`ஓபிஎஸ் போன்ற துரோகிகளுக்குப் பாடம் புகட்டவே மதுரையில் அதிமுக மாநாடு!' - தேனியில் கே.பி.முனுசாமி

க​டந்த 22 ஆண்டுகளுக்கு முன்பு எம்.பி தேர்தலில், பெரியகுளம் தொகுதியில் டி.டி.வி.தினகரன் போட்டியிட்டார். அப்போது தேனியில் நடந்த அறிமுகக் கூட்டத்தில் ஓ.பி.எஸ், டி.டி.வி.தினகரன் ஆகிய இருவரும் ஒன்றாக மேடையேறினர். அதன் பிறகு நாளை நடைபெறவிருக்கும் தி.மு.க-வுக்கு எதிரான ஆர்ப்பாட்டத்தில் இருவரும் ஒன்றாக மேடையேறவிருக்கின்றனர். இந்த நிலையில், அ.தி.மு.க பொன்விழாவை முன்னிட்டு வரும் ஆகஸ்ட் 20​-ம் தேதி மதுரையில் எழுச்சி மாநாடு நடைபெறவிருக்கிறது. ​தேனி மாவட்ட அ.தி.மு.க ​சார்பில் இ​ந்த மாநாட்டுக்கு தொண்டர்களை ஒருங்கிணைப்பது, அழைத்து வருவது தொடர்பா​க நடந்த ஆலோசனைக் கூட்டத்தில் பங்கேற்ற அ.தி.மு.க முன்னாள் அமைச்சர்கள் பலரும் ஓ.பி.எஸ், டி.டி.வி குறித்துக் கடுமையான விமர்சனங்களை முன்வைத்திருக்கின்றனர். கூட்டம் நடந்த தனியார் மஹால் இந்தக் கூட்டத்தில் பேசிய நத்தம் விஸ்வநாதன்​, ``அரசியலில் விபத்துபோல ஒருவரை முதலமைச்ச​ராகவும், கட்சித் தலைமைக்கும் கொண்டுவந்தோம். ஓ.பி.எஸ் முடிந்துபோன சகாப்தம், அவரைப் பற்றி நான் பேச விரும்பவில்லை.​ செத்த பாம்பை அடித்து என்ன பயன்.​ எம்.பி தேர்தலில் அவரின் மகனை, பண பலம் மற்றும் அதிகார துஷ்பிரயோகத்தைப் பயன்படுத்தி வெற்றிபெற​ வைத்தார். ​கட்சியினர் யாரையும் வெற்றிபெறச் செய்யவில்லை​. கட்சித் தொண்டர்களுக்கு எதுவும் செய்யவில்லை. ​கடந்த 10 ஆண்டுகளுக்கு முன்பு நடைபெற்ற ​எம்.பி தேர்தலில் அ.தி.மு.க சார்பில் போட்டியிட்ட தங்கதமிழ்ச்செல்வன் தோல்விக்குக் காரணம் ஓ.பி.எஸ்-தான் என்று, ஜெயலலிதாவால் `துரோகி' எனப் பட்டம் ​வாங்கியவர் ஓ.பி.எஸ். அதன் பின்னரும், தன் சுயநலத்துக்காக தேனி மாவட்ட அ.தி.மு.க-வை வலுவிழக்கச் செய்ய முயன்றார். அதை அறிந்த ஜெயலலிதாவால் பலமுறை விசாரணை வளையத்துக்குள் கொண்டுவரப்பட்டு, எச்சரிக்கப்பட்டார்.  தர்மயுத்தக் காலத்தில் ஓ.பன்னீர்செல்வம் என்ற தனி மனிதனுக்காக, அன்று அவருடன் நாங்கள் செல்லவில்லை. கட்சியில் ஆதிக்கச் சக்திகள் இருக்கக் கூடாது என்பதற்காகத்தான் அன்று அவருக்கு ஆதரவு கொடுத்தோம். ஜெயலலிதா சொல்வதுபோல் நூறாண்டுக்காலம் கட்சி இருக்க வேண்டும் என்றால், மன்னார்குடி குடும்பம் கட்சியில் இருக்கக் கூடாது.​ இடைத்தேர்தலில் ஆண்டிபட்டி, பெரியகுளத்தில் அ.தி.மு.க தோல்வியடைந்ததற்குக் காரணம் ஓ.பி.எஸ். தான் முதல்வராக வரவில்லை என்றால், அ.தி.மு.க-வே ஆட்சிக்கு வரக் கூடாது என்ற நிலைப்பாட்டில் இருந்தவர் ஓ.பி.எஸ். அவர் செய்த துரோகம் காரணமாக அவர் மகனின் எம்.பி பதவி செல்லாது என்று நீதிமன்றம் அறிவித்திருக்கிறது. ராமன் இருக்கும் இடம்தான் அயோத்தி, அதுபோல் எடப்பாடி இருக்கும் இடம்தான் அ.தி.மு.க"​ என்றார். திண்டுக்கல் சீனிவாசன் திண்டுக்கல் சீனிவாசன்​ பேசுகையில், ``சசிகலா குடும்பத்தால்தான் ஜெயலலிதா சிறைக்குச் சென்றார். தினகரனால் அடையாளம் காட்டப்பட்டவர்தான் ஓ.பி.எஸ். இந்த மாவட்டத்துக்கு அவர் செய்த சாதனைதான் என்ன... போடியில் தப்பித்தவறி வெற்றிபெற்றுவிட்டார். எம்.ஜி.ஆரைப் பற்றி பேசுவதற்கு, ஜெயலலிதாவைப் பற்றி பேசுவதற்கு ஓ.பன்னீர்செல்வத்துக்கும், டி.டி.வி.தினகரனுக்கும் என்ன தகுதி இருக்கிறது.  `எடப்பாடி முதல்வராக நான் ஏன் தேர்தலில் உழைக்க வேண்டும்?' என்று இருந்தவர் ஓ.பி.எஸ். தை​ரியம் இருந்தால் ஓ.பி.எஸ் தனிக்கட்சி தொடங்கி வெற்றிபெறட்டும்" எ​ன்றார். கூட்டத்தில் பங்கேற்ற கட்சியினர் கே​.பி​.முனிசாமி பேசுகையில்​, ``எதிரிகளிடம் நம் பலத்தைக் காட்டுவதற்காகவும், துரோகிகளுக்குப் பாடம் புகட்ட வேண்டிய நிலையிலும் நாம் இருக்கிறோம். எம்.ஜி.ஆருடன் இருந்த ஆர்.எம்.வீரப்பன், ஜெயலலிதாவை ஏற்றுக்கொள்ளாமல்,  ஜானகியை முதலமைச்சர் ஆக்கினார். அதனால் கட்சியில் பிளவு ஏற்பட்டு, சின்னம் முடக்கப்பட்டது. பின்னர் ஜெயலலிதா முதல்வரான பிறகு, அவரை மன்னித்து மூத்தவர் என்று ஆர்.எம்.வீரப்பனைக் கட்சியில் சேர்த்து அமைச்சர் பதவி வழங்கினார். ஆனால், அப்போது வளர்ந்து வரும் நடிகராக இருந்த ரஜினிகாந்துக்கு ஆதரவாகப் பேசியதால், அமைச்சர் பதவியிலிருந்தும், கட்சியிலிருந்தும் நீக்கினார்.​ அ.தி.மு.க-வை அழிக்க வேண்டும் என்று நினைத்தால், ஆர்.எம்.வீரப்பனுக்கு நேர்ந்த நிலைதான் தற்போது ஓ.பி.எஸ்-ஸுக்கும்​ ஏற்படும்.  தன்னுடைய முதல்வர் பதவி பறிபோன பிறகுதான், அம்மா ஜெயலலிதா மரணத்தில் மர்மம் இருக்கிறது என்று கூறினார் ஓ.பி.எஸ். தர்மயுத்தத்தில் சசிகலா மற்றும் அவரது குடும்பத்தை வெளியேற்ற வேண்டும் எனக் கூறியவர்தான் ஓ.பி.எஸ். சசிகலா சிறைக்குச் சென்ற பின்பு அ.தி.மு.க ஆட்சியைக் கலைக்க வேண்டும் என டி.டி.வி.தினகரன் கூறிவந்தார். ஆனால், அவரால் அது கடைசி வரையில் முடியவில்லை. ​கட்சி பிளவுபடக் கூடாது என்றுதான் ஓ.பி.எஸ்-ஸிடம் பேச்சுவார்த்தை நடத்தினோம். அப்போது துணை முதல்வர், நிதித்துறை, வீட்டு வசதி வாரியத்துறை அமைச்சர் என உயரிய பதவிகள் வேண்டும் என்ற நிபந்தனையுடன்தான் மீண்டும் அ.தி.மு.க-வில் இணைந்தார்.முன்னாள் அ.தி.மு.க அமைச்சர்கள் முதல்வர் வேட்பாளராக யாரை நிறுத்தலாம் என்ற கேள்வி வந்தபோது, தான் முதல்வராக வேண்டும் என ஒருபோதும் எடப்பாடி நினைக்கவில்லை. ஓ.பி.எஸ்-ஸிடம் கேட்டோம், `அதைப் பின்னர் பார்த்துக்கொள்ளலாம்' என​க் கூறினார். ​ ஓ.பி.எஸ் ​போன்ற துரோகிகளுக்குப் பாடம் புகட்டுவதற்காகத்தான் இந்த மாநாடு.​ ​பகவத்கீதை கூற்றுப்படி துரோகியான ஓ.பி.எஸ் அழிக்கப்பட வேண்டும். எடப்பாடியை அழிக்க நினைத்தால் ஓ.பி.எஸ்-ஸாக இருந்தாலும், டி.டி.வி-யாக இருந்தாலும் காணாமல்போய்விடுவார்கள்" என்​றார். மேலும் ​இந்தக் கூட்டத்தில் ​முன்னாள் அமைச்சர்கள் ஆர்.பி.உதயகுமார்​, செல்லூர் ராஜூ​, ​வளர்மதி,​வேலுமணி​, தங்கமணி, செங்கோட்டையன்​ உள்ளிட்டோர் ஓ.பி.எஸ்-ஸுக்கு எதிராகப் பேசினர். ``அவர்களாக முறித்துக்கொள்ளும் வரை, பாஜக கூட்டணியில் தொடர்வோம்..!" - ஓபிஎஸ்
http://dlvr.it/St24nP

