Tamil News Live Today: ``மறைமுகமாகப் பூச்சாண்டி காட்டுவது எங்களிடம் பலிக்காது'' - அண்ணாமலையைக் கண்டித்த ஜெயக்குமார்

``அ.தி.மு.க-வினரின் சொத்துப் பட்டியலை அண்ணாமலை வெளியிடட்டும்'' - ஜெயக்குமார் அ.தி.மு.க முன்னாள் அமைச்சர் ஜெயக்குமார் இன்று செய்தியாளர்களைச் சந்தித்தார். அப்போது பேசிய அவர், "அ.தி.மு.க-வினரின் சொத்துப் பட்டியலை அண்ணாமலை வெளியிடட்டும். எல்லாவற்றையும் சந்திக்க நாங்கள் தயாராக இருக்கிறோம். மறைமுகமாகப் பூச்சாண்டி காட்டுவது, மிரட்டல் விடுவது போன்ற பாச்சா எல்லாம் எங்களிடம் பலிக்காது'' என்றார். ஜப்பான் பிரதமர் ஃபுமியோ கிஷிடா கூட்டத்தில் வீசப்பட்ட பைப் வெடிகுண்டு! ஜப்பான் பிரதமர் ஃபுமியோ கிஷிடா ஜப்பான் பிரதமர் ஃபுமியோ கிஷிடோவை நோக்கி அடையாளம் தெரியாத நபர் ஒருவர் பைப் போன்ற பொருள்களில் வெடிபொருள்களை நிரப்பி வீசியதாக வெளியாகியிருக்கும் தகவல் பரபரப்பை ஏற்படுத்தியிருக்கிறது. இந்தத் தாக்குதலில் ஜப்பான் பிரதமர் அதிர்ஷ்டவசமாக உயிர்தப்பினார். மக்கள் அலறி அடித்து ஓட, அந்த இடத்திலிருந்து பிரதமர் பாதுகாப்பாக வெளியேற்றப்பட்டார். வெடிகுண்டை வீசிய நபர் கைதுசெய்யப்பட்டார். இது தொடர்பாக விசாரணை நடத்தப்பட்டுவருகிறது. கடந்த ஆண்டு ஜப்பான் முன்னாள் பிரதமர் அபே துப்பாக்கியால் சுட்டுக் கொல்லப்பட்ட நிலையில், இந்தச் சம்பவம் மேலும் பரபரப்பை ஏற்படுத்தியிருக்கிறது. புதிய மதுபானக் கொள்கை முறைகேடு வழக்கு: கெஜ்ரிவால் ஆஜராக சி.பி.ஐ சம்மன்! அரவிந்த் கெஜ்ரிவால் டெல்லியில் மதுபான உரிமம் வழங்குவதில் முறைகேடு நடைபெற்றிருப்பதாகப் பதியப்பட்ட வழக்கில், மாநில துணை முதல்வர் மணீஷ் சிசோடியாவின் வீடு உள்ளிட்ட 21 இடங்களில் சி.பி.ஐ அதிகாரிகள் சோதனை நடத்தினர். இந்த வழக்கில் மணீஷ் சிசோடியா தற்போது கைதுசெய்யப்பட்டு சிறையில் அடைக்கப்பட்டிருக்கிறார். இந்த நிலையில், `புதிய மதுபானக் கொள்கை முறைகேடு புகார் தொடர்பாக டெல்லி முதல்வர் அரவிந்த் கெஜ்ரிவால் வரும் 16-ம் தேதி விசாரணைக்கு ஆஜராக வேண்டும்’ என சி.பி.ஐ சம்மன் அனுப்பியிருப்பது இந்த வழக்கில் மேலும் பரபரப்பை ஏற்படுத்தியிருக்கிறது.
http://dlvr.it/SmWblZ

Read More

Tamil News Live Today: ``ஓ.பன்னீர்செல்வம், என்னை சந்திக்க நேரம் கேட்டால், சந்திப்பேன்!” - சசிகலா

