சைலண்ட்டாக நடந்து முடிந்த ‘ஏகே 62’ படப்பூஜை? - இவர்தான் வில்லனா? அறிவிப்பில் தாமதம் ஏன்?

நடிகர் அஜித்தின் ‘ஏகே 62’ படப் பூஜை நேற்று சைலண்ட்டாக நடந்து முடிந்துள்ளதாக தகவல் வெளியாகியுள்ளது. இயக்குநர் எச் வினோத் இயக்கத்தில், போனி கபூர் தயாரிப்பில், அஜித், மஞ்சு வாரியர், சமுத்திரக்கனி, ஜி.எம். சுந்தர், மகாநதி சங்கர், ஜான் கொக்கன் உள்ளிட்ட பலர் நடிப்பில் பொங்கலை முன்னிட்டு வெளியான திரைப்படம் ‘துணிவு’. இந்தப் படம் அஜித்திற்கு விமர்சன ரீதியாகவும், வசூல் ரீதியாகவும் நல்ல கம்பேக் படமாக அமைந்துள்ளது. இந்தப் படத்தை தொடர்ந்து அஜித்தின் 62-வது படத்தை இயக்குநர் விக்னேஷ் சிவன் இயக்க, லைகா புரொடக்ஷன்ஸ் தயாரிப்பதாக அறிவிப்பு வெளியான நிலையில், பல்வேறு காரணங்களால் அந்தப் படத்திலிருந்து விக்னேஷ் சிவன் விலகிவிட்டதாக கூறப்படுகிறது. இதுகுறித்த அதிகாரப்பூர்வ அறிவிப்பு வெளியாகவில்லை என்றாலும், விக்னேஷ் சிவன் தனது ட்விட்டர் பக்கத்தின் பயோவிலிருந்து அஜித் புகைப்படம் மற்றும் ‘ஏகே62’ என குறிப்பிட்டதை நீக்கிவிட்டார். இதனால் விக்னேஷ் சிவன் ‘ஏகே 62’ படத்திலிருந்து வெளியேறியதை சூசகமாக கூறியுள்ளதாக செய்திகள் பரவி வந்த நிலையில், அடுத்ததாக அஜித் படத்தை இயக்கப்போவதாக வெளியான லிஸ்ட்டில் விஷ்ணுவர்தன், வெங்கட் பிரபு, மகிழ் திருமேனி ஆகிய இயக்குநர்களின் பெயர்கள் சமூகவலைத்தளங்களில் அடிப்பட்டன. இதில் இயக்குநர் மகிழ் திருமேனி சொன்ன கதை பிடித்துவிட்டதாகவும், அஜித் அவரையே தேர்வு செய்துவிட்டதாகவும் செய்திகள் உலா வந்த நிலையில் தற்போது லேட்டஸ்ட்டாக, எளிமையாகவும், சைலண்ட் ஆகவும் அஜித்தின் ‘ஏகே 62’ படத்தின் பூஜை நடைபெற்றுள்ளதாக தகவல் வெளியாகியுள்ளது. ‘ஏகே 62’ படத்தில் அனிருத் இசையமைக்க, நீரவ் ஷா ஒளிப்பதிவு செய்ய உள்ளதாக கூறப்படுகிறது. லைகா புரொடக்ஷ்ன்ஸ் தயாரிக்க உள்ளதாக கூறப்படும் இந்தப் படத்தில் அஜித்திற்கு வில்லனாக அருண் விஜய் அல்லது அருள்நிதி ஆகிய இருவரில் ஒருவர் நடிக்க பேச்சுவார்த்தை நடைபெற்று வருவதாகவும் தகவல் வெளியாகியுள்ளது. இதில் அருண் விஜய் ஏற்கனவே கௌதம் வாசுதேவ் மேனனின் ‘என்னை அறிந்தால்’ படத்தில் அஜித்திற்கு நண்பனாகவும், வில்லனாகவும் அருண் விஜய் மிரட்டியிருந்தார். ‘ஏகே 62’ படத்தில் ஒருவேளை இணைந்தால், அஜித் - அருண் விஜய் இணையும் இரண்டாவது படமாக அது அமையும். மேலும், அருண் விஜய், மகிழ் திருமேனியின் ‘தடையறத் தாக்க’ படத்திலும், ‘தடம்’ படத்திலும் கதாநாயகனாக நடித்துள்ளதால், கூடுதல் பலமாக அமையும் என்று எதிர்பார்க்கப்படுகிறது. ஸ்கிரிப்டில் கூடுதல் ஆக்ஷன் காட்சிகள் சேர்க்க அஜித் வலியுறுத்தியுள்ளதாகவும், அதனால் மீண்டும் கதை எழுதுவதில் தாதமம் ஆகி வருவதால், மார்ச் மாதத்தின் நடுப்பகுதியில் அல்லது இறுதியில் டைட்டிலுடன் அதிகாரப்பூர்வ அறிவிப்பு வெளியாகும் என்றும், அப்போது படப்பிடிப்பு துவங்கி அடுத்த ஆண்டு 2024 பொங்கலை முன்னிட்டு படத்தை வெளியிட திட்டமிட்டுள்ளதாகவும் தகவல் கசிந்துள்ளது. இதனால் அஜித் ரசிகர்கள் மகிழ் திருமேனியை ட்ரெண்டாக்கி வருகின்றனர். அத்துடன் 'Done Channel' என்ற பிரபலங்களுக்கான மக்கள் தொடர்பு  நிறுவனம், இயக்குநர் மகிழ் திருமேனிக்கு எந்த சமூகவலைத்தளம் கணக்கும் இல்லையென்றும், அதனால் ரசிகர்களின் போலியான கணக்குகளை துவங்கி அவரது பெயரில் எந்த போஸ்ட்டுகளும் பதிவுசெய்ய வேண்டாம் என்று குறிப்பிட்டுள்ளது. இதனையும் அஜித் ரசிகர்கள் 'Code word accepted' என்று கருத்து தெரிவித்து வருகின்றனர்.  Code word accepted — ֆʊʀʏǟ  (@Rascal_AK) February 21, 2023
http://dlvr.it/Sjp6vJ

