கழுகார் அப்டேட்ஸ்: எம்.பி-யை மன்னிப்புக்கேட்க வைத்த திமுக|வெள்ளம், அதிகாரியை கப்சிப் ஆக்கிய அமைச்சர்

பிளான் போடும் அமலாக்கத்துறை!‘ஏதாவது பெருசா செஞ்சே ஆகணும்...’

அமலாக்கத்துறை அதிகாரியை லஞ்ச வழக்கில் தூக்கியது, அமலாக்கத்துறை அலுவலகத்தில் அதிரடி சோதனை நடத்தியதையெல்லாம் பிரஸ்டீஜ் பிரச்னையாகப் பார்க்கிறதாம் மத்திய அரசு. அதேநேரத்தில், ‘ஏதாவது பெருசா செஞ்சே ஆகணும்... திருப்பியடிக்காவிட்டால் எதிர்க்கட்சிகள் ஆளும் மாநிலத்திலெல்லாம் இதேபோல ஆரம்பித்துவிடுவார்கள்’ என்று அமலாக்கத்துறை அதிகாரிகளும் தங்களுக்குள் பேசத் தொடங்கிவிட்டார்களாம்.அங்கித் திவாரி

‘மணல் குவாரி விவகாரத்திலேயே ஏதாவது காக்கியையும் கோத்துவிட்டு கதகளி ஆடலாமா?’ என்றெல்லாம் தமிழ்நாட்டு அமலாக்கத்துறை அதிகாரிகள் மத்திய அரசுத் தரப்பில் அனுமதி கேட்டார்களாம். ‘ஆத்திரத்தில் எதையாவது செய்து, மேலும் அசிங்கப்பட்டுவிடக் கூடாது. கொஞ்சம் நிதானமாக, ஆலோசித்து காரியத்தில் இறங்கலாம்’ என்று டெல்லியிலிருந்து சொல்லியிருப்பதாகத் தகவல்.புலம்பும் உள்ளாட்சிப் பிரதிநிதிகள்!இளைஞரணி மாநாட்டுக்கு நன்கொடை...

சேலத்தில் டிசம்பர் 17-ம் தேதி நடக்கவிருக்கும் கட்சி இளைஞரணி மாநாட்டுச் செலவுக்கு மூன்று லட்டுகள், அதை நடத்துவது குறித்து நடக்கும் செயல்வீரர்கள் கூட்டச் செலவுக்கு இரண்டு லட்டுகள் என மொத்தம் ஐந்து லட்டுகளை நன்கொடையாகக் கொடுத்தே ஆக வேண்டும் என ஆளுங்கட்சியைச் சேர்ந்த உள்ளாட்சித் தலைவர்களிடம் வசூலில் இறங்கியிருக்கிறதாம் மா.செ-க்கள் தரப்பு. உதயநிதி ஸ்டாலின்

“இவ்வளவு லட்டை ஒரே நேரத்தில் தரணுமா?” என்று மயக்கம் போடாத குறையாகக் கேட்கிறார்களாம் உள்ளாட்சிப் பிரதிநிதிகள். ‘நீங்க ஈஸியா எங்ககிட்ட எதிர்க்கேள்வி கேக்குறீங்க. நாங்க மேலிடத்தை இப்படிக் கேட்க முடியுமா... கேட்டதை வேகமாக் கொடுங்கப்பா...’ எனக் கறாராகச் சொல்கிறார்களாம் மா.செ-க்கள். என்ன செய்வதென்று தெரியாமல் புலம்பிக்கொண்டிருக்கிறார்கள் உள்ளாட்சித் தலைவர்கள்.எம்.பி-யை மன்னிப்புக் கேட்கவைத்த தி.மு.கமக்களவையில் சர்ச்சைக் கருத்து...

நாடாளுமன்ற மழைக்காலக் கூட்டத்தொடரில் பேசிய தி.மு.க எம்.பி செந்தில்குமார், “வடக்கே இந்துத்துவாவை ஆதரிக்கும் மாநிலங்கள் அல்லது நாங்கள் ‘மாட்டு மூத்திர மாநிலங்கள்’ என்று அழைக்கும் மாநிலங்களில்தான் பா.ஜ.க வெற்றிபெற முடியும். தென்னிந்தியாவுக்குள் பா.ஜ.க-வால் வரவே முடியாது” எனப் பேசியது பெரும் சர்ச்சையை ஏற்படுத்தியது. இதற்கு பா.ஜ.க-வினர் மட்டுமல்லாமல் காங்கிரஸ் தலைவர்கள் பலரும் கடும் எதிர்ப்பு தெரிவித்தனர். திடீரெனத் தனது பேச்சுக்கு மன்னிப்புக் கேட்டு சமூக வலைதளப் பக்கத்தில் எழுதிய செந்தில்குமார், மக்களவையிலும் வருத்தத்தைப் பதிவுசெய்திருக்கிறார். `அவர் அப்படி மன்னிப்புக் கேட்கிற ஆளில்லையே...’ என்று பலரும் ஆச்சர்யப்பட்டார்கள். செந்தில்குமார்

“ஏற்கெனவே சனாதனம் குறித்து உதயநிதி பேசியது கூட்டணிக்குள் சலசலப்பை ஏற்படுத்தியிருந்த சூழலில், தற்போது செந்தில்குமார் பேசியிருப்பது கூட்டணிக் கட்சித் தலைவர்களைக் கொந்தளிக்கவைத்திருக்கிறது. இது பெரிய அளவில் சர்ச்சையாக உருவெடுக்கும் முன்பே சரிசெய்துவிட வேண்டும் என நினைத்த தி.மு.க தலைமை, உடனடியாக செந்தில்குமாரை மன்னிப்புக் கேட்கச் சொல்லி உத்தரவிட்டது. அதனால்தான் அவர் மன்னிப்புக் கேட்டார்” என்கிறார்கள் விவரமறிந்தவர்கள்.அதிகாரியை `கப்சிப்’ ஆக்கிய அமைச்சர்!தலைநகர் மழை, வெள்ளப் பிரச்னை...

மழை, வெள்ள பாதிப்புகளின் மீட்புப்பணிகள் குறித்து மாநகராட்சியின் மூத்த அதிகாரி சில உண்மைகளை வெளிப்படையாகப் பேச, அது ஆளும் தரப்புக்கு பெரும் தலைவலியை ஏற்படுத்தியிருக்கிறது. இதில் கடுப்பான தலைநகர அமைச்சர் அந்த அதிகாரியை விட்டுவிட்டு, மாநகராட்சியின் முதன்மையானவரிடம் சீற்றம் காட்டியிருக்கிறார். “உங்கள் நோக்கத்துக்கு ஏதாவது சொல்லிவிட்டுப் போனால், பிரச்னையை நாங்கள்தானே எதிர்கொள்ளவேண்டியிருக்கிறது. அதனால், இனி நீங்கள் எங்கும் எதுவும் பேச வேண்டாம்.

