`ஆளுநர் மாளிகையின் புகார் உண்மைக்குப் புறம்பானது!' - பெட்ரோல் குண்டு வீச்சு குறித்து தமிழக டிஜிபி

சென்னை கிண்டியிலுள்ள ஆளுநர் மளிகை முன்பு நேற்று மதியம் 2:40 மணியளவில், இரண்டு பெட்ரோல் குண்டுகள் வீசப்பட்ட சம்பவம் பெரும் பரபரப்பை ஏற்படுத்தியது. இந்த சம்பவத்தின் போது, பெட்ரோல் குண்டு வீசிய நபரை அந்த இடத்திலேயே போலீஸார் மடக்கிப் பிடித்தனர். பின்னர் விசாரணையில், அந்த நபர் கருக்கா வினோத் என்றும், அவர் மீது E-3 தேனாம்பேட்டை காவல் நிலையத்தின் வழக்கமான குற்றவாளி என்றும் தெரியவந்திருக்கிறது. அதைத்தொடர்ந்து, கருக்கா வினோத் மீது ஐந்து பிரிவுகளின் கீழ் வழக்கு பதிவுசெய்யப்பட்டது.ஆளுநர் மளிகை - ஆளுநர் ரவி

இவ்வாறிருக்க இன்று மதியம் மூன்று மணியளவில், ``ராஜ்பவனில் நடந்த தாக்குதல் குறித்த புகாரை காவல்துறை பதிவுசெய்யவில்லை. இந்த சம்பவம் குறித்து தன்னிலையாகப் பதிவுசெய்யப்பட்ட புகார், ஆளுநர் மாளிகை முன்பு நடந்த தாக்குதலை சாதாரணமான நாசகார செயலாக நீர்த்துப்போகச் செய்துவிட்டது. இந்த வழக்கில், அவசரகதியில் கைது நடவடிக்கை மேற்கொள்ளப்பட்டு, நள்ளிரவில் மாஜிஸ்திரேட்டை எழுப்பி குற்றம்சாட்டப்பட்டவர் சிறையில் அடைக்கப்பட்டுவிட்டதால், இந்த தாக்குதலின் பின்னணியில் இருப்பவர்களை அம்பலப்படுத்த வேண்டிய விரிவான விசாரணை தவிர்க்கப்பட்டுள்ளது. நியாயமான விசாரணை தொடங்குவதற்கு முன்பாகவே இந்த விசாரணை கொல்லப்படுகிறது" என்று ஆளுநர் மாளிகை அறிக்கை வெளியிட்டிருந்தது.

இந்த நிலையில், இதில் முழுமையான நியாயமான விசாரணை மேற்கொள்ளப்படும் என்றும், ஆளுநருக்கு தமிழ்நாடு காவல்துறையினரால் உரிய பாதுகாப்பு தொடர்ந்து வழங்கப்பட்டு வருகிறது என்றும் தமிழக காவல்துறை அறிக்கை வெளியிட்டிருக்கிறது. அந்த அறிக்கையில், ``இச்சம்பவத்தால், பொருட்களுக்கோ அல்லது எந்த நபருக்கோ எவ்வித சேதமோ, காயமோ ஏற்படவில்லை. கண்காணிப்புக் கேமரா பதிவுகளை ஆராய்ந்ததில், மேற்படி அந்த நபர் தேனாம்பேட்டையிலிருந்து, சம்பவ இடம் வரை தனியாகவே வந்துள்ளார் எனத் தெரிய வந்துள்ளது. முதற்கட்ட விசாரணைக்குப் பிறகு, 25.10.2023 அன்று J-3 கிண்டி காவல் நிலையத்தில் அவர் மீது வழக்குப் பதிவு செய்யப்பட்டு, புலன் விசாரணை மேற்கொள்ளப்பட்டு வருகிறது. தற்போது அவர், IV-வது பெருநகர குற்றவியல் நடுவர் முன்பு ஆஜர்படுத்தப்பட்டு, 09.11.2023 வரை நீதிமன்றக் காவலுக்கு உட்படுத்தப்பட்டுள்ளார்.வினோத்

வினோத் ஏற்கனவே பல்வேறு குற்றச் சம்பவங்களில் ஈடுபட்டு கைது செய்யப்பட்டு நீதிமன்ற காவலுக்கு அனுப்பப்பட்டுள்ளார். வினோத் மற்றும் அவரின் கூட்டாளிகள் சௌத் போக் சாலையில் உள்ள டாஸ்மாக் கடையில் 12.08.2015 அன்று பெட்ரோல் நிரம்பிய பாட்டில்களை வீசியுள்ளனர். அதேபோல் 13.07.2017 அன்று வினோத் மற்றும் அவரின் கூட்டாளிகள் தேனாம்பேட்டை காவல் நிலையத்தில் மண்ணெண்ணெய் நிரம்பிய பாட்டில்களை வீச முற்பட்டு காவல்துறையினரால் கைது செய்யப்பட்டு வழக்கு செய்யப்பட்டுள்ளது. வினோத் மீது 14 வழக்குகள் நிலுவையில் உள்ளன. ஆளுநருக்கு எதிராக பகிரங்க மிரட்டல், அவதூறுப் பேச்சு மற்றும் தாக்குதல் போன்ற பல்வேறு சம்பவங்கள் நிகழ்ந்துள்ளதாகவும், அவை தொடர்பாக காவல்துறையினர் நியாயமான முறையில் முதல் தகவல் அறிக்கையை பதிவு செய்யவில்லை எனவும், மேலும் அச்சம்பவங்கள் தொடர்பாக எவ்வித மேல் நடவடிக்கையும் எடுக்கப்படவில்லை எனக் குறிப்பிட்டு, 25.10.2023 அன்று T.செங்கோட்டையன் (ஆளுநரின் துணைச் செயலாளர்) புகார் அளித்துள்ளார்.

இந்த சம்பவம் ஒரு தனிப்பட்ட நபரால் ஆளுநர் மாளிகைக்கு வெளியே சர்தார் படேல் சாலையில் செய்யப்பட்ட செயலாகும். இந்த நிகழ்வில் புகாரில் தெரிவிக்கப்பட்டது போல் ஒன்றுக்கும் மேற்பட்ட நபர்களால் பெட்ரோல் குண்டு வீசப்பட்டது எனவும், அவர்கள் அத்துமீறி ஆளுநர் மாளிகையினுள் நுழைய முற்பட்டு ஆளுநர் மாளிகை வாயிற்காப்பாளர்களால் (Sentry) தடுத்து நிறுத்தப்பட்டுள்ளார்கள் எனவும், மேலும் அங்கு வீசப்பட்ட பெட்ரோல் குண்டு வெடித்தது என்றும் சொல்வது அனைத்தும் உண்மைக்கு முற்றிலும் புறம்பானது. அதேபோல் ஏப்ரல் ஏப்ரல் 19, 2022 அன்று மயிலாடுதுறை சென்ற போது ஆளுநரின் வாகனம் தாக்கப்பட்டது என்றும், இது சம்பந்தமாக காவல்துறையில் புகார் தெரிவிக்கப்பட்டும் முதல் தகவல் அறிக்கை பதிவு பதிவு செய்யப்படவில்லை என்பதும் உண்மைக்குப் புறம்பானது.ஆளுநர் ரவி

