``பாஜக, ஒரே சித்தாந்தத்தால் இந்தியாவை ஆள துடிக்கிறது; அதை எதிர்த்துதான் INDIA போராடுகிறது!" - ராகுல்

தெலங்கானா, ராஜஸ்தான், மத்தியப் பிரதேசம், மிசோரம், சத்தீஸ்கர் ஆகிய மாநிலங்களின் சட்டப்பேரவைத் தேர்தலுக்கான தேதியை, தேர்தல் ஆணையம் அண்மையில் அறிவித்தது. 2018-ல் நடந்ததுபோலவே, ராஜஸ்தான், மத்தியப் பிரதேசம், தெலங்கானா, மிசோரம் ஆகிய நான்கு மாநிலங்களுக்கும் ஒரே கட்டமாகவும் சத்தீஸ்கர் மாநிலத்துக்கு இரண்டு கட்டங்களாகவும் தேர்தல் நடைபெறவிருக்கிறது. இந்தக் குறிப்பிட்ட ஐந்து மாநிலத் தேர்தலுக்கான பிரசாரங்களும் பல்வேறு வகைகளில் சூடுபிடித்திருக்கின்றன.பிரதமர் மோடி

இந்த நிலையில், மிசோரத்தில் இரண்டாவது நாளாக காங்கிரஸ் தலைவர் ராகுல் காந்தி தேர்தல் பிரசாரத்தில் ஈடுபட்டு வருகிறார். அதைத் தொடர்ந்து தனியார் செய்தி நிறுவனத்துக்கு அவர் அளித்த பேட்டியில், ``மணிப்பூரில் தற்போதுள்ள சூழ்நிலை மத்திய அரசின் ஒரே சித்தாந்தம், ஒரே அமைப்பு என்ற அணுகுமுறையின் விபரீதம். மணிப்பூர்தான் ஆர்.எஸ்.எஸ் செயல்பாட்டின் விளைவுக்கு உதாரணம். மிசோரம் மக்களின் மத அடித்தளம் மற்றும் மொழிகள் அனைத்தும் ஆர்.எஸ்.எஸ்ஸால் தாக்கப்படுகின்றன. பா.ஜ.க, இந்தியாவை ஒரே சித்தாந்தம் ஒரு அமைப்பால் ஆள வேண்டும் எனத் துடிக்கிறது. அதைத்தான் எதிர்க்கட்சிகளின் `இந்தியா' கூட்டணியினரான நாங்கள் எதிர்த்துப் போராடுகிறோம்.

டெல்லியிலிருந்து மிசோரம் ஆட்சி செய்யப்பட வேண்டுமா... மிசோரம் மக்கள்தான் அவர்களின் எதிர்காலத்துக்கான முடிவுகளை எடுக்க வேண்டும் என்றே நாங்கள் விரும்புகிறோம். ஏனென்றால் மக்கள் தங்களையும் தங்கள் மத மற்றும் சமூக நடைமுறைகளையும் வெளிப்படுத்தச் சுதந்திரமான சூழலில் இருக்க வேண்டும். அஸ்ஸாம் முதலமைச்சரும் வடகிழக்கு ஜனநாயகக் கூட்டணியின் (NEDA) ஒருங்கிணைப்பாளருமான ஹிமந்தா பிஸ்வா சர்மா, ஆர்.எஸ்.எஸ் மிசோரத்துக்குள் நுழைவதற்கான கதவைத் திறக்க முயல்கிறார்.ராகுல் காந்தி

இது வடகிழக்கின் கலாசார அழிவுக்கு வழிவகுக்கும்... அது நுழைந்தால் மாநிலத்தின் கலாசாரங்கள் அழிக்கப்படும். மிசோரத்திலுள்ள MNF, ZPM ஆகிய இரண்டு மாநிலக் கட்சிகளும், இந்த மாநிலத்தில் ஆர்.எஸ்.எஸ் - பா.ஜ.க-வுக்கான நுழைவு புள்ளிகள். MNF நேரடியாக பா.ஜ.க-வுடன் கூட்டணியில் இருக்கிறது, ZPM நேரடியாக பா.ஜ.க-வை எதிர்த்துப் போராடவில்லை. அனைத்து மதங்களும், அனைத்து கலாசாரங்களும், அனைத்து வரலாறுகளும் பாதுகாக்கப்பட வேண்டும் என்று இந்தியா கூட்டணி நம்புகிறது.

