'நிலக்கரி ஊழலில் சிக்கும் அதிகாரிகள்' - தமிழக மின்வாரியத்தில் என்ன நடக்கிறது?

தமிழகத்தில் தற்போதைய நிலவரப்படி வீட்டு மின் இணைப்பு 2.35 கோடி, வணிகம் 37 லட்சம், தொழிற்சாலை 7 லட்சம் என பல்வேறு பிரிவுகளின் கீழ் 3.31 கோடி மின் இணைப்புகள் இருக்கின்றன. மாநிலத்தின் உட்சபட்ச மின்தேவையின் அளவு 15,000 மெகாவாட்டுக்கு மேல் இருக்கிறது. அனல் மின் நிலையம் இதற்கு தேவையான மின்சாரம் அனல், சூரியசக்தி, காற்றாலை, நீர் மின் நிலையங்களின் மூலமாக உற்பத்தி செய்யப்படுகிறது. பின்னர் ஆங்காங்கு இருக்கும் துணை மின்நிலையங்களுக்கு கொண்டுவரப்பட்டு அழுத்தம் குறைக்கப்பட்டு விநியோகம் செய்யப்படுகிறது. இதுதவிர மத்திய தொகுப்பில் இருந்தும், தனியாரிடம் இருந்தும் மின்சாரம் கொள்முதல் செய்யப்படுகிறது. இதில் அனல் மின்நிலையங்களில் இருந்து உற்பத்தியாகும் மின்சாரத்தின் அளவே அதிகமாகும். இந்த மின் உற்பத்தி நிலையங்களுக்கு தேவையான நிலக்கரி உள்நாடு மற்றும் வெளிநாடுகளின் இருக்கும் நிலக்கரி சுரங்கங்களில் இருந்து வாங்கப்படுகிறது. நிலக்கரி பிறகு கப்பல்கள் மூலமாக உற்பத்தி நிலையங்களுக்கு கொண்டுவரப்படுகிறது. இந்நிலையில் கடந்த ஆட்சி காலத்தில் விசாகப்பட்டினத்தில் இருந்து தமிழகத்திற்கு நிலக்கரி கொண்டு வந்ததில் ரூ.908 கோடி மோசடி நடந்துள்ளதாக குற்றச்சாட்டு எழுந்தது. இதுகுறித்து அறப்போர் இயக்கத்தின் சார்பில் லஞ்ச ஒழிப்பு துறையில் புகார் அளிக்கப்பட்டது. அதன் அடிப்படையில் கடத்த பிப்ரவரி 27-ம் தேதி முதல் தகவல் அறிக்கை பதியப்பட்டது. இதுகுறித்து அறப்போர் இயக்கம், "மகாநதி நிலக்கரி சுரங்கம் மற்றும் ஈஸ்டர்ன் நிலக்கரி சுரங்கத்திலிருந்து விசாகப்பட்டினம் துறைமுகம் வழியாக நிலக்கரி கொண்டுவரப்பட்டது. லஞ்ச