சத்தீஸ்கர் அரசியலில் புதிய புயலான ‘மகாதேவ்’ விவகாரம் - தேர்தலில் பாஜக-வுக்கு சாதகமா?!

டெல்லி மதுபானக் கொள்கை முறைகேடு குற்றச்சாட்டு தொடர்பான வழக்கில் ஆம் ஆத்மி கட்சியைச் சேர்ந்த டெல்லி முன்னாள் முதல்வர் மணீஷ் சிசோடியா உள்ளிட்டோர் சிறையில் இருக்கும் நிலையில், இந்த வழக்கில் டெல்லி முதல்வர் அரவிந்த் கெஜ்ரிவாலுக்கு அமலாக்கத்துறை குறிவைத்திருப்பதாக குற்றச்சாட்டு எழுந்திருக்கிறது. அரவிந்த் கெஜ்ரிவால்

அமலாக்கத்துறை அனுப்பிய சம்மனைப் பொருட்படுத்தாமல் தேர்தல் பிரசாத்துக்குச் சென்றார் கெஜ்ரிவால். இதனால், அடுத்து என்ன மாதிரியான நடவடிக்கையை அமலாக்கத்துறை எடுக்கப்போகிறது என்ற கேள்வி எழுந்திருக்கிறது.

அரவிந்த் கெஜ்ரிவாலைத் தொடர்ந்து சத்தீஸ்கர் மாநிலத்தின் முதல்வர் பூபேஷ் பாகல் அமலாக்கத்துறையால் குறிவைக்கப்பட்டிருக்கிறார். சத்தீஸ்கர் சட்டமன்றத் தேர்தல் பிரசாரம் சூடுபிடித்திருந்த நிலையில், ‘மகாதேவ் சூதாட்ட செயலி உரிமையாளரிடமிருந்து முதல்வர் பூபேஷ் பாகலுக்கு ரூ.508 கோடி கைமாறியதாக அமலாக்கத்துறை தெரிவித்த குற்றச்சாட்டு பெரும் பரபரப்பை ஏற்படுத்தியது.பூபேஷ் பாகல்

சத்தீஸ்கர் சட்டமன்றத் தேர்தல் இரண்டு கட்டங்களாக நடைபெறுகின்றன. முதற்கட்ட வாக்கு பதிவு நாளை (நவ. 7) நடைபெறவிருக்கிறது. இந்த நிலையில், முதல்வர் பூபேஷ் பாகலுக்கு எதிராக அமலாக்கத்துறை குற்றச்சாட்டியிருக்கிறது. ராய்பூரில் ரூ.5 கோடிக்கும் அதிகமான ரொக்கப்பணத்துடன் கைதான இடைத்தரகரிடம் நடத்தப்பட்ட விசாரணையைத் தொடர்ந்து, இந்தக் குற்றச்சாட்டை அமலாக்கத்துறை தெரிவித்திருக்கிறது.

சத்தீஸ்கர் உள்ளிட்ட வடமாநிலங்களில் ‘மகாதேவ்’ சூதாட்ட செயலி மிகவும் பிரபலம். இந்த நிறுவனத்திடம் சத்தீஸ்கர் சட்டமன்றத் தேர்தலுக்காக ரூ.508 கோடியை முதல்வர் பூபேஷ் பாகல் பெற்றிருக்கிறார் என்று பா.ஜ.க குற்றம்சாட்டுகிறது. முதல்வருக்கு எதிராக எழுப்பப்பட்டிருக்கும் இந்தக் குற்றச்சாட்டு, சத்தீஸ்கரில் பெரும் பரபரப்பை ஏற்படுத்தியிருக்கிறது.

மத்திய அமைச்சர் ராஜீவ் சந்திரசேகர், ‘இந்த சட்டவிரோத செயலி, இணையதளத்தை நீண்ட காலத்துக்கு முன்பாகவே சத்தீஸ்கர் அரசு முடக்கியிருக்கலாம். அதற்கான அனைத்து அதிகாரமும் அந்த அரசுக்கு இருக்கிறது. ஆனால், சத்தீஸ்கர் அரசு அதைச் செய்யவில்லை’ என்று குற்றம்சாட்டியிருக்கிறார்.ஸ்மிருதி இரானி

மத்திய அமைச்சர் ஸ்மிருதி இரானி, ‘சத்தீஸ்கர் சட்டமன்றத் தேர்தலை எதிர்கொள்ள மகாதேவ் சூதாட்ட செயலி நிறுவனத்திடம் இருந்து ரூ.508 கோடியை ஹவாலா பணமாக பூபேஷ் பாகல் பெற்றிருக்கிறார். இந்தியாவின் தேர்தல் வரலாற்றில் இதற்கு முன் இதுபோன்ற ஒரு மோசடி நடந்ததில்லை. அதிகாரத்தில் இருந்துகொண்டு இத்தகைய குற்றத்தில் சத்தீஸ்கர் முதல்வர் ஈடுபட்டிருக்கிறார்’ என்று குற்றம்சாட்டியிருக்கிறார்.

