மணிப்பூரில் தமிழர்கள் அதிகம் வசிக்கும் மோரே நகரில் மீண்டும் வன்முறை... கள நிலவரம் என்ன?

மணிப்பூரில் தமிழர்கள் அதிகம் வசிக்கும் மோரே பகுதியில் மீண்டும் வன்முறை வெடித்திருக்கிறது. மணிப்பூர் மாநிலத்தில் மியான்மர் எல்லையில் மோரே நகரம் அமைந்திருக்கிறது. அங்கு, சுமார் 3,000 தமிழர்கள் வசித்துவருகிறார்கள். மணிப்பூரில் இரண்டரை மாதங்களுக்கு மேலாக கலவரம் நீடித்துவரும் நிலையில், மற்ற பகுதிகளுடன் ஒப்பிடுகையில், மோரே பகுதியில் பெரியளவுக்கு வன்முறைச் சம்பவங்கள் நிகழவில்லை என்று செய்திகள் கூறுகின்றன.மணிப்பூரில் எல்லைப் பாதுகாப்புப்படை வீரர்கள் மணிப்பூரில் மலை மாவட்டங்களில் வசிக்கும் குக்கி பழங்குடி மக்களுக்கும், சமவெளிப்பகுதியில் வசிக்கும் மைதேயி இனத்தவருக்கிடையே கடந்த மே 3-ம் தேதி மோதல் வெடித்தது. அதன் பிறகு, அங்கு இரண்டு முறை தாக்குதல் சம்பவங்கள் நடைபெற்றிருக்கின்றன. அங்கு, குக்கி பழங்குடியினர் பெரும்பான்மையாக வசிக்கிறார்கள். இரண்டாவதாக மைதேயிகளும், மூன்றாவதாக தமிழர்களும் அதிக எண்ணிக்கையில் வாழ்கிறார்கள். தமிழர்களைப் பொறுத்தளவில் குக்கி, மைதேயி ஆகிய இரண்டு இனத்தவருடனும் நல்ல நட்புடன் இருக்கிறார்கள். ஆகவே, தமிழர்களை அவர்கள் விரோதிகளாகப் பார்ப்பதில்லை. கடந்த மே மாதம் வன்முறை வெடித்தபோது, அங்குள்ள மைதேயி இனத்தவரின் வீடுகளையும் கடைகளையும் குக்கி மக்கள் எரித்திருக்கிறார்கள். அந்தத் தாக்குதலில், 10-க்கும் மேற்பட்ட தமிழர்களின் வீடுகளும் தீயில் எரிந்திருக்கின்றன. ராணுவம் உடனே, தமிழர்களுடன் குக்கி மக்களும் சேர்ந்து அந்தத் தீயை அணைத்திருக்கிறார்கள். அதன் பிறகு, தமிழர்களின் வீடுகளோ, கடைகளோ தாக்கப்படவில்லை என்று செய்திகள் கூறுகின்றன. இந்த நிலையில், ஜூலை 16-ம் தேதியன்று மோரே நகரில் தமிழர்களின் வீடுகளும் கடைகளும் தாக்குதலுக்கு உள்ளாகியிருப்பதாகச் செய்திகள் வெளியாகியிருக்கின்றன. மோரே கடைவீதியில் குக்கி இனத்தைச் சேர்ந்த வன்முறையாளர்கள், மைதேயி இனத்தவரின் கடைகளையும், வீடுகளையும் தீவைத்துக் கொளுத்தியிருக்கிறார்கள். அதில், 30-க்கும் மேற்பட்ட கடைகளும் வீடுகளும் தீக்கிரையானதாகச் செய்திகள் தெரிவிக்கின்றன. இந்தச் சம்பவத்தையடுத்து, மோரே நகரம் முழுவதும் ராணுவம் குவிக்கப்பட்டிருக்கிறது.மணிப்பூர் இது குறித்து மோரே தமிழ்ச் சங்கத்தின் தலைவர் வி.சேகர் சென்னையில் செய்தியாளர்களைச் சந்தித்தார். அப்போது, “ஆரம்பத்தில், மோரே நகரில் 14,000 தமிழர்கள் வசித்தோம். 1995-ம் ஆண்டு குக்கி மக்களுக்கும் தமிழர்களுக்கிடையே மோதல் ஏற்பட்டது. அதன் பிறகு, அங்கு தமிழர்களின் எண்ணிக்கை குறைந்துவிட்டது. தற்போது, 3,000 தமிழர்கள் இருக்கிறோம். குக்கி, மைதேயி என இரண்டு இனத்தவரிடையேயும் தமிழர்களுக்கு எந்தப் பிரச்னையும் இல்லை. மோரே என்பது ஒரு மினி இந்தியா மாதிரி. அனைத்து மாநிலங்களையும் சேர்ந்தவர்கள் அங்கு வசிக்கிறார்கள்.தொடரும் `அதிபயங்கரங்கள்' - மணிப்பூர் மக்களுக்காக இதர மாநிலங்களில் ஆதரவுக்குரல் எழவில்லையா?! கடந்த மே 3, 28 ஆகிய இரண்டு நாள்களில் ஏற்பட்ட வன்முறையில், தமிழர்களுக்குச் சொந்தமான 40 வீடுகளும், கடைகளும் தீக்கிரையாக்கப்பட்டன. தற்போது, மீண்டும் தாக்குதல் நடந்திருக்கிறது. இதனால், மோரே நகரில் பதற்றம் நிலவுகிறது. மணிப்பூர் முதல்வருடன் அமித் ஷா அங்கு கடந்த 60 - 65 வருடங்களாக வசித்துவருகிறோம். எங்களுக்கு ஏதாவது பிரச்னை என்றால், தமிழக மக்களும் தமிழக அரசும்தான் எங்களுக்கு உதவ வேண்டும். தற்போது, தமிழர்களுடைய 35 வீடுகள் எரிந்திருக்கின்றன. பாதிக்கப்பட்ட தமிழர்களுக்கு அரசு உதவிசெய்ய வேண்டும்” என்றார் வி.சேகர்.
http://dlvr.it/Ssrkp3

