவர்கள் தேர்வுகளுக்கு குறைவான பாடத்திட்டத்தைப் பயில்வதால் மனஅழுத்தம் குறைவதோடு, கற்பிக்கும் கலாசாரமும் மாறும் என்று அரசு நம்பிக்கை தெரிவித்துள்ளது. சரியான ஆயுள் மற்றும் மருத்துவ பாலிசி... இளைஞர்கள் தேர்வு செய்வது எப்படி? அதோடு ஆந்திர மாநிலத்தில் உள்ள பள்ளிக் கல்வியின் அனைத்து மண்டல இணை இயக்குநர்கள், மாவட்டக் கல்வி அலுவலர்கள், சமக்ர சிக்ஷாவின் கூடுதல் திட்ட ஒருங்கிணைப் பாளர்களுக்கு இரண்டு செமஸ்டர் முறையைப் பின்பற்றும்படி அறிவுறுத்தப்பட்டுள்ளது. 
http://dlvr.it/SfbStH

Read More

மும்பை: சிறுமியை நண்பர்களுடன் சேர்ந்து கூட்டுப் பாலியல் வன்கொடுமை செய்த காதலன் - 8 பேர் கைது

மும்பை அருகில் உள்ள பால்கர் கடற்கரையோர கிராமமான மாகிமில் வசிக்கும் 16 வயது சிறுமி, அதே கிராமத்தை சேர்ந்த ஒருவரை காதலித்து வந்ததாக சொல்லப்படுகிறது. அச்சிறுமி அவரின் காதலனுடன் கடற்கரைக்கு சென்றபோது அங்குள்ள பாழடைந்த பங்களாவில் காதலன் உட்பட 8 பேர் கொண்ட கும்பலால் இரவு முழுவதும் பாலியல் வன்கொடுமை செய்யப்பட்டுள்ளார். தொடர்ந்து 15 மணி நேரம் பாலியல் வன்கொடுமை செய்யப்பட்ட நிலையில் அப்பெண்ணை அவரின் காதலன் சம்பவம் நடந்த இடத்தில் இருந்து 2 கிலோமீட்டர் தூரத்தில் கொண்டு வந்துவிட்டு சம்பவத்தை வெளியில் சொன்னால் கடும் விளைவுகளை சந்திக்க நேரிடும் என்று சொல்லி மிரட்டி அனுப்பி வைத்தார். ஏற்கனவே தங்களது மகளை இரவிலிருந்து காணவில்லை என்று அவரின் பெற்றோர் போலீஸில் புகார் செய்திருந்தனர். அதன் அடிப்படையில் போலீஸார் விசாரித்துக்கொண்டிருந்தனர்.சம்பவம் நடந்த பங்களா அப்போது, அச்சிறுமி தனது தந்தைக்கு போன் செய்து நடந்த விபரத்தை தெரிவித்தார். உடனே விரைந்து செயல்பட்டு அப்பெண்ணின் காதலனை போலீஸார் முதலில் கைது செய்தனர். அவரை கைது செய்து, அவரிடம் விசாரித்து எஞ்சிய 7 பேரையும் எளிதில் கைது செய்தனர். இது குறித்து போலீஸார் கூறுகையில், ``குற்றவாளிகள் பாலியல் வன்கொடுமை சம்பவத்தை மொபைல் போனில் பதிவு செய்து வைத்திருக்கிறார்களா என்பது குறித்து விசாரித்து வருகிறோம். பாதிக்கப்பட்ட பெண் மருத்துவ பரிசோதனைக்கு அனுப்பி வைக்கப்பட்டு இருக்கிறார். பாதிக்கப்பட்ட பெண் அவரின் காதலனுடன் பைக்கில் கடற்கரைக்கு சென்று இருக்கிறார். அவரின் காதலன் அங்கிருந்து சற்று தொலைவில் வேறு இடக்கும் பங்களாவிற்கு அழைத்து சென்றுள்ளார். அங்கு ஏற்கனவே 7 பேர் மது அருந்திக்கொண்டு பார்ட்டி நடத்திக்கொண்டிருந்தனர். அவர்கள் அனைவரும் சேர்ந்து இரவிலிருந்து மறுநாள் காலை 11 மணி வரை பாலியல் வன்கொடுமை செய்துள்ளனர். பின்னர் அழைத்து சென்று தனியாக விட்டு வந்துவிட்டனர். அப்பெண் தனது தந்தைக்கு போன் செய்து தகவலை தெரிவித்தார். உடனே அவரின் தந்தை இது குறித்து போலீஸாருக்கு தகவல் கொடுத்தார். போலீஸார் விரைந்து செயல்பட்டு அப்பெண்ணின் மொபைல் சிக்னலை வைத்து அவரை கண்டுபிடித்தனர்” என்று தெரிவித்தார்.
http://dlvr.it/SfbSl0

Read More

மும்பை: ஆளுநருக்கு எதிரான பேரணி... உத்தவ் தாக்கரே பங்கேற்பு - போட்டிப் போராட்டம் நடத்திய பாஜக