மக்களுக்கு அதிகாரம் வழங்குவதே எங்கள் பார்வை, அரசியலமைப்பைப் பாதுகாப்பதன் மூலம் இந்தியா என்ற கருத்தை நாங்கள் பாதுகாப்போம். மேலும் மக்கள் தங்கள் மதம் மற்றும் கலாசாரத்தைப் பொருட்படுத்தாமல் தங்கள் கருத்துகளை வெளிப்படுத்தவும், இந்தியாவில் வாழச் சுதந்திரமும் வசதியும் இருப்பதை உறுதி செய்வோம்.மோடி, அமித் ஷா

இந்தியா கூட்டணி நாட்டின் 60 சதவிகித வாக்காளர்களைப் பிரதிநிதித்துவப்படுத்துகிறது. மிசோரம் மாநிலத்தில் வேலைவாய்ப்பு என்பது பல பிரச்னைகளுக்கு மத்தியில் பெரும் கவலையாக இருக்கிறது என்பதையும், இந்த சவால்களைக் காங்கிரஸால் சமாளிக்க முடியும் என்பதையும் மிசோரம் இளைஞர்கள் அறிந்துகொள்ள வேண்டும்" என்றார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/46c3KEk">
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/46c3KEk">
https://bit.ly/46c3KEk />
"ஜனவரியில் கூட்டணி அமைத்து, தேர்தல் நிலைப்பாடு குறித்து அறிவிக்கப்படும்!" - சொல்கிறார் பிரேமலதா


http://dlvr.it/Sxbbdq

Read More

`செந்தில் பாலாஜி ரூ.67 கோடி லஞ்சம் பெற்றதற்கான ஆதாரம் உள்ளது!' - ED | ஹைகோர்ட்டில் அனல்பறந்த விவாதம்

சட்டவிரோத பணப் பரிமாற்ற தடைச் சட்டத்தின்கீழ் கடந்த ஜூன் மாதம் அமைச்சர் செந்தில் பாலாஜி கைதுசெய்யப்பட்டார். ஜாமீன் கோரி ஏற்கெனவே செந்தில் பாலாஜி தரப்பில் தாக்கல் செய்யப்பட்ட இரு மனுக்களை, சென்னை முதன்மை அமர்வு நீதிமன்றம் தள்ளுபடி செய்திருந்தது. இதைத் தொடர்ந்து, செந்தில் பாலாஜி தரப்பில் ஜாமீன் கோரி சென்னை உயர் நீதிமன்றத்தில், தற்போது மீண்டும் மனுத்தாக்கல் செய்யப்பட்டிருக்கிறது.

சிறையில் உடல் நிலை பாதிக்கப்பட்டு ஸ்டான்லி மருத்துவமனையில் சிகிச்சை பெற்ற நிலையில், தனக்கு ஜாமீன் வழங்க வேண்டும் என செந்தில் பாலாஜியின் மனுவில் தெரிவிக்கப்பட்டிருக்கிறது. இந்த மனு நீதிபதி ஜெயச்சந்திரன் முன்பு, இன்று விசாரணைக்கு வந்தபோது, செந்தில் பாலாஜி தரப்பில் ஆஜரான மூத்த வழக்கறிஞர் என்.ஆர்.இளங்கோ, ஸ்டான்லி மருத்துவமனை மருத்துவர்கள் அளித்த அறிக்கையைக் குறிப்பிட்டு வாதிட்டார்.

அதில் அவருக்கு மாரடைப்பு ஏற்படுவதற்கான அறிகுறிகள் இருப்பதாகவும் குறிப்பிட்டார்.  மேலும், நீதிமன்றமே எந்தவொரு மருத்துவரையும் நியமித்து செந்தில் பாலாஜி உடல்நிலை குறித்து ஆய்வு செய்யலாம் எனவும் தெரிவித்தார். 

வேலை பெற்று தருவதாகக் கூறி 1.34 கோடி ரூபாய் சட்டவிரோத பணப் பரிமாற்றம் நடைபெற்றதாகக் கூறப்படும் 10 ஆண்டுகளில் அவருடைய வங்கிக் கணக்குகளையும் வருமான வரி கணக்கு தாக்கல் செய்ததிலிருந்தே செந்தில் பாலாஜி குற்றமற்றவர் என்பது நிரூபணமாவதாகக் குறிப்பிட்ட அவர், உள் நோக்கத்துடன் செந்தில் பாலாஜி சிறையில் அடைக்கப்பட்டிருப்பதாக வாதிட்டார்.

