செல்போன் வெளிச்சத்தில் தையல்போட்ட மருத்துவ ஊழியர்கள்; செஞ்சி அரசு மருத்துவமனை அவலம்!

விழுப்புரம் மாவட்டம், செஞ்சி பகுதியில் இயங்கிவருகிறது அரசு பொது மருத்துவமனை. இங்கு அடிப்படை வசதிகள் குறைவாக இருப்பதாகவும், மருத்துவர்களின் செயல்பாடுகள் அதிருப்தியளிக்கும் வகையில் இருப்பதாகவும் மக்கள் தொடர் புகார் தெரிவித்து வருகின்றனர். இந்த நிலையில், செஞ்சி உள்ளிட்ட சுற்றுவட்டாரப் பகுதிகளில் நேற்று மாலை முதலே பரவலாக மழை பெய்து வந்திருக்கிறது. இதனால் அவ்வப்போது மின்சாரம் தடைபட்டுப் போயிருக்கிறது. அரசு மருத்துவமனையிலும் மின்சாரம் இல்லாமல் போயிருக்கிறது. ஆனால், மருத்துவமனையின் அவசர சிகிச்சைப் பிரிவிலிருந்த இன்வெர்ட்டர் முறையாகப் பராமரிக்கப்படாமல், பழுதடைந்து இருந்ததாகச் சொல்லப்படுகிறது. விழுப்புரம் அரசு மருத்துவக் கல்லூரி மருத்துவமனை: அடுக்கடுக்காகக் குற்றச்சாட்டுகள்; கவனிக்குமா அரசு?!செஞ்சி அரசு மருத்துவமனை இதற்கிடையே தலையில் காயமடைந்த ஒருவர், சிகிச்சை பெறுவதற்காக இந்த மருத்துவமனைக்கு வந்திருக்கிறார். மருத்துவமனையில் மின்சாரமே இல்லாததால், தலையில் காயமடைந்து வந்தவருக்கு செல்போன் டார்ச் வெளிச்சத்தில் தையல் போட்டிருக்கின்றனர் மருத்துவ ஊழியர்கள். இதை அங்கிருந்த நபர் ஒருவர் வீடியோவாக எடுத்து, சமூக ஊடகங்களில் பகிர்ந்திருக்கிறார். அந்த வீடியோ காட்சிகள் தற்போது வேகமாகப் பகிரப்பட்டு, பரபரப்பை ஏற்படுத்தியிருக்கின்றன. வீடியோ காட்சிகள் இது குறித்து விளக்கம் கேட்க விழுப்புரம் மாவட்ட சுகாதாரத்துறை இணை இயக்குநர் லட்சுமணனைத் தொடர்புகொண்டோம். "இந்த விஷயம் என்னுடைய கவனத்துக்கு வந்தது. சி.எம்.ஓ-விடம் (Casualty Medical Officer) தகவல் தெரிவித்தேன். அது ஜெனரேட்டரை ஆபரேட் செய்யும் நேரம்தான் என்று சொன்னார்கள். யு.பி.எஸ் பேக்கப் கொடுக்கச் சொல்லியிருக்கிறேன். மற்ற எதுவென்றாலும் அலுவலகத்துக்கு நேராக வந்து பேசுங்கள்" என்றபடி அழைப்பை துண்டித்துக்கொண்டார்.3 வயது குழந்தையின் நாக்கில் பிரச்னை... ஆணுறுப்பில் அறுவை சிகிச்சை செய்த மருத்துவமனை: உரிமம் ரத்து!
http://dlvr.it/Ss3DF6

Read More

முதலாம் உலகப்போரின் அதிர்வுகள்: Gallipoli Campaign - போரின் மாபெரும் திருப்புமுனையில் என்ன நடந்தது?

