`மோடி மீதும் ஒருநாள் ED நடவடிக்கை பாயும் என்பதை மறந்துவிடக் கூடாது!' - ஈ.வி.கே.எஸ்.இளங்கோவன் காட்டம்

மத்தியில் ஆட்சியில் இருக்கும் பிரதமர் மோடி தலைமையிலான பா.ஜ.க அரசு, எதிர்க்கட்சிகளின்மீது தொடர்ந்து மத்திய அரசின் கட்டுப்பாட்டிலிருக்கும் சி.பி.ஐ., அமலாக்கத்துறை, வருமான வரித்துறை போன்றவற்றை ஏவிவருவதாக எதிர்க்கட்சிகள் கடுமையாகக் குற்றம்சாட்டி வருகின்றன. டெல்லியில் ஆட்சியில் இருக்கும் ஆம் ஆத்மி கட்சியின் அமைச்சர்கள், மேற்கு வங்கத்தில் ஆட்சியிலிருக்கும் மம்தா பானர்ஜி தலைமையிலான திரிணாமுல் காங்கிரஸ் கட்சியின் அமைச்சர்கள்மீது அமலாக்கத்துறை நடவடிக்கை எடுத்தது.ஈ.வி.கே.எஸ்.இளங்கோவன் அதன் தொடர்ச்சியாக தமிழ்நாட்டிலும் மின்சாரத்துறை அமைச்சராக இருந்த செந்தில் பாலாஜி, தற்போது உயர்கல்வித்துறை அமைச்சராக இருக்கும் பொன்முடி ஆகிய அமைச்சர்கள்மீதும் அமலாக்கத்துறை பழைய வழக்குகளைக் கையில் எடுத்து விசாரித்தது, பெரும் பரபரப்பை ஏற்படுத்தியது. இந்த நிலையில், காங்கிரஸ் எம்.எல்.ஏ ஈ.வி.கே.எஸ்.இளங்கோவன் இன்று சத்தியமூர்த்தி பவனில் செய்தியாளர்களைச் சந்தித்துப் பேசினார். அப்போது அவர், ``மணிப்பூர் விவகாரம் குறித்து நாடாளுமன்றத்துக்குள்ளேயே பேச வேண்டிய பிரதமர் மோடி, நாடாளுமன்றத்துக்கு வெளியே பேசிவிட்டு, உள்ளே மௌனம் காக்கிறார். இது ஜனநாயகப் படுகொலை. மணிப்பூரில் மிகப்பெரும் கலவரம் நடந்துகொண்டிருக்கும்போது, உலகின் எல்லா நாடுகளும் மணிப்பூரை கவனித்துக்கொண்டிருந்தன. கவலைப்பட்டுக்கொண்டிருந்தன. ஆனால், பிரதமர் மோடி உல்லாசமாக வெளிநாடுகளுக்குச் சென்று, அந்தத் தலைவர்களைக் கட்டிப்பிடித்து ஆறுதல் பெறுகிறார் என்றால், இவர் மனித சமுதாயத்தைச் சார்ந்தவரா எனக் கேள்வி எழுகிறது.அமித் ஷா, மோடி எதிர்க்கட்சிகளின்மீது பாயும் இதே அமலாக்கத்துறை, பிரதமர் மோடி மீதும் பாயும் என்பதை அவர் மறந்துவிடக் கூடாது. எதிர்க்கட்சிகள்மீதான குற்றச்சாட்டுகளுக்கு, அமலாக்கத்துறை சில இடங்களில் வெறும் சோதனைதான் செய்கிறது. ஆனால், பிரதமர் மோடி மீது பல கிரிமினல் குற்றங்கள் இருக்கின்றன. உள்துறை அமைச்சர் அமித ஷாவின் மகன் 10 வருடங்களுக்கு முன்னால் எப்படி இருந்தார்... இப்போது எப்படி இருக்கிறார் என்பதைதான் நாடு பார்த்துக்கொண்டிருக்கிறதே! அதானிக்குச் சவால்விடும் அளவுக்கு அமித் ஷாவின் மகன் பணம் சேர்த்திருக்கிறார்" எனக் காட்டமாகத் தெரிவித்தார்.முதன்முறையாக மௌனம் களைந்த மோடி; இனியாவது மணிப்பூரைக் காப்பாரா?!
http://dlvr.it/SsYYh7

Read More

ஆன்லைன் சூதாட்டத்துக்கு எதிராகச் சட்டம் இயற்ற தமிழக அரசுக்கு உரிமையில்லையா?- அமைச்சர் விளக்கம் என்ன?

`தமிழக அரசுக்கு ஆன்லைன் சூதாட்டத்துக்கு எதிராகச் சட்டம் கொண்டுவர உரிமையில்லை’ என சென்னை உயர் நீதிமன்றத்தில் மத்திய அரசு தரப்பு வாதம் வைத்திருக்கிறது. தமிழக அரசு இன்னும் தன் வாதங்களை முன்வைக்காத நிலையில், இது குறித்து விளக்கமளிக்க சட்டத்துறை அமைச்சர் ரகுபதி செய்தியாளர்களைச் சந்தித்தார். இது குறித்துப் பேசிய அவர், “கடந்த அ.தி.மு.க ஆட்சியில் ஆன்லைன் விளையாட்டுக்கு எதிராகச் சட்டத் திருத்தம் கொண்டுவரப்பட்டது. அதற்கு தடைவிதித்த நீதிமன்றம் சில வழிமுறைகளைப் பின்பற்றச் சொன்னது. அதனடிப்படையில்தான், ஆன்லைன் தடைச் சட்டத்தை தமிழக அரசு இயற்றியது. இந்த நிலையில், ’இணைய வழி சூதாட்ட தடைச் சட்டத்தை இயற்ற மாநில அரசுக்கு அதிகாரமில்லை’ என்னும் வாதத்தை மத்திய அரசு வைத்திருக்கிறது. மத்திய தகவல் தொழில்நுட்பத்துறையின் சார்பாக ஆன்லைன் விளையாட்டுகளுக்கு விதிகள்தான் கொண்டுவரப்பட்டதே தவிர, சட்டம் இயற்றப்படவில்லை.சட்டத்துறை அமைச்சர் ரகுபதி - ஆன்லைன் சூதாட்டம் அந்த விதிகளும் இணைய வழி சூதாட்டத்துக்குப் பாதுகாப்பான விதிகளாக இருக்கிறது, எதிராக இல்லை. குறிப்பாக, வருவாய் ஈட்டுகின்ற நோக்கத்தில் அந்த விதிகள் உருவாக்கப்பட்டிருக்கின்றன. அதனால், மாநிலப் பட்டியலில் இருக்கும் பிரிவுகளில் தடைச் சட்டம் தமிழக அரசால் இயற்றப்பட்டது. விளையாட்டுகள் முழுமையாகத் தடை செய்யப்படவில்லை. அதிர்ஷ்ட விளையாட்டு, திறனை வெளிப்படுத்தும் விளையாட்டு என்று வித்தியாசப்படுத்தி, ஆன்லைன் சூதாட்டங்கள் மட்டுமே தடை செய்யப்பட்டிருக்கின்றன. நேரில் (ஆப்லைனில்) விளையாடும்போது யாருடன் மற்றும் எவ்வாறு விளையாடுகிறோம் என்பது தெரிந்து விளையாட வாய்ப்பிருக்கிறது. ஆனால், ஆன்லைனில் (இணைய வழியில்) விளையாடும்போது, அந்த விளையாட்டை உருவாக்கியவர் பதிவு செய்யும் செயல்திட்டத்தின் (புரோகிராம்) அடிப்படையில் விளையாடப்படுவதால், ஏமாற்றும் மற்றும் பணத்தைச் சுரண்டும் வாய்ப்புகள் இருக்கின்றன என்பதன் அடிப்படையிலேயே ஆன்லைன் விளையாட்டுகளைத் தடைசெய்ய அவசரச் சட்டம் இயற்றப்பட்டது. இந்த வித்தியாசங்களைப் புரிந்துகொள்ள வேண்டும். பா.ஜ.க -ஆன்லைன் சூதாட்டம் 42 தற்கொலைகள் நடந்திருப்பது பற்றி தெளிவாக அறிக்கையில் கூறப்பட்டிருக்கிறது. மக்களின் கருத்துகள் கேட்கப்பட்டிருக்கின்றன. குறிப்பாக, விளையாட்டு நிறுவனத்திடமும் கருத்து கேட்டிருப்பதையும் குறிப்பிட்டிருக்கிறோம். அனைத்தும் முறைப்படிதான் இயற்றப்பட்டது. மத்திய அரசு கொண்டுவந்திருக்கும் ஒழுங்குமுறை விதிகளில் பாதுகாப்பில்லை. எனவே, தனியாகச் சட்டம் இயற்றியிருக்கிறோம். அவை வருமான நோக்கத்துக்காக மட்டுமே இயற்றப்பட்டிருக்கிறது” என்றார். மேலும், சமீபத்தில் நடைபெற்ற ஜிஎஸ்டி கவுன்சில் கூட்டத்தில் ஆன்லைன் விளையாட்டுகளுக்கு வரி அதிகரிக்கப்பட்டது. இதற்கு தமிழக அரசு எதிர்ப்பு தெரிவிக்கவில்லையே என்னும் கேள்விக்கு, “ஆன்லைன் விளையாட்டுகளே வேண்டாம் என்னும் நிலைப்பாட்டில் இருந்துகொண்டு, ஏன் ஜிஎஸ்டி உயர்த்தப்பட்டது என கேட்பது நியாயமில்லை. அப்படியான விளையாட்டுகள் வாயிலாக கிடைக்கும் பாவப்பட்ட பணம் தேவையில்லை” என்றார். நடைமுறைக்கு வந்த ஆன்லைன் சூதாட்ட தடைச்சட்டம் - இந்த முறை கைக்கொடுகுமா?! அன்று நாடாளுமன்றத்தில், மாநில அரசுகளுக்கு சட்டமியற்ற உரிமை இருக்கிறது என அமைச்சர் சொல்லியிருக்கிறார். தற்போது உரிமையில்லை என மாற்றிப் பேசுகிறார்களே என்னும் கேள்விக்கு, ``மாறுப்பட்ட கருத்துகளின் ஒட்டுமொத்த வடிவம் தான் பா.ஜ.க. அதையெல்லாம் முன்வைத்து வழக்குகளை எதிர்கொள்ள திட்டமிட்டிருக்கிறோம்” என்றார்.
http://dlvr.it/SsVvqM

