``ஆளுநர் கூறியதை ஏற்கிறேன்; திராவிட மாடல் என்பது தீய்ந்துபோன மாடல்தான்!" - சீமான்

அயோத்திதாச பண்டிதர் நினைவுதினத்தை முன்னிட்டு, இன்று நாம் தமிழர் கட்சியின் ஒருங்கிணைப்பாளர் சீமான், அயோத்திதாச பண்டிதர் உருவச்சிலைக்கு மாலை அணிவித்து, மரியாதை செலுத்தினார். அதைத் தொடர்ந்து செய்தியாளர்களைச் சந்தித்த அவர், ``தென்னிந்தியாவில் முதன்முதலாகச் சாதிய இழிவுக்கு எதிராகக் கிளர்ந்தெழுந்த போராளியின் நினைவுதினம் இன்று. அவருக்கு எங்கள் புகழஞ்சலி.சீமான் ரெட்டைமலை சீனிவாசன், அயோத்திதாச பண்டிதருக்கான சிலைகள் அங்கொன்றும் இங்கொன்றுமாகத்தான் இருக்கின்றன. தமிழர்களின் வரலாற்றைத் திட்டமிட்டு அழிப்பதுதான் இந்திய, திராவிட மாடல் ஆட்சி. இதே நிலை தொடராது என்பதை உறுதியாகக் கூறுகிறோம். `திராவிட மாடல் காலாவதியானது’ என ஆளுநர் கூறியிருக்கிறார். அதற்கு முன்னால் காலாவதியானது குஜராத் மாடல். சமீபமாக இரண்டு ஆண்டுகளாகத்தான் `திராவிட மாடல்' ஆண்டுகொண்டிருக்கிறது. குஜராத் மாடல் பழைய அம்பாசிடர்... திராவிட மாடல் கொஞ்சம் புதிய அம்பாசிடர். இதுவும் கொஞ்சநாள் ஓடும். முதல்வர் ஸ்டாலினைவிடச் சிறப்பாக ஆட்சி செய்பவர்களெல்லாம் இருக்கிறார்கள். டெல்லியில் அரவிந்த் கெஜ்ரிவால் பள்ளிகளை நட்சத்திர விடுதியின் தரத்துக்கு உயர்த்திவிட்டார். கேரளாவில் 30 சதவிகித தனியார் பள்ளி மாணவர்கள், அரசுப் பள்ளியை நோக்கி வந்திருக்கிறார்கள். ஆனால், தமிழ்நாட்டின் திராவிட மாடல் என்றால் சமாதி கட்டுவதும், பேனா வைப்பதும், பள்ளிக்கூடங்களைக் கட்ட பணமில்லை என மக்களிடம் கையேந்துவதும், ஆதிதிராவிடப் பள்ளிகளை பொதுப்பள்ளியாக மாற்றுவதும்தானே!சீமான் வீட்டில் தெலுங்கு பேசுபவர் தமிழர், தமிழ் பேசும் நாங்கள் திராவிடர்களா... இந்தியாவுக்கு யார் வந்தாலும், இந்தியராகிவிடுகிறார்கள். எந்த திராவிடர் வந்தாலும் தமிழராகிவிடுவார்கள். தமிழர்கள் அனைவரும் திராவிடர்களாகிட வேண்டும். இதையெல்லாம் எப்படி ஏற்றுக்கொள்வது... திராவிட மாடல் காலாவதியாகிவிட்டது என்று ஆளுநர் கூறுவதை ஏற்கிறேன். திராவிட மாடல் என்பது இத்துப்போன / தீய்ந்துபோன மாடல்தான். ஒவ்வொருவருக்கும் மதக்கோட்பாடு என ஒன்று இருக்கிறது. மதம், உடை, உணவு என்பது ஒவ்வொருவரின் தனிப்பட்ட உரிமை. ஆனால் கிறிஸ்தவர்கள், இஸ்லாமியர்கள்மீதான வெறுப்பு மட்டுமே உங்கள் அரசியல் கொள்கையாக இருந்தால், இந்தியாவின் அந்நியச் செலாவணியில் இஸ்லாமிய நாடுகளுக்கு ஏற்றுமதி செய்யப்படும் மாட்டுக்கறி மூலம் வரும் லாபம் வேண்டாம் என ஆர்.எஸ்.எஸ்., பா.ஜ.