தமிழ்நாட்டுக்கு மத்திய அரசு நிதியை கிள்ளிக் கொடுப்பது ஏன்?! - பழைய கணக்குகளும், சில கேள்விகளும்!

மிக்ஜாம் புயல், மழை வெள்ளத்தால் சென்னை, செங்கல்பட்டு, காஞ்சிபுரம், திருவள்ளூர் ஆகிய மாவட்டங்கள் கடுமையாக பாதிக்கப்பட்டிருக்கின்றன. மத்திய பாதுகாப்புத்துறை அமைச்சரான ராஜ்நாத் சிங் சென்னைக்கு வந்து மழை வெள்ளத்தால் பாதிக்கப்பட்ட பகுதிகளைப் பார்வையிட்டார்.சென்னை வெள்ளம்

சாலைகள், பாலங்கள், கட்டடங்கள் உள்ளிட்ட பொதுக் கட்டமைப்புகளுக்கு ஏற்பட்டிருக்கும் பாதிப்புகளைச் சீரமைக்கவும், நிவாரண உதவிகளை வழங்கவும் தேசியப் பேரிடர் நிவாரண நிதியிலிருந்து ரூ.5,060 கோடி நிதி வழங்கும்படி பிரதமருக்கு முதல்வர் ஸ்டாலின் கோரிக்கைவைத்தார். அது தொடர்பான கோரிக்கை மனுவை அமைச்சர் ராஜ்நாத் சிங்கிடம் வழங்கினார் ஸ்டாலின்.

அமைச்சர் ராஜ்நாத் சிங், ‘ராணுவம், கடற்படை, விமானப்படை, கடலோர பாதுகாப்புப் படை, வானிலை ஆராய்ச்சி மையம், துணை ராணுவம் உள்ளிட்ட மத்திய அரசின் அனைத்து அமைப்புகளும் வெள்ள பாதிப்புகளைத் தணிப்பதற்கான பணிகளில் சிறப்பாக ஈடுபட்டிருக்கின்றன. வெள்ள பாதிப்புகளை ஹெலிகாப்டரில் சென்று ஆய்வுசெய்தேன். இழப்பீடுகளை மதிப்பீடு செய்ய மத்திய அரசின் குழு ஒன்று இங்கு வரவிருக்கிறது. தமிழ்நாடு அரசின் கோரிக்கைகளைப் பரிசீலித்து உரிய நிதியுதவியை மத்திய அரசு விரைவில் வழங்கும்’ என்றார்.ராஜ்நாத் சிங்

இந்த நிலையில், பிரதமர் மோடிக்கு முதல்வர் ஸ்டாலின் கடிதம் எழுதியிருக்கிறார். அதில், ‘மிக்­ஜாம் புயலால் பாதிக்கப்பட்டிருக்கும் தமிழ்நாட்டுக்கு, சீரமைப்புப் பணி­க­ளுக்காக ரூ.5,060 கோடியை இடைக்­கால நிவாரணமாக வழங்க வேண்டும்’ என்று கோரிக்கை வைத்திருக்கிறார். முதல்வரின் கடிதத்தை பிர­த­மர் மோடியி­டம் தி.மு.க நாடாளு­மன்ற மக்களவைக்குழுத் தலை­வரான டி.ஆர்.பாலு நேரில் வழங்கினார்.

முதல்வர் ஸ்டாலின் தனது கடிதத்தில், ‘வரலாறு காணாத பெருமழை­ காரணமாக, சென்னை, திருவள்­ளூர், காஞ்சிபுரம், செங்­கல்­பட்டு ஆகிய நான்கு மாவட்­டங்­க­ளில் மிக அதிக மழை­பெய்து, மிகக் ­க­டு­மை­யான பாதிப்­புகள் ஏற்­பட்­டிருக்கின்றன. சாலை­கள், பாலங்­கள், பொதுக் கட்­டடங்­கள் எனப் பல்­வேறு உட்­கட்­ட­மைப்புகள் சேத­ம­டைந்­த­தால் சென்னை உட்­பட நான்கு மாவட்­டங்­க­ளில் சுமார் ஒரு கோடி மக்­கள் பாதிக்­கப்­பட்­டிருக்கின்றனர்’ என்று குறிப்பிட்டிருக்கிறார்.டி.ஆர்.பாலு

புயல் சேதத்தை நேரில் பார்­வையிட மத்திய அரசின் அதிகாரிகள் குழுவை உட­ன­டியாக தமிழ்நாட்டுக்கு அனுப்பி வைக்குமாறு பிரதமரிடம் டி.ஆர்.பாலு வலியுறுத்­தி­னார்.

இடைக்­கால நிவா­ரணமாக தேசியப் பேரிடர் நிவாரண நிதியிலிருந்து ரூ.5,060 கோடி நிதி வழங்குமாறு முதல்வர் ஸ்டாலின் கேட்ட நிலையில், முதற்கட்டமாக ரூ.450 கோடி நிதியை மட்டும் வழங்க மத்திய அரசு உத்தரவிட்டிருக்கிறது. இவ்வளவு குறைவான நிதி தரப்படுவதை தமிழ்நாடு பெரும் ஏமாற்றமாகப் பார்க்கிறது. இது முதன்முறை அல்ல. எப்போதெல்லாம், இயற்கைப் பேரிடர்களால் தமிழ்நாடு மிகக் கடுமையாகப் பாதிக்கப்படுகிறதோ, அப்போதெல்லாம் தேவையைக் காட்டிலும் மிகக்குறைவான நிதியையே மத்திய அரசு அளித்துவந்திருக்கிறது. பன்னீர்செல்வம்

ஓ.பன்னீர்செல்வம் முதல்வராக இருந்தபோது, தமிழ்நாட்டில் பருவமழை பொய்த்ததாலும், காவிரிநீர் கிடைக்காததாலும் விவசாயம் கடுமையாக பாதிக்கப்பட்டது. அப்போது, நிலைமையை விரிவாக விளக்கி மத்திய அரசுக்கு பன்னீர்செல்வம் கடிதம் எழுதினார். அதில், ‘தமிழ்நாட்டில் 32 மாவட்டங்களிலும் மிகவும் குறைவான மழையாக 35 சதவிகிதம் முதல் 81 சதவிகிதம் பற்றாக்குறையாகப் பெய்தது. காவிரிநீர் நடுவர் மன்ற இறுதித் தீர்ப்புப்படி, கர்நாடகா தண்ணீர் திறந்துவிடவில்லை.

