`பஞ்சாப் முதல்வர் மான், குடிகாரர்; சொந்த குழந்தைகளை கவனிக்க தவறியவர்!' - மகள் ஷீரத் பரபரப்பு புகார்

பஞ்சாப் முதல்வர் பக்வந்த் மான் அதிகமாக மது அருந்தக்கூடியவர் என்று ஏற்கெனவே செய்திகள் வெளியாகி இருக்கிறது. கடந்த சட்டமன்ற தேர்தல் பிரசாரத்தின்போது டெல்லி முதல்வர் அர்விந்த் கெஜ்ரிவால் முன்னிலையில் மதுவை கைவிடுவதாக மான் குறிப்பிட்டு இருந்தார். அவர் ஏற்கெனவே அமெரிக்காவில் இருக்கும் தனது மனைவியை விவாகரத்து செய்துவிட்டு, இரண்டாவது திருமணம் செய்து கொண்டார். இரண்டாவது மனைவி இப்போது கர்ப்பமாக இருப்பதாக கூறப்படுகிறது.

இதையடுத்து முதல்வர் மான் மகள் ஷீரத் மான் தனது தந்தை குறித்து பேசிய வீடியோ ஒன்று சோஷியல் மீடியாவில் வைரலாகி இருக்கிறது. அதில், ``நான் இந்த வீடியோவை வெளியிடுவதற்கு எந்த வித அரசியல் நோக்கமும் கிடையாது. என்னைப்பற்றிய கதை வெளியில் வரவேண்டும் என்ற நோக்கத்தில் வெளியிடுகிறேன். எங்களை பற்றி முதல்வர் மான் தெரிவித்த தகவல்கள்தான் உங்களுக்கு தெரியும்.

இது வரை நானும் எனது தாயாரும் அமைதியாகத்தான் இருக்கிறோம். நாங்கள் அமைதியாக இருக்கிறோம் என்பதற்காக நாங்கள் பலவீனமானவர்கள் என்று நினைத்துக்கொண்டனர். நாங்கள் அமைதியாக இருப்பதால்தான் அவர்(மான்) இந்த அளவுக்கு உயரிய பதவியில் இருக்கிறார் என்பது அவருக்கு தெரியாது. முதல்வரின் மனைவி டாக்டர் குர்கிரத் கர்ப்பமாக இருக்கிறார்.

முதல்வர் மூன்றாவது முறையாக தந்தையாகிறார். மற்றவர்கள் மூலம் இதை தெரிந்து கொண்டேன். முதல்வர் இது குறித்து என்னிடமோ எனது சகோதரனிடமோ தெரிவிக்கவில்லை. உங்களுக்கு ஏற்கெனவே இரண்டு குழந்தைகள் இருக்கிறது. அவர்களை கவனிக்காமல் விட்டுவிட்டீர்கள். இப்போது மூன்றாவது குழந்தையை இந்த உலகத்திற்கு கொண்டு வர விரும்புகிறீர்கள். அதற்கு என்ன காரணம்?.

முதல்வரின் மகன் தோஷன் இரண்டு முறை முதல்வரை சந்திக்க சென்றார். அவன் தனது தந்தையுடன் நேரத்தை செலவிட விரும்பினார். ஆனால் அவரை முதல்வர் வீட்டிற்கு வர அனுமதிக்கப்படவில்லை. இரண்டு முறையும் எவ்வளவோ நடந்துவிட்டது. தோஷன் சண்டிகரில் குடும்ப நண்பரின் வீட்டில் தங்கி இருந்தார். அவர் மீண்டும் ஒரு முறை முதல்வர் வீட்டிற்கு சென்றார். அவர் வீட்டிலிருந்து விரட்டியடிக்கப்பட்டார். இனி வரக்கூடாது என்று சொல்லிவிட்டனர். சொந்த குழந்தைகளின் பொறுப்பை ஏற்க முடியாத ஒருவரால்... பஞ்சாப் மக்களுக்கு பொறுப்பு ஏற்க முடியாது.

முதல்வர் அரசியலுக்கு வரக்கூடாது என்று அம்மா விரும்பியதால் அவரை விவாகரத்து செய்ததாக முதல்வர் குறிப்பிட்டுள்ளார். விவாகரத்துக்கு பல காரணங்கள் இருக்கிறது. அந்த கதையை எனது அம்மா சொல்வார். எனது அம்மா எப்போது அதற்கு தயாராகிறாரோ அப்போது அதனை சொல்வார்.

மது பழக்கம், உணர்ச்சி மற்றும் உடல் ரீதியான தாக்குதல், பொய் சொல்லும் பழக்கம் மற்றும் உணர்ச்சிப்பூர்வமாக மிரட்டுவது முதல்வர் மானின் பழக்கம் ஆகும்.