Read More

`ஆமாம், திமுக வாரிசுகளுக்கான கட்சிதான்!’ - திருச்சியில் கொதித்த மு.க.ஸ்டாலின்

தி.மு.க., டெல்டா மண்டலத்தில் கட்சிரீதியாக உள்ள 15 மாவட்டங்களைச் சேர்ந்த வாக்குச்சாவடி பொறுப்பாளர்கள் பயிற்சிப் பாசறைக் கூட்டம் திருச்சி மாவட்டம், ராம்ஜி நகரில் நடைபெற்றது. தி.மு.க தலைவரும், தமிழ்நாடு முதலமைச்சருமான மு.க.ஸ்டாலின் தலைமையில் நடைபெற்ற இந்தக் கூட்டத்தில்  அமைச்சர்கள், சட்டமன்ற உறுப்பினர்கள், தி.மு.க நிர்வாகிகள் மற்றும் 12,645 வாக்குச்சாவடி பொறுப்பாளரும் கலந்துகொண்டனர். இந்தக் கூட்டத்தில் தி.மு.க தலைவர் மு.க.ஸ்டாலின் பேசுகையில், ``தெரிந்தோ தெரியாமலோ ஆளுநர் நமக்கு ஒரு பெரிய பிரசாரத்தைச் செய்துகொண்டிருக்கிறார். ஆக, அவரை மாற்ற வேண்டும் என்றுகூட நான் சொல்லவில்லை. தேர்தல் வரைக்கும் அவரே இருக்கட்டும். அப்போதுதான் இன்னும் நமக்கு வாக்குகள் அதிகரிக்கும். நம்முடைய தொண்டர் பலத்துக்கும், கட்டமைப்புக்கும் நிகராக தமிழ்நாட்டில் மட்டுமல்ல, இந்தியாவில் மட்டுமல்ல, இந்த உலகத்திலும்கூட ஒரு கட்சியும் இல்லை. அந்த பலத்தை நாம் சமூக ஊடகங்களிலும், களத்திலும் முழுமையாகக் காட்ட வேண்டும். ஏனென்றால், நடைபெறவிருக்கின்ற நாடாளுமன்றத் தேர்தல் என்பது மிக மிக முக்கியமான தேர்தல். யார் ஆட்சிக்கு வர வேண்டும் என்பதைவிட, யார் ஆட்சியில் இருக்கக் கூடாது என்பதுதான் இந்தத் தேர்தலில் முக்கியம். புதுவை உள்ளிட்ட தமிழ்நாட்டில் இருக்கக்கூடிய 40 தொகுதிகளை நம்முடைய அணி கைப்பற்ற வேண்டும் என்பது மட்டுமல்ல, இந்தியா முழுமைக்கும் நமது அணி வெற்றி பெற வேண்டும். ஏனென்றால் இந்தியாவின் கட்டமைப்பை பா.ஜ.க சிதைத்துவிட்டது. இதற்கு எதிர்வரக்கூடிய நாடாளுமன்றத் தேர்தலில் நாம் முற்றுப்புள்ளி வைத்தாக வேண்டும். இல்லையென்றால் தமிழ்நாட்டை மட்டுமல்ல, இந்தியாவையே யாராலும் காப்பாற்ற முடியாது. பா.ஜ.க ஆட்சி தொடரும் என்றால் இந்தியாவில் மக்களாட்சியை, சமூகநீதியை, இந்திய அரசியலமைப்புச் சட்டத்தை யாராலும் காப்பாற்ற முடியாது. மீண்டும் இந்தியாவில் பா.ஜ.க ஆட்சி அமைக்குமானால் இந்தியாவில் ஜனநாயகமே இருக்காது. ஏன் தமிழ்நாடு என்ற மாநிலமோ, சட்டமன்றமோ, முதலமைச்சரோ, அமைச்சர்களோ, சட்டமன்ற உறுப்பினர்களோ, உள்ளாட்சி அமைப்புகளோ இருக்காது. அத்தனையையும் காலி செய்துவிடுவார்கள். இதுதான் அனைத்து மாநிலங்களுக்கும் நடக்கும். நாம் 40 தொகுதிகளில் வெற்றிபெற்று போனாலும், வட மாநில எம்.பி-க்களை வைத்து ஆட்சியைப் பிடித்துவிடலாம் என நினைக்கிறார்கள். எனவேதான் இந்தத் தேர்தலை மிக மிக முக்கியமான தேர்தல் என நான் சொல்கிறேன்.மு.க.ஸ்டாலின் மாநிலங்களில் பல்வேறு மொழியைப் பேசுபவர்களுக்கு, பண்பாட்டைச் சேர்ந்தவர்களுக்கு எதிரான சிந்தனைகொண்ட ஒரு கட்சிதான் பாரதிய ஜனதா கட்சி. பா.ஜ.க இந்தத் தேர்தலில் வீழ்த்தப்பட வேண்டுமென்று இந்த முக்கியமான இலக்கை முன்னெடுக்கின்ற 26 கட்சிகளை ‘இந்தியா’ என்ற கூட்டணியாக சேர்த்திருக்கிறோம். இந்தியாவைக் காப்பாற்றப்போவது இந்தியா என்னும் இந்தக் கூட்டணிதான். இதைப் பிரதமராக இருக்கின்ற மோடியால் தாங்கிக்கொள்ள முடியவில்லை” என்றார்.Tamil News Today Live: ``ஆளுநர் ரவி பதவியில் நீடித்தால் நமக்கு வாக்குகள் கூடும்!'' - திருச்சியில் ஸ்டாலின் தொடர்ந்து பேசியவர், ``பா.ஜ.