ஒழிப்பு அலுவலகம் அதன் ஒப்பந்ததாரர் சவுத் இந்தியா கார்ப்பரேஷன் லிமிடெட், துறைமுகத்தில் வரியாக கட்டிய பணத்தின் உண்மையான பில்களை சமர்ப்பிர்க்காமல் போலியாக அதைவிட பல மடங்கு பணத்தை பெற்று மோசடி ஊழல் செய்தனர். இதில் மின்சார வாரிய பொது ஊழியர்களும் கூட்டு சதி செய்திருக்கிறார்கள். கடந்த 2011 முதல் 2016 வரை ரூ.1028 கோடி ஊழல் நடந்துள்ளதற்கான ஆதாரங்களை அறப்போர் இயக்கம் லஞ்ச ஒழிப்புத் துறையில் 2018-ம் ஆண்டு சமர்ப்பித்து இருந்தது. இதன் மீது விரிவான விசாரணையை மேற்கொண்ட லஞ்ச ஒழிப்புத்துறை 2011 முதல் 2016 வரை ரூ.908 கோடி ஊழல் நடந்தது ஊர்ஜிதம் செய்திருக்கிறது. FIR இதற்கு காரணமான முன்னாள் தலைமை பொறியாளர்கள், கண்காணிப்பு பொறியாளர்கள், செயற்பொறியாளர்கள் மற்றும் சவுத் இந்தியா கார்ப்பரேஷன் லிமிடெட் நிறுவனம் மற்றும் அதன் நிர்வாகத்தினர் மொத்தம் 10 பேர் மீது FIR பதிந்துள்ளது" என தெரிவித்திருந்தது. இந்த நிலையில் சம்மந்தப்பட்ட விவகாரத்தில் தொடர்புடைய அதிகாரிகள் வீடுகளில் கடந்த 24-ம் தேதி சோதனை நடத்தப்பட்டது. இதுகுறித்து அமலாக்கத்துறை தனது ட்விட்டர் பக்கத்தில், "சென்னையில் தமிழ்நாடு மின் உற்பத்தி மற்றும் விநியோகக் கழகத்தின் அதிகாரிகள் மற்றும் பிறருடன் தொடர்புடைய 10 இடங்களில் ED சோதனைகளை மேற்கொண்டது. இதில் டிஜிட்டல் மற்றும் சொத்து ஆவணங்கள் பறிமுதல் செய்யப்பட்டுள்ளதாக அமலாக்கத் துறை தெரிவித்துள்ளது. மேலும், சவுத் இந்தியா கார்ப்பரேஷன் நிறுவனத்தின் ரூ.360 கோடி நிரந்தர வைப்பு தொடர்பான ஆவணங்களும் பறிமுதல் செய்யப்பட்டுள்ளது" என தெரிவிக்கப்பட்டிருக்கிறது.தொடரும் மின் விபத்து... அடுத்தடுத்து உயிரிழப்புகள்... அச்சத்தில் பொதுமக்கள்!
http://dlvr.it/SnG0Ff