சட்டமன்றம், குருத்வாரா அல்லது பத்திரிக்கையாளர் சந்திப்பிற்கு செல்லும் போது குடிபோதையில் இருப்பார்'' என்று ஷீரத் தனது தந்தை மீது கடுமையான குற்றச்சாட்டுக்களை முன் வைத்தார். பஞ்சாப் முதல்வராக மான் பதவியேற்ற போது அமெரிக்காவில் வசிக்கும் அவரது இரண்டு பிள்ளைகளும் வந்து கலந்து கொண்டனர். ஆனால் மான் இரண்டாவது திருமணம் செய்த பிறகு நிலைமை மாறி இருக்கிறது. ஷீரத்தின் குற்றச்சாட்டு குறித்து மான் எதுவும் தெரிவிக்கவில்லை. ``இரவும், பகலும் குடித்துக்கொண்டிருந்தால் உயிரோடு இருக்க முடியுமா?" - பகவந்த் மான் காட்டம்


http://dlvr.it/Szxs7L

Read More

``திமுக அரசு, சமூகநீதியை நிலைநாட்ட பயப்படுகிறது!" - அன்புமணி ராமதாஸ் தாக்கு

"தமிழ்நாடு முன்னேற்றம் அடைந்துள்ளதற்கு முக்கிய காரணம் தந்தை பெரியார்தான்" என்று பேசியுள்ளார் பா.ம.க தலைவர் அன்புமணி ராமதாஸ்.கருத்தரங்கம்

பா.ம.க சார்பில் சாதி வாரி கணக்கெடுப்பு குறித்த கருத்தரங்கத்தில் கலந்துகொண்ட அன்புமணி ராமதாஸ், பேசும்போது, ``சாதி வாரி கணக்கெடுப்பு நடத்த தமிழக அரசிற்கு அனைத்து உரிமைகளும், சட்டங்களும் இருக்கிறது என பிரபல சட்ட வல்லுநர்கள் கூறுகிறார்கள். ஆனால் `எங்களுக்கு அதிகாரம் இல்லை; மத்திய அரசுக்குத்தான் அதிகாரம் இருக்கிறது' என தவறான கருத்தை முதலமைச்சரே தெரிவிக்கிறார்.

அப்படியென்றால் எப்படி பீகாரில் நடத்தினார்கள், பீகாரில் கணக்கெடுப்புக்கு எதிராக வழக்கு தொடர்ந்தும், நீதிமன்றத்தில் எந்த தடையும் கொடுக்கவில்லை. பீகாரில் சாதி வாரி கணக்கெடுப்பு நடத்தி சட்டப்பேரவையில் வெளியிட்டார்கள்.

பீகாரை தொடர்ந்து ஆந்திரா, ஒடிசாவும் சாதி வாரி கணக்கெடுப்பு முன்னெடுப்பை தொடங்கியுள்ளனர். ஆனால், சமூகநீதி பேசும் முதலமைச்சர் தயங்குவது ஏன்... என்ன காரணம்... ஏன் அச்சம்?

சாதிகளுக்காக உரிமைகளை, சமூகநீதியைப் பெறும் கட்சிகளாக, இயக்கங்களாகச் செயல்பட வேண்டும். சமூகநீதியின் அடித்தளமே சாதி வாரி கணக்கெடுப்புதான்.

சாதி என்றாலே கெட்ட வார்த்தை என்பதுபோல இருக்கிறார்கள், சாதிய வைத்து அரசியல் நடத்துகிறார்கள். சாதி் பெரும்பான்மை அடிப்படையில்தான் தி.மு.க-வில் பதவி கொடுக்கிறார்கள். ஆனால் வெளியில் சாதி, மதம் இல்லை என்கிறார்கள். வாக்கு வங்கிக்ககாக இப்படி நடந்துகொள்கிறார்கள்.அன்புமணி ராமதாஸ்

சமூகநீதி என்பது பின்தங்கிய சமுதாயத்தை உயர்த்துவதுதான். மதம், மொழிரீதியாக இட ஒதுக்கீடு இல்லை. ஆனால், சாதிரீதியாக இட ஒதுக்கீடு செய்ய கணக்கெடுப்பு நடத்த ஏன் தயக்கம்?

சென்சஸ் என்பது வேறு, சர்வே என்பது வேறு. சர்வேயை மத்திய அரசும், மாநில அரசும், உள்ளாட்சி நிர்வாகமும் எடுக்கின்றனர். தமிழ்நாடு முன்னேற்றம் அடைந்துள்ளதற்கு முக்கிய காரணம் தந்தை பெரியார்தான்.

6 முறை ஆங்கிலேயர்கள் சாதி வாரி கணக்கெடுப்பு எடுத்தார்கள். ஆங்கிலேயருக்கு புரிந்தது, இப்போதைய தி.மு.க அரசுக்கு புரியவில்லை, தூங்குவதுபோல நடிக்கிறது.

இந்தியாவிலயே முதன்முறையாக இட ஒதுக்கீடு கொண்டுவந்த மாநிலம் தமிழகம்தான். பல வரலாறுகள் உள்ள தி.மு.க அரசு, சமூகநீதியை நிலை நாட்ட பயந்துகொண்டிருக்கிறது.

சமூகநீதி மாநாடு, சமூகநீதி கூட்டம், கருத்தரங்கங்கள் எல்லாம் வீண்தான். நாங்களும் முன்னேறணும், எவ்வளவு நாள்தான் அடிமையாக இருப்போம்... தமிழகத்தில் சாதிவாரி கணக்கெடுப்பு நடத்த வேண்டும்.