முதலாம் உலகப்போரின் அடுத்த மற்றொரு திருப்புமுனை என்று 1915 ஏப்ரல் மாதத்தில் நடைபெற்ற கலிப்பொலி போர்த்தொடர் (Gallipoli Campaign) எனலாம். இது ஜனவரி 1916 வரை நீடித்தது. ஓட்டோமான் பேரரசு என்றழைக்கப்பட்ட தற்போதைய துருக்கிப் பகுதியில் அமைந்த ஒரு தீபகற்பம் கலிப்பொலி. இது துருக்கியின் ஐரோப்பியப் பகுதியில் அமைந்துள்ள ஒரு தீபகற்பம் ஆகும். (ஆசியா, ஐரோப்பா ஆகிய இரு கண்டங்களிலுமாக அமைந்துள்ளது துருக்கி). இந்தத் தீபகற்பத்தின் மேற்கில் ஏஜியன் கடலும், கிழக்கே டார்டனெல்ஸ் நீரிணையும் அமைந்துள்ளன. கலிப்பொலி என்பதன் பொருள், இத்தாலிய மொழியில், 'அழகான நகரம்' என்பதாகும். பழங்காலத்தில், இது நீண்ட சுவரால் பாதுகாக்கப்பட்டது. அது பண்டைய நகரமான அகோராவின் அருகே தீபகற்பத்தின் குறுகிய பகுதியில் கட்டப்பட்ட ஒரு தற்காப்பு அமைப்பாகும். நேச நாடுகளால் இந்தப் பகுதியின்​மீது நடைபெற்ற தாக்குதலின் நோக்கம் ரஷ்யாவுக்கு ஒரு கடல் பாதையைப் பாதுகாப்பாக அமைப்பதுதான்.கலிப்பொலி போர்த்தொடர் (Gallipoli Campaign) 1915ன் தொடக்கக் காலகட்டத்தில் மேற்கு முனையில் (Western Front) நேச நாடுகள் அணி வெற்றியும் இல்லாத தோல்வியும் இல்லாத இறுக்கமான நிலையை அடைந்திருந்தன. இந்த நிலையில் ஓட்டோமான் சாம்ராஜ்யத்தின் தலைநகரான கான்ஸ்டான்டினோபிளைக் கைவசப்படுத்த நேச நாடுகள் முயற்சி செய்தன. இதற்கான முதல் முயற்சியாக நேச நாடுகளின் ராணுவம் டர்டெனெல்லஸ் துறைமுகத்தைப் பாதுகாத்த கோட்டைகளின்மீது தாக்குதல் நடத்தத் தொடங்கின. இந்த ராணுவத்தில் ஆஸ்திரேலிய மற்றும் நியூசிலாந்துப் படைகளும் இருந்தன. இந்த ஜலசந்தி ஏஜியன் கடலையும் மர்மாரா கடலையும் இணைத்தது. ஒருவிதத்தில் கருங்கடலையும் இவை இணைத்தன. ஏப்ரல் 25 அன்று தாக்குதல் தொடங்கியது. பிரிட்டிஷ் மற்றும் பிரெஞ்சுப் படைகள் கூட்டாக இந்தத் தாக்குதலை நடத்தின. ஆனால் இதில் வெற்றி கிடைக்கவில்லை. எனவே துறைமுகப் பகுதிக்குப் பதிலாக நிலப்பகுதியின் மீது தாக்குதல் நடத்தலாம் என்ற முடிவுக்கு அவை வந்தன. நேச நாடுகளின் சார்பில் அங்கு முதன் முதலில் வந்து இறங்கியது ஆஸ்திரேலியா மற்றும் நியூசிலாந்து ராணுவங்கள். இவற்றை ANZAC என்று குறிப்பிடுவதுண்டு. (இவையும் பிரிட்டிஷ் காலனியில் அப்போது இருந்ததால் இந்திய ராணுவம் போலவே அவையும் அங்கு அனுப்பப்பட்டன). விரைவில் பிரிட்டிஷ் மற்றும் பிரெஞ்சு ராணுவமும் அங்கு வந்து சேர்ந்தன.போர் மிகவும் மும்முரமாக இருந்தது. ஓட்டோமான் ராணுவத்தினர், முக்கியமாக ANZAC-ஐ பெரும் பாதிப்புக்கு உள்ளாகியது. தொற்றுநோய்கள் வேறு வெகுவாக பரவத் தொடங்கி இருந்தன.பிரெஞ்சுப் படைகள் துருக்கியர்கள், முஸ்தபா கெமெல் தலைமையில் மிகச் சிறப்பாகப் பதில் தாக்குதல் நடத்தினார்கள். எட்டு மாதங்களுக்கு இந்தப் போர் தொடர்ந்து இரு தரப்புக்கும் பலத்த பாதிப்பை உருவாக்கியது. ஒரு வழியாக ஜனவரி 1916 இதான் நேச நாடுகள் கலிப்பொலி போரை நிறுத்திக்கொண்டு தங்கள் ராணுவத்தைப் பின்வாங்கிக் கொள்ளத் தீர்மானித்தன. இந்தப் போரில் நேச நாடுகள் தரப்பிலிருந்து 1,30,000 பேரும் ஓட்டோமான் தரப்பிலிருந்து 86,000 இறந்ததாகக் கூறப்பட்டது.என்றாலும் கலிப்போலி போர்த்தொடர் முதலாம் உலகப்போரில் தன் முத்திரையைப் பதித்தது. நேச நாடுகளைப் பொறுத்த வரையில் இது ஒரு தோல்விதான். அவர்கள் திட்டமிட்டபடி கான்ஸ்டன்டினோபிளை அவர்களால் கைவசப்படுத்த முடியவில்லை. இதனால் ரஷ்யாவுக்கான ஒரு தடையில்லாத தொடர்புப் பாதையையும் அவர்களால் உருவாக்க முடியவில்லை. எனினும் இதில் போரிட்ட ANZAC ராணுவத்தின் துணிவு பெரிதும் பாராட்டப்பட்டது. ஆஸ்திரேலியாவும் நியூசிலாந்தும் இதில் மிகப் பெருமை கொண்டன. இந்த இரு நாடுகளிலும் இன்றளவும் ஒவ்வோராண்டும் ஏப்ரல் 25-ம் தேதி ANZAC தினமாகக் கொண்டாடப்படுகிறது. இந்தப் போரில் துருக்கியத் தரப்பு ராணுவ தலைவரான முஸ்தபா கெமல் பெரிதும் பாராட்டப்பட்டார். பின்னர் துருக்கிய சுதந்திரப் போருக்கு இது அஸ்திவாரமாக அமைந்தது. எட்டு வருடங்களுக்குப் பிறகு துருக்கி தன்னை ஒரு குடியரசாக அறிவித்துக் கொண்டது. கலிப்பொலி போரில் துருக்கியின் தலைமை ஏற்ற முஸ்தபா கேமல் பெரும் புகழ் அடைந்து அந்த நாட்டின் தலைவரானார். அவர் பின்னர் 'நவீன துருக்கியின் தந்தை' என்றும் அழைக்கப்பட்டார்.Landing of Australian troops at ANZAC Coveகிழக்கு முனையில் கலிப்பொலி போர் நடந்து கொண்டிருக்க, மேற்கு முனையில் நேவு சாபேலி போர் (The Battle of Neuve Chapelle) நடைபெற்றுக் கொண்டிருந்தது. நேவு சாபேலி என்ற கிராமத்தில் அருகே இந்தப் போர் நடைபெற்றதால் இதற்கு அந்தப் பெயர். பிரிட்டிஷ் ராணுவத்தினரும் ஜெர்மன் ராணுவத்தினரும் இதில் நேருக்கு நேர் மோதிக் கொண்டனர். ஜெர்மனி ராணுவம் ஒருங்கிணைந்து செயல்படாமல் அதை உடைக்க வேண்டும், அந்தப் பகுதியிலிருந்த ஆபர்ஸ் ரிட்ஜ் என்ற கிராமத்தைக் கைப்பற்றுவதன் மூலம் அங்கிருந்த ஜெர்மானியப் பாதுகாப்பு அரண்களை இல்லாமல் செய்ய வேண்டும். இதுதான் பிரிட்டிஷ் ராணுவத்தின் நோக்கமாக இருந்தது. இதில் பிரிட்டிஷ் ராணுவத்தின் சார்பில் இந்தியாவிலிருந்து அனுப்பப்பட்ட ராணுவப் பிரிவுகளும் கலந்து கொண்டனர். நாயக் தர்வான் சிங் நேகி என்ற ராணுவ அதிகாரி தன் வீரத்தைப் பெரிதும் வெளிப்படுத்தினார். ஜெர்மன் ராணுவ வீரர்களுக்கு மிக அருகில் சென்று சேதத்தை விளைவித்தார். இரு முறை கடுமையான காயங்கள் ஏற்பட்டும் தொடர்ந்து உத்வேகத்துடன் போரிட்டார். போரின் முடிவுக்குப் பின் பிரிட்டிஷ் அரசின் உயரிய ராணுவ விருதான விக்டோரியா கிராஸ் என்பதைப் பெற்ற இரண்டாவது இந்தியரானார்.பிரிட்டிஷ் ராணுவத்தின் சார்பில் இந்தியாவிலிருந்து அனுப்பப்பட்ட ராணுவப் பிரிவுஊர்தியில் பொருத்தப்பட்ட பெரிய கனரகத் துப்பாக்கிகள் மூலம் பிரி​ட்டிஷ் ராணுவத்தினர் ஜெர்மனி ராணுவத்தின் மீது குண்டு பொழிந்தார்கள். இதைத் தொடர்ந்து தரைப்படை வீரர்கள் ஜெர்மானிய வீரர்கள் மீது தாக்குதல் நடத்தினார்கள். தொடக்கத்தில் இது கணிசமான வெற்றிகளைக் குவித்தது. ஆனால் அந்த வெற்றியை பிரிட்டிஷ் தரப்பால் தொடர முடியாமல் போனது. ஜெர்மன் ராணுவத்தினர் தங்களை நிலைநிறுத்திக்கொண்டு பதில் தாக்குதல்களை மேற்கொண்டு நேவு சாபேலி கிராமத்தை மீண்டும் தங்கள் வசம் கொண்டுவந்தார்கள். இதில் பிரிட்டிஷ் ராணுவம் 11,000 பேரை இழந்தது. ஜெர்மனி தரப்பில் இறந்தவர்களின் எண்ணிக்கை சுமார் 10,000. இந்தப் போரின் இறுதியில் இரு தரப்புக்குமே வெற்றி தோல்வி என்று இல்லாமல் போனது. கனரகத் துப்பாக்கிகள் பிரிவினருக்கும் தரைப் படையினருக்கும் இடையே உள்ள ஒன்றிணைக்கும் தகவல் தொடர்பின் அவசியத்தை இது அடிக்கோடிட்டுக் காட்டியது. - போர் மூளும்...
http://dlvr.it/Ss0Jcx

