``இந்தியா கூட்டணியின் நிலை தற்போது வலுவாக இல்லை..!" - உமர் அப்துல்லா சொல்வதென்ன?

வருகின்ற நவம்பரில் தெலங்கானா, மத்தியப் பிரதேசம், ராஜஸ்தான், சத்தீஸ்கர், மிசோரம் ஆகிய ஐந்து மாநிலங்களில் சட்டமன்றத் தேர்தல் நடைபெறவிருக்கிறது. அடுத்தாண்டு லோக் சபா தேர்தலுக்கு முன் நடைபெறும் சட்டமன்றத் தேர்தல் என்பதால் இதில் பெற்றிபெற்று லோக் சபா தேர்தலில் தாக்கத்தை ஏற்படுத்த வேண்டும் என அரசியல் கட்சிகள் தீவிரமாகச் செயல்பட்டு வருகின்றன. அதேசமயம், லோக் சபா தேர்தலில் பா.ஜ.க-வை வீழ்த்த எதிர்க்கட்சிகளின் `இந்தியா' கூட்டணியைச் சேர்ந்த கட்சிகள், இந்த ஐந்து மாநில சட்டமன்றத் தேர்தலில் தனித்தனியே போட்டியிடுகின்றன.இந்தியா கூட்டணி

இதனாலேயே, லோக் சபா தேர்தலுக்கு முன்பாகவே இந்தியா கூட்டணியிலிருந்து எதிர்க்கட்சிகள் கழன்றுவிடும் என பா.ஜ.க விமர்சித்து வருகிறது. அதற்கான காரணம், இந்தியா கூட்டணியில் அங்கம் வகிக்கும் காங்கிரஸுக்கும், சமாஜ்வாதிக்கும் இடையே மத்தியப் பிரதேசத்தில் கடந்த ஒருவாரமாக ஏற்பட்டிருக்கும் மோதல்போக்குதான்.

மத்தியப் பிரதேசத்தில் காங்கிரஸ் சமாஜ்வாதிக்கு சீட் ஒதுக்காமல் தனித்து களமிறங்குவதால், ``சமாஜ்வாதி தங்களுக்குத் தேவையில்லை என்றால் காங்கிரஸ் அதை நேரடியாகக் கூறவேண்டும். அதன்பிறகு கூட்டணி குறித்து ஒருமுறை கூட பேச மாட்டோம். பா.ஜ.க-வை தோற்கடிக்க நாங்களே ஆயத்தமாவோம்" என அகிலேஷ் வெளிப்படையாகப் பேசினார். இந்த நிலையில் இந்தியா கூட்டணியில் அங்கம் வகிக்கும் ஜம்மு காஷ்மீர் முன்னாள் முதல்வர் உமர் அப்துல்லா, இந்தியா கூட்டணியின் நிலை தற்போது வலுவாக இல்லாதது துரதிஷ்டவசமானது எனத் தெரிவித்திருக்கிறார்.உமர் அப்துல்லா

இந்த விவகாரம் குறித்து இன்று செய்தியாளர்களிடம் பேசிய உமர் அப்துல்லா, ``இந்தியா கூட்டணியின் நிலை தற்போது வலுவாக இல்லை என்பது துரதிஷ்டவசமானது. அடுத்த மாதம் தேர்தல் இருப்பதால், உட்பூசல்கள் இருக்கக்கூடாது. காங்கிரஸுக்கும், சமாஜ்வாதிக்கும் இடையே மோதல் ஏற்பட்டிருப்பதும், இரு கட்சிகளும் உத்தரப்பிரதேசத்தின் அனைத்து நாடாளுமன்றத் தொகுதிகளிலும் தனியாகப் போட்டியிடுவோம் என்று கூறுவதும் இந்தியா கூட்டணிக்கு நல்லதல்ல. மாநில தேர்தல்களுக்குப் பிறகு சந்திப்பு நடத்தி, ஒன்றாக இணைந்து வேலை செய்ய முயற்சிப்போம்" என்று கூறினார்.Electoral Bonds: ``அரசியல் கட்சிகளின் நிதி ஆதாரம் பற்றி அறிய மக்களுக்கு உரிமையில்லை!" - மத்திய அரசு


http://dlvr.it/Sy9t4Z

Read More

`வடமாநிலத் தொழிலாளர்களுக்கு உள்நுழைவு அனுமதிச்சீட்டு வேண்டுமா..?' - விகடன் கருத்துக்கணிப்பு முடிவு!

சென்னை அம்பத்தூரிலுள்ள தனியார் தொழிற்சாலையில் வேலைபார்க்கும் வடமாநிலத் தொழிலாளர்கள், அக்டோபர் 23-ம் தேதியன்று இரவு மதுபோதையில் கட்டை, இரும்புக்கம்பிகளுடன் தங்களுக்குள்ளே சண்டை போட்டுக்கொண்டனர். இதைத் தடுக்கச் சென்ற போலீஸாரையும் வடமாநிலத் தொழிலாளர்கள் தாக்கியிருக்கின்றனர்.வடமாநிலத் தொழிலாளர்கள் - அம்பத்தூர் தொழிற்சாலை

இந்தச் சம்பவம் தொடர்பான வீடியோ சமூக வலைதளங்களில் வெளியாகி, பெரும் பரபரப்பை ஏற்படுத்தியது. இந்தச் சம்பவத்துக்கு எதிராக நாம் தமிழர் கட்சி ஒருங்கிணைப்பாளர் சீமான் கண்டனம் தெரிவித்தார்.

அதோடு, `தமிழகத்துக்கு வேலைக்கு வரும் வெளிமாநிலத்தவரின் எண்ணிக்கை, பணிபுரியும் நிறுவனம், காலம், தங்கும் இடம், அவர்களின் சொந்த முகவரி ஆகியவற்றைப் பதிவுசெய்யும் வகையில் உடனடியாக உள்நுழைவு அனுமதிச்சீட்டு (ILP - Inner Line Permit) முறையை நடைமுறைப்படுத்த தனிச்சட்டம் கொண்டு வர வேண்டும்' எனவும் சீமான் வலியுறுத்தினார்.விகடன் கருத்துக்கணிப்பு

அதைத் தொடர்ந்து, சீமானின் வலியுறுத்தல் குறித்து விகடன் வலைதளப் பக்கத்தில் கருத்துக்கணிப்பு நடத்தப்பட்டது. அதில், `வடமாநிலத் தொழிலாளர்களுக்கு உள்நுழைவு அனுமதிச்சீட்டு வேண்டும் என்ற சீமானின் கோரிக்கை?' என்ற கேள்வி கொடுக்கப்பட்டு, `நியாயமானதே, தேவையில்லாதது, கருத்து இல்லை' என மூன்று விருப்பங்கள் தரப்பட்டிருந்தன.விகடன் கருத்துக்கணிப்பு

