``பொருளாதார சுதந்திரம் கிடைக்க இவர்கள்தான் காரணம்” -இன்ஃபோசிஸ் நாராயண மூர்த்தி சொன்ன மூவர் யார்?

சமீபத்தில் வாரத்துக்கு 70 மணி நேரம் வேலை பார்க்க வேண்டும் என்று கூறி சர்ச்சையில் சிக்கிய இன்ஃபோசிஸ் நிறுவனர் நாராயண மூர்த்தி இப்போது இன்னொரு விஷயத்தைப் பற்றி பேசி பரபரப்பைக் கிளப்பியிருக்கிறார்.

இன்ஃபோசிஸ் நாராயண மூர்த்தி 'தி ரெக்கார்ட்' என்ற மோகன்தாஸ் பை பாட்காஸ்டில் பேசும்போது, இந்தியாவுக்கு 1947ல் அரசியல் ரீதியான சுதந்திரம் கிடைத்திருந்தாலும், பஞ்சம் பட்டினியும் தலைவரித்து ஆடிய இந்தியாவில் பொருளாதாரம் சுதந்திரம் கிடைத்தது என்னவோ 1991ல் தான் என்றும், அத்தகைய பொருளாதார சுதந்திரத்தைக் கொண்டு வர காரணமானவர்கள் டாக்டர் மன்மோகன் சிங், மாண்டெக் சிங் அலுவாலியா மற்றும் ப.சிதம்பரம் ஆகிய மூவர்தான் என்று கூறியிருக்கிறார். நரசிம்ம ராவ்; மன்மோகன் சிங்நரசிம்ம ராவ் + மன்மோகன் சிங் கூட்டணி: இந்தியா மறுஜென்மம் எடுத்த 1991... #IndependenceDay2022

அப்போது அவர் கூறியதாவது, "டாக்டர் மன்மோகன் சிங், மாண்டெக் சிங் அலுவாலியா மற்றும் ப.சிதம்பரம் ஆகிய மூவரும் தாங்கள் கொண்டுவந்த பொருளாதார கொள்கைகளால்தான் இந்தியாவுக்கு ‘பொருளாதார சுதந்திரம்’ கிடைத்தது.

இதற்காக இவர்களுக்கு இந்த நாடு மிகவும் கடமைப்பட்டுள்ளது. இந்தியாவுக்கு 1947-ல் அரசியல் ரீதியாக சுதந்திரம் கிடைத்திருந்தாலும், 1991-ல் தான் பொருளாதார ரீதியிலான சுதந்திரம் கிடைத்தது. அது சாத்தியமானதற்கு நரசிம்ம ராவுக்கு நாம் நன்றி சொல்ல வேண்டும். ஏனெனில் அப்போது டாக்டர் மன்மோகன் சிங் அவருடைய நிதி அமைச்சராக இருந்தார்.

பிரதமர் நரசிம்ம ராவ் நிதியமைச்சர் டாக்டர் மன்மோகன் சிங்கிற்கு முழுமையான ஆதரவு அளிக்காமல் இருந்திருந்தால், இந்தியா இப்போது எந்த நிலையில் இருந்திருக்கும் என்பதை யோசித்துப் பார்க்க முடியவில்லை. டாக்டர் மன்மோகன் சிங், அவரை அடுத்து மாண்டேக் சிங் அலுவாலியா மற்றும் ப. சிதம்பரம் ஆகிய மூன்று பேர்தான் இந்தியாவிற்குப் பொருளாதார சுதந்திரம் கிடைக்க வழிவகுத்தவர்கள். நாம் அனைவரும் அவர்களுக்கு மிகவும் நன்றியுள்ளவர்களாக இருக்க வேண்டும்” என்று அவர் கூறியுள்ளார்.மான்டெக் சிங் அலுவாலியா`ராகுலால் ராஜினாமா முடிவெடுத்தாரா மன்மோகன்?’ - மான்டேக் சிங் அலுவாலியா புத்தகம் கிளப்பிய சர்ச்சை

