ரூ.6 கோடி மதிப்பிலான போதைப்பொருள்கள் பறிமுதல்... போலீஸார் தீவிர விசாரணை - பெங்களூருவில் அதிர்ச்சி!

கர்நாடக மாநிலம், பெங்களூரு பகுதியில், புத்தாண்டு கொண்டாடுவோருக்கு விற்பனை செய்வதற்காக, போதை பொருள்கள் பதுக்கப்படுவதாக, மத்திய குற்றபுலனாய்வுத்துறை மற்றும் பெங்களூர் போலீஸாருக்கு தகவல் கிடைத்தது. இதையடுத்து, நேற்று, கொத்தனுார் பகுதியில் அடுக்குமாடி குடியிருப்பில் ஒரு வீட்டில் போலீஸார் ஆய்வு செய்த போது, ஆறு மாநிலங்களைச் சேர்ந்தவர்கள் அந்த வீட்டில் போதை பொருள்கள் பதுக்கி வைத்திருந்தது தெரியவந்தது. ஜேக்கப் வினோத், ஸ்ரீகாகுளத்தை சேர்ந்த ரமண சனாபதி, கத்ரி பகுதியை சேர்ந்த இர்பான் மற்றும் ஷேக் முகமது ஆகியோரை போலீஸார் கைது செய்தனர். அந்த வீட்டிலிருந்து, 2.5 கிலோ MDMA, 350 போதை மாத்திரைகள், 4 கிலோ கஞ்சா ஆயில், 440 கிராம் சரஸ், ஏழு கிலோ கஞ்சா ஆகியவற்றை பறிமுதல் செய்தனர். இதேபோல், ஹொம்மதேவனஹல்லி பகுதியில், அக்பு சிகே அந்தோனி என்ற நைஜீரிய நாட்டவரிடம், 250 கிராம் MDMA கைப்பற்றி அவரை கைது செய்தனர். போலீஸ் கடந்த இரண்டு நாள்களில் மட்டும், எட்டு பேரை கைது செய்து, ஆறு கோடி ரூபாய் மதிப்பிலான போதை பொருள்களை பறிமுதல் செய்திருக்கின்றனர் எனக் கூறப்படுகிறது. மேலும், இன்று காலை முதல் பெங்களூரு முழுதிலும், டிரக் மாஃபியாக்களை கண்டறிய பல இடங்களில் போலீஸார் சோதனை செய்து வருகின்றனர். பெங்களூரில் தொடர்ந்து வெளிநாட்டு போதைப்பொருள்கள் விற்பனை அதிகரித்து வருவது அதிர்ச்சியளிக்கிறது என சமூக ஆர்வலர்கள் கவலை தெரிவிக்கின்றனர்.வீடு தேடி உணவு மட்டுமல்ல, கஞ்சாவும் வரும்... அதிர்ச்சி தரும் ‘ஹைடெக்’ போதை விற்பனை!
http://dlvr.it/SgCmp9

Read More

ஒரே நேரத்துல ஏழு கோள்களும் நேர்கோட்டில்! இன்று இரவு நீங்க கூட பாக்கலாம்! எப்படி தெரியுமா?

பிரபஞ்சத்தின் ஓர் அதிசய மற்றும் சுவாரஸ்யமான நிகழ்வொன்று, நேற்று நள்ளிரவு நடைபெற்றுள்ளது. அது இன்றும் நள்ளிரவில் நடக்குமாம்! அப்படி என்ன நிகழ்வு தெரியுமா அது? அதாவது நம் பூமி இருக்கும் சூரிய குடும்பத்தில் இடம்பெற்றுள்ள அனைத்து கோள்களும், இரவு ஒன்றாக ஒரேநேரத்தில் தெரியும்! ஆம், நீங்கள் வாசித்தது உண்மைதான்… இன்று நம் சூரிய குடும்பத்தின் அனைத்துக்கோள்களும் ஒன்றாக வானில் ஜொலிக்கப்போகின்றன. இது நேற்றும் நள்ளிரவில் வானில் வந்துள்ளது. இவற்றில் சூரியனில் இருந்து சற்று தொலைவிலுள்ள கோள்களான யுரேனஸ் (Uranus) மற்றும் நெப்ட்யூன் (Neptune) ஆகியவை டெலஸ்கோப் அல்லது பைனாகுலர் மட்டுமே பார்க்க முடிந்தவையாகவும், புதன் (Mercury), வெள்ளி (Venus), செவ்வாய் (Mars), வியாழன் (Jupiter), சனி (Saturn) ஆகியவற்றை எந்த சாதனத்தின் உதவியுமின்றி வெறும் கண்களால் ஒரேநேரத்தில் பார்க்க முடிந்தவையாகவும் நேற்று இருந்துள்ளன, இன்றும் இருக்கப்போகின்றன! வானியலாளர் டாக்டர் ஜியான்லுகா மாசி என்பவர், இவற்றில் வெறும் கண்களால் பார்க்க உகந்த 5 கோள்களின் புகைப்படத்தை பகிர்ந்துள்ளார். இவர் அவற்றை இத்தாலியின் ரோம் நகரிலுள்ள தன் வீட்டின் மொட்டை மாடியில் வைத்து எடுத்திருக்கிறார். Mirabile parata planetaria nel cielo del tramonto. Ultimissimi giorni per approfittarne. Ecco alcune mie fotografie di ieri da Roma. pic.twitter.com/Ryek1rOd6Q — Gianluca Masi (@masi_gianluca) December 29, 2022 பிற வானியலாளர்கள் சிலர் சாதனங்களின் உதவியுடன் கிடைத்த புகைப்படங்களை பகிர்ந்துள்ளனர். இவற்றை, Planet Parade அதாவது கோள்களின் அணிவகுப்பு என்கின்றனர் வானியலாளர்கள். தென்மேற்கிலிருந்து கிழக்கு திசையில் வெள்ளி, புதன், சனி, வியாழன், செவ்வாய் என வரிசையாக அவை இருந்துள்ளது. இவை ஏழு கோள்களும் இன்றும் நள்ளிரவில் (நாளை அதிகாலை 2.30 மணியளவில்) தெரியுமென்று சொல்லப்படுகிறது. (குறிப்பு: யுரேனஸ், நெப்ட்யூன் மட்டும் டெலஸ்கோப் அல்லது பைனாகுலராலேயே பார்க்க முடியும்!) இதை காண விரும்புவோர், இன்று நள்ளிரவில் வானில் மேற்கு திசையின் அடிப்பகுதியில் இருந்து கவனமாக பாருங்கள். அங்கிருந்து அப்படியே ஒவ்வொரு கோளும் ஒரேநேரத்தில் உங்களுக்கு தெரியும். இதுபோன்ற நிகழ்வுகள் 2 வருடங்களுக்கு ஒருமுறை நிகழுமென ஆய்வாளர்கள் தெரிவித்து வருகின்றனர். இதுபோன்று எல்லா கோள்களும் அருகருகே ஒன்றாக தெரிகையில், பிற கோள்கள் பற்றி நம்மால் அதிகம் தெரிந்துக்கொள்ள முடியுமென சொல்லப்படுகிறது. இதில் வானின் வெளிச்சமான பகுதியில் இருப்பதால் புதன் கோளை அவ்வளவு சாதாரணமாக நம்மால் காண இயலாது. சற்று ஒளிபொருந்தியதாக இது இருக்குமென்பதால், ஓரளவு காணலாம்; ஒருவேளை உரிய சாதனங்கள் பயன்படுத்தினால் வெள்ளி கோளுக்கு அருகே புதனை ஒளிவீசும் இடத்தில் காணலாம்! இப்படியே அடுத்தடுத்து கிழக்கு திசையில் அனைத்து கோள்களும் இருக்குமென சொல்லப்பட்டுள்ளது. அதில் வியாழன் கோள்தான் இருப்பதிலேயே உயரமான இடத்தில் நமக்கு தெரியுமாம். தெற்கு பகுதி வானில் இது மிகவும் பிரகாசமாக ஒளிவீசும் என கூறப்பட்டுள்ளது. சனி கோள், தங்கம் போன்ற நிறத்தில் தென்மேற்கு திசையில் தெரியுமென சொல்லப்பட்டுள்ளது. செவ்வாய் கோள் சிவப்பு நிறத்தில் இருக்குமாம்!
http://dlvr.it/Sg9ygK