க-வை எதிர்க்க ஒரு வலுவான அணியை அமைத்துவிட்டார்களே என மோடி ஏதேதோ பேசிக்கொண்டு வருகிறார். இந்த நோக்கத்தை ஓராண்டாகவே நான் முன்னெடுத்து வருவதால் அவர்களுக்கு என்மீதும் கோபம். அதனால்தான் மோடி மத்தியப் பிரதேசத்துக்குச் சென்றாலும், அந்தமான் விமான நிலையத்தை திறந்துவைக்கச் சென்றாலும் அங்கேயும் தி.மு.க-வைத்தான் திட்டிக்கொண்டிருக்கிறார். தி.மு.க வாரிசுகளுக்கான கட்சி எனக் கேட்டுக் கேட்டுப் புளித்துப் போனதையே சொல்லிக்கொண்டிருக்கிறார். வேறு ஏதாவது யோசித்துக் கண்டுபிடித்துச் சொல்லுங்கள். மு.க.ஸ்டாலின் நானே சொல்கிறேன், இது வாரிசுகளுக்கான கட்சிதான். (இன்னும் அழுத்தமாக மேடையை தட்டிக்கொண்டே சொல்கிறார்!) ஆமாம், இது வாரிசுகளுக்கான கட்சிதான். ஆரியத்தை வீழ்த்த திராவிடத்தின் வாரிசுகள் நாங்கள். தந்தை பெரியாரின், அண்ணாவின், கலைஞரின் வாரிசுகள் நாங்கள். இதைத் தைரியமாகப் பெருமையோடு என்னால் சொல்ல முடியும். ஆனால், கோட்சேவின் வாரிசுகள்தான் நீங்கள். உங்களால் இதை தைரியமாகச் சொல்ல முடியுமா... சொல்வதற்கான தைரியம் உங்களுக்கு உண்டா... 2002-ம் ஆண்டு குஜராத்தில் என்ன நடந்தது என்பதை மக்கள் மறக்கவில்லை. அன்று குஜராத்தில் நடந்ததை இன்று மணிப்பூர் நினைவூட்டிக்கொண்டிருக்கிறது. மே மாதம் தொடங்கிய வன்முறையை இன்றுவரை அந்த  மாநிலத்தை ஆளக்கூடிய பா.ஜ.க அரசாலும், ஒன்றிய பா.ஜ.க அரசாலும் தடுக்க முடியவில்லை. வன்முறையாளர்களும், மணிப்பூர் போலீஸாரும் கைகோத்துக்கொண்டு மக்களைத் தாக்கிக்கொண்டிருக்கிறார்கள். பா.ஜ.க-வைச் சேர்ந்த சட்டமன்ற உறுப்பினரே இதைச் சொல்லியிருக்கிறார். ஒற்றுமையாக இருக்கக்கூடிய மக்கள் மனதில் வேற்றுமையை விதைத்து மனக்கசப்பை உருவாக்கி, வெறுப்பு அரசியல் மூலமாக அரசியல் ஆதாயம் தேட நினைத்ததால்தான் இன்றைக்கு மணிப்பூர் பற்றியெரிந்துகொண்டிருக்கிறது. இங்கு ஒரு கொத்தடிமைகள் கூட்டம் அ.தி.மு.க என்ற பெயரில் இயங்கிக்கொண்டிருக்கிறது. அவர்கள் யாராவது மணிப்பூரைப் பற்றிப் பேசினார்களா... ‘பா.ஜ.க-வுக்கு நான் அடிமையில்லை’ என்று சொல்லும் பழனிசாமி, மணிப்பூர் கொடுமைக்குக் காரணமான அந்த மாநில முதலமைச்சரையோ, ஒன்றிய பா.ஜ.க-வையோ கண்டித்தாரா... பழனிசாமியைப் பக்கத்தில் வைத்துக்கொண்டு, ஊழல் ஒழிப்பைப் பற்றி பிரதமர் மோடி பேசுகிறார். சி.பி.ஐ விசாரணைக்கு உயர் நீதிமன்றத்தால் உத்தரவிடப்பட்டு, அதற்குத் தடை கேட்டு உச்ச நீதிமன்றம் போனவர்தான் பழனிசாமி. கர்நாடகா மாநிலத்தில் ஊழலுக்காகத்தானே பா.ஜ.க அரசை அங்கு மக்கள் விரட்டியடித்தார்கள். அ.தி.மு.க மீதான ஊழல் வழக்குகளைக் காட்டி அவர்களை அடிபணிய வைத்தது பா.ஜ.க. கடந்த காலத்தில் தமிழ்நாட்டின் அனைத்து உரிமைகளையும் பா.ஜ.க-வுக்கு பயந்து அடமானம் வைத்தது அ.தி.மு.க. ஆக, உரிமைகளைக் கைவிட்டவர்களும், காவு வாங்கியவர்களும் இன்றைக்குக் கைகோத்துவருகிறார்கள். இவர்களை இந்தத் தேர்தலில் முழுமையாக நாம் வீழ்த்தியாக வேண்டும். இந்தியாவின் மற்ற மாநிலங்களும் மணிப்பூரைப்போல ஆகிவிடாமல் தடுத்தாக வேண்டும். தமிழை, தமிழினத்தை, தமிழ்நாட்டு மக்களைக் காக்க வேண்டுமானால், இந்தியாவின் ஜனநாயகக் கட்டமைப்பை நாம் காப்பாற்றியாக வேண்டும். முத்துவேல் கருணாநிதி ஸ்டாலினின் போர்ப்படைத் தளபதிகள் நீங்கள். உங்களை நம்பி நாடாளுமன்றத் தேர்தல் களத்தை நான் ஒப்படைத்திருக்கிறேன். என் கடமையின் தூதுவர்களாக ஒவ்வொரு வாக்குச்சாவடியிலும் பணியாற்றக்கூடியவர்கள் நீங்கள். கழகத்தின் வெற்றிக்காக களமாடுங்கள். நாற்பதும் நமதே, நாடும் நமதே. இந்தியா வெல்லும் அதை 2024 சொல்லும்” என்றார்.
http://dlvr.it/SsnvDV

