தாமரை சின்னம்: `விதிமீறலை நிரூபிக்காவிட்டால் கடும் அபராதம் விதிக்கப்படும்!’ - உயர் நீதிமன்றம் அதிரடி

`தேசிய மலரான தாமரையை ஒரு அரசியல் கட்சிக்கு ஒதுக்கியது அநீதி' எனவும், `நாட்டின் ஒருமைபாட்டை இழிவுபடுத்துவது' எனவும் கூறி, நாமக்கல் மாவட்டத்தை சேர்ந்த சமூக ஆர்வலரும், அகிம்சை சோசலிச கட்சியின் நிறுவன தலைவருமான T.ரமேஷ் என்பவர் சென்னை உயர் நீதிமன்றத்தில் பொது நல வழக்கை தாக்கல் செய்திருந்தார். உயர் நீதிமன்றம்

அந்த மனுவில், பாஜகவுக்கு தாமரை சின்னம் ஒதுக்கீடு செய்ததை ரத்து செய்யக்கோரி கடந்த செப்டம்பர் மாதம் இந்திய தேர்தல் ஆணையத்தில் கோரிக்கை மனு அளித்தும், நடவடிக்கை எடுக்கப்படவில்லை எனவும் தெரிவித்துள்ளார். தனது மனுவை பரிசீலித்து, பாஜக-வுக்கு ஒதுக்கப்பட்ட தாமரை சின்னத்தை ரத்து செய்ய வேண்டுமென மனுவில் கோரிக்கை விடுத்துள்ளார்.

இந்த மனு தலைமை நீதிபதி கங்காபூர்வாலா மற்றும் நீதிபதி  பரத சக்கரவர்த்தி அமர்வில் விசாரணைக்கு வந்தது. அப்போது, தாமரை சின்னத்தை பா.ஜ.வு-க்கு ஒதுக்க எந்த சட்டப்பிரிவு தடை செய்கிறது என நீதிபதிகள் கேள்வி எழுப்பினர். தாமரை

சின்னம் ஒதுக்கீட்டில் விதிமீறல் உள்ளது குறித்து விளக்கமளிக்க அவகாசம் வழங்க வேண்டும் என மனுதாரர் தரப்பில் விடுத்த கோரிக்கையை ஏற்று, விசாரணையை டிசம்பர் 8-ம் தேதிக்கு தள்ளிவைத்த நீதிபதிகள், இது விளம்பர நோக்குடன் தாக்கல் செய்யப்பட்ட வழக்கு எனவும், சின்னம் ஒதுக்கீட்டில் விதிமீறலை நிரூபிக்காவிட்டால் கடுமையான அபராதத்துடன் வழக்கு தள்ளுபடி செய்யப்படும் என நீதிபதிகள், எச்சரிக்கை விடுத்தனர்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/46c3KEk">
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/46c3KEk">
https://bit.ly/46c3KEk />

http://dlvr.it/SyVNmb

Read More

டெல்லியைத் தொடர்ந்து பஞ்சாபில் ஆம் ஆத்மி எம்.எல்.ஏ-கைது! - வழக்கும் பின்னணியும்

இந்த ஆண்டு நடைபெற்ற பஞ்சாப் சட்டமன்ற தேர்தலில் காங்கிரஸ், பா.ஜ.க, அகாலி தளம் போன்ற பெரும் கட்சிகளை பின்னுக்குத் தள்ளி, டெல்லியில் மட்டும் ஆட்சியிலிருந்த ஆம் ஆத்மி கட்சி, பஞ்சாப்பிலும் ஆட்சி அமைப்பதற்றக்கான பெரும்பான்மையைப் பெற்றது. ஆனால், அதன் பின்னர் ஆம் ஆத்மி கட்சி தொடர் சிக்கல்களைச் சந்தித்து வருகிறது. குறிப்பாகக் கடந்த சில மாதங்களாக அமலாக்கத்துறை, வருமானவரித்துறையினரால் டெல்லியில் தொடங்கி, தற்போது பஞ்சாப் வரை அந்தக் கட்சியின் முக்கிய எம்.பி-கள், எம்.எல்.ஏ-க்கள் பல்வேறு வழக்குகளில் கைது செய்யப்பட்டு சிறையில் அடைக்கப்பட்டுவருகிறார்கள்.ஜஸ்வந்த் சிங் கஜ்ஜன்மஜ்ரா

