நெல்லை: குடிநீர் கிடைப்பதில் சிக்கல்; காலிக் குடங்களை மரத்தில் தொங்கவிட்ட கிராம மக்கள்!

நெல்லை மாவட்டம், பருத்திப்பாடு பஞ்சாயத்துக்கு உட்பட்டது ஆணைபுரம் கிராமம். விவசாயம் மற்றும் கூலி வேலை செய்யும் மக்கள் வசிக்கும் இந்த கிராமத்தில், 500-க்கும் அதிகமான மக்கள் வசிக்கிறார்கள். இந்த கிராமத்துக்கு குடிநீர் கிடைப்பதில் சிக்கல் இருப்பதாகக் கூறப்படுகிறது. அதாவது, 15 நாள்கள் முதல் 20 நாள்களுக்கு ஒரு முறை மட்டுமே குடிநீர் வருவதாக பொதுமக்கள் தெரிவிக்கிறார்கள். எப்போதாவது கிடைக்கும் குடிநீரும் போதுமான அளவில் கிடைப்பதில்லை என ஆணைகுளம் கிராம மக்கள் குற்றம்சாட்டுகிறார்கள். குடிநீருக்காக பொதுமக்கள் காத்துக்கிடக்கும் நிலை இருப்பதாகத் தெரிவிக்கும் கிராமத்தினர், இது தொடர்பாக பலமுறை அதிகாரிகளிடம் முறையிட்டும் குடிநீர் விநியோகத்தை முறைப்படுத்த எந்த நடவடிக்கையும் எடுக்கப்படவில்லை என புகார் தெரிவிக்கிறார்கள். அதிகாரிகளை நேரில் சந்தித்து பலமுறை வலியுறுத்தியும் சீரான குடிநீர் விநியோகம் செய்யப்படாததால் அதிருப்தியடைந்த பொதுமக்கள், இன்று தங்கள் கிராமத்தின் நடுவில் ஊருக்குப் பொதுவான இடத்தில் உள்ள ஆலமரத்தில் காலிக் குடங்களை தூக்கில் தொங்கவிடுவதுபோல கட்டித் தொங்க வைத்தனர். சாலையோரத்தில் இருந்த சாலையில் பல வண்ணங்களில் காலிக் குடங்கள் தொங்கவிடப்பட்டு இருந்ததால், அந்த வழியாகச் சென்றவர்கள் ஆச்சர்யத்துடன் பார்த்தபடி பயணித்தனர். பொதுமக்களின் இந்த போராட்டம் அப்பகுதியில் பரபரப்பை ஏற்படுத்திய போதிலும், அரசு அதிகாரிகள் ஒருவரும் எட்டிக்கூட பார்க்கவில்லை என கிராம மக்கள் அதிருப்தி தெரிவித்தனர். இது குறித்து பேசிய கிராமத்து பெண்கள், "எங்கள் கிராமத்துக்கு குடிநீர் விநியோகம் 15 அல்லது 20 நாள்களுக்கு ஒருமுறை மட்டுமே கிடைக்கிறது. குடிநீர் கோரி ஆட்சியரிடமும் யூனியன் அலுவலகத்திலும் அதிகாரிகளை நேரில் சந்தித்து பலமுறை மனு அளித்தும், இதுவரை எந்த நடவடிக்கையும் எடுக்கப்படவில்லை. எந்த அதிகாரியும் எங்களுக்கு குடிநீர் கிடைக்க நடவடிக்கை எடுக்கவில்லை. அதனால் சில வாரங்களுக்கு முன்பு கிராம மக்கள் அனைவரும் திரண்டு சாலைமறியலில் ஈடுபட்டனர். நாங்கள் போராட்டம் நடத்தியபோது நாங்குநேரி வட்டார வளர்ச்சி அலுவலர்கள் மற்றும் போலீஸார் நேரில் வந்து பேச்சுவார்த்தை நடத்தினார்கள். ஆணைபுரம் கிராமத்துக்கு சீரான குடிநீர் கிடைக்க உடனடியாக நடவடிக்கை எடுப்பதாக அதிகாரிகள் உறுதி அளித்ததால் போராட்டத்தைக் கைவிட்டோம். ஆனாலும் இரண்டு மாதங்கள் ஆகியும் இதுவரை எங்களுக்கு குடிநீர் கிடைக்கவில்லை. நாங்கள் எத்தனையோ முறை அதிகாரிகளிடம் மன்றாடிப் பார்த்துவிட்டோம். ஆனால் எங்களின் குடிநீர் பற்றாக்குறையைத் தீர்க்க அதிகாரிகள் எதுவும் செய்யவில்லை. அதனால்தான் எங்களின் எதிர்ப்பைத் தெரிவிப்பதற்காக காலிக் குடங்களை மரத்தில் கயிறு கட்டி தொங்கவிட்டோம். எங்கள் கிராமத்தில் ஜல்ஜீவன் மிஷன் திட்டத்தில் கடந்த ஒரு வருடத்திற்கு முன்பு வீடுகள் தோறும் குடிநீர் இணைப்பு வழங்கப்பட்டது. ஆனாலும் இன்று வரை குடிதண்ணீர் கிடைக்கவில்லை. குடிநீர் கிடைக்காமல் நாங்கள்படும் சிரமம் சொல்லி முடியாது. எப்போதாவது வரக்கூடிய தண்ணீரும் 10 முதல் 15 குடங்கள் மட்டுமே கிடைக்கிறது. கடந்த சில ஆண்டுகளுக்கு முன்பு வரையிலும் எங்கள் ஊரில் இருந்த ஆழ்துளைக் கிணறு மூலம் குடிநீர் கிடைத்து வந்தது. தற்போது அதுவும் பழுது ஏற்பட்டு விட்டதால் அதை சரிசெய்யவும் அதிகாரிகள் முன்வரவில்லை. அதனால் கடும் குடிநீர் தட்டுப்பாடு நிலவி வருகிறது. இரண்டு மாதங்கள் ஆகியும் குடிநீர் விநியோகம் செய்யப்படவில்லை. அதிகாரிகளிடம் பல்முறை வலியுறுத்தியும் நடவடிக்கை இல்லாததால் போராடும் நிலைக்குத் தள்ளப்பட்டோம். இனியாவது எங்களின் அடிப்படை வசதி கிடைக்க அதிகாரிகள் நடவடிக்கை எடுப்பார்கள் என நம்புகிறோம்" என்றார்கள். `கே.கே.எஸ்.எஸ்.ஆர்-ஐ கேளுங்க!' - குடிநீர் பிரச்னையில் அமைச்சரைக் கைநீட்டும் அருப்புக்கோட்டை ஆணையர்
http://dlvr.it/SvwP1X

