பிரதமரின் 100-வது `மன் கி பாத்' நிகழ்ச்சி; ஒலிபரப்பைக் கேட்காத 36 நர்சிங் மாணவிகள்மீது நடவடிக்கை!

பிஜிமர் தேசிய நர்சிங் கல்வி மையம் (PGIMER's National Institute of Nursing Education) சண்டிகரில் அமைந்திருக்கிறது. அங்குள்ள அனைத்து நர்சிங் மாணவ, மாணவிகளுக்கு ஏப்ரல் 30-ம் தேதி பிரதமர் மோடியின் 100-வது 'மன் கி பாத்' நிகழ்ச்சி ஒலிபரப்ப ஏற்பாடு செய்யப்பட்டிருந்தது. கல்லூரியில் முதல் ஆண்டு, மூன்றாம் ஆண்டு பயிலும் மாணவ, மாணவிகள் கண்டிப்பாக நிகழ்ச்சியில் கலந்துகொள்ள வேண்டும். அவ்வாறு நிகழ்ச்சியில் கலந்துகொள்ளாவிட்டால், நடவடிக்கை எடுக்கப்படும் என்று எழுத்துபூர்வமாக உத்தரவு பிறப்பிக்கப்பட்டிருந்தது. இந்த நிகழ்வில் நர்சிங் முதலாம் ஆண்டு பயிலும் 8 மாணவிகள், இறுதி ஆண்டும் பயிலும் 28 மாணவிகள் என 36 பேர் இதில் பங்கேற்கவில்லை எனக் கூறப்படுகிறது.மன் கி பாத் நிகழ்ச்சியில் பிரதமர் மோடி அந்த நிகழ்வில் கலந்துகொள்ளாததற்கு, மாணவிகள் எந்தக் காரணத்தையும் தெரிவிக்காததால், அந்தக் கல்லுரியின் அதிகாரிகள் அவர்களை ஒரு வாரத்துக்கு விடுதியைவிட்டு வெளியே வரக் கூடாது எனத் தண்டனை அளித்திருக்கிறார்கள். இது குறித்த தகவல் சமூக வலைதளங்களில் வெளியாகி பேசுபொருளாகியிருக்கிறது. இந்த நிலையில், கல்லூரி நிர்வாகம், "மாணவிகளுக்கு நிகழ்ச்சிகளை நடத்த விருந்தினர்கள், சிறந்த பேச்சாளர்கள், வல்லுநர்கள் ஆகியோர் வருவார்கள். இது பாடத்திட்டத்தின் ஒரு பகுதி. பிரதமரின் `மன் கி பாத்' நிகழ்வுக்கு வர வலியுறுத்தியது வழக்கமான பாடத்திட்ட நடவடிக்கைகளின் ஒரு பகுதி. இதற்கு வேறு எந்த அர்த்தத்தையும் கொடுத்து, பெரிய பிரச்னையாக்க வேண்டாம்" என விளக்கமளித்திருக்கிறது. ஆனால், இந்த விவகாரம் சமூக வலைதளங்களில் பெரும் விவாதத்தைக் கிளப்பியிருக்கிறது.மஹுவா மொய்த்ரா இதற்கிடையே, மேற்கு வங்க திரிணாமுல் காங்கிரஸ்  எம்.பி மஹுவா மொய்த்ரா தன்னுடைய ட்விட்டர் பக்கத்தில், பிரதமர் நரேந்திர மோடியின் வானொலி ஒலிபரப்பான `மன் கி பாத்' நிகழ்ச்சியை மங்கி பாத் (monkey baat ) எனக் கிண்டல் செய்திருக்கிறார். மேலும் ``நானும் (monkey baat ) இதைக் கேட்கவில்லை. எப்போதும் கேட்டதில்லை. நானும் தண்டிக்கப்படப் போகிறேனா... ஒரு வாரத்துக்கு நான் வீட்டை விட்டு வெளியே வரத் தடை விதிக்கப்படுமா?" எனத் தெரிவித்திருக்கிறார்.மன் கி பாத்: ``அதற்கு மிகப்பெரிய மனம் வேண்டும்!” - திருப்பூர் தாயம்மாள் குறித்து பிரதமர் மோடி
http://dlvr.it/Snyyq4

Read More

கணவரை விவாகரத்து செய்யும் பின்லாந்து பிரதமர் | இரானில் ஏழு பேருக்கு மரண தண்டனை - உலகச் செய்திகள்