Read More

``சாமியார்களுக்கும் சாமானியர்ளுக்கும் பொதுவான சட்டம் நல்லதுதான்!" - மதுரை ஆதீனம்

293-வது மதுரை ஆதீனமாக ஸ்ரீலஸ்ரீ ஹரிஹர ஞானசம்பந்த தேசிக சுவாமிகள் பொறுப்பேற்றது முதல் அரசியல்ரீதியான கருத்துகளையும் அவ்வப்போது பேசிவருகிறார்.காரைக்குடியில் செய்தியாளர்களிடம் பேசும்போது இந்த நிலையில் சிவகங்கை மாவட்டம் காரைக்குடியில் நடைபெற்ற திருமண நிகழ்ச்சியில் கலந்துகொள்ள வந்த மதுரை ஆதீனம் செய்தியாளர்களைச் சந்தித்தார். அப்போது, ``இந்து சமய அறநிலையத்துறையின் செயல்பாடு எப்படியிருக்கிறது?” என்ற கேள்விக்கு, பதில் சொல்ல யோசித்தவர் பின்பு, " சிறப்பாகச் செயல்படுறாங்க. அவ்வளவுதான் சொல்ல முடியும்" என்றார்.மதுரை ஆதீனம் "மத்திய அரசு கொண்டுவரவிருக்கும் பொது சிவில் சட்டம் குறித்து?” கேட்டதற்கு "பொது சிவில் சட்டத்தை வரவேற்கிறேன். அது எல்லா மக்களுக்கும் பொதுவான சட்டம், நல்லதுதான்" என்றார். "எல்லா மதத்தினருக்கும் பொதுவான சட்டம் சரியானதா?" என்றதற்கு, "எல்லோருக்கும் ஒரே சட்டம் நல்லதுதான்'' என்றார். தொடர்ந்து, "சாமியார்களுக்கும் சாதாரண மனிதர்களுக்கும் ஒரே மாதிரியான சட்டம் என்பதை ஏற்றுக்கொள்கிறீர்களா?" என்றதற்கு,காரைக்குடியில் செய்தியாளர்களிடம் பேசும் ``அதை நான் ஏற்றுக்கொள்கிறேன். நான் ஆர்டினரியா எல்லோருடனும்தான் நிக்கிறேன். தனியா விமானத்திலயா பறந்துகொண்டிருக்கிறேன்... எல்லோருடன்தான் நிக்கிறேன். அதனால பொதுவான சட்டத்தை வரவேற்கிறேன்" என்று கூறினார்.
http://dlvr.it/SrxQVc

Read More

``திமுக கூட்டணியில் இருப்பவர்கள் ஆளுங்கட்சிக்கு ஜால்ரா அடிக்கிறார்கள்'' - எஸ்.பி.வேலுமணி