அமலாக்கத்துறையின் வேண்டுகோளை ஏற்று, ‘மகாதேவ் புக் ஆன்லைன்’ உட்பட 22 சட்டவிரோத சூதாட்ட தளங்களுக்குத் தடை விதித்திருப்பதாக மத்திய மின்னணு மற்றும் தகவல் தொழில்நுட்ப அமைச்சகம் தெரிவித்திருக்கிறது.

இந்த நிலையில், சத்தீஸ்கரில் பீம் சிங் யாதவ் என்ற போலீஸ்காரரும் அசிம்தாஸ் என்ற மற்றொரு நபரும் பணமோசடி தடுப்புச்சட்டத்தின் கீழ் கைது செய்யப்பட்டு காவலில் வைக்கப்பட்டிருக்கிறார்கள்.பூபேஷ் பாகல்

வாக்குப்பதிவு தொடங்குவதற்கு இரண்டு நாள்களுக்கு முன்பு சத்தீஸ்கரில் எதிர்க்கட்சியாக இருக்கும் பா.ஜ.க., வீடியோ ஒன்றை வெளியிட்டது. அதில், மகாதேவ் செயலி வழக்கு தொடர்பாக பல புதிய குற்றச்சாட்டுகள் இடம்பெற்றிருக்கின்றன.

மேலும், ‘சூதாட்டத்தின் மூலமாக சத்தீஸ்கர் மக்களை மாநில அரசு சூறையாடியிருக்கிறது. இந்த அரசை டிசம்பர் 3-ம் தேதி தூக்கியெறியப்போகிறார்கள். எனவே, ஆட்சியில் நீடிப்பதற்கான தார்மீக உரிமையை இழந்த பூபேஷ் பாகல் உடனடியாக பதவி விலக வேண்டும்’ என்று பா.ஜ.க-வினர் கூறிவருகிறார்கள். பிரதமர் மோடி எதிர்க்கும் இலவசங்களை, வாரி வழங்கும் பாஜக... ஏன் இந்த விநோதம்?!

மகாதேவ் சூதாட்ட தளம் தொடர்பான வழக்கில் விசாரணைக்கு ஆஜராகுமாறு திரைப்பட நடிகைகள் ஹூமா குரேஷி, ஹீனா கான், நகைச்சுவை நடிகர் கபில் சர்மா ஆகியோருக்கு அமலாக்கத்துறை சம்மன் அனுப்பியிருக்கிறது. ஏற்கெனவே, பாலிவுட் நடிகர் ரன்பீர் கபூருக்கும் அமலாக்கத்துறை சம்மன் அனுப்பியது. ஆனால், முதல்வர் பூபேஷ் பாகல் மீதான குற்றச்சாட்டுதான் அரசியல் வட்டாரத்தில் மிகவும் சீரியஸான ஒன்றாகப் பார்க்கப்படுகிறது. ஜெய்ராம் ரமேஷ்

சத்தீஸ்கர் மாநிலத்தில் காங்கிரஸ் கட்சி வெற்றிபெற்று மீண்டும் ஆட்சியமைக்கும் என்று கருத்துக்கணிப்புகள் வந்திருக்கின்றன. இந்த நிலையில், பூபேஷ் பாகலுக்கு எதிராக இந்தப் பிரச்னையை பா.ஜ.க பயன்படுத்திவருகிறது. இதனால், தேர்தலில் காங்கிரஸுக்கு பாதிப்பு எதுவும் வராது என்கிறார்கள் காங்கிரஸ் கட்சியினர். இந்தக் குற்றச்சாட்டை காங்கிரஸ் கட்சி திட்டவட்டமாக மறுத்திருக்கிறது.

இந்த விவகாரம் குறித்து காங்கிரஸ் கட்சியின் மூத்த தலைவர்கள் ஜெய்ராம் ரமேஷ், கே.சி.வேணுகோபால், அபிஷேக் சிங்வி ஆகியோர் செய்தியாளர்களைச் சந்தித்தனர். அப்போது, ‘இது, முதல்வர் பூபேஷ் பாகலின் புகழைக் கெடுப்பதற்கான ஒரு சதிச் செயல். இதற்கு மக்கள் தக்க பாடம் புகட்டுவார்கள்’ என்று அவர்கள் கூறியுள்ளனர். சூதாட்ட நிறுவனத்திடம் லஞ்சம் பெற்றதாக சொல்லப்படும் விவகாரம் மக்கள் மத்தியில் தாக்கத்தை ஏற்படுத்தியதா இல்லையா என்பது தேர்தல் முடிவுகளில் தெரியவரும்.!

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/46c3KEk">
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/46c3KEk">
https://bit.ly/46c3KEk />

http://dlvr.it/SySCT5

Read More

பிரதமர் மோடி எதிர்க்கும் இலவசங்களை, வாரி வழங்கும் பாஜக... ஏன் இந்த விநோதம்?!