Read More

இந்தியா: ஒரே ஆண்டில் ஒன்றரை லட்சம் பேர் சாலை விபத்துக்களில் மரணம் -அதிர்ச்சி தரும் அறிக்கை

கடந்த 2021-ஆம் ஆண்டில் நாட்டில் 1 லட்சத்து 53 ஆயிரத்து 972 பேர் சாலை விபத்தில் உயிரிழந்துள்ளனர் என்ற அதிர்ச்சி தகவல் வெளியாகி உள்ளது. மத்திய சாலைப் போக்குவரத்து மற்றும் நெடுஞ்சாலைத் துறை அமைச்சகம் 'இந்தியாவின் சாலை விபத்துகள் -2021' என்ற தலைப்பில் வெளியிட்டுள்ள புள்ளிவிவர அறிக்கையில், நாட்டில் 2021ஆம் ஆண்டில் 4,12,432 சாலை விபத்துக்கள் நிகழ்ந்துள்ளன, இதில் 1,53,972 பேர் உயிரிழந்து உள்ளனர் மற்றும் 3,84,448 பேர் காயமடைந்துள்ளனர் என்ற அதிர்ச்சி தகவல் வெளியாகி உள்ளது. 2019 ஆம் ஆண்டை விட 2021 ஆம் ஆண்டில் சாலை விபத்துக்கள் 8.1 சதவிகிதமாகவும், காயங்கள் 14.8 சதவிகிதமாக குறைந்துள்ளது என தெரிவிக்கப்பட்டுள்ளது. இருப்பினும், சாலை விபத்துகளால் ஏற்படும் இறப்புகள் 2019 ஆம் ஆண்டின் இதே காலகட்டத்துடன் ஒப்பிடுகையில் 2021 ஆம் ஆண்டில் 1.9 சதவிகிதம் அதிகரித்துள்ளது. 2020இல் நாட்டில் நிகழ்ந்துள்ள சாலை விபத்துக்கள், இறப்புகள் மற்றும் காயங்கள் முன்னெப்போதும் இல்லாத அளவிற்கு குறைந்துள்ளதாக அறிக்கையில் குறிப்பிடப்பட்டுள்ளது. அந்த ஆண்டில் கொரோனா பரவல் காரணமாக நாடு முழுவதும் அமல்படுத்தப்பட்ட பொதுமுடக்கம் காரணமாக விபத்துக்கள் குறைந்திருக்கலாம் என தெரிவிக்கப்பட்டுள்ளது.   மேலும் இந்த அறிக்கையின்படி, 2021-ம் ஆண்டில் ஹெல்மெட் அணியாததால் 93,763 பேர் காயமடைந்துள்ளனர் மற்றும் சீட் பெல்ட் அணியாததால் 39,231 பேர் காயமடைந்துள்ளனர் என தெரிவிக்கப்பட்டுள்ளது.சராசரியாக நாட்டில் ஒவ்வொரு நாளும் 1,130 விபத்துக்கள் மற்றும் 422 இறப்புகள் பதிவாகிறது. அதுபோல ஒவ்வொரு மணிநேரமும் 47 விபத்துக்கள் மற்றும் 18 இறப்புகளும் பதிவாகின்றன. 2021-ம் ஆண்டில் 18-45 வயதுக்குட்பட்டவர்கள் பாதிக்கப்பட்டவர்களில் 67.6 சதவிகிதமாக உள்ளனர். அதே நேரத்தில் 18-60 வயதுடையவர்கள் மொத்த சாலை விபத்தில் உயிரிழப்பவர்களில் 84.5 சதவிகிதமாக உள்ளனர். 2021-ம் ஆண்டில், நாட்டில் பதிவான 4,12,432 விபத்துகளில், 1,28,825 விபத்துகள் (31.2 சதவீதம்) தேசிய நெடுஞ்சாலைகளில், 96,382 விபத்துகள் (23.4 சதவீதம்) மாநில நெடுஞ்சாலைகளிலும், மற்ற சாலைகளில் 1,87,225 விபத்துகளும் (45.4 சதவீதம்) நடந்துள்ளன. ஆசியா பசிபிக் சாலை விபத்தின் கீழ் ஐக்கிய நாடுகளின் ஆசியா மற்றும் பசிபிக் பொருளாதார மற்றும் சமூக ஆணையம் வழங்கிய தரவுகள் அடிப்படையில் சேகரிக்கப்பட்ட மாநிலங்கள் மற்றும் யூனியன் பிரதேசங்களின் காவல் துறைகளிடமிருந்து பெறப்பட்ட தரவுகள் மற்றும் தகவல்களின் அடிப்படையில் இந்த அறிக்கை தயாரிக்கப்பட்டு வெளியிடப்பட்டுள்ளது.உலக சுகாதார அமைப்பின் கூற்றுப்படி, உலகம் முழுவதும் சாலைகளில் உயிரிழக்கும் பத்தில் ஒருவர் இந்தியாவைச் சேர்ந்தவர் ஆவார்.
http://dlvr.it/Sg9yX4

Read More

`பி.எஃப் 7 கொரோனா பாதிப்புக்கு இலவச சிகிச்சை!’ - வழிகாட்டலை வெளியிட்ட கர்நாடக அரசு