Read More

``சனாதனம் குறித்து 200 ஆண்டுகளாகப் பேசுகிறோம்... இனியும் பேசுவோம்!” – அமைச்சர் உதயநிதி

கடலூர் மாவட்டம், நெய்வேலி தொகுதி தி.மு.க எம்.எல்.ஏ சபா. ராஜேந்திரன் இல்லத் திருமண விழாவில் கலந்துகொண்டு பேசிய விளையாட்டு மற்றும் இளைஞர் நலன் மேம்பாட்டுத்துறை அமைச்சர் உதயநிதி ஸ்டாலின், ``நெய்வேலி சட்டமன்ற உறுப்பினர் சபா.ராஜேந்திரனின் இல்லத் திருமண விழா ஒரு சுயமரியாதை திருமணமாகும். ஒரு மாநாட்டைப்போல திருமணம் நடந்து கொண்டிருக்கிறது. அ.தி.மு.க-வில் ஓ.பி.எஸ் அணி, இ.பி.எஸ் அணி, சசிகலா அணி, தீபா அணி, தீபா டிரைவர் அணி என பல அணிகள் இருக்கின்றன. அதுபோல் குடும்ப வாழ்க்கையில் மாமியார் அணி, நாத்தனார் அணி என பல அணிகளாகப் பிரிந்து இருக்கக்கூடிய வாய்ப்புகள் வரும். ஆனால் அதையெல்லாம் சமாளித்து மதச்சார்பற்ற முற்போக்குக் கூட்டணி மற்றும் இந்தியா கூட்டணி போன்று, மணமக்கள் இருவரும் ஒருவரை ஒருவர் புரிந்து கொண்டு சுய மரியாதையுடன் வாழ வேண்டும்.அமித் ஷா - நரேந்திர மோடி ஆணுக்கு பெண் சமம் என்று சொன்னதுதான் நம் திராவிட இயக்கம். பெண்களுக்கு சொத்தில் சம பங்கு, உள்ளாட்சித் தேர்தலில் 33 சதவிகிதம் இட ஒதுக்கீடு, கல்வி உதவித்தொகை, மகளிர் உரிமைத்தொகை, பணியில் இட ஒதுக்கீடு என பல திட்டங்களை தந்தது தி.மு.க-தான். சனாதன ஒழிப்பு மாநாட்டில் நான் கலந்துகொண்டு பேசியது ஒருநாள் செய்திதான். அதை பொய்யாக திரித்து பிரதமர் மோடியும், ஒன்றிய அமைச்சர் அமித் ஷாவும் இந்திய அளவில் பேச வைத்துவிட்டார்கள். நூறு ஆண்டுகளுக்கு முன் பெண்கள் யாரும் வெளியில் வர முடியாத சூழ்நிலை இருந்தது. மருத்துவம் படிக்க முடியாத சூழல் நிலவியது. அதனையும் மீறி படிக்க வேண்டும் என்றால் சம்ஸ்கிருதம் தெரிந்திருக்க வேண்டும். கணவன் இறந்தவுடன் உடன்கட்டை ஏறும் பழக்கமும் இருந்தது.  அவற்றையெல்லாம் உடைத்து எறிந்தது தி.மு.க-தான். அதைப்பற்றியெல்லாம் அம்பேத்கர், பெரியார், அண்ணா, கலைஞர் ஆகிய தலைவர்கள் நிறைய கருத்துகளை கூறியுள்ளனர். அவர்கள் பேசாத எதையும் நான் பேசவில்லை. ஒன்பது ஆண்டுக்கால பா.ஜ.க ஆட்சியில் இதுவரை என்ன சாதித்தீர்கள் என்று கேட்டதற்கு, இந்தியாவை மாற்றிக் காட்டுகிறேன் என்றார் பிரதமர் மோடி.  தற்போது இந்தியாவின் பெயரை பாரத் என மாற்றியுள்ளார். இதைத் தவிர வேறு எந்த திட்டங்களையும் செய்யவில்லை. சனாதனத்தை பற்றி நாங்கள் இப்போது பேசவில்லை. 200 ஆண்டுகளாகப் பேசி வருகிறோம்,சனாதன விவகாரம்: ``ஆட்சியைப் பற்றியெல்லாம் கவலையில்லை; கொள்கையின் பக்கமே நிற்போம்" - அமைச்சர் உதயநிதிதி.மு.க அமைச்சர் உதயநிதி இனியும் தொடர்ந்து பேசுவோம். திராவிடர் கழகம் ஆரம்பிக்கப்பட்டதே சனாதனத்தை ஒழித்து சமூகநீதியை நிலை நாட்டத்தான். இன்னும் நூறு ஆண்டுகள் ஆனாலும் தொடர்ந்து சனாதனத்தை ஒழிப்பதற்காக குரல் கொடுப்போம். ஜி20  மாநாடு நடைபெறும் இடத்தில் இருந்த குடிசைகளை திரைபோட்டு மூடியதுதான் மத்திய அரசின் சாதனை. ஒரு கிலோமீட்டர் சாலை போடுவதற்கு ரூ.250 கோடி செலவு செய்யப்பட்டுள்ளது. மருத்துவ காப்பீடு திட்டத்தை அறிவித்து, ரமணா திரைப்படத்தில் வருவதைப்போல இறந்தவர்களுக்கு வைத்தியம் பார்த்து பணத்தை பிடுங்கியுள்ளனர். பா.ஜ.க-வின் ஊழல்கள் ஒவ்வொன்றாக வெளிப்பட்டு வருகின்றன. அவற்றை மறைக்கவே சனாதனம் குறித்து தவறாகப் பேசி வருவதாக என்மீது அவதூறு பரப்புகின்றனர்” என்றார்.
http://dlvr.it/SvwNq4

Read More

டெங்கு காய்ச்சலால் சிறுவன் இறப்பு; `சுகாதார சீர்கேட்டை சரிசெய்யாத திமுக அரசுக்கு கண்டனம்!' - இபிஎஸ்

