IT Raid: ஐ.டி ரேடாரில் அமைச்சர் எ.வ.வேலு - 40-க்கும் மேற்பட்ட இடங்களில் அதிரடிச் சோதனை!

பொதுப்பணிகள், நெடுஞ்சாலைகள் மற்றும் சிறு துறைமுகங்கள் ஆகிய துறைகளை கவனிக்கும் அமைச்சர் எ.வ.வேலுவுக்குச் சொந்தமான வீடு, கல்வி நிறுவனங்களில் இன்று காலை 7 மணி முதலே வருமான வரித்துறையினர் அதிரடியாகச் சோதனை நடத்திவருகின்றனர். சென்னை மற்றும் திருவண்ணாமலையில் மட்டும் அவருக்குத் தொடர்புடைய சுமார் 40 இடங்களில், ஒரே நேரத்தில் சோதனை நடத்தப்பட்டுவருவதாக முதற்கட்ட தகவல்கள் வருகின்றன.

எ.வ.வேலுவுக்குச் சொந்தமான நிறுவனங்கள் மட்டுமல்லாமல், அவரின் உறவினர்கள் தலைமை வகிக்கும் நிறுவனங்களிலும் வருமான வரிச் சோதனை மேற்கொள்ளப்பட்டுவருகிறது. அதோடு பொதுப்பணித்துறை ஒப்பந்ததாரர்கள் வீட்டிலும் சோதனை நடத்தப்பட்டுவருகிறது. வரி ஏய்ப்பு ஏதேனும் நடந்திருக்கிறதா என்ற அடிப்படையில் இந்தச் சோதனை நடைபெற்றுவருவதாகக் கூறப்படுகிறது.எ.வ.வேலு - வருமான வரித்துறை சோதனை

ஏற்கெனவே, 2021 சட்டமன்றத் தேர்தல் சமயத்தில், எ.வ.வேலுவுக்குச் சொந்தமான இடங்களில் வருமான வரிச் சோதனை மேற்கொள்ளப்பட்டது. எ.வ.வேலுவின் குடும்ப உறுப்பினர்கள் பெயர்களில் மட்டும் 10 கல்வி நிறுவனங்கள், ஆறாயிரம் ஏக்கர் நிலம், ஸ்பின்னிங் மில், கிரானைட் கம்பெனி, ஃபைனான்ஸ் தொழில் ஆகியவை இருப்பதாகச் சொல்லப்படுகிறது. கடந்த ஏப்ரல் மாதம், பா.ஜ.க மாநிலத் தலைவர் அண்ணாமலை வெளியிட்டிருந்த தி.மு.க-வினர் தொடர்புடைய சொத்துப் பட்டியலிலும், அமைச்சர் எ.வ.வேலுவின் சொத்து மதிப்பு ரூ.5,552.39 கோடி எனத் தெரிவித்திருந்ததும், குறிப்பிட்டத்தக்கது.

இந்த நிலையில், கடந்த மாதம் முன்னாள் மத்திய அமைச்சரும், அரக்கோணம் தொகுதி தி.மு.க எம்.பி-யுமான ஜெகத்ரட்சகன் தொடர்புடைய இடங்களில் சோதனை மேற்கொள்ளப்பட்டது. அதில் ரூ.400 கோடி மதிப்பிலான கணக்கில் வராத கட்டண ரசீதுகள் கைப்பற்றப்பட்டிருப்பதாகத் தெரிவிக்கப்பட்டது. அதேபோல கடந்த ஜூலை மாதம் தமிழக உயர்கல்வித்துறை அமைச்சர் பொன்முடி வீட்டிலும் அமலாக்கத்துறை சோதனை மேற்கொண்டது. எ.வ.வேலு

அதற்கு முன்னதாக அமைச்சர் செந்தில் பாலாஜியை அமலாக்கத்துறை கைதுசெய்தது. அவர் தற்போது சிறையில் அடைக்கப்பட்டிருக்கிறார். இந்தச் சூழலில், தி.மு.க-வின் இரண்டாம் கட்டத் தலைவர்களுள் ஒருவரான அமைச்சர் எ.வ.வேலு தொடர்புடைய இடங்களில் வருமான வரித்துறை சோதனை மேற்கொண்டுவருவது, பரபரப்பை ஏற்படுத்தியிருக்கிறது.Tamil News Live Today: அமைச்சர் எ.வ.வேலுவுக்குச் சொந்தமான இடங்களில் வருமான வரித்துறை சோதனை!


http://dlvr.it/SyKQft

Read More

Maratha Quota Protest: உண்ணாவிரதத்தைக் கைவிட்ட மனோஜ் ஜராங்கே; மாநில அரசுக்கு ஜனவரி 2 வரை கெடு!

