`பதவியைப் பிடிக்க வசூல் வேட்டை...' - சேலம் எஸ்.பி-யின் வாட்ஸ்அப் ஸ்டேட்டஸால் கிளம்பிய சர்ச்சை!

சேலம் மாவட்ட ஆட்சியர் கார்மேகம் சமீபத்தில் தன்னுடைய வாட்ஸ்அப்பில் வைத்த ஸ்டேட்டஸ், பெரும் சலசலப்பை ஏற்படுத்தியது. அதைத் தொடர்ந்து தற்போது சேலம் மாவட்ட எஸ்.பி-யாக இருந்துவரும் சிவக்குமார், தனது வாட்ஸ்அப்பில் வைத்த ஸ்டேட்டஸ் காவல்துறை வட்டாரங்களில் பேசுபொருளாகியிருக்கிறது. எஸ்.பி சிவக்குமார் வாட்ஸ்அப் ஸ்டேட்டஸ் சேலம் மாவட்ட எஸ்.பி பணியிடத்துக்கான போட்டி நிலவி வந்தது. ஏற்கெனவே சேலம் மாவட்ட எஸ்.பி-யாக இருந்த ஸ்ரீ அபினவ், வேறு இடத்துக்குப் பணிமாறுதல் பெற்ற பிறகு, அந்த இடத்தைப் பிடிப்பதற்கான போட்டி இன்னும் கடுமையாக இருந்தது. அதற்கு பல உயரதிகாரிகள் போட்டிப் போட்டு வந்தனர். அந்த வரிசையில் சேலம் மாநகரக் காவல் துணை ஆணையராக இருந்துவரும் லாவண்யா பெயரும் அந்த ரேஸில் அடிபட்டதாகக் கூறப்படுகிறது. இந்த நிலையில், கடந்த இரண்டு மாதங்களுக்கு முன்பு சேலம் மாவட்ட எஸ்.பி-யாக சிவக்குமார் பணியமர்த்தப்பட்டார். இந்த நிலையில், சேலம் மாவட்ட எஸ்.பி சிவக்குமார் அண்மையில் தன்னுடைய வாட்ஸப் ஸ்டேட்டஸ் ஒன்று வைத்திருந்தார். அதில், ``பதவியைப் பிடிக்க வசூல் வேட்டை... சேலம் மாநகரத்தில் திருமதி.லாவண்யா என்பவர் காவல் துணை ஆணையராக இருக்கிறார். இவர் சேலம் மாவட்டக் காவல் கண்காணிப்பாளராகப் பதவிபெற வேண்டும் என்று கடந்த பத்து மாதங்களாகவே முயற்சி செய்து வருகிறார். ஓய்வுபெற்ற டி.ஜி.பி-யிடம் தனது செல்வாக்கைப் பயன்படுத்தி சேலம் மாவட்டக் காவல் கண்காணிப்பாளர் பதவியைப் பெற முயற்சி செய்தார்'' எனக் குறிப்பிடப்பட்டிருந்தது.காவல் துணை ஆணையர் லாவண்யா இது குறித்து சேலம் மாவட்ட எஸ்.பி சிவக்குமாரிடம் பேசியபோது, ``என்னுடைய நண்பர் ஒருவர் எனக்கு அனுப்பினார். அதை என் மனைவிக்கு அனுப்பும்போது, தெரியாமல் ஸ்டேட்டஸில் வந்திருக்கிறது... அவ்வளவுதான்" என்றார். இது குறித்து சேலம் மாநகர துணை ஆணையர் லாவண்யாவிடம் பேசியபோது, ``எனக்கு எந்தப் பதவியின்மீதும் ஆசை இல்லை. இருக்கும் பணியைத் திறம்படச் செய்துவருகிறேன். சம்பந்தப்பட்ட அதிகாரி இது போன்று ஸ்டேட்டஸ் வைத்தது எதனால் என்று தெரியவில்லை. இதை என்னுடைய உயரதிகாரிக்குத் தெரிவித்திருக்கிறேன்" என்றார்.சேலம்: விளையாடிக்கொண்டிருந்த சிறுவனைக் கடத்தி பாலியல் துன்புறுத்தல்; 45 வயது நபர் சிக்கியது எப்படி?
http://dlvr.it/SsCVll

Read More

ரூ.1.10 லட்சத்தை சாலையில் தவறவிட்ட அஞ்சல் ஊழியர்; மீட்டு நேர்மையாக ஒப்படைத்த பெண்ணுக்குப் பாராட்டு!