Read More

’இது சட்டவிரோத செயல்’.. நடிகர் ரோபோ சங்கருக்கு ரூ.2.5 லட்சம் அபராதம் விதித்த வனத்துறை!

சட்டவிரோத செயலில் ஈடுபட்டதற்காக நடிகர் ரோபோ சங்கருக்கு ரூ.2 லட்சம் அபராதம் விதிக்கப்பட்டுள்ளது. சில தினங்களுக்கு முன்னர் தனது ஹோம் டூர் வீடியோ ஒன்றில், தன்னுடைய வீட்டில் இரண்டு கிளிகள் வளர்ப்பது குறித்து வீடியோ பதிவிட்டு இருந்தார் நடிகர் ரோபோ சங்கர். இதை அறிந்த வனத்துறை அதிகாரிகள், வளசரவாக்கத்தில் உள்ள அவரது வீட்டிற்கு அப்போதே சென்று விசாரித்தனர். ஆனால் அச்சமயத்தில் ரோபோ சங்கர், குடும்பத்துடன் வெளிநாடு சென்று இருப்பதாக அங்கிருந்தவர்கள் தெரிவித்ததன் பேரில், வீட்டில் அவர் வளர்த்து வந்த இரண்டு அலெக்சாண்டரியன் பச்சைக்கிளிகளையும் பறிமுதல் செய்து வனத்துறை அதிகாரிகள் எடுத்து சென்றனர். பறிமுதல் செய்யப்பட்ட கிளிகளை கிண்டியில் உள்ள சிறுவர் பூங்காவில் ஒப்படைத்தனர். இது குறித்து விசாரணை மேற்கொண்ட போது, அப்போதே ரோபோ சங்கர் தரப்பில் விளக்கம் அளிக்கப்பட்டது. அதில், “கடந்த மூன்றரை ஆண்டுகளுக்கு முன்பாக என் மனைவி பிரியங்கா சங்கரின் தோழி ஒருவர், பணி மாறுதல் காரணமாக வேறு ஊருக்கு சென்றார். அப்போது அவர்கள் வீட்டில் வளர்த்த கிளிகளை எங்களை வளர்க்கச்சொல்லி கிப்ட்டாக கொடுத்து சென்றார். இரு கிளிகளுக்கும் 'பிகில்- ஏஞ்சல்' என பெயர் வைத்து வளர்த்துவந்தோம். இந்த வகைக் கிளிகளை வளர்க்கவேண்டும் என்பது எங்களுக்கு நீண்டநாள் ஆசையாக இருந்தது. அதனால் வளர்த்து வந்தோம். எங்களது மகள் பிகில் படத்தில் நடித்தப்பிறகு இந்தக் கிளிகள் எங்களுக்கு கிடைத்தால் இந்த பெயரை சூட்டி வளர்த்து வந்தோம். பணம் கொடுத்து வாங்காமல், கிப்ட்டாக கிடைத்ததால் வனத்துறையிடம் அனுமதி வாங்கவேண்டும் என்பது எங்களுக்கு தெரியவில்லை. மற்றபடி வனத்துறையினரிடம் மறைக்கவேண்டும் என்ற எந்தத் திட்டமிட்ட நோக்கமும் இல்லை. இலங்கையில் இருந்து வந்ததும் நேரில் சென்று விளக்கம் அளிக்கிறோம்” என்று தெரிவிக்கப்பட்டது. மேலும் இந்தக் கிளி, சங்கரை ரோபோ என செல்லமாக பெயரிட்டும், வீட்டில் உள்ளவர்களை அக்கா – அம்மா என அழைத்ததாகவும் தெரிவித்துள்ளனர். இதற்கு, வனத்துறை தரப்பில், “தனியார் யூடியூப் சேனலொன்று, ரோபோ சங்கரின் ஹோம் டூர் வீடியோ ஒன்றை வெளியிடப்பட்டிருந்தது. அதில் இந்த கிளிகள் காட்சிப்படுத்தப்பட்டு இருந்த நிலையில், அது எங்களது கவனத்திற்கு வந்தது. அதன்பேரில் நடவடிக்கை எடுத்து இருக்கிறோம்” என தெரிவிக்கப்பட்டது.  இந்நிலையில் இலங்கையில் இருந்து ரோபோ சங்கர் சென்னை திரும்பியுள்ளார். அவர் வந்ததும் விசாரணை செய்து உரிய நடவடிக்கை எடுக்கப்பட்டுள்ளது. அதன்படி ரோபோ சங்கருக்கு, இரண்டரை லட்ச ரூபாய் அபராதமும் விதிக்கப்பட்டுள்ளது. சட்டவிரோதமாக வெளிநாட்டு கிளி வைத்திருந்ததற்காக ரோபோ சங்கர் மீது வனத்துறை குற்றஞ்சாட்டியுள்ளது. அழிவின் விளிம்பில் உள்ள பறவையினங்களின் பட்டியலில், 4ஆவது வகையில் உள்ள இந்த பச்சை கிளிகளை வீடுகளில் வளர்ப்பதும், விற்பதும் இந்தியாவில் சட்டப்படி குற்றமாகும். வனவிலங்குகள் (பாதுகாப்பு) சட்டம், 1972 இல் பட்டியலிடப்பட்ட இந்தியப் பறவையான அலெக்ஸாண்ட்ரின் கிளி வளர்ப்பவர்கள் பிடிபட்டால், 6 மாதம் வரை சிறை தண்டனை கிடைக்கும் எனவும் வனத்துறையினர் எச்சரித்துள்ளனர்.
http://dlvr.it/Sjl5Fb