`வாக்குகளைக் கவருவதற்காக எதிர்க்கட்சிகள் இலவசங்களை வாரி வழங்குகின்றன’ என்று பிரதமர் நரேந்திர மோடி, இலவசங்களுக்கு எதிராகப் பேசிவருகிறார். மேலும், ‘இலவசங்கள் நம் குழந்தைகளின் உரிமையைப் பறித்து நாட்டின் வளர்ச்சியைத் தடுக்கும். சுயநலம் கொண்ட இலவச அறிவிப்புகள் நாடு தற்சார்பு அடைவதைத் தடுத்து, நேர்மையான வரி செலுத்துவோருக்கு சுமையை அதிகரிப்பதுடன், புதிய தொழில்நுட்பங்களில் முதலீடுகளையும் தடுக்கும்’ என்கிறார் பிரதமர் மோடி.மோடி

‘இலவசங்களை வழங்குவதால் நாட்டின் பொருளாதாரம் பாதிக்கப்படும்... இலவசங்கள் தொடர்ந்தால் இலங்கை, பாகிஸ்தான் போன்ற நாடுகளின் நிலைதான் இந்தியாவுக்கும் ஏற்படும்’ என்பதும் பிரதமர் மோடியின் கருத்து. இலவசங்களுக்கு எதிராக மோடி பேசத் தொடங்கிய பிறகு, ‘குறுகிய கால இலவசங்கள்’ தொடர்பான அறிவிப்புகளைத் தேர்தல் அறிக்கைகளில் தவிர்க்குமாறு தனது மாநில அமைப்புகளை பா.ஜ.க அறிவுறுத்தியதாக செய்திகள் வெளியாகின. 

இலவசங்களுக்கு எதிரான பிரதமர் மோடியின் கருத்துக்கு டெல்லி முதல்வரும் ஆம் ஆத்மி கட்சியின் தலைவருமான அரவிந்த் கெஜ்ரிவால் பதிலடி கொடுத்தார். ‘நாங்கள் இலவசங்களை விநியோகிக்கவில்லை, கல்வி, மருத்துவம் போன்ற மக்களுக்கான அடிப்படைத் தேவைகளை நிறைவேற்றுகிறோம். அவை, இலவசங்கள் அல்ல’ என்றார் அரவிந்த் கெஜ்ரிவால்.அமித் ஷா

இலவசங்களுக்கு எதிராக பிரதமர் பேசிவந்த நிலையில், பா.ஜ.க-வின் கோட்டையாக விளங்கும் குஜராத் மாநிலத்தில், சட்டமன்றத் தேர்தலின்போது இலவசங்கள் தொடர்பான வாக்குறுதிகளை பா.ஜ.க வழங்கியது. அதாவது, முதிய பெண்களுக்கு இலவச பேருந்து பயணம், மாணவிகளுக்கு இலவச சானிட்டரி நாப்கின், பொருளாதாரத்தில் நலிவடைந்த குடும்பங்களைச் சேர்ந்த கல்லூரி மாணவிகளுக்கு இலவச மின்சார ஸ்கூட்டர், பொருளாதாரத்தில் பின்தங்கிய கர்ப்பிணி பெண்களுக்கு மாதாந்திர இலவச ஊட்டச்சத்து திட்டம், ஒவ்வோர் ஆண்டும் இலவசமாக இரண்டு சமையல் எரிவாயு சிலிண்டர்கள் என பல வாக்குறுதிகளை பா.ஜ.க அறிவித்தது. இதன் மூலம் இலவசங்களுக்கு எதிரான கருத்திலிருந்து பா.ஜ.க பல்டி அடித்துவிட்டது என்று எதிர்க்கட்சிகள் விமர்சனம் செய்தன.

அடுத்ததாக, கர்நாடகா சட்டமன்றத் தேர்தலில் ஏராளமான ‘இலவச’ வாக்குறுதிகளை பா.ஜ.க அள்ளிவீசியது. ‘கர்நாடகாவில் ஏழைகளுக்கு தினமும் அரை லிட்டர் பால் இலவசமாக வழங்கப்படும். ஆண்டுக்கு மூன்று சமையல் எரிவாயு சிலிண்டர்கள் இலவசமாக வழங்கப்படும். உகாதி, விநாயகர் சதுர்த்தி, தீபாவளி நாள்களில் ஏழைகளுக்கு இலவச சிலிண்டர் வழங்கப்படும்’ என்பது போன்ற பல வாக்குறுதிகளை பா.ஜ.க வழங்கியது. மோடி

தற்போது, ஐந்து மாநில சட்டமன்றத் தேர்தல் பரபரப்படைந்துவரும் நிலையில், சத்தீஸ்கர் சட்டமன்றத் தேர்தலுக்கான பா.ஜ.க-வின் தேர்தல் அறிக்கையை மத்திய உள்துறை அமைச்சர் அமித் ஷா வெளியிட்டார். அதில், சத்தீஸ்கரில் பா.ஜ.க-வின் ஆட்சி அமைத்தால், திருமணமான பெண்களுக்கு ஆண்டுக்கு ₹12,000 நிதியுதவி வழங்கப்படும் என்ற வாக்குறுதி வழங்கப்பட்டிருக்கிறது. அதாவது, தமிழ்நாட்டில் தி.மு.க அரசு பெண்களுக்கு ரூ.1,000 மகளிர் உதவித்தொகை வழங்குவதைப்போன்ற திட்டத்தை பா.ஜ.க சத்தீஸ்கரில் அறிவித்திருக்கிறது. இதனால், திமுக ஆட்சியின் திட்டத்தை பா.ஜ.க காப்பியடிக்கிறது என்ற விமர்சனமும் எழுந்திருக்கிறது.‘தாஜ்மஹாலைக் கட்டியது யார்?’ - வழக்கின் வழியே சர்ச்சையைக் கிளப்பும் ‘இந்து சேனா’