திருப்பூர் மாவட்டம், பல்லடம் அருகேயுள்ள இலவந்தி வடுகபாளையத்தைச் சேர்ந்தவர் குணசேகரன் (56). இவர் பல்லடம் அஞ்சல் அலுவலகத்தில் தற்காலிகப் பணியாளராகப் பணியாற்றிவருகிறார். நேற்றிரவு வேலை முடிந்த நிலையில், அலுவலகப் பணம் ரூ.1.10 லட்சத்தை ஒரு பையில் இரு சக்கர வாகனத்தில் முன்புறம் மாட்டிக்கொண்டு, பல்லடம் கடை வீதிக்குச் சென்றிருக்கிறார். அப்போது, அங்குள்ள வேகத்தடையில் ஏறி இறங்கியபோது, பணப்பை தவறி கீழே விழுந்திருக்கிறது. இதை குணசேகரன் கவனிக்காமல் சென்றிருக்கிறார்.பணம் அந்த வழியாகச் சென்ற சின்னியகவுண்டம்பாளையம் பகுதியைச் சேர்ந்த பிரியா (27) என்பவர், அந்தப் பையை எடுத்துப் பார்த்தபோது, அதில் கட்டுக்கட்டாகப் பணம், ஏ.டி.எம் கார்டு உள்ளிட்டவை இருந்தது தெரியவந்தது. இது குறித்து பல்லடம் போலீஸாருக்கு பிரியா தகவலளித்தார். அங்கு வந்த பல்லடம் காவல் ஆய்வாளர் மணிகண்டன், அந்தப் பெண்ணிடமிருந்து பையை வாங்கி, அதிலுள்ள அடையாள அட்டையைப் பார்த்தபோது, அது தபால் நிலைய தற்காலிக ஊழியர் குணசேகரனுடையது என்பது தெரியவந்தது. பணம் ஒப்படைப்பு இதையடுத்து, போலீஸார் அவரை செல்போன் மூலம் தொடர்புகொண்டனர். கடைவீதியில் பணத்தைத் தேடி சுற்றிக்கொண்டிருந்த அவர், உடனடியாக அங்கு வந்தார். அவரிடம் விசாரணை செய்த போலீஸார், அவர் கூறிய அடையாளங்கள் மூலம் அந்தப் பணம் அவருடையதுதான் என்பதை உறுதிசெய்துகொண்டு, பணத்தை அவரிடம் ஒப்படைத்தனர். பணத்தைக் கண்டெடுத்து அதை மீண்டும் தனக்கு அளித்த பிரியாவுக்கு, குணசேகரன் நன்றி தெரிவித்தார். சாலையில் கண்டெடுத்த பணத்தை உரியவரிடம் ஒப்படைத்த பிரியாவின் நேர்மையை பொதுமக்கள் மற்றும் போலீஸார் பாராட்டினர். திருப்பூர்: மதுபோதையில் தகராறு; தந்தை அடித்துக் கொலை... மகன் உட்பட இருவர் சிக்கியது எப்படி?
http://dlvr.it/Ss8s2M

Read More

தேங்காய் உடைத்து தென்னை விவசாயிகள் போராட்டம் | பெண் யானை உயிரிழப்பு - News In Photos