Read More

சிவராத்திரியையொட்டி கோயிலுக்கு சென்ற ஒரே குடும்பத்தைச் சேர்ந்த ஐவர் சாலை விபத்தில் பலி

ஆந்திர மாநிலத்தில் இன்று அதிகாலை நிகழ்ந்த சாலை விபத்தில் காவல் உதவி ஆய்வாளர் குடும்பத்தைச் சேர்ந்த ஐந்து பேர் பரிதாபமாக உயிரிழந்தனர். ஆடங்கி காவல்நிலைய உதவி ஆய்வாளராக இருந்தவர் சமாந்தர். இவர் சிவராத்திரியை முன்னிட்டு தனது மனைவி, மகள் மற்றும் இரண்டு பேருடன் காரில் சின்னகஞ்சம் நகரில் இருக்கும் சிவன் கோயிலுக்கு நேற்று இரவு சென்றுள்ளார். கோயிலுக்கு சென்றுவிட்டு இன்று அதிகாலை அனைவரும் ஊர் திரும்பியுள்ளனர். அப்போது அவர்கள் பயணித்த கார் மேதர்மிட்லா அருகே வந்தபோது டிவைடர் மீது மோதி விபத்துக்குள்ளானது. காரை தொடர்ந்து பின்னால் வேகமாக வந்த லாரி, கார் மீது மோதி காரில் பயணித்த டிரைவர் உள்ளிட்ட ஐந்து பேரும் சம்பவ இடத்திலேயே உடல் நசுங்கி பரிதாபமாக உயிரிழந்தனர். தகவல் அறிந்து அங்கு சென்ற ஆடங்கி காவல்நிலைய போலீசார், உயிரிழந்தவர்களின் உடல்களை மீட்டு உடற்கூறாய்வுக்காக பாபட்லா அரசு மருத்துவமனைக்கு அனுப்பி வைத்து வழக்குப் பதிவு செய்து விசாரணை மேற்கொண்டுள்ளனர்.
http://dlvr.it/SjhDv0

Read More

”இடஒதுக்கீடு கல்வி அமைச்சர்கிட்டையே வராதே” - வெங்கி அட்லுரியின் சர்ச்சை பேச்சும் கண்டனமும்

கோலிவுட்டில் முன்னணி நடிகராக இருக்கும் தனுஷின் நேரடி தெலுங்கு படமாக உருவாகியிருக்கும் SIR பிப்ரவரி 17ம் தேதி வெளியாகி திரையில் ஓடிக் கொண்டிருக்கிறது. தமிழில் வாத்தி என்ற பெயரிலும் வெளியாகியிருக்கிறது. சமுத்திரக்கனி, சம்யுக்தா என பலரும் நடித்திருக்கும் இந்த படத்தை தெலுங்கு பட இயக்குநரான வெங்கி அட்லுரி இயக்கியிருக்கிறார். படத்தின் புரோமோஷன் பணிகளுக்காக நடிகர், நடிகைகள் உள்ளிட்ட பலரும் நேர்காணல்களில் பேசினார்கள். அந்த வகையில் படத்தின் இயக்குநர் வெங்கி அட்லுரியும் தெலுங்கு தொலைக்காட்சிக்கான நேர்காணலில் பேசியிருந்தார். அதில் வாத்தி படம் பேசும் கரு குறித்தும், கல்வியை வியாபார மயமாக்கியது குறித்தும் பேசியிருந்தார். இருப்பினும் இட ஒதுக்கீடு பற்றி வெங்கி அட்லுரி பேசியதுதான் தற்போது பெரும் சர்ச்சைக்கு வித்திட்டிருக்கிறது. அதன்படி, “ஒருவேளை நீங்கள் ஒன்றிய கல்வி அமைச்சரானால் என்ன செய்வீர்கள்?” என கேள்வி எழுப்பப்பட்டிருக்கிறது. #SIRMovie Education system midha cinema teeyadam kadu sir ,miku first education avasaram ,go read Ambedkar. pic.twitter.com/F6gQv4XOG0— Kaushik (@partofdproblem) February 17, 2023 அதற்கு, “இது சர்ச்சையான பதிலாக இருக்கலாம். ஆனால் இப்போது இருக்கக் கூடிய இடஒதுக்கீட்டு முறையை ஒழித்துவிட்டு எல்லாருக்கும் பொருளாதார அடிப்படையிலான இடஒதுக்கீட்டை நடைமுறைப்படுத்துவேன். அப்போதுதான் எல்லாருக்கும் எல்லாமும் கிடைக்கும். சாதி ரீதியான இடஒதுக்கீடு கூடாது.” என பேசி பெரும் புயலையே கிளப்பியிருக்கிறார் வெங்கி அட்லுரி. இவரது இந்த பேச்சுக்கு பொதுமக்கள், சமூக ஆர்வலர்கள் உட்பட பல தரப்பிலிருந்தும் கண்டனங்கள் எழுந்து வருகின்றன. இதுபோக, “இடஒதுக்கீடு தொடர்பான அதிகாரம் கல்வி அமைச்சரிடத்திலேயே இல்லை. அதற்கென Ministry of Social Justice and Empowerment என்ற தனித் துறையே இருக்கிறது.” என சுட்டிக்காட்டியும் வெங்கி அட்லுரியை சாடி வருகிறார்கள்.
http://dlvr.it/Sjf7Cr