1991-க்குப் பிறகுதான் இந்தியாவில் பல்வேறு பொருளாதார சீர்திருத்தங்கள் மேற்கொள்ளப்பட்டன. நிறுவனங்கள் லைசென்ஸ் வாங்குவதில் உள்ள பல கட்டுப்பாடுகள் தளர்த்தப்பட்டன. அதனால் ஒவ்வொரு தொழில் நடவடிக்கைக்கும் உரிமம் வாங்குவதற்காகப் பல காலம் நிறுவனங்கள் காத்திருக்க வேண்டிய அவசியம் இல்லாமல் போனது. நிறுவனங்கள் சுதந்திரமாக தொழில் நடவடிக்கைகளைத் திட்டமிட முடிந்தது. இதனால் நாட்டின் பொருளாதார வளர்ச்சியும், வேலைவாய்ப்பும், மக்களின் வாழ்க்கை முறையும் மேம்பட்டு வந்தது.

1991ல் மன்மோகன் சிங் நிதி அமைச்சராக இருந்து தயார் செய்த பட்ஜெட் இந்தியப் பொருளாதாரத்தின் கட்டமைப்பையே தலைகீழாக மாற்றியது. அதனால்தான் அவர் இந்திய நவீன பொருளாதாரத்தின் ஆர்க்கிடெக் என்று அழைக்கப்படுகிறார்.

1991-ல் மான்டெக் சிங் அலுவாலியா வணிகத் துறை செயலாளராக இருந்தார். அவர்தான் பின்னர் திட்டக்குழுவின் துணைத் தலைவராக நியமிக்கப்பட்டார். அதன்பிறகு பொருளாதார விவகாரங்கள் துறைக்கும், நிதித் துறைக்கும் செயலாளராக இருந்தார். அவர் தன்னுடைய ஒவ்வொரு பதவியில் இருக்கும்போது பல சீர்திருத்தங்களைக் கொண்டு வர முக்கிய காரணமாக இருந்தார்.ப. சிதம்பரம் `ஒரு நாளைக்கு ரூ 5.6 கோடி நன்கொடை அளிக்கும் ஷிவ் நாடார்' கொடையாளர்கள் பட்டியலில் முதலிடம்...

அதேபோல் ப.சிதம்பரம் நிதி அமைச்சர், உள்துறை அமைச்சர், வர்த்தக அமைச்சர் எனப் பல்வேறு பொறுப்புகளை வகுத்தார். இந்தியாவில் ஏற்றுமதி இறக்குமதி வர்த்தகத்தில் பல்வேறு முக்கிய சீர்திருத்தங்களைக் கொண்டுவந்து வர்த்தகத்தை வளர்ச்சிப் பாதையில் கொண்டு சென்றதில் இவருடைய பங்கு முக்கியமானது என்று நாராயண மூர்த்தி பேசினார்.

இவர்கள் மீது பல்வேறு விமர்சனங்கள் இருந்தாலும் நாட்டின் பொருளாதாரத்தை மேம்படுத்தியதில் இவர்களது பங்கு முக்கியமானது என்பதில் எந்த சந்தேகமும் இல்லை.


http://dlvr.it/SyQ35M

Read More

காஸாவில் ஆம்புலன்ஸ் மீது தாக்குதல்... 15 பேர் பலி; அமெரிக்காவின் கோரிக்கையை மறுத்த நெதன்யாகு அரசு!

தங்கள்மீது தாக்குதல் நடத்திய ஹமாஸ் அமைப்பை அழித்தொழிக்கப்போவதாகக் கூறிக்கொண்டு, காஸா-மீது இஸ்ரேல் நடத்திவரும் போர்த் தாக்குதல் ஒரு மாதத்தை நெருங்கிக்கொண்டிருக்கிறது. இந்தப் போரில், 3,826 பாலஸ்தீன குழந்தைகள் உட்பட மொத்தம் 9,227 பேர் உயிரிழந்திருக்கின்றனர். இந்த நிலையில், உறவுகள், உடைமைகளை இழந்து, எஞ்சிய உயிரைக் கையில் பிடித்துக்கொண்டு மக்கள் தஞ்சம் புகுந்திருக்கும் அகதிகள் முகாம் மீதும் இஸ்ரேல் ராணுவம் வான்வழித் தாக்குதல் நடத்தியது பெரும் அதிர்வலைகளை ஏற்படுத்தியது.இஸ்ரேல் - காஸா தாக்குதல்