Read More

`திமுக அமைச்சர்களிடம் அடுத்தடுத்து அமலாக்கத்துறை சோதனை நடத்துவது?' - விகடன் கருத்துக்கணிப்பு முடிவு

அடுத்த வருடம் நாடாளுமன்றத் தேர்தல் நடைபெறவிருக்கிறது. பா.ஜ.க-வுக்கு எதிராக எதிர்க்கட்சிகள் கூட்டணி அமைத்து, தங்களின் கூட்டணிக்கு `இந்தியா' (I.N.D.I.A) என பெயர் சூட்டியிருக்கின்றன. தமிழ்நாட்டின் முதல்வர் ஸ்டாலின், எதிர்க்கட்சிகளின் முதல் கூட்டணிக் கூட்டத்துக்காக பாட்னாவுக்குச் சென்றபோது, தமிழ்நாட்டின் மின்சாரத்துறை அமைச்சர் செந்தில் பாலாஜி தொடர்புடைய இடங்களில் அமலாக்கத்துறை சோதனை நடத்தி, அவர்மீது நடவடிக்கை எடுத்தது.விகடன் கருத்துக்கணிப்பு அதேபோல முதல்வர் ஸ்டாலின், எதிர்க்கட்சிகளின் இரண்டாவது கூட்டத்துக்காக பெங்களூருக்குச் சென்றபோது, உயர் கல்வித்துறை அமைச்சர் பொன்முடி தொடர்புடைய இடங்களில் அமலாக்கத்துறை சோதனை நடத்தியது. அப்போது பெங்களூரு கூட்டத்தில் பேசிய முதல்வர் ஸ்டாலின், ``பாட்னாவில் முதல் கூட்டம் நடைபெற்றபோது தி.மு.க-வைக் குறிவைத்து அமலாக்கத்துறை சோதனை மேற்கொண்டது. பெங்களூரில் 2-வது கூட்டம் நடைபெறும்போதும், தி.மு.க-வைக் குறிவைத்து அமலாக்கத்துறை சோதனை நடத்துகிறது" எனத் தெரிவித்தார். மேலும் காங்கிரஸ், திரிணாமுல் காங்கிரஸ், ஆம் ஆத்மி உள்ளிட்ட எதிர்க்கட்சிகளும் மத்திய அரசு அமலாக்கத்துறை, வருமான வரித்துறை, சி.பி.ஐ போன்ற அமைப்புகளை எதிர்க்கட்சிகள்மீது ஏவிவிடுவதாகக் குற்றம்சாட்டின. இந்த நிலையில், அமலாக்கத்துறையின் இத்தகைய சோதனை நடவடிக்கை குறித்து விகடன் வலைதளப் பக்கத்தில் வாசகர்களிடம் கருத்துக்கணிப்பு நடத்தப்பட்டது.விகடன் கருத்துக்கணிப்பு அதில், தி.மு.க அமைச்சர்களிடம் அடுத்தடுத்து அமலாக்கத்துறை சோதனை நடத்துவது... 'அரசியல் காழ்ப்புணர்ச்சி'... 'கடமையைச் செய்கிறது அமலாக்கத்துறை'... 'கருத்து இல்லை' என மூன்று விருப்பத்தேர்வுகள் கொடுக்கப்பட்டன. இந்தக் கருத்துக்கணிப்பின் முடிவில் அதிகபட்சமாக 55 சதவிகித வாசகர்கள் அரசியல் காழ்ப்புணர்ச்சி என்றும், 40 சதவிகித வாசகர்கள் கடமையைச் செய்கிறது அமலாக்கத்துறை என்றும், 5 சதவிகித வாசகர்கள் கருத்து இல்லை என்றும் வாக்களித்திருக்கிறார்கள்.பொன்முடியைக் கட்டம்கட்டிய அமலாக்கத்துறை! - திமுக ரியாக்‌ஷன் என்ன?!
http://dlvr.it/Ssl3t1

Read More

மணிப்பூர் கலவரம்: `பெண்களுக்கு நடந்த கொடூரம், மிருகத்தனமானது!' - அமெரிக்கா கண்டனம்

