கார்ட்டூன்

கார்ட்டூன்
http://dlvr.it/Smz2hy

Read More

சூரத் வழக்கு: `அரசு இல்லத்தை காலி செய்த ராகுல்' - காங்கிரஸ் சொல்வதென்ன?!

கடந்த நாடாளுமன்றத் தேர்தலின்போது காங்கிரஸ், கூட்டணிக் கட்சி வேட்பாளர்களை ஆதரித்து நாடு முழுவது பிரசாரம் மேற்கொண்டார் காங்கிரஸ் தலைவர் ராகுல் காந்தி. அதன் ஒருபகுதியாக கர்நாடக மாநிலத்திலிருக்கும் கோலார் பகுதியில் பிரசாரம் மேற்கொண்டபோது கிரிக்கெட் சூதாட்டத்தில் ஈடுபட்ட லலித் மோடி, மோசடி வைர வியாபாரி நிரவ் மோடி குறித்தெல்லாம் விமர்சித்தார். ராகுல் இதையடுத்து, ‘‘ராகுல் காந்தி, ஒரு சமூகத்தையே அவமதித்துவிட்டார். ‘ஏன் எல்லாத் திருடர்களுக்கும் மோடி என்ற குடும்பப் பெயர் இருக்கிறது?’ என்று பேசியதற்குத் தகுந்த தண்டனை தரப்பட வேண்டும்'' என்று குஜராத் முன்னாள் அமைச்சர் பூர்னேஷ் மோடி, குஜராத் மாநிலத்தின் சூரத் தலைமை ஜுடிஷியல் மாஜிஸ்ட்ரேட் நீதிமன்றத்தில் அவதூறு வழக்கு தொடர்ந்தார். இதை விசாரித்து வந்த சூரத் நீதிமன்றம் கடந்த மாதம் 23-ம் தேதி பிறப்பித்த உத்தரவில், "ராகுல் காந்திக்கு இரண்டு ஆண்டுகள் சிறைத் தண்டனை, ரூ.15,000-த்துடன் ஜாமீனுக்கு ஒப்புதல் அளித்தது. மேல்முறையீடு செய்ய அனுமதிக்கும் வகையில் தண்டனையை 30 நாள்களுக்கு நிறுத்திவைக்கப்படுகிறது" என்றும் தெரிவிக்கப்பட்டிருந்தது. காங்கிரஸ் பின்னர் அவரது எம்.பி பதவியும் பறிக்கப்பட்டிருந்தது. இதையடுத்து கடந்த 3-ம் தேதி சிறைத் தண்டனைக்கு எதிராகவும், தண்டனைக்கு இடைக்காலத்தடை விதிக்கக் கோரியும் சூரத் மாவட்ட செசன்ஸ் நீதிமன்றத்தில் ராகுல் காந்தி சார்பில் மேல் முறையீடு செய்யப்பட்டது. இந்த வழக்கின் மேல்முறையீட்டில் அனைத்து ஆவணங்களையும் ஆய்வுசெய்து தீர்ப்பு வழங்கப்பட்டது. அதில், "சூரத் ஜுடிசியல் மாஜிஸ்ட்ரேட் நீதிமன்றத்தால் விதிக்கப்பட்ட தண்டனையை நிறுத்திவைப்பதற்கான, மேல்முறையீட்டாளர் ராகுல் காந்தியின் மனு இதன் மூலம் தள்ளுபடி செய்யப்படுகிறது" என்று கூறப்பட்டிருக்கிறது. காங்கிரஸ் பொதுச் செயலாளர் ஜெய்ராம் ரமேஷ் இதையடுத்து காங்கிரஸ் தலைவர் ஜெய்ராம் ரமேஷ், "காங்கிரஸ் கட்சி தற்போது இருக்கும் அனைத்துச் சட்ட வாய்ப்புகளையும் பயன்படுத்தி, உயர் நீதிமன்றத்தில் மேல்முறையீடு செய்யும்" எனத் தெரிவித்திருந்தார். முன்னதாக ஏப்ரல் 22-ம் தேதிக்குள் அரசு பங்களாவை காலி செய்ய வேண்டும் என்று மக்களவைச் செயலகம் அவருக்கு நோட்டீஸ் அனுப்பியது. காலக்கெடுவின் கடைசி நாளான இன்று மத்திய டெல்லியிலுள்ள தனது அதிகாரபூர்வ இல்லத்தை காலி செய்தார். இதற்கு காங்கிரஸ் தலைவர்கள் கடும் கண்டனம் தெரிவித்துவருகிறார்கள். காங்கிரஸ் எம்.பி சசி தரூர் இது குறித்து அந்தக் கட்சியின் ட்விட்டர் பக்கத்தில், ''இந்த நாடு ராகுல் காந்தியின் வீடு. நாட்டு மக்களின் இதயங்களில் ராகுல் குடியிருக்கிறார். மக்களுடனான அவரது உறவை யாராலும் பிரிக்க முடியாது. சிலர் அவரைத் தங்களது மகனாகப் பார்க்கிறார்கள். சிலர், அவரைச் சகோதரனாகப் பார்க்கிறார்கள். சிலர் அவரைத் தலைவராகப் பார்க்கிறார்கள். அதனால்தான் நாடு, என் வீடு உங்கள் வீடு எனக் கூறுகிறது'' என தெரிவிக்கப்பட்டிருக்கிறது. இது குறித்து காங்கிரஸ் எம்.பி சசி தரூர், "'மக்களவைச் செயலகத்தின் உத்தரவின் பேரில் ராகுல் காந்தி தனது அரசு இல்லத்தை காலி செய்துவிட்டார். ராகுல் காந்திக்கு எதிரான வழக்கு நிலுவையில் இருப்பதால் அவர் மீண்டும் நாடாளுமன்ற உறுப்பினராகலாம். ஆனாலும், அவர் விதிகளுக்கு மதிப்பளிப்பவராக இல்லத்தை காலி செய்துவிட்டார்'' என்று குறிப்பிட்டிருக்கிறார். சூரத் வழக்கு: 'ராகுல் காந்தியின் மனு தள்ளுபடி'... அதிர்ச்சியில் காங்கிரஸார் - அடுத்து என்ன?! இது குறித்து கருத்து தெரிவித்திருக்கும் பா.ஜ.க-வினர், "கீழமை நீதிமன்றத்தின் தண்டனையை உறுதிசெய்யும் மேல்முறையீட்டு நீதிமன்றத்தின் தீர்ப்பு காந்தி குடும்பத்தின் முகத்தில் அறைந்தது. சட்டம் அனைவருக்கும் சமம் என்பதை நீதிமன்றம் நிரூபித்திருக்கிறது. அவர்களுக்கு முன்னுரிமை அளிக்க முடியாது" என்று தெரிவித்திருக்கிறார்கள்.
http://dlvr.it/SmwvJ6