இந்நிலையில் ஆம் ஆத்மி கட்சியின் சட்டமன்ற உறுப்பினர் ஜஸ்வந்த் சிங் கஜ்ஜன்மஜ்ராவை அமலாக்க இயக்குநரகம் நேற்று கைது செய்திருக்கிறது. இது தொடர்பாக வெளியான தகவலில், "கடந்த 2011 - 2014-ம் ஆண்டுகளில் தாரா காா்பரேஷன் நிறுவனத்தின் இயக்குநராக இருந்த ஜஸ்வந்த் சிங் கஜ்ஜன்மஜ்ரா, பேங்க் ஆஃப் இந்தியா வங்கியில் நிறுவனம் சார்பாக சுமார் ரூ.40 கோடி கடன் பெற்றதாகவும், ஆனால், பெற்ற கடனை திரும்பச் செலுத்தாததால், அந்த நிறுவனத்துக்கு வழங்கப்பட்ட கடன் வாராக் கடன் பட்டியலில் சேர்க்கப்பட்டதாகவும் கூறப்படுகிறது.

அதைத் தொடர்ந்து, இந்தக் கடன் விவகாரம் தொடர்பாகக் கடந்த ஆண்டு மே மாதம் சி.பி.ஐ அதிகாரிகளும், செப்டம்பர் மாதம் அமலாக்கத்துறையும் ஜஸ்வந்த் சிங் கஜ்ஜன்மஜ்ரா தொடர்புடைய இடங்களில் சோதனை மேற்கொண்டனர். அதில், ரூ.32 லட்சம் ரொக்கம், செல்போன், லேப்டாப் உள்ளிட்டவை பறிமுதல் செய்யப்பட்டன. இந்த நிலையில், வங்கி மோசடி தொடர்பான பணமோசடி வழக்கில், விசாரணைக்காகப் பலமுறை சம்மன் அனுப்பியும் புறக்கணித்ததாகக் குற்றம்சாட்டப்பட்டது. அதைத் தொடர்ந்து, பஞ்சாப் மாநிலம் மலா்கோட்லா நகரில் நடந்த பொதுக்கூட்டத்தில், ஜஸ்வந்த் சிங் கஜ்ஜன்மஜ்ரா பங்கேற்றபோது அவரை பணமோசடி தடுப்புச் சட்டத்தின் கீழ் அமலாக்கத் துறையினர் கைது செய்திருக்கின்றனர்.மல்வீந்தா் சிங் காங்

இந்தக் கைது தொடர்பாகப் பஞ்சாப் மாநில செய்தித் தொடர்பாளர் மல்வீந்தா் சிங், "ஆம் ஆத்மி கட்சியின் பெயருக்குக் களங்கம் விளைவிப்பதற்காகவே இது போன்ற கைது நடவடிக்கைகளை மத்தியில் ஆளும் பா.ஜ.க அரசு மேற்கொண்டு வருகிறது. அவர் ஆம் ஆத்மியில் சேருவதற்கு முன்பாகவே இந்த வழக்கு அவர் மீது பதிவு செய்யப்பட்டிருக்கிறது" எனக் குறிப்பிட்டிருக்கிறார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/46c3KEk">
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/46c3KEk">
https://bit.ly/46c3KEk />
``கெஜ்ரிவாலைக் கைதுசெய்தால், சிறையிலேயே அமைச்சரவைக் கூட்டம் நடத்த அனுமதி கேட்போம்!" - ஆம் ஆத்மி


http://dlvr.it/SyV2PH

Read More

Vijay: `விஜய் அரசியல் கட்சி தொடங்குவார்; கூட்டணி குறித்துப் பேசிவிட்டுச் சொல்கிறேன்' - சீமான் ஆரூடம்

ஈரோடு நீதிமன்றத்தில் வழக்கு விசாரணைக்காக ஆஜராக வந்திருந்தார், நாம் தமிழர் கட்சியின் தலைமை ஒருங்கிணைப்பாளர் சீமான். பின்னர் செய்தியாளர்களைச் சந்தித்துப் பேசிய அவர், ``வருமான வரித்துறையை வைத்து, மத்திய அரசு எதிர்க்கட்சிகளை மிரட்டி வருகிறது. பா.ஜ.க ஆளும் மாநிலங்களில் எதிர்க்கட்சிகளைச் சோதனை செய்வது, பா.ஜ.க ஆளாத மாநிலங்களில் ஆளுங்கட்சியினரை சோதனை செய்வது என்ற போக்கைக் கடைபிடித்து வருகிறது. தமிழ்நாட்டில் தி.மு.க அமைச்சர்களைக் குறிவைத்து வருமான வரித்துறை சோதனை நடைபெற்று வருகிறது. அப்படியென்றால், கடந்தகால அ.தி.மு.க ஆட்சியில் எந்த தவறும் நடைபெறவில்லையா?சீமான்

அமைச்சர்கள் எ.வ.வேலு, பொன்முடி, எம்.பி ஜெகத்ரட்சகன் உள்ளிட்டோர் திடீரென்று பணக்காரர்களாகவில்லையே... அப்போதெல்லாம் கண்டுகொள்ளாமல், தேர்தலை மனதில் வைத்து மத்திய அரசு சோதனை நடத்துவது, பல சந்தேகங்களை எழுப்புகிறது. இதுவரை வருமான வரித்துறையினர் நடத்திய சோதனையில் எவ்வளவு ரொக்கம்... எவ்வளவு நகைகள் கைப்பற்றப்பட்டன என்று வெளிப்படையாக அறிவித்தது உண்டா?