இந்த நிலையில் கருத்துக்கணிப்பு முடிவுகளின்படி, அதிகபட்சமாக, 62 சதவிகிதம் பேர் `வடமாநிலத் தொழிலாளர்களுக்கு உள்நுழைவு அனுமதிச்சீட்டு வேண்டும் என்ற சீமானின் கோரிக்கை நியாயமானதே' எனக் கருத்து தெரிவித்திருக்கின்றனர். அதற்கடுத்தபடியாக, 35 சதவிகிதம் பேர் `சீமானின் கோரிக்கை தேவையில்லாதது' என்றும், 3 சதவிகிதம் பேர் `கருத்து இல்லை' என்றும் தெரிவித்திருக்கின்றனர்.விகடன் கருத்துக்கணிப்பு

தேர்தல் பத்திரங்கள் மூலம், அரசியல் கட்சிகளுக்கு யார் நிதியளிக்கிறார்கள் என்பதை அறிந்துகொள்ள குடிமக்களுக்கு உரிமை இல்லை என உச்ச நீதிமன்றத்தில் மத்திய அரசு தெரிவித்திருப்பது தற்போது விவாதப்பொருளாக மாறியிருக்கிறது. இது தொடர்பாக விகடன் வலைதளப் பக்கத்தில் கருத்துக்கணிப்பு நடைபெற்றுவருகிறது. இதில் கலந்துகொள்ள பின்வரும் லிங்க்கை க்ளிக் செய்யவும்...
https://www.vikatan.com/தாக்குதலுக்குள்ளான காவலர்: `வடமாநிலத் தொழிலாளர்களுக்கு உள்நுழைவு அனுமதிச்சீட்டு வேண்டும்!’ - சீமான்


http://dlvr.it/Sy9syR

Read More

Electoral Bonds: ``அரசியல் கட்சிகளின் நிதி ஆதாரம் பற்றி அறிய மக்களுக்கு உரிமையில்லை!" - மத்திய அரசு

மத்தியில் ஆளும் பா.ஜ.க அரசு, கடந்த லோக் சபா தேர்தலுக்கு ஓராண்டு முன்பாக 2018-ல் `தேர்தல் பத்திரம்' என்ற திட்டத்தை அறிமுகப்படுத்தியது. இந்தத் திட்டத்தின்படி, தனிநபரோ, ஒரு நிறுவனமோ பணத்தை வங்கி மூலம் தேர்தல் பத்திரமாகப் பெற்று, அதை அரசியல் கட்சிகளுக்கு நன்கொடையாக வழங்கலாம். அரசியல் கட்சிகள், அந்தத் தேர்தல் பத்திரங்களை நிதியாக மாற்றிக்கொள்ளலாம். குறிப்பாக, இதில் யார் நிதி கொடுத்தார்கள் என்பது ரகசியமாக வைக்கப்படுகிறது.தேர்தல் பத்திரம்

அதேசமயம், இது வெளிப்படைத்தன்மையில்லாமல் இருப்பது கறுப்புப் பண பதுக்கலுக்கு வழிவகுக்கும் என, இந்தத் திட்டத்துக்கு எதிர்ப்புகளும் கிளம்பின. மேலும், இந்தத் திட்டத்தை எதிர்த்து தொடரப்பட்ட மனுக்கள்மீது, உச்ச நீதிமன்றத்தில் தலைமை நீதிபதி சந்திரசூட் தலைமையிலான ஐந்து பேர்கொண்ட நீதிமன்ற அமர்வு, நாளை விசாரணை நடத்தவிருக்கிறது.

இந்த நிலையில், அரசியல் கட்சிகளின் நிதி ஆதாரம் குறித்து அறிய குடிமக்களுக்கு உரிமையில்லை என உச்ச நீதிமன்றத்தில் மத்திய அரசு தெரிவித்திருக்கிறது. இது தொடர்பாக, மத்திய அரசு சார்பிலான எழுத்துபூர்வ வாதத்தை அட்டர்னி ஜெனரல் ஆர்.வெங்கடரமணி உச்ச நீதிமன்றத்தில் நேற்று தாக்கல் செய்திருக்கிறார். அதில், ``நியாயமான கட்டுப்பாடுகளுக்கு உட்படுத்தப்படாமல் எல்லாவற்றையும் தெரிந்துகொள்ளும் வகையில், பொது உரிமை இருக்க முடியாது. தேர்தல் பத்திரம் திட்டமானது, அரசியலமைப்புச் சட்டத்தின் பிரிவு 19(2)-ன்கீழ் வருகிறது. இது அடிப்படை உரிமைகளைப் பயன்படுத்துவதில் நியாயமான கட்டுப்பாடுகளை விதிக்க அரசாங்கத்தை அனுமதிக்கிறது.உச்ச நீதிமன்றம்

எனவே, இதில் யார் நிதி கொடுக்கிறார்கள் என்பதை அறிந்துகொள்ள குடிமக்களுக்கு உரிமையில்லை. வெளிப்படைத்தன்மைக்கு தேவையானதை அறியும் உரிமை என்பது தேவையான நோக்கங்களுக்காக மட்டுமே இருக்க முடியும். மேலும், இந்தத் தேர்தல் பத்திரங்கள் திட்டம் பங்களிப்பாளருக்கு ரகசியத்தன்மையின் பலனை நீட்டிக்கிறது. அதோடு, இந்தத் திட்டம், சுத்தமான பணம் (Clean Money) பங்களிக்கப்படுவதை உறுதிப்படுத்துவதோடு, அதை ஊக்குவிக்கவும் செய்கிறது. வரிக் கடமைகளுக்குக் கட்டுப்படுவதை உறுதிசெய்கிறது. இதனால், தற்போதுள்ள எந்த உரிமையையும் இது மீறாது" என்று மத்திய அரசு தெரிவித்திருக்கிறது.

கடந்த நான்கு ஆண்டுகளில் பா.ஜ.க தேர்தல் பத்திரங்கள் மூலமாக ரூ.5,000 கோடி நிதி பெற்றிருக்கிறது என்பது குறிப்பிடத்தக்கது.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/46c3KEk">
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/46c3KEk">
https://bit.ly/46c3KEk />
RTI: `பெருமுதலாளிகளுக்கு மோடி அரசு தள்ளுபடி செய்தது 25 லட்சம் கோடியா?' | The Imperfect Show


http://dlvr.it/Sy9smr

Read More

சேலம்: `ஆளுநர் காரில் தேசியக்கொடி எங்கே... திட்டமிட்ட சதி'- பாஜக குற்றச்சாட்டும், போலீஸ் விளக்கமும்!