Read More

``காங்கிரஸ் அமைச்சர் எங்களைக் கொடுமைப்படுத்தினார்"- வீடியோ பதிவுசெய்துவிட்டு ராஜஸ்தான் நபர் தற்கொலை

காங்கிரஸ் தலைமையிலான ஆட்சி நடைபெற்றுவரும் ராஜஸ்தானில் முதல்வர் அசோக் கெலாட்டுக்கும், முன்னாள் துணை முதல்வர் சச்சின் பைலட்டுக்கும் பல மாதங்களாகவே உட்கட்சி மோதல் நீடித்துவருகிறது. இந்த ஆண்டு இறுதியில் அங்கு சட்டமன்றத் தேர்தல் நடக்கவிருக்கும் நிலையில் காங்கிரஸில் இது பின்னடைவை ஏற்படுத்தும் என்று கூறப்பட்டுவருகிறது.தற்கொலை செய்துகொண்ட ராம் பிரசாத் மீனா - ராஜஸ்தான் காங்கிரஸின் இத்தகைய நெருக்கடியான சூழலுக்கிடையில், 38 வயது நபர் ஒருவர், ஹோட்டல் உரிமையாளருடனான நிலப் பிரச்னையில் காங்கிரஸ் அமைச்சர் ஒருவர் தன்னையுடைய சொத்திலிருந்து வெளியேறச் சொல்லி வற்புறுத்தியாக வீடியோ பதிவுசெய்துவிட்டு தற்கொலை செய்துகொண்ட சம்பவம் பெரும் பரபரப்பை ஏற்படுத்தியிருக்கிறது. ராம் பிரசாத் மீனா என்றறியப்படும் அந்த நபர், ``கேபினட் அமைச்சர் மகேஷ் ஜோஷி, அவருடைய கூட்டாளிகளால் நான் தற்கொலை செய்துகொள்ளப்போகிறேன். அவர்கள் என்னையும் எனது குடும்பத்தினரையும் மிகவும் துன்புறுத்தியிருக்கின்றனர். இதைத் தவிர எனக்கு வேறு வழி தெரியவில்லை" என்று கூறியிருக்கிறார். ஆனால் இது குறித்து அமைச்சர் மகேஷ் ஜோஷி, ``இதில் எனக்கு எந்தத் தொடர்பும் இல்லை. எந்த விசாரணைக்கும் நான் தயார். தேர்தல் ஆதாயத்துக்காக பா.ஜ.க இந்த விவகாரத்தை அரசியலாக்குகிறது" எனக் குற்றம்சாட்டியிருக்கிறார். அதே சமயம் தற்கொலை செய்துகொண்டவரின் சமூகத்தைச் சேர்ந்த பா.ஜ.க எம்.பி கிரோரி லால் மீனா, சடலம் கண்டெடுக்கப்பட்ட இடத்தில் போராட்டம் நடத்திவருகின்றார்.காங்கிரஸ் மகேஷ் ஜோஷி மேலும் பா.ஜ.க தலைவர்கள் பலரும், இந்த விவகாரத்தில் விசாரணை நடத்தக் கோரி அமைச்சர் மகேஷ் ஜோஷியைப் பதவி விலக வலியுறுத்திவருகின்றனர். அதோடு, இதுவொரு சோகமான நிகழ்வு என்றும், போலீஸ் இதில் காலக்கெடுவுடன் விசாரணை மேற்கொள்ள வேண்டும் என்றும் சச்சின் பைலட் கூறியிருக்கிறார். ஏற்கெனவே அசோக் கெலாட் Vs சச்சின் பைலட் விவகாரம் கட்சிக்குள் சலசலப்பை ஏற்படுத்திக்கொண்டிருக்கும் நிலையில், தற்போது இந்த விவகாரம் காங்கிரஸுக்குப் பெரும் தலைவலியை ஏற்படுத்தியிருக்கிறது.``அதிகாரம் வந்தவுடன் வந்தவழியைத் திரும்பிப் பார்க்கவில்லை" - கெலாட்டை விமர்சித்த சச்சின் பைலட்!
http://dlvr.it/Smtnq0

Read More

`யார் ஆட்சியில் துப்பாக்கிச்சூடுச் சம்பவங்கள் அதிகம்!' - திமுக Vs அதிமுக... அனல் பறந்த விவாதம்