ஈரோடு: மாவட்ட ஆட்சித் தலைவர் ராஜகோபால் சுன்கரா தலைமையில் மனுநீதி நாள் முகாமில் தாளவாடி வட்டம், பழைய வருவாய் வட்டாட்சியர் அலுவலகத்தில் நலத்திட்ட உதவிகள் வழங்கப்பட்டன.கோவை: மாங்கரை அருகே உள்ள தடாகம் பகுதியில் 20 வயது மதிக்கத்தக்க பெண் யானை உயிரிழந்தது குறித்து வனத்துறையினர் விசாரணை.விருதுநகர்: தக்காளி, வெங்காயம் , பச்சை மிளகாய், இஞ்சி உள்ளிட்ட பொருள்களை ரேஷன் கடை மூலமாக வழங்க கோரி விருதுநகர் மாவட்ட ஆட்சியரிடம் மாதர் சங்கம் சார்பில் மனு அளிக்கப்பட்டதுவிருதுநகர்: தமிழகத்தில் மாநகராட்சி, நகராட்சி, பேரூராட்சி தூய்மைப் பணிகளை தனியார்மயமாக்கும் அரசாணை உத்தரவைத் திரும்பப் பெற வலியுறுத்தி, நகராட்சி அலுவலகம் முன்பு சிஐடியு தொழிற்சங்க நகர் குழு சார்பில் மறியல் போராட்டம் நடைபெற்றது‌.நாகர்கோவில்: ராகுல் காந்தி பதவிப் பறிப்பு விவகாரம் தொடர்பாக நாகர்கோவிலிலுள்ள காங்கிரஸ் கட்சி எம்.பி., அலுவலகம் முன்பு வாயில் கறுப்புத் துணி கட்டி சத்தியாகிரகப் போராட்டத்தில் ஈடுபட்ட காங்கிரஸ் கட்சியினர்.நாகர்கோவில்: தக்காளி விலை ஏற்றத்தால் கோட்டார் நியாயவிலைக் கடையில் பொதுமக்களுக்கு இன்று மலிவு விலையில் தக்காளி விநியோகிக்கப்பட்டது.நாகர்கோவில்: ஆட்சியர் அலுவலகம் முன்பு பல்வேறு கோரிக்கைகளை வலியுறுத்தி சி.ஐ.டி.ய சார்பில் சாலைமறியல் போராட்டம் நடைபெற்றது.புதுச்சேரி: தனியார் பள்ளி குழந்தைகளை ஏற்றிச் சென்ற ஆட்டோ- பேருந்து மோதிய விபத்தில் காயமடைந்த குழந்தைகள் மருத்துவமனையில் குணமடைந்து துணைநிலை ஆளுநர் தமிழிசையைச் சந்தித்து நன்றி தெரிவித்தனர்.புதுச்சேரி: எதிராளிகளைக் கொலைசெய்யும் நோக்குடன் வெடிகுண்டு மற்றும் பட்டாக்கத்தி போன்ற பயங்கர ஆயுதங்களுடன் பதுங்கியிருந்த கும்பலை முதலியார்பேட்டை போலீஸார் கைதுசெய்து, வெடிகுண்டுகளைப் பறிமுதல் செய்தனர்.புதுச்சேரி: போக்குவரத்துத்துறை அமைச்சர் சந்திர பிரியங்கா தனது பிறந்தநாளை முன்னிட்டு முதல்வர் ரங்கசாமியிடம் வாழ்த்து பெற்றார்புதுச்சேரி: ஊர்க்காவல் படையைச் சேர்ந்த பெண் காவலர்களின் மகப்பேறு விடுமுறை கோரிக்கையை ஏற்று உடனே நிறைவேற்ற துறை சார்ந்த அதிகாரிகளிடம் உள்துறை அமைச்சர் நமச்சிவாயம் உத்தரவிட்டார்.வைகோ தலைமையில் நிலைக்குழு கூட்டம் ம.தி.மு.க தலைமை அலுவலகத்தில் நடைபெற்றது.விழுப்புரம்: 100 நாள் வேலைத் திட்டத்தில் குளத்தை தூர் வாரும் பணி நடைபெற்று வந்த நிலையில், ஓய்வு நேரத்தில் ஓய்வு எடுக்கும் பெண்கள் வேலூர்: மாவட்ட ஊராட்சி மன்ற சாதாரணக் கூட்டம் அதன் தலைவர் பாபு தலைமையில் நடைபெற்றது.திருநெல்வேலி: தூய்மைப் பணியாளர்களுக்கு நிரந்தர ஊதியத்தை வழங்கக் கோரி சி.ஐ.டி.யூ சார்பில் சாலைமறியலில் ஈடுபட்டனர்.சென்னை: ராகுல் காந்தி பதவி பறிப்பு விவகாரம்: காங்கிரஸார் மெளனப்போராட்டம். வேலூர்: தமிழ் வளர்ச்சித்துறை சார்பில் கட்டுரை, பேச்சுப் போட்டி நடைபெற்றதுதேனி: தேங்காய் கொள்முதல் விலையை அதிகப்படுத்த வேண்டும் என்று மத்திய, மாநில அரசுகளின் கவனத்தை ஈர்க்க மாவட்ட ஆட்சியர் அலுவலகம் முன்பு தென்னை விவசாயிகள் தேங்காய் உடைத்து போராட்டம்.ராமநாதபுரம்: உச்சிப்புளியில் தேங்காய் கொப்பரைகளை அரசே கொள்முதல் செய்ய வலியுறுத்தி தென்னை விவசாயிகள் தேங்காய் உடைப்பு போராட்டம் நடத்தினர்.ஈரோடு: தமிழ்நாடு நாள் விழாவையொட்டி தமிழ் வளர்ச்சித்துறை சார்பில் கட்டுரைப் போட்டி நடைபெற்றது பட்டுக்கோட்டை: பல்வேறு கோரிக்கைகளை வலியுறுத்தி தென்னை விவசாயிகள் தேங்காய் உடைத்துப் போராட்டம்.ராமநாதபுரம்: அரசுப் பேருந்து ஓட்டுநரை பயணி தாக்கியதால், பாதுகாப்புக் கோரி பணிமனையில் அமர்ந்து, ஊழியர்கள் போராட்டம் நடத்தினர்.கடலூர்: கூட்டுறவுத்துறை சார்பில் நியாயவிலைக் கடைகளில் தக்காளி விற்பனை செய்யப்படுகிறது. நியாய விலைக் கடையில் கிலோ தக்காளி 90 ரூபாய்க்கு விற்கப்படும் நிலையில், கடலூரிலுள்ள காய்கறி மார்க்கெட்டிலும் பிற காய்கறி கடைகளிலும் அதே 90 ரூபாய்க்கு விற்பனை செய்யப்படுவதால், பொதுமக்கள் வேதனை.திருச்சி: சர்வதேச விமான நிலையத்தில் பாமக தலைவர் அன்புமணி ராமதாஸ் செய்தியாளர் சந்திப்பு நடைபெற்றதுவிழுப்புரம்: வீட்டு வசதி வாரிய அரசுக் குடியிருப்பு பகுதியில் மழைக்காலங்களில் அதிகமாக விரிசல் ஏற்பட்டு வருவதால் உடனடியாக சரிசெய்து தர அரசு அலுவலர்கள் வேண்டுகோள்விழுப்புரம்: நகர்மன்றக் கூட்டத்தில் கட்டிமுடிக்கப்பட்ட நகராட்சிக் கழிவறையை திறக்க வலியுறுத்தல்.
http://dlvr.it/Ss64lP