க போராட வேண்டியதுதானே... இஸ்லாமிய, கிறிஸ்தவ நாடுகளுடன் ஒப்பந்தம் போட்டுக்கொண்டு, லட்சம் கோடியில் கடன் வாங்கிக்கொண்டு, இங்கு இஸ்லாமியர்கள்மீது வெறுப்பை பரப்புவது என்ன மாதிரியான மனநிலை... `தி கேரளா ஸ்டோரி’ என்ற படம் பிரச்னைகளை உருவாக்கி, அதில் புகழ்பெற விரும்பும் நோக்கத்துடன் உருவாக்கப்பட்டிருக்கிறது. இந்தப் படமே தேவையற்றது.தி கேரளா ஸ்டோரி நான் ஷரியத் சட்டத்தை முழுவதும் படித்தேன். பெண்களுக்கு அதிக பாதுகாப்பு நபிகள் நாயகம் வகுத்துக் கொடுத்த ஷரியத் சட்டத்தில்தான் இருக்கிறது. வேண்டுமானால் நீங்களும் படிக்கலாம். தேவையில்லாமல் அவர்களிடம் சிக்கலை உருவாக்குவது தவறு. `தி கேரளா ஸ்டோரி’ படத்தை தமிழ்நாட்டில் தடைசெய்வதற்கு பலமுறை ஊடகங்கள் மூலம் கோரிக்கைவைத்தும், போலீஸ் பாதுகாப்புடன் படத்தைத் திரையிட அனுமதி கொடுத்து அரசு ஏன் பிரச்னையை உருவாக்குகிறது... தியேட்டர் வாசலில் நான் முற்றுகையிட்டு போராடினால் சட்டம் - ஒழுங்கைக் கெடுக்கிறேன் எனக் கூறுவீர்கள்தானே? இதில் சிறுபான்மையினருக்குப் பாதுகாப்பு நாங்கள்தான் என்றும் கூறிக்கொள்வீர்கள். கலைஞர் ஆட்சியின்போது `டார்வின் கோட்’ படம் தடைசெய்யப்பட்டது. அப்போது கமல்ஹாசன் என்னிடம், `பகுத்தறிவு ஆட்சியென்றெல்லாம் பேசிக்கொள்கிறோம். ஆனால், இந்தப் படத்தை தடைசெய்துவிட்டார்களே... இதையெல்லாம் பேச மாட்டீர்களா' எனக் கேட்டார். அந்தப் படம் ஏன் தடைசெய்யப்பட்டது... கிறிஸ்தவர்கள் மனம் புண்படும், அவர்களின் ஓட்டு வேண்டும் என்பதற்காகத்தானே... அப்படி இருக்கும்போது இந்த `தி கேரளா ஸ்டோரி’யை மட்டும் ஏன் தடைசெய்யவில்லை?ஸ்டாலின் கேரளாவில் பிரச்னை செய்ய ராமர் கோயிலைக் கையிலெடுத்தார்கள். அதன் பிறகு ஐயப்பன் கோயிலைக் கையிலெடுத்தார்கள். எந்த அரசியலும் அங்கு எடுபடவில்லை என்றதும், இஸ்லாமியர்கள்மீதான தாக்குதலைக் கையிலெடுத்திருக்கிறார்கள். மோடி வந்துவிடுவார் எனப் பூச்சாண்டி காட்டி, இஸ்லாமியர்களுக்கும் கிறிஸ்தவர்களுக்கும் நம்மைவிட்டால் வேறு நாதி இல்லை என்ற மனநிலையில் அரசு இதையெல்லாம் செய்துகொண்டிருக்கிறது. கேரள முதல்வர் இவர்களின் திட்டம் புரிந்துதானே கண்டித்தார்... ஒன்றுமே இல்லாத பா.ஜ.க-வை வளர்த்துவிட்டது தி.மு.க-தான். பா.ஜ.க-வின் மெயின் டீம் தி.மு.க-தான். `கர்நாடகத் தேர்தலில் வெற்றிபெற்றால் முஸ்லிம்களுக்கான இட ஒதுக்கீட்டை ரத்துசெய்வோம்' என வெறுப்பு பிரசாரம் மேற்கொள்ளும் உள்துறை அமைச்சர் அமித் ஷாவுக்கு 'தான் வாழும் நாட்டைவிட தான் சார்ந்திருக்கும் மதம்தான் பெரியது எனச் செயல்படத் தொடங்கினால், இந்த நாடு சுக்குச் சுக்காக உடைவதை எவராலும் தடுக்க முடியாது' என அம்பேத்கர் சொன்னதை நினைவுபடுத்த விரும்புகிறேன்" என்றார்.காங்கிரஸின் `மேக்கேதாட்டூ' வாக்குறுதி; ``தமிழ்நாட்டைப் பாலைவனமாக்கும் சூழ்ச்சி!" - சீமான் கண்டனம்!
http://dlvr.it/SncS0X