மகாராஷ்டிராவில் மராத்தா சமுதாய மக்களுக்கு வேலை மற்றும் கல்வியில் இட ஒதுக்கீடு வழங்க வேண்டும் என்று கோரி, கடந்த மாதம் 25-ம் தேதியிலிருந்து மராத்தா இட ஒதுக்கீடு ஒருங்கிணைப்பாளர் மனோஜ் ஜராங்கே தனது சொந்த கிராமத்தில் உண்ணாவிரதப் போராட்டம் நடத்திவந்தார். இந்தப் போராட்டம் காரணமாக மராத்தா சமுதாயத்தினர் மாநிலத்தில் ஆங்காங்கே வன்முறையில் ஈடுபட்டனர். எம்.எல்.ஏ-க்கள் வீடுகளுக்குத் தீவைக்கப்பட்டது. இதையடுத்து மாநில அரசு அனைத்துக்கட்சிக் கூட்டத்தைக் கூட்டி, இந்தப் பிரச்னை குறித்து ஆலோசித்தது. இதில் மராத்தா சமுதாயத்தின் இட ஒதுக்கீட்டுக்கு ஆதரவாகத் தீர்மானம் நிறைவேற்றப்பட்டது. அதோடு இட ஒதுக்கீட்டை நிறைவேற்ற சிறிது கால அவகாசம் தேவைப்படும் என்பதால், உண்ணாவிரதத்தைக் கைவிட்டு அரசுக்கு ஒத்துழைப்பு கொடுக்க வேண்டும் என்று அனைத்துக் கட்சிக் கூட்டத்தில் கேட்டுக்கொள்ளப்பட்டது.

இதையடுத்து நேற்று மாநில வேளாண்மைத்துறை அமைச்சர் தனஞ்சே முண்டே, தொழில்துறை அமைச்சர் உதய் சாவந்த், வீட்டு வசதித்துறை அமைச்சர் அதுல் சாவே ஆகியோர்கொண்ட குழு, மனோஜ் ஜராங்கேயுடன் இரண்டு மணி நேரம் பேச்சுவார்த்தை நடத்தியது. இந்தப் பேச்சுவார்த்தையைத் தொடர்ந்து உண்ணாவிரதப் போராட்டத்தைக் கைவிட மனோஜ் ஜராங்கே சம்மதம் தெரிவித்தார். உண்ணாவிரதப் போராட்டத்தைக் கைவிட்ட பிறகு, நிருபர்களுக்குப் பேட்டியளித்த மனோஜ் ஜராங்கே, ``நேரம் எடுத்துக்கொள்ளுங்கள். ஆனால், இட ஒதுக்கீடு கொடுங்கள். இதுவே உங்களுக்குக் கொடுக்கும் அதிகபட்ச கடைசி கால அவகாசம். இரண்டு மாதங்கள் எடுத்துக்கொள்ளுங்கள். அப்படி இட ஒதுக்கீடு கொடுக்கவில்லையெனில், மும்பையின் செயல்பாட்டை நிறுத்திவிடுவோம். ஜனவரி 2-ம் தேதி வரை அரசுக்குக் கால அவகாசம் கொடுக்கப்படுகிறது'' என்றார்.

உண்ணாவிரதப் போராட்டத்தைத் திரும்பப் பெற முடிவு செய்தபோது, மேடையில் இருந்த சிலர் `உண்ணாவிரதப் போராட்டத்தைத் தொடர வேண்டும்' என்று தெரிவித்தனர்.

அவர்களை அமைதிப்படுத்திய மனோஜ், ``இட ஒதுக்கீட்டுக்கு உத்தரவாதம் கொடுப்பதால், அரசுக்கு நாம் அவகாசம் கொடுக்க வேண்டும். அரசு இட ஒதுக்கீடு வழங்க கமிட்டி அமைத்திருக்கிறது. எனவே கூடுதல் அவகாசம் பிடிக்கும். ஆனால், அனைத்து மராத்தா சமுதாயத்துக்கும் இட ஒதுக்கீடு கிடைக்க உறுதிசெய்யுங்கள். மகாராஷ்டிரா அரசு மராத்வாடாவிலுள்ள மராத்தாக்களுக்கு குன்பி சமுதாயத்துக்கு வழங்கப்படும் சாதிச் சான்றிதழ் வழங்கத் தயாராக இருப்பதாகத் தெரிவித்திருக்கிறது.மனோஜ்