Read More

ஆன்லைன் சூதாட்டம்: `தமிழக அரசு தடைச் சட்டம் இயற்றியதில் என்ன தவறு?' - சென்னை உயர் நீதிமன்றம்

ரம்மி உள்ளிட்ட ஆன்லைன் சூதாட்ட செயலிகளுக்குத் தடைவிதிக்கும் விதமாக தமிழ்நாடு அரசு கொண்டுவந்த ஆன்லைன் சூதாட்ட தடைச் சட்ட மசோதாவுக்கு, ஒருவழியாக ஏப்ரல் 10-ம் தேதி ஆளுநர் ஒப்புதல் அளித்தார். கூடவே, அகில இந்திய கேமிங் ஃபெடரேஷன் என்ற அமைப்பும், கேம்ஸ்க்ராஃப்ட் (Gameskraft) என்ற ஆன்லைன் விளையாட்டு நிறுவனமும் தமிழ்நாடு அரசின் ஆன்லைன் சூதாட்ட தடைச் சட்டத்துக்கு எதிராக சென்னை உயர் நீதிமன்றத்தில் மனுத்தாக்கல் செய்தன.ஆன்லைன் ரம்மி இந்த மனு சென்னை உயர் நீதிமன்றத்தில் நீதிபதிகள் ராஜா, பாரத சக்ரவர்த்தி ஆகியோர் அடங்கிய அமர்வுக்கு இன்று விசாரணைக்கு வந்தது. விசாரணையின்போது மனுதாரர் தரப்பிலிருந்து, ``ரம்மி உள்ளிட்டவை திறமைக்கான விளையாட்டுகள், சூதாட்டமல்ல. தமிழ்நாட்டில் புகையிலை, மது போன்றவற்றைத் தடை செய்யாத நிலையில், ஆன்லைன் ரம்மியை மட்டும் அரசு தடைசெய்திருக்கிறது. எனவே இதை ரத்துசெய்ய வேண்டும். அதோடு இந்த வழக்கு முடியும் வரை இடைக்காலத் தடைவிதிக்க வேண்டும். இவ்வாறு இடைக்கால உத்தரவு பிறப்பிக்காவிட்டால், தினசரி மில்லியன் கணக்கில் இழப்பு ஏற்படும்" என நீதிபதிகளிடம் வாதம் முன்வைக்கப்பட்டது. அதைத் தொடர்ந்து நீதிபதிகள், ``மக்களைப் பாதுகாக்கவே அரசு சட்டம் இயற்றியிருக்கிறது. அதுமட்டுமல்லாமல் சூதாட்டத்தால் ஏற்படும் மரணங்கள், பிற இழப்புகளைத் தடுக்க அரசு சட்டம் கொண்டுவந்ததில் என்ன தவறு" எனக் கருத்து தெரிவித்துக் கேள்வியெழுப்பினர்.சென்னை உயர் நீதிமன்றம் அதேசமயம் மனுதாரர் தரப்பு வாதத்தை ஏற்க மறுத்த நீதிபதிகள், ``தமிழ்நாடு அரசின் விளக்கத்தைக் கேட்காமல் இதில் எந்தவோர் இடைக்கால உத்தரவும் பிறப்பிக்க முடியாது" எனக் கூறி ஆறு வாரங்களுக்குள் தமிழ்நாடு அரசு பதில் மனுத்தாக்கல் செய்ய வேண்டும் என உத்தரவிட்டு, வழக்கை ஜூன் மாதத்துக்கு ஒத்திவைத்தனர்.நீதிமன்றத்தில் தாக்குப்பிடிக்குமா ஆன்லைன் சூதாட்ட தடைச் சட்டம்? - தமிழக அரசு செய்ய வேண்டியது என்ன?!
http://dlvr.it/SnC7cH