கொரோனா வைரஸ் தொற்றின் புதிய திரிபான பி.எஃப் 7 மூலம் பாதிக்கப்பட்டவர்களுக்கு இலவசமாக சிகிச்சை அளிக்கப்படும் என்று கர்நாடக அரசு தெரிவித்துள்ளது. சீனாவில் உருமாற்றமடைந்த கொரோனா வைரஸின் புதிய திரிபு, உலக நாடுகளில் பரவி வருகிறது. பி.எஃப்.7 என்று பெயரிடப்பட்டுள்ள இந்த வைரஸ் திரிபு, இந்தியாவிலும் கண்டறியப்பட்டுள்ளது. இதையடுத்து மத்திய மற்றும் மாநில அரசுகள், மீண்டும் தொற்றுப் பரவல் தடுப்பு நடவடிக்கைகளை முழுவீச்சில் தொடங்கியுள்ளன. அந்த வகையில், அண்டை மாநிலமான கர்நாடகாவில் பொது இடங்களில் முகக்கவசம் அணிவது கட்டாயமாக்கப்பட்டுள்ளது. தற்போது, புதுவகை வைரஸால் பாதிக்கப்பட்டவர்களுக்கு சிகிச்சை இலவசமாக அளிக்கப்படும் என்று, அம்மாநில அரசு அறிவித்துள்ளது. கர்நாடக அரசு இதுகுறித்து செய்தியாளர்களிடம் பேசிய கர்நாடக மாநில வருவாய்த்துறை அமைச்சர் ஆர்.அசோகா, பெங்களூரில் உள்ள விக்டோரியா மருத்துவமனையும், மங்களூருவில் உள்ள வென்லாக் மருத்துவமனையும் புதுவகை கொரோனா வைரஸ் பாதித்தவர்களுக்கு சிகிச்சையளிக்க ஒதுக்கப்பட்டுள்ளதாகக் கூறினார். புத்தாண்டு கொண்டாட்டங்களின் போது பொதுமக்கள் பின்பற்ற வேண்டிய கோவிட்-19 வழிகாட்டுதல்களை வெளியிட்ட பின்னர், அமைச்சர் இந்த அறிவிப்பை வெளியிட்டார். புதிய வழிகாட்டுதலின்படி, கர்நாடகாவில் பார்கள், பப்கள் மற்றும் உணவகங்கள் உட்பட அனைத்து பொது இடங்களிலும் முகக்கவசம் கட்டாயமாக்கப்பட்டுள்ளது. மேலும், புத்தாண்டு கொண்டாடுவதற்கு ஜனவரி 1-ம் தேதி அதிகாலை 1 மணி வரை மட்டுமே அனுமதி அளிக்கப்படும். கோவிட்-19 தடுப்பூசியின் இரண்டு டோஸ்களையும் எடுத்துக் கொண்டவர்கள் மட்டுமே இந்த இடங்களுக்குள் நுழைய அனுமதிக்கப்படுவார்கள். பண்டிகைக் காலங்களில் மக்கள் நெரிசலைத் தவிர்க்கும்படி நிறுவனங்களுக்கு உத்தரவிடப்பட்டுள்ளது. திரையரங்குகளில் முகக்கவசம் அணிவதும் கட்டாயமாக்கப்பட்டுள்ளது.கொரோனா வார்டு பொது இடங்களில் இனி முகக்கவசம் கட்டாயம்... கொரோனா பரவலைத் தடுக்க கர்நாடகா அரசு அதிரடி முடிவு! சந்தேகத்திற்கிடமான கொரோனா நோயாளிகள் அனைவரும் பெங்களூரில் உள்ள பௌரிங் மருத்துவமனையிலும், மங்களூருவில் உள்ள வென்லாக் மருத்துவமனையிலும் கண்காணிப்பு மற்றும் சிகிச்சைக்காக அனுமதிக்கப்பட்டு தனிமைப்படுத்தப்படுவார்கள். புதிய வகை கொரோனா தொற்று பாதித்த அனைவருக்கும் இந்த இரண்டு மருத்துவமனைகளில் இலவச சிகிச்சை அளிக்கப்படும். இது தவிர, ஒவ்வொரு மாவட்டத்திலும் மருத்துவமனைகளில் தொற்றுக்கு சிகிச்சை அளிக்க தயார்நிலை, ஆக்சிஜன் சிலிண்டர்களின் நிலை மற்றும் ஐசியூ வென்டிலேட்டர்களின் செயல்பாடுகளை மேற்பார்வையிட, மாவட்டந்தோறும் உயர்மட்டக்குழு ஒன்று அமைக்கப்பட்டுள்ளது என, கர்நாடக வருவாய்த்துறை தெரிவித்துள்ளது.
http://dlvr.it/Sg7bKt

Read More

முல்லை பெரியாறு அணை நீர்மட்டம் 142 அடியை எட்டியது; உச்ச நீதிமன்றத் தீர்ப்புக்குப் பின் இது 5வது முறை

முல்லை பெரியாறு அணை நீரை நம்பி தமிழகத்தில் 2,57,000 ஏக்கர் விவசாயம் செய்யப்பட்டு வருகிறது. விவசாயம் மட்டுமல்லாது தேனி, திண்டுக்கல், மதுரை உட்பட 5 மாவட்ட மக்களின் குடிநீர் ஆதாரமாகவும் இருந்து வருகிறது. லோயர் கேம்ப் முல்லை பெரியாறு முல்லைப்பெரியாறு... அணை திறக்கும் உரிமையை விட்டுக்கொடுத்ததா தமிழகம்? - கொந்தளிக்கும் விவசாயிகள்! 1979 முதல் அணை பலவீனமாக உள்ளது எனக் கூறி கேரள தரப்பில் எதிர்ப்பு தெரிவிக்கப்பட்டு வருகிறது. இதற்கிடையே பல்வேறு சட்டப்போராட்டங்களுக்குப் பிறகு, 2014-ம் ஆண்டு வழங்கப்பட்ட உச்ச நீதிமன்ற உத்தரவுக்குப் பின் 2014, 2015, 2018 ஆகிய ஆண்டுகளில் அணையில் 142 அடி நீர் தேக்கப்பட்டது. இதையடுத்து கடந்த ஆண்டு 4-வது முறையாக 142 அடியை எட்டியது.  அணையின் நீர்ப்பிடிப்புப் பகுதிகளில் கடந்த ஒரு மாதமாகத் தொடர்மழை பெய்தது. இதனால் அணைக்கு நீர்வரத்து அதிகமாக இருந்தது. அதன் காரணமாக அணையின் நீர்மட்டம் விரைவாக உயர்ந்தது. தற்போது 5-வது முறையாக அணை 142 அடியை எட்டியுள்ளதால், தமிழக விவசாயிகள் மிகவும் மகிழ்ச்சி அடைந்துள்ளனர். இதன்மூலம் அணையின் உறுதித் தன்மையும் மீண்டும் நிரூபித்து காட்டப்படும் என்று தேனி மாவட்ட விவசாயிகள் மகிழ்ச்சியுடன் தெரிவித்துள்ளனர்.முல்லை பெரியாறு அணைமுல்லைப்பெரியாறு அணை: `பாதுகாப்பில்லை என்றால் இடுக்கி மாவட்டத்தைத் தமிழகத்திடம் கொடுங்கள்!' - சீமான் இதற்கிடையே தேனி மாவட்டத்தில் உள்ள முல்லை பெரியாற்றின் கரையோரம் வசிக்கும் மக்களுக்கு வெள்ள அபாய எச்சரிக்கை விடப்பட்டுள்ளது. இதேபோல, கேரள மாநிலத்தில் முல்லை பெரியாறு முதல் இடுக்கி அணை வரை உள்ள வண்டிப்பெரியாறு, சப்பாத்து உள்ளிட்ட கரையோரப் பகுதிகளுக்கும் மூன்றாம் கட்ட வெள்ள அபாய எச்சரிக்கை விடப்பட்டுள்ளது. பாலார்பட்டி மக்கள்``முல்லைப்பெரியாறு அணைப் பிரச்னையில் முதல்வர் மெளன விரதத்தைக் கலைப்பாரா?" - ஆர்.பி.உதயகுமார் காட்டம் அணையின் நீர்மட்டம் 142 அடி உயர்ந்ததை வரவேற்கும் விதமாக தேனி மாவட்ட விவசாய சங்கத்தினர் இனிப்புகள் வழங்கி மகிழ்ச்சியை வெளிப்படுத்தினர். ஆண்டுதோறும் முல்லை பெரியாறு அணை கட்டிய ஜான் பென்னி குவிக் பிறந்தநாள் விழாவின்போது பொங்கல் வைத்து பாலார்பட்டி மக்கள் கொண்டாடுவது வழக்கம். அவர்கள் இப்போது முல்லை பெரியாறு ஆற்றில் மலர்களைத் தூவி வரவேற்றனர்.
http://dlvr.it/Sg52LC