சட்டப்பேரவையில் இன்று தமிழ்நாடு உள்துறை மானியக் கோரிக்கைமீதான விவாதம் நடைபெற்றது. அப்போது சட்டம் - ஒழுங்கு விவகாரத்தில், அ.தி.மு.க., தி.மு.க என இரு கட்சியினரும் தூத்துக்குடி துப்பாக்கிச்சூடு தொடங்கி பல்வேறு துப்பாக்கிச்சூடு சம்பவங்களைப் பட்டியலிட்டனர். மானியக் கோரிக்கையின்போது எதிர்க்கட்சித் தலைவர் கேட்ட கேள்விக்கு முதலமைச்சர் பதில் கூறினார். அப்போது, ஸ்டெர்லைட் துப்பாக்கிச்சூடு சம்பவம் தொடர்பாக பத்திரிக்கையாளர்கள் கேட்ட கேள்விக்கு `எனக்கு அது பற்றிய தகவல்கள் எதுவும் நேரடியாக வரவில்லை. நானும் செய்திகளில் பார்த்துத்தான் தெரிந்துகொண்டேன்’ என்று அப்போதைய முதல்வர் எடப்பாடி பழனிச்சாமி கூறினார்" என்றார். இதற்கு பதிலளித்த எதிர்க்கட்சித் தலைவர் எடப்பாடி பழனிசாமி, ``நான் அப்போது ஆய்வுக் கூட்டத்தில் இருந்தேன். அதனால் என் உதவியாளர் அதைச் செய்தியில் பார்த்த தகவலை என்னிடம் கூறினார். அதை நான் செய்தியாளர்களிடம் கூறினேன். அதில் என்ன தவறு இருக்கிறது?” என்று கேள்வி எழுப்பினார்.தூத்துக்குடி துப்பாக்கிச்சூடு இதற்கு பதிலளித்த சட்டத்துறை அமைச்சர் ரகுபதி, “ஓய்வுபெற்ற நீதியரசர் அருணா ஜெகதீசன் ஆணையம் வெளியிட்ட அறிக்கையில், `தூத்துக்குடி சம்பவம் நிகழ்வதற்கு சரியாக மூன்று நாள்களுக்கு முன்பிலிருந்தே ஐ.ஜி அவர்கள், அங்கே என்ன நடந்துகொண்டிருக்கிறது என்னும் தகவலை முதலமைச்சராக இருந்த எடப்பாடி பழனிசாமிக்கு ஒவ்வொரு நிமிடமும் வழங்கினார்' எனத் தெளிவாகக் கூறப்பட்டிருக்கிறது” என்றார். உடனே எதிர்க்கட்சித் தலைவர் எடப்பாடி பழனிசாமி, “கடந்த 20 ஆண்டுகளாக ஸ்டெர்லைட்டை மூட வேண்டும் என்று அந்த மாவட்ட மக்கள் போராடிவருகின்றனர்.எனவே, அ.தி.மு.க கட்சியில் மட்டும் அவர்கள் போராட்டம் நடத்தியதாகக் கூற வேண்டாம். அந்த இறுதி நாளில், சுமார் 2,000-க்கும் அதிகமான காவலர்கள் அங்கு பாதுகாப்புப்பணியில் ஈடுபட்டிருந்தனர். அப்போதைய மாவட்ட ஆட்சித்தலைவரால் 144 தடை உத்தரவு போடப்பட்டிருந்தது. ஆனால், தடை உத்தரவையும் மீறி போராட்டத்தை நடத்துவோம் என்று இப்போதைய அமைச்சராக இருப்பவர், அப்போது சட்டமன்ற உறுப்பினராக இருந்தவர் அறிவித்தார். தி.மு.க சட்டமன்ற உறுப்பினர்களும் அந்தப் போராட்டத்தில் கலந்துகொண்டனர். அதனால்தான் விரும்பத்தகாத  நிகழ்வு நடந்தது” எனக் காட்டமாகத் தெரிவித்தார்.தமிழக சட்டத்துறை அமைச்சர் ரகுபதி“ஆறுமுகசாமி அறிக்கையில் உப்புச்சப்பில்லை... அருணா ஜெகதீசன் அறிக்கை படுஜோர்!” இதற்கு விளக்கமளித்த சமூக நலத்துறை அமைச்சர் கீதா ஜீவன், “உண்மைக்குப் புறம்பான செய்திகளை எதிர்க்கட்சித் தலைவர் எடப்பாடி பழனிசாமி கூறிவருகிறார். நூறு நாள்களாக மக்கள் ஸ்டெர்லைட் மூடுவது தொடர்பாகப் போராடிவந்தனர். அது தொடர்பாக மக்களிடம் பேச்சுவார்த்தை நடத்த, சட்டமன்ற உறுப்பினர்களும் அமைச்சர்களோ, முதல்வரோ மக்களின் போராட்டத்தைக் கண்டுகொள்ளவில்லை. ’இறுதிநாள் போராட்டம்’ என மக்கள் அறிவிக்கிறார்கள். மக்களால் தேர்ந்தெடுக்கப்பட்ட நான் அவருடன் கைகோத்து போராட்டம் நடத்தினேன். நாங்கள் போராட்டத்தைத் தொடங்கிய இடத்தில் 144 தடை உத்தரவு இல்லை. மேலும், இது அ.தி.மு.க அரசின் நிர்வாகச் சீர்கேடு" என்று சாடினார். இதற்கு பதிலளித்த எதிர்க்கட்சித் தலைவர் எடப்பாடி பழனிசாமி, “144 தடை உத்தரவு போடப்பட்ட பின்பும் சட்டமன்ற உறுப்பினர் எப்படி அந்தப் போராட்டத்தில் கலந்துகொண்டார்... இது தவறில்லையா... அங்கு பிரச்னை நடக்கும் என்பதை முன்கூட்டியே அறிந்துதான் 144 தடை உத்தரவு போடப்பட்டிருந்தது” என்றார்.