`சூதாட்ட மொபைல் ஆப் நடத்தி, ஃபைவ்ஸ்டார் ஹோட்டல் கட்ட திட்டமிட்டனர்!'- தகவல்கள் பகிரும் அமலாக்கத்துறை

சர்ச்சையில் சிக்கியிருக்கும் சூதாட்ட மொபைல் ஆப் உரிமையாளர் சவுரப் சந்திராகர், துபாயில் நடந்த தனது திருமணத்துக்கு ரூ.200 கோடி செலவு செய்தது குறித்தும், பண மோசடி குறித்தும் அமலாக்கப் பிரிவு அதிகாரிகள் விசாரணை நடத்தி வருகின்றனர். இந்தத் திருமணத்தில் கலந்துகொண்ட பாலிவுட் பிரபலங்கள் இப்போது அமலாக்கப் பிரிவின் விசாரணையில் சிக்கியிருக்கின்றனர். சவுரப் சந்திராகரும், அவரின் கூட்டாளியும் தற்போது துபாயில் இருக்கின்றனர். அமலாக்கப் பிரிவு அதிகாரிகள் நடத்திய விசாரணையில் இரண்டு பேரும் மத்தியப் பிரதேச மாநிலம், போபாலில் கோடிக்கணக்கில் சொத்துகளை வாங்கியிருப்பது தெரியவந்திருக்கிறது.அமலாக்கத்துறை

காலி நிலம், பங்களா மற்றும் குடியிருப்புகள் கட்டுவதற்கான பிளாட்கள் என ஏராளமான சொத்துகளை பினாமி பெயரில் வாங்கியிருப்பதை, அமலாக்கப் பிரிவு அதிகாரிகள் கண்டுபிடித்திருக்கின்றனர். அவற்றின் பினாமிகள் யார் என்பது குறித்து அதிகாரிகள் விசாரணை நடத்தி வருகின்றனர். மேலும் மும்பை புறநகர்ப் பகுதியில் ரிசார்ட் வசதியுடன்கூடிய ஃபைவ் ஸ்டார் ஹோட்டல் ஒன்று கட்டவும் அவர்கள் திட்டமிட்டிருக்கின்றனர் என்று அமலாக்கப் பிரிவு அதிகாரிகள் தெரிவித்திருக்கின்றனர். இதற்கான நிலத்தை அடையாளம் காண, மும்பையில் பிரபலமான நில தரகர் ஒருவரையும் செளரப் நியமித்திருந்திருக்கிறார்.

இது குறித்து அமலாக்கப் பிரிவு அதிகாரி ஒருவர் பேசுகையில், ''அந்த சூதாட்ட மொபைல் ஆப் உரிமையாளர்கள் மும்பையில் நட்சத்திர ஹோட்டல் கட்ட திட்டமிட்டிருக்கின்றனர். இதற்காக நிலம் வாங்க அவர்கள் தொடர்பிலிருந்த தரகர்களிடம் விசாரணை நடத்தப்பட்டு வருகிறது. சூதாட்ட மொபைல் ஆப் உரிமையாளர்களுக்கு நாடு முழுவதும் சொத்துகள் எங்கெல்லாம் இருக்கின்றன என்பது குறித்து விசாரித்து வருகிறோம். அவை அடையாளம் காணப்பட்டவுடன், அந்த சொத்துகள் பறிமுதல் செய்யப்படும். ஆப் உரிமையாளர்கள் நாடு முழுவதும் சொத்துகள் வாங்க, அவர்களின் மொபைல் ஆப் கிளை ஆப்ரேட்டர்கள் முக்கிய பங்கு வகித்து வருகின்றனர். சூதாட்டத்தில் கிடைக்கும் பணத்தில் 70 சதவிகிதத்தை ஹவாலா முறையில் மொபைல் ஆப் உரிமையாளர்களுக்கு அனுப்புவது வழக்கம்.

சில நேரங்களில் தங்களது பங்கு பணத்தை சொத்தில் முதலீடு செய்துவிடும்படி, ஆப் உரிமையாளர்கள் சொல்லிவிடுகின்றனர். கிளை ஆப்ரேட்டர்கள் மும்பை, டெல்லி உட்பட நாடு முழுவதும் 4,000-க்கும் அதிகமானோர் இருக்கின்றனர். சவுரப்

அவர்களை அடையாளம் காணும் பணி தற்போது நடந்து வருகிறது. ஒவ்வொரு கிளை ஆப்ரேட்டரிடமும் 200-க்கும் மேற்பட்ட வாடிக்கையாளர்கள் இருக்கின்றனர்" என்றார்.