Read More

என்.எல்.சி-க்கு எதிரான போராட்டத்தில் வெடித்த வன்முறை - காவல்துறை கையாண்ட `விதம்' எப்படி?!

கடலூர் மாவட்டம், நெய்வேலியில் செயல்பட்டுவரும் மத்திய அரசின் பொதுத்துறை நிறுவனமான நெய்வேலி நிலக்கரி நிறுவனத்தில், நிரந்தரத் தொழிலாளர்கள், கம்பெனி தொழிலாளர்கள், சொசைட்டி மற்றும் ஒப்பந்தத் தொழிலாளர்கள் என சுமார் 20,000-க்கும் மேற்பட்டவர்கள் பணிபுரிந்து வருகின்றனர். இங்கு உற்பத்தி செய்யப்படும் மின்சாரத்தை தமிழகம், புதுச்சேரி, கேரளா, கர்நாடகா, ஆந்திரா, தெலங்கானா உள்ளிட்ட மாநிலங்களுக்கு விநியோகம் செய்யும் என்.எல்.சி நிர்வாகம், தமிழக அரசுக்கு மட்டும் குறைந்த கட்டணத்தில் கொடுத்து வருகிறது.நெய்வேலி அனல் மின்நிலையம் இந்த நிலையில் நிலக்கரி எடுப்பதற்குப் போதுமான நிலம் இல்லை என்றும், அதனால் ஆகஸ்ட் மாதம் முதல் 1,000 மெகாவாட் மின்சாரத்தை நிறுத்தப்போகிறோம் என்றும் சில மாதங்களுக்கு முன்பு அறிவித்தது என்.எல்.சி நிர்வாகம். அதையடுத்து, இரண்டாவது சுரங்க விரிவாக்கத்துக்காக மேல் வளையமாதேவி, கரிவெட்டி, கத்தாழைப் பகுதிகளில் 2006 – 2013 காலகட்டங்களில் கையகப்படுத்திய நிலங்களில் கடந்த 26-ம் தேதி பணியைத் தொடங்கியது என்.எல்.சி நிர்வாகம். என்.எல்.சி சுரங்க நீரை வெளியேற்ற புதிய பரவனாறு அமைக்கும் அந்தப் பணிக்காக, நிலங்களில் சாகுபடி செய்யப்பட்டிருந்த விவசாயப் பயிர்கள் ஜே.சி.பி இயந்திரங்கள் மூலம் அகற்றப்பட்டு, கால்வாய் தோண்டப்பட்டது. அதற்கு விவசாயிகள் எதிர்ப்பு தெரிவித்த நிலையில், போலீஸார் பாதுகாப்புடன் பணியைத் தொடர்ந்தது என்.எல்.சி நிர்வாகம். இதற்கிடையில், விவசாய நிலங்களில் ஜே.சி.பி இயந்திரத்தை இறக்கியதற்கு அனைத்துக் கட்சித் தலைவர்களும் கண்டனம் தெரிவித்தார்கள். அதையடுத்து, என்.எல்.சி-க்கு எதிராக ஜூலை 28-ம் தேதி போராட்டம் நடத்தப்படும் என்று அறிவித்திருந்தார் பா.ம.க தலைவர் அன்புமணி ராமதாஸ். அதைத் தொடர்ந்து, நிலம் கையகப்படுத்தும் பணியை என்.எல்.சி நிர்வாகம் தற்காலிகமாக நிறுத்தியது. அதோடு போராட்ட அறிவிப்பின் முன்னெச்சரிக்கை நடவடிக்கையாக, விழுப்புரம் சரக டி.ஐ.ஜி ஜியாஉல்ஹக் தலைமையில் 2,000 போலீஸார் நெய்வேலி பகுதியில் குவிக்கப்பட்டனர். அத்துடன் நெய்வேலி நுழைவுவாயிலை சீல் வைத்ததுடன், வஜ்ரா வாகனங்களும் தயாராக நிறுத்தப்பட்டிருந்தன.என்.எல்.சி முற்றுகைப் போராட்டத்தில் பங்கேற்பதற்காக நெய்வேலிக்கு வந்த அன்புமணி, அங்கு திரண்டிருந்த தொண்டர்கள் மத்தியில், “தனியாருக்கு விற்கப்படவிருக்கும் என்.எல்.சி-க்காக தமிழக அரசு ஏன் நிலங்களைக் கையகப்படுத்திக் கொடுக்க வேண்டும்... அது அரசின் வேலை கிடையாது. மீண்டும் தமிழக அரசை எச்சரிக்கிறோம். நிறுத்திக்கொள்ளுங்கள். இனி ஒரு பிடி மண்ணைக்கூட கையகப்படுத்தக் கூடாது. இதுவரை கையகப்படுத்திய நிலங்களை மீண்டும் விவசாயிகளிடம் ஒப்படையுங்கள்” என்று பேசிவிட்டு கீழே இறங்கினார். தொடர்ந்து பா.ம.க வழக்கறிஞர் பாலு, வன்னியர் சங்கத் தலைவர் பு.தா.அருள்மொழி மற்றும் நிர்வாகிகள், தொண்டர்களுடன் என்.எல்.சி நுழைவுவாயில் பகுதியை நோக்கிச் சென்றார் அன்புமணி. அவர்களை போலீஸார் தடுத்ததால், தள்ளுமுள்ளு ஏற்பட்டது. இதனைத் தொடர்ந்து பா.ம.க-வைச் சேர்ந்தவர்கள் போலீஸார்மீது தண்ணீர் பாக்கெட்டை வீசியதுடன், போலீஸ் வாகனங்களை கல்வீசித் தாக்கினர். அதனால் போலீஸார் தடியடி நடத்த ஆரம்பித்தனர். ஆனால், அதன் பிறகும் போலீஸார்மீது கல்வீச்சைத் தொடர்ந்தனர் பா.ம.க-வினர். அதில் நெய்வேலி டவுன் இன்ஸ்பெக்டர் ஷாகுல் ஹமீதின் மண்டை உடைந்தது. அவர் உட்பட 12 போலீஸாருக்குக் காயம் ஏற்பட்டது. அதையடுத்து, வானை நோக்கி கண்ணீர் புகைக்குண்டுகள் வீசப்பட்டன. அப்படியும் வன்முறையைக் கட்டுக்குள் கொண்டுவர முடியாததால், கல்வீசியவர்களை கலைப்பதற்காக, காவல்துறையின் வஜ்ரா வாகனம் மூலம் அவர்கள்மீது தண்ணீர் பீய்ச்சி அடிக்கப்பட்டது. அன்புமணி இருந்த காவல் பேருந்தின்மீதும் கற்கள் விழுந்தன. இதையடுத்து, பேருந்தில் இருந்து இறங்கிய பா.ம.