அதன் காரணமாக, ஒரு போகம்கூட நெல் சாகுபடி செய்ய முடியவில்லை. விவசாயக் கூலிகளின் வாழ்வாதாரத்துக்காக, அவர்களுக்கான வேலைவாய்ப்பு திட்டத்துக்கு போர்கால அடிப்படையில் நடவடிக்கை மேற்கொள்ளவேண்டியிருக்கிறது. இதற்காக தேசியப் பேரிடர் மீட்பு நிதியிலிருந்து ரூ.39,565 கோடியை ஒதுக்குமாறு கேட்டுக்கொள்கிறேன்’ என்று பன்னீர்செல்வம் கோரிக்கை வைத்தார். மோடி

அதைத் தொடர்ந்து, தமிழகத்தில் வறட்சி நிலையை மதிப்பீடு செய்ய மத்தியக்குழு வந்து ஆய்வு மேற்கொண்டது. ரூ.39,565 கோடியை ஒதுக்குமாறு தமிழ்நாடு அரசு கேட்ட நிலையில், வெறும் ரூ. 6,450 கோடியை மட்டும் மத்திய அரசு ஒதுக்கியது. இது யானைப்பசிக்கு சோளப் பொரியைப் போடுவதுபோல இருக்கிறது என்று தமிழ்நாட்டு அரசியல் தலைவர்கள் மத்திய அரசை விமர்சித்தனர். இத்தனைக்கும் மத்திய அரசுக்கு மிகவும் இணக்கமாக அதிமுக அரசு செயல்பட்ட காலம் அது. ஆனாலும் போதுமான நிதி கிடைக்கவில்லை. ‘உள்ளாட்சித் தேர்தலில் ஓபிசி ஒதுக்கீடு உயர்த்தப்படாது!’ - மத்திய அரசின் முடிவால் ஏமாற்றம்

சென்னையில் 2015 டிசம்பரில் ஏற்பட்ட பெருமழை வெள்ளத்தில் ஏராளமானோர் உயிரிழந்தனர். கோடிக்கணக்கான ரூபாய் மதிப்புள்ள உடைமைகளை மக்கள் இழந்தனர். அப்போது, மத்திய அரசிடம் ரூ.25,912 கோடி நிவாரணம் வழங்குமாறு தமிழ்நாடு அரசு கோரியது. ஆனால் மத்திய அரசு வெறும் ரூ.1,940 கோடியையே வழங்கியது. வர்தா புயலினால் மிகப்பெரிய பாதிப்புகள் ஏற்பட்டபோது, ரூ.22,573 கோடி நிவாரண நிதி வழங்குமாறு பிரதமரைச் சந்தித்து தமிழ்நாடு முதல்வர் கேட்டார். கொரோனா நிவாரணம்

புயலின் பாதிப்புகளை மத்தியக்குழுவினர் இரு முறை வந்து ஆய்வுசெய்தனர். ஆனால், நிவாரணத் தொகையைத் தரவில்லை. கொரோனா பெருந்தொற்றால் மோசமாக பாதிக்கப்பட்ட மாநிலங்களில் தமிழ்நாடும் ஒன்று. ஆனால், மிகக்குறைந்த நிவாரண நிதியை மத்திய அரசு ஒதுக்கியது. அது தொடர்பான வழக்கை விசாரித்த சென்னை உயர் நீதிமன்றம், ‘கொரோனா பாதிப்பில் 2-வது இடத்தில் தமிழ்நாடு இருக்கிறது. ஆனால், குறைவான நிதியை மத்திய அரசு வழங்கியது ஏன்... தமிழகத்துக்கு மத்திய அரசு வழங்கிய ரூ.510 கோடி போதாது’ என்று காட்டமாகக் கூறியது.

மத்திய அரசுக்கு மிக அதிக வரி வருவாயைத் தருகிற தமிழ்நாட்டுக்கு, மாநிலங்களுக்கான நிதிப் பகிர்வின்போது மிகக் குறைந்த அளவிலான தொகையைத் தருவதையே வழக்கமாகக் கொண்டிருக்கிறது. இதற்கு மத்தியில் இருப்பவர்கள், பின்தங்கிய மாநிலங்களுக்கு முன்னுரிமை என்று சொல்கிறார்கள். இதை ஓரளவுக்கு ஏற்கலாம்தான். ஆனாலும், பெரும் பாதிப்புகளைச் சந்திக்கும்போது அல்லது பேரிடர் காலங்களில் தேவையான நிதியை ஒதுக்குவது, மிக மிக அவசியமாகிறது.

இதனால்தான், தமிழ்நாட்டை மத்திய அரசு மாற்றாந்தாய் மனப்பான்மையுடன் நடத்துகிறது என்ற விமர்சனம் தொடர்ந்து முன்வைக்கப்படுகிறது.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/46c3KEk">
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/46c3KEk">
https://bit.ly/46c3KEk />

http://dlvr.it/Szw7rg

Read More

Tamil News Today Live: ஆளுநர் மாளிகை அருகே பெட்ரோல் குண்டு: ரெளடி கருக்கா வினோத்தைக் காவலில் எடுக்க என்.ஐ.ஏ மனு!

ஆளுநர் மாளிகை: காவலரை விசாரணைக்கு அழைத்துச் சென்ற என்ஐஏ!



சென்னை கிண்டியிலுள்ள ஆளுநர் மாளிகை அருகே, கடந்த மாதம் 24-ம் தேதி ரெளடி கருக்கா வினோத் என்பவர், இரண்டு பெட்ரோல் குண்டுகளை வீசினார். அப்போது ஆளுநர் மாளிகை முன்பு பாதுகாப்புப் பணியில் இருந்த கிண்டி போலீஸாரும், போக்குவரத்து போலீஸாரும் ரெளடி கருக்கா வினோத்தை மடக்கிப்பிடித்து கைதுசெய்தனர். இதற்கிடையே என்ஐஏ அமைப்பு ஆளுநர் மாளிகை அருகே பெட்ரோல் குண்டு வீசியது குறித்து தனியாக வழக்கு பதிவுசெய்து விசாரித்துவந்தது. இந்த நிலையில் கிண்டியில் ஆளுநர் மாளிகை சாலையில் பெட்ரோல் குண்டு வீசிய இடத்தில் என்.ஐ.ஏ அதிகாரிகள் ஆய்வுசெய்தனர். அப்போது, குண்டு வீசப்பட்ட சம்பவம் தொடர்பாக, பணியில் இருந்த காவலர் ஒருவரை என்.ஐ.ஏ அதிகாரிகள் அழைத்துச் சென்றனர். பெட்ரோல் குண்டு வீசப்பட்ட அன்று என்ன நடந்தது எனக் காவலரிடம் வாக்குமூலம் பெற என்.ஐ.ஏ திட்டமிட்டிருப்பதாகத் தெரிகிறது. ரௌடி கருக்கா வினோத்

இதற்கிடையே, ரெளடி கருக்கா வினோத்தை ஐந்து நாள் காவலில் எடுக்க என்.ஐ.ஏ., சிறப்பு நீதிமன்றத்தில் மனுத்தாக்கல் செய்திருக்கிறது.


http://dlvr.it/Szw7hn

Read More

சென்னை வெள்ள பாதிப்பு: திமுக அரசின் அலட்சியம்தான் காரணமா?!