அமலாக்கத்துறை தரப்பில் ஆஜரான மூத்த வழக்கறிஞர் ஏ.ஆர்.எல்.சுந்தரேசன், செந்தில் பாலாஜி அலுவலகத்திலிருந்து கைப்பற்றப்பட்ட பென்-டிரைவில் சேகரிக்கப்பட்ட  தகவலின்படி, வேலை பெற்றுத் தருவதாகக் கூறி 67.75 கோடி ரூபாய் பணம் பெற்றிருப்பது, தற்போது தெரிய வந்திருக்கிறது என்று தெரிவித்தார். மேலும், சிறை மருத்துவமனை அல்லது அரசு மருத்துவமனையில் குறிப்பிட்ட சிகிச்சைக்கான வசதி இல்லாத நிலையில் மட்டுமே ஜாமீன் வழங்க முடியும் எனவும், செந்தில் பாலாஜிக்கு அது போன்ற நிலை ஏற்படவில்லை எனவும் வாதிட்டார். மேலும், செந்தில் பாலாஜியின் கால் மரத்துபோவது சமீபத்தில் ஏற்பட்டது அல்ல எனவும் அறுவை சிகிச்சை செய்தது முதலே அவருக்கு இந்தப் பிரச்னை இருந்து வருவதாகவும் குறிப்பிட்டார். சென்னை உயர் நீதிமன்றம் - செந்தில் பாலாஜி

மருத்துவ சிகிச்சை காரணங்களுக்காக  ஜாமீன் வழங்க முடியாது என ஏற்கெனவே முதன்மை அமர்வு நீதிமன்றம் தெளிவுபடுத்தியிருக்கும் நிலையில், ஸ்டான்லி மருத்துவர்களின் அறிக்கைகளும் செந்தில் பாலாஜிக்கு தனியார் மருத்துவமனை சிகிச்சை அவசியம் எனக் குறிப்பிடவில்லை எனவும் தெரிவித்தார். 

செந்தில் பாலாஜியின் சகோதரர் அசோக்குமார் தொடர்ந்து தலைமறைவாக இருக்கும் நிலையில், செந்தில் பாலாஜிக்கு ஜாமீன் வழங்கினால், அவர் காட்சிகளை கலைத்துவிடுவார் எனவும் வாதிட்டார்.

அதையடுத்து நீதிபதி, செந்தில் பாலாஜிக்கு சிறை மருத்துவமனையிலேயே சிகிச்சை அளிக்க முடியாதா... செந்தில் பாலாஜிக்கு ஜாமீன் அளித்தால் சாட்சியைக் கலைப்பார் என அமலாக்கத்துறை கூறுகிறது. அதற்கு உங்கள் பதில் என்ன, என கேள்வி எழுப்பினார்என்.ஆர்.இளங்கோ

செந்தில் பலாஜி தரப்பில், அவர் நிச்சயமாக ஆதாரங்களை கலைக்க மாட்டார். ஆதாரங்களை கலைக்க செந்தில் பாலாஜி முயலக்கூட மாட்டார். வழக்கு தொடர்பான ஆவணங்கள் அனைத்தும் அமலாக்கத்துறையிடம் இருக்கும்போது, அவற்றைக் கலைக்க முடியாது எனத் தெரிவிக்கபட்டது. இதய அறுவை சிகிச்சை சாதாரணமானது என அமலாக்கத்துறை கூறுகிறது என்றும், ஆனால் அவர்களுக்கு நெருக்கமானவர்களுக்கு இதய அறுவை சிகிச்சை செய்தால் இதேபோல கூறுவார்களா எனவும் செந்தில் பாலாஜி தரப்பில் கேள்வி எழுப்பப்பட்டது. சென்னை உயர் நீதிமன்றம்

இந்த வழக்கில், செந்தில் பாலாஜி குற்றம் செய்தார் என்பதை அமலாக்கத்துறையால் நிரூபிக்கவே முடியாது. அமலாக்கத்துறை தரப்பில், சிறை மருத்துவமனையிலோ அல்லது நீதிமன்றக் காவலில் அரசு மருத்துவமனையில் சிகிச்சை அளிக்க முடியாது என்ற நிலை இருந்தால் மட்டுமே, மருத்துவக் காரணங்களுக்காக ஜாமீன் வழங்க முடியும். ஆனால், அது போன்ற நிலை செந்தில் பாலாஜிக்கு இல்லை என விளக்கம் அளிக்கப்பட்டது.

