`ஐயன் கார்த்திகேயன் தலைமையில் உண்மை சரிபார்ப்புக் குழு அமைப்பதா?'- நீதிமன்றத்தில் முறையிடும் அதிமுக!

இன்றைய தொழில்நுட்ப யுகத்தில் எந்தவொரு தகவலாக இருந்தாலும், உடனுக்குடன் சமூக வலைதளங்களில் வேகமாகப் பதிவிடப்படுகின்றன. இவ்வாறு வேகமாகப் பகிரப்படும் செய்திகள் உண்மையானவையா... பொய்யானவையா என்று தெரியாமலேயே மக்களிடத்தில் பரவி, சில நேரங்களில் வெறுப்பு பிரசாரங்களுக்கு அவை அடித்தளமாகின்றன. உதாரணத்துக்கு, வடமாநில புலம்பெயர் தொழிலாளர்கள் தமிழ்நாட்டில் தாக்குதலுக்குள்ளாவதாக சமூக வலைதளங்களில் பரவிய போலி வீடியோக்களைக் கூறலாம்.ஐயன் கார்த்திகேயன்

இத்தகைய சூழலில்தான், தமிழ்நாடு அரசு தொடர்பாக சமூக வலைதளங்களில் வெளியாகும் செய்திகளின் உண்மைத்தன்மையை ஆராயும்விதமாக, உண்மை சரிபார்ப்புக் குழு ஒன்று அமைக்கப்படுவதாகவும், அந்தக் குழுவில் 80 பேர் இடம்பெற்றிருப்பார்கள் என்றும் சமீபத்தில் அரசாணை ஒன்று வெளியானது. இன்னொருபக்கம், `YOU TURN' யூடியூப் சேனலின் ஆசிரியர் ஐயன் கார்த்திகேயன், அந்த சேனலின் அனைத்துப் பொறுப்புகளிலிருந்தும் வெளியேறுவதாக அறிவித்திருந்தார்.

அடுத்த சில நாள்களில், அரசின் உண்மை சரிபார்ப்புக் குழுவின் திட்ட இயக்குநராக ஐயன் கார்த்திகேயனை தமிழ்நாடு அரசு நியமித்திருப்பதாகத் தகவல் வெளியானது. அதன் தொடர்ச்சியாக, உண்மை சரிபார்ப்புக் குழு உருவாக்கப்பட்டதற்கும், அதன் திட்ட இயக்குநராக ஐயன் கார்த்திகேயன் நியமிக்கப்பட்டதற்கும் எதிர்க்கட்சிகள் தரப்பிலிருந்து எதிர்ப்புகள் வந்தன. குறிப்பாக, `தி.மு.க-வுக்கு ஆதரவான கருத்துகளைப் பேசுபவர் ஐயன் கார்த்திகேயன்' என்று விமர்சனங்கள் எழுந்தன.அதிமுக

இத்தகைய சூழலில்தான், உண்மை சரிபார்ப்புக் குழுவுக்கும், அதன் திட்ட இயக்குநராக ஐயன் கார்த்திகேயன் செயல்படவும் தடைவிதிக்குமாறு சென்னை உயர் நீதிமன்றத்தில் கடந்த நான்கு நாள்களுக்கு முன்பு அ.தி.மு.க மனு ஒன்றைத் தாக்கல் செய்தது.சென்னை உயர் நீதிமன்றம்

அ.தி.மு.க தொழில்நுட்பப் பிரிவு இணைச் செயலாளர் சி.டி.ஆர்.நிர்மல் குமார் தாக்கல் செய்த இந்த மனுவில், `உண்மை சரிபார்ப்புக் குழு அமைக்கப்பட்டிருப்பது பொதுமக்களின் பேச்சு சுதந்திரத்தின்மீதான தாக்குதல். எதிர்க்கட்சிகளின் குரலை ஒடுக்கும் முயற்சி. அதுமட்டுமல்லாமல், ஆளுங்கட்சியின் ஆதரவாளரான ஐயன் கார்த்திகேயனைத் திட்ட இயக்குநராக அரசு நியமித்திருக்கிறது. எனவே இதற்குத் தடை விதிக்க வேண்டும்' என்று குறிப்பிடப்பட்டிருந்தது. இந்த மனு சென்னை உயர் நீதிமன்றத்தில் விரைவில் விசாரணைக்கு வரலாம் என்று கூறப்படுகிறது.``திமுக - பாஜக கூட்டணி வைப்பதற்கு வாய்ப்பு அதிகம்!” - கொளுத்திப்போடும் சி.டி.ஆர்.நிர்மல் குமார்