ஆனால், மகாராஷ்டிரா முழுவதும் இருக்கும் மராத்தாக்களுக்கு அந்தச் சான்றிதழ் கொடுக்கப்பட வேண்டும் என்பதே எங்களது கோரிக்கையாகும். எனவேதான், அரசுக்குக் கூடுதல் அவகாசம் கொடுத்திருக்கிறோம்'' என்று தெரிவித்தார். மகாராஷ்டிரா அமைச்சர்கள் மனோஜ் ஜராங்கேயைச் சந்தித்துப் பேசுவதற்கு முன்பாக, மாநில அரசு நியமித்திருக்கும் கமிட்டியில் இடம்பெற்றிருக்கும் நீதிபதி சுனில், முன்னாள் பிற்படுத்தப்பட்டோர் கமிஷன் தலைவர் கெய்க்வாட் ஆகியோர் மனோஜைச் சந்தித்து, உடனே இட ஒதுக்கீடு வழங்குவதிலுள்ள சிக்கல்கள் குறித்து எடுத்துக் கூறினார்கள்.

மேலும் நிச்சயம் இட ஒதுக்கீடு வழங்கப்படும் என்றும், அதேசமயம் அதற்குக் கால அவசாகம் தேவை என்றும் தெரிவித்தனர். இந்தச் சந்திப்புக்கு சுயேச்சை எம்.எல்.ஏ பச்சுக்காடு ஏற்பாடு செய்தார். மனோஜ், மாநில அரசிடம் ஐந்து கோரிக்கைகளை முன்வைத்திருக்கிறார். அதில் மராத்தா சமுதாயத்தினரைக் கணக்கெடுப்பு செய்ய ஒன்றுக்கும் மேற்பட்ட அமைப்பை நியமிக்க வேண்டும் என்றும், கணக்கெடுப்பை தாமதப்படுத்தக் கூடாது என்றும் தெரிவித்தார். முதல்வர் ஏக்நாத் ஷிண்டேயும் மராத்தா சமூகத்துக்கு நிச்சயம் இட ஒதுக்கீடு வழங்கப்படும் என்று உறுதியளித்திருக்கிறார்.Maratha Quota Protest: தேசியவாத காங்கிரஸ் எம்.எல்.ஏ வீட்டுக்குத் தீவைத்த போராட்டக்காரர்கள்!


http://dlvr.it/SyKQJ6

Read More

எதிர்க்கட்சியினரை போனில் உளவு பார்க்கிறதா மத்திய அரசு? - சர்ச்சையும் பின்னணியும்!

தங்களின் ஆப்பிள் ஐ-போன்களை ஹேக் செய்து, ஒட்டுக்கேட்க முயற்சி நடைபெற்றிருப்பதாகப் பல்வேறு எதிர்க்கட்சிகளைச் சேர்ந்த எம்.பி-க்கள் `ஹேக்கிங் அலர்ட்' ஆதாரங்களுடன் குற்றம்சாட்டியிருப்பது, இந்திய அரசியலில் பெரும் அதிர்வலைகளை ஏற்படுத்தியிருக்கிறது. நாடளுமன்றத் தேர்தல் நெருங்கிவரும் சூழலில் இது போன்ற சம்பவம் நிகழ்ந்திருப்பது, பெரும் விவாதப்பொருளாக மாறியிருக்கிறது. ஐ போன் நிறுவனம்

ஆதாரத்துடன் குற்றம்சாட்டிய எதிர்க்கட்சித் தலைவர்கள்:

ஐ-போன்களைப் பொறுத்தவரையில் எளிதில் ஹேக் செய்ய முடியாது. விருப்பப்படும் சாஃப்ட்வேர் ஆப்களையெல்லாம் பயன்பாட்டாளர்களாலும்கூட தரவிறக்கம் செய்ய முடியாது. அதன் பாதுகாப்பு கருதியே பல்வேறு துறைப் பிரபலங்கள், தொழிலதிபர்கள், அரசியல் தலைவர்கள் எனப் பெரும்பாலானோரும் ஆப்பிள் போனை விலை அதிகம் என்றாலும்கூட வாங்கிப் பயன்படுத்துகிறார்கள். இந்த நிலையில், ஆப்பிள் ஐ-போன் பயன்படுத்திவரும் இந்திய எதிர்க்கட்சித் தலைவர்கள் பலரின் மொபைலுக்கு திடீரென ஆப்பிள் நிறுவனம் ஓர் அலர்ட் மெசேஜை அனுப்பியிருக்கிறது. அதில், `உங்கள் ஐ-போனை டார்கெட் செய்து ஹேக்கர்கள் அத்துமீறி ஊடுவ முயல்கின்றனர்' என எச்சரிக்கை செய்திருக்கிறது. பெகாசஸ் உளவு: ``மத்திய பாஜக அரசு விசாரணைக்கு ஒத்துழைக்கவில்லை!" - ஆய்வுக்குழு நீதிமன்றத்தில் தகவல்