Read More

ராணுவ வீரர் கொலை: போராட்டத்தை முன்னெடுக்கும் பாஜக - மௌனம் கலைக்குமா திமுக அரசு?

கிருஷ்ணகிரி மாவட்டம், போச்சம்பள்ளி தாலுகா வேலம்பட்டி எம்.ஜி.ஆர் நகரைச் சேர்ந்த ராணுவ வீரர் பிரபாகரன், தி.மு.க கவுன்சிலர் சின்னசாமிக்கு இடையே கடந்த 8-ம் தேதி நடந்த வாக்குவாதம், கைகலப்பானது. அதில் பிரபாகரன், அவர் தம்பி பிரபு உள்ளிட்டோர் படுகாயமடைந்தனர். அவர்களை அங்கிருந்தவர்கள் மீட்டு சிகிச்சைக்காக, ஓசூர் தனியார் மருத்துவனையில் சேர்த்தனர். ஓசூர் தனியார் மருத்துவமனையில் சிகிச்சை பெற்றுவந்த ராணுவ வீரர் பிரபு, கடந்த 14-ம் தேதி உயிரிழந்தார். கிருஷ்ணகிரி: `தமிழகத்தில் ராணுவ வீரருக்கே பாதுகாப்பில்லை’ - திமுக அரசைக் கண்டித்து பாஜக ஆர்ப்பாட்டம் இந்தச் சம்பவம் தொடர்பாக மாவட்டக் காவல் கண்காணிப்பாளர் சரோஜ் குமார் தாகூர், “ராணுவ வீரர் கொலைச் சம்பவம் தொடர்பாக ஒன்பது பேர் கைதுசெய்யப்பட்டிருக்கின்றனர். இந்தக் கொலையில் அரசியல் உள்நோக்கம் ஏதும் இல்லை. தாக்கியவர்கள், காயமடைந்தவர்கள், உயிரிழந்த ராணுவ வீரர், அனைவரும் நெருங்கிய உறவினர்கள்தான். சாதாரணமாகத் தொடங்கிய சண்டை கைகலப்பாக மாறி, கொலையில் முடிந்திருக்கிறது. இதைச் சில அரசியல் கட்சிகள், அரசியல்வாதிகள், ‘திட்டமிட்ட கொலை’ என அரசியல் கண்ணோட்டத்தோடு சமூக வலைதளங்களில் பரப்புரை செய்துவருகின்றனர். அப்படிப் பரப்புரை செய்யும் நபர்கள்மீது உரிய நடவடிக்கை எடுக்கப்படும்” என்று தெரிவித்திருக்கிறார். சரோஜ் குமார் தாகூர் இந்தச் சம்பவம் குறித்து கருத்து தெரிவித்திருக்கும் தமிழக பா.ஜ.க மாநில துணைத் தலைவர் நாராயணன் திருப்பதி, “ஒரு ராணுவ வீரர் தி.மு.க குண்டர்களால் அடித்தே சாகடிக்கப்பட்டிருக்கிறார். இது ஒரு தனிப்பட்ட சம்பவம் என்று கடந்து செல்ல முயல்கிறது தி.மு.க. தி.மு.க-வினர் இது குறித்து கருத்து சொல்லக்கூட தயங்குகின்றனர். `இதை நான் வன்மையாகக் கண்டிக்கிறேன், நமக்காக சேவை புரிந்த ஒருவரைக் கொடூரமாக அடித்தே கொன்றிருப்பது கொடூரம். என் கட்சியைச் சார்ந்தவராக இருந்தாலும் இரும்புல்கரம் கொண்டு நடவடிக்கை எடுப்பேன்’ என்று முதல்வர் குரல் கொடுக்காமல் அமைதி காப்பது ஏன்... இந்தப் படுகொலைக்கும், தி.மு.க-வுக்கும் என்ன தொடர்பு... தொடர்ந்து 2021, மே மாதம் தி.மு.க ஆட்சிக்கு வந்ததிலிருந்து இன்றுவரை தி.மு.க-வின் மேடைப் பேச்சாளர்கள், நிர்வாகிகள், சில அமைச்சர்கள் தி.மு.க-வை எதிர்ப்பவர்களைத் தரக்குறைவாகப் பேசுவதும், மிரட்டும் தொனியில் பேசுவதும், கொலை மிரட்டல் விடுப்பதும் வாடிக்கையாகிவிட்டது. நாராயணன் திருப்பதி பா.ஜ.க தலைவர் அண்ணாமலை அவர்களின் கையை வெட்டுவோம் என்று ஒரு முன்னாள் சட்டமன்ற உறுப்பினர் பேசியதும், ஒரு முன்னாள் நாடாளுமன்ற உறுப்பினர், `திருவாரூருக்கு வந்து பேசிவிட்டு, அண்ணாமலை எப்படித் திரும்பிப் போக முடிந்தது' என்று பேசியதும், ஒரு பேச்சாளர், `தீவிரவாதிகளை அனுப்பி ஆளுநரைக் கொலைசெய்வோம்' என்று பேசியதும், தி.மு.க-வின் அமைப்புச் செயலாளர் ஆர்.எஸ்.பாரதி அவர்கள், `சட்டமன்றத்தில் கொலை நடந்தாலும் வழக்கு இல்லை' என்று பேசியதும், தி.மு.க-வின் அடிமட்ட தொண்டனைக்கூட பதவி வெறியில், அதிகார போதையில் ஆழ்த்தியிருக்கிறது. அதிகாரம் இருப்பதால் எதை வேண்டுமானாலும் செய்யலாம் என்ற ஆணவத்தில் ஒவ்வொரு தி.