http://dlvr.it/SyfwH0

Read More

``நீங்கள் நெருப்புடன் விளையாடுகிறீர்கள்..!" - பஞ்சாப் ஆளுநரைக் கண்டித்த உச்ச நீதிமன்றம்

தமிழ்நாடு, பஞ்சாப், மேற்கு வங்கம், தெலங்கானா போன்ற பா.ஜ.க ஆட்சியில் இல்லாத மாநிலங்களில் ஆளுநருக்கும், மாநில அரசுக்கும் இடையே தொடர்ச்சியான மோதல் போக்கு நிலவிவருகிறது. குறிப்பாக, சட்டமன்றத்தில் நிறைவேற்றப்படும் மசோதாக்களுக்கு ஒப்புதலளிக்காமல் ஆளுநர் வேண்டுமென்றே கிடப்பில் போடுகிறார் என்று, மாநில அரசு குற்றம்சாட்டுகிறது. மசோதாக்கள்மீதான ஆளுநரின் இத்தகைய செயல்களால், தமிழ்நாடு, பஞ்சாப் ஆகிய மாநிலங்கள் உச்ச நீதிமன்றத்தில் ஆளுநருக்கெதிராக மனுக்கள் தாக்கல் செய்திருக்கின்றன.பஞ்சாப் முதல்வர் பகவந்த் மான் - ஆளுநர் பன்வாரிலால் புரோஹித்

இதில் பாஞ்சாப் மாநில அரசு, `ஆளுநர் பன்வாரிலால் புரோஹித் ஆய்வுசெய்கிறேன் என்ற பெயரில், மசோதாக்களுக்கு ஒப்புதலளிக்காமல் காலதாமதப்படுத்துகிறார்' என்று தனது மனுவில் குறிப்பிட்டிருந்தது. பஞ்சாப் மாநில அரசின் இந்த மனுவை உச்ச நீதிமன்றத் தலைமை நீதிபதி சந்திரசூட் தலைமையிலான அமர்வு கடந்த திங்களன்று விசாரித்தது.

விசாரணையின்போது, `ஆளுநர் கொஞ்சமாவது மனசாட்சியின்படி நடந்துகொள்ள வேண்டும். அதோடு, தாங்கள் மக்களால் தேர்ந்தெடுக்கப்பட்டவர்கள் அல்ல என்பதை ஆளுநர்கள் மறக்கக் கூடாது' என்று மொத்தமாகவே ஆளுநர்களைக் குறிப்பிட்டு கண்டித்த நீதிமன்ற அமர்வு, மசோதாக்கள்மீது பஞ்சாப் மாநில ஆளுநர் மேற்கொண்ட நடவடிக்கைகள் குறித்து அறிக்கை சமர்ப்பிக்குமாறு, சொலிசிட்டர் ஜெனரல் துஷார் மேத்தாவுக்கு உத்தரவிட்டு, வழக்கை நவம்பர் 10-ம் தேதிக்கு ஒத்திவைத்தது.உச்ச நீதிமன்றம்

அதன்படி, உச்ச நீதிமன்றத்தில் பஞ்சாப் மாநில அரசின் மனு இன்று விசாரணைக்கு வந்தது. அப்போது, பஞ்சாப் அரசு சார்பில் ஆஜரான மூத்த வழக்கறிஞர் அபிஷேக் சிங்வி, ``மசோதாக்களுக்கு ஒப்புதல் அளிக்காமல், கடிதங்களைத்தான் எழுதுகிறார் ஆளுநர். ஏழு கடிதங்கள் இங்கு இருக்கின்றன. மேலும், முதலமைச்சரின் எந்த ஆலோசனையும் இல்லாமல் அவையை ஆளுநர் ஒத்திவைக்க முடியுமா... அவ்வாறு செய்ய சட்டமன்ற விதிகளில் ஆளுநருக்கு இடமில்லை. அதோடு, அவையை ஒத்திவைக்க வேண்டுமானால் சபாநாயகருடன் ஆளுநர் கலந்தாலோசிக்க வேண்டும்" என்று வாதாடினார்.