Read More

`ஸ்மார்ட் சிட்டி திட்டத்தில் ரூ.100 கோடி ஊழல்; தமிழிசை அரசியல்வாதியாகிவிட்டார்!’ - தாக்கும் திமுக

புதுச்சேரி வில்லியனூர் தொகுதி தி.மு.க சார்பில் கலைஞர் நூற்றாண்டு விழா நலத்திட்ட உதவிகள் வழங்கும் பொதுக்கூட்டம் வில்லியனூர் மேலண்ட வீதியில் நடைபெற்றது. இந்தக் கூட்டத்தில் தி.மு.க-வின் கொள்கை பரப்புச் செயலாளரும், நாடாளுமன்ற உறுப்பினருமான திருச்சி சிவா கலந்துகொண்டார். அப்போது பேசிய புதுச்சேரி தி.மு.க அமைப்பாளரும், எதிர்க்கட்சித் தலைவருமான எம்.எல்.ஏ சிவா, ``பல்வேறு பொய் வாக்குறுதிகளைக் கொடுத்து புதுச்சேரியில் ஆட்சிக்கு வந்தது பா.ஜ.க. குறிப்பாக புதுச்சேரிக்கு மாநில அந்தஸ்து பெற்றுத் தருவோம் என்ற வாக்குறுதியை தேர்தலின்போது கொடுத்தார்கள். விழா மேடையில் எதிர்க்கட்சித் தலைவர், எம்.எல்.ஏ சிவா அது குறித்து இதுவரை ஒருபடிகூட முன்னேறியது இல்லை. ஆனால், இன்றளவும் பொய் கூறி வருகின்றனர். மாநில அந்தஸ்துக்காக சட்டப்பேரவையில் தி.மு.க சார்பில் கவன ஈர்ப்பு தீர்மானம் கொண்டுவரப்பட்டு, அரசு தீர்மானமாக ஏற்றுக்கொள்ளப்பட்டது. புதுச்சேரியிலும் மத்தியிலும் தற்போது உங்கள் ஆட்சிதான் நடைபெற்றுக்கொண்டிருக்கிறது. அதனால் அந்தத் தீர்மானத்தை உடனடியாக ஆளுநரிடம் கொடுத்து நிறைவேற்றியிருக்க வேண்டும். ஆனால், இதுவரை அந்த தீர்மானத்தை அனுப்பவில்லை. எதையும் செய்யாமல் பொய் வாக்குறுதிகளைக் கொடுத்து மக்களை ஏமாற்றிவருகின்றீர்கள். உங்களது ஆட்சிக்காலத்தில் புதுச்சேரியில் எந்த வளர்ச்சியும் ஏற்படவில்லை. இரட்டை இன்ஜின் போட்டு ஓட்டுவோம் எனக் கூறினீர்கள். ஆனால், எதுவும் நடக்கவில்லை. புதுச்சேரியில் இருக்கும் ஆளுநர் தமிழிசை, தமிழ்நாட்டு அரசுக்கு நிறைய யோசனைகளை கேலி, கிண்டல், நையாண்டி மூலமாகச் சொல்லிவருகிறார். தமிழ்நாட்டில் குடும்பத் தலைவிக்கு ரூ.1,000/- வழங்கப்படும் என தலைவர் அறிவித்தார். அது மிகப்பெரிய திட்டம். யாருக்கெல்லாம் கொடுக்கலாம் என ஆலோசித்துவருகின்றனர். தமிழிசை செளந்தரராஜன் ஆனால், அதற்குள் ’புதுச்சேரியில் நாங்கள் ரூ.1,000/- உதவித் தொகையை அறிவித்து கொடுத்துவிட்டோம் என ஆளுநர் தமிழிசை கூறுகிறார். வெறும் ரூ.1.33 கோடியில் 13,000 பேருக்கு மட்டும் ரூ.1,000 கொடுத்திருக்கிறார்கள். அதன் பிறகு யாருக்கும் கொடுக்கவில்லை. ஆனால் ‘நாங்கள் புதுச்சேரியில் கொடுத்துவிட்டோம். தமிழகத்தில் நீங்கள் எப்போது அறிவித்தீர்களோ அப்போதிருந்து முன் தேதியிட்டு கொடுப்பீர்களா’ என கேட்கிறார் ஆளுநர் தமிழிசை. நான் அவரைப் பார்த்துக் கேட்கிறேன். புதுச்சேரியில் இதன் பிறகு புதியதாகச் சேர்க்கும் பயனாளிகளுக்கும் அறிவித்த தேதியிலிருந்து சேர்த்துக்கொடுப்பீர்களா? அரசு சார்பு நிறுவனங்களில் பணிபுரியும் 7,000-க்கும் மேற்பட்ட ஊழியர்களுக்கு 40 மாதங்களாக சம்பளம் வழங்கப்படவில்லை. பொதுப்பணித்துறையில் பணிபுரியும் ஊழியர்களுக்கு ரூ.18,000/- ஊதியம் உயர்த்தப்பட்டும் இதுவரை வழங்கப்படவில்லை. இதுபோல் பல பிரச்னைகள் இருக்கின்றன. அதையெல்லாம் சரிசெய்ய உங்கள் கட்சி எம்.எல்.ஏ-க்கள் கோரிக்கை வைக்கவில்லை. கேபினெட்டில் முடிவுசெய்யவில்லை. ஆனால், `பெண் குழந்தைகளுக்காக ரூ.50,000 வழங்கப்படும்' என அறிவித்தீர்கள். 22 வருடங்கள் கழித்து அவர்களுக்கு எத்தனை லட்சம் வரும் என்பதைக்கூட உங்களால் சொல்ல முடியவில்லை. கலைஞர் நூற்றாண்டு விழா பொதுக்கூட்டம் `துறைமுகத்தில் கப்பல் வந்துவிட்டது, இனி எந்தப் பிரச்னையும் இல்லை' என ஆளுநர் கூறினார். ஒரு டன்னுக்கு ரூ.1 என வசூலித்து தனியாருக்கு ஒட்டுமொத்த துறைமுகத்தையும் தாரைவார்த்துக் கொடுத்திருக்கின்றனர். அதானி கப்பல்தான் வருகிறது. அதில் ஊழல் நடக்கிறது என ஊரே கூறுகிறது. இதற்குகூட ஆளுநர் பதில் கூறுவதில்லை. தமிழிசை அவர்கள் ஆளுநர் பதவியிலிருந்து அரசியல்வாதியாக மாறிவிட்டார். புதுச்சேரியின் துணைநிலை ஆளுநர் என்று இதுவரை அவருக்கு மரியாதை கொடுத்திருந்தோம். ஆனால், நீங்கள் பக்காவாக ரோட்டில் இறங்கி அரசியல் பேசுகிறீர்கள். அதனால் நாங்களும் அவரை முழு அரசியல்வாதியாக நினைத்து கேள்விகளைக் கேட்கிறோம். அதற்கு பதில் கூறுங்கள். `புதுச்சேரி மாநிலத்தின் கடன் தள்ளுபடி செய்யப்படும்' எனக் கூறினீர்கள். இதுவரை எவ்வளவு கடனைத் தள்ளுபடி செய்திருக்கிறீர்கள். `ரேஷன் கடையைத் திறந்து அனைத்தும் கொடுப்போம்' எனக் கூறினீர்கள். ஆனால், ரேஷன் கடையே இல்லாத மாநிலமாக புதுச்சேரி இருக்கிறது. ஜிப்மருக்கு எதிராகப் போராட்டம் நடத்தும்போதெல்லாம் ஜிப்மருக்குச் சென்று ஆய்வுசெய்துவிட்டு, வெளியே வந்து எல்லாம் சரியாக இருக்கிறது, கட்டணம் ஏதும் வாங்கப்படுவதில்லை எனக் கூறுகிறீர்கள். இதுவரை ஜிப்மர் மருத்துவமனையில் மருத்துவ சீட்டை உயர்த்திக் கொடுத்திருக்கிறீர்களா? `ஸ்மார்ட் சிட்டி திட்டத்தில் ஊழல், ரூ.5 கோடி கைமாறியிருக்கிறது!' – சி.பி.ஐ விசாரணை கோரும் நாராயணசாமி புதுச்சேரி மாநில மக்களின் வேலைவாய்ப்பு அங்கு பறிக்கப்பட்டிருக்கிறது. அதைத் தடுத்திருக்கிறீர்களா... `மருந்துகள் இல்லை. வெளியே சென்று வாங்கிக்கொள்ளுங்கள்' எனக் கூறுகிறார்கள். மருந்துகள் வாங்கிக் கொடுத்திருக்கிறீர்களா இதுவரை இல்லை. புதுச்சேரியில் நடக்கும் ஸ்மார்ட் சிட்டி திட்டத்தில் ரூ.100 கோடி அளவில் ஊழல் நடந்திருப்பதாக நான் கூறுகிறேன். ஊழல் நடக்கவில்லை என நீங்கள் கூறுங்கள். ஊழல் நடந்ததற்கான ஆதாரங்களை நாங்கள் தருகிறோம். முழுக்க முழுக்க பொய் சொல்லக்கூடிய அரசாங்கம்தான் தற்போது புதுச்சேரியில் இருக்கிறது. பொய்களைச் சொல்லி மீண்டும் ஆட்சிக்கு வந்துவிடலாம் என நினைக்கிறார்கள்” என்றார்.
http://dlvr.it/SsS5S8