நாங்கள் சொல்லும்போது, சொல்வதை மட்டும் பேசினால் போதும்” எனச் சொல்லச் சொல்லி உத்தரவிட்டிருக்கிறார் அமைச்சர். முதன்மையானவரும் அதை அப்படியே அந்த அதிகாரி காதில் சொல்ல, எதுவும் பேச முடியாமல் `கப்சிப்’ ஆகிவிட்டாராம் அந்த அதிகாரி. “சென்னை வெள்ளப் பிரச்னை முடிவுக்கு வந்த பிறகு, கோட்டையில் பஞ்சாயத்து வைப்பதற்குத் தயாராகிவருகிறார் அந்த மூத்த அதிகாரி” என்று கிசுகிசுக்கிறது ரிப்பன் மாளிகை அதிகாரிகள் வட்டாரம்.திண்டாட்டத்தில் திருப்பூர் தி.மு.க!கோஷ்டிக்குள் கோஷ்டிச் சண்டை...

திருப்பூர் தி.மு.க வடக்கு மாவட்டச் செயலாளர் செல்வராஜ் எம்.எல்.ஏ கோஷ்டிக்கும், மேயர் தினேஷ்குமார் கோஷ்டிக்கும் இடையிலான கோஷ்டிப்பூசல் உச்சத்தில் இருக்கிறது. இதில் மேயர் தினேஷ்குமார் தரப்பு, செல்வராஜ் மீது ஏகப்பட்ட புகார்களைத் தலைமைக்கு தட்டிவிட்டிருக்கிறது. அதில் கொஞ்சம் உண்மையும் இருப்பதால், தலைமையின் அதிருப்திப் பார்வைக்கு ஆளாகியிருக்கிறாராம் செல்வராஜ். இந்த நிலையில் உடல்நிலை சரியில்லாததால், சிகிச்சைக்காகத் தீவிர கட்சிப் பணியிலிருந்து ஒதுங்கியிருக்கிறாராம் செல்வராஜ்.தினேஷ்குமார்

மக்களவைத் தேர்தலுக்கு முன்பு அவரை மாற்றிவிட வேண்டும் என்று மேயர் தினேஷ்குமார் தரப்பு காய்நகர்த்த, அப்படி அவரது பதவி பறிக்கப்பட்டால், அதை எப்படியாவது நாம் கைப்பற்றிவிட வேண்டுமென தீயாக வேலை செய்கிறாராம் வடக்கு மாவட்ட இளைஞரணி அமைப்பாளர் தங்கராஜ். இதனால் ஒரே கோஷ்டியைச் சேர்ந்த தினேஷ்குமார், தங்கராஜுக்கு இடையிலேயே இப்போது கோஷ்டி அரசியல் உருவாகிவிட்டதாகச் சொல்கிறார்கள். ‘ச்சீச்சீ... இந்தப் பழம் புளிக்கும்’ என இதில் எதிலுமே கலந்துகொள்ளாமல் அமைச்சர் மு.பெ.சாமிநாதனின் கோஷ்டி வேடிக்கை பார்த்துக்கொண்டிருப்பது தனிக்கதை!

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/46c3KEk">
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/46c3KEk">
https://bit.ly/46c3KEk />

http://dlvr.it/SzqTXC

Read More

நெல்லை: "மேயர் மீது நம்பிக்கையில்லாத் தீர்மானம் நிறைவேற்ற வேண்டும்!" - திமுக கவுன்சிலர்கள் மனு

நெல்லை மாநராட்சியில் 55 வார்டுகள் இருக்கின்றன. இவற்றில், 51 பேர் தி.மு.க மற்றும் அதன் கூட்டணிக் கட்சிகளைச் சேர்ந்த கவுன்சிலர்கள். மாநகராட்சி மேயர் சரவணனுக்கும், பெரும்பான்மையான தி.மு.க கவுன்சிலர்களுக்கும் இடையே ஆரம்பம் முதலே கருத்து வேறுபாடு நிலவிவருகிறது. மேயர் சரவணன் தன்னிசையாகச் செயல்படுவதாகவும், தங்கள் வார்டுகளில் நடக்கவேண்டிய பணிகளுக்கு டெண்டர் விடாமல், கோப்புகளைத் தனது மேஜையிலேயே வைத்துக்கொள்வதாகவும் புகார் எழுந்தது. மாநகராட்சி ஒப்பந்தங்களில் 25 சதவிகிதம் வரை கமிஷன் கேட்பதாகவும் அவர்மீது குற்றச்சாட்டுகளை முன்வைத்தனர். ஆனால், `அதில் உண்மையில்லை, அனைத்தும் தவறான ஆதாரமில்லாத குற்றச்சாட்டுகள்’ என மறுத்துவந்தார் சரவணன். நெல்லை மாநகராட்சி

மாநகராட்சி ஒப்பந்தங்களில் கமிஷன் வாங்குவது தொடர்பாக மேயர் சரவணன், பாளையங்கோட்டை தொகுதியின் எம்.எல்.ஏ-வும், அப்போதைய மத்திய மாவட்டச் செயலாளராகவும் இருந்த அப்துல் வஹாப்புடன் மோதல் ஏற்பட்டதாகப் பரபரப்பாகப் பேசப்பட்டது. இது தொடர்பாக விசாரணை நடத்திய கட்சித் தலைமை அப்துல் வஹாப்பின் ’மா.செ’ பதவியைப் பறித்தது. அதன் பின்னரும் மாநகராட்சியில் அமைதி நிலவவில்லை. தொடர்ந்து மேயருக்கு எதிராகப் புகார்கள் எழுந்தவண்ணம் இருந்தன.  கவுன்சிலர்கள் பலரும் மாமன்றக் கூட்டங்களில் நேரடியாகவே கேள்விகளை எழுப்புவதால், பல நேரங்களில் தீர்மானங்களை நிறைவேற்ற முடியாமல் ஒத்திவைக்கவேண்டிய சூழல் ஏற்பட்டது.