அதைத் தொடர்ந்து பேசிய துஷார் மேத்தா, ``அரசியலமைப்பின்கீழ் இதற்குத் தீர்வு காண்போம். எனக்கு ஒரு வாரம் அவகாசம் கொடுங்கள்" என்று தலைமை நீதிபதி சந்திரசூட்டிடம் கோரிக்கை விடுத்தார். பின்னர் இறுதியாகப் பேசிய சந்திரசூட், ``எந்த அதிகாரத்தைப் பயன்படுத்தி, சபாநாயகர் அழைத்த அமர்வை செல்லாது என்று நீங்கள் (ஆளுநர்) கூறுகிறீர்... இதைச் சொல்வதற்கு ஆளுநருக்கு என்ன அதிகாரம் இருக்கிறது... முறையாகத் தேர்ந்தெடுக்கப்பட்ட சட்டமன்றத்தில் நிறைவேற்றப்பட்ட மசோதாக்களின் போக்கை திசைதிருப்ப வேண்டாம்.இந்திய தலைமை நீதிபதி சந்திரசூட்

தேர்ந்தெடுக்கப்பட்ட சட்டமன்ற உறுப்பினர்களால் நிறைவேற்றப்பட்ட மசோதாக்கள் இவை... அப்படியிருக்க ஓர் ஆளுநர் எப்படி அவ்வாறு சொல்ல முடியும்... நீங்கள் நெருப்புடன் விளையாடுகிறீர்கள். இது மிகவும் தீவிரமான விஷயம். அமர்வு செல்லாது என்பதால், நிறைவேற்றப்பட்ட மசோதாவுக்கு ஒப்புதல் அளிக்க முடியாது என்று எப்படிக் கூற முடியும்... நீங்கள் என்ன செய்கிறீர்கள் என்பதன் தீவிரத்தை நீங்கள் புரிந்துகொள்கிறீர்களா..." என்று சரமாரியாகக் கண்டித்தார்.``கழிவுநீர் அகற்றும் பணியின்போது இறந்தால் ரூ.30 லட்சம் இழப்பீடு" - அரசுக்கு உச்ச நீதிமன்றம் உத்தரவு


http://dlvr.it/Syfvz1

Read More

`சட்டமன்றத்தில் நிறைவேற்றப்பட்ட மசோதாக்களை, ஆளுநர் நிறுத்திவைக்க முடியாது!' - உச்ச நீதிமன்றம்

சட்டப்பேரவையில் நிறைவேற்றப்பட்ட மசோதாக்களுக்கு ஒப்புதல் வழங்க ஆளுநருக்கு கால வரம்பு நிர்ணயம் செய்யவேண்டும் என்பது உள்ளிட்ட கோரிக்கைகளை முன்வைத்து, தமிழ்நாடு அரசு சார்பில் உச்ச நீதிமன்றத்தில் மனுத்தாக்கல் செய்யப்பட்டது. மேலும், பல்கலைக்கழக துணைவேந்தர்கள் நியமனங்களில் தேவையின்றி ஆளுநர் தலையிடுவதாகவும் மற்றொரு மனு, உச்ச நீதிமன்றத்தில் தாக்கல் செய்யப்பட்டிருந்தது. இந்த இரு வழக்குகளும் தலைமை நீதிபதி சந்திரசூட் தலைமையிலான அமர்வில் இன்று விசாரணைக்கு வந்தன. சட்டமன்றத்தில் நிறைவேற்றப்பட்ட 12 மசோதாக்களை ஆளுநர் கிடப்பில் வைத்திருப்பதாகவும், பணி நியமனம் உட்பட எந்த ஒரு கோப்புக்கும் ஒப்புதல் கொடுக்க ஆளுநர் மறுப்பதாகவும் தமிழ்நாடு அரசு தரப்பில் வாதிடப்பட்டது.முதல்வர் ஸ்டாலின் - ஆளுநர் ரவி