ஆளுநரின் வாகனம் மற்றும் கான்வாய் அப்பகுதியைக் கடந்து சென்றபின்னர் அங்கு கூடியிருந்தவர்களில் சிலர் கறுப்புக் கொடிகளைச் சாலையில் வீசினர். கொடிகள் ஆளுநரின் வாகனம் மற்றும் கான்வாய் முழுமையாகச் சென்றபின் பின்னால் வந்த வாகனங்கள் மீது விழுந்தன. இச்சம்பவம் தொடர்பாக மயிலாடுதுறை காவல் நிலையத்தில் வழக்கு பதிவு செய்யப்பட்டு 73 பேர் கைது செய்யப்பட்டனர். மேற்படி வழக்கு புலன் விசாரணையில் உள்ளது. சம்பவங்கள் அனைத்துக்கும் காணொளி ஆதாரங்கள் உள்ளன.

மேலும், ஆளுநரின் கான்வாய் மீது கற்கள் மற்றும் கட்டைகள் வீசப்பட்டன என்பது முற்றிலும் உண்மைக்குப் புறம்பானதாகும். மேலே குறிப்பிட்டுள்ளது போன்று எந்தவித சம்பவங்களும் நடைபெறவில்லை. ஆளுநர் மாளிகையின் பாதுகாப்பிற்காக சர்தார் படேல் சாலையில் பணியில் ஈடுபடுத்தப்பட்டிருந்த சென்னை பெருநகர காவல்துறையின் பாதுகாப்புக் காவலர்கள் விழிப்புடன் இருந்த காரணத்தினாலும், பலத்த காவல் பாதுகாப்பு செய்யப்பட்டிருந்ததாலும், உடனடியாகக் குற்றவாளி கைதுசெய்யப்பட்டார்.தமிழ்நாடு காவல்துறை

மேற்படி வழக்கில் முழுமையான விசாரணை மேற்கொள்ளப்படும். ஏற்கனவே, கண்காணிப்பு கேமரா பதிவுகள் முழுமையாக சேகரிக்கப்பட்டுள்ளன. அதோடு, ஆளுநருக்கும், அவரது மாளிகைக்கும் தமிழ்நாடு காவல் துறையினரால் உரிய பாதுகாப்பு தொடர்ந்து வழங்கப்பட்டு வருகிறது" என்று தெரிவிக்கப்பட்டிருக்கிறது.பெட்ரோல் குண்டு வீச்சு சம்பவம்; ஆளுநரைச் சந்தித்த போலீஸ் கமிஷனர் - 5 பிரிவுகளில் வழக்கு பதிவு!


http://dlvr.it/Sy1Npt

Read More

`1.22 லட்சம் ரூபாயை வழக்குச் செலவாகக் கொடுங்கள்!' - ககன்தீப் சிங்குக்கு நீதிமன்றம் எச்சரிக்கை

தமிழக சுகாதாரத்துறையில் பணியாற்றியவர்களுக்கு, முன் தேதியிட்டு சுகாதார ஆய்வாளர்களாகப் பதவி உயர்வு வழங்கும்படி, சென்னை உயர் நீதிமன்றம் 2011-ம் ஆண்டு தமிழ்நாடு அரசுக்கு உத்தரவிட்டது.

இந்த உத்தரவை அமல்படுத்தவில்லை எனக் கூறி, அரசுக்கு எதிராக 2015-ம் ஆண்டு சென்னை உயர் நீதிமன்றத்தில், நீதிமன்ற அவமதிப்பு வழக்கு தாக்கல் செய்யப்பட்டது.

இந்த வழக்கு நீதிபதிகள் கிருஷ்ணகுமார், பாலாஜி ஆகியோர் அடங்கிய அமர்வில் விசாரணைக்கு வந்தபோது, ``உத்தரவை அமல்படுத்தியது குறித்து அறிக்கையும் தாக்கல் செய்யவில்லை. சுகாதாரத்துறைச் செயலாளரும், பொது சுகாதாரத்துறை இயக்குநரும் நீதிமன்றத்தில் நேரில் ஆஜராகவும் இல்லை. போதுமான அவகாசம் வழங்கியும் உத்தரவை அமல்படுத்தவில்லை" என மனுதாரர்கள் தரப்பில் புகார் தெரிவிக்கப்பட்டது.சென்னை உயர் நீதிமன்றம்

தகுதியான 132 பேரில் 10 பேருக்கு பதவி உயர்வு வழங்கி உத்தரவு அமல்படுத்தப்பட்டிருப்பதாகவும், மீதமுள்ள 122 பேருக்கு உத்தரவை அமல்படுத்துவது தொடர்பாக எட்டு வாரங்கள் அவகாசம் வழங்க வேண்டும் எனவும், தமிழ்நாடு அரசுத் தரப்பில் கோரிக்கை விடுக்கப்பட்டது.

இந்தக் கோரிக்கையை ஏற்று வழக்கின் விசாரணையை எட்டு வாரங்களுக்குத் தள்ளிவைத்த நீதிபதிகள், எட்டு வாரங்களில் இந்த உத்தரவை அமல்படுத்தாவிட்டால் சுகாதாரத்துறைச் செயலாளர் நேரில் ஆஜராக நேரிடும் என்று எச்சரிக்கை விடுத்திருக்கின்றனர். சுகாதாரத்துறை செயலாளர்-ககன்தீப் சிங்

மேலும், மனுதாரர்களின் மன உளைச்சல், பாதிப்புகளைக் கருத்தில்கொண்டு 122 மனுதாரர்களுக்கும், தலா 1,000 ரூபாய் வீதம் 1.22 லட்சம் ரூபாயை வழக்குச் செலவாக இரண்டு வாரங்களில் வழங்க வேண்டும் எனவும் சுகாதாரத்துறைக்கு நீதிபதிகள் உத்தரவிட்டிருக்கின்றனர்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/46c3KEk">
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/46c3KEk">
https://bit.ly/46c3KEk />
`உரிய இழப்பீடு பெற்றுத் தரப்படும்!' - விவசாயிகளிடம் உறுதியளித்த ககன்தீப் சிங் பேடி


http://dlvr.it/Sxymfz

Read More

``ஆளுநர் மாளிகையே அடக்கிடு வாயை... வயிற்றெரிச்சலில் விமர்சிப்பதா?!" - டி.ஆர்.பாலு காட்டம்