இந்த நிலையில், 40-க்கும் அதிகமான கவுன்சிலர்கள் கையெழுத்திட்டு கட்சித் தலைமைக்குப் புகார் மனு அனுப்பினர். இதில், பெரும்பான்மையான உறுப்பினர்கள் முன்வைக்கும் கோரிக்கைகளை மேயர் சரவணன் நிறைவேற்றித் தருவதில்லை என ஆளுங்கட்சியைச் சேர்ந்த கவுன்சிலர்களே தொடர்ந்து குற்றம்சாட்டிவருகின்றனர். மாமன்றக் கூட்டங்களில் மேயருக்கு எதிராக ஆளுங்கட்சி கவுன்சிலர்களே தர்ணா போராட்டத்தில் ஈடுபடுவதும் தொடர்கதையாகிவருகிறது. இதனால், மேயர்  மற்றும் கவுன்சிலர்களுக்கு இடையே மோதல் போக்கு நீடித்துவருகிறது. நெல்லை மாநகராட்சி

கடந்த நவம்பர் 21-ம் தேதி மாநகராட்சியில் நடைபெற்ற பொதுமக்கள் குறைதீர் முகாமில் மனு கொடுப்பதற்காக ஆளுங்கட்சி கவுன்சிலர்கள் 20 பேர் வந்திருந்தனர்.  முகாமில் மேயர், துணை மேயர், மாநகராட்சி ஆணையர் ஆகியோர் இல்லாததால் ஆத்திரமடைந்த கவுன்சிலர்கள் மனுவுடன் மாநகராட்சி அலுவலக வாசலில் அமர்ந்து தர்ணா போராட்டத்தில் ஈடுபட்டனர். குடிநீர், சாலை உட்பட அடிப்படைப் பிரச்னைகளைத் தீர்ப்பதற்கு மேயர் முன்னுரிமை கொடுப்பதில்லை எனப் போராட்டத்தில் ஈடுபட்ட கவுன்சிலர்கள் குற்றம்சாட்டினர்.

அத்துடன், அவர்மீது முறைகேடுப் புகார்களையும் அடுக்கினர். இந்த நிலையில்தான், 6-வது வார்டு உறுப்பினர் பவுல்ராஜ், 20-வது வார்டு உறுப்பினர் மன்சூர், 24-வது வார்டு உறுப்பினர் ரவீந்தர், மாநகரப் பிரதிநிதி சுண்ணாம்பு மணி ஆகியோர் கட்சியின் அடிப்படை உறுப்பினர் பதவியிலிருந்து தற்காலிகமாக நீக்கப்படுவதாக  தி.மு.க-வின் பொதுச்செயலாளர் துரைமுருகன் அறிவித்தார். “நெல்லை மாநகராட்சியில் அடிப்படை வசதிகளைச் செயல்படுத்துவதில்லை. மேயர் சரவணன் பாரபட்சமாக நடக்கிறார்” எனக் கூறி ஏற்கெனவே உள்ளாட்சித்துறை அமைச்சர் கே.என்.நேருவிடம் பெரும்பான்மையான தி.மு.க கவுன்சிலர்கள் மனு அளித்தனர். தர்ணாவில் ஈடுபட்ட தி.மு.க கவுன்சிலர்கள்

இது தொடர்பாக அமைச்சர்கள் கே.என்.நேரு, தங்கம் தென்னரசு ஆகியோர் மேயர் சரவணன் மற்றும் தி.மு.க கவுன்சிலர்களுடன் பேச்சுவார்த்தையில் ஈடுபட்டனர். இனி மாமன்றக் கூட்டத்தை முறையாக நடத்த உத்தரவிட்டனர்.  ஆனால், அமைச்சர்களின் பேச்சுவார்த்தைக்குப் பிறகும்  மேயர், கவுன்சிலர்களிடையே மோதல் போக்கு தொடர்கிறது. இந்த நிலையில், மேயர் சரவணன் மீது நம்பிக்கையில்லாத் தீர்மானம் கொண்டுவரும் கடிதத்தை தி.மு.க-வின் பெரும்பான்மையான கவுன்சிலர்கள் மாநகராட்சி ஆணையாளர் சுபம் ஞானதேவ் ராவிடம் ஒப்படைத்தனர். மாநகராட்சியின் கவுன்சில் செயல்பாடுகளுக்குக் குறைந்தபட்சம் ஆறு மாதங்களுக்குத் தடை விதித்தால் மட்டுமே, ஆணையர் உத்தரவுப்படி அடிப்படைப் பணிகள் நடக்கும் என மக்கள் எதிர்பார்க்கிறார்கள்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/46c3KEk">
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/46c3KEk">
https://bit.ly/46c3KEk />

http://dlvr.it/SzqTH4

Read More

நன்றிக்கடன்! - குறுங்கதை | My vikatan

வாசகர்களை, எழுத்தாளர்களாக, பங்களிப்பாளர்களாக மாற்றும் விகடனின் ‘My Vikatan’ முன்னெடுப்பு இது. இந்த கட்டுரையில் இடம் பெற்றுள்ள கருத்துக்கள் அனைத்தும், கட்டுரையாளரின் தனிப்பட்ட கருத்துக்கள். விகடன் தளத்தின் கருத்துக்கள் அல்ல. - ஆசிரியர்

காலையிலேயே எழுந்த பாலு,மனைவி,குழந்தைகளைப் பார்த்தான்.மூவரும் நன்றாகத் தூங்கிக் கொண்டிருந்தார்கள்.சரி!தூங்குபவர்களைச் சிரமப்படுத்த வேண்டாமென்று எண்ணி,அந்த ஒட்டுக் குடிசையை விட்டு வெளியே வந்து,ஓரமாக இருந்த மண்வெட்டியை எடுத்துத் தோளில் வைத்தபடி கிளம்பினான்.

ம்!கொஞ்ச காலம் முன்பு வரை அவன் வாழ்க்கை நன்றாகத்தான் ஓடிக்கொண்டிருந்தது.ஒரு காளவாயில் கல் அறுக்கும் வேலையில் அவன் சேர்ந்து,அங்கேயே வேலை செய்த உமாவையும் விரும்பிக் கைப்பிடித்தான்.இருவரும்இரண்டு குழந்தைகளுக்கும் பெற்றோர்களாகி விட்டார்கள்.ஏழ்மை

கொரோனா காலம் அவர்கள் வாழ்க்கையைப் புரட்டிப்போட,அவனையும் தாக்கியது.சில நாட்களுக்குப் பிறகு வந்த காய்ச்சல்,மேலும் அவனைப் பலஹீனப்படுத்த,சுமை தூக்கும் வலு அவனை விட்டு அகன்று விட்டதாக,அரசு மருத்துவமனை டாக்டர்கள்,சில சோதனை முடிவுகளைக் கொண்டு தெரிவிக்க,அவன் உடைந்தே போனான்.

அப்பொழுது ஆறுதல் கூறி அவனைத் தேற்றியது உமாதான்.’நான் இருக்கிறேங்க உங்களுக்கு…பயப்படாதீங்க…எனக்கு இன்னும் ஒடம்புல நெறையத் தெம்பு இருக்குது.வெயிட் தூக்க மட்டுமில்ல…இந்தக் குடும்பச் சுமையையும் சுமக்க!ஆண்டவன் ஏதோ ஒரு வழியைக் காட்டுவார்…கவலையை விடுங்க.’என்று அவள் எவ்வளவு சொன்னாலும்,அவன் மனதால், திருப்தி அடையவில்லை.வேறு வழியும் தெரியவில்லை.சுமை தூக்குவது,குனிந்து நிமிருவது ஆகியவற்றைச் செய்ய வேண்டாமென்று மருத்துவர்களே அவனிடம் அறிவுறுத்தியிருந்தார்கள்.