Read More

`தனிப்பட்ட மதத்துக்கு இட ஒதுக்கீடு, அரசியலமைப்புக்கு எதிரானது’– கர்நாடகாவில் யோகி ஆதித்யநாத் பேச்சு

கர்நாடகத்தில் மே 10-ம் தேதி தேர்தல் நடக்கவிருக்கும் நிலையில், பா.ஜ.க., காங்கிரஸ் கட்சிகளின் ‘ஸ்டார்’ பேச்சாளர்கள், சுற்றுப்பயணம் மேற்கொண்டு, ‘ரோடு ஷோ’ சென்று, வாக்கு சேகரித்துவருகின்றனர். இன்று, பா.ஜ.க வேட்பாளர்களுக்கு வாக்கு சேகரிப்பதற்காக, உத்தரப்பிரதேச முதல்வர் யோகி ஆதித்யநாத், மாண்டியா மாவட்டத்தில் ‘ரோடு ஷோ’ நடத்தினார். முன்னதாக, ஒக்கலிகா சமூக மக்களின் வாக்குகளைக் கவர, ஒக்கலிகா மடங்களுக்குச் சென்று மடாதிபதிகளைச் சந்தித்து, அவர்களின் கோயிலுக்குச் சென்று வழிபட்டார். ‘மதத்தின் அடிப்படையில் இட ஒதுக்கீடு!’ நிகழ்ச்சிகளில் பேசிய யோகி ஆதித்யநாத், ‘‘பிரதமர் நரேந்திர மோடி தலைமையிலான இந்தியா, வளர்ச்சியை நோக்கி நகர்ந்துவருகிறது. காங்கிரஸ் ஆட்சியில், ஐந்தாண்டுத் திட்டம் வகுத்து அதைச் செயல்படுத்துவதற்குள், அடுத்த ஐந்தாண்டு திட்டம் வந்துவிடும். இதனால், ஐந்தாண்டு திட்டங்கள் முறையாக நிறைவேற்றப்படவில்லை. ஆனால், பா.ஜ.க ஆட்சியிலோ, நாங்கள் திட்டங்களுக்கு அடிக்கல் நாட்டுவிழா நடத்தும்போதே, திட்டத்தின் தொடக்கவிழாவைத் தீர்மானித்துச் செயல்படுத்திவருகிறோம். மோடி தலைமையிலான பா.ஜ.க விவசாயிகளின் வாழ்வாதாரத்தை மேம்படுத்தியிருக்கிறது.யோகி ஆதித்யநாத் நம் நாடு ஏற்கெனவே மதங்களால் பிளவுபட்டுக் கிடக்கிறது. நாங்கள் பாப்புலர் ஃபிரன்ட் ஆஃப் இந்தியா போன்ற அமைப்புகளைத் தடைசெய்திருக்கிறோம். ஆனால், காங்கிரஸ் கட்சியினர், மதங்களைத் திருப்திப்படுத்த, தனிப்பட்ட மதத்துக்கு பிரத்தியேக இட ஒதுக்கீடு வழங்கியிருக்கின்றனர். மதங்களின் அடிப்படையில் இட ஒதுக்கீடு வழங்குவது, அரசியலமைப்புக்கு எதிரானது. இப்படித்தான், மதங்களைப் பிரித்து காங்கிரஸார் அரசியல் செய்கின்றனர். பாதுகாப்பான மற்றும் வளமான இந்தியாவுக்காக, கேப்டன் நரேந்திர மோடியின் வலுவான அணிக்கு கர்நாடகா மக்கள் ஆதரவு தெரிவிக்க வேண்டும். கர்நாடகாவில் வளர்ச்சியைக் கொடுத்திருக்கும், ‘டபுள் இன்ஜின்’ பா.ஜ.க அரசுக்கு மீண்டும் வாய்ப்பு கொடுக்க வேண்டும்’’ எனக் கூறினார். கர்நாடகத்தில், இஸ்லாமிய மக்களுக்கான தனி இட ஒதுக்கீட்டை ரத்துசெய்ய முயன்ற பா.ஜ.க அரசின் முடிவை, உச்ச நீதிமன்றம் நேற்று தற்காலிகமாக தடுத்து நிறுத்தியிருக்கிறது. இப்படியான நிலையில், ‘இஸ்லாமிய மக்களுக்கு இட ஒதுக்கீடு கொடுத்தது அரசியலமைப்புக்கு எதிரானது. இதை ரத்துசெய்ய வேண்டும்’ என்ற கோணத்தில், நேற்று உள்துறை அமைச்சர் அமித் ஷாவும், இன்று உத்தரப்பிரதேச முதல்வர் யோகி ஆதித்யநாத்தும் பேசியிருக்கின்றனர்.இஸ்லாமியர்களுக்கான தனி இட ஒதுக்கீடு ரத்து... தேர்தல் விளையாட்டில் கர்நாடக பா.ஜ.க!
http://dlvr.it/Sn84c3

