”இடஒதுக்கீடு கல்வி அமைச்சர்கிட்டையே வராதே” - வெங்கி அட்லுரியின் சர்ச்சை பேச்சும் கண்டனமும்

கோலிவுட்டில் முன்னணி நடிகராக இருக்கும் தனுஷின் நேரடி தெலுங்கு படமாக உருவாகியிருக்கும் SIR பிப்ரவரி 17ம் தேதி வெளியாகி திரையில் ஓடிக் கொண்டிருக்கிறது. தமிழில் வாத்தி என்ற பெயரிலும் வெளியாகியிருக்கிறது. சமுத்திரக்கனி, சம்யுக்தா என பலரும் நடித்திருக்கும் இந்த படத்தை தெலுங்கு பட இயக்குநரான வெங்கி அட்லுரி இயக்கியிருக்கிறார். படத்தின் புரோமோஷன் பணிகளுக்காக நடிகர், நடிகைகள் உள்ளிட்ட பலரும் நேர்காணல்களில் பேசினார்கள். அந்த வகையில் படத்தின் இயக்குநர் வெங்கி அட்லுரியும் தெலுங்கு தொலைக்காட்சிக்கான நேர்காணலில் பேசியிருந்தார். அதில் வாத்தி படம் பேசும் கரு குறித்தும், கல்வியை வியாபார மயமாக்கியது குறித்தும் பேசியிருந்தார். இருப்பினும் இட ஒதுக்கீடு பற்றி வெங்கி அட்லுரி பேசியதுதான் தற்போது பெரும் சர்ச்சைக்கு வித்திட்டிருக்கிறது. அதன்படி, “ஒருவேளை நீங்கள் ஒன்றிய கல்வி அமைச்சரானால் என்ன செய்வீர்கள்?” என கேள்வி எழுப்பப்பட்டிருக்கிறது. #SIRMovie Education system midha cinema teeyadam kadu sir ,miku first education avasaram ,go read Ambedkar. pic.twitter.com/F6gQv4XOG0— Kaushik (@partofdproblem) February 17, 2023 அதற்கு, “இது சர்ச்சையான பதிலாக இருக்கலாம். ஆனால் இப்போது இருக்கக் கூடிய இடஒதுக்கீட்டு முறையை ஒழித்துவிட்டு எல்லாருக்கும் பொருளாதார அடிப்படையிலான இடஒதுக்கீட்டை நடைமுறைப்படுத்துவேன். அப்போதுதான் எல்லாருக்கும் எல்லாமும் கிடைக்கும். சாதி ரீதியான இடஒதுக்கீடு கூடாது.” என பேசி பெரும் புயலையே கிளப்பியிருக்கிறார் வெங்கி அட்லுரி. இவரது இந்த பேச்சுக்கு பொதுமக்கள், சமூக ஆர்வலர்கள் உட்பட பல தரப்பிலிருந்தும் கண்டனங்கள் எழுந்து வருகின்றன. இதுபோக, “இடஒதுக்கீடு தொடர்பான அதிகாரம் கல்வி அமைச்சரிடத்திலேயே இல்லை. அதற்கென Ministry of Social Justice and Empowerment என்ற தனித் துறையே இருக்கிறது.” என சுட்டிக்காட்டியும் வெங்கி அட்லுரியை சாடி வருகிறார்கள்.
http://dlvr.it/Sjf7Cr

Read More

ராணுவ வீரர் கொலை: போராட்டத்தை முன்னெடுக்கும் பாஜக - மௌனம் கலைக்குமா திமுக அரசு?