கீதா ஜீவன் அப்போது எழுந்து பேசிய அவை முன்னவர் துரைமுருகன்,  “நீங்கள் 144 தடை உத்தரவு போடப்பட்ட இடத்துக்கு சட்டமன்ற உறுப்பினர் சென்றார் என்கிறீர்கள். சரி... அப்படியே தடைபோடப்பட்ட இடத்தில்  கூடியிருந்தால், வண்டி மேல் நின்று சுடுவதா..?" என்னும் கேள்வியை முன்வைத்தார். இதற்கு விளக்கமளித்த எடப்பாடி பழனிசாமி, “மிகவும் அனுபவம் வாய்ந்த அவை முன்னவர் இது போன்ற வார்த்தைகளை இங்கே குறிப்பிடுவது தவறு. இது தொடர்பான வழக்கு இன்றும் நீதிமன்றத்தில் விசாரணையில் இருக்கிறது. எப்படி இது பற்றி இங்கு பேச முடியும்... இதைப் பேசினால், தி.மு.க ஆட்சியில் எப்போதெல்லாம் துப்பாக்கிச்சூடு நடந்தது என்பதை பற்றி நாங்களும் விரிவாகச் சொல்லவேண்டிய சூழல் வரும்” என்றார். மீண்டும் எழுந்த சட்டத்துறை அமைச்சர் ரகுபதி, “நீதியரசர் அருணா ஜெகதீசன் வழங்கிய அறிக்கையில் தெளிவாகக் குறிப்பிடப்பட்டிருக்கிறது... ’காக்கா, குருவியைப்போல அங்கிருந்த மக்களை வண்டி மேலே நின்று பொசிஷன் எடுத்து ஒரு போரில் போய் எதிரிகளைச் சுடுவதுபோலச் சுட்டார்கள்' என்று கூறப்பட்டிருக்கிறது" என்றார். இது குறித்துப் பேசிய தமிழக முதலமைச்சர் ஸ்டாலின், “நூறு நாள்களாக அங்கு போராட்டம் நடைபெற்றுவருகிறது. முதலமைச்சர் ஏன் அவர்களை அழைத்துப் பேசவில்லை... அந்தத் துறை அமைச்சர் ஏன் அதில் தலையிடவில்லை... 100-வது நாளில் மாவட்ட ஆட்சித்தலைவரைக் காண அவர்கள் பேரணியாகச் சென்றார்கள்” என்றார்.சட்டப்பேரவை | ஸ்டாலின் | துரைமுருகன் அதற்கு பதிலளித்து எதிர்க்கட்சித் தலைவர் எடப்பாடி பழனிசாமி, ``எங்கள் ஆட்சியில் கிட்டத்தட்ட 14 முறை போராட்டம் நடத்திய மக்களை அழைத்துப் பேசியிருக்கிறோம். மாவட்ட ஆட்சியர் பேசியிருக்கிறார்... சார்பதிவாளர்கள் தொடங்கி தாசில்தார் என அனைவரும் பேச்சுவார்த்தை நடத்தினர். உங்கள் ஆட்சிக்காலத்தில் ஸ்டெர்லைட் விரிவாக்கத்துக்கு நிலம் ஒதுக்கப்பட்டதால்தான் இந்தப் பிரச்சனை எழுந்தது. அ.தி.மு.க ஆட்சிக்காலத்தில்தான் ஸ்டெர்லைட் மூடப்பட்டது" என்றார். அப்போது எழுந்த முதல்வர், “முதலில் ஸ்டெர்லைட் ஆலைக்கு அனுமதி வழங்கப்பட்டது யார் ஆட்சியில்... முன்னாள் முதலமைச்சர் ஜெயலலிதா ஆட்சிக்காலத்தில்தான் ஸ்டெர்லைட்டுக்கு அனுமதி வழங்கப்பட்டது” என்று பதிலளித்தார். எடப்பாடி பழனிசாமி அப்போது எடப்பாடி பழனிசாமி, “திருநெல்வேலி மாவட்டத்தில் தேயிலைத் தோட்டத் தொழிலாளிகள்  கூலி உயர்வு கேட்டு, போராட்டம் நடத்தினர். அப்போது அவர்கள்மீது காவல்துறை தடியடி நடத்தியது. அதிலிருந்து தப்பிக்க தாமிரபரணி ஆற்றில் மூழ்கி 17 பேரை மாய்த்து ’மாஞ்சோலை படுகொலை’ நடத்தியது தி.மு.க அரசுதான். அதேபோல மின்சாரக் கட்டணத்தை ஒரு பைசா குறைக்க வேண்டும் எனப் போராட்டம் நடத்திய விவசாயிகள்மீது துப்பாக்கிச்சூடு நடத்தியதும் தி.மு.க அரசுதான். உங்கள் ஆட்சியில் எத்தனை முறை துப்பாக்கிச்சூடு நடந்தது என்பதை எங்களாலும் தெளிவாக, தரவுகளுடன் கூற முடியும்” என்று குற்றச்சாட்டை முன்வைத்தார்.மாஞ்சோலை படுகொலை அப்போது குறுக்கிட்டுப் பேசிய அமைச்சர் வேலு, “எதிர்க்கட்சித் தலைவர் வரலாற்றை மாற்றிப் பேசுகிறார். ஒரு பைசா குறைக்க வேண்டும் என்று போராடி விவசாயிகளை சுட்டுக் கொன்றது அ.தி.மு.க அரசு. கல்லூரி மாணவர்களை, பேருந்தில்வைத்து எரித்ததும் அ.தி.மு.க அரசுதான்" எனச் சாடினார். இதற்கு பதிலளித்த எதிர்க்கட்சித் தலைவர் எடப்பாடி பழனிசாமி, ``அனைத்து ஆட்சிகளிலும் அசம்பாவிதச் சம்பவங்கள் நடந்துகொண்டுதான் வருகின்றன. அ.தி.மு.க ஆட்சியில் மட்டும் நடப்பதுபோலப் பேச வேண்டாம்” என்றார். உடனே முதலமைச்சர் ஸ்டாலின், ``எதிர்க்கட்சித் தலைவர் சொல்வதை நான் ஏற்றுக்கொள்கிறேன். ஒவ்வோர் ஆட்சியிலும் இது போன்ற சம்பவங்கள் நடப்பது இயல்புதான். ஆனால், தவறு நிகழ்ந்தவுடன் அதைச் சரிசெய்வதற்கு உடனடி நடவடிக்கை எடுப்பது இந்த ஆட்சிதான்" என்றார்.`நாங்க என்ன இங்க வெட்டியாக உட்காந்திருக்கோமா?’ - காட்டமான எடப்பாடி பழனிசாமி | சட்டசபை ’காரசாரம்’
http://dlvr.it/Smqynb