இந்த அலர்ட் மெசேஜ் ஆம் ஆத்மி கட்சி எம்.பி ராகவ் சத்தா, திரிணாமுல் காங்கிரஸ் எம்.பி மஹுவா மொய்த்ரா, மார்க்சிஸ்ட் கம்யூனிஸ்ட் கட்சியின் பொதுச்செயலாளர் சீதாராம் யெச்சூரி, சிவசேனா - உத்தவ் தாக்கரே பிரிவு எம்.பி பிரியங்கா சதுர்வேதி, ஏ.ஐ.எம்.ஐ.எம் கட்சித் தலைவர் அசாதுதீன் ஒவைசி, தி வயர் செய்தி இணையதள ஆசிரியர் சித்தார்த் வரதராஜன் எனப் பலருக்கும் வந்திருக்கிறது. குறிப்பாக, காங்கிரஸ் கட்சித் தலைவர்கள் மல்லிகார்ஜுன கார்கே, கே.சி.வேணுகோபால், சசி தரூர், பவன் கேரா மற்றும் காங்கிரஸ் எம்.பி ராகுல் காந்தியின் அலுவலகத்தில் பணிபுரியும் மூன்று பேருக்கும் இதே போன்ற அலர்ட் மெசேஜ் ஆப்பிள் நிறுவனத்திடமிருந்து எச்சரிக்கையாக வந்திருக்கிறது. இந்த அலர்ட் மெசேஜை, அதாவது threat-notifications@apple.com என்ற ஆப்பிள் இ-மெயில் முகவிரியிலிருந்து வந்த எச்சரிக்கைச் செய்திகளை சம்பந்தப்பட்ட எதிர்க்கட்சித் தலைவர்கள் ஸ்கிரீன்ஷாட் எடுத்து, அதைத் தங்களின் `எக்ஸ்' வலைதளத்தில் பதிவிட்டு மத்திய அரசைக் கடுமையாகக் குற்றம்சாட்டியிருக்கின்றனர். மஹுவா மொய்த்ரா

குறிப்பாக, காங்கிரஸ் செய்தித் தொடர்பாளர் பவன் கேரா இந்த விவரங்களை எக்ஸ் தளத்தில் பகிர்ந்து, ``அன்புள்ள மோடி சர்கார், ஏன் இப்படிச் செய்கிறீர்கள்?" என்று குறிப்பிட்டிருக்கிறார். அதேபோல, சிவசேனா எம்.பி பிரியங்கா சதுர்வேதி மத்திய அரசைக் குறிப்பிட்டு, ``உங்களை நினைத்தால் வெட்கமாக இருக்கிறது. மத்திய உள்துறை அமைச்சகத்தின் கவனத்துக்கு... இது குறித்து விசாரிப்பீர்களா?" என்று கேள்வி எழுப்பியிருக்கிறார். காங்கிரஸ் எம்.பி ராகுல் காந்தி, ``எதிர்க்கட்சித் தலைவர்கள் மற்றும் எம்.பி-க்களின் செல்போன் ஹேக் செய்யப்படுவதாக ஆப்பிள் நிறுவனம் தெரிவித்திருக்கிறது. பா.ஜ.க., இளைஞர்களின் கவனத்தை திசைதிருப்ப முயல்கிறது. ஒரு சிலர் மட்டுமே இதற்கு எதிராகப் போராடுகிறார்கள். ஆனால், நாங்கள் இதற்கெல்லாம் பயப்பட மாட்டோம். உங்களுக்கு எவ்வளவு வேண்டுமோ ஒட்டுக்கேட்டுக்கொள்ளுங்கள். எனக்குக் கவலையில்லை. வேண்டுமென்றால் என் செல்போனையே தருகிறேன், எடுத்துக்கொள்ளுங்கள். செல்போன்களை ஒட்டுக்கேட்பது நேர்மையானவர்கள் செய்யும் செயலல்ல. குற்றவாளிகளும் திருடர்களும் செய்யும் செயல். ராகுல் காந்தி