சவுரப்பின் துபாய் திருமணம் மற்றும் பார்ட்டிகளில் கலந்துகொண்ட பாலிவுட் பிரபலங்களுக்கு அமலாக்கப் பிரிவு ஏற்கெனவே சம்மன் அனுப்பியிருக்கும் நிலையில், எஞ்சியவர்களுக்கும் சம்மன் அனுப்ப திட்டமிட்டிருக்கிறது. இதனால் சன்னி லியோன் உட்பட பாலிவுட் பிரபலங்கள் அச்சத்தில் ஆழ்ந்திருக்கின்றனர். அதோடு அவர்கள் சூதாட்ட ஆப் உரிமையாளர்களிடம் பெற்ற பணத்தைப் பறிமுதல் செய்யக்கூடும் என்ற அச்சமும், பாலிவுட் பிரபலங்களை தொற்றிக்கொண்டிருக்கிறது.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/46c3KEk">
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/46c3KEk">
https://bit.ly/46c3KEk />
Sanjay Dutt: சூதாட்ட ஆப் விவகாரம்; சஞ்சய் தத், சுனில் ஷெட்டிக்கு அமலாக்கப் பிரிவு குறியா?


http://dlvr.it/SxNJWM

Read More

சென்னை: பஸ் ஸ்டாப்பை மறைத்து வைக்கப்பட்ட பிரமாண்ட பேனர்; அகற்ற கோரிக்கை வைக்கும் பயணிகள்!

சென்னை ராமாபுரத்தில் அரசமரம் சந்திப்பு என்பது முக்கியமான பிரதான சாலையாக இருக்கிறது. தினமும் ஆயிரக்கணக்கான மக்கள், இந்தச் சாலையைப் பயன்படுத்திவருகின்றனர். இந்த அரசமர சந்திப்பில் பேருந்து நிறுத்தமும் அமைந்திருக்கிறது. அந்தப் பேருந்து நிறுத்தத்தில், பிராட்வேக்குச் செல்லக்கூடிய ஒரு பேருந்து மட்டுமே நின்று, செல்வதாகத் தெரிகிறது. இருப்பினும், பள்ளி, கல்லூரி மாணவர்கள், பொதுமக்கள் என ஏராளமானோர் இந்தப் பேருந்து நிறுத்தத்தைப் பயன்படுத்திவருகின்றனர். இந்த நிலையில், நிறுத்தத்துக்கு என்ன பேருந்து வந்து நிற்கிறது என்பதுகூட பயணிகளுக்குத் தெரியாத அளவுக்கு, மிகப்பெரிய பேனர் ஒன்று பேருந்து நிறுத்தத்தின் முன்பு வைக்கப்பட்டிருக்கிறது. பேருந்து நிறுத்தத்தில் பேனர்

இதன் காரணமாக பயணிகள் பெரும் சிரமத்துக்குள்ளாகின்றனர். இது தொடர்பாக நம்மிடம் பேசிய அங்கிருந்த பயணிகள், ``இங்கு நிற்பதே ஒரேயொரு பேருந்து மட்டும்தான். ஆனால், இவ்வளவு பெரிய பேனரை இங்கு வைத்துவிட்டு, அந்தப் பேருந்தும் இங்கு நிற்காதபடி சூழலை ஏற்படுத்துகின்றனர். வெயிலின் தாக்கம் அதிகமாக இருப்பதால், பேருந்து நிறுத்த இருக்கையில் சென்று அமர்ந்தால், பேருந்து வருவதே தெரியவில்லை. பேருந்து நிறுத்தத்தில் பேனர்

பொதுமக்கள் அதிக அளவில் பயன்படுத்தும் இத்தகைய பொது இடங்களில் இப்படி பேனர்களை வைக்கின்றனர். இந்தப் பேருந்து நிறுத்தத்தில் இப்படி வைக்கப்படுவது இது முதன்முறையல்ல... அடிக்கடி அரசியல் கட்சியினர் மற்றும் பல்வேறு தரப்பினர் இந்த இடத்தில் பேனரை வைத்து பயணிகளுக்குச் சிரமத்தை ஏற்படுத்துகின்றனர். எனவே, சம்பந்தப்பட்ட அதிகாரிகள் உடனடியாக இந்த பேனரை அகற்ற நடவடிக்கை எடுக்க வேண்டும்" எனக் கோரிக்கை விடுத்தனர்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/46c3KEk
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/46c3KEk

Fact Check: நோபல் பரிசு பெற்ற `அமர்த்தியா சென்' வைரல் செய்தி... பின்னணி என்ன?


http://dlvr.it/SxKjp0

Read More

சாதிவாரி கணக்கெடுப்பைக் கையிலெடுக்கும் காங்கிரஸ்... 2024 தேர்தலில் என்ன தாக்கத்தை ஏற்படுத்தும்?!

பீகாரில் நிதிஷ் குமார் அரசு சாதிவாரி கணக்கெடுப்பை நடத்தி, அதன் தரவுகளை வெளியிட்ட பிறகு, நாடு தழுவிய அளவில் சாதிவாரி கணக்கெடுப்பு நடத்தப்பட வேண்டும் என்ற கோரிக்கை வலுப்பெற்றிருக்கிறது. இதே கோரிக்கை பல மாநிலங்களிலும் எழுந்திருக்கிறது. நிதிஷ் குமார்

காங்கிரஸ் கட்சியின் தேசிய செயற்குழுக் கூட்டம் கட்சித் தலைவர் மல்லிகார்ஜுன கார்கே தலைமையில் டெல்லியில் நடைபெற்றது. அதில், சாதிவாரி கணக்கெடுப்பு விவகாரம் குறித்து விரிவாக விவாதம் நடத்திய காங்கிரஸ் நிர்வாகிகள், நாடு முழுவதும் சாதிவாரி கணக்கெடுப்பு நடத்தப்பட வேண்டும் என்ற நிலைப்பாட்டை எடுத்தனர்.

