`வெறி நாயாகச் சித்தரித்தனர்' பிலிம் இன்ஸ்டிட்யூட் சேர்மன் பதவியை ராஜினாமா செய்த அடூர் கோபாலகிருஷ்ணன்

கேரள மாநிலம் கோட்டயத்தில் செயல்படும் கே.ஆர்.நாராயணன் பிலிம் இன்ஸ்டிட்யூட் சேர்மனாக இருந்தார் பிரபல திரைப்பட இயக்குநர் அடூர் கோபாலகிருஷ்ணன். பிலிம் இன்ஸ்டிட்யூட்டில் இயக்குநராக இருந்த சங்கர் மோகன் தனது வீட்டுக் கழிவறையை பட்டியலின பெண் ஊழியர் மூலம் வெறுங்கைகளால் சுத்தம் செய்ய வைத்ததாகப் புகார் எழுந்தது. மேலும் பிலிம் இன்ஸ்டிட்யூட் மாணவர்கள் மத்தியிலும் சாதிய பாகுபாடு பார்ப்பதாகவும் புகார் எழுந்தது. இதையடுத்து துப்புரவு பணியாளர்களும், பிலிம் இன்ஸ்டிட்யூட் மாணவர்களும் போராட்டத்தில் குதித்தனர். இந்த குற்றச்சாட்டுகளில் உண்மை இல்லை என அடூர் கோபாலகிருஷ்ணன் கூறி வந்தார். மேலும் இயக்குநர் சங்கர் மோகனுக்கு முழு ஆதரவாக அடூர் கோபாலகிருஷ்ணன் செயல்பட்டார். இந்த நிலையில் போராட்ட நெருக்கடி காரணமாக கே.ஆர்.நாராயணன் பிலிம் இன்ஸ்டிட்யூட் இயக்குநர் பதவியிலிருந்து சங்கர் மோகன் கடந்த வாரம் ராஜினாமா செய்தார்.ராஜிநாமாவை அறிவித்த அடூர் கோபால கிருஷ்ணன் இதனால் அதிருப்தி அடைந்த அடூர் கோபால கிருஷ்ணன் சேர்மன் பதவியில் இருந்து விலக உள்ளதாக நேற்று இரவு முதலே தகவல் வெளியாகின. இந்த நிலையில் பிலிம் இன்ஸ்டிட்யூட் சேர்மன் பதவியை இன்று ராஜிநாமா செய்திருக்கிறார் அடூர் கோபால கிருஷ்ணன். இதுகுறித்து அடூர் கோபால கிருஷ்ணன் திருவனாதபுரத்தில் செய்தியாளர்களிடம் கூறுகையில், "எனது ராஜினாமா கடிதத்தை முதல்வரிடம் கொடுத்துவிட்டேன். பிலிம் இன்ஸ்டிட்யூட்டில் நடந்த போராட்டத்தின் பின்னால் கேட் வாச்மேன் உள்ளிட்டவர்களுக்கு பங்கு உள்ளது. என்ன நடந்தது என்பதை கண்டுபிடிக்க மீடியாக்கள் தவறிவிட்டன. அடூர் கோபாலகிருஷ்ணனை வெறி நாயாக சித்திரித்தார்கள். பிலிம் இன்ஸ்டிட்யூட்டில் வேலை செய்பவர்களில் பட்டியலினத்தவர் யாருமில்லை. இந்தியாவில் சிறந்த பிலிம் இன்ஸ்டிட்யூட்டாக கே.