அவைக் குறிப்பில் இருந்து பெரியார் பெயர் நீக்கம்: மாநிலங்களவையில் `திமுக vs பாஜக’ | நடந்தது என்ன?

2019-ல் மத்திய பா.ஜ.க அரசு ஜம்மு காஷ்மீரின் அரசியலமைப்புச் சட்டப் பிரிவு 370-ஐ ரத்துசெய்தது. அதை எதிர்த்து, உச்ச நீதிமன்றத்தில் தாக்கல்செய்யப்பட்ட மனுக்களை, உச்ச நீதிமன்றத் தலைமை நீதிபதி சந்திரசூட் தலைமையிலான நீதிமன்ற அமர்வு விசாரித்த நிலையில்,``ஜம்மு காஷ்மீரின் சிறப்பு அந்தஸ்தை ரத்துசெய்தது செல்லும். 2024 செப்டம்பருக்குள் ஜம்மு காஷ்மீரில் தேர்தல் நடத்த வேண்டும்" எனத் தீர்ப்பளித்தது. இந்த தீர்ப்பு பா.ஜ.க-வினரால் வெகுவாக வரவேற்கப்பட்டது.

அதைத் தொடர்ந்து, நேற்று நடந்த நாடாளுமன்ற கூட்டத் தொடரில் மத்திய உள்துறை அமைச்சர் அமித்ஷா, ஜம்மு காஷ்மீரில் சட்டசபை இடங்களை அதிகரிப்பது, எஸ்.சி, எஸ்.டி பிரதிநிதித்துவம் உள்ளிட்ட திருத்தங்களுடன் ஜம்மு காஷ்மீர் மறுவரையறை 2019 திருத்த மசோதாவைத் தாக்கல் செய்தார்.அமித் ஷா

இந்த மசோதா மீதான விவாதத்தின் போது தி.மு.க சார்பில் பேசிய எம்.பி அப்துல்லா, ”​​நமது முன்னோர்கள் கொடுத்த வாக்குறுதிகளைக் காப்பாற்ற வேண்டும். ஜம்மு காஷ்மீர் மகாராஜா ஹரிசிங்குக்கு சர்தார் வல்லபாய் பட்டேல் போன்ற முன்னோர்கள் கொடுத்த வாக்குறுதிகளைக் காப்பாற்றி இருக்க வேண்டும். வல்லபாய் பட்டேலுக்கு பிரமாண்ட சிலை வைப்பதை விட அவரின் வாக்குறுதிகளைக் காப்பாற்றுவதுதான் மிகவும் முக்கியமானது. மேலும், ஒவ்வொரு இனமும் தங்களது தலைவிதியைத் தீர்மானித்துக் கொள்ள உரிமை உண்டு எனத் தந்தை பெரியார் குறிப்பிட்டுள்ளார். எனவே, 370-வது சட்டப்பிரிவை ரத்து செய்தது கூட்டாட்சித் தத்துவத்தின் மீதான தாக்குதல்” எனப் பேசினார்.

இதில் பெரியாரின் கருத்து ஏற்கமுடியாது என பா.ஜ.க தரப்பு நாடாளுமன்ற உறுப்பினர்கள் கூச்சலிட்டனர்.

இதற்கிடையே பேசிய மாநிலங்களவைத் தலைவர் ஜெகதீப் தன்கர், "370-வது சட்டப்பிரிவை ரத்து செய்தது கூட்டாட்சித் தத்துவத்தின் மீதான தாக்குதல் என வர்ணித்த தி.மு.க உறுப்பினரின் கருத்தை ஏற்க முடியாது. இனத்தின் அடிப்படையில் தீர்மானிப்பது, அரசியலமைப்பின் சாரத்திற்கு எதிரானது. நாடாளுமன்ற அவையில், கருத்துச் சுதந்திரம் எனும் உரிமையால் தேசத் துரோகக் கருத்தைக் கூட மேற்கோள் காட்ட முடியுமா என்ன? தி.மு.க உறுப்பினர் அப்துல்லாவின் கருத்து நமது அரசியலமைப்புச் சட்டத்திற்கு எதிரானது. உச்ச நீதிமன்றத்தின் தீர்ப்புக்கு எதிரானது. அதை ஏற்க முடியாது.திமுக எம்.பி அப்துல்லா

இந்தக் கருத்து பேச்சு சுதந்திரத்துக்குத் தகுதியற்றது. இது போன்ற பிரச்னையில் எதிர்க்கட்சி உறுப்பினர்கள் ஏன் அமைதியாக இருக்கிறார்கள்? நாம் அனைவரும் அரசியலமைப்பின் மீது சத்தியப்பிரமாணம் செய்துள்ளோம். இது பேச்சு சுதந்திரம் அல்ல. ஒரு உறுப்பினரின் இத்தகைய தவறான செயல்களை நாம் எவ்வாறு எதிர்கொள்வது? உறுப்பினர் பேசும் ஒவ்வொரு வார்த்தையையும் ஏற்றுக்கொள்ள முடியாது. நமது அரசியலமைப்புச் சட்டத்தில் நம்பிக்கை உள்ளவர்களால் இதை ஏற்க முடியாது. எனவே, அந்த பகுதிகளை நான் நீக்குகிறேன்" என்றார்.