கிருஷ்ணகிரி மாவட்டம், போச்சம்பள்ளி தாலுகா வேலம்பட்டி எம்.ஜி.ஆர் நகரைச் சேர்ந்த ராணுவ வீரர் பிரபாகரன், தி.மு.க கவுன்சிலர் சின்னசாமிக்கு இடையே கடந்த 8-ம் தேதி நடந்த வாக்குவாதம், கைகலப்பானது. அதில் பிரபாகரன், அவர் தம்பி பிரபு உள்ளிட்டோர் படுகாயமடைந்தனர். அவர்களை அங்கிருந்தவர்கள் மீட்டு சிகிச்சைக்காக, ஓசூர் தனியார் மருத்துவனையில் சேர்த்தனர். ஓசூர் தனியார் மருத்துவமனையில் சிகிச்சை பெற்றுவந்த ராணுவ வீரர் பிரபு, கடந்த 14-ம் தேதி உயிரிழந்தார். கிருஷ்ணகிரி: `தமிழகத்தில் ராணுவ வீரருக்கே பாதுகாப்பில்லை’ - திமுக அரசைக் கண்டித்து பாஜக ஆர்ப்பாட்டம் இந்தச் சம்பவம் தொடர்பாக மாவட்டக் காவல் கண்காணிப்பாளர் சரோஜ் குமார் தாகூர், “ராணுவ வீரர் கொலைச் சம்பவம் தொடர்பாக ஒன்பது பேர் கைதுசெய்யப்பட்டிருக்கின்றனர். இந்தக் கொலையில் அரசியல் உள்நோக்கம் ஏதும் இல்லை. தாக்கியவர்கள், காயமடைந்தவர்கள், உயிரிழந்த ராணுவ வீரர், அனைவரும் நெருங்கிய உறவினர்கள்தான். சாதாரணமாகத் தொடங்கிய சண்டை கைகலப்பாக மாறி, கொலையில் முடிந்திருக்கிறது. இதைச் சில அரசியல் கட்சிகள், அரசியல்வாதிகள், ‘திட்டமிட்ட கொலை’ என அரசியல் கண்ணோட்டத்தோடு சமூக வலைதளங்களில் பரப்புரை செய்துவருகின்றனர். அப்படிப் பரப்புரை செய்யும் நபர்கள்மீது உரிய நடவடிக்கை எடுக்கப்படும்” என்று தெரிவித்திருக்கிறார். சரோஜ் குமார் தாகூர் இந்தச் சம்பவம் குறித்து கருத்து தெரிவித்திருக்கும் தமிழக பா.ஜ.க மாநில துணைத் தலைவர் நாராயணன் திருப்பதி, “ஒரு ராணுவ வீரர் தி.மு.க குண்டர்களால் அடித்தே சாகடிக்கப்பட்டிருக்கிறார். இது ஒரு தனிப்பட்ட சம்பவம் என்று கடந்து செல்ல முயல்கிறது தி.மு.க. தி.மு.க-வினர் இது குறித்து கருத்து சொல்லக்கூட தயங்குகின்றனர். `இதை நான் வன்மையாகக் கண்டிக்கிறேன், நமக்காக சேவை புரிந்த ஒருவரைக் கொடூரமாக அடித்தே கொன்றிருப்பது கொடூரம். என் கட்சியைச் சார்ந்தவராக இருந்தாலும் இரும்புல்கரம் கொண்டு நடவடிக்கை எடுப்பேன்’ என்று முதல்வர் குரல் கொடுக்காமல் அமைதி காப்பது ஏன்... இந்தப் படுகொலைக்கும், தி.மு.க-வுக்கும் என்ன தொடர்பு... தொடர்ந்து 2021, மே மாதம் தி.மு.க ஆட்சிக்கு வந்ததிலிருந்து இன்றுவரை தி.மு.க-வின் மேடைப் பேச்சாளர்கள், நிர்வாகிகள், சில அமைச்சர்கள் தி.மு.க-வை எதிர்ப்பவர்களைத் தரக்குறைவாகப் பேசுவதும், மிரட்டும் தொனியில் பேசுவதும், கொலை மிரட்டல் விடுப்பதும் வாடிக்கையாகிவிட்டது. நாராயணன் திருப்பதி பா.ஜ.க தலைவர் அண்ணாமலை அவர்களின் கையை வெட்டுவோம் என்று ஒரு முன்னாள் சட்டமன்ற உறுப்பினர் பேசியதும், ஒரு முன்னாள் நாடாளுமன்ற உறுப்பினர், `திருவாரூருக்கு வந்து பேசிவிட்டு, அண்ணாமலை எப்படித் திரும்பிப் போக முடிந்தது' என்று பேசியதும், ஒரு பேச்சாளர், `தீவிரவாதிகளை அனுப்பி ஆளுநரைக் கொலைசெய்வோம்' என்று பேசியதும், தி.மு.க-வின் அமைப்புச் செயலாளர் ஆர்.எஸ்.பாரதி அவர்கள், `சட்டமன்றத்தில் கொலை நடந்தாலும் வழக்கு இல்லை' என்று பேசியதும், தி.மு.க-வின் அடிமட்ட தொண்டனைக்கூட பதவி வெறியில், அதிகார போதையில் ஆழ்த்தியிருக்கிறது. அதிகாரம் இருப்பதால் எதை வேண்டுமானாலும் செய்யலாம் என்ற ஆணவத்தில் ஒவ்வொரு தி.மு.