ஆர்.நாராயணன் பிலிம் இன்ஸ்டிட்யூட்டைக் கொண்டுவர கடந்த மூன்று ஆண்டுகளாக உழைத்தேன். என்னுடன் சங்கர் மோகனும் கடுமையாக உழைத்தார். எந்த முன்னறிவிப்பும் இல்லாமல் போராட்டத்தைத் தொடங்கினார்கள். போராட்டத்தைத் தொடங்கிய பிறகுதான் காரணங்களைத் தேடிக் கண்டுபிடித்தனர்" என அடூர் கோபாலகிருஷ்ணன் தெரிவித்தார்.உயர்கல்வித்துறை அமைச்சர் ஆர்.பிந்து இதுகுறித்து கேரள உயர்கல்வித்துறை அமைச்சர் ஆர்.பிந்து கூறுகையில், "அடூர் கோபாலகிருஷ்ணன் தனது எதிர்ப்பை ராஜினாமா மூலம் வெளிப்படுத்துகிறார் என்றால் அதில் எந்த அர்த்தமும் இல்லை. அவரது அனுமதியுடன் தான் விசாரணை கமிஷன் அமைக்கப்பட்டது. அடூரின் கருத்தில் அடிப்படை இருந்தால் அதுகுறித்து விசாரணை நடத்தப்படும். மாணவர்கள் எதிர்காலம் குறித்து கவலைப்பட வேண்டாம். சினிமா துறையில் நிபுணத்துவம் பெற்றவர்கள் வேறு சிலர் இருக்கிறார்கள். கேரளத்தின் மதிப்புமிக்க நிறுவனம் என்பதால் பொருத்தமான நபரிடம் பொறுப்பு ஒப்படைக்கப்பட்டது. மாணவர்கள் போராட்டம் தொடங்கியதில் இருந்து அரசு உண்மையைக் கண்டறிய வெளிப்படைதன்மையுடன் அணுகியது. விசாரணைக்கு முதலில் இயக்குநர் ஒத்துழைக்கவில்லை. முதல்வரின் அறிவுரைப்படி இரண்டுபேரை விசாரணை கமிஷனராக நியமித்தோம். ரிப்போர்டில் உள்ள விஷயங்களைப் புரிந்துகொள்வதற்குள் சங்கர் மோகன் ராஜினாமா செய்தார். அடூர் கோபாலகிருஷ்ணன் கேரளத்தின் பெருமை. சென்சிட்டிவ் பிரச்னைகளை மிக கவனத்துடன் கையாள வேண்டும் என்பதை முதல்வர் நினைவுபடுத்தினார். மாணவர்களுக்கு உறுதிமொழி அளிக்கப்பட்டது யாரையும் இழிவுபடுத்தும் நோக்கத்தில் அல்ல" என்றார்.
http://dlvr.it/Shm4Hl