60 ஆண்டுக்காலமாக மாறி மாறி ஆட்சி செய்த திராவிடக் கட்சிகளால், காலை உணவுகூட இல்லாமல் குழந்தைகள் படிக்க வரும் நிலைதான் இன்றும் தொடர்கிறது. தி.மு.க-வினர் தங்கள் வீட்டுப் பிள்ளைகளுக்குக் கொடுக்கும் உணவைப் போன்று, பள்ளிகளில் காலையில் கொடுக்கப்படும் உணவு இருக்க வேண்டும். அழுகிய முட்டைகளை குழந்தைகளுக்கு கொடுப்பதற்குப் பதிலாக அந்த திட்டத்தையே தமிழக அரசு கைவிட்டு விடலாம்.விஜய்

சனாதனம் என்றால் என்னவென்ற ஒரு வரையறைக்கு நாம் வர வேண்டும். பிறப்பின் அடிப்படையில் உயர்ந்தவன், தாழ்ந்தவன் என்ற வேறுபாட்டைக் கடைப்பிடிப்பதுதான் சனாதனம் மற்றும் வர்ணாசிரமத்தின் கோட்பாடு. இந்த ஏற்றத்தாழ்வை எதிர்க்கும் மாநாட்டில் அமைச்சர் உதயநிதி கலந்துகொண்டதே குற்றம் என்று சொல்வதை ஏற்க முடியாது. நடிகர் விஜய் திரைப்படத்தில் நடிப்பதை நிறுத்திவிட்டு, உறுதியாக அரசியல் கட்சி தொடங்குவார். அதன் பிறகு நாங்கள் கூட்டணி குறித்துப் பேசிவிட்டுச் சொல்கிறோம். தம்பி விஜய்யிடமும் `சீமானுடன் இணைந்து அரசியல் செய்வீர்களா?' என்ற கேள்வியை முன்வையுங்கள். வரும் மக்களவைத் தேர்தலில், நாம் தமிழர் கட்சி தனித்துதான் போட்டியிடுகிறது. அதில், 20 பெண் வேட்பாளர்கள், 20 ஆண் வேட்பாளர்களைக் களமிறக்கவிருக்கிறேன்" என்றார்.`சாதியக் கொடுமைகளின் கூடாரமாகிவிட்டது தமிழ்நாடு..!' - திமுக அரசைச் சாடும் சீமான்


http://dlvr.it/SySCy3

Read More

சத்தீஸ்கர் அரசியலில் புதிய புயலான ‘மகாதேவ்’ விவகாரம் - தேர்தலில் பாஜக-வுக்கு சாதகமா?!

டெல்லி மதுபானக் கொள்கை முறைகேடு குற்றச்சாட்டு தொடர்பான வழக்கில் ஆம் ஆத்மி கட்சியைச் சேர்ந்த டெல்லி முன்னாள் முதல்வர் மணீஷ் சிசோடியா உள்ளிட்டோர் சிறையில் இருக்கும் நிலையில், இந்த வழக்கில் டெல்லி முதல்வர் அரவிந்த் கெஜ்ரிவாலுக்கு அமலாக்கத்துறை குறிவைத்திருப்பதாக குற்றச்சாட்டு எழுந்திருக்கிறது. அரவிந்த் கெஜ்ரிவால்

அமலாக்கத்துறை அனுப்பிய சம்மனைப் பொருட்படுத்தாமல் தேர்தல் பிரசாத்துக்குச் சென்றார் கெஜ்ரிவால். இதனால், அடுத்து என்ன மாதிரியான நடவடிக்கையை அமலாக்கத்துறை எடுக்கப்போகிறது என்ற கேள்வி எழுந்திருக்கிறது.