Read More

செல்போன் வெளிச்சத்தில் தையல்போட்ட மருத்துவ ஊழியர்கள்; செஞ்சி அரசு மருத்துவமனை அவலம்!

விழுப்புரம் மாவட்டம், செஞ்சி பகுதியில் இயங்கிவருகிறது அரசு பொது மருத்துவமனை. இங்கு அடிப்படை வசதிகள் குறைவாக இருப்பதாகவும், மருத்துவர்களின் செயல்பாடுகள் அதிருப்தியளிக்கும் வகையில் இருப்பதாகவும் மக்கள் தொடர் புகார் தெரிவித்து வருகின்றனர். இந்த நிலையில், செஞ்சி உள்ளிட்ட சுற்றுவட்டாரப் பகுதிகளில் நேற்று மாலை முதலே பரவலாக மழை பெய்து வந்திருக்கிறது. இதனால் அவ்வப்போது மின்சாரம் தடைபட்டுப் போயிருக்கிறது. அரசு மருத்துவமனையிலும் மின்சாரம் இல்லாமல் போயிருக்கிறது. ஆனால், மருத்துவமனையின் அவசர சிகிச்சைப் பிரிவிலிருந்த இன்வெர்ட்டர் முறையாகப் பராமரிக்கப்படாமல், பழுதடைந்து இருந்ததாகச் சொல்லப்படுகிறது. விழுப்புரம் அரசு மருத்துவக் கல்லூரி மருத்துவமனை: அடுக்கடுக்காகக் குற்றச்சாட்டுகள்; கவனிக்குமா அரசு?!செஞ்சி அரசு மருத்துவமனை இதற்கிடையே தலையில் காயமடைந்த ஒருவர், சிகிச்சை பெறுவதற்காக இந்த மருத்துவமனைக்கு வந்திருக்கிறார். மருத்துவமனையில் மின்சாரமே இல்லாததால், தலையில் காயமடைந்து வந்தவருக்கு செல்போன் டார்ச் வெளிச்சத்தில் தையல் போட்டிருக்கின்றனர் மருத்துவ ஊழியர்கள். இதை அங்கிருந்த நபர் ஒருவர் வீடியோவாக எடுத்து, சமூக ஊடகங்களில் பகிர்ந்திருக்கிறார். அந்த வீடியோ காட்சிகள் தற்போது வேகமாகப் பகிரப்பட்டு, பரபரப்பை ஏற்படுத்தியிருக்கின்றன. வீடியோ காட்சிகள் இது குறித்து விளக்கம் கேட்க விழுப்புரம் மாவட்ட சுகாதாரத்துறை இணை இயக்குநர் லட்சுமணனைத் தொடர்புகொண்டோம். "இந்த விஷயம் என்னுடைய கவனத்துக்கு வந்தது. சி.எம்.ஓ-விடம் (Casualty Medical Officer) தகவல் தெரிவித்தேன். அது ஜெனரேட்டரை ஆபரேட் செய்யும் நேரம்தான் என்று சொன்னார்கள். யு.பி.எஸ் பேக்கப் கொடுக்கச் சொல்லியிருக்கிறேன். மற்ற எதுவென்றாலும் அலுவலகத்துக்கு நேராக வந்து பேசுங்கள்" என்றபடி அழைப்பை துண்டித்துக்கொண்டார்.3 வயது குழந்தையின் நாக்கில் பிரச்னை... ஆணுறுப்பில் அறுவை சிகிச்சை செய்த மருத்துவமனை: உரிமம் ரத்து!
http://dlvr.it/Ss3DF6

Read More

முதலாம் உலகப்போரின் அதிர்வுகள்: Gallipoli Campaign - போரின் மாபெரும் திருப்புமுனையில் என்ன நடந்தது?