Read More

பாஜகவுக்கு எதிராக மம்தா - நிதிஷ் `திடீர்' தீவிரம்... காங்கிரஸை ஏற்கும் எதிர்க்கட்சிகள்?!

2024-ல் நடைபெறவிருக்கும் மக்களவைத் தேர்தலிலும் நாங்கள்தான் வெற்றிபெறுவோம்... எங்களை யாரும் அசைக்க முடியாது என்று பா.ஜ.க தலைவர்கள் பேசிவருகிறார்கள். மேலும், பா.ஜ.க மீண்டும் வெற்றிபெற்று ஆட்சியில் தொடர வாய்ப்பு இருக்கிறது என்று அரசியல் நோக்கர்களில் ஒரு தரப்பினர் மத்தியில் கருத்து நிலவுகிறது. இந்த நிலையில், பா.ஜ.க-வை வீழ்த்தியே ஆக வேண்டும் என்பதில் அனைத்து எதிர்க் கட்சிகளும் உறுதியாக இருக்கின்றன. பீகார் முதல்வர் நிதிஷ் குமார் பா.ஜ.க-வுக்கு எதிராக எதிர்க் கட்சிகளை ஒருங்கிணைக்கும் முயற்சியில் தேசியவாத காங்கிரஸ் தலைவர் சரத் பவார், தெலங்கானா முதல்வர் கே.சந்திரசேகர ராவ் ஈடுபட்டனர். அவர்களின் முயற்சி பெரியளவுக்கு பலன் தரவில்லை. சந்திரசேகர ராவைப் பொறுத்தளவில் காங்கிரஸ் கட்சியைத் தவிர்த்து மற்ற எதிர்க் கட்சிகளை ஒருங்கிணைக்க வேண்டும் என்று நினைத்தார். இதே நிலைப்பாடுதான், ஆம் ஆத்மியின் தலைவரும் டெல்லி முதல்வருமான அரவிந்த் கெஜ்ரிவால், திரிணாமுல் காங்கிரஸ் தலைவரும் மேற்கு வங்க முதல்வருமான மம்தா பானர்ஜி ஆகியோருக்கும். தற்போது, ஐக்கிய ஜனதா தளத்தின் தலைவரும் பீகார் முதல்வருமான நிதிஷ் குமார் களமிறங்கிய பிறகு, சூழல் மாறியிருக்கிறது. ராகுல் காந்திக்கு சூரத் நீதிமன்றம் இரண்டு ஆண்டுகள் சிறைத்தண்டனை விதித்ததும், அதையடுத்து அவரது எம்.பி பதவி பறிக்கப்பட்டதும், ‘காங்கிரஸ் வேண்டாம்’ என்று சொல்லிக்கொண்டிருந்த கட்சிகளின் அரசியல் நிலைப்பாட்டில் மாற்றத்தை ஏற்படுத்தியது. மேற்கு வங்கத்தில் அண்மையில் நடைபெற்ற சட்டமன்ற இடைத்தேர்தலில் காங்கிரஸ் கட்சி வெற்றிபெற்ற நிலையிலும்கூட, ‘பா.ஜ.க-வை வீழ்த்த காங்கிரஸ் உள்ளிட்ட அனைத்து எதிர்க் கட்சிகளும் ஒன்றிணைய வேண்டும்’ என்கிறார் மம்தா பானர்ஜி.மம்தா பானர்ஜி அண்மையில், ராஷ்டிரிய ஜனதா தளத்தின் தலைவரும் பீகார் துணை முதல்வருமான தேஜஸ்வி யாதவை அழைத்துக்கொண்டு காங்கிரஸ் தலைவர் மல்லிகார்ஜுன கார்கேவையும் ராகுல் காந்தியையும் டெல்லியில் சந்தித்தார் நிதிஷ் குமார். அதன் அடுத்தகட்டமாக, நிதிஷ்குமாரும் தேஜஸ்வியும் நேற்று முந்தினம் (ஏப்ரல் 24) கொல்கத்தாவுக்குச் சென்று மம்தா பானர்ஜியைச் சந்தித்தார்கள். சந்திப்புக்குப் பிறகு செய்தியாளர்களிடம் பேசிய மம்தா பானர்ஜி, “எதிர்க் கட்சிகளை ஒருங்கிணைக்கும் விஷயத்தில் எந்தக் கட்சியுடனும் பேச்சுவார்த்தை நடத்த, தனிப்பட்ட முறையில் எந்த ஈகோவும் எனக்கு கிடையாது. நிதிஷ் குமாரைப் போலவே நானும் எதிர்க் கட்சிகளின் தலைவர்களிடம் பேச்சுவார்த்தை நடத்திவருகிறேன்” என்றார். முக்கியமாக, “பா.ஜ.