69 சதவிகித இட ஒதுக்கீட்டுக்கு எதிராக வழக்கு தொடர்ந்தார்கள். இந்த இட ஒதுக்கீட்டை 9-வது அட்டவணையில் இடம் பெற வைத்தவர் மறைந்த முதலமைச்சர் ஜெயலலிதா. இதனை அவர்கள் செய்யவில்லையென்றால் ரத்தாகியிருக்கும்.கருத்தரங்கம்

மோசமா போச்சு, நாசமா போச்சு என்று சொல்லும் வகையில் தமிழகத்தில் எங்கு பார்த்தாலும் கடந்த 3 ஆண்டுகளாக கஞ்சா விற்பனை அதிகரித்துள்ளது. அதிகாரம் மட்டும் என்னிடம் இருந்தால், ஒரு மாதத்தில் அனைத்தையும் கட்டுப்படுத்திவிடுவேன், கஞ்சா விற்பனை காவல்துறையினருக்கு தெரியாமல் நடக்காது. இது தொடர்பாக  காவல்துறையினரை சஸ்பெண்ட் செய்தால், எல்லாம் சரியாகும். அடுத்த தலைமுறையை காப்பாற்ற வேண்டும் என துடித்துக்கொண்டிருக்கிறோம்.

நாம் அதிகாரத்துக்கு வந்தால், ஒரே நாளில் மது ஒழிப்பு  கொண்டுவருவோம், மது ஒழிப்பு கொண்டுவர மனம் வேண்டும், தைரியம் வேண்டும்.

சென்னையில் இன்றும் போட் சர்வீஸ்தான். குடிநீர், பால், மின்சாரம் இல்லை, இன்னும் ஒருவாரம் கடந்தால் காய்ச்சல் தொற்று வரத் தொடங்கும். 2015-ம் ஆண்டே இது போன்ற பெருவெள்ளம் வரும் என்று சொன்னேன், வந்துவிட்டது. இந்த வெள்ளத்தால் பணக்காரர்கள் இழப்பதை பற்றி கவலை இல்லை. ஆனால், ஏழை எளிய மக்களின் பொருள் இழப்பு ஈடு செய்ய இயலாதது. அதே நேரம் இன்னும் ஒரு மாதத்தில் வெள்ளத்தையே மறந்துவிடுவார்கள். சினிமாவும், ஐ.பி.எல்-லும் வந்துவிடும். மன்னர்கள் காலத்தில் பிரச்னைகளை மறக்க குடி, கூத்து என இருப்பார்கள். அதுபோல தற்போதும் உள்ளது" என்றார்.சமூகநீதி: `பேசினால் மட்டும் போதாது, செயல்பாட்டிலும் வேண்டும்!’ - ஸ்டாலினைச் சந்தித்த பிறகு அன்புமணி


http://dlvr.it/SzxN2f

Read More

``மஹுவாவை பதவி நீக்கம் செய்தது சக எம்.பி-யாக வேதனையளிக்கிறது" - புகார் கூறிய பாஜக எம்.பி சொல்வதென்ன?

நேற்று முன்தினம் மதியம்வரை எம்.பி-யாக இருந்த மஹுவா மொய்த்ரா, நாடாளுமன்றத்தில் கேள்வி கேட்க லஞ்ச வாங்கியதாக எழுந்த குற்றச்சாட்டில், மக்களவையிலிருந்து தகுதிநீக்கம் செய்யப்பட்ட நிலையில், அவர்மீது குற்றச்சாட்டை முன்வைத்த பா.ஜ.க எம்.பி நிஷிகாந்த் துபே, சக எம்.பி-யாக வருந்துவதாகத் தெரிவித்திருக்கிறார்.மஹுவா மொய்த்ரா

முன்னதாக, அதானி குறித்து நாடாளுமன்றத்தில் கேள்வியெழுப்ப, தொழிலதிபர் ஹிராநந்தினியிடம் மஹுவா மொய்த்ரா பணம் வாங்கியதாகவும், தனது மக்களவை இணையதள போர்ட்டலின் பாஸ்வேர்டை பகிர்ந்ததாகவும் பா.ஜ.க எம்.பி நிஷிகாந்த் துபே குற்றச்சாட்டை முன்வைத்தார். அதோடு, மஹுவா மொய்த்ராமீது விசாரணை நடத்துமாறும் மக்களவை சபாநாயகருக்கு கடிதமும் அனுப்பினார். அதன்பின்னர், ஹிராநந்தினியிடம் விசாரணை நடத்தாமல், மஹுவா மொய்த்ராவிடம் மட்டும் விசாரணை நடத்திய நாடாளுமன்ற நெறிமுறைக் குழு, விசாரணையின் முடிவில் அவர் தவறு செய்திருப்பதாகவும், அதனால் அவரை எம்.பி பதவியிலிருந்து நீக்கலாம் என்றும் மக்களவை சபாநாயகருக்குப் பரிந்துரை செய்தது.

அதன்படி, நேற்று நடைபெற்ற நாடாளுமன்ற குளிர்காலக் கூட்டத்தொடரில், மஹுவா மொய்த்ராவை தகுதிநீக்கம் செய்வதாக மக்களவை சபாநாயகர் ஓம் பிர்லா அறிவித்தார். அப்போது, சோனியா காந்தி உட்பட எதிர்க்கட்சி எம்.பி-க்கள் பலரும் இந்த முடிவுக்கு எதிர்ப்பு தெரிவித்து, அவையிலிருந்து வெளிநடப்பு செய்தனர். தொடர்ந்து பா.ஜ.க-வை சாடியும் வந்தனர்.நிஷிகாந்த் துபே

இந்த நிலையில், மஹுவா மொய்த்ரா மீது குற்றச்சாட்டை முன்வைத்த நிஷிகாந்த் துபே, ``லஞ்சம் மற்றும் தேசிய பாதுகாப்பு பிரச்னைகளுக்காக ஒரு நாடாளுமன்ற உறுப்பினர் வெளியேற்றப்பட்டது, சக நாடாளுமன்ற உறுப்பினராக எனக்கு வேதனையளிக்கிறது. அந்த நாள் மகிழ்ச்சியான நாள் அல்ல, சோகமான நாள்" என்று தெரிவித்திருக்கிறார்.