Read More

அதிமுக அலுவலக விவகாரம்: அனைத்துப் பொருள்களையும் சி.வி.சண்முகத்திடம் ஒப்படைக்க நீதிமன்றம் உத்தரவு!

அ.தி.மு.க பொதுக்குழுக் கூட்டம் கடந்த ஆண்டு, ஜூலை 11-ம் தேதி, வானகரம் திருமண மண்டபத்தில் நடந்தது. அப்போது, ஓ.பன்னீர்செல்வம் தன்னுடைய ஆதரவாளர்களுடன் ராயப்பேட்டை அ.தி.மு.க அலுவலகத்துக்குச் சென்றபோது, இரு தரப்பினருக்கும் இடையே மோதல் ஏற்பட்டு, அது கலவரமாக மாறியது. அப்போது, அலுவலகத்திலிருந்து சொத்து ஆவணங்கள், வாகனங்களின் ஆர்.சி புத்தகங்கள், கம்ப்யூட்டர் உட்பட பல பொருள்களை ஓ.பன்னீர்செல்வம் தரப்பினர் எடுத்துச் சென்றுவிட்டதாக, காவல்துறையிடம் அந்தக் கட்சியின் அமைப்புச் செயலாளர் சி.வி.சண்முகம், ராயப்பேட்டை காவல் நிலையத்தில் புகாரளித்தார். அதிமுக தலைமை அலுவலகம் கலவரம் தொடர்பான வழக்கு சி.பி.சி.ஐ.டி விசாரணைக்கு மாற்றப்பட்டு, விசாரணை தொடங்கிய நிலையில், அ.தி.மு.க அலுவலகத்திலிருந்து எடுத்துச் செல்லப்பட்ட பொருள்களை காவல்துறையிடம் ஓ.பன்னீர்செல்வம் தரப்பினர் ஒப்படைத்தனர். அந்தப் பொருள்கள் தற்போது சென்னை சைதாப்பேட்டை 11-வது நீதிமன்றத்தின் கட்டுப்பாட்டில் இருக்கின்றன. அந்தப் பொருள்களை ஒப்படைக்கக் கோரி, அ.தி.மு.க பொதுச்செயலாளர் எடப்பாடி பழனிசாமி தரப்பில், சி.வி.சண்முகம், சைதாப்பேட்டை நீதிமன்றத்தில் மனுத்தாக்கல் செய்தார். இதற்கு எதிர்ப்பு தெரிவித்து ஓ.பன்னீர்செல்வம் தரப்பில், வைத்திலிங்கம் மனுத்தாக்கல் செய்தார். இந்த மனுக்களை விசாரித்த சைதாப்பேட்டை நீதிமன்றம், அ.தி.மு.க பொதுக்குழு மற்றும் பொதுச்செயலாளர் தேர்தல் தொடர்பான பிரதான வழக்கில் இறுதித் தீர்ப்பு பிறப்பிக்கப்படாததால், ஆவணங்களுக்கு யார் உரிமையாளர் என்று தற்போது முடிவுசெய்ய முடியாது எனக் கூறி தள்ளுபடி செய்தது.சி.வி.சண்முகம் சைதாப்பேட்டை நீதிமன்ற உத்தரவை எதிர்த்து, சென்னை உயர் நீதிமன்றத்தில் சி.வி.சண்முகம் தாக்கல் செய்த மேல்முறையீடு மனு, நீதிபதி ஜி.கே.இளந்திரையன் முன்பு இன்று விசாரணைக்கு வந்தது. மனுவை விசாரித்த நீதிபதி, அ.தி.மு.க அலுவலகத்திலிருந்து எடுத்துச் செல்லப்பட்ட ஆவணங்கள், பொருள்களைக் கட்சியின் அமைப்புச் செயலாளர் சி.வி.சண்முகத்திடம் வழங்கும்படி காவல்துறைக்கு உத்தரவிட்டார். அமித் ஷா-வுடனான சந்திப்புக்குப் பிறகும், அதிமுக-வைச் சீண்டும் தமிழக பாஜக - நடந்தது என்ன?!
http://dlvr.it/SnYmKk

Read More

'நோ' சொன்ன பிரதமர் அலுவலகம்?! - அபுதாபி பயணத்தை ரத்துசெய்த பினராயி விஜயன்?

அபுதாபி நாட்டில் இந்த மாதம் 8 முதல் 10-ம் தேதி வரை முதலீட்டாளர்கள் மாநாடு நிகழ்ச்சி நடைபெறுகிறது. முதலீட்டு மாநாட்டில் பங்கேற்குமாறு ஐக்கிய அரபு அமீரகத்தின் வர்த்தகத்துறை அமைச்சர் கேரள முதல்வர் பினராயி விஜயனுக்கு அழைப்பு விடுத்திருந்தார். பினராயி விஜயனின் மருமகனும், கேரள மாநில பொதுப்பணித்துறை அமைச்சருமான முஹம்மது ரியாஸ், மாநில தொழில்துறை அமைச்சர், தலைமைச் செயலர் உள்ளிட்டவர்களுக்கும் முதலீட்டாளர்கள் சந்திப்பு நிகழ்ச்சியில் கலந்துகொள்ள அழைப்பு விடுக்கப்பட்டிருந்தது. இதைத் தொடர்ந்து அபுதாபி நாட்டுக்குச் செல்வதற்காக கேரள முதல்வர் பினராயி விஜயன் மத்திய வெளியுறவுத்துறை அமைச்சகத்திடம் அனுமதி கேட்டு கடிதம் அனுப்பியிருந்தார்.பினராயி விஜயன் மத்திய வெளியுறவுத்துறை அமைச்சர் ஜெய்சங்கர் நேரடியாக அந்த மனுவை ஆய்வுசெய்தார். பின்னர், `முதல்வர் கலந்துகொள்ளும் அளவுக்கு அந்த முதலீட்டாளர்கள் சந்திப்பு நிகழ்ச்சி முக்கியத்துவம் வாய்ந்தது அல்ல’ எனக் கூறி பினராயி விஜயனின் அபுதாபி பயணத்துக்கு மத்திய வெளியுறவுத்துறை அனுமதி மறுத்தது. அதே சமயம், `அதிகாரிகள் அந்த நிகழ்ச்சியில் கலந்துகொள்ளத் தடை இல்லை’ என மத்திய வெளியுறவுத்துறை கேரள மாநிலத்துக்கு அனுப்பிய கடிதத்தில் சுட்டிக்கட்டியிருந்தது. கேரள மாநிலம் மட்டுமல்லாது, சத்தீஸ்கர், மகாராஷ்டிரா, கோவா உள்ளிட்ட மாநிலங்களுக்கும் அபுதாபி நிகழ்ச்சியில் கலந்துகொள்ள அழைப்பு அனுப்பப்பட்டிருந்ததாகத் தகவல் வெளியாகியிருக்கிறது.பிரதமர் மோடி வெளியுறவுத்துறை அலுவலகம் மறுத்ததைத் தொடர்ந்து அபுதாபி செல்ல அனுமதி கேட்டு பினராயி விஜயனின் அலுவலகத்திலிருந்து பிரதமர் அலுவலகத்தை நாடியிருக்கின்றனர். வெளியுறவுத்துறை அமைச்சகத்தின் முடிவில் தலையிட பிரதமர் அலுவலகம் மறுத்திருப்பதாகத் தகவல் வெளியாகியிருக்கிறது. இதையடுத்து, அபுதாபி செல்லும் திட்டத்தை பினராயி விஜயன் கைவிட்டிருப்பதாகத் தகவல் வெளியாகியிருக்கிறது. முதல்வர் பினராயி விஜயனின் வெளிநாட்டுப் பயணத்துக்கு மத்திய அரசு முட்டுக்கட்டை போட்டதன் பின்னணியில் அரசியல் இருப்பதாகவும் குற்றச்சாட்டு எழுந்திருக்கிறது.
http://dlvr.it/SnVskw

