எதிர்க்கட்சியினரை போனில் உளவு பார்க்கிறதா மத்திய அரசு? - சர்ச்சையும் பின்னணியும்!

தங்களின் ஆப்பிள் ஐ-போன்களை ஹேக் செய்து, ஒட்டுக்கேட்க முயற்சி நடைபெற்றிருப்பதாகப் பல்வேறு எதிர்க்கட்சிகளைச் சேர்ந்த எம்.பி-க்கள் `ஹேக்கிங் அலர்ட்' ஆதாரங்களுடன் குற்றம்சாட்டியிருப்பது, இந்திய அரசியலில் பெரும் அதிர்வலைகளை ஏற்படுத்தியிருக்கிறது. நாடளுமன்றத் தேர்தல் நெருங்கிவரும் சூழலில் இது போன்ற சம்பவம் நிகழ்ந்திருப்பது, பெரும் விவாதப்பொருளாக மாறியிருக்கிறது. ஐ போன் நிறுவனம்

ஆதாரத்துடன் குற்றம்சாட்டிய எதிர்க்கட்சித் தலைவர்கள்:

ஐ-போன்களைப் பொறுத்தவரையில் எளிதில் ஹேக் செய்ய முடியாது. விருப்பப்படும் சாஃப்ட்வேர் ஆப்களையெல்லாம் பயன்பாட்டாளர்களாலும்கூட தரவிறக்கம் செய்ய முடியாது. அதன் பாதுகாப்பு கருதியே பல்வேறு துறைப் பிரபலங்கள், தொழிலதிபர்கள், அரசியல் தலைவர்கள் எனப் பெரும்பாலானோரும் ஆப்பிள் போனை விலை அதிகம் என்றாலும்கூட வாங்கிப் பயன்படுத்துகிறார்கள். இந்த நிலையில், ஆப்பிள் ஐ-போன் பயன்படுத்திவரும் இந்திய எதிர்க்கட்சித் தலைவர்கள் பலரின் மொபைலுக்கு திடீரென ஆப்பிள் நிறுவனம் ஓர் அலர்ட் மெசேஜை அனுப்பியிருக்கிறது. அதில், `உங்கள் ஐ-போனை டார்கெட் செய்து ஹேக்கர்கள் அத்துமீறி ஊடுவ முயல்கின்றனர்' என எச்சரிக்கை செய்திருக்கிறது. பெகாசஸ் உளவு: ``மத்திய பாஜக அரசு விசாரணைக்கு ஒத்துழைக்கவில்லை!" - ஆய்வுக்குழு நீதிமன்றத்தில் தகவல்

இந்த அலர்ட் மெசேஜ் ஆம் ஆத்மி கட்சி எம்.பி ராகவ் சத்தா, திரிணாமுல் காங்கிரஸ் எம்.பி மஹுவா மொய்த்ரா, மார்க்சிஸ்ட் கம்யூனிஸ்ட் கட்சியின் பொதுச்செயலாளர் சீதாராம் யெச்சூரி, சிவசேனா - உத்தவ் தாக்கரே பிரிவு எம்.பி பிரியங்கா சதுர்வேதி, ஏ.ஐ.எம்.ஐ.எம் கட்சித் தலைவர் அசாதுதீன் ஒவைசி, தி வயர் செய்தி இணையதள ஆசிரியர் சித்தார்த் வரதராஜன் எனப் பலருக்கும் வந்திருக்கிறது. குறிப்பாக, காங்கிரஸ் கட்சித் தலைவர்கள் மல்லிகார்ஜுன கார்கே, கே.சி.வேணுகோபால், சசி தரூர், பவன் கேரா மற்றும் காங்கிரஸ் எம்.பி ராகுல் காந்தியின் அலுவலகத்தில் பணிபுரியும் மூன்று பேருக்கும் இதே போன்ற அலர்ட் மெசேஜ் ஆப்பிள் நிறுவனத்திடமிருந்து எச்சரிக்கையாக வந்திருக்கிறது. இந்த அலர்ட் மெசேஜை, அதாவது threat-notifications@apple.com என்ற ஆப்பிள் இ-மெயில் முகவிரியிலிருந்து வந்த எச்சரிக்கைச் செய்திகளை சம்பந்தப்பட்ட எதிர்க்கட்சித் தலைவர்கள் ஸ்கிரீன்ஷாட் எடுத்து, அதைத் தங்களின் `எக்ஸ்' வலைதளத்தில் பதிவிட்டு மத்திய அரசைக் கடுமையாகக் குற்றம்சாட்டியிருக்கின்றனர். மஹுவா மொய்த்ரா