கோவை அ.தி.மு.க அலுவலகத்தில் முன்னாள் அமைச்சர் எஸ்.பி.வேலுமணி தலைமையில் 100-க்கும் மேற்பட்ட நபர்கள் மாற்றுக்கட்சியிலிருந்து அ.தி.மு.க-வில் இணையும் நிகழ்வு நடைபெற்றது. அதன் பின்னர் செய்தியாளர்கள் சந்திப்பில் பேசிய எஸ்.பி.வேலுமணி, ``எடப்பாடி பழனிசாமி முதல்வராக இருக்கும்போது, அவருடைய ஆட்சியில் கோவை மாவட்டத்துக்கு பல திட்டங்கள் செயல்படுத்தப்பட்டன. கோவை கிருஷ்ணா கல்லூரி சுவர் இடிந்து விழுந்த விபத்தில் உயிரிழந்த தொழிலாளர்களின் குடும்பத்துக்கு தமிழக அரசு நிவாரணத்தொகை வழங்க வேண்டும். இது போன்ற சம்பவங்கள் இனி நடக்காமலிருக்க, எங்கு கட்டுமானப் பணிகள் நடைபெற்றாலும், சம்பந்தப்பட்ட துறை மேற்பார்வையில் முறையாக கட்டுமானப் பணிகள் நடைபெறுகின்றனவா என்று ஆய்வுசெய்ய வேண்டும். எஸ்.பி வேலுமணி கோவை மாவட்ட சரக டி.ஐ.ஜி விஜயகுமார் தற்கொலை செய்துகொண்ட சம்பவம் அதிர்ச்சியை அளிக்கிறது. ஒரு நல்ல காவல் அதிகாரியை இழந்திருக்கிறோம். விஜயகுமார் மரணம் தொடர்பாக சி.பி.ஐ விசாரிக்க வேண்டும் என்று அ.தி.மு.க பொதுச்செயலாளர் எடப்பாடி பழனிசாமி கோரியிருக்கிறார். சி.பி.ஐ விசாரணைக்கு மாற்றப்பட்டு எதனால் தற்கொலை செய்துகொண்டார் என்பதை விரைந்து கண்டுபிடிக்க வேண்டும். பா.ஜ.க-வுக்கு அடிமையாக அ.தி.மு.க செயல்படுகிறது என்று தி.மு.க கூட்டணிக் கட்சிகள் கூறினார்கள். ஆனால், காவிரி மேலாண்மை பிரச்னையில் 23 நாள்கள் அ.தி.மு.க எம்.பி-க்கள் நாடாளுமன்றத்தில் போராட்டம் நடத்தினோம். பொதுவான பிரச்னையில் மக்கள் பக்கம் நின்று அ.தி.மு.க செயல்பட்டிருக்கிறது. ஆனால், தி.மு.க கூட்டணியில் இருப்பவர்கள் ஆளும் அரசாங்கம் எந்தத் திட்டம் கொண்டுவந்தாலும் அவற்றை எதிர்க்காமல் அடிமையாகச் செயல்பட்டு ஜால்ரா அடித்துக்கொண்டிருக்கின்றனர். எஸ்.பி வேலுமணி ஜெயலலிதா முதலமைச்சராக இருந்தபோது அ.தி.மு.க கூட்டணியில் கம்யூனிஸ்ட் கட்சிகள் இருந்தாலும் ஆளும் அரசாங்கத்தை எதிர்த்து போராட்டங்களைத் தைரியமாக நடத்தினர். ஆனால், தற்போது தி.மு.க கூட்டணியில் இருக்கும் கம்யூனிஸ்ட் கட்சிகள் இருக்கிறார்களா என்றுகூட தெரியவில்லை. தி.மு.க-வை எதிர்த்து கம்யூனிஸ்ட் கட்சிகள் போராட்டங்களை நடத்துவது இல்லை. தி.மு.க கூட்டணிக் கட்சிகள் மக்கள் சந்திக்கும் எந்த ஒரு பொதுப் பிரச்னைகளையும் எதிர்த்து பேசுவது இல்லை. தமிழகத்தில் பல்வேறு ஊழல்கள் நடைபெறுகின்றன. அவற்றையெல்லாம் எதிர்த்து குரல் கொடுக்காமல் தி.மு.க எப்படிச் செல்கிறதோ அவர்களின் வாலைப் பிடித்துக்கொண்டு தி.மு.க கூட்டணிக் கட்சிகள் செல்கின்றன. ஆனால், ஆளுங்கட்சி செய்யும் எல்லா தவறுகளைச் சுட்டிக்காட்டி, பொதுமக்கள் சந்திக்கும் பிரச்னைகளை சட்டமன்றத்தில் குரல் எழுப்பி சிறந்த எதிர்க்கட்சி தலைவராக எடப்பாடி பழனிசாமி செயல்பட்டுக் கொண்டிருக்கிறார்" என்றார்.``ஜெயலலிதாவே வந்தாலும் 'உங்களை நீக்கிவிட்டோம்' என்பார் எடப்பாடி'' - நீக்கப்பட்ட அதிமுக நிர்வாகி
http://dlvr.it/SrvMDb

Read More

மகளிருக்கான உரிமைத்தொகை திட்டம்: `யார் யாரெல்லாம் தகுதி பெறுவார்கள்?' - முழுத் தகவல்கள்