க வழக்கறிஞர் பாலு, மறியலில் ஈடுபட்டவர்களை சமாதானப்படுத்தினார். பின்னர், அன்புமணி உட்பட கைதுசெய்யப்பட்ட அனைவரும் அருகில் உள்ள திருமண மண்டபத்தில் தங்கவைக்கப்பட்டனர். நெய்வேலி. இதற்கிடையே, கலவரத்தில் காயமடைந்து என்.எல்.சி மருத்துவமனையில் சேர்க்கப்பட்டிருந்த காவலர்களை, தமிழக டி.ஜி.பி சங்கர் ஜிவால் ஜூலை 28-ம் தேதி மாலை சந்தித்து ஆறுதல் கூறி, உடல்நலம் விசாரித்தார். தொடர்ந்து, மருத்துவமனை வளாகத்திலேயே கடலூர் ஆட்சியர் அருண் தம்புராஜ், என்.எல்.சி தலைவர் பிரசன்னகுமார் மோட்டுப்பள்ளி ஆகியோருடன் டி.ஜி.பி ஆலோசனை நடத்தினர். இந்த ஆலோசனைக்குப் பிறகு, செய்தியாளர்களை சந்தித்த ஐ.ஜி கண்ணன், “என்.எல்.சி நிறுவனத்துக்கு நிலம் கையகப்படுத்தல் தொடர்பான பா.ம.க முற்றுகைப் போராட்டத்தில், முன்னெச்சரிக்கை நடவடிக்கையாக 400 பேர் கைதுசெய்யப்பட்டனர். போராட்டத்தில் தள்ளுமுள்ளு ஏற்பட்ட நிலையில், அன்புமணியைக் கைதுசெய்தபோது, பா.ம.க தொண்டர்கள் கல்வீசித் தாக்குதலில் ஈடுபட்டனர். இதனால் போலீஸார் தடியடி நடத்தி, கண்ணீர் புகை குண்டு வீசினர். இந்தச் சம்பவத்தால் 6 காவலர்கள், 14 காவல் அதிகாரிகள் காயமடைந்தனர். 3 வாகனங்கள் சேதமடைந்தன. அவர்களுக்கு என்.எல்.சி மருத்துவமனையில் சிகிச்சை அளிக்கப்பட்டு வருகிறது. அன்புமணி கைதுசெய்யப்பட்டதற்கு எதிர்ப்பு தெரிவித்து, வடக்கு மண்டலத்தில் சாலைமறியல் போராட்டங்களில் ஈடுபட்டதாக 800 பேர் வரை கைதுசெய்யப்பட்டிருக்கின்றனர்” என்றார். இந்தச் சந்திப்பின்போது, காஞ்சிபுரம் சரக டி.ஐ.ஜி பகலவன், விழுப்புரம் டி.ஐ.ஜி ஜியாஉல் ஹக் ஆகியோர் உடன் இருந்தனர்.ஐ.ஜி கண்ணன் இந்த விவகாரத்தில் தமிழக காவல்துறையின் நடவடிக்கைகள் குறித்து காவல்துறை உயர் அதிகாரிகள் சிலரிடம் பேசினோம். ``என்.எல்.சி விவகாரம் சர்ச்சையானது முதலே வடக்கு மண்டல ஐ.ஜி கண்ணன் அங்கு அனுப்பிவைக்கப்பட்டார். பா.ம.க போராட்டம் அறிவித்ததும் இரவு நேர அரசுப் பேருந்துகள் நிறுத்தி வைக்கப்பட்டன. அந்த நேரங்களில் வெளியூர் செல்பவர்களுக்கு தனியார் வேன்கள் பயன்படுத்தப்பட்டன. காவல்துறை பாதுகாப்பும் வழங்கியது. அதோடு பா.ம.க மற்றும் வன்னியர் சங்கத் தலைவர்கள் சிலரிடம் முன்கூட்டியே பேச ஆரம்பித்தோம். அன்புமணி ராமதாஸிடமும் எந்த ஓர் அசம்பாவிதமும் ஏற்படாதவாறு போராட்டம் நடக்க வேண்டும் எனச் சொல்லியே அனுமதி கொடுக்கப்பட்டது. அதோடு டெல்டா மாவட்டத்தில் இருக்கும் அமைச்சர் மூலமாகவும் அவரிடம் பேசப்பட்டது. வடக்கு மண்டலத்தின் பல இடங்களிலிருந்து காவல்துறையில் பணியாற்றும் இளைஞர்கள் பலர் வரவழைக்கப்பட்டனர். போராட்டக்காரர்களை என்.எல்.சி நிறுவனத்துக்குள் விடக் கூடாது என்பதில் தெளிவாக இருந்தோம். அன்புமணி வந்து பேசிய பிறகு அவரை வேனில் ஏற்றும்போது, அந்த வேன்மீதும் சிலர் கல் எரிய ஆரம்பித்தனர். உடனே அவருக்கான பாதுகாப்பை அங்கு உறுதிசெய்தோம். அதன் பிறகு மண்டபத்துக்கு கொண்டு சென்றதும், விழுப்புரம் சரக டி.ஐ.ஜி, காவல்துறை உயர் அதிகாரிக்கு கால் செய்து அன்புமணியிடம் பேச வைத்தார். அந்தப் பேச்சுவார்த்தைக்குப் பின்னர் போராட்டத்தின் வீரியம் குறைய ஆரம்பித்தது. கடலூர்: என்.எல்.சி போராட்டக்காரர்கள் கல் எரிந்தும்கூட, அவர்களுக்கு எந்த ஒரு பாதிப்பு ஏற்பட்டுவிடக் கூடாது என்பதில் உறுதியாக இருந்தோம். அதனால்தான் கண்ணீர் புகை குண்டுகளைக்கூட வானை நோக்கிச் செலுத்தினோம். அதைத்தான், சிலர் வானை நோக்கி துப்பாக்கிச்சூடு நடத்தப்பட்டதாகச் செய்திகள் வெளியிட்டிருக்கின்றனர். எந்த ஒரு சூழ்நிலையிலும் வன்முறையாக மாறிவிடக் கூடாது என்பதற்காக ஒவ்வொரு அடியும் கவனமாக எடுத்து வைத்தோம். ஏனென்றால் இதற்கு முன்பு கள்ளக்குறிச்சி சம்பவம் போல் நடந்துவிடக் கூடாது என்பதில் தெளிவாக இருந்தோம். எங்கள் தரப்பில் எடுக்கப்பட்ட வீடியோ ஆதாரங்களின் அடிப்படையில், 28-க்கும் மேற்பட்டோர்மீது பொது சொத்துகள் சேதப்படுத்தியது, கலவரம் உருவாகத் தூண்டுதலாக இருந்தது போன்ற காரணங்களுக்காக வழக்கு பதிவுசெய்யப்பட்டிருக்கிறது. இதுபோல் நடந்ததை அன்புமணியே எதிர்பார்க்கவில்லை என்பதுதான் உண்மை” என்றார்கள். என்.எல்.சி நில எடுப்பு விவகாரம்: பாமக போராட்டமும், வன்முறையின் பின்னணியும்!
http://dlvr.it/SszLXN