Read More

ரீவைண்ட் 2022: பிரிட்டன் ரிஷி; பஞ்சாப் மான்; மேயர் பிரியா... உள்ளூர் டு சர்வதேச தேர்தல்கள்

இத்தாலி அதிபர் தேர்தல் 2022 7 ஆண்டுகளுக்கு ஒருமுறை நடக்கும் இத்தாலி அதிபர் தேர்தல் இந்த ஆண்டு ஜனவரி மாதம் 24 முதல் 29-ம் தேதி வரை நடைபெற்றது. நடந்து முடிந்த அதிபர் தேர்தலில், செர்ஜியோ மேட்டரெல்லா (Sergio Mattarella) ஜனநாயக கட்சியின் ஆதரவோடு வெற்றி பெற்றார். பெரும்பான்மையை நிருபிக்க 505 வாக்குகள் தேவைப்படும் நிலையில், 756 வாக்குகளைப் பெற்று அதிபர் தேர்தலில் வெற்றி பெற்றார் செர்ஜியோ மேட்டரெல்லா. இவர் வாங்கிய வாக்குகளின் சதவிகிதம் 75.22 ஆகும். இவர், இரண்டாவது முறையாக அதிபர் பதவியில் தொடர்கிறார் என்பது குறிப்பிடத்தக்கது. அதுமட்டுமில்லாமல், தொடர்ச்சியாக இரண்டு முறை வெற்றி பெற்று அதிபராக பதவியேற்ற முதல் இத்தாலி அதிபரும் இவரே ஆவார்.செர்ஜியோ மேட்டரெல்லா இத்தாலி பிரதமர் தேர்தல் 2022 இத்தாலியின் பொருளாதார நிலை மோசமடைந்ததையடுத்து, அந்த நாட்டின் ஆளும் கட்சிக்கு கடும் நெருக்கடி ஏற்பட்டது. அதன் காரணமாக இத்தாலியின் பிரதமராக இருந்த, மரியோ டிராகி (Mario Draghi) பதவி விலகினார். அதனையடுத்து, இத்தாலிக்கு புதிய பிரதமரை தேர்வு செய்வதற்கான தேர்தல் செப்டம்பர் 25-ம் தேதி நடைபெற்றது. இந்த தேர்தலில் சுமார் 64 சதவிகித வாக்குகள் பதிவாகின. அவற்றில் 26 சதவிகித வாக்குகளைப் பெற்று வெற்றி பெற்றார் தேசிய சகோதரத்துவக் கட்சியின் தலைவரான ஜியார்ஜியா மெலோனி (Giorgia Meloni). இவரே இத்தாலியின் முதல் பெண் பிரதமர் ஆவார். அதுமட்டுமில்லாமல், இரண்டாம் உலகப்போருக்கு பின்பாக, தீவிர வலதுசாரி கட்சியின் ஆதரவுடன் ஆட்சி அமைவது இதே முதல்முறையாகும். பிலிப்பைன்ஸ் அதிபர் தேர்தல் 2022 பிலிப்பைன்ஸின் 17-வது அதிபர் தேர்தல் இந்த ஆண்டு மே 9-ம் தேதி நடைபெற்றது. இந்தத் தேர்தலில் 67 லட்சம் வாக்காளர்கள், வாக்களித்தனர். ஆறு வருடங்களுக்கு ஒரு முறை பிலிப்பைன்ஸில் அதிபர் தேர்தல் நடைபெறும். களத்தில் 10 வேட்பாளர்கள் இருந்தபோதிலும், 58.77 சதவிகித வாக்குகளைப் பெற்று வெற்றி பெற்றார் பிலிப்பைன்ஸ் பெடரல் கட்சியை சேர்ந்த பாங்பாங் மார்கோஸ் (Bongbong Marcos). 27.94 சதவிகிதவாக்குகளைப் பெற்று இரண்டாம் இடத்தை பிடித்தார் சுயேச்சை வேட்பாளர் Leni Robredo (லெனி ராப்ரெட்டோ). மற்ற 8 வேட்பாளர்களுமே, ஒற்றை இலக்க சதவிகித் வாக்குகளையே பெற்றனர்.‌ பாங்பாங் மார்கோஸின் தந்தை சுமார் 20 ஆண்டுகளாக, பிலிப்பைன்ஸை ஆட்சி செய்திருக்கிறார். அப்போது நீதிமன்றங்கள், வணிகங்கள், ஊடகங்கள் என அனைத்தும் அவரின் கட்டுப்பாட்டில் இருந்திருக்கிறது. அவர் சர்வாதிகார ஆட்சி முறையை பின்பற்றினார் எனக் கூறப்படுகிறது. துணை அதிபருக்கான தேர்தலில் லெனி ராப்ரெட்டோவிடம் தோல்வியடைந்த பாங்பாங் மார்கோஸ், அதிபர் தேர்தலில் லெனி ராப்ரெட்டோவை தோற்கடித்து, ஆட்சியை கைப்பற்றியது குறிப்பிடத்தக்கது.பாங்பாங் மார்கோஸ் தென் கொரியா அதிபர் தேர்தல் 2022 தென் கொரியாவில் 5 ஆண்டுகளுக்கு ஒரு முறை அதிபர் தேர்தல் நடைபெறுவது வழக்கம். அந்த வகையில், 20-வது அதிபருக்கான தேர்தல் இந்த ஆண்டு மார்ச் 9-ம் தேதி நடைபெற்றது. தேர்தல் முடிவுகள் மார்ச் 10-ம் தேதி வெளியிடப்பட்டது. 12 வேட்பாளர்கள் களத்தில் இருந்த போதும், அரசியலுக்கு புதுமுகமான, மக்கள் சக்தி கட்சியைச் சேர்ந்த யூன் சுக் யூல் (Yoon Suk - Yeol) 0.8 சதவிகித வாக்கு வித்தியாசத்தில் வெற்றி பெற்றார். இவர் முந்தைய அதிபர் மூன் ஆட்சியில் அரசு வழக்கறிஞராக வேலை பார்த்தார் (2019 - 2021). ஜனநாயக கட்சியைச் சேர்ந்த Lee Jae - myung (லீ ஜே - மியுங்) ஒரு சதவிகிதத்துக்கும் குறைவான வாக்கு வித்தியாசத்தில் தோல்வி அடைந்தார். இவர், முன்னாள் ஜியோங்கி (Gyeonggi ) மாகாணத்தின் கவர்னராக பணியாற்றியவர் . யூன் சுக் யூல், 48.6 சதவிகித வாக்குகளை பெற்றிருந்தார். லீ ஜே - மியுங், பெற்றிருந்த வாக்குகளின் சதவிகிதம் 47.8 ஆகும். இந்த தேர்தலில் வாக்களிக்க தகுதியானவர்களின் எண்ணிக்கை 4 கோடியே 40 லட்சம் ஆகும். அதில் 3 கோடியே 40 லட்சம் வாக்காளர்கள், இந்த தேர்தலில் வாக்களித்திருக்கின்றனர். இந்திய ஜனாதிபதி தேர்தல் 2022 இந்தியாவின் முதல் குடிமகன் என்று அறியப்படும் ஜனாதிபதி, பதவிக்கான தேர்தல் ஜூலை 15, 2022-ல் நடைபெற்றது. இந்தியாவின் 14 வது ஜனாதிபதியான ராம்நாத் கோவிந்தின் பதவிக்காலம் ஜூலை 24 -வுடன் முடிவடைந்த நிலையில், 15-வது ஜனாதிபதியை தேர்ந்தெடுப்பதற்கான தேர்தல் அறிவிக்கப்பட்டது. இந்த தேர்தலில், பா.