அமலாக்கத்துறை தரப்பில், ஓர் இடத்தில் 30 நிமிடங்களுக்கு மேல் நிற்கவோ, உட்காரவோ செந்தில் பாலாஜியால் முடியவில்லை எனக் கூறுகிறார்கள் என்றும், ஆனால் அவ்வாறு அவர் உட்கார்ந்து இருக்க வேண்டுமென யாரும் அவரைக் கட்டாயப்படுத்தவில்லை என்றும் தெரிவிக்கப்பட்டது.

இரு தரப்பு வாதங்களையும் கேட்ட நீதிபதி, வழக்கின் தீர்ப்பை தேதி குறிப்பிடாமல் தள்ளிவைத்தார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/46c3KEk">
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/46c3KEk">
https://bit.ly/46c3KEk />
"நீங்கள் ஏன் பாஜக-வில் இணையக் கூடாது எனக் கேட்டிருக்கின்றனர்" - செந்தில் பாலாஜி வழக்கில் கபில் சிபல்


http://dlvr.it/SxXzvh

Read More

பெண்ணுக்குக் கொடுமை, குற்றம் சாட்டப்பட்ட நபருக்கு வெளிநாடு செல்ல அனுமதி தந்த கேரள உயர் நீதிமன்றம்!

இந்திய தண்டனைச் சட்டம் பிரிவு 498ஏ (கணவர் அல்லது உறவினர்களால் பெண்ணுக்குக் கொடுமை) என்ற தண்டனைக்குரிய குற்றங்களைச் செய்ததாகக் குற்றம் சாட்டப்பட்ட ஒருவரை, காவல்துறை இறுதி அறிக்கை தாக்கல் செய்யாத நிலையில் மேற்படிப்புக்காக ஆஸ்திரேலியா செல்ல கேரள உயர் நீதிமன்றம் அனுமதி அளித்துள்ளது. வெளிநாடு பயணம்இஸ்ரேல் - ஹமாஸ் பிரச்னை... கவனத்தில் கொள்ள வேண்டிய முக்கிய பங்குகள் என்னென்ன?

பெண்ணுக்குக் கொடுமை செய்த குற்றத்தில் சரணடைந்த ஒருவர் ஜெயிலில் அடைக்கப்பட்டு தற்போது ஜாமீனில் வெளியில் வந்துள்ளார். அவர் மீதான வழக்கு விசாரணை நீதிமன்றத்தில் நடைபெற்று வருகிறது. அந்த வழக்கின் இறுதி அறிக்கையை இன்னும் காவல்துறையினர் நீதிமன்றத்தில் தாக்கல் செய்யவில்லை.

இந்நிலையில் குற்றம் சாட்டப்பட்ட அந்த நபர், தான் அனைத்து விசாரணைக்கும் ஒத்துழைத்ததாகவும், இனியும் ஒத்துழைப்பதாகவும், தற்போது தனக்கு ஆஸ்திரேலியாவில் மேற்படிப்பு படிக்க சீட் கிடைத்துள்ளதால் தான் அங்கு செல்ல அனுமதி வேண்டும் எனவும் முதலில் கேரள கீழமை நீதிமன்றத்தில் மனுத்தாக்கல் செய்தார்.

இந்த வழக்கை விசாரித்த கீழமை நீதிமன்ற நீதிபதிகள், அந்த நபரின் மனுவை தள்ளுபடி செய்தனர். இதனால் அவர் கேரள உயர் நீதிமன்றத்தில் மேல் முறையீட்டு மனு தாக்கல் செய்தார். அப்போது இந்த வழக்கையும், விசாரணைக்கு அவர் ஒத்துழைத்த விதத்தையும் ஆராய்ந்த உயர் நீதிமன்ற நீதிபதிகள் அவர் வெளிநாடு செல்ல அனுமதி வழங்கியுள்ளனர். அந்த நபர் விசாரணைக்கு ஒத்துழைத்துள்ளதாகவும் விசாரணையின் இறுதி அறிக்கை தாக்கல் செய்யப்படாத காரணத்தால் படிப்புக்காக வெளிநாடு செல்வதற்கான அவரது உரிமையை பறிக்க வேண்டிய அவசியமில்லை என்றும் நீதிமன்றம் சுட்டிக்காட்டியுள்ளது.தீர்ப்புடிசிஎஸ் கொடுத்த சூப்பரான அறிவிப்பு... பங்கு விலையில் தாக்கம் எப்படி இருக்கும்?