முதலாம் உலகப்போரின் அடுத்த மற்றொரு திருப்புமுனை என்று 1915 ஏப்ரல் மாதத்தில் நடைபெற்ற கலிப்பொலி போர்த்தொடர் (Gallipoli Campaign) எனலாம். இது ஜனவரி 1916 வரை நீடித்தது. ஓட்டோமான் பேரரசு என்றழைக்கப்பட்ட தற்போதைய துருக்கிப் பகுதியில் அமைந்த ஒரு தீபகற்பம் கலிப்பொலி. இது துருக்கியின் ஐரோப்பியப் பகுதியில் அமைந்துள்ள ஒரு தீபகற்பம் ஆகும். (ஆசியா, ஐரோப்பா ஆகிய இரு கண்டங்களிலுமாக அமைந்துள்ளது துருக்கி). இந்தத் தீபகற்பத்தின் மேற்கில் ஏஜியன் கடலும், கிழக்கே டார்டனெல்ஸ் நீரிணையும் அமைந்துள்ளன. கலிப்பொலி என்பதன் பொருள், இத்தாலிய மொழியில், 'அழகான நகரம்' என்பதாகும். பழங்காலத்தில், இது நீண்ட சுவரால் பாதுகாக்கப்பட்டது. அது பண்டைய நகரமான அகோராவின் அருகே தீபகற்பத்தின் குறுகிய பகுதியில் கட்டப்பட்ட ஒரு தற்காப்பு அமைப்பாகும். நேச நாடுகளால் இந்தப் பகுதியின்​மீது நடைபெற்ற தாக்குதலின் நோக்கம் ரஷ்யாவுக்கு ஒரு கடல் பாதையைப் பாதுகாப்பாக அமைப்பதுதான்.கலிப்பொலி போர்த்தொடர் (Gallipoli Campaign) 1915ன் தொடக்கக் காலகட்டத்தில் மேற்கு முனையில் (Western Front) நேச நாடுகள் அணி வெற்றியும் இல்லாத தோல்வியும் இல்லாத இறுக்கமான நிலையை அடைந்திருந்தன. இந்த நிலையில் ஓட்டோமான் சாம்ராஜ்யத்தின் தலைநகரான கான்ஸ்டான்டினோபிளைக் கைவசப்படுத்த நேச நாடுகள் முயற்சி செய்தன. இதற்கான முதல் முயற்சியாக நேச நாடுகளின் ராணுவம் டர்டெனெல்லஸ் துறைமுகத்தைப் பாதுகாத்த கோட்டைகளின்மீது தாக்குதல் நடத்தத் தொடங்கின. இந்த ராணுவத்தில் ஆஸ்திரேலிய மற்றும் நியூசிலாந்துப் படைகளும் இருந்தன. இந்த ஜலசந்தி ஏஜியன் கடலையும் மர்மாரா கடலையும் இணைத்தது. ஒருவிதத்தில் கருங்கடலையும் இவை இணைத்தன. ஏப்ரல் 25 அன்று தாக்குதல் தொடங்கியது. பிரிட்டிஷ் மற்றும் பிரெஞ்சுப் படைகள் கூட்டாக இந்தத் தாக்குதலை நடத்தின. ஆனால் இதில் வெற்றி கிடைக்கவில்லை. எனவே துறைமுகப் பகுதிக்குப் பதிலாக நிலப்பகுதியின் மீது தாக்குதல் நடத்தலாம் என்ற முடிவுக்கு அவை வந்தன. நேச நாடுகளின் சார்பில் அங்கு முதன் முதலில் வந்து இறங்கியது ஆஸ்திரேலியா மற்றும் நியூசிலாந்து ராணுவங்கள். இவற்றை ANZAC என்று குறிப்பிடுவதுண்டு. (இவையும் பிரிட்டிஷ் காலனியில் அப்போது இருந்ததால் இந்திய ராணுவம் போலவே அவையும் அங்கு அனுப்பப்பட்டன). விரைவில் பிரிட்டிஷ் மற்றும் பிரெஞ்சு ராணுவமும் அங்கு வந்து சேர்ந்தன.போர் மிகவும் மும்முரமாக இருந்தது. ஓட்டோமான் ராணுவத்தினர், முக்கியமாக ANZAC-ஐ பெரும் பாதிப்புக்கு உள்ளாகியது. தொற்றுநோய்கள் வேறு வெகுவாக பரவத் தொடங்கி இருந்தன.பிரெஞ்சுப் படைகள் துருக்கியர்கள், முஸ்தபா கெமெல் தலைமையில் மிகச் சிறப்பாகப் பதில் தாக்குதல் நடத்தினார்கள். எட்டு மாதங்களுக்கு இந்தப் போர் தொடர்ந்து இரு தரப்புக்கும் பலத்த பாதிப்பை உருவாக்கியது. ஒரு வழியாக ஜனவரி 1916 இதான் நேச நாடுகள் கலிப்பொலி போரை நிறுத்திக்கொண்டு தங்கள் ராணுவத்தைப் பின்வாங்கிக் கொள்ளத் தீர்மானித்தன. இந்தப் போரில் நேச நாடுகள் தரப்பிலிருந்து 1,30,000 பேரும் ஓட்டோமான் தரப்பிலிருந்து 86,000 இறந்ததாகக் கூறப்பட்டது.