இது குறித்துப் பேசிய காங்கிரஸின் முன்னாள் தலைவர் ராகுல் காந்தி, ``சாதிவாரி கணக்கெடுப்பு நாடு முழுவதும் நடத்தப்பட வேண்டும் என்ற யோசனைக்கு காங்கிரஸ் செயற்குழு ஒருமனதாக ஆதரவு தெரிவித்திருக்கிறது. இது ஒரு முற்போக்கான நடவடிக்கை. காங்கிரஸ் கட்சி ஆளும் அனைத்து மாநிலங்களிலும் சாதிவாரி கணக்கெடுப்பு நடத்தப்பட அனைவரும் ஆதரவு தெரிவித்தனர்.ராகுல் காந்தி

மத்திய பா.ஜ.க அரசு சாதிவாரி கணக்கெடுப்பை நடத்த வேண்டும். அல்லது, ஆட்சியைவிட்டுச் செல்ல வேண்டும். காங்கிரஸ் கட்சியின் நான்கு முதல்வர்களில் மூன்று பேர் பிற்படுத்தப்பட்ட வகுப்பைச் சேர்ந்தவர்கள். ஆனால், பா.ஜ.க-வின் 10 முதல்வர்களில் ஒருவர் மட்டுமே பிற்படுத்தப்பட்ட வகுப்பைச் சேர்ந்தவர். ஓ.பி.சி பிரிவு மக்களுக்காக பிரதமர் மோடி எதையும் செய்யவில்லை" என்றார்.

சாதிவாரி கணக்கெடுப்புக்கு எதிரான நிலைப்பாட்டை மத்தியில் ஆளும் பா.ஜ.க எடுத்திருக்கும் நிலையில், சாதிவாரி கணக்கெடுப்பை ஒட்டுமொத்த காங்கிரஸ் தலைவர்களும் தீவிரமாக ஆதரித்துவருகிறார்கள்.சச்சின் பைலட்

காங்கிரஸ் ஆட்சி நடைபெற்றுவரும் ராஜஸ்தான் மாநிலத்தின் முன்னாள் துணை முதல்வர் சச்சின் பைலட், ``ராஜஸ்தானில் எங்கள் கட்சியின் முக்கியக் குழுக்கூட்டம் சமீபத்தில் நடைபெற்றது. அதில், ராஜஸ்தானில் சாதிவாரி கணக்கெடுப்பை நடத்துவது என்று முடிவெடுக்கப்பட்டது. அதற்கான உத்தரவையும் ராஜஸ்தான் அரசு பிறப்பித்திருக்கிறது. தற்போது, காங்கிரஸ் கட்சியின் செயற்குழுவும் சாதிவாரி கணக்கெடுப்புக்கு அதற்கு ஆதரவு தெரிவித்திருக்கிறது" என்றார்.

காங்கிரஸ் கட்சி மட்டுமல்லாமல், இந்தியா கூட்டணியில் இருக்கும் பெரும்பாலான கட்சிகள் சாதிவாரி கணக்கெடுப்புக்கு ஆதரவாக இருக்கின்றன. சாதிவாரி கணக்கெடுப்பு நடத்தினால்தான் ஓ.பி.சி மக்களின் வாழ்க்கைத் தரம் உயரும் என்ற பிரசாரத்தையும் எதிர்க்கட்சிகள் மேற்கொள்ள ஆரம்பித்திருக்கின்றன. இந்த விவகாரம், வரும் ஐந்து மாநிலத் தேர்தல்களில், எந்த அளவுக்கு எதிரொலிக்கும் என்று அரசியல் நோக்கர்கள் விவாதித்துவருகிறார்கள். மோடி, ராகுல்

வரும் நாடாளுமன்றத் தேர்தலில் இந்த விவகாரம் தாக்கத்தை ஏற்படுத்தும் என்று இந்தியா கூட்டணிக் கட்சிகள் நம்புகின்றன. சாதிவாரி கணக்கெடுப்புக்கு எதிரான நிலைப்பாட்டை பா.ஜ.க எடுத்திருக்கும் நிலையில், சாதிவாரி கணக்கெடுப்பு மக்களை சாதிரீதியாகப் பிளவுபடுத்தும் என்ற ரீதியில் பிரதமர் மோடி பேசிவருகிறார். இந்தியாவில் சுதந்திரத்துக்கு முன்பாக, முதன்முதலில் சாதிவாரி கணக்கெடுப்பை நடத்த வேண்டும் என்ற விவாதம் எழுந்தபோதும், ‘அது மக்களைப் பிளவுபடுத்தும்’ என்ற வாதத்தை ஒரு தரப்பினர் முன்வைத்தனர். இப்போதும் அது நடக்கிறது. இஸ்ரேஸ் ஆதரவு நிலைப்பாட்டில் பாஜக அரசு; பாலஸ்தீனத்துக்கு காங்கிரஸ் ஆதரவு - என்ன நடக்கிறது?!