``ஓ.பன்னீர்செல்வம் என்னை சந்திக்க நேரம் கேட்டால், சந்திப்பேன்” - சசிகலா அதிமுக-வில் ஒற்றைத் தலைமை விவகாரம் இன்னும் புகைந்து கொண்டிருக்கும் நிலையில், சசிகலா தீவிர அரசியலில் இருந்து விலகியே இருக்கிறார். இந்நிலையில் இந்த மாதம் ஓ.பன்னீர்செல்வம் தரப்பினர் திருச்சியில் பிரம்மாண்ட மாநாடு ஒன்றை நடத்தப்பட்ட திட்டமிடப்பட்டுள்ளது. இந்த மாநாட்டிற்கு சசிகலா உள்ளிட்டவரையும் அழைக்க திட்டமிடப்பட்டுள்ளது என தெரிவிக்கப்பட்டிருந்தது.சசிகலா இந்த நிலையில் செய்தியாளர்களைச் சந்தித்த சசிகலா, ``நான் எல்லோருக்கும் பொதுவான தலைவர். அதிமுக-வில் நான் சாதி பார்த்ததில்லை. நான் சாதியை பார்த்து இருந்தால் கவுண்டர் சமூகத்தை சேர்ந்த ஒருவரை தமிழகத்தின் முதல்வராக ஆக்கியிருப்பேனா?” என அவர் கேள்வி எழுப்பினார். மேலும், ``ஓ.பன்னீர்செல்வம் என்னை சந்திக்க நேரம் கேட்டால் ஒதுக்கி கொடுப்பேன். மாநாட்டில் கலந்து கொள்வது குறித்து அழைப்பு விடுக்கப்பட்டால் அதன் பிறகு முடிவெடுக்கப்படும்” என்றார். `என்னை மாற்ற வேண்டுமென்றால் டெல்லிக்குச் செல்லுங்கள்!’ - அண்ணாமலை சென்னையில் திமுக-வினரின் சொத்துப் பட்டியலை வெளியிட்டு பேசிவரும் அண்ணாமலை, ``நான் தமிழக பாஜக தலைவராக இருக்கும் வரை இப்படித்தான் செயல்படுவேன். என்னை மாற்ற வேண்டுமென்றால் டெல்லிக்குச் சென்று முறையிடுங்கள். யார் தயவிலும் நாடாளுமன்ற உறுப்பினராக வேண்டும் என்கிற அவசியம் எனக்கு இல்லை” என்றார். `அதிமுக-வினரின் ஊழல் பட்டியலும் வெயிடப்படும்!’ - அண்ணாமலை திமுக-வினரின் சொத்துப் பட்டியலை வெளியிட்டுப் பேசிவரும் அண்ணாமலை, ``பிரதமர் சென்னைக்கு வரும்போது, நான் டெல்லியில் இருந்தது குறித்துக் கேள்வி எழுப்புகிறார்கள். பிரதமர்தான் என்னை டெல்லியிலிருந்து கர்நாடகா தேர்தல் பணிகளை கவனிக்கச் சொன்னார். அதனால்தான் வரவில்லை. 2024 தேர்தலுக்கு முன்பு தமிழ்நாட்டை ஆண்ட அத்தனை கட்சிகளின் ஊழல் பட்டியலும் வெளியிடப்படும். அதிமுக-வினரின் ஊழல் பட்டியலும் வெளியிடப்படும். ஊழலை எதிர்க்க நினைத்தால் ஒரு கட்சியை மட்டும் எதிர்க்க முடியாது. மொத்தமாகத்தான் எதிர்க்க வேண்டும்” என்றார். அண்ணாமலை வெளியிட்ட பட்டியல்: சென்னை பாஜக தலைமை அலுவலகத்தில் செய்தியாளர்களைச் சந்தித்த அண்ணாமலை, வீடியோ ஒன்றை வெளியிட்டார். அதில் திமுக கட்சிக்காரர்களின் சொத்துகள் குறித்தும், அமைச்சர்களின் முறைகேடுகள் குறித்தும் தகவல்கள், செய்திகளின் படங்கள் இடம்பிடித்திருந்தன. தொடர்ந்து முழுமையான தகவல்களெல்லாம் https://enmannenmakkal.com/ என்னும் இணையதளத்தில் இருக்கின்றன எனவும் தெரிவிக்கப்பட்டது. இது அவர்களின் சொத்து மற்றும் அதன் மதிப்புகள் அடிப்படையில் உருவாக்கப்பட்டது எனவும் அண்ணாமலை தெரிவித்தார். அந்தப் பட்டியலில் ஜெகத்ரட்சகன், வேலு, கே.என்.