சில நாட்கள் ஓய்வுக்குப் பிறகு,பக்கத்துத் தெரு பழனியுடன் சேர்ந்து தொழிலுக்குப் போக ஆரம்பித்தான் பாலு!பழனி சற்றே வயதானவர். அவராலும் அதிக வெயிட்தூக்கமுடியாது.இருவரும் தோளில் மண்வெட்டியுடன் காலையிலேயே கிளம்பி விடுவார்கள்.தோட்டம் இருக்கும் வீடுகளாகப் பார்த்து,புல் செற்றுவது,வேண்டாத களைகளைப் பிடுங்கி எறிவது,மரக் கிளைகளைக் கழிப்பது போன்ற எளிதான பணிகளை,விரும்புபவர்கள் வீடுகளில் செய்து கொடுப்பார்கள்.சிலர் காலி மனைகளில் மண்டிக் கிடக்கும் புல்,புதர்களைச் சுத்தம் செய்யச் சொல்வார்கள்.இதுதான் அவர்கள் தொழில்!

வரும் வருமானத்தை இருவரும் பகிர்ந்து கொள்வார்கள்.ஆனால் எல்லா நாட்களிலும் வேலை கிடைக்காது.சில நாட்களில் நாள் பூரா சுற்றியும் எந்த வேலையும் கிடைக்காமல்,மதிய நேரத்தில் குழாய்த் தண்ணீரைக் குடித்தபடி, பசி மயக்கத்தில் வீடு வந்து சேர்வதும் உண்டு.வீட்டில் மட்டும் அறு சுவை உண்டி காத்திருக்குமா என்ன?ஏழைகளுக்குப் பசியும் பட்டினியுந்தானே உற்ற உறவினர்கள்!நம்பிக்கை

பழனி வீட்டிற்கு வந்த பாலு,அவருக்கு உடல்நிலை சரியில்லாததையறிந்து,தனியாகவே கிளம்பினான்.

காலையிலிருந்து பல தெருக்களைச் சுற்றியும், ஒருவரும் வேலை தரவில்லை.மதியமும் வந்து விட அங்கே,இங்கே சுற்றி மதியம் வழக்கமாக அவர்கள் வரும் அந்த டீக்கடைப் பக்கம் வந்து விட்டான்.வருமானத்திற்குத் தகுந்தாற்போல் சில நாட்களில் சாப்பாடும்,சில நேரங்களில் டீ-வடையும்,பல சமயங்களில் வெறும் டீயோடும் செல்வதுண்டு.இன்றோ…எதற்கும் வழியில்லை!கையில் காசில்லாத போதுதான் அடிவயிற்றில் அதிகமாகப் பசிக்கும் என்பார்கள்.இன்று பாலுவுக்கும் அப்படித்தான்.ரொம்பப் பசித்தது.சரி!கடையில் போய் ஒரு டம்ளர் தண்ணீராவது குடிக்கலாம் என்று கடையை நோக்கி நடந்தான்.

கடையில் கூட்டம் இன்று அதிகமாக இருந்தது.ஸ்பெஷலாகப் பிரியாணி வேறு போட்டிருந்தார்கள்.பிரியாணி வாசம் பாலுவின் நாசியையும் நிறைத்தது.இருப்பினும்,காசு இல்லாமல் கடையை நெருங்க,அவன் தன்மானம் தடுத்தது.கடைக்கார ரவி,வெளியே வந்தவர் பாலுவைப் பார்த்து விட,கையை ஆட்டிச் சைகையால் கூப்பிட்டார்.

பாலு அருகில் வந்ததும்,பேப்பர் ப்ளேட்டில் சூடான சிக்கன் பிரியாணியைக் கையில் கொடுக்க,அவனுக்கு ஒன்றும் புரியவில்லை.’அது ஒண்ணுமில்லை பாலு!இன்னிக்கி நம்ம தலைவரோட மகன் தங்கராசுக்குப் பிறந்த நாள்!அவர் செலவில எல்லோருக்கும் பிரியாணி.வழக்கமா இந்த நேரத்துக்கு நீயும்,பழனியும் வருவீங்களேன்னு நெனச்சேன்.நீ வந்துட்டே.நீங்கள்லாம் நம்ம ரெகுலர் கஷ்டமராச்சே…என்ற ரவி,’அதோ அங்க ஒக்காந்திருக்கவர்தான் தங்கராசு. நீ வேணும்னா ஒரு வாழ்த்து சொல்லிடு!’என்க,பாலு பவ்வியமாக தங்கராசு அருகில் சென்று வாழ்த்தினான்.

நாட்கள் வேகமாக ஓடின.அன்று பழனிக்கும்,பாலுவுக்கும் நிறைய வேலை கொடுத்தார் ஒருவர்.இருவரும் வேலையை முடிக்க முன்னிரவு ஆகி விட்டது.வீடு திரும்ப, ரவியின் கடையைக் கடந்துதான் செல்ல வேண்டும்.அப்படிக் கடந்த போதுதான் அந்தக் கொடூரம் நடந்தது.பிரியாணி

தங்கராசுவைத் துரத்திக் கொண்டு மூன்று,நான்கு பேர் கையில் கத்திகளுடன் ஓடி வர,பழனி பயந்து விலகிக் கொள்ள,பாலு அவர்களைத் தடுக்க விரைந்தான்.’அன்றைய பசிக்கு,சாதாரண சாப்பாடல்ல…பிரியாணியே கொடுத்த அவரைக் காப்பாற்ற வேண்டியது தன் கடமையென அவன் நினைத்தான்.தோளில் வைத்திருந்த மண்வெட்டியால், தங்கராசு தோளை நெருங்கிய கத்தியைத் தட்டி விட்டான்.பாலு அவ்வாறு செய்யாதிருந்தால் தங்கராசு அந்த இடத்திலேயே சரிந்திருப்பார்.கத்தியுடன் ஓடி வந்த மற்றொருவன்,கோபத்தில் பாலுவின் தோளில் கத்தியைப் பாய்ச்சி விட,அத்துடன் அனைவரும் ஓடி விட்டனர்.