ரஷ்யாவின் காலினின்கிராட் பகுதியை போலாந்து இனி அதிகாரபூர்வமாக கோனிக்ஸ்பெர்க் (Konigsberg) என்று அழைக்கப்போவதாக அறிவித்திருக்கிறது. இது ரஷ்ய மயமாக்குதலுக்கு (Russification) எதிரான நடவடிக்கையாகப் பார்க்கப்படுகிறது. ஹாங் காங் அதன் தேசியப் பாதுகாப்பு குறித்த வழக்குகளில், வெளிநாட்டு வழக்கறிஞர்கள் வாதாடவும், பங்கெடுத்துக்கொள்ளவும் தடை விதித்து, அதன் சட்டத்தில் மாற்றத்தைக் கொண்டுவந்திருக்கிறது. ரஷ்ய வெளியுறவுத்துறை அமைச்சரான சர்ஜி லாவ்ரோவ், நேற்று துருக்கி, சிரியா, இரான் ஆகிய நாடுகளின் பிரதிநிதிகளுடன் பேச்சுவார்த்தையில் ஈடுபட்டார். சிரியா, துருக்கி நாடுகளின் மறுசீரமைப்பு குறித்து விவாதிக்கப்பட்டது என்று கூறப்படுகிறது. இரான் நேற்று மேலும் ஏழு பேருக்கு மரண தண்டனை விதித்தது. மது, பாலியல் குற்றங்களுக்காக அந்த ஏழு பேர் தெஹ்ரானில் தூக்கிலிடப்பட்டதாக நார்வேயை மையமாகக்கொண்ட மனித உரிமை அமைப்பு ஒன்று தெரிவித்தது. முன்னாள் பாகிஸ்தான் பிரதமர் இம்ரான் கான், ஊழல் வழக்கில் எட்டு நாள் ரிமாண்டில் வைக்கப்பட்டிருக்கிறார். அங்கு கலவரம் வெடித்திருப்பதால், தற்போதைய பிரதமர் ஷெபாஸ் ஷெரீப் வீடு தாக்கப்பட்டிருக்கிறது. Jaish -e-Mohammad அமைப்பின் மூத்த தீவிரவாதியான அப்துல் ரவுஃப் அசாரை கறுப்புப் பட்டியலில் இணைக்க வேண்டும் என்று ஐ.நா-வில் இந்தியா கோரிக்கை விடுத்தது. இதற்கு சீனா எதிர்ப்பு தெரிவித்தது. அப்துல் ரவுஃப் என்பவர் 1999-ம் ஆண்டு நிகழ்ந்த இந்தியன் ஏர்லைன்ஸ் கடத்தல் வழக்கில் ஈடுபட்டவர் என்பது குறிப்பிடத்தக்கது. மெக்சிகோவின் புகழ்பெற்ற கால்பந்து வீரரான அன்டோனியோ கர்பஜல் (Antonio Carbajal) தனது 93-ம் வயதில் காலமானார். ஐந்து முறை பிஃபா உலகக் கோப்பை போட்டியில் கலந்துகொண்ட முதல் நபர் இவரே. Writers Guild of America (WGA) அமைப்பிலுள்ள ஹாலிவுட் எழுத்தாளர்கள் ஊதிய உயர்வைக் கோரியும், நிலையான வேலையைக் கோரியும் போராட்டத்தில் ஈடுபட்டிருக்கின்றனர். புகழ்பெற்ற பிளாகரான (Famous blogger) Heather Armstrong தன்னுடைய 47-வது வயதில் காலமானார். இவர் மக்களிடையே Dooce என்ற பெயரில் பரிச்சயமாக அழைக்கப்பட்டார். பின்லாந்து நாட்டின் பிரதமர் Sanna Marin தன்னுடைய கணவரை விவாகரத்து செய்யப்போவதாக இன்ஸ்டாகிராம் பக்கத்தில் தெரிவித்திருக்கிறார். "நாங்கள் நண்பர்களாகத் தொடர்வோம்" என்று பதிவிட்டிருக்கிறார்.
http://dlvr.it/SnwFRs

Read More

கடலூர்: நலத்திட்ட விழாவுக்கு தாமதமாக வந்த அமைச்சர்கள்; 4 மணி நேரம் காத்திருந்த மாற்றுத்திறனாளிகள்