நேரு, கனிமொழி, கலாநிதி மாறன், கதிர் ஆனந்த், கலாநிதி வீராசாமி, உதயநிதி, சபரீசன் எனப் பலரின் பெயர்கள் இடம்பெற்றிருக்கின்றன. ``தற்போது வெளியிட்டிருப்பது முதல் பாதி மட்டுமே. விரைவில் இரண்டாம் பாகம் வெளியாகும்” என்றும் அண்ணாமலை தெரிவித்திருக்கிறார்., ரஃபேல் வாட்ச்: ``அதற்கான பில் இதோ...” கமலாலயத்தில் செய்தியாளர்களைச் சந்தித்து வரும் அண்ணாமலை, தான் கட்டியிருக்கும் ரஃபேல் வாட்ச்சுக்கான பில்லை செய்தியாளர்களிடம் காட்டினார். ``ரஃபேல் வாட்சின் 147-வது வாட்சை நான் வாங்கியிருக்கிறேன். சேரலாதன் ராமகிருஷ்ணன் என்ற நண்பரிடம் இந்த ரஃபேல் வாட்சை வாங்கினேன். அதற்கான பில் இதோ” என்று செய்தியாளர்களிடம் பில்லைக் காண்பித்தார் அண்ணாமலை. ``எனது வங்கிக் கணக்கு முதல் சம்பளம் வரை அனைத்து விவரங்களையும் இன்று இணையதளத்தில் வெளியிடவிருக்கிறேன்” என்றார். ``நான் கேள்வி கேட்கும் நேரம் இது. எனவே, ஒரு வாரம் கழித்து செய்தியாளர்களைச் சந்தித்து கேள்விகளுக்கு பதிலளிக்கிறேன். நான் பட்டியலை வெளியிட்ட பின்னர் நீங்கள் அதை முழுமையாக ஆராய்ச்சி செய்துவிட்டு பின்னர் கேளுங்கள். சாமானியன் அரசியலுக்கு வருவது மிக சிரமம். மாதம் எனக்கு 8 லட்சம் ரூபாய் செலவு செய்யும் நிலை இருக்கிறது. என் நண்பர்கள் எனக்கு உதவி செய்துவருகின்றனர். பல நல்ல நண்பர்கள் உதவியால் வாழ்க்கை போய்க்கொண்டிருக்கிறது. எனது கார்கூட வேறு ஒருவரின் பெயரில் இருக்கிறது. என் சம்பள விவரம், கிரெட்டிட் கார்ட் விவரம் என அனைத்தும் பட்டியலில் வரும்” என்றார். கமலாலயத்தில் அண்ணாமலை பேட்டி! சென்னையிலுள்ள கமலாலயத்தில் தமிழக பாஜக தலைவர் அண்ணாமலை தற்போது செய்தியாளர்களைச் சந்தித்துவருகிறார். திமுக தொடர்பான ஊழல் மற்றும் சொத்துப் பட்டியலை வெளியிடுவதாகக் கூறியிருந்த நிலையில், தமிழக பாஜக தலைவர் அண்ணாமலை தற்போது செய்தியாளர்களைச் சந்தித்துவருகிறார். திமுக தொடர்பான முக்கியக் கோப்புகளை வெளியிடுவதாகத் தெரிவித்த அண்ணாமலை, ``நான் இங்கு அவதூறுகளை அள்ளித் தெளிப்பதற்காக வரவில்லை. நான் சொல்வதற்குத் தகுந்த ஆதாரம் இருக்கிறது’’ என்று தெரிவித்திருக்கிறார். இன்று திமுக-வினரின் சொத்து, ஊழல் பட்டியலை வெளியிடும் அண்ணாமலை! தமிழக பா.ஜ.க தலைவர் அண்ணாமலை, `ஏப்ரல் 14-ம் தேதி தி.மு.க அமைச்சர்களின் சொத்து, ஊழல் பட்டியல் வெளியிடப்படும்’ என முன்னரே அறிவித்திருந்தார். இந்த நிலையில், `தி.மு.க-வினரின் ஊழல் பட்டியல் இன்று காலை 10:15 மணிக்கு வெளியிடப்படும்’ என பா.ஜ.க மாநிலத் தலைவர் அண்ணாமலை ட்விட்டர் பதிவில் தெரிவித்திருக்கிறார். DMK Files April 14th, 2023 - 10:15 am pic.twitter.com/4Hlvq4l2G0— K.Annamalai (@annamalai_k) April 13, 2023 ``தமிழக பாஜக மாநிலத் தலைமையகமான கமலாலயத்தில் காலை சரியாக 10:15 மணிக்கு தமிழக பாஜக மாநிலத் தலைவர் கே.அண்ணாமலை ( DMK FILES) திமுக-வின் சொத்து மற்றும் ஊழல் பட்டியலை வெளியிடுகிறார்” என பாஜக ஊடகப் பிரிவு தெரிவித்திருக்கிறது. தமிழ்ப் புத்தாண்டு பிறப்பை முன்னிட்டு கன்னியாகுமரி, தோவாளை ஸ்ரீ கிருஷ்ணசுவாமி திருக்கோயிலில் நடைபெற்றுவரும் சித்திரை விஷு கனி காணுதல் நிகழ்ச்சி மற்றும் சுவாமி தரிசனம் செய்துவரும் பொதுமக்கள்!
http://dlvr.it/SmSrLR