Read More

அமித் ஷா பயணத்திட்டத்தில் திடீர் மாற்றம்; எதிர்பார்த்து காத்திருந்த தொண்டர்; ஆறுதல் கூறிய அண்ணாமலை!

ராமேஸ்வரத்துக்கு அண்ணாமலையின் `என் மண், என் மக்கள்' பாதயாத்திரையை தொடங்கி வைப்பதற்காக வந்திருந்த உள்துறை அமைச்சர் அமித் ஷா, அதைத் தொடர்ந்து ராமேஸ்வரத்தில் பல்வேறு நிகழ்ச்சிகளில் கலந்துகொண்டார். அதில், ராமேஸ்வரம் அருகே ஏறகாடு கிராமத்தில் பா.ஜ.க நகர் பொதுச்செயலாளர் முருகன் என்பவர் வீட்டுக்கு அமித் ஷாவை அழைத்துச் செல்வதற்காக மாநிலத் தலைவர் அண்ணாமலை திட்டமிட்டிருந்தார். அமித் ஷாவின் பயண திட்டத்திலும் பா.ஜ.க தொண்டர் வீட்டுக்குச் செல்வது இடம்பெற்றிருந்தது. அதனால், அந்த கிராமத்தில் இரண்டு அடுக்கு போலீஸ் பாதுகாப்புகள் போடப்பட்டன. அவரது வீடு முழுவதும் சோதனை செய்யப்பட்டு, பாதுகாப்பு கருதி காஸ் சிலிண்டர் உட்பட சில பொருள்களை அப்புறப்படுத்தியிருந்தனர். அமித் ஷா பயணத்திட்டத்தில் இடம்பெற்ற தொண்டர் வீடு மேலும் வெளி நபர்கள் யாரும் அந்த கிராமத்திற்குள் வரக் கூடாது என உத்தரவிட்டு, 24 மணி நேரமும் துப்பாக்கி ஏந்திய போலீஸார் பாதுகாப்பு பணியில் ஈடுபட்டிருந்தனர். அமித் ஷா வரும்போது யாரும் வீட்டை விட்டு வெளியே வரக் கூடாது என கிராமத்தினருக்கு கட்டுப்பாடு விதித்தனர். இந்த நிலையில் நேற்று காலை அமித்ஷா வருகையையொட்டி அவருக்கு கொடுப்பதற்காக பா.ஜ.க நிர்வாகி முருகன் தேநீர் மற்றும் பிஸ்கட்டுகளை தயார் நிலையில் வைத்திருந்தார். ராமநாதபுரம் உணவுப் பாதுகாப்புத்துறை அதிகாரிகள் அந்த தேநீர் மற்றும் பிஸ்கட்டுகளைப் பரிசோதித்தனர். அமித் ஷா வருகைக்காக முருகன் அவரது குடும்பத்தினர் மற்றும் கிராம மக்கள் ஆவலோடு காத்திருந்தனர். ஆனால் கடைசி நேரத்தில் அமித் ஷா வருகை ரத்துசெய்யப்பட்டு, அவரது சார்பாக பா.ஜ.க மாநிலத் தலைவர் அண்ணாமலை வருவதாகத் தெரிவிக்கப்பட்டதால், அனைவரும் ஏமாற்றமடைந்தனர். தொண்டர் முருகன் வீட்டில் அவரிடம் உரையாடும் அண்ணாமலை பின்னர் வீட்டுக்கு வந்த அண்ணாமலையைக் காலில் விழுந்து பா.ஜ.க நிர்வாகி முருகன் வரவேற்றார். பதிலுக்கு அண்ணாமலையும் முருகன் காலில் விழுந்தார். அவரை வீட்டுக்குள் அழைத்துச் சென்றார். அமித் ஷா பயணத்திட்டத்தின் திடீர் மாற்றத்தால் இங்கு வர முடியவில்லை. கவலைப்பட வேண்டாம். அவரது சார்பில்தான் நான் வந்திருக்கிறேன், உங்களது கோரிக்கையை என்னிடம் கூறுங்கள் என தெரிவித்தார். அப்போது தனக்கு வீடு கட்டி கொடுக்குமாறு அண்ணாமலையிடம் கோரிக்கை வைத்தார். உங்களுக்குப் பிடித்த இடத்தில் மூன்று சென்ட் நிலத்தைக் காட்டுங்கள், அங்கு உங்களுக்கு புதிய வீடு கட்டி கொடுக்கிறேன் என உத்தரவாதம் அளித்தார். அதனைத் தொடர்ந்து அவரது வீட்டில் தேநீர் அருந்திய அண்ணாமலை, அவரது குடும்பத்தாரிடம் சிறிது நேரம் உரையாடிய பிறகு அங்கிருந்து புறப்பட்டு சென்றார். ``கைது நடவடிக்கையை மட்டுமே நம்பியிருக்கிறது திமுக அரசு!” - பத்ரி சேஷாத்ரி கைதுக்கு அண்ணாமலை கண்டனம்
http://dlvr.it/SsxKhY

Read More

அடுத்து மும்பையில்... வேகமெடுக்கும் ’இந்தியா’ கூட்டணியின் அடுத்த மூவ் என்ன?!

