சனாதனம் குறித்த பேச்சு; டெல்லி போலீஸில் புகார்; `காவிகளின் மிரட்டல்களுக்கு பயப்பட மாட்டோம்'- உதயநிதி

சென்னையில் நடைபெற்ற தமிழக முற்போக்கு எழுத்தாளர் சங்கத்தின் சனாதன ஒழிப்பு மாநாட்டில், தி.மு.க கழக இளைஞர் அணிச் செயலாளரும், தமிழ்நாடு மாநில இளைஞர் நலன் மற்றும் விளையாட்டுத்துறை அமைச்சருமான உதயநிதி ஸ்டாலின் கலந்துகொண்டு உரையாற்றினார். அப்போது பேசிய அவர், `` `சனாதன எதிர்ப்பு மாநாடு’ எனக் குறிப்பிடாமல், ‘சனாதன ஒழிப்பு மாநாடு’ எனக் குறிப்பிட்டிருக்கிறீர்கள். இந்த மாநாட்டின் தலைப்பே மிகவும் சிறப்பாக அமைந்திருக்கிறது. அதற்கு என்னுடைய வாழ்த்துகள். சிலவற்றை நாம் ஒழிக்கத்தான் வேண்டும். எதிர்க்க முடியாது.உதயநிதி ஸ்டாலின் கொசு, டெங்கு காய்ச்சல், மலேரியா, கொரோனா இவற்றையெல்லாம் நாம் எதிர்க்கக் கூடாது. ஒழித்துக்கட்ட வேண்டும். அப்படித்தான் இந்த சனாதனம். சனாதனம் என்றால் என்ன... சனாதனம் என்கிற பெயரே சம்ஸ்கிருதத்திலிருந்து வந்ததுதான். சனாதனம் சமத்துவத்திற்கும், சமூகநீதிக்கும் எதிரானது. சனாதனம் என்பதன் அர்த்தம் நிலையானது, யாரும் கேள்வி கேட்க முடியாதது, மாற்ற முடியாதது என்பதுதான். எல்லாவற்றையும் மாற்ற முடியும், எதுவுமே நிலையானது கிடையாது, எல்லாவற்றுக்கும் நாம் கேள்வி கேட்க வேண்டும் என்பதற்காக உருவான இயக்கங்கள்தான் கம்யூனிஸ்ட் இயக்கமும், திராவிட முன்னேற்றக் கழகமும். இந்த ஆண்டு, வள்ளலார்க்கு 200-வது ஆண்டு, கலைஞருக்கு 100-வது ஆண்டு, வைக்கம் போர் நடந்து 100-வது ஆண்டு, தி.மு.க-வுக்கு பவள விழா ஆண்டு. பல்வேறு நிலைகளில் சிறப்பான நிகழ்ச்சிகள் நடத்தப்பட்டு வருகின்றன. இந்த நிலையிலும், மாணவர்களுக்கு உணவு வழங்குவதால் பள்ளிகளில் கக்கூஸ் நிரம்பி வழிகிறது என செய்தி போடுகிறார்கள். அதற்கு முதல்வர் நிலவுக்கு சந்திராயன் விடும் இந்தக் காலத்திலேயே இப்படி பேசுகிறார்கள் என்றால், அப்போது எப்படியெல்லாம் இருந்திருப்பார்கள் எனக் குறிப்பிட்டார்.கலைஞர் கருணாநிதி கலை என்றாலே ஒரு குறிப்பிட்ட பிரிவினருக்குத்தான் எனக் கூறி வந்தபோது, அதை உடைத்தவர் கலைஞர். சம்ஸ்கிருத வார்த்தைகளை விட்டொழித்து தமிழில் வசனங்களை எழுதியவர். திராவிட இயக்கமும், கம்யூனிஸமும் வந்த பிறகுதான் கலையும், இலக்கியமும் உழைக்கும் மக்களிடம் வந்து சேர்ந்தன. தமிழ்நாட்டில் ராமாயணமும், மகாபாரதமும்தான் மக்களுக்கான கலையாகவும், எழுத்தாகவும் பேசப்பட்டு வந்தன. திராவிட இயக்கமும், கம்யூனிச இயக்கமும் வந்த பிறகுதான் திருக்குறள், சிலப்பதிகாரம், மணிமேகலை போன்றவை சமூகத்தில் பேசப்பட்டன. கலைஞர் குறளோவியம் எழுதினார். பூம்புகார் திரைப்படத்தின் கதை, வசனம் வாயிலாக சிலப்பதிகாரத்தின் கதையைச் சொன்னார். மனிதர்கள் யாரும் பசியால் வாடக் கூடாது என்றுதான் வள்ளலார், வடலூரில் அணையா அடுப்பைப் ஏற்றினார். அந்த அடுப்பு இன்னமும் அணையாமல் எரிந்து கொண்டிருக்கிறது. வள்ளலார் ஏற்றிய அந்த அடுப்பிலிருந்து நெருப்பை எடுத்துத்தான் நமது முதல்வர் தமிழ்நாடு முழுவதும் பள்ளிக்கூடங்களில் காலை உணவுத் திட்டம் என்ற அடுப்பைப் பற்ற வைத்திருக்கிறார்.முதல்வர் ஸ்டாலின் 31 ஆயிரம் அரசுப் பள்ளிகளில் 1 - 5 வகுப்பு மாணவர்கள் 17 ஆயிரம் பேர் பயனடைந்து வருகிறார்கள். எந்த மாவட்டத்துக்கு சுற்றுப்பயணம் சென்றாலும், பள்ளிக்குச் சென்று அங்குதான் காலை உணவை மாணவர்களுடன் உட்கொள்வேன். அதன் மூலம் மாணவர்களிடமும், ஆசிரியர்களிடம் உணவு குறித்தும், மாணவர்கள் வருகை குறித்தும் விசாரிப்பேன். மக்களை சாதிகளாகப் பிரித்து தனித்தனியாக இருக்கவேண்டும் என்று சொன்னதுதான் சனாதனம். ஆனால், கலைஞரோ எல்லா சமூக மக்களையும் ஒரே இடத்தில் குடியமர்த்தி அந்த இடத்திற்கு, `சமத்துவபுரம்’ என்று பெயர் வைத்து சனாதனத்துக்குச் சம்மட்டி அடி கொடுத்தார். Junior Vikatan-ன் பிரத்யேக Whatsapp Group... இணைவதற்கு இங்கே க்ளிக் செய்யவும்... 
https://bit.ly/3PaAEiY">
https://bit.ly/3PaAEiY">
https://bit.ly/3PaAEiY">
https://bit.ly/3PaAEiY வணக்கம், BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள். ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்... 