சென்னை மதுரவாயல் பிள்ளையார் கோயில் தெருவைச் சேர்ந்த தம்பதி அய்யனார் - சோனியா. இவர்களுக்கு ரக்‌ஷன் என்ற நான்கு வயது மகன் இருந்தார். இந்த நிலையில், கடந்த சில நாள்களாக ரக்‌ஷன் காய்ச்சலால் பாதிக்கப்பட்டு அவதிக்குள்ளாகியிருக்கிறார். இதனால், ரக்‌ஷனின் பெற்றோர் அருகிலுள்ள மருத்துவமனைக்கு அழைத்துச் சென்று, ரத்தப் பரிசோதனை செய்தனர். பரிசோதனை முடிவில், சிறுவனுக்கு டெங்கு காய்ச்சல் பாதிப்பு இருப்பது தெரியவந்தது.டெங்கு அதைத் தொடர்ந்து, மேல்சிகிச்சைக்காகக் கடந்த 6-ம் தேதி எழும்பூரில் உள்ள குழந்தைகள் நல மருத்துவமனையில் அனுமதித்தனர். அங்குத் தொடர்ந்து தீவிர சிகிச்சைப் பிரிவில் சிகிச்சை அளிக்கப்பட்டு வந்த நிலையில், சிறுவன் ரக்‌ஷன் சிகிச்சை பலனின்றி பரிதாபமாக உயிரிழந்தார். இந்த நிலையில் அவர்கள் வசிக்கும் பகுதியில் மழை நீர் தேங்கியிருப்பதால் ஏற்பட்ட சுகாதார சீர்கேடு காரணமாகவே சிறுவன் உயிரிழந்ததாக, அவன் பெற்றோர் குற்றம்சாட்டியிருக்கின்றனர். சுகாதாரத்துறை அதிகாரிகள் அந்த குடியிருப்பு பகுதியில் ஆய்வு மேற்கொண்டு வருகின்றனர். தமிழகத்தின் பல்வேறு பகுதிகளிலும் மழை பெய்து வருவதால், டெங்கு காய்ச்சல் பரவலைத் தடுக்க நடவடிக்கை எடுக்குமாறு பொதுமக்களும் கோரிக்கை வைத்து வருகின்றனர். இதற்கிடையில், அ.தி.மு.க பொதுச்செயலாளரும், எதிர்க்கட்சித் தலைவருமான எடப்பாடி பழனிசாமி தனது ட்விட்டர் எக்ஸ் பக்கத்தில், ``சென்னை மதுரவாயல் பிள்ளையார் கோவில் தெருவைச் சேர்ந்த அய்யனார் - சோனியா தம்பதியின் நான்கு வயது மகன் ரக்‌ஷன் கடந்த சில நாட்களாக டெங்குகாய்ச்சலால் அவதிப்பட்டு வந்த நிலையில் இன்று உயிரிழந்தார் என்ற செய்தியறிந்து மிகுந்த வருத்தமுற்றேன்.எடப்பாடி பழனிசாமி - ஸ்டாலின் குழந்தையை இழந்து வாடும் அவரது பெற்றோருக்கும் குடும்பத்தினருக்கும் எனது ஆழ்ந்த இரங்கலைத் தெரிவித்துக் கொள்கிறேன். அவர்கள் வசிக்கும் பகுதியில் மழை நீர் தேங்கி உள்ளதாகவும், சுகாதார சீர்கேடு காரணமாகவே சிறுவன் உயிரிழந்ததாகவும் செய்திகள் வருகின்றன. சென்னை உட்பட தமிழகம் முழுவதும் சுகாதார சீர்கேட்டைச் சரி செய்யாத இந்த விடியா தி.மு.க அரசை வன்மையாகக் கண்டிப்பதுடன், டெங்கு பரவலை முற்றிலும் தடுக்க உடனடியாக உரிய நடவடிக்கை எடுக்க வேண்டுமெனவும் இந்த அரசை வலியுறுத்துகிறேன்" எனக் குறிப்பிட்டிருக்கிறார்.சனாதனத்துக்கு எதிர்ப்பா, ஆதரவா... எடப்பாடி பதில் சொல்வாரா? - கேள்வி கேட்கிறார் பரந்தாமன் எம்.எல்.ஏ
http://dlvr.it/SvwNm7

Read More

Exclusive: "கொடநாடு வழக்கில் தொடர்புடைய 45 பேரின் லிஸ்ட் என்னிடம் இருக்கிறது"- கனகராஜ் அண்ணன் தனபால்