Read More

பிலிம் இன்ஸ்ட்டியூட் சேர்மன் பதவியை ராஜினாமா செய்கிறாரா அடூர் கோபால கிருஷ்ணன்; காரணம் இதுதான்?!

கேரள மாநிலம் கோட்டயத்தில் செயல்படும் கே.ஆர்.நாராயணன் பிலிம் இன்ஸ்டியூட் சேர்மனாக உள்ளார் அடூர் கோபாலகிருஷ்ணன். பிலிம் இன்ஸ்டியூட்டில் இயக்குநராக இருந்த சங்கர் மோகன் தனது வீட்டுக் கழிவறையை பட்டியலின பெண் ஊழியரை வெறுங்கைகளால் சுத்தம் செய்ய வைத்ததாக புகார் எழுந்தது. மேலும் பிலிம் இன்ஸ்ட்டியூட் மாணவர்கள் மத்தியிலும் சாதிய பாகுபாடு பார்ப்பதாகவும் புகார் எழுந்தது. இதையடுத்து துப்புரவு பணியாளர்களும், பிலிம் இன்ஸ்ட்டியூட் மாணவர்களும் போராட்டத்தில் குதித்தனர். இதுகுறித்து செய்தியாளர்களிடம் பேசிய அடூர் கோபால கிருஷ்ணன், "பிலிம் இன்ஸ்ட்டியூட்டில் இயக்குநர் உள்ளிட்டவர்களுக்கு வீடு, கார் ஆகியவை அரசு வழங்கியுள்ளது. அந்த வீட்டை ஒவ்வொரு நாளும் சுத்தம்.செய்ய வேண்டியது துப்புரவு பணியாளராக நியமிக்கப்பட்டவரின் பணியாகும். ஆனால், அவர் வாரத்துக்கு ஒருமுறைதான் என்று வீடும், முற்றமும் சுத்தம் செய்துவந்துள்ளார். அதிலும், இயக்குநரின் வீட்டை சுத்தம் செய்யும்படி நான் கூறியதாக அந்த ஊழியர் பொய் சொல்லியுள்ளார்" என தெரிவித்திருந்தார்.சினிமா இயக்குநர் அடூர் கோபால கிருஷ்ணன் மேலும் போராட்டம் குறித்து ஒரு செய்தி நிறுவனத்துக்கு பேட்டி அளித்த அடூர் கோபாலகிருஷ்ணன், "துப்புரவு தொழிலாளர்கள் போராட்டம் நடத்துவதற்காக நன்றாக உடை அணிந்து, மேக்கப் போட்டுக்கொண்டு சினிமா நடிகைகளைப்போல வந்து பேட்டி கொடுக்கிறார்கள். அவர்களுக்கு யாரோ பயிற்சி அளித்திருக்கிறார்கள்" என கூறியிருந்தார். இயக்குநர் சங்கர் மோகன் பக்கம் தவறு இல்லை என அடூர் கோபால கிருஷ்ண கூறி வந்தார். இந்த நிலையில் தொடர் போராட்டத்தைத் தொடர்ந்து கே.ஆர்.நாராயணன் பிலிம் இன்ஸ்ட்டியூட் இயக்குநர் பதவியில் இருந்து சங்கர் மோகன் கடந்த வாரத்தில் ராஜினாமா செய்தார். இதைத் தொடர்ந்து பிலிம் இன்ஸ்ட்டியூட் மாணவர்களிடம் உயர்கல்வித்துறை அமைச்சர் ஆர்.பிந்து பேச்சுவார்த்தை நடத்தியதைத் தொடர்ந்து மாணவர்கள் போராட்டத்தைக் கைவிட்டனர். இதுகுறித்து பேசிய அமைச்சர் ஆர்.பிந்து, "14 அம்ச கோரிக்கைகளை மாணவர்கள் முன்வைத்தனர். இயக்குநரை நீக்க வேண்டும் என்பது மாணவர்களின் முக்கிய கோரிக்கையாக இருந்தது. இயக்குநர் ராஜினாமா செய்ததைத் தொடர்ந்து, புதிய இயக்குநரைத் தேர்வுசெய்ய கமிட்டி நியமிக்கப்பட்டுள்ளது. ஒவ்வொரு கோரிக்கைகளாக நிறைவேற்றப்படும்" என்றார்.உயர்கல்வித்துறை அமைச்சர் ஆர்.பிந்து கே.ஆர்.நாராயணன் பிலிம் இன்ஸ்ட்டியூட் இயக்குநர் சங்கர் மோகன் ராஜினாமா செய்ததைத் தொடர்ந்து அதன் சேர்மனாக இருக்கும் அடூர் கோபால கிருஷ்ணன் ராஜினாமா செய்ய முடிவு செய்திருப்பதாகத் தகவல் வெளியாகியுள்ளது. முதல்வர் பினராயி விஜயன் உள்ளிட்டவர்கள் அவரிடம் பேசி சமாதானம் செய்திருக்கிறார்கள். இருப்பினும் அவர் ராஜினாமா முடிவில் உறுதியாக இருப்பதாகவும், இன்று தனது முடிவை அறிவிக்க உள்ளதாகவும் தகவல்கள் வெளியாகியிருக்கின்றன.
http://dlvr.it/Shj9kN

Read More

`இதுதான் எனது ஃபைனல் இயர் கிளாஸ் ரூம்' வைரலாகும் மம்முட்டியின் சட்டக்கல்லூரி வீடியோ!