இலவசங்களை எதிர்க்கும் பா.ஜ.க., இலவச வாக்குறுதிகளை வழங்குவதன் ஏன் என்ற கேள்வியையும் அரசியல் விமர்சகர்கள் எழுப்புகிறார்கள். ‘இலவசங்கள் என்று பிரதமர் மோடி போன்றவர்கள் பேசுவது ஏழைகளுக்கான நலத்திட்டங்களைத்தான். இத்தகைய திட்டங்களைத்தான் பா.ஜ.க எதிர்க்கிறது. ஆனால், பெரும் கார்ப்பரேட் நிறுவனங்களுக்கு பல்லாயிரம் கோடி ரூபாய்களை பா.ஜ.க அரசு வாரி வழங்குகிறது’ என்ற விமர்சனத்தை எதிர்க்கட்சிகள் முன்வைக்கின்றன.கர்நாடகாவில் மோடி

அதே நேரத்தில், ‘பெரும் கார்ப்பரேட்களுக்கு வழங்கப்படும் அந்த இலவசங்களை பா.ஜ.க எதிர்ப்பதில்லை. கடந்த ஒன்பதாண்டு கால பா.ஜ.க ஆட்சியில், வரிச்சலுகை, கடன் தள்ளுபடி என ரூ.25 லட்சம் கோடியை பா.ஜ.க அரசு பெரும் கார்ப்பரேட் நிறுவனங்களுக்கு வழங்கியிருக்கிறது’ என்றும் எதிர்க்கட்சிகள் விமர்சிக்கின்றன. ஏழைகளுக்கு கொடுத்தால் மட்டும் இலவசம் என்கிறார்கள்... பிரதமர் மோடி இலவசங்களுக்கு எதிராக தொடர்ந்து பேசினாலும் தேர்தல் நேரத்தில் பாஜக, இலவசங்கள் என்ற ஆயுதத்தை தவறாமல் எடுத்து விடுகிறது. எதிர்க்கட்சிகளின் இலவசங்களை கடிந்து கொள்ளும் மோடி, சொந்த கட்சியின் இலவசங்கள் தொடர்பான அறிவிப்பை மட்டும் எதுவும் சொல்லாமல் கடந்து செல்கிறார்.!

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/46c3KEk">
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/46c3KEk">
https://bit.ly/46c3KEk />

http://dlvr.it/SyRnsl

Read More

"இவையெல்லாம் நாட்டின் புண்கள்!" - பாஜக தலைவரின் சர்ச்சைப் பேச்சு; நடவடிக்கை எடுத்த தலைமை!

இந்த மாதம் ஐந்து மாநில சட்டமன்றத் தேர்தலும், அடுத்த ஆண்டு நாடாளுமன்றத் தேர்தலும் நடக்கவிருக்கும் நிலையில், அனைத்து அரசியல் கட்சிகளும் தங்கள் பிரசாரத்தைத் தீவிரமாக முன்வைத்து வருகின்றன. மத்தியில் ஆட்சியில் இருக்கும் பா.ஜ.க ராஜஸ்தான் மாநிலத்திலும் ஆட்சியைக் கைப்பற்றத் தீவிர அரசியலை முன்னெடுத்து வருகிறது. இந்த நிலையில், பா.ஜ.க- வேட்பாளர்களுக்கு ஆதரவாக அரசியல் கட்சித் தலைவர்கள் ஒவ்வொரு மாநிலத்துக்கும் சென்று வாக்கு சேகரிக்கும் முயற்சியில் ஈடுபட்டுவருகின்றனர்.பஞ்சாப் முன்னாள் முதல்வர் அம்ரீந்தர் சிங்

அவ்வப்போது சர்ச்சைக் கருத்துகளை வெளியிட்டு விமர்சனத்துக்குள்ளாகும் சம்பவங்களும் நடக்கிறது. இந்தத் தேர்தல் பிரசாரத்திலும், சர்ச்சைக் கருத்துகள் வெடித்திருக்கிறது. சமீபத்தில் ராஜஸ்தான் மாநிலம் திஜாராவில், ஆல்வார் தொகுதி வேட்பாளர் பாலக்நாத்-க்கு ஆதரவாக நடைபெற்ற தேர்தல் பிரசாரத்துக்கு உத்தரப்பிரதேச முதல்வர் யோகி ஆதித்யநாத் வந்திருந்தார்.