முன்னதாக, பா.ஜ.க-வின் முடிவு தொடங்கிவிட்டதாகவும், இன்னும் 30 ஆண்டுகள் தொடர்ந்து போராடுவேன் என்று மஹுவா மொய்த்ரா நேற்று ஆவேசமாகக் கூறியிருந்தார் என்பது குறிப்பிடத்தக்கது.“கடந்த கூட்டத்தொடரை முடக்க, ராகுல் பதவிநீக்கம்... இந்த முறை மஹுவா மொய்த்ரா!”


http://dlvr.it/SzxMtm

Read More

`ஊடகவியலாளருக்குக் கொலை மிரட்டல்; ஆர்.எஸ்.பாரதி மகன்மீது முதல்வர் நடவடிக்கை எடுக்க வேண்டும்!' - பாஜக

சென்னை மழை வெள்ளம் குறித்து கள நிலவரத்தை விவரித்த, பத்திரிகையாளர் ஷபீருக்கு மிரட்டல் விடுக்கும் வகையில் பேசிய, ஆர்.எஸ்.பாரதியின் மகன் சாய் லட்சுமிகாந்த் பாரதிக்கு, பா.ஜ.க மாநில துணைத் தலைவரும், செய்தித் தொடர்பாளருமான நாராயணன் திருப்பதி கடும் கண்டனம் தெரிவித்துள்ளார்.

இது குறித்து அவர் தனது X பக்கத்தில், `` `எதைக் கொண்டு அடிப்பது (தரக்குறைவான வார்த்தை)... உன்னையெல்லாம் நிம்மதியா வாழவே விடக் கூடாது, (தரக்குறைவான வார்த்தை)' ……. என்று சென்னை வெள்ள பாதிப்பு குறித்து அரசை விமர்சித்த ஊடகவியலாளர் ஷபீரை விமர்சித்து, கொலை மிரட்டல் விடுத்துள்ளனர் தி.மு.க-வின் அமைப்புச் செயலாளர் ஆர்.எஸ்.பாரதியின் மகன் சாய் லட்சுமிகாந்த் பாரதி உள்ளிட்ட தி.மு.க ஐ.டி விங் பிரிவைச் சார்ந்தவர்கள். ஷபீர் அஹமது

அரசின் குறைபாடுகளை சுட்டிக்காட்டியவர்களுக்கு கொலை மிரட்டல் விடுப்பதா... அரசின் முறைகேடுகளை அம்பலப்படுத்தினால் வாழவே விடக் கூடாது என்று சொல்வதா... மேலும் முன்னாள் முதல்வர் ஜெயலலிதா அவர்களை ஒருமையில் விமர்சித்துள்ளது, பெண் இனத்தையே கேவலப்படுத்தும், அவமானப்படுத்தும் செயல். இந்த 'ட்விட்டர் ஸ்பேஸ்' தளத்தில் பேசிய அனைவரின்மீதும் தமிழக காவல்துறை கடும் நடவடிக்கை எடுக்க வேண்டும்.

'எதை கொண்டு அடிப்பது? பரதேசிப்பயலே, உன்னையெல்லாம் நிம்மதியா வாழவே விடக்கூடாது பரதேசி நாயே, புறம்போக்கு பயலே' …….

என்று சென்னை வெள்ள பாதிப்பு குறித்து அரசை விமர்சித்த ஊடகவியலாளர் @Ahmedshabbir20 வை தரக் குறைவாக விமர்சித்து, கொலை மிரட்டல் விடுத்துள்ளனர் தி மு கவின் அமைப்பு…— Narayanan Thirupathy (@narayanantbjp) December 9, 2023

அனைவருக்குமான முதல்வர் என்று தன்னை அழைத்துக்கொள்ளும் முதல்வர் ஸ்டாலின் அவர்கள், பத்திரிகை சுதந்திரத்தை, கருத்து சுதந்திரத்தை சற்றும் மதிப்பாரேயானால், இந்த உரையாடலில் ஈடுபட்டவர்களை தி.மு.க-விலிருந்து நீக்க வேண்டும். முதல்வர் ஸ்டாலின்

சட்டப்படி அவர்கள்மீது நடவடிக்கை எடுக்க காவல்துறைக்கு உத்தரவிட வேண்டும். மேலும், ஷபீர் அவர்களின் பாதுகாப்பை உறுதி செய்ய வேண்டும்." எனப் பதிவிட்டிருக்கிறார். சென்னை வெள்ளம்; சாலைகளில் மலைக்க வைக்கும் கழிவுகள் - சவாலான பணியில் தூய்மைப் பணியாளர்கள்!


http://dlvr.it/SzxCW6

Read More

தமிழ்நாட்டுக்கு மத்திய அரசு நிதியை கிள்ளிக் கொடுப்பது ஏன்?! - பழைய கணக்குகளும், சில கேள்விகளும்!