கடலூரில் மாவட்ட அனைத்துத் துறைகள் சார்பில் `ஈடில்லா ஆட்சி... ஈராண்டே சாட்சி’ என்ற தமிழ்நாடு அரசின் இரண்டாம் ஆண்டு திட்டப் பணிகள் தொடர்பாக சாதனை மலர் வெளியீடு மற்றும் 807 பயனாளிகளுக்கு ரூபாய் 1.5 கோடி மதிப்பிலான நலத்திட்ட உதவிகள் வழங்கும் விழா இன்று காலை நடைபெற்றது. அமைச்சர்கள் எம்.ஆர்.கே.பன்னீர்செல்வம், சி.வெ.கணேசன் கலந்துகொண்ட இந்த விழா காலை 10:30 மணிக்குத் தொடங்கும் என்று தெரிவிக்கப்பட்டிருந்தது. ஆனால் மாற்றுத்திறனாளிகள் உள்ளிட்ட அத்தனை பயனாளிகளையும் 8:30 மணிக்கே அவர்களின் இருக்கைகளில் அமரவைத்து நகராமல் பார்த்துக்கொண்டனர் தி.மு.க-வினர். அதிகாலையிலேயே வீட்டிலிருந்து கிளம்பிவிட்டதால் பலர் காலை உணவின்றி சிரமப்பட்டனர்.மாற்றுத்திறனாளிகள்  ”அமைச்சர்களும், எம்.எல்.ஏ-க்களும் இதோ வந்துவிடுவார்கள்.. விழா ஆரம்பித்துவிடும்...” என்று கூறி அவர்களைக் கட்டுப்படுத்தும் வேலையிலேயே தி.மு.க-வினர் தீவிரம் காட்டினர். இயற்கை உபாதைகள் கழிக்கக்கூட அவர்கள் அனுமதிக்கப்படவில்லை. மாற்றுத்திறனாளிகளுக்கும் இதே நிலைதான். ”சரி, வந்தது வந்துவிட்டோம். இரண்டு மணி நேரம்தானே... வாங்கிட்டு பாத்ரூம் போய் சாப்பிட்டுக்கலாம்” என்று நினைத்துக்கொண்டிருந்த பயனாளிகள் 10:30 மணி வரை காத்திருந்து நொந்துபோனார்கள். அமைச்சர்கள், எம்.எல்.ஏ-க்கள், மேயர், ஆட்சியர் என அனைவரும் 12:45 மணிக்குத்தான் விழா அரங்குக்குள் நுழைந்தார்கள். நான்கு மணி நேரம் பசியாலும், இயற்கை உபாதைகள் கழிக்காமலும் காத்திருந்த பயனாளர்கள், “பாத்ரூம்கூட போகவிடாமல் எங்களை அடைச்சுவெச்சுட்டீங்க…” என்று கொதிக்க, பாய்ந்து சென்று அவர்களை ஆஃப் செய்தனர் தி.மு.க-வினர். ”11 மணிக்கு வந்தால் போதும் என்று வி.ஐ.பி-க்கள் மற்றும் கட்சி நிர்வாகிகளை மட்டும் அலர்ட் செய்திருந்த அதிகாரிகள், பயனாளிகளை மட்டும் 8:30 மணிக்கே அடைத்து வைத்துவிட்டார்கள். அதற்காக அந்தந்தப் பகுதி கட்சிக்காரர்கள் அதிகாலை 5 மணி முதலே அவர்களை வேனில் ஏற்றிவிட்டார்கள். பசியாலும், இயற்கை உபாதைகளைக்கூட கழிக்க முடியாமல் அவர்கள் அவதிப்பட்டதைப் பார்க்க பாவமாக இருக்கிறது” என்று நம்மிடம் வேதனை தெரிவித்தார் பாதுகாப்புக்கு வந்திருந்த காவல்துறை அதிகாரி ஒருவர்.தேக்கம்பட்டி முகாம்: தாமதமாக வந்த அமைச்சர்கள்! - 3 மணி நேரம் காக்கவைக்கப்பட்ட யானைகள் பயனாளிகளோ, “இல்லாத காரணத்துக்காக, உதவிக்காகத்தான் வந்திருக்கோம். அதுக்காக, சாப்பாடு இல்லாம, பாத்ரூம் போக முடியாம நாலு மணி நேரத்துக்கும் மேல எங்களை உட்காரவெச்சுருக்காங்க. உதவிக்காகத்தானே வந்திருக்காங்கன்னு அரசாங்கமே எங்களை இளக்காரமா நினைக்கலாமா... ஏதோ தண்ணீர் டேங்க்கையும், ஹாஸ்பிடல்ல ஒரு கட்டடத்தையும் திறந்துவெச்சுட்டு வந்ததால லேட் ஆகிடுச்சுன்னு அதிகாரிங்க சொல்றாங்க. ஆயிரம் பேரு இங்க பசியோட காத்துக்கிட்டிருக்கோம். ஆனா, வெறும் அஞ்சு பேர் கலந்துக்கற அந்த நிகழ்ச்சிக்கு முக்கியத்துவம் கொடுத்துப் போயிட்டு அமைச்சர்களும், எம்.எல்.ஏ-க்களும் சாவகாசமா வர்றாங்க. இங்க வந்துட்டு அதுக்கப்புறம் அந்தத் திறப்பு விழாக்களுக்கு போயிருந்தா என்ன?” என்றனர் வேதனையுடன்.
http://dlvr.it/SnsLBV