இரண்டு மாதங்களைக் கடந்தும் தொடரும் மணிப்பூர் கலவரம், இன்னும் கட்டுக்குள் கொண்டுவரப்படவில்லை. இந்த நிலையில், மே 4-ம் தேதி இரண்டு பெண்கள் கூட்டுப் பாலியல் வன்கொடுமைக்கு உள்ளாக்கப்பட்டு, நிர்வாணமாக இழுத்துச் செல்லப்படும் வீடியோ 76 நாள்களுக்குப் பிறகு வெளியாகி இந்தியா மட்டுமல்லாமல், உலகம் முழுவதும் கடும் அதிர்வலைகளை ஏற்படுத்தியது. இதற்கிடையில், ஐரோப்பிய ஒன்றிய நாடாளுமன்றம், இங்கிலாந்து போன்ற நாடுகள் தங்கள் கடும் கண்டனங்களைத் தெரிவித்தன.மோடி - பாஜக இதற்கு முன்னர் இந்தியாவுக்கான அமெரிக்க தூதர் எரிக் கார்செட்டி, "மணிப்பூர் வன்முறை நெருக்கடியைத் தீர்க்க அமெரிக்கா எந்த வகையிலும் உதவத் தயாராக இருக்கிறது. அமெரிக்காவுக்கு மனிதம்மீது மிகுந்த அக்கறை உண்டு" எனத் தெரிவித்திருந்தார். ஆனால், இந்த வீடியோ விவகாரம் பெரிய அளவில் பேசப்பட்டப் பிறகே பிரதமர் மோடி 30 விநாடிகள் மணிப்பூர் குறித்துப் பேசினார். குற்றவாளிகளுக்குக் கடும் தண்டனை வழங்கப்படும் என உறுதியளித்தார். அதைத் தொடர்ந்து, சிலர் கைதுசெய்யப்பட்டனர். இந்த நிலையில், மணிப்பூர் பெண்களின் நிர்வாண வீடியோ வெளியாகி பெரும் அதிர்வலைகளை ஏற்படுத்தியிருக்கும் நிலையில், அமெரிக்கா கடும் கண்டனத்தைப் பதிவுசெய்திருக்கிறது. இது தொடர்பாக அமெரிக்க வெளியுறவு செய்தித் தொடர்பாளர், ``மணிப்பூரில் இரண்டு பெண்களுக்கு நடந்தது மிருகத்தனமானது, பயங்கரமானது. பாதிக்கப்பட்டவர்களுக்கு அமெரிக்கா தனது அனுதாபங்களைத் தெரிவித்துக்கொள்கிறது" எனத் தனது கண்டனத்தைத் தெரிவித்திருக்கிறார்.`மணிப்பூர் கலவரத்துக்கு பாஜக அரசும் உடந்தை!' - மணிப்பூர் பாஜக எம்.எல்.ஏ `பகீர்' குற்றச்சாட்டு
http://dlvr.it/SshGDb

Read More

`மணிப்பூர் குறித்த உண்மையை நாட்டு மக்கள் அறிய வேண்டும்!' - அமித் ஷா

மணிப்பூரில் கடந்த இரண்டு மாதங்களுக்கு மேல் தொடரும் இரண்டு குழுவுக்கு மத்தியிலான கலவரம், இந்தியாவைப் பெரும் சஞ்சலத்துக்குள்ளாக்கியிருக்கிறது. குறிப்பாக மே 4-ம் தேதி இரண்டு பெண்களை நிர்வாணப்படுத்தி, கூட்டுப் பாலியல் வன்கொடுமை செய்து, அவர்களின் குடும்பத்தாரையும் கொலைசெய்த பிறகும் அரசு நடவடிக்கை எடுக்காமல் இருந்திருக்கிறது. அது தொடர்பான வீடியோ வெளியாகி சர்ச்சையான பிறகு, அதாவது ஏறத்தாழ 76 நாள்களுக்குப் பிறகு சில குற்றவாளிகளைக் கைதுசெய்திருக்கிறது.I.N.D.I.A கூட்டணிக் கட்சிகள் ஆர்ப்பாட்டம் இந்த நிலையில், கடந்த வியாழக்கிழமை மழைக்கால கூட்டத்தொடருக்காக நாடாளுமன்றம் கூடியது. அப்போது, கடந்த சில மாதங்களாக 100-க்கும் மேற்பட்டோர் பலியாவதற்குக் காரணமான மணிப்பூர் இனக்கலவரம் குறித்து விவாதிக்கக் கோரி 15 எதிர்க்கட்சி எம்.பி-க்கள் நோட்டீஸ் அளித்தனர். இதற்கு பதிலளித்த மத்திய அரசு, குறுகிய கால விவாதம் நடத்தும் விதி 176-ன்கீழ் மணிப்பூர் விவகாரம் குறித்த விவாதத்துக்குத் தயாராக இருப்பதாகத் தெரிவித்தது. ஆனால் எதிர்க்கட்சிகள், சபையின் அனைத்து அலுவல்களும் இடைநிறுத்தப்பட்டு ஒரு குறிப்பிட்ட விஷயம் குறித்து மட்டுமே விவாதிக்கப்பட வேண்டும், விதி 267-ன் கீழ் மணிப்பூர் கலவரம் குறித்து விவாதிக்கப்பட வேண்டும் என ராஜ்ய சபாவில், 27 எம்.பி-க்கள் நோட்டீஸ் சமர்ப்பித்திருக்கின்றனர். இதற்கு மத்திய அரசு ஒப்புக்கொள்ளவில்லை எனக் கூறப்படுகிறது. அதைத் தொடர்ந்து, நாடாளுமன்ற வளாகத்தில் ‘I.N.D.I.A’ கூட்டணி எம்.பி-க்கள் சார்பில் மத்திய அரசுக்கு எதிராக ஆர்ப்பாட்டம் நடைபெற்றது.அமித் ஷா மணிப்பூர் கலவரம் குறித்த விவாதம் தொடர்பான கூச்சல் குழப்பத்தால் மட்டுமே, மூன்று முறை சபை ஒத்திவைக்கப்பட்டிருக்கிறது. இந்த நிலையில், இன்று மத்திய உள்துறை அமைச்சர் அமித் ஷா, ``மணிப்பூர் குறித்து சபையில் விவாதம் நடத்தத் தயாராக இருக்கிறேன். இந்த விவகாரத்தில் விவாதம் நடத்த எதிர்க்கட்சிகள் அனுமதிக்க வேண்டும் எனக் கேட்டுக்கொள்கிறேன். மணிப்பூர் விவகாரம் குறித்து நாடு உண்மையை அறிந்துகொள்வது அவசியம். ஆனால், எதிர்க்கட்சிகள் ஏன் ஒத்துழைக்க மறுக்கின்றன?" எனக் கேள்வி எழுப்பினார். அதைத் தொடர்ந்து, பிற்பகல் 2:30 மணிக்கு சபை கூடியபோது, இரு தரப்பு எம்.பி-க்களும் மணிப்பூர் குறித்து விவாதம் நடத்த விரும்புவதாகக் கூறினாலும், இரு தரப்பினரின் கூச்சல் தொடர்ந்ததால் மக்களவை சபாநாயகர் ஓம் பிர்லா அவையை நாள் முழுவதும் ஒத்திவைத்தார்.`மணிப்பூர் கலவரத்துக்கு பாஜக அரசும் உடந்தை!' - மணிப்பூர் பாஜக எம்.எல்.ஏ `பகீர்' குற்றச்சாட்டு
http://dlvr.it/SshG1s