மிக்ஜாம் புயல் சென்னையைப் புரட்டிப்போட்டது ஒருபக்கமிருக்க, புயல் மற்றும் பெருமழைக்கான முன்னெச்சரிக்கைப் பணிகளையும் மீட்புப்பணிகளையும் மேற்கொள்வதில் தி.மு.க அரசு கோட்டைவிட்டதாக விமர்சிக்கப்படுகிறது. இது குறித்து விரிவாக விசாரித்தோம். சென்னை வெள்ளம்

நம்மிடம் பேசிய விவரமறிந்தவர்கள், ``புயல் தொடர்பான அறிவிப்புகளை தி.மு.க அரசு வெளியிட்டபோது முன்னெச்சரிக்கை நடவடிக்கைகள் மேற்கொள்ளப்பட்டிருக்கும் என்றே கருதப்பட்டது. ஆனால், மழை பெய்து நான்கு நாள்கள் ஆகியும் மடிப்பாக்கம், வேளச்சேரி, வடசென்னை, சோழிங்கநல்லூர் பகுதிகள் எனப் பல இடங்களில் நீர் தேங்கியிருப்பதால், நீரை வெளியேற்றும் ராட்சத பம்புகள் பெரிய அளவில் தயாராக இல்லை என்பது தெரியவருகிறது.மழை வெள்ளம்:

மேலும், மழைக்குப் பிறகு பால் தட்டுபாடு வரும் என்பது எல்லா மழைக்காலத்திலும் கற்ற பாடம். ஆனால், இந்த முறையும் பால் இல்லை என்றால் அரசு எவ்வளவு மெத்தனமாக இருந்திருக்கிறது என்று பார்க்கலாம். இதுவரை வெள்ளத்தில் சிக்கித்தவிக்கும் பல்லாயிரக்கணக்கான மக்களை அரசு அணுகவே இல்லை என்றால் பணியாளர் நியமனம், திட்டமிடல் உள்ளிட்ட முக்கிய விவகாரங்களுக்கு முக்கியத்துவம் கொடுக்கவில்லையோ என்ற கேள்வி எழுகிறது. இவற்றுக்கும் மேலாக மழை வடிகால் திட்டத்தில் அரசு முற்றாகக் கோட்டைவிட்டதாகப் பார்க்கப்படுகிறது” என்றனர்வடபெரும்பாக்கம் | வெள்ளம்

நம்மிடம் பேசிய அ.தி.மு.க-வின் சி.டி.ஆர்.நிர்மல் குமார், ``புயல் அறிவிப்புகள் முன்னரே வந்தபோதும், அரசின் எந்தத் துறையும் முன்னெச்சரிக்கையுடன் செயல்படவில்லை. பெருமழைக்குப் பிறகு பால் கிடைக்கவில்லை, மின்சார விநியோகம் சீராகவில்லை, பாதிக்கப்பட்ட மக்களை மீட்க வழியில்லை. 16,000 மீட்புப்பணியாளர்கள் இருப்பதாக முதலில் சொன்னார்கள். பிறகு எண்ணிக்கை அதிகரிக்கப்பட்டதாகவும் தெரிவித்தார்கள். வார்டுக்கு இத்தனை பேர் என நியமித்திருந்தால் அனைத்து மக்களையும் ஒரே நாளில் சென்றடைந்திருக்கலாம். ஆனால் 50% மக்களுக்கு எந்த உதவியுமில்லை.நிர்மல் குமார்

98% வடிகால் பணிகள் முடிந்ததாகக் குத்துமதிப்பாகச் சொன்னார்கள். எங்கே முடிந்தது.. எங்கே தொடங்கவில்லை என்ற விவரம் முதலமைச்சர் உட்பட யாருக்குமே தெரியவில்லை. 4,000 கோடி ரூபாய் செலவிட்டோம் என இவர்கள் சொல்லும் வடிகால் திட்டம் டோட்டல் ஃபெயிலியர். அதன் புளூ பிரின்ட்கூட யாரிடமும் இல்லை. வடிகால் பணிகளைக் குளறுபடிகளுடன் மேற்கொண்டதால் நீர் தேங்காத இடங்களில் நீர்தேங்கி நிற்கிறது” என்றார் கொதிப்புடன். மழை வெள்ளம்

நம்மிடம் பேசிய நாம் தமிழர் இடும்பாவனம் கார்த்திக், ``ஒரு நாள் மழைக்கே சென்னை வெள்ளக்காடாக மாறுவதுதான் திராவிட மாடல் அரசின் லட்சணம். தமிழகத்தின் தலைநகரமாகவும், தொழில் நகரமாகவும் விளங்கும் சென்னையில் அடிப்படை நீர்வழிப்பாதைகளைக்கூட கட்டமைக்காமல், மக்களைத் திண்டாட வைத்திருக்கிறது தி.மு.க அரசு. தண்ணீரைத் தேங்கவிடாமல் வடிகால் அமைப்பிலும், வாய்க்கால் அமைப்பிலும் கவனம் செலுத்தாமல் உணவுப்பொருள்கள் தருவதும், தண்ணீரை இறைத்து வெளியேற்றுவதும் என தன்னார்வலர்கள் செய்யும் வேலைகளையே அரசும் செய்துகொண்டிருப்பது வேடிக்கை.இடும்பாவனம் கார்த்திக்

பல்லாயிரக்கணக்கில் வடிகால் திட்டங்களுக்குச் செலவிட்டதாகச் சொல்கிறார்கள். அதனால் என்ன பயன், பல்லாயிரம் கோடியை வைத்து என்ன செய்தனர்... இதைவிட பெரும் கொடுமை, மழையில் சிக்கிய மக்களை மீட்க பெருங்கூட்டம் முயலும் நிலையில், மழைநீரெல்லாம் வடிந்து, இயல்பு வாழ்க்கை திரும்பி மக்கள் மகிழ்ச்சியாக இருப்பதுபோல தி.மு.க-வினர் பரப்புவது கொடுமையிலும் கொடுமை” என்றார்.முத்தரசன்