ஜ.க கூட்டணி சார்பில் 64 வயது நிரம்பிய திரௌபதி முர்மு போட்டியிட்டார். எதிர்க்கட்சிகளின் பொது வேட்பாளராக யஷ்வந்த் சின்ஹா போட்டியிட்டார். தேர்தல் ஜூலை 18-ம் தேதி நடைபெற்றநிலையில், முடிவுகள் ஜூலை 21-ம் தேதி வெளியிடப்பட்டன. நடந்து முடிந்த தேர்தலில் பா.ஜ.க கூட்டணி வேட்பாளரான திரௌபதி முர்மு (6,76,803) வெற்றிபெற்றிருக்கிறார். தன்னை எதிர்த்து போட்டியிட்ட எதிர்க்கட்சிகளின் பொது வேட்பாளர் யஷ்வந்த் சின்ஹாவை (3,80,177) விட 2,96,626 வாக்கு மதிப்புகள் அதிகம் பெற்று வெற்றி வாகை சூடியிருக்கிறார். திரௌபதி முர்மு, இந்தியாவின் இரண்டாவது பெண் ஜனாதிபதி மற்றும் முதல் பழங்குடியினத்தைச் சேர்ந்த ஜனாதிபதி என்பது குறிப்பிடத்தக்கது.திரௌபதி முர்மு இலங்கை அரசியல் குழப்பம்: தீவு தேசமான இலங்கையில்,  அரசின் தவறான பொருளாதார கொள்கையின் காரணமாக, இந்த ஆண்டு கடுமையான பொருளாதார நெருக்கடியை சந்தித்தது. மக்கள், தங்களின் அடிப்படைத் தேவைகளை கூட பூர்த்தி செய்து கொள்ள முடியாத நிலை ஏற்பட்டது. இலங்கையிடம், அமெரிக்க டாலர் கையிருப்பு இல்லாததால் கச்சா எண்ணெய் போன்ற அத்தியாவசிய பொருள்களை இறக்குமதி செய்ய முடியாத நிலை ஏற்பட்டதால், மக்கள் வீதியில் இறங்கி போராட தொடங்கினர். "கோத்தபய ராஜபக்சே பதவி விலக வேண்டும்" என்ற குரல் போராட்டக்காரர்கள் மத்தியில் வலுவாக எழுந்தது. இதனால் ஆளும் ராஜபக்சே குடும்பத்தாருக்கு பெரும் நெருக்கடி ஏற்பட்டது. ஜூலை 9-ம் தேதி, அதிபர் மாளிகைக்குள் பாதுகாப்புகளை மீறி மக்கள் நுழைந்தனர். "தீர்வு கிடைக்கும் வரை மாளிகையை விட்டு வெளியேற மாட்டோம்" என்று மக்கள் திட்டவட்டமாக கூறியதையடுத்து தன்னுடைய அதிபர் பதவியை ராஜினாமா செய்தார் கோத்தபய ராஜபக்சே. அதன்பின் நடந்த அரசியல் குழப்பங்கள், பல கட்ட ஆலோசனைகளின் விளைவாக, ஜூலையில், புதிய அதிபரை தேர்ந்தெடுப்பதற்காக இலங்கை நாடாளுமன்றம் கூடியது. மொத்தம் உள்ள 225 வாக்காளிக்க தகுதி பெற்ற உறுப்பினர்களுள், 134 உறுப்பினர்கள் ரணில் விக்கிரம சிங்கவுக்கு ஆதரவளித்ததால், அவர் இலங்கையின் அடுத்த பிரதமராக பதவி ஏற்று கொண்டார். மேலும் 2024-ம் ஆண்டு நவம்பர் மாதம் வரை ரணில் விக்ரமசிங்க, அதிபர் பதவியில் நீடிப்பார் எனவும் தெரிவிக்கப்பட்டிருக்கிறது.ரணில் விக்ரமசிங்க பிரிட்டன் பிரதமர் தேர்தல் 2022 கடந்த ஜூலை 7-ம் தேதி, பிரிட்டனின் கன்சர்வேட்டிவ் கட்சியின் தலைவர் பதவியில் இருந்து போரிஸ் ஜான்சன் ராஜினாமா செய்தார் என்ற செய்தி வெளியானது. கொரோனா காரணமாக நாட்டில் நிலவிய பொருளாதார நெருக்கடி, ஊழல் குற்றச்சாட்டுகளால் போரிஸ் ஜான்சன் இனி ஆட்சியிலிருக்க தகுதியற்றவர் என்று அமைச்சர்கள் மற்றும் அவரின் சொந்த கட்சியின் ஒருபுறம் குற்றம்சாட்டியிருந்தனர். இதையடுத்து, பிரதமர் பதவியை ராஜினாமா செய்தார் போரிஸ் ஜான்சன். அதன் பிறகு நடந்த தேர்தலில் வெற்றி பெற்று பிரதமராக பதவியேற்றார் லிஸ் ட்ரஸ் (LIZ TRUSS). அவரும் அடுத்த ஆறு வார காலங்களில், தன் பிரதமர் பதவியை ராஜினாமா செய்தார். அதன் பின்பு,  எம்.பிகள் மற்றும் சொந்த கட்சியினரின் ஆதரவோடு, பிரதமர் பதவியை எட்டிப் பிடித்தார் இந்திய வம்சாவளியை சேர்ந்தவர் ரிஷி சுனக். அக்டோபர் 28-ம் தேதி, ரிஷி சுனக் பிரதமராக பதவியேற்றுக்கொண்டார். இவர், 2015-ம் எம்.பி யாகவும், 2020-ம் ஆண்டு மோரிஸ் ஜான்சன் அமைச்சரவையில் நீதித்துறை அமைச்சராகவும் பதவி வகித்திருக்கிறார். ரிஷி சுனக் பிரிட்டன் நாட்டின் இளமையான பிரதமராவார். ரிஷி சுனக் உத்தரப்பிரதேச சட்டமன்றத் தேர்தல் 2022 இந்தியாவின் மிகப்பெரிய மாநிலமான உத்தரப்பிரதேசத்தில், சட்டப்பேரவை தொகுதிகளின் எண்ணிக்கை 403. உத்தரப்பிரதேச சட்ட மன்றத்துக்கான தேர்தல் கடந்த பிப்ரவரி 10 முதல் மார்ச் 7 வரை 7 கட்டங்களாக நடைபெற்றது. தேர்தல் முடிவுகள் மார்ச் 10-ம் தேதி வெளியாகின. இந்த தேர்தலில், பா.ஜ.க 255-இடங்களில் வெற்றி பெற்றிருக்கிறது. சமாஜ்வாடி கட்சி 111 இடங்களில் வெற்றி பெற்றிருக்கிறது. மேலும், பகுஜன் சமாஜ்(1), காங்கிரஸ் (2) போன்ற கட்சிகள் மிகவும் சொற்பனமான இடங்களில் மட்டுமே வெற்றி பெற்றது. இந்த முறையும், யோகி ஆதித்யநாத் முதல்வராக பதவியேற்று கொண்டார். கடந்த 2017-ம் ஆண்டு நடைபெற்ற தேர்தலில் பா.ஜ.