அவர் இருந்த மேடையில் பேசிய ராஜஸ்தான் பா.ஜ.க தலைவர் சந்தீப் தயாமா, "ராஜஸ்தானில் பா.ஜ.க ஆட்சியமைத்தவுடன் குருத்வாரா சாஹிப்களை வேரோடு பிடுங்க வேண்டும். இந்தத் தொகுதியில் சமீப காலமாக குருத்வாராக்கள் அதிகம் வந்ததிருக்கிறது. பள்ளிவாசல்களும், குருத்வாராக்களும் எதிர்காலத்தில் பெரிய பிரச்னையாக மாறும். அவை நாட்டின் திறந்திருக்கும் புண்கள். எனவே, இந்தப் பிரச்னையை இங்கிருந்து அகற்றுவதும், வேரோடு பிடுங்கி எறிவதும் நமது மதப் பொறுப்பு" எனப் பேசியிருந்தார்.தயாமா வெளியிட்ட மன்னிப்பு வீடியோவில்...

இந்தப் பேச்சுக்குச் சிரோமணி குருத்வாரா பர்பந்தக் கமிட்டி (எஸ்ஜிபிசி) தலைவரும், வழக்கறிஞருமான ஹர்ஜிந்தர் சிங் தாமி, "ஒரு மாநிலத்தின் முதல்வராக இருக்கும் யோகி ஆதித்யநாத் முன்னிலையில், சிறுபான்மையினர் சமுதாயத்துக்கு எதிராகப் பகிரங்கமான வெறுப்புப் பேச்சு பேசப்படுகிறது. அதை அந்த முதல்வர் சற்றும் பொருட்படுத்தவில்லை. இது பெரும் ஏமாற்றத்தையும், வருத்தத்தையும் அளிக்கிறது. இதை வன்மையாக கண்டிக்கிறேன்" எனத் தெரிவித்திருந்தார்.

அதைத் தொடர்ந்து, பா.ஜ.க மூத்த தலைவரும், பஞ்சாப் முன்னாள் முதல்வருமான அமரீந்தர் சிங் உள்ளிட்ட பலரும் கண்டனங்களைத் தெரிவித்தனர். இதற்கிடையில், பா.ஜ.க தலைவர் சந்தீப் தயாம மன்னிப்புக் கேட்டு வீடியோ ஒன்றை வெளியிட்டிருந்தார். அதில்,"ஆல்வார் தொகுதி வேட்பாளருக்கான தேர்தல் பிரசாரத்தில் நான் பேசியது தவறாக புரிந்துகொள்ளப்பட்டிருக்கிறது. நான் பள்ளிவாசல்கள், மதரஸாக்கள் என்றுதான் கூறவந்தேன். ஆனால், எப்படியோ தவறுதலாக குருத்வாராக்கள் என மாற்றிக் கூறிவிட்டேன். இது பலரை வருத்தியிருப்பதை அறிந்துகொண்டேன். அதனால் மன்னிப்பு கோருகிறேன்" எனத் தெரிவித்திருந்தார்.சண்டிகர் காவல்நிலையத்தில் பா.ஜ.க புகார்.

ஆனாலும், பஞ்சாப் பா.ஜ.க தலைவர் சுனில் ஜாகர், "ராஜஸ்தான் தலைவரின் இந்த மூர்க்கத்தனத்தை, சக குடிமக்களின் மத உணர்வுகளுக்கு எதிராக ராஜஸ்தான் தலைவரின் தகுதியற்ற பேச்சை மன்னிக்க முடியாது. அவரது பேச்சால் மக்களுக்கு ஏற்பட்ட காயம் குறித்து மத்திய தலைமைக்குத் தெரிவித்திருக்கிறேன். அவரை கட்சியிலிருந்து உடனே நீக்க வேண்டும்" எனக் குறிப்பிட்டார். பஞ்சாப் பா.ஜ.க மகளிர் அணித் தலைவி ஜெய் இந்தர் கவுர், சண்டிகர் காவல் நிலையத்தில் சந்தீப் தயாமா மீது புகாரளித்து தனது எதிர்ப்பை பதிவு செய்திருக்கிறார். பஞ்சாப் பா.ஜ.க-வின் தொடர் வற்புறுத்தலினால், ஒழுங்கு நடவடிக்கையாக பா.ஜ.க தலைமை சந்தீப் தயாமாவை கட்சியிலிருந்து நீக்கியிருக்கிறது.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/46c3KEk">
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/46c3KEk">
https://bit.ly/46c3KEk />
``திமுக - பாஜக கூட்டணி வைப்பதற்கு வாய்ப்புகள் அதிகமாக உள்ளன!” - கொளுத்திப் போடும் CTR நிர்மல் குமார்


http://dlvr.it/SyRQKD

Read More

கார்ட்டூன்: உளவாளி...

கார்ட்டூன்:


http://dlvr.it/SyQnGH

Read More

``காஸா மீது அணுகுண்டு வீசுவோம்" - சர்ச்சையைக் கிளப்பிய இஸ்ரேல் அமைச்சர்.. சஸ்பெண்ட் செய்த நெதன்யாகு!