நம்மிடம் பேசிய சி.பி.ஐ முத்தரசன், ``மழைநீர் வடிகால் பணிகளில் அரசு தொடர்ச்சியாக கவனம் செலுத்தினார்கள். அரசு எதுவுமே செய்யவில்லை என்றால் பாதிப்புகள் இன்னும் கடுமையாக இருந்திருக்கும். கடல் சீற்றம் இருப்பதால் தண்ணீர் உள்வாங்கப்படவில்லை என்பதே பிரச்னை. இருந்தாலும், மழைநீர் வடிகால் தொடர்பான பிரச்னைகள் அடிக்கடி எழுவதால் வடிகால் கட்டமைப்பு குறித்து ஆய்வுசெய்ய தமிழ்நாடு அரசு குழு அமைத்திட வேண்டும்” என்றார். தேங்கி நிற்கும் மழைநீர்

நம்மிடம் பேசிய சமூகச் செயற்பாட்டாளர்கள் சிலர் ``மின்சாரமில்லை, நீர் தேங்கியிருக்கிறது என்பதைக்கூடப் புரிந்துகொள்ள முடிகிறது. ஆனால், பாதிக்கப்பட்ட மக்களைப் பாதுகாக்க முடியாத, குடிநீரையும் பாலையும்கூட கொண்டு சேர்க்க முடியாத கையறுநிலையில் அரசு இருக்கிறதா என்ற சந்தேகம் கிளம்புகிறது. சொல்லப்போனால் புயலைக் கையாள்வதில் தி.மு.க ஃபெயில் என்றே கூற வேண்டும்” என்றனர் கோபத்துடன்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/46c3KEk">
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/46c3KEk">
https://bit.ly/46c3KEk />
மிரட்டிய மிக்ஜாம்... தத்தளிக்கும் தலைநகர்! | Flood Day Roundup


http://dlvr.it/SzszSp

Read More

கண்டதேவி கோயில் தேரோட்ட விவகாரம்: `ஒரு சார்பு நடவடிக்கை..!' - அரசை எச்சரிக்கும் கிருஷ்ணசாமி

``இந்தியா சுதந்திரமடைந்து 75 ஆண்டுகள் ஆகிவிட்டன. இன்னும் அனைத்துச் சமூக மக்களையும் பங்குபெறவைத்து  தேரோட்டத்தை நடத்த அரசால் முடியாவிட்டால், துணை ராணுவத்தை அழைக்கலாமா?" என்று உயர் நீதிமன்றம் தமிழக அரசிடம் விளக்கம் கேட்டதன் மூலம், 20 ஆண்டுகளுக்குப் பிறகு கண்டதேவி தேரோட்டப் பிரச்னை மீண்டும் பேசுபொருளாகியிருக்கிறது.கண்டதேவி கோயில்

இதைத் தொடர்ந்து வரும் ‘ஜனவரி 21-ம் தேதி தேர் வெள்ளோட்டம் விடப்படும்’ என்று சிவகங்கை மாவட்ட நிர்வாகம் உயர் நீதிமன்றத்தில் தெரிவித்திருக்கும் நிலையில், ‘மாவட்ட நிர்வாகம் உயர் நீதிமன்ற உத்தரவைப் பொருட்படுத்தாமல், ஒரு சார்பாகவே இப்போதும் நடந்துகொள்கிறது’ என்று புதிய தமிழகம் கட்சித் தலைவர் டாக்டர் கிரஷ்ணசாமி குற்றம்சாட்டியிருப்பது, மேலும் பரபரப்பை ஏற்படுத்தியிருக்கிறது.

கண்டதேவி தேரோட்டத்தில் இந்தப் பகுதியிலுள்ள தேவேந்திர குல வேளாளார் மக்களுக்கும் வடம் பிடிக்க உரிமை கேட்டு 1998-ம் ஆண்டு டாக்டர் கிருஷ்ணசாமி வழக்கு தாக்கல் செய்ய, 'கண்டதேவி தேரோட்டத்தில் சாதி, மத, இன, மொழி வேறுபாடுகளைக் கடந்து அனைத்துத் தரப்பினரையும் பங்கேற்க அனைத்து நடவடிக்கைகளையும் மாநில அரசு எடுக்க வேண்டும்’ என சென்னை உயர் நீதிமன்றம் தீர்ப்பளித்தது. ஆனால், அதற்குப் பிறகு ஒவ்வோர் ஆண்டும் அனைத்து மக்களும் பங்குபெறும் வகையில், தேரோட்டத்தை நடத்த முடியவில்லை. தொடர்ந்து சட்டம்-ஒழுங்கு பிரச்னை ஏற்பட்டுவந்த நிலையில், தேரோட்ட பிரச்னை தமிழக அரசியல் களத்தில் அப்போது பரபரப்பை ஏற்படுத்தியது. கோயில் குடமுழுக்குப் பணி, அதைத் தொடர்ந்து புதிய தேர் செய்யும் பணியையும் காரணம் காட்டி, 2005-ம் ஆண்டு முதல் தேரோட்டம் நிறுத்தப்பட்டது. மதுரை உயர் நீதிமன்றம்

அந்த வழக்கு சமீபத்தில் விசாரணைக்கு வந்தபோது, ‘தேர் தயாராக இருந்தாலும், அந்தப் பகுதியில் மக்களிடம் ஒற்றுமை இல்லை. சட்டம்-ஒழுங்கு பிரச்னை இருக்கிறது’ என்று அரசுத் தரப்பு தெரிவிக்க, ’சுதந்திரம் பெற்று 75 ஆண்டுகள் கடந்தும், பல பிரிவினரிடையே ஒற்றுமை ஏற்படவில்லை என்ற சூழல் கவலை அளிக்கிறது. பல கோடி ரூபாய் செலவு செய்து தெருவில் நிறுத்திவைக்கவா தேரை உருவாக்கினீர்கள்... அனைத்துத் தரப்பு மக்களின் உணர்வுகளை அரசு புரிந்துகொண்டு, தேர் வெள்ளோட்டத்தை நடத்த வேண்டும். அரசால் முடியாவிட்டால், துணை ராணுவத்தை வைத்து நடத்த உத்தரவிடலாமா?'  என்று  உயர் நீதிமன்ற மதுரைக் கிளை அரசிடம் கேள்வி எழுப்பியது. 