மத்தியில் இருக்கும் மோடி ஆட்சியை வீழ்த்த வேண்டும் என்று பெரும்பாலான எதிர்க்கட்சிகள் ‘இந்தியா’ கூட்டணியைக் கட்டமைத்திருக்கின்றன. முதல் கூட்டத்தை பட்னாவிலும், இரண்டாவது கூட்டத்தை பெங்களூரிலும் நடத்திய எதிர்க்கட்சிகள், மூன்றாவது கூட்டத்தை வரும் ஆகஸ்ட் 25, 26 ஆகிய தேதிகளில் மும்பையில் நடத்தவிருக்கின்றன.பாட்னா எதிர்க்கட்சிகள் கூட்டம் வெறுமனே கூட்டம் போட்டு விவாதிப்பது, கலைந்து செல்வது என்றில்லாமல், முக்கியமான முடிவுகளையும் அவர்கள் எடுத்திருக்கிறார்கள். ‘இந்தியா’ கூட்டணியில் இடம்பெற்றுள்ள நிதிஷ்குமார் முதல்வராக இருக்கும் பீகாரிலும், காங்கிரஸ் கட்சி ஆட்சியில் இருக்கும் கர்நாடகாவிலும் கூடிய எதிர்க்கட்சிகள், இந்த முறை ‘இந்தியா’ கூட்டணி ஆட்சியில் இல்லாத மும்பையில் கூடுகின்றன என்பது குறிப்பிடத்தக்கது. மும்பை கூட்டத்துக்கு காங்கிரஸ் கட்சியும், உத்தவ் தாக்கரே தலைமையிலான சிவசேனாவும், சரத்பவார் தலைமையிலான தேசியவாத காங்கிரஸ் கட்சியும் ஏற்பாடுகளைச் செய்கின்றன. சிவசேனாவை உடைத்து, தேசியவாத காங்கிரஸை உடைத்து மகாராஷ்டிராவில் பா.ஜ.க அதிகாரத்தில் இருக்கும் நிலையில், அந்த மாநிலத்தின் தலைநகரில் இந்தியா கூட்டணியில் இடம்பெற்றிருக்கும் 26 கட்சிகளின் தலைவர்கள் கூடவிருப்பது முக்கியத்துவம் வாய்ந்ததாகக் கருதப்படுகிறது. இரண்டாவது கூட்டத்திலேயே தங்கள் கூட்டணிக்கு ‘இந்தியா’ என்று பெயர் வைத்து, ஆளும் தரப்புக்கு அதிரவைத்தவர்கள், மும்பை கூட்டத்தில் பல முக்கிய முடிவுகளை எடுக்கப்போகிறார்கள் என்று செய்திகள் தெரிவிக்கின்றன.பெங்களூரு கூட்டத்தில் சோனியா காந்தி, ஸ்டாலின், மம்தா பானர்ஜி மும்பை கூட்டத்தில் தங்கள் கூட்டணிக்கான குறைந்தபட்ச பொதுத்திட்டத்தை உருவாக்க இந்தியா அணி திட்டமிட்டுவருகிறது. அதற்காக, இந்தியா அணியில் இருக்கும் கட்சிகளின் பிரதிநிதிகள் அடங்கிய குழுவும் அமைக்கப்படவிருக்கிறது. வரும் நாடாளுமன்றத் தேர்தலில் பா.ஜ.க-வைத் தோற்கடிப்பதே அவர்களின் முக்கிய நோக்கம். அதனால்தான், பல்வேறு முரண்டுபாடுகளைக் கொண்டிருந்தபோதிலும், இந்தக் கட்சிகள் ஓரணியில் திரண்டிருக்கின்றன. வரும் நாடாளுமன்றத் தேர்தலில் பா.ஜ.க வேட்பாளர்களுக்கு எதிராக ஒவ்வொரு தொகுதியிலும் எதிர்க்கட்சிகளின் சார்பில் பொது வேட்பாளரை நிறுத்துவது என்கிற உத்தி குறித்து இந்தியா அணி ஆலோசித்துவருகிறது. அது பற்றிய முக்கிய ஆலோசனை மும்பையில் நடக்கவிருக்கும் கூட்டத்தில் நடைபெறும் என்கிறார்கள். ராகுல் காந்தி இது பற்றிய முடிவுகளை ஒரே கூட்டத்தில் எடுத்துவிட முடியாது என்றும், இரண்டு கூட்டங்களிலாவது இது பற்றிப் பேச வேண்டியிருக்கும் என்றும் காங்கிரஸ் கட்சியின் அகில இந்திய பொதுச்செயலாளர் கே.சி.வேணுகோபால் கூறியிருக்கிறார்.அண்ணாமலை நடைப்பயணம்: தமிழக அரசியல் கட்சிகளின் ரியாக்‌ஷன்கள் என்னென்ன?! ‘இந்தியா’ என்ற எதிர்க்கட்சிகள் கூட்டணியின் பெயரை மோடி கடுமையாக விமர்சித்திருக்கிறார். இந்தியா என்ற பெயர் இந்தியன் முஜாஹிதீன், கிழக்கிந்திய கம்பெனி, பாப்புலர் ஃப்ரன்ட் ஆஃப் இந்தியா ஆகிய பெயர்களிலும் இருக்கிறது என்று சாடினார் பிரதமர். இந்தியா என்ற பெயரே ஆளும் பா.ஜ.க-வை அச்சமடையச் செய்திருக்கிறது. அதன் வெளிப்பாடுதான் பிரதமரின் பேச்சு என்று எதிர்க்கட்சிகள் பதிலடி கொடுத்தன. சீதாராம் யெச்சூரி ‘இந்தியாவின் விடுதலைக்காக நேதாஜி சுபாஷ் சந்திரபோஸ், இந்திய தேசிய ராணுவத்தை ஆரம்பித்தார். அது பிரதமர் மோடிக்குத் தெரியுமா?’ என்று ட்வீட் செய்தார் சி.பி.எம் பொதுச்செயலாளர் சீதாராம் யெச்சூரி. ‘இந்தியா’வுக்கு எதிராக மோடி பேசுகிறார் என்றும் எதிர்க்கட்சித் தலைவர்கள் பேச ஆரம்பித்தனர். ‘இந்தியாவைக் காக்க இந்தியா அணியை உருவாக்கியிருக்கிறோம் என்றார் முதல்வர் ஸ்டாலின். இந்த நிலையில், ஆளும் பா.ஜ.க-வுக்கு அரசியல்ரீதியாக பல சவால்களை ஏற்படுத்தும் வகையில் மும்பை கூட்டத்தில் இன்னும் பல முடிவுகளை எடுப்போம் என்கிறார்கள் `இந்தியா’ அணி தலைவர்கள்.
http://dlvr.it/SsvMgp

Read More

மணிப்பூரில் தமிழர்கள் அதிகம் வசிக்கும் மோரே நகரில் மீண்டும் வன்முறை... கள நிலவரம் என்ன?