மிக்ஜாம் புயல், மழை வெள்ளத்தால் சென்னை, செங்கல்பட்டு, காஞ்சிபுரம், திருவள்ளூர் ஆகிய மாவட்டங்கள் கடுமையாக பாதிக்கப்பட்டிருக்கின்றன. மத்திய பாதுகாப்புத்துறை அமைச்சரான ராஜ்நாத் சிங் சென்னைக்கு வந்து மழை வெள்ளத்தால் பாதிக்கப்பட்ட பகுதிகளைப் பார்வையிட்டார்.சென்னை வெள்ளம்

சாலைகள், பாலங்கள், கட்டடங்கள் உள்ளிட்ட பொதுக் கட்டமைப்புகளுக்கு ஏற்பட்டிருக்கும் பாதிப்புகளைச் சீரமைக்கவும், நிவாரண உதவிகளை வழங்கவும் தேசியப் பேரிடர் நிவாரண நிதியிலிருந்து ரூ.5,060 கோடி நிதி வழங்கும்படி பிரதமருக்கு முதல்வர் ஸ்டாலின் கோரிக்கைவைத்தார். அது தொடர்பான கோரிக்கை மனுவை அமைச்சர் ராஜ்நாத் சிங்கிடம் வழங்கினார் ஸ்டாலின்.

அமைச்சர் ராஜ்நாத் சிங், ‘ராணுவம், கடற்படை, விமானப்படை, கடலோர பாதுகாப்புப் படை, வானிலை ஆராய்ச்சி மையம், துணை ராணுவம் உள்ளிட்ட மத்திய அரசின் அனைத்து அமைப்புகளும் வெள்ள பாதிப்புகளைத் தணிப்பதற்கான பணிகளில் சிறப்பாக ஈடுபட்டிருக்கின்றன. வெள்ள பாதிப்புகளை ஹெலிகாப்டரில் சென்று ஆய்வுசெய்தேன். இழப்பீடுகளை மதிப்பீடு செய்ய மத்திய அரசின் குழு ஒன்று இங்கு வரவிருக்கிறது. தமிழ்நாடு அரசின் கோரிக்கைகளைப் பரிசீலித்து உரிய நிதியுதவியை மத்திய அரசு விரைவில் வழங்கும்’ என்றார்.ராஜ்நாத் சிங்

இந்த நிலையில், பிரதமர் மோடிக்கு முதல்வர் ஸ்டாலின் கடிதம் எழுதியிருக்கிறார். அதில், ‘மிக்­ஜாம் புயலால் பாதிக்கப்பட்டிருக்கும் தமிழ்நாட்டுக்கு, சீரமைப்புப் பணி­க­ளுக்காக ரூ.5,060 கோடியை இடைக்­கால நிவாரணமாக வழங்க வேண்டும்’ என்று கோரிக்கை வைத்திருக்கிறார். முதல்வரின் கடிதத்தை பிர­த­மர் மோடியி­டம் தி.மு.க நாடாளு­மன்ற மக்களவைக்குழுத் தலை­வரான டி.ஆர்.பாலு நேரில் வழங்கினார்.

முதல்வர் ஸ்டாலின் தனது கடிதத்தில், ‘வரலாறு காணாத பெருமழை­ காரணமாக, சென்னை, திருவள்­ளூர், காஞ்சிபுரம், செங்­கல்­பட்டு ஆகிய நான்கு மாவட்­டங்­க­ளில் மிக அதிக மழை­பெய்து, மிகக் ­க­டு­மை­யான பாதிப்­புகள் ஏற்­பட்­டிருக்கின்றன. சாலை­கள், பாலங்­கள், பொதுக் கட்­டடங்­கள் எனப் பல்­வேறு உட்­கட்­ட­மைப்புகள் சேத­ம­டைந்­த­தால் சென்னை உட்­பட நான்கு மாவட்­டங்­க­ளில் சுமார் ஒரு கோடி மக்­கள் பாதிக்­கப்­பட்­டிருக்கின்றனர்’ என்று குறிப்பிட்டிருக்கிறார்.டி.ஆர்.பாலு

புயல் சேதத்தை நேரில் பார்­வையிட மத்திய அரசின் அதிகாரிகள் குழுவை உட­ன­டியாக தமிழ்நாட்டுக்கு அனுப்பி வைக்குமாறு பிரதமரிடம் டி.ஆர்.பாலு வலியுறுத்­தி­னார்.

இடைக்­கால நிவா­ரணமாக தேசியப் பேரிடர் நிவாரண நிதியிலிருந்து ரூ.5,060 கோடி நிதி வழங்குமாறு முதல்வர் ஸ்டாலின் கேட்ட நிலையில், முதற்கட்டமாக ரூ.450 கோடி நிதியை மட்டும் வழங்க மத்திய அரசு உத்தரவிட்டிருக்கிறது. இவ்வளவு குறைவான நிதி தரப்படுவதை தமிழ்நாடு பெரும் ஏமாற்றமாகப் பார்க்கிறது. இது முதன்முறை அல்ல. எப்போதெல்லாம், இயற்கைப் பேரிடர்களால் தமிழ்நாடு மிகக் கடுமையாகப் பாதிக்கப்படுகிறதோ, அப்போதெல்லாம் தேவையைக் காட்டிலும் மிகக்குறைவான நிதியையே மத்திய அரசு அளித்துவந்திருக்கிறது. பன்னீர்செல்வம்