Read More

``செந்தில் பாலாஜிக்காக துடித்த முதல்வர், பொன்முடிக்காக துடிக்கவில்லையே... ஏன்?’ - கே.பி.ராமலிங்கம்

எதிர்க்கட்சிகளின் பெங்களூரு கூட்டத்தில் முதல்வர் ஸ்டாலின் பங்கேற்றது தொடர்பாக பாரதிய ஜனதா கட்சியின் சார்பில் தமிழகத்தின் பல்வேறு இடங்களில் செய்தியாளர் சந்திப்பு நடைபெற்றது. அதனடிப்படையில், நாமக்கல் மாவட்ட பா.ஜ.க அலுவலகத்தில் அந்தக் கட்சியின் மாநில துணைத் தலைவர் கே.பி.ராமலிங்கம் தலைமையில் செய்தியாளர் சந்திப்பு நடைபெற்றது. பேட்டியளிக்கும் கே.பி.ராமலிங்கம் அப்போது பேசிய அவர், "மேட்டூர் அணையில் நீர்மட்டம் குறைந்துவரும் நிலையில், கடைமடைப் பகுதி வரை விவசாயம் மற்றும் குடிநீர்த் தேவைகளுக்கு நீர் பற்றாக்குறை ஏற்படும். இதனால், விவசாயிகள் மற்றும் பொதுமக்கள் பாதிக்கப்படுவார்கள். கர்நாடக மாநிலத்தில் மேக்கேதாட்டூவின் குறுக்கே அணை கட்டுவது, நிலுவையிலுள்ள காவிரி நீரை வழங்க மறுப்பது போன்ற சூழ்நிலையில், அங்கு நடக்கும் எதிர்க்கட்சிகள் கூட்டத்தில் தமிழக முதலமைச்சர் கலந்துகொண்டது முறையான செயல் அல்ல. காவிரியில் திறந்துவிட வேண்டிய நீர் மற்றும் மேக்கேதாட்டூ அணை விவகாரம் குறித்து அந்த மாநில முதல்வர் மற்றும் துணை முதல்வரிடம் தமிழக முதலமைச்சர் தன்னுடைய நிலையை தெளிவுபடுத்த வேண்டும். ஆனால், அவர் அதைப் பற்றி கோரிக்கை வைக்க மாட்டேன் எனப் பேட்டியில் முன்கூட்டியே கூறியது, தமிழக மக்களை ஏமாற்றும் செயலாக இருக்கிறது. ஆனால், தமிழகத்திலிருந்த முன்னாள் முதல்வர்கள் எம்.ஜி.ஆர், கருணாநிதி, ஜெயலலிதா ஆகியோர் கர்நாடகா செல்லும்போதெல்லாம் தமிழகத்தின் கோரிக்கை குறித்து தெளிவுபடுத்தி வந்தனர். கரூர்: கணவரோடு தொடர் சண்டை; இரண்டு குழந்தைகளோடு இளம்பெண் எடுத்த `துயர' முடிவு! ஆனால், தாங்கள் செய்கின்ற தவறுகளிலிருந்து தப்பித்துக்கொள்வதற்காக இது போன்ற கூட்டங்களை எதிர்க்கட்சிகள் நடத்திவருகின்றன. மேக்கேதாட்டூவில் அணை கட்ட முடியாது என்று மத்திய நீர்வளத்துறை அமைச்சர், கர்நாடகாவில் பா.ஜ.க ஆட்சியில் இருந்தபோதே நாடாளுமன்றத்தில் இது குறித்து தெளிவுபடுத்தியிருக்கிறார். அணை கட்டும் விவகாரத்தில் தமிழக பா.ஜ.க-வும் அதை எதிர்த்தது. வருகின்ற 23-ம் தேதி தமிழகம் முழுவதும் ஊழல் தி.மு.க அரசு மற்றும் ஊழல் தி.மு.க அமைச்சர்களைக் கண்டித்தும், ஊழல் ஆட்சியை அகற்ற வேண்டியும், ஊராட்சிகள், நகராட்சிகள் வார்டுகள் வாரியாக கண்டன ஆர்ப்பாட்டம் நடைபெறவிருக்கிறது. தமிழக வரலாற்றில் வார்டுகள் வாரியாக கண்டன ஆர்ப்பாட்டம் நடத்துவது இதுவே முதல் முறையாகும். அமலாக்கத்துறை மற்றும் ஆளுநர் ஆகியோரின் செயல்பாடுகள் மறைமுகமாக தி.மு.க-வுக்குப் பிரசாரமாக அமையும் என தமிழக முதல்வர் கூறியிருப்பதை பொதுமக்கள் உட்பட யாரும் ஏற்றுக்கொள்ள மாட்டார்கள். அமைச்சர்கள்மீது தவறு இருந்து சிறைச்சாலை வரை சென்று அவர்கள் அடைக்கப்பட்ட நிலையிலும் அவர்களை அமைச்சராக நீடிக்கச் செய்வது அரசியல் மாண்பு இல்லை. பேட்டியளிக்கும் கே.பி.ராமலிங்கம் பள்ளிக்கல்வித்துறை அமைச்சர் அன்பில் மகேஸ் வெளிநாடு சென்று வந்தது, அமலாக்கத்துறையின் தொடர் சோதனைகள் போன்றவற்றின் தொடர்ச்சியாக பல ஊழல்கள் வெளிவரும் சூழ்நிலை ஏற்பட்டிருக்கிறது. செந்தில் பாலாஜி போன்ற ஊழல்வாதிகளைக்கொண்ட தி.மு.க-வினர் ஊழல் குறித்துப் பேச தகுதியில்லை. அ.தி.மு.க உள்ளிட்ட 30 கட்சிகளோடு பா.ஜ.க கூட்டணி பலமாக இருக்கிறது. நாங்கள் பிரதமர் வேட்பாளர் நரேந்திர மோடி என்பதை அறிவித்து வருகிறோம். ஆனால், எதிர்க்கட்சிகள் தங்களுக்குள் பிரதமர் வேட்பாளர் யார் என்றுகூட கூற முடியாத நிலையில் இருக்கின்றனர். தி.மு.க மட்டுமல்லாது, அ.தி.மு.க அமைச்சர்கள் மீதும் உள்ள வழக்குகளில் விசாரணை நடந்து வருகிறது. எந்த அரசியல் ஆதாயத்துக்காகவும், எந்த வழக்குகளையும் பா.ஜ.க இதுவரை வாபஸ் பெறவில்லை. பா.ஜ.க மத்திய அமைச்சர்கள்மீது எந்தவிதமான குற்ற முகாந்திரமும் இல்லை என வழக்குகளிலிருந்து அவர்கள் விடுவிக்கப்பட்டிருக்கின்றனர். ஆனால், அரசியல் ஆதாயங்களுக்காக அவர்கள்மீது பொய்யான விமர்சனங்களை எதிர்க்கட்சிகள் கூறி வருகின்றன" என்றார். தொடர்ந்து சேலத்தில் செய்தியாளர்களைச் சந்தித்த கே.பி.ராமலிங்கம், ``தமிழகத்துக்குப் பாசனத்துக்காக மூன்றேகால் லட்சம் ஏக்கருக்கு தண்ணீர் தேவைப்படுகிறது. மேட்டூர் அணையில் 73 அடியில், 46 டி.எம்.சி தண்ணீர் மட்டுமே இருக்கிறது. குறுவை முழுமையாக விளைச்சலுக்கு வந்து சேருகின்ற வரை பாசனத்துக்கு 331 டி.எம்.சி தண்ணீர் தேவைப்படும். இப்போது தமிழக அரசு 10,000 கனஅடி நீரை பாசனத்துக்கு விடுவிக்கிறது. பாசனத்துக்கு இன்னும் 25 நாள்களுக்கு மட்டுமே தண்ணீர் விடுவிக்க முடியும். குடிநீர்த் தேவை இன்னும் நூறு நாள்களுக்கு மட்டுமே பூர்த்தியாகும். எந்த அளவுக்கு அவசர சூழ்நிலை என்பதை தமிழக முதலமைச்சர் உணரவில்லை” என்றார். மேலும் தொடர்ந்தவர், ``தமிழக முதல்வர் நியாயமாகப் பதவி விலக வேண்டும். சட்டத்துக்கு எதிராகச் செயல்பட மாட்டோம் என்று ஆட்சிப் பொறுப்பேற்ற தமிழக முதல்வர், குற்றவாளியைப் பாதுகாக்கலாமா... அவருக்கு ஆதரவாகச் செயல்படலாமா... குற்றவாளி விசாரணைக் கைதி, சிறையில் அடைக்கப்பட்ட பிறகும், அமைச்சராக வைத்திருக்கிறார் என்றால் இந்தக் குற்றத்துக்கு முதல்வர் துணை போகிறார் என்ற சந்தேகம் எழுந்திருக்கிறது. குற்றவாளியைப் பாதுகாக்கின்ற முதலமைச்சர், குற்றத்தின் பின்னணியில் தமிழக முதல்வரும் இருக்கிறாரா என்று சந்தேகம் எழுந்திருக்கிறது. செந்தில் பாலாஜியின் வீட்டில் சோதனை நடந்தபோது தமிழக முதல்வர் எவ்வாறு துடித்தார்... ஆனால், பொன்முடி வீட்டில் சோதனை நடக்கும்போது அவ்வாறு துடிக்கவில்லை. இந்த வழக்கு பொன்முடியுடன் செல்கிறது. ஆனால், செந்தில் பாலாஜியின் வழக்கு தமிழக முதல்வர் வீடு வரை செல்கிறது. செந்தில் பாலாஜி வழக்கின் ஆணிவேர் முதல்வர் குடும்பத்துக்குள் இருக்கிறது” என்றார்.
http://dlvr.it/SsPJjD