அதைத் தொடர்ந்து, பெரியாரின் பெயருடன், அவருடைய கருத்துகளும் நாடாளுமன்ற அவைக் குறிப்பிலிருந்து நீக்கப்பட்டன.

அப்போது குறுக்கிட்ட தி.மு.க உறுப்பினர் அப்துல்லா, "நான் கூறமுனைந்ததை அவைக்குத் தவறாக முன்வைக்கப்பட்டிருக்கிறது. அவைத் தலைவர் எனது கருத்துகளைத் தவறாக புரிந்துகொண்டிருக்கிறார்" என விளக்கமளிக்க முன்வந்தார்.

அப்போது மத்திய நிதியமைச்சர் நிர்மலா சீதாராமன் எழுந்து, "தி.மு.க-வுடன் கூட்டணியில் இருக்கும் காங்கிரஸ், தி.மு.க உறுப்பினருடைய கருத்துடன் உடன்படுகிறீர்களா என்பதைக் காங்கிரஸ் கட்சி உறுப்பினர்கள் எழுந்து நின்று பதில் சொல்ல வேண்டும்" எனப் பேசினார்.ஜக்தீப் தன்கர்

இதற்கு மத்தியில் பேசிய தி.மு.க எம்.பி திருச்சி சிவா, "மத்தியில் இந்தியா கூட்டணி வெற்றி பெற்று ஆட்சி அமைத்தால் 370வது பிரிவை மீண்டும் அமல்படுத்தி ஜம்மு காஷ்மீருக்குச் சிறப்பு அந்தஸ்து வழங்குவோம். எம்.பி அப்துல்லா பேசியதிலும், பெரியாரின் கருத்திலும் என்ன தவறு இருக்கிறது? அது ஏன் அவைக்குறிப்பிலிருந்து நீக்க வேண்டும்" எனக் கண்டனம் தெரிவித்தார்.

இதற்கு நடுவே குறுக்கிட்ட அமித் ஷா, "திருச்சி சிவா தி.மு.க சார்பில் பேசுகிறாரா அல்லது இந்தியா கூட்டணி சார்பில் பேசுகிறாரா?" எனக் கேள்வி எழுப்பினார். மேலும், எம்.பி திருச்சி சிவாவின் கருத்துக்கு பா.ஜ.க தரப்பில் கடும் எதிர்ப்புகள் தெரிவிக்கப்பட்டது. இதனால், அவையில் சிறிது நேரம் கூச்சல் குழப்பம் ஏற்பட்டது.

அதைத் தொடர்ந்து பேசிய எதிர்க்கட்சித் தலைவர் மல்லிகார்ஜுன் கார்கே, "அவை உறுப்பினர் ஒருவரின் கருத்து சபையின் அலுவல் விதிகளுடன் ஒத்துப்போகவில்லை என்றால், அவைத் தலைவர் அந்தக் கருத்துக்களை நீக்கலாம். இது அரசியலமைப்பிற்கு விரோதமானது என்று சொல்வதால் மட்டும் அதை ஏற்றுக்கொள்ள முடியாது" எனத் தெரிவித்தார்.

காங்கிரஸ் கட்சியின் மூத்த தலைவர் கே.சி.வேணுகோபால், "தி.மு.க உறுப்பினர் மேற்கோள் காட்டி, பேசிய பெரியார் கூறிய கருத்து எந்தச் சூழலில் தெரிவிக்கப்பட்டது என்பதை ஆய்வு செய்து சரிபார்க்குமாறு அவைத் தலைவரைக் கேட்டுக்கொள்கிறேன்" என்றார்.அமித் ஷா - மல்லிகார்ஜுன கார்கே

இதற்கிடையில் மத்திய உள்துறை அமைச்சர் அமித் ஷா, எதிர்க்கட்சி தலைவரிடம், "எனக்கு ஒரு கேள்வி இருக்கிறது. தி.மு.க உறுப்பினர் கூறியதைக் காங்கிரஸ் ஆதரிக்கிறதா... அப்துல்லாவின் இந்த அறிக்கையை நீங்கள் ஆதரிக்கிறீர்களா?" எனக் கேள்வி எழுப்பினார்.

அதற்குப் பதிலளித்த எதிர்க்கட்சி தலைவர் மல்லிகார்ஜுன கார்கே, "அப்துல்லா பெரியாரை மேற்கோள் காட்டியிருக்கிறார். அதை ஆதரிப்பதா அல்லது எதிர்ப்பதா என்பது விவாதத்திற்குரிய விஷயமாக இருக்கலாம், ஆனால் ஒருவரை நாடாளுமன்றத்தில் பேசவிடாமல் தடுப்பது ஜனநாயக விரோதமானது" எனத் தெரிவித்தார்.

சி.பி.ஐ எம்.பி சந்தோஷ் குமார், காஷ்மீர் சிறப்பு அந்தஸ்து நீக்கம் பிரிவு 370 மசோதாவை எதிர்த்து, "இந்த விவகாரத்தில் உண்மை மற்றும் நல்லிணக்க ஆணையத்தை அமைக்க வேண்டும்" எனத் தெரிவித்தார்.

இந்த விவாதத்துக்குப் பிறகு, தி.மு.க தலைவரும், தமிழ்நாட்