தமிழ்நாட்டின் 2021 சட்டமன்றத் தேர்தலின்போது தி.மு.க தேர்தல் வாக்குறுதியில் மிக முக்கியக் கவனம் பெற்றது பெண்களுக்கான உரிமைத்தொகை திட்டம். கடந்த இரண்டு ஆண்டுகளாக இந்தத் திட்டம் எப்போது அமல்படுத்தப்படும் என எதிர்க்கட்சிகள் தொடர்ந்து கேள்வி எழுப்பிவந்தன. இந்த நிலையில், அண்ணா பிறந்தநாளில் இந்தத் திட்டம் அமல்படுத்தப்படும் என முதல்வர் ஸ்டாலின் தெரிவித்திருக்கிறார்.உரிமைத்தொகைத் திட்டம் இது குறித்து உரிமைத்தொகை ஆலோசனைக் கூட்டத்தில் பேசிய அவர், "இந்தியாவில் பெண்களுக்கு முதன்முதலில் சொத்துரிமை வழங்கியது கலைஞர் கருணாநிதி ஆட்சியின்போதுதான். பெண்களுக்கான கல்வியில் தனிக்கவனம் செலுத்தியதும், அவர்களுக்கான திருமண உதவித்திட்டம் உள்ளிட்ட பல்வேறு திட்டங்களை கருணாநிதி செயல்படுத்தியிருக்கிறார். நான் முதல்வராகப் பதவியேற்றபோது போட்ட முதல் கையெழுத்து மகளிருக்கான இலவசப் பேருந்து பயணத் திட்டம். இந்தத் திட்டம் பெண்களின் பொருளாதாரத்துக்குப் பெரும் உதவியாக இருப்பதைக் காண்கிறோம். இப்படிப் பெண்களுக்காக சிறப்புக் கவனம் செலுத்துவதுதான் திராவிடக் கட்சி. அதனால்தான், மகளிருக்கான உரிமைத்தொகை திட்டத்துக்கு 'கலைஞர் மகளிர் உரிமைத்தொகை திட்டம்' எனப் பெயரிடப்பட்டிருக்கிறது. இந்தத் திட்டத்தில் நடைபாதையில் வணிகம் செய்யும் மகளிர், மீனவ மகளிர், கட்டுமானப் பணிகளில் ஈடுபடும் பெண்கள், சிறிய கடைகள், சிறு குறு நிறுவனத்தில் சொற்ப ஊதியத்துக்குப் பணிசெய்யும் மகளிர், ஒன்றுக்கு அதிகமான வீட்டு வேலைக்குப் பணிக்குச் செல்லும் பெண்கள் பயன்பெறுவார்கள்.முதல்வர் ஸ்டாலின் இந்தத் திட்டத்துக்காக ஒன்றரைக் கோடி மனுக்கள் பெறப்படும் என எதிர்பார்க்கப்படுகிறது. மேலும், இந்தத் திட்டத்தின் மூலம் சாலையோரம் இருக்கும் பெண்கள்கூடப் பயன்பெற முடியும். அதற்கேற்றவாறுதான் இந்தத் திட்டம் வடிவமைப்பட்டிருக்கிறது. இந்தத் திட்டத்துக்கு விண்ணப்பிக்க குடும்ப அட்டை, ஆதார் அட்டை போன்ற தரவுகள் இல்லையென்றாலும், உரிமைத்தொகை பெறுவதற்குரிய ஏற்பாடுகளை மாவட்ட ஆட்சியர்கள் செய்து, உரிய பயனாளர்களுக்கு உரிமைத்தொகை வழங்குவதை உறுதிசெய்ய வேண்டும். இதற்காக சிறப்பு முகாம்கள் அமைத்து மனுக்களைப் பெற வேண்டும். அதற்கான பாதுகாப்பு ஏற்பாடுகளையும் செய்ய வேண்டும். இந்தத் திட்டம் குறித்து உதவி தேவைப்பட்டால் தலைமைச் செயலகத்தில் தெரிவிக்கலாம். மேலும், அமைச்சர் உதயநிதியையோ என்னையோ அழைத்தும் உதவிகள் பெறலாம்" எனத் தெரிவித்திருக்கிறார். அதைத் தொடர்ந்து தமிழ்நாடு அரசு `கலைஞர் மகளிர் உரிமைத் திட்ட'த்தில் பயன் பெறுபவர்களுக்கான வழிகாட்டு நெறிமுறை அறிக்கையை வெளியிட்டிருக்கிறது. அதில்...முதல்வர் ஸ்டாலின் விண்ணப்பிக்கும் நடைமுறைகள்: * குடும்பத் தலைவிகளுக்கான கலைஞர் மகளிர் உரிமைத் திட்டத்தில் பயன் பெற, கீழ்க்காணும் தகுதிகளைப் பெற்ற குடும்பங்களில், 21 வயது நிரம்பிய பெண் ஒருவர் விண்ணப்பிக்கலாம். அதாவது, செப்டம்பர் 15, 2002 தேதிக்கு முன்னர் பிறந்தவர்கள் விண்ணப்பிக்கலாம். * இந்தத் திட்டத்துக்கு பொது விநியோக நியாயவிலைக் கடைகள் கணக்கெடுப்புக்குப் பயன்படுத்திக்கொள்ளப்படும். விண்ணப்பதாரர்கள் தங்கள் குடும்ப அட்டை இருக்கும் நியாயவிலைக் கடை அமைந்திருக்கும் விண்ணப்பப் பதிவு முகாமில் மட்டுமே விண்ணப்பிக்க வேண்டும். * ஒரு குடும்ப அட்டைக்கு ஒரு பயனாளி மட்டுமே விண்ணப்பிக்கத் தகுதியானவர். குடும்பத்தலைவி வரையறை: * குடும்ப அட்டையில் பெயர் இடம் பெற்றிருப்பவர்கள் அனைவரும் ஒரு குடும்பமாகக் கருதப்படுவர். * ஒவ்வொரு தகுதிவாய்ந்த குடும்பத்திலும் உள்ள குடும்பத்தலைவி கலைஞர் மகளிர் உரிமைத் திட்டத்தில் பயன்பெற விண்ணப்பிக்கலாம். * குடும்ப அட்டையில் குடும்பத்தலைவர் எனக் குறிப்பிடப்பட்டிருக்கும் பெண் குடும்பத் தலைவியாகக் கருதப்படுவார். பெண்கள் * குடும்ப அட்டையில் ஆண் குடும்பத் தலைவராகக் குறிப்பிடப்பட்டிருந்தால், அந்தக் குடும்பத்தலைவரின் மனைவி