அரவிந்த் கெஜ்ரிவாலைத் தொடர்ந்து சத்தீஸ்கர் மாநிலத்தின் முதல்வர் பூபேஷ் பாகல் அமலாக்கத்துறையால் குறிவைக்கப்பட்டிருக்கிறார். சத்தீஸ்கர் சட்டமன்றத் தேர்தல் பிரசாரம் சூடுபிடித்திருந்த நிலையில், ‘மகாதேவ் சூதாட்ட செயலி உரிமையாளரிடமிருந்து முதல்வர் பூபேஷ் பாகலுக்கு ரூ.508 கோடி கைமாறியதாக அமலாக்கத்துறை தெரிவித்த குற்றச்சாட்டு பெரும் பரபரப்பை ஏற்படுத்தியது.பூபேஷ் பாகல்

சத்தீஸ்கர் சட்டமன்றத் தேர்தல் இரண்டு கட்டங்களாக நடைபெறுகின்றன. முதற்கட்ட வாக்கு பதிவு நாளை (நவ. 7) நடைபெறவிருக்கிறது. இந்த நிலையில், முதல்வர் பூபேஷ் பாகலுக்கு எதிராக அமலாக்கத்துறை குற்றச்சாட்டியிருக்கிறது. ராய்பூரில் ரூ.5 கோடிக்கும் அதிகமான ரொக்கப்பணத்துடன் கைதான இடைத்தரகரிடம் நடத்தப்பட்ட விசாரணையைத் தொடர்ந்து, இந்தக் குற்றச்சாட்டை அமலாக்கத்துறை தெரிவித்திருக்கிறது.

சத்தீஸ்கர் உள்ளிட்ட வடமாநிலங்களில் ‘மகாதேவ்’ சூதாட்ட செயலி மிகவும் பிரபலம். இந்த நிறுவனத்திடம் சத்தீஸ்கர் சட்டமன்றத் தேர்தலுக்காக ரூ.508 கோடியை முதல்வர் பூபேஷ் பாகல் பெற்றிருக்கிறார் என்று பா.ஜ.க குற்றம்சாட்டுகிறது. முதல்வருக்கு எதிராக எழுப்பப்பட்டிருக்கும் இந்தக் குற்றச்சாட்டு, சத்தீஸ்கரில் பெரும் பரபரப்பை ஏற்படுத்தியிருக்கிறது.

மத்திய அமைச்சர் ராஜீவ் சந்திரசேகர், ‘இந்த சட்டவிரோத செயலி, இணையதளத்தை நீண்ட காலத்துக்கு முன்பாகவே சத்தீஸ்கர் அரசு முடக்கியிருக்கலாம். அதற்கான அனைத்து அதிகாரமும் அந்த அரசுக்கு இருக்கிறது. ஆனால், சத்தீஸ்கர் அரசு அதைச் செய்யவில்லை’ என்று குற்றம்சாட்டியிருக்கிறார்.ஸ்மிருதி இரானி

மத்திய அமைச்சர் ஸ்மிருதி இரானி, ‘சத்தீஸ்கர் சட்டமன்றத் தேர்தலை எதிர்கொள்ள மகாதேவ் சூதாட்ட செயலி நிறுவனத்திடம் இருந்து ரூ.508 கோடியை ஹவாலா பணமாக பூபேஷ் பாகல் பெற்றிருக்கிறார். இந்தியாவின் தேர்தல் வரலாற்றில் இதற்கு முன் இதுபோன்ற ஒரு மோசடி நடந்ததில்லை. அதிகாரத்தில் இருந்துகொண்டு இத்தகைய குற்றத்தில் சத்தீஸ்கர் முதல்வர் ஈடுபட்டிருக்கிறார்’ என்று குற்றம்சாட்டியிருக்கிறார்.

அமலாக்கத்துறையின் வேண்டுகோளை ஏற்று, ‘மகாதேவ் புக் ஆன்லைன்’ உட்பட 22 சட்டவிரோத சூதாட்ட தளங்களுக்குத் தடை விதித்திருப்பதாக மத்திய மின்னணு மற்றும் தகவல் தொழில்நுட்ப அமைச்சகம் தெரிவித்திருக்கிறது.

இந்த நிலையில், சத்தீஸ்கரில் பீம் சிங் யாதவ் என்ற போலீஸ்காரரும் அசிம்தாஸ் என்ற மற்றொரு நபரும் பணமோசடி தடுப்புச்சட்டத்தின் கீழ் கைது செய்யப்பட்டு காவலில் வைக்கப்பட்டிருக்கிறார்கள்.பூபேஷ் பாகல்

வாக்குப்பதிவு தொடங்குவதற்கு இரண்டு நாள்களுக்கு முன்பு சத்தீஸ்கரில் எதிர்க்கட்சியாக இருக்கும் பா.ஜ.க., வீடியோ ஒன்றை வெளியிட்டது. அதில், மகாதேவ் செயலி வழக்கு தொடர்பாக பல புதிய குற்றச்சாட்டுகள் இடம்பெற்றிருக்கின்றன.