Read More

ஒன் பை டூ

ஒன் பை டூ
http://dlvr.it/SnRvkw

Read More

Mann Ki Baat 100: ரேடியோ உரையால் பிரதமர் மோடி சாதிப்பதுதான் என்ன?!

பிரதமர் மோடி, நாட்டு மக்களுக்கு நிகழ்த்தும் `மன் கி பாத்’ உரையின் 100-வது நிகழ்ச்சியை வெற்றிகரமாகக் கடந்திருக்கிறார். 2014-ம் ஆண்டு முதன்முறையாக மோடி பிரதமராகப் பதவியேற்றுக்கொண்டது முதல் ஒவ்வொரு மாதமும் கடைசி ஞாயிற்றுக்கிழமை, `மன் கி பாத்' (மனதின் குரல்) எனும்பெயரில் நாட்டு மக்களுடன் ரேடியோ மூலமாக உரையாற்றிவருகிறார். அதன் 100-வது உரை நிகழ்ச்சி ஏப்ரல் 30-ம் தேதி, ஐ.நா முதல் அமெரிக்கா, லண்டன், ஆஸ்திரேலியா என உலகின் பல்வேறு இடங்களிலும் கொண்டாடப்பட்டது. இந்தியாவில் மட்டும் ஆயிரக்கணக்கான இடங்களில் பிரதமர் மோடியின் 100-வது உரை ஒளிபரப்பப்பட்டது. `மன் கி பாத்' (மனதின் குரல்) இந்த நிலையில், பிரதமர் மோடியின் `மன் கி பாத்' உரையால் மக்கள் மத்தியில் ஏற்பட்ட தாக்கங்கள் என்ன... இதனால் என்ன சாதிக்கிறார் பிரதமர் மோடி... உள்ளிட்ட கேள்விகளை பா.ஜ.க மாநிலப் பொதுச்செயலாளர் இராம ஸ்ரீநிவாசனிடம் முன்வைத்தோம். நம்மிடம் பேசியவர், ``பிரதமரின் மனதில் உதித்த ஒரு புதுமையான திட்டம் `மன் கி பாத்’. வடகிழக்கு மாநிலங்கள் முதல் தார் பாலைவனம் வரை, கார்கில் பனிப்பிரதேசம் முதல் கன்னியாகுமரி கடலில் மீன்பிடிக்கும் மீனவர்கள் வரை அனைத்துப் பகுதி மக்களையும் ரேடியோ மூலம் சென்றடைந்திருக்கிறார் பிரதமர் மோடி. இந்த உரையின் வாயிலாக சமுதாயத்தின் அடித்தட்டு மக்கள் செய்யும் நல்ல விஷயங்களைக்கூட பொதுவெளியில் பாராட்டிப் பேசுகிறார். பொதுவாக தேசத்தின் பெருமையை சமூக அடுக்கின் மேல்தட்டில் இருப்பவர்களைப் பற்றி பேசியே மாய்ந்துபோகிறோம். ஆனால், பிரதமர் மோடி சமூக அடுக்கின் கீழே இருக்கும் மக்கள் எப்படிச் சிறப்பாக இருக்கின்றார்கள் என்பதைப் பற்றிப் பேசுகிறார்.சென்னையில் பிரதமர் மோடியின் `மன் கி பாத்' 100-வது சிறப்பு நிகழ்ச்சி! - புகைப்படத் தொகுப்பு ஒரு மண்பானை செய்பவர், முடிதிருத்தும் தொழிலாளி, மரம்வைக்கும் மூதாட்டி, வாழைநாரில் கைவினைப்பொருள்கள் செய்யும் பெண்மணி என எளிய மக்களைப் பற்றிப் பேசுகிறார். ஜனநாயகத்தின் வளர்ச்சி என்பது தவறுசெய்பவர்களைத் தட்டிக்கேட்பது மட்டுமல்ல, நன்மை செய்பவர்களைத் தட்டிக்கொடுப்பதும்தான் என்றவகையில் பிரதமர் மோடி நன்மை செய்யும் எளிய மக்களைத் தட்டிக்கொடுக்கிறார். இது அந்த மக்கள் மத்தியில் மிகப்பெரிய தாக்கத்தையும் பெரும் உற்சாகத்தையும் ஏற்படுத்திவருகிறது. இதன் மூலம் இந்தியாவின் வேர்களுக்கு இருக்கின்ற பெருமை வெளி உலகுக்குத் தெரிந்திருக்கிறது. பிரதமரின் ஆளுமைக்கு இருக்கும் வசீகரம் மக்களை ஈர்த்திருக்கிருக்கிறது. இதற்கெல்லாம் `மன் கி பாத்’ உரையின் மூலம் வாய்ப்பு கிடைத்திருக்கிறது" எனத் தெரிவித்தார்.