வழக்கமாக மோடி, அமித் ஷாவைத்தான் நம்பர் 1, நம்பர் 2 என்று கூறுவார்கள். ஆனால், உண்மையிலேயே நம்பர் 1-ஆக இருப்பவர் அதானிதான். அதானிக்காகவே மோடியும், அமித் ஷாவும் வேலை செய்கிறார்கள். பிரச்னைகளை திசைதிருப்பவே மத்திய அரசு இது போன்ற முயற்சியை மேற்கொண்டுவருகிறது" எனக் கடுமையாக விமர்சித்தார். அதேபோல, வழக்கறிஞரும், காங்கிரஸ் எம்.பி-யுமான கபில் சிபல், ``தவறு செய்பவர்களை மத்திய அரசே தன் பக்கம் வைத்திருக்கிறது. பா.ஜ.க ஆட்சி அதிகாரத்துக்கு வந்ததிலிருந்து அரசியலமைப்புக்கு முரணான செயல்களையே செய்துவருகிறது. அரசியலமைப்பையே மோடி அரசாங்கம் தவறாகப் பயன்படுத்திக்கொண்டிருக்கிறது" எனக் குற்றம்சாட்டியிருக்கிறார்.இஸ்ரேலிடமிருந்து வாங்கப்பட்ட உளவுக்கருவிகள்... 140 கோடி மக்களையும் வேவு பார்க்கிறதா மோடி அரசு?

பா.ஜ.க கொடுத்த விளக்கம்:

இந்த நிலையில் எதிர்க்கட்சிகளின் குற்றச்சாட்டுக்கு பதிலளித்திருக்கும் மத்திய தகவல் தொழில்நுட்பத்துறை அமைச்சர் அஸ்வினி வைஷ்ணவ், ``இந்த விஷயத்தில் மத்திய அரசு அக்கறை செலுத்துகிறது. இது தொடர்பாக விசாரணை நடத்தப்படும். விசாரணைக்கு ஒத்துழைக்கும்படி, ஆப்பிள் நிறுவனத்துக்குக் கடிதம் அனுப்பப்பட்டிருக்கிறது. ஆப்பிள் நிறுவனத்தின் எச்சரிக்கை இந்தியாவுக்கு மட்டும் வரவில்லை, உலகம் முழுவதும் சுமார் 150 நாடுகளிலுள்ள மக்களுக்கு இது போன்ற எச்சரிக்கை அறிவிப்பை ஆப்பிள் நிறுவனம் அனுப்பியிருக்கிறது" எனத் தெரிவித்திருக்கிறார். அஸ்வினி வைஷ்ணவ்

அதேநேரம், மத்திய அமைச்சர் பியூஷ் கோயல், ``எதிர்க்கட்சித் தலைவர்களை யாராவது பிராங்க் (Prank) செய்திருக்கலாம் என்று நினைக்கிறேன். அவர்கள் அதிகாரபூர்வமாக புகாரளிக்க வேண்டும். அதனடிப்படையில் மத்திய அரசு சார்பில் உரிய நடவடிக்கைகள் எடுக்கப்படும். எதிர்க்கட்சிகள் மிகவும் பலவீனமான கட்டத்தை நோக்கிச் சென்றுகொண்டிருப்பதாக நினைக்கிறேன். அதனால்தான், அவர்கள் எல்லாவற்றிலும் சதி நடப்பதாகவே பார்க்கிறார்கள்" என விமர்சனம் செய்திருக்கிறார். மேலும், பா.ஜ.க ஐடி விங் பிரிவுத் தலைவர் அமித் மாள்வியா, ``ஆப்பிள் நிறுவனத்திடம் விளக்கம் கேட்கப்பட்டிருக்கிறது. விளக்கம் கிடைக்கும் வரை எதிர்க்கட்சிகள் காத்திருக்க வேண்டும்" எனத் தெரிவித்திருக்கிறார். பியூஷ் கோயல்

ஆப்பிள் சொன்ன விளக்கம்:

இந்த நிலையில் ஆப்பிள் நிறுவனம் தரப்பு, ``இந்திய அரசு ஆதரவுடன் உளவு பார்க்கப்படுவதாக நாங்கள் கூறவில்லை. இந்த ஹேக்கிங் எச்சரிக்கை தொடர்பான சில நோட்டிஃபிகேஷன்கள் தவறானவையாகவும் இருக்கலாம் அல்லது கண்டறியப்படாமலும் இருக்கலாம்" எனத் தெரிவித்திருக்கிறது.140 கோடி மக்களை உளவு பார்க்க இஸ்ரேலிருந்து SPYWARE வாங்குகிறதா இந்தியா? | The Imperfect Show


http://dlvr.it/SyKPsr

Read More

Tamil News Live Today: `ஐ.டி, அமலாக்கத்துறை எல்லாம் பாஜக-வின் அணிகள்!’ - உதயநிதி ஸ்டாலின்