தமிழக அரசு தரப்பில் மூத்த வழக்கறிஞர்கள் அபிஷேக் மனு சிங்வி, முகுல் ரோத்தகி, பி.வில்சன் ஆகியோர் ஆஜராகி, பல்வேறு வாதங்களை முன்வைத்தனர். அரசின் தரப்பில், “2020-ம் ஆண்டு தொடங்கி, பல மசோதாக்கள் கிடப்பில் போடப்பட்டிருக்கின்றன. பணி நியமனம் உட்பட எந்த ஒரு கோப்புக்கும் ஆளுநர் அனுமதி வழங்குவதில்லை. As Soon As Possible என்ற வாக்கியத்தை ஆளுநர் தவறாகப் புரிந்துகொண்டு செயல்படுகிறார். அரசியல் சாசனப் பிரிவுகள் 200, 163 ஆகியவை வழங்கிய அதிகாரத்தை, ஆளுநர் தவறாகப் பயன்படுத்தியிருக்கிறார்.

மசோதாக்களைக் கிடப்பில்போட்டு, தமிழக அரசின் செயல்பாடுகளை ஆளுநர் முடக்குகிறார். 54 வழக்குகளில் அவர் நடவடிக்கையே எடுக்கவில்லை. கைதிகளை முன்கூட்டியே விடுதலை செய்யும் கோப்புகளில்கூட ஆளுநர் கையெழுத்திடவில்லை. எங்களின் கொள்கைமுடிவுக்கும், முன்னாள் அமைச்சர்கள்மீதான விசாரணைக்கும் ஆளுநர் ஒப்புதல் அளிக்கவில்லை.  

டி.என்.பி.எஸ்.சி-யில் தலைவர் பதவி உட்பட 14 பதவிகளில், 10 பதவிகள் காலியாக இருக்கின்றன. இப்படி இருந்தால், அரசு எப்படி இயங்க முடியும்... இது அரசின் உரிமைகளைப் பறிக்கும் விஷயம் என்பது ஒருபுறம் இருந்தாலும், மக்களின் அடிப்படை உரிமைகளைப் பறிக்கும் செயல்” என்று வாதிடப்பட்டது.தலைமை நீதிபதி டி.ஒய்.சந்திரசூட்

இதனை கேட்ட தலைமை நீதிபதி, "தமிழக ஆளுநர் மசோதாக்கள் மற்றும் கோப்புகளுக்கு ஒப்புதல் அளிக்காமல் இருப்பது தொடர்பாக அரசு முன்வைத்திருக்கும் குற்றச்சாட்டுகள், மிகவும் முக்கியத்துவம் வாய்ந்தவை. மசோதாமீது மாற்றுக் கருத்து இருந்து திருப்பி அனுப்புவதாக இருந்தால், உடனடியாகத் திருப்பி அனுப்ப வேண்டும். சட்டமன்றத்தில் நிறைவேற்றப்பட்ட மசோதாக்களை ஆளுநர் நிறுத்திவைக்க முடியாது" என்றார்.

அதைத் தொடர்ந்து தலைமை நீதிபதி அமர்வு, தமிழக அரசின் மனுவுக்கு பதிலளிக்க ஆளுநரின் செயலாளருக்கும் மத்திய அரசுக்கும் நோட்டீஸ் அனுப்ப உத்தரவிட்டு, வழக்கை வரும் 24-ம் தேதிக்குத் தள்ளிவைத்து உத்தரவிட்டது. அன்றைய தினம் மத்திய அரசின் சார்பில் வழக்கறிஞர்கள் ஆஜராக வேண்டும் என்றும் நீதிமன்ற அமர்வு அறிவுறுத்தியிருக்கிறது. ஆளுநர் ரவியால் திமுக - பாஜக இடையே அதிகரிக்கும் மோதல்... பாஜக-வுக்குச் சாதகமா, சிக்கலா?!


http://dlvr.it/SyfVpz

Read More

`ரம்மி, போக்கர் போன்ற திறமைக்கான விளையாட்டுகளுக்குத் தடை இல்லை!' - உயர் நீதிமன்றம்