குறிப்பாக, காங்கிரஸ் செய்தித் தொடர்பாளர் பவன் கேரா இந்த விவரங்களை எக்ஸ் தளத்தில் பகிர்ந்து, ``அன்புள்ள மோடி சர்கார், ஏன் இப்படிச் செய்கிறீர்கள்?" என்று குறிப்பிட்டிருக்கிறார். அதேபோல, சிவசேனா எம்.பி பிரியங்கா சதுர்வேதி மத்திய அரசைக் குறிப்பிட்டு, ``உங்களை நினைத்தால் வெட்கமாக இருக்கிறது. மத்திய உள்துறை அமைச்சகத்தின் கவனத்துக்கு... இது குறித்து விசாரிப்பீர்களா?" என்று கேள்வி எழுப்பியிருக்கிறார். காங்கிரஸ் எம்.பி ராகுல் காந்தி, ``எதிர்க்கட்சித் தலைவர்கள் மற்றும் எம்.பி-க்களின் செல்போன் ஹேக் செய்யப்படுவதாக ஆப்பிள் நிறுவனம் தெரிவித்திருக்கிறது. பா.ஜ.க., இளைஞர்களின் கவனத்தை திசைதிருப்ப முயல்கிறது. ஒரு சிலர் மட்டுமே இதற்கு எதிராகப் போராடுகிறார்கள். ஆனால், நாங்கள் இதற்கெல்லாம் பயப்பட மாட்டோம். உங்களுக்கு எவ்வளவு வேண்டுமோ ஒட்டுக்கேட்டுக்கொள்ளுங்கள். எனக்குக் கவலையில்லை. வேண்டுமென்றால் என் செல்போனையே தருகிறேன், எடுத்துக்கொள்ளுங்கள். செல்போன்களை ஒட்டுக்கேட்பது நேர்மையானவர்கள் செய்யும் செயலல்ல. குற்றவாளிகளும் திருடர்களும் செய்யும் செயல். ராகுல் காந்தி

வழக்கமாக மோடி, அமித் ஷாவைத்தான் நம்பர் 1, நம்பர் 2 என்று கூறுவார்கள். ஆனால், உண்மையிலேயே நம்பர் 1-ஆக இருப்பவர் அதானிதான். அதானிக்காகவே மோடியும், அமித் ஷாவும் வேலை செய்கிறார்கள். பிரச்னைகளை திசைதிருப்பவே மத்திய அரசு இது போன்ற முயற்சியை மேற்கொண்டுவருகிறது" எனக் கடுமையாக விமர்சித்தார். அதேபோல, வழக்கறிஞரும், காங்கிரஸ் எம்.பி-யுமான கபில் சிபல், ``தவறு செய்பவர்களை மத்திய அரசே தன் பக்கம் வைத்திருக்கிறது. பா.ஜ.க ஆட்சி அதிகாரத்துக்கு வந்ததிலிருந்து அரசியலமைப்புக்கு முரணான செயல்களையே செய்துவருகிறது. அரசியலமைப்பையே மோடி அரசாங்கம் தவறாகப் பயன்படுத்திக்கொண்டிருக்கிறது" எனக் குற்றம்சாட்டியிருக்கிறார்.இஸ்ரேலிடமிருந்து வாங்கப்பட்ட உளவுக்கருவிகள்... 140 கோடி மக்களையும் வேவு பார்க்கிறதா மோடி அரசு?

பா.ஜ.க கொடுத்த விளக்கம்:

இந்த நிலையில் எதிர்க்கட்சிகளின் குற்றச்சாட்டுக்கு பதிலளித்திருக்கும் மத்திய தகவல் தொழில்நுட்பத்துறை அமைச்சர் அஸ்வினி வைஷ்ணவ், ``இந்த விஷயத்தில் மத்திய அரசு அக்கறை செலுத்துகிறது. இது தொடர்பாக விசாரணை நடத்தப்படும். விசாரணைக்கு ஒத்துழைக்கும்படி, ஆப்பிள் நிறுவனத்துக்குக் கடிதம் அனுப்பப்பட்டிருக்கிறது. ஆப்பிள் நிறுவனத்தின் எச்சரிக்கை இந்தியாவுக்கு மட்டும் வரவில்லை, உலகம் முழுவதும் சுமார் 150 நாடுகளிலுள்ள மக்களுக்கு இது போன்ற எச்சரிக்கை அறிவிப்பை ஆப்பிள் நிறுவனம் அனுப்பியிருக்கிறது" எனத் தெரிவித்திருக்கிறார். அஸ்வினி வைஷ்ணவ்