க-வை பூஜ்ஜியமாக்க வேண்டும் என்பதே இலக்கு. அனைத்து எதிர்க் கட்சிகளின் கூட்டத்தை பீகாரில் நடத்த வேண்டும் என்று நிதிஷ் குமாரிடம் கேட்டுக்கொள்ளப்பட்டுள்ளது. அதன் பிறகு எந்தத் திசையில் பயணம் மேற்கொள்வது என்பது முடிவுசெய்யப்படும்” என்று சொன்ன மம்தா பானர்ஜி, “காங்கிரஸ் உள்ளிட்ட அனைத்துக் கட்சிகளையும் உள்ளடக்கிய திட்டங்கள் வகுக்கப்படும்” என்றார். ராகுல் காந்தி இதுவரையில், காங்கிரஸ் கட்சி தொடர்பான மம்தா பானர்ஜியின் நிலைப்பாடு மாறி மாறியே இருந்திருக்கிறது. 2021-ம் ஆண்டு ஜூலை மாதம் டெல்லியில் காங்கிரஸ் தலைவர் சோனியா காந்தியையும் ராகுல் காந்தியையும் சந்தித்தார் மம்தா பானர்ஜி. 45 நிமிட சந்திப்புக்குப் பிறகு செய்தியாளர்களிடம் பேசிய மம்தா, “பெகாசஸ் பற்றியும் கொரோனா பெருந்தொற்று சூழல் பற்றியும் விவாதித்தோம். எதிர்க் கட்சிகளின் ஒற்றுமை பற்றியும் விவாதித்தோம். பா.ஜ.க-வைத் தேற்கடிக்க அனைவரும் ஒன்றுசேர வேண்டும்” என்றார். தீவிரம் காட்டும் அண்ணாமலை - பி.டி.ஆர் ஆடியோ விவகாரத்தில் இனி என்ன?! அந்த நிலைப்பாட்டை, அடுத்த சில நாட்களிலேயே அவர் மாற்றிக்கொண்டு, காங்கிரஸை எதிர்க்க ஆரம்பித்தார். தற்போது, அவரது நிலைப்பாட்டில் மாற்றம் தெரிகிறது. காங்கிரஸையும் உள்ளடக்கிய கூட்டணி பற்றி இப்போது பேசுகிறார். இந்த நிலைப்பாட்டில், வரும் நாடாளுமன்றத் தேர்தல்வரை அவர் உறுதியாக இருப்பாரா என்பதைப் பொறுத்திருந்துதான் பார்க்க வேண்டும்.மம்தா பானர்ஜி அகிலேஷ் யாதவ் நிதிஷ் குமாரும் தேஜஸ்வியும் கொல்கத்தாவில் மம்தாவைச் சந்தித்துவிட்டு, அப்படியே லக்னோவுக்குச் சென்று அகிலேஷ் யாதவைச் சந்தித்தனர். மம்தாவைப் போலவே காங்கிரஸ் எதிர்ப்பு நிலைப்பாட்டில் இருப்பவர் அகிலேஷ். ராகுல் காந்தி தலைமையிலான இந்திய ஒற்றுமைப் பயணம் உ.பி-க்கு சென்றபோது, நேரில் வந்து வாழ்த்து தெரிவிக்குமாறு அகிலேஷுக்கு கடிதம் எழுதியிருந்தார் ராகுல் காந்தி. ஆனால், நேரில் செல்லாமல் வாழ்த்து மட்டும் தெரிவித்திருந்தார் அகிலேஷ். அதுவே சிறிய மாற்றம்தான். அதன் பிறகு, ராகுல் காந்திக்கு சிறைதண்டனை விதிக்கப்பட்டு, எம்.பி பதவி பறிக்கப்பட்டபோது, கண்டனக்குரல் எழுப்பினார் அகிலேஷ். தற்போது, தன்னைச் சந்தித்து நிதிஷ் குமாரிடம், “பா.ஜ.க அரசின் தவறான கொள்கைகளால் விவசாயிகளும் தொழிலாளர்களும் பல பிரச்னைகளை அனுபவித்துவருகிறார்கள். வேலையில்லா திண்டாட்டம் அதிகரித்திருக்கிறது. ஆகவே, பா.ஜ.க-வை அதிகாரத்திலிருந்து அகற்றுவதில் தங்களுடன் இணைந்திருப்பேன்” என்று கூறியிருக்கிறார் அகிலேஷ். மம்தா பானர்ஜியும், அகிலேஷும் அரசியல் ரீதியாக இணக்கமாக இருந்துவரும் நிலையில், மம்தாவைப் பின்பற்றி கூட்டணி முடிவை அகிலேஷ் எடுப்பதற்கு வாய்ப்பு இருக்கிறது என்கிறார்கள் தேசிய அரசியல் நோக்கர்கள்.
http://dlvr.it/Sn50Tb