மேலும், ‘சூதாட்டத்தின் மூலமாக சத்தீஸ்கர் மக்களை மாநில அரசு சூறையாடியிருக்கிறது. இந்த அரசை டிசம்பர் 3-ம் தேதி தூக்கியெறியப்போகிறார்கள். எனவே, ஆட்சியில் நீடிப்பதற்கான தார்மீக உரிமையை இழந்த பூபேஷ் பாகல் உடனடியாக பதவி விலக வேண்டும்’ என்று பா.ஜ.க-வினர் கூறிவருகிறார்கள். பிரதமர் மோடி எதிர்க்கும் இலவசங்களை, வாரி வழங்கும் பாஜக... ஏன் இந்த விநோதம்?!

மகாதேவ் சூதாட்ட தளம் தொடர்பான வழக்கில் விசாரணைக்கு ஆஜராகுமாறு திரைப்பட நடிகைகள் ஹூமா குரேஷி, ஹீனா கான், நகைச்சுவை நடிகர் கபில் சர்மா ஆகியோருக்கு அமலாக்கத்துறை சம்மன் அனுப்பியிருக்கிறது. ஏற்கெனவே, பாலிவுட் நடிகர் ரன்பீர் கபூருக்கும் அமலாக்கத்துறை சம்மன் அனுப்பியது. ஆனால், முதல்வர் பூபேஷ் பாகல் மீதான குற்றச்சாட்டுதான் அரசியல் வட்டாரத்தில் மிகவும் சீரியஸான ஒன்றாகப் பார்க்கப்படுகிறது. ஜெய்ராம் ரமேஷ்

சத்தீஸ்கர் மாநிலத்தில் காங்கிரஸ் கட்சி வெற்றிபெற்று மீண்டும் ஆட்சியமைக்கும் என்று கருத்துக்கணிப்புகள் வந்திருக்கின்றன. இந்த நிலையில், பூபேஷ் பாகலுக்கு எதிராக இந்தப் பிரச்னையை பா.ஜ.க பயன்படுத்திவருகிறது. இதனால், தேர்தலில் காங்கிரஸுக்கு பாதிப்பு எதுவும் வராது என்கிறார்கள் காங்கிரஸ் கட்சியினர். இந்தக் குற்றச்சாட்டை காங்கிரஸ் கட்சி திட்டவட்டமாக மறுத்திருக்கிறது.

இந்த விவகாரம் குறித்து காங்கிரஸ் கட்சியின் மூத்த தலைவர்கள் ஜெய்ராம் ரமேஷ், கே.சி.வேணுகோபால், அபிஷேக் சிங்வி ஆகியோர் செய்தியாளர்களைச் சந்தித்தனர். அப்போது, ‘இது, முதல்வர் பூபேஷ் பாகலின் புகழைக் கெடுப்பதற்கான ஒரு சதிச் செயல். இதற்கு மக்கள் தக்க பாடம் புகட்டுவார்கள்’ என்று அவர்கள் கூறியுள்ளனர். சூதாட்ட நிறுவனத்திடம் லஞ்சம் பெற்றதாக சொல்லப்படும் விவகாரம் மக்கள் மத்தியில் தாக்கத்தை ஏற்படுத்தியதா இல்லையா என்பது தேர்தல் முடிவுகளில் தெரியவரும்.!

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/46c3KEk">
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/46c3KEk">
https://bit.ly/46c3KEk />

http://dlvr.it/SySCT5

Read More

பிரதமர் மோடி எதிர்க்கும் இலவசங்களை, வாரி வழங்கும் பாஜக... ஏன் இந்த விநோதம்?!

`வாக்குகளைக் கவருவதற்காக எதிர்க்கட்சிகள் இலவசங்களை வாரி வழங்குகின்றன’ என்று பிரதமர் நரேந்திர மோடி, இலவசங்களுக்கு எதிராகப் பேசிவருகிறார். மேலும், ‘இலவசங்கள் நம் குழந்தைகளின் உரிமையைப் பறித்து நாட்டின் வளர்ச்சியைத் தடுக்கும். சுயநலம் கொண்ட இலவச அறிவிப்புகள் நாடு தற்சார்பு அடைவதைத் தடுத்து, நேர்மையான வரி செலுத்துவோருக்கு சுமையை அதிகரிப்பதுடன், புதிய தொழில்நுட்பங்களில் முதலீடுகளையும் தடுக்கும்’ என்கிறார் பிரதமர் மோடி.மோடி

‘இலவசங்களை வழங்குவதால் நாட்டின் பொருளாதாரம் பாதிக்கப்படும்... இலவசங்கள் தொடர்ந்தால் இலங்கை, பாகிஸ்தான் போன்ற நாடுகளின் நிலைதான் இந்தியாவுக்கும் ஏற்படும்’ என்பதும் பிரதமர் மோடியின் கருத்து. இலவசங்களுக்கு எதிராக மோடி பேசத் தொடங்கிய பிறகு, ‘குறுகிய கால இலவசங்கள்’ தொடர்பான அறிவிப்புகளைத் தேர்தல் அறிக்கைகளில் தவிர்க்குமாறு தனது மாநில அமைப்புகளை பா.ஜ.க அறிவுறுத்தியதாக செய்திகள் வெளியாகின. 