சேலம், காமலாபுரம் விமான நிலையத்தில் இன்று 3 ஆண்டுகளுக்குப் பிறகு, சேலம் – சென்னை விமான சேவை மீண்டும் தொடங்கப்பட்டது. அந்த வகையில் சென்னையில் இருந்து சேலம் வந்த விமானத்தில் கோவா ஆளுநர் ஸ்ரீதரன் பிள்ளை உட்பட 54 பேர் பயணித்து வந்தனர். சேலம் வருகை புரிந்த ஆளுநருக்கு மாவட்ட நிர்வாகத்தின் சார்பில் பூங்கொத்து வழங்கி விமான நிலையத்தில் வரவேற்பு அளிக்கப்பட்டது. பின்னர் ஆளுநர் ஸ்ரீதரன் பிள்ளை கர்நாடக மாநிலத்திற்கு செல்ல இருப்பதால், சேலம் அஸ்தம்பட்டியில் அமைந்துள்ள விருந்தினர் மாளிகையில் மதிய உணவு அருந்திவிட்டு, மாலை கிளம்பவிருக்கிறார். கோவா ஆளுநரின் சேலம் வருகை என்பது, முன்கூட்டியே அனைத்து பாதுகாப்பு அதிகாரிகளுக்கும் தெரிந்த ஒன்றாக இருந்து வந்தது.தேசியக்கொடி இல்லாமல் உள்ள வாகனம்!

அதற்காக சேலம் தமிழ்நாடு-கர்நாடகா எல்லை முதல் பாதுகாப்பு போடப்பட்டுள்ளது. ஆனால், சேலம் வருகை புரிந்த ஒரு மாநிலத்தின் ஆளுநருக்கு அரசின் மூலம் வழங்கப்படும் அங்கீகாரம் என்பது வழங்கப்படமால் போய்விட்டதாக அரசியல் வட்டாரங்களில் சர்ச்சை கிளம்பியிருக்கிறது. காரணம், ஆளுநர் விமான நிலையத்திலிருந்து பயணித்து சென்ற வாகனத்தில் தேசியக்கொடி இல்லாமல் இருந்திருக்கிறது. தேசியக்கொடி இல்லாத காரிலேயே விருந்தினர் மாளிகை வரை, ஆளுநர் பயணித்ததாக கூறப்படுகிறது. இதையெல்லாம் முன்கூட்டியே ஆராய்ந்து தயார் நிலையில் வைத்திருக்க வேண்டிய அதிகாரிகள், ஆளுநரை அவமதிக்கும்விதமாக தேசியக்கொடி இல்லாத வாகனத்தில் அவரை அழைத்துச் சென்றதாக குற்றச்சாட்டு எழுந்திருக்கிறது. ஸ்ரீதரன் பிள்ளை

இது குறித்து நம்மிடம் பேசிய பா.ஜ.க. சுற்றுச்சூழல் துறை பாதுகாப்புப் பிரிவு மாநிலத் தலைவர் கோபிநாத், “தமிழ்நாடு அரசு திட்டமிட்டே இது போன்று ஆளுநரை அவமதிக்கும்விதமாக செய்துள்ளது. ஒரு மாநிலத்தில் ஆளுநருக்கு கொடுக்க வேண்டிய மரியாதையை எப்படி கொடுக்க தவறியது அரசு... தமிழ்நாடு அரசும், மாவட்ட நிர்வாகமும் திட்டமிட்டு செய்த சதி இது” என்றார்.

இது தொடர்பாக சேலம் மாவட்ட (பொறுப்பு) எஸ்.பி ஸ்டீபன் ஜேசுபாதத்திடம் பேசியபோது, “இது குறித்து ரெவென்யூ டிபார்ட்மென்ட்ல தான் கேக்கணும். இது ஒண்ணும் பெரிய விஷயம் இல்லை” என்றார்.சேலம்: வாடகைக் கட்டடத்தில் காவல் நிலையம்; கழிப்பறை வசதிகூட இல்லாததால், அவதிக்குள்ளாகும் காவலர்கள்!


http://dlvr.it/Sy7K3R

Read More

இஸ்‌ரேல் - ஹமாஸ் யுத்தம் 6: ஹமாஸ் வளர்ந்த கதை - சேவை அமைப்பு முதல் ஆயுதக்குழு வரை!

இஸ்ரேலில் பொதுமக்கள் மற்றும் ராணுவத்தினர் மீது ஹமாஸ் நிகழ்த்திய சனிக்கிழமை கோரத் தாக்குதலுக்குப் பிறகு அமெரிக்கா, பிரிட்டன், பிரான்ஸ், ஜெர்மனி மற்றும் இத்தாலி ஆகிய நாடுகள் கூட்டாக இணைந்து ஒரு கண்டன அறிக்கை வெளியிட்டன.என்றது அந்த அறிக்கை."பாலஸ்தீன மக்களின் சட்டப்பூர்வமான விருப்பங்களை நாங்கள் அங்கீகரிக்கிறோம். ஆனால், ஹமாஸ் அமைப்பு அந்த மக்களின் அபிலாஷைகளை வெளிப்படுத்தும் பிரதிநிதியாக இல்லை. தீவிரவாதம் மற்றும் ரத்த வெள்ளத்தைத் தவிர வேறு எதையும் பாலஸ்தீன மக்களுக்கு ஹமாஸ் கொடுக்கவில்லை."

அமெரிக்கா, ஐரோப்பிய யூனியன், பிரிட்டன், கனடா போன்ற பல நாடுகள் ஹமாஸை தடை செய்யப்பட்ட தீவிரவாத அமைப்பாக அறிவித்துள்ளன. நியூசிலாந்து போன்ற ஒரு சில நாடுகள், ஹமாஸின் ராணுவப் பிரிவை மட்டும் தீவிரவாத அமைப்பாக அறிவித்துள்ளன. இந்தியா இதுவரை ஹமாஸைத் தீவிரவாத அமைப்பாக அறிவிக்கவில்லை. போலவே, ஐ.நா சபையும் இதை பயங்கரவாத அமைப்பாகக் குறிப்பிடவில்லை.ஹமாஸ்

இஸ்‌ரேல் ஒரு நாடாக உருவெடுத்து பாலஸ்தீனர்களை பல பகுதிகளிலிருந்து அப்புறப்படுத்தியபோது, அகதிகளாக பல நாடுகளுக்கு அவர்கள் போனார்கள். அப்படி எகிப்து சென்ற அகதிகள், அங்கிருந்த Muslim Brotherhood அமைப்பின் செயல்பாடுகளைக் கவனித்தனர். அதேபோல ஒரு கிளையை பாலஸ்தீனர்களுக்காக நிறுவினர். 1967-ம் ஆண்டு மேற்குக்கரை மற்றும் காஸாவை இஸ்‌ரேல் ஆக்கிரமித்தது. அதைத் தொடர்ந்து காஸாவில் al-Mujama al-Islamiya என்ற பெயரில் 1973-ம் ஆண்டு இந்த அமைப்பு ஆரம்பிக்கப்பட்டது. எகிப்தின் Muslim Brotherhood அமைப்புடன் இதற்கு நெருக்கமான தொடர்பு இருந்தது. (பிற்காலத்தில் எகிப்து அரசுக்கு எதிராக Muslim Brotherhood கிளர்ச்சியில் ஈடுபட்டது. அப்போது இத்துடன் இருந்த தொடர்பைத் துண்டித்துக்கொண்டு, ஹமாஸ் அமைப்பு எகிப்து அரசுடன் இணக்கமாக ஆனது தனிக்கதை!)