எனவே, ‘சாதிவாரி கணக்கெடுப்பை நடத்தக் கூடாது என்று சொல்வதன் நோக்கமே, நாட்டில் பெரும்பான்மையாக இருக்கும் ஓ.பி.சி மக்கள் கல்வியிலும் பொருளாதாரத்திலும் முன்னேறிவிடக் கூடாது என்பதுதான்’ என்று எதிர்க்கட்சிகள் சாடிவருகின்றன. இனி, சாதிவாரி கணக்கெடுப்பை தடுக்க முடியாது... தவிர்க்க முடியாது என்றும் எதிர்க்கட்சித் தலைவர்கள் பேசிவருகிறார்கள். மல்லிகார்ஜுன கார்கே

பீகாரில் சாதிவாரி கணக்கெடுப்பை நடத்தி, அதன் தரவுகளை வெளியிட்டிருப்பது மத்திய பா.ஜ.க அரசுக்கு பெரும் அழுத்தத்தைக் கொடுத்துவருகிறது. 50 சதவிகிதத்துக்கு மேல் இட ஒதுக்கீடு கூடாது என்று சட்டரீதியாகச் சொல்லப்பட்டுவரும் நிலையில், தமிழ்நாட்டில் 69 சதவிகித இட ஒதுக்கீடு அமலில் இருக்கிறது. எனவே, மற்ற மாநிலங்களிலும் இதேபோன்ற நிலையை ஏற்படுத்த வேண்டும் என்ற விவாதங்களும் தொடங்கியிருக்கின்றன. எனவே, வரும் நாடாளுமன்றத் தேர்தலில் இந்த விவகாரம் தாக்கத்தை ஏற்படுத்தும் என்று உறுதியாகச் சொல்கிறார்கள் எதிர்க்கட்சித் தலைவர்கள். அப்படியான சூழலில், பா.ஜ.க அரசு தன் நிலைப்பாட்டை மாற்றிக்கொள்ளுமா என்பது தெரியவில்லை.


http://dlvr.it/SxH6wl

Read More

நமக்குள்ளே... வாச்சாத்தி வன்கொடுமை தீர்ப்பு: பெண்கள் பாதிக்கப்படாமல் காப்பதே அறம், அரசாங்கம்!

நமக்குள்ளே...


http://dlvr.it/SxDV5F

Read More

தமிழகத்தில் எம்.பி தொகுதிகளைக் குறைக்கத் திட்டமா? - ஸ்டாலினின் கொந்தளிப்புக்குப் பின்னால்?!

நாடாளுமன்ற மக்களவைத் தொகுதிகளின் எண்ணிக்கையை அதிகரிப்பதென்று மோடி அரசு முடிவுசெய்திருப்பதாக கடந்த இரண்டு ஆண்டுகளாக இந்திய அரசியல் வட்டாரத்தில் பேச்சு நிலவுகிறது. அதை உறுதிசெய்யும் வகையில், நாடாளுமன்றத்தின் புதிய கட்டடத்தில் மக்களவையில் 888 இருக்கைகள் அமைக்கப்பட்டிருக்கின்றன. மக்களவைத் தொகுதிகளின் எண்ணிக்கையை அதிகரிப்பதற்காக தொகுதி மறுவரையறை செய்வதற்கான திட்டமும் மத்திய அரசிடம் இருக்கிறது. மோடி

நடந்து முடிந்த நாடாளுமன்ற சிறப்புக் கூட்டத்தொடரில் இரு அவைகளிலும் நிறைவேற்றப்பட்ட மகளிர் இட ஒதுக்கீடு மசோதாவை உடனடியாக அமல்படுத்த வேண்டும் என்று ராகுல் காந்தி உள்ளிட்ட எதிர்க்கட்சிகளின் தலைவர்கள் வலியுறுத்தினர். ஆனால், தொகுதி மறுவரையறைக்குப் பிறகுதான் மகளிர் இட ஒதுக்கீடு மசோதாவை நிறைவேற்ற முடியும் என்று மத்திய பா.ஜ.க அரசு கூறிவிட்டது. அப்படியென்றால், மக்களவைத் தொகுதிகளின் எண்ணிக்கையை உயர்த்துவதற்காக இந்தியா முழுவதும் தொகுதி மறுவரையறைப் பணிகளை மேற்கொள்வதில் மத்திய பா.ஜ.க அரசு உறுதியாக இருப்பது தெளிவாகியிருக்கிறது.