கொடநாடு கொலை, கொள்ளை வழக்கு சமீபகாலமாக சூடுபிடித்துக்கொண்டிருக்கிறது. அமைதியாக இருந்த வழக்கை, மீண்டும் பரபரப்பாக்கும் வகையில் முன்னாள் முதல்வர் ஜெயலலிதாவின் கார் டிரைவரான கனகராஜின் அண்ணன் தனபால் பேட்டி அளித்து வருகிறார். இந்த நிலையில்தான், ``கொடநாடு வழக்கு தொடர்பாக சி.பி.சி.ஐ.டி முக்கியக் குற்றவாளிகளான எடப்பாடி பழனிசாமியையும், அவரின் ஆதரவாளரான ஆத்தூர் இளங்கோவனையும் விசாரிக்காமல் இருந்துவருகிறது. இதனால் சி.பி.சி.ஐ.டி விசாரணையில் எனக்கு நம்பிக்கை இல்லை. என்னை சி.பி.சி.ஐ.டி அழைத்து விசாரித்தால் கொடநாடு கொலை, கொள்ளை வழக்கு தொடர்பாக பல தகவல்களை வழங்கத் தயாராக இருக்கிறேன்” என்று கூறி வந்தார். இந்த நிலையில்தான் கடந்த 06.09.2023 அன்று கோவை சி.பி.சி.ஐ.டி கனகராஜின் அண்ணன் தனபாலுக்கு வருகின்ற 14.09.2023 அன்று நேரில் ஆஜராக சம்மன் அனுப்பியிருக்கிறது. தனபால் இதற்கிடையே, தனபாலின் மனைவி செந்தாமரைச் செல்வி சேலம் மாவட்ட எஸ்.பி-யிடம் புகார் ஒன்று அளித்திருக்கிறார். புகார் அளித்துவிட்டு வெளியே வந்த அவர் ஜூனியர் விகடனுக்கு ஒரு பிரத்யேக பேட்டி கொடுத்தார். அதில், "தன்னுடைய கணவரால் தனது உயிருக்கும், பிள்ளைகள் உயிருக்கும் பாதிப்பு இருக்கிறது. இவர் சிறையிலிருந்து வெளியில் வந்ததிலிருந்து பலரின் தூண்டுதலின் பேரில் செய்தியாளர்களைச் சந்தித்துவருகிறார். இதனால் அவருக்கு லாபமாக இருந்தாலும்கூட இதனால் பல பிரச்னைகள் மீண்டும் எங்களை வந்து சேரும். ஆகையால் அவரை கொடநாடு தொடர்பாக எதுவும் பேச வேண்டாம் என்று கூறியிருந்தேன். ஆனால், தேவையில்லாத பொய்களைக் கூட்டியும் குறைத்தும் பேசி வருகிறார். இவர் சிறையில் இருந்தபோது ஓ.பி.எஸ் தரப்பிலிருந்து குருமூர்த்தி என்பவர் நேரில் சந்திக்க வந்திருந்தார். அவர், அண்ணனிடம் எல்லாம் பேசி விட்டேன் உங்களுக்கு எல்லா உதவியும் செய்து கொடுக்க கூறியிருக்கிறார்” என்று மேலும் கொளுத்திப் போட்டார். கொடநாடு விவகாரம்: `சிறையில் நடந்த சந்திப்பு; என் கணவரால் உயிருக்கு ஆபத்து!' - தனபால் மனைவி `பகீர்' மேலும் ``அவர் ஒரு மன நோயாளி. அவர் சொல்வதெல்லாம் பொய் மட்டுமே அதில் உண்மை கொஞ்சம்கூட இல்லை’' என்று போட்டுடைத்தார். தன்னுடைய மனைவி புகார் கொடுத்தது தெரியவந்த உடனே தனபால் மீண்டும் பத்திரிகையாளர்களைச் சந்தித்தார். அதன் பின்னர் ஜூனியர் விகடனுக்கு அளித்த பிரத்யேக பேட்டியில், ``என்னுடைய மனைவியை எடப்பாடி பழனிசாமி பின்னிருந்து இயக்கிவருகிறார். இதற்கெல்லாம் நான் பயப்பட மாட்டேன். எடப்பாடி பழனிசாமிக்கு பயம் வந்துவிட்டது. எங்கடா சி.பி.சி.ஐ.