al-Mujama al-Islamiya ஆரம்பத்தில் சேவை அமைப்பாகவே இருந்தது. பள்ளிகள் மற்றும் மருத்துவமனைகள் ஆரம்பித்து பாலஸ்தீன மக்களுக்கு உதவிகள் செய்தது. இதை ஆரம்பித்தவர், ஷேக் அகமது யாசின் (Sheikh Ahmed Yassin) என்ற மதகுரு. இஸ்ரேல் உருவானபிறகு அல்-ஜுரா பகுதியிலிருந்து அகதியாக காஸாவுக்கு அடைக்கலம் தேடி வந்தவர் யாசின். கல்லூரி காலத்தில் முதுகில் அடிபட்டு பாதிப்பு ஏற்பட்டதால், காலம் முழுக்க வீல்சேரில் முடங்கும் சூழலுக்கு ஆளானவர். கண் பார்வையும் அவ்வளவாகத் தெரியாது. ஓரிடத்திலிருந்து இன்னொரு இடத்துக்குச் செல்லவோ, சாப்பிடவோ, படிக்கவோ என்று எல்லாவற்றுக்கும் அடுத்தவர்கள் உதவி தேவை. அப்படிப்பட்ட சூழலிலும் அவர் இளைஞர்களை வசீகரிக்கும் ஆற்றல் கொண்டவராக இருந்தார். கணிசமான பாலஸ்தீன இளைஞர்கள் அவர் பின்னால் நின்றனர். அவர்கள்தான் அவரையும் பராமரித்தனர், al-Mujama al-Islamiya அமைப்பின் சேவைகளையும் பார்த்துக்கொண்டனர். ஷேக் அகமது யாசின் (Sheikh Ahmed Yassin)

பாலஸ்தீனர்கள் வசிக்கும் பகுதியில் நான்கு பேர் ஒன்று கூடினாலே, உடனே கண்காணித்து அவர்கள் என்ன செய்கிறார்கள் என்று துப்பறியத் தொடங்கிவிடும் இஸ்‌ரேல் ராணுவமும் போலீஸும்! அவர்கள் இந்த அமைப்பை ஒரு சேவை நிறுவனமாகவே ஆரம்பத்தில் பார்த்தார்கள். இந்த அமைப்பு பாலஸ்தீனர்கள் மத்தியில் செல்வாக்கு பெறுவது நல்லது என்றும் கருதினார்கள். அந்த நாட்களில் யாசர் அராபத் உருவாக்கிய பாலஸ்தீன விடுதலை இயக்கமும், அதன் அரசியல் பிரிவான ஃபதா கட்சியும் உச்சப்புகழில் இருந்தது. மதச்சார்பற்ற அமைப்பாக இரண்டையும் அராபத் நடத்திவருவது தீவிர மதநம்பிக்கையாளர்களான பாலஸ்தீனர்கள் சிலருக்குப் பிடிக்கவில்லை. அவர்கள் ஷேக் அகமது யாசினை நாடி வந்தனர். ‘அராபத்துக்கு எதிராக இந்த அமைப்பு வலுவடைந்தால் நல்லது, அதனால் பாலஸ்தீனர்கள் மத்தியில் பிரிவினை ஏற்படும்’ என்று ஆசைப்பட்டது இஸ்ரேல். ஆனால், அது விபரீதமான ஓர் அமைப்பின் வளர்ச்சி என்பதை அப்போது இஸ்ரேல் உணரவில்லை.

1987 டிசம்பரில் காஸா சோதனைச்சாவடியில் ஒரு கார்மீது இஸ்ரேல் ராணுவத்தின் டிரக் மோதி நான்கு பாலஸ்தீனர்களைக் கொன்றது. இதைத் தொடர்ந்து பாலஸ்தீனர்கள் பெரும் போராட்டத்தில் இறங்கினர். அந்த நேரத்தில் ஷேக் அகமது யாசின் வீட்டில் கூடிய சில இளைஞர்கள், ‘‘இன்னமும் நாம் சேவை அமைப்பாகவே இருப்பது சரியில்லை. பாலஸ்தீன விடுதலைக்கான அரசியல் போராட்டத்தில் இறங்க வேண்டும்’’ என்று பேசினார்கள். ஒரு பக்கம் பாலஸ்தீன விடுதலை இயக்கம் வேரூன்றி இருக்க, இன்னொரு பக்கம் பாலஸ்தீன இஸ்லாமிக் ஜிகாத் மக்களிடம் செல்வாக்கு பெறுவதை உணர்ந்த யாசின் இதற்கு சம்மதம் சொன்னார்.

1987 டிசம்பர் 10-ம் தேதி ஹமாஸ் உருவானது. என்றாலும், அதற்கு ஹமாஸ் என்று பெயர் வைக்கப்பட்டது 1988 ஜனவரியில்தான்! Ḥarakat al-Muqāwamah al-ʾIslāmiyyah என்பதன் சுருக்கமே ஹமாஸ். அதுவரை பாலஸ்தீன மக்களின் ஒற்றை அரசியல் குரலாக அராபத்தின் ஃபதா கட்சி இருந்தது. அது மதச்சார்பற்ற அமைப்பு. ஆனால், ஹமாஸ் ‘இஸ்லாமிய எதிர்ப்பு இயக்கம்’ என்றே அடையாளப்படுத்தப்பட்டது. ‘இஸ்ரேலின் ஆக்கிரமிப்பிலிருந்து பாலஸ்தீனத்தை விடுவிப்பது ஒவ்வொரு இஸ்லாமியரின் மதக்கடமை. பாலஸ்தீனத்தில் இஸ்லாமிய அரசை நிறுவுவோம்’ என்று ஹமாஸ் பிரகடனம் வெளியிட்டது.பாலஸ்தீன ராணுவம்ஹமாஸின் செயல்பாடுகளில் யாசின் நேரடியாக ஈடுபடவில்லை. ஆசீர்வாதம் வழங்கும் ஒரு ராஜகுருவின் நிலையில் இருக்க விரும்பினார். அவர் தனது பழைய அமைப்பின் சேவைகளைச் செய்வதற்கு ஹமாஸின் அரசியல் தடையாக இருக்கக்கூடாது என்று நினைத்தார். ஆனால், al-Mujama al-Islamiya என்ற சேவை அமைப்பின் நீட்சியாகவே ஹமாஸ் உருவெடுத்தது.