Read More

"தோ இருக்காருயா ..." - அரசு விழாவில் அதிகாரியைத் திட்டிய திமுக எம்.எல்.ஏ உதயசூரியன்; நடந்தது என்ன?

கள்ளக்குறிச்சி மாவட்டம், சங்கராபுரம் சட்டமன்றத் தொகுதிக்கு உட்பட்ட அகரகோட்டாலம் பகுதியில், 'மக்களை நேரில் சந்தித்து மனுக்கள் பெறும் நிகழ்ச்சி' 23-ம் தேதி நடைபெற்றது. இந்த விழாவில் சிறப்பு அழைப்பாளராக சங்கராபுரம் தி.மு.க எம்.எல்.ஏ உதயசூரியன் கலந்துகொண்டார். உடன், மாவட்ட வருவாய் அலுவலர் சத்திய நாராயணன் உள்ளிட்ட அரசுத்துறை அதிகாரிகளும் கலந்துகொண்டனர். அதைத் தொடர்ந்து, பொதுமக்களிடம் கோரிக்கை மனுக்களும் பெறப்பட்டது. அதிகாரியை திட்டிய எம்.எல்.ஏ உதயசூரியன்``அமைச்சர் பொன்முடி ஓசி என்று பேசியது வட்டார மொழி; அதனால் தவறில்லை" - சொல்கிறார் தனியரசு அப்போது பேருந்து சேவை குறித்து பொதுமக்கள் கோரிக்கை வைத்தனர். அதற்கு பதிலளித்துப் பேசிய எம்.எல்.ஏ உதயசூரியன், `போக்குவரத்துத்துறை சார்பாக கோப்புகள் தயார் செய்யப்பட்டு, விரைவில் உரிய ஏற்பாடுகள் செய்யப்படும்’ எனத் தெரிவித்தார். உடனே, `போக்குவரத்துத்துறை டி.எம் வந்திருக்கிறாரா... எங்கே இருக்கிறார்?’ எனக் கேட்டார். அப்போது, மேடை பக்கமிருந்த போக்குவரத்துத்துறையின் கள்ளக்குறிச்சி பணிமனை அதிகாரி, 'சார் இங்கே' என்று கூற, "நீதான் டி.எம்-மா... கண்டெக்டர், டிரைவர் எங்கே?" எனக் கேட்டார் எம்.எல்.ஏ உதயசூரியன்.  அதற்கு அந்த அதிகாரி, 'டி.ம் மெட்ராஸ் போயிருக்காரு சார்' என்றார். அதே சமயம், இந்த நிகழ்ச்சி சங்கராபுரம் பகுதியில் நடப்பதால், அந்தப் பகுதியின் பணிமனையைச் சேர்ந்த போக்குவரத்துத்துறை அதிகாரி ஒருவர், "இதோ இருக்கிறேன் சார்" என்று மேடையின் எதிரிலிருந்து பதிலளித்தார். யார் எந்தப் பகுதி அதிகாரி என்றும் அறியாமல், கோபப்பட்ட எம்.எல்.ஏ., மேடை பக்கவாட்டு திசையிலிருந்து பதிலளித்த போக்குவரத்துத்துறை அதிகாரியைப் பார்த்து... "தோ இருக்காருயா...’" என்று திட்டினார். எம்.எல்.ஏ-வின் இந்தச் செயலைக் கண்டு மேடையில் அமர்ந்திருந்த மற்ற அதிகாரிகளும், அந்தப் பகுதி பொதுமக்களும் முகம் சுளித்தனர். கள்ளக்குறிச்சி முதல்வரின் தூக்கத்தை கெடுப்பதில் நம்பர் ஒன்: தொடரும் அமைச்சர் பொன்முடியின் சர்ச்சை பேச்சுகள்! மக்கள் பிரதிநிதியாக இருக்கும் உதயசூரியன், அரசு விழாவில் போக்குவரத்துத்துறை அதிகாரியை அநாகரிகமாகத் திட்டிய சம்பவம் அந்தப் பகுதியில் சற்று சலசலப்பை ஏற்படுத்தியது. மீண்டும், தமிழக முதலமைச்சர் ஸ்டாலினின் தூக்கத்தைக் கெடுக்கத் தொடங்கிவிட்டனரா கழக உடன்பிறப்புகள்?!
http://dlvr.it/Sn1zk8

Read More

கேரளாவுக்கு வரும் பிரதமர் மோடிக்குக் கொலை மிரட்டல் - முன்னாள் நண்பரைச் சிக்கவைக்க முயன்றவர் கைது!