https://bit.ly/3PaAEiY">
https://bit.ly/3PaAEiY">
https://bit.ly/3PaAEiY">
https://bit.ly/3PaAEiY சமத்துவ புரம் பராமரிக்கப்பட்டு, அனைத்து சாதியினரும் அர்ச்சகம் ஆகலாம் என்ற சட்டத்தை அமல்படுத்தி சமத்துவத்தை வளர்ப்பதுதான் திராவிட மாடல். பெண்கள் வீட்டுப் படியைத் தாண்டக் கூடாது என்பதுதான் சனாதானம். நீலம் தாண்டுதல், உயரம் தாண்டுதல் என அவர்களை சாதனையின் பக்கம் அழைத்துச் செல்வதுதான் திராவிட மாடல். கணவன் இறந்தால் உடன்கட்டை ஏறுதல், கைம் பெண்களை வெள்ளைப் புடவை அணியச் செய்வது, குழந்தை திருமணம் என்பதெல்லாம் சனாதானம். திராவிட மாடல், பெண்களுக்கு உதவித்தொகை, இலவசப் பேருந்து, மகளிர் சுய உதவிக்குழுவுக்கு நிதி என பெண்களே தங்களை முன்னேற்றிக்கொள்ள வழி செய்தது.உதயநிதி ஸ்டாலின் பா.ஜ.க ஆளும் மணிப்பூரில், தன் சொந்த மாநில மக்களையே இரண்டு குழுக்களாகப் பிரித்து கலவரம் அரங்கேற்றியதுதான் சனாதானம். ஆனால், மணிப்பூரில் பாதிக்கப்பட்ட விளையாட்டு வீரர்களை இங்கே வரவழைத்து பயிற்சி அளித்ததுதான் திராவிடம். பொய் செய்திகளை பரப்பி பிரச்னையை வளர்த்தது. அதையும் திராவிட மாடல் அடித்து ஒடித்தது. விஷ்வ கர்மா திட்டம் மூலம் குலத்தொழில் செய்வதை ஊக்குவிக்கும் சனாதான திட்டத்தை திராவிட மாடல் எதிர்க்கும். கல்வியைப் பறிப்பதுதான் சனாதானம். அதற்காக சனாதானத்தை எதிர்ப்பதுதான் திராவிடம். இந்த மாநாட்டை பார்க்கும் சிலருக்கு வயிறு எரியும். அது இன்னும் நன்றாக எரியட்டும். தொடர்ந்து இது போன்ற மாநாடுகளை நடத்துங்கள். எனவே, சனாதனம் வீழட்டும், திராவிடம் வெல்லட்டும்" என்று கூறியிருந்தார். உதயநிதி ஸ்டாலின் பேச்சுக்கு தமிழக பா.ஜ.க தலைவர் அண்ணாமலை, ``உதயநிதியின் பேச்சுக்கு கடும் கண்டனங்கள். இது மிஷினரிகளிடமிருந்து பெறப்பட்ட வார்த்தைகள்" எனக் குறிப்பிட்டிருக்கிறார். பா.ஜ.க மூத்த தலைவர் ஷாநவாஸ் ஹுசைன், "தமிழ்நாடு முதல்வர் மு.க.ஸ்டாலின், இந்தியா கூட்டணியின் தூணாக இருக்கிறார். அவரின் மகன் உதயநிதி ஸ்டாலின், சனாதனத்தை எதிர்த்துப் பேசுகிறார். இந்த விவகாரத்தில் காங்கிரஸும், இந்தியா கூட்டணிக் கட்சிகளும் தங்களது நிலைப்பாட்டை விளக்க வேண்டும். இத்தகைய பேச்சுகள் துரதிஷ்டவசமானவை. இத்தகைய பேச்சு கடும் கண்டனத்துக்குரியது" எனக் குறிப்பிட்டிருக்கிறார்.அண்ணாமலை இதற்கிடையில், சனாதன தர்மத்திற்கு எதிராக கருத்து தெரிவித்ததாக அமைச்சர் உதயநிதி மீது வழக்கு பதிவுசெய்யக்கோரி டெல்லி காவல் நிலையத்தில் உச்ச நீதிமன்ற வழக்கறிஞர் வினீத் ஜிண்டால் புகார் அளித்திருக்கிறார். சட்ட உரிமைகள் கண்காணிப்பகம் உதயநிதி ஸ்டாலினுக்கு எதிராக சட்டரீதியாக நடவடிக்கை எடுக்கப்படும் எனத் தெரிவித்திருந்தது. இவை அனைத்துக்கும் பதிலளிக்கு விதமாக அமைச்சர் உதயநிதி ஸ்டாலின் தனது ட்விட்டர் பக்கத்தில், ``நான் ஒருபோதும் சனாதன தர்மத்தை பின்பற்றும் மக்களை இனப்படுகொலைக்கு அழைத்ததில்லை. சனாதன தர்மம் என்பது சாதி, மத பெயரால் மக்களைப் பிரிக்கும் கொள்கை. அதை வேரோடு பிடுங்குவது மனித நேயத்தையும், மனித சமத்துவத்தையும் நிலை நிறுத்துவதாகும்.உதயநிதி ஸ்டாலின் இதனால் பாதிக்கப்படும் ஒடுக்கப்பட்ட மற்றும் ஒதுக்கப்பட்ட மக்களின் சார்பாகவே பேசினேன். காவிகளின் மிரட்டல்களுக்கு பயப்பட மாட்டோம். நீதிமன்றமாக இருந்தாலும் சரி, மக்கள் மன்றமாக இருந்தாலும் சரி எனக்கு வரும் சவால்களை எதிர்கொள்ள தயாராக இருக்கிறேன்" எனக் குறிப்பிட்டிருக்கிறார். Junior Vikatan-ன் பிரத்யேக Whatsapp Group... இணைவதற்கு இங்கே க்ளிக் செய்யவும்... 
https://bit.ly/3PaAEiY">
https://bit.ly/3PaAEiY">
https://bit.ly/3PaAEiY">
https://bit.ly/3PaAEiY வணக்கம், BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள். ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்... 
https://bit.ly/3PaAEiY">
https://bit.ly/3PaAEiY">
https://bit.ly/3PaAEiY">
https://bit.ly/3PaAEiYமிஸ்டர் கழுகு: தமிழ்நாட்டுக்கு உதயநிதி... I.N.D.I.A-வுக்கு ஸ்டாலின் - தேர்தல் மூடில் தி.மு.க!
http://dlvr.it/SvbLMZ