பாலஸ்தீன மாணவர் அமைப்புகளில் செயல்பட்டவர்களை வைத்து ஒரு போராளிக்குழுவை ஹமாஸின் துணை அமைப்பாக ஆரம்பித்தார் யாசின். இன்னொரு பக்க உளவுப்படை ஒன்றும் ஆரம்பிக்கப்பட்டது. இஸ்ரேல் ராணுவத்துக்கு பாலஸ்தீனத்திலிருந்து உளவு சொல்பவர்களைக் கண்டுபிடித்து அழிக்கும் பணி இதற்குத் தரப்பட்டது. ஆனால், இந்த அமைப்புகள் உருவானது தெரிந்ததுமே இஸ்ரேல் ராணுவம் களத்தில் இறங்கி இவர்களைப் பிடித்தது, ஆயுதங்களையும் பறிமுதல் செய்தது. இதைத் தொடர்ந்து யூனிட் 101 என்ற துணை அமைப்பை ஹமாஸ் உருவாக்கியது. இஸ்ரேல் ராணுவ வீரர்களைக் கடத்திவந்து கொல்வது இவர்களின் பணி. 1989-ம் ஆண்டு முதன்முதலாக இரண்டு இஸ்ரேல் வீரர்களை யூனிட் 101 அமைப்பினர் கடத்திவந்து கொன்றனர்.

இஸ்‌ரேல் கடும் கோபத்துடன் பதிலடி கொடுத்தது. யாசின் உட்பட ஹமாஸ் அமைப்பில் இருந்த நூற்றுக்கணக்கான பாலஸ்தீனர்கள் கைது செய்யப்பட்டனர். அவர்களுக்கு உடனடியாக விசாரணை நடத்தி ஆயுள் தண்டனை விதிக்கப்பட்டது. தடை செய்யப்பட்ட இயக்கமாக ஹமாஸ் அறிவிக்கப்பட்டது. இதைத் தொடர்ந்து ஹமாஸ் கிட்டத்தட்ட செயலிழந்தது.

அதற்கு மீண்டும் உயிர் கொடுத்தது இஸ்ரேல் அரசுதான். ஜெருசலேம் நகரில் இருக்கும் அல்-அக்ஸா மசூதி, இஸ்லாமியர்களுக்கு மெக்கா மற்றும் மதீனாவை அடுத்து மூன்றாவது புனிதமான வழிபாட்டுத் தலம். இந்த மசூதியை ஒட்டியே யூதர்களின் பழைமையான வழிபாட்டுத் தலமான கோயில் மலையும் இருக்கிறது. இங்கு யூத அடிப்படைவாத அமைப்பினர் சிலர் மூன்றாவது கோயிலை அமைப்பதற்கு அடிக்கல் நாட்ட முயன்றனர். 1990 அக்டோபரில் இதையொட்டி நடைபெற்ற மோதலில், அல்-அக்ஸா மசூதி வளாகத்தில் 17 பேரை இஸ்ரேல் போலீஸார் சுட்டுக் கொன்றனர். இதைத் தொடர்ந்து பாலஸ்தீனர்கள் மத்தியில் எழுந்த கோபம், ஹமாஸ் அமைப்புக்கு உயிர் கொடுத்தது.Sheikh Izz ad-Din al-Qassam

சிறையில் அடைக்கப்பட்ட ஹமாஸ் தலைவர்களைத் தவிர, வெளியில் இருந்த எல்லோரும் இந்தத் தாக்குதலுக்கு எதிரான போராட்டக் களத்தில் ஒருங்கிணைந்தனர். புதிதாகவும் நிறைய பேர் வந்து சேர்ந்தனர். ‘ஒவ்வொரு இஸ்ரேல் ராணுவ வீரரும், ஒவ்வொரு இஸ்ரேல் போலீஸும் எங்கள் இலக்கு. அத்தனை யூத எதிரிகளையும் அழிக்க எல்லாவகை தாக்குதல்களையும் நடத்துவோம்’ என்று அறிவித்தது ஹமாஸ்.

இதைத் தொடர்ந்து ஹமாஸின் ராணுவப் பிரிவாக காஸிம் பிரிகேட்ஸ் (Qassam Brigades) என்ற தாக்குதல் அமைப்பு ஆரம்பிக்கப்பட்டது. பாலஸ்தீன வரலாற்றில் Sheikh Izz ad-Din al-Qassam முக்கியமானவர். பிரிட்டிஷ் ஆக்கிரமிப்புக்கு எதிராக பாலஸ்தீனர்களைத் திரட்டி போராட்டத்தில் ஈடுபட்டவர். அவர் நினைவாகவே காஸிம் பிரிகேட்ஸ் ஆரம்பிக்கப்பட்டது. யாஹ்யா ஆயாஷ் (Yahya Ayyash) என்பவர் இதற்குத் தலைமையேற்றார். இதில் சேர்ந்த எல்லோருமே ‘ஆயாஷின் மாணவன்’ என்று தங்களை அடையாளப்படுத்தும் அளவுக்கு பாலஸ்தீனத்தில் ஆயாஷ் அப்போது பாப்புலர்.

‘இன்ஜினியர்’ என்று அவரை அச்சத்துடன் அழைத்தது இஸ்‌ரேல் ராணுவம். பாலஸ்தீனத்தில் இருக்கும் பிர்ஸெய்த் பல்கலைக்கழகத்தில் இன்ஜினியரிங் படித்தவர். அதைவிட முக்கியமாக வெடிகுண்டு செய்வதில் கைதேர்ந்தவர். அதற்குமுன்பு வரை இஸ்ரேல் ராணுவமோ, போலீஸோ தாக்கினால் பாலஸ்தீன இளைஞர்கள் கற்களை வீசி பதிலடி கொடுப்பார்கள், உண்டிவில்லில் கல்லை வைத்து தாக்குவார்கள். என்று ஆயாஷ் வலியுறுத்தினார். "துப்பாக்கி வைத்திருக்கும் எதிரியுடன் கல்லை வீசி மோதுவது அபத்தமானது. நம்மை ஆக்கிரமித்திருக்கும் எதிரிகளுக்கு வலியைக் கொடுக்க வேண்டுமென்றால், உயிரிழப்புகளை ஏற்படுத்த வேண்டும். அவர்களால் தாங்கிக்கொள்ள முடியாத அளவுக்குத் தாக்க வேண்டும்."யாஹ்யா ஆயாஷ் (Yahya Ayyash)

தற்கொலைப்படைத் தாக்குதலை அவர்தான் ஆரம்பித்து வைத்தார். ஹமாஸ் அமைப்பினர் தங்கள் உடலில் வெடிகுண்டை கட்டிக்கொண்டு இஸ்ரேல் ராணுவ முகாம்களுக்குப் போய் அவற்றை வெடிக்கச் செய்து பெரும் உயிரிழப்புகளை ஏற்படுத்தினார்கள். இன்னொரு பக்கம் கார்களில் குண்டுகளைப் பொருத்தி, ராணுவ சோதனைச் சாவடிகள் அருகே கொண்டுசென்று வெடிக்கச் செய்தார்கள். ஆயாஷை 1996-ம் ஆண்டு இஸ்ரேல் உளவுத்துறை ரகசியத் தாக்குதல் நடத்திக் கொல்லும்வரை ஹமாஸின் பெரும்பாலான வெடிகுண்டுகளை அவரே செய்துவந்தார்.