உடனே சிவகங்கை கலெக்டர், சிவகங்கை சமஸ்தான தேவஸ்தான அலுவலர்களையும், தேவகோட்டை தாலுகாவிலுள்ள உஞ்சனை, செம்பொன்மாரி, இரவுசேரி, தென்னாலை நாட்டு அம்பலங்களையும் அழைத்து ஆலோசனை நடத்தினார்.

இந்த நிலையில், ``தேரோட்டம் சம்பந்தமாக 1998-ல் வழக்கு தொடர்ந்த என்னை ஆலோசானைக் கூட்டத்துக்கு அழைக்கவில்லை, மாவட்ட நிர்வாகமே புதிய தேரை ஓடவிட்டு வெள்ளோட்டம் பார்க்கலாம். இதற்கு ஏன் ஒரு தரப்பினரிடம் மட்டுமே ஆலோசிக்கிறார்கள்... இது உயர் நீதிமன்றத் தீர்ப்பை மதிக்காத செயல்’’ எனப் பல கேள்விகளை எழுப்பி, சிவகங்கை கலெக்டருக்கு கடந்த நவம்பர் 16-ம் தேதி டாக்டர் கிருஷ்ணசாமி மனு அனுப்பினார்.டாக்டர் கிருஷ்ணசாமி அனுப்பிய மனு

அந்த மனுவுக்கு சிவகங்கை கலெக்டர் ஆஷா அஜித் பதில் அளிக்காத நிலையில், நாம், டாக்டர் கிருஷ்ணசாமியிடம் பேசினோம். ``1997-ம் ஆண்டு நடைபெற்ற தேரோட்டத்தில் வடத்தைப் பிடித்த தேவேந்திர குல வேளாளர் சமுதாய மாணவர் தாக்கப்பட்ட சம்பவம் என் கவனத்துக்கு வந்தது. அதோடுதான் அனைத்துச் சமுதாய மக்களும் தேர் இழுக்க உரிய பாதுகாப்பு கொடுக்க வேண்டும் என்று 1998-ம் ஆண்டு சென்னை உயர் நீதிமன்றத்தில் நான் தொடர்ந்த வழக்கில்,  ‘கண்டதேவி தேரோட்டத்தில் சாதி, மத, இன, மொழி வேறுபாடுகளுக்கு அப்பாற்பட்டு, அனைத்துத் தரப்பினரின் பங்கேற்பையும் உறுதிசெய்ய அனைத்து நடவடிக்கைகளையும் மாநில அரசு எடுக்க வேண்டும்’ என சென்னை உயர் நீதிமன்றத் தலைமை நீதிபதி லிப்ரான் 1998, ஜூலை 6-ல் தீர்ப்பளித்தார்.

அரசியல் சாசனத்தின் அடிப்படை உரிமைகள், உயர் நீதிமன்றம் அளித்த தீர்ப்புக்குப் பிறகும் தேவேந்திர குல வேளாளர் உள்ளிட்ட பிற சமுதாய மக்கள்மீது வன்முறைகள் ஏவப்பட்டு, 1998-ம் ஆண்டு தேரோட்டம் நிறுத்தப்பட்டது. பின்பு இந்து சமய அறநிலையத்துறையின் புதிய உத்தரவுக்கு எதிராக நான் தொடர்ந்த வழக்கில், `அனைத்துத் தரப்பினரின் பங்கேற்போடு தேரோட்டம் நடத்தப்படும்' என்று 1999, ஜூலை 26-ல் இந்துசமய அறநிலையத்துறை உத்தரவிட்டது.

ஆனால், அந்த ஆண்டும் தேரோட்டம் நிறுத்தப்பட்டது. இப்படித் தொடர்ச்சியாக உயர் நீதிமன்ற உத்தரவை அமல்படுத்தவிடாமல் இன்னொரு தரப்பினர் பிரச்னை செய்த காரணத்தால், கடந்த 20 ஆண்டுகளுக்கும் மேலாகத் தேரோட்டம் நிறுத்தப்பட்டிருக்கிறது. இந்த உண்மையை மறைத்து யாரோ ஒரு நபர் தொடர்ந்த வழக்கில், தேரோட்டத்தை விரைந்து நடத்த உயர் நீதிமன்றம் உத்தரவிட்டிருக்கிறது. டாக்டர் கிருஷ்ணசாமி

உயர் நீதிமன்ற உத்தரவை அமல்படுத்தத் தடையாக இருப்பவர்களுடன் கலெக்டர் ஆலோசனை நடத்தியிருக்கிறார். எனக்கு அழைப்பு கொடுக்கப்படவில்லை. கண்டதேவி சுற்றுவட்டாரத்தில் வாழும் அந்தக் கோயிலுக்குப் பாத்தியப்பட்ட தேவேந்திர குல வேளாளர் சமுதாயத்தைச் சார்ந்த ஊர்த் தலைவர்கள் எவருக்கும் முறையாக அழைப்பு வழங்கப்படவில்லை. ஏதோ ஒருவகையில் தெரிந்துகொண்ட ஒருசிலர் மட்டுமே அந்தக் கூட்டத்தில் பங்கேற்றிருக்கிறார்கள். 25 ஆண்டுக்கால கண்டதேவி தேரோட்டப் பிரச்னையை நன்கு அறிந்த மாவட்ட நிர்வாகம், ஒரு சார்பாக நடந்திருக்கிறது.

இந்துசமய அறநிலையத்துறைக்குட்பட்ட சொர்ணமூர்த்தீஸ்வரர் கோயிலை `சமஸ்தானம்' என்ற பெயருடன் குறிப்பிட்டிருந்த தேர் வெள்ளோட்டம் குறித்த மாவட்ட நிர்வாகத்தின் அறிக்கை, அதிர்ச்சியளிக்கிறது.கண்டதேவி சொர்ணமூர்த்தீஸ்வரர் கோயில்

நீதிமன்ற உத்தரவுப்படி, தேரின் நான்கு வடங்களிலும் கண்டதேவியைச் சுற்றியிருக்கக்கூடிய தேவேந்திர குல வேளாளர் சமுதாய ஊர்த் தலைவர்கள் உட்பட அனைத்து மக்களும் சமமாகப் பங்கேற்கக்கூடிய வகையில் நடவடிக்கைகளை மேற்கொண்டு, பாதுகாப்பு அளிக்கவேண்டிய பொறுப்பு மாவட்ட நிர்வாகத்துக்கு உண்டு. எனவே, அந்த வட்டாரத்தைச் சேர்ந்த அனைத்து சமுதாயத் தலைவர்களுக்கும் முறையாக அழைப்பிதழ் கொடுத்து, மீண்டும் ஓர் ஆலோசனைக் கூட்டத்தை நடத்தி, தீண்டாமைக்கு எந்தவிதத்திலும் இடம் கொடுக்காமல் அந்த முன்னோட்ட தேரோட்ட நிகழ்ச்சியை நடத்த வழிமுறைகளை வகுத்திட வேண்டும். அப்படி நடத்த முயலாவிட்டால், நாங்கள் நீதிமன்றத்துக்குச் செல்வோம்" என்றார்.