ஆன்லைன் சூதாட்டங்களுக்குத் தடைவிதித்து தமிழக அரசு இயற்றிய `தமிழ்நாடு ஆன்லைன் விளையாட்டுகள் தடை மற்றும் விளையாட்டுகள் ஒழுங்குபடுத்துதல்' சட்டத்தை ரத்துசெய்யக் கோரி, ஆன்லைன் விளையாட்டு நிறுவனங்கள் தரப்பில் சென்னை உயர் நீதிமன்றத்தில் வழக்குகள் தாக்கல் செய்யப்பட்டன.

இந்த வழக்குகளை உயர் நீதிமன்றத் தலைமை நீதிபதி சஞ்சய் விஜய்குமார் கங்காபூர்வாலா, நீதிபதி ஆதிகேசவலு ஆகியோர் அடங்கிய அமர்வு விசாரித்தது. ஆன்லைன் விளையாட்டு நிறுவனங்கள் தரப்பில், `இத்தகையச் சட்டத்தை இயற்ற தமிழக அரசுக்கு அதிகாரமில்லை. திறமைக்கான விளையாட்டான ரம்மியை, அதிர்ஷ்டத்துக்கான விளையாட்டாகக் கருத முடியாது' என வாதங்கள் முன்வைக்கப்பட்டன. ஆன்லைன் ரம்மி

அதேபோல, `சட்டம் கொண்டுவர தமிழக அரசுக்கு அதிகாரம் இருக்கிறது. தற்கொலைகள் உள்ளிட்ட பல்வேறு அம்சங்களை ஆராய்ந்த பிறகே, இந்தச் சட்டம் கொண்டுவரப்பட்டிருக்கிறது' எனத் தமிழக அரசுத் தரப்பில் வாதங்கள் முன்வைக்கப்பட்டன.

செப்டம்பர் 13-ம் தேதி, அனைத்துத் தரப்பு வாதங்களும் முடிவடைந்ததையடுத்து, தீர்ப்பைத் தேதி குறிப்பிடாமல் தள்ளிவைத்தது நீதிமன்றம்.

இந்த நிலையில், இந்த வழக்குகளில் இன்று தீர்ப்பளித்த தலைமை நீதிபதி அமர்வு, ``ஆன்லைன் சூதாட்டத்தைத் தடைசெய்து நிறைவேற்றப்பட்ட சட்டத்தை, முழுமையாக ரத்துசெய்ய வேண்டும் என்ற நிறுவனங்களின் கோரிக்கையை நிராகரிக்கிறோம். அதிர்ஷ்டத்துக்கான ஆன்லைன் விளையாட்டுகளை தமிழக அரசு தடைசெய்தது செல்லும். சென்னை உயர் நீதிமன்றம்

அதேசமயம் திறமைக்கான ஆன்லைன் விளையாட்டுகளான ரம்மி, போக்கர் போன்ற விளையாட்டுகளைத் தடைசெய்த பிரிவுகளை ரத்துசெய்கிறோம்" எனத் தெரிவித்தது. மேலும், ஆன்லைன் ரம்மி உள்ளிட்ட விளையாட்டுகளை விளையாடுவதற்கான வயது, நேரம் உள்ளிட்டவை தொடர்பாக அரசு விதிகளை உருவாக்கிக்கொள்ளலாம் எனவும் நீதிமன்ற அமர்வு, தீர்ப்பில் சுட்டிக்காட்டியிருக்கிறது.மத்திய அரசின் விதிமுறைகளால் ஆன்லைன் ரம்மி தடைச் சட்டத்துக்கு ஆபத்தா?!


http://dlvr.it/SycN8J

Read More

`சேலத்துக்கு வாங்க... தீபாவளிப் பரிசு காத்திருக்கு..!’ - சர்பரைஸ் கொடுக்கும் எடப்பாடி