க-வினரும் செயல்படுவதை நாம் உணர முடிகிறது. தற்போது கிருஷ்ணகிரியில் ராணுவ வீரர் ஒருவர் அடித்தே படுகொலைசெய்யப்பட்டிருப்பதும், ஆளுங்கட்சி என்ற அதிகார மமதையில்தான் என்பதில் சந்தேகமில்லை. தி.மு.க தலைவர் ஸ்டாலின் அவர்கள் உடனடியாக இதை உணர்ந்து, தன் கட்சியினருக்குப் புரியும்விதத்தில் நடவடிக்கை எடுக்க வேண்டும். இல்லையேல் தமிழகம் வன்முறைக் காடாகும்” என்று குறிப்பிட்டிருக்கிறார். நிலைமை இவ்வாறு இருக்க, இந்தச் சம்பவத்தைக் கண்டித்து பா.ஜ.க மாநிலத் தலைவர் அண்ணாமலை தலைமையில் வரும் 21-ம் தேதி சென்னையில் மெழுகுவத்தி பேரணி நடத்த அந்தக் கட்சியினர் முடிவெடுத்திருக்கின்றனர். இது தொடர்பாக அந்தக் கட்சியின் மாநில துணைத் தலைவர் கரு.நாகராஜனைத் தொடர்புகொண்டு பேசினோம். ``கிருஷ்ணகிரி மாவட்டம், போச்சம்பள்ளி அருகே இந்திய ராணுவ வீரர் பிரபு அவர்களை தி.மு.க கவுன்சிலர் வெட்டிக் கொலைசெய்திருக்கிறார். பா.ஜ.க பட்டியல் அணியின் தலைவர் தடா பெரியசாமி அவர்களின் இல்லத்தில் கொலைவெறித் தாக்குதல் நடத்தப்பட்டிருக்கிறது. காவல்துறை அதிகாரிகள் வெட்டிக் கொலைசெய்யப்படுகிறார்கள்.கரு.நாகராஜன் பெண் காவலர்கள் தி.மு.க-வினரின் பாலியல் துன்புறுத்தலுக்கு ஆளாகிறார்கள். இவ்வாறு தொடர்ந்து தமிழகத்தில் மக்களுக்கு பாதுகாப்பு ஏற்படுத்த முடியாத, கையாலாகாத தி.மு.க அரசைக் கண்டித்தும், இறந்த ராணுவ வீரருக்கு அஞ்சலி செலுத்தும் வகையிலும், ஸ்டாலின் மாடல் அரசின் அநீதியான அலட்சியப் போக்கைத் தட்டிக் கேட்கவும், வருகிற 21-ம் தேதி காலை மாநிலத் தலைவர் அண்ணாமலை தலைமையில் உண்ணா நோன்பும், மாலை 4 மணிக்கு மக்கள் கலந்துகொள்கிற மெழுகுவத்தி ஊர்வலமும் நடைபெறவிருக்கிறது. ஊர்வலத்தின் இறுதியில் ராணுவ வீரர்களின் தியாகங்களை எடுத்துக்காட்டும் போர் நினைவுச்சின்னத்தில் மெழுகுவத்தி அஞ்சலி செலுத்தப்படுகிறது” என்றார். இது குறித்து தி.மு.க செய்தித் தொடர்பு இணைச் செயலாளர் பேரா ஜெ.கான்ஸ்டன்டைன் ரவீந்திரன், ``இது தேவையே இல்லாதது. அப்படி பார்த்தால் குஜராத், உத்தரப்பிரதேசம், மகாராஷ்டிராவில் தினமும் நடத்த வேண்டும். பா.ஜ.க பேசும் சனாதன தத்துவத்தை இங்கு பேச முடியாது. அவர்களின் பார்ப்பனிய ஆதிக்கத்தை இங்கு செலுத்த முடியாது. அப்போது அவர்கள் என்ன அரசியல் செய்வார்கள் என்றால், இதுபோல் ஒன்றுமில்லாத விஷயத்தைத்தான் முன்வைப்பார்கள். அங்கு நடந்தது, ராணுவ வீரருக்கும் தி.மு.க-காரருக்கும் நடந்த சண்டையில்லை.கான்ஸ்டன்டைன் ரவீந்திரன் சொந்த அக்கா மகன். இன்னும் சொல்லப்போனால், தி.மு.க கவுன்சிலர் ராணுவ வீரரிடம் சொத்துக்காகச் சண்டை போடவில்லை. சோப்பு தண்ணீர்பட்டால் மக்கள் குடிக்கும் தண்ணீர் மாசாகும் என்று சொன்னதால், `நான் ராணுவத்தான் சுட்டுக் கொன்றுவிடுவேன்' என்று சொல்லியிருக்கிறார். இதில் யார்மீது தவறு... குடும்பத் தகராறு, எதிர்பாராதவிதமாக கொலையில் முடிந்திருக்கிறது. ராணுவத்தையே கேவலப்படுத்தும் வேலையை பா.ஜ.க செய்துவருகிறது. அதன் இன்னொரு முகம்தான் இது. இந்திய ராணுவத்தைக் கேவலப்படுத்துவதை பா.ஜ.க கைவிட வேண்டும்” என்றார். கிருஷ்ணகிரி: இரு தரப்பு மோதலில் காயமடைந்த ராணுவ வீரர் பலி; திமுக கவுன்சிலர் உட்பட 9 பேர் கைது!
http://dlvr.it/Sjc5Wn