Read More

`சிவப்புச் சட்டைக்காரனைக் காணோம்' 1983-ல் எகிறிய தக்காளி விலை... ஜூ.வி வெளியிட்ட கவர் ஸ்டோரி!

காய்கறிகளின் விலை என்பது கடந்த சில வாரங்களாகவே இந்தியா முழுவதிலும் எண்ணிப்பார்க்க முடியாத அளவுக்கு உயர்ந்து, எளிய மக்களை வாட்டி வதைக்கிறது. அதிலும் குறிப்பாக காற்கறிகளில் அத்தியாவசியமான ஒன்றான தக்காளியின் விலை கிலோ ஒன்றுக்கு ரூ.100, ரூ.150, ரூ.200 என ஒவ்வொரு மாநிலத்திலும் ஒன்றுக்கொன்று சளைத்ததல்ல என்ற அளவுக்கு எகிறிக்கொண்டிருக்கிறது. வடமாநிலங்களில் கனமழை பாதிப்பு, விளைச்சல் பாதிப்பு, போக்குவரத்து சிக்கல் போன்றவை இதற்குக் காரணிகளாகக் கூறப்படுகின்றன. இத்தகைய விலையேற்றத்தால் ஒரே நாளில் தக்காளி விற்றே பணக்காரரானவரும் இங்கு உண்டு, தக்காளி விற்ற பணம் வைத்திருந்ததால், கொள்ளையர்களால் கொல்லப்பட்ட விவசாயியும் இங்கு உண்டு. இவ்வாறான விலையேற்றம் ஒவ்வொரு காலகட்டத்திலும் நடப்பதும், பின் நிலைமை சீர் ஆவதும் இயல்பாகி விட்டது. கிட்டதட்ட 40 ஆண்டுகளுக்கு முன்னரும் தக்காளி விலையேற்றத்தால், மக்கள் அவதிபட, அப்போது வெளியான ஜூ.வியில் அது குறித்து கவர் ஸ்டோரி வெளியானது. தக்காளி1983-ம் ஆண்டு, ஜூலை 20 தேதியிட்ட ஜூனியர் விகடனில் `காய்கறியிலும் கறுப்பு மார்க்கெட்டா?' என்ற தலைப்பில் கட்டுரை வெளிவந்திருக்கிறது. அந்தக் கட்டுரை இங்கே... கடந்த ஆண்டு, இதே ஜூலை மாதத்தில் தள்ளுவண்டிகளில் தக்காளி தெருத் தெருவாக சென்னை நகரை வலம் வந்துகொண்டிருந்தது! `தக்காளி... தக்காளி' என்று வண்டிக்காரரின் பின்னணி இசை வேறு! இந்த ஆண்டு இந்த ஜூலையில், சுருக்கமாகச் சொன்னால் தக்காளி மத்தியதர வகுப்பினருக்கு எட்டாத ஒரு கனியாக வேடிக்கை காட்டிக்கொண்டிருக்கிறது. சில்லறை வியாபாரிகளிடம் ஜூலை 9-ம் தேதியன்று தக்காளி கிலோ 9 ரூபாய், 10-ம் தேதி கிலோ 10 ரூபாய், 11-ம் தேதி கிலோ 11 ரூபாய், 12-ம் தேதி கிலோ 12 ரூபாய் என்று தேதியோடு போட்டி போட்டுக்கொண்டு விலையேறிவந்தது தக்காளி. தக்காளிக்கு இந்த மதிப்பு என்றால், கடைகளில் `தூக்கில்' தொங்கிக்கொண்டிருந்த வாழைக்காய்களுக்குத் தனி மரியாதை. முதன்முறையாக வாழைக்காய்கள் கூடையில் வைக்கப்பட்டு விற்கப்படுவதை பல மார்க்கெட்டுகளில் சென்னை மக்கள் பார்த்தார்கள்! இந்த அமாவாசையில் வாழைக்காய் கிடைக்கவேயில்லை. கிடைத்த சில இடங்களில் ஒரு வாழைக்காயின் விலை 80 பைசாவிலிருந்து ஒரு ரூபாய் வரை! ``வாழைத்தண்டே கிலோ அஞ்சு ரூபாங்க... அப்படீன்னா காய் விலை சும்மாவா இருக்கும்?'' என்று ஒரு வியாபாரி சீறினார். சமீப சென்னை நகர திருமணங்களில் வாழைக்காய் சிப்ஸ்களுக்கு பதிலாக, பிளாஸ்டிக் பைகளில் விற்கப்படும் நேந்திரங்காய் சிப்ஸ்களைக் கடைகளில் வாங்கி இலைகளில் தூவிச் சென்றதைப் பார்த்த அனுபவம் எல்லோருக்கும் இருக்கிறது. எட்டாமல்போன தக்காளியும், காணாமல்போன வாழைக்காயும் மட்டுமல்லாமல், இந்த முறை வரலாறு காணாத அளவுக்கு சென்னை நகரில் எல்லாக் காய்கறி விலையுமே ஏறிவிட்டன. ``இது உண்மைதான். 30 வருட அனுபவத்தில் இப்படியொரு விலையேற்றத்தை நாங்கள் கண்டதில்லை" என்று ஒப்புக்கொண்டனர், கொத்தவால் சாவடி வியாபாரிகளிலிருந்து சில்லறை வியாபாரிகள் வரை.காய்கறியிலும் கறுப்பு மார்க்கெட்டா? - ஜூனியர் விகடன் சென்னை நகரில் காய்கறி விலையைக் கட்டுப்படுத்தும் மிகப்பெரிய மார்க்கெட் கொத்தவால் சாவடிதான். அதைத் தவிர 120 மார்க்கெட்டுகள் நகரில் இருக்கின்றன. கிட்டத்தட்ட 15,000 காய்கறி வியாபாரிகள் இருப்பதாக ஒரு கணக்கு சொல்கிறது. வெளி மார்க்கெட்டுகளில் தக்காளி கிலோ 12 ரூபாய் விற்ற 12-ம் தேதியன்று, கொத்தவால் சாவடியில் மொத்த விற்பனை ரேட்டில் கிலோ 6 ரூபாய் விற்கப்பட்டுக்கொண்டிருந்ததை, இரண்டு கண்களாலும் பார்த்தோம்! ஏ.எஸ்.குருசாமி, ஏ.டி.பஷீர் போன்ற தக்காளி பெரு வியாபாரிகள், ``போன வருஷம் இதே நேரம் கிலோ 40 பைசாவுக்குத் தக்காளி போச்சுங்க" என்றார்கள். விலையேற்றத்துக்கு அவர்களே சற்று கூச்சப்பட்டார்கள்! அவர்கள் சொன்னார்கள்: ``இந்த வருஷம் தமிழ்நாட்டிலே தக்காளி ஸீட்ஸ் ஃபெயிலியர் ஆயிட்டுது. செடி முளைச்சுது. ஆனா காயைக் காணோம். தமிழ்நாட்டிலே திண்டுக்கல்தான் ஏற்றுமதி சென்டர். அங்கேயிருந்து ஒரு தக்காளிகூட வரவில்லை. மதனபள்ளியிலிருந்து மட்டும் வந்துக்கிட்டிருக்கு. சாதாரணமா சென்னை நகருக்கு 200 டன் முதல் 250 டன் வரை தக்காளி வேணும். மதனபள்ளியிலிருந்து ரெண்டு மூணு லோடுதான் வருது. சரக்கு அனுப்புறவன் டிமாண்டைத் தெரிஞ்சுக்கிட்டு, `இன்ன விலைக்கு வித்துடு’னு டிக்டேட் பண்றான். வேறு வழியில்லை. போட்டி போட்டுக்கிட்டு விலை அதிகம் கொடுத்து வாங்க வேண்டியிருக்கு. இல்லேன்னா சரக்கை இங்கே அனுப்ப மாட்டான். லாஸ்ட் இயர் பம்பர் விளைச்சல். கேட்ட விலைக்குக் கொடுத்தான்... இந்த விலையேற்றம் சரித்திரத்தில் இல்லை. ரிக்கார்டு பிரேக்!'' கொத்தவால் சாவடியில் விலையற்றமும் இறக்கமும் எப்படி நடக்கிறது என்பதைச் சில வியாபாரிகள் தமாஷாகச் சொன்னார்கள். கேட்டபோது நமக்கு பகீரென்றது.