இராம ஸ்ரீனிவாசன் அதேபோல பிரதமர் மோடியின் `மன் கி பாத்’ உரை குறித்து காங்கிரஸ் செய்தித் தொடர்பாளர் கோபண்ணாவிடம் கருத்து கேட்டோம். ``பிரதமர் என்ற முறையில் நாட்டு மக்களுக்கு தன் கருத்துகளைக் கூற `மன் கி பாத்’தை பிரதமர் மோடி பயன்படுத்தி வருகிறார். அதில் அவர் பல கருத்துகளைக் கூறிவருகிறார். ஆனால், அவரது உரையின் பேச்சுக்கும், செயலுக்கும் சம்பந்தமே கிடையாது. மக்களுக்காகப் பேசுகிறார் என்றால், டெல்லியில் நியாயமான கோரிக்கைகளை வலியுறுத்தி ஓராண்டாக விவசாயிகள் போராடினார்களே... அவர்களைச் சந்தித்து, `உங்களின் பிரச்னை என்ன?' என்று கேட்டாரா பிரதமர் மோடி. குறைந்தபட்சம் வேளாண்துறை அமைச்சரையாவது அங்கு அனுப்பிவைத்தாரா... இல்லை; இப்போதும் மல்யுத்த வீராங்கனைகள் டெல்லியில் போராடிக்கொண்டிருக்கிறார்கள். அவர்களின் பிரச்னையை காதுகொடுத்து கேட்கக்கூட பிரதமர் மோடி தயாராக இல்லை! ஆனால், பிரியங்கா காந்தியும் ராகுல் காந்தியும் கேட்டனர். அவர்களுடன் அமர்ந்து அவர்களின் பிரச்னையைக் கேட்டு ஆறுதல் சொல்லி ஆதரவளித்தனர்.மன் கி பாத்: ``இயற்கையைப் பாதுகாப்பதில் தூத்துக்குடி மக்களுக்கு பெரும் பங்கிருக்கிறது!" - மோடிகோபண்ணா 1977-ல் பீகார் மாநிலம், பெல்சியில் 10-க்கும் மேற்பட்ட தலித் மக்கள், மாற்றுச் சாதி நிலபிரபுக்களின் அடியாள் படையால் சுட்டுக்கொல்லப்பட்டனர். அப்போது கனமழை, ஆற்றில் வெள்ளம், சேரும் சகதியுமான பாதை என பல்வேறு தடைகளைத்தாண்டி 10 கி.மீட்டருக்குமேல் யானைமீது அமர்ந்துசென்று பாதிக்கப்பட்ட மக்களின் குடும்பத்தினரை நேரில் சந்தித்து ஆறுதல் சொன்னார் இந்திரா காந்தி! அந்த மக்களுக்குப் பாதுகாப்பான சூழ்நிலையை உருவாக்கித்தந்தார். ராஜீவ் காந்தியும் அதைத்தான் செய்தார். அந்த வரிசையில் பாரத் ஜோடோ யாத்திரையின்மூலம் நாட்டு மக்களை நேரில் சந்தித்தார் ராகுல் காந்தி. அவர் மக்களோடு உரையாடினார் அவர்களின் பிரச்னைகளைக் கேட்டறிந்தார். இதற்கெல்லாம் மூலக்காரணம், `எங்கெல்லாம் மக்கள் பாதிக்கப்படுகிறார்களோ அங்கு சென்று மக்களின் குறைகளைக் காதுகொடுத்து கேட்க வேண்டும்' என்கிற நேரு குடும்பத்தின் பாரம்பர்யம்தான்.`தமிழ் மொழியின் மிகப்பெரிய அபிமானி நான்!' - மன் கி பாத் நிகழ்ச்சியில் பிரதமர் மோடி உரை ராகுல் காந்தி - மோடி ஆனால், பிரதமர் மோடியோ தொலைக்காட்சியிலும் `மன் கி பாத்’ ரேடியோவிலும் பேசிக்கொண்டிருக்கிறாரே தவிர மக்களை நேரில் சந்திக்கத் தயாராக இல்லை. ஒரு நாட்டின் பிரதமராக தேர்ந்தெடுக்கப்பட்டவருக்கு ஜனநாயக உணர்வு இருக்க வேண்டும். நாடாளுமன்றத்தில் தேவைக்கு அதிகமாகவே எம்.பி-க்களைப் பெற்றிருக்கிறார். ஆனால், அவர் ஒரு `நாடாளுமன்ற ஜனநாயகவாதி'யா என்றால் இல்லை! மோடி மீது மக்களுக்கு நம்பகத்தன்மை கிடையாது. காரணம் மோடி ஒரு ஜனநாயகவாதி இல்லை! மக்களால் ஜனநாயக முறையில் தேர்ந்தெடுக்கப்பட்ட ஒரு சர்வாதிகாரி!" என்றார்.`தன்னிறைவு பாரதம் முதல் தமிழர்கள் வரை!' - 2020-ம் ஆண்டின் இறுதி மன் கி பாத் நிகழ்ச்சியில் மோடி
http://dlvr.it/SnNyBX