க கூட்டணி 312 இடங்களிலும், சமாஜ்வாடி கட்சி 47 இடங்களிலும், பகுஜன் சமாஜ் கட்சி 17 இடங்களிலும், அப்னா தளம் (சோனேலால்) ஒன்பது இடங்களிலும், இந்திய தேசிய காங்கிரஸ் ஏழு இடங்களிலும் வெற்றிபெற்றிருந்தது. கடந்த தேர்தலை விட இந்த தேர்தலில் சமாஜ்வாடி கட்சியின் கைகள் சற்றே ஓங்கி இருந்தது என்பது குறிப்பிடத்தக்கது. யோகி ஆதித்யநாத் கோவா சட்டமன்றத் தேர்தல் 2022 40 உறுப்பினர்களைக் கொண்ட கோவா சட்டசபைக்கான தேர்தல் கடந்த பிப்ரவரி மாதம் 14-ம் தேதி ஒரே கட்டமாக நடந்தது. தேர்தல் முடிவுகள் மார்ச் 10-ம் தேதி அறிவிக்கப்பட்டன. நடந்து முடிந்த சட்டசபை தேர்தலில்  20 தொகுதிகளில் வெற்றி பெற்று ஆட்சியை தக்க வைத்துக் கொண்டது பா.ஜ.க. காங்கிரஸ் 11 தொகுதிகளையும், ஆம் ஆத்மி 2 தொகுதிகளையும் கைப்பற்றின. 2012 நடந்த சட்டசபை தேர்தலில், பா.ஜ.க ஆட்சியை கைப்பற்றியது. மனோகர் பாரிக்கர் முதல்வர் அரியணை ஏறினார். அதன் பின்பு மனோகர் பாரிக்கர், பாதுகாப்புத் துறை அமைச்சராக தேர்வான பின்னர், முதல்வர் பதவியை ராஜினாமா செய்தது குறிப்பிடத்தக்கது.  2019-ல் நடந்த சட்டசபை தேர்தலில், காங்கிரஸ் 17 தொகுதிகளை கைப்பற்றிய நிலையில், பா.ஜ.க 13 தொகுதிகளில் மட்டுமே வெற்றி பெற்றிருந்தது. தனிப்பெரும்பான்மை எந்த கட்சிக்கும் கிடைக்கவில்லை. காங்கிரஸ் தனிப்பெரும் கட்சியாக கோவாவில் உருவெடுத்த நிலையில், தேர்தலுக்குப் பிந்தைய கூட்டணியை அமைத்து, ஆட்சி அமைத்தது பாஜக. 2019ல், மனோகர் பாரிக்கரின் (Manohar Parrikar) மறைவுக்குப் பிறகு முதல்வராக தேர்வு செய்யப்பட்ட பிரமோத் சாவந்த் (Pramod Sawant), தற்போதும் முதல்வர் அரியணையில் தொடர்கிறார். கோவாவை பொருத்தவரை காங்கிரஸ் மற்றும் பா.ஜ.க ஆகிய இரண்டு கட்சிகளுமே, சம பலம் பொருந்திய கட்சிகளாகவே பார்க்கப்படுகிறது.கோவா முதல்வர் பிரமோத் சாவந்த் உத்தரகாண்ட்  சட்டமன்றத் தேர்தல் 2022 அரசியலில் பரபரபுக்கு பஞ்சம் இல்லாத மாநிலம் தான் உத்தரகாண்ட். அந்த மாநிலத்தில் மொத்தமுள்ள 70 தொகுதிகளுக்கும் கடந்த பிப்ரவரி 14-ம் தேதி ஒரே கட்டமாகத் தேர்தல் நடைபெற்றது. அதோடு, வாக்கு எண்ணிக்கை மார்ச் 10-ம் தேதி நடைபெற்று அன்றே முடிவுகளும் அறிவிக்கப்பட்டன. பெரும்பான்மையை நிருபிக்க 36 தொகுதிகள் தேவைப்படும் நிலையில் பா.ஜ.க 47 தொகுதிகளில் வெற்றி பெற்று பெரும்பான்மையுடன் ஆட்சி அமைத்தது, புஷ்கர் சிங் தாமி முதல்வராக பதவியேற்றார். காங்கிரஸ் கட்சி 19 தொகுதிகளில் வெற்றி பெற்றது. 2017-ல் நடைபெற்ற சட்டசபை தேர்தலில் 57 தொகுதிகளில் பா.ஜ.க வெற்றி பெற்ற நிலையில், தற்போது நடந்த தேர்தலில் 47 தொகுதிகளை மட்டுமே கைப்பற்றியிருக்கிறது. 2017-ல் நடந்த தேர்தலில், 11 தொகுதிகளில் மட்டுமே வெற்றி பெற்ற காங்கிரஸ், இந்த ஆண்டு நடந்து முடிந்த தேர்தலில், 19 தொகுதிகளில் வெற்றி பெற்றிருப்பது குறிப்பிடத்தக்கது. கடந்த ஐந்தாண்டு ஆட்சி காலத்தில் மட்டும் மூன்று முதலமைச்சர்கள் மாற்றப்பட்டிருக்கின்றனர். 2017-ல் நடந்த சட்டமன்றத் தேர்தலில் பா.ஜ.க ஆட்சியை கைப்பற்றியது, த்ரிவேந்திர சிங் ராவத் முதல்வராக பதவியேற்றார். உட்கட்சிக்குள் ஏற்பட்ட கடும் கொந்தளிப்பையடுத்து‌ திரத் சிங் ராவத் (Tirath Singh Rawat) முதல்வர் அரியணையில் ஏறினார். சலசலப்புகளும், சர்ச்சைகளும் ஓய்வதற்குள் 2021 ஜூன் மாதம் புஸ்கர் சிங் தாமி முதல்வராக பொறுப்பேற்றார். அதனைத் தொடர்ந்து 2022 சட்டசபை தேர்தலிலும், அவர் பெயரே முதல்வர் வேட்பாளருக்கு முன்மொழியப்பட்டது குறிப்பிடத்தக்கது.உத்தரகாண்ட் முதலமைச்சர் புஷ்கர் சிங் தாமி பஞ்சாப் சட்டமன்றத் தேர்தல் 2022 பஞ்சாப் சட்டமன்றத் தேர்தல் பிப்ரவரி 20-ம் தேதி ஒரே கட்டமாக நடைபெற்றது. மார்ச் 10-ம் தேதி வெளியான தேர்தல் முடிவுகள் இந்தியாவையே திரும்பிப் பார்க்க வைக்கும் வகையில் அமைந்தது. காரணம், காங்கிரஸ் தொடர்ச்சியாக ஆதிக்கம் செலுத்தி வந்த பஞ்சாப் மாநிலத்தை காங்கிரஸ், பா.ஜ.க-வுக்கு மாற்றாக களத்தில் இறங்கிய ஆம் ஆத்மி கட்சி கைப்பற்றியதே. மொத்தம் இருக்கும் 117 தொகுதிகளில், பெரும்பான்மையை நிருபிக்க 59 தொகுதிகள் தேவைப்படும் நிலையில், 92 தொகுதிகளை கைப்பற்றி ஆம் ஆத்மி கட்சி ஆட்சி அமைத்தது. முதல்வராக அக்கட்சியின் மாநில தலைவர் பகவந்த் மான் பொறுப்பேற்றார். பல முறை பஞ்சாபில் ஆட்சி அமைத்த காங்கிரஸ் கட்சி, 18 தொகுதிகளை மட்டுமே கைப்பற்றியது. 72 சதவிகித வாக்குகள் இந்த தேர்தலில் பதிவாகின. 2017-ல் நடைபெற்ற சட்டமன்றத் தேர்தல் முடிவுகள் முற்றிலும் காங்கிரஸ் கட்சிக்கு சாதகமாக அமைந்திருந்தது. கடந்த தேர்தலில் 77 தொகுதிகளை காங்கிரஸ் கைப்பற்றி இருந்தது. ஆம்ஆத்மி கட்சி 20 தொகுதிகளில் வெற்றி பெற்றிருந்தது குறிப்பிடத்தக்கது.