Read More

’40% கமிஷன், மக்களே சிந்தித்து வாக்களியுங்கள்’ – கர்நாடகா ஒப்பந்ததாரர்கள் சங்கம் கடிதம்–காரணம் என்ன?

தேசிய அளவில் எதிர்பார்க்கப்படும் கர்நாடக மாநில சட்டப்பேரவைத்தேர்தல் நாளை காலை நடக்கவிருக்கிறது. இப்படியான நிலையில், காங்கிரஸ், மதச்சார்பற்ற ஜனதா தளத்தின் ஆட்சி கவிழ்க்கப்பட்டு, பா.ஜ.க ஆட்சி அமைந்தது முதலே, ‘பா.ஜ.க அனைத்து பணிகளிலும், 40 சதவிகிதம் கமிஷன் பெற்று ஊழல் செய்கிறது’ என காங்கிரஸ், மதச்சார்பற்ற ஜனதா தளம் கட்சிகள் குற்றச்சாட்டை முன்வைத்துவந்தன. இப்படியான நிலையில், ‘மாநிலத்தில் 40 சதவிகித ஊழல், மக்களே சிந்தித்து வாக்களியுங்கள்’ என வலியுறுத்தி, ஒப்பந்ததாரர்கள் சங்கம் வெளியிட்டிருக்கும் கடிதம், அரசியல் களத்தில் காட்டுத்தீயை பற்றவைத்திருக்கிறது. காரணம் என்ன... விரிவாக படிக்கலாம்! ஒப்பந்ததாரர்கள் குற்றச்சாட்டு! 2022 ஏப்ரல் மாதம், கர்நாடகா பா.ஜ.க-வைச் சேர்ந்த ஊரக வளர்ச்சி மற்றும் உள்ளாட்சித்துறை அமைச்சராக இருந்த கே.எஸ்.ஈஸ்வரப்பா மீது, அரசு ஒப்பந்ததாரர் சந்தோஷ் பாட்டீல், ‘அரசு சார்பில் எனக்கு, ரூ.4 கோடிக்கு பணி ஒதுக்கப்பட்டது. அதை முடித்த பின்னரும் அரசு அதற்கான நிதி ஒதுக்கவில்லை. மொத்த பணியில், ஈஸ்வரப்பாவின் உதவியாளர்கள், 40 சதவிகிதம் குறைக்கச் சொல்லுகின்றனர்’ என தேசிய ஊடகத்துக்குப் பேட்டி கொடுத்திருந்தார்.ஒப்பந்ததாரர்கள் சங்கம் நோட்டீஸ் அதன்பின், சில நாள்களிலேயே தற்கொலை செய்துகொண்ட சந்தோஷ் பாட்டீல், தனது தற்கொலை கடிதத்தில், ‘‘எனது தற்கொலைக்கு அமைச்சர் ஈஸ்வரப்பாதான் காரணம்’’ என எழுதியிருந்ததால், அரசியல் களத்தில் இந்தச் சம்பவம், காட்டுத்தீபோல் பரவியது.PayCM போஸ்டர் இதையடுத்து, எதிரணியினர் மற்றும் ஒப்பந்ததாரர்கள் சங்கம், பா.ஜ.க-வைக் கடுமையாக விமர்சித்த நிலையில், ஈஸ்வரப்பா தனது அமைச்சர் பதவியிலிருந்து விலகினார். இதற்கிடையில், கடந்த, ஜனவரியில், பணி முடித்ததற்கு அரசு நிதி ஒதுக்க தாமதித்ததால், மற்றொரு ஒப்பந்ததாரர் தற்கொலை செய்துகொண்டார். பிரதமருக்கே கடிதம்... இதனால், கர்நாடகா மாநில ஒப்பந்ததாரர்கள் சங்கம், பா.ஜ.க அரசுக்கெதிராக போர்க்கொடி தூக்கியதுடன், ’கர்நாடகா அரசு, ஒப்பந்ததாரர்களிடம், 40 சதவிகித கமிஷன் பெறுவதை நிறுத்த வேண்டும்’ என வலியுறுத்தி, பிரதமர் நரேந்திர மோடிக்குக் கடிதம் அனுப்பி, அரசியல் களத்தில் அணு குண்டை தூக்கிப்போட்டனர். இந்தப் பிரச்னையைக் கையிலெடுத்த காங்கிரஸ், தேர்தல் பிரசாரத்தில், ‘பா.ஜ.க 40 சதவிகித ஊழல் கட்சி’ என்ற, குற்றச்சாட்டை பிரம்மாஸ்திரமாகப் பயன்படுத்தி வாக்குச் சேகரித்தது. இந்தக் குற்றச்சாட்டை மேலும் வலுப்படுத்த காங்கிரஸார், ‘பேசிஎம் – PayCm‘ என்ற ‘ஹைடெக்’ பிரசாரம் செய்தனர். Paytm போல் ஒரு போஸ்டரில், பசவராஜ் பொம்மையுடன் ஒரு, ‘QR Code’ வெளியிட்டு, அதை ஸ்கேன் செய்ததும், பா.ஜ.க-வின் துறைவாரியான ஊழல்கள் என, பெரும் பட்டியலையே வெளியிட்டு, அனலைக் கிளப்பியிருந்தனர்.காங்கிரஸ் ‘பேசிஎம்’ பிரசாரம் ‘மக்களே மனசாட்சிப்படி வாக்களியுங்கள்’ இப்படியான நிலையில், இன்று, கர்நாடகா மாநில ஒப்பந்ததாரர்கள் சங்கம் சார்பில், ஒரு பகீர் கடிதம் வெளியிடப்பட்டிருக்கிறது. அதில், ‘‘நமது அன்பிற்குரிய கர்நாடகா மாநிலத்தில், ஊழல் அச்சுறுத்தும் நிலையை எட்டியிருக்கிறது. 40 சதவிகித கமிஷன் ஏற்கெனவே பல ஒப்பந்ததாரர்களின் உயிரைப் பறித்திருக்கிறது; மக்களும், குறைபாடுள்ள உயிருக்கு ஆபத்தான கட்டமைப்புகளுடன் வாழ வேண்டிய கட்டாயத்தில் இருக்கின்றனர். மக்கள் தங்கள் மனசாட்சிப்படி வாக்களிக்கும்போது ஜனநாயகம் செயல்படுகிறது. ஊழல், நமது கூட்டு மனசாட்சியை ஆழமாக காயப்படுத்துகிறது" என பா.ஜ.க அரசை நேரடியாக ‘டேமேஜ்’ செய்வதுபோல் ‘லெட்டர் பேடில்’ எழுதியிருக்கின்றனர். இதையடுத்து, காங்கிரஸ் கட்சியினர் தற்போது, இந்த கடிதத்தைப் பகிர்ந்து, ‘டிரெண்ட்’ ஆக்கி வருவதுடன், ’40 சதவிகித பா.ஜ.க-வை மக்கள் விரட்ட வேண்டும்’ எனப் பதிவிட்டு வருகின்றனர். The Karnataka State Contractors Association has written another letter - this time to the voters. PM Modi never replied to their pleas against the BJP's 40% Commission government. Tomorrow the people of Karnataka will reply for him. pic.twitter.com/ilgGiOoYlO— Jairam Ramesh (@Jairam_Ramesh) May 9, 2023 இது குறித்து, கர்நாடகா காங்கிரஸ் ‘வார் ரூம்’ தலைவரும், முன்னாள் ஐ.ஏ.எஸ் அதிகாரியுமான சசிகாந்த் செந்தில் நம்மிடம், ‘‘எப்போதும் அரசுமீது ஊழல் குற்றச்சாட்டு சொல்வதில், கடைநிலையில் இருப்பவர்கள்தான் ஒப்பந்ததாரர்கள். ஏனெனில், அரசு நிதி ஒதுக்க தாமதித்துவிடும் என்ற அச்சத்தில், ஒப்பந்ததாரர்கள் இது போன்ற குற்றச்சாட்டுகளை முன்வைக்கமாட்டார்கள்.சசிகாந்த் செந்தில் அப்படிப்பட்ட ஒப்பந்ததாரர்களே ‘பா.ஜ.க 40 சதவிகிதம் கமிஷன் பெறுகிறது' எனத் தெரிவித்திருப்பதிலிருந்தே நாம் பா.ஜ.க-வின், ‘40 சதவிகித ஊழல்’ ஆட்சியைப் புரிந்துகொள்ள முடிகிறது. மக்கள் சிந்தித்து வாக்களிக்க வேண்டும்" என்றார் சுருக்கமாக. நாளை காலை, தேர்தல் நடக்கவிருக்கும் நிலையில், ஒப்பந்ததாரர்களின் இந்த கடிதம், பா.ஜ.க-வுக்கு நெருக்கடியை உருவாக்கியிருக்கிறது.‘பாஜக 40 சதவிகித கமிஷன் ஆட்சி; நாட்டிலேயே கர்நாடகாவில்தான் அதிக ஊழல்’ – ராகுல் காந்தி காட்டம்!
http://dlvr.it/SnpQHL