டி-யில் எல்லா உண்மைகளையும் சொல்லிவிடுவானோ என்ற பயத்தில் என்னை எப்படி ஆஃப் செய்வது என்று தெரியாமல், தற்போது என் மனைவியைத் தூண்டிவிட்டு இதுபோலெல்லாம் பேசவைத்துவருகிறார். கொடநாடு கொலை, கொள்ளை வழக்கில் நேரடியாகத் தொடர்புடைய 45 பேரின் லிஸ்ட் எனது கையில் இருக்கிறது. இதைதான் சி.பி.சி.ஐ.டி-யில் ஒப்படைக்கப்போகிறேன்.எடப்பாடி பழனிசாமி இதில் என் தம்பி கனகராஜின் இறப்புக்குக் காரணமாக இருந்த எனது உறவினர்களின் பெயர்களும் இருக்கிறது" என்றார். இந்த நிலையில், இன்று சேலம் மாவட்டக் காவல் கண்காணிப்பாளரிடம் எடப்பாடி பழனிசாமியின் ஆதரவாளரும், அ.தி.மு.க சேலம் புறநகர் மாவட்டச் செயலாளருமான இளங்கோவன் புகார் ஒன்று அளித்திருந்தார். அந்த மனுவில், `கடந்த சில நாள்களுக்கு முன்பு கொடநாடு கொலை, கொள்ளைச் சம்பவத்தில் ஈடுபட்ட கனகராஜின் அண்ணன் தனபால் தன்மீது பொய்யான குற்றச்சாட்டுகளை முன்வைத்து வருகிறார். அவர் ஏற்கெனவே மனநலம் பாதிக்கப்பட்டவர் என நீதிமன்றமும் பதிவுசெய்திருக்கிறது. அதேபோல அரசு மருத்துவர்களும் இவர் மனநலம் பாதிக்கப்பட்டவர் எனத் தெரிவித்திருக்கிறார்கள். இந்த நிலையில், அவர் என்மீது பொய்யான குற்றச்சாட்டுகளைக் கூறி வருவது ஏற்றுக்கொள்ள முடியாது, கண்டிக்கத்தக்கது. எனவே, அவர்மீது நடவடிக்கை எடுக்க வேண்டும்’ எனக் குறிப்பிடப்பட்டிருக்கிறது.தனபால் பின்னர் செய்தியாளர்களைச் சந்தித்த இளங்கோவன், "கொடநாடு கொலை வழக்கு சம்பந்தமான ஆவணங்கள் எடப்பாடி பழனிசாமியின் ஆதரவாளர் இளங்கோவனிடம் கொடுக்கப்பட்டதாக கொடநாடு கொலை வழக்கில் சம்பந்தப்பட்ட கனகராஜின் அண்ணன் தனபால் கடந்த சில நாள்களுக்கு முன்பு குற்றம்சாட்டியிருந்தார். என்மீது பொய்யான குற்றச்சாட்டுகளைக் கூறிவரும் தனபாலை தி.மு.க-வும் ஓ.பி.எஸ் அணியும் பின்புறம் இருந்து இயக்குகிறது. ஏற்கெனவே அவர் மனநிலை பாதிக்கப்பட்டவர்தான் என அவரின் மனைவி கூறியிருப்பதோடு, தங்கள் உயிருக்குப் பாதுகாப்பு கேட்டு காவல் நிலையத்தில் புகாரும் அளித்திருக்கிறார்” என்றார். மேலும், கொடநாடு கொலை, கொள்ளைச் சம்பவம் குறித்து நீதிமன்றத்தில் வழக்கு நடைபெற்று வருவதால், இது குறித்து தான் மேலும் பேச முடியாத நிலையில் இருப்பதாகவும் அவர் தெரிவித்தார். Junior Vikatan-ன் பிரத்யேக Whatsapp Group... இணைவதற்கு இங்கே க்ளிக் செய்யவும்...
https://bit.ly/3PaAEiY வணக்கம், BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள். ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/3PaAEiYகொடநாடு: `என் மனைவியைத் தூண்டிவிடுகிறார் எடப்பாடி; பேரம் பேச ஆள்கள் அனுப்புகிறார்’ - தனபால்
http://dlvr.it/SvtTbq