Read More

வரலாறு காணாத உச்சம்! பாகிஸ்தானில் 1 லிட்டர் பெட்ரோல் ரூ.272-விலை உயர்வுக்கு இதுதான் காரணம்

பாகிஸ்தானில் எரிபொருள் விற்பனை வரலாறு காணாத அளவுக்கு உயர்ந்துள்ளதாக தகவல்கள் தெரிவிக்கின்றன. பாகிஸ்தான் சந்திக்கும் பொருளாதார நெருக்கடி பொருளாதார நெருக்கடியைச் சந்தித்த இலங்கையைப் போன்றே, இன்னொரு அண்டை நாடான பாகிஸ்தானும் அதே சிக்கலை தற்போது எதிர்கொண்டு வருகிறது. கடந்த ஆண்டு ஏற்பட்ட கடும் பொருளாதார நெருக்கடியால் இலங்கையில் போராட்டம் வெடித்து தற்போது புதிய ஆட்சி மலர்ந்துள்ளது. எனினும், அதிலிருந்து இலங்கை இன்னும் முழுவதுமாக மீளமுடியவில்லை. தற்போது இதே பிரச்சினையை பாகிஸ்தானும் எதிர்கொண்டுள்ளது. கடும் பொருளாதார நெருக்கடியைக் காரணம் காட்டி, கலைக்கப்பட்ட இம்ராம் கான் ஆட்சிக்குப் பிறகு, பாகிஸ்தான் புதிய பிரதமராக ஷாபாஸ் ஷெரீஃப் தேர்வானார். அவர் பதவியேற்று ஒரு வருடம் ஆவதற்குள்ளேயே, அந்நாடு பொருளாதார சரிவைச் சந்திக்கத் தொடங்கிவிட்டது. அதிகரித்து வரும் கடன், பெட்ரோலிய பொருட்கள் இறக்குமதி செலவுகள், குறைந்து வரும் அந்நியச் செலாவணி கையிருப்பு, உலகளாவிய பணவீக்கம், அரசியல் நிச்சயமற்ற தன்மை, மொத்த உள்நாட்டு உற்பத்தி வளர்ச்சியில் தொடர்ச்சியான வீழ்ச்சி ஆகியவற்றை சமாளிக்க முடியாததால் பாகிஸ்தானின் பொருளாதாரம் சரிவைச் சந்தித்து வருகிறது. நாடு முழுவதும் மின்சாரம் மற்றும் சமையல் கேஸ் தட்டுப்பாடு ஏற்பட்டுள்ளது. அத்தியாவசிய பொருட்கள் விலை உயர்வு அதிலும் குறிப்பாக, பாகிஸ்தானின் எரிசக்தி துறையின் கடன் சுமை தாங்கமுடியாத அளவுக்கு உயர்ந்துள்ளது. இதனால் ஷாப்பிங் மால்கள், உணவகங்கள், திருமண மண்டபங்கள் மற்றும் சந்தைகளை முன்கூட்டியே மூடுவதற்கான உத்தரவு பிறப்பிக்கப்பட்டுள்ளது. கடந்த ஆண்டு பாகிஸ்தானில் பெய்த பெரு மழையால் ஏற்பட்ட வெள்ளமும் உள்நாட்டு உற்பத்தியை முற்றிலும் முடக்கியுள்ளது. இதனால், காய்கறிகள், உணவுப் பொருட்கள் உள்பட அத்தியாவசிய பொருட்களின் விலை பாகிஸ்தானில் கடுமையாக அதிகரித்துள்ளது. திடீரென உயர்ந்த எரிபொருள் விற்பனை இந்த நிலையில், பாகிஸ்தானில் பெட்ரோல் மற்றும் டீசல் விலை, லிட்டருக்கு 22 ரூபாய் உயர்த்தப்படுவதாக தகவல் வெளியாகியுள்ளது. பாகிஸ்தான் நிதியமைச்சகம் வெளியிட்டு உள்ள அறிக்கையில் அமெரிக்க டாலருக்கு எதிரான பாகிஸ்தான் ரூபாய் அதிகளவிலான சரிவை பதிவு செய்த நிலையில் பெட்ரோல் விலை பெரிய அளவில் உயர்த்தப்பட்டு உள்ளதாக அறிவித்துள்ளது. பாகிஸ்தானில் நேற்று, அவ்வரசு ’மினி பட்ஜெட்’ ஒன்றை வெளியிட்டது. அந்த அறிக்கையின்படிதான், பாகிஸ்தானில் எரிபொருள் விற்பனை வரலாறு காணாத உச்சத்தைத் தொட்டுள்ளது. அதேபோன்று பொது விற்பனை வரியும் 17 சதவிகிதத்திலிருந்து 18 சதவிகிதமாக உயர்த்தப்பட்டுள்ளது. மினி பட்ஜெட்படி, அந்நாட்டில் பெட்ரோல் விலை 1 லிட்டர், 272 ரூபாயாக அதிகரித்துள்ளது. அதாவது ஒரேநாளில் 22 ரூபாய் அதிகரிக்கப்பட்டு உள்ளது. இதேபோன்று 1 லிட்டர் டீசலின் விலை பாகிஸ்தான் ரூபாய் மதிப்பில், ரூ.280 ஆக உயர உள்ளது. பெட்ரோல், டீசல் மட்டுமின்றி மண்ணெண்ணெய் விலையும் லிட்டருக்கு 12.90 ரூபாய் அதிகரித்து ஒரு லிட்டர் அந்நாட்டு மதிப்பில் 202.73 ரூபாய்க்கு விற்பனையாக இருக்கிறது. இந்த புதிய விலை, இன்று நள்ளிரவு முதல் அமலுக்கு வர இருக்கிறது. 15 நாள்களுக்கு முன்னர்தான் அந்நாட்டு அரசு பெட்ரோல், டீசல் விலையை ரூ.35 உயர்த்தி அறிவிப்பு வெளியிட்ட நிலையில், அடுத்த சில வாரங்களிலேயே புதிதாக 22 ரூபாய் விலை உயர்வு என்பது அம்மக்களை கடும் நெருக்கடிக்கு ஆளாக்கியுள்ளது. பெட்ரோல், டீசல் விலை மட்டுமல்லாது அத்தியாவசிய பொருள்கள், உணவுப் பொருள்களின் விலையும் விண்ணை முட்டியுள்ளது. பால், இறைச்சி போன்ற உணவுப் பொருள்களின் விலை கட்டுக்கடங்காத உயர்வை கண்டுள்ளது. ஒரு லிட்டர் பால் ரூ.210க்கும் ஒரு கிலோ சிக்கன் ரூ.700 - 800க்கும் விற்பனை ஆவதாக தகவல்கள் கூறுகின்றன. விலை உயர்வுக்கு காரணம் என்ன? சர்வதேச நாணய நிதியத்திடமும் (ஐ.எம்.எஃப்.) கடன் வாங்கும் முயற்சியில் பாகிஸ்தான் ஈடுபட்டு உள்ளது. இதற்காக சி.டி.எம்.பி. எனப்படும் கடன் மேலாண் திட்டம் ஒன்றை வகுத்து அதனை ஐ.எம்.எஃப்க்கு அனுப்பியது. ஆனால், அதனை ஆய்வுசெய்த அந்த அமைப்பு அத்திட்டத்தினை ஏற்காமல் நிராகரித்துவிட்டதாகச் செய்திகள் வெளியாகின. அதேநேரத்தில் முன்னதாக, ”பாகிஸ்தானில் உடனடியாக மின்கட்டண உயர்வை அமல்படுத்தினால் பணப் பற்றாக்குறையை தவிர்க்க முடியும் என ஐ.எம்.எஃப் ஆலோசனை கூறியிருந்தது. இந்தச் சூழலில்தான் அந்நாட்டு அரசு எரிபொருள் விலையை உயர்த்தியுள்ளதாகக் கூறப்படுகிறது. மேலும், அமெரிக்கா டாலருக்கு நிகரான பாகிஸ்தானின் ரூபாய் மதிப்பு வரலாறு காணாத வகையில் சரிந்ததும், எரிபொருள் விலை உயர்வுக்கு பிரதான காரணமாக கூறப்படுகிறது. இதனால், அந்நாட்டின் பணவீக்கம் அதிகரிக்கும் என்று சொல்லப்படுகிறது. இதுகுறித்து மூத்த பொருளாதார நிபுணர் கத்ரீனா எல், ”2023ஆம் ஆண்டின் முதல் பாதியில் பாகிஸ்தானில் பணவீக்கம் சராசரியாக 33 சதவீதமாக இருக்கும்” என்று கணித்துள்ளார். - ஜெ.பிரகாஷ்
http://dlvr.it/SjYPY0