சிக்கல் என்னவென்றால், மக்களவைத் தொகுதி எண்ணிக்கை அதிகரிக்கும்பட்சத்தில் உ.பி உள்ளிட்ட வட மாநிலங்களில் தொகுதிகளின் எண்ணிக்கை உயரவும், தமிழ்நாடு உள்ளிட்ட தென்மாவட்டங்களில் தொகுதிகளின் எண்ணிக்கை குறையவும் வாய்ப்பு இருக்கிறது என்பதுதான். எனவே, மத்திய பா.ஜ.க அரசின் இந்த முடிவு தென் மாநிலங்களின் அரசியல் கட்சிகள் மத்தியில் கோபத்தை ஏற்படுத்தியிருக்கிறது. ஸ்டாலின்

இந்த நிலையில்தான், தமிழ்நாட்டில் மக்களவைத் தொகுதிகளின் எண்ணிக்கையைக் குறைக்கப்போகிறார்கள் என்று முதல்வர் ஸ்டாலின் கொந்தளித்திருக்கிறார். தஞ்சாவூரில் திராவிடர் கழகத்தின் சார்பில் நடைபெற்ற கலைஞர் நூற்றாண்டு விழா மற்றும் தமிழக முதல்வர் மு.க.ஸ்டாலினுக்குப் பாராட்டு விழா என்ற நிகழ்ச்சியில் ஸ்டாலின் பங்கேற்றார்.

அப்போது பேசிய ஸ்டாலின்,  ‘தமிழ்நாட்டின் நாடாளுமன்ற மக்களாட்சி உரிமைக்குக் கேடு விளைவிக்க முயல்கிறார்கள். மக்கள்தொகை குறைந்துவிட்டது என்று சொல்லி, நாடாளுமன்றத் தொகுதியின் எண்ணிக்கையைக் குறைப்பதற்கான சதியை அரங்கேற்றப் பார்க்கிறார்கள். தமிழ்நாட்டில் குடும்பக் கட்டுப்பாட்டுத் திட்டத்தை முறையாகச் செயல்படுத்தியிருக்கிறோம். அதற்குத் தண்டனையாக, நாடாளுமன்ற உறுப்பினர் தொகுதிகளின் எண்ணிக்கையை குறைக்கப் போகிறார்கள். தமிழ்நாட்டில் இருந்து 39 எம்.பி-க்கள் செல்கிறார்கள் என்றால், நமது உரிமைகளை எடுத்துச் சொல்லவும், உரிமைகளை நிலைநாட்டவுமே செல்கிறார்கள். இந்த எண்ணிக்கை அதிகரிக்க வேண்டுமே தவிர எக்காரணம் கொண்டும் குறையக் கூடாது’ என்றார் ஸ்டாலின்.நாடாளுமன்றம்

ஸ்டாலின் மேலும் பேசுகையில், ‘மகளிருக்கான 33 சதவிகித இட ஒதுக்கீட்டையும் பா.ஜ.க அரசு முழு ஈடுபாட்டுடன் கொண்டு வரவில்லை. மக்கள்தொகை கணக்கெடுப்பு முடிந்தபிறகு, தொகுதி மறுவரையறை முடிந்த பிறகு என்று சொல்வதே இதை நிறைவேற்றாமல் இருக்கும் தந்திரம்தான். குறிப்பாக, இதர பிற்படுத்தப்பட்ட வகுப்பினருக்கான மகளிர் இட ஒதுக்கீட்டை வழங்க மறுப்பது, பா.ஜ.க-வின் உயர் வகுப்பு மனோபாவம். காலப்போக்கில் பட்டியலின இட ஒதுக்கீட்டையும் காலி செய்துவிடும் ஆபத்தும் இதில் இருக்கிறது’ என்றார் ஸ்டாலின்.பற்றவைத்த ஆளுநர் ரவி... பாய்ந்த திமுக! - நாயக்கனேரி ஊராட்சிமன்றப் பிரச்னையும், பின்னணியும்!

அதாவது, 2026-ம் ஆண்டுக்குப் பிறகு, மக்கள்தொகையின் அடிப்படையில் மக்களவைத் தொகுதிகள் மறுவரையறை செய்யப்படவிருக்கிறது என்று செய்திகள் தெரிவிக்கின்றன. தொகுதி மறுவரையறைக்குப் பிறகு, தமிழ்நாடு உட்பட தென் மாநிலங்களில் மக்களவைத் தொகுதிகளின் எண்ணிக்கை குறையும். உத்தரப்பிரதேசம் உட்பட வட மாநிலங்களில் தொகுதிகள் எண்ணிக்கை அதிகரிக்கும் என்று சொல்லப்படுகிறது.

அந்த வகையில், உத்தரப்பிரதேசத்துக்கு 11 மக்களவைத் தொகுதிகள் கூடுதலாகக் கிடைக்கும். தமிழகத்தில் எட்டு மக்களவைத் தொகுதிகள் வரை குறைந்து மொத்த மக்களவைத் தொகுதிகளின் எண்ணிக்கை 31 ஆக மாறும் என்று தகவல்கள் தெரிவிக்கின்றன. அதேபோல, 42 மக்களவைத் தொகுதிகளைக் கொண்ட ஆந்திரா, தெலங்கானா மாநிலங்களில் மக்களவைத் தொகுதிகளின் எண்ணிக்கை 34 ஆகக் குறையலாம் என்று சொல்லப்படுகிறது.நாடாளுமன்றம் - மோடி