இதற்கு முன்னர் காஸாவின் மருத்துவமனை மீது இஸ்ரேல் வான்வழித் தாக்குதல் நடத்தியதைத் தொடர்ந்து, இஸ்ரேலின் தீவிர தாக்குதல் குறித்த தகவல்களும், உலக அளவில் இஸ்ரேலுக்கு எதிரான போராட்டங்களும் முன்னெடுக்கப்பட்டன. இந்த நிலையில், காஸாவிலுள்ள சுகாதார அமைச்சகம் நேற்று வெளியிட்ட அறிக்கையில், "இஸ்ரேலியத் தாக்குதல் படையால் முற்றுகையிடப்பட்ட வடக்கு காஸாவிலிருந்து, காயமடைந்தவர்களை வெளியேற்றிய ஆம்புலன்ஸ் மீது இஸ்ரேல் தாக்குதல் நடத்தியது.

இந்தத் தாக்குதலில் 15 பேர் கொல்லப்பட்டிருக்கின்றனர். 60 பேர் காயமடைந்திருக்கின்றனர்" எனக் குறிப்பிட்டிருக்கிறது. இந்தத் தாக்குதல் குறித்து இஸ்ரேல் ராணுவம் வெளியிட்ட அறிக்கையில், "காஸா பகுதி போர்க்களம் என்பதை நாங்கள் வலியுறுத்துகிறோம். அந்தப் பகுதியிலுள்ள பொதுமக்கள் தங்கள் சொந்த பாதுகாப்புக்காக தெற்கு நோக்கி வெளியேறுமாறு பலமுறை அழைப்பு விடுக்கப்பட்டிருக்கிறார்கள்" எனத் தெரிவித்திருக்கிறது.இஸ்ரேல் பிரதமர் பெஞ்சமின் நெதன்யாகு

ஐ.நா சபையில் இஸ்ரேலுக்கு எதிரான போர் நிறுத்தத்தை வலியுறுத்தும் தீர்மானம் நிறைவேற்றப்பட்ட பிறகும், இஸ்ரேல் தொடர்ந்து தாக்குதலில் ஈடுபட்டுவருகிறது. இந்தத் தாக்குதலில், சர்வதேசப் போர் விதிமீறல் தொடர்வதாக ஐ.நா கண்டனம் தெரிவித்திருக்கிறது. இதற்கிடையில், இஸ்ரேலின் டெல் அவிவில் நெதன்யாகுவை சந்தித்த அமெரிக்க வெளியுறவுத்துறை அமைச்சர் ஆண்டனி பிளிங்கன் போர் நிறுத்தத்துக்கு வலியுறுத்தியதாகவும், அதற்கு இஸ்ரேலிய அதிபர் நெதன்யாகு பிணைக் கைதிகள் விடுவிக்கப்படும் வரை போர் நிறுத்தப் பேச்சுக்கே வாய்ப்பில்லை என மறுத்துவிட்டதாகவும் தகவல் வெளியாகியிருக்கிறது.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/46c3KEk">
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/46c3KEk">
https://bit.ly/46c3KEk />
காஸா: `மக்களின் அகதிகள் முகாமையும் விட்டுவைக்காத இஸ்ரேல்' - ஐ.நா கண்டனமும், உலகநாடுகளின் அமைதியும்!


http://dlvr.it/SyPZlf

Read More

`இப்போது பிரதமர் வேட்பாளரைத் தேர்ந்தெடுப்பது, INDIA கூட்டணியைச் சிதைத்துவிடும்’- மல்லிகார்ஜுன கார்கே

தெலங்கானா, ராஜஸ்தான், சத்தீஸ்கர், மிசோரம், மத்தியப் பிரதேசம் ஆகிய ஐந்து மாநிலங்களில் இந்த மாதம் சட்டமன்றத் தேர்தல் நடைபெறவிருக்கிறது. இந்த ஐந்து மாநிலங்களில் நடைபெறும் தேர்தல்கள், 2024-ம் ஆண்டு நடைபெறவிருக்கும் நாடாளுமன்றத் தேர்தலுக்கு முன்னோட்டமாகத் திகழ்வதால், பல்வேறு அரசியல் கட்சிகள் இதில் தீவிரமாகச் செயல்பட்டுவருகின்றன. மறுபுறம் நாடாளுமன்றத் தேர்தலுக்காக பா.ஜ.க தலைமையில் NDA- கூட்டணியும், காங்கிரஸ் தலைமையில் INDIA - கூட்டணியும் தங்கள் கூட்டணிக் கட்சிகளைப் பலப்படுத்திவருகின்றன.மோடி, ராகுல் காந்தி