Read More

``கிறிஸ்தவம், இஸ்லாமில் தீண்டாமை இல்லையென்றால் அவர்களுக்கு இட ஒதுக்கீடு ஏன்?" - பாஜக கேள்வி!

தமிழ்நாடு முதல்வர் ஸ்டாலின் இன்றைய சட்டமன்றக் கூட்டத்தொடரில், ``மதம் மாறினாலும் சாதி மாறுவதில்லை, சாதிய இழிவுகள் ஒழிவதில்லை" என்று கூறி, கிறிஸ்தவ மதத்துக்கு மாறிய ஆதிதிராவிடர்களுக்கும் இட ஒதுக்கீட்டுச் சலுகை கொடுக்க வேண்டும் என மத்திய அரசை வலியுறுத்தி தனித் தீர்மானம் கொண்டுவந்தார். அப்போது இதற்கு எதிர்ப்பு தெரிவித்து அவையிலிருந்து வெளிநடப்பு செய்த பா.ஜ.க எம்.எல்.ஏ வானதி சீனிவாசன், ``பட்டியலின மக்கள் கிறிஸ்தவ, இஸ்லாம் மதங்களுக்கு மாறினாலும் தீண்டாமை தொடரும் என தி.மு.க அரசு மறைமுகமாகச் சொல்கிறதா" என விமர்சித்தார்.வானதி சீனிவாசன் - ஸ்டாலின் அதோடு, ``நீதிமன்ற வரம்புக்குள் இருக்கும் இந்த விவகாரத்துக்கு எதற்குத் தீர்மானம் கொண்டுவர வேண்டும்" என்றும் வானதி சீனிவாசன் கேள்வியெழுப்பினார். இந்த நிலையில் தமிழ்நாடு பா.ஜ.க மாநில துணைத் தலைவர் நாராயணன் திருப்பதி, கிறிஸ்தவ, இஸ்லாமிய மதங்களில் தீண்டாமை இல்லை என தி.மு.க கூறும்போது அவர்களுக்கு இட ஒதுக்கீடு ஏன் என கேள்வியெழுப்பி, இந்தத் தனித் தீர்மானத்தைத் திரும்பப் பெற வலியுறுத்தி அறிக்கை வெளியிட்டிருக்கிறார். அந்த அறிக்கையில், `` `கிறிஸ்தவராக மாறிய ஆதிதிராவிடர்களுக்கும் இட ஒதுக்கீடு வழங்க வேண்டும். பட்டியலின மக்களுக்கு வழங்கப்பட்டிருக்கும் சட்டரீதியான பாதுகாப்பும் உரிமைகளும் மதம் மாறிய பிறகும் கிடைக்க வேண்டும்' என மத்திய அரசை வலியுறுத்தி தனித் தீர்மானம் ஒன்றை முதல்வர் சட்டசபையில் நிறைவேற்றியிருப்பது உள்நோக்கம் கொண்ட வாக்குவங்கி அரசியல் என்பதோடு, இந்திய அரசியலமைப்புச் சட்டத்துக்கு எதிரானது. தி.மு.க மதவாத தீய சக்தியென்பதை இந்தத் தீர்மானமானது உறுதிசெய்கிறது.நாராயணன் திருப்பதி இந்து மதத்திலிருந்த தீண்டாமையினாலேயே சமூகரீதியாகப் பட்டியலின மக்கள் ஒடுக்கப்பட்டவர்களாக இருந்தார்கள் எனச் சொல்லப்பட்டு வந்த நிலையில், உருவாக்கப்பட்ட அரசியலமைப்பு (பட்டியலின சாதிகள்) ஆணை 1950-ன்படி, இந்து மதத்திலிருந்து வேறுபட்ட மதத்தைச் சார்ந்த எவரும் அட்டவணை சாதிகளின் உறுப்பினராக ஆக முடியாது. அதன் பிறகு 1956-ம் ஆண்டு, இந்து கலாசாரத்தை ஒட்டியே பின்பற்றியே சீக்கிய, புத்த மதத்திலும் தீண்டாமை இருப்பதாகக் குறிப்பிட்ட காக்கா காலேக்கர் ஆணைய பரிந்துரையை ஏற்று சீக்கிய மதத்தைப் பின்பற்றுபவர்களையும், 1990-ம் ஆண்டு சிறுபான்மை சமுதாய உயர்மட்ட குழுவின் பரிந்துரையின்படி பௌத்த மதத்தைப் பின்பற்றுபவர்களையும் பட்டியல் சாதியினராகச் சேர்க்கும் வகையில் திருத்தம் செய்யப்பட்டது. ஆனால், இந்து மதத்தில் மட்டுமே தீண்டாமை இருப்பதாகவும், கிறிஸ்தவ, இஸ்லாமிய மதங்களில் தீண்டாமை இல்லை என்றும் தொடர்ந்து தி.மு.க உள்ளிட்ட பல்வேறு கட்சிகளும், கிறிஸ்தவ, இஸ்லாமிய அமைப்புகளும் கூறி வருகிற நிலையில், அந்த மதத்தைச் சார்ந்தவர்களுக்கு இட ஒதுக்கீடு ஏன்... அப்படியானால் கிறிஸ்தவ, இஸ்லாமிய மதங்களில் தீண்டாமை கடைப்பிடிக்கப்படுகிறது என்பதை முதல்வர் ஸ்டாலின், தொல்.திருமாவளவன் போன்றோர் ஒப்புக்கொள்கின்றனரா... அப்படியானால் எந்தத் தீண்டாமைக்காக மதம் மாறினார்களோ அதே தீண்டாமை மற்ற மதங்களிலும் இருப்பதால் இந்து மதத்துக்கே திரும்புமாறு ஸ்டாலினும், திருமாவளவனும் அழைப்பு விடுவார்களா...