அ.தி.மு.க பொதுச்செயலாளரான பின்னர், கட்சிக்குள் பல்வேறு மாற்றங்களை எடப்பாடி பழனிசாமி மேற்கொண்டுவருகிறார். அதன் ஒரு பகுதியாக, நான்கு மண்டலங்களாக இருந்த ஐடி விங் கலைக்கப்பட்டு, வி.வி.ராஜ் சத்யனை செயலாளராகக்கொண்ட புதிய தகவல் தொழில்நுட்பப் பிரிவு சமீபத்தில் அமைக்கப்பட்டது. தொடர்ந்து, மாவட்டவாரியாக ஐடி விங் நிர்வாகிகள் நியமிக்கப்பட்டுவருகின்றனர். இப்படி ஒரு குடையின்கீழ் அ.தி.மு.க ஐடி விங் செயல்படுவதால், சமூக வலைதளங்களில் முன்பு எப்போதும் இல்லாத அளவுக்கு அதிமுக தற்போது செயல்படுவதாகத் தெரிவிக்கிறார்கள் அந்தக் கட்சியினர்.எடப்பாடி பழனிசாமி

அப்படி சமூக வலைதளங்களில் சிறப்பாகச் செயல்படும் கட்சிக்காரர்களை மேலும் ஊக்கப்படுத்த அ.தி.மு.க தலைமை முடிவுசெய்தது. அதன்படி, தமிழ்நாடு முழுவதும் சிறப்பாகச் செயல்படுவோர் என்ற லிஸ்ட்டை எடுத்து, அவர்களை எடப்பாடி தரப்பிலிருந்து தொடர்புகொண்டிருக்கின்றனர்.

அதாவது, "கட்சியின் கொள்கை, சமூக அக்கறையோடு சமூக வலைதளங்களில் நீங்கள் சிறப்பாகச் செயல்படுகிறீர்கள். உங்களைப் பாராட்ட, தலைமை முடிவுசெய்திருக்கிறது. வெள்ளிக்கிழமை 10 மணிக்குள் சேலம் நெடுஞ்சாலை நகரிலுள்ள தலைவர் வீட்டுக்கு வந்துவிடுங்கள். உங்களுக்கு தீபாவளிப் பரிசு காத்திருக்கிறது" என்று அழைப்பு விடுக்கப்பட்டிருக்கிறது. தமிழ்நாடு முழுக்க மொத்தம் 100 பேருக்கு அழைப்பு விடுக்கப்பட்டிருப்பதாகவும், இந்த 100 பேரில் நிர்வாகிகளும், கட்சியில் எந்தப் பொறுப்பும் இல்லாத தொண்டர்களும் இருப்பதாகவும் கூறப்படுகிறது. அதேநேரத்தில் தென்மாவட்டத்தைவிட வடமாவட்டத்திலிருந்துதான் அதிகப்படியான நபர்களுக்கு அழைப்பு விடுக்கப்பட்டிருப்பதாகத் தெரிகிறது.எடப்பாடி பழனிசாமியின் சேலம் வீடு

தி.மு.க தகவல் தொழில்நுட்ப அணி நிர்வாகிகள் அறிமுகக் கூட்டம் 'விங் 2.0' என்ற பெயரில் சென்னையில் பிரமாண்டமாக சமீபத்தில் இரண்டு நாள்கள் நடைபெற்றது. ஆனால், சிம்பிள் சந்திப்பாக அ.தி.மு.க இந்தக் கூட்டத்தை ஏற்பாடு செய்திருக்கிறது. அ.தி.மு.க ஐடி விங் நிகழ்ச்சிக்குப் பிறகு, இது போன்ற சந்திப்பு அடிக்கடி நடைபெறும் என்கிறார்கள் எம்.ஜி.ஆர் மாளிகை வட்டாரத்தினர்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/46c3KEk">
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/46c3KEk">
https://bit.ly/46c3KEk />
திமுக நிர்வாகிகளுக்கு தீபாவளி போனஸ்? - குஷியில் உடன்பிறப்புகள்; சோகத்தில் இரண்டு மாவட்ட நிர்வாகிகள்


http://dlvr.it/SybZFW

Read More

கார்ட்டூன்: உளவும் களவும்..!

லீடர்


http://dlvr.it/SyZXtW

Read More

மதுரை: சுங்குடி சேலை, இனிப்பு - காரம், செக்கு எண்ணெய்.. சிறைவாசிகளின் தீபாவளி சந்தை!