Read More

மசோதாக்களைக் கிடப்பில் போடும் ஆளுநர்கள்; பாஜக அல்லாத மாநில முதல்வர்களுக்குக் கடிதம் எழுதிய ஸ்டாலின்!

பா.ஜ.க ஆட்சியில் இல்லாத தமிழ்நாடு, தெலங்கானா, பஞ்சாப் போன்ற மாநிலங்களில் ஆளுநர்கள், அந்த மாநில அரசுகளுக்கு எதிராகச் செயல்படுவதாக அடிக்கடிக் குற்றச்சாட்டுகள் எழுந்துவருகின்றன. இப்படியான சூழலில், தமிழ்நாட்டில் ஆளுநருக்கெதிராக முதல்வர் ஸ்டாலின் தனித் தீர்மானம் கொண்டுவந்த பிறகு, பல நாள்களாகக் கிடப்பில் இருந்த அரசின் ஆன்லைன் சூதாட்ட தடைச் சட்ட மசோதாவுக்கு ஆளுநர் ஆர்.என்.ரவி திடீரென ஒப்புதல் அளித்தார்.ஆன்லைன் ரம்மி: ஆளுநர் ரவி, முதல்வர் ஸ்டாலின் அதேபோல தெலங்கானாவிலும் ஆளுநரால் மசோதாக்கள் கிடப்பில்போடப்பட்டதால் ஆளுங்கட்சி உச்ச நீதிமன்றத்துக்குச் சென்றதையடுத்து, மூன்று மசோதாக்களுக்கு ஆளுநர் தமிழிசை சௌந்தரராஜன் ஒப்புதல் அளித்தார். இந்த நிலையில், மசோதாக்களுக்கு ஆளுநர்கள்‌ ஒப்புதல்‌ அளிப்பதற்கான காலக்கெடுவை நிர்ணயம்‌ செய்யுமாறு மத்திய அரசு மற்றும்‌ இந்தியக்‌ குடியரசுத்‌ தலைவரை வலியுறுத்தி தனித் தீர்மானம் நிறைவேற்றுமாறு பா.ஜ.க அல்லாத மாநில முதல்வர்களுக்கு ஸ்டாலின் கடிதம் எழுதியிருக்கிறார். அந்தக் கடிதத்தில்‌, ``இந்தியாவில்‌ மக்களாட்சி இன்று முக்கியமான கட்டத்தில்‌ இருக்கிறது என்பதையும்‌, நமது நாட்டில்‌ கூட்டாட்சித்‌ தத்துவம்‌ என்பது படிப்படியாக மறைந்துவருவதையும்‌ காண்கிறோம்‌. இந்திய அரசியலமைப்புச்‌ சட்டத்தில்‌ ஆளுநரின்‌ கடமைகள்‌ குறித்தும்‌, ஒன்றிய, மாநில அரசுகளின்‌ கடமைகளையும்‌, பொறுப்புகளையும்‌ தெளிவாக வரையறுக்கப்பட்டிருக்கும்போதிலும்‌, அவை இப்போது மதிக்கப்படுவதோ அல்லது பின்பற்றப்படுவதோ இல்லை. அதனால்‌ மாநில அரசுகளின்‌ செயல்பாடுகள்‌ பெரிதும்‌ பாதிக்கப்படுகின்றன.பாஜக அல்லாத மாநில முதல்வர்களுக்கு ஸ்டாலின் கடிதம் மாநில சட்டமன்றங்களால்‌ நிறைவேற்றப்பட்டு ஒப்புதலுக்கு அனுப்பப்பட்ட பல்வேறு மசோதாக்களுக்கு ஒப்புதல்‌ வழங்காமல்‌ சில மாநில ஆளுநர்கள்‌ காலவரையின்றி நிலுவையில்‌ வைத்திருப்பதால்‌, அந்தந்த மாநில நிர்வாகச் செயல்பாடுகள்‌ அந்தக் குறிப்பிட்ட இடங்களில்‌ முடங்கிப்‌போயிருக்கின்றன. தமிழ்நாடு சட்டமன்றத்தில்‌ நிறைவேற்றப்பட்டு, ஆளுநருக்கு அனுப்பிவைக்கப்பட்ட ஆன்லைன்‌ ரம்மியைத் தடைசெய்வதற்கான மசோதா உள்ளிட்ட பல்வேறு சட்ட முன்வடிவுகளுக்கு ஒப்புதல்‌ வழங்கும்‌ பொருட்டு, ஆளுநர்‌ எழுப்பிய சந்தேகங்களைப் பலமுறை தெளிவுபடுத்தியும்‌ அந்த முயற்சிகள்‌ பலனளிக்கவில்லை. இதே நிலைதான்‌, பல்வேறு மாநிலங்களிலும்‌ நீடிக்கிறது. இந்தச்‌ சூழ்நிலையில்‌, அந்தந்த மாநிலச் சட்டமன்றங்களால்‌ நிறைவேற்றப்பட்ட மசோதாக்களுக்கு ஆளுநர்கள்‌ ஒப்புதல்‌ அளிப்பதற்கான காலக்கெடுவை நிர்ணயம்‌ செய்யுமாறு ஒன்றிய அரசு மற்றும்‌ இந்தியக்‌ குடியரசுத்‌ தலைவரை வலியுறுத்தி மாநிலச்‌ சட்டமன்றத்தில்‌ தீர்மானம்‌ நிறைவேற்றுவது ஏற்புடையதாக இருக்கும்‌. அது சம்பந்தமாக 10-4-2023 அன்று தமிழ்நாடு சட்டமன்றப்‌ பேரவையில்‌ நிறைவேற்றப்பட்ட தனித்‌ தீர்மானத்தின்‌ சாராம்சத்தையும்‌ கடித்துடன்‌ இணைத்து அனுப்பியிருக்கிறேன்.முதல்வர் ஸ்டாலின் இந்தத் தீர்மானம்‌ நிறைவேற்றப்பட்டிருக்கும் நோக்கம்‌ மற்ற மாநிலங்களுக்கும்‌ ஏற்புடையதாக இருக்கும்‌. தங்கள் மாநில சட்டமன்றத்திலும்‌ இதே போன்ற தீர்மானத்தை நிறைவேற்றுவதன்‌ மூலம்‌ மாநில அரசுகள்‌, சட்டமன்றங்களின்‌ இறையாண்மை மற்றும்‌ சுயமரியாதையை நிலைநிறுத்துவதற்காக, தங்கள்‌ ஆதரவை வழங்கும் என்று நம்புகிறேன்" என ஸ்டாலின் தெரிவித்திருக்கிறார்.மோடி சவுத் ஸ்கெட்ச்... ஸ்டாலின் சரண்டரா... ராஜதந்திரமா?! - பதறும் ஆர்.என் ரவி! | Elangovan Explains
http://dlvr.it/SmPtDK