என்றாலும் கலிப்போலி போர்த்தொடர் முதலாம் உலகப்போரில் தன் முத்திரையைப் பதித்தது. நேச நாடுகளைப் பொறுத்த வரையில் இது ஒரு தோல்விதான். அவர்கள் திட்டமிட்டபடி கான்ஸ்டன்டினோபிளை அவர்களால் கைவசப்படுத்த முடியவில்லை. இதனால் ரஷ்யாவுக்கான ஒரு தடையில்லாத தொடர்புப் பாதையையும் அவர்களால் உருவாக்க முடியவில்லை. எனினும் இதில் போரிட்ட ANZAC ராணுவத்தின் துணிவு பெரிதும் பாராட்டப்பட்டது. ஆஸ்திரேலியாவும் நியூசிலாந்தும் இதில் மிகப் பெருமை கொண்டன. இந்த இரு நாடுகளிலும் இன்றளவும் ஒவ்வோராண்டும் ஏப்ரல் 25-ம் தேதி ANZAC தினமாகக் கொண்டாடப்படுகிறது. இந்தப் போரில் துருக்கியத் தரப்பு ராணுவ தலைவரான முஸ்தபா கெமல் பெரிதும் பாராட்டப்பட்டார். பின்னர் துருக்கிய சுதந்திரப் போருக்கு இது அஸ்திவாரமாக அமைந்தது. எட்டு வருடங்களுக்குப் பிறகு துருக்கி தன்னை ஒரு குடியரசாக அறிவித்துக் கொண்டது. கலிப்பொலி போரில் துருக்கியின் தலைமை ஏற்ற முஸ்தபா கேமல் பெரும் புகழ் அடைந்து அந்த நாட்டின் தலைவரானார். அவர் பின்னர் 'நவீன துருக்கியின் தந்தை' என்றும் அழைக்கப்பட்டார்.Landing of Australian troops at ANZAC Coveகிழக்கு முனையில் கலிப்பொலி போர் நடந்து கொண்டிருக்க, மேற்கு முனையில் நேவு சாபேலி போர் (The Battle of Neuve Chapelle) நடைபெற்றுக் கொண்டிருந்தது. நேவு சாபேலி என்ற கிராமத்தில் அருகே இந்தப் போர் நடைபெற்றதால் இதற்கு அந்தப் பெயர். பிரிட்டிஷ் ராணுவத்தினரும் ஜெர்மன் ராணுவத்தினரும் இதில் நேருக்கு நேர் மோதிக் கொண்டனர். ஜெர்மனி ராணுவம் ஒருங்கிணைந்து செயல்படாமல் அதை உடைக்க வேண்டும், அந்தப் பகுதியிலிருந்த ஆபர்ஸ் ரிட்ஜ் என்ற கிராமத்தைக் கைப்பற்றுவதன் மூலம் அங்கிருந்த ஜெர்மானியப் பாதுகாப்பு அரண்களை இல்லாமல் செய்ய வேண்டும். இதுதான் பிரிட்டிஷ் ராணுவத்தின் நோக்கமாக இருந்தது. இதில் பிரிட்டிஷ் ராணுவத்தின் சார்பில் இந்தியாவிலிருந்து அனுப்பப்பட்ட ராணுவப் பிரிவுகளும் கலந்து கொண்டனர். நாயக் தர்வான் சிங் நேகி என்ற ராணுவ அதிகாரி தன் வீரத்தைப் பெரிதும் வெளிப்படுத்தினார். ஜெர்மன் ராணுவ வீரர்களுக்கு மிக அருகில் சென்று சேதத்தை விளைவித்தார். இரு முறை கடுமையான காயங்கள் ஏற்பட்டும் தொடர்ந்து உத்வேகத்துடன் போரிட்டார். போரின் முடிவுக்குப் பின் பிரிட்டிஷ் அரசின் உயரிய ராணுவ விருதான விக்டோரியா கிராஸ் என்பதைப் பெற்ற இரண்டாவது இந்தியரானார்.பிரிட்டிஷ் ராணுவத்தின் சார்பில் இந்தியாவிலிருந்து அனுப்பப்பட்ட ராணுவப் பிரிவுஊர்தியில் பொருத்தப்பட்ட பெரிய கனரகத் துப்பாக்கிகள் மூலம் பிரி​ட்டிஷ் ராணுவத்தினர் ஜெர்மனி ராணுவத்தின் மீது குண்டு பொழிந்தார்கள். இதைத் தொடர்ந்து தரைப்படை வீரர்கள் ஜெர்மானிய வீரர்கள் மீது தாக்குதல் நடத்தினார்கள். தொடக்கத்தில் இது கணிசமான வெற்றிகளைக் குவித்தது. ஆனால் அந்த வெற்றியை பிரிட்டிஷ் தரப்பால் தொடர முடியாமல் போனது. ஜெர்மன் ராணுவத்தினர் தங்களை நிலைநிறுத்திக்கொண்டு பதில் தாக்குதல்களை மேற்கொண்டு நேவு சாபேலி கிராமத்தை மீண்டும் தங்கள் வசம் கொண்டுவந்தார்கள். இதில் பிரிட்டிஷ் ராணுவம் 11,000 பேரை இழந்தது. ஜெர்மனி தரப்பில் இறந்தவர்களின் எண்ணிக்கை சுமார் 10,000. இந்தப் போரின் இறுதியில் இரு தரப்புக்குமே வெற்றி தோல்வி என்று இல்லாமல் போனது. கனரகத் துப்பாக்கிகள் பிரிவினருக்கும் தரைப் படையினருக்கும் இடையே உள்ள ஒன்றிணைக்கும் தகவல் தொடர்பின் அவசியத்தை இது அடிக்கோடிட்டுக் காட்டியது. - போர் மூளும்...
http://dlvr.it/Ss0Jcx