1992 டிசம்பரில் எல்லைக்காவல் பணி செய்துவந்த இஸ்ரேல் போலீஸ்காரர் ஒருவர் கொல்லப்பட, ஹமாஸ் மற்றும் இஸ்லாமிக் ஜிகாத் அமைப்புகளைச் சேர்ந்த 415 பேரை லெபனான் நாட்டின் தெற்குப் பகுதிக்கு நாடு கடத்தியது இஸ்ரேல். அப்போது லெபனான் மீது தாக்குதல் நடத்தி அந்தப்பகுதியை ஆக்கிரமித்து வைத்திருந்தது இஸ்ரேல். அதனால் நாடு கடத்துவது எளிதாக இருந்தது. ஆனால், இது எவ்வளவு பெரிய முட்டாள்தனம் என்பதை அப்போது இஸ்‌ரேல் உணரவில்லை. இஸ்‌ரேல்-ஹமாஸ் யுத்தம் 5: பாலஸ்தீனர்களுக்கு பரிவு; இஸ்ரேலுடன் உறவு; இந்தியாவின் அரசியல் சாமர்த்தியம்

லெபனான் நாட்டில் ஹிஸ்புல்லா தீவிரவாத அமைப்பினர் ஏற்கெனவே இருந்தனர். அவர்கள் இஸ்‌ரேலுடன் மோதி வந்தனர். அந்த அமைப்பினருக்கும், நாடு கடத்தப்பட்டு அங்கு போன ஹமாஸ் அமைப்பினருக்கும் தொடர்பு ஏற்பட்டது. கார் குண்டுகளை உருவாக்கி வைப்பதிலிருந்து ஆயுதப் பயிற்சி வரை ஹிஸ்புல்லா தீவிரவாதிகளிடம் ஹமாஸ் அமைப்பினர் கற்றுக்கொண்டனர். இன்னொரு பக்கம், அங்கிருக்கும் பாலஸ்தீன அகதி முகாம்களுக்குப் போய், தங்கள் அமைப்பில் கணிசமான இளைஞர்களை சேர்த்தனர்.காஸாவில் கொண்டாடப்பட்ட ஹமாஸின் 25வது ஆண்டு | 25th anniversary of Hamas celebrated in Gaza

ஹமாஸ் அமைப்பினரை நாடு கடத்தி, காஸா பகுதியில் ஊரடங்கு உத்தரவை அமல் செய்ததால், சர்வதேச நாடுகளின் கண்டனத்துக்கு ஆளானது இஸ்ரேல். ஐ.நா பாதுகாப்பு சபையில் இந்த விஷயம் விவாதிக்கப்பட்டு, இஸ்ரேலின் செயலைக் கண்டித்து தீர்மானம் நிறைவேற்றப்பட்டது. நாடு கடத்தியவர்களை ஒன்பது மாதங்கள் கழித்து திரும்பவும் பாலஸ்தீனப் பகுதிகளுக்கு வர அனுமதித்தது இஸ்ரேல் அரசு. முன்பைவிட பயங்கரமானவர்களாக அவர்கள் திரும்பி வந்தனர். இஸ்ரேல் அதன் விளைவுகளை மோசமாக சந்தித்தது.தற்கொலைப் படை தாக்குதல் நடத்தும் சிறிய அமைப்பாக இருந்து, பாலஸ்தீனத்தையே தன் அதிகாரத்துக்குள் கொண்டுவந்த பெரிய கட்சியாக ஹமாஸ் அதன்பின் மாறியது.

(நாளை பார்க்கலாம்…)


http://dlvr.it/Sy5WkS

Read More

இஸ்ரேல் - ஹமாஸ் போர் நிறுத்த தீர்மானம்: வாக்கெடுப்பை புறக்கணித்த இந்தியா - காங்கிரஸ் தாக்கு!

இஸ்ரேல் ஆக்கிரமிப்புப் பகுதியை மீட்பதாகக் கூறி, கடந்த 7-ம் தேதி, பாலஸ்தீனத்தின் போராளிக்குழுவான ஹமாஸ் அமைப்பு ஆயுதத் தாக்குதல் நடத்தியது. இதனால், இஸ்ரேல் - ஹமாஸ் போராளிக்குழுவுக்கு மத்தியில் போர் மூண்டது. இந்தப் போரில், 1,400 இஸ்ரேலியர்களும், 2,913 குழந்தைகள் உட்பட 7000-க்கும் மேற்பட்ட பாலஸ்தீனர்களும் கொல்லப்பட்டிருக்கிறார்கள். இந்தப் போர் நிறுத்தத்துக்கு ரஷ்யா, அரபு நாடுகள் பல்வேறு வகையில் முயன்று வருகின்றன.ஐநா

நேற்று ஐ.நா பொதுச் சபையின் 10-வது அவசரக்கால சிறப்பு அமர்வில் ஜோர்டான் சார்பில் மனிதாபிமான போர் நிறுத்தம் குறித்த தீர்மானம் முன்மொழியப்பட்டது. அதில், "பொதுமக்களின் பாதுகாப்பு, சட்ட மற்றும் மனிதாபிமான கடமைகளை நிலைநிறுத்துதல்" என்ற விவாதத்தின் அடிப்படையில், இந்தத் தீர்மானம் வாக்கெடுப்புக்கு விடப்பட்டது. இந்த வாக்கெடுப்பில் கலந்துகொண்ட 195 நாடுகளில் 120 நாடுகள் இந்த தீர்மானத்துக்கு ஆதரவாகவும், 14 நாடுகள் இந்த தீர்மானத்துக்கு எதிராகவும், இந்தியா ஆஸ்திரேலியா, கனடா, ஜெர்மனி, ஜப்பான், உக்ரைன் உள்ளிட்ட 45 நாடுகள் வாக்களிக்காமலும் புறக்கணித்திருக்கின்றன.