மேலும், ’சரணடைந்த நாளில் இருந்து அவர் வெளிப்படையாக, மற்றும் எந்த பாதிப்பும் இல்லாமல் விசாரணைக்கு முழுமையாக ஒத்துழைத்து வருகிறார் என்பது தெளிவாகத் தெரிகிறது. அதேபோல் நீதிமன்றம் கூறிய அனைத்து விதிமுறைகளையும் முறையாகக் கடைப்பிடித்துள்ளார். எனவே அவரின் உரிமையை பறிக்க வேண்டிய அவசியமில்லை. அதனால் ராயல் மெல்போர்ன் இன்ஸ்டிட்யூட் ஆஃப் டெக்னாலஜி பல்கலைக்கழகத்தில் முதுகலை பட்டம் பெற அவர் ஆஸ்திரேலியா செல்லலாம். அங்கு அவர் வசிக்கும் முகவரி மற்றும் இதர விவரங்களை நீதிமன்றத்தில் சமர்ப்பிக்க வேண்டும்’ என நீதிபதிகள் கூறியுள்ளனர்.


http://dlvr.it/SxXzds

Read More

திருப்பூர்: தகரக் கொட்டாயாக மாறிய பயணிகள் நிழற்குடை; அவதியுறும் பொதுமக்கள்... சீரமைக்குமா அரசு!

திருப்பூர் மாவட்டம், 53-வது வார்டுக்கு உட்பட்ட A.B. நகர்ப் பகுதியில் ஏறத்தாழ ஆயிரத்துக்கும் மேற்பட்ட குடும்பத்தினர் வசித்து வருகின்றனர். இந்த பகுதியில் கிட்டத்தட்ட 500-க்கும் மேற்பட்டோர் தினசரி பேருந்தில் பயணம் செய்கிறார்கள். திருப்பூர் பழைய பேருந்து நிலையத்திலிருந்து பொங்கலூருக்கு செல்லும் '28-ம் நம்பர்' பேருந்து இந்த A.B. நகர் பேருந்து நிறுத்தம் வழியே செல்கிறது.A.B. நகர் பேருந்து நிறுத்த நிழற்குடை - திருப்பூர்

இந்தப் பகுதியில் இருக்கும் பேருந்து நிறுத்த நிழற்குடை அமைக்கப்பட்டு சுமார் 15 வருடங்கள் ஆகிவிட்டது. பள்ளி குழந்தைகள் முதல் முதியவர்கள் வரை இந்த பேருந்து நிறுத்த நிழற்குடையை பயன்படுத்தி வருகிறார்கள்.‌ இந்த நிலையில் முறையான பராமரிப்பு ஏதும் இல்லாமல் பேருந்து நிறுத்தம் தற்போது பழுதடைந்து, காற்றடித்தால் சரிந்துவிழும் தகரக் கொட்டாயாகக் காட்சியளிக்கிறது. இதனால், பேருந்துக்காக காத்திருக்கும் பயணிகள், இந்த நிழற்குடையின் கீழ் நிற்பதற்கே பெரும் அச்சம் கொள்கின்றனர். கனமழையின்போதும், கடும் வெயிலின்போதும் தஞ்சமடைய இயலாமல் பொதுமக்கள் பெரும் அவதிக்கு உள்ளாகின்றனர்.

ஆனாலும், வேறு வழி இல்லாமல் பொதுமக்களே இந்த நிழற்குடையைச் சுற்றி துணிகளாலும் விளம்பர பலகைகளாலும் தடுப்பு ஏற்படுத்திப் பயன்படுத்தி வருகிறார்கள். இது குறித்து மாவட்ட ஆட்சியர் அலுவலகத்திலுள்ள உரிய அதிகாரிகளிடமும், வார்டு கவுன்சிலரிடமும் பல முறை கூறியும் இதுவரை எந்த நடவடிக்கையும் எடுக்கவில்லை என மக்கள் மிகவும் வேதனைப் படுகிறார்கள். இத்தனைக்கும், இந்த பேருந்து நிறுத்தத்திலிருந்து வெறும் மூன்று கிலோமீட்டரில்தான் திருப்பூர் மாவட்ட ஆட்சியர் அலுவலகம் இருக்கிறது.A.B. நகர் பேருந்து நிறுத்த நிழற்குடை - திருப்பூர்