Read More

குடிநீரில் கலந்த கழிவுநீர்: `அந்த அதிகாரியை சஸ்பெண்ட் செய்யுங்க’ - கொதித்த பொன்முடி; நடந்தது என்ன?!

விழுப்புரம் மாவட்டம், கண்டமங்கலத்தை அடுத்த நவமால்மருதூர் கிராமத்தில் பட்டியல் சமூகத்தினர் வசிக்கும் பகுதியில் 1,000-க்கும் மேற்பட்ட குடும்பங்கள் வசித்துவருகின்றன. இந்தப் பகுதியில் சுமார் 2.5 மீட்டர் அகலம் கொண்ட கழிவுநீர் வாய்க்கால் ஒன்று செல்கிறது. இதன் நடுவே செல்வதாகக் கூறப்படும் குடிநீர்க் குழாயில் கழிவுநீர் கலந்ததாகச் சொல்லப்படுகிறது. இந்த நீரைக் குடித்த சிறியவர்கள் முதல் பெரியவர்கள் வரை ஒருவரைத் தொடர்ந்து மற்றொருவர் எனச் சுமார் 20 பேருக்கு வாந்தி, மயக்கம், வயிற்றுப்போக்கு உள்ளிட்ட உடல் உபாதைகள் ஏற்பட்டிருக்கின்றன. எனவே பாதிக்கப்பட்டவர்கள்... கண்டமங்கலம், அரியூர், விழுப்புரம் அரசு மருத்துவமனைகள்; புதுவை ஜிப்மர் மருத்துவமனை, முண்டியம்பாக்கம் மருத்துவக் கல்லூரி மருத்துவமனை மற்றும் தனியார் மருத்துவமனைகளிலும் சிகிச்சைக்காகச் சேர்க்கப்பட்டிருக்கின்றனர்.கழிவுநீர் கலந்த குடிநீர்கழிவுநீர்த் தேக்கமான காகுப்பம் ஏரி... களமிறங்கிய கலெக்டர்! - ஜூ.வி ஆக்‌ஷன் இதையடுத்து, கண்டமங்கலம் வட்டார மருத்துவ அலுவலர் மற்றும் நடமாடும் மருத்துவக்குழுவினர் அந்தப் பகுதிக்கு நேரடியாகச் சென்று அந்த மக்களுக்குச் சிகிச்சை அளிக்கத் தொடங்கியிருக்கின்றனர். இந்த நிலையில், விழுப்புரம் அரசு மருத்துவமனை மற்றும் முண்டியம்பாக்கம் மருத்துவக் கல்லூரி மருத்துவமனைகளில் சிகிச்சைக்காகச் சேர்க்கப்பட்டவர்களுக்கு முறையான சிகிச்சை அளிக்கவில்லை எனக் குற்றச்சாட்டுகள் எழுந்தன. நவமால்மருதூர் கிராமத்தில் கடந்த வாரம் கோயில் திருவிழா ஒன்று நடைபெற்றிருக்கிறது. இந்தத் திருவிழாவைக் கண்டுகளிப்பதற்காக கடலூர் மாவட்டம், செல்லாங்குப்பத்தை சேர்ந்த ஷியாமளா (44) என்பவர் நவமால்மருதூர் கிராமத்திலுள்ள உறவினர் வீட்டுக்கு வந்திருக்கிறார். கழிவுநீர் கலந்ததாகக் கூறப்படும் குடிநீரை அவரும் குடித்ததால், உடல்நல பாதிப்புகள் ஏற்பட்டு விழுப்புரம் அரசு பொது மருத்துவமனையில் சிகிச்சைக்காகச் சேர்க்கப்பட்டிருக்கிறார். அங்கு அவருக்கு சிகிச்சை பயனளிக்காமல் போகவே, மேல் சிகிச்சைக்காக முண்டியம்பாக்கம் அரசு மருத்துவக் கல்லூரி மருத்துவமனைக்கு அனுப்பிவைக்கப்பட்டிருக்கிறார். ஆனால், அங்கு அவருக்கு மருத்துவர்கள் உரிய சிகிச்சை அளிக்கவில்லை எனக் கூறி, நேற்று காலை கண்டமங்கலம் ரயில் நிலையம் அருகே அவரின் உறவினர்கள், நவமால்மருதூர் கிராம மக்கள் சாலை மறியல் போராட்டத்தில் ஈடுபட்டனர். மேலும் ஷியாமளா உட்பட முண்டியம்பாக்கத்தில் அனுமதிக்கப்பட்டிருக்கும் மற்றவர்களுக்கும் மருத்துவர்கள் உரிய சிகிச்சை அளிக்கவில்லை என மீண்டும் குற்றச்சாட்டை முன்வைத்து நேற்று மாலை அதே பகுதியில் சாலை மறியல் போராட்டத்தில் ஈடுபட்டனர். ஷியாமளாவிழுப்புரம் அரசு மருத்துவக் கல்லூரி மருத்துவமனை: அடுக்கடுக்காகக் குற்றச்சாட்டுகள்; கவனிக்குமா அரசு?! இந்த நிலையில், இன்று காலை ஷியாமளா உயிரிழந்ததாகப் பரபரப்பு தகவல்கள் வெளியாகின. ஆனால், "அவர் உயிரிழக்கவில்லை. உயிருக்கு ஆபத்தான நிலையில் வென்டிலேட்டர் சிகிச்சையில் வைக்கப்பட்டிருக்கிறார்" என முண்டியம்பாக்கம் மருத்துவமனை தரப்பில் தெரிவிக்கப்பட்டிருக்கிறது.  