குடும்பத்தலைவியாகக் கருதப்படுவார். * திருமணமாகாத தனித்த பெண்கள், கைம்பெண்கள் மற்றும் திருநங்கைகள் தலைமையில் குடும்பங்கள் இருந்தால் அவர்களும் குடும்பத் தலைவிகளாகக் கருதப்படுவர். * ஒரு குடும்பத்தில் ஒன்றுக்கும் மேற்பட்ட 21 வயது நிரம்பிய பெண்கள் இருந்தால், இந்தத் திட்டத்தின்கீழ் பயன்பெற, ஒரு நபரைக் குடும்ப உறுப்பினர்கள் தேர்வுசெய்து விண்ணப்பிக்கச் செய்யலாம். பொருளாதாரத் தகுதிகள்: கலைஞர் மகளிர் உரிமைத் திட்டத்தில் பயன் பெற விண்ணப்பிக்கும் குடும்பங்கள் கீழ்க்காணும் மூன்று பொருளாதார அளவுகோல்களுக்கு உட்பட்ட குடும்பங்களாக இருத்தல் வேண்டும். * ஆண்டு வருமானம் ரூ.2.5 லட்சத்துக்குக் கீழ் வருமானம் ஈட்டும் குடும்பங்கள். * ஐந்து ஏக்கருக்குக் குறைவாக நன்செய் நிலம் அல்லது பத்து ஏக்கருக்குக் குறைவாகப் புன்செய் நிலம் வைத்திருக்கும் குடும்பங்கள். * ஆண்டுக்கு வீட்டு உபயோகத்துக்கு 3,600 யூனிட்டுக்கும் குறைவாக மின்சாரம் பயன்படுத்தும் குடும்பங்கள். (பொருளாதாரத் தகுதிகளுக்காகத் தனியாக வருமானச் சான்று அல்லது நில ஆவணங்களைப் பெற்று விண்ணப்பத்துடன் இணைக்கத் தேவையில்லை)குடும்ப அட்டை கலைஞர் மகளிர் உரிமைத் திட்டத்தில் பயன் பெறத்தகுதி இல்லாதவர்கள்: கலைஞர் மகளிர் உரிமைத் திட்டத்தில் பயன் பெற விண்ணப்பிக்கும் விண்ணப்பதாரரின் குடும்ப உறுப்பினர்களில் யாரேனும், கீழ்க்காணும் ஏதாவது ஒரு வகையைச் சேர்ந்த குடும்ப உறுப்பினர்களாக இருந்தால், அந்தக் குடும்பத்தைச் சேர்ந்த விண்ணப்பதாரர், மகளிர் உரிமைத்தொகை பெறத் தகுதி இல்லாதவர் ஆவர். * ரூபாய் 2.5 லட்சத்துக்குமேல் ஆண்டு வருமானம் ஈட்டும் குடும்பங்கள். * குடும்பத்தில் ஆண்டு வருமானம் ரூபாய் 2.5 லட்சம் மேல் ஈட்டி வருமானவரி கணக்கு தாக்கல் செய்பவர்கள் மற்றும் வருமான வரி செலுத்துபவர்கள். * ஆண்டுக்கு ரூ.2.5 லட்சத்துக்குமேல் வருமானம் ஈட்டி தொழில் வரி செலுத்துவோர். * மாநில, ஒன்றிய அரசு ஊழியர்கள் / பொதுத்துறை நிறுவனங்கள்/வங்கிகளின் ஊழியர்கள், வாரியங்கள், உள்ளாட்சி அமைப்புகள், கூட்டுறவு அமைப்புகளின் ஊழியர்கள் மற்றும் அவற்றின் ஓய்வூதியதாரர்கள். * தேர்ந்தெடுக்கப்பட்ட மக்கள் பிரதிநிதிகள் (ஊராட்சி மன்ற வார்டு உறுப்பினர்களைத் தவிர). அதாவது பாராளுமன்ற உறுப்பினர்கள், சட்டமன்ற உறுப்பினர்கள், மாவட்ட ஊராட்சித் தலைவர்கள், மாவட்ட ஊராட்சி உறுப்பினர்கள், ஊராட்சி ஒன்றியத் தலைவர்கள், ஊராட்சி ஒன்றிய உறுப்பினர்கள், ஊராட்சிமன்றத் தலைவர்கள், மாநகராட்சி, நகராட்சி, பேரூராட்சித் தலைவர்கள் மற்றும் உறுப்பினர்கள். பெண்கள்...!! * சொந்தப் பயன்பாட்டுக்கு கார், ஜீப், டிராக்டர், கனரக வாகனம் போன்ற நான்கு சக்கர வாகனங்கள் வைத்திருப்பவர்கள். * ஆண்டுக்கு 50 லட்சத்துக்கும்மேல் ஆண்டு விற்பனை (Annual Turnover) செய்து சரக்கு மற்றும் சேவை வரி (GST) செலுத்தும் தொழில் நிறுவன உரிமையாளர்கள். * ஏற்கெனவே முதியோர் ஓய்வூதியம் (OAP), விதவை ஓய்வூதியம், அமைப்பு சாராத் தொழிலாளர் நலவாரிய ஓய்வூதியம் போன்ற சமூகப் பாதுகாப்புத் திட்ட ஓய்வூதியம் மற்றும் அரசிடமிருந்து ஓய்வூதியம் பெறும் குடும்பங்கள். மேற்கண்ட ஏதாவது ஒரு தகுதியின்மை வகைப்பாட்டில் வரும் குடும்பத்தைச் சேர்ந்தவர்கள், கலைஞர் மகளிர் உரிமைத் திட்டத்தில் பயன் பெறத் தகுதி இல்லை. விதிவிலக்குகள்: மாற்றுத் திறனாளிகள் நலத்துறையால் வழங்கப்படும் கடும் குறைபாடுடைய மாற்றுத்திறனாளிகளுக்கான பராமரிப்பு உதவித்தொகை பெறும் உறுப்பினரைக்கொண்ட குடும்பங்கள் விண்ணப்பிக்கத் தகுதியானவை. இவ்வகைப்பாட்டினர், திட்டத்தின் பிற தகுதிகளைப் பூர்த்திசெய்து, எவ்விதத் தகுதியின்மை வகைப்பாட்டிலும் வரவில்லை எனில், விண்ணப்பிக்கத் தகுதியானவர்கள் எனக் குறிப்பிட்டிருக்கிறது.மணிப்பூர் போராட்டத்தில் முக்கியத்துவம் பெறும் பெண்கள்! - பின்னணி என்ன?
http://dlvr.it/SrsM4S