Read More

சிறப்புத் திருமணச் சட்டம்: `30 நாட்கள் நோட்டீஸ் அவசியமா?' - வழக்கறிஞர்கள் சொல்வதென்ன?

இரு வெவ்வேறு மதங்களைச் சேர்ந்தவர்கள் மதம் மாறாமல் திருமணம் செய்து கொள்ள 1954ல் சிறப்புத் திருமணச் சட்டம் உருவாக்கப்பட்டது. பொதுவாக ஒவ்வொரு மதத்தினருக்கும், அவர்களுடைய மதத்திற்குள் திருமணம் செய்துகொள்ள தனித்தனி சட்டங்கள் உள்ளன. இரு வெவ்வேறு சாதியைச் சேர்ந்தவர்கள்கூட, இந்து திருமணச் சட்டத்தில் முறைப்படி திருமணம் முடித்து பதிவு செய்து கொள்ளலாம். ஆனால், இரு வெவ்வேறு மதங்களைச் சேர்ந்தவர்கள், தங்களுடைய மதத்தையும், பெயரையும் மாற்றிக்கொள்ளாமல் திருமணம் செய்ய வேண்டும் என்று நினைக்கும்போது சிறப்பு திருமணச் சட்டத்தில் தங்கள் திருமணத்தைப் பதிவு செய்துகொள்ள முடியும். சிறப்பு திருமண சட்டம் இந்த சட்டம் குறித்த விவரங்களை, வழக்கறிஞர் ஹேமாவதி நம்முடன் பகிர்கிறார். “சிறப்புத் திருமணச் சட்டம் 1954 பிரிவு 4ன் படி, ஆணுக்கு 21 வயதும், பெண்ணுக்கு 18 வயதும் இருக்க வேண்டும். இருவரும் நல்ல மனநிலையில் இருக்க வேண்டும். இந்தியர்களாக இருக்க வேண்டும்,  உறவு முறையில் தடை செய்யப்பட்ட உறவு முறைக்குள் இருக்கக்கூடாது. இரண்டு நபர்களும் திருமணம் ஆகாதவர்களாக இருக்கவேண்டும். ஏற்கெனவே திருமணமாகி இருந்தால், சட்டப்படி விவாகரத்து பெற்றிருக்க வேண்டும்.சிறப்புத் திருமணம் செய்வதற்கு ஒரு மாதத்திற்கு முன்பு, அதாவது 30 நாட்கள் முன்பு இருவரும் திருமணம் செய்வதற்கான அறிவிப்பை வெளியிட  வேண்டும். இந்த அறிவிப்பில் ஆண், பெண் இருவரின் திருமண நிலை, வேலை, வயது, வாழ்விடம், நிலையான முகவரி, தற்போதைய முகவரி ஆகிய விவரங்களுடன் அவர்களின் புகைப்படத்தையும் சேர்த்து விண்ணப்பிக்க வேண்டும். இந்த விண்ணப்பம் திருமண பதிவு அலுவலகத்தின் அறிவிப்பு பலகையில், பொதுமக்களின் பார்வைக்கு அதிகாரிகள் வைப்பார்கள்.  திருமணப் பதிவு அலுவலகத்திற்கு உட்பட்ட பகுதியில் இருவரில் யாராவது ஒருவர் கட்டாயம் இருக்க  வேண்டும். மற்றொருவர் குறித்து அவர் வாழும் பகுதிக்கு உட்பட்ட திருமணப் பதிவு அலுவலக அதிகாரி NOC தர வேண்டும். இது பிரிவு 5ன் படி கட்டாயமான ஒன்றாகும். இதில் பிரிவு 4 கூறும் ஆட்சேபனைகள் இருந்தால் மட்டுமே திருமணம் தடைபடும். வழக்கறிஞர் ஹேமாவதி கடந்த 2021ல் அலகாபாத் நீதிமன்றத்தின் நீதிபதி விவேக் சவூரி, ``திருமணம் செய்வதற்கு முன், 30 நாட்கள் அறிவிப்பு கொடுக்க வேண்டும் என்பது இந்திய குடிமக்களின் அடிப்படை உரிமையான தனிமனித சுதந்திரத்திற்கு எதிராக இருக்கிறது. இந்தியாவில், திருமண வயதை அடைந்த ஆணும், பெண்ணும் தங்கள் விருப்பப்பட்ட துணையை எந்த நிபந்தனையும் இல்லாமல் தேர்ந்தெடுப்பதை இந்த 30 நாட்கள் சட்டம் பாதிக்கிறது" என்றார். சிறப்புத் திருமணச் சட்டத்தில் திருமணம் செய்பவர்கள் பெரும்பாலும் காதல் திருமணம் செய்பவர்களே. மதம் மாறாமல் திருமணம் செய்ய நினைப்பவர்களின்  தகவல்கள், பொது வெளியில் வரும் போது மத வெறி பிடித்த கும்பல்களால் இவர்கள் தாக்கப்படுகின்றனர். எப்படி சாதிவிட்டு சாதி திருமணம் செய்தால் ஆணவக் கொலை நடைபெறுகிறதோ அதே போல் தற்போதைய சூழலில் இப்படிப்பட்ட சட்ட பிரிவுகளால் தனிநபர் சுதந்திரம் பாதிக்கப்படுவதோடு, திருமணங்களும் தடை செய்யப்படுகின்றன” என்கிறார் வழக்கறிஞர் ஹேமாவதி. தமிழ்நாட்டில், மதம், சாதி கடந்து குடும்பத்தினரின் ஆதரவு இல்லாமல் திருமணம் செய்பவர்களுக்கு ’ஆதலினால் காதல் செய்வீர்’ என்ற காப்பகத்தை உருவாக்கி, உதவி வருகிறார் வழக்கறிஞர் செ. குணசேகரன். வீட்டை மீறி, பாதுகாப்பு இல்லாத சூழ்நிலையில் இருக்கும் தம்பதிகளுக்கு திருமணம் செய்து வைத்து, அதை பதிவாளரிடம் பதிவு செய்து, அவர்களுக்கு ஒரு வேலையும் கிடைக்க ஏற்பாடு செய்து வருகிறார். இதுவரை 200 காதல் ஜோடிகளுக்கு மேல் தனது அமைப்பு மூலம் திருமணம் செய்து வைத்துள்ளார். “இந்தச் சட்டம், முழுக்க முழுக்க மதம் தாண்டி திருமணம் செய்ய விரும்பும் காதல் ஜோடிகளை பிரிக்கத்தான் உருவாக்கியுள்ளனர். இந்த மாதிரி திருமணங்கள் நடந்துவிடக் கூடாது என்ற பதற்றத்தில் உருவாக்கப்பட்ட சட்டம் போலத்தான் இது இருக்கிறது. வழக்கறிஞர் செ. குணசேகரன் சாதி, மதங்களைத் தாண்டி திருமணம் செய்பவர்களுக்கு திருமணப் பதிவாளர்கள் தான் முதல் எதிரியாக இருக்கிறார்கள். அறிவிப்பு பலகையில், இருவரின் புகைப்படங்களுடன் கூடிய விவரங்களை வெளியிடும் போது, இதை பலர் புகைப்படம் எடுத்து சம்மந்தப்பட்டவர்களின் பெற்றோருக்கு அனுப்புவது, வாட்ஸ் அப் குரூப்பில் பதிவிடுவது என காதலர்களின் பாதுகாப்புக்கு எதிராக செயல்படுகின்றனர். இந்த ஒரு மாத கால சட்டம் என்பது பெற்றோர்கள் தங்கள் மகன்/மகளின் காதலை கடைசியாக பிரிக்க அரசாங்கத்தால் கொடுக்கப்படும் அவகாசம். இந்த ஒரு மாத காலத்தில் முடிந்தால் உங்கள் மகனை/மகளை, திருமணம் செய்வதிலிருந்து தடுத்துவிடுங்கள் என்று சொல்கிறார்கள். அதனால், திருமணம் செய்து புதிய வாழ்க்கையை ஆரம்பிக்க விரும்புபவர்களின் உயிருக்கே ஆபத்தை விளைவிக்கும் சட்டமாகவும் இருக்கிறது” என்கிறார். 
http://dlvr.it/SnlQsv