மணிப்பூரில் தமிழர்கள் அதிகம் வசிக்கும் மோரே பகுதியில் மீண்டும் வன்முறை வெடித்திருக்கிறது. மணிப்பூர் மாநிலத்தில் மியான்மர் எல்லையில் மோரே நகரம் அமைந்திருக்கிறது. அங்கு, சுமார் 3,000 தமிழர்கள் வசித்துவருகிறார்கள். மணிப்பூரில் இரண்டரை மாதங்களுக்கு மேலாக கலவரம் நீடித்துவரும் நிலையில், மற்ற பகுதிகளுடன் ஒப்பிடுகையில், மோரே பகுதியில் பெரியளவுக்கு வன்முறைச் சம்பவங்கள் நிகழவில்லை என்று செய்திகள் கூறுகின்றன.மணிப்பூரில் எல்லைப் பாதுகாப்புப்படை வீரர்கள் மணிப்பூரில் மலை மாவட்டங்களில் வசிக்கும் குக்கி பழங்குடி மக்களுக்கும், சமவெளிப்பகுதியில் வசிக்கும் மைதேயி இனத்தவருக்கிடையே கடந்த மே 3-ம் தேதி மோதல் வெடித்தது. அதன் பிறகு, அங்கு இரண்டு முறை தாக்குதல் சம்பவங்கள் நடைபெற்றிருக்கின்றன. அங்கு, குக்கி பழங்குடியினர் பெரும்பான்மையாக வசிக்கிறார்கள். இரண்டாவதாக மைதேயிகளும், மூன்றாவதாக தமிழர்களும் அதிக எண்ணிக்கையில் வாழ்கிறார்கள். தமிழர்களைப் பொறுத்தளவில் குக்கி, மைதேயி ஆகிய இரண்டு இனத்தவருடனும் நல்ல நட்புடன் இருக்கிறார்கள். ஆகவே, தமிழர்களை அவர்கள் விரோதிகளாகப் பார்ப்பதில்லை. கடந்த மே மாதம் வன்முறை வெடித்தபோது, அங்குள்ள மைதேயி இனத்தவரின் வீடுகளையும் கடைகளையும் குக்கி மக்கள் எரித்திருக்கிறார்கள். அந்தத் தாக்குதலில், 10-க்கும் மேற்பட்ட தமிழர்களின் வீடுகளும் தீயில் எரிந்திருக்கின்றன. ராணுவம் உடனே, தமிழர்களுடன் குக்கி மக்களும் சேர்ந்து அந்தத் தீயை அணைத்திருக்கிறார்கள். அதன் பிறகு, தமிழர்களின் வீடுகளோ, கடைகளோ தாக்கப்படவில்லை என்று செய்திகள் கூறுகின்றன. இந்த நிலையில், ஜூலை 16-ம் தேதியன்று மோரே நகரில் தமிழர்களின் வீடுகளும் கடைகளும் தாக்குதலுக்கு உள்ளாகியிருப்பதாகச் செய்திகள் வெளியாகியிருக்கின்றன. மோரே கடைவீதியில் குக்கி இனத்தைச் சேர்ந்த வன்முறையாளர்கள், மைதேயி இனத்தவரின் கடைகளையும், வீடுகளையும் தீவைத்துக் கொளுத்தியிருக்கிறார்கள். அதில், 30-க்கும் மேற்பட்ட கடைகளும் வீடுகளும் தீக்கிரையானதாகச் செய்திகள் தெரிவிக்கின்றன. இந்தச் சம்பவத்தையடுத்து, மோரே நகரம் முழுவதும் ராணுவம் குவிக்கப்பட்டிருக்கிறது.மணிப்பூர் இது குறித்து மோரே தமிழ்ச் சங்கத்தின் தலைவர் வி.சேகர் சென்னையில் செய்தியாளர்களைச் சந்தித்தார். அப்போது, “ஆரம்பத்தில், மோரே நகரில் 14,000 தமிழர்கள் வசித்தோம். 1995-ம் ஆண்டு குக்கி மக்களுக்கும் தமிழர்களுக்கிடையே மோதல் ஏற்பட்டது. அதன் பிறகு, அங்கு தமிழர்களின் எண்ணிக்கை குறைந்துவிட்டது. தற்போது, 3,000 தமிழர்கள் இருக்கிறோம். குக்கி, மைதேயி என இரண்டு இனத்தவரிடையேயும் தமிழர்களுக்கு எந்தப் பிரச்னையும் இல்லை. மோரே என்பது ஒரு மினி இந்தியா மாதிரி. அனைத்து மாநிலங்களையும் சேர்ந்தவர்கள் அங்கு வசிக்கிறார்கள்.தொடரும் `அதிபயங்கரங்கள்' - மணிப்பூர் மக்களுக்காக இதர மாநிலங்களில் ஆதரவுக்குரல் எழவில்லையா?! கடந்த மே 3, 28 ஆகிய இரண்டு நாள்களில் ஏற்பட்ட வன்முறையில், தமிழர்களுக்குச் சொந்தமான 40 வீடுகளும், கடைகளும் தீக்கிரையாக்கப்பட்டன. தற்போது, மீண்டும் தாக்குதல் நடந்திருக்கிறது. இதனால், மோரே நகரில் பதற்றம் நிலவுகிறது. மணிப்பூர் முதல்வருடன் அமித் ஷா அங்கு கடந்த 60 - 65 வருடங்களாக வசித்துவருகிறோம். எங்களுக்கு ஏதாவது பிரச்னை என்றால், தமிழக மக்களும் தமிழக அரசும்தான் எங்களுக்கு உதவ வேண்டும். தற்போது, தமிழர்களுடைய 35 வீடுகள் எரிந்திருக்கின்றன. பாதிக்கப்பட்ட தமிழர்களுக்கு அரசு உதவிசெய்ய வேண்டும்” என்றார் வி.சேகர்.
http://dlvr.it/Ssrkp3