கீழே விழுந்த பாலு வலியால் துடிக்க,பயத்தில் கடைக்குள் ஒதுங்கியிருந்த தங்கராசு வெளியில் வந்து,பாலுவின் கைகளைப் பிடித்தபடி,’நண்பா!என்னைக் காப்பாற்றி விட்டாய்!என் உயிரைக் காப்பாற்றிய உன்னை எப்படியும் நான் காப்பாற்றுவேன்!பயப்படாதே!’என்றபடி தூக்க,ஒதுங்கியிருந்த பழனியும் ஓடி வர,ரவியும் ஓடி வந்து உதவிக்குச் சேர்ந்து கொள்ள,ஆம்புலன்சுக்குப் போன் பண்ணிய தங்கராசு,தன் தலைவர் தந்தைக்கும் விபரம் சொல்ல,நிமிடங்களில், அடுத்து நடக்க வேண்டியவை விரைவாக நடந்தன.

மருத்துவ மனையில்…பாலுவுக்கு ரத்தம் அதிகமாக வெளியேறி விட்டதால் ரத்தம் செலுத்த வேண்டுமென்று சொல்ல,தங்கராசுவே ரத்தம் கொடுத்தார்.மண்வெட்டி

ஒரு வாரத்திற்குப் பிறகு பாலு டிஸ்சார்ஜ் செய்யப்பட,தங்கராசு சொன்னார்:’ஒரு வேளை உனக்குச் சோறு போட்டதற்கே நன்றிக் கடனாக என்னைக் காப்பாற்றியதாகச் சொல்கிறாய்.அப்டிப்பட்ட நல்ல மனசு கொண்ட உனக்கு முறையாக உதவா விட்டால் நான் நன்றிக்கடன் மறந்தவன் ஆகி விடுவேன்.நாளைக்கே நீ உன் குடும்பத்தாருடன் என் பண்ணை வீட்டுக்கு வந்து விடு.உன் குழந்தைகளை நல்ல பள்ளியில் நான் சேர்த்து விடுகிறேன்.உன் மண் வெட்டியைத் தூக்கிப் போடு.நாளையிலிருந்து என் பண்ணை வீட்டில் வேலை செய்யும் 20 பேரின் கங்காணி நீதான்-மேற்பார்வை செய்யும் மேற்பார்வையாளர் நீ!இதனை நீ மறுக்காமல் ஏற்றுக் கொள்ள வேண்டும்.என்னைச் சுற்றி அவர்கள் இன்னமும் வந்து கொண்டுதான் இருக்கிறார்கள்.என் முடிவு எப்போது வேண்டுமானாலும் நிகழலாம்.அதற்கு முன் என் நன்றிக்கடனை நீ ஏற்றுக் கொள்.அன்பு மனம் கொண்ட உன் நன்றிக் கடனையாவது தீர்த்த சந்தோஷத்திலாவது நான் சாவேன்!’

தங்கராசுவின் பேச்சு அவன் நண்பர்களையே அதிரச் செய்தது.’அவன் மனத்தில் இப்படியொரு இரக்கப் பக்கமா?’என்று அனைவரும் நெகிழ்ந்தார்கள்.

‘நீங்கள் சொல்லும் எல்லாவற்றையும் செய்கிறேன்.ஆனால் அந்த மண்வெட்டியை மட்டும் தூக்கி எறியச் சொல்லாதீர்கள்.ஏனென்றால் அது தான் உங்கள் உயிரைக் காப்பாற்றியது;எனக்கு நல்ல வாழ்வை ஏற்படுத்திக் கொடுத்தது!’என்று பாலு சொல்ல,அனைவரும் அதனை ஏற்றுக் கொள்வது போல் ஓர் அமைதி அங்கு நிலவியது!

விகடனில் உங்களுக்கென ஒரு பக்கம்...



உங்கள் படைப்புகளைச் சமர்ப்பிக்க - my@vikatan.com என்ற மின்னஞ்சலுக்கு அனுப்புங்கள்!

my vikatan

ஏதோ ஓர் ஊரில், எங்கோ ஒரு தெருவில் நடந்த ஒரு விஷயம்தான் உலகம் முழுக்க வைரலாகிறது. உங்களைச் சுற்றியும் அப்படியொரு வைரல் சம்பவம் நடந்திருக்கலாம்... நடந்துகொண்டிருக்கலாம்... நடக்கலாம்..! அதை உலகுக்குச் சொல்வதற்காகக் களம் அமைத்துக் கொடுக்கிறது #MyVikatan. இந்த எல்லையற்ற இணையவெளியில் நீங்கள் செய்தி, படம், வீடியோ, கட்டுரை, கதை, கவிதை என என்ன வேண்டுமானாலும் எழுதலாம். ஃமீம்ஸ், ஓவியம் என எல்லாத் திறமைகளையும் வெளிப்படுத்தலாம்.


http://dlvr.it/SzqT0w

Read More

`சிறை கேன்டீனில் கைதிகளுக்கு ஐஸ்க்ரீம், கேக், பானி பூரி, இளநீர்..!' - மகாராஷ்டிரா அரசு முடிவு

சிறை என்றாலே சாப்பாடு மிகவும் மோசமாக இருக்கும் என்று ஒரு கருத்து உண்டு. ஆனால் இப்போது சிறையில் உணவோடு சேர்த்து அசைவ உணவுகளும் கொடுக்க ஆரம்பித்திருக்கின்றனர். இது தவிர சிறை கேன்டீனில் தங்களுக்குத் தேவையான பொருள்களை வாங்கிப் பயன்படுத்திக்கொள்ள முடியும். தண்டனை பெற்ற கைதிகளுக்கு சிறையிலேயே வேலைவாய்ப்பு கொடுக்கப்படுகிறது. இதன் மூலம் அவர்களுக்குக் கிடைக்கும் சம்பளத்தில், தங்களுக்குத் தேவையான பொருள்களை வாங்கிக்கொள்ள முடியும். மகாராஷ்டிரா சிறைகளில் இருக்கும் கேன்டீன்களில் இதுவரை சோப்பு, பிஸ்கெட் போன்ற சொற்ப பொருள்களே கிடைக்கும். அவற்றின் எண்ணிக்கையை அதிகரிக்க சிறைத்துறை முடிவுசெய்தது.

இதையடுத்து கைதிகளுக்கு என்ன பிடிக்கும் என்று அவர்களிடமே கேட்டு, அந்தப் பொருள்களை கேன்டீனில் வைக்க முடிவு செய்யப்பட்டிருக்கிறது. அதன்படி கைதிகளிடம் கருத்து கேட்கப்பட்டது. கைதிகள் தங்களது விருப்பத்துக்கு ஏற்ப பல்வேறு பொருள்களின் பெயர்களைத் தெரிவித்தனர். `சிறையில் பிறந்தநாள் கொண்டாட கேக் இல்லாமல் இருக்கிறது. எனவே, கேன்டீனில் ஒரு கிலோ கேக் இருந்தால் நன்றாக இருக்கும்’ என்று சிலர் தெரிவித்தனர்.