இலவசங்களுக்கு எதிரான பிரதமர் மோடியின் கருத்துக்கு டெல்லி முதல்வரும் ஆம் ஆத்மி கட்சியின் தலைவருமான அரவிந்த் கெஜ்ரிவால் பதிலடி கொடுத்தார். ‘நாங்கள் இலவசங்களை விநியோகிக்கவில்லை, கல்வி, மருத்துவம் போன்ற மக்களுக்கான அடிப்படைத் தேவைகளை நிறைவேற்றுகிறோம். அவை, இலவசங்கள் அல்ல’ என்றார் அரவிந்த் கெஜ்ரிவால்.அமித் ஷா

இலவசங்களுக்கு எதிராக பிரதமர் பேசிவந்த நிலையில், பா.ஜ.க-வின் கோட்டையாக விளங்கும் குஜராத் மாநிலத்தில், சட்டமன்றத் தேர்தலின்போது இலவசங்கள் தொடர்பான வாக்குறுதிகளை பா.ஜ.க வழங்கியது. அதாவது, முதிய பெண்களுக்கு இலவச பேருந்து பயணம், மாணவிகளுக்கு இலவச சானிட்டரி நாப்கின், பொருளாதாரத்தில் நலிவடைந்த குடும்பங்களைச் சேர்ந்த கல்லூரி மாணவிகளுக்கு இலவச மின்சார ஸ்கூட்டர், பொருளாதாரத்தில் பின்தங்கிய கர்ப்பிணி பெண்களுக்கு மாதாந்திர இலவச ஊட்டச்சத்து திட்டம், ஒவ்வோர் ஆண்டும் இலவசமாக இரண்டு சமையல் எரிவாயு சிலிண்டர்கள் என பல வாக்குறுதிகளை பா.ஜ.க அறிவித்தது. இதன் மூலம் இலவசங்களுக்கு எதிரான கருத்திலிருந்து பா.ஜ.க பல்டி அடித்துவிட்டது என்று எதிர்க்கட்சிகள் விமர்சனம் செய்தன.

அடுத்ததாக, கர்நாடகா சட்டமன்றத் தேர்தலில் ஏராளமான ‘இலவச’ வாக்குறுதிகளை பா.ஜ.க அள்ளிவீசியது. ‘கர்நாடகாவில் ஏழைகளுக்கு தினமும் அரை லிட்டர் பால் இலவசமாக வழங்கப்படும். ஆண்டுக்கு மூன்று சமையல் எரிவாயு சிலிண்டர்கள் இலவசமாக வழங்கப்படும். உகாதி, விநாயகர் சதுர்த்தி, தீபாவளி நாள்களில் ஏழைகளுக்கு இலவச சிலிண்டர் வழங்கப்படும்’ என்பது போன்ற பல வாக்குறுதிகளை பா.ஜ.க வழங்கியது. மோடி

தற்போது, ஐந்து மாநில சட்டமன்றத் தேர்தல் பரபரப்படைந்துவரும் நிலையில், சத்தீஸ்கர் சட்டமன்றத் தேர்தலுக்கான பா.ஜ.க-வின் தேர்தல் அறிக்கையை மத்திய உள்துறை அமைச்சர் அமித் ஷா வெளியிட்டார். அதில், சத்தீஸ்கரில் பா.ஜ.க-வின் ஆட்சி அமைத்தால், திருமணமான பெண்களுக்கு ஆண்டுக்கு ₹12,000 நிதியுதவி வழங்கப்படும் என்ற வாக்குறுதி வழங்கப்பட்டிருக்கிறது. அதாவது, தமிழ்நாட்டில் தி.மு.க அரசு பெண்களுக்கு ரூ.1,000 மகளிர் உதவித்தொகை வழங்குவதைப்போன்ற திட்டத்தை பா.ஜ.க சத்தீஸ்கரில் அறிவித்திருக்கிறது. இதனால், திமுக ஆட்சியின் திட்டத்தை பா.ஜ.க காப்பியடிக்கிறது என்ற விமர்சனமும் எழுந்திருக்கிறது.‘தாஜ்மஹாலைக் கட்டியது யார்?’ - வழக்கின் வழியே சர்ச்சையைக் கிளப்பும் ‘இந்து சேனா’