Read More

`ஆமாம், திமுக வாரிசுகளுக்கான கட்சிதான்!’ - திருச்சியில் கொதித்த மு.க.ஸ்டாலின்

தி.மு.க., டெல்டா மண்டலத்தில் கட்சிரீதியாக உள்ள 15 மாவட்டங்களைச் சேர்ந்த வாக்குச்சாவடி பொறுப்பாளர்கள் பயிற்சிப் பாசறைக் கூட்டம் திருச்சி மாவட்டம், ராம்ஜி நகரில் நடைபெற்றது. தி.மு.க தலைவரும், தமிழ்நாடு முதலமைச்சருமான மு.க.ஸ்டாலின் தலைமையில் நடைபெற்ற இந்தக் கூட்டத்தில்  அமைச்சர்கள், சட்டமன்ற உறுப்பினர்கள், தி.மு.க நிர்வாகிகள் மற்றும் 12,645 வாக்குச்சாவடி பொறுப்பாளரும் கலந்துகொண்டனர். இந்தக் கூட்டத்தில் தி.மு.க தலைவர் மு.க.ஸ்டாலின் பேசுகையில், ``தெரிந்தோ தெரியாமலோ ஆளுநர் நமக்கு ஒரு பெரிய பிரசாரத்தைச் செய்துகொண்டிருக்கிறார். ஆக, அவரை மாற்ற வேண்டும் என்றுகூட நான் சொல்லவில்லை. தேர்தல் வரைக்கும் அவரே இருக்கட்டும். அப்போதுதான் இன்னும் நமக்கு வாக்குகள் அதிகரிக்கும். நம்முடைய தொண்டர் பலத்துக்கும், கட்டமைப்புக்கும் நிகராக தமிழ்நாட்டில் மட்டுமல்ல, இந்தியாவில் மட்டுமல்ல, இந்த உலகத்திலும்கூட ஒரு கட்சியும் இல்லை. அந்த பலத்தை நாம் சமூக ஊடகங்களிலும், களத்திலும் முழுமையாகக் காட்ட வேண்டும். ஏனென்றால், நடைபெறவிருக்கின்ற நாடாளுமன்றத் தேர்தல் என்பது மிக மிக முக்கியமான தேர்தல். யார் ஆட்சிக்கு வர வேண்டும் என்பதைவிட, யார் ஆட்சியில் இருக்கக் கூடாது என்பதுதான் இந்தத் தேர்தலில் முக்கியம். புதுவை உள்ளிட்ட தமிழ்நாட்டில் இருக்கக்கூடிய 40 தொகுதிகளை நம்முடைய அணி கைப்பற்ற வேண்டும் என்பது மட்டுமல்ல, இந்தியா முழுமைக்கும் நமது அணி வெற்றி பெற வேண்டும். ஏனென்றால் இந்தியாவின் கட்டமைப்பை பா.ஜ.க சிதைத்துவிட்டது. இதற்கு எதிர்வரக்கூடிய நாடாளுமன்றத் தேர்தலில் நாம் முற்றுப்புள்ளி வைத்தாக வேண்டும். இல்லையென்றால் தமிழ்நாட்டை மட்டுமல்ல, இந்தியாவையே யாராலும் காப்பாற்ற முடியாது. பா.ஜ.க ஆட்சி தொடரும் என்றால் இந்தியாவில் மக்களாட்சியை, சமூகநீதியை, இந்திய அரசியலமைப்புச் சட்டத்தை யாராலும் காப்பாற்ற முடியாது. மீண்டும் இந்தியாவில் பா.ஜ.க ஆட்சி அமைக்குமானால் இந்தியாவில் ஜனநாயகமே இருக்காது. ஏன் தமிழ்நாடு என்ற மாநிலமோ, சட்டமன்றமோ, முதலமைச்சரோ, அமைச்சர்களோ, சட்டமன்ற உறுப்பினர்களோ, உள்ளாட்சி அமைப்புகளோ இருக்காது. அத்தனையையும் காலி செய்துவிடுவார்கள். இதுதான் அனைத்து மாநிலங்களுக்கும் நடக்கும். நாம் 40 தொகுதிகளில் வெற்றிபெற்று போனாலும், வட மாநில எம்.பி-க்களை வைத்து ஆட்சியைப் பிடித்துவிடலாம் என நினைக்கிறார்கள். எனவேதான் இந்தத் தேர்தலை மிக மிக முக்கியமான தேர்தல் என நான் சொல்கிறேன்.மு.க.ஸ்டாலின் மாநிலங்களில் பல்வேறு மொழியைப் பேசுபவர்களுக்கு, பண்பாட்டைச் சேர்ந்தவர்களுக்கு எதிரான சிந்தனைகொண்ட ஒரு கட்சிதான் பாரதிய ஜனதா கட்சி. பா.ஜ.க இந்தத் தேர்தலில் வீழ்த்தப்பட வேண்டுமென்று இந்த முக்கியமான இலக்கை முன்னெடுக்கின்ற 26 கட்சிகளை ‘இந்தியா’ என்ற கூட்டணியாக சேர்த்திருக்கிறோம். இந்தியாவைக் காப்பாற்றப்போவது இந்தியா என்னும் இந்தக் கூட்டணிதான். இதைப் பிரதமராக இருக்கின்ற மோடியால் தாங்கிக்கொள்ள முடியவில்லை” என்றார்.Tamil News Today Live: ``ஆளுநர் ரவி பதவியில் நீடித்தால் நமக்கு வாக்குகள் கூடும்!'' - திருச்சியில் ஸ்டாலின் தொடர்ந்து பேசியவர், ``பா.ஜ.க-வை எதிர்க்க ஒரு வலுவான அணியை அமைத்துவிட்டார்களே என மோடி ஏதேதோ பேசிக்கொண்டு வருகிறார். இந்த நோக்கத்தை ஓராண்டாகவே நான் முன்னெடுத்து வருவதால் அவர்களுக்கு என்மீதும் கோபம். அதனால்தான் மோடி மத்தியப் பிரதேசத்துக்குச் சென்றாலும், அந்தமான் விமான நிலையத்தை திறந்துவைக்கச் சென்றாலும் அங்கேயும் தி.மு.க-வைத்தான் திட்டிக்கொண்டிருக்கிறார். தி.மு.க வாரிசுகளுக்கான கட்சி எனக் கேட்டுக் கேட்டுப் புளித்துப் போனதையே சொல்லிக்கொண்டிருக்கிறார். வேறு ஏதாவது யோசித்துக் கண்டுபிடித்துச் சொல்லுங்கள். மு.க.ஸ்டாலின் நானே சொல்கிறேன், இது வாரிசுகளுக்கான கட்சிதான். (இன்னும் அழுத்தமாக மேடையை தட்டிக்கொண்டே சொல்கிறார்!) ஆமாம், இது வாரிசுகளுக்கான கட்சிதான். ஆரியத்தை வீழ்த்த திராவிடத்தின் வாரிசுகள் நாங்கள். தந்தை பெரியாரின், அண்ணாவின், கலைஞரின் வாரிசுகள் நாங்கள். இதைத் தைரியமாகப் பெருமையோடு என்னால் சொல்ல முடியும். ஆனால், கோட்சேவின் வாரிசுகள்தான் நீங்கள். உங்களால் இதை தைரியமாகச் சொல்ல முடியுமா... சொல்வதற்கான தைரியம் உங்களுக்கு உண்டா... 2002-ம் ஆண்டு குஜராத்தில் என்ன நடந்தது என்பதை மக்கள் மறக்கவில்லை. அன்று குஜராத்தில் நடந்ததை இன்று மணிப்பூர் நினைவூட்டிக்கொண்டிருக்கிறது. மே மாதம் தொடங்கிய வன்முறையை இன்றுவரை அந்த  மாநிலத்தை ஆளக்கூடிய பா.ஜ.க அரசாலும், ஒன்றிய பா.ஜ.க அரசாலும் தடுக்க முடியவில்லை. வன்முறையாளர்களும், மணிப்பூர் போலீஸாரும் கைகோத்துக்கொண்டு மக்களைத் தாக்கிக்கொண்டிருக்கிறார்கள். பா.ஜ.க-வைச் சேர்ந்த சட்டமன்ற உறுப்பினரே இதைச் சொல்லியிருக்கிறார். ஒற்றுமையாக இருக்கக்கூடிய மக்கள் மனதில் வேற்றுமையை விதைத்து மனக்கசப்பை உருவாக்கி, வெறுப்பு அரசியல் மூலமாக அரசியல் ஆதாயம் தேட நினைத்ததால்தான் இன்றைக்கு மணிப்பூர் பற்றியெரிந்துகொண்டிருக்கிறது. இங்கு ஒரு கொத்தடிமைகள் கூட்டம் அ.தி.மு.க என்ற பெயரில் இயங்கிக்கொண்டிருக்கிறது. அவர்கள் யாராவது மணிப்பூரைப் பற்றிப் பேசினார்களா... ‘பா.ஜ.க-வுக்கு நான் அடிமையில்லை’ என்று சொல்லும் பழனிசாமி, மணிப்பூர் கொடுமைக்குக் காரணமான அந்த மாநில முதலமைச்சரையோ, ஒன்றிய பா.ஜ.க-வையோ கண்டித்தாரா... பழனிசாமியைப் பக்கத்தில் வைத்துக்கொண்டு, ஊழல் ஒழிப்பைப் பற்றி பிரதமர் மோடி பேசுகிறார். சி.பி.ஐ விசாரணைக்கு உயர் நீதிமன்றத்தால் உத்தரவிடப்பட்டு, அதற்குத் தடை கேட்டு உச்ச நீதிமன்றம் போனவர்தான் பழனிசாமி. கர்நாடகா மாநிலத்தில் ஊழலுக்காகத்தானே பா.ஜ.க அரசை அங்கு மக்கள் விரட்டியடித்தார்கள். அ.தி.மு.க மீதான ஊழல் வழக்குகளைக் காட்டி அவர்களை அடிபணிய வைத்தது பா.ஜ.க. கடந்த காலத்தில் தமிழ்நாட்டின் அனைத்து உரிமைகளையும் பா.ஜ.க-வுக்கு பயந்து அடமானம் வைத்தது அ.தி.மு.க. ஆக, உரிமைகளைக் கைவிட்டவர்களும், காவு வாங்கியவர்களும் இன்றைக்குக் கைகோத்துவருகிறார்கள். இவர்களை இந்தத் தேர்தலில் முழுமையாக நாம் வீழ்த்தியாக வேண்டும். இந்தியாவின் மற்ற மாநிலங்களும் மணிப்பூரைப்போல ஆகிவிடாமல் தடுத்தாக வேண்டும். தமிழை, தமிழினத்தை, தமிழ்நாட்டு மக்களைக் காக்க வேண்டுமானால், இந்தியாவின் ஜனநாயகக் கட்டமைப்பை நாம் காப்பாற்றியாக வேண்டும். முத்துவேல் கருணாநிதி ஸ்டாலினின் போர்ப்படைத் தளபதிகள் நீங்கள். உங்களை நம்பி நாடாளுமன்றத் தேர்தல் களத்தை நான் ஒப்படைத்திருக்கிறேன். என் கடமையின் தூதுவர்களாக ஒவ்வொரு வாக்குச்சாவடியிலும் பணியாற்றக்கூடியவர்கள் நீங்கள். கழகத்தின் வெற்றிக்காக களமாடுங்கள். நாற்பதும் நமதே, நாடும் நமதே. இந்தியா வெல்லும் அதை 2024 சொல்லும்” என்றார்.
http://dlvr.it/SsnvDV