மு.க-வினரும் செயல்படுவதை நாம் உணர முடிகிறது. தற்போது கிருஷ்ணகிரியில் ராணுவ வீரர் ஒருவர் அடித்தே படுகொலைசெய்யப்பட்டிருப்பதும், ஆளுங்கட்சி என்ற அதிகார மமதையில்தான் என்பதில் சந்தேகமில்லை. தி.மு.க தலைவர் ஸ்டாலின் அவர்கள் உடனடியாக இதை உணர்ந்து, தன் கட்சியினருக்குப் புரியும்விதத்தில் நடவடிக்கை எடுக்க வேண்டும். இல்லையேல் தமிழகம் வன்முறைக் காடாகும்” என்று குறிப்பிட்டிருக்கிறார். நிலைமை இவ்வாறு இருக்க, இந்தச் சம்பவத்தைக் கண்டித்து பா.ஜ.க மாநிலத் தலைவர் அண்ணாமலை தலைமையில் வரும் 21-ம் தேதி சென்னையில் மெழுகுவத்தி பேரணி நடத்த அந்தக் கட்சியினர் முடிவெடுத்திருக்கின்றனர். இது தொடர்பாக அந்தக் கட்சியின் மாநில துணைத் தலைவர் கரு.நாகராஜனைத் தொடர்புகொண்டு பேசினோம். ``கிருஷ்ணகிரி மாவட்டம், போச்சம்பள்ளி அருகே இந்திய ராணுவ வீரர் பிரபு அவர்களை தி.மு.க கவுன்சிலர் வெட்டிக் கொலைசெய்திருக்கிறார். பா.ஜ.க பட்டியல் அணியின் தலைவர் தடா பெரியசாமி அவர்களின் இல்லத்தில் கொலைவெறித் தாக்குதல் நடத்தப்பட்டிருக்கிறது. காவல்துறை அதிகாரிகள் வெட்டிக் கொலைசெய்யப்படுகிறார்கள்.கரு.நாகராஜன் பெண் காவலர்கள் தி.மு.க-வினரின் பாலியல் துன்புறுத்தலுக்கு ஆளாகிறார்கள். இவ்வாறு தொடர்ந்து தமிழகத்தில் மக்களுக்கு பாதுகாப்பு ஏற்படுத்த முடியாத, கையாலாகாத தி.மு.க அரசைக் கண்டித்தும், இறந்த ராணுவ வீரருக்கு அஞ்சலி செலுத்தும் வகையிலும், ஸ்டாலின் மாடல் அரசின் அநீதியான அலட்சியப் போக்கைத் தட்டிக் கேட்கவும், வருகிற 21-ம் தேதி காலை மாநிலத் தலைவர் அண்ணாமலை தலைமையில் உண்ணா நோன்பும், மாலை 4 மணிக்கு மக்கள் கலந்துகொள்கிற மெழுகுவத்தி ஊர்வலமும் நடைபெறவிருக்கிறது. ஊர்வலத்தின் இறுதியில் ராணுவ வீரர்களின் தியாகங்களை எடுத்துக்காட்டும் போர் நினைவுச்சின்னத்தில் மெழுகுவத்தி அஞ்சலி செலுத்தப்படுகிறது” என்றார். இது குறித்து தி.மு.க செய்தித் தொடர்பு இணைச் செயலாளர் பேரா ஜெ.கான்ஸ்டன்டைன் ரவீந்திரன், ``இது தேவையே இல்லாதது. அப்படி பார்த்தால் குஜராத், உத்தரப்பிரதேசம், மகாராஷ்டிராவில் தினமும் நடத்த வேண்டும். பா.ஜ.க பேசும் சனாதன தத்துவத்தை இங்கு பேச முடியாது. அவர்களின் பார்ப்பனிய ஆதிக்கத்தை இங்கு செலுத்த முடியாது. அப்போது அவர்கள் என்ன அரசியல் செய்வார்கள் என்றால், இதுபோல் ஒன்றுமில்லாத விஷயத்தைத்தான் முன்வைப்பார்கள். அங்கு நடந்தது, ராணுவ வீரருக்கும் தி.மு.க-காரருக்கும் நடந்த சண்டையில்லை.கான்ஸ்டன்டைன் ரவீந்திரன் சொந்த அக்கா மகன். இன்னும் சொல்லப்போனால், தி.மு.க கவுன்சிலர் ராணுவ வீரரிடம் சொத்துக்காகச் சண்டை போடவில்லை. சோப்பு தண்ணீர்பட்டால் மக்கள் குடிக்கும் தண்ணீர் மாசாகும் என்று சொன்னதால், `நான் ராணுவத்தான் சுட்டுக் கொன்றுவிடுவேன்' என்று சொல்லியிருக்கிறார். இதில் யார்மீது தவறு... குடும்பத் தகராறு, எதிர்பாராதவிதமாக கொலையில் முடிந்திருக்கிறது. ராணுவத்தையே கேவலப்படுத்தும் வேலையை பா.ஜ.க செய்துவருகிறது. அதன் இன்னொரு முகம்தான் இது. இந்திய ராணுவத்தைக் கேவலப்படுத்துவதை பா.ஜ.க கைவிட வேண்டும்” என்றார். கிருஷ்ணகிரி: இரு தரப்பு மோதலில் காயமடைந்த ராணுவ வீரர் பலி; திமுக கவுன்சிலர் உட்பட 9 பேர் கைது!
http://dlvr.it/Sjc5Wn