இது குறித்து சிவகங்கை கலெக்டர் ஆஷா அஜீத்தை நேரிலும் அலைபேசியிலும் தொடர்புகொண்டபோதும், விளக்கமளிக்க மறுத்துவிட்டார். கலவர மேகம் கலையாத கண்டதேவி!


http://dlvr.it/SzszC3

Read More

என்று தீருமோ இந்த `டிசம்பர்' துக்கம்?!

மிக்ஜாம் புயலின் காரணமாக பெய்த கனமழையால், சென்னையில் கடுமையான பாதிப்பு ஏற்பட்டிருக்கிறது. பல்லாயிரக்கணக்கான பைக், கார்கள் நீரீல் மூழ்கி சேதமாகியிருக்கின்றன.

சென்னை புறநகர் மட்டுமன்றி வடசென்னை, மத்திய சென்னை, தென்சென்னையிலும் பல ஏரியாக்களில் மழைநீர் வடியாமல் இருக்கிறது. வீடுகளைச் சுற்றி மழைநீர் வடியாமல் இருப்பதால், உணவு, நீர் உள்ளிட்ட அடிப்படைத் தேவைகளுக்குக் கையேந்தி நிற்கிறார்கள் சென்னைவாசிகள். 2015-ல் ஏற்பட்ட வெள்ள பாதிப்பிலிருந்து சென்னை மாநகராட்சியும், தமிழ்நாடு அரசும் பாடம் கற்றதாகத் தெரியவில்லை.

தி.மு.க ஐடி விங் செயல்பாடு, சென்னைவாசிகளை மட்டுமல்லாமல், சென்னையில் தங்களின் உறவினர் நிலைமையை அறிய முடியாத வெளிமாவட்டத்தைச் சேர்ந்தவர்களையும் சேர்த்தே எரிச்சலடையச் செய்துவிட்டது. குறிப்பாக, கனமழையின் தூரல் பொழிந்துகொண்டு இருக்கும்போதே சென்னையை மீட்ட தி.மு.க என்று மார்தட்டி போஸ்ட் போட்டது... தங்கள் ஏரியாவில் வெள்ளநீர் வடியவில்லையென்று பாதிக்கப்பட்டவர்களின் சமூக வலைதளங்களில் போஸ்ட்டுக்குக் கீழே, பாதிக்கப்பட்டவர்களையே திட்டி கமென்ட் செய்ததென்று அவர்களின் அழிச்சாட்டியம் அளவில்லாமல் போனது.

பதிலுக்கு 4,000 கோடி ரூபாய் மதிப்பில் சென்னையில் மேற்கொள்ளப்பட்ட மழைநீர் வடிகால் பணிகள் என்னவானதென்று அ.தி.மு.க ஐடி விங் சமூக வலைதளங்களில் மல்லுக்கட்டியது. இதற்கு பதில் கொடுக்கும்விதமாக அதிமுக ஆட்சியில் மேற்கொள்ளப்பட்ட 8,000 கோடி ரூபாய் பணிகள் என்னவாகின என்று திமுக ஐடி விங் வரிந்துகட்டியது. இப்படி மாறி மாறி சமூக வலைதளங்களைக் குழாயடியாக மாற்றிவிட்டனர் தமிழகத்தை ஆண்ட இரு பெரும் கட்சிகளின் அனுதாபிகள்.

உண்மையில் மிக்ஜாம் புயலால் பெய்த கனமழைக்கு சென்னை தாக்குப்பிடித்ததா, தத்தளித்ததா என்று விசாரித்தோம்.மிக்ஜாம் புயல் - சென்னை மாநகராட்சி அலுவலகம்

இது தொடர்பாக சென்னை மாநகராட்சியின் மூத்த அதிகாரி ஒருவரிடம் பேசினோம். ``2015 வெள்ள பாதிப்புக்கு முக்கியக் காரணம் செம்பரம்பாக்கம், பூண்டி ஏரிகளை அரசின் கவனக்குறைவால் முன்னேற்பாடு எதுவுமே இல்லாமல் திறந்துவிட்டதுதான். செம்பரம்பாக்கம் ஏரியில் 2015, டிசம்பர் 2-ம் தேதி 29,000 கன அடி நீரும், 3-ம் தேதி 11,000 கன அடி நீரும் திறந்துவிடப்பட்டன. அதேபோல, பூண்டி ஏரியிலிருந்து 2015, டிசம்பர் 2-ம் தேதி 30,200 கன அடி நீரும், 3-ம் தேதி 36,484 கன அடி நீரும் திறந்துவிடப்பட்டன. அதாவது, இரண்டு ஏரிகளிலிருந்து மட்டும் அதிகாரபூர்வ மொத்த நீரின் அளவு மட்டும் விநாடிக்கு 1,06,684 கன அடி. இந்தத் தண்ணீர்தான் சென்னை, திருவள்ளூர், காஞ்சிபுரம் மாவட்டங்களை மூழ்கடித்தது. அது மட்டுமல்லாமல் மழைநீர் வடிகால் பணியையும் முறையாக மேற்கொள்ளாததால், வெள்ளநீர் வடிய ஒரு வாரத்துக்கும் மேல் ஆனது. ஆனால், தற்போது நிலைமை அப்படி இல்லை. இரண்டு நாள்கள் மட்டும்தான் மழைப்பொழிவு அதிகமாக இருந்தது. கடந்த எட்டு ஆண்டுகளில் தொழில்நுட்பம் பல மடங்கு உயர்ந்துவிட்டது. மழைப்பொழிவு எவ்வளவு இருக்குமென்று கிட்டத்தட்ட துல்லியமாகக் கணித்துவிட்டார்கள்.