மதுரை மத்திய சிறை வளாகத்தில் திறக்கப்பட்டுள்ள தீபாவளி சந்தையில் சிறைவாசிகளால் தயாரிக்கப்பட்ட ரெடிமேட் ஆடைகள், இனிப்பு, கார வகைகளின் சிறப்பு விற்பனை களை கட்டியுள்ளது.ரெடிமேட் ஆடைகள

ஒருவித இறுக்கம் நிறைந்ததாகவும், நிராகரிக்கப்பட்ட பகுதியாகவும் பார்க்கப்படும் சிறைச்சாலைகளின் அடையாளம், சமீபகாலமாக மாற்றப்பட்டு வருகிறது.

சிறைவாசிகள், அவர்களின் குடும்பத்தினர், சிறைவாசிகளால் பாதிக்கப்பட்ட குடும்பத்தினர் நலன் சார்ந்து சிறைத்துறை எடுத்துவரும் பல்வேறு சீர்திருத்த நடவடிக்கைகளால் தமிழகத்திலுள்ள சிறைச்சாலைகள் கல்விச்சாலைகளாகவும், தொழிற்சாலைகளாகவும் மாறி வருகின்றன.சிறைச் சந்தை`கலைநாயகி’ விருது பெற்ற முத்துக்கண்ணம்மாள்... நடிகை ரோகிணி நெகிழ்ச்சி!

அந்த வகையில் 1600 -க்கும் மேற்பட்ட சிறைவாசிகள் உள்ள மதுரை மத்திய சிறைச்சாலையில் பல ஆண்டுகளுக்கு முன்பே விவசாயத்திலும், கைத்தொழில்களிலும் சிறைவாசிகள் ஈடுபட்டு வந்தனர். மேலும், சிறை அங்காடி திறக்கப்பட்டு அதில் அவர்கள் தயாரித்த இனிப்பு மற்றும் கார வகைகள், விளைவித்த காய்கறிகள் விற்பனை செய்யப்பட்டு வந்தன.

பின்பு சிறை வளாகத்திலேயே டீக்கடை, பலகாரக் கடை, அதன் நீட்சியாக சிறை அங்காடி, இப்போது சிறைச் சந்தை என வளர்ந்து வந்துள்ளது. பெட்ரோல் பங்கும் நடத்தப்படுகிறது. இங்குள்ள ஹோட்டலில் சுவையான உணவுகள் கிடைப்பதால் மக்கள் விரும்பி வரத் தொடங்கியுள்ளார்கள்.சிறைச் சந்தை

தற்போது இந்த வளாகத்தில்தான் தீபாவளிக்கான சிறப்பு சந்தை திறக்கப்பட்டுள்ளது. தீபாவளியை முன்னிட்டு சிறைவாசிகள் தயாரித்த ரூ.300 - 550 விலையில் ரெடிமேட் ஆடைகள் பல்வேறு டிசைன்களில் விற்பனைக்கு வந்துள்ளன. கூடவே சிறையில் நெய்யப்பட்ட போர்வைகள், துண்டுகள், கைலிகள், மதுரையில் பெயர் பெற்ற சுங்குடி சேலைகளும் விற்பனைக்கு வைக்கப்பட்டுள்ளன.

அதோடு சுத்தமாகவும் சுவையாகவும் தயாரிக்கப்பட்ட இனிப்பு வகைகள் கிலோ ரூ.300 - 500 வரையிலும், கார வகைகள் ரூ.240க்கும், ரூ.499-க்கு இனிப்பு மற்றும் கார வகைகள் அடங்கிய காம்போ பேக்குகளும் கிடைக்கின்றன.சிறைச் சந்தை

இந்த அங்காடியில் சிறையில் தயார் செய்யப்பட்ட செக்கு நல்லெண்ணெய், கடலை எண்ணெய், தேங்காய் எண்ணெய்யும் விற்பனை செய்யப்படுகின்றன.