இதற்கிடையே மருத்துவர்கள் உரிய சிகிச்சை அளிக்கவில்லை என்ற குற்றச்சாட்டை முன்வைத்து, முண்டியம்பாக்கத்தில் சிகிச்சை பெற்றுவருபவர்களின் உறவினர்கள் சாலை மறியல் செய்யப்போவதாகத் தகவல்கள் வெளியாகின.  இந்த நிலையில், விழுப்புரம் நகராட்சிக்கு உட்பட்ட அனிச்சம்பாளையத்தில் கட்டப்பட்டிருக்கும் மொத்த மீன் விற்பனை அங்காடியைத் திறந்துவைத்தார் அமைச்சர் பொன்முடி. அப்போது இந்த நவமால்மருதூர் சம்பவம் தொடர்பாக தலைமை இடத்திலிருந்து அவருக்கு போனில் அழைப்பு வந்ததாகக் கூறப்படுகிறது. அங்கிருந்து சற்றுத் தொலைவாகச் சென்று பேசியவர், திரும்பி வந்து மாவட்ட ஆட்சியர் பழனியிடம் பேசினார். அப்போது, "அந்த ஊராட்சியில் சம்பந்தப்பட்ட அதிகாரியை சஸ்பெண்ட் செய்யுங்கள்" எனக் கோபமாகக் கூறினாராம். அங்கிருந்த நேராக முண்டியம்பாக்கம் அரசு மருத்துவக் கல்லூரி மருத்துவமனைக்குச் சென்ற பொன்முடி, கழிவுநீர் கலந்த குடிநீரை அருந்தி சிகிச்சை பெற்றுவருபவர்களைச் சந்தித்து ஆறுதல் கூறினார். மாவட்ட ஆட்சியர் பழனியிடம் பேசும் பொன்முடி அதன் பின்னர் செய்தியாளர்களைச் சந்தித்த அவர், "குடிதண்ணீர் குழாயில் ஓட்டை விழுந்து சாக்கடை நீர் கலந்ததாகச் சொல்கிறார்கள். அதை அருந்திய 20 பேருக்கு வயிற்றுப்போக்கு, வாந்தி ஏற்பட்டு மருத்துவமனையில் ஆம்புலன்ஸ் உதவியோடு அனுமதிக்கப்பட்டிருக்கின்றனர். அவர்களில் 16 பேர் டிஸ்சார்ஜ் ஆகி சென்றுவிட்ட நிலையில், ஒருவர் ஜிப்மர் மருத்துவமனையிலும், மீதி மூன்று பேர் முண்டியம்பாக்கம் மருத்துவமனையிலும் சிகிச்சை பெற்றுவருகின்றனர். அந்த மூன்று பேரில் ஒருவர் மட்டும் அபாயநிலையில் இருப்பதாகத் தெரிகிறது. அவர் வென்டிலேட்டர் சிகிச்சையில் இருக்கிறார். 'பாதிக்கப்பட்டு சிகிச்சையில் இருப்பவர்களுக்கு நல்ல மருத்துவ வசதிகளை ஏற்படுத்திக்கொடுங்கள்' என முதலமைச்சர் எனக்கு ஆணையிட்டதன் அடிப்படையில், தற்போது அவர்களை நேரில் வந்து பார்த்தோம். மேலும், இந்தச் சூழலுக்கு காரணமாக இருந்த ஊராட்சி செயலாளரை மாவட்ட ஆட்சியர் தற்காலிகமாகப் பணிநீக்கம் செய்திருக்கிறார். அந்த ஊரிலுள்ள குடிநீர்க் குழாய்களும் புதுப்பிக்கப்பட்டு, விரைவாக மாற்றப்பட்டுக்கொண்டிருக்கின்றன. இனி இது போன்று எந்த கிராமத்திலும் நடைபெறாமல் இருப்பதற்காக மாவட்ட ஆட்சியர் நடவடிக்கை எடுத்திருக்கிறார். பாதிக்கப்பட்டவர்களுக்கு எங்களுடைய மாவட்டக் கழக திமுக சார்பில் தலா 10,000 ரூபாய் கொடுத்திருக்கிறோம். சிகிச்சையில் உள்ளோருக்கு உரிய சிகிச்சை அளித்திடும்படியும் கேட்டுக்கொண்டிருக்கிறோம். அந்த கிராமத்திலும் சிறப்பு மருத்துவ முகாமும் நடைபெற்றுவருகிறது. ஊராட்சி மன்றத் தலைவரையும் இணைந்து பணியாற்றும்படிச் சொல்லியிருக்கிறோம்" என்றார். செய்தியாளர்களைச் சந்தித்த பொன்முடி மேலும், நவமால்மருதூர் கிராமத்தில் அசம்பாவிதங்கள் நடைபெறாமல் இருக்க போலீஸார் குவிக்கப்பட்டுவருவதாகக் கூறப்படும் சம்பவம், அந்தப் பகுதி மக்களிடையே பரபரப்பை ஏற்படுத்தியிருக்கிறது.தாமிரபரணி ஆற்றில் கலக்கும் கழிவுநீர்; தடுப்பு நடவடிக்கை என்ன?! - ஆய்வு மேற்கொண்ட ஆணையர்
http://dlvr.it/SvYQZk