மலையாள சினிமாவின் முன்னணி நடிகர் மம்முட்டி. நடிகர் ஆவதற்கு முன்பு அவர் வழக்கறிஞராக இருந்தார். எர்ணாகுளம் சட்ட கல்லூரியில் எல்.எல்.பி பயின்ற மம்முட்டி அதன்பிறகு இரண்டு ஆண்டுகள் வழக்கறிஞராக பிராக்டீஸ் செய்தார். இப்போது அவர் பயின்ற எர்ணாகுளம் சட்டக்கல்லூரி கிளாஸ் ரூமில் இருந்து ஒரு வீடியோவை இன்ஸ்டாகிராமில் நேற்று வெளியிட்டுள்ளார். 'அல்மா மேட்டர்' என்ற குறிப்புடன் வெளியிட்டுள்ள அந்த வீடியோவில் தான் சட்டக்கல்லூரியில் பயின்ற கிளாஸ் ரூமைக் காட்டியுள்ளார். இறுதியாக அந்த வீடியோவில் பேசும் மம்முட்டி, "இது எர்ணாகுளம் சட்டக்கல்லூரி. இதுதான் எனது ஃபைனல் இயர் கிளாஸ் ரூம்.நடிகர் மம்முட்டி! இப்போது இங்கு கிளாஸ் இல்லை. இதுதான் இண்டோர் கோர்ட், சிறு நிகழ்ச்சி இங்கு நடத்தினோம். இது ஒரு காலத்தில் கொச்சி மாநிலத்தின் சட்டசபை ஹாலாக இருந்தது" என பேசியுள்ளார். இந்த வீடியோ சமூக வலைதளங்களில் வைராகியுள்ளது. அந்த வீடியோவில் பின்னூட்டமிட்ட ரசிகர்கள் சிலர், எதாவது சினிமா ஷூட்டிங்கிற்காக அங்கு சென்றீர்களா? என கேட்டுள்ளனர். நரசிம்ஹம் என்ற சினிமாவில் மம்முட்டி வழக்கறிஞராக நடித்த கதாப்பாத்திரமான நந்தகோபால் மாரார் என்ற கெஸ்ட் ரோலை நினைவூட்டி ஒரு ரசிகர் பதிவிட்டுள்ளார். மம்முட்டி நடித்த `நண்பகல் நேரத்து மயக்கம்' திரைப்படம் கடந்த 19-ம் தேதி வெளியானது. மம்முட்டி நடித்த 'கிறிஸ்டோபர்' திரைப்படம் விரைவில் வெளியாக உள்ளது. View this post on Instagram A post shared by Mammootty (@mammootty) மம்முட்டி வெளியிட்ட வீடியோ ஒரு வேளை கிறிஸ்டோபர் சினிமா காட்சிகள் எர்ணாகுளம் சட்டக்கல்லூரியில் படமாக்கப்பட்டதா என்பதுபோன்ற கேள்விகளை கமெண்டில் ரசிகர்கள் எழுப்பியுள்ளனர்.
http://dlvr.it/Shj9NV

Read More

"என்னை இந்து என்றழையுங்கள்; இந்தியாவில் பிறந்த அனைவரும் இந்துக்கள்தான்" - கேரள கவர்னர் ஆரிஃப் முகமது

கேரள கவர்னர் ஆரிஃப் முகமதுகான் அடிக்கடி அதிரடியாகச் செயல்படுவதும், பேசுவதும் வழக்கம். கடந்த சில மாதங்களுக்கு முன்பு ராஜ் பவனில் பிரஸ்மீட் நடத்தி அரசுக்கு எதிராகப் பேட்டி கொடுத்து பரபரப்பைக் கிளப்பினார். இந்த நிலையில் தற்போது, `இந்தியாவில் பிறந்த அனைவரும் இந்துக்கள்தான்' எனப் பேசியிருக்கிறார். அமெரிக்கா, கனடா, மெக்ஸிகோ நாடுகளில் வசிக்கும் மலையாள மொழிபேசும் சங்பரிவார் ஆதரவாளர்களின் கூட்டமைப்பான 'கேரளா இந்தூஸ் ஆஃப் நார்த் அமெரிக்கா' என்ற அமைப்பின் 'இந்து கான்கிளேவ்' நிகழ்ச்சி திருவனந்தபுரத்தில் நடந்தது. அந்த நிகழ்ச்சியை கேரள கவர்னர் ஆரிஃப் முகமதுகான் தொடங்கிவைத்துப் பேசினார்.கவர்னர் ஆரிஃப் முகமதுகான் பேச்சு அவர் பேசுகையில், "சனாதனம் உயர்த்திக்காட்டிய கலாசாரத்தின் பெயர்தான் இந்து. இந்து என்பது ஒரு பிரதேசத்தில் பிறந்தவர்களைக் குறிக்கும் சொல். இந்தியாவில் பிறந்தவர்கள் அனைவரும் இந்துக்கள். எதற்கான என்னை இந்து அல்லாதவர் எனக் குறிப்பிடுகிறீர்கள். இங்கு பிறந்த என்னை, நீங்கள் இந்து என அழைக்க வேண்டும்" என்றார்.இந்து கான்கிளேவ் நிகழ்ச்சியை தொடங்கிவைத்த கவர்னர் ஆரிஃப் முகமதுகான் கேரள கவர்னர் ஆரிஃப் முகமதுகான், கடந்த சில மாதங்களுக்கு முன்பு தன்னுடைய மகனுடன் இருமுடி கட்டி சபரிமலை ஐயப்ப சுவாமி கோயிலுக்குச் சென்று சாமி தரிசனம் செய்தார் என்பது குறிப்பிடத்தக்கது. காஷ்மீர் பண்டிட் கொலை: ``இந்தியனாக இருப்பதில் நான் வெட்கப்படுகிறேன்!" - கேரள ஆளுநர் ஆரிஃப் முகமது
http://dlvr.it/ShfH6p