Read More

2021 - 2022: 'ரூ.614 கோடி நன்கொடை பெற்ற பாஜக' - மற்ற கட்சிகள் எவ்வளவு தெரியுமா?!

டெல்லியைத் தலைமையிடமாகக்கொண்டு செயல்படும் ஜனநாயக சீர்திருத்த கூட்டமைப்பு (ஏடிஆர்) என்ற தன்னார்வ தொண்டு அமைப்பு கடந்த 2021-22-ம் நிதியாண்டில் தேசிய கட்சிகள் பெற்ற நன்கொடை விவரங்களை ஆய்வுசெய்து அறிக்கை வெளியிட்டிருக்கிறது. அதில், "கடந்த 2021-22-ம் நிதியாண்டில் நாடு முழுவதும் தேசிய கட்சிகள் ரூ.20,000-க்கு மேல் பெற்ற நன்கொடை விவரங்கள் ஆய்வுசெய்யப்பட்டு தொகுக்கப்பட்டிருக்கின்றன. இதன்படி பா.ஜ.க, காங்கிரஸ், இந்திய கம்யூனிஸ்ட், மார்க்சிஸ்ட், பகுஜன் சமாஜ், தேசியவாத காங்கிரஸ், தேசிய மக்கள் கட்சி, திரிணாமுல் காங்கிரஸ் ஆகிய தேசிய கட்சிகள் ஒட்டுமொத்தமாக ரூ.780.77 கோடியை நன்கொடையாகப் பெற்றிருக்கின்றன.பா.ஜ.க Vs காங்கிரஸ். இதில் அதிகபட்சமாக பா.ஜ.க ரூ.614.62 கோடியை நன்கொடையாகப் பெற்றிருக்கிறது. அந்தக் கட்சிக்கு 4,957 நன்கொடைகள் வழங்கப்பட்டிருக்கின்றன. கடந்த 2020-21-ம் நிதியாண்டில் பா.ஜ.க-வுக்கு ரூ.477.54 கோடி நன்கொடை கிடைத்தது. தற்போது அந்தக் கட்சிக்கு 28.71 சதவிகிதம் நன்கொடை அதிகரித்திருக்கிறது. கடந்த 2021-22-ம் நிதியாண்டில் காங்கிரஸ் கட்சிக்கு ரூ.95.45 கோடி நன்கொடை கிடைத்திருக்கிறது. அதற்கு முந்தைய நிதியாண்டில் அந்தக் கட்சி ரூ.74.52 கோடி நன்கொடை வசூலித்தது. தற்போது 28.09 சதவிகிதம் அளவுக்கு நன்கொடை அதிகரித்திருக்கிறது. தேசியவாத காங்கிரஸுக்கு ரூ.57.9 கோடி, மார்க்சிஸ்ட் கட்சிக்கு ரூ.10 கோடி, இந்திய கம்யூனிஸ்ட் கட்சிக்கு ரூ.1.94 கோடி, திரிணாமுல் காங்கிரஸுக்கு ரூ.43 லட்சம், தேசிய மக்கள் கட்சிக்கு ரூ.35 லட்சம் நன்கொடைகள் கிடைத்திருக்கின்றன. தேசிய கட்சிகளுக்கு அதிக நிதி வழங்கிய மாநிலங்களில் டெல்லி யூனியன் பிரதேசம் முதலிடத்தில் இருக்கிறது. அங்கிருந்து ரூ.395.84 கோடி நன்கொடை வழங்கப்பட்டிருக்கிறது. இதில் மிக அதிகபட்சமாக பா.ஜ.க-வுக்கு ரூ.366.57 கோடி வழங்கப்பட்டிருக்கிறது. டெல்லியிலிருந்து காங்கிரஸ் ரூ.27.51 கோடியை நன்கொடையாகப் பெற்றிருக்கிறது. டெல்லியை அடுத்து மகாராஷ்டிராவிலிருந்து தேசிய கட்சிகளுக்கு ரூ.105.35 கோடி நன்கொடை வழங்கப்பட்டிருக்கிறது. காங்கிரஸ் கட்சி அதில் பா.ஜ.க-வுக்கு ரூ.29.59 கோடி, காங்கிரஸுக்கு ரூ.19.53 கோடி, தேசியவாத காங்கிரஸுக்கு ரூ.55.47 கோடி வழங்கப்பட்டிருக்கின்றன. குஜராத்திலிருந்து ரூ.44.95 கோடி, அசாமிலிருந்து ரூ.23 கோடி, கர்நாடகாவிலிருந்து ரூ.22.97 கோடி தேசிய கட்சிகளுக்கு நன்கொடையாக வழங்கப்பட்டிருக்கின்றன. மேலும் கார்ப்பரேட் நிறுவனங்கள் சார்பில் ரூ.625.88 கோடியும், தனிநபர்கள் சார்பில் ரூ.153.32 கோடியும் தேசிய கட்சிகளுக்கு நன்கொடையாக வழங்கப்பட்டிருக்கின்றன. கார்ப்பரேட் நிறுவனங்கள் சார்பில் பா.ஜ.க-வுக்கு மட்டும் ரூ.548.80 கோடி நன்கொடை வழங்கப்பட்டிருக்கிறது" எனத் தெரிவிக்கப்பட்டிருக்கிறது.தொடர் சரிவில் அதானி; கூட்டு விசாரணைக் குழு அமைக்க தயக்கம் ஏன்? அரசிடம் காங்கிரஸ் கேள்வி!
http://dlvr.it/SjVSWT