Read More

``கட்சி என்னை நடத்தியவிதம் வேதனையளிக்கிறது!" - கண்ணீர்விட்ட பாஜக எம்.எல்.ஏ

தென்னிந்தியாவில் பா.ஜ.க தலைமையிலான ஆட்சி நடைபெற்றுவரும் ஒரே மாநிலமான கர்நாடகாவில், மே மாதம் 10-ம் தேதி சட்டமன்றத் தேர்தல் நடைபெறவிருக்கிறது. ஆட்சியைத் தக்கவைத்துக்கொள்ளும் முனைப்பில் பா.ஜ.க-வும், ஆட்சியைப் பிடிக்க வேண்டும் என்ற முனைப்பில் காங்கிரஸும் மாறி மாறி வாக்குறுதிகள் அளித்துவருகின்றன. மேலும், இந்தத் தேர்தலில் மதச்சார்பற்ற ஜனதா தளமும், ஆம் ஆத்மியும் களமிறங்குகின்றன.கர்நாடகா தேர்தல்: பா.ஜ.க வேட்பாளர் பட்டியல் அறிவிப்பு இந்த நிலையில், பா.ஜ.க வெளியிட்டிருக்கும் முதற்கட்ட வேட்பாளர் பட்டியலால், முன்னாள் முதல்வர் உட்பட பா.ஜ.க-வில் தற்போது எம்.எல்.ஏ-வாக இருக்கும் பலரும் அதிருப்தியில் இருக்கின்றனர். இதற்குக் காரணம், முதற்கட்ட வேட்பாளர் பட்டியலில் பா.ஜ.க., 52 புதுமுகங்களைத் தலைமை வேட்பாளர்களாக அறிவித்திருக்கிறது. இந்த நிலையில், இதில் வாய்ப்பு மறுக்கப்பட்ட உடுப்பி தொகுதி பா.ஜ.க எம்.எல்.ஏ ரகுபதி பட், கட்சி தன்னை நடத்தியவிதம் வேதனையளிப்பதாகவும், `சாதி காரணமாக எனக்கு சீட் மறுக்கப்பட்டிருந்தால் அதை ஏற்றுக்கொள்ள மாட்டேன்' என்றும் தெரிவித்திருக்கிறார். இது தொடர்பாக ஊடகங்களிடம் பேசிய ரகுபதி பட், ``அமித் ஷா, ஜெகதீஷ் ஷெட்டரை அழைத்து, மாற்றங்கள் குறித்துத் தெரிவித்திருந்தார். அமித் ஷா என்னை அழைப்பார் என்று நான் எதிர்பார்க்கவில்லை. ஆனால், குறைந்தபட்சம் மாவட்டத் தலைவர் அதைச் செய்திருக்க வேண்டும். அவர்கூட கட்சியின் முடிவைத் தெரிவிக்க அழைக்கவில்லை. தொலைக்காட்சி சேனல்கள் மூலமாகத்தான் அதை அறிந்துகொண்டேன். பாஜக எம்.எல்.ஏ ரகுபதி பட் கட்சிக்காகக் கடுமையாக உழைத்திருக்கிறேன். பா.ஜ.க இன்று வளர்ந்துவிட்டது. எனவே, இனி அவர்களுக்கு நான் தேவைப்படப்போவதில்லை. இது மிகவும் வேதனையளிக்கிறது. ஒருவேளை சாதி காரணமாக எனக்கு சீட் மறுக்கப்பட்டிருந்தால், அதை நான் ஏற்றுக்கொள்ள மாட்டேன்" என அழுதுகொண்டே கூறினார். மூன்றாவது முறையாகத் தற்போது எம்.எல்.ஏ-வாகப் பதவி வகித்துவரும் ரகுபதி பட், கடந்த ஆண்டு உடுப்பியில் பள்ளி, கல்லூரிகளில் மாணவிகள் ஹிஜாப் அணியக் கூடாது என்று சர்ச்சையைக் கிளப்பியவர் என்பது குறிப்பிடத்தக்கது.கர்நாடகா: புதியவர்களுக்கு வாய்ப்பு... பாஜக-வுக்கு ‘பலன்’ தருமா முதற்கட்ட வேட்பாளர் பட்டியல்?
http://dlvr.it/SmPt2L

Read More

வாகனத்தில் `வாய்மையே வெல்லும்’... `வீட்டைப் பறித்தால், நிலைகுலைந்துபோவேனா?’ - வயநாட்டில் ராகுல்