மத்திய சிறை கண்காணிப்பாளர் பரசுராமன் முன்னிலையில் தீபாவளி சிறப்பு விற்பனையைத் தொடங்கிவைத்த சிறைத்துறை டிஐஜி பழனி பேசும்போது, "தமிழக சிறைகள் மற்றும் சீர்திருத்த பணிகள் துறை மூலம் சிறைவாசிகளை சீர்திருத்தும் பணியில் ஈடுபட்டு வருகிறோம். சிறைவாசிகள் சீர்திருத்தப் பணியில் தமிழ்நாடு அரசும் கூடுதல் கவனம் செலுத்தி வருகிறது. சிறைத்துறை டிஐஜி பழனிஆன்லைன் வகுப்பு; பள்ளி விடுமுறை; வொர்க் ஃப்ரம் ஹோம்... டெல்லியில் காற்று மாசு கட்டுக்குள் வருமா?

ஒரு தவறு செய்து சிறைக்கு சென்று வந்த பின், தாங்கள் செய்த தவற்றை உணர்ந்து மீண்டும் தவறு புரியாவண்ணம் அவர்களுக்கு நல்லொழுக்கங்களும், அவர்களது வாழ்வாதாரத்திற்குத் தேவையான தொழில் பயிற்சிகளும், கல்வி அறிவும் பெற பல்வேறு வகையான திட்டங்களை சிறைத் துறை டிஜிபி அமரேஷ் பூஜாரி செயல்படுத்தி வருகிறார்.

தீபாவளி பண்டிகையை முன்னிட்டு சிறைவாசிகளின் குடும்பத்தாரும், சிறைவாசியால் பாதிக்கப்பட்டவர்களின் குடும்பத்தாரும் பயன்பெறும் வகையில் இந்த தீபாவளியில் பொதுமக்கள் அதிகம் வாங்கும் பொருள்களான ஆடைகள், இனிப்பு, கார வகைகள் விற்பனை தமிழகம் முழுவதும் விரிவுபடுத்தப்பட்டுள்ளது. பொதுமக்கள் சிறைவாசிகளின் தயாரிப்புப் பொருள்களை அதிகளவு வாங்குவதற்கான சிறப்பு ஏற்பாட்டினை அவர் மேற்கொண்டுள்ளார்

இந்த தீபாவளி பண்டிகையில் சமுதாயத்தில் ஒரு மாற்றத்தை ஏற்படுத்தும் வகையில், சிறைவாசிகள் மீதான பொதுமக்களின் பார்வையை மாற்றும் வகையில் இந்தத் திட்டத்தை நடைமுறைப்படுத்தியுள்ளார். இதன் மூலம் பொதுமக்களுடன் சமுதாயத்தில் சிறைவாசிகள் இணைவதற்கான ஒரு வாய்ப்பாக இந்த தீபாவளி சிறப்பு விற்பனை அமையும். இது ஒரு சீர்திருத்த தீபாவளியாக அமையும் வகையில் பொதுமக்கள் தங்களது ஆதரவைத் தர வேண்டும்" என்றார்.சிறை சந்தைகீழே மீன், மேலே காபி... நீந்தும் மீன்களோடு வடிவமைக்கப்பட்ட கஃபே, எங்கு தெரியுமா?

தொழிலதிபர் செல்வராஜ் தன் நிறுவன ஊழியர்களுக்கு வழங்க 100 கிலோ சிறப்பு இனிப்பு பெட்டகத்திற்கு ஆர்டர் கொடுத்து முதல் விற்பனையை தொடங்கி வைத்தார். ரோட்டரி சங்க பிரசிடென்ட் சிவசங்கர் தன் ஊழியர்களுக்காக ஆர்டர் கொடுத்து சிறை சந்தையின் தீபாவளி விற்பனையை அமோகமாக ஆரம்பித்து வைத்ததார்.

மதுரை சிறை சந்தையின் தீபாவளி விற்பனை தினமும் காலை 6 மணி முதல் இரவு 10 மணி வரை நடக்கும் என்று தெரிவிக்கப்பட்டுள்ளது. கூடவே தமிழக அரசின் மஞ்சள் பை விற்பனைத் திட்டத்தையும் தொடங்கியுள்ளனர்.


http://dlvr.it/SyYnlT

Read More