பிரதமர் நரேந்திர மோடி இரண்டு நாள் சுற்றுப் பயணமாக இன்று (ஏப்.24) கேரள மாநிலம் வருகிறார். வந்தே பாரத் ரயில், மெட்ரோ ரயில் திட்டங்களைத் தொடங்கிவைப்பது, கட்சி நிகழ்ச்சிகளில் கலந்துகொள்வது என இரண்டு நாள்களும் பல்வேறு நிகழ்ச்சிகள் திட்டமிடப்பட்டிருக்கின்றன. சீரோ மலபார் சபை ஆர்ச் பிஷப் கர்த்தினால் ஜார்ஜ் ஆலஞ்சேரி, மலங்கரை கத்தோலிக்க சபை கர்த்தினால் பசேலியோஸ் மார் கிலிமீஸ், ஆர்த்தோடெக்ஸ் சபையின் கர்த்தினால் மார்த்தோமா மேத்யூஸ் உள்ளிட்ட எட்டு சபைகளின் தலைவர்களை பிரதமர் நரேந்திர மோடி சந்தித்து உரையாடுகிறார். கொச்சி தாஜ் விவண்டா ஹோட்டலில் வைத்து பிஷப்புகள் சந்திப்பு நடைபெறுகிறது. இதில் கலந்துகொள்ளும் ஜார்ஜ் ஆலஞ்சேரி, பிரதமர் நரேந்திர மோடியை சமீபத்தில் புகழ்ந்து பேசியவராவார். பின்னர் இன்று மாலை கொச்சியில் நடக்கும் பா.ஜ.க பேரணியில் பிரதமர் மோடி கலந்துகொள்கிறார். நாளை திருவனந்தபுரத்தில் வந்தே பாரத் ரயில் சேவையைத் தொடங்கிவைக்கிறார்.கேரள பா.ஜ.க தலைவர் கே.சுரேந்திரன் பிரதமர் வருகையை முன்னிட்டு திருவனந்தபுரம் ரயில் நிலையம் மட்டுமல்லாது, ரயில்வே ஸ்டேஷனையொட்டி அமைந்திருக்கும் பஸ் ஸ்டாண்டிலும் போக்குவரத்து மாற்றப்பட்டிருக்கிறது. இந்த நிலையில் பிரதமரின் பாதுகாப்புகளும், அவருக்கான ஏற்பாடுகளும் குறித்த போலீஸ் அதிகாரிகளின் திட்டங்கள் குறித்த தகவல்கள் வெளியானது சர்ச்சையைக் கிளப்பியது. அதுமட்டுமல்லாது பிரதமர் நரேந்திர மோடிக்குக் கொலை மிரட்டல் விடப்பட்ட சம்பவமும் நடந்திருக்கிறது. கேரளத்துக்கு வரும் பிரதமர் நரேந்திர மோடியைக் கொலைசெய்யப்போவதாக ஒரு பேப்பரில் கையெழுத்தால் எழுதிய மிரட்டல் கடிதம் பா.ஜ.க அலுவலகத்துக்கு அனுப்பப்பட்டிருந்தது. அது குறித்து மாநில பா.ஜ.க தலைவர் கே.சுரேந்திரன் டி.ஜி.பி-யிடம் புகாரளித்தார். அந்தக் கடிதத்தில் ஜானி என்பவரின் பெயர், செல்போன் எண்ணும் குறிப்பிடப்பட்டிருந்தது. ஆனால், தனக்கும் அந்தக் கடிதத்துக்கும் சம்பந்தம் இல்லை என ஜானி தெரிவித்திருந்தார். கைதுசெய்யப்பட்ட சேவியர் அதே சமயம் ஜானியைப் பழிவாங்கும் நோக்கத்தில் கொச்சி கத்ருகடவு பகுதியைச் சேர்ந்த சேவியர் என்பவர் அந்தக் கடிதத்தை அனுப்பியது தெரியவந்தது. நண்பர்களான இருவருக்கும் பண விவகாரத்தில் கடந்த சில காலமாக மோதல் இருந்துவந்ததும் தெரியவந்தது. அந்தக் கையெழுத்தை வைத்து சோதித்துப் பார்த்ததில் அந்தக் கடிதத்தில் இருப்பது சேவியரின் கையெழுத்து எனத் தெரியவந்தது. இதையடுத்து சேவியர் கைதுசெய்யப்பட்டிருக்கிறார்.
http://dlvr.it/Smz2wT

Read More

கார்ட்டூன்

கார்ட்டூன்
http://dlvr.it/Smz2hy

Read More