அதேநேரம், மத்திய அமைச்சர் பியூஷ் கோயல், ``எதிர்க்கட்சித் தலைவர்களை யாராவது பிராங்க் (Prank) செய்திருக்கலாம் என்று நினைக்கிறேன். அவர்கள் அதிகாரபூர்வமாக புகாரளிக்க வேண்டும். அதனடிப்படையில் மத்திய அரசு சார்பில் உரிய நடவடிக்கைகள் எடுக்கப்படும். எதிர்க்கட்சிகள் மிகவும் பலவீனமான கட்டத்தை நோக்கிச் சென்றுகொண்டிருப்பதாக நினைக்கிறேன். அதனால்தான், அவர்கள் எல்லாவற்றிலும் சதி நடப்பதாகவே பார்க்கிறார்கள்" என விமர்சனம் செய்திருக்கிறார். மேலும், பா.ஜ.க ஐடி விங் பிரிவுத் தலைவர் அமித் மாள்வியா, ``ஆப்பிள் நிறுவனத்திடம் விளக்கம் கேட்கப்பட்டிருக்கிறது. விளக்கம் கிடைக்கும் வரை எதிர்க்கட்சிகள் காத்திருக்க வேண்டும்" எனத் தெரிவித்திருக்கிறார். பியூஷ் கோயல்

ஆப்பிள் சொன்ன விளக்கம்:

இந்த நிலையில் ஆப்பிள் நிறுவனம் தரப்பு, ``இந்திய அரசு ஆதரவுடன் உளவு பார்க்கப்படுவதாக நாங்கள் கூறவில்லை. இந்த ஹேக்கிங் எச்சரிக்கை தொடர்பான சில நோட்டிஃபிகேஷன்கள் தவறானவையாகவும் இருக்கலாம் அல்லது கண்டறியப்படாமலும் இருக்கலாம்" எனத் தெரிவித்திருக்கிறது.140 கோடி மக்களை உளவு பார்க்க இஸ்ரேலிருந்து SPYWARE வாங்குகிறதா இந்தியா? | The Imperfect Show


http://dlvr.it/SyKPsr

Read More

Tamil News Live Today: `ஐ.டி, அமலாக்கத்துறை எல்லாம் பாஜக-வின் அணிகள்!’ - உதயநிதி ஸ்டாலின்

`ஐ.டி, அமலாக்கத்துறை எல்லாம் பாஜக-வின் அணிகளாகி விட்டன’ - உதயநிதி ஸ்டாலின் 



நீட் விலக்கு கோரி திமுக நடத்தி வரும் கையெழுத்து இயக்கத்தில், தமிழக காங்கிரஸ் தலைவர் கே.எஸ்.அழகிரியிடம் கையெழுத்து பெற்றார், அமைச்சர் உதயநிதி ஸ்டாலின். இதற்காக இன்று அவர் சத்தியமூர்த்தி பவன் வந்தார். காங்கிரஸ் கட்சியின் மூத்த நிர்வாகிகள் பலரும் கையெழுத்து இயக்கத்தில் பங்கேற்று நீட் தேர்வுக்கு எதிராக கையெழுத்திட்டனர். 50 நாட்களில் 50 லட்சம் கையெழுத்துகள் பெறும் வகையில் இந்த இயக்கம் திமுகவால் நடத்தப்பட்டு வருகிறது.

பின்னர் செய்தியாளர்களிடம் பேசிய அமைச்சர் உதயநிதி, ``மத்தியில் ஆளும் பாஜகவின் அணிகளாக வருமானவரித் துறை, அமலாக்கத்துறை போன்ற விசாரணை அமைப்புகள் உள்ளன. விசாரணை அமைப்புகளை சட்டப்படி சந்திப்போம். நீட் எதிர்ப்பு கையெழுத்து இயக்கத்தை பொறுத்தவரையில் அனைத்து கூட்டணிக் கட்சிகளிடமும் கையெழுத்து பெற திட்டமிடப்பட்டுள்ளது” என்றார்.

தமிழகத்துக்கு நாளை 'ஆரஞ்ச்' அலர்ட்!

மழை

மிக கனமழை பெய்ய வாய்ப்பிருப்பதால், தமிழகத்துக்கு நாளை ‘ஆரஞ்ச்’ அலர்ட் விடுக்கப்பட்டிருக்கிறது. மாவட்ட நிர்வாகங்கள் உரிய முன்னேற்பாடுகளைச் செய்வதற்காக ஆரஞ்ச் நிற அலர்ட் கொடுக்கப்பட்டிருக்கிறது. தமிழகத்தில் வரும் 6-ம் தேதி வரை கனமழை தொடரும் என வானிலை ஆய்வு மையம் தகவல் தெரிவித்திருக்கிறது.

அமைச்சர் எ.வ.வேலு தொடர்புடைய 40-க்கும் மேற்பட்ட இடங்களில், வருமான வரித்துறை அதிரடிச் சோதனை!