Read More

``புலியைப் பார்த்து நாய் சூடுபோட்டுக்கொண்டதுபோல எதிர்க்கட்சிகள் கூட்டணி" - அண்ணாமலை சாடல்

தி.மு.க அரசு ஆட்சி அமைத்து 27 மாதங்கள் கடந்திருக்கும் நிலையில், சட்டம் ஒழுங்கு சீர்குலைவு, அத்தியாவசியப் பொருட்கள் விலை உயர்வு, மின் கட்டணம், சொத்து வரி, வாகனப் பதிவுக் கட்டணம், பத்திரப் பதிவுக் கட்டண உயர்வு உள்ளிட்டவற்றைக் கண்டித்து தமிழ்நாடு முழுவதும் பா.ஜ.க சார்பில் கண்டன ஆர்ப்பாட்டம் நடத்தப்பட்டது. செங்கல்பட்டு மாவட்டம், காரப்பாக்கம் பகுதியில் நடைபெற்ற ஆர்ப்பாட்டத்தில் தமிழக பா.ஜ.க தலைவர் அண்ணாமலை கலந்துகொண்டார்.அண்ணாமலை - முதல்வர் ஸ்டாலின் அதைத் தொடர்ந்து செய்தியாளர்களிடம் பேசிய அவர், ``தமிழகம் முழுவதும் லஞ்சம், விலைவாசி உயர்வு, கனிமவளக் கொள்ளை, பெண்களுக்கான பாதுகாப்பின்மை, டாஸ்மாக் முறைப்படுத்தாமை, மேக்கேதாட்டூ அணை விவகாரத்தில் வாய்திறக்காதது உள்ளிட்ட 10 கோரிக்கைகளை முன்வைத்து இந்த ஆர்ப்பாட்டம் முன்னெடுக்கப்பட்டிருக்கிறது. ஆட்சியில் மீதமிருக்கும் நாள்களில் இவற்றைச் சரிசெய்வார்கள் என நம்புகிறோம். கடந்த இரண்டு ஆண்டுகளில் மட்டும் மின் கட்டணம் 3 முறை உயர்த்தப்பட்டிருக்கிறது. பிரதமர் மோடியை எதிர்ப்பது மட்டுமே முதல்வர் ஸ்டாலினின் முக்கியப் பணியாக இருக்கிறது. மணிப்பூர் விவகாரத்தில் தூங்கிக்கொண்டிருந்த முதல்வர் திடீரென விழித்திருக்கிறார். தமிழ்நாட்டில் குடிநீர் தொட்டியில் மலம் கலந்த விவகாரம் முடிந்து 210 நாள்கள் கடந்திருக்கின்றன. இன்னும் அதில் குற்றவாளியைக் கண்டுபிடிக்கவில்லை. பெரம்பலூர் மாவட்டத்தில் பா.ஜ.க தொண்டரைக் காலில் விழவைத்திருக்கிறார் தி.மு.க-வைச் சேர்ந்த ஒருவர். எனவே, மணிப்பூர் விவகாரத்தில் முதல்வர் அரசியல்வாதியாகச் செயல்படுகிறார் என்பது மட்டும் தெரிகிறது.முதல்வர் ஸ்டாலின் மணிப்பூரில் என்ன பிரச்னை இருக்கிறது என்பதை மத்திய அரசும், மணிப்பூர் மாநில அரசு சேர்ந்து சரி செய்வார்கள். இரண்டு பெண்கள் நிர்வாணப்படுத்தப்பட்ட செய்தி பாதைபதைப்பை ஏற்படுத்தியது. அது தொடர்பாகவும் மணிப்பூர் அரசு தீவிர நடவடிக்கை எடுக்கத் தொடங்கிவிட்டது. இதுவரை 6 பேரைக் கைதுசெய்திருக்கிறார்கள். மணிப்பூரின் கடந்த காலம்கூட எப்போதும் கொந்தளிப்பானதுதான். 2014-க்குப் பிறகுதான் அமைதியை நோக்கி மணிப்பூர் நகர்ந்தது. நீதிமன்றத் தீர்ப்பால் தற்போது அங்கே கலவரம் வெடித்திருக்கிறது. எனவே முதல்வர் முழு நேர அரசியல்வாதியாகத்தான் மணிப்பூர் விவகாரத்தில் செயல்படுகிறார். கெலோ இந்தியாவை ஆரம்பித்த மத்திய அரசுக்கு மணிப்பூர் விளையாட்டு வீரர்களுக்கு எப்படி பயிற்சியளிக்க வேண்டும் என்பது தெரியும். எனவே மணிப்பூர் விவகாரத்துக்குச் செல்லாமல், கர்நாடகாவிலிருந்து தண்ணீர் பெற்றுத்தரும் வழியை முதல்வர் செய்யலாம். தமிழகம் தேசவிரோதிகளின் புகழிடமாக மாறியிருக்கிறது. தொடந்து என்.ஐ.ஏ சோதனை நடந்துவருகிறது.மணிப்பூர் பழங்குடிப் பெண்கள் நிர்வாணக் கொடுமை காவல்துறையின் கை கட்டப்பட்டிருப்பதால் தமிழகம் தேசவிரோதிகளின் புகழிடமாகிவருகிறது. தெலங்கானா, கேரளா, தமிழகத்தில் பிரதமர் மோடி தேர்தலில் போட்டியிட வேண்டும் என்ற எதிர்ப்பார்ப்பு அந்தந்த மாநில மக்களிடம் அதிகம் ஏற்பட்டிருக்கிறது. ஆனால், அவர் எங்கு போட்டியிடுவார் என்ற அதிகாரபூர்வ அறிவிப்பு இன்னும் வெளியிடப்படவில்லை. இந்தியா என்று சொல்லும்போது உள்ளத்தில், உணர்வில், ரத்தத்தில், நாடி நரம்புகளில் `இந்தியன்' என்ற உணர்விருக்க வேண்டும். தி.மு.க பிரிவினைவாதக் கட்சி. காஷ்மீரின் உமர் அப்துல்லா, ஃபரூக் அப்துல்லா போன்றோர் இந்தியாவுடன் சேரமாட்டோம் என்ற கருத்தால் 370 நீக்கத்துக்கு எதிர்ப்பு தெரிவித்தவர்கள். ஆனால், அவர்கள் அனைவரும் ஓர் அறையில் அமர்ந்து தங்கள் கூட்டணிக்கு `இந்தியா' எனப் பெயர் வைத்துக்கொண்டால் அதை மக்கள் எப்படி ஏற்பார்கள். புலியைப் பார்த்து நாய் சூடுபோட்டுக்கொண்டதுபோல எதிர்க்கட்சிகள் தங்கள் கூட்டணிக்கு `இந்தியா' எனப் பெயர் வைத்திருக்கின்றன.எதிர்க்கட்சிகள் கூட்டம் எங்கள் கூட்டணியான என்.டி.ஏ-வில் பா.ஜ.க-வின் முதல்வர்கள் பங்கெடுத்தார்கள். மூன்றாவது முறையும் மோடிதான் பிரதமர் என்பதில் மாற்றுக் கருத்தில்லை. தமிழகத்தின் ஒவ்வொரு சட்டமன்றத் தொகுதிக்கும் சென்று பிரதமர் மோடி தமிழகத்துக்கு என்ன செய்திருக்கிறார் என்பதை மக்களுக்கு விளக்கவே நடைப்பயணம்" எனத் தெரிவித்தார்.அண்ணாமலை நடத்துவது பாதயாத்திரை இல்லை... பாவயாத்திரை! - காயத்ரி ரகுராம் ‘கலாய்’
http://dlvr.it/SsdV2k