Read More

கலவரக்காடான மணிப்பூர்; `60 பேர் பலி, 1,700 வீடுகள் நாசம்!' - முதல்வர் தகவல்

பா.ஜ.க தலைமையிலான ஆட்சி நடைபெற்றுவரும் மணிப்பூர் மாநிலத்தில், பெரும்பான்மையாக இருக்கும் மேதி சமூகத்தினரைப் பழங்குடியினர் பிரிவில் சேர்க்கலாம் என்ற நீதிமன்ற உத்தரவுக்கு எதிராக குக்கி, நாகா பழங்குடியினர் நடத்திவரும் ஒற்றுமைப் பேரணி ஒருவார காலமாக பெருங்கலவரமாக வெடித்துப் பெரும் பரபரப்பை ஏற்படுத்தியிருக்கிறது. இந்தக் கலவரத்தில் வீடுகள், மருத்துவமனைகள், கடைகள், தேவாலயங்கள் போன்றவை தீக்கிரையாகின. கலவரத்தைக் கட்டுப்படுத்த ராணுவத்தினரை இறக்கி பொதுமக்களைப் பாதுகாப்பான இடங்களுக்கு மாற்றிவருகிறது அரசு.மணிப்பூர் இதற்கிடையில், கண்ணில்படும் வன்முறையாளர்களைச் சுட்டுத்தள்ளுமாறு ஆளுநர் உத்தரவிட்டிருந்தார். இந்த நிலையில் கலவரத்தில் இதுவரையில் மட்டும் 60 பேர் உயிரிழந்திருப்பதாகவும், 200-க்கும் மேற்பட்டோர் காயமடைந்திருப்பதாகவும் முதல்வர் பிரேன் சிங் அதிகாரபூர்வமாகத் தெரிவித்திருக்கிறார். இது குறித்து நேற்று பேசிய முதல்வர் பிரேன் சிங், ``வன்முறைக்குப் பின்னணியிலுள்ள நபர்கள், குழுக்கள், தங்கள் பொறுப்புகளை நிறைவேற்றத் தவறிய அரசு ஊழியர்கள்மீது உயர்மட்ட விசாரணை நடத்தப்படும். வன்முறையில் இதுவரை 60 பேர் உயிரிழந்திருக்கின்றனர். 231 பேர் காயமடைந்திருக்கின்றனர். அதுமட்டுமல்லாமல் மே 3-ம் தேதியன்று நடந்த கலவரத்தில் சுமார் 1,700 வீடுகள் எரிந்து நாசமாகின. எனவே, உயிரிழந்தவர்களின் குடும்பங்களுக்கு தலா ரூ.5 லட்சமும், பெரிய அளவில் காயமடைந்தவர்களுக்கு ரூ.2 லட்சமும், சிறிய அளவில் காயமடைந்தவர்களுக்கு ரூ.25 ஆயிரமும் நிவாரணத் தொகையாக வழங்க அமைச்சரவை முடிவுசெய்திருக்கிறது.மணிப்பூர் முதல்வர் பிரேன் சிங் மணிப்பூரில் பல்வேறு இடங்களில் சிக்கித் தவிப்பவர்களுக்குத் தொடர்ந்து ஆதரவு வழங்கப்பட்டு, பாதுகாப்பான இடங்களுக்கு அவர்கள் மாற்றப்பட்டுவருகிறார்கள். குறிப்பாக 1,593 மாணவர்கள் உட்பட 35,655 பேர் பாதுகாப்பான இடங்களுக்கு மாற்றப்பட்டிருக்கின்றனர். இன்னும் சுமார் 10,000 பேர் கலவரப்பகுதியில் சிக்கித் தவிக்கின்றனர். மாநிலத்தில் அமைதியை நிலைநாட்டுமாறு மக்களைக் கேட்டுக்கொள்கிறேன். யாரும் பொதுப் போக்குவரத்தைத் தடுக்கவோ அல்லது தடைசெய்யவோ வேண்டாம். அதேபோல் ஆதாரமற்ற வதந்திகளைப் பரப்பவோ, நம்பவோ வேண்டாம்" என்றார்.பற்றி எரியும் மணிப்பூர்... என்ன பிரச்னை?
http://dlvr.it/SnlQjF

Read More

திமுக: "2 ஆண்டுகள், 15 துரோகங்கள்; வெண்ணெய் எது.. சுண்ணாம்பு எதுவென தமிழக மக்கள் அறிவார்கள்"- ஓபிஎஸ்