நேற்று திருச்சியில் தனியார் ஐ.ஏ.எஸ் அகாடமி சார்பில் நடத்தப்பட்ட மருது சகோதரர்கள் நினைவுநாள் விழாவில் கலந்துகொண்ட ஆளுநர் ரவி, ``தமிழ்நாட்டில் பிறந்த சுதந்திரப் போராட்ட வீரர்களை ஒரு சாதியின் தலைவர்களாகச் சுருக்கிவிட்டார்கள். அவர்கள் மறக்கடிக்கப்பட வேண்டும் என்பதற்காகவே இங்கு ஆட்சிசெய்தவர்கள் திட்டமிட்டு அப்படிச் செய்தார்கள்" எனப் பேசியது பெரும் சர்ச்சையாகியிருக்கிறது. இதற்கு பதிலளிக்கும்விதமாக தி.மு.க பொருளாளரும், நாடாளுமன்றக் கழகக்குழுத் தலைவருமான டி.ஆர்.பாலு ஆளுநரைக் கண்டித்து அறிக்கை ஒன்றை வெளியிட்டிருக்கிறார்.ஆளுநர் ஆர்.என்.ரவி

அதில், ``தமிழ்நாட்டு மக்களின் வாக்குரிமையால் தேர்ந்தெடுக்கப்பட்ட பிரதிநிதிகள் நிறைந்த தமிழ்நாடு சட்டமன்றம் ஒருமனதாக நிறைவேற்றிய நீட் விலக்கு சட்ட முன்வடிவு உள்ளிட்ட பல மசோதாக்கள் ஆளுநர் மாளிகையான ராஜ் பவனில் குறட்டைவிட்டுக்கொண்டிருக்கின்றன. அந்தச் சட்ட முன்வடிவுகளுக்கு ஒப்புதல் அளிக்கவேண்டிய ஆளுநர் ஆர்.என்.ரவி, தன் பொறுப்பை நிறைவேற்றாமல், மக்கள் வரிப்பணத்தில் ஊர் ஊராகச் சுற்றி, நிகழ்ச்சிகளை நடத்தி, மக்களால் தேர்ந்தெடுக்கப்பட்ட அரசுக்கு எதிராகவும், தமிழ்நாட்டு மக்களின் உணர்வுகளுக்கு எதிராகவும் தொடர்ந்து பேசிவருவது, அரசியல் சாசனத்துக்கு அவர் செய்கின்ற துரோகம்!

ஆளுநர் பொறுப்பேற்பவர்கள் அரசியல்வாதிபோல செயல்படவோ, பரப்புரைச் செய்யவோ மாட்டார்கள். அந்த மரபுக்கு மாறாக, அப்பட்டமான ஆர்.எஸ்.எஸ் பிரதிநிதியாக, ஒன்றிய பா.ஜ.க அரசின் ஊதுகுழலாக ஆளுநர் ஆர்.என்.ரவி செயல்படுவதோடு, தமிழ்நாட்டின் பண்பாடு, வரலாறு, நம் தாய்மொழியாம் தமிழ்மொழியின் உயர்வு இவற்றுக்கு எதிராகத் தொடர்ந்து உளறிக்கொண்டிருக்கிறார். `தமிழ்நாடு என்று சொல்லாதீர்கள், தமிழகம் என்றுதான் சொல்ல வேண்டும்’ என்று உளறினார். சம்ஸ்கிருதத்தை முன்வைத்து தமிழைப் பின்தள்ளினார். வேதங்களைப் பார்த்து திருக்குறள் எழுதப்பட்டதாகச் சொன்னார். எவ்வித ஆதாரமுமின்றி இப்படி பச்சைப் பொய்களைச் சொல்வதுடன், `திராவிடம் என்ற கருத்தியல் பற்றி அவர் உளறிக்கொட்டுவது ஒவ்வொரு மேடையிலும் வழக்கமாக இருக்கிறது.எம்.பி - டி.ஆர். பாலு

வெள்ளையரை எதிர்த்து வீரப் போர் புரிந்து, உயிரைத் துச்சமென நினைத்து, மரணத்தை முத்தமிட்ட மாவீரர்கள் மருது சகோதரர்களின் தியாகத்தை தமிழ்நாடு அரசு போற்றிவரும் நிலையில், மருதிருவர் விழா ஒன்றில் பங்கேற்ற ஆளுநர் ரவி பச்சைப் பொய்களை கொட்டிக் கடை விரித்திருக்கிறார். தமிழ்நாட்டில் விடுதலைப் போராட்டத் தியாகிகளின் வரலாற்றைத் தேடிப் பார்த்தாராம். அவருக்கு எதுவுமே கிடைக்கவில்லையாம். தமிழ்நாடு அரசு தியாகிகளை மறந்துவிட்டதாம். பா.ஜ.க தலைவர்கள் எப்படி அன்றாடம் பொய் பேசி, வதந்தி பரப்புகிறார்களோ, அவர்களுக்குப் போட்டியாக, தமிழ்நாட்டின் பா.ஜ.க தலைவராக வேண்டும் என்ற ஆசையில் ஆளுநரும் பொய்யாகவே பேசுகிறார்.

பூலித்தேவன், வீரபாண்டிய கட்டபொம்மன், மருது சகோதரர்கள், வேலு நாச்சியார், வீரன் அழகு முத்துக்கோன், தீரன் சின்னமலை, மகாகவி பாரதியார், கப்பலோட்டிய தமிழர் வ.உ.சி., திருப்பூர் குமரன் போன்ற எண்ணற்ற தியாகிகளை என்றென்றும் மதித்துப் போற்றுகின்ற அரசாகத் தமிழ்நாடு அரசு திகழ்ந்துவருகிறது. மருதுபாண்டியர் உள்ளிட்ட தமிழ்நாட்டின் சுதந்திரப் போராட்டத் தியாகிகளின் வரலாற்றை சித்திரிக்கும் ஊர்திகளை டெல்லி குடியரசு தின விழா அணிவகுப்பில் சேர்க்க முடியாது என மறுத்து, ஒன்றிய பா.ஜ.க அரசு திருப்பி அனுப்பியபோது இந்த ஆளுநர் ரவி எங்கே போனார்... அந்த ஊர்திகளையெல்லாம் தமிழ்நாடு முழுவதும் பயணிக்க வைத்து, ஒட்டுமொத்த தமிழ்நாட்டு மக்களும் ஓரணியில் நின்று அந்த ஊர்திகளை வரவேற்ற காட்சி ஆளுநர் மாளிகையில் அமர்ந்திருந்த ரவி மறந்துவிட்டரா?புறக்கணிக்கப்பட்ட அலங்கார வாகனங்கள்

அலுவலகத்தில் தேசியக்கொடியையே ஏற்றாமல் இருந்த ஆர்.எஸ்.எஸ் பிரசாரகராக பவனி வரும் ரவி, தனது திருவாயை ஏன் அப்போது திறக்கவில்லை... முத்தமிழறிஞர் கலைஞர் முதல்வராக இருந்தபோது, இந்திய விடுதலையின் வெள்ளிவிழா ஆண்டில் விடுதலைக்காகப் பாடுபட்ட தமிழ்நாட்டுத் தலைவர்களில் அன்றைக்கு உயிருடன் இருந்த மூத்த தலைவர்களின் வீடு தேடிச் சென்று அவர்களுக்கு தாமிரப் பட்டயத்தை வழங்கினார் கலைஞர். தமிழ்நாடு முழுவதும் விடுதலைப் போராட்டத் தியாகிகளுக்கு மதிப்பூதியம் (பென்ஷன்) வழங்கப்பட்டது. தற்போது அந்த மதிப்பூதியத்தை மாதம் 20 ஆயிரமாக உயர்த்தி வழங்குகிறது திராவிட மாடல் அரசு.