எம்.பி பதவி பறிக்கப்பட்ட பிறகு முதன் முறையாக, தான் எம்.பி-ஆக இருந்த தொகுதியான வயநாட்டுக்கு நேற்று வந்தார் ராகுல் காந்தி. தனது சகோதரி பிரியங்காவுடன் வந்திருந்த ராகுலுக்கு வயநாடு தொகுதி மக்களும், காங்கிரஸ் கட்சியினரும் பெருமளவில் திரண்டு வரவேற்பளித்தனர். கடந்த நான்கு ஆண்டுகளுக்கு முன்பு வயநாட்டில் போட்டியிட ராகுல் முதன் முறையாக வந்த சமயத்தில் எவ்வளவு கூட்டம் கூடியதோ அதே அளவு மக்கள் திரண்டு வரவேற்றனர் என்கிறார்கள் காங்கிரஸ்காரர்கள். ராகுல் காந்தி, பிரியங்கா காந்திக்கு பேரணியாக வரவேற்பு ராகுல் காந்தி ஹெலிகாப்டரில் வந்திறங்கிய கல்ப்பற்றா முதல் பொதுக்கூட்டம் நடந்த மைதானம் வரை அவர் பேரணியாகச் சென்றார். பேரணி சென்ற வாகனத்தில் `வாய்மையே வெல்லும்’ என எழுதப்பட்டிருந்தது. அப்போது, 'எங்கள் வீடு உங்களுக்கு ராகுல் ஜி' எனத் தொண்டர்கள் கோஷம் எழுப்பினர். பின்னர் பொதுக்கூட்டத்தில் ராகுல் காந்தி பேசுகையில், "நான்கு ஆண்டுகளுக்கு முன்பு நான் உங்களைக் காண வந்தேன், நாடாளுமன்ற உறுப்பினராக ஆனேன். எனது தேர்தல் பிரசாரம் வித்தியாசமானது. சாதாரணமாக எனது பிரசாரத்தில் நான் என் செயல்பாடுகள் குறித்துப் பேசுவேன். ஆனால், நான் கேரளாவுக்கு வந்தபோது உங்கள் சகோதரன் என்ற உணர்வு ஏற்பட்டது. ஒரு நாடாளுமன்ற உறுப்பினர் ஆகவேண்டுமானால் பல்வேறு குணாதிசயங்கள் வேண்டும். நாடாளுமன்ற உறுப்பினராக மக்களின் தேவைகள், மக்களின் துன்பம், வருத்தங்களை உணர்ந்துகொள்ள வேண்டும். மக்களின் இதயங்களை உணர்ந்துகொள்ளவேண்டும். மக்கள் சமமானவர்கள், சில சமயம் மக்களை நம்மைவிட மேலான இடத்தில் வைக்க வேண்டும். ஒருவரின் சுயநலன்களை விட்டுவிட்டுத்தான் மக்கள் பிரதிநிதி ஆகமுடியும். நாம் எதற்கும் பயப்படாமல் செயல்பட வேண்டும். எம்.பி பதவி என்பது ஒரு முகவரி மட்டும்தான். பா.ஜ.க-வால் எனது எம்.பி பதவி என்ற முகவரியை மட்டும்தான் பறிக்க முடியும். எனது வீட்டை திரும்பப்பெற அவர்களால் முடியும், என்னை சிறையில் அடைக்கவும் அவர்களால் முடியலாம். ராகுல் காந்தி``கேவலம் நான்கைந்துபேருக்குச் சொந்தமான நாட்டில் வாழ மக்கள் விரும்பவில்லை” ஆனால், வயநாடு மக்களிடம் நான் பேசுவதைத் தடுக்க பா.ஜ.க-வால் முடியாது. சுதந்திரமான நாட்டில் வாழ இந்திய மக்களும், வயநாட்டு மக்களும் நினைக்கிறார்கள். தங்கள் குழந்தைகள் விரும்பும் பாதையில் பயணிக்க வேண்டும் என இங்குள்ள குடிமகன்கள் விரும்புகின்றனர். தன் பிள்ளைகளை இன்ஜினீயராகவோ, பிசினஸ்மேனாகவோ மாற்ற விரும்பினால் அதைச் செயல்படுத்த முடியும் என்ற தேசத்தைத்தான் இங்குள்ள மக்கள் விரும்புகின்றனர். ஆனால், கேவலம் நான்கைந்து பேருக்கு சொந்தமான நாட்டில் வாழ மக்கள் விரும்பவில்லை. இந்த விஷயங்களை மக்களுக்குச் சொல்லவே வயநாட்டின் மக்கள் பிரதிநிதி என்றவகையில் நான் விரும்புகிறேன். நான் பல ஆண்டுகளாக பா.ஜ.