பஞ்சாப் முதல்வர் பகவந்த் மான் மணிப்பூர் சட்டமன்றத் தேர்தல் 2022 60 உறுப்பினர்களைக் கொண்ட மணிப்பூர் சட்டமன்றத்துக்கான தேர்தல் இரண்டு கட்டங்களாக நடைபெற்றது. முதற்கட்டமாக பிப்ரவரி 28-ம் தேதி, 38 தொகுதிகளுக்கு தேர்தல் நடைபெற்றது. இரண்டாம் கட்டமாக, 22 தொகுதிகளுக்கான தேர்தல் மார்ச் 5-ம் தேதி நடைபெற்றது. தேர்தல் முடிவுகள் மார்ச் 10-ம் தேதி வெளியாகின. நடந்து முடிந்த மணிப்பூர் சட்டமன்றத் தேர்தலில், பா.ஜ.க 32 தொகுதிகளை கைப்பற்றியது. காங்கிரஸ் கட்சி 5 தொகுதிகளை மட்டுமே வெற்றி பெற்றது. மற்ற பிற மாநிலக் கட்சிகள் 23 தொகுதிகளில் வெற்றி பெற்றன. மணிப்பூரில், பா.ஜ.க தனிப்பெரும் கட்சியாக உருவெடுத்திருக்கிறது. 2017-ல் நடந்த சட்டமன்றத் தேர்தலில் 20-க்கும் மேற்பட்ட தொகுதிகளில் பா.ஜ.க வெற்றி பெற்றிருந்தது. மணிப்பூரின் முதல்வராக பைரன் சிங்கே (Biren Singh) , இந்த முறை பதவியேற்றிருக்கிறார். இமாச்சலப் பிரதேச சட்டமன்றத் தேர்தல் 2022 ஆப்பிள் தேசம் என்று அழைக்கப்படும் இமாச்சலப் பிரதேசத்தின் சட்டசபைக்கான தேர்தல் நவம்பர் 12-ம் தேதி ஒரே கட்டமாக நடைபெற்றது. 68 தொகுதிகளுக்கு நடைபெற்ற இத்தேர்தலின் முடிவுகள் டிசம்பர் 8-ம் தேதி வெளியாகின. பெரும்பான்மையை நிருபிக்க 35 தொகுதிகள் தேவைப்படும் நிலையில், 40 தொகுதிகளில் வெற்றி பெற்று காங்கிரஸ் கட்சி இமாச்சலப் பிரதேசத்தில் ஆட்சியை கைப்பற்றியது. இதையடுத்து, முதல்வராக சுக்விந்தர் சிங் சுகு (Sukhvinder Singh Sukhu) பதவியேற்றுக்கொண்டார். சுக்வீந்தர் சிங் சுகு பதவியேற்பு பா.ஜ.க 25 தொகுதிகளை பிடித்தது. என்னதான், பா.ஜ.கவை விட காங்கிரஸ் 15 தொகுதிகள் அதிகம் வெற்றி பெற்று ஆட்சியை பிடித்திருந்தாலும், இரு கட்சிகளுக்கும் இடையேயான வாக்கு வித்தியாசம் 0.9% தான் என்பது குறிப்பிடத்தக்கது. 2017-ல் நடந்த சட்டமன்றத் தேர்தலில் 44 தொகுதிகளை கைப்பற்றி பா.ஜ.க ஆட்சி அமைத்திருந்தது. 21 தொகுதிகளில் வெற்றி பெற்று எதிர்க்கட்சியாக இருந்தது காங்கிரஸ். இமாச்சலப் பிரதேசத்தில், இதுவரை பா.ஜ.க 4 முறையும், காங்கிரஸ் 9 முறையும் ஆட்சி அமைத்திருப்பது குறிப்பிடத்தக்கது‌. குஜராத் சட்டமன்றத் தேர்தல் 2022 பிரதமர் மோடியின் சொந்த மாநிலமான குஜராத் மாநிலத்தின், சட்டமன்றத்துக்கான தேர்தல் இரண்டு கட்டங்களாக கடந்த டிசம்பர் மாதம் 1 மற்றும் 5 தேதிகளில் நடைபெற்றது. முடிவுகள் டிசம்பர் 8-ம் தேதி வெளியிடப்பட்டன. மொத்தம் உள்ள 182 தொகுதிகளுல், 156 தொகுதிகளை கைப்பற்றி வரலாறு காணாத வெற்றியை பதிவு செய்தது பா.ஜ.க. பூபேந்திர படேல் காங்கிரஸ் கூட்டணி 17 தொகுதிகளையும், ஆம் ஆத்மி 5 தொகுதிகளையும் கைப்பற்றின. பூபேந்திர பாய் படேல் (Bhupendrabhai Patel) முதல்வராக பதவி ஏற்றார். பா.ஜ.க 52.5 சதவிகித வாக்குகளைப் பெற்றது. மோர்பி பாலம் விவகாரம், ஆம் ஆத்மி வருகை முதலியவை குஜராத் தேர்தலில் பெரும் தாக்கத்தை ஏற்படுத்தும் எனக் கருதப்பட்ட நிலையில், பா.ஜ.க வேட்பாளர் அங்கு பெருவாரியான வாக்குகள் வித்தியாசத்தில் வெற்றிபெற்றிருக்கிறார். தமிழக நகர்புற உள்ளாட்சி தேர்தல் 2022 தமிழ்நாட்டிலுள்ள 21 மாநகராட்சிகள்,138 நகராட்சிகள், 490 பேரூராட்சிகள் என 649 நகர்ப்புற உள்ளாட்சி அமைப்புகளுக்கு பிப்ரவரி 19-ம் தேதி தேர்தல் நடைபெற்றது.தேர்தல் முடிவுகள் பிப்ரவரி 22-ம் தேதி வெளியாகின. இந்த தேர்தல் 10 வருடங்களுக்குப் பின்னர் நடைபெற்றது என்பது குறிப்பிடத்தக்கது. உள்ளாட்சி அமைப்புகளில் 75 சதவிகிதத்துக்கும் மேலான இடங்களில் தி.மு.க கூட்டணி வெற்றி பெற்றது. 21 மாநகராட்சிகளில் அனைத்தையும் திமுக கைப்பற்றியது. சென்னையில் உள்ள 200 வார்டுகளில் ,179 வார்டுகளை கைப்பற்றி, மேயர் பதவியை தட்டிச் சென்றது திமுக. கோவை மாநகராட்சியில் உள்ள 100 வார்டுகளில், 96 வார்டுகளை கைப்பற்றியது திமுக. சென்னை, கோவை போன்ற முக்கியத்துவம் வாய்ந்த மாநகராட்சிகளின் மேயர் பதவி பெண்களுக்கு ஒதுக்கப்பட்டது.மேயர் பிரியா ராஜன் வரலாற்று சிறப்புமிக்க சென்னை மாநகராட்சியின் மேயராக 29 வயது நிரம்பிய பிரியா ராஜன் தேர்ந்தெடுக்கப்பட்டார். கோவை மாநகராட்சி மேயர் பதவிக்கு பல சீனியர்கள் வரிசையில் நின்ற போதும், கல்பனாவுக்கு வாய்ப்பு வழங்கப்பட்டது. இவரே கோவையின் மாநகராட்சியின் முதல் பெண் மேயர் என்பது குறிப்பிடத்தக்கது. - பி.தாரிணி“தமிழக பா.ஜ.க-வின் வளர்ச்சியை பார்த்து வயிறு எரிகிறார்கள்!”
http://dlvr.it/Sg2TCF