திருமாவளவன் - ஸ்டாலின் அப்படி இட ஒதுக்கீடு அளிக்கும் நிலையில், பட்டியலின மக்கள் தொகை அதிகரித்து ஏற்கெனவே உள்ள இட ஒதுக்கீட்டில் பல்வேறு குழப்பங்கள் உருவாகாதா... நீண்ட நாள்களாக அவதியுற்று வரும் பட்டியலின மக்கள் பெரும் போட்டியைச் சந்திப்பதன் மூலம் கடும் நெருக்கடிக்குத் தள்ளப்பட மாட்டார்களா... நாடு முழுவதும் கடும் பிரச்னைகள் ஏற்பட்டு பட்டியலின மக்களின் வாழ்வு கேள்விக்குறியாகாதா... பெரும் குழப்பங்களை ஏற்படுத்தி மக்களைச் சின்னாபின்னமாக்கவே இந்தத் தீர்மானம் வழிவகை செய்கிறது. இந்திய தலைமைப் பதிவாளரின் 2001 அறிக்கையின்படி, கிறிஸ்தவ, இஸ்லாமிய மதங்களுக்கு மாறியவர்கள் ஒரே இனத்தைச் சார்ந்தவர்கள் அல்ல என்றும், பல்வேறு சாதியப் பிரிவுகளைச் சேர்ந்தவர்கள் என்றும் குறிப்பிடப்பட்ட நிலையில், இஸ்லாமிய, கிறிஸ்தவ மதத்துக்கு மாறிய மக்கள் அனைவரையும் பட்டியலினத்தில் சேர்ப்பது கடும் விளைவுகளை ஏற்படுத்தும். மேலும், இஸ்லாமிய, கிறிஸ்தவ மக்களை பட்டியலினத்தில் சேர்ப்பதன் மூலம் கிறிஸ்தவம், இஸ்லாமிய மதங்களில், இந்திய நாடு சாதியைத் திணிப்பதாக உலகம் முழுவதும் பிரசாரம் செய்து இந்தியாவின் நற்பெயருக்குக் களங்கம் விளைவிக்க நமக்கு எதிரான நாடுகள் முயலும்.ஸ்டாலின் மேலும், நீதியரசர் ரங்கநாத் மிஸ்ரா ஆணைய அறிக்கை 2007-லேயே அளிக்கப்பட்ட நிலையில், தி.மு.க அங்கம் வகித்த காங்கிரஸ் கூட்டணி ஆட்சி, அதன் பிறகு ஏழு வருடங்கள் ஆட்சியில் இருந்தும், அந்த அறிக்கையின் பரிந்துரைகளை அமல்படுத்தாதது ஏன்... நீதியரசர் ரங்கநாத் மிஸ்ரா, இஸ்லாமிய மற்றும் கிறிஸ்தவ மதங்களில் தீண்டாமை இருக்கிறது என்று குறிப்பிட்டிருப்பதை ஸ்டாலினும், அந்த மதத்தினரும் ஏற்றுக்கொள்வார்களா... இதுவரை இந்து மதத்தில் மட்டுமே தீண்டாமை இருந்ததாகக் கூறி இழிவுபடுத்தி வந்தவர்கள் வருத்தம் தெரிவிப்பார்களா... மத்திய அரசு ரங்கநாத் மிஸ்ரா அறிக்கையை முழுமையாக நிராகரித்திருப்பதோடு, நீதியரசர் கே.பாலகிருஷ்ணனின் தலைமையில் குழுவை அமைத்து இந்த விவகாரம் குறித்து அறிக்கையைக் கேட்டிருக்கிறது. கிறிஸ்தவ, இஸ்லாமிய மக்களுக்கு இட ஒதுக்கீடு வழங்க வேண்டும் என்ற வழக்கு கடந்த இருபது வருடங்களாக உச்ச நீதிமன்றத்தில் நடைபெற்று வருகிற நிலையில், தமிழ்நாடு சட்டமன்றத்தில் கொண்டுவரப்பட்டிருக்கும் இந்த தனித் தீர்மானம் மதங்களுக்கிடையே பிளவை உருவாக்கவே வழிவகை செய்யும்.நாராயணன் திருப்பதி சாதிகளே இல்லை என்று சொல்கிற மதங்களில், ஓட்டுக்காக சாதிய இட ஒதுக்கீடு கேட்டு மக்களைத் தூண்டிவிடும் தி.மு.க அரசின் மதவாதப் போக்கை பா.ஜ.க வன்மையாகக் கண்டிக்கிறது. இஸ்லாமிய, கிறிஸ்தவ மதங்களில் சாதியப் பிளவுகள் இருக்கிறது என்றும், தீண்டாமை கடைப்பிடிக்கப்படுகிறது என்றும் ஸ்டாலின் கூறுகிறாரா... அப்படி உறுதிசெய்வாரேயானால் இதுவரை இந்து மதத்தை மட்டும் குறிவைத்து தாக்கியதற்கு தி.மு.க., கூட்டணிக் கட்சிகள் மன்னிப்புக் கேட்க வேண்டும். இல்லையேல் இந்தத் தீர்மானத்தை திரும்பப் பெற வேண்டும்" என நாராயணன் திருப்பதி வலியுறுத்தியிருக்கிறார்.`கிறிஸ்தவ, இஸ்லாம் மதத்துக்கு மாறினாலும் தீண்டாமை தொடரும் என திமுக அரசு சொல்கிறதா?’ - வானதி காட்டம்
http://dlvr.it/SmmvnJ