காய்கறி காலையில் மூன்று மணிக்கு இரண்டு லாரிகளுக்கு மேல் தக்காளி வரவில்லை என்றால் ஒரு விலை இருக்கும்! `மூணாவது லாரி வருது' என்று பேச்சு வந்தவுடன் விலையில் 5 ரூபாய் குறைகிறது. `செக் போஸ்ட்டில் இன்னும் இரண்டு லாரி நிற்கிறது' என்று தகவல் வந்தால் மேலும் விலை குறைகிறது! கூடைகளில் 5 கிலோவாகத் தக்காளி விற்கப்படுகிறது. மேலோட்டமாகப் பார்த்தால், இந்த மொத்த வியாபாரிகளிடம் உள்ள தக்காளிக்கும், சில்லறைக் கடைக்கு வரும் தக்காளிக்கும் அதிக வித்தியாசம் இருப்பதாகத் தெரியவில்லை. அப்படியானால் கிலோ 6 ரூபாய் தக்காளியை 12 ரூபாய்க்கு வெளிமார்க்கெட்டில் விற்பது எப்படி சரியாகும்... சில்லறை வியாபாரிகள் என்ன செய்கிறார்கள் என்று கவலைப்பட கொத்தவால் சாவடி வியாபாரிகளுக்கு நேரமில்லை. சென்னையில் இந்த வருடம் கிலோ 15 ரூபாய் வரை விலையேறிய மற்றொன்று பச்சை மிளகாய். உண்மையில் மிளகாயின் விலையேற்றமும் இன்னும் குறையவில்லை. 100 கிராம் ஒரு ரூபாய் என்று வெளிமார்க்கெட்டில் விற்றுக்கொண்டிருக்கிறார்கள். அதாவது, ஒரு கிலோ 10 ரூபாய் ஆகிறது. கொத்தவால் சாவடியில் அதேநேரத்தில் (மொத்த வியாபார விலை) கிலோ 5 ரூபாய்தான். ``பச்சை மிளகாய் விலை முப்பது வருடங்களில் இப்படி ஏறியதில்லை" என்று சொன்னார்... பச்சை மிளகாய், இஞ்சி, சேனை, சேப்பக்கிழங்கு வியாபாரிகள் சங்கத் தலைவர் ஜி.சண்முகசுந்தரம். ``பச்சை மிளகாய் இந்த சமயத்தில் ஹூப்ளி, பெல்காம் பகுதியிலிருந்து வரணும்; வரவில்லை. பண்ருட்டியிலிருந்து மட்டும் வந்துகொண்டிருக்கிறது. அங்கே சீஸன் முடிந்திருக்க வேண்டும். லேட்டாக மழை பெய்ததால் கொஞ்சம் மிளகாய் காய்ந்துவருகிறது" என்றார் சண்முகசுந்தரம். ``சேனையும் சேப்பக்கிழங்கும் மார்க்கெட்டில் சிரிப்பாய் சிரிக்கும்... அதுகூட விலையேறிக் கிடக்கிறதே..?!" ``ஒரு ஏக்கராவில் விளையும் சேனை, பத்தாயிரம் ரூபாய்க்கு இருந்தது. இப்போது ஒரு ஏக்கராவில் விளையும் சேனை 18 ஆயிரம் ரூபாயிலிருந்து முப்பதாயிரம் ரூபாய் வரைக்கும் போகிறது. ஏதாவது கேட்டால் `பம்பாய் மார்க்கெட் எங்களுக்கு நன்றாக இருக்கிறது' என்று சொல்கிறார்கள். பம்பாய் ரேட் பார்த்து வாங்கவேண்டியிருக்கிறது. சேப்பக்கிழங்கு வட ஆற்காடு மாவட்டத்திலிருந்து வர வேண்டும். அங்கே மழையில்லை. நெல்லூர் பக்கத்திலிருந்து வருகிறது. இஞ்சி கிலோ 10 ரூபாய்க்கு நாங்களே விற்றோம். இப்போது 5 ரூபாய். இங்கே கூடலூரிலிருந்தும் கேரளாவிலிருந்தும் இஞ்சி வரணும். கேரளாவில் நல்ல மழையாம்! இஞ்சி விலை குறையும்" என சண்முகசுந்தரம் கூறினார்.கோயம்பேடு மார்க்கெட் சென்னை நகருக்கு 200 மூட்டை பச்சை மிளகாய் தேவையாம். ஒரு மூட்டையில் 50 கிலோ மிளகாய்! கொத்தவால் சாவடியில் வாழைக்காய் விற்கப்படும் பகுதிக்கு வந்தபோது, அங்கே 100 காய்கள் 30 ரூபாயிலிருந்து 45 ரூபாய் வரை விற்றுக்கொண்டிருந்தன. அழுகல், பழுத்து விட்டது என்றெல்லாம் ஒதுக்குவதற்கு அதில் ஏதும் இருக்கவில்லை. பெரிய வாழைக்காய் ஒன்று எப்படிப் பார்த்தாலும் விலை 50 பைசாவுக்குமேல் அங்கே இல்லை. மழையில்லையென்றும், புயலில் (எப்போது அடித்ததாம்?) வாழை மரங்கள் போய்விட்டன என்றும், வாழைக்காய் விலையேற்றத்துக்கும், கிடைக்காமல் இருப்பதற்கும் காரணம் கொடுக்கப்படுகிறது. ஆடி பத்தாம் தேதிக்கு மேல் வாழைக்காய் விலை இறங்கும் என்று ஜோசியம் சொன்னார் ஒரு மொத்த வியாபாரி. 12-7-83-ம் தேதியன்று முட்டைக்கோஸ் ஒரு கிலோ 2.80 ரூபாய், காரட் ஒரு கிலோ 2.75 ரூபாய், நூல்கோல் ஒரு கிலோ 2 ரூபாய், பீட்ரூட் ஒரு கிலோ 1.50 ரூபாய், பீன்ஸ் ஒரு கிலோ 1.25 ரூபாய் என்று கொத்தவால் சாவடியில் `ஹோல்ஸேல் ரேட்' இருந்தது. ``இன்னும் இரண்டு வாரங்களில் இங்கிலீஷ் காய்கறி விலை குறையும்" என்றார் ஏ.எஸ்.தேவராஜுலு நாயுடு. உருளைக்கிழங்கு! இதன் விலை எப்படி இருந்தாலும் சில நாள்களாக இதைச் சாப்பிடும்போது நகரவாசிகளுக்கு ஒரு சந்தேகம் வந்துவிடுகிறது. ``இது என்ன ஸ்வீட்டாக இருக்கிறது! சர்க்கரைவள்ளிக்கிழங்கா?" என்று சாப்பிடும்போது சந்தேகத்துடன் கேட்டவர்கள் உண்டு. உருளைக்கிழங்கு தித்திப்பது உண்மைதான். காரணம் கேட்டபோது, கொஞ்சம் தயங்கிவிட்டு, சிரித்தவாறு கொத்தவால் சாவடி வியாபாரி ராஜா முகமது கூறினார்: ``தமிழ்நாட்டிலே ஃபிரஷ் கிழங்கைச் சாப்பிட்டுத்தான் பழக்கம்! இப்போதான் முதல் தடவையா வடக்கே Cold Storage-ல் வைத்த உருளைக்கிழங்கு சாப்பிடுறீங்க! அதுவும் நாலு மாசமா ஐஸ் பெட்டியில் இருக்கிற கிழங்கு! அதனாலே பழுத்து ஸ்வீட்டாயிருக்கு! அதோட, பஞ்சாப்பிலே சந்திரமுகி பக்கம் விளைகிற உருளைக்கிழங்கு இயற்கையா கொஞ்சம் ஸ்வீட்டாகவும் இருக்கும்."காய்கறி வியாபாரம் ``மேட்டுப்பாளையம் உருளைக்கிழங்கு விலை கட்டுப்படி ஆகவில்லை. டில்லி, கல்கத்தாவில் ஐஸ் பெட்டியில் வைத்திருக்கும் உருளைக்கிழங்கை வாங்க வேண்டியதாகிவிட்டது. டிசம்பர், ஜனவரியில் உ.