அது மட்டுமல்ல, விடுதலைப் போராட்டத் தியாகிகளின் குடும்பத்தாருக்கு வழங்கப்படும் ஓய்வூதியம், `மாதம் 10 ஆயிரம் ரூபாய் என்பதிலிருந்து 11 ஆயிரம் ரூபாயாக உயர்த்தி வழங்கப்படும்’ என்று கடந்த ஆகஸ்ட் 15 அன்று விடுதலை நாளில் செயின்ட் ஜார்ஜ் கோட்டையில் கொடியேற்றியபோது முதலமைச்சர் அறிவித்து செயல்படுத்தியிருக்கிறார். விடுதலை நாள் உரையில் இந்திய விடுதலையில் தமிழ்நாட்டின் பங்கு `முதன்மையானது’, `முக்கியமானது’ என்பதை மிகத் தெளிவாகப் பட்டியலிட்டுக் குறிப்பிட்டிருக்கிறார் முதலமைச்சர்.முதல்வர் ஸ்டாலின்

விடுதலை வீரர்களைப் போற்றிப் பாராட்டுவதில் திராவிட முன்னேற்றக் கழக அரசு யாருக்கும் சளைத்தது அல்ல.

மாவீரன் பூலித்தேவனுக்கு, நினைவு மண்டபம், பாஞ்சாலங்குறிச்சியில் வீரபாண்டிய கட்டபொம்மனுக்குக் கோட்டை, மாவீரன் சுந்தரலிங்கம் வாரிசுகளுக்கு வீடு, பாரதியின் வீடு அரசு இல்லம் ஆனது, பெருந்தலைவர் காமராசருக்கு மணிமண்டபம், மூதறிஞர் ராஜாஜிக்கு நினைவாலயம்!

தில்லையாடி வள்ளியம்மாளுக்கு மணிமண்டபம், வீரவாஞ்சியின் உறவினருக்கு நிதி, வ.உ.சி இழுத்த செக்கு, நினைவுச்சின்னம் ஆனது, விடுதலைப் போராட்ட வீரர்களுக்கு இலவசப் பேருந்து பயணம், தியாகிகளுக்கு மணிமண்டபம், விடுதலைப் பொன்விழா நினைவுச்சின்னம், தியாகி விஸ்வநாத தாஸ் வாழ்ந்த இல்லம் புதுப்பிப்பு, நேதாஜி சுபாஷ் சந்திர போஸூக்குச் சிலை, தியாகி கக்கனுக்குச் சிலை, சிப்பாய் கலகத்துக்கு நினைவுத்தூண் இப்படி நாட்டுக்காக உழைத்த தியாகிகளைப் போற்றிய இயக்கம்தான் திராவிட முன்னேற்றக் கழகம்.ஆளுநர் ரவி

மொழிப்பற்று - இனப்பற்றுடன் நாட்டுப்பற்றையும் ரத்த உணர்வாகக்கொண்டவர்கள் நாம். இந்திய விடுதலையின் 75-வது ஆண்டு விழாவைப் பெருவிழாவாகக் கொண்டாடினோம். மகாகவி பாரதியார் நினைவுநாளான செப்டம்பர் 11-ம் நாளை ‘மகாகவி நாள்’ என அறிவித்தோம். மகாகவி பாரதியார் மறைந்த நூற்றாண்டின் நினைவை முன்னிட்டு 14 அறிவிப்புகளைச் செய்தோம்.

செக்கிழுத்த செம்மல் - கப்பலோட்டிய தமிழன் வ.உ.சிதம்பரனாரைப் பெருமைப்படுத்தும் வகையில் 13 அறிவிப்புகளை வெளியிட்டோம். கப்பலோட்டிய தமிழன் வ.உ.சி-யின் படைப்புகளைத் தொகுத்துப் பாடநூல் கழகத்தின் சார்பில் வெளியிட்டிருக்கிறோம். உத்தரப்பிரதேச மாநிலம், காசியில் பாரதியார் வாழ்ந்த வீடு சீரமைக்கப்பட்டது. கிண்டி காந்தி மண்டபத்தில் வீரபாண்டிய கட்டபொம்மன் திருவுருவச் சிலை அமைக்கப்பட்டது. கிண்டியில் மருது சகோதரர்கள் சிலை அமைக்கப்பட்டிருக்கிறது. விடுதலைப் போராட்ட வீரர்களின் நினைவிடங்களில் ஒலி, ஒளிக் காட்சிகள் அமைத்திட நடவடிக்கை எடுக்கப்பட்டிருக்கிறது. தனது வாழ்நாளில் 20 முறை தமிழ்நாட்டுக்கு வந்தவர் அண்ணல் காந்தியடிகள். அரையாடை அணிவது என்ற முடிவை மதுரை மண்ணிலிருந்துதான் காந்தியடிகள் எடுத்தார்கள்.டி.ஆர் பாலு - ஸ்டாலின் - துரைமுருகன்

இதன் அடையாளமாகச் சென்னை அருங்காட்சியக வளாகத்தில் காந்தியடிகளின் நினைவுச்சிலையை அமைத்திருக்கிறோம். விடுதலைப் போராட்ட வீரர்களை நாம் ஏன் இந்த அளவுக்குப் போற்றுகிறோம் என்றால், தமிழ்நாடுதான் விடுதலைப் போராட்டத்துக்கான விதையை முதலில் விதைத்தது. விடுதலை தாகத்தில் - விடுதலை வேகத்தில், நாட்டுப்பற்றில் நம் தமிழ் இனம் இந்தியாவிலுள்ள எந்த இனத்துக்கும், எந்தவிதத்திலும் குறைந்தது அல்ல. இப்படிப் பட்டியல்கள் திராவிட மாடல் அரசில் ஏராளமாக இருக்கின்றன என்பதை ஆளுநர் ரவி புரிந்துகொள்ள வேண்டும்.