Read More

சட்டப்பேரவை: `கடந்த ஆட்சி... எல்லாம் `சிடி’ போட்டு வைத்திருக்கிறேன்’ - நேரலை விவகாரத்தில் சபாநாயகர்

சட்டப்பேரவையில் நேற்று(18.4.2023) காலையில் மக்கள் நல்வாழ்வுத்துறை மானியக் கோரிக்கையும் மாலையில் ஆதிதிராவிடர் மற்றும் பழங்குடியினர் நலத்துறைக்கான மானியக் கோரிக்கை விவாதமும் நடந்தது. இதில் மதியம் தொடங்கிய, அ.தி.மு.க லைவ் விவகாரம் மாலையிலும் தொடர்ந்தது. ஆளுங்கட்சி பதில்களில் திருப்தியடையாத அ.தி.மு.க-வினர் அவையைப் புறக்கணித்தனர். என்ன நடந்தது?மா.சுப்பிரமணியன் சட்டசபையில் நேற்று மக்கள் நல்வாழ்வுத்துறை அமைச்சர் மா.சுப்பிரமணியன் பேசியபோது, ``அவையில் மானிய கோரிக்கையின் பதிலுரையின்போது அ.தி.மு.க உறுப்பினர்கள் யாரும் இருப்பதில்லை. கடந்த 10 நாள்களாகப் பார்க்கிறோம். காலை, மாலை என அனைத்து அமைச்சர்களும் தெளிவான பதில்களை வழங்கிவருகின்றனர். அவர்கள் இங்கு இருப்பதில்லை. அது வருத்தமாக இருக்கிறது. தற்போது, நீங்கள் கேட்கும் கேள்விகளுக்கு தற்போதே விடையளிக்கிறேன். அவர் சொல்லும் ஒவ்வொரு வரிக்கும் இங்கிருந்து பதில் வரும் என்பதை தெளிவாகக் கூறிக்கொள்கிறேன். அமைச்சர்கள் கூறும் பதில்களை ஏற்றுக்கொள்ளும் பெருந்தன்மையும் பொறுமையும் அவர்களுக்கு இல்லை’’ என்றார். இதற்கு பதிலளித்த எதிர்க்கட்சித் தலைவர் எடப்பாடி பழனிசாமி, ``அமைச்சர் பேசும்போது, எதிர்க்கட்சி உறுப்பினர்களுக்கு அமைச்சர் பதில் கூறுவதைக் கேட்க நேரமில்லை என்றார். ஆனால், அது உண்மை இல்லை. அவை ஜனநாயக முறைப்படி நடந்தால் நாங்கள் இருப்போம். எங்களின் கோரிக்கை உங்களிடம் முன்வைத்திருக்கிறோம். ஆனால், நிறைவேற்றப்படவில்லை. அதனால் அவையைப் புறக்கணிக்கிறோம். தவிர, அவை நடவடிக்கைகளை முற்றிலுமாக நாங்கள் புறக்கணிக்கவில்லை. எடப்பாடி பழனிசாமி வேண்டுமென்றே திட்டமிட்டு அமைச்சர் எதிர்க்கட்சியை அவதூறாகப் பேசுவது தவறு. நேரடி  ஒளிபரப்பு வேண்டும் என பலமுறை உங்களிடம் வேண்டுகோள் வைத்திருக்கிறோம். ஜனநாயக முறைப்படி எங்களுக்கும் வாய்ப்பு தர வேண்டும். ஆளுங்கட்சிக்கு எப்படி வாய்ப்பு கொடுக்கப்படுகிறதோ அதேபோல எதிர்க்கட்சிக்கும் கொடுக்கப்பட வேண்டும். அதனால் நாங்கள் பேசுவதையும் நேரடி ஒளிபரப்பு செய்ய வேண்டும்” என கேட்டுக்கொண்டார். அவைத்தலைவர் அப்பாவு, ``எனக்கு கேட்க வேண்டிய கேள்வியை நான் கேட்கிறேன். இது தொடர்பாக எதிர்க்கட்சித் தலைவர் பலமுறை பேசியிருக்கிறார். அவைகளிலும் அது பற்றி நாம் விவாதித்திருக்கிறோம். `தி.மு.க தேர்தல் வாக்குறுதியில் நேரடி ஒளிபரப்பு என்பது கொடுக்கப்பட்டிருக்கிறது. அதை நிறைவேற்றுங்கள் இல்லையென்றால் திரும்பப் பெறுங்கள்’ என்று கூறியிருந்தார்.எடப்பாடி பழனிசாமி, அப்பாவு இந்தியாவிலுள்ள மற்ற மாநிலங்களுக்கு முன்னுதாரணமாக தமிழகத்தில் சட்டசபை நிகழ்வுகள் நேரடியாக ஒளிபரப்பு செய்யப்படுகிறது. இதில் கேள்வி நேரங்கள் தவிர்த்து நேரமில்லா நேரத்தில் கேட்கப்படும் கேள்விகளை ஒளிபரப்பு செய்யச் சொல்லி எதிர்க்கட்சி சார்பாக கேட்கிறீர்கள். கேள்வி நேரத்தில் யார் என்ன கேள்வி கேட்கிறார்கள் என்பது தெரியும். ஆனால், நேரம் இல்லா நேரத்தில் யார் என்ன கேள்வி கேட்கிறார்கள்... அவசர பொது முக்கியத்துவம் வாய்ந்த விஷயங்களை முன்வரிசையில் அமர்ந்திருக்கிற அனைவரும் பேசுகிறார்கள். எனவே, அதை நேரடி ஒளிபரப்பு செய்வதில்லை. கடந்த பத்து ஆண்டுகளில் அவை எப்படி நடந்தது... என்பதை ஒரு சிடி-யில் (CD) பதிவுசெய்து வைத்திருக்கிறேன். அப்போதெல்லாம், நீங்கள் (ஆளும்கட்சியாக இருந்த அ.தி.மு.க-வினர்) பேசுவது முழுவதாகப் பதிவு செய்யப்பட்டிருக்கிறது. ஆனால், எதிர்க்கட்சித் தலைவர் கேட்பதை, ‘எதிர்க்கட்சித் தலைவர் இவ்வாறு கேள்வி எழுப்பினார்’ என்று மட்டும்தான் கூறப்பட்டிருக்கிறது. கடந்த 10 ஆண்டுகளில் எதிர்க்கட்சி தரப்பில் கூறிய பதில்கள் எதுவும் அவைக்குறிப்பில் ஏறவில்லை. எனவே, நிகழ்ச்சி நிரலில் கூறப்பட்டிருக்கும் அனைத்து நிகழ்வுகளும் ஒன்றின்பின் ஒன்றாக ஒளிபரப்பு செய்யப்படும். இதில் எந்தப் பாரபட்சமும் இல்லை. எதிர்க்கட்சித் தலைவர் கூறுவதுபோல உடனடியாக இதற்குத் தீர்வு எட்ட முடியாது. நேரமில்லா நேரத்தில் எதிர்க்கட்சி சார்பாக, மற்ற கட்சிகள் சார்பாக என்ன கேள்வி கேட்கப்படுகிறது. அது முன்கூட்டியே தெரிந்தால் மட்டுமே அது ஒளிபரப்பு செய்ய முடியும். அனைத்துக் கட்சிகளும் இணைந்து இது குறித்து விவாதித்து அதன் பிறகுதான் இது தொடர்பான முடிவுகளை எடுக்க முடியும். சட்டசபை இந்த அவை ஜனநாயக முறைப்படியும் சட்டப்படியும்தான் நடைபெற்றுக்கொண்டிருக்கிறது. அதை அனைவரும் பார்த்துக்கொண்டுதான் இருக்கிறார்கள். குறுகிய கண்ணோட்டத்தோடு எதிர்க்கட்சிக்கு வாய்ப்பு கொடுக்கக் கூடாது என்பதை இந்த அரசு யோசிக்கவில்லை. அதை என்னிடமும் புகுத்தவில்லை. இந்த விளக்கத்தைக் கேட்டுக்கொண்டு பதில் உரையின்போது எதிர்க்கட்சிகள் அவையில் இருக்க வேண்டும் என்று கேட்டுக்கொள்கிறேன்” என்றார். காலையில் இது தொடர்பாக விளக்கம் கொடுத்த பிறகும், மீண்டும் மாலையில் ஆதிதிராவிடர் மற்றும் பழங்குடி நலத்துறையில் நடந்த மானியக் கோரிக்கை விவாதத்தின்போதும் ’அ.தி.மு.க நேரடி ஒளிப்பரப்பு’ பிரச்னை கிளப்பப்பட்டது. ``பிரதான எதிர்க்கட்சித் தலைவர் பேசுவதையாவது ஒளிபரப்பு செய்யுங்கள். நீங்கள் எதிர்க்கட்சியாக இருந்தபோது பலமுறை அவையைப் புறக்கணித்துச் சென்றிருக்கிறீர்கள். நாங்கள் செய்வது ஒன்றும் முதல்முறையாக அல்ல. அமைச்சர்கள் பதிலுரை கூறும்போது நாங்கள் நிச்சயம் கேட்போம்” என்றார் எதிர்க்கட்சி கொறடா வேலுமணி.ஸ்டாலின் - எடப்பாடி பழனிசாமி - வேலுமணி இது குறித்து  முதலமைச்சர் பேசுகையில், “சட்டமன்ற நிகழ்வுகளைப் பொறுத்தவரை ஒளிபரப்பு செய்யப்படுவது என்பது அந்தந்த தொலைக்காட்சிகளின் முடிவுகளைப் பொறுத்தது. நாங்கள் இதைத்தான் போட வேண்டும் என்று கட்டாயப்படுத்திட முடியாது. இதுதான் உண்மை. இந்த உண்மையை நீங்கள் புரிந்துகொள்ள வேண்டும் என்று நான் கேட்டுக்கொள்கிறேன்” என்றார். அரசுத் தரப்பில் இது குறித்து விவாதிக்கப்படும் என உறுதியளித்த பிறகும், திருப்தியடையாத அ.தி.மு.க உறுப்பினர்கள் அவையைப் புறக்கணித்து வெளியேறினர்.அன்பில் மகேஸ் டைமிங்... மா.சுப்பிரமணியன் ரைமிங் - சட்டப்பேரவை ஹைலைட்ஸ்!
http://dlvr.it/SmjqDh