Read More

மைசூர்: நான்கு பேரைக் கொன்ற சிறுத்தை சிக்கியது... சிறுத்தை - மனித மோதலைத் தடுக்க தனிப்படை திட்டம்!

கர்நாடக மாநிலம், மைசூர் டி.நரசிபுரம் தாலுகாவுக்குட்பட்ட பகுதிகளில், கடந்த மூன்று மாதங்களாகச் சிறுத்தை நடமாட்டம் அதிகரித்திருக்கிறது. டிசம்பர் மாதம் குடியிருப்புகளுக்குள் புகுந்த சிறுத்தை ஒன்று, நாய், ஆட்டுக்குட்டி உள்ளிட்ட உயிரினங்களைக் கொன்றது. வனத்துறை கண்காணிப்பு மேற்கொண்டிருந்த நிலையில் டிசம்பர் 1-ம் தேதி, கெப்பேஹண்டி கிராமத்தைச் சேர்ந்த அரசுக் கல்லுாரியில் இறுதியாண்டு படிக்கும் மாணவி மேகனாவை (20) தாக்கிக் கொன்றது. அதன் பிறகு கடந்த வாரம், இரண்டு நாள்கள் இடைவெளியில், மேகனா வீட்டிலிருந்து, 4 கிலோமீட்டர் தொலைவிலுள்ள கன்னையாகனஹள்ளியில், சித்தம்மா என்பவரையும், ஹோரலஹள்ளி கிராமத்தைச் சேர்ந்த, 11 வயது சிறுவன் ஜெயந்த் என்பவரையும் தாக்கிக் கொன்றது. நான்கு மாதங்களுக்குள் நான்கு பேர் சிறுத்தை தாக்கி இறந்ததால் வெகுண்டெழுந்த மக்கள், பல்வேறு போராட்டங்களை நடத்தினர்.கூண்டு வைக்கப்பட்டது. சிறுத்தையைப் பிடிக்க, வனத்துறையினர் அந்தப் பகுதியில், ஒன்பது இடங்களுக்கு மேல் கூண்டுவைத்து, 110 பணியாளர்களை கண்காணிப்புப் பணியில் களமிறக்கினர். இந்த நிலையில், நேற்று முன்தினம் நள்ளிரவு, சிறுவன் ஜெயந்த் கொல்லப்பட்ட இடத்துக்கு அருகே, கூண்டில் சிறுத்தை சிக்கியது. இதுவரை, கண்காணிப்பு கேமராக்களில் பதிவான சிறுத்தையின் உடலமைப்பு, உடலிலுள்ள கோடுகள் ஒரே மாதிரியாக இருந்ததால், நால்வரைக் கொன்றது இந்தச் சிறுத்தைதான் எனக் கண்டறியப்பட்டது. இது குறித்து மைசூர் வனக்கோட்ட வன உயிரின பாதுகாவலர் மாலதி பிரியா நிருபர்களிடம், ‘‘இறந்தவர்களின் உடலில் கிடைத்த சிறுத்தையின் டி.என்.ஏ மற்றும் பிடிபட்ட சிறுத்தையின் டி.என்.ஏ மாதிரிகள் ஆய்வகத்துக்கு அனுப்பப்பட்டுள்ளன. ஆய்வு முடிவு வந்தால்தான் அதே சிறுத்தையா என்பது தெரியவரும். ஆனாலும், உடலமைப்பில் சிறுத்தையின் அனைத்துப் படங்களும், பிடிபட்ட சிறுத்தையுடன் ஒத்துப்போகின்றன. பிடிபட்ட சிறுத்தையை பெங்களூரிலுள்ள பென்னர்கட்டா தேசியப் பூங்காவில் வைத்து பராமரிக்கவிருக்கிறோம். மீதமுள்ள கூண்டுகள் அகற்றப்படவில்லை, மற்ற சிறுத்தைகள் பிடிபடுகின்றனவா எனக் கண்காணிக்கிறோம்’’ என்றார்.சிறுத்தை முதல்வர் பவசராஜ் பொம்மை நிருபர்களிடம், ‘‘கடுமையாக உழைத்து சிறுத்தையைப் பிடித்த வனத்துறை ஊழியர்களின் முயற்சி பாராட்டுக்குரியது. கர்நாடக மாநிலம் முழுவதிலும் சிறுத்தை – மனித மோதலைத் தடுக்க, வனத்துறையினரின் புதிதாக பிரத்யேக கண்காணிப்புக்குழு அமைக்கப்படும். மேலும், இதற்கென பிரத்யேகப் பயிற்சிகள் கொடுக்கப்படுவதுடன், நிதியும் ஒதுக்கப்படும்’’ என்றார். சிறுத்தை பிடிபட்டதால் மைசூர் சுற்றுப் பகுதியிலுள்ள மக்கள் நிம்மதியடைந்திருப்பதுடன், சிறுத்தை பிடிபட்டதைப் பட்டாசு வெடித்துக் கொண்டாடிவருகின்றனர்.மைசூர்: சிறுத்தை தாக்கி சிறுவன் பலி; 2 நாள்களில் இருவர் பலி – வயதான சிறுத்தையால் தொடரும் மரணங்கள்?
http://dlvr.it/ShcBm4