ஆனால் சிறைக்குள் பிறந்தநாள் கொண்டாட அனுமதிக்க முடியாது என்றும், ஒரு கிலோ கேக் விற்பனை செய்ய முடியாது என்றும் கூறிவிட்டனர். ஆனால், சிறிய கேக் விற்பனை செய்யப்படும் என்று சிறைத்துறை அதிகாரிகள் தெரிவித்திருக்கின்றனர். இது குறித்து சிறைத்துறை அதிகாரி அமிதாப் குப்தா கூறுகையில்,''கைதிகளின் கருத்துகளைக் கேட்டு பாதுகாப்பு அம்சங்களை கவனத்தில்கொண்டு சிறை கேன்டீன்களில் விற்பனை செய்யப்படும் பொருள்களின் எண்ணிக்கை அதிகரிக்கப்பட்டிருக்கிறது. கூடுதலாக 167 பொருள்களைச் சேர்க்க முடிவுசெய்திருக்கிறோம்'' என்றார்.

ஐஸ்க்ரீம், பானி பூரி, சமோசா, கச்சோரி, கடலை மிட்டாய், பாப்கார்ன், சிறிய வகை கேக்குகள், இளநீர், ஃபேஸ் வாஷ் க்ரீம்கள், மருதாணி போன்ற ஏராளமான பொருள்கள் சிறை கேன்டீனில் விற்பனை செய்யப்படும் என்று அதிகாரிகள் தெரிவித்திருக்கின்றனர். சிறையில் விசாரணைக் கைதிகளாக இருப்பவர்கள் தங்களது வீட்டிலிருந்து ஒவ்வொரு மாதமும் ரூ.3,500 வாங்கி சிறையில் செலவு செய்துகொள்ள முடியும்.மகாராஷ்டிரா சிறை

தண்டனை பெற்ற கைதிகளுக்கு அவர்களின் திறமைக்குத் தக்கபடி வேலை கொடுக்கப்படும். இதற்காக அவர்களுக்கு தினமும் 53 ரூபாயிலிருந்து 94 ரூபாய் வரை சம்பளமாகக் கொடுக்கப்படுகிறது. இந்தப் பணத்தைச் சிறையில் செலவு செய்துகொள்ளலாம் அல்லது தங்களது உறவுகளுக்கு அனுப்பிவைக்கலாம். மகாராஷ்டிரா முழுவதும் 60 சிறைகள் இருக்கின்றன.


http://dlvr.it/SzqSlf

Read More

Tunnel Collapse: 10வது நாள் மீட்புப் போராட்டம்; பைப் மூலம் ஆக்ஸிஜன், உணவு- மீட்புப்பணி புகைப்படங்கள்

http://dlvr.it/Sz8PQT

Read More

`மர்மமாக கூட்டம் நடத்துகிறார்’... கே.எஸ்.அழகிரியுடன் மோதும் ஈவிகேஎஸ் - அரசியல் பின்னணி என்ன?!

சென்னை, சத்தியமூர்த்தி பவனில் காங்கிரஸ் மாவட்ட தலைவர்களுக்கான ஆலோசனை கூட்டம் நடந்தது. மாநில தலைவர் கே.எஸ்.அழகிரி இதற்கு தலைமை வகித்தார். 50-க்கும் மேற்பட்ட மாவட்ட தலைவர்கள் இதில் கலந்து கொண்டனர். இக்கூட்டத்தில், 'வாக்குச்சாவடி நிலை முகவர்களை நியமிக்கும் பணியை டிசம்பர் மாத இறுதிக்குள் நியமிக்க வேண்டும். அவர்களுக்கான பயிற்சிக்கூட்டங்களை வரும் ஜனவரிக்குள் நடத்தி முடிக்க வேண்டும். INDIA கூட்டணியை மேலும் வலிமையாக்கி, செழுமையாக்குவது ஒவ்வொரு மாவட்ட தலைவர்களின் கடமை. நாட்டின் முதலாவது பிற்படுத்தப்பட்டோர் ஆணைய தலைவர் காலேல்கர், சமூகநீதிக்கான அரசியலமைப்பு சட்ட முதல் திருத்தத்துக்கான அறிக்கையை பிரதமர் நேருவிடம் கொடுத்தபோது, இதில் பிராமணர்களுக்கு இடஒதுக்கீடு இல்லை என்று கூறி, அந்த அறிக்கையை குப்பை கூடையில் தூக்கி எறியுங்கள் என்று நேரு கூறியதாக பா.ம.க நிறுவனர் ராமதாஸ் தெரிவித்துள்ளார். ஆதாரமற்ற, உள்நோக்கம் கொண்ட அவரது கருத்துக்கு வன்மையான கண்டனம் தெரிவிக்கப்படுகிறது.சத்தியமூர்த்தி பவன் - காங்கிரஸ்

மத்திய பா.ஜ.க அரசின் மக்கள் விரோத நடவடிக்கைகள், ஊழல் முறைகேடுகள், வேலைவாய்ப்பின்மை, விலைவாசி உயர்வு, மதரீதியாக மக்களை பிளவுபடுத்தும் வெறுப்பு அரசியல், விவசாயிகள் விரோதப் போக்கு, பிரதமரின் அதிகார குவியல், கூட்டாட்சிக்கு குந்தகம் விளைவிப்பது, அதானி, அம்பானி உள்ளிட்ட சில தொழிலதிபர்களின் சொத்துக் குவிப்புக்கு துணைபோவது, தேர்தல் பத்திரங்கள் மூலம் நன்கொடைகளை குவிப்பது உள்ளிட்டவை குறித்து ஆதாரத்துடன் பட்டியலிட்டு, குற்றப்பத்திரிகை தயாரித்து டிசம்பரில் வெளியிடப்படும். இதைக் கொண்டு கிராமந்தோறும் பிரசாரம் மேற்கொள்ளப்படும்' என்பது உள்ளிட்ட தீர்மானங்கள் நிறைவேற்றப்பட்டன. முன்னதாக இந்த கூட்டத்தில் பங்கேற்ற மாவட்ட தலைவர்கள் பலர், 'தி.மு.க கூட்டணியில் 15 சீட்டுக்களை பெற வேண்டும்' என வலியுறுத்திருக்கிறார்கள்.

இதற்கிடையில், '"தமிழக காங்கிரஸில் என்ன நடக்கிறது என்றே தெரியவில்லை. கே.எஸ்.அழகிரி மர்மமாக கூட்டம் நடத்துகிறார்” என முன்னாள் மாநில தலைவரும், ஈரோடு கிழக்கு தொகுதி எம்.எல்.ஏ.வுமான ஈவிகேஎஸ் இளங்கோவன் கொதித்திருக்கிறார். ஈரோட்டில் செய்தியாளர்களிடம் பேசிய, “காவிரி பிரச்னையை சுமுகமாக பேசி தீர்த்துக் கொள்ள வேண்டும். தமிழக ஆளுநர் விருப்பம் போல், ஏதேதோ செய்கிறார். கடந்த 4 நாட்களில் அவரிடம் மாற்றங்கள் ஏற்பட்டுள்ளன.