க-வுக்கு எதிரான போராட்டங்களை நடத்திவருகிறேன். பல ஆண்டுகளாக எனது போராட்டம் குறித்து புரிந்துகொள்ளக்கூட அவர்களால் முடியவில்லை. அவர்களது எதிரி ஒருவிதத்திலும் பயப்படும் நபர் அல்ல என்பது அவர்களுக்குப் புரியவில்லை. இந்த யதார்த்தத்தை அவர்கள் புரிந்துகொள்ளாதது என்னை ஆச்சர்யப்படுத்துகிறது. எனது அரசு குடியிருப்பில் போலீஸை அனுப்பினால் நான் பயப்படுவேன் என அவர்கள் நினைக்கிறார்கள். என் வீடு பறிக்கப்பட்டால் நிலைகுலைந்துபோவேன் என நினைக்கிறார்கள். அந்த வீட்டில் வசிப்பது எனக்கு மகிழ்ச்சி அல்ல.ராகுல் காந்தி கலந்துகொண்ட வயநாடு பேரணி மழை வெள்ள பிரளயத்தின்போது வயநாட்டில் நூற்றுக்கணக்கான மக்கள் வீடு இழந்ததை நான் கண்டேன். பேரிடருக்கு எதிராக நீங்கள் போராடியதை நான் பார்த்தேன். என் வீட்டை ஐம்பது முறை பறித்தெடுத்தாலும் நான் கவலைப்படமாட்டேன், பயப்படமாட்டேன். இந்திய மக்களின், வயநாட்டு மக்களின் குரலாக நான் ஒலித்துக்கொண்டே இருப்பேன். பா.ஜ.க மக்களுக்குள் பிரிவினையையும், பயத்தையும் ஏற்படுத்துகிறது. நான் மக்களோடு இருக்கிறேன். நான் வயநாட்டின் எம்.பி-யாக இருந்தாலும் இல்லாமல் இருந்தாலும் மக்களின் அடிப்படை கோரிக்கைக்காக குரல் கொடுப்பேன். எனது எம்.பி பதவி பறிக்கப்பட்டதால் நம்முடைய பந்தம் முடிந்துபோனது என நீங்கள் நினைக்க வேண்டாம். இரண்டோ மூன்றோ வருடங்கள் பற்றி நான் பேசவில்லை. என் உயிர் உள்ளவரை நான் உங்களுக்குக் கடமைப்பட்டிருக்கிறேன். அவர்கள் என்னைப் பிடித்து சிறையில் அடைத்தாலும் வயநாட்டுடனான எனது பந்தம் என்றும் இருக்கும்.ராகுல் காந்தி அதானியுடனான பந்தம் குறித்து பிரதமரிடம் நாடாளுமன்றத்தில் தொடர்ச்சியாகக் கேள்வி கேட்டேன். அதானி இரண்டாம் இடத்துக்கு வந்தது எப்படி எனவும், அவருக்குப் பிரதமர் உதவியது குறித்தும் கேட்டேன். இந்திய- இஸ்ரேல் ராணுவ ஒப்பந்தம் அதானியின் கைக்கு மாற்றப்பட்டது ஏன் எனக் கேள்வி எழுப்பினேன். ஏர்போர்ட் சட்டங்களில் மாற்றம் ஏற்படுத்தியது குறித்தும், அவருடனான நட்புகுறித்தும் கேள்வி கேட்டேன். பிரதமரிடம் பதில் இல்லை. பா.ஜ.க அமைச்சர்களே நாடாளுமன்றத்தை முடக்கினார்கள். நாடாளுமன்றத்தில் தனி நபருக்கு எதிராகக் குற்றச்சாட்டு இருந்தால், அவர் விளக்கம் அளிக்க சட்டத்தில் இடம் உண்டு. நான் சபாநாயகரிடம் சட்டம் பற்றி கூறி, விளக்கம் அளிக்க வாய்ப்பு கேட்டேன். சபாநாயகரின் அலுவலகத்துக்குச் சென்றும் கேட்டேன். அதற்கு அவர் தனக்கு வேறு வழி இல்லை எனச் சொன்னார். எனக்கு விளக்கமளிக்க வாய்ப்பு கிடைக்கவில்லை. நான் கேள்விகேட்டதால் நிலைகுலைந்த அவர்கள் என்னை நாடாளுமன்றத்திலிருந்து வெளியேற்றினார்கள். என்னைத் தகுதிநீக்கம் செய்ததை எனக்குக் கிடைத்த வாய்ப்பாகக் கருதுகிறேன்.வயநாட்டில் ராகுல் காந்தி என் பதவியைப் பறித்தபோதும், என்னை பா.ஜ.க-வினர் எதிர்க்கும்போது நான் சரியான பாதையில் செல்கிறேன் என உணர்ந்துகொள்கிறேன். என்ன நடந்தாலும் நான் என் செயல்பாட்டை மாறிக்கொள்ள மாட்டேன். இது எனக்காக அல்ல, இந்த நாட்டின் மீதான அக்கறையால் செய்கிறேன். என்னுடைய எம்.பி பதவிக்கும் நமக்குமுள்ள பந்தத்துக்கும் எந்தச் சம்பந்தமும் இல்லை. அதையும் தாண்டியது நமது பந்தம். பதவி பறிக்கப்பட்டதால் நம் பந்தம் இன்னும் ஆழமாகச்செல்லும். நம் பந்தம் குடும்பப் பந்தமாகும். அது மாறாது. உங்கள் அன்புக்கு நன்றி" என்றார்.
http://dlvr.it/SmLvHM