பி., பஞ்சாப்பில் உருளைக்கிழங்கு நன்றாக விளையும். அதை குளிர் ஸ்டோரேஜில் வைத்து ஜூன் மாதம் ரிலீஸ் செய்கிறார்கள். லாரி சார்ஜ் வேறு ஏறிவிட்டது. டில்லியிலிருந்து 10 டன் ஏற்றி வரும் ஒரு லாரிக்கு 7,000 ரூபாய் சார்ஜ். போன மாதம் இங்கேயிருந்து மாம்பழம் ஏற்றிக்கொண்டு லாரிகள் வடக்கே போயிற்று. திரும்பி காலியாக வராமல், கிழங்கை ஏற்றிவந்தார்கள். அப்போது லாரி சார்ஜ் ஆயிரம் ரூபாய் குறைத்தார்கள். சென்னைக்கு 20 லாரி லோடு கிழங்கு தேவை. ஏழு அல்லது எட்டு லோடுதான் வருகிறது. அதனால் மார்க்கெட் விலையில் கெடுபிடி" என்றார் உருளைக்கிழங்கு மொத்த வியாபாரிகள் சங்கத் தலைவர் வெங்கட்ராமன் செட்டியார். உருளைக்கிழங்கில் குவாலிட்டி வித்தியாசம் உண்டு. முதல் ரகம் ரூ.2.40 முதல் ரூ.2.50 வரை கொத்தவால் சாவடியில் விற்கப்பட்டது. அடுத்த ரகம் 2 ரூபாய்க்கு விற்றது. ஆனால், வெளி மார்க்கெட்டில் கிலோ 4 ரூபாய் முதல் ஐந்து ரூபாய் வரை! முக்கால்வாசி இரண்டாவது ரகம்தான். சென்னை நகரில் கொத்தவால் சாவடி விலைக்கும், சில்லறைக் காய்கறிக் கடைக்கும் உள்ள வித்தியாசம் மலைக்கும் மடுவுக்கும் உள்ள வேறுபாடு. ``உண்மைதான்... சில்லறை வியாபாரிகளைக் கட்டுப்படுத்த இயலவில்லை" என்கிறார் அழுகும் பொருள் வியாபாரிகள் செயலாளர் எஸ்.சூரிய நாராயணன். ``மக்களுக்கு அன்றாடத் தேவையான காய்கறிகளின் விலையை இஷ்டத்துக்கு விற்பது என்பதும் கறுப்பு மார்க்கெட்தானே! மக்கள் கூட்டமாக முந்துகிறார்கள் என்று சினிமாக்களுக்கு கள்ள மார்க்கெட்டில் டிக்கெட் விற்பதற்கும், வெளி மார்க்கெட்டில் அநியாய விலையில் காய்கறி விற்பதற்கும் என்ன வித்தியாசம்?" இந்தக் கேள்விக்கு பதில் சொல்ல `ஷை'யாகத்தான் தயங்கினார் சூரியநாராயணன். அழுகும் பொருளைப் பதுக்கிவைக்க முடியாது என்ற அவருடைய பதில்கள் நமக்கு எளிதில் திருப்தி தராது. அழுகாமல் இருந்தால் இன்னும் என்ன நடக்குமோ? சூரியநாராயணன் சொன்னார்: ``1962-ல் அரசு ஓர் உத்தரவு போட்டது. கொத்தவால் சாவடி விலையிலிருந்து 20 சதவிகிதம் அதிகமாக விலையை ஏற்றி, சில்லறை வியாபாரிகள் காய்கறிகளை விற்கலாம் என்றார்கள். கொத்தவால் சாவடியைப் பொறுத்தவரையில் ஹோல்சேல் ரேட்டும், சில்லறை வியாபார ரேட்டும் ஒன்றுதான்.காய்கறி ஆனால், இன்று 20 சதவிகிதம் என்பது போதாது. 30 சதவிகிதம் விலையை ஏற்றி விற்பது நியாயமானது. இங்கே தக்காளி 6 ரூபாய் வெளி மார்க்கெட்டில் 7.50 ரூபாய் விற்கலாம். 8 ரூபாய்கூட இருப்பதில் தவறு இல்லை. ஆனால், 10 ரூபாய், 12 ரூபாய் என்று சில்லறை வியாபாரிகள் விற்பது சரியல்ல. இதைத் தடுக்க அரசாங்கமே வழிசெய்ய வேண்டும். கொத்தவால் சாவடி வியாபாரிகள் மொத்த விற்பனை ரேட்டிலேயே எவ்வளவு வேண்டுமானாலும் அரசுக்குக் காய்கறிகளைத் தரத் தயாராக இருக்கிறார்கள். அரசு அதை 30 சதவிகித மார்ஜின் வைத்து பொதுமக்களுக்கு நியாய விலைக் கடைகளைத் திறந்து விற்கட்டும். விலை கட்டுக்குள் வரும். கொத்தவால் சாவடியில் என்ன விலைக்குக் காய்கறிகள் இருக்கின்றன என்பதை மக்களுக்கு ரேடியோ, டி.வி., பத்திரிகைகள் மூலம் தெரியப்படுத்த வேண்டும். அப்போதுதான் அதிகம் விற்பவருக்கு ஒரு Moral Fear ஏற்படும். உண்மை மக்களுக்குத் தெரியும் என்று பயப்படுவார்கள். 1962 முதல் 1967 வரை அரசு இப்படி, கொத்தவால் சாவடி விலையை மக்களுக்கு தெரியப்படுத்தியது" என்றார். இவரே அண்மையில் அவசரத்துக்கு வாழைக்காய் 80 பைசா கொடுத்து வாங்க நேர்ந்ததாம்! சில்லறை காய்கறி வியாபாரத்தில் முன்பிருந்த கட்டுப்பாடு, நாணயம் இப்போது குறைந்திருக்கிறது என்பது பொதுமக்களின் கருத்தும்கூட! சென்னை நகரத்தில் ஒரு பெரிய `கவர்ச்சி' மார்க்கெட்டில், இஷ்டம்போல் விலை ஏற்றப்படுவதைப் பார்க்க முடிந்தது. பட்டாணி கிலோ 19 ரூபாய் என்றால், அந்த மார்க்கெட்டில் சிலர் அரை கிலோ 19 ரூபாய் என்று லிஸ்ட்டில் போட்டுக் கூட்டியிருந்தார்கள்! ஒருவர் காய்கறி வாங்கி லிஸ்ட்டில் கணக்கு பார்த்தபோது, அன்றைய தேதியும் விலையோடு சேர்த்துக் கூட்டியிருப்பது பார்த்தார், சண்டை போட்டார்! ``பணம் பண்ண வேண்டும் என்ற பேராசை இந்த வியாபாரிகளுக்குப் பிடித்துக்கொண்டுவிட்டது. நான் என் பிள்ளைகளை இந்தத் துறையில் நுழைக்க மாட்டேன். மரியாதை போய்விட்டது" என்றார் இந்த மார்க்கெட்டில் நீண்டநாளாகக் காய்கறி வியாபாரம் செய்யும் ஒருவர். ``இப்படி விலையை இஷ்டப்படி ஏற்றுகிறீர்களே! கொத்தவால் சாவடி வியாபாரிகள் என்ன சொல்கிறார்கள் தெரியுமா!?" என்று முடிப்பதற்குள்ளேயே ``அவர்களுக்கென்ன... ஏதாவது சொல்லி தப்பித்துக்கொள்வார்கள்" என்று சீறுகிறார்கள் சில்லறை வியாபாரிகள். ஆனால், இதே மார்க்கெட்டில் வியாபாரிகள் வாழைக்காயை 80 பைசாவுக்கு விற்று ``கொத்தவால் சாவடியிலேயே 80 பைசாதான்" என்று சொல்வதைக் கேட்க முடிந்தது.கோயம்பேடு மார்க்கெட் விலையேற்றத்தில் சில்லறைக் காய்கறி வியாபாரிக்கு பங்கு இருக்கத்தான் செய்கிறது என்பது வெளிப்படையாகவே தெரிகிறது. சில ஆண்டுகளுக்கு முன்பு, `நிறைய நியாய விலை காய்கறிக் கடைகள் திறக்கப்படும். வேலையற்ற பட்டதாரிகளுக்கு சைக்கிளில் காய்கறி எடுத்துச் சென்று விற்க வசதி செய்து தரப்படும்' என்றெல்லாம் பரபரப்பாக அறிவிப்புகள் வந்தன. எதுவும் நிறைவேறவில்லை. உருளைக்கிழங்கும் தக்காளியும் விலையேறிக்கொண்டேதான் இருக்கின்றன. வெங்காயம் `இன்னும் விலை ஏறுவேன்' என்று பயமுறுத்திக்கொண்டேதான் இருக்கிறது. பொதுமக்களைப் பொறுத்தவரையில் அழுகும் பொருளான காய்கறிகளிலும் புரிந்துகொள்ள முடியாத முறையில் ஒரு புது மாதிரியான கருப்பு மார்க்கெட் வந்துவிட்டது என்றே நினைக்கிறார்கள்!தக்காளி, உருளைக்கிழங்கு, இஞ்சி... விலையேற்றத்தை எப்படி சமாளிப்பது?
http://dlvr.it/SsLWmj