மேலும், பல்வேறு மாநிலங்களில் எதிர்க்கட்சிகள்மீது அமலாக்கத்துறை, வருமான வரித்துறை ஆகியவை தீவிரமான சோதனையில் இறங்கியிருக்கின்றன. குறிப்பாக, இந்தியா கூட்டணியில் பலமாக இருக்கும் கட்சிகளான தி.மு.க., திரிணாமுல் காங்கிரஸ், காங்கிரஸ், ஆம் ஆத்மி என அதன் சோதனைகள் தீவிரப்படுத்தப்பட்டுவரும் நிலையில், தேர்தலை முன்னிட்டு, இந்த நடவடிக்கை மேற்கொள்ளப்படுவதாக எதிர்க்கட்சிகள் குற்றம்சாட்டிவருகின்றன. இதற்கிடையில், INDIA கூட்டணியின் பிரதமர் வேட்பாளர் தொடர்பான கேள்விகளும் எழுந்திருக்கின்றன. அதற்கு முன்னர் காங்கிரஸ் தலைமை, "இந்தத் தேர்தலில் எங்களுக்குப் பதவிகூட வேண்டாம். இந்தியாவை பாசிச அரசிடமிருந்து காப்பாற்றினால் போதும்" என்ற நிலைப்பாட்டை அறிவித்திருந்தது.

இந்த நிலையில், பிரதமர் வேட்பாளர் குறித்த தனியார் செய்தி நிறுவனத்தின் கேள்விக்கு பதிலளித்த காங்கிரஸ் தலைவர் மல்லிகார்ஜுன கார்கே, "2024 மக்களவைத் தேர்தலில் பிரதமர் மோடிக்கு எதிராக இந்தியக் கூட்டணியிலிருந்து யாரையும் பிரதமர் வேட்பாளராக முன்னிறுத்துவதை காங்கிரஸ் எதிர்க்கிறது. கூட்டணிக் கட்சிகள் ஒன்றுகூடி வேட்பாளர் யார் என்பதை முடிவுசெய்யலாம். இப்போதே பிரதமர் வேட்பாளர் யார் என்பதை அறிவிப்பது கூட்டணியைச் சிதைத்துவிட வாய்ப்பிருக்கிறது. எனவே, பொதுத்தேர்தலுக்கு முன்னதாக அனைவரும் ஒன்றாக இருப்பதை உறுதிசெய்ய, பிரதமர் வேட்பாளர் முடிவைப் பின்னர் பார்த்துக்கொள்ளலாம்.மல்லிகார்ஜுன கார்கே

பா.ஜ.க-வை எதிர்த்து போராடுவதற்குக் கூட்டணிவைத்து, ஓரணியாக இணைந்து செயல்படவேண்டியதன் அவசியத்தை இப்போது உணர்ந்திருக்கிறோம். கேரளாவில் காங்கிரஸும் இடதுசாரிக் கட்சிகளும் பரம எதிரிகளாக இருந்தாலும், தேசிய அளவில் இடதுசாரிக் கட்சிகள் செய்வதுபோலவே கூட்டணியில் இணைந்து போராடுவதை ஆம் ஆத்மி பரிசீலிக்கலாம். பொதுத்தேர்தலில் முடிந்தவரை ஒற்றுமையாகப் போராட, அனைத்துக் கட்சிகளுக்குமிடையே ஒற்றுமையை ஏற்படுத்த, காங்கிரஸ் விரும்புகிறது" எனத் தெரிவித்திருக்கிறார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/46c3KEk">
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/46c3KEk">
https://bit.ly/46c3KEk />
நேபாளத்தில் சக்திவாய்ந்த நிலநடுக்கம்: 132 பேர் பலி - `உதவ தயார்’ என பிரதமர் மோடி பதிவு!


http://dlvr.it/SyPZPY

Read More

Tamil News Today Live: நேபாளத்தில் நிலநடுக்கம்; 128-ஆக அதிகரித்த பலி எண்ணிக்கை!