ஓ.பன்னீர்செல்வம் முதல்வராக இருந்தபோது, தமிழ்நாட்டில் பருவமழை பொய்த்ததாலும், காவிரிநீர் கிடைக்காததாலும் விவசாயம் கடுமையாக பாதிக்கப்பட்டது. அப்போது, நிலைமையை விரிவாக விளக்கி மத்திய அரசுக்கு பன்னீர்செல்வம் கடிதம் எழுதினார். அதில், ‘தமிழ்நாட்டில் 32 மாவட்டங்களிலும் மிகவும் குறைவான மழையாக 35 சதவிகிதம் முதல் 81 சதவிகிதம் பற்றாக்குறையாகப் பெய்தது. காவிரிநீர் நடுவர் மன்ற இறுதித் தீர்ப்புப்படி, கர்நாடகா தண்ணீர் திறந்துவிடவில்லை.

அதன் காரணமாக, ஒரு போகம்கூட நெல் சாகுபடி செய்ய முடியவில்லை. விவசாயக் கூலிகளின் வாழ்வாதாரத்துக்காக, அவர்களுக்கான வேலைவாய்ப்பு திட்டத்துக்கு போர்கால அடிப்படையில் நடவடிக்கை மேற்கொள்ளவேண்டியிருக்கிறது. இதற்காக தேசியப் பேரிடர் மீட்பு நிதியிலிருந்து ரூ.39,565 கோடியை ஒதுக்குமாறு கேட்டுக்கொள்கிறேன்’ என்று பன்னீர்செல்வம் கோரிக்கை வைத்தார். மோடி

அதைத் தொடர்ந்து, தமிழகத்தில் வறட்சி நிலையை மதிப்பீடு செய்ய மத்தியக்குழு வந்து ஆய்வு மேற்கொண்டது. ரூ.39,565 கோடியை ஒதுக்குமாறு தமிழ்நாடு அரசு கேட்ட நிலையில், வெறும் ரூ. 6,450 கோடியை மட்டும் மத்திய அரசு ஒதுக்கியது. இது யானைப்பசிக்கு சோளப் பொரியைப் போடுவதுபோல இருக்கிறது என்று தமிழ்நாட்டு அரசியல் தலைவர்கள் மத்திய அரசை விமர்சித்தனர். இத்தனைக்கும் மத்திய அரசுக்கு மிகவும் இணக்கமாக அதிமுக அரசு செயல்பட்ட காலம் அது. ஆனாலும் போதுமான நிதி கிடைக்கவில்லை. ‘உள்ளாட்சித் தேர்தலில் ஓபிசி ஒதுக்கீடு உயர்த்தப்படாது!’ - மத்திய அரசின் முடிவால் ஏமாற்றம்

சென்னையில் 2015 டிசம்பரில் ஏற்பட்ட பெருமழை வெள்ளத்தில் ஏராளமானோர் உயிரிழந்தனர். கோடிக்கணக்கான ரூபாய் மதிப்புள்ள உடைமைகளை மக்கள் இழந்தனர். அப்போது, மத்திய அரசிடம் ரூ.25,912 கோடி நிவாரணம் வழங்குமாறு தமிழ்நாடு அரசு கோரியது. ஆனால் மத்திய அரசு வெறும் ரூ.1,940 கோடியையே வழங்கியது. வர்தா புயலினால் மிகப்பெரிய பாதிப்புகள் ஏற்பட்டபோது, ரூ.22,573 கோடி நிவாரண நிதி வழங்குமாறு பிரதமரைச் சந்தித்து தமிழ்நாடு முதல்வர் கேட்டார். கொரோனா நிவாரணம்

புயலின் பாதிப்புகளை மத்தியக்குழுவினர் இரு முறை வந்து ஆய்வுசெய்தனர். ஆனால், நிவாரணத் தொகையைத் தரவில்லை. கொரோனா பெருந்தொற்றால் மோசமாக பாதிக்கப்பட்ட மாநிலங்களில் தமிழ்நாடும் ஒன்று. ஆனால், மிகக்குறைந்த நிவாரண நிதியை மத்திய அரசு ஒதுக்கியது. அது தொடர்பான வழக்கை விசாரித்த சென்னை உயர் நீதிமன்றம், ‘கொரோனா பாதிப்பில் 2-வது இடத்தில் தமிழ்நாடு இருக்கிறது. ஆனால், குறைவான நிதியை மத்திய அரசு வழங்கியது ஏன்... தமிழகத்துக்கு மத்திய அரசு வழங்கிய ரூ.510 கோடி போதாது’ என்று காட்டமாகக் கூறியது.

மத்திய அரசுக்கு மிக அதிக வரி வருவாயைத் தருகிற தமிழ்நாட்டுக்கு, மாநிலங்களுக்கான நிதிப் பகிர்வின்போது மிகக் குறைந்த அளவிலான தொகையைத் தருவதையே வழக்கமாகக் கொண்டிருக்கிறது. இதற்கு மத்தியில் இருப்பவர்கள், பின்தங்கிய மாநிலங்களுக்கு முன்னுரிமை என்று சொல்கிறார்கள். இதை ஓரளவுக்கு ஏற்கலாம்தான். ஆனாலும், பெரும் பாதிப்புகளைச் சந்திக்கும்போது அல்லது பேரிடர் காலங்களில் தேவையான நிதியை ஒதுக்குவது, மிக மிக அவசியமாகிறது.