Read More

``சாமியார்களுக்கும் சாமானியர்ளுக்கும் பொதுவான சட்டம் நல்லதுதான்!" - மதுரை ஆதீனம்

293-வது மதுரை ஆதீனமாக ஸ்ரீலஸ்ரீ ஹரிஹர ஞானசம்பந்த தேசிக சுவாமிகள் பொறுப்பேற்றது முதல் அரசியல்ரீதியான கருத்துகளையும் அவ்வப்போது பேசிவருகிறார்.காரைக்குடியில் செய்தியாளர்களிடம் பேசும்போது இந்த நிலையில் சிவகங்கை மாவட்டம் காரைக்குடியில் நடைபெற்ற திருமண நிகழ்ச்சியில் கலந்துகொள்ள வந்த மதுரை ஆதீனம் செய்தியாளர்களைச் சந்தித்தார். அப்போது, ``இந்து சமய அறநிலையத்துறையின் செயல்பாடு எப்படியிருக்கிறது?” என்ற கேள்விக்கு, பதில் சொல்ல யோசித்தவர் பின்பு, " சிறப்பாகச் செயல்படுறாங்க. அவ்வளவுதான் சொல்ல முடியும்" என்றார்.மதுரை ஆதீனம் "மத்திய அரசு கொண்டுவரவிருக்கும் பொது சிவில் சட்டம் குறித்து?” கேட்டதற்கு "பொது சிவில் சட்டத்தை வரவேற்கிறேன். அது எல்லா மக்களுக்கும் பொதுவான சட்டம், நல்லதுதான்" என்றார். "எல்லா மதத்தினருக்கும் பொதுவான சட்டம் சரியானதா?" என்றதற்கு, "எல்லோருக்கும் ஒரே சட்டம் நல்லதுதான்'' என்றார். தொடர்ந்து, "சாமியார்களுக்கும் சாதாரண மனிதர்களுக்கும் ஒரே மாதிரியான சட்டம் என்பதை ஏற்றுக்கொள்கிறீர்களா?" என்றதற்கு,காரைக்குடியில் செய்தியாளர்களிடம் பேசும் ``அதை நான் ஏற்றுக்கொள்கிறேன். நான் ஆர்டினரியா எல்லோருடனும்தான் நிக்கிறேன். தனியா விமானத்திலயா பறந்துகொண்டிருக்கிறேன்... எல்லோருடன்தான் நிக்கிறேன். அதனால பொதுவான சட்டத்தை வரவேற்கிறேன்" என்று கூறினார்.
http://dlvr.it/SrxQVc

Read More

``திமுக கூட்டணியில் இருப்பவர்கள் ஆளுங்கட்சிக்கு ஜால்ரா அடிக்கிறார்கள்'' - எஸ்.பி.வேலுமணி