'நடப்போம் நலம் பெறுவோம்'



மருத்துவம் மற்றும் மக்கள் நல்வாழ்வுத்துறையின் சார்பில் 'நடப்போம் நலம் பெறுவோம்' 8 கிலோ மீட்டர் சுகாதார நடைபாதை திட்டத்தை அமைச்சர் உதயநிதி காணொலி காட்சி மூலம் தொடங்கி வைக்க அதனை தொடர்ந்து மதுரை டாக்டர் எம்.ஜி.ஆர் விளையாட்டு அரங்கத்தில் அமைச்சர்கள் பி.மூர்த்தி, பழனிவேல் தியாகராஜன் தொடங்கி வைத்தார்கள்.

குன்னூர் மலைப்பாதையில் போக்குவரத்து பாதிப்பு!



குன்னூர் மலைப்பாதையில் பர்லியார் அருகே சாலையின் குறுக்கே மரங்கள் விழுந்ததால் போக்குவரத்து பாதிப்பு. சீரமைப்பு பணிகள் நடைபெற்று வருகின்றன.

நேபாள நிலநடுக்கம் - 128 பேர் பலி!

நிலநடுக்கம்

நேபாளத்தில் நேற்று நள்ளிரவு கடும் நிலநடுக்கம் ஏற்பட்டது. அமெரிக்க புவியியல் மையம் நிலநடுக்கத்தில் முதற்கட்ட அளவாக 5.6 ரிக்டர் பதிவானதாகவும், சுமார் 11 மைல் ஆழத்தில் ஏற்பட்டதாகவும் தெரிவித்தது. அதன் பின்னர் 6.4 லிட்டர் அளவில் நிலநடுக்கம் ஏற்பட்டதாகத் தெரிவிக்கப்பட்டது. கட்டட இடிபாடுகளுக்குள் சிக்கி உயிரிழந்தவர்களின் எண்ணிக்கை 128-ஆக அதிகரித்திருக்கிறது. தொடர்ந்து உயிரிழந்தவர்களின் எண்ணிக்கை அதிகரிக்கக்கூடும் என அஞ்சப்படுகிறது. இந்த நிலநடுக்கம் காரணமாக இந்தியாவின் தலைநகரான டெல்லியில் லேசான நில அதிர்வு உணரப்பட்டது.

கனமழை... பள்ளிகளுக்கு விடுமுறை அறிவிப்பு!



தமிழகத்தின் பல்வேறு பகுதிகளில் பருவமழை தீவிரமடைந்திருக்கிறது. குறிப்பாக, இன்று கனமழை பெய்யக்கூடும் என ஆரஞ்ச் அலர்ட் கொடுக்கப்பட்டிருக்கிறது. இந்நிலையில் கனமழை காரணமாக நெல்லை, தென்காசி, திண்டுக்கல், தேனி, மதுரை, கன்னியாகுமரி ஆகிய மாவட்டங்களிலுள்ள அனைத்துப் பள்ளிகளுக்கும் விடுமுறை அளிக்கப்பட்டிருக்கிறது. மேலும், மயிலாடுதுறை மாவட்டத்தில் கனமழை காரணமாக இன்று பள்ளி, கல்லூரிகளுக்கும் விடுமுறை அளிக்கப்பட்டிருக்கிறது. சென்னை மழை

சென்னையிலும் நள்ளிரவு தொடங்கி கனமழை நீடித்துவருகிறது. இந்த நிலையில் சென்னையில் இன்று பள்ளிகளுக்கு மட்டும் விடுமுறை அறிவித்து மாவட்ட ஆட்சியர் உத்தரவு பிறப்பித்திருக்கிறார்.


http://dlvr.it/SyMm2P

Read More

Aarudhra Case; `நாடு திரும்பினால் கைதுசெய்யப்படுவேன்..!' - நீதிமன்றத்தில் முறையிட்ட ஆர்.கே.சுரேஷ்