பொதுப்பணிகள், நெடுஞ்சாலைகள் மற்றும் சிறு துறைமுகங்கள் ஆகிய துறைகளை கவனிக்கும் அமைச்சர் எ.வ.வேலுவுக்குச் சொந்தமான வீடு, கல்வி நிறுவனங்களில் இன்று காலை 7 மணி முதலே வருமான வரித்துறையினர் அதிரடியாகச் சோதனை நடத்திவருகின்றனர். சென்னை மற்றும் திருவண்ணாமலையில் மட்டும் அவருக்கு தொடர்புடைய சுமார் 40 இடங்களில், ஒரே நேரத்தில் சோதனை நடத்தப்பட்டுவருவதாக முதற்கட்ட தகவல்கள் வருகின்றன.


விரிவான தகவலுக்கு.... IT Raid: ஐ.டி ரேடாரில் அமைச்சர் எ.வ.வேலு - 40-க்கும் மேற்பட்ட இடங்களில் அதிரடிச் சோதனை!


அமைச்சர் எ.வ.வேலுவுக்குச் சொந்தமான இடங்களில் வருமான வரித்துறை சோதனை!



திருவண்ணாமலையில், பொதுப்பணித்துறை அமைச்சர் எ.வ.வேலு தொடர்புடைய இடங்களில் வருமான வரித்துறையினர் அதிரடியாகச் சோதனை நடத்திவருகின்றனர்.அமைச்சர் எ.வ.வேலு

எ.வ.வேலுவின் கல்வி நிறுவனங்களும் சோதனை வளையத்துக்குள் கொண்டுவரப்பட்டிருப்பதாகத் தகவல்கள் வெளியாகியிருக்கின்றன.`உயர் நீதிமன்ற மதுரைக் கிளை, கலைஞர் போட்ட பிச்சை!' - சர்ச்சைப் பேச்சுக்கு எ.வ.வேலு வருத்தம்


http://dlvr.it/SyKPS9

Read More

மணிப்பூர் வன்முறை: ``இரு சமூகத்தினரும் ஒன்றாக அமர்ந்து பேசி முடிவெடுக்க வேண்டும்!" - ராஜ்நாத் சிங்

மணிப்பூரில் குக்கி பழங்குடி சமூகத்துக்கும், பழங்குடியல்லாத மெய்தி  சமூகத்துக்கும் இடையிலான வன்முறை மே மாதம் முதல் தொடர்ந்து நடந்துகொண்டிருக்கிறது. நெருப்புக்கு இரையான வீடுகள், கடைகள், நூற்றுக்கும் மேற்பட்டோரின் மரணங்கள், பழங்குடிப் பெண்களுக்கு நேர்ந்த பாலியல் வன்கொடுமைகள் என அத்தனையும் நிகழ்ந்தபிறகும் மணிப்பூர் பற்றியெறிந்து கொண்டிருக்கிறது.மணிப்பூர் வன்முறை

இப்படியே ஆறு மாதங்கள் கடந்துவிட்டது. இன்னும், `வன்முறையைக் கட்டுக்குள் கொண்டுவருவதற்கான வேலைகளை செய்துகொண்டுதான் இருக்கிறோம்’ என்று பா.ஜ.க அரசு கூறிவருகிறது. இதற்கிடையில், மணிப்பூர் பதற்றம் நிறைந்த மாநிலமாகவும் அறிவிக்கப்பட்டு, அந்நிலை தொடர்கிறது.

இந்த நிலையில், குக்கி மற்றும் மெய்தி சமூகத்தினர் ஒன்றாக அமர்ந்து பேசி பிரச்னையை முடிவுக்கு கொண்டுவர வேண்டும் என மத்திய பாதுகாப்புத்துறை அமைச்சர் ராஜ்நாத் சிங் தெரிவித்திருக்கிறார். மிசோரமின் தெற்குப் பகுதியில் நடைபெற்ற தேர்தல் பேரணியில் உரையாற்றிய ராஜ்நாத் சிங், ``கடந்த ஒன்பது ஆண்டுகளாக வடகிழக்கு அமைதியாக இருக்கிறது. இருப்பினும் மணிப்பூர் வன்முறை எங்களுக்கு வேதனையளிக்கிறது.ராஜ்நாத் சிங்

எந்தவொரு பிரச்னைக்கும் வன்முறை தீர்வாகாது. இப்போது நமக்குத் தேவையானது, இதயங்களுக்கிடையிலான உரையாடல். எனவே, இரு சமூகத்தினரும் ஒன்றாக அமர்ந்து நம்பிக்கையின்மையை முடிவுக்குக் கொண்டுவருமாறு வேண்டுகோள் விடுக்கிறேன். இந்த வன்முறை எந்தவொரு அரசியல் கட்சியினாலும் நடக்கவில்லை. சில சூழ்நிலைகளால் இது நிகழ்ந்தது" என்று கூறினார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்... 
https://bit.ly/46c3KEk">
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்... 
https://bit.ly/46c3KEk">
https://bit.ly/46c3KEk />
Manipur: பதற்றம் நிறைந்த மாநிலமாக அறிவிக்கப்பட்ட மணிப்பூர்! - இனி வரும் நாள்கள் எப்படி இருக்கும்?


http://dlvr.it/SyGy8P

Read More

கார்ட்டூன்: பொய்யி.. பொய்யி..!