Read More

``முஸ்லிம்களையும், கிறிஸ்தவர்களையும் ஆர்.எஸ்.எஸ் எதிரிகளாகச் சித்திரிக்கிறது!" - பினராயி விஜயன்

கேரள முதல்வர் பினராயி விஜயன், முஸ்லிம்களையும், கிறிஸ்தவர்களையும் ஆர்.எஸ்.எஸ் எதிரிகளாகச் சித்திரிப்பதாகவும், அரசியலமைப்பின்மீது பா.ஜ.க தாக்குதல் நடத்துவதாகவும் விமர்சித்திருக்கிறார்.கேரள முதல்வர் பினராயி விஜயன் இந்திய குடியரசு தினமான நேற்று, மதச்சார்பற்ற சந்திப்பு மற்றும் அரசியலமைப்புப் பாதுகாப்பு மாநாட்டை கேரள முதல்வர் பினராயி விஜயன் தொடங்கிவைத்தார். அதைத் தொடர்ந்து மாநாட்டில் உரையாற்றிய பினராயி விஜயன், ``சங்பரிவாரும், ஆர்.எஸ்.எஸ் அமைப்பும் முஸ்லிம்களையும், கிறிஸ்தவர்களையும் எதிரிகளாகச் சித்திரிக்கின்றன. இந்தியாவை இந்துராஷ்டிரவாக மாற்றுவதே தங்களின் நோக்கம் என்பதை அவர்கள் தெளிவுபடுத்தியிருக்கின்றனர். மேலும், மத்தியில் ஆட்சியிலிருப்பவர்கள் சுதந்திரப் போராட்டத்தில் பங்கேற்காத அரசியல் குழுவைப் பின்பற்றுபவர்கள். அவர்கள் நம் நாட்டின் வேர்கள், ஜனநாயகம், அரசியலமைப்பின்மீது தாக்குதல் நடத்துகின்றனர்.ஆர்.எஸ்.எஸ் - பாஜக அரசியலமைப்புச் சட்டம் அழிக்கப்பட்டால், ஒரு தனிமனிதனின் கண்ணியம் முதல் நாட்டின் இறையாண்மை வரை அனைத்தும் இழக்கப்படும். எனவே, இது போன்ற செயல்களுக்கு எதிராக நாம் அனைவரும் ஒன்றிணைய வேண்டும்" என்று கூறினார். பினராயி விஜயனின் இத்தகைய விமர்சனத்துக்கு எதிர்வினையாற்றிய பா.ஜ.க, ``அரசியல் சாசனம் குறித்து ஒரு வார்த்தைகூட பேச முதல்வருக்கு உரிமையில்லை" எனச் சாடியது.`ஆர்எஸ்எஸ்-ஸை முன்னிலைப்படுத்தும் பாஜக' - சமீபநாள்களில் அதிகரிக்கக் காரணம் என்ன?!
http://dlvr.it/ShZBSx