Read More

ஒன் பை டூ: ``சி.ஏ.ஜி அறிக்கையை வைத்து ஊழல் நடந்ததாகக் கூறிவிட முடியாது" என்ற எடப்பாடியின் கருத்து?

ஒன் பை டூ
http://dlvr.it/SvWbRT

Read More

முன்னாள் பிரதமர் தேவகவுடா பேரனின் எம்.பி பதவி செல்லாது! - கர்நாடக உயர் நீதிமன்றம் தீர்ப்பு

`கர்நாடகாவில் ஹஸ்ஸன் (Hassan) மக்களவைத் தொகுதி உறுப்பினரும், முன்னாள் பிரதமர் ஹெச்.டி.தேவகவுடாவின் பேரனுமான பிரஜ்வல் ரேவண்ணாவின் எம்.பி பதவி செல்லாது' என கர்நாடக உயர் நீதிமன்றம் தீர்ப்பளித்திருக்கிறது. முன்னதாக, 2019 மக்களவைத் தேர்தலில் மதச்சார்பற்ற ஜனதா தளம் சார்பில் வெற்றிபெற்ற ஒரே எம்.பி-யான பிரஜ்வல் ரேவண்ணா, தேர்தல் முறைகேட்டில் ஈடுபட்டதாகவும், சொத்து விவரங்களைத் தேர்தல் ஆணையத்திடம் தெரிவிக்கவில்லை என்றும் கர்நாடக உயர் நீதிமன்றத்தில் இரண்டு மனுக்கள் தாக்கல் செய்யப்பட்டிருந்தன.பிரஜ்வல் ரேவண்ணா அதில், ஒரு மனுவை அதே தொகுதியைச் சேர்ந்த ஜி.தேவராஜேகவுடாவும், இன்னொரு மனுவை தோல்வியுற்ற பா.ஜ.க வேட்பாளர் ஏ.மஞ்சுவும் தாக்கல் செய்திருந்தனர். தேர்தல் தோல்விக்குப் பிறகு மதச்சார்பற்ற ஜனதா தளம் கட்சியில் சேர்ந்துகொண்டு ஏ.மஞ்சு, தற்போது எம்.எல்.ஏ-வாக இருக்கிறார். இந்த நிலையில், பிரஜ்வல் ரேவண்ணாவின் தேர்தல் வெற்றிக்கு எதிரான மனுக்களின்மீதான விசாரணை, கர்நாடக உயர் நீதிமன்றத்தில் நீதிபதி கே.நடராஜன் முன்பு இன்று விசாரணைக்கு வந்தது. அப்போது விசாரணையின் முடிவில் நீதிபதி கே.நடராஜன், பிரஜ்வல் ரேவண்ணாவின் தேர்தல் வெற்றி செல்லாது எனத் தீர்ப்பளித்து, தேர்தல் நடத்தை விதிகளின்படி அவர்மீது நடவடிக்கை எடுக்குமாறு தேர்தல் ஆணையத்துக்கு உத்தரவிட்டார். அதோடு, இரண்டு மனுக்களிலும் ஏ.மஞ்சுவை வெற்றி வேட்பாளராக அறிவிக்க வேண்டும் என்பதைக் கவனித்த நீதிபதி கே.நடராஜன், ஏ.மஞ்சு ஊழல் நடவடிக்கைகளில் ஈடுபட்டிருக்கிறார் என்பதைக் கருத்தில்கொண்டு அந்தக் கோரிக்கையை நிராகரித்தார்.கர்நாடக உயர் நீதிமன்றம் மொத்தமாக, தேர்தல் நேரத்தில் ஊழல் செய்ததற்காக, மக்கள் பிரதிநிதித்துவச் சட்டத்தின்கீழ் அளிக்கப்பட்ட புகாரில் பிரஜ்வலின் தந்தை ரேவண்ணா, சகோதரர் சூரஜ் ரேவண்ணா, ஏ மஞ்சு ஆகியோரின் பெயர்கள் இடம்பெற்றிருப்பதால், அவர்கள்மீது நடவடிக்கை எடுக்க தேர்தல் ஆணையத்துக்கு உயர் நீதிமன்றம் உத்தரவிட்டது. Junior Vikatan-ன் பிரத்யேக Whatsapp Group... இணைவதற்கு இங்கே க்ளிக் செய்யவும்...
https://bit.ly/3PaAEiY வணக்கம், BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள். ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/3PaAEiY`ஒரே நாடு ஒரே தேர்தல் சாத்தியமா?' மத்திய அரசின் திட்டமும் எதிர்க்கட்சிகளின் விமர்சனமும் - ஓர் அலசல்!
http://dlvr.it/SvWbJZ