இந்திய விடுதலைப் போராட்டத்தின் முதல் முழக்கங்கள் வீரம் விளைந்த தமிழ் மண்ணில் தோன்றியவைதான் என்பதை நாம் பெருமிதத்தோடு நினைவுகூர முடியும் என்று விடுதலை நாள் விழாவில் தமிழ்நாடு முதலமைச்சர் உரையாற்றினார். முதலமைச்சர் தமிழில் ஆற்றிய உரையின் ஆங்கில மொழிபெயர்ப்பைக் கேட்டு வாங்கிப் படித்திருந்தால் ஆளுநர் ரவிக்கு, இந்திய விடுதலைப் போராட்டத்தில் பங்கேற்ற தமிழ்நாட்டு வீரர்களைப் பற்றிய அரிச்சுவடியாவது தெரிந்திருக்கும். ஆதாரமற்ற பொய்களை வாட்ஸ்அப் வதந்திகள்போலப் பரப்புவதையாவது நிறுத்திக்கொண்டிருக்கலாம்.பாஜக

பா.ஜ.க-வின் ஊதுகுழலாகப் பச்சைப் பொய்களை மட்டுமே பேசும் ஆளுநர் ரவியின் அடிவயிற்று எரிச்சல், ‘திராவிடம்’ என்ற சொல். அந்த சொல் நிலத்தைக் குறிக்கும். இனத்தைக் குறிக்கும். மொழிக் குடும்பத்தைக் குறிக்கும். இந்தியா முழுவதும் திராவிட மாடல் பற்றிப் பேசப்படுகிறது. அந்த வயிற்றெரிச்சலில், திராவிட மொழிகளின் ஒப்பிலக்கணத்தை எழுதிய ராபர்ட் கால்டுவெல் அதிகம் படிக்காதவர் என்று விமர்சித்திருக்கிறார். கால்டுவெல் என்ன படித்தார் என்பதைவிட எத்தகைய ஆராய்ச்சி மேற்கொண்டார், அதன் விளைவு என்ன என்பதைத்தான் கவனிக்க வேண்டும்.

ஒருவரின் செயலும் அதன் விளைவும்தான் மக்களிடம் செல்வாக்கைத் தரும். ஆளுநர் ரவியின் பார்வைப்படி, அவர் பெருந்தலைவர் காமராசரையும் கொச்சைப்படுத்தியிருக்கிறார். தமிழ்நாட்டில் பிஹெச்.டி ஆய்வுகளுக்கு மேற்கொள்ளப்பட்ட தலைப்புகள்- குறிப்பாக திராவிடத்தைப் பற்றிய தலைப்புகள் அவருக்கு உச்சந்தலை முதல் உள்ளங்கால் வரை பித்தம் ஏறச் செய்திருக்கின்றன. விடுதலைப் போராட்டத்தைப் பற்றி ஆய்வுகள் இல்லையாம். மகாகவி பாரதியைப் பற்றி, வ.உ.சி பற்றி, விடுதலைப் போரில் தமிழ்நாட்டின் பங்களிப்பு பற்றி ஏராளமான ஆய்வுகள் உண்டு. பிஹெச்.டி-யாக மட்டுமல்ல, வெகுமக்கள் வாங்கிப் படிக்கக்கூடிய புத்தகங்களாகப் பல பதிப்புகள் வெளியாகியிருக்கின்றன.அண்ணா, பெரியார்

அதுபோலவே, திராவிட இயக்கப் படைப்புகள் - படைப்பாளிகள் பற்றிய ஆய்வுகளும் நிறைந்திருக்கின்றன. இதைக் கண்டு ஆளுநர் வயிறெரிந்திருக்கிறார். விடுதலை நாளை துக்க நாளாக அறிவித்தவர்களைக் கொண்டாடுகிறார்கள் என்று நீலிக்கண்ணீர் வடித்திருக்கிறார் ஆளுநர் ரவி. `துக்க நாள்’ என்று தந்தை பெரியாரும், `இன்ப நாள்’ என்று பேரறிஞர் அண்ணாவும் ஒரே இயக்கத்தில் தங்கள் உள்ளத்துக் கருத்துகளை வெளியிட்டார்கள் என்பதுதான் தமிழ்நாட்டின் வரலாறு. விடுதலையின் பயன் யாருக்குக் கிடைக்கும் என்பதை விளக்கிய பெரியார், ஆளுநர் ஆர்.என்.ரவி போன்ற பிற்போக்குவாத பத்தாம்பசலிகளின் கைகளில் அதிகாரம் சிக்கி நாசமாகும் என தொலைநோக்குப் பார்வையுடன் சொன்னார்.

அந்த தந்தைப் பெரியார்தான், மகாத்மா காந்தி சுட்டுக் கொல்லப்பட்டபோது, இந்த நாட்டுக்கு ‘காந்தி தேசம்’ என்று பெயர் வைக்க வேண்டும் என்று தெரிவித்தார். அதேநேரத்தில், விடுதலை நாட்டின் முதல் பயங்கரவாதச் செயலாக, மகாத்மா காந்தியைச் சுட்டுக் கொன்றது கொடியவன் கோட்சே கும்பல். அந்த கோட்சேவையும், காந்தி கொலை வழக்கில் குற்றம்சாட்டப்பட்டு நீதிமன்றக் கூண்டில் ஏறியவர்களையும் கொண்டாடுகிற ‘பண்பாட்டை’க் கடைப்பிடிக்கும் இயக்கத்தின் சார்பில் ஒவ்வொரு மேடையிலும் திருவாய் மலர்கிறார் ஆளுநர் ஆர்.என்.ரவி. திராவிட இயக்கம் பிரிட்டிஷ் ஆட்சியாளர்களுக்குச் சாதகமாக இருந்தது என்று கூவுவது ஆளுநர் மாளிகையில் தயாரிக்கப்படும் உரைகளில் அடிக்கடி இடம்பெறுகிறது.ஆளுநர் ரவி

பிரிட்டிஷ் ஆட்சியாளர்களிடம் மன்னிப்புக் கடிதம் எழுதிக் கொடுத்தவர்கள் யார், குடியரசு ஏட்டில் ‘இந்த ஆட்சி ஏன் ஒழிய வேண்டும்’ எனத் தலையங்கம் எழுதிச் சிறைக்குச் சென்றவர்கள் யார் என்பதும் வரலாற்றுப் பக்கங்களைப் புரட்டினால் புரியும். அதுவரை ஆளுநர் மாளிகையே… அடக்கிடு வாயை! பிரிட்டிஷ் ஆட்சியாளர்கள் உருவாக்கிய கவர்னர் என்ற நியமனப் பதவியில் வெட்கமின்றி உட்கார்ந்துகொண்டு, கூச்சமில்லாமல் பொய்களைப் பேசுகிறார் ஆளுநர். திடீரென்று திருக்குறளில் `எந்நன்றி கொன்றார்க்கும்' குறளைப் படித்திருக்கிறார்.