Read More

நடிகை துனிஷா தற்கொலை: `ஷ்ரத்தா படுகொலை என்னை பாதித்துவிட்டது!' - காதலன் வாக்குமூலம்

பாலிவுட் படங்கள் மற்றும் இந்தி டிவி நிகழ்ச்சிகளில் நடித்து வந்த நடிகை துனிஷா சர்மா நேற்று முன்தினம் மும்பை புறநகர் பகுதியில் நடந்த படப்பிடிப்பின் இடைவெளியில் தூக்குப்போட்டு தற்கொலை செய்துகொண்டது அனைவரையும் அதிர்ச்சிக்குள்ளாக்கி இருக்கிறது. இத்தற்கொலை தொடர்பாக துனிஷாவின் காதலன் சசீன் மொகமத் கான் அன்றே போலீஸாரால் விசாரணைக்கு அழைத்துச்செல்லப்பட்டார். துனிஷாவின் தற்கொலைக்கு மொகமத் கான்தான் காரணம் என்று நடிகையின் தாயார் குற்றம்சாட்டி இருக்கிறார். விசாரணைக்குப் பிறகு மொகமத் கான் நேற்று கைதுசெய்யப்பட்டார். அவரிடம் போலீஸார் நடத்திய விசாரணையில் பல முக்கியத் தகவல்கள் கிடைத்திருக்கின்றன. ஆரம்பத்தில் மொகமத் கான் கைவிட்டதாலும், கர்ப்பமாக இருந்ததாலும் மன அழுத்தம் காரணமாக துனிஷா தற்கொலை செய்துகொண்டதாக செய்திகள் வெளியானது. ஆனால் இதனை போலீஸார் மறுத்துள்ளனர். போலீஸ் விசாரணையில் மொகமத் கான் கொடுத்துள்ள வாக்குமூலத்தில், டெல்லியில் ஸ்ரத்தா படுகொலை சம்பவத்திற்கு பிறகு ஏற்பட்டுள்ள அசாத்தியமான சூழ்நிலை காரணமாகவே துனிஷாவை பிரிந்ததாக தெரிவித்துள்ளார். அதோடு `வேறு மதம், அதிகப்படியான வயது வித்தியாசம் போன்ற காரணங்களை கருத்தில் கொண்டு இந்த உறவு திருமணம் வரை செல்லாது என்று எடுத்துக்கூறித்தான் உறவை முறித்துக்கொண்டேன்' என்றும் தெரிவித்துள்ளார். `காதல் உறவு முறிந்த பிறகும் நாங்கள் நல்ல நண்பர்களாகத்தான் இருந்தோம்' என்று குறிப்பிட்டுள்ளார். அதோடு, `இதற்கு முன்பும் ஒரு முறை துனிஷா தற்கொலைக்கு முயன்றார். நான் அவரது தாயாரிடம் துனிஷாவை கவனித்துக்கொள்ளும்படி கேட்டுக்கொண்டேன்' என்றும் போலீஸாரிடம் தெரிவித்துள்ளார். போலீஸார் இருவரது மொபைல் போன்களையும் தடயவியல் ஆய்வுக்காக அனுப்பி இருக்கின்றனர். அதில் இருவரது உரையாடலை மீட்டெடுக்கும்போது அவர்களுக்குள் உண்மையில் என்ன நடந்தது என்பது குறித்து தெரியவரும் என்று போலீஸார் தெரிவித்துள்ளனர். போலீஸார், ``தற்கொலை செய்த தினத்தன்று துனிஷா வீட்டிலிருந்து மகிழ்ச்சியாகவே படப்பிடிப்புக்கு புறப்பட்டுள்ளார். காலையில் முதற்கட்ட படப்பிடிப்பு முடிந்த பிறகு மொகமத் கானும், துனிஷாவும் மதிய உணவுக்காக மேக்கப் அறைக்குச் சென்றனர். அன்றைக்கு துனிஷா மதிய உணவு சாப்பிடவில்லை. மொகமத் கான் சாப்பிட்ட பிறகு இருவரும் வேலையை தொடங்கினர். மொகமத் கான் படப்பிடிப்புக்கு சென்றுவிட்ட நிலையில் துனிஷா மேக்கப்பிற்காக சென்றார். தேநீர் இடைவேளை வரை துனியா படப்பிடிப்புக்கு வரவில்லை. அதனால் அனைவரும் துனிஷாவை தேட ஆரம்பித்தனர். மேக்கப் அறையின் வாஷ் ரூம் கதவு திறக்கப்படாததால் அதனை உடைத்து திறந்து பார்த்தபோது துனிஷா தூக்குப்போட்டு தற்கொலை செய்துகொண்டிருந்தார்" என்று தெரிவித்துள்ளனர். நடிகை துனிஷா சர்மா துனிஷாவின் மரணம் குறித்து சிறப்பு விசாரணைக்குழு விசாரிக்க வேண்டும் என திரைப்படத் தொழிலாளர் சங்கம் மாநில அரசுக்கு கோரிக்கை விடுத்துள்ளது. இது தொடர்பாக அந்த சங்கத்தின் தலைவர் சுரேஷ் குப்தா கூறுகையில், ``துனிஷா தற்கொலை செய்த படப்பிடிப்பு சென்று இருந்தேன். அனைவரும் பேசவே பயப்படுகின்றனர். நடிகைகள் பலர் எனக்கு போன் செய்து துனிஷா கொலைசெய்யப்பட்டதாக கூறுகின்றனர். அவர்கள் பேசவே பயப்படுகின்றனர். எனவே இது குறித்து மாநில அரசு சிறப்பு விசாரணைக்குழு மூலம் விசாரணை நடத்தவேண்டும். துனிஷா கலந்துகொண்ட படப்பிடிப்பு மிகவும் ஆள் நடமாட்டம் இல்லாத பகுதியில் நடந்தது. அங்கு பெண்களுக்கு பாதுகாப்பு இல்லை" என்று தெரிவித்தார். படப்பிடிப்பின் இடைவெளியில் மேக்கப் ரூமில் தற்கொலை செய்துகொண்ட டிவி நடிகை! - மும்பை போலீஸார் விசாரணை
http://dlvr.it/SfzxbT

Read More