`இஸ்ரேல் மீது ஹமாஸ் தாக்குதல்' என அக்டோபர் 7-ம் தேதி தொடங்கிய போரானது, தற்போது `பாலஸ்தீனத்தின் மீது இஸ்ரேல் தாக்குதல்' என்கிற நிலைமைக்கு வந்துவிட்டது. காரணம், 1,400 இஸ்ரேலியர்களை ஹமாஸ் குழு கொன்றிருக்கிறது, 200-க்கும் மேற்பட்டோரை பணயக்கைதிகளாக வைத்திருக்கிறது எனக் கூறும் இஸ்ரேல், பாலஸ்தீனத்தில் சிறுவர்கள் மற்றும் பெண்கள் மட்டுமே 7,000-க்கும் மேற்பட்டோர் என மொத்தமாக 9,000-க்கும் மேற்பட்டோரின் இறப்புக்குக் காரணமாகியிருக்கிறது.இஸ்ரேல் பிரதமர் பெஞ்சமின் நெதன்யாகு

`இன்னும் போர்த் தொடுப்போம், ஹமாஸை அழிப்பதுதான் எங்களின் வேலை' என அப்பாவி மக்களையும் சேர்த்து கண்மூடித்தனமாகக் கொன்றுகுவிக்கிறது இஸ்ரேல். இதில் குறிப்பிடப்பட வேண்டியது, ஹமாஸ் தாக்குதலில் இஸ்ரேலியர்கள் கொல்லப்பட்டபோது தீவிரவாத தாக்குதல் என வெகுண்டெழுந்த நாடுகள் எல்லாம், பாலஸ்தீன மக்கள் கொல்லப்படும்போது `தங்களைப் பாதுகாத்துக்கொள்ள இஸ்ரேலுக்கு உரிமை இருக்கிறது' என நடுநிலை தவறி உரிமைக்குரல் பேசுகின்றன.

இத்தகைய சூழலில்தான், இஸ்ரேல் அமைச்சர் அமிச்சாய் எலியாஹு (Amichai Eliyahu), `காஸா மீது அணுகுண்டு வீசுவதும் எங்களின் ஒரு விருப்பம்' எனக் கூறியது பெரும் சர்ச்சையை ஏற்படுத்தியது. இஸ்ரேலிய அமைச்சரின் இந்தக் கூற்று, அரபு நாடுகள் மட்டுமல்லாது இஸ்ரேலின் நட்பு நாடுகளும் கண்டனங்களைத் தெரிவிக்க வைத்தது.இஸ்ரேல் அமைச்சர் அமிச்சாய் எலியாஹு

அதையடுத்து, இஸ்ரேல் பிரதமர் அலுவலகத்தின் X வலைதளப் பக்கத்தில், ``அமைச்சர் அமிச்சாய் எலியாஹுவின் பேச்சு உண்மையை அடிப்படையாகக் கொண்டது அல்ல. இஸ்ரேலும், அதன் படைகளும் அப்பாவி மக்களுக்குப் பாதிப்பு ஏற்படாத வகையில், சர்வதேச சட்டங்களுக்கு இணங்கச் செயல்படுகின்றன. எங்களுக்கு வெற்றி கிடைக்கும் வரை அவ்வாறே செயல்படுவோம்" எனப் பிரதமர் பெஞ்சமின் நெதன்யாகு தெரிவித்திருந்தார்.இஸ்ரேல்

இந்த நிலையில், அமைச்சரவையிலிருந்து அமிச்சாய் எலியாஹு தற்காலிகமாக நீக்கப்படுவதாக இஸ்ரேல் பிரதமர் அலுவலகம் அறிவித்திருக்கிறது. இதற்கிடையில், தன்னுடைய கருத்துகள் திரிக்கப்பட்டுவிட்டதாக அமிச்சாய் எலியாஹு தெரிவித்திருந்தார் என்பது குறிப்பிடத்தக்கது.காஸா: `மக்களின் அகதிகள் முகாமையும் விட்டுவைக்காத இஸ்ரேல்' - ஐ.நா கண்டனமும், உலக நாடுகளின் அமைதியும்!


http://dlvr.it/SyQ3Vq

Read More

``பொருளாதார சுதந்திரம் கிடைக்க இவர்கள்தான் காரணம்” -இன்ஃபோசிஸ் நாராயண மூர்த்தி சொன்ன மூவர் யார்?

சமீபத்தில் வாரத்துக்கு 70 மணி நேரம் வேலை பார்க்க வேண்டும் என்று கூறி சர்ச்சையில் சிக்கிய இன்ஃபோசிஸ் நிறுவனர் நாராயண மூர்த்தி இப்போது இன்னொரு விஷயத்தைப் பற்றி பேசி பரபரப்பைக் கிளப்பியிருக்கிறார்.

இன்ஃபோசிஸ் நாராயண மூர்த்தி 'தி ரெக்கார்ட்' என்ற மோகன்தாஸ் பை பாட்காஸ்டில் பேசும்போது, இந்தியாவுக்கு 1947ல் அரசியல் ரீதியான சுதந்திரம் கிடைத்திருந்தாலும், பஞ்சம் பட்டினியும் தலைவரித்து ஆடிய இந்தியாவில் பொருளாதாரம் சுதந்திரம் கிடைத்தது என்னவோ 1991ல் தான் என்றும், அத்தகைய பொருளாதார சுதந்திரத்தைக் கொண்டு வர காரணமானவர்கள் டாக்டர் மன்மோகன் சிங், மாண்டெக் சிங் அலுவாலியா மற்றும் ப.சிதம்பரம் ஆகிய மூவர்தான் என்று கூறியிருக்கிறார். நரசிம்ம ராவ்; மன்மோகன் சிங்நரசிம்ம ராவ் + மன்மோகன் சிங் கூட்டணி: இந்தியா மறுஜென்மம் எடுத்த 1991... #IndependenceDay2022

அப்போது அவர் கூறியதாவது, "டாக்டர் மன்மோகன் சிங், மாண்டெக் சிங் அலுவாலியா மற்றும் ப.சிதம்பரம் ஆகிய மூவரும் தாங்கள் கொண்டுவந்த பொருளாதார கொள்கைகளால்தான் இந்தியாவுக்கு ‘பொருளாதார சுதந்திரம்’ கிடைத்தது.