Read More

வரலாறு காணாத உச்சம்! பாகிஸ்தானில் 1 லிட்டர் பெட்ரோல் ரூ.272-விலை உயர்வுக்கு இதுதான் காரணம்

பாகிஸ்தானில் எரிபொருள் விற்பனை வரலாறு காணாத அளவுக்கு உயர்ந்துள்ளதாக தகவல்கள் தெரிவிக்கின்றன. பாகிஸ்தான் சந்திக்கும் பொருளாதார நெருக்கடி பொருளாதார நெருக்கடியைச் சந்தித்த இலங்கையைப் போன்றே, இன்னொரு அண்டை நாடான பாகிஸ்தானும் அதே சிக்கலை தற்போது எதிர்கொண்டு வருகிறது. கடந்த ஆண்டு ஏற்பட்ட கடும் பொருளாதார நெருக்கடியால் இலங்கையில் போராட்டம் வெடித்து தற்போது புதிய ஆட்சி மலர்ந்துள்ளது. எனினும், அதிலிருந்து இலங்கை இன்னும் முழுவதுமாக மீளமுடியவில்லை. தற்போது இதே பிரச்சினையை பாகிஸ்தானும் எதிர்கொண்டுள்ளது. கடும் பொருளாதார நெருக்கடியைக் காரணம் காட்டி, கலைக்கப்பட்ட இம்ராம் கான் ஆட்சிக்குப் பிறகு, பாகிஸ்தான் புதிய பிரதமராக ஷாபாஸ் ஷெரீஃப் தேர்வானார். அவர் பதவியேற்று ஒரு வருடம் ஆவதற்குள்ளேயே, அந்நாடு பொருளாதார சரிவைச் சந்திக்கத் தொடங்கிவிட்டது. அதிகரித்து வரும் கடன், பெட்ரோலிய பொருட்கள் இறக்குமதி செலவுகள், குறைந்து வரும் அந்நியச் செலாவணி கையிருப்பு, உலகளாவிய பணவீக்கம், அரசியல் நிச்சயமற்ற தன்மை, மொத்த உள்நாட்டு உற்பத்தி வளர்ச்சியில் தொடர்ச்சியான வீழ்ச்சி ஆகியவற்றை சமாளிக்க முடியாததால் பாகிஸ்தானின் பொருளாதாரம் சரிவைச் சந்தித்து வருகிறது. நாடு முழுவதும் மின்சாரம் மற்றும் சமையல் கேஸ் தட்டுப்பாடு ஏற்பட்டுள்ளது. அத்தியாவசிய பொருட்கள் விலை உயர்வு அதிலும் குறிப்பாக, பாகிஸ்தானின் எரிசக்தி துறையின் கடன் சுமை தாங்கமுடியாத அளவுக்கு உயர்ந்துள்ளது. இதனால் ஷாப்பிங் மால்கள், உணவகங்கள், திருமண மண்டபங்கள் மற்றும் சந்தைகளை முன்கூட்டியே மூடுவதற்கான உத்தரவு பிறப்பிக்கப்பட்டுள்ளது. கடந்த ஆண்டு பாகிஸ்தானில் பெய்த பெரு மழையால் ஏற்பட்ட வெள்ளமும் உள்நாட்டு உற்பத்தியை முற்றிலும் முடக்கியுள்ளது. இதனால், காய்கறிகள், உணவுப் பொருட்கள் உள்பட அத்தியாவசிய பொருட்களின் விலை பாகிஸ்தானில் கடுமையாக அதிகரித்துள்ளது. திடீரென உயர்ந்த எரிபொருள் விற்பனை இந்த நிலையில், பாகிஸ்தானில் பெட்ரோல் மற்றும் டீசல் விலை, லிட்டருக்கு 22 ரூபாய் உயர்த்தப்படுவதாக தகவல் வெளியாகியுள்ளது. பாகிஸ்தான் நிதியமைச்சகம் வெளியிட்டு உள்ள அறிக்கையில் அமெரிக்க டாலருக்கு எதிரான பாகிஸ்தான் ரூபாய் அதிகளவிலான சரிவை பதிவு செய்த நிலையில் பெட்ரோல் விலை பெரிய அளவில் உயர்த்தப்பட்டு உள்ளதாக அறிவித்துள்ளது. பாகிஸ்தானில் நேற்று, அவ்வரசு ’மினி பட்ஜெட்’ ஒன்றை வெளியிட்டது. அந்த அறிக்கையின்படிதான், பாகிஸ்தானில் எரிபொருள் விற்பனை