கோவை அ.தி.மு.க அலுவலகத்தில் முன்னாள் அமைச்சர் எஸ்.பி.வேலுமணி தலைமையில் 100-க்கும் மேற்பட்ட நபர்கள் மாற்றுக்கட்சியிலிருந்து அ.தி.மு.க-வில் இணையும் நிகழ்வு நடைபெற்றது. அதன் பின்னர் செய்தியாளர்கள் சந்திப்பில் பேசிய எஸ்.பி.வேலுமணி, ``எடப்பாடி பழனிசாமி முதல்வராக இருக்கும்போது, அவருடைய ஆட்சியில் கோவை மாவட்டத்துக்கு பல திட்டங்கள் செயல்படுத்தப்பட்டன. கோவை கிருஷ்ணா கல்லூரி சுவர் இடிந்து விழுந்த விபத்தில் உயிரிழந்த தொழிலாளர்களின் குடும்பத்துக்கு தமிழக அரசு நிவாரணத்தொகை வழங்க வேண்டும். இது போன்ற சம்பவங்கள் இனி நடக்காமலிருக்க, எங்கு கட்டுமானப் பணிகள் நடைபெற்றாலும், சம்பந்தப்பட்ட துறை மேற்பார்வையில் முறையாக கட்டுமானப் பணிகள் நடைபெறுகின்றனவா என்று ஆய்வுசெய்ய வேண்டும். எஸ்.பி வேலுமணி கோவை மாவட்ட சரக டி.ஐ.ஜி விஜயகுமார் தற்கொலை செய்துகொண்ட சம்பவம் அதிர்ச்சியை அளிக்கிறது. ஒரு நல்ல காவல் அதிகாரியை இழந்திருக்கிறோம். விஜயகுமார் மரணம் தொடர்பாக சி.பி.ஐ விசாரிக்க வேண்டும் என்று அ.தி.மு.க பொதுச்செயலாளர் எடப்பாடி பழனிசாமி கோரியிருக்கிறார். சி.பி.ஐ விசாரணைக்கு மாற்றப்பட்டு எதனால் தற்கொலை செய்துகொண்டார் என்பதை விரைந்து கண்டுபிடிக்க வேண்டும். பா.ஜ.க-வுக்கு அடிமையாக அ.தி.மு.க செயல்படுகிறது என்று தி.மு.க கூட்டணிக் கட்சிகள் கூறினார்கள். ஆனால், காவிரி மேலாண்மை பிரச்னையில் 23 நாள்கள் அ.தி.மு.க எம்.பி-க்கள் நாடாளுமன்றத்தில் போராட்டம் நடத்தினோம். பொதுவான பிரச்னையில் மக்கள் பக்கம் நின்று அ.தி.மு.க செயல்பட்டிருக்கிறது. ஆனால், தி.மு.க கூட்டணியில் இருப்பவர்கள் ஆளும் அரசாங்கம் எந்தத் திட்டம் கொண்டுவந்தாலும் அவற்றை எதிர்க்காமல் அடிமையாகச் செயல்பட்டு ஜால்ரா அடித்துக்கொண்டிருக்கின்றனர். எஸ்.பி வேலுமணி ஜெயலலிதா முதலமைச்சராக இருந்தபோது அ.தி.மு.க கூட்டணியில் கம்யூனிஸ்ட் கட்சிகள் இருந்தாலும் ஆளும் அரசாங்கத்தை எதிர்த்து போராட்டங்களைத் தைரியமாக நடத்தினர். ஆனால், தற்போது தி.மு.க கூட்டணியில் இருக்கும் கம்யூனிஸ்ட் கட்சிகள் இருக்கிறார்களா என்றுகூட தெரியவில்லை. தி.மு.க-வை எதிர்த்து கம்யூனிஸ்ட் கட்சிகள் போராட்டங்களை நடத்துவது இல்லை. தி.மு.க கூட்டணிக் கட்சிகள் மக்கள் சந்திக்கும் எந்த ஒரு பொதுப் பிரச்னைகளையும் எதிர்த்து பேசுவது இல்லை. தமிழகத்தில் பல்வேறு ஊழல்கள் நடைபெறுகின்றன. அவற்றையெல்லாம் எதிர்த்து குரல் கொடுக்காமல் தி.மு.க எப்படிச் செல்கிறதோ அவர்களின் வாலைப் பிடித்துக்கொண்டு தி.மு.க கூட்டணிக் கட்சிகள் செல்கின்றன. ஆனால், ஆளுங்கட்சி செய்யும் எல்லா தவறுகளைச் சுட்டிக்காட்டி, பொதுமக்கள் சந்திக்கும் பிரச்னைகளை சட்டமன்றத்தில் குரல் எழுப்பி சிறந்த எதிர்க்கட்சி தலைவராக எடப்பாடி பழனிசாமி செயல்பட்டுக் கொண்டிருக்கிறார்" என்றார்.``ஜெயலலிதாவே வந்தாலும் 'உங்களை நீக்கிவிட்டோம்' என்பார் எடப்பாடி'' - நீக்கப்பட்ட அதிமுக நிர்வாகி
http://dlvr.it/SrvMDb

Read More