இலவசங்களை எதிர்க்கும் பா.ஜ.க., இலவச வாக்குறுதிகளை வழங்குவதன் ஏன் என்ற கேள்வியையும் அரசியல் விமர்சகர்கள் எழுப்புகிறார்கள். ‘இலவசங்கள் என்று பிரதமர் மோடி போன்றவர்கள் பேசுவது ஏழைகளுக்கான நலத்திட்டங்களைத்தான். இத்தகைய திட்டங்களைத்தான் பா.ஜ.க எதிர்க்கிறது. ஆனால், பெரும் கார்ப்பரேட் நிறுவனங்களுக்கு பல்லாயிரம் கோடி ரூபாய்களை பா.ஜ.க அரசு வாரி வழங்குகிறது’ என்ற விமர்சனத்தை எதிர்க்கட்சிகள் முன்வைக்கின்றன.கர்நாடகாவில் மோடி

அதே நேரத்தில், ‘பெரும் கார்ப்பரேட்களுக்கு வழங்கப்படும் அந்த இலவசங்களை பா.ஜ.க எதிர்ப்பதில்லை. கடந்த ஒன்பதாண்டு கால பா.ஜ.க ஆட்சியில், வரிச்சலுகை, கடன் தள்ளுபடி என ரூ.25 லட்சம் கோடியை பா.ஜ.க அரசு பெரும் கார்ப்பரேட் நிறுவனங்களுக்கு வழங்கியிருக்கிறது’ என்றும் எதிர்க்கட்சிகள் விமர்சிக்கின்றன. ஏழைகளுக்கு கொடுத்தால் மட்டும் இலவசம் என்கிறார்கள்... பிரதமர் மோடி இலவசங்களுக்கு எதிராக தொடர்ந்து பேசினாலும் தேர்தல் நேரத்தில் பாஜக, இலவசங்கள் என்ற ஆயுதத்தை தவறாமல் எடுத்து விடுகிறது. எதிர்க்கட்சிகளின் இலவசங்களை கடிந்து கொள்ளும் மோடி, சொந்த கட்சியின் இலவசங்கள் தொடர்பான அறிவிப்பை மட்டும் எதுவும் சொல்லாமல் கடந்து செல்கிறார்.!

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/46c3KEk">
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/46c3KEk">
https://bit.ly/46c3KEk />

http://dlvr.it/SyRnsl

Read More

"இவையெல்லாம் நாட்டின் புண்கள்!" - பாஜக தலைவரின் சர்ச்சைப் பேச்சு; நடவடிக்கை எடுத்த தலைமை!

இந்த மாதம் ஐந்து மாநில சட்டமன்றத் தேர்தலும், அடுத்த ஆண்டு நாடாளுமன்றத் தேர்தலும் நடக்கவிருக்கும் நிலையில், அனைத்து அரசியல் கட்சிகளும் தங்கள் பிரசாரத்தைத் தீவிரமாக முன்வைத்து வருகின்றன. மத்தியில் ஆட்சியில் இருக்கும் பா.ஜ.க ராஜஸ்தான் மாநிலத்திலும் ஆட்சியைக் கைப்பற்றத் தீவிர அரசியலை முன்னெடுத்து வருகிறது. இந்த நிலையில், பா.ஜ.க- வேட்பாளர்களுக்கு ஆதரவாக அரசியல் கட்சித் தலைவர்கள் ஒவ்வொரு மாநிலத்துக்கும் சென்று வாக்கு சேகரிக்கும் முயற்சியில் ஈடுபட்டுவருகின்றனர்.பஞ்சாப் முன்னாள் முதல்வர் அம்ரீந்தர் சிங்

அவ்வப்போது சர்ச்சைக் கருத்துகளை வெளியிட்டு விமர்சனத்துக்குள்ளாகும் சம்பவங்களும் நடக்கிறது. இந்தத் தேர்தல் பிரசாரத்திலும், சர்ச்சைக் கருத்துகள் வெடித்திருக்கிறது. சமீபத்தில் ராஜஸ்தான் மாநிலம் திஜாராவில், ஆல்வார் தொகுதி வேட்பாளர் பாலக்நாத்-க்கு ஆதரவாக நடைபெற்ற தேர்தல் பிரசாரத்துக்கு உத்தரப்பிரதேச முதல்வர் யோகி ஆதித்யநாத் வந்திருந்தார்.