லீடர்


http://dlvr.it/SyGxjC

Read More

``PMLA சட்டத்தின்கீழ் ஜெட் ஏர்வேஸின் ரூ.538 கோடி மதிப்பிலான சொத்துகள் முடக்கம்!" - அமலாக்கத்துறை

ஜெட் ஏர்வேஸ் நிறுவனம் ரூ.538 கோடியளவில் கடன் மோசடி செய்ததாக சிபிஐ-யிடம் கனரா வங்கி புகாரளித்தது. அதாவது, நிறுவனத்துக்கு வழங்கப்பட்ட ரூ.848 கோடியில் ரூ.538 கோடி நிலுவையிலிருப்பதாகக் குற்றம்சாட்டியது. அதன்படி, ஜெட் ஏர்வேஸ் நிறுவனர் நரேஷ் கோயல், அவரின் மனைவி அனிதா, நிறுவனத்தின் முன்னாள் நிர்வாகிகள்மீது சிபிஐ வழக்கு பதிவுசெய்தது. பின்னர் இந்த வழக்கைக் கையிலெடுத்த அமலாக்கத்துறை, இதைப் பண மோசடி தடுப்புச் சட்டத்தின் (PMLA) கீழ் வழக்கு பதிவுசெய்தது.ஜெட் ஏர்வேஸ்

அதைத் தொடர்ந்து, கடந்த செப்டம்பர் 1-ம் தேதி, ஜெட் ஏர்வேஸ் நிறுவனர் நரேஷ் கோயலை அமலாக்கத்துறை கைதுசெய்து சிறையிலடைத்தது. இவ்வாறிருக்க, நேற்றைய தினம் டெல்லி நீதிமன்றத்தில் நரேஷ் கோயல் உட்பட ஐந்து பேர்மீது அமலாக்கத்துறை குற்றப்பத்திரிகை தாக்கல் செய்தது. அதில், ஜெட் ஏர்வேஸ் நிறுவனம் வெளிநாடுகளில் அறக்கட்டளையை நிறுவி, அதன் மூலம் வரும் பணத்தை, அசையா சொத்துககளை வாங்கப் பயன்படுத்தியதாகவும், ஜெட் ஏர்வேஸ் நிறுவனத்தால் வாங்கப்பட்ட கடன் மரச்சாமான்கள், ஆடைகள், நகைகள் போன்றவற்றை வாங்கப் பயன்படுத்தப்பட்டதாகவும் அமலாக்கத்துறை தெரிவித்தது.

இந்த நிலையில், ஜெட் ஏர்வேஸ் நிறுவனத்துக்குத் தொடர்புடைய ரூ.538 கோடி மதிப்பிலான சொத்துகளை அமலாக்கத்துறை தற்காலிகமாக முடக்கியிருக்கிறது. இது குறித்து அமலாக்கத்துறை தனது X வலைதளப் பக்கத்தில், ``ஜெட் ஏர்வேஸ் நிறுவனத்துக்கு எதிரான பண மோசடி விசாரணையில், பண மோசடி தடுப்புச் சட்டம் 2008-ன் கீழ் நிறுவனத்துக்குத் தொடர்புடைய ரூ.538 கோடி மதிப்பிலான சொத்துகளை அமலாக்கத்துறை தற்காலிகமாக முடக்கியிருக்கிறது.

ED has provisionally attached properties worth Rs 538.05 Crore under the provisions of PMLA, 2002 in the money laundering investigation against M/s Jet Airways (India) Limited (JIL). The attached properties include 17 residential flats/bungalows and commercial premises in the… pic.twitter.com/jJAOTaYG3o— ED (@dir_ed) November 1, 2023



இந்தச் சொத்துகளில் பல்வேறு நிறுவனங்கள் மற்றும் நபர்களின் பெயரில் 17 குடியிருப்புகள்/பங்களாக்கள் மற்றும் வணிக வளாகங்கள் இருக்கின்றன. குறிப்பாக அவை, Jetair Private Limited, Jet Enterprises Private Limited, Jet Airways (India) Limited-ன் நிறுவனர் தலைவர் நரேஷ் கோயல், அவரின் மனைவி திருமதி அனிதா கோயல், அவரின் மகன் நிவான் கோயல் ஆகியோர் பெயரில் லண்டன், துபாய் மற்றும் இந்தியாவின் பல்வேறு மாநிலங்களில் இருக்கின்றன" என்று பதிவிட்டிருக்கிறது.