Read More

ம.பி: அக்கா தங்கைக்கு நேர்ந்த பாலியல் கொடுமை; பாஜக நிர்வாகியின் மகன் உட்பட 4 பேர்மீது வழக்கு பதிவு!

மத்தியப் பிரதேசத்தின் தாதியா மாவட்டத்தில், 19 வயது பெண் கூட்டுப் பாலியல் வன்கொடுமைக்குள்ளான விவகாரத்தில், பா.ஜ.க நிர்வாகியின் மைனர் மகன் உட்பட நான்கு பேர்மீது போலீஸார் வழக்கு பதிவுசெய்திருக்கின்றனர். இந்தச் சம்பவம் தொடர்பாக, பாதிக்கப்பட்ட பெண்ணின் தங்கை அளித்த புகாரின் அடிப்படியில், இத்தகைய நடவடிக்கை எடுக்கப்பட்டிருக்கிறது.பாலியல் வன்கொடுமை இந்தச் சம்பவம் தொடர்பாக போலீஸ் தரப்பில் வெளியான தகவலின்படி, 19 வயது பெண் உட்பட அவரின் தங்கை ஆகியோர் நான்கு பேரால் கடத்தப்பட்டதாகவும், இதில் 19 வயது பெண் நான்கு பேரால் கூட்டுப் பாலியல் வன்கொடுமைக்குள்ளானதாகவும் கூறப்படுகிறது. இந்தச் சம்பவத்தையடுத்து இருவரும் வீடு திரும்பியபோது பாதிக்கப்பட்ட பெண், தற்கொலைக்கு முயன்றிருக்கிறார். நல்ல வேளையாக காப்பாற்றப்பட்ட அந்தப் பெண், தற்போது அண்டை மாநிலமான உத்தரப்பிரதேசத்தில் மருத்துவமனை ஒன்றில் சிகிச்சை பெற்றுவருகிறார். இந்தச் சம்பவம் மத்தியப் பிரதேசத்தின் உள்துறை அமைச்சர் நரோட்டம் மிஸ்ராவின் தாதியா தொகுதிக்குட்பட்ட பகுதியில் நடந்திருக்கிறது. இதுவொருபுறமிருக்க, பாதிக்கப்பட்ட பெண்ணின் தங்கை இந்தச் சம்பவம் தொடர்பாக, பா.ஜ.க நிர்வாகியின் மைனர் மகன் உட்பட நான்கு பேரைக் குற்றம்சாட்டி உன்னாவ் காவல் நிலையத்தில் அவர்கள்மீது புகாரளித்தார். இந்தப் புகாரின்பேரில் நடவடிக்கை எடுத்த போலீஸார், குற்றம்சாட்டப்பட்ட நான்கு பேர்மீது போக்சோ உட்பட இந்திய தண்டனைச் சட்ட பிரிவுகள் 376 D, 354, 342 ஆகியவற்றின்கீழ் வழக்கு பதிவுசெய்தனர். இருப்பினும், பாதிக்கப்பட்ட பெண்ணின் குடும்பத்தினர், உறவினர்கள் காவல் நிலையத்தை முற்றுகையிட்டுப் போராட்டத்தில் ஈடுபடவே, போலீஸார் அவர்களிடம் வழக்கு பதிவின் நகலைக் கொடுத்து சமாதானப்படுத்தி திருப்பியனுப்பினர். கைது இதுவரை, குற்றம்சாட்டப்பட்டவர்களில் ஒரு இளைஞர், இரண்டு சிறுவர்களை போலீஸார் கைதுசெய்திருக்கின்றனர். கைதுசெய்யப்பட்டவர்களில் பா.ஜ.க நிர்வாகியின் மைனர் மகனும் ஒருவர். அதேசமயம், குற்றம்சாட்டப்பட்டவர்களில் தலைமறைவாக இருக்கும் நபர் குறித்து தகவல் தருபவர்களுக்கு போலீஸார் தரப்பில் 10,000 ரூபாய் பரிசுத்தொகை வழங்கப்படும் என அறிவிக்கப்பட்டிருக்கிறது. இது தொடர்பாக தாதியா மாவட்ட பா.ஜ.க தலைவர் சுரேந்திர புத்தோலியா கூறுகையில், ``இதுவொரு துரதிஷ்டவசமான சம்பவம். போலீஸார் இன்னும் பாதிக்கப்பட்ட பெண்ணிடம் வாக்குமூலத்தைப் பதிவுசெய்யவில்லை. ஒருவேளை, பாதிக்கப்பட்ட பெண் தனது வாக்குமூலத்தில் பா.ஜ.க நிர்வாகியின் மகனின் பெயரைக் குறிப்பிட்டால், கட்சி மேலிடம் அந்த பா.ஜ.க நிர்வாகிக்கு நோட்டீஸ் அனுப்பும். அதன் பிறகு கட்சி மேலிடம் உரிய நடவடிக்கை எடுக்கும்" என்று தெரிவித்தார்.`பாலியல் வன்கொடுமை, சங்கிலி சித்ரவதை!' - கண்ணீர்மல்க கதறிய சிறுமி... அம்பலமான ஆசிரம `கொடுமைகள்'
http://dlvr.it/SsHfSr

Read More

`நோபல் பிரிக்ஸ், உதயநிதி அறக்கட்டளை... ஒரே முகவரி?' - அண்ணாமலை கேள்வியும் சர்ச்சையும்!