Read More

அருணாச்சலப் பிரதேசத்துக்குச் சென்ற அமித் ஷா; எச்சரித்த சீனா! - காரணம் என்ன?

இந்தியாவின் அண்டை நாடான சீனா, இரு நாடுகளுக்கிடையிலான எல்லைப்பகுதியில் அடிக்கடி அத்துமீறல், நில ஆக்கிரமிப்பு போன்ற நடவடிக்கையில் ஈடுபட்டுவருகிறது. இதைக் கட்டுப்படுத்த கடந்த சில நாள்களுக்கு முன்பு மத்திய அரசு சில திட்டங்கள் வகுத்து அதற்கான ஒப்புதலை வழங்கியது. இப்படியிருந்தும் கடந்த வாரம், இந்திய எல்லையில் இருக்கும் அருணாச்சலப் பிரதேச மாநிலத்தில், இரண்டு நிலப்பரப்புப் பகுதிகள், இரண்டு ஆறுகள், இரண்டு குடியிருப்புப் பகுதிகள், ஐந்து மலைப் பகுதிகள் என 11 இடங்களை `தெற்கு திபெத்' எனக் குறிப்பிட்டு சீனா பெயர் மாற்றம் செய்தது.இந்தியா - சீனா இதற்கு முன்னர் 2014, 2017-ம் ஆண்டுகளில், இதே போன்றே சீனா பெயர் மாற்றம் செய்திருந்தது. தற்போது மூன்றாவது முறையாக சீனா இப்படி செய்திருக்க, `அருணாச்சலப் பிரதேசம் எப்போதும் இந்தியாவின் பகுதியாகவே இருக்கும். சில பெயர்களை மாற்றுவதால் இந்த நிலை மாறிவிடாது' என மத்திய வெளியுறவுத்துறை செய்தித் தொடர்பாளர் தெரிவித்திருந்தார். இப்படியான சூழலில், மத்திய உள்துறை அமைச்சர் அமித் ஷா, ஏப்ரல் 10, 11 ஆகிய தேதிகளில் அருணாச்சலப் பிரதேசத்துக்குச் சென்று இந்திய - சீன எல்லையிலிருக்கும் கிபித்தூ என்ற கிராமத்தில் `Vibrant Villages Programme' எனும் திட்டத்தைத் தொடங்குவார் என அறிவிப்பு வெளியானது. இந்த நிலையில், அமித் ஷாவின் இந்தப் பயணத்துக்கு சீனா கடுமையாக எதிர்ப்பு தெரிவித்திருந்தது.அமித் ஷா, சீனா இது குறித்து செய்தியாளர்களிடம் இன்று பேசிய சீன வெளியுறவுத்துறை அமைச்சக செய்தித் தொடர்பாளர் வாங் வென்பின் (Wang Wenbin), ``ஜாங்னான் (Zangnan) சீனாவின் பகுதி. இந்திய அதிகாரி (அமித் ஷா) இங்கு வருவது, சீனாவின் பிராந்திய இறையாண்மையை மீறுவதாகும். மேலும், எல்லைப் பகுதியின் அமைதிக்கு உகந்தது அல்ல" என்று கூறினார்.அருணாச்சலப் பிரதேசத்தின் 11 இடங்களுக்குப் பெயர் மாற்றம் செய்த சீனா - இந்தியா பதிலடி!
http://dlvr.it/SmHyBH

Read More

``எங்கள் தாய்மண்ணைக் காக்கப் போராடுகிறோம்" - சுற்றிவளைக்கும் சீனாவுக்கு தைவான் பதில்!

சீனாவை விட்டுத் தனி நாடாக தைவான் பிரிந்துசென்றாலுமேகூட, தைவானை இன்னும் சீனா தனக்குட்பட்டதாகவே சொந்தம் கொண்டாடிவருகிறது. அதே சமயம், தைவானுக்கு அமெரிக்கா ஆதரவு வழங்குவதை சீனா தொடர்ந்து எதிர்த்துவருகிறது. ஆனால், தைவான் அதைக் கண்டுகொள்ளாமல், அமெரிக்காவுடன் தொடர்ந்து நெருக்கம் காட்டிவருகிறது. இதன் காரணமாக, சீனா அவ்வப்போது, தைவான் எல்லையில் போர் பயிற்சிகளை மேற்கொண்டு அந்த நாட்டை அச்சுறுத்திவருகிறது.சபாநாயகர் கெவின் மெக்கார்த்தியுடன் தைவான் அதிபர் சாய் இங்-வென் இப்படியான சூழலில், தைவான் அதிபர் சாய் இங்-வென் அமெரிக்காவுக்குச் சுற்றுப்பயணம் செல்லவிருப்பதாகத் தகவல் வெளியான உடனேயே, `தைவான் அதிபர் அமெரிக்காவுக்குச் சென்றால் அதற்கான பதிலடி கொடுக்கப்படும்' என தைவானைச் சீனா அச்சுறுத்தியது. ஆனாலும், தைவான் அதிபர் அமெரிக்காவுக்குச் சென்று, அமெரிக்க சபாநாயகர் கெவின் மெக்கார்த்தியைச் சந்தித்தார். இதனால் தைவானின் வடக்கு, தெற்கு, கிழக்கில் மூன்று நாள்கள் போர் பயிற்சிகள் நடத்தப்படும் என சீனா அறிவித்தது.தைவான் - சீனா அதனடிப்படையில், தொடர்ந்து இரண்டாவது நாளாக தைவானைச் சுற்றி இன்று காலையில் சீனா போர் பயிற்சிகளை மேற்கொண்டது. இதன் காரணமாகத் தைவானில் பதற்றம் நிலவிவருகிறது. இந்த நிலையில், `தைவான் எங்கள் தாய்மண், அதைக் காக்க நாங்கள் போராடுவோம்' என தைவானின் தேசிய பாதுகாப்பு அமைச்சகம் தெரிவித்திருக்கிறது. #Taiwan is our homeland, and no matter where we go or what we encounter, she is always charming and beautiful. Every story on this land is etched in our memories. We, #ROCArmedForces, are fighting with all our heart to defend our homeland and to protect our home together. pic.twitter.com/oI2eply6N6— 國防部 Ministry of National Defense, R.O.C. (@MoNDefense) April 9, 2023 இது குறித்து தைவான் தேசிய பாதுகாப்பு அமைச்சகம் தனது ட்விட்டர் பக்கத்தில், ``தைவான் எங்களின் தாய்மண். இந்த மண்ணின் ஒவ்வொரு கதையும் எங்களின் நினைவுகளில் பதிந்திருக்கின்றன. எங்களின் தாய்மண்ணையும், வீட்டையும் காக்க முழுமனதுடன் போராடுகிறோம்" என வீடியோவுடன் ட்வீட் செய்திருக்கிறது.தைவான்: கட்டாய ராணுவ சேவையை ஓராண்டாக நீட்டித்து உத்தரவு... சீன அச்சுறுத்தல் காரணமா?!
http://dlvr.it/SmFL1C

Read More