Read More

G20: மனைவியுடன் இந்தியா வந்திறங்கிய ரிஷி சுனக்; `ஜெய் சியா ராம்' என்று வரவேற்ற மத்திய அமைச்சர்!

டெல்லியில் நாளையும், நாளை மறுநாளும் (செப்டம்பர் 9, 10) இந்தியா தலைமையில் 18-வது ஜி 20 உச்சி மாநாடு நடைபெறவிருக்கிறது. இதன் காரணமாக டெல்லி முழுவதும் பாதுகாப்பு ஏற்பாடுகள் தீவிரமாக பலப்படுத்தப்படுகின்றன. இன்னொரு பக்கம், ஜி 20 அமைப்பிலிருக்கும் உலக நாடுகளின் அதிபர்களும், பிரதிநிதிகளும் தொடர்ந்து வந்தவண்ணம் இருக்கின்றனர்.ரிஷி சுனக் - மத்திய அமைச்சர் அஷ்வினி குமார் சௌபே அந்த வரிசையில், இங்கிலாந்தின் பிரதமரான இந்திய வம்சாவளி ரிஷி சுனக், தன் மனைவி அக்‌ஷதா மூர்த்தியுடன் டெல்லி விமான நிலையத்தில் வந்திறங்கினார். அப்போது, ரிஷி சுனக்கையும், அக்‌ஷதா மூர்த்தியையும், ``ஜெய் சியா ராம்" என்று மத்திய அமைச்சர் அஷ்வினி குமார் சௌபே வரவேற்றார். அதோடு, ருத்ராட்சம் மற்றும், பகவத் கீதை, அனுமன் சாலிசா புத்தகத்தையும் இருவருக்கும் பரிசாக வழங்கினார் அஷ்வினி குமார் சௌபே. அதைத் தொடர்ந்து காலிஸ்தான் விவகாரம் குறித்து தனியார் ஊடகத்திடம் பேசிய ரிஷி சுனக், ``இதுபோன்ற எந்த வகையான தீவிரவாதம் அல்லது வன்முறையையும் இங்கிலாந்தில் ஏற்றுக்கொள்ள முடியாது. அதனால்தான், காலிஸ்தான் சார்பு தீவிரவாதத்தை சமாளிக்க இந்திய அரசுடன் மிகவும் நெருக்கமாக நங்கள் பணியாற்றி வருகிறோம்.ரிஷி சுனக் இந்த வகையான தீவிரவாதத்தை வேரறுக்க, உளவுத்துறை மற்றும் தகவல்களைப் பகிர்ந்துகொள்வதற்காக நாங்கள் ஒன்றிணைந்து செயல்படும் குழுக்களைக் கொண்டிருக்கிறோம். இதனை இங்கிலாந்தில் நான் பொறுத்துக் கொள்ளமாட்டேன்" என்று கூறினார். முன்னதாக, லண்டனில் உள்ள இந்திய உயர் ஸ்தானிகராலயம் மீது காலிஸ்தான் ஆதரவாளர்கள் தாக்குதல் நடத்தியிருந்தனர் என்பதும், இரண்டு வாரங்களுக்கு முன்பு டெல்லி மெட்ரோ நிலைய சுவர்களில் `டெல்லியை காலிஸ்தானாக மாற்றுவோம்', `காலிஸ்தான் ஜிந்தாபாத்' போன்ற வாசகங்கள் எழுதப்பட்டிருந்தன என்பதும் குறிப்பிடத்தக்கது.``பிரதமராக அல்ல, ஓர் இந்துவாக இங்கு நிற்கிறேன்!" - கேம்பிரிட்ஜ் பல்கலைக்கழக நிகழ்ச்சியில் ரிஷி சுனக்
http://dlvr.it/SvrTks