இதனால்தான், தமிழ்நாட்டை மத்திய அரசு மாற்றாந்தாய் மனப்பான்மையுடன் நடத்துகிறது என்ற விமர்சனம் தொடர்ந்து முன்வைக்கப்படுகிறது.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/46c3KEk">
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/46c3KEk">
https://bit.ly/46c3KEk />

http://dlvr.it/Szw7rg

Read More

Tamil News Today Live: ஆளுநர் மாளிகை அருகே பெட்ரோல் குண்டு: ரெளடி கருக்கா வினோத்தைக் காவலில் எடுக்க என்.ஐ.ஏ மனு!

ஆளுநர் மாளிகை: காவலரை விசாரணைக்கு அழைத்துச் சென்ற என்ஐஏ!



சென்னை கிண்டியிலுள்ள ஆளுநர் மாளிகை அருகே, கடந்த மாதம் 24-ம் தேதி ரெளடி கருக்கா வினோத் என்பவர், இரண்டு பெட்ரோல் குண்டுகளை வீசினார். அப்போது ஆளுநர் மாளிகை முன்பு பாதுகாப்புப் பணியில் இருந்த கிண்டி போலீஸாரும், போக்குவரத்து போலீஸாரும் ரெளடி கருக்கா வினோத்தை மடக்கிப்பிடித்து கைதுசெய்தனர். இதற்கிடையே என்ஐஏ அமைப்பு ஆளுநர் மாளிகை அருகே பெட்ரோல் குண்டு வீசியது குறித்து தனியாக வழக்கு பதிவுசெய்து விசாரித்துவந்தது. இந்த நிலையில் கிண்டியில் ஆளுநர் மாளிகை சாலையில் பெட்ரோல் குண்டு வீசிய இடத்தில் என்.ஐ.ஏ அதிகாரிகள் ஆய்வுசெய்தனர். அப்போது, குண்டு வீசப்பட்ட சம்பவம் தொடர்பாக, பணியில் இருந்த காவலர் ஒருவரை என்.ஐ.ஏ அதிகாரிகள் அழைத்துச் சென்றனர். பெட்ரோல் குண்டு வீசப்பட்ட அன்று என்ன நடந்தது எனக் காவலரிடம் வாக்குமூலம் பெற என்.ஐ.ஏ திட்டமிட்டிருப்பதாகத் தெரிகிறது. ரௌடி கருக்கா வினோத்

இதற்கிடையே, ரெளடி கருக்கா வினோத்தை ஐந்து நாள் காவலில் எடுக்க என்.ஐ.ஏ., சிறப்பு நீதிமன்றத்தில் மனுத்தாக்கல் செய்திருக்கிறது.


http://dlvr.it/Szw7hn

Read More

சென்னை வெள்ள பாதிப்பு: திமுக அரசின் அலட்சியம்தான் காரணமா?!

மிக்ஜாம் புயல் சென்னையைப் புரட்டிப்போட்டது ஒருபக்கமிருக்க, புயல் மற்றும் பெருமழைக்கான முன்னெச்சரிக்கைப் பணிகளையும் மீட்புப்பணிகளையும் மேற்கொள்வதில் தி.மு.க அரசு கோட்டைவிட்டதாக விமர்சிக்கப்படுகிறது. இது குறித்து விரிவாக விசாரித்தோம். சென்னை வெள்ளம்

நம்மிடம் பேசிய விவரமறிந்தவர்கள், ``புயல் தொடர்பான அறிவிப்புகளை தி.மு.க அரசு வெளியிட்டபோது முன்னெச்சரிக்கை நடவடிக்கைகள் மேற்கொள்ளப்பட்டிருக்கும் என்றே கருதப்பட்டது. ஆனால், மழை பெய்து நான்கு நாள்கள் ஆகியும் மடிப்பாக்கம், வேளச்சேரி, வடசென்னை, சோழிங்கநல்லூர் பகுதிகள் எனப் பல இடங்களில் நீர் தேங்கியிருப்பதால், நீரை வெளியேற்றும் ராட்சத பம்புகள் பெரிய அளவில் தயாராக இல்லை என்பது தெரியவருகிறது.மழை வெள்ளம்:

மேலும், மழைக்குப் பிறகு பால் தட்டுபாடு வரும் என்பது எல்லா மழைக்காலத்திலும் கற்ற பாடம். ஆனால், இந்த முறையும் பால் இல்லை என்றால் அரசு எவ்வளவு மெத்தனமாக இருந்திருக்கிறது என்று பார்க்கலாம். இதுவரை வெள்ளத்தில் சிக்கித்தவிக்கும் பல்லாயிரக்கணக்கான மக்களை அரசு அணுகவே இல்லை என்றால் பணியாளர் நியமனம், திட்டமிடல் உள்ளிட்ட முக்கிய விவகாரங்களுக்கு முக்கியத்துவம் கொடுக்கவில்லையோ என்ற கேள்வி எழுகிறது. இவற்றுக்கும் மேலாக மழை வடிகால் திட்டத்தில் அரசு முற்றாகக் கோட்டைவிட்டதாகப் பார்க்கப்படுகிறது” என்றனர்வடபெரும்பாக்கம் | வெள்ளம்