குறிப்பாக மழைநீர் வடிகால் பணியை முடிக்காமல் இரண்டு ஆண்டுகளாக இழுத்தடித்துக்கொண்டேயிருந்தது நகராட்சி நிர்வாகம். சென்னை மாநகராட்சியின் மழைநீர் வடிகாலுக்கு 4,000 கோடி ரூபாய் ஒதுக்கப்பட்டது உண்மைதான். ஆனால், அதற்கான நிதி பல கட்டங்களில் தேங்கி நின்றுவிட்டது. மழைநீர் வடிகால் பணிகளை முதலில் ஆரம்பித்தபோது, பல இடங்களில் மெட்ரோ பணிகள் குறுக்கிட்டன. அந்தத் தடையைத் தாண்டி பணிகளைச் செய்த ஒப்பந்தக்காரர்களுக்குப் பணத்தை விடுவிப்பதில் சென்னை மாநகராட்சி நிர்வாகம் விரைந்து செயல்படவில்லை. இதை முறையாகச் செய்யவேண்டிய நகராட்சி நிர்வாகத்துறை, மழைநீர் வடிகால் பணியை தள்ளிப்போட்டுக்கொண்டேதான் இருந்தது. அதற்கான காரணம் என்னவென்று இன்றுவரை தெரியவில்லை.முடிக்கப்படாத மழைநீர் வடிகால் பணிகள்

அதுமட்டுமல்லாமல் மின்சாரத்துறை, மெட்ரோ வாட்டர் நிர்வாகம் என வடிகால் பணிக்கு யாருமே ஒத்துழைப்பு கொடுக்கவில்லை. இதனால்தான், பருவமழைக்கு முன்னதாக வடிகால் பணியை முழுமையாக முடிக்கவில்லை. உண்மையைச் சொல்லப்போனால், வடிகால் பணி 75 சதவிகிதம்கூட முழுமை பெறவில்லை. இதனால்தான் மழை நின்றும், நாள்கள் ஓடியும் பல இடங்களில் நீர் வடியாமல் தேங்கி நிற்கிறது" என்றார் விரிவாக.

பூவுலகு நண்பர்கள் சுந்தராஜன், "சென்னை ஒரு தட்டையான நகரம். இங்கு வெறும் மழைநீர் வடிகால்கள் மட்டுமே கைகொடுக்காது. சென்னையில் ஓடும் மூன்று பிரதான ஆறுகளும், பல நீர்நிலைகளும் ஆக்கிரமிப்பில்தான் இருக்கின்றன. எந்தத் திட்டமிடலையும் சரியாகச் செய்யாமல், நகரைக் கண்மூடித்தனமாக விரிவாக்கம் செய்துகொண்டதே இதற்குக் காரணம். நமக்கிருக்கும் ஒரே ஆறுதல், சென்னையின் மேற்குப் பக்கமிருக்கும் 4,000 நீர்நிலைகள்தான். அவைதான் சென்னைக்குப் பெரும் வெள்ள ஆபத்துகள் வராமல் ஓரளவுக்குத் தடுத்துக்கொண்டிருக்கின்றன. அதில்தான் பரந்தூர் விமான நிலையத்தை அமைத்து, அடுத்த ஆப்புவைக்கத் தயாராகிறது மாநில அரசு. ‘காலநிலை தாங்குதிறன் நகரமாக’ சென்னையை மாற்றுவதற்கு, தலைநகரை மேலும் விரிவாக்கம் செய்யாமல் இருப்பதே தீர்வு” என்றார் விரக்தியுடன்.பூவுலகு சுந்தர்ராஜன்

பன்னீரின் ஆதரவாளர் மருது அழகுராஜோ, "அடுத்த கட்சி ஆட்சி நடக்கும்போது வாய்கிழியப் பேசுவதும், தங்கள் ஆட்சி நடக்கும்போது `வரலாறு காணாத மழை’ என்னும் துருப்பிடித்த வசனத்தை தூக்கிக் காட்டிக்கொண்டு தப்பிப் போகவும் பார்க்கிறது திமுக. இந்த வார்த்தைஜால வழக்கத்தில் ஏறத்தாழ முக்கால் நூற்றாண்டு கரைந்துவிட்டது. ஆனால், தலைநகர் சென்னைவாசிகளின் மழைக்காலத் துயரங்கள் சிந்துபாத் தொடராகவே நீண்டுகொண்டிருக்கின்றன. அரசியலைத் தாண்டி மனசாட்சியோடு சில உண்மைகளை நாம் பேசியே ஆகவேண்டியிருக்கிறது. மருது அழகுராஜ்

வேலுமணி காலம் `ஸ்மார்ட்சிட்டி’ என்றது. தற்போது கே.என்.நேருவின் காலம் `நாலாயிரம் கோடி பேக்கேஜ்’ என்றது. ஆனாலும், சென்னை மக்களின் துயரங்கள் தொடர்கதையாகவே நீடிக்கின்றன. நடுத்தர மக்களின் இ.எம்.ஐ பைக்குகளையும், கார்களையும் மழை வெள்ளம் அடித்துச் செல்வதைப் பார்க்கும்போது மனது பதைபதைக்கிறது. இப்படியான வருடம் தவறாத டிசம்பர் துக்கங்களுக்கு நிரந்தரமாகத் தீர்வு காண வேண்டுமானால், மழை வெள்ளத்தின்போது மட்டும் ஆட்சியாளர்களைச் சபித்துவிட்டுக் கடந்துபோகும் பிரசவ வைராக்கியத்திலிருந்து மக்கள் விடுபட வேண்டும். அப்படிச் செய்யவில்லையென்றால் கார்கள், பைக்குகளோடு வீடுகளும் மிதந்து போகும் காலம் வரலாம்" என்றார் சூடாக.

என்று தீருமோ இந்த டிசம்பர் துக்கம்?!

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/46c3KEk">
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/46c3KEk">
https://bit.ly/46c3KEk />

http://dlvr.it/SzsyvT

Read More

`காரில் போக வசதியில்லை’ - இரு சக்கர வாகனத்தில் 330 கி.மீ பயணித்து சட்டசபைக்குச் சென்ற எம்.எல்.ஏ!