`ஐ.டி, அமலாக்கத்துறை எல்லாம் பாஜக-வின் அணிகளாகி விட்டன’ - உதயநிதி ஸ்டாலின் 



நீட் விலக்கு கோரி திமுக நடத்தி வரும் கையெழுத்து இயக்கத்தில், தமிழக காங்கிரஸ் தலைவர் கே.எஸ்.அழகிரியிடம் கையெழுத்து பெற்றார், அமைச்சர் உதயநிதி ஸ்டாலின். இதற்காக இன்று அவர் சத்தியமூர்த்தி பவன் வந்தார். காங்கிரஸ் கட்சியின் மூத்த நிர்வாகிகள் பலரும் கையெழுத்து இயக்கத்தில் பங்கேற்று நீட் தேர்வுக்கு எதிராக கையெழுத்திட்டனர். 50 நாட்களில் 50 லட்சம் கையெழுத்துகள் பெறும் வகையில் இந்த இயக்கம் திமுகவால் நடத்தப்பட்டு வருகிறது.

பின்னர் செய்தியாளர்களிடம் பேசிய அமைச்சர் உதயநிதி, ``மத்தியில் ஆளும் பாஜகவின் அணிகளாக வருமானவரித் துறை, அமலாக்கத்துறை போன்ற விசாரணை அமைப்புகள் உள்ளன. விசாரணை அமைப்புகளை சட்டப்படி சந்திப்போம். நீட் எதிர்ப்பு கையெழுத்து இயக்கத்தை பொறுத்தவரையில் அனைத்து கூட்டணிக் கட்சிகளிடமும் கையெழுத்து பெற திட்டமிடப்பட்டுள்ளது” என்றார்.

தமிழகத்துக்கு நாளை 'ஆரஞ்ச்' அலர்ட்!

மழை

மிக கனமழை பெய்ய வாய்ப்பிருப்பதால், தமிழகத்துக்கு நாளை ‘ஆரஞ்ச்’ அலர்ட் விடுக்கப்பட்டிருக்கிறது. மாவட்ட நிர்வாகங்கள் உரிய முன்னேற்பாடுகளைச் செய்வதற்காக ஆரஞ்ச் நிற அலர்ட் கொடுக்கப்பட்டிருக்கிறது. தமிழகத்தில் வரும் 6-ம் தேதி வரை கனமழை தொடரும் என வானிலை ஆய்வு மையம் தகவல் தெரிவித்திருக்கிறது.

அமைச்சர் எ.வ.வேலு தொடர்புடைய 40-க்கும் மேற்பட்ட இடங்களில், வருமான வரித்துறை அதிரடிச் சோதனை!



பொதுப்பணிகள், நெடுஞ்சாலைகள் மற்றும் சிறு துறைமுகங்கள் ஆகிய துறைகளை கவனிக்கும் அமைச்சர் எ.வ.வேலுவுக்குச் சொந்தமான வீடு, கல்வி நிறுவனங்களில் இன்று காலை 7 மணி முதலே வருமான வரித்துறையினர் அதிரடியாகச் சோதனை நடத்திவருகின்றனர். சென்னை மற்றும் திருவண்ணாமலையில் மட்டும் அவருக்கு தொடர்புடைய சுமார் 40 இடங்களில், ஒரே நேரத்தில் சோதனை நடத்தப்பட்டுவருவதாக முதற்கட்ட தகவல்கள் வருகின்றன.


விரிவான தகவலுக்கு.... IT Raid: ஐ.டி ரேடாரில் அமைச்சர் எ.வ.வேலு - 40-க்கும் மேற்பட்ட இடங்களில் அதிரடிச் சோதனை!


அமைச்சர் எ.வ.வேலுவுக்குச் சொந்தமான இடங்களில் வருமான வரித்துறை சோதனை!