சென்னை அமைந்தகரையைத் தலைமயிடமாகக்கொண்டு செயல்பட்ட ஆருத்ரா கோல்டு நிறுவனம், முதலீடுகளுக்கு 25 முதல் 30 சதவிகிதம் வரை வட்டி தருவதாகக் கூறி, சுமார் 1 லட்சம் முதலீட்டாளர்களிடமிருந்து, 2,438 கோடி ரூபாய் மோசடி செய்ததாகப் புகார் எழுந்தது. இது தொடர்பான புகார்களின் அடிப்படையில், பொருளாதாரக் குற்றத் தடுப்புப் பிரிவு, அந்த நிறுவனத்தின் இயக்குநர்கள் உட்பட 21 பேர்மீது வழக்கு பதிவுசெய்தது.

இந்த வழக்கில் கைதான ரூசோ என்பவரிடம் போலீஸார் நடத்திய விசாரணையில், நடிகரும், தயாரிப்பாளரும், பா.ஜ.க-வைச் சேர்ந்தவருமான ஆர்.கே.சுரேஷுக்கும் இதில் தொடர்பிருப்பது தெரியவந்தது.ஆருத்ரா கோல்டு நிறுவனம்

அதனடிப்படையில் போலீஸ் விசாரணைக்கு உரிய ஆவணங்களுடன் நேரில் ஆஜராகும்படி ஆர்.கே.சுரேஷுக்கு பொருளாதாரக் குற்றப்பிரிவினர் சம்மன் அனுப்பியிருந்தனர். அதையடுத்து, பொருளாதாரக் குற்றப்பிரிவினர் அனுப்பிய சம்மனை ரத்துசெய்யக் கோரி, ஆர்.கே.சுரேஷ் சென்னை உயர் நீதிமன்றத்தில் மனுத்தாக்கல் செய்திருந்தார். அந்த மனு நிலுவையில் இருக்கிறது.

இதற்கிடையே, விசாரணைக்கு ஆஜராகாத ஆர்.கே.சுரேஷுக்கு எதிராக சென்னை மத்திய பொருளாதாரக் குற்றப்பிரிவு போலீஸார் லுக்அவுட் நோட்டீஸும் பிறப்பித்தனர். இந்த நோட்டீஸை திரும்பப் பெற உத்தரவிடக் கோரி, மற்றொரு வழக்கை ஆர்.கே.சுரேஷ் தாக்கல் செய்தார்.ஆர்.கே.சுரேஷ்

அந்த மனுவில், `படத் தயாரிப்பு தொடர்பாகவே ரூசோ என்னை அணுகினார். அது தொடர்பாக மட்டுமே பணப் பரிவர்த்தனை நடந்தது. ஆருத்ரா மோசடிக்கும் எனக்கும் தொடர்பில்லை. மனைவி, குழந்தையை கவனித்துக்கொள்வதற்காகவே தற்போது துபாயில் இருக்கிறேன். நாடு திரும்பினால் கைதுசெய்யும் வகையில், லுக்அவுட் நோட்டீஸ் பிறப்பிக்கப்பட்டிருக்கிறது. எனவே, நாடு திரும்பியதும் நான் கைதுசெய்யப்பட வாய்ப்பிருப்பதால், அதைத் திரும்பப் பெற உத்தரவிட வேண்டும்' எனக் கோரியிருக்கிறார். ஆர்.கே.சுரேஷ்

இந்த மனு நீதிபதி ஜி.ஜெயச்சந்திரன் முன்பு இன்று விசாரணைக்கு வந்தது. அப்போது ஆர்.கே.சுரேஷ் தரப்பில் வழக்கறிஞர் எஸ்.வீரராகவன் ஆஜராகி, டிசம்பர் 10-ம் தேதி ஆர்.கே.சுரேஷ் நாடு திரும்பவிருப்பதாகவும், இது தொடர்பாக பிரமாணப் பத்திரம் தாக்கல் செய்யத் தயாராக இருப்பதாகவும் கூறினார். இதை ஏற்றுக்கொண்ட நீதிபதி, நவம்பர் 8-ம் தேதி பிரமாணப் பத்திரம் தாக்கல்செய்ய உத்தரவிட்டு, விசாரணையைத் தள்ளிவைத்தார்.ஆருத்ரா வழக்கு: ``நடிகர் ஆர்.கே.சுரேஷ் குற்றவாளியா?!" - ஐ.ஜி ஆசியம்மாள் சொல்வதென்ன?