கடந்த மூன்று மாதங்களுக்கு முன்பாக ‘DMK files’ என்னும் பெயரில் திமுக தலைவர்கள், அமைச்சர்கள் செய்த ஊழல் பட்டியலை வெளியிட்டார் பாஜக மாநிலத் தலைவர் அண்ணாமலை. இந்த நிலையில், அவர் வெளியிட்டது ஊழல் பட்டியல் அல்ல, வெறும் சொத்துப்பட்டியல் என்னும் விமர்சனம் முன்வைக்கப்பட்டது. இந்த நிலையில், மீண்டும் திமுக மீது புகார் சொல்லியிருக்கிறார். `மகளிர் உரிமைத்தொகை 80 சதவிகிதப் பெண்களுக்குக் கிடைக்க வாய்ப்பில்லை’ என பாஜக மநிலத் தலைவர் கூறியது குறித்து விளையாட்டுத்துறை அமைச்சர் உதயநிதி ஸ்டாலினிடம் கேள்வி கேட்கப்பட்டது. அதற்கு அவர், `2014-ம் ஆண்டு நாடாளுமன்றத் தேர்தலில் பாஜக வெற்றிபெற்றால் கறுப்புப் பணத்தை ஒழித்து, மக்கள் அனைவரின் வங்கிக் கணக்குகளிலும் 15 லட்சம் போடுவதாகப் பிரதமர் மோடி சொன்னார். அதைச் செய்தாரா?' என்னும் கேள்வியை முன்வைத்தார். உதயநிதி ஸ்டாலின் இதற்கு பதிலடி தரும் விதமாக தமிழ்நாடு பாஜக கட்சியின் மாநிலத் தலைவர் அண்ணாமலை, ``ரூ.15 லட்சம் என்று சொல்லாத ஒன்றைச் சொல்லி உதயநிதி ஸ்டாலின் புலம்பிவருவதாகத் தெரிகிறது. ஆட்சிக்கு வந்து ஒரே ஆண்டில், 30,000 கோடி ரூபாய் கொள்ளையடித்த பெருமை வாய்ந்த, கோபாலபுரக் குடும்பத்தின் இளவரசருக்கு ஒரு கேள்வி. சிரித்து மழுப்பாமல் பதில் சொல்ல வேண்டும். 1,000 கோடி ரூபாய் ஊழலுக்குப் பேர்போன துபாய் நோபல் நிறுவனத்தின் குழும நிறுவனமான நோபல் பிரிக்ஸ் நிறுவனமும், உதயநிதி ஸ்டாலினின் அறக்கட்டளையும் ஒரே முகவரியில் எப்படி இயங்கிவருகின்றன என்பதைத் தெளிவுபடுத்துவீர்களா?” என தன் ட்விட்டர் பக்கத்தில் பதிவிட்டிருக்கிறார். அமைச்சர் திரு @Udhaystalin, தினமும் 15 லட்சம் 15 லட்சம் என்று சொல்லாத ஒன்றைச் சொல்லி புலம்பி வருவதாக அறிகிறேன். ஆட்சிக்கு வந்து ஒரே ஆண்டில், 30,000 கோடி ரூபாய் கொள்ளை அடித்த பெருமை வாய்ந்த, கோபாலபுர குடும்பத்தின் இளவரசருக்கு ஒரு கேள்வி. சிரித்து மழுப்பாமல் பதில் சொல்ல…— K.Annamalai (@annamalai_k) July 12, 2023 அண்ணாமலை சொல்லும் குற்றச்சாட்டின் பின்னணி என்ன? இது குறித்து நம்மிடம் பேசிய பாஜக மாநில துணைத் தலைவர் நாராணயனன் திருப்பதி, ``திமுக தலைவர்கள்மீது குற்றச்சாட்டை முன்வைத்து ‘DMK files’ என்பதை வெளியிட்டார் மாநிலத் தலைவர் அண்ணாமலை. அதில் விளையாட்டுத்துறை அமைச்சராக இருந்த உதயநிதி ஸ்டாலின் மீது குற்றச்சாட்டு வைத்தபோதே, இந்த துபாய் நோபல் பிரிக்ஸ் பற்றிய குற்றச்சாட்டை முன்வைத்திருந்தார். 2009-ம் ஆண்டு இந்த நிறுவனத்தின் இயக்குநராக உதயநிதி ஸ்டாலின் இருந்திருக்கிறார். அவரைத் தொடர்ந்து 2016-ம் ஆண்டு தொடங்கி பள்ளிக்கல்வித்துறை அமைச்சர் அன்பில் மகேஸ் இயக்குநராகத் தொடர்ந்திருக்கிறார். அவர்கள் நிறுவனத்துக்கு முதலீடு ஒப்பந்தம் போடத்தான் முதலமைச்சர் துபாய்க்குச் சுற்றுப்பயணம் சென்றிருக்கிறார். அந்த நிறுவனத்துடன் ரூ.1,000 கோடி ஒப்பந்தம் போடப்பட்டிருக்கிறது. இது யாருடைய பணம். இதற்கு முதலமைச்சர் பதில் சொல்ல வேண்டும் என அன்றே கேட்டிருந்தார். அதைத்தான் தற்போதும் குறிப்பிட்டுப் பேசியிருக்கிறார். அதில் உதயநிதி பெயர் இருக்கும் புகைப்படமும் பதியப்பட்டிருக்கிறது. அந்த நிறுவனத்தின் வலைதளத்தைப் பார்த்தாலே உங்களுக்கு ஆதாரம் கிடைக்கும்” என்றார். நாராயணன் திருப்பதி திமுக அமைச்சர் திரு @Anbil_Mahesh நோபல் நிறுவனத்தில் 2016ஆம் ஆண்டு இயக்குனராக இருந்திருக்கிறார். துபாய் சென்ற தமிழக முதல்வர் திரு @mkstalin, நோபல் ஸ்டீல்ஸ் நிறுவனத்திடம் 1000 கோடி ரூபாய் தமிழகத்தில் முதலீடு செய்வதற்கான புரிந்துணர்வு ஒப்பந்தம் செய்துள்ளார். (2/3)— K.Annamalai (@annamalai_k) April 15, 2023 இது குறித்து நம்மிடம் பேசிய திமுக செய்தித் தொடர்பாளர் சிவ ஜெயராஜ், ``அண்ணாமலை ’நோபல் பிரிக்ஸ்’ தொடர்பாக ஒரு குற்றச்சாட்டை முன்பே வைத்தார். அது தொடர்பாகச் சில தகவல்களை வெளியிட்டார். ஒருவேளை, அது உண்மையாக இருந்தால் அமலாக்கத்துறை நடவடிக்கை எடுத்திருக்கும். நோபல் பிரிக்ஸ் பற்றி அண்ணாமலை எத்தனை முறை பொதுவெளியில் பேசியிருக்கிறார்... ஆனால், அதற்கான ஆதாரம் எங்கே... அதேவேளையில், சஞ்சய் குமார் மிஸ்ராவுக்கு அமலாக்கத்துறை இயக்குநராகப் பதவி நீட்டிப்பு கொடுத்தது சட்டவிரோதமானது என உச்ச நீதிமன்றம் சொல்லியதிலிருந்து அமலாக்கத்துறையைக் கைக்குள் வைத்திருக்கிறது என்பது வெளிப்படையாகவே தெரிகிறது. சிவ ஜெயராஜ் அமைச்சர் செந்தில் பாலாஜிக்கு ஓப்பன் ஹார்ட் சர்ஜரி செய்ததாக மருத்துவர்கள் பொய்யாக ’மருத்துவச் சான்றிதழ்’ வழங்கியதாகக் கூறுகிறார் பாஜக-வின் ஹெச்.ராஜா. இது ஒரு தரமான அரசியல்வாதி சொல்லும் கருத்தில்லை. இது பொதுமக்களைத் திசைதிருப்பும் செயல். தவிர, 48 மணி நேரத்தில் இந்த ஆட்சி கவிழ்ந்துவிடும் என்கிறார் அவர். மகாரஷ்டிராவில் நடந்ததுபோல், இங்கும் ஆட்சி மாறும் என மிரட்டிப் பார்க்க முயல்கிறதா பாஜக... இல்லையெனில், எதிர்க்கட்சிகள் நடத்தும் கூட்டத்தில் முதலமைச்சர் ஸ்டாலின் பங்கேற்கக் கூடாது என்பதுதான் பாஜக-வின் நோக்கமா... அப்படியே உங்களுக்கு வலிமை இருந்தால் ஆட்சியைக் கலைத்துப் பாருங்களேன். நாங்கள் சவால்விடுகிறோம். மேலும், அண்ணாமலையின் மனைவி பெயரில் இயங்கும் அறக்கட்டளை, சுமார் 1,536 கோடி ரூபாய் வசூலித்திருப்பதாகக் குற்றச்சாட்டு எழுந்தது. இதை ஆதரத்தோடு விரைவில் திமுக வெளியிடும். அப்போது அமலாக்கத்துறை நடவடிக்கை எடுக்கவில்லையென்றால் உச்ச நீதிமன்றத்தில் வழக்கு தொடுப்போம். அதேபோல், ஆருத்ரா நிதி நிறுவன மோசடி வழக்கில், அண்ணாமலையின் பெயரைச் சொல்லித்தான் இயக்குநர்கள் பண மோசடி செய்ததாகப் புகாரிலேயே சொல்லப்பட்டிருக்கிறது. இப்படி மோசடிப்பேர்வழியாக இருந்துகொண்டு, திமுக-மீது புகார் சொல்ல அண்ணாமலைக்கு எந்தத் தகுதியும் இல்லை. மக்கள் எங்கள் பக்கம் இருக்கிறார்கள். எனவே, தமிழகத்தில் இவர்கள் சொல்வது எடுபடாது. திமுக எம்.பி டி.ஆர்.பாலு தொடர்ந்த அவதூறு வழக்கு - பா.ஜ.க. மாநிலத் தலைவர் அண்ணாமலை நீதிமன்றத்தில் ஆஜர். அறக்கட்டளை தொடர்பான புகாருக்கு பதில் சொல்லிவிட்டு எங்கள்மீது குற்றச்சாட்டை வைக்கட்டும். அப்படியே எங்கள்மீது புகார் சொல்ல ஆதாரம் இருந்தால், நீதிமன்றத்தில் வழக்கு தொடரட்டும். இல்லையென்றால், ஆளுநரை நேரில் சந்தித்து புகாரைக் கொடுக்கட்டும். புகார் சொல்வதென்றால், சரியான ஆதாரத்தை வெளியிட வேண்டும். ஆதாரத்தை வெளியிட்டுப் பேசுவதுதான் தார்மிக அடிப்படை. அதுதான் அரசியல் தலைவருக்கும் அழகு” என்றார் காட்டமாக.DMK Files: ``அண்ணாமலைக்கு ஓராண்டு சிறைத் தண்டனை உறுதி!" - ஆர்.எஸ்.பாரதி
http://dlvr.it/SsFbpQ

Read More