இதற்காக இவர்களுக்கு இந்த நாடு மிகவும் கடமைப்பட்டுள்ளது. இந்தியாவுக்கு 1947-ல் அரசியல் ரீதியாக சுதந்திரம் கிடைத்திருந்தாலும், 1991-ல் தான் பொருளாதார ரீதியிலான சுதந்திரம் கிடைத்தது. அது சாத்தியமானதற்கு நரசிம்ம ராவுக்கு நாம் நன்றி சொல்ல வேண்டும். ஏனெனில் அப்போது டாக்டர் மன்மோகன் சிங் அவருடைய நிதி அமைச்சராக இருந்தார்.

பிரதமர் நரசிம்ம ராவ் நிதியமைச்சர் டாக்டர் மன்மோகன் சிங்கிற்கு முழுமையான ஆதரவு அளிக்காமல் இருந்திருந்தால், இந்தியா இப்போது எந்த நிலையில் இருந்திருக்கும் என்பதை யோசித்துப் பார்க்க முடியவில்லை. டாக்டர் மன்மோகன் சிங், அவரை அடுத்து மாண்டேக் சிங் அலுவாலியா மற்றும் ப. சிதம்பரம் ஆகிய மூன்று பேர்தான் இந்தியாவிற்குப் பொருளாதார சுதந்திரம் கிடைக்க வழிவகுத்தவர்கள். நாம் அனைவரும் அவர்களுக்கு மிகவும் நன்றியுள்ளவர்களாக இருக்க வேண்டும்” என்று அவர் கூறியுள்ளார்.மான்டெக் சிங் அலுவாலியா`ராகுலால் ராஜினாமா முடிவெடுத்தாரா மன்மோகன்?’ - மான்டேக் சிங் அலுவாலியா புத்தகம் கிளப்பிய சர்ச்சை

1991-க்குப் பிறகுதான் இந்தியாவில் பல்வேறு பொருளாதார சீர்திருத்தங்கள் மேற்கொள்ளப்பட்டன. நிறுவனங்கள் லைசென்ஸ் வாங்குவதில் உள்ள பல கட்டுப்பாடுகள் தளர்த்தப்பட்டன. அதனால் ஒவ்வொரு தொழில் நடவடிக்கைக்கும் உரிமம் வாங்குவதற்காகப் பல காலம் நிறுவனங்கள் காத்திருக்க வேண்டிய அவசியம் இல்லாமல் போனது. நிறுவனங்கள் சுதந்திரமாக தொழில் நடவடிக்கைகளைத் திட்டமிட முடிந்தது. இதனால் நாட்டின் பொருளாதார வளர்ச்சியும், வேலைவாய்ப்பும், மக்களின் வாழ்க்கை முறையும் மேம்பட்டு வந்தது.

1991ல் மன்மோகன் சிங் நிதி அமைச்சராக இருந்து தயார் செய்த பட்ஜெட் இந்தியப் பொருளாதாரத்தின் கட்டமைப்பையே தலைகீழாக மாற்றியது. அதனால்தான் அவர் இந்திய நவீன பொருளாதாரத்தின் ஆர்க்கிடெக் என்று அழைக்கப்படுகிறார்.

1991-ல் மான்டெக் சிங் அலுவாலியா வணிகத் துறை செயலாளராக இருந்தார். அவர்தான் பின்னர் திட்டக்குழுவின் துணைத் தலைவராக நியமிக்கப்பட்டார். அதன்பிறகு பொருளாதார விவகாரங்கள் துறைக்கும், நிதித் துறைக்கும் செயலாளராக இருந்தார். அவர் தன்னுடைய ஒவ்வொரு பதவியில் இருக்கும்போது பல சீர்திருத்தங்களைக் கொண்டு வர முக்கிய காரணமாக இருந்தார்.ப. சிதம்பரம் `ஒரு நாளைக்கு ரூ 5.6 கோடி நன்கொடை அளிக்கும் ஷிவ் நாடார்' கொடையாளர்கள் பட்டியலில் முதலிடம்...

அதேபோல் ப.சிதம்பரம் நிதி அமைச்சர், உள்துறை அமைச்சர், வர்த்தக அமைச்சர் எனப் பல்வேறு பொறுப்புகளை வகுத்தார். இந்தியாவில் ஏற்றுமதி இறக்குமதி வர்த்தகத்தில் பல்வேறு முக்கிய சீர்திருத்தங்களைக் கொண்டுவந்து வர்த்தகத்தை வளர்ச்சிப் பாதையில் கொண்டு சென்றதில் இவருடைய பங்கு முக்கியமானது என்று நாராயண மூர்த்தி பேசினார்.