அதற்கான காரணம் குறித்து விளக்கிய இந்தியா,"அக்டோபர் 7-ம் தேதி இஸ்ரேலில் நடந்த பயங்கரவாத தாக்குதல்கள் கண்டனத்திற்குத் தகுதியானவை. பயங்கரவாதத்துக்கு எல்லையோ, தேசியமோ, இனமோ தெரியாது. பயங்கரவாதச் செயல்களை எந்த நியாயப்படுத்துதலுக்கும் உலகம் விலைபோகக் கூடாது. வேறுபாடுகளை ஒதுக்கி வைத்துவிட்டு, பயங்கரவாதத்துக்கு எதிராக சகிப்புத்தன்மையற்ற அணுகுமுறையைக் கடைப்பிடிப்போம். பாலஸ்தீனத்தில் ஏற்பட்டிருக்கும் மனிதாபிமான நெருக்கடிக்குத் தீர்வு காணப்பட வேண்டும்.பிரியங்கா காந்தி

சர்வதேச சமூகத்தின் மனிதாபிமான முயற்சிகளையும், காஸா மக்களுக்கு மனிதாபிமான உதவிகளை வழங்குவதையும் நாங்கள் வரவேற்கிறோம். நேரடி சமாதான பேச்சுவார்த்தைகளை மீண்டும் தொடங்குவதற்கான சூழலை உருவாக்குவதற்கும் நாங்கள் கேட்டுக்கொள்கிறோம்" எனக் கூறிப்பிட்டது. இந்தியாவின் இந்த முரண்பட்ட நிலைப்பாட்டுக்கு எதிர்கட்சிகள் கண்டனம் தெரிவித்துவருகின்றன.

காங்கிரஸ் கட்சியின் பொதுச் செயலாளர் பிரியங்கா காந்தி தனது எக்ஸ் பக்கத்தில், "கண்ணுக்கு கண் எனப் பழிவாங்கினால் உலகம் முழுவதும் குருடாகும் என மகாத்மா காந்தி குறிப்பிட்டிருக்கிறார்.

பாலஸ்தீனத்தின் காஸாவில் போர் நிறுத்தத்திற்காக வாக்களிக்காமல் நமது நாடு புறக்கணித்து விலகியிருப்பது எனக்கு அதிர்ச்சியும் வெட்கமுமளிக்கிறது. அகிம்சை, உண்மை என்ற கொள்கைகளின் அடிப்படையில் நமது நாடு உருவாக்கப்பட்டது. இந்தக் கொள்கைகளுக்காகவே நமது சுதந்திரப் போராளிகள் தங்கள் இன்னுயிர்களை தியாகம் செய்திருக்கிறார்கள். இந்த கொள்கைகள்தான் நமது தேசத்தை வரையறுக்கும் அரசியலமைப்பின் அடிப்படையை உருவாக்குகின்றன. அதே நேரம் சர்வதேச சமூகத்தின் உறுப்பினராக அதன் நடவடிக்கைகளை வழிநடத்திய இந்தியாவின் தார்மீக தைரியத்தையும் அவை பிரதிநிதித்துவப்படுத்துகின்றன. பிரதமர் மோடி

மனித குலத்தின் மனிதாபிமான சட்டம் தூள் தூளாக்கப்பட்டு, உணவு, தண்ணீர், மருத்துவப் பொருட்கள், தகவல் தொடர்பு, மின்சாரம் போன்றவற்றை பல லட்சக்கணக்கான மக்களுக்குச் சென்று சேர்வதை தடுக்கப்படுகிறது. எனவே, பாலஸ்தீனத்தில் ஆயிரக்கணக்கான ஆண்களும், பெண்களும், குழந்தைகளும் அழிக்கப்படுவதை அமைதியாகப் பார்த்துக் கொண்டிருக்காமல் அதை எதிர்ப்பது இந்தியாவின் இந்தக் கொள்கைதான். ஆனால், இந்தியாவின் இஸ்ரேல் - ஹமாஸ் போர் நிறுத்தத்துக்கு ஆதரவாக வாக்களிக்காமல் புறக்கணித்திருப்பது என்பது, நமது நாடு ஒரு தேசமாக அதன் வழிவழியாக நின்ற அனைத்து நிலைப்பாட்டுக்கும் எதிரானது" எனக் குறிப்பிட்டிருக்கிறார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/46c3KEk">
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/46c3KEk">
https://bit.ly/46c3KEk />
இஸ்ரேல் - ஹமாஸ்: போர் நிறுத்த தீர்மானம்; 120 நாடுகள் ஆதரவு; வாக்காளிக்காத இந்தியா! - காரணம் என்ன?


http://dlvr.it/Sy5WZC

Read More

சேலம்: வாடகை கட்டடத்தில் காவல் நிலையம்; கழிப்பறை வசதிகூட இல்லாததால், அவதிக்குள்ளாகும் காவலர்கள்!

சேலம் மாநகரக் காவல்துறையில் 15-க்கும் மேற்பட்ட காவல் நிலையங்கள் உள்ளன. சுமார் 1,500-க்கும் மேற்பட்ட காவலர்களை உள்ளடக்கியும், 3 ஆயுதப்படைப் பிரிவுகளையும் கொண்டு சேலம் மாநகரக் காவல்துறை இயங்கி வருகிறது. மாநகரக் காவல் நிலைய எல்லையானது பரப்பளவில் குறைவாக இருந்தாலும், மாநகர எல்லைக்குள் வசிக்கக்கூடிய மக்கள்தொகை என்பது அதிகமாகும். இந்த நிலையில்தான், சமீபத்தில் தமிழக சட்டசபையில் சேலம் மாவட்டக் காவல்துறையின்கீழ் இயங்கி வந்த ஆட்டையாம்பட்டி காவல் நிலையத்தையும், காரிப்பட்டி காவல் நிலையத்தையும் மாநகரக்குள் கொண்டுவருவதாக  தீர்மானம் நிறைவேற்றப்பட்டது.பள்ளப்பட்டி காவல் நிலையம்

காரணம், மேற்கண்ட இரண்டு காவல் நிலையங்களும் ஒதுக்குபுறமாக அமைந்திருப்பதால், கஞ்சா போன்ற போதைப்பொருள்கள் ஊடுருவலும், ரெளடிஸமும் அங்கு அதிகமாக இருப்பதாக மக்கள் கூறிவருகின்றனர். அதன் காரணமாகவே உளவுத்துறை அளித்த தகவலின் அடிப்படையில், மேற்கண்ட காவல் நிலையங்கள் மாநகருக்குள் இணைக்கப்பட்டிருக்கின்றன.    