அ.தி.மு.க முன்னாள் அமைச்சர்களின் ஊழல் கோப்புகளிலும், தமிழ்நாடு சட்டமன்றம் நிறைவேற்றி அனுப்பிய மசோதாக்களிலும் கையெழுத்திடாமல் தமிழ்நாட்டு மக்களின் வரிப்பணத்தில் ஊர்சுற்றித் திரியும் ஆளுநர் ரவிதான் அந்த குறளுக்குப் பொருத்தமானவர்! தமிழ்நாட்டு மக்களின் வரிப்பணத்தில் சுகம் அனுபவித்துக்கொண்டு- தமிழ்நாட்டு மக்களுக்கு துரோகம் செய்வதைக் கைவிட்டு- திருக்குறளுக்கு ஏற்ப நடக்க வேண்டும்! இல்லையென்றால் ஆளுநர் பதவியைவிட்டு விலகி- அரசியல்வாதியாக- ஏன் பா.ஜ.க-வின் தலைவராகவோ- ஆர்.எஸ்.எஸ்-ஸின் தலைவராக ஆகட்டும்" எனக் குறிப்பிட்டிருக்கிறார்.சங்கரய்யாவுக்கு டாக்டர் பட்டம் வழங்க ஆளுநர் ரவி மறுப்பது சரியா?!


http://dlvr.it/Sxw6k2

Read More

`` `கட்டிவைத்து உதைத்து விரட்டுவேன்' என மிரட்டுகிறார்” - திமுக முன்னாள் எம்.எல்.ஏ-மீது பிடிஓ புகார்

தஞ்சாவூர் அருகே முன்னாள் தி.மு.க. எம்.எல்.ஏ, தன்னை பணி செய்யவிடாமல் மிரட்டுவதாகவும், அவர்மீது நடவடிக்கை எடுக்க வலியுறுத்தியும், தனக்கு அச்சுறுத்தல் இருப்பதால் தன்னை வேறு இடத்துக்கு ட்ரான்ஸ்ஃபர் செய்ய வேண்டும் எனவும் வட்டார வளர்ச்சி அலுவலர் ஒருவர், கூடுதல் கலெக்டரிடம் மனு அளித்திருக்கும் சம்பவம், பரபரப்பை ஏற்படுத்தியிருக்கிறது. பிடிஓ அறிவானந்தம் உடன் மகேஷ் கிருஷ்ணசாமி

தஞ்சாவூர் மாவட்டம், ஒரத்தநாடு அருகேயுள்ள திருவோணம் யூனியன் அலுவலகத்தில் வட்டார வளர்ச்சி அலுவலராக இருப்பவர் அறிவானந்தம். இவர் சமீபத்தில், கூடுதல் கலெக்டர் (வளர்ச்சி) ஸ்ரீகாந்திடம், புகார் மனு ஒன்றை அளித்திருக்கிறார். அதில், `திருவோணம் தி.மு.க வடக்கு ஒன்றியச் செயலாளரும், முன்னாள் எம்.எல்.ஏ-வுமான மகேஷ் கிருஷ்ணசாமி என்னை பணி செய்யவிடாமலும், தனக்கு வேண்டிய நபர்களுக்கு மட்டுமே ஒப்பந்தப் பணிகளை வழங்க வேண்டும் என மிரட்டுகிறார்.

சிவவிடுதி ஊராட்சியில் 2022-23-ம் ஆண்டு, மகாத்மா காந்தி ஊரக வேலை உறுதித்திட்டத்தில் நேரடி நெல் கொள்முதல் நிலையம் அமைத்திட, அனுமதி வழங்கபட்டு ஊராட்சிச் செயலாளருக்கு வேலை உத்தரவை வழங்கினேன். இந்தப் பணியை சிவவிடுதி ஊராட்சி மன்றத் தலைவர் முருகேசன் சிரோன்மணி ஒப்பந்தம் எடுத்து பணிகளைச் செய்ய முயன்றார். அப்போது அந்தப் பகுதியைச் சேர்ந்த தி.மு.க ஒன்றியக்குழு உறுப்பினர் கலியமூர்த்தி, `திருவோணம் முன்னாள் எம்.எல்.ஏ மகேஷ் கிருஷ்ணசாமி, எனக்கு இந்த வேலையை செய்ய ஒப்படைத்திருக்கிறார். நான்தான் பணியினை செய்வேன்' எனக் கூறி தடுத்திருக்கிறார்.திருவோணம் யூனியன்

இதற்கு முருகேசன் சிரோன்மணி தரப்பு எதிர்ப்பு தெரிவித்ததுடன், என்னிடம் புகார் அளித்தார். இதைத் தொடர்ந்து கடந்த 11-ம் தேதி, என்னை செல்போனில் தொடர்புகொண்ட முன்னாள் எம்.எல்.ஏ மகேஷ் கிருஷ்ணசாமி, `நேரடி நெல் கொள்முதல் நிலையம் அமைக்கும் வேலையை கலியமூர்த்திதான் செய்வார், என்னை கேட்காமல் நீ எந்த ஒப்பந்த வேலைக்கான உத்தரவு யாருக்கும் வழங்கக் கூடாது' என மிரட்டினார்.

மேலும், `மகாத்மா காந்தி ஊரக வேலை உறுதித் திட்டத்தில் அனுமதிக்கப்படும் எந்த வேலையையும், பஞ்சாயத்து தலைவரிடம் தெரிவிக்கக் கூடாது. என்னிடம்தான் தெரிவிக்க வேண்டும். இதற்கு இஷ்டம் இருந்தால்தான் இங்கு வேலை பார்க்க முடியும். இல்லை என்றால் திருவோணம் வட்டாரத்தைவிட்டு ஓடிவிடுடா' என்றும், `ஆட்டுக் கொட்டகை, மாட்டுக்கொட்டகை அமைக்கும் பயனாளிகள் பட்டியல் நான்தான் தருவேன். அதை மட்டும்தான் நீ கூடுதல் கலெக்டருக்கு அனுப்ப வேண்டும். முன்னாள் தி.மு.க எம்.எல்.ஏ மகேஷ் கிருஷ்ணசாமி

அனைத்து கிராம அண்ணா மறுமலர்ச்சி திட்ட ஒப்பந்த வேலைகளை நான் சொல்லும் நபருக்குத்தான் கொடுக்க வேண்டும் எனக் கூறியதுடன், என்னைப் பற்றி உனக்கு தெரியுமா, உன்னைக் கட்டிவைத்து உதைத்து விரட்டி விடுவேன்' என தாறுமாறான, தரக்குறைவான வார்த்தைகளில் பேசி மிரட்டினார்.

திருவோணம் யூனியனில் வளர்ச்சிப் பணிகள் காலதாமதமாக நடப்பதற்கு முன்னாள் எம்.எல்.ஏ மகேஷ் கிருஷ்ணசாமிதான் காரணம். இவர் தொடர்ந்து மிரட்டல் விடும் நிலையில், திருவோணம் யூனியனில் பணிபுரிவதற்கு எனக்கு அச்சமாக உள்ளது. எந்த நேரத்திலும் அவரின் ஆதரவாளர்களை வைத்து என்மீது தாக்குதல் நடத்துவார் என்ற நிலையில், எனக்கு உயிருக்கு பாதுகாப்பற்ற நிலை உள்ளது. எனவே வேறு யூனியனுக்கு என்னை பணியிட மாறுதல் செய்ய வேண்டும்' எனக் குறிப்பிட்டிருக்கிறார்.