அவர் இருந்த மேடையில் பேசிய ராஜஸ்தான் பா.ஜ.க தலைவர் சந்தீப் தயாமா, "ராஜஸ்தானில் பா.ஜ.க ஆட்சியமைத்தவுடன் குருத்வாரா சாஹிப்களை வேரோடு பிடுங்க வேண்டும். இந்தத் தொகுதியில் சமீப காலமாக குருத்வாராக்கள் அதிகம் வந்ததிருக்கிறது. பள்ளிவாசல்களும், குருத்வாராக்களும் எதிர்காலத்தில் பெரிய பிரச்னையாக மாறும். அவை நாட்டின் திறந்திருக்கும் புண்கள். எனவே, இந்தப் பிரச்னையை இங்கிருந்து அகற்றுவதும், வேரோடு பிடுங்கி எறிவதும் நமது மதப் பொறுப்பு" எனப் பேசியிருந்தார்.தயாமா வெளியிட்ட மன்னிப்பு வீடியோவில்...

இந்தப் பேச்சுக்குச் சிரோமணி குருத்வாரா பர்பந்தக் கமிட்டி (எஸ்ஜிபிசி) தலைவரும், வழக்கறிஞருமான ஹர்ஜிந்தர் சிங் தாமி, "ஒரு மாநிலத்தின் முதல்வராக இருக்கும் யோகி ஆதித்யநாத் முன்னிலையில், சிறுபான்மையினர் சமுதாயத்துக்கு எதிராகப் பகிரங்கமான வெறுப்புப் பேச்சு பேசப்படுகிறது. அதை அந்த முதல்வர் சற்றும் பொருட்படுத்தவில்லை. இது பெரும் ஏமாற்றத்தையும், வருத்தத்தையும் அளிக்கிறது. இதை வன்மையாக கண்டிக்கிறேன்" எனத் தெரிவித்திருந்தார்.

அதைத் தொடர்ந்து, பா.ஜ.க மூத்த தலைவரும், பஞ்சாப் முன்னாள் முதல்வருமான அமரீந்தர் சிங் உள்ளிட்ட பலரும் கண்டனங்களைத் தெரிவித்தனர். இதற்கிடையில், பா.ஜ.க தலைவர் சந்தீப் தயாம மன்னிப்புக் கேட்டு வீடியோ ஒன்றை வெளியிட்டிருந்தார். அதில்,"ஆல்வார் தொகுதி வேட்பாளருக்கான தேர்தல் பிரசாரத்தில் நான் பேசியது தவறாக புரிந்துகொள்ளப்பட்டிருக்கிறது. நான் பள்ளிவாசல்கள், மதரஸாக்கள் என்றுதான் கூறவந்தேன். ஆனால், எப்படியோ தவறுதலாக குருத்வாராக்கள் என மாற்றிக் கூறிவிட்டேன். இது பலரை வருத்தியிருப்பதை அறிந்துகொண்டேன். அதனால் மன்னிப்பு கோருகிறேன்" எனத் தெரிவித்திருந்தார்.சண்டிகர் காவல்நிலையத்தில் பா.ஜ.க புகார்.

ஆனாலும், பஞ்சாப் பா.ஜ.க தலைவர் சுனில் ஜாகர், "ராஜஸ்தான் தலைவரின் இந்த மூர்க்கத்தனத்தை, சக குடிமக்களின் மத உணர்வுகளுக்கு எதிராக ராஜஸ்தான் தலைவரின் தகுதியற்ற பேச்சை மன்னிக்க முடியாது. அவரது பேச்சால் மக்களுக்கு ஏற்பட்ட காயம் குறித்து மத்திய தலைமைக்குத் தெரிவித்திருக்கிறேன். அவரை கட்சியிலிருந்து உடனே நீக்க வேண்டும்" எனக் குறிப்பிட்டார். பஞ்சாப் பா.ஜ.க மகளிர் அணித் தலைவி ஜெய் இந்தர் கவுர், சண்டிகர் காவல் நிலையத்தில் சந்தீப் தயாமா மீது புகாரளித்து தனது எதிர்ப்பை பதிவு செய்திருக்கிறார். பஞ்சாப் பா.ஜ.க-வின் தொடர் வற்புறுத்தலினால், ஒழுங்கு நடவடிக்கையாக பா.ஜ.க தலைமை சந்தீப் தயாமாவை கட்சியிலிருந்து நீக்கியிருக்கிறது.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/46c3KEk">
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/46c3KEk">
https://bit.ly/46c3KEk />
``திமுக - பாஜக கூட்டணி வைப்பதற்கு வாய்ப்புகள் அதிகமாக உள்ளன!” - கொளுத்திப் போடும் CTR நிர்மல் குமார்


http://dlvr.it/SyRQKD

Read More

கார்ட்டூன்: உளவாளி...

கார்ட்டூன்:


http://dlvr.it/SyQnGH

Read More