திருவண்ணாமலையில், பொதுப்பணித்துறை அமைச்சர் எ.வ.வேலு தொடர்புடைய இடங்களில் வருமான வரித்துறையினர் அதிரடியாகச் சோதனை நடத்திவருகின்றனர்.அமைச்சர் எ.வ.வேலு

எ.வ.வேலுவின் கல்வி நிறுவனங்களும் சோதனை வளையத்துக்குள் கொண்டுவரப்பட்டிருப்பதாகத் தகவல்கள் வெளியாகியிருக்கின்றன.`உயர் நீதிமன்ற மதுரைக் கிளை, கலைஞர் போட்ட பிச்சை!' - சர்ச்சைப் பேச்சுக்கு எ.வ.வேலு வருத்தம்


http://dlvr.it/SyKPS9

Read More

மணிப்பூர் வன்முறை: ``இரு சமூகத்தினரும் ஒன்றாக அமர்ந்து பேசி முடிவெடுக்க வேண்டும்!" - ராஜ்நாத் சிங்

மணிப்பூரில் குக்கி பழங்குடி சமூகத்துக்கும், பழங்குடியல்லாத மெய்தி  சமூகத்துக்கும் இடையிலான வன்முறை மே மாதம் முதல் தொடர்ந்து நடந்துகொண்டிருக்கிறது. நெருப்புக்கு இரையான வீடுகள், கடைகள், நூற்றுக்கும் மேற்பட்டோரின் மரணங்கள், பழங்குடிப் பெண்களுக்கு நேர்ந்த பாலியல் வன்கொடுமைகள் என அத்தனையும் நிகழ்ந்தபிறகும் மணிப்பூர் பற்றியெறிந்து கொண்டிருக்கிறது.மணிப்பூர் வன்முறை

இப்படியே ஆறு மாதங்கள் கடந்துவிட்டது. இன்னும், `வன்முறையைக் கட்டுக்குள் கொண்டுவருவதற்கான வேலைகளை செய்துகொண்டுதான் இருக்கிறோம்’ என்று பா.ஜ.க அரசு கூறிவருகிறது. இதற்கிடையில், மணிப்பூர் பதற்றம் நிறைந்த மாநிலமாகவும் அறிவிக்கப்பட்டு, அந்நிலை தொடர்கிறது.

இந்த நிலையில், குக்கி மற்றும் மெய்தி சமூகத்தினர் ஒன்றாக அமர்ந்து பேசி பிரச்னையை முடிவுக்கு கொண்டுவர வேண்டும் என மத்திய பாதுகாப்புத்துறை அமைச்சர் ராஜ்நாத் சிங் தெரிவித்திருக்கிறார். மிசோரமின் தெற்குப் பகுதியில் நடைபெற்ற தேர்தல் பேரணியில் உரையாற்றிய ராஜ்நாத் சிங், ``கடந்த ஒன்பது ஆண்டுகளாக வடகிழக்கு அமைதியாக இருக்கிறது. இருப்பினும் மணிப்பூர் வன்முறை எங்களுக்கு வேதனையளிக்கிறது.ராஜ்நாத் சிங்

எந்தவொரு பிரச்னைக்கும் வன்முறை தீர்வாகாது. இப்போது நமக்குத் தேவையானது, இதயங்களுக்கிடையிலான உரையாடல். எனவே, இரு சமூகத்தினரும் ஒன்றாக அமர்ந்து நம்பிக்கையின்மையை முடிவுக்குக் கொண்டுவருமாறு வேண்டுகோள் விடுக்கிறேன். இந்த வன்முறை எந்தவொரு அரசியல் கட்சியினாலும் நடக்கவில்லை. சில சூழ்நிலைகளால் இது நிகழ்ந்தது" என்று கூறினார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்... 
https://bit.ly/46c3KEk">
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்... 
https://bit.ly/46c3KEk">
https://bit.ly/46c3KEk />
Manipur: பதற்றம் நிறைந்த மாநிலமாக அறிவிக்கப்பட்ட மணிப்பூர்! - இனி வரும் நாள்கள் எப்படி இருக்கும்?


http://dlvr.it/SyGy8P

Read More

கார்ட்டூன்: பொய்யி.. பொய்யி..!