Read More

``முதல்வரின் பொறுமைக்கும் ஓர் எல்லை உண்டு..!" - ஆளுநர் விவகாரத்தில் அமைச்சர் ரகுபதி

தமிழக சட்டத்துறை அமைச்சர் ரகுபதி, அ.தி.மு.க முன்னாள் அமைச்சர்கள்மீது நடவடிக்கை எடுக்க அனுமதிக்க வேண்டும் என்று அனுப்பிய கோப்பு ஆளுநர் மாளிகையில் அனுமதியளிக்காமல் வைக்கப்பட்டிருக்கிறது. இது குறித்து, அமைச்சர் ரகுபதி, கடந்த சில தினங்களுக்கு முன்பு ஆளுநர் மாளிகைக்குக் கடிதம் எழுதியிருந்தார். அந்தக் கடிதத்துக்கு, ஆளுநர் தனது பதிலை பத்திரிகைச் செய்தி மூலமாக தெரிவித்திருக்கிறார். ஆளுநரின் இந்தப் பத்திரிகைச் செய்திக்குறிப்பு குறித்து சட்டத்துறை அமைச்சர் ரகுபதி செய்தியாளர்களிடம் பேசும்போது, "நான் அனுப்பிய கடிதத்துக்கு பதில் கடிதம் ஆளுநர் மாளிகையிலிருந்து வரவில்லை. பத்திரிகைச் செய்திதான் வந்திருக்கிறது. அதில், லீகல் இன்வர்ஸ்டிகேசன் என்று ஆளுநர் குறிப்பிட்டிருக்கிறார். அதாவது அ.தி.மு.க-வின் இரண்டு முன்னாள் அமைச்சர்களை ஆளுநர் காப்பாற்ற நினைக்கிறார். 12.9.22 அன்று முன்னாள் அமைச்சர்கள் குறித்த புகாரை நாங்கள் அனுப்பியிருந்தோம். ஆனால், ஆளுநர் அதற்கான முறையான பதிலைத் தராமல் மழுப்பலாக பதில் கூறியிருக்கிறார். ஆளுநர் மாளிகையிலிருந்தே உண்மைக்குப் புறம்பான தகவல் வெளிவருகிறது. தி.மு.க-வுக்கு அவர்தான் எதிர்க்கட்சிபோல் செயல்பட்டு வருகிறார். குறிப்பாக ஆளுநர் இரட்டை வேடம் போடுகிறார். ஒருபுறம் நடவடிக்கை எடுக்கத் தடையாகவும், தி.மு.க-மீது நடவடிக்கை எடுக்கும்படியும் செயல்பட்டு தி.மு.க-வை அஞ்சவைக்கலாம் என்று அவர் எண்ணுகிறார். ஆனால், தமிழ்நாடு முதலமைச்சர் ஸ்டாலின் எதற்கும் அஞ்ச மாட்டார். ஆளுநரை திரும்பப் பெற வேண்டும் என்று பலரும் போராட்டத்தில் ஈடுபட்டுவருகின்றனர். நாம் மத்திய அரசிடம்தான் தெரிவிக்க வேண்டும். ஆனால், மத்திய அரசு செவிடன் காதில் ஊதிய சங்குபோல் இந்த விவகாரத்தில் இருக்கிறது. ஆளுநர் மாளிகையிலிருந்து வெளிவந்திருக்கும் பத்திரிகைச் செய்தி உண்மைக்குப் புறம்பானது. இனியாவது ஆளுநர் மாளிகையிலிருந்து உண்மைக்குப் புறம்பான செய்தி வருகிறது என்ற கூற்றை ஏற்படுத்தாமல் இருக்க வேண்டும். கே.சி.வீரமணி வழக்கைப் பொறுத்தவரை, 12.09.2022 விசாரணையின் முழு கோப்பையும் ஆளுநர் மாளிகைக்கு கடிதம் அனுப்பியிருக்கிறோம். அவருடைய வழக்கு தொடர்பாக விசாரணை செய்வதற்கு அனுமதி வேண்டும் என்று... ஆனால், `கோப்பு இதுவரை வரவில்லை' என்று ஆளுநர் பொய்யான தகவலை பத்திரிகைச் செய்தியில் குறிப்பிட்டிருக்கிறார் எம்.ஆர்.விஜயபாஸ்கர் வழக்கைப் பொறுத்தவரை, 12.5.2023 அன்று அரசிடமிருந்து கோப்புகள் ஆளுநருக்கு அனுப்பிவைக்கப்பட்டு ஆளுநர் மாளிகையும் கோப்பில் கையெழுத்திட்டு பெற்றிருக்கிறது. அதற்கு அரசிடம் ஆதாரம் இருக்கிறது. ஆளுநரிடமிருந்து வந்திருப்பது பத்திரிகைச் செய்திதான். தமிழக அரசுக்கு முறைப்படி ஆளுநர் மாளிகையிலிருந்து எந்த விதமான பதில் கோப்பும் இதுவரை சட்டத்துறைக்கு வரவில்லை. தெலங்கானா, மேற்கு வங்கம் உள்ளிட்ட மாநிலங்களில் ஆளுநருக்கு எதிராக வழக்கு தொடர்ந்திருக்கின்றனர். நாங்களும் அடுத்தகட்ட நடவடிக்கை குறித்து ஆலோசனை மேற்கொண்டுவருகிறோம், முதல்வரின் பொறுமைக்கும் எல்லை உண்டு. இனிமேலும் முதல்வர் பொறுமையாக இருக்க மாட்டார்" என்றார்.
http://dlvr.it/SrpZBL

Read More

புதுச்சேரி: ``கோயில் நிலத்தை வளைத்து ரூ.100 கோடிக்கு விற்பனை!” – சி.பி.ஐ தலைமைக்கு அதிமுக புகார்