Read More

``அதிகாரம் வந்தவுடன் வந்தவழியைத் திரும்பிப் பார்க்கவில்லை" - கெலாட்டை விமர்சித்த சச்சின் பைலட்!

காங்கிரஸ் ஆட்சி நடைபெற்றுவரும் ராஜஸ்தானில் இந்த ஆண்டு இறுதியில் சட்டப்பேரவைத் தேர்தல் நடைபெறவிருக்கும் நிலையில், முதல்வர் அசோக் கெலாட்டுக்கும், முன்னாள் துணை முதல்வர் சச்சின் பைலட்டுக்கும் கருத்து வேறுபாடு காரணமாக கட்சிக்குள்ளேயே மோதல் நிலவி வருகிறது. கடந்த வாரம், பா.ஜ.க ஆட்சியில் நடந்த ஊழல்கள்மீது நடவடிக்கை எடுக்கவில்லையென்று, அசோக் கெலாட்டுக்கு எதிராக உண்ணாவிரதப் போராட்டம் நடத்தினார் சச்சின்.கெலாட் Vs பைலட் இன்றுகூட மாநில காங்கிரஸ் முக்கிய தலைவர்களுடனான சந்திப்புக்குச் செல்லாமல் ஜெய்ப்பூரில் மக்கள் சந்திப்பு நிகழ்ச்சிக்குச் சென்றார் சச்சின் பைலட். அந்த நிகழ்ச்சியில் கலந்துகொள்வதற்கு முன்பு, ``நான் இங்குள்ள எந்தவொரு நபருக்கோ, காங்கிரஸ் அரசுக்கோ எதிரானவன் அல்ல" எனச் செய்தியாளர்களிடம் கூறினார். இந்த நிலையில் சச்சின் பைலட், `அதிகாரம் வந்தவுடன் வந்தவழியை திரும்பிப் பார்க்காதவரை அடிக்கடி பார்த்திருக்கிறேன்' என அசோக் கெலாட்டை மறைமுகமாகச் சாடியிருக்கிறார். ஜெய்ப்பூரில் மக்கள் சந்திப்பு நிகழ்ச்சியில் பேசிய சச்சின் பைலட், ``ஒரு மரம் வலிமையாகவும் உயரமாகவும் இருக்கிறது. அதன் வேர்களும் வலுவாக இருக்கின்றன. அதே சமயம் பணமும், அதிகாரமும் வந்தபிறகு, வந்தவழியை திரும்பிப் பார்க்காத ஒருவரை அடிக்கடி பார்த்திருக்கிறேன்.சச்சின் பைலட் கட்சிக்குள் பிளவுகளை உருவாக்கி தடைகளை உருவாக்க விரும்பும் பல சக்திகள் இருக்கின்றன. பல சவால்களும் இருக்கின்றன. இவை காலப்போக்கில் அதிகரித்தும் வருகின்றன. எனவே அவற்றைச் சமாளிப்பதற்கான உறுதிமொழியை எடுத்து சத்தியத்தின் பாதையில் நடக்கவேண்டும். இது கடினம்தான், நாம் முன்னோக்கிச் செல்லவேண்டும்" என்றார்தன்னிச்சையாகக் களமிறங்கிய சச்சின் பைலட்; கலக்கத்தில் மேலிடம் - ராஜஸ்தான் காங்கிரஸில் என்ன நடக்கிறது?
http://dlvr.it/Smfm9D

Read More