Read More

``ஊழலில் வளர்ந்த காங்கிரஸ் என்னை விஷப் பாம்பு என்கிறது" - பிரதமர் மோடி காட்டம்!

கர்நாடக மாநில சட்டமன்றத் தேர்தல் களமானது பா.ஜ.க., காங்கிரஸ் கட்சிகளின் மோடி, அமித் ஷா, கார்கே, பிரியங்கா காந்தி உள்ளிட்ட பலரின் பிரசாரங்களால் சூடுபிடிக்கத் தொடங்கிவிட்டது. இரண்டு நாள்களுக்கு முன்புகூட காங்கிரஸ் கமிட்டியின் தலைவர் கார்கே, மோடியை விஷப் பாம்புடன் ஒப்பிட்டுப் பேசியிருந்தார். இது பா.ஜ.க வட்டாரத்தில் பெரும் எதிர்ப்பைக் கிளப்பவே, ``நான் மோடியைக் குறிப்பிடவில்லை. பா.ஜ.க-வின் சித்தாந்தத்தை விஷப் பாம்பு என்றேன்" எனக் கூறிய கார்கே, இது யாருடைய மனதையாவது புண்படுத்தியிருந்தால் அதற்கு மன்னிப்புக் கோருவதாகவும் தெரிவித்திருந்தார்.மல்லிகார்ஜுன கார்கே - மோடி இருப்பினும் பா.ஜ.க தரப்பிலிருந்து எதிர்ப்புகள் வந்தவண்ணமே இருந்தன. பா.ஜ.க எம்.எல்.ஏ ஒருவர்கூட ``சோனியா காந்தி விஷப் பெண்மணியா?" எனக் கேள்வியெழுப்பியிருந்தார். இந்த நிலையில் பிரதமர் மோடி, காங்கிரஸ் தன்னை விஷப் பாம்பு எனக் கூறுவதாகவும், கர்நாடக மக்கள் அதற்கு பதிலடி கொடுப்பார்கள் என்றும் கூறியிருக்கிறார். கோலார் பகுதியில் நடந்த பிரசாரத்தில் பேசிய மோடி, ``காங்கிரஸ் ஒரு காலாவதியாகிவிட்ட இன்ஜின். காங்கிரஸிடம் போலி வாக்குறுதிகள் இருக்கின்றன. பொதுமக்களுக்குக் கொடுத்த எந்தவொரு வாக்குறுதியையும் அவர்கள் நிறைவேற்றவில்லை. நிறைவேற்றப்படாத வாக்குறுதிகளே காங்கிரஸின் ரெகார்ட் (Record). ஆனால், பா.ஜ.க பல வளர்ச்சிப் பணிகளைச் செய்து அனைத்து வாக்குறுதிகளையும் நிறைவேற்றியிருக்கிறது. மேலும், விவசாயிகளுக்கு அளித்த வாக்குறுதிகளையும் காங்கிரஸ் நிறைவேற்றவில்லை. விவசாயிகளுக்கென்று அவர்கள் எதுவும் செய்யவில்லை. ஏழைகளை எப்போதும் அவர்கள் புறக்கணிக்கிறார்கள்.மோடி ஆனால் பா.ஜ.க, விவசாயிகளுக்கு 2.5 லட்சம் கோடி ரூபாய் கொடுத்திருக்கிறது. விவசாயிகளின் வளர்ச்சிக்காக நாங்கள் தொடர்ந்து உழைத்து வருகிறோம். அது மட்டுமல்லாமல் சிலரைத் திருப்திப்படுத்தும் அரசியலையே காங்கிரஸ் செய்கிறது. பா.ஜ.க அப்படியல்ல. அதோடு காங்கிரஸ் எப்போதுமே ஊழலில்தான் வளர்ந்திருக்கிறது. ஊழலுக்கு எதிராக பா.ஜ.க-வால் மட்டுமே உடனடி நடவடிக்கை எடுக்க முடியும். அவ்வாறு ஊழலுக்கு எதிராக நான் போராடுவதால்தான் காங்கிரஸ் என்னை வெறுக்கிறது. என்னை மிரட்டி துஷ்பிரயோகம் செய்கின்றனர். இந்தத் தேர்தலுக்காக விஷப் பாம்பு என்ற தலைப்பில் காங்கிரஸ் என்னை பாம்புடன் ஒப்பிடுகிறது. அவர்களுக்கு மே 10-ம் தேதி கர்நாடக மக்கள் தகுந்த பதிலடி கொடுப்பார்கள்" என்றார்.கர்நாடகா: ``25 ஆண்டுக்கால வளர்ச்சிக்கான திட்டம்... இளம் தலைமுறையினருக்கு வாய்ப்பு!" - பிரதமர் மோடி
http://dlvr.it/SnLKRQ

Read More

"தொண்டர்களை இனியும் ஏமாற்றாதீர்கள் வைகோ..!" - ஆபரேஷன் SABS - கிசுகிசு: அடுக்குமாடி வீடு: கவனிக்க...