Read More

அண்ணாமலை தலைமையில் பாஜக கூட்டம் | இந்தியாவை சைக்கிளில் வலம்வரும் 56 வயது இளைஞர் - News in Photos

தூத்துக்குடியில் இரு சக்கர வாகன உதிரி பாகங்கள் விற்பனை செய்யும் கடையில் பயங்கர தீ விபத்து.விழுப்புரத்தில் மத்திய அரசின் சட்ட மசோதாவைக் கண்டித்து, வழக்கறிஞர்கள் நீதிமன்ற புறக்கணிப்பு செய்து உண்ணாவிரதப் போராட்டத்தில் ஈடுபட்டனர்.ஈரோடு மாநகராட்சி அலுவலகத்தில் மேயர் தலைமையில் மாமன்றக் கூட்டம் நடைபெற்றது.நீலகிரி: ஊட்டியில் சுமார் இருபது நிமிடங்கள் பெய்த மழையின் காரணமாக, நகராட்சி சந்தையின் ஒரு பகுதியில் குளம்போல மழைநீர் தேங்குவதைத் தவிர்க்க, பாதாளச்சாக்கடை வசதியை மேம்படுத்த வேண்டும் என்கிற கோரிக்கை வலுத்துவருகிறது.கிருஷ்ண ஜயந்தி மற்றும் விநாயகர் சதுர்த்தி பண்டிகையை முன்னிட்டு நாகர்கோவில் வடசேரியில் விற்பனைக்காக வந்திருக்கும் வண்ணமயமான கிருஷ்ணர் மற்றும் விநாயகர் சிலை கொலு பொம்மைகள்.தூத்துக்குடி மாவட்ட ஆட்சியர் அலுவலகத்தில் விவசாயிகள் குறைதீர் நாள் கூட்டம் நடைபெற்றது.தூத்துக்குடி அரசு மருத்துவமனையில் கண்தான இரு வார விழிப்புணர்வு பேரணி நடைபெற்றது.விருதுநகர்: 70, 80 காலங்களின் திரைப்பட விளம்பரங்களை நினைவூட்டிய ஜூஸ் கடை விளம்பர வண்டி.கடலூர், ஊர்க்காவல் படை பயிற்சி நிறைவு அணிவகுப்பு கடலூர் ஆயுதப்படை மைதானத்தில் நடைபெற்றது.பசுமையான இந்தியாவை உருவாக்க இந்தியாவை மூன்றாவது முறையாக சைக்கிளில் சுற்றி வரும் கொல்கத்தாவைச் சேர்ந்த 56 வயது இளைஞர் பரிமல் காஞ்சி.மேயர் பிரியா தலைமையில் பெருநகர சென்னை மாநகராட்சியின் மாமன்றக் கூட்டம் நடைபெற்றது.குதிரன் சுரங்கப்பாதை: இது தென்னிந்திய மாநிலமான கேரளாவில் 1.6 கிலோமீட்டர் அளவில் அமைக்கப்பட்டிருக்கும் முதல் சுரங்கப்பாதையாகும்.அடையாறு ஆற்றின் நீர் கடலில் கலப்பதால், பட்டினம்பாக்கம் கடற்கரையில் நுரை பொங்கி காணப்படுகிறது.சென்னை கமலாலயத்தில் தமிழக பா.ஜ.க அனைத்து மாநில நிர்வாகிகள், மாவட்டத் தலைவர்கள் கூட்டம், மாநிலத் தலைவர் அண்ணாமலை தலைமையில் நடைபெற்றது.ஈரோட்டில் விநாயகர் சதுர்த்தி விழா மற்றும் ஊர்வலத்தை விதிமுறைகளைப் பின்பற்றி நடத்த வேண்டும் என்பது குறித்து பல்வேறு அமைப்புகளின் பிரதிகளுடன் போலீஸார் ஆலோசனை நடத்தினர்.திருநெல்வேலி: பி.ஜே.பி பிரமுகர் ஜெகன் பாண்டியன் மர்ம நபர்களால் கொல்லப்பட்டார்.அவரது குடும்பதினருக்கு நயினார் நகேந்திரன் ஆறுதல் கூறினார்.திருநெல்வேலி: பி.ஜே.பி பிரமுகர் ஜெகன் பண்டியன் கொல்லப்பட்டதைக் கண்டித்து, சாலைமறியலில் ஈடுபட்ட உறவினர்கள்.வேலூர் நெடுஞ்சாலைத்துறை சார்பில் சத்துவாச்சாரி காகிதப்பட்டறை சாலையிலுள்ள ஆக்கிரமிப்புகள் அகற்றம்.
http://dlvr.it/SvT4j4

Read More

ஓ.பி.எஸ் மீதான சொத்துக்குவிப்பு வழக்கு; மீண்டும் கையிலெடுக்கும் நீதிபதி ஆனந்த் வெங்கடேஷ்!