அந்த வகையில் மாநகர எல்லையிலுள்ள முக்கிய காவல் நிலையங்களில் புதிய பேருந்து நிலையம் அருகே அமைந்திருக்கும் பள்ளப்பட்டி காவல் நிலையமும் ஒன்று. இங்கு 50-க்கும் மேற்பட்ட காவலர்கள் பணியாற்றி வருகின்றனர். இதில், பெண் காவலர்களும் அடக்கம். இந்தக் காவல் நிலையமானது கடந்த 20 ஆண்டுகளுக்கு மேலாக மாநகராட்சிக்குச் சொந்தமான கட்டடத்தில், வாடகைக்கு இயங்கி வருகிறது. ஆனால், இங்கு முறையான அடிப்படை வசதிகள் எதுவும் இல்லை என்கின்றனர். ஆபத்தான நிலையில் கட்டடம் இருந்து வருவதாகவும் கூறுகின்றனர்.

இது குறித்து விஷயமறிந்த காவல் அதிகாரிகள் சிலரிடம் பேசியபோது, “தற்போது காவல் நிலையம் அமைந்திருக்கும் கட்டடத்தில், மழைக்காலங்களில் சாக்கடையுடன்கூடிய தண்ணீரானது உள்ளே புகுந்துவிடுகிறது. அதையும் தாண்டி பெண் காவலர்கள் இருந்து வருகின்றனர். அவர்களுக்கான கழிப்பிட வசதிக்கூட இல்லை. அவசரத்துக்கு பேருந்து நிலையம் அருகே அமைந்திருக்கும் கழிப்பிடத்துக்குச் செல்ல வேண்டிய நிலை உள்ளது. அதையும் தாண்டி விபத்து மற்றும் குற்றச்சம்பவங்களில் தொடர்புடைய வாகனங்களை நிறுத்த இடம் இல்லாமல், பொதுமக்கள் பயன்படுத்தக்கூடிய சாலையிலேயே போடுகிறோம். இதெல்லாம் ஒரு நாள் இரண்டு நாளில் எடுக்கக்கூடிய வாகனங்களாக இருந்தால்கூட பரவாயில்லை. அனைத்தும் வழக்குகள் முடியும்வரையிலும் இங்குதான் கிடக்கின்றன.வழக்குகளில் சிக்கிய வாகனங்கள்

இதனால் காவல் நிலையத்துக்கு எதிரேயே கடும் போக்குவரத்து நெரிசல் ஏற்படுகிறது. இதையெல்லாம் எங்கள் மேலதிகாரிகள்தான் அரசு கவனத்துக்குக் கொண்டு செல்ல வேண்டும். ஆனால், இதுவரை அப்படிச் சென்றதாகத் தெரியவில்லை. இந்த நிலையில்தான், சேலம் மேற்கு சட்டமன்ற உறுப்பினர் அருள், காவல் நிலைய பிரச்னை குறித்து சட்டமன்றத்தில் இரண்டு முறை குரல் எழுப்பினார். ஆனால் அதில் எந்தவித பலனும் இல்லை” என்றனர்.அருள், பா.ம.க எம்.எல்.ஏ

மேலும் இது குறித்து சேலம் மேற்கு சட்டமன்ற உறுப்பினர் அருளிடம் பேசியபோது, “சம்பந்தப்பட்ட காவல் நிலையப் பிரச்னை குறித்து, நான் சட்டமன்றத்தில் குரல் கொடுத்தது உண்மைதான். ஆனால், அதனால் எந்த பலனும் இல்லை. தமிழக முதல்வரிடம்கூட இதுபற்றி தெரிவித்துவிட்டேன். ஆனால், அதிகாரிகள் மட்டத்தில் எந்தவித முயற்சிகளும் எடுக்கவில்லை. சமீபத்தில்கூட பள்ளப்பட்டி காவல் நிலையத்தை, அருகேயுள்ள பூமாலை வணிக வளாகத்துக்கு மாற்றலாம் என்று பேச்சு அடிப்பட்டது. அதற்குள் சம்பந்தப்பட்ட வளாகம் அனைத்தும் டெண்டர் விடப்பட்டுவிட்டது” என்றார்.சுட்டிக்காட்டிய விகடன்; சேலம் மாநகரக் காவல்துறையில், ஐ.எஸ் இன்ஸ்பெக்டர் நியமனம்!ஏ.கே.விஷ்வநாத்

இது குறித்து தமிழ்நாடு காவல்துறை வீட்டு வசதிக் கழகத்தின் நிர்வாக இயக்குநர் டி.ஜி.பி ஏ.கே.விஸ்வநாத்திடம் பேசியபோது, “புதிய கட்டடம் கட்டுவது தொடர்பாக சட்டம் மற்றும் ஒழுங்கு பிரிவிலிருந்து அப்ரூவல் கிடைத்து வந்த பிறகுதான், எங்களுக்கான வேலைகள் அதில் இருக்கும். இதற்கு இட வசதி, எவ்வளவு நிதிக்குள் கட்டடம் கட்ட வேண்டும் என்றெல்லாம் அரசு முடிவுசெய்து, எங்களுக்குத் தெரிவித்த பின்னரே, நாங்கள் எங்கள் தரப்பில் செய்ய வேண்டியதைச் செய்ய முடியும். இது குறித்து நானும் விசாரிக்கிறேன்” என்றார்.

இது தொடர்பாக சேலம் மாநகரக் காவல்துணை ஆணையர் கெளவுதம் கோயலிடம் பேசியபோது, “சம்பந்தப்பட்ட காவல் நிலையத்துக்கு மாற்று இடம் பார்த்திருக்கிறோம். பேருந்து நிலையம் அருகேயே இருக்கும் மாநகராட்சிக் கட்டடத்தைத்தான் தேர்வு செய்திருக்கிறோம். இது குறித்து மாநகராட்சி ஆணையரிடமும் பேசியிருக்கிறோம். இன்னும் இரண்டு மாதங்களில் காவல் நிலையம் மாற்றியமைக்கப்படும்” என்றார்.மாவட்ட ஆட்சியர் கார்மேகம்

மேலும் மாநகராட்சி ஆணையர் பாலச்சந்தரிடம் பேசியபோது, “இது தொடர்பாக நாங்கள் அனுமதி அளித்தது போன்று, எனக்குத் தெரியவில்லை. சம்பந்தப்பட்ட அதிகாரிகளிடம் பேசி பதிலளிக்கிறேன்” என்றார்.

இது குறித்து மாவட்ட ஆட்சியர் கார்மேகத்திடம் பேசியபோது, “காவல்துறை சார்பாக சொந்த கட்டடம் கட்டுவதற்கு இடம் பார்த்துவருகின்றனர். அது இப்போது வரையிலும் அமையவில்லை. அப்படி இடம் தேர்வு செய்யப்பட்டால் அப்ரூவலுக்கு என்னிடம் வரும்” என்றார்.  

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/46c3KEk">
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/46c3KEk">
https://bit.ly/46c3KEk />
சேலம்: எடப்பாடி பெயர் பொறித்த கல்வெட்டுகள் உடைப்பு; கொதிக்கும் அதிமுக-வினர் - இது கல்வெட்டு களேபரம்!


http://dlvr.it/Sy3mrr

Read More