ஆளுங்கட்சி முன்னாள் எம்.எல்.ஏ-மீது அரசு அதிகாரி ஒருவர் புகார் கொடுத்திருப்பது தஞ்சாவூர் பகுதியில் சலசலப்பை ஏற்படுத்தியிருக்கிறது. இது குறித்து அறிவானந்தத்திடம் பேசினோம், ``முன்னாள் எம்.எல்.ஏ என்னை போனில் மிரட்டினார். நடந்த சம்பவத்தை நான் எனது மனுவில் தெளிவாக குறிப்பிட்டு இருக்கிறேன். கூடுதல் ஆட்சியர் நடவடிக்கை எடுப்பதாக தெரிவித்திருக்கிறார்" என்றார். இது குறித்து மகேஷ் கிருஷ்ணசாமி தரப்பில் கேட்டபோது, ``சேர்மன் இருக்கிறார் அவரை கலந்தாலோசித்து, எதுவாக இருந்தாலும் செய்ய வேண்டும் எனச் சொல்லியிருந்தேன். மிரட்டல் விடுக்கவில்லை" என்றார். தஞ்சாவூர் மாநகராட்சி ஆணையர் சரவணக்குமார் `திடீர்' பணியிட மாற்றம்; அரசியல் அழுத்தம் காரணமா?!


http://dlvr.it/SxsSYl

Read More

Namo Bharat: `நமோ பாரத்‘ ரயில் பெயர் சர்ச்சை... அரசியல் களத்தில் ரியாக்‌ஷன்கள் என்னென்ன?!

‘ரேபிட் ரயில்’ என்ற இந்தியாவின் முதல் பிராந்திய விரைவு ரயில் சேவையை பிரதமர் நரேந்திர மோடி கடந்த வெள்ளிக்கிழமை (அக். 20) தொடங்கிவைத்தார். டெல்லியை மையமாகக் கொண்டு, அதைச் சுற்றியுள்ள நகரங்களை செமி விரைவு ரயில் சேவை இணைக்கிறது. இந்த ரயில் சேவைக்கு ‘நமோ பாரத்’ என்று பெயரிடப்பட்டிருக்கிறது என்று தெரிவித்திருக்கிறார் மத்திய அமைச்சர் ஹர்தீப் சிங் பூரி.

இந்தத் திட்டத்தின் முதற்கட்டமாக, டெல்லியிலிருந்து காசியாபாத் வழியாக மீரட் வரை செல்லக்கூடிய ரயில் சேவை தொடங்கிவைக்கப்பட்டிருக்கிறது. இந்த ரயிலுக்கு ‘நமோ ரயில்’ என்று பெயிரிடப்பட்டிருப்பதுதான் சர்ச்சைக்கு உள்ளாகியிருக்கிறது.

இந்தியாவில் வடிவமைக்கப்பட்டு உருவாக்கப்பட்ட இந்த ரயில், மணிக்கு 180 கி.மீ வேகத்தில் செல்லக்கூடியது. ஆனாலும், 160 கி.மீ வேகம் வரையில்தான் இயக்கப்படும் என்று தெரிவிக்கப்பட்டிருக்கிறது. முழுமையாக குளிரூட்டப்பட்ட இந்த ரயில், பாதுகாப்பானது, வசதிகள் நிறைந்தது என்று ரயில் நிர்வாகம் கூறுகிறது.

ரயிலில் ஒரு பெட்டி பிரிமியம், ஒரு பெட்டி மகளிருக்கு என ஒதுக்கப்பட்டிருக்கின்றன. சக்கர நாற்காலி, ஸ்ட்ரெச்சர் ஆகியவை ஏறும் வகையில் கடைசிப் பெட்டி அமைக்கப்பட்டிருக்கிறது. இந்த திட்டம், ரூ.30 ஆயிரம் கோடி மதிப்பீட்டில் செயல்படுத்தப்படுவதாக ரயில்வே அதிகாரிகள் தெரிவித்திருக்கிறார்கள்.

இந்த ரயில் சேவைக்கு ‘நமோ ரயில்’ என்று பெயரிட்டிருப்பது சர்ச்சையாகியிருக்கிறது. நரேந்திர மோடி என்பதன் சுருக்கம்தான் நமோ. தேர்தல் பிரசாரங்களில் பிரதமர் நரேந்திர மோடியின் பெயரை ‘நமோ’ என்று பா.ஜ.க-வினர் அழைத்து, அது பிரபலமடைந்தது. மோடியின் அதிகாரபூர்வ செயலி, ‘நமோ ஆப்’ என்று குறிப்பிடப்படுகிறது. பிரதமர் மோடியின் பெயரில் இயக்கப்படும் ‘நமோ ஆப்’ மூலமாக, ஸ்வச் பாரத் உள்ளிட்ட மத்திய அரசின் திட்டங்களுக்கு நிதி வசூலிக்கப்பட்டு, பா.ஜ.க சார்பில் ரசீது வழங்கப்படுகிறது என்ற விவகாரம் சர்ச்சையானது. மோடி

இது குறித்து, பத்திரிகையாளர் ஒருவர் சம்பந்தப்பட்ட மத்திய அரசுத் துறைகளிடம் தகவல் அறியும் உரிமைச் சட்டத்தில் கேள்வி கேட்ட நிலையில், ‘நிதி வசூலிக்க யாருக்கும் அனுமதி வழங்கவில்லை’ என்று பதில்கள் வந்திருக்கின்றன. இதையடுத்து, மத்திய அரசின் திட்டங்களுக்கான நிதியை, பிரதமரின் பெயரில் எப்படி ஓர் அரசியல் கட்சி வசூல் செய்ய முடியும் என்று சர்ச்சை எழுந்துள்ளது. 2019 நாடாளுமன்றத் தேர்தலின்போது ‘நமோ டி.வி’ என்ற சேனல் பா.ஜ.க சார்பில் நடத்தப்பட்டது.ம.பி-யில் முட்டிக்கொண்ட `இந்தியா’ கூட்டணி - காங்கிரஸ் பதில் என்ன?!

‘நமோ ஸ்டேடியத்துக்குப் பிறகு, இப்போது நமோ ரயில்’ என்று விமர்சித்திருக்கிறார் காங்கிரஸ் தலைவர்களில் ஒருவரான ஜெய்ராம் ரமேஷ். அதாவது, குஜராத் மாநிலம் அகமதாபாத்திலுள்ள கிரிக்கெட் ஸ்டேடியத்துக்கு நமோ ஸ்டேடியம் என்று பெயரிடப்பட்டிருக்கிறது.ஜெய்ராம் ரமேஷ்

காங்கிரஸ் கட்சியின் தலைவர்களில் ஒருவரான பவன் கெரா, ‘நாட்டிற்கு, பாரத் என்று ஏன் பெயர் வைக்கிறீர்கள்... நமோ என்று நாட்டின் பெயரை மாற்றிவிடுங்களேன்’ என்று கூறியிருக்கிறார்.