வரலாறு காணாத உச்சத்தைத் தொட்டுள்ளது. அதேபோன்று பொது விற்பனை வரியும் 17 சதவிகிதத்திலிருந்து 18 சதவிகிதமாக உயர்த்தப்பட்டுள்ளது. மினி பட்ஜெட்படி, அந்நாட்டில் பெட்ரோல் விலை 1 லிட்டர், 272 ரூபாயாக அதிகரித்துள்ளது. அதாவது ஒரேநாளில் 22 ரூபாய் அதிகரிக்கப்பட்டு உள்ளது. இதேபோன்று 1 லிட்டர் டீசலின் விலை பாகிஸ்தான் ரூபாய் மதிப்பில், ரூ.280 ஆக உயர உள்ளது. பெட்ரோல், டீசல் மட்டுமின்றி மண்ணெண்ணெய் விலையும் லிட்டருக்கு 12.90 ரூபாய் அதிகரித்து ஒரு லிட்டர் அந்நாட்டு மதிப்பில் 202.73 ரூபாய்க்கு விற்பனையாக இருக்கிறது. இந்த புதிய விலை, இன்று நள்ளிரவு முதல் அமலுக்கு வர இருக்கிறது. 15 நாள்களுக்கு முன்னர்தான் அந்நாட்டு அரசு பெட்ரோல், டீசல் விலையை ரூ.35 உயர்த்தி அறிவிப்பு வெளியிட்ட நிலையில், அடுத்த சில வாரங்களிலேயே புதிதாக 22 ரூபாய் விலை உயர்வு என்பது அம்மக்களை கடும் நெருக்கடிக்கு ஆளாக்கியுள்ளது. பெட்ரோல், டீசல் விலை மட்டுமல்லாது அத்தியாவசிய பொருள்கள், உணவுப் பொருள்களின் விலையும் விண்ணை முட்டியுள்ளது. பால், இறைச்சி போன்ற உணவுப் பொருள்களின் விலை கட்டுக்கடங்காத உயர்வை கண்டுள்ளது. ஒரு லிட்டர் பால் ரூ.210க்கும் ஒரு கிலோ சிக்கன் ரூ.700 - 800க்கும் விற்பனை ஆவதாக தகவல்கள் கூறுகின்றன. விலை உயர்வுக்கு காரணம் என்ன? சர்வதேச நாணய நிதியத்திடமும் (ஐ.எம்.எஃப்.) கடன் வாங்கும் முயற்சியில் பாகிஸ்தான் ஈடுபட்டு உள்ளது. இதற்காக சி.டி.எம்.பி. எனப்படும் கடன் மேலாண் திட்டம் ஒன்றை வகுத்து அதனை ஐ.எம்.எஃப்க்கு அனுப்பியது. ஆனால், அதனை ஆய்வுசெய்த அந்த அமைப்பு அத்திட்டத்தினை ஏற்காமல் நிராகரித்துவிட்டதாகச் செய்திகள் வெளியாகின. அதேநேரத்தில் முன்னதாக, ”பாகிஸ்தானில் உடனடியாக மின்கட்டண உயர்வை அமல்படுத்தினால் பணப் பற்றாக்குறையை தவிர்க்க முடியும் என ஐ.எம்.எஃப் ஆலோசனை கூறியிருந்தது. இந்தச் சூழலில்தான் அந்நாட்டு அரசு எரிபொருள் விலையை உயர்த்தியுள்ளதாகக் கூறப்படுகிறது. மேலும், அமெரிக்கா டாலருக்கு நிகரான பாகிஸ்தானின் ரூபாய் மதிப்பு வரலாறு காணாத வகையில் சரிந்ததும், எரிபொருள் விலை உயர்வுக்கு பிரதான காரணமாக கூறப்படுகிறது. இதனால், அந்நாட்டின் பணவீக்கம் அதிகரிக்கும் என்று சொல்லப்படுகிறது. இதுகுறித்து மூத்த பொருளாதார நிபுணர் கத்ரீனா எல், ”2023ஆம் ஆண்டின் முதல் பாதியில் பாகிஸ்தானில் பணவீக்கம் சராசரியாக 33 சதவீதமாக இருக்கும்” என்று கணித்துள்ளார். - ஜெ.பிரகாஷ்
http://dlvr.it/SjYPY0

Read More

2021 - 2022: 'ரூ.614 கோடி நன்கொடை பெற்ற பாஜக' - மற்ற கட்சிகள் எவ்வளவு தெரியுமா?!