"தொண்டர்களை இனியும் ஏமாற்றாதீர்கள் வைகோ..!" வைகோ அண்ணா காலத்து அரசியல்வாதியான மதிமுக அவைத் தலைவர் சு.துரைசாமி, அக்கட்சியின் பொதுச் செயலாளர் வைகோவுக்கு எழுதியுள்ள கடிதம் அரசியல் களத்தில் பேசு பொருளாக மாறியுள்ளது. '30 ஆண்டுகாலமாக உங்கள் உணர்ச்சிமயமான பேச்சை நம்பி வாழ்க்கையை இழந்த தொண்டர்களை இனியும் ஏமாற்றாதீர்கள். மதிமுகவுக்கு எதிர்காலம் இல்லை. தாய்க் கழகமான திமுகவுடன் இணைப்பதே நல்லது' என அக்கடிதத்தில் குறிப்பிட்டிருந்தார். இந்த நிலையில் இக்கடிதம் குறித்து நம்மிடம் பேசிய சு.துரைசாமி, " எந்த வாரிசு அரசியலை எதிர்த்து வைகோ கட்சி ஆரம்பித்தாரோ அதற்கு நேர்மாறாக, மதிமுகவில் இன்று குடும்ப அரசியல் தலைவிரித்தாடுகிறது" எனக் குற்றம் சாட்டி உள்ளார். வைகோ மீதான அதிருப்திக்கு சு.துரைசாமி கூறும் காரணங்களையும் முன்வைக்கும் குற்றச்சாட்டுகளையும் விரிவாக படிக்க இங்கே க்ளிக் செய்க... மேலும், வைகோவுக்கு மதிமுக அவைத்தலைவர் எழுதிய கடிதத்தில் உள்ளது என்ன? படிக்க இங்கே க்ளிக் செய்க... ஆபரேஷன் SABS... டீ குடித்தவரைத் தூக்கிய திருச்சி டீம்! ஆபரேஷன் SABS; சிக்கலில் சபரீசன்? "வருமான வரித்துறையின் திடீர் அதிரடி ரெய்டால், ரியல் எஸ்டேட் நிறுவனமான 'ஜி ஸ்கொயர்' ஆடிப்போயிருக்கிறது. தொடக்கத்தில், 40 இடங்களில் நடந்த ரெய்டு, அடுத்த 48 மணி நேரத்தில் 90 இடங்களாக விரிந்து, கடைசியில் 140 இடங்களில் நடைபெற்றிருக்கிறது. இந்த ரெய்டில், வருமான வரித்துறைக்கு ஜாக்பாட்டாகச் சிக்கியவர் ஆடிட்டர் சண்முகராஜாதான். சபரீசனின் ஆடிட்டரான இவரின் மேற்பார்வையில்தான், பல்வேறு தொழில்களும் பரிவர்த்தனைகளும் நடந்ததாகச் சந்தேகிக்கிறது வருமான வரித்துறை. ஆபரேஷன் SABS' ஏன், எப்படி நடந்தது..? விசாரணை வளையத்தில் யாரெல்லாம் சிக்கியிருக்கிறார்கள்... சிக்குகிறார்கள்..? - விரிவான, விறுவிறுப்பான தகவல்கள் இன்று வெளியான ஜூனியர் விகடன் கவர் ஸ்டோரியில்... படிக்க இங்கே க்ளிக் செய்க... கிசுகிசு: மெர்சல் நடிகருடன் மோதும் சேனல்! கிசுகிசு ஜூன் மாதம்தான் கோட்டையின் உச்ச அதிகாரி ஓய்வு பெறுகிறார். இந்த நிலையில், 'மூன்று மாதங்கள் மட்டும் அந்த உச்ச பதவியில் உட்கார்ந்துகொள்கிறேன். அதன் பிறகு வி.ஆர்.எஸ் கொடுத்துவிடுகிறேன்' எனச் சொல்லி, வடக்கத்திய அதிகாரி ஒருவர் பேசுகிற பேரம் கோட்டையையே திகைக்க வைக்கிறதாம். கிசுகிசு பகுதியில் மேலும்... * மெர்சல் நடிகருடன் மோதும் சின்ன தலைவியின் சேனல்! * முதன்மையானவர் குறித்து பேசிய அமைச்சர்களின் பட்டியல்! * பணிவானவர் மாநாடு குறித்து டெல்லிக்கு சொல்லப்பட்ட விஷயங்கள்..! * அண்ணன் தலைவரின் திடீர் அமைதிக்கு காரணம்... என அனைத்து அரசியல் கிசுகிசுக்களைப் படிக்க இங்கே க்ளிக் செய்க... உச்ச நீதிமன்றத்துக்கே உத்தரவிட்ட ஹைகோர்ட் நீதிபதி! - நடந்தது என்ன...? உயர் நீதிமன்ற நீதிபதி அபிஜித் கங்கோபாத்யாய் மேற்கு