Read More

`திமுக அமைச்சர்களிடம் அடுத்தடுத்து அமலாக்கத்துறை சோதனை நடத்துவது?' - விகடன் கருத்துக்கணிப்பு முடிவு

அடுத்த வருடம் நாடாளுமன்றத் தேர்தல் நடைபெறவிருக்கிறது. பா.ஜ.க-வுக்கு எதிராக எதிர்க்கட்சிகள் கூட்டணி அமைத்து, தங்களின் கூட்டணிக்கு `இந்தியா' (I.N.D.I.A) என பெயர் சூட்டியிருக்கின்றன. தமிழ்நாட்டின் முதல்வர் ஸ்டாலின், எதிர்க்கட்சிகளின் முதல் கூட்டணிக் கூட்டத்துக்காக பாட்னாவுக்குச் சென்றபோது, தமிழ்நாட்டின் மின்சாரத்துறை அமைச்சர் செந்தில் பாலாஜி தொடர்புடைய இடங்களில் அமலாக்கத்துறை சோதனை நடத்தி, அவர்மீது நடவடிக்கை எடுத்தது.விகடன் கருத்துக்கணிப்பு அதேபோல முதல்வர் ஸ்டாலின், எதிர்க்கட்சிகளின் இரண்டாவது கூட்டத்துக்காக பெங்களூருக்குச் சென்றபோது, உயர் கல்வித்துறை அமைச்சர் பொன்முடி தொடர்புடைய இடங்களில் அமலாக்கத்துறை சோதனை நடத்தியது. அப்போது பெங்களூரு கூட்டத்தில் பேசிய முதல்வர் ஸ்டாலின், ``பாட்னாவில் முதல் கூட்டம் நடைபெற்றபோது தி.மு.க-வைக் குறிவைத்து அமலாக்கத்துறை சோதனை மேற்கொண்டது. பெங்களூரில் 2-வது கூட்டம் நடைபெறும்போதும், தி.மு.க-வைக் குறிவைத்து அமலாக்கத்துறை சோதனை நடத்துகிறது" எனத் தெரிவித்தார். மேலும் காங்கிரஸ், திரிணாமுல் காங்கிரஸ், ஆம் ஆத்மி உள்ளிட்ட எதிர்க்கட்சிகளும் மத்திய அரசு அமலாக்கத்துறை, வருமான வரித்துறை, சி.பி.ஐ போன்ற அமைப்புகளை எதிர்க்கட்சிகள்மீது ஏவிவிடுவதாகக் குற்றம்சாட்டின. இந்த நிலையில், அமலாக்கத்துறையின் இத்தகைய சோதனை நடவடிக்கை குறித்து விகடன் வலைதளப் பக்கத்தில் வாசகர்களிடம் கருத்துக்கணிப்பு நடத்தப்பட்டது.விகடன் கருத்துக்கணிப்பு அதில், தி.மு.க அமைச்சர்களிடம் அடுத்தடுத்து அமலாக்கத்துறை சோதனை நடத்துவது... 'அரசியல் காழ்ப்புணர்ச்சி'... 'கடமையைச் செய்கிறது அமலாக்கத்துறை'... 'கருத்து இல்லை' என மூன்று விருப்பத்தேர்வுகள் கொடுக்கப்பட்டன. இந்தக் கருத்துக்கணிப்பின் முடிவில் அதிகபட்சமாக 55 சதவிகித வாசகர்கள் அரசியல் காழ்ப்புணர்ச்சி என்றும், 40 சதவிகித வாசகர்கள் கடமையைச் செய்கிறது அமலாக்கத்துறை என்றும், 5 சதவிகித வாசகர்கள் கருத்து இல்லை என்றும் வாக்களித்திருக்கிறார்கள்.பொன்முடியைக் கட்டம்கட்டிய அமலாக்கத்துறை! - திமுக ரியாக்‌ஷன் என்ன?!
http://dlvr.it/Ssl3t1

Read More