கேரளாவில் மக்களவைத் தொகுதிகளின் எண்ணிக்கை 20-லிருந்து 12-ஆகக் குறையலாம் என்றும், கர்நாடகாவில் மக்களவைத் தொகுதிகள் 28-லிருந்து 26-ஆகக் குறையலாம் என்றும் தகவல்கள் தெரிவிக்கின்றன. அதே வேளையில், உ.பி-க்கு 11 தொகுதிகளும், பீகாருக்கு 10 தொகுதிகளும், ராஜஸ்தானுக்கு ஆறு தொகுதிகளும், மத்தியப் பிரதேசத்துக்கு நான்கு தொகுதிகளும், குஜராத், ஹரியானா, ஜார்க்கண்ட், டெல்லி, சத்தீஸ்கர் ஆகிய மாநிலங்களில் தலா ஒரு தொகுதி அதிகரிக்கலாம் என்றும் தகவல்கள் தெரிவிக்கின்றன.

மக்கள்தொகை கணக்கெடுப்புக்குப் பிறகு, நியாயமான பிரதிநிதித்துவம் இருக்கும் வகையில் தொகுதிகள் மறுவரையறை செய்யப்பட வேண்டும் என்றும், தொகுதிகளின் எண்ணிக்கையைக் குறைக்கக் கூடாது என்றும் வலுவான குரல்கள் தென் மாநிலங்களிலிருந்து எழுந்திருக்கின்றன. அந்த வகையில், தொகுதிகள் குறைப்புக்கு எதிராக முதல்வர் ஸ்டாலின் வலுவாகக் குரல் எழுப்பியிருக்கிறார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/46c3KEk">
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/46c3KEk">
https://bit.ly/46c3KEk />

http://dlvr.it/SxB1SS

Read More

LEO: `தெறிக்கவிட்ட விஜய் ரசிகர்கள்... நொறுக்கப்பட்ட ரோகிணி தியேட்டர்!' - யார்மீது தவறு?!

நடிகர் விஜய் நடிப்பில் வெளியாகவிருக்கும் `லியோ' படத்தின் ட்ரெய்லர் வெளியாகி, ரசிகர்களிடையே பெரும் வரவேற்பைப் பெற்றுவருகிறது. தற்போதுவரையில் யூடியூபில் மட்டும் 3.7 கோடி பார்வைகளைக் கடந்து சென்றுகொண்டிருக்கிறது. அதேநேரம் அந்த ட்ரெய்லரில் விஜய் பேசியிருக்கும் கெட்ட வார்த்தை சர்ச்சையை ஏற்படுத்தி, எதிர்ப்புகளையும் பெற்றுவருகிறது. லியோ

இந்த நிலையில், ட்ரெய்லர் வெளியான அக்டோபர் 5-ம் தேதி மாலை 6:30 மணிக்கு சென்னை கோயம்பேட்டிலுள்ள ரோகிணி திரையரங்கில் ரசிகர்களுக்கான சிறப்பு `ட்ரெய்லர் காட்சி' திரையிடப்பட்டது. இதைக் காண்பதற்காக விஜய்யின் ரசிகர்கள் கூட்டம் கூட்டமாகத் திரையரங்கை நோக்கிப் படையெடுத்தனர். திரையரங்கினுள் `லியோ’ ட்ரெய்லர் வெளியானபோது, மெர்சலான விஜய் ரசிகர்கள் கத்தி, ஆரவாரம் செய்தனர். அதில் வெறித்தனமான பல விஜய் ரசிகர்கள் உற்சாக மிகுதியில் திரையரங்கின் இருக்கைகள்மீது ஏறிக் குதித்து நடனமாடினர். இதனால் 200-க்கும் மேற்பட்ட இருக்கைகள் சேதமடைந்தன. இந்தச் சம்பவம் தொடர்பான புகைப்படங்கள், வீடியோக்கள் சமூக வலைதளங்களில் வெளியாகி, பெரும் பரபரப்பை ஏற்படுத்தின. பலரும் விஜய் ரசிகர்ள் செய்த இந்தச் சம்பத்துக்கு கடும் கண்டனம் தெரிவித்துவருகின்றனர். Leo Trailer: 'லியோ' படத்தின் ட்ரெய்லர் இதோ!

இந்த நிலையில், சென்னை உயர் நீதிமன்றத்தில் ஆர்.எஸ்.எஸ் ஊர்வல அனுமதி தொடர்பான ஒரு வழக்கு விசாரணைக்கு வந்தபோது, இந்தச் சம்பவத்தைக் குறிப்பிட்டுப் பேசிய நீதிபதி ஜெயச்சந்திரன், `` `லியோ’ திரைப்பட ட்ரெய்லர் வெளியிட்டபோது ரோகிணி திரையரங்கம் சேதப்படுத்தப்பட்டதற்கும், ஏற்கெனவே ஏ.ஆர்.ரஹ்மானின் இசை நிகழ்ச்சியில் பாதுகாப்பு உள்ளிட்ட குளறுபடிகள் ஏற்பட்டதற்கும் காவல்துறையினரின் தவறான கையாளுதலே காரணம்" என அதிருப்தி தெரிவித்தார். மேலும், ``இது போன்ற நிகழ்வுகளுக்கு பார்க்கிங்கில் ஸ்க்ரீன் அமைத்து, தேவையான பாதுகாப்பு மற்றும் கட்டுப்பாடுகளுடன் காவல்துறையினர் ரசிகர்களைக் கையாண்டிருந்தால் இப்படியான ஒரு சம்பவம் நடந்திருக்காது. ஆகவே, இது மாதிரியான நேரங்களில் காவல்துறை உரிய அனுமதி வழங்கி, எந்த ஒரு சேதமும் ஏற்படாத வகையில் பாதுகாப்பும் வழங்க வேண்டும்" என அறிவுறுத்தினார்.விஜய் ரசிகர்கள்