முதல்வர் ஸ்டாலின் தலைமையிலான தி.மு.க, ஆட்சிப் பொறுப்பேற்று இரண்டு ஆண்டுகள் நிறைவடைந்திருக்கின்றன. இந்த நிலையில், `இரண்டாண்டுகள் தி.மு.க ஆட்சியின் வேதனைகள்' எனத் தலைப்பிட்டு, அ.தி.மு.க-வின் ஒருங்கிணைப்பாளர் என்று கையெழுத்திட்ட அறிக்கை ஒன்றை ஓ.பன்னீர்செல்வம் வெளியிட்டிருக்கிறார். அதில், ``சாத்தியமற்ற வாக்குறுதிகளைத் தந்து, மக்களை ஏமாற்றி, ஆட்சியைப் பிடித்த தி.மு.க ஆட்சியில் கடந்த இரண்டு ஆண்டுகளாக `திராவிட மாடல்' என்ற போர்வையில், மக்கள் அனுபவித்து வரும் வேதனைகள் எண்ணிலடங்கா! வாக்குறுதிகளை நிறைவேற்றாதது ஒருபுறம் என்றால், வாக்குறுதிகளுக்கு முரணான செயல்பாடுகள் மறுபுறம்.முதல்வர் ஸ்டாலின் தி.மு.க அரசின் மக்கள் விரோத செயல்பாடுகள் காரணமாக தமிழ்நாட்டு மக்கள் கடும் அவதிக்கு ஆட்பட்டிருக்கிறார்கள். தமிழ்நாட்டு மக்கள்படும் அல்லல்களில் முக்கியமானவற்றை இந்தத் தருணத்தில் சுட்டிக்காட்டுவது பொருத்தமாக இருக்கும் என்று கருதுகிறேன். தி.மு.க ஆட்சிக்கு வந்தால் 'மாதம் ஒருமுறை மின் கட்டணம்' நடைமுறைப்படுத்தப்படும் என்பதும், ஆண்டொன்றுக்கு 6,000 ரூபாய் வரை மக்கள்மீதான சுமை குறையும் என்பதும் வாக்குறுதி. ஆனால், ஆட்சிக்கு வந்த ஒரே ஆண்டில் மின் கட்டணத்தை பல மடங்கு உயர்த்தி 18,000 ரூபாய் வரை கூடுதல் சுமையை ஏற்படுத்தியது தி.மு.க. கொரோனா நோய்த் தாக்கத்திலிருந்து மக்கள் மீளும்வரை சொத்துவரி உயர்த்தப்படமாட்டாது என்பது தி.மு.க-வின் தேர்தல் வாக்குறுதி. ஆனால், ஆட்சிக்கு வந்த ஒரே ஆண்டில் சொத்துவரியை பல மடங்கு உயர்த்தியதோடு, ஆண்டுக்காண்டு சொத்து வரியை உயர்த்திக்கொள்ள உள்ளாட்சி அமைப்புகளுக்கு அதிகாரம் அளித்தது தி.மு.க. இதன் மூலம் ஆண்டு ஒன்றுக்கு பல ஆயிரம் ரூபாய் கூடுதல் சுமையை ஏற்படுத்தியது. சொத்து வரியைத் தொடர்ந்து குடிநீர் வரி உயர்வு. ஆவின் பால் விலை லிட்டருக்கு மூன்று ரூபாய் குறைக்கப்படும் என்பது தி.மு.க-வின் தேர்தல் வாக்குறுதி. ஆட்சிக்கு வந்தவுடன் இதை நிறைவேற்றிய தி.மு.க அரசு, இதை ஈடுசெய்யும் வகையில், ஒரு சில மாதங்களிலேயே ஆரஞ்ச் பால் பாக்கெட்டின் விலையை லிட்டருக்கு 12 ரூபாய் அளவுக்கு உயர்த்தியது.மின்சாரக் கட்டணம் இதே போன்று ஆவின் பொருள்களான தயிர், வெண்ணெய், நெய், இனிப்பு வகைகள், ஐஸ்க்ரீம் வகைகள் போன்றவற்றின் விலையையும் உயர்த்தியிருக்கிறது. ஆவின் வெண்ணெய்க்கு இன்று மிகப்பெரிய தட்டுப்பாடு நிலவுகிறது. ஆவின் பொருள்கள் தாராளமாகக் கிடைப்பதில்லை. ஆவின் பால் விநியோகம் வெகுவாகக் குறைக்கப்பட்டிருக்கிறது. பாலுக்கான கொள்முதல் உயர்த்தப்படவில்லை. மொத்தத்தில் ஆவின் நிறுவனத்தின் கதி அதோகதி. ‘நகைக் கடன் தள்ளுபடி' என்ற வாக்குறுதி தி.மு.க-வால் அளிக்கப்பட்டது. ‘நகைக் கடன் வாங்கிக்கொள்ளுங்கள், தள்ளுபடி செய்யப்படும்' என மேடைக்கு மேடை தி.மு.க-வினரால் பேசப்பட்டது. ஆனால், விண்ணப்பித்தவர்களில் 25 விழுக்காட்டினருக்கு மட்டுமே நகைக் கடன் தள்ளுபடி செய்யப்பட்டது. மீதமுள்ள 75 விழுக்காட்டு மக்கள் கடனாளியாக ஆனதுதான் மிச்சம். கல்விக் கடன் ரத்து என்ற வாக்குறுதி தி.மு.க-வால் அளிக்கப்பட்டது. இது பற்றிய பேச்சே இல்லை. ஒரே கையெழுத்தில் நீட் தேர்வு ரத்துசெய்யப்படும் என்று மேடைக்கு மேடை தி.மு.க-வினரால் முழங்கப்பட்டது. இந்த வாக்குறுதி கிணற்றில் போட்ட கல்லாக மாறிவிட்டது. அரசு ஊழியர்களுக்கும், போக்குவரத்துக் கழகத் தொழிலாளர்களுக்கும் பழைய ஓய்வூதியத் திட்டம் அமல்படுத்தப்படும் என்ற வாக்குறுதி தி.மு.க-வால் அளிக்கப்பட்டது. ஆட்சிக்கு வந்தவுடன் ‘இது சாத்தியமில்லை' என்று அறிவிக்கப்பட்டுவிட்டது.ஓ.பி.எஸ் அரசு மருத்துவர்களுக்கான பதவி உயர்வு, ஊதிய உயர்வு குறித்து 2009-ம் ஆண்டு தி.மு.க ஆட்சியில் வெளியிடப்பட்ட அரசாணை நடைமுறைப்படுத்தப்படும் என்ற வாக்குறுதி தி.மு.க-வால் அளிக்கப்பட்டது. இந்த வாக்குறுதி காற்றில் பறக்கவிடப்பட்டிருக்கிறது. இதற்காகக் குரல் கொடுப்பவர்கள்மீது ஒழுங்கு நடவடிக்கை எடுக்கப்படுகிறது. இடைநிலை ஆசிரியர்களுக்கான ஊதிய விகிதம் மாற்றியமைக்கப்படும் என்ற வாக்குறுதி தி.மு.