மத்தியப் பிரதேசத்தில் சமீபத்தில் நடந்து முடிந்த சட்டமன்றத் தேர்தலில் பா.ஜ.க 163 தொகுதியில் வெற்றிபெற்று மீண்டும் ஆட்சியைப் பிடித்திருக்கிறது. இந்தத் தேர்தலில் கம்லேஷ்வர் தோடியார் மட்டும் புதிய கட்சியான பாரத் ஆதிவாசி கட்சி சார்பாக வெற்றிபெற்றிருக்கிறார். இந்தக் கட்சி, கடந்த செப்டம்பர் மாதம்தான் ஆரம்பிக்கப்பட்டது. மிகவும் ஏழ்மைக் குடும்பத்தில் பிறந்த கம்லேஷ்வர் இதற்கு முன்பும் தேர்தலில் போட்டியிட்டிருந்தாலும் இப்போதுதான் முதன்முறையாக வெற்றி பெற்றிருக்கிறார்.

பலரிடம் கடன் வாங்கித்தான் தேர்தலில் போட்டியிட்டார். தேர்தலில் வெற்றிபெற்ற பிறகு சைலானா தொகுதியிலிருந்து போபாலுக்குச் செல்ல கம்லேஷ்வரிடம் சொந்தமாக கார் இல்லை. இதனால் எப்படி போபால் செல்வது என்று தெரியாமல் பலரிடம் கார் கேட்டுப் பார்த்தார். ஆனால், யாரும் கார் கொடுக்க முன்வரவில்லை.

இதையடுத்து தன்னுடைய மைத்துனரிடம் இரு சக்கர வாகனத்தை இரவல் வாங்கி, அதில் முன்பக்கம் `எம்.எல்.ஏ’ என்று எழுதிக்கொண்டு தன்னுடைய நண்பருடன் போபாலுக்குப் புறப்பட்டார். கூடவே நண்பர் ஒருவரையும் அழைத்துக்கொண்டார். இரு சக்கர வாகனத்தில் போபாலுக்குச் செல்வதை தனது சோஷியல் மீடியா பக்கத்தில் நேரடியாக ஒளிபரப்பு செய்தார். கடும் குளிரையும் பொருட்படுத்தாமல் 330 கிலோமீட்டர் பயணம் செய்து போபாலைச் சென்றடைந்தார்.

சட்டமன்றக் கட்டடத்துக்குச் சென்றதும் அவர் தங்க வசதி செய்து கொடுக்கப்பட்டது. நேற்றுத்தான் அதிகாரிகளைச் சந்தித்து தான் எம்.எல்.ஏ-வாக தேர்ந்தெடுக்கப்பட்டதற்கான சான்றிதழைக் கொடுத்து முறைப்படி எம்.எல்.ஏ-வானார். இரு சக்கர வாகனத்தில் கம்லேஷ்வர்

கம்லேஷ்வர் தனது படிப்புக்குத் தேவையான பணத்தைக் கூலி வேலை செய்தும், சாப்பாடு டெலிவரி செய்தும் திரட்டினார். இது குறித்து கமலேஷ்வர் கூறுகையில்,'' தேர்தலில் என்னுடைய நண்பர்கள் சாப்பிடாமல், வெறும் வயிற்றுடன் எனக்காக பிரசாரம் செய்தனர். சிலர் சொந்தப் பணத்தையும் எனக்காகச் செலவு செய்தனர். இப்போது போபாலுக்குச் செல்ல என்னிடம் கார் இல்லை. எனவே, இரு சக்கர வாகனத்தில் செல்கிறேன்'' என்றார்.

கம்லேஷ்வர் இப்போது மண் வீட்டில்தான் வசிக்கிறார். சட்டம் படித்திருக்கும் கம்லேஷ்வர் இதற்கு முன்பு 2018 சட்டமன்றத் தேர்தல், 2019 மக்களவைத் தேர்தலிலும் போட்டியிட்டிருக்கிறார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/46c3KEk">
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/46c3KEk">
https://bit.ly/46c3KEk />

http://dlvr.it/Szsyfs

Read More

கே.சி.ஆர்: கீழே விழுந்ததில் எலும்பு முறிவு; அறுவை சிகிச்சைக்குப் பரிந்துரை!

தெலங்கானாவில் இரண்டு சட்டமன்றத் தேர்தலிலும் பெரும்பான்மை இடங்களைப் பெற்று ஆட்சி அமைத்தவர் தெலங்கானா முன்னாள் முதல்வர் கே.சந்திரசேகர் ராவ். ஆனால், கடந்த சட்டமன்றத் தேர்தலில் இரண்டு தொகுதிகளில் போட்டியிட்ட கே.சி.ஆர்., காமாரெட்டி தொகுதியில் பாஜக வேட்பாளரிடம் தோல்வியடைந்தார். மேலும், பெரும்பாலான இடங்களில் தோல்வியைத் தழுவி காங்கிரஸிடம் தனது ஆட்சியைப் பறிகொடுத்தார். அதைத் தொடர்ந்து, கடந்த சில தினங்களாக ஹைதராபாத்தில் இருக்கும் அவரது வீட்டில் மக்களையும், தனது கட்சித் தொண்டர்களையும் சந்தித்துவந்தார்.தெலங்கானா முதல்வர் கே.சி.ஆர்

இந்த நிலையில், இன்று அதிகாலை 2 மணியளவில் ஹைதராபாத்திலுள்ள அவரது வீட்டில் அவர் தவறி கீழே விழுந்துவிட்டதாகவும், அதிகாலையிலேயே ஹைதராபாத்திலுள்ள யசோதா மருத்துவமனைக்குக் கொண்டு செல்லப்பட்டதாகவும் தகவல் வெளியாகியிருக்கிறது. மேலும், மருத்துவமனையில் அனுமதிக்கப்பட்ட 69 வயதான கே.சி.சந்திரசேகரராவின் இடுப்பில் எலும்பு முறிவு ஏற்பட்டிருப்பதாகவும், இந்த எலும்பு முறிவுக்கு அறுவை சிகிச்சை மேற்கொள்ள வேண்டும் என மருத்துவர்கள் பரிந்துரைத்ததாகவும் கூறப்படுகிறது.

பிரதமர் மோடி, ``தெலங்கானா முன்னாள் முதல்வர் கே.சி.ஆர் காருவுக்கு காயம் ஏற்பட்டிருப்பதை அறிந்து வேதனை அடைந்தேன். அவர் விரைவில் குணமடைந்து நல்ல ஆரோக்கியம் பெற பிரார்த்திக்கிறேன்” எனப் பதிவிட்டிருக்கிறார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/46c3KEk">
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/46c3KEk">
https://bit.ly/46c3KEk />
சீதாக்கா: `நக்சலைட் டு பழங்குடியின நலத்துறை அமைச்சர்' - தெலங்கானா இரும்புப் பெண்மணியின் நெடும்பயணம்!


http://dlvr.it/SzsyKv

Read More