Read More

இந்திய கம்யூனிஸ்ட் கட்சியினர் மறியல் | நடிகர் தாமுவின் விழிப்புணர்வு நிகழ்ச்சி - News In Photos

தமிழக அமைச்சர் உதயநிதி தலைக்கு 10 கோடி ரூபாய் அறிவித்த உத்தரப்பிரதேச சாமியார் பரமஹம்ச ஆச்சார்யாவின் உருவ பொம்மை எரிப்பு.பா.ஜ.க மாநில துணைத் தலைவர்கள் கரு.நாகராஜன், பால் கனகராஜ் மற்றும் அந்தக் கட்சியினர், ஆளுநர் ஆர்.என்.ரவியைச் சந்தித்து புகார் மனு அளித்த பின்பு, செய்தியாளர் சந்திப்பு.விநாயகர் சதுர்த்தியை முன்னிட்டு ராமேஸ்வரத்தில் தயார் நிலையில் இருக்கும் விநாயகர் சிலைகள்.கோகுலாஷ்டமி பண்டிகையை முன்னிட்டு நாகர்கோவில் கிருஷ்ணசுவாமி கோயில் ரதவீதிகளில் கோகுலாஷ்டமி சிறப்பு விளக்கு பூஜை நடைபெற்றது. விலைவாசி உயர்வு, வேலைவாய்ப்பின்மை உள்ளிட்ட காரணங்களுக்காக மத்திய அரசைக் கண்டித்து ரயில் மறியலில் ஈடுபட முயன்ற, மார்க்சிஸ்ட் கம்யூனிஸ்ட் கட்சியினரை ஊட்டியில் போலீஸார் கைதுசெய்தனர். விலைவாசி உயர்வைக் கண்டித்து தஞ்சையில் மார்க்சிஸ்ட் கம்யூனிஸ்ட் கட்சியினர் ரயில் மறியல் போராட்டத்தில் ஈடுபட முயன்றனர். ஈரோடு மாவட்டம், கீழ்பவானி வாய்க்காலில் சட்டர்களை உடைத்து தண்ணீர் திருடியவர்களையும், வடிகால் பாலத்தைச் சேதப்படுத்தியவர்கள்மீதும் நடவடிக்கை எடுக்கக் கோரி எஸ்.பி அலுவலகத்தில் மனு கொடுக்க வந்த விவசாயிகள்.மருத்துவம் மற்றும் மக்கள் நல்வாழ்வுத்துறை அமைச்சர் மா. சுப்பிரமணியன், தேனி அரசு மருத்துவக் கல்லூரி மருத்துவமனையில் ஆய்வு செய்தார்.புதுச்சேரிக்கு வந்த பா.ஜ.க மூத்த தலைவர் ஹெச். ராஜாவை உள்துறை அமைச்சர் நமச்சிவாயம் வரவேற்றார்.திருநெல்வேலி: பல்வேறு கோரிக்கைகளை வலியுறுத்தி இந்திய கம்யூனிஸ்ட் கட்சியினர் பாளையங்கோட்டையில் சாலைமறியலில் ஈடுபட்டனர்.தூத்துக்குடி மாவட்டம், ஆத்தூர் வெற்றிலைக்கு புவிசார் குறியீடு சான்றிதழை தூத்துக்குடி நாடாளுமன்ற உறுப்பினர் கனிமொழி வெற்றிலை விவசாயிகளிடம் வழங்கினார். புதுச்சேரி அரசுப் பள்ளி மாணவர்களுக்கு மருத்துவ சேர்க்கையில் 10 சதவிகிதம் இட ஒதுக்கீடு வழங்கியதை அடுத்து, அ.தி.மு.க-வினர் துணைநிலை ஆளுநர் தமிழிசையைச் சந்தித்து நன்றி கூறினர். Health walk திட்டத்தின்கீழ் தேனியில் அதிகாலையில் அமைச்சர் நடைப்பயணம் மேற்கொண்டார்.திருநெல்வேலி: சர்வதேச தூய காற்று தினத்தை முன்னிட்டு, உதவி ஆட்சியர் விழிப்புணர்வு வாகனத்தை கொடியசைத்து தொடங்கிவைத்தார். தூத்துக்குடி வ.உ.சி. துறைமுகத்துக்கான புதிய லோகோவை இந்திய கப்பல் போக்குவரத்து செயலர் ராமச்சந்திரன் வெளியிட்டார். கடலூரில் போதைப்பொருள் ஒழிப்பு பற்றிய விழிப்புணர்வு நிகழ்ச்சி மஞ்சக்குப்பம் மைதானத்தில் நடிகர் தாமு தலைமையில் நடைபெற்றது. சேலத்தில் மாநகராட்சியில் பணிபுரியும் தற்காலிக தூய்மைப் பணியாளர்கள், பல்வேறு கோரிக்கைகளை வலியுறுத்தி ஆர்ப்பாட்டம் நடத்தினர்.
http://dlvr.it/Svnxsz