தற்போது இந்த பேருந்து நிறுத்தத்தில் அமர்வதற்காக அமைக்கப்பட்டிருக்கும் கற்கள் ஒரு மனநலம் குன்றியவரால் அமைக்கப்பட்டவை எனக் கூறும் மக்கள், மனநலம் குன்றியவருக்கு இருக்கும் மனிதநேயம், சம்பந்தப்பட்ட அதிகாரிகளுக்கும் வேண்டும் என்று கருத்து தெரிவித்திருக்கின்றனர். எனவே, பயணிகள் பயன்பெறும் வகையில் உடனடியாக இந்த நிழற்குடை சீரமைக்கப்படவேண்டும் என அந்தப் பகுதி மக்கள் தங்கள் கோரிக்கையை தீர்க்கமாக வலியுறுத்துகின்றனர்.திருப்பூர்: `அழுகிய முட்டையில் ஆஃப் பாயில், கேக்'-ஆய்வுக்குச் சென்ற இடத்தில் அதிர்ந்துபோன அதிகாரிகள்


http://dlvr.it/SxVNhR

Read More

``70 ஆண்டுகளாக இஸ்ரேல் ஆக்கிரமிப்பாளராக இருக்கிறது... உலகமும் மௌனம் காக்கிறது!" - ஒவைசி

இஸ்ரேலின் நாட்டின் மீது அக்டோபர் 7-ம் தேதியன்று பாலஸ்தீனத்தின் ஹமாஸ் குழு திடீர் ஏவுகணை தாக்குதல் நடத்தியது. இதன் காரணமாக, `நாங்கள் எதிர் தாக்குதல்தான் தொடுக்கிறோம், மொத்த ஹமாஸும் முற்றிலுமாக அழிக்கப்படும்' என்ற நோக்கத்தில், பாலஸ்தீனத்தின் வடக்கு காஸா பகுதியில் ராணுவ பீரங்கிகள், எழுகணைகள், வெடிகுண்டுகள் போன்றவற்றுடன் கடுமையான தாக்குதலை நடத்திவருகிறது.இஸ்ரேல்-பாலஸ்தீன் யுத்தம்

காஸா வாசிகள் சொந்த மண்ணிலேயே அகதிகளாக ஐ.நா முகாம்களில் தஞ்சமடைந்து வருகின்றனர். இஸ்ரேலின் தாக்குதலால் காஸாவில் மட்டும் 2,000-க்கும் மேற்பட்டோர் உயிரிழந்துவிட்டதாகக் கூறப்படுகிறது. இரு நாடுகளிலும் மொத்த இறப்பு எண்ணிக்கை 3,000-ஐ கடந்துவிட்டது .இஸ்ரேல்-பாலஸ்தீன் யுத்தம்

ஐ.நா-வின் கூற்றுப்படி, காஸாவில் 1,300-க்கும் மேற்பட்ட கட்டிடங்கள் தரைமட்டமாக்கப்பட்டுவிட்டன. இவ்வாறான கொடுமையான போரில் அமெரிக்கா, இந்தியா உட்பட பல நாடுகள் ஒருசார்பு நிலைப்பாட்டை எடுத்துவருவது போரை நீள வைக்கிறது. இந்த நிலையில், இந்திய நாடாளுமன்ற உறுப்பினர் ஒவைசி, 70 ஆண்டுகளாக இஸ்ரேல் ஆக்கிரமிப்பாளராக இருக்கிறதென்றும். இதைக் கண்டு உலகமும் மௌனமாக இருக்கிறதென்றும் கூறியிருக்கிறார்.

நேற்றைய தினம் நடைபெற்ற கூட்டமொன்றில், பாலஸ்தீனத்தின் மீதான இஸ்ரேல் தாக்குதல் குறித்துப் பேசிய ஒவைசி, ``இஸ்ரேல் அதிபர் நெதன்யாகு ஒரு அரக்கன், போர்க் குற்றவாளி. 21 லட்சம் ஏழை காஸா மக்களில் 10 லட்சம் பேர் வீடிழந்துவிட்டனர். உலகமே இதைப் பார்த்து மௌனம் காக்கிறது. கொன்றவர்களைப் பாருங்கள், காஸாவின் இந்த ஏழைகள் உங்களுக்கு என்ன தீங்கு செய்தார்கள்... இந்த விவகாரத்தில் ஊடகங்கள் ஒருதலைபட்சமான செய்திகளை வெளியிடுகின்றன.ஒவைசி