2001 சட்டமன்றத் தேர்தலில் வெற்றிபெற்ற ஓ.பி.எஸ்., வருவாய்த்துறை அமைச்சராகப் பதவியேற்றார். டான்சி வழக்கில் சிறைத் தண்டனை உறுதிசெய்யப்பட்டதால், ஜெயலலிதாவிடமிருந்து முதல்வர் பதவி பறிபோனது. அதனால், தமிழ்நாட்டின் திடீர் முதல்வரானார் ஓ.பி.எஸ். பிறகு, மீண்டும் ஜெயலலிதா முதல்வரான பின்னர், பொதுப்பணித்துறை அமைச்சராக ஓ.பி.எஸ் பதவிவகித்தார். 2006-ல் ஆட்சிமாற்றம் ஏற்பட்டு, தி.மு.க ஆட்சிக்கு வந்தது. அப்போது, மதுரை லஞ்ச ஒழிப்புத்துறை துணைக் கண்காணிப்பாளர் கொடுத்த தகவல்களின் அடிப்படையில், ஓ.பி.எஸ், அவரின் குடும்பத்தினர்மீது வழக்கு பதிவுசெய்யப்பட்டது.ஓபிஎஸ் - அதிமுக ஊழல் தடுப்புச் சட்டத்தின்கீழ் பதிவுசெய்யப்பட்ட அந்த வழக்கில், குற்றம்சாட்டப்பட்ட முதல் நபராக ஓ.பி.எஸ் சேர்க்கப்பட்டார். அவருடன் அவரின் மனைவி விஜயலெட்சுமி, மகன் ரவீந்திரநாத் குமார், தம்பி ஓ.ராஜா, ராஜாவின் மனைவி சசிகலாவதி, மற்றொரு தம்பி ஓ.பாலமுருகன் மற்றும் அவரின் மனைவி லதா மகேஸ்வரி ஆகியோர் குற்றம்சாட்டப்பட்டவர்களாகச் சேர்க்கப்பட்டனர். தேனி தலைமை குற்றவியல் நீதிமன்றத்தில் வழக்கு நடைபெற்றது. 2009 ஜூலை 30-ம் தேதி, இந்த வழக்கில் குற்றப்பத்திரிகை தாக்கல் செய்யப்பட்டது. அதில், ‘2001 சட்டமன்றத் தேர்தலின்போது ஓ.பி.எஸ் கணக்கில் காட்டிய சொத்து மதிப்பு, 17 லட்சத்து 44 ஆயிரத்து 840 ரூபாய். தேர்தலில் போட்டியிட்டு வெற்றிபெற்று, வருவாய்த்துறை அமைச்சர், முதல்வர், பொதுப்பணித்துறை அமைச்சர் என பதவிகள் வகித்த ஐந்து வருடங்களில், ஓ.பி.எஸ்-ஸின் சொத்து மதிப்பு ஒரு கோடியே 77 லட்சம் ரூபாயாக உயர்ந்தது. அதாவது, ஐந்து ஆண்டுகளில் 374 சதவிகிதம் உயர்ந்திருக்கிறது’ என்று குற்றம்சாட்டப்பட்டது. 2001 முதல் 2006-ம் ஆண்டு வரை நடைபெற்ற அ.தி.மு.க ஆட்சியில் முதலமைச்சராகவும், வருவாய்த்துறை அமைச்சராகவும் இருந்த ஓ.பன்னீர்செல்வம், வருமானத்துக்கு அதிகமாக 1.72 கோடி ரூபாய் அளவுக்குச் சொத்து சேர்த்ததாக வழக்கு தொடரப்பட்டது. 2012-ம் ஆண்டு ஜனவரி 20-ம் தேதி தன்மீதான ஊழல் வழக்கை, மதுரை நீதிமன்றத்திலிருந்து, சிவகங்கை நீதிமன்றத்துக்கு மாற்றக் கோரி மதுரை உயர் நீதிமன்றக் கிளையில் ஓ.பன்னீர்செல்வம் மனுத் தாக்கல் செய்தார். இதை நீதிபதி பெரிய கருப்பையா விசாரித்து வழக்கை மதுரை நீதிமன்றத்திலிருந்து, சிவகங்கையிலுள்ள மாவட்ட முதன்மை அமர்வு நீதிமன்றத்துக்கு மாற்றி உத்தரவிட்டார். பல்வேறு கட்டங்களைக் கடந்து, சிவகங்கை சிறப்பு நீதிமன்றத்தில் வழக்கு விசாரணை செய்யப்பட்டு வந்தது. இதற்கிடையே 2011-ல் அ.தி.மு.க ஆட்சிக்கு வந்தது. அதன் பிறகு, திடீர் திருப்பங்கள் நிகழ்ந்தன. 2012 அக்டோபர் 27-ம் தேதி தமிழக சபாநாயகர் தனபால், ஓ.பி.எஸ் மீது வழக்கு போடுவதற்காக ஏற்கெனவே சட்டமன்றம் கொடுத்திருந்த அனுமதியைத் திரும்பப் பெற்றார்.ஓ.பி.எஸ் அதைத் தொடர்ந்து சிவகங்கை நீதிமன்றத்தில், ஊழல் தடுப்பு மற்றும் கண்காணிப்புத்துறை ஓர் அறிக்கையைத் தாக்கல் செய்தது. ‘குற்றம்சாட்டப்பட்டவர்கள்மீது சுமத்தப்பட்ட குற்றங்களை நிரூபிக்கும்விதமான ஆதாரங்கள் ஏதும் கிடைக்கவில்லை. எனவே, இந்த வழக்கைத் திரும்பப் பெறுகிறோம்’ என்றது அந்த அறிக்கை. அதன் அடிப்படையில், இந்த வழக்கு முடித்துவைக்கப்பட்டது. அதைத் தொடர்ந்து, வழக்கு சிவகங்கை நீதிமன்றத்தில் நடந்து வந்த நிலையில், 2012-ம் ஆண்டு ஓ.பி.எஸ் விடுவிக்கப்பட்டார். நீதிபதி ஆனந்த் வெங்கடேஷ் இந்த நிலையில், முன்னாள் முதலமைச்சர் ஓ.பன்னீர்செல்வத்துக்கு எதிரான வழக்கை தாமாக முன்வந்து விசாரிக்கப்போவதாக எம்.பி., எம்.எல்.ஏ-க்கள் மீதான வழக்கை விசாரிக்கும் சென்னை உயர் நீதிமன்ற நீதிபதி ஆனந்த் வெங்கடேஷ் அறிவித்திருக்கிறார். ஏற்கெனவே தி.மு.க-வைச் சேர்ந்த அமைச்சர்கள் பொன்முடி, கே.கே.எஸ்.எஸ்.ஆர்.ராமச்சந்திரன், தங்கம் தென்னரசு உள்ளிட்டோரை சொத்துக்குவிப்பு வழக்கிலிருந்து கீழமை நீதிமன்றங்கள் விடுதலை செய்ததற்கு எதிராக சென்னை உயர் நீதிமன்றத்தில் தாமாக முன்வந்து மேல்முறையீடு செய்து, விசாரணைக்கு எடுத்திருந்தார். இந்த நிலையில், தற்போது நான்காவதாக முன்னாள் முதலமைச்சர் ஓ.பன்னீர்செல்வம் மீதான வழக்கை மீண்டும் விசாரிக்கப்போவதாக அறிவித்திருக்கிறார். இந்த வழக்கு நாளை விசாரணைக்கு வரவிருக்கிறது. Junior Vikatan-ன் பிரத்யேக Whatsapp Group... இணைவதற்கு இங்கே க்ளிக் செய்யவும்...
https://bit.ly/3PaAEiY">
https://bit.ly/3PaAEiY வணக்கம், BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள். ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/3PaAEiY">
https://bit.ly/3PaAEiY
http://dlvr.it/SvQMgc