Read More

மகாராஷ்டிரா நிலச்சரிவு; 22 பேர் பலி... 3-வது நாளாகத் தொடரும் மீட்புப் பணிகள்!

மகாராஷ்டிரா மாநிலம் கொங்கன் பகுதியிலுள்ள ராய்கட் மாவாட்டத்தில் இருக்கும் இர்ஷல்வாடி என்ற மலைக் கிராமத்தில் இரண்டு நாள்களுக்கு முன்பு நிலச்சரிவு ஏற்பட்டது. இதில் 100-க்கும் மேற்பட்டோர் இடிபாடுகளில் சிக்கிக்கொண்டனர். மீட்புப் படையினர் இரண்டு நாள்களாகத் தொடர்ந்து மீட்புப் பணியில் ஈடுபட்டுவருகின்றனர். ஆனால் மழையும் விடாது பெய்து வருவதால், மீட்புப் பணியை முழுமையாக மேற்கொள்ள முடியவில்லை. இதுவரை 122 பேர் உயிரோடு இருக்கின்றனர். 22 பேரின் உடல்கள் இடிபாடுகளிலிருந்து மீட்கப்பட்டிருக்கின்றன. மும்பையில் கனமழை மேலும் 86 பேர் இன்னும் இடிபாடுகளில் சிக்கியிருக்கின்றனர். அமைச்சர்களும் அதிகாரிகளும் மீட்புப் பணிகளை நேரில் கண்காணித்து வருகின்றனர். நிலச்சரிவு ஏற்பட்ட கிராமத்துக்கு அருகிலுள்ள நாடல் என்ற கிராமத்தில் வசிக்கும் ஹுரு பஸ்மா என்ற பெண் தனது உறவினர்களைத் தேடி இர்ஷல்வாடி கிராமத்தில் காத்துக்கிடக்கிறார். இது குறித்து அவர், ``3 நாள்கள் ஆன பிறகும் எனது மைத்துனர் மற்றும் அவரது குடும்பத்தினர் ஏழு பேர் பற்றிய தகவல் கிடைக்கவில்லை'' என்று கவலையோடு தெரிவித்தார். மும்பை அருகிலுள்ள பத்லாப்பூரில் வசிக்கும் காந்தா என்ற பெண் இது குறித்து, ``நிலச்சரிவு ஏற்பட்ட கிராமத்தில் வசித்துவந்த என்னுடைய உறவினர்கள் 10 பேரைக் காணவில்லை. அவர்களில் மூன்று பேர் குழந்தைகள். அவர்களைப் பற்றிய தகவல் ஏதாவது கிடைக்குமா என்று காத்திருக்கிறேன்'' எனத் தெரிவித்தார்.மீட்கப்பட்ட ஜெயபிரகாஷ் அனைத்து உடல்களும் மீட்கும்வரை பணிகள் தொடரும் என்று தேசிய பேரிடர் மீட்புப் படையினர் தெரிவித்திருக்கின்றனர். உள்ளூர் மக்கள் அவர்களுக்குத் தேவையான உதவிகளைச் செய்துவருகின்றனர். உயிரோடு இருப்பவர்கள் தங்குவதற்கு கண்டெய்னர் ஏற்பாடு செய்யப்பட்டிருக்கிறது. தற்காலிகமாக பள்ளி ஒன்றில் தங்கவைக்கப்பட்டிருக்கின்றனர். நிலச்சரிவு ஏற்பட்ட இர்ஷல்வாடி இப்போது சுற்றுலா மையமாக மாறியிருக்கிறது. நிலச்சரிவு ஏற்பட்ட மறுநாளிலிருந்து இந்தக் கிராமத்துக்கு ஏராளமானோர் வந்துகொண்டிருக்கின்றனர். தொண்டு நிறுவனத்தினர், தன்னார்வலர்கள், மீட்புக் குழுவினர் என 5,000 பேர் வந்திருக்கின்றனர். ஏராளமானோர் நிவாரணப் பொருள்களைக் கொண்டுவருகின்றனர். இது