பின்னர், இதற்கு விளக்கமளித்த தலைமை குற்றவியல் வழக்கறிஞர் அசன் முகமது ஜின்னா, `` `லியோ’ ட்ரெய்லரை ரோகிணி திரையரங்குக்கு வெளியில் திரையிடுவது தொடர்பாக அனுமதி கேட்டு எந்த விண்ணப்பமும் எங்களுக்கு வரவில்லை. அனுமதி கேட்டிருந்தால் பரிசீலிக்கப்பட்டிருக்கும். அதேநேரம், திரையரங்கினுள்ளே ட்ரெய்லர் திரையிட எந்தவித அனுமதியும் பெறத் தேவையில்லை" என்றார்.

மேலும், ``ஏ.ஆர்.ரஹ்மான் இசை நிகழ்ச்சிகளின்போது போலி டிக்கெட்டுகள் மூலமாக ரசிகர்கள் குவிந்ததுபோல, `லியோ’ படத்தின் இசை வெளியீட்டின்போது நடந்து விடாமல் இருக்க கவனமாக இருக்கும்படி அறிவுறுத்தப்பட்டது. இதனால், அந்த நிகழ்ச்சியை, படத் தயாரிப்பு நிறுவனம் தாமாகவே ரத்துசெய்துவிட்டது. எனவே, அதற்கும் காவல்துறைக்கும் எந்தச் சம்பந்தமும் இல்லை.விஜய்: `லியோ' இசை வெளியீட்டு விழா ரத்தும், அரசியல் பேச்சுகளும்! | ஒரு பார்வை

திரையரங்கில் இருக்கைகள் சேதப்படுத்தப்பட்ட விவகாரம் தொடர்பாக எந்தப் புகாரும் இதுவரை வரவில்லை. புகார் இல்லாமல் நடவடிக்கை எடுத்தால் வேண்டுமென்றே விஜய் ரசிகர்களுக்கு எதிராக அரசு நடவடிக்கை எடுப்பது போன்ற தோற்றத்தை உருவாக்கும். காவல்துறையைப் பொறுத்தவரை எந்த நிகழ்ச்சிக்கும் அனுமதி மறுப்பதில்லை" என்று விளக்கம் அளித்தார்.சென்னை உயர் நீதிமன்றம்

இந்த நிலையில், விஜய் ரசிகர்களின் செயல்பாட்டுக்குக் கண்டனம் தெரிவித்து திரைப்பட விமர்சகர்கள், பிற நடிகர்களின் ரசிகர்கள் தொடர்ந்து சமூக வலைதளங்களில் கருத்து தெரிவித்துவருகின்றனர். மேலும் சிலர், `விஜய், ரசிகர்கள் சார்பில் இந்தச் சம்பவத்துக்கு மன்னிப்புக் கேட்க வேண்டும்' எனக் கோரிவருகின்றனர். இந்த நிலையில் ரோகிணி தியேட்டரின் உரிமையாளரைத் தொடர்புகொண்டு நடிகர் விஜய் வருத்தம் தெரிவித்ததாக உறுதிபடுத்தப்படாத ஒரு தகவல் வெளியாகியிருக்கிறது.லியோ

என்ன இருந்தாலும், வரும் அக்டோபர் 19-ம் தேதி வெளியாகவிருக்கும் `லியோ' படத்தை ரசிகர்கள் தியேட்டரில்தான் பார்க்கப்போகிறார்கள். தாங்கள் அமர்ந்து பார்க்கப்போகும் தியேட்டரை, தாங்களே சேதப்படுத்தினால் யாருக்கு நஷ்டம்... இதைப் புரிந்துகொண்டு அனைத்து நடிகர்களின் ரசிகர்களும் கட்டுக்கோப்பாகச் செயல்பட வேண்டும். சம்பந்தப்பட்ட நடிகர்களும், தங்களின் ரசிகர்களுக்கு நன்னடத்தையை அறிவுறுத்த வேண்டும். அதேபோல தீவிர ரசிகர்கள் ஒரே இடத்தில் குழுமினால் என்ன மாதிரியான அசாதாரண சூழல் நிகழும் என்பதை உணர்ந்து முன்கூட்டியே காவல்துறை பாதுகாப்பு வேண்டி திரையரங்க நிர்வாகம் காவல் நிலையத்தை அணுக வேண்டும். தவறுகளிலிருந்து பாடம் கற்றுக்கொள்வதைப்போல, மூன்று தரப்பினரும் இவற்றை உணர்ந்து இனிவரும் காலங்களிலாவது முறையாகச் செயல்படவேண்டும் என்பதுதான் அனைவரின் எதிர்பார்ப்பாக இருக்கிறது.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்... 
https://bit.ly/46c3KEk">
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்... 
https://bit.ly/46c3KEk">
https://bit.ly/46c3KEk />
LEO Audio Launch: "அரசியல் காரணமில்லை!"- `லியோ' ஆடியோ லாஞ்ச் ரத்து; படக்குழு சொல்லும் காரணம் என்ன?