70 ஆண்டுகளாக இஸ்ரேல் ஆக்கிரமிப்பாளராக இருந்து வருகிறது. இத்தகைய ஆக்கிரமிப்பையும், அட்டூழியங்களையும் வேறெங்கும் பார்க்க முடியாது. பாலஸ்தீனம் என்பது முஸ்லிம்களைப் பற்றிய பிரச்னையல்ல, மனிதாபிமானப் பிரச்னை. எனவே, பாலஸ்தீனியர்களுக்கு எதிராக நடத்தப்படும் இந்த அட்டூழியங்களைத் தடுத்து நிறுத்துமாறு பிரதமர் மோடியிடம் நான் வேண்டுகோள் விடுக்கிறேன்" என்றார்.இந்தியப் பிரதமர் மோடி - இஸ்ரேல் அதிபர் பெஞ்சமின் நெதன்யாகு

மேலும், உத்தரப்பிரதேசத்தில் பாலஸ்தீனத்துக்கு ஆதரவாக சமூக வலைதளங்களில் பதிவிடுபவர்கள் மீது நடவடிக்கை எடுக்குமாறு முதல்வர் யோகி ஆதித்யநாத் உத்தரவிட்டதை எதிர்த்துப் பேசிய ஒவைசி, ``கேளுங்கள் முதல்வரே, நான் பாலஸ்தீனத்தின் கொடியையும், நமது மூவர்ணத்தையும் பெருமையுடன் அணிந்திருக்கிறேன். நான் பாலஸ்தீனத்துடன் நிற்கிறேன்" என்று கூறினார்.`தடை செய்யப்பட்ட ஆயுதங்களைப் பயன்படுத்தியதா இஸ்ரேல்?' - ஐ.நா தடை செய்த ஆயுத பட்டியல் என்ன?!


http://dlvr.it/SxVNTh

Read More

நாகை - இலங்கை இடையே புதிய பயணிகள் கப்பல் போக்குவரத்து தொடங்கியது - கட்டண விவரம்!

நாகை - காங்கேசன் துறை( இலங்கை) இடையேயான பயணிகள் கப்பல் போக்குவரத்தை மத்திய கப்பல் நீா்வழிப் போக்குவரத்துதுறை அமைச்சர் சா்வானந்த சோனாவால் கொடியசைத்து தொடங்கி வைத்தார்.

கடந்த ஜூலை மாதம் அரசு முறை பயணமாக இந்தியா வந்த இலங்கை அதிபர் ரணில் விக்ரமசிங்கே பிரதமர் மோடியை சந்தித்து இருநாட்டு உறவு, தமிழக மீனவர்கள் கைது, தமிழர்கள் நலன் குறித்து விவாதித்தனர். அதில் குறிப்பாக நாகை இலங்கை இடையிலான பயணிகள் கப்பல் போக்குவரத்து தொடங்க இரு நாடுகளுக்கும் இடையே ஒப்பந்தம் கையெழுத்தாகியது. அதனைத்தொடர்ந்து பயணிகள் கப்பல் போக்குவரத்தை தொடங்குவதற்காக நிதி ஒதுக்கீடு செய்யப்பட்டு நாகை துறைமுகத்தில் பூர்வாங்க பணிகள் நடைபெற்றது.

இதற்காக சுமார் ரூ. 25 கோடி செலவில் பிரத்யேகமாக கொச்சினில் தயாரிக்கப்பட்ட சிரியாபாணி கப்பல் நாகை துறைமுகத்தை வந்தடைந்து. இதற்கான சோதனை ஓட்டம் எல்லாம் முடிவடைந்த பிறகு இன்று சனிக்கிழமை காலை 8.15 க்கு மத்திய கப்பல் நீா்வழிப் போக்குவரத்து மற்றும் ஆயுஷ் துறை அமைச்சா் சா்வானந்த சோனாவால் மற்றும் தமிழக நெடுஞ்சாலை துறை மற்றும் சிறு துறைமுகங்கள் துறை அமைச்சர் ஏ.வா வேலு உள்ளிட்டோர் கொடியசைத்து பயணிகள் கப்பல் போக்குவரத்தை தொடங்கி வைத்தனர். இந்த நிகழ்வில் நாகை மாவட்ட சட்டமன்ற உறுப்பினர் ஆளூர் ஷாநவாஸ், நாகை மாவட்ட ஆட்சியர் ஜானி வர்கீஸ் மற்றும் மாவட்ட கண்காணிப்பாளர் ஹர்ஷ் சிங் மற்றும் அதிகாரிகள் பொதுமக்கள் பலர் கலந்து கொண்டனர்.