Read More

``ரௌடிகள்கூட திமுக அரசை மதிப்பதில்லை!" - அண்ணாமலை தாக்கு

1998 கோவை குண்டு வெடிப்பில் உயிரிழந்தவர்களின் படங்களுக்கு மலர்தூவி அஞ்சலி செலுத்தும் நிகழ்வில் பா.ஜ.க மாநில தலைவர் அண்ணாமலை கலந்துகொண்டார். அப்போது அவர் பேசுகையில், ``2022 தமிழ்நாட்டுக்கு மோசமான ஆண்டு. சுதந்திரத்துக்குப் பிறகு தமிழ்நாட்டில் அதிக அளவு குற்றங்கள் நடந்தது அந்த ஆண்டுதான். தி.மு.க ஆட்சிக்கு வந்த பிறகு, 2022-ம் ஆண்டு மட்டும் 192 முதியவர்கள் கொல்லப்பட்டிருக்கின்றனர். அண்ணாமலைகாவலரைத் தாக்கி தப்பிக்க முயன்ற கோவை கொலையாளிகள் - துப்பாக்கியால் சுட்டுப்பிடித்த போலீஸ்! அந்த ஆண்டு நாட்டிலேயே முதியவர்கள் அதிக அளவு கொல்லப்பட்டது இங்குதான். நாட்டையே அதிரவைத்த கோவை குண்டு வெடிப்புச் சம்பவம் திட்டமிட்டு அரங்கேற்றப்பட்டது. இது தமிழ்நாட்டு மக்களுக்கு உதவாத ஆட்சி. ஒரு குடும்பத்துக்காக இருக்கக்கூடிய கட்சி. தி.மு.க சரிவை நோக்கிச் செல்லத் தொடங்கிவிட்டது. விடியல் கேட்டோம். மடியல் கொடுத்திருக்கின்றனர். கோவையில் நடந்த கொலை வழக்கில் துப்பாக்கியே பயன்படுத்தவில்லை என்பதைப்போல காவல்துறை மறைக்கப் பார்க்கிறது. அண்ணாமலை வீட்டுக்குள் சென்று தப்பிக்க முயன்றவரை, வாய்க்குள் துப்பாக்கியைவிட்டு சுட்டிருக்கின்றனர். அன்றைய ஒரு நாள் மட்டும் தமிழ்நாடு முழுவதும் 9 கொலைகள் நடந்திருக்கின்றன. காவல்துறை சரியாகச் செயல்படுவதில்லை. தி.மு.க ஆட்சிக்கு வந்த புதிதில் ஹெல்மெட், முகமூடி போட்டு கொலைசெய்து வந்தனர். இப்போது தைரியமாக முகத்தைக் காட்டி, 5 நிமிடங்கள் அந்த இடத்தில் நின்று பைக்கில் செல்கின்றனர். ரௌடிகள்கள்கூட தி.மு.க அரசை மதிப்பதில்லை. போலீஸ் பிடித்தால்கூட தி.மு.க ஒன்றியச் செயலாளர்களை வைத்து வெளிவந்துவிடுவோம் என்ற நம்பிக்கையில் சுற்றிக்கொண்டிருக்கின்றனர். கோவை கொலைக் குற்றவாளிகள் பா.ஜ.க எதைச் சொன்னாலும், அதை எதிர்த்து செயல்பட்டால்தான் வலிமையான தலைவர் எனக் காட்டிக் கொள்ளலாம் என ஸ்டாலினுக்கு மன பிராந்தி இருக்கிறது. எத்தனை நாளைக்கு எதுவும் நடக்காததுபோல மறைப்பீர்கள். மக்களின் உயிரைக் காப்பாற்ற லாயக்கில்லாத அரசு. இது வீழத்தான் போகிறது. 2024 நமக்கு முக்கியமான ஆண்டு. இங்கிருந்து அதிக எம்.பி-க்களை டெல்லிக்கு அனுப்ப வேண்டும். 20 ஆண்டுகளாகிவிட்டன. கோவையில் திரும்பி பா.ஜ.க வேட்பாளர் வர வேண்டும். கோவையிலிருந்து தேசியத்தைப் பேசக்கூடிய எம்.பி-யை நாடாளுமன்றத்தில் அமரவைக்க வேண்டும்.கோவை கொலை குற்றவாளிகள் மத்திய அரசின் முழுப் பார்வையை கோவை மாநகருக்கு கொண்டுவர வேண்டும். மக்களை அரசியல் பேசவைத்து, நல்லவர்களை ஆட்சியில் அமரவைக்க வேண்டும்” என்றார். பிறகு செய்தியாளர்களைச் சந்தித்த அண்ணாமலை, “ஈரோடு இடைத்தேர்தலில் எல்லாவிதமான அநியாயங்களையும் ஆளுங்கட்சி அரங்கேற்றிவருகிறது. மாநில தலைமைத் தேர்தல் அதிகாரிக்கு புகார் அனுப்பியிருக்கிறோம். கடந்த வாரம் எல்லா வீடுகளுக்கும் 2 கிலோ மட்டன் இலவசமாகக் கொடுத்தனர். இன்று புடவை கொடுத்திருக்கின்றனர். மக்களைப் பட்டி பட்டியாக அடைத்துவைத்திருக்கின்றனர்.