Read More

``அனைவரும் பழைமையை விரும்புகிறார்கள், அதே போலத்தான் பாரதமும்!" - திண்டுக்கல் சீனிவாசன் விளக்கம்

பார்வர்ட் பிளாக் கட்சித்தலைவராகவும், நாடாளுமன்ற, சட்டமன்ற உறுப்பினராகவும் பணியாற்றிய பி.கே.மூக்கையாத்தேவரின் 44-வது நினைவு தினத்தை முன்னிட்டு மதுரை மாவட்டம் உசிலம்பட்டியிலுள்ள அவரது நினைவிடத்தில் அனைத்துக் கட்சியினரும் அஞ்சலி செலுத்தினார்கள்.திண்டுக்கல் சீனிவாசன் அதிமுக சார்பில் முன்னாள் அமைச்சர்கள் திண்டுக்கல் சீனிவாசன், நத்தம் விஸ்வநாதன், செல்லூர் ராஜூ ஆர்.பி.உதயக்குமார், மற்றும் ராஜன் செல்லப்பா, ஜக்கையன் ஆகியோர் வந்திருந்தனர். அப்போது செய்தியாளர்களிடம் பேசிய திண்டுக்கல் சீனிவாசன், "அனைத்து சமுதாயத்தாலும் தலைவராக அழைக்கப்படும் மூக்கையாத்தேவரின் 44-வது குரு பூஜையை முன்னிட்டு எடப்பாடியார் உத்தரவுக்கு இணங்க தென் மாவட்டத்தின் தளபதிகள் இங்கு வந்துள்ளோம்.மூக்கையா தேவருக்கு அஞ்சலி மூக்கையாத்தேவருக்கு சிலை, பெருங்காமநல்லூரில் நினைவு மண்டபம் அமைக்க எடப்பாடியார் காலத்தில் திட்டம் கொண்டு வரப்பட்டு இன்று செயல்படுத்தப்பட்டுள்ளது. நம் நாடு பாரத நாடுதான். பாரதம் என்பதை ஏற்றுக் கொள்ளத்தான் வேண்டும். அனைவரும் பழைமையை விரும்புகிறார்கள். அதேபோல பாரதத்தையும் விரும்புகிறார்கள். அதில் எந்த தவறும் இல்லை. டி.ஆர்.பாலுவே ஒப்புக்கொண்டுள்ளார். எடப்பாடியாரும் ஆதரவு தெரிவித்துள்ளார்" என்றார். அமைச்சர் பி.மூர்த்தி அதன் பின்பு அமைச்சர் பி.மூர்த்தி தலைமையில் திமுகவினர் அஞ்சலி செலுத்த வந்தனர். செய்தியாளர்களிடம் பேசிய அமைச்சர் பி.மூர்த்தி, "கழகத் தலைவர் உத்தரவின்படி மூக்கையாத் தேவருக்கு மரியாதை செலுத்தியுள்ளோம்." என்றவரிடம், "பாரதம் என பெயர் மாற்றம்" குறித்த கேள்வியை செய்தியாளர்கள் எழுப்ப, பதில் அளிக்காமல் கிளம்பிச் சென்றார்.
http://dlvr.it/SvlDcJ

Read More