‘2024 நாடாளுமன்றத் தேர்தலில் தோற்றுவிடுவோமோ என்ற அச்சம் காரணமாக எதையாவது செய்ய வேண்டுமென்று முனைப்பு காட்டுகிறார்கள்’ என்று திரிணாமுல் காங்கிரஸ் எம்.பி-யான சகேத் கோகலே விமர்சித்திருக்கிறார். 'மோடி... அதானி; முறைகேடு புகார்' - அதிரடிக்கும் ராகுல்; நெருக்கடியில் பாஜக?!


http://dlvr.it/SxpwZF

Read More

RTI: `பெருமுதலாளிகளுக்கு மோடி அரசு தள்ளுபடி செய்தது 25 லட்சம் கோடியா?' | The Imperfect Show

http://dlvr.it/Sxn3g6

Read More

ம.பி தேர்தல்: "காங்கிரஸ் துரோகம் செய்யுமென்று தெரிந்திருந்தால் நம்பியிருக்க மாட்டேன்"- அகிலேஷ் யாதவ்

அடுத்த ஆண்டு நடைபெறவிருக்கும் லோக் சபா தேர்தலைக் கருத்தில்கொண்டு, பா.ஜ.க-வை வீழ்த்தும் நோக்கில் காங்கிரஸ், தி.மு.க., ஆம் ஆத்மி, திரிணாமுல் காங்கிரஸ், சமாஜ்வாடி உட்பட 28 எதிர்க்கட்சிகள் தேசிய அளவில் ஒன்றிணைந்து `இந்தியா' என்ற பெயரில் கூட்டணி அமைத்திருக்கின்றன. முழுக்க முழுக்க லோக் சபா தேர்தலை முன்வைத்து மட்டுமே `இந்தியா’ கூட்டணி கட்டமைக்கப்பட்டிருக்கிறது. காரணம், மாநில சட்டமன்றத் தேர்தல்களின்போது தங்களுக்குள் தொகுதிப் பங்கீடு செய்துகொள்வோம் என்று கூட்டணியிலிருக்கும் எந்தக் கட்சியும் இதுவரை கூறியதில்லை.இந்தியா கூட்டணி

இவ்வாறிருக்கவே, தெலங்கானா, மத்தியப் பிரதேசம், சத்தீஸ்கர், மிசோரம் ஆகிய மாநிலங்களில் காங்கிரஸ் தனது வேட்பாளர் பட்டியலை வெளியிட்டு பிரசாரத்தை நடத்தத் தொடங்கிவிட்டது. ராஜஸ்தானில் மட்டும் இன்னும் வேட்பாளர் பட்டியலை வெளியிடவில்லை காங்கிரஸ். காங்கிரஸைப்போலவே, `இந்தியா’ கூட்டணியிலிருக்கும் ஆம் ஆத்மி, சமாஜ்வாடி போன்ற கட்சிகள் மத்தியப் பிரதேசத்தில் தங்களது வேட்பாளர் பட்டியலை வெளியிட்டிருக்கின்றன. இதில், சமஜ்வாடி சில தொகுதிகளில் காங்கிரஸுக்கு எதிராகவே வேட்பாளர்களை அறிவித்திருக்கிறது.

இவ்வாறான சூழலில், நேற்று முன்தினம் மத்தியப் பிரதேசத் தேர்தலில் தனது இரண்டாவது வேட்பாளர் பட்டியலை சமாஜ்வாடி வெளியிட்டிருக்கும் நிலையில், `கங்கிராஸார் துரோகம் செய்வார்கள் என்று தெரிந்திருந்தால் அவர்களை நம்பியிருக்க மாட்டேன்' என்றும், `காங்கிரஸ் இவ்வாறு நடந்துகொண்டால், அவர்களுடன் யார் நிற்பார்கள்?' என்றும் சமாஜ்வாடித் தலைவர் அகிலேஷ் யாதவ் விமர்சித்திருக்கிறார்.அகிலேஷ் யாதவ்

மத்தியப் பிரதேசத் தேர்தல் தொடர்பாக நேற்றைய தினம் செய்தியாளர்களிடம் பேசிய அகிலேஷ் யாதவ், ``எங்களுக்கு ஆறு இடங்கள் ஒதுக்கப்படும் என்று உறுதியளிக்கப்பட்டிருந்தது. மத்தியப் பிரதேச சட்டமன்றத் தேர்தலில் `இந்தியா’ கூட்டணி இல்லை என்று எங்களுக்குத் தெரிந்திருந்தால், காங்கிரஸுடன் பேச்சுவார்த்தை நடத்த எங்கள் தலைவர்களை நாங்கள் அனுப்பியிருக்க மாட்டோம். மாநிலத் தலைவருக்கு (மத்தியப் பிரதேச காங்கிரஸ்) இதில் அதிகாரமே இல்லை. மும்பை மற்றும் பாட்னாவில் நடந்த `இந்தியா’ கூட்டணிக் கூட்டத்தில் அவர் இல்லை. `இந்தியா’ கூட்டணி பற்றி அவருக்கு என்ன தெரியும்... காங்கிரஸிலிருக்கும் சிலர் பா.ஜ.க-வுடன் தொடர்பிலிருக்கின்றனர். மாநில அளவில் கூட்டணி இல்லை என்று தெரிந்திருந்தால், சமாஜ்வாடி தலைவர்களை திக்விஜய சிங்கிடம் அனுப்பியிருக்க மாட்டேன். அதோடு, காங்கிரஸைச் சேர்ந்தவர்கள் துரோகம் செய்வார்கள் என்று தெரிந்திருந்தால் அவர்களை நம்பியிருக்கவும் மாட்டேன்" என்றார்.

அதுமட்டுமல்லாமல், இன்றும் செய்தியாளர்களிடம் பேசிய அகிலேஷ் யாதவ், ``சீட் கொடுக்க விருப்பமில்லையென்றால் அதை முன்பே சொல்லியிருக்க வேண்டும். `இந்தியா’ கூட்டணி என்பது தேசிய அளவிலான தேர்தலுக்கு என்று இப்போது எனக்குத் தெரிந்துவிட்டது. காங்கிரஸ் தொடர்ந்து இவ்வாறு நடந்துகொண்டால், அவர்களுடன் யார் நிற்பார்கள்... மனதில் குழப்பத்துடன் பா.ஜ.க-வுக்கு எதிராகப் போராடினால், நாங்கள் வெற்றிபெற மாட்டோம்" என்று கூறினார்.காங்கிரஸ்

அகிலேஷ் யாதவின் இத்தகைய கூற்றால், ``டெல்லியில் (மத்தியில்) நட்பு, மாநிலங்களில் சண்டை" என மத்தியப் பிரதேச முதல்வர் சிவராஜ் சிங் சௌஹான் `இந்தியா’ கூட்டணியை இன்று விமர்சித்திருக்கிறார். இன்னொரு பக்கம், காங்கிரஸைச் சேர்ந்த மத்தியப் பிரதேச முன்னாள் முதல்வர் கமல்நாத், ``அகிலேஷ் யாதவின் பேச்சை விட்டுவிடுங்கள்" என்று கூறியிருக்கிறார்.

230 சட்டமன்றத் தொகுதிகளைக்கொண்ட மத்தியப் பிரதேசத்தில் நவம்பர் 17-ல் ஒரே கட்டமாக வாக்குப்பதிவு நடைபெறும் என்பதும், டிசம்பர் 3 அன்று மொத்தமாக ஐந்து மாநில முடிவுகளும் ஒன்றாக வெளியாகும் என்பதும் குறிப்பிடத்தக்கது.ஐந்து மாநிலத் தேர்தல் எனும் அரையிறுதி ஆட்டம்!


http://dlvr.it/SxlFS8

Read More