தவிர மீட்புப் பணிகளைப் பார்வையிட 15,000 பேர் இந்தக் கிராமத்தில் குவிந்திருக்கின்றனர். இதனால் மீட்புப் பணிகளை மேற்கொள்வதில் சிரமம் ஏற்பட்டிருக்கிறது. பேரிழப்பைக் காண சுற்றுலா வந்திருப்பதாக அதிகாரிகள் விமர்சனம் செய்திருக்கின்றனர். மேற்கொண்டு இது போன்று தேவையில்லாமல் கிராமத்துக்கு வருபவர்களைத் தடுத்து நிறுத்தும் பொருட்டு போலீஸார் பணியில் நிறுத்தப்பட்டிருக்கின்றனர். அவர்கள் ஒவ்வொருவரையும் முழுமையாக சோதனை செய்த பிறகே உள்ளே அனுமதிக்கின்றனர். இதனால் வெளியிலிருந்து வருபவர்கள் நேரடியாக வராமல் வேறு வழியாக கிராமத்துக்கு வருகின்றனர். மகாராஷ்டிராவில் இரண்டு நாள்களாக கனமழை பெய்து வருகிறது. மும்பையில் இரண்டு நாள்களாகப் பெய்துவரும் கனமழையால் மக்களின் இயல்பு வாழ்க்கை பாதிக்கப்பட்டு இருப்பதோடு புறநகர் ரயில் போக்குவரத்தும் பாதிக்கப்பட்டிருக்கிறது. சயான், அந்தேரி, கொலாபா, குர்லா, செம்பூர் உட்பட முக்கியமான இடங்களில் சாலையில் தண்ணீர் இடுப்பளவுக்குத் தேங்கியிருக்கிறது. இதனால் வாகன போக்குவரத்து கடுமையாக பாதிக்கப்பட்டிருக்கிறது. ஏற்கெனவே ஒரு குழந்தை உட்பட இரண்டு பேர் நீரில் மழை வெள்ளத்தில் அடித்துச் செல்லப்பட்டுவிட்ட நிலையில், அம்பர்நாத்தில் ஜெயபிரகாஷ் என்பவர் மழை வெள்ளத்தில் சாக்கடையில் அடித்துச் செல்லப்பட்டார். ஆனால், அவரை மீட்புப் படையினர் பத்திரமாக மீட்டனர். வரும் 23-ம் தேதி வரை மும்பையில் கனமழை இருக்கும் என்று வானிலை ஆய்வு மையம் அறிவித்திருக்கிறது. அதோடு கனமழை எச்சரிக்கையும் விடுக்கப்பட்டிருக்கிறது. மகாராஷ்டிராவில் ஏற்பட்ட நிலச்சரிவில் சிக்கி பெற்றோரை இழந்த குழந்தைகள் அனைவரையும் முதல்வர் ஏக்நாத் ஷிண்டே தத்து எடுத்துக்கொள்வதாக அறிவித்திருக்கிறார். இது தொடர்பாக சிவசேனா வெளியிட்டிருக்கும் அறிக்கையில், ``நிலச்சரிவில் பெற்றோரை இழந்தை குழந்தைகளின் படிப்பு மற்றும் இதர செலவுகளை முதல்வர் ஷிண்டேயின் மகன் ஸ்ரீகாந்த் ஷிண்டே நடத்தும் தொண்டு நிறுவனம் ஏற்றுக்கொள்ளும். ஒவ்வொரு குழந்தையின் பெயரிலும் குறிப்பிட்ட தொகை வைப்பு நிதியாக வைக்கப்படும்'' என்று அறிவிக்கப்பட்டிருக்கிறது.மனைவியுடன் வளர்ப்பு நாய்களுக்கும் சேர்த்து ரூ.50000 பராமரிப்பு தொகை; கணவருக்கு மும்பை கோர்ட் உத்தரவு
http://dlvr.it/SsbTC3

Read More