புதுச்சேரி மாநில அ.தி.மு.க துணைச் செயலாளரும், முன்னாள் எம்.எல்.ஏ-வுமான வையாபுரி மணிகண்டன், டெல்லி சி.பி.ஐ இயக்குநருக்கு மனு ஒன்றை அனுப்பியிருக்கிறார். அதில், ``புதுச்சேரி மாநிலத்தில் கடந்த இரண்டு ஆண்டுகளாக பிரெஞ்சு குடியுரிமை பெற்றவர்களின் சொத்துகள், கோயில் சொத்துகள் மற்றும் ஆதரவற்ற ஏழை மக்களின் சொத்துகள் அனைத்தையும் போலி பத்திரங்களைத் தயாரித்து கொள்ளையடித்து வருகிறார்கள். புதுச்சேரியில் பிரசித்திபெற்ற காமாட்சியம்மன் கோயிலுக்குச் சொந்தமான நிலத்தை போலி பத்திரம் தயாரித்து தனியார் நிறுவனத்துக்கு விற்று, பின்னர் அதைப் பலருக்கும் வீட்டுமனைப் பட்டாக்களாக மாற்றி பத்திரப்பதிவு செய்திருக்கின்றனர். இதில் சார் பதிவாளர் உட்பட 13 பேர் கைதுசெய்யப்பட்டிருக்கின்றனர். இதில் முக்கிய குற்றவாளிகளான அப்போதைய பதிவாளர், தாசில்தார் உட்பட பலர் தலைமறைவாகியிருக்கின்றனர். நிலத்தை விற்றவர்களை சி.பி.சி.ஐ.டி போலீஸார் கைதுசெய்திருக்கின்றனர்.புதுச்சேரி அ.தி.மு.க துணைச் செயலாளர் வையாபுரி மணிகண்டன் இதன் பின்னணியில் ஆளுங்கட்சிக் கூட்டணியைச் சேர்ந்த எம்.எல்.ஏ ஒருவருக்குத் தொடர்பு இருக்கிறது. அவர் சட்டசபையில் தன்மீது குற்றச்சாட்டு நிரூபிக்கப்பட்டால், ஒரு கோடி ரூபாய் நஷ்டஈடு தருவதாக வாக்குமூலம் அளித்தார். தற்போது அவரின் குற்றம் நிரூபணமாகியிருக்கிறது. அதேபோல வில்லியனுரில் மணக்குள விநாயகர் கோயிலுக்குச் சொந்தமான நிலத்தை பொதுப் பாதையாகக் காட்டி, சுமார் 500-க்கும் மேற்பட்ட மனைகளை ரூ.100 கோடிக்கு மேல் விற்றிருக்கின்றனர். இதிலும் ஆளுங்கட்சியில் முக்கியப் பதவியில் இருப்பவர்களுக்குத் தொடர்பிருக்கிறது. தற்போது மணக்குள விநாயகர் கோயில் நிலத்தை மீட்க நடவடிக்கை எடுத்தாலும், கோயில் நிலத்தை பொதுப்பாதையாக ஏமாற்றி விற்றிருக்கின்றனர். மனைகளை வாங்கிய 500-க்கும் மேற்பட்டவர்கள் பாதையின்றி கடும் பாதிப்புக்கு ஆளாகியிருக்கின்றனர். எனவே, கோயில் நிலத்தைப் பொதுப் பாதையாகக் காண்பித்து மக்களை ஏமாற்றி, மோசடி செய்த ஆளுங்கட்சியைச் சேர்ந்த அரசியல்வாதிகள்மீதும் கடும் நடவடிக்கை எடுக்க வேண்டும். வில்லியனூர், கோர்க்காடு பகுதியைச் சேர்ந்த விவசாயப் பெண்மணி தவமணியின் நிலத்தை, புதுச்சேரி உப்பளம் தொகுதியைச் சேர்ந்த ஆளுங்கட்சிக்கு ஆதரவாகச் செயல்படும் அரசியல்வாதியும், அவரின் குடும்பத்தினரும் அபகரிப்பு செய்திருக்கின்றனர். இந்த நிலத்தை மீட்டுத்தரும்படி புதுச்சேரி சட்டசபை வளாகத்தில், முதலமைச்சர் முன்பு தவமணியின் குடும்பத்தினர் பெட்ரோல் ஊற்றி தீக்குளித்து தற்கொலைசெய்ய முயன்றனர். இந்த நில அபகரிப்பு தொடர்பான குற்றவாளிகள்மீது இதுவரை எந்த நடவடிக்கையும் எடுக்கப்படவில்லை. அவர்கள்மீது சட்டப்படி உரிய நடவடிக்கை எடுக்க வேண்டும்.புதுச்சேரி: முதல்வரின் பேனர்கள்; பூதக்கண்ணாடியுடன் புகார்... ஆட்சியருக்கு அதிர்ச்சி அளித்த அதிமுக இந்த நில அபகரிப்பு மோசடிகளில் ஆளுங்கட்சியைச் சேர்ந்தவர்களுக்குத் தொடர்பு இருப்பதால், நில அளவைத்துறையில் இரண்டு ஆண்டுகள் பட்டா பெயர் மாற்றம் செய்த பதிவுகள் கணினியிலிருந்து மாயமாகியிருக்கின்றன. புதுச்சேரி அரசியல்வாதிகளின் அழுத்தத்துக்கு அடிபணியாமல், ஆட்சியாளர்களின் மோசடிகளுக்குத் துணை போகாமல் வழக்கு விசாரணை நடைபெற வேண்டும் என்றால், சி.பி.ஐ விசாரணை நடத்த வேண்டும். சி.பி.ஐ விசாரணை நடத்தினால்தான் உண்மையான தகவல்கள் முழுமையாக வெளிவரும். புதுச்சேரியில் நிலவும் இந்த நில அபகரிப்பு மோசடிப் புகார்கள் தொடர்பாக சி.பி.ஐ உறுதியான நடவடிக்கை எடுக்க வேண்டும் என அ.தி.மு.க சார்பில் வலியுறுத்தி கேட்டுக்கொள்கிறோம்” என்று குறிப்பிட்டிருக்கிறார்.
http://dlvr.it/SrldvH

Read More