நாகை - காங்கேசன்துறை பயணிகள் கப்பலில் செல்ல ரூ. 6,500 மற்றும் 18 சதவீத ஜிஎஸ்டி வரி சோ்த்து ஒரு நபருக்கு ரூ. 7,670 கட்டணம் நிா்ணயிக்கப்பட்டுள்ளது.

ஆனால் கப்பல் போக்குவரத்து தொடக்க நாள் கட்டண சலுகையாக (இன்று) சனிக்கிழமை ஒருநாள் மட்டும் நபா் ஒருவருக்கு ரூ. 2,803 மட்டும் பயணக் கட்டணமாக (75 சதவீத சிறப்பு சலுகை) வசூலிக்கப்படும் என அறிவிக்கப்பட்டிருந்தது.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்... 
https://bit.ly/46c3KEk">
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்... 
https://bit.ly/46c3KEk">
https://bit.ly/46c3KEk />

http://dlvr.it/SxSX6t

Read More

`இஸ்ரேலைத் தாக்க வடகொரிய ஏவுகணைகள் பயன்படுத்தப்பட்டனவா?' - வடகொரியா விளக்கம்

பாலஸ்தீனத்துக்கும் இஸ்ரேலுக்கும் கடந்த 7-ம் தேதி முதல் போர் நடந்துவருகிறது. இந்தத் தாக்குதலில் இதுவரை 2,000-க்கும் மேற்பட்டோர் கொல்லப்பட்டிருக்கின்றனர். 3 லட்சத்துக்கும் அதிகமானோர் தம் சொந்த வாழ்விடங்களிலிருந்து வெளியேற்றப்பட்டிருக்கின்றனர். இந்தப் போரில் இஸ்ரேலுக்கு எதிரான தாக்குதலில் ஹமாஸ்  படையினர் வடகொரிய ஆயுதங்களைப் பயன்படுத்தியதாக அமெரிக்கா குற்றம்சாட்டியிருக்கிறது.வடகொரியா அதிபர் கிம் ஜாங் உன்

இது குறித்து அமெரிக்க அரசால் நிதியுதவி செய்யப்படும் ரேடியோ ஃப்ரீ ஏசியா (Radio Free Asia) என்ற தனியார் செய்தி நிறுவனம், "இஸ்ரேல், ஹமாஸ் படையினருக்கு இடையேயான தாக்குதலில் வடகொரிய ஆயுதங்கள், முக்கியமாக ராக்கெட் லாஞ்சர்கள் (Rocket launcher) பயன்படுத்தப்படுகின்றன" எனக் கடந்த 10-ம் தேதி செய்தி வெளியிட்டது.

மேலும், ஹமாஸ் படையினர் பயன்படுத்திய சில ஆயுதங்கள் வடகொரியாவிலிருந்து பெறப்பட்டதாக, அமெரிக்க அரசுக்குச் சொந்தமான வாய்ஸ் ஆஃப் அமெரிக்காவும் (Voice of America) செய்தி வெளியிட்டது.

இதற்கு பதிலளிக்கும் வகையில், வடகொரியாவின் அதிகாரபூர்வ செய்தி நிறுவனமான KCNA (Korean Central News Agency), ``அமெரிக்க  அரசுக்கு ஆதரவான பத்திரிகை அமைப்புகள் மற்றும் அரைகுறை வல்லுநர்கள் இஸ்ரேல் மீதான தாக்குதலுக்கு வடகொரியாவின் ஆயுதங்கள் பயன்படுத்தப்பட்டதாக ஆதாரமற்ற, பொய்யான வதந்தியைப் பரப்புகின்றனர்"  எனக் கூறியிருக்கிறது. இது குறித்து அமெரிக்கத் தேசியப் பாதுகாப்பு கவுன்சில் செய்தி தொடர்பாளர் ஜான் கிர்பி, "ஹமாஸ்  பயன்படுத்திய  ராக்கெட்டுகள் பற்றிய விவரங்கள் உறுதிப்படுத்தப்படவில்லை" எனத் தெரிவித்திருக்கிறார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்... 
https://bit.ly/46c3KEk">
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்... 
https://bit.ly/46c3KEk">
https://bit.ly/46c3KEk />
Israel-Hamas war: ``தவறு செய்யாதீர்கள்... இது ஒன்றும் 1943 அல்ல!" - ஹமாஸை எச்சரிக்கும் இஸ்ரேல்!


http://dlvr.it/SxQjNX

Read More