லீடர்


http://dlvr.it/SyGxjC

Read More

``PMLA சட்டத்தின்கீழ் ஜெட் ஏர்வேஸின் ரூ.538 கோடி மதிப்பிலான சொத்துகள் முடக்கம்!" - அமலாக்கத்துறை

ஜெட் ஏர்வேஸ் நிறுவனம் ரூ.538 கோடியளவில் கடன் மோசடி செய்ததாக சிபிஐ-யிடம் கனரா வங்கி புகாரளித்தது. அதாவது, நிறுவனத்துக்கு வழங்கப்பட்ட ரூ.848 கோடியில் ரூ.538 கோடி நிலுவையிலிருப்பதாகக் குற்றம்சாட்டியது. அதன்படி, ஜெட் ஏர்வேஸ் நிறுவனர் நரேஷ் கோயல், அவரின் மனைவி அனிதா, நிறுவனத்தின் முன்னாள் நிர்வாகிகள்மீது சிபிஐ வழக்கு பதிவுசெய்தது. பின்னர் இந்த வழக்கைக் கையிலெடுத்த அமலாக்கத்துறை, இதைப் பண மோசடி தடுப்புச் சட்டத்தின் (PMLA) கீழ் வழக்கு பதிவுசெய்தது.ஜெட் ஏர்வேஸ்

அதைத் தொடர்ந்து, கடந்த செப்டம்பர் 1-ம் தேதி, ஜெட் ஏர்வேஸ் நிறுவனர் நரேஷ் கோயலை அமலாக்கத்துறை கைதுசெய்து சிறையிலடைத்தது. இவ்வாறிருக்க, நேற்றைய தினம் டெல்லி நீதிமன்றத்தில் நரேஷ் கோயல் உட்பட ஐந்து பேர்மீது அமலாக்கத்துறை குற்றப்பத்திரிகை தாக்கல் செய்தது. அதில், ஜெட் ஏர்வேஸ் நிறுவனம் வெளிநாடுகளில் அறக்கட்டளையை நிறுவி, அதன் மூலம் வரும் பணத்தை, அசையா சொத்துககளை வாங்கப் பயன்படுத்தியதாகவும், ஜெட் ஏர்வேஸ் நிறுவனத்தால் வாங்கப்பட்ட கடன் மரச்சாமான்கள், ஆடைகள், நகைகள் போன்றவற்றை வாங்கப் பயன்படுத்தப்பட்டதாகவும் அமலாக்கத்துறை தெரிவித்தது.

இந்த நிலையில், ஜெட் ஏர்வேஸ் நிறுவனத்துக்குத் தொடர்புடைய ரூ.538 கோடி மதிப்பிலான சொத்துகளை அமலாக்கத்துறை தற்காலிகமாக முடக்கியிருக்கிறது. இது குறித்து அமலாக்கத்துறை தனது X வலைதளப் பக்கத்தில், ``ஜெட் ஏர்வேஸ் நிறுவனத்துக்கு எதிரான பண மோசடி விசாரணையில், பண மோசடி தடுப்புச் சட்டம் 2008-ன் கீழ் நிறுவனத்துக்குத் தொடர்புடைய ரூ.538 கோடி மதிப்பிலான சொத்துகளை அமலாக்கத்துறை தற்காலிகமாக முடக்கியிருக்கிறது.

ED has provisionally attached properties worth Rs 538.05 Crore under the provisions of PMLA, 2002 in the money laundering investigation against M/s Jet Airways (India) Limited (JIL). The attached properties include 17 residential flats/bungalows and commercial premises in the… pic.twitter.com/jJAOTaYG3o— ED (@dir_ed) November 1, 2023



இந்தச் சொத்துகளில் பல்வேறு நிறுவனங்கள் மற்றும் நபர்களின் பெயரில் 17 குடியிருப்புகள்/பங்களாக்கள் மற்றும் வணிக வளாகங்கள் இருக்கின்றன. குறிப்பாக அவை, Jetair Private Limited, Jet Enterprises Private Limited, Jet Airways (India) Limited-ன் நிறுவனர் தலைவர் நரேஷ் கோயல், அவரின் மனைவி திருமதி அனிதா கோயல், அவரின் மகன் நிவான் கோயல் ஆகியோர் பெயரில் லண்டன், துபாய் மற்றும் இந்தியாவின் பல்வேறு மாநிலங்களில் இருக்கின்றன" என்று பதிவிட்டிருக்கிறது.

2019-லேயே ஜெட் ஏர்வேஸ் நிறுவனம் தனது செயல்பாடுகளை நிறுத்தியது என்பதும், கடந்த மார்ச்சில் நிறுவனத்தின் தலைவர் பதவியிலிருந்து நரேஷ் கோயல் விலகினார் என்பதும் குறிப்பிடத்தக்கது.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/46c3KEk">
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/46c3KEk">
https://bit.ly/46c3KEk />
சங்கரய்யா டாக்டர் பட்டம்: ``காந்தியடிகளையே வேண்டாமென்று சொன்னவர்கள்" - ஆளுநரைச் சாடிய பொன்முடி


http://dlvr.it/SyGxGX

Read More