http://dlvr.it/Sx8DRL

Read More

முடிவெடுக்காத ஆளுநர்; உத்தரவு பிறப்பித்த நீதிமன்றம் - 5 சிறைவாசிகளுக்கு இடைக்கால ஜாமீன்!

நன்னடத்தை அடிப்படையில் முன்கூட்டியே விடுதலை செய்வது தொடர்பாக அரசின் பரிந்துரைமீது ஆளுநர் முடிவெடுக்காததால், `ஐந்து  சிறைவாசிகளுக்கு ஜாமீன் வழங்க ஆட்சேபனை இல்லை' என தமிழக அரசு தெரிவித்திருக்கிறது. நீண்டகாலமாகச் சிறையிலுள்ள இஸ்லாமியச் சிறைவாசிகளை நன்னடத்தை அடிப்படையில் முன்கூட்டியே விடுதலை செய்ய உத்தரவிடக் கோரிய வழக்குகள்மீது, சென்னை உயர் நீதிமன்றத்தில் விசாரணை நடைபெற்றுவருகிறது.தமிழ்நாடு அரசு

கடந்த முறை இந்த வழக்குகள் விசாரணைக்கு வந்தபோது, அரசுத் தலைமை குற்றவியல் வழக்கறிஞர் அசன் முகமது ஜின்னா ஆஜராகி, முதலமைச்சரின் பரிந்துரையின்பேரில் 49 சிறைவாசிகளை நன்னடத்தை அடிப்படையில் முன்கூட்டியே விடுதலை செய்வது தொடர்பான பரித்துரையை ஆளுநரின் ஒப்புதலுக்காக அனுப்பியிருப்பதாகவும், அந்தப் பரிந்துரைகள் நிலுவையில் இருப்பதாகவும் குறிப்பிட்டு, உள்துறைச் செயலாளரின் கடிதத்தை நீதிமன்றத்தில் சமர்ப்பித்திருந்தார்.


இந்த நிலையில், வழக்கு இன்று மீண்டும் நீதிபதிகள் எஸ்.எஸ்.சுந்தர், சுந்தர் மோகன் ஆகியோரின் அமர்வு முன்பு விசாரணைக்கு வந்தது. அப்போது சிறைவாசிகள் ஷாகுல் ஹமீது, அஸ்லாம் உள்ளிட்ட ஐந்து பேரின் சார்பில், ஜாமீனில் விடுவிக்கக் கோரி மனுத்தாக்கல் செய்யப்பட்டிருந்தது.

இந்த வழக்கில் அரசு கூடுதல் குற்றவியல் வழக்கறிஞர் ராஜ் திலக் ஆஜராகி, சிறைவாசிகளை முன்கூட்டியே விடுதலை செய்வது தொடர்பாக அரசின் பரிந்துரைமீது ஆளுநர் இன்னும் முடிவெடுக்கவில்லை என்று தெரிவித்தார். சென்னை உயர் நீதிமன்றம்

மேலும், ஏற்கெனவே உச்ச நீதிமன்றம், உயர் நீதிமன்றம் இதே போன்ற மற்றொரு சிறைவாசி ஜாமீன் வழக்கு விசாரணையின்போது, ஆளுநரிடம் கோப்புகள் நிலுவையில் இருப்பதால் ஜாமீன் வழங்கப்பட்டிருப்பதைச் சுட்டிக்காட்டி, மனுதாரர்களை ஜாமீனில் விடுவிக்க அரசுக்கு ஆட்சேபனை இல்லை என்று குறிப்பிட்டார். இதையடுத்து, மனுதாரர்கள் ஐந்து பேரையும் மூன்று மாதங்கள் இடைக்கால நிபந்தனை ஜாமீனில் விடுவிக்க நீதிபதிகள் உத்தரவிட்டு, வழக்கு விசாரணையை தள்ளிவைத்தனர். சிறைவாசிகள் ஐந்து பேரில், மூன்று பேர் இஸ்லாமியர்கள், இரண்டு பேர் இந்துக்கள் என்பது குறிப்பிடத்தக்கது.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/46c3KEk">
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/46c3KEk">
https://bit.ly/46c3KEk />
ஆயுள் சிறைவாசிகள் விடுதலை கோரிக்கை... என்ன செய்யப்போகிறது தமிழக அரசு?


http://dlvr.it/Sx6SPg

Read More