வங்கத்தில் கொல்கத்தா உயர் நீதிமன்ற நீதிபதி ஒருவர், ஊடகத்தில் தான் பேசியது தொடர்பாக உச்ச நீதிமன்றத்தில் தாக்கல் செய்யப்பட்டிருக்கும் அறிக்கையை நள்ளிரவு 12 மணிக்குள் தன்னிடம் தாக்கல் செய்ய வேண்டும் என உச்ச நீதிமன்றச் செயலாளருக்கு உத்தரவு போட்ட நிகழ்வு பெரும் பேசுபொருளாகியிருக்கிறது. இந்த நிலையில் இதற்கு உச்ச நீதிமன்றம் ஆற்றிய எதிர்வினை என்ன..? தெரிந்துகொள்ள இங்கே க்ளிக் செய்க... மூடப்படும் ஷீர்டி சாயிபாபா கோயில்! - என்ன காரணம்? ஷீர்டி சாயிபாபா கோயில் மகாராஷ்டிராவில் ஷீர்டி சாயிபாபா கோயில் மிகவும் புகழ்பெற்ற புனிதஸ்தலமாகக் கருதப்படுகிறது. விடுமுறை நாள்களில் லட்சக்கணக்கான பக்தர்கள் சாயிபாபாவை தரிசிக்க வருகின்றனர். இந்த நிலையில், வரும் 1-ம் தேதியிலிருந்து காலவரையற்று சாயிபாபா கோயிலை மூடப்போவதாக கோயில் நிர்வாகம் தெரிவித்துள்ளது. பக்தர்கள் மத்தியில் அதிருப்தியை ஏற்படுத்தியுள்ள கோயில் நிர்வாகத்தின் இந்த முடிவுக்கு என்ன காரணம்..? தெரிந்துகொள்ள இங்கே க்ளிக் செய்க... அடுக்குமாடி வீடு... கவனிக்க வேண்டிய 5 அம்சங்கள்..! அடுக்குமாடி குடியிருப்புக்கள் சென்னை, கோயம்புத்தூர், மதுரை, திருச்சி, சேலம் போன்ற பெரும் நகரங்களில் வீட்டுமனைகளின் விலை மிகவும் அதிகரித்துக் காணப்படுகிறது. இந்த நிலையில், பலரும் அடுக்குமாடிக் குடியிருப்பு வீடுகளை வாங்க ஆரம்பித்திருக்கிறார்கள். இவ்வாறு அடுக்குமாடி வீடுகளைத் தேடிக்கொண்டிருப்பவர்கள் அவசியம் கவனிக்க வேண்டிய 5 முக்கியமான அம்சங்களை இன்று வெளியான நாணயம் விகடன் இதழில் தெரிவிக்கிறார் நிதி ஆலோசகர் எஸ்.கார்த்திகேயன். படிக்க இங்கே க்ளிக் செய்க... வியர்க்குரு... இயற்கை முறையில் எளிய தீர்வுகள்! வியர்வை, வியர்க்குரு கோடைக்கால நோய்களில், குழந்தைகள் முதல் பெரியவர்கள் வரை பாடாய்ப்படுத்தும் முக்கியமான பிரச்னை வியர்க்குரு. இதனை, நம் தட்பவெப்பநிலைக்கு ஏற்ப உணவு முறைகள், நடைமுறை பழக்கவழக்கங்களை கடைப்பிடிப்பதன் மூலம் சமாளிக்கலாம்; தடுக்கலாம் என்கிறார் ஆயுர்வேத மருத்துவர் ஆர்.பாலமுருகன். அவர் பகிர்ந்த வியர்க்குரு பிரச்னைக்கான தீர்வுகளைப் படிக்க இங்கே க்ளிக் செய்க... Ponniyin Selvan 2: 'நாவலில் இல்லாததைச் சேர்த்தது ஏன்?' - மணிரத்னம் சொல்வது என்ன? பொன்னியின் செல்வன் 2 மணிரத்னம் இயக்கத்தில் `பொன்னியின் செல்வன்-2' நேற்று திரையரங்குகளில் வெளியாகியிருக்கிறது. நாவலில் இல்லாத விஷயங்களைப் படத்தில் சேர்த்ததும், நாவலில் இருந்ததை மாற்றியது குறித்தும் விவாதங்கள் எழுந்திருப்பதை பார்க்கமுடிகிறது. இது தொடர்பாக கடந்த வாரம் ஆனந்த விகடன் பேட்டியில் (26/04/2023) இயக்குநர் மணிரத்னம் சொன்னதை படிக்க இங்கே க்ளிக் செய்க... மேலும், மிஸ்டர் மியாவ்: பெரிய தொகை கேட்கும் விஜய்! படிக்க இங்கே க்ளிக் செய்க...
http://dlvr.it/SnJ8sb

Read More