2019-லேயே ஜெட் ஏர்வேஸ் நிறுவனம் தனது செயல்பாடுகளை நிறுத்தியது என்பதும், கடந்த மார்ச்சில் நிறுவனத்தின் தலைவர் பதவியிலிருந்து நரேஷ் கோயல் விலகினார் என்பதும் குறிப்பிடத்தக்கது.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/46c3KEk">
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/46c3KEk">
https://bit.ly/46c3KEk />
சங்கரய்யா டாக்டர் பட்டம்: ``காந்தியடிகளையே வேண்டாமென்று சொன்னவர்கள்" - ஆளுநரைச் சாடிய பொன்முடி


http://dlvr.it/SyGxGX

Read More

சங்கரய்யா டாக்டர் பட்டம்: ``காந்தியடிகளையே வேண்டாமென்று சொன்னவர்கள்" - ஆளுநரைச் சாடிய பொன்முடி

இந்திய சுதந்திரப் போராட்டத்தில் ஆங்கிலேயருக்கு எதிராகவும், சுதந்திரத்துக்குப் பின்பு உழைக்கும் மக்களின் உரிமைகளுக்காகவும் போராடி, தற்போது 101 வயதில் வாழும் வரலாறாகத் திகழும் சங்கரய்யாவுக்கு, மதுரை காமராசர் பல்கலைக்கழகம் கௌரவ டாக்டர் பட்டம் வழங்க முடிவுசெய்திருக்கிறது. ஆனாலும், அதற்கான கோப்புகளில் கையெழுத்திட ஆளுநர் ஆர்.என்.ரவி மறுத்துவருகிறார். இதனால், அரசியல் தலைவர்கள் மட்டுமல்லாமல், அரசியலுக்கு அப்பாற்பட்ட பலரும் ஆளுநர் ரவிக்கு கண்டங்கள் தெரிவித்துவருகின்றனர். தோழர் சங்கரய்யா

இப்படியிருக்க, மதுரை காமராசர் பல்கலைக்கழகத்தில் நாளை நடைபெறும் பட்டமளிப்பு விழாவில் ஆளுநர் ரவி கலந்துகொள்ளும் நிலையில், பட்டமளிப்பு விழாவை புறக்கணிப்பதாக உயர் கல்வித்துறை அமைச்சர் பொன்முடி தெரிவித்திருக்கிறார். அதோடு, பா.ஜ.க மற்றும் ஆர்.எஸ்.எஸ்-ஸுக்காகத்தான் சங்கரய்யாவுக்கு கௌரவ டாக்டர் பட்டத்தை வழங்க ஆளுநர் ரவி மறுப்பதாகவும் பொன்முடி விமர்சித்திருக்கிறார்.

இது தொடர்பாக சென்னையில் செய்தியாளர்களிடம் பேசிய பொன்முடி, ``சுதந்திரப் போராட்ட வீரராக இருந்த ஒருவருக்கு, இன்றளவும் மக்களுக்காகக் குரல் கொடுத்துவரும் ஒருவருக்கு, கௌரவ டாக்டர் பட்டம் கொடுக்க வேண்டும் என்று சிண்டிகேட் செனட் தீர்மானம் நிறைவேற்றி அனுப்பிய பிறகும் ஆளுநர் மறுத்திருக்கிறார். அதன் பிறகு மீண்டும் சிண்டிகேட் செனட் தீர்மானத்தை நிறைவேற்றி அனுப்பியிருக்கிறது. கௌரவ டாக்டர் பட்டம் வழங்கும் அதிகாரம், மதுரை காமராசர் பல்கலைக்கழக சட்டம் 1965, அத்தியாயம் 20 தொகுதி ஒன்றில் ஆட்சிப் பேரவைக்கு வழங்கப்பட்டிருக்கிறது.அமைச்சர் பொன்முடி

எந்தச் சட்டத்தையும் ஆளுநர் மதிப்பதில்லை. திராவிட மாடல், பொருளாதார சமத்துவம், சமூகநீதி பேசுபவர்களைக் கண்டாலே இவர்களுக்குப் பிடிப்பதில்லை. அதனால்தான் சங்கரய்யாவுக்கு கௌரவ டாக்டர் பட்டம் கொடுக்கக் கூடாது என்ற எண்ணத்தில் ஆளுநர் இருக்கிறார். முதன்முதலாக சங்கரய்யாவுக்கு `தகைசால் தமிழர் விருது’ வழங்கியபோதுகூட, அவருக்கு கொடுக்கப்பட்ட 25 லட்சத்தை வாங்காமல், `ஏழை மக்களுக்கு உதவுங்கள்’ என்று கூறியவருக்கு கௌரவ டாக்டர் பட்டம் வழங்க மறுக்கிறார்.