ஈரோடு இடைத்தேர்தல் அரவக்குறிச்சி, திருமங்கலம் மாடல்களை இணைத்து பட்டி மாடலாக சிலர் ஈரோட்டில் இறங்கியிருக்கின்றனர். சாமானிய மக்களின் உயிருக்கு ஆபத்து ஏற்பட்டுக்கொண்டிருக்கிறது. கோவையில் என்ன நடக்கிறது என்று கேட்கக்கூட ஓர் அமைச்சர் இல்லை. ஈரோட்டில் எவ்வளவு காசு கொடுக்கலாம் என்பதில்தான் கவனம் செலுத்துகின்றனர்” என்றார். "கொலை நகரமாகிக்கொண்டிருக்கும் கோவை; காவல்துறையின் கைகள் கட்டப்பட்டிருக்கின்றன'' - அண்ணாமலை
http://dlvr.it/SjRX9T

Read More

``நாடாளுமன்றத்தில் ராகுல் மன்னிப்பு கேட்கவேண்டும்; இல்லையெனில்..!" - எச்சரிக்கும் பாஜக எம்.பி

கடந்த வாரம் மத்திய பட்ஜெட் மீதான நன்றி தெரிவிக்கும் தீர்மானத்தில் முன்னாள் காங்கிரஸ் தலைவரும், வயநாடு நாடாளுமன்ற உறுப்பினருமான ராகுல் காந்தி, மோடியும், அதானியும் விமானத்தில் இருக்கும் புகைப்படத்தைக் காண்பித்து, "இருவருக்கும் என்ன உறவு..? நான் மேற்கொண்ட `பாரத் ஜோடோ' யாத்திரையில் மக்கள் அனைவரும் ஒரு பெயரை மட்டும் என்னிடம் மீண்டும் மீண்டும் கேட்டனர். அவர்தான் அதானி.ராகுல் காந்தி எப்படி அவரால் மட்டும் எந்தத் தொழிலில் ஈடுபட்டாலும் வெற்றிபெற முடிகிறது. காஷ்மீரில் ஆப்பிள் ஏற்றுமதி தொடங்கி கேரளாவில் விமானம், துறைமுகம் என அனைத்திலும் அதானி வெற்றி சாத்தியமானது எப்படி?" என்பது உள்ளிட்ட பல கேள்விகளை எழுப்பியிருந்தார். இந்த நிலையில், நாடாளுமன்றத்தில் பிரதமர் குறித்து ராகுல் காந்தி வெளியிட்ட தகவல்களுக்கு தகுந்த ஆதாரத்தை ராகுல் காந்தி வழங்கக்கோரி பா.ஜ.க எம்.பி-க்கள் நிஷிகாந்த் துபே, பிரஹலாத் ஜோஷி ஆகியோர் சிறப்புரிமை மீறல் நோட்டீஸைத் தாக்கல் செய்திருக்கின்றனர். இது தொடர்பாக செய்தியாளர்களிடம் பேசிய எம்.பி நிஷிகாந்த் துபே, "பிரதமர் பற்றி கேட்கப்போகும் கேள்விகள் குறித்து சபாநாயகருக்கு நோட்டீஸ் எதுவும் கொடுக்காமல், எங்கள் பிரதமருக்கு எதிராக இதுபோன்ற குற்றச்சாட்டுகளை யாரும் எழுப்ப முடியாது.பாஜக எம்.பி நிஷிகாந்த் துபே அதனால் ராகுல் காந்திக்கு நோட்டீஸ் அனுப்பியிருக்கிறோம். அந்த நோட்டீஸில், ராகுல் காந்தியின் கூற்றுகளுக்கு ஆதரவான ஆதாரங்களை பிப்ரவரி 15-ம் தேதிக்குள் சபாநாயகரிடம் சமர்ப்பிக்குமாறு கேட்டுக்கொண்டிருக்கிறோம். இல்லையென்றால் அவர் நாடாளுமன்றத்தில் மன்னிப்புக் கேட்க வேண்டும். தவறினால் அவர் மக்களவையிலிருந்து பதவியை இழக்க நேரிடும்" எனத் தெரிவித்திருக்கிறார்.``பாஜக-வுக்கு எவ்வளவு பணம் கொடுத்தார் அதானி?" - நாடாளுமன்றத்தில் கேள்வியெழுப்பிய ராகுல் காந்தி
http://dlvr.it/SjNdL1