தமிழக காங்கிரஸ் கட்சியில் என்ன நடக்கிறது என்றே தெரியவில்லை. காங்கிரஸ் கட்சியைப் பொறுத்தவரை ஒரு கூட்டம் நடக்கிறது என்றால், மூத்த தலைவர், முன்னாள் தலைவர்களுக்கு அழைப்பு விடுப்பது வழக்கம். ஆனால், தற்போதைய மாநிலத் தலைவர் கே.எஸ்.அழகிரி மர்மமாக கூட்டம் நடத்துகிறார்.ஈவிகேஎஸ்

அதில் என்ன நடந்தது என்று தெரியவில்லை. என்னைப் பொறுத்தவரை, முன்னாள் தலைவர், மூத்த தலைவர் என்று அழைத்து வந்த நிலையில், தற்போது முடிந்துபோன தலைவர் என்று அழைக்கிறார்கள் போல. சட்டம் - ஒழுங்கு பிரச்னையை ஏற்படுத்த முயற்சி செய்தவர்கள் மீது தான் திருவண்ணாமலையில் குண்டர் தடுப்பு காவல் சட்டம் போடப்பட்டுள்ளது. அதில் சில விவசாயிகளும் பாதிக்கப்பட்டுள்ளனர். இந்த தகவல் தெரிந்ததும், முதல்வர் அவற்றை நீக்கியுள்ளார். ஐந்து மாநில தேர்தலில், பஞ்ச பாண்டவர்கள் போல் நாங்கள் வெற்றி பெறுவோம்” என தெரிவித்திருக்கிறார்.

இதுகுறித்து நம்மிடம் பேசிய காங்கிரஸ் பொது செயலாளர் ஜி.கே.முரளிதரன், "கடந்த சட்டமன்ற தேர்தல் நடந்த பொழுது 30-க்கும் மேற்பட்ட தொகுதிகளை தி.மு.க-விடம் கேட்டு பெறுவதில் தமிழக காங்கிரஸ் கமிட்டி முனைப்பு காட்டி வந்தது. அந்த நேரத்தில் திடீரென ப.சிதம்பரம் ஊடகத்தில் தோன்றி, 'குறைவான தொகுதிகள் பெற்று நிறைவான வெற்றியை பெறுவோம்' என கூறினார். ஆகையால் கூடுதலாக கிடைக்க வேண்டிய தொகுதிகள் தமிழக காங்கிரஸுக்கு கிடைக்கவில்லை. 25 இடங்கள் தான் காங்கிரஸுக்கு கிடைத்தது. இதற்கிடையில் வரும் நாடாளுமன்ற தேர்தலில் 15 தொகுதிகளை பெறவேண்டும் என மாவட்ட செயலாளர்கள் கூட்டத்தில் ஆலோசிக்கப்பட்ட நிலையில், 'தமிழக காங்கிரஸில் என்ன நடக்கிறது என்றே தெரியவில்லை' என ஈவிகேஎஸ் இளங்கோவன் கூறுகிறார். காங்கிரஸ் வளர்ச்சிக்கு முட்டுகட்டையாக இருப்பதே நம்மவர்கள் என நினைக்கும் போது வேதனையாக இருக்கிறது" என்றார். ஜி.கே.முரளிதரன்

இதுகுறித்து நம்மிடம் பேசிய அழகிரியின் ஆதரவாளர்கள், "தலைவர் முறைப்படி அனைவரையும் எல்லா நிகழ்ச்சிகளுக்கும் அழைப்பது வழக்கம். ஆனால் அவர்கள் தான் வருவதில்லை. சமீபத்தில் சத்தியமூர்த்தி பவனுக்கு உதயநிதி வந்தபொழுது அனைவரும் வந்துவிட்டார்கள். ஒவ்வொரு தேர்தலிலும் மகன்களுக்கு சீட் பெறுவதற்கும் யாரும் அழைக்கமாலே முன்னாள் தலைவர்கள் வருவார்கள். கட்சி மீது அக்கறை இருந்திருந்தால் அவரே வந்திருக்கலாம். இது தேவையற்ற சர்ச்சை" என்றனர்.

"அழகிரியை யாரும் ஏற்றுக்கொள்ளவில்லை. காங்கிரஸில் சில இடங்களில் நீண்ட காலமாக மாவட்ட தலைவர்கள் நியமிக்கப்படாமல் இருக்கிறது. அங்கெல்லாம் புதிய தலைவர்களை அழகிரியால் நியமிக்க முடியவில்லை. மேலும் அவருக்கு தெரியாமலேயே புதிய மாவட்ட தலைவர்களை டெல்லியில் பேசி நியமித்துவிடுகிறார்கள். எனவே அழகிரி இதுபோல் கூட்டம் நடத்துவதெல்லாம் நானும் ரெளடி தான் என்ற தொனியிலேயே இருக்கிறது. தேர்தல் நெருங்கி வரும் சூழலில் அகில இந்திய தலைமை புதிய தலைவரை நியமிக்க வேண்டும். இல்லையென்றால் அழகிரியாவது தனது பதவியை ராஜினாமா செய்ய வேண்டும்" என நம்மிடம் பேசிய சீனியர் கதர்கள் சிலர் கொதித்தனர்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/46c3KEk">
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/46c3KEk">
https://bit.ly/46c3KEk />
தண்டவாளத்தை நோக்கி இழுத்த தொண்டர்கள்... ‘ஜென்’ மோடுக்குப்போன கே.எஸ்.அழகிரி...


http://dlvr.it/Sz6rWv

Read More

MK Stalin: `உன் நினைவில்லாத இதயத்திலே சிந்தனை இல்லை!' - பட்டமளிப்பு விழாவில் பாடிய முதல்வர் ஸ்டாலின்

தமிழ்நாடு டாக்டர் ஜெ.ஜெயலலிதா இசை மற்றும் கவின் கலைப் பல்கலைக்கழகத்தின் இரண்டாம் பட்டமளிப்பு விழா கலைவாணர் அரங்கில் இன்று நடைபெற்றது. இந்த விழாவில், பல்கலைக்கழக வேந்தரும், மாநில முதலமைச்சருமான ஸ்டாலின் மாணவர்களுக்குப் பட்டங்களை வழங்கினார். தமிழ் வளர்ச்சித்துறை அமைச்சரும், பல்கலைக்கழக இணைவேந்தருமான சாமிநாதன், கர்நாடக இசைக் கலைஞர் டி.எம்.கிருஷ்ணா, பல்கலைக்கழகத் துணைவேந்தர் சௌமியா மற்றும் ஆயிரக்கணக்கான மாணவ, மாணவியர் விழாவில் பங்கேற்றனர்.முதல்வர் ஸ்டாலின்