மகாராஷ்டிராவில் உத்தவ் தாக்கரே தலைமையிலான கூட்டணி அரசு கவிழ்ந்த பிறகும், காங்கிரஸ், தேசியவாத காங்கிரஸ் கூட்டணியில் உத்தவ் தாக்கரேயின் சிவசேனா நீடித்து இருக்கிறது. இக்கூட்டணி கட்சிகள் இணைந்து முதல் முறையாக சத்ரபதி சிவாஜி மகாராஜ் மற்றும் சாவித்ரிபாய் புலேவுக்கு எதிராக பேசிய ஆளுநகர் கோஷாரி, சந்திரகாந்த் பாட்டீலுக்கு எதிர்ப்பு தெரிவித்தும், வேலையில்லா திண்டாட்டம் மற்றும் கர்நாடகா எல்லை பிரச்னையை முன்வைத்தும் இன்று மும்பையில் மாபெரும் பேரணிக்கு ஏற்பாடு செய்திருந்தது. இதில் மூன்று கட்சிகளின் முன்னணி தலைவர்கள் கலந்து கொண்டனர். இப்பேரணி மகாவிகாஸ் அகாடியின் செல்வாக்கை நிரூபிக்கும் வகையில் இருந்தது. இப்பேரணி ஜெஜெ மருத்துவமனையில் தொடங்கி சத்ரபதி சிவாஜி டெர்மினஸில் முடிவடைந்தது. இப்போராட்டத்திற்கு எதிராக பாஜக போட்டி போராட்டத்திற்கு அழைப்பு விடுத்துள்ளது. பாபாசாஹேப் அம்பேத்கர் பிறந்த இடம் தொடர்பாக சர்ச்சைக்குறிய வகையில் சிவசேனா எம்.பி.சஞ்சய் ராவத் பேசியதாகவும், அக்கட்சியின் மற்றொரு தலைவர் சுஷ்மா அந்தாரே இந்து கடவுள்களை அவமதித்ததாகவும் கூறியும், அதற்கு உத்தவ் தாக்கரே தலைமையிலான சிவசேனா மன்னிப்பு கேட்கவேண்டும் என்று கோரியும் பாஜக போட்டி போராட்டத்திற்கு அழைப்பு விடுத்துள்ளது. காலை 11 மணிக்கு தாதர், தானே மற்றும் காந்திவலி ரயில் நிலையங்களுக்கு எதிரில் பாஜக சார்பாக போராட்டம் நடத்தப்பட்டது. இது குறித்து மும்பை பாஜக தலைவர் அசிஷ் ஷெலார் கூறுகையில், ``பாபாசாஹேப் அம்பேத்கர் மத்திய பிரதேசத்தில் பிறந்தார். ஆனால் அவர் மகாராஷ்டிராவில் பிறந்தார் என்று சஞ்சய் ராவுத் கூறி சர்ச்சையை ஏற்படுத்த முயற்சி செய்கிறார். இதற்கு உத்தவ் தாக்கரேயின் சிவசேனா மன்னிப்பு கேட்கவேண்டும் என்று கோரி போராட்டத்திற்கு அழைப்பு விடுத்துள்ளோம்” என்று தெரிவித்தார். சிவசேனா தலைமையிலான போராட்ட பேரணிக்கு போலீஸார் அனுமதி கொடுத்திருந்தனர். `சர்ச்சைக்குறிய வகையில் பேசவேண்டாம்' என்ற நிபந்தனையுடன் அனுமதி வழங்கப்பட்டு இருந்தது. இதன் பாதுகாப்புக்கு 2,500 போலீஸார் ஈடுபடுத்தப்பட்டிருந்தனர். எதிர்க்கட்சிகள் சார்பாக மகாவிகாஷ் அகாடியின் தலைவர்கள் உத்தவ் தாக்கரே, அஜித்பவார், சஞ்சய் ராவத், பாலாசாஹேப் தோரட், தேசியவாத காங்கிரஸ் தலைவர் சரத்பவார், அவரின் மகள் சுப்ரியா சுலே உட்பட திரளான தலைவர்கள் மற்றும் தொண்டர்கள் இப்பேரணியில் பங்கேற்றனர். இதில் பேசிய உத்தவ் தாக்கரே, `துரோகிகளுக்கு பதில் சொல்ல காவிப்புயல் கிளம்பிவிட்டது' என்று தெரிவித்தார். உத்தவ் தாக்கரேயுடன் அவரின் மனைவி ரேஷ்மி தாக்கரேயும் பங்கேற்றார். இப்போராட்டத்தில் பங்கேற்ற மாநில காங்கிரஸ் தலைவர் பாலாசாஹேப் தோரட், ``மகாராஷ்டிராவிற்கு வரவேண்டிய திட்டங்களை குஜராத்திற்கு கொடுத்து பாஜக தேர்தலில் வெற்றி பெற்று இருக்கிறது. இதனால் மகாராஷ்டிரா மக்கள் மிகவும் கோபத்தில் இருக்கின்றனர். இதற்கு மகாராஷ்டிரா மக்கள் தக்க பதிலடி கொடுப்பார்கள்” என்று தெரிவித்தார்.
http://dlvr.it/SfYHgN

Read More