Read More

ஆக்ரா: திடீரென இடிந்து விழுந்த 6 வீடுகள்; 4 வயது குழந்தை பலி - அகழ்வாராய்ச்சிப் பணிகள் காரணமா?

உத்தரப்பிரதேச மாநிலம், ஆக்ரா ரயில் நிலையம் அருகே அமைந்திருக்கும் திலா மைதானப் பகுதியிலுள்ள தரம்சாலாவில் அகழ்வாராய்ச்சிப் பணி நடைபெற்றுக்கொண்டிருந்தது. இந்த நிலையில், திடீரென அந்தப் பகுதியில் ஆறு வீடுகளும், ஒரு கோயிலும் இடிந்து விழுந்திருக்கின்றன. இடிந்து விழுந்த வீடுகள் இந்தச் சம்பவம் குறித்து இடிந்த வீட்டின் உரிமையாளர்களில் ஒருவரான முகேஷ் சர்மா, ``காலை 7:05 மணிக்கு விபத்து நடந்தது. இந்தப் பகுதி மிகவும் மேடானது. எங்கள் வீடுகளுக்கு அடுத்ததாக தரம்சாலா இருக்கிறது. அங்கு அகழ்வாராய்ச்சிப் பணிகள் நடந்துவருகின்றன. அதற்காக நிலம் தோண்டப்பட்டதால், நிலச்சரிவு ஏற்பட்டு, அடுத்தடுத்து ஆறு வீடுகள், ஒரு கோயில் இடிந்து விழுந்தன. அதில், எங்கள் வீடும் இடிந்து விழுந்தது. என் இரண்டு பேத்திகளும், மகனும் இடிபாடுகளுக்குள் சிக்கிக்கொண்டனர். சுமார் இரண்டு மணி நேரத்துக்குப் பிறகு அவர்கள் மீட்கப்பட்டனர். ஆனால், அதற்குள் என் பேத்தி இறந்துவிட்டாள். இந்தக் கட்டடப் பணியை நிறுத்தப் பலமுறை கூறியும், அவர்கள் அதைக் கண்டுகொள்ளவில்லை" எனத் தெரிவித்திருக்கிறார்.இடிந்து விழுந்த வீடுகள் இந்தச் சம்பவத்தைத் தொடர்ந்து, முதல்வர் யோகி ஆதித்யநாத் பாதிக்கப்பட்ட பகுதிகளுக்கான நிவாரணப் பணிகளைக் கண்காணிக்கவும், காயமடைந்தவர்களுக்கு உரிய சிகிச்சை அளிக்கவும் மாவட்ட மாஜிஸ்ட்ரேட்டுக்கும், மூத்த காவல்துறை அதிகாரிகளின் குழுக்களுக்கும் அறிவுறுத்தியிருக்கிறார். கட்டட இடிபாடுகளுக்குள் ஐந்து பேர் சிக்கியிருக்கலாம் எனச் சந்தேகிக்கப்படுகிறது. அவர்களில், 4 வயது குழந்தை இறந்துவிட்டதாகக் கூறப்படுகிறது. மீட்புப்பணிகள் தொடர்ந்து நடந்துவருகின்றன.இடிந்து விழுந்த 70 ஆண்டுகள் பழைமையான வீடு! -3 மணி நேர போராட்டத்துக்குப் பிறகு மூதாட்டி சடலமாக மீட்பு
http://dlvr.it/ShWSyh

Read More