பல்கலைக்கழகம் சார்பில் பாடகி பி.சுசீலா, இசைக்கலைஞர் முனைவர் பி.எம்.சுந்தரம் ஆகியோருக்கு ‘மதிப்புறு முனைவர்’ பட்டம் வழங்கப்பட்டது. இந்த நிகழ்ச்சியில் உரையாற்றிய முதலமைச்சர் மு.க.ஸ்டாலின், ``என்னுடைய தாத்தா முத்துவேலர் பாட்டு எழுதுவதிலும், பாடல் பாடுவதிலும் வல்லவர். அதேபோல் என்னுடைய தந்தை கலைஞர், எல்லா இசை நுணுக்கங்களையும் அறிந்தவர். நிறைய பாடல்களை, கவிதைகளை எழுதியிருக்கிறார்.

இசையைக் கேட்டதும் அதில் சரி - தவறுகளை விளக்கமாகக் கூறுவார். `விண்ணோடும் முகிலோடும் விளையாடும்' பாடலைப் பாடியவர், என்னுடைய மாமா சி.எஸ் ஜெயராமன். அந்த வகையில் இசைக்கும் எனக்கும் நெருங்கிய தொடர்பு உண்டு. இந்தியாவிலேயே இசைக்காக உருவாக்கப்பட்ட பல்கலைக்கழகம் என்ற பெருமை, தமிழ்நாடு டாக்டர் ஜெ.ஜெயலலிதா இசை மற்றும் கவின் கலைப் பல்கலைக்கழகத்துகுத்தான் உண்டு. ஜெயலலிதா

இது முழுக்க மாநில அரசின் நிதியில் செயல்படும் பல்கலைக்கழகம். மாநில அரசின் முதல்வரே வேந்தராக இருக்கும் பல்கலைக்கழகமும் இதுதான். நான் அரசியல் பேசவில்லை. பல்கலைக்கழகங்களுக்கு முதல்வரே வேந்தராக இருந்தால்தான் பல்கலைக்கழகங்கள் சிறப்பாக வளரும். மற்றவர்களின் கையில் இருந்தால் அதன் நோக்கம் சிதையும். அதனால்தான், 2013-ம் ஆண்டு இந்தப் பல்கலைக்கழக வேந்தராக, முதல்வரே இருக்க வேண்டும் என அப்போதைய முதல்வர் ஜெயலலிதா முடிவுசெய்திருக்கிறார்.

இன்றைக்கு இருக்கும் நிலையை உணர்ந்து, அம்மையார் ஜெயலலிதாவை மனமாரப் பாராட்டுகிறேன். இரு இசைக் கலைஞர்களுக்கு வழங்கப்பட்ட டாக்டர் பட்டத்தால் பட்டமும் பெருமையடைகிறது. பி.சுசீலாவின் பாடலை நான் எப்போதும் விரும்பிக் கேட்பேன். நான் பயணிக்கும்போது அவருடைய, `நீ இல்லாத உலகத்திலே நிம்மதி இல்லை… உன் நினைவில்லாத இதயத்திலே சிந்தனை இல்லை… காயும் நிலா வானில் வந்தால், கண் உறங்கவில்லை…' (கே.எஸ்.கோபாலகிருஷ்ணன் எழுதி இயக்கி, 1962-ம் ஆண்டு வெளியான `தெய்வத்தின் தெய்வம்' என்ற திரைப்படத்தில் பி.சுசீலா பாடிய பாடல்) என்ற பாடலை அடிக்கடி கேட்பேன்.பி.சுசீலா

இந்தப் பாடலை பாடிக்கொண்டிருப்பவர் உங்கள் முதல்வர் ஸ்டாலின்..! pic.twitter.com/s6b1opaWap— @JuniorVikatan (@JuniorVikatan) November 21, 2023



மக்களால் தேர்ந்தெடுக்கப்பட்ட முதல்வரே பல்கலைக்கழங்களின் வேந்தராகச் செயல்பட்டால்தான், மாணவர்களுக்கான தீர்க்கமான முடிவுகளை எடுக்க முடியும். அதனால்தான் இது தொடர்பாகச் சட்டமன்றத்தில் தீர்மானம் நிறைவேற்றப்பட்டிருக்கிறது. உச்ச நீதிமன்றம் இது தொடர்பான வழக்கை விசாரித்துவருகிறது. நல்ல சேதி வரும். ஒத்திசைவு பட்டியலிலுள்ள கல்வி, மாநிலப் பட்டியலுக்கு மாற வேண்டும்.

அப்போதுதான் எல்லோருக்கும் கல்வி, உயர்கல்வி என்ற இலக்கை அடைய முடியும். இதை எல்லா மாநிலங்களுக்குமானதாகவே சொல்கிறேன். நமது உண்மையான சொத்து, கல்விதான். அதை எல்லோருக்கும் வழங்குவதுதான் திராவிட மாடல். இந்தப் பல்கலைக்கழகம் மூலம் பல மாற்றுத்திறனாளிகள் தங்கள் திறமைகளை வெளிக்கொண்டுவந்திருக்கிறார்கள். அந்த வகையில், இது சமூக நீதிக்கான பல்கலைக்கழகம். மனோன்மணியம் சுந்தரனார் இயற்றிய `நீராரும் கடலுடுத்த' பாடலை தமிழ்த்தாய் வாழ்த்தாக அனைத்து அரசு நிகழ்ச்சிகளிலும் பாட, 1970-ம் ஆண்டு அரசாணை பிறப்பித்தவர் கலைஞர். முதல்வர் ஸ்டாலின்

கலை, இலக்கியம் என்பது பழைய பெருமை அல்ல... எதிர்காலத் தேவை. தமிழ் இசைக்கும், தமிழ்ப் பாடலுக்கும் முக்கியத்துவம் அளிக்க வேண்டும். பழந்தமிழ் இசை நூல்கள் மீட்டெடுக்கப்பட வேண்டும். அதற்கு ஊக்கம் தர வேண்டும். ஜெயலலிதா பல்கலைக்கழகத்துக்கான அரசு மானியம் 3 கோடி ரூபாயாக உயர்த்தி வழங்கப்படும். ஆராய்ச்சி நூலகம் அமைக்க ஒரு கோடி ரூபாய் ஒதுக்கீடு செய்யப்படும்" என்றார்.மணிப்பூர்: ``2 நாள்களில் 76 ஏக்கர் அளவிலான சட்டவிரோத போதைப் பயிர்கள் அழிப்பு''- முதல்வர் பிரேன் சிங்


http://dlvr.it/Sz6rBj

Read More