க-வால் அளிக்கப்பட்டது. இன்றுவரை இந்த வாக்குறுதி நிறைவேற்றப்படவில்லை. மகளிர் உரிமைத்தொகை 1,000 ரூபாய் என்று சொல்லிவிட்டு, அதற்கு பல்வேறு நிபந்தனைகள் விதித்திருக்கின்றனர். நியாயவிலைக் கடைகள் மூலம் கூடுதல் சர்க்கரை, உளுத்தம் பருப்பு விநியோகம் என்ற வாக்குறுதி கிடப்பில் போடப்பட்டிருக்கிறது. நெல்லுக்கான ஆதார விலை குவிண்டால் ஒன்றுக்கு 2,500 ரூபாயாகவும், கரும்புக்கான ஆதார விலை 4,000 ரூபாயாகவும் உயர்த்தப்படும் என்ற வாக்குறுதி நிறைவேற்றப்படவில்லை. முதியோர் உதவித்தொகை 1,500 ரூபாயாக உயர்த்தப்படும் என்ற வாக்குறுதி குறித்து பேச்சுமூச்சே இல்லை. மாறாக, ஏற்கெனவே முதியோர் உதவித்தொகை பெற்று வந்த பல பயனாளிகள் நீக்கப்பட்டிருக்கின்றனர். எரிவாயு உருளைக்கு 100 ரூபாய் மானியம் என்ற வாக்குறுதி நிறைவேற்றப்படவில்லை. இப்படி அடுக்கிக்கொண்டே போகும் அளவுக்கு தி.மு.க எண்ணற்ற துரோகங்களை தமிழ்நாட்டுக்கு இழைத்திருக்கிறது. அதில் முக்கிய 15 துரோகங்கள் இங்கு குறிப்பிடப்பட்டிருக்கின்றன.மணல் கடத்தல் இது தவிர, கொரோனா காலத்தில் பணி நியமனம் செய்யப்பட்ட செவிலியர்கள், மருத்துவர்களைப் பணியிலிருந்து நீக்கியது; அம்மா உணவகங்களை நீர்த்துப் போகச் செய்தது; தாலிக்குத் தங்கம் வழங்கும் திட்டத்தை ரத்துசெய்தது; அம்மா இரு சக்கர வாகன மானியத் திட்டத்தை ரத்துசெய்தது; அரசு ஊழியர்களுக்கான அகவிலைப்படியை ஆறு மாதங்களுக்கு தள்ளிப்போடுவதை வாடிக்கையாகக்கொண்டிருப்பது; அரசு ஊழியர்கள், ஆசிரியர்களுக்கான பல்வேறு சலுகைகளை முடக்கியது; ஓய்வுபெற்ற போக்குவரத்துத் தொழிலாளர்களுக்கு அகவிலைப்படி வழங்காதது; பொதுத்துறை நிறுவனங்களில் வெளிமுகமை மூலம் பணிகளை மேற்கொள்ளுதல் மற்றும் அங்கு பணிபுரிந்த ஒப்பந்தத் தொழிலாளர்களைத் தனியார் நிறுவனத்தின் கீழ் மாற்றுதல்... அனைத்து உள்ளாட்சி அமைப்புகளின் பணிகளையும் வெளிமுகமை மூலம் மேற்கொள்ளுதல் எனப் பல மக்கள் விரோத நடவடிக்கைகளை தி.மு.க அரசு எடுத்துவருகிறது. இதற்கெல்லாம் காரணம் கேட்டால் 'கடன்', ‘நிதிப் பற்றாக்குறை' எனச் சொல்லும் தி.மு.க அரசு, கடலில் பேனா திட்டத்தை அமல்படுத்தத் துடிப்பது, சுயநலத்தின் உச்சக்கட்டம். பொது நலத் திட்டத்தை நிறைவேற்ற பணமில்லாத நிலையில் தன்னலத் திட்டம் எதற்கு என்று மக்கள் கேட்க ஆரம்பித்துவிட்டார்கள். ஜெயலலிதா வகுத்துத் தந்த அமைதி, வளம், வளர்ச்சி என்ற பாதையில் தமிழ்நாடு செல்கிறதா என்றால் அதுவும் இல்லை. சட்டம்-ஒழுங்கு சந்தி சிரிக்கிறது.பேனா நினைவுச்சின்னம் அன்றாடம் கொலைகளும், கொள்ளைகளும் நடைபெற்றுக்கொண்டே வருகின்றன. பத்திரிகையைப் படித்தாலே பாலியல் வன்கொடுமைகள்தான் அதிகம் இருக்கின்றன. தி.மு.க-வினரும், தி.மு.க சட்டமன்ற மற்றும் நாடாளுமன்ற உறுப்பினர்கள் அரசு ஊழியர்களை மிரட்டியது, ராணுவ வீரரை தி.மு.க கவுன்சிலர் கொலைசெய்தது, நாடாளுமன்ற உறுப்பினரின் வீட்டையும், அங்குள்ள வாகனங்களையும் அமைச்சரின் ஆதரவாளர்களே தாக்கியது, அமைச்சர்கள் பொதுமக்களை அடிப்பது, கிண்டல் செய்வது என பல கேலிக்கூத்துகள் நாளொரு மேனியும் பொழுதொரு வண்ணமுமாக நடைபெற்றுவருகின்றன. வேலியே பயிரை மேய்வது என்ற பழமொழிக்கேற்ப சட்டத்தை காக்க வேண்டியவர்களே சட்டவிரோதச் செயல்களில் ஈடுபட்டுவருகிறார்கள். மணல் கடத்தலும், ரேஷன் பொருள்கள் கடத்தலும் அமோகமாக நடைபெற்று வருகின்றன. சுருக்கமாகச் சொல்ல வேண்டுமென்றால், வன்முறைக் களமாக தமிழ்நாடு மாறிக்கொண்டிருக்கிறது. பூரண மதுவிலக்கு என்று சொல்லிவிட்டு, பார்கள் மூலமும், தானியங்கி இயந்திரங்கள் மூலமும் டாஸ்மாக் வருமானத்தை அதிகரிக்கும் நடவடிக்கைகள் தீவிரப்படுத்தப்பட்டிருக்கின்றன.முதல்வர் ஸ்டாலின் ஊழல் தலைவிரித்து ஆடுகிறது. மொத்தத்தில், தமிழர்களின் நலன்களையும், உரிமைகளையும் காக்க 'திராவிட மாடல்' ஆட்சி பயன் தராது என்பதை தமிழ்நாட்டு மக்கள் நன்கு புரிந்துகொண்டு விட்டார்கள். தமிழ்நாட்டு மக்கள் வளமான பொது அறிவை பெற்றவர்கள். அவர்களுக்கு `வெண்ணெய் எது? சுண்ணாம்பு எது?' என்ற வித்தியாசம் தெரியும். தமிழர்கள் தங்களுடைய மனக் குமுறலை தி.மு.க அரசுக்கு வெளிப்படுத்தும் நாள் நெருங்கிக்கொண்டிருக்கிறது என்பதைத் தெரிவித்துக்கொள்கிறேன்" எனக் குறிப்பிட்டிருக்கிறார்.``ஓட்டு போடாதவர்கள் வருந்தும் அளவுக்கு நல்லாட்சியைக் கொடுத்துவருகிறோம்!" - முதல்வர் ஸ்டாலின்
http://dlvr.it/SnhYtY

Read More