இவர்கள் மீது பல்வேறு விமர்சனங்கள் இருந்தாலும் நாட்டின் பொருளாதாரத்தை மேம்படுத்தியதில் இவர்களது பங்கு முக்கியமானது என்பதில் எந்த சந்தேகமும் இல்லை.


http://dlvr.it/SyQ35M

Read More

காஸாவில் ஆம்புலன்ஸ் மீது தாக்குதல்... 15 பேர் பலி; அமெரிக்காவின் கோரிக்கையை மறுத்த நெதன்யாகு அரசு!

தங்கள்மீது தாக்குதல் நடத்திய ஹமாஸ் அமைப்பை அழித்தொழிக்கப்போவதாகக் கூறிக்கொண்டு, காஸா-மீது இஸ்ரேல் நடத்திவரும் போர்த் தாக்குதல் ஒரு மாதத்தை நெருங்கிக்கொண்டிருக்கிறது. இந்தப் போரில், 3,826 பாலஸ்தீன குழந்தைகள் உட்பட மொத்தம் 9,227 பேர் உயிரிழந்திருக்கின்றனர். இந்த நிலையில், உறவுகள், உடைமைகளை இழந்து, எஞ்சிய உயிரைக் கையில் பிடித்துக்கொண்டு மக்கள் தஞ்சம் புகுந்திருக்கும் அகதிகள் முகாம் மீதும் இஸ்ரேல் ராணுவம் வான்வழித் தாக்குதல் நடத்தியது பெரும் அதிர்வலைகளை ஏற்படுத்தியது.இஸ்ரேல் - காஸா தாக்குதல்

இதற்கு முன்னர் காஸாவின் மருத்துவமனை மீது இஸ்ரேல் வான்வழித் தாக்குதல் நடத்தியதைத் தொடர்ந்து, இஸ்ரேலின் தீவிர தாக்குதல் குறித்த தகவல்களும், உலக அளவில் இஸ்ரேலுக்கு எதிரான போராட்டங்களும் முன்னெடுக்கப்பட்டன. இந்த நிலையில், காஸாவிலுள்ள சுகாதார அமைச்சகம் நேற்று வெளியிட்ட அறிக்கையில், "இஸ்ரேலியத் தாக்குதல் படையால் முற்றுகையிடப்பட்ட வடக்கு காஸாவிலிருந்து, காயமடைந்தவர்களை வெளியேற்றிய ஆம்புலன்ஸ் மீது இஸ்ரேல் தாக்குதல் நடத்தியது.

இந்தத் தாக்குதலில் 15 பேர் கொல்லப்பட்டிருக்கின்றனர். 60 பேர் காயமடைந்திருக்கின்றனர்" எனக் குறிப்பிட்டிருக்கிறது. இந்தத் தாக்குதல் குறித்து இஸ்ரேல் ராணுவம் வெளியிட்ட அறிக்கையில், "காஸா பகுதி போர்க்களம் என்பதை நாங்கள் வலியுறுத்துகிறோம். அந்தப் பகுதியிலுள்ள பொதுமக்கள் தங்கள் சொந்த பாதுகாப்புக்காக தெற்கு நோக்கி வெளியேறுமாறு பலமுறை அழைப்பு விடுக்கப்பட்டிருக்கிறார்கள்" எனத் தெரிவித்திருக்கிறது.இஸ்ரேல் பிரதமர் பெஞ்சமின் நெதன்யாகு

ஐ.நா சபையில் இஸ்ரேலுக்கு எதிரான போர் நிறுத்தத்தை வலியுறுத்தும் தீர்மானம் நிறைவேற்றப்பட்ட பிறகும், இஸ்ரேல் தொடர்ந்து தாக்குதலில் ஈடுபட்டுவருகிறது. இந்தத் தாக்குதலில், சர்வதேசப் போர் விதிமீறல் தொடர்வதாக ஐ.நா கண்டனம் தெரிவித்திருக்கிறது. இதற்கிடையில், இஸ்ரேலின் டெல் அவிவில் நெதன்யாகுவை சந்தித்த அமெரிக்க வெளியுறவுத்துறை அமைச்சர் ஆண்டனி பிளிங்கன் போர் நிறுத்தத்துக்கு வலியுறுத்தியதாகவும், அதற்கு இஸ்ரேலிய அதிபர் நெதன்யாகு பிணைக் கைதிகள் விடுவிக்கப்படும் வரை போர் நிறுத்தப் பேச்சுக்கே வாய்ப்பில்லை என மறுத்துவிட்டதாகவும் தகவல் வெளியாகியிருக்கிறது.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/46c3KEk">
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/46c3KEk">
https://bit.ly/46c3KEk />
காஸா: `மக்களின் அகதிகள் முகாமையும் விட்டுவைக்காத இஸ்ரேல்' - ஐ.நா கண்டனமும், உலகநாடுகளின் அமைதியும்!


http://dlvr.it/SyPZlf

Read More