`சுதந்திரப் போராட்ட வீரர்கள்மீது தமிழக அரசுக்கு அக்கறை இல்லை’ என்று கூறும் இவர், கௌரவ டாக்டர் பட்டத்தைக் கொடுக்க வேண்டியதுதானே... எத்தனை முறை கோரிக்கை விடுத்தும் எதற்கும் அவர் செவி சாய்ப்பதாக இல்லை. அது என்ன செவி என்றே தெரியவில்லை. அவர், அந்தக் காலத்திலிருந்தே ஆர்.எஸ்.எஸ்-ஸில் இருந்தவர். அவர்களுக்கு சுதந்திரப் போராட்டக்காரர்கள் மீதெல்லாம் மதிப்பு கிடையாது. காந்தியடிகளையே வேண்டாம் என்று சொன்னவர்கள்தான் அவர்கள். அதிலிருந்து வந்தவர் என்பதால்தான் அந்த வெறித்தனத்தோடு பேசுகிறார். பா.ஜ.க-வுக்கும், ஆர்.எஸ்.எஸ்-ஸுக்கும் ஆதரவாகத்தான் இதையெல்லாம் அவர் செய்கிறார் என்று தெளிவாகத் தெரிகிறது. தினமும் பொய் பேசுவதையே தொழிலாகக்கொண்டிருக்கிறார்.ஆளுநர் ரவி

எனவே, இந்த நாட்டில் மாநில உரிமைகளைப் பறிக்கிற வகையில் ஆளுநர் செயல்படுகிறார் என்றால் அது கண்டிக்கத்தக்கது. நீங்கள் வேண்டுமானால் தேர்தலில் நின்று வெற்றிபெற்று வந்த பிறகு உங்கள் ஆர்.எஸ்.எஸ்., பா.ஜ.க கருத்துகளைப் பேசுங்கள். ஆனால், அதற்கெல்லாம் உங்களுக்குத் தைரியமில்லை. எனவே, சங்கரய்யாவுக்கு கௌரவ டாக்டர் பட்டம் வழங்க ஆளுநர் மறுப்பதால் நாளை நடைபெறவிருக்கின்ற பட்டமளிப்பு விழாவில் நான் கலந்துகொள்வதாக இல்லை. வேந்தர் என்ற பதவியைப் பயன்படுத்திக்கொண்டு எது வேண்டுமானாலும் செய்யலாம் என்று அவர் நினைக்கிறார். எனவேதான், வேந்தருக்கு எதிர்ப்பு தெரிவிக்கவேண்டிய கட்டாயம் இன்று ஏற்பட்டிருக்கிறது. அந்த அடிப்படையில் இந்தப் பட்டமளிப்பு விழாவைப் புறக்கணிக்கிறோம்" என்று கூறினார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/46c3KEk">
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/46c3KEk">
https://bit.ly/46c3KEk />
என்.சங்கரய்யா 100: ``வறுமையைப் போக்க வந்த நிறமே சிவப்பு'' - பொதுவுடைமை முழங்கிய நம் காலத்து நாயகர்!


http://dlvr.it/SyGwmC

Read More

”பவுன்சர்கள் பாதுகாப்புடன்தான் எடப்பாடி பழனிசாமி வந்தார்” - விளக்கும் திண்டுக்கல் சீனிவாசன்

தேவர் ஜயந்தியை முன்னிட்டு முத்துராமலிங்கத் தேவருக்கு அதிமுக சார்பில் அணிவிக்கப்பட்ட தங்கக் கவசத்தை மீண்டும் வங்கியில் ஒப்படைப்பதற்காக அதிமுக பொருளாளர் திண்டுக்கல் சீனிவாசன் மதுரைக்கு வந்திருந்தார்.தேவர் ஜயந்தியில் எடப்பாடி பழனிசாமி

அப்போது செய்தியாளர்களிடம் பேசும்போது, ``பசும்பொன்னில் எடப்பாடி பழனிசாமிக்கு எதிராக யார் கோஷமிட்டார்கள், யார் கல்வி வீசினார்கள் என்பது எங்களுக்குத் தெரியாது. ஊடகச் செய்தியை பார்த்த பின்புதான் தெரியும். நாங்கள் எல்லோரும் எடப்பாடியார் வண்டியில்தான் சென்றோம். அதனால் கல் எங்கு விழுந்தது என்று எங்களுக்குத் தெரியாது. தற்போது காவல்துறையினர் சிலரைப் பிடித்து விசாரித்துவருவதாகச் சொல்கிறார்கள். காவல்துறைதான் இதற்கு பதில் சொல்ல வேண்டும். பணம் கொடுத்தால் கல்வீசும் நபர்கள் இருக்கின்றனர். ஆளுநர் மாளிகையில் குண்டுவைத்தவன் நீட் தேர்வு பற்றி கூறியிருக்கிறான். அதேபோல் தற்போது கல்வீசியவர்கள் என்ன சொல்கிறார்கள் என்று பார்ப்போம்.