நம்மிடம் பேசிய அ.தி.மு.க-வின் சி.டி.ஆர்.நிர்மல் குமார், ``புயல் அறிவிப்புகள் முன்னரே வந்தபோதும், அரசின் எந்தத் துறையும் முன்னெச்சரிக்கையுடன் செயல்படவில்லை. பெருமழைக்குப் பிறகு பால் கிடைக்கவில்லை, மின்சார விநியோகம் சீராகவில்லை, பாதிக்கப்பட்ட மக்களை மீட்க வழியில்லை. 16,000 மீட்புப்பணியாளர்கள் இருப்பதாக முதலில் சொன்னார்கள். பிறகு எண்ணிக்கை அதிகரிக்கப்பட்டதாகவும் தெரிவித்தார்கள். வார்டுக்கு இத்தனை பேர் என நியமித்திருந்தால் அனைத்து மக்களையும் ஒரே நாளில் சென்றடைந்திருக்கலாம். ஆனால் 50% மக்களுக்கு எந்த உதவியுமில்லை.நிர்மல் குமார்

98% வடிகால் பணிகள் முடிந்ததாகக் குத்துமதிப்பாகச் சொன்னார்கள். எங்கே முடிந்தது.. எங்கே தொடங்கவில்லை என்ற விவரம் முதலமைச்சர் உட்பட யாருக்குமே தெரியவில்லை. 4,000 கோடி ரூபாய் செலவிட்டோம் என இவர்கள் சொல்லும் வடிகால் திட்டம் டோட்டல் ஃபெயிலியர். அதன் புளூ பிரின்ட்கூட யாரிடமும் இல்லை. வடிகால் பணிகளைக் குளறுபடிகளுடன் மேற்கொண்டதால் நீர் தேங்காத இடங்களில் நீர்தேங்கி நிற்கிறது” என்றார் கொதிப்புடன். மழை வெள்ளம்

நம்மிடம் பேசிய நாம் தமிழர் இடும்பாவனம் கார்த்திக், ``ஒரு நாள் மழைக்கே சென்னை வெள்ளக்காடாக மாறுவதுதான் திராவிட மாடல் அரசின் லட்சணம். தமிழகத்தின் தலைநகரமாகவும், தொழில் நகரமாகவும் விளங்கும் சென்னையில் அடிப்படை நீர்வழிப்பாதைகளைக்கூட கட்டமைக்காமல், மக்களைத் திண்டாட வைத்திருக்கிறது தி.மு.க அரசு. தண்ணீரைத் தேங்கவிடாமல் வடிகால் அமைப்பிலும், வாய்க்கால் அமைப்பிலும் கவனம் செலுத்தாமல் உணவுப்பொருள்கள் தருவதும், தண்ணீரை இறைத்து வெளியேற்றுவதும் என தன்னார்வலர்கள் செய்யும் வேலைகளையே அரசும் செய்துகொண்டிருப்பது வேடிக்கை.இடும்பாவனம் கார்த்திக்

பல்லாயிரக்கணக்கில் வடிகால் திட்டங்களுக்குச் செலவிட்டதாகச் சொல்கிறார்கள். அதனால் என்ன பயன், பல்லாயிரம் கோடியை வைத்து என்ன செய்தனர்... இதைவிட பெரும் கொடுமை, மழையில் சிக்கிய மக்களை மீட்க பெருங்கூட்டம் முயலும் நிலையில், மழைநீரெல்லாம் வடிந்து, இயல்பு வாழ்க்கை திரும்பி மக்கள் மகிழ்ச்சியாக இருப்பதுபோல தி.மு.க-வினர் பரப்புவது கொடுமையிலும் கொடுமை” என்றார்.முத்தரசன்

நம்மிடம் பேசிய சி.பி.ஐ முத்தரசன், ``மழைநீர் வடிகால் பணிகளில் அரசு தொடர்ச்சியாக கவனம் செலுத்தினார்கள். அரசு எதுவுமே செய்யவில்லை என்றால் பாதிப்புகள் இன்னும் கடுமையாக இருந்திருக்கும். கடல் சீற்றம் இருப்பதால் தண்ணீர் உள்வாங்கப்படவில்லை என்பதே பிரச்னை. இருந்தாலும், மழைநீர் வடிகால் தொடர்பான பிரச்னைகள் அடிக்கடி எழுவதால் வடிகால் கட்டமைப்பு குறித்து ஆய்வுசெய்ய தமிழ்நாடு அரசு குழு அமைத்திட வேண்டும்” என்றார். தேங்கி நிற்கும் மழைநீர்

நம்மிடம் பேசிய சமூகச் செயற்பாட்டாளர்கள் சிலர் ``மின்சாரமில்லை, நீர் தேங்கியிருக்கிறது என்பதைக்கூடப் புரிந்துகொள்ள முடிகிறது. ஆனால், பாதிக்கப்பட்ட மக்களைப் பாதுகாக்க முடியாத, குடிநீரையும் பாலையும்கூட கொண்டு சேர்க்க முடியாத கையறுநிலையில் அரசு இருக்கிறதா என்ற சந்தேகம் கிளம்புகிறது. சொல்லப்போனால் புயலைக் கையாள்வதில் தி.மு.க ஃபெயில் என்றே கூற வேண்டும்” என்றனர் கோபத்துடன்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/46c3KEk">
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/46c3KEk">
https://bit.ly/46c3KEk />
மிரட்டிய மிக்ஜாம்... தத்தளிக்கும் தலைநகர்! | Flood Day Roundup


http://dlvr.it/SzszSp

Read More