Read More

"அதிமுக தான் பாஜகவிற்கு அடிமைசாசனம் எழுதி வருகிறது" - ஈவிகேஎஸ் இளங்கோவன் பேட்டி

“பெரியாரின் புகழில் ஒரு துளிகூட எனக்கு இல்லை. மனதில் உள்ளதை மக்களிடையே பேசி வருகிறேன், தேர்தல் களத்தில் எனக்கு போட்டி யாரும் கிடையாது” என தெரிவித்துள்ளார் ஈவிகேஎஸ் இளங்கோவன். ஈரோடு கிழக்கு இடைத்தேர்தலில் பங்கேற்கும் கட்சிகள், அந்தந்த கட்சி உறுப்பினர்களுக்காக வாக்குசேகரிக்கும் பிரச்சாரத்தில் தொடர்ந்து ஈடுபட்டுவருகின்றனர். இந்நிலையில் இடைத்தேர்தலில் போட்டிக்கான பிரச்சாரம் குறித்தும், களநிலவரம் குறித்தும் ஈவிகேஎஸ் இளங்கோவன், புதிய தலைமுறையுடன் கலந்துரையாடல் நடத்தினார். அப்போது பேசிய அவர், “மதசார்பற்ற முற்போக்கு கூட்டணி சார்பில் போட்டியிடும் எனக்கு மக்களிடையே நல்ல ஆதரவு உள்ளது. அந்த அடிப்படையில் மக்களை நேரடியாக சந்தித்து வருகிறோம். யாருக்கு யார் அடிமை சாசனம் எழுதி வருகிறார்கள் என்பது மக்களுக்கு நன்றாக தெரியும். அதிமுக தான் பாஜகவிற்கு அடிமைசாசனம் எழுதி வருகிறது. மக்களோடு மக்களாக நெருங்கிப் பழகி பல நன்மைகளை செய்தவர் திருமகன் ஈவேரா என்பதை மக்களை சந்திக்கும் போது புரிந்து கொள்ள முடிகிறது. அவர் விட்டுச் சென்ற பணிகள் தொடர நிச்சயம் மக்கள் எனக்கு ஆதரவளிப்பார்கள். தேர்தல் நேரத்தில் கொடுத்த வாக்குறுதிகளில் பெரும்பான்மையானவற்றை முதலமைச்சர் நிறைவேற்றியுள்ளார். பல நல்ல திட்டங்களையும் தொடர்ந்து நிறைவேற்றி வரும் முதலமைச்சராக ஸ்டாலின் திகழ்கிறார். சொத்து வரி உயர்வு, மின் கட்டண உயர்வு போன்றவற்றை எதிர்க்கட்சிகள் விமர்சித்தாலும் பெண்களுக்கான இலவச பேருந்து பயணம் உள்ளிட்ட பல திட்டங்களும் இந்த ஆட்சிக்காலத்தில் நிறைவேற்றப்பட்டுள்ளது. சட்டம் ஒழுங்கு பற்றி பேசுவதற்கு அதிமுகவிற்கு தகுதி இல்லை. பொள்ளாச்சி பாலியல் வன்கொடுமை சம்பவம், தூத்துக்குடி துப்பாக்கிச் சூடு ஆகியவை அனைத்தும் அதிமுக ஆட்சியில் நடந்துள்ளன. பெரியாரின் புகழில் ஒரு துளி கூட நான் சம்பாதிக்கவில்லை என்பது உண்மை. மக்கள் மத்தியில் உருக்கமாக பேசவில்லை. மனதில் உள்ளதை மட்டும் தான் பேசி வருகிறேன்” என்று கூறினார். மேலும் “தேர்தல் களத்தில் எனக்கு யாரும் போட்டி இல்லை. வேட்பாளர்கள் பலர் இருந்த போதிலும், நண்பர் தென்னரசு இரண்டாம் இடத்தில் வருவார் என நம்புகிறேன்” என தெரிவித்தார்.
http://dlvr.it/SjKpRN

Read More