எடப்பாடி பழனிசாமிக்கு முதல்வருக்கு வழங்கியதுபோல் உரிய பாதுகாப்பு காவல்துறையால் கொடுக்கப்படவில்லை. முதலமைச்சர் வந்து சென்ற பிறகு காவல்துறையிடம் கட்டுப்பாடு இல்லை. அதனால்தான் அந்தச் சம்பவம் நடந்திருக்கிறது.

பவுன்சர்களின் பாதுகாப்புடன்தான் எடப்பாடி பசும்பொன்னுக்கு வந்தார். அதனால்தான் பாதுகாப்புடன் வந்து செல்ல முடிந்தது. காவல்துறை திட்டமிட்டு எங்களுக்கு முறையாக பாதுகாப்பு வழங்கவில்லை” என்றார். திண்டுக்கல் சீனிவாசன்

அப்போது செய்தியாளர்கள், ``கல்வீச்சு சம்பவத்தை ஓ.பி.எஸ் கண்டித்திருக்கிறாரே?’’ என்று கேட்டதற்கு...

``ஓ.பன்னீர்செல்வம் ஏன் இப்போது இரட்டை வேடம் போடுகிறார்...  தொட்டிலை ஆட்டிவிட்டு, பிள்ளையையும் கிள்ளிவிடுகிறார். இந்த நாடகமெல்லாம் அதிமுக-விடம் எடுபடாது. அவருடைய நீலிக்கண்ணீரைப் பலமுறை பார்த்துவிட்டோம். ஓ.பி.எஸ் ஏற்கெனவே பல தோல்விகளைச் சந்தித்திருக்கிறார். வாகனத்தின் மீது யார் கல் எறிந்தார்கள் என்பது அவர்களுக்குத் தெரியும். அதனால், மகாத்மா காந்தியைப்போல் ஓ.பி.எஸ்-ஸை ஒப்பிட வேண்டாம். ஓ.பி.எஸ்-ஸின் நாடகத்தை யாரும் நம்பத் தயாராக இல்லை. கோட்சே, மகாத்மா காந்தியை சுட்டது சரிதான் என்பதுபோல் இருக்கிறது’’ என்றவர்,


``எம்.ஜி.ஆர் ராம்நாடு சென்றபோது எப்படி வரவேற்பு அளிக்கப்பட்டதோ, ஜெயலலிதா தங்கக் கவசம் வைக்கும்போது எப்படி வரவேற்பு அளிக்கப்பட்டதோ அதேபோல் இம்மி அளவுகூட குறையாத வகையில், எடப்பாடியாரைச் சிறப்பாக வரவேற்று `எங்கள் ஆதரவு உங்களுக்குத்தான்’ என்று மக்கள் வெளிப்படுத்தியிருக்கிறார்கள். குறிப்பாகச் சொல்ல வேண்டுமென்றால், பசும்பொன்னில் கறுப்பு சிவப்பு சேலை அணிந்து நின்றுகொண்டிருந்த திமுக சகோதரிகள் அனைவரும் இரட்டை இலையைக் காண்பித்தார்கள். திமுக வேட்டியைக் கட்டியவர்கள்கூட `எடப்பாடியார் வாழ்க’ என்று கோஷமிட்டனர்" என்றார்.தங்கக்கவசம் ஒப்படைப்பு

``பிரதமராக எடப்பாடி பழனிசாமி தகுதி உள்ளவர் என்ற கேள்விக்கு அண்ணாமலை சிரித்திருக்கிறாரே?’’ என்ற கேள்விக்கு, ``அண்ணாமலையிடம் செய்தியாளர் கேட்ட கேள்வியே மிகக் கேவலமானது. அதிமுக-வின் இலக்கு 2026-ல் எடப்பாடி பழனிசாமியை மீண்டும் முதல்வராக்குவதுதான். அவர் ஏன் சிரித்தார் என்று அவரிடம் போய்க் கேளுங்கள்’’ என்றார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/46c3KEk">
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/46c3KEk">
https://bit.ly/46c3KEk />

http://dlvr.it/SyGwFC

Read More