http://dlvr.it/SyMljw

Read More

`தப்பு செய்தால் சோதனைசெய்து, அரசு நடவடிக்கை எடுத்துத்தானே ஆகணும்'- ரெய்டு குறித்து அமைச்சர் கயல்விழி

கன்னியாகுமரி மாவட்டம், நாகர்கோவிலில் மாவட்ட ஆட்சியர் அலுவலகத்தில் இன்று ஆதிதிராவிடர் நலத்துறையின் ஆய்வுக் கூட்டம் நடந்தது. இந்தக் கூட்டத்தில் தமிழக ஆதிதிராவிடர் நலத்துறை அமைச்சர் கயல்விழி, தமிழக பால் வளத்துறை அமைச்சர் மனோ தங்கராஜ் ஆகியோர் கலந்துகொண்டனர். மாவட்ட ஆட்சியர் ஸ்ரீதரும், எம்.எல்.ஏ-க்களும் இந்தக் கூட்டத்தில் கலந்துகொண்டனர். ஆய்வுக் கூட்டம் நிறைவடைந்த பின்னர், அமைச்சர் கயல்விழி செய்தியாளர்களைச் சந்தித்துப் பேசினார். அப்போது அவர், ``கடந்த இரண்டு ஆண்டுகளில் தமிழகத்தில் வன்கொடுமையால் பாதிக்கப்பட்ட 166 பேருக்கு தமிழக அரசு, வேலைவாய்ப்புக்கான பணி ஆணையை வழங்கியிருக்கிறது. இதே போன்று தமிழக ஆதிதிராவிடர் நல விடுதிகளில் மாணவ, மாணவிகளுக்கு உணவுமுறையில் மாற்றங்கள் செய்யப்பட்டிருக்கின்றன" என்றார்.நாகர்கோவிலில் ஆய்வுக் கூட்டம் நடத்திய அமைச்சர் கயல்விழி

அப்போது அவரிடம், அமைச்சர் எ.வ.வேலு வீட்டில் வருமான வரித்துறை சோதனை நடப்பது குறித்துச் செய்தியாளர்கள் கேள்வி எழுப்பினர். அதற்கு பதிலளித்துப் பேசிய அமைச்சர் கயல்விழி, ``தப்பு செய்தவர்கள் தொடர்பாகச் சோதனைசெய்து, அரசு நடவடிக்கை எடுத்துத்தானே ஆகணும்... எந்த அரசாக இருந்தாலும் அப்படித்தானே பண்ணுவாங்க... மக்களுடைய பணத்தைத் தவறாகப் பயன்படுத்தினால் யாராக இருந்தாலும் தண்டனை அனுபவித்துதான் தீர வேண்டும்" என்றார். அதைத் தொடர்ந்து, செய்தியாளர் ஒருவர், `தேர்தல் சமயத்தில் மத்திய அரசு அமலாக்கத்துறையையும், வருமான வரித்துறையையும் எதிர்க்கட்சிகள்மீது ஏவுகிறதா?' எனக் கேள்வி எழுப்பினார்.கன்னியாகுமரி மாவட்டத்தில் பல்வேறு நிகழ்ச்சிகளில் கலந்துகொண்ட அமைச்சர் கயல்விழி

அதற்கு பதிலளித்த அமைச்சர் கயல்விழி, "தேர்தல் சமயத்தில் அவர்களுக்கு பயம் வந்துவிட்டது. அதனால், தேவையில்லாமல் இப்படி பண்ணுகிறார்கள். எந்த ரெய்டு வந்தாலும் நாங்கள் பயப்படப்போவதில்லை. நாங்கள் உறுதியாகத்தான் இருக்கிறோம்" என்றார். சொந்தக் கட்சி அமைச்சரான எ.வ.வேலு வீட்டில் ரெய்டு நடப்பது குறித்த கேள்விக்கு, அமைச்சர் கயல்விழி இப்படி ஒரு பதிலை அளித்ததால், அங்கிருந்த தி.மு.க-வினரே அதிர்ச்சியிலும் குழப்பத்திலும் ஆழ்ந்துவிட்டனர்.IT Raid: ஐ.டி ரேடாரில் அமைச்சர் எ.வ.வேலு - 40-க்கும் மேற்பட்ட இடங்களில் அதிரடிச் சோதனை!


http://dlvr.it/SyMlRB

Read More

பொங்கல் தொகுப்பு முறைகேடு புகார்; `மீண்டும் விசாரியுங்கள்'- Lokayukta-வுக்கு உத்தரவிட்ட கோர்ட்!