டெல்லியைத் தலைமையிடமாகக்கொண்டு செயல்படும் ஜனநாயக சீர்திருத்த கூட்டமைப்பு (ஏடிஆர்) என்ற தன்னார்வ தொண்டு அமைப்பு கடந்த 2021-22-ம் நிதியாண்டில் தேசிய கட்சிகள் பெற்ற நன்கொடை விவரங்களை ஆய்வுசெய்து அறிக்கை வெளியிட்டிருக்கிறது. அதில், "கடந்த 2021-22-ம் நிதியாண்டில் நாடு முழுவதும் தேசிய கட்சிகள் ரூ.20,000-க்கு மேல் பெற்ற நன்கொடை விவரங்கள் ஆய்வுசெய்யப்பட்டு தொகுக்கப்பட்டிருக்கின்றன. இதன்படி பா.ஜ.க, காங்கிரஸ், இந்திய கம்யூனிஸ்ட், மார்க்சிஸ்ட், பகுஜன் சமாஜ், தேசியவாத காங்கிரஸ், தேசிய மக்கள் கட்சி, திரிணாமுல் காங்கிரஸ் ஆகிய தேசிய கட்சிகள் ஒட்டுமொத்தமாக ரூ.780.77 கோடியை நன்கொடையாகப் பெற்றிருக்கின்றன.பா.ஜ.க Vs காங்கிரஸ். இதில் அதிகபட்சமாக பா.ஜ.க ரூ.614.62 கோடியை நன்கொடையாகப் பெற்றிருக்கிறது. அந்தக் கட்சிக்கு 4,957 நன்கொடைகள் வழங்கப்பட்டிருக்கின்றன. கடந்த 2020-21-ம் நிதியாண்டில் பா.ஜ.க-வுக்கு ரூ.477.54 கோடி நன்கொடை கிடைத்தது. தற்போது அந்தக் கட்சிக்கு 28.71 சதவிகிதம் நன்கொடை அதிகரித்திருக்கிறது. கடந்த 2021-22-ம் நிதியாண்டில் காங்கிரஸ் கட்சிக்கு ரூ.95.45 கோடி நன்கொடை கிடைத்திருக்கிறது. அதற்கு முந்தைய நிதியாண்டில் அந்தக் கட்சி ரூ.74.52 கோடி நன்கொடை வசூலித்தது. தற்போது 28.09 சதவிகிதம் அளவுக்கு நன்கொடை அதிகரித்திருக்கிறது. தேசியவாத காங்கிரஸுக்கு ரூ.57.9 கோடி, மார்க்சிஸ்ட் கட்சிக்கு ரூ.10 கோடி, இந்திய கம்யூனிஸ்ட் கட்சிக்கு ரூ.1.94 கோடி, திரிணாமுல் காங்கிரஸுக்கு ரூ.43 லட்சம், தேசிய மக்கள் கட்சிக்கு ரூ.35 லட்சம் நன்கொடைகள் கிடைத்திருக்கின்றன. தேசிய கட்சிகளுக்கு அதிக நிதி வழங்கிய மாநிலங்களில் டெல்லி யூனியன் பிரதேசம் முதலிடத்தில் இருக்கிறது. அங்கிருந்து ரூ.395.84 கோடி நன்கொடை வழங்கப்பட்டிருக்கிறது. இதில் மிக அதிகபட்சமாக பா.ஜ.க-வுக்கு ரூ.366.57 கோடி வழங்கப்பட்டிருக்கிறது. டெல்லியிலிருந்து காங்கிரஸ் ரூ.27.51 கோடியை நன்கொடையாகப் பெற்றிருக்கிறது. டெல்லியை அடுத்து மகாராஷ்டிராவிலிருந்து தேசிய கட்சிகளுக்கு ரூ.105.35 கோடி நன்கொடை வழங்கப்பட்டிருக்கிறது. காங்கிரஸ் கட்சி அதில் பா.ஜ.க-வுக்கு ரூ.29.59 கோடி, காங்கிரஸுக்கு ரூ.19.53 கோடி, தேசியவாத காங்கிரஸுக்கு ரூ.55.47 கோடி வழங்கப்பட்டிருக்கின்றன. குஜராத்திலிருந்து ரூ.44.95 கோடி, அசாமிலிருந்து ரூ.23 கோடி, கர்நாடகாவிலிருந்து ரூ.22.97 கோடி தேசிய கட்சிகளுக்கு நன்கொடையாக வழங்கப்பட்டிருக்கின்றன. மேலும் கார்ப்பரேட் நிறுவனங்கள் சார்பில் ரூ.625.88 கோடியும், தனிநபர்கள் சார்பில் ரூ.153.32 கோடியும் தேசிய கட்சிகளுக்கு நன்கொடையாக வழங்கப்பட்டிருக்கின்றன. கார்ப்பரேட் நிறுவனங்கள் சார்பில் பா.ஜ.க-வுக்கு மட்டும் ரூ.548.80 கோடி நன்கொடை வழங்கப்பட்டிருக்கிறது" எனத் தெரிவிக்கப்பட்டிருக்கிறது.தொடர் சரிவில் அதானி; கூட்டு விசாரணைக் குழு அமைக்க தயக்கம் ஏன்? அரசிடம் காங்கிரஸ் கேள்வி!
http://dlvr.it/SjVSWT

Read More