Read More

சிலிண்டர் விலை குறைப்பு: `பாஜக வாக்குறுதியை நிறைவேற்றிவிட்டது; திமுக எப்போது..?' - அண்ணாமலை

பிரதமர் மோடி தலைமையிலான மத்திய அமைச்சரவைக் கூட்டம் டெல்லியில் இன்று நடைபெற்றது. இந்தக் கூட்டத்தில் எரிவாயு சிலிண்டர் விலை குறைப்பது தொடர்பாக தீர்மானிக்கப்பட்டது. அதில், நாடு முழுவதும் சமையல் சிலிண்டர் விலையை ரூ.200 குறைத்தும், உஜ்வாலா திட்டத்தின்கீழ் சிலிண்டர் பெறும் பயனாளிகளுக்கு கூடுதலாக ரூ.200 மானியம் வழங்கப்படும் என்றும் தெரிவிக்கப்பட்டிருக்கிறது. பயனாளிகளுக்கு குறைக்கப்படும் 200 ரூபாயை, மத்திய அரசே நேரடியாக எண்ணெய் நிறுவனங்களுக்கு வழங்கும் என்றும் குறிப்பிட்டிருக்கிறது.சிலிண்டர் இதன் மூலம் நாடு முழுவதும் 10 கோடி பேர் பயனடைவார்கள் என மத்திய அரசு தெரிவித்திருக்கிறது. இந்த நிலையில், நடைப்பயணம் மேற்கொண்டிருக்கும் அண்ணாமலை தனது ட்விட்டர் பக்கத்தில், ``நாடு முழுவதுமுள்ள அனைத்து சமையல் எரிவாயு பயனாளர்களுக்கும், ரூ.200 கூடுதலாக மானியம் அறிவித்து, சமையல் எரிவாயு சிலிண்டர் விலையில் ரூ.200 குறைத்து அறிவித்திருக்கும், நமது பிரதமர் மோடிக்கு தமிழக பா.ஜ.க சார்பாக மனமார்ந்த நன்றிகளைத் தெரிவித்துக்கொள்கிறோம். உஜ்வாலா சமையல் எரிவாயு திட்டத்தின்கீழ், மேலும் 75 லட்சம் பயனாளிகளுக்கு இலவச சமையல் எரிவாயு இணைப்பு வழங்கி அறிவிப்பு வெளியிட்டிருக்கும் பிரதமர் மோடி தலைமையிலான மத்திய அரசுக்கு நன்றிகளைத் தெரிவித்துக்கொள்கிறோம். 2022-ம் ஆண்டு மே மாதம், மத்திய நிதியமைச்சர் நிர்மலா சீதாராமன் உஜ்வாலா சமையல் எரிவாயு பயனாளிகளுக்கு ரூ.200 மானியம் அறிவித்திருந்தார். இந்த ஆண்டு மார்ச் மாதம், மேலும் ஓராண்டுக்கு ரூ.200 மானியம் நீட்டிக்கப்பட்டது.பிரதமர் நரேந்திர மோடி இன்றைய அறிவிப்பின் மூலம், நாடு முழுவதுமுள்ள 9.6 கோடி உஜ்வாலா பயனாளிகள், ஒரு சிலிண்டருக்கு ரூ.400 மானியமாகப் பெறுவார்கள். இந்த நேரத்தில், சமையல் எரிவாயு சிலிண்டர் ஒன்றுக்கு 100 ரூபாய் மானியமாக வழங்குவதாக தேர்தல் வாக்குறுதி எண் 503-ல் கூறிய ஊழல் தி.மு.க, ஆட்சிக்கு வந்து 27 மாதங்கள் கடந்தும் அந்த வாக்குறுதியை நிறைவேற்றுவது குறித்து எந்த அக்கறையும் இல்லாமல் இருப்பதை நினைவுபடுத்த விரும்புகிறோம்" என தி.மு.க அரசைச் சாடியிருக்கிறார். Junior Vikatan-ன் பிரத்யேக Whatsapp Group... இணைவதற்கு இங்கே க்ளிக் செய்யவும்...
https://bit.ly/3PaAEiY வணக்கம், BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள். ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/3PaAEiY`உள்ளூர் தலைவர்களுக்குத் தடை’ - 5 மாநில சட்டமன்றத் தேர்தலில் `மோடி மேஜிக்’-ஐ கையில் எடுக்கும் பாஜக?!
http://dlvr.it/SvMhSH

Read More