2022-ம் ஆண்டு, ஜனவரி மாதம் பொங்கல் பண்டிகையின்போது, குடும்ப அட்டைதாரர்களுக்கு 1,296.88 கோடி ரூபாய் செலவில் 21 பொருள்கள் அடங்கிய பொங்கல் பரிசுத்தொகுப்பு வழங்கப்பட்டது. இதில் பல்வேறு முறைகேடுகள் நடந்திருப்பதாகவும், தரமற்ற பொருள்களை விநியோகம் செய்த அதிகாரிகள் மற்றும் அமைச்சர்கள்மீது நடவடிக்கை எடுக்க உத்தரவிடக் கோரியும், திருவள்ளூரைச் சேர்ந்த ஜெயகோபி என்பவர் லோக் ஆயுக்தா அமைப்பில் புகார் மனு தாக்கல் செய்திருந்தார்.

இந்தப் புகாரை நிராகரித்து, லோக் ஆயுக்தா 2022, மார்ச் 2-ம் தேதி உத்தரவு பிறப்பித்தது. இந்த உத்தரவை எதிர்த்து ஜெயகோபி சென்னை உயர் நீதிமன்றத்தில் வழக்கு தொடர்ந்திருந்தார். அந்த மனுவில், `அரசு வழங்கிய பொங்கல் தொகுப்பிலிருந்த வெல்லம், கரும்பு, பருப்பு, புளி உள்ளிட்ட பொருள்கள் தரமற்றவையாக இருந்தன. அவற்றில் உயிரிழந்த பூச்சிகள் காணப்பட்டன.கலப்பட பொங்கல் பரிசுஅமைச்சர்கள் சக்கரபாணி, பெரியசாமி

தரமற்ற பொருள்கள் வழங்கியதன் மூலம் மக்களின் வரிப்பணம் வீணடிக்கப்பட்டிருக்கிறது. இது குறித்து, தமிழ்நாடு முதலமைச்சரிடம் புகார் அளிக்கப்பட்டது. புகாரின் அடிப்படையில் தரமற்ற பொருள்களை விநியோகித்த ஒப்பந்ததாரர்கள்மீது நடவடிக்கை எடுக்க முதல்வர் உத்தரவிட்டும், அதிகாரிகள் எந்த நடவடிக்கையும் எடுக்கவில்லை. எனவே, தரமற்ற பொருள்களை வழங்கிய அதிகாரிகள், அவற்றைத் தடுக்காத உணவுத்துறை அமைச்சர் சக்கரபாணி, கூட்டுறவுத்துறை அமைச்சர் ஐ.பெரியசாமி ஆகியோருக்கு எதிராக நடவடிக்கை எடுக்க உத்தரவிட வேண்டும்' எனக் குறிப்பிடப்பட்டிருந்தது.

இந்த மனுவை விசாரித்த நீதிபதி சேஷசாயி, அமைச்சர்களுக்கு எதிரான புகாரைத் தள்ளுபடி செய்து, லோக் ஆயுக்தா பிறப்பித்த உத்தரவை ரத்துசெய்து உத்தரவிட்டார். மேலும், இந்தப் புகாரை மீண்டும் விசாரித்து தகுந்த உத்தரவைப் பிறப்பிக்கும்படி, லோக் ஆயுக்தாவுக்கு உத்தரவிட்டிருக்கிறார். ``ஆளுநர்கள் ரப்பர் ஸ்டாம்புகள் அல்ல..!" - லோக் ஆயுக்தா நிகழ்ச்சியில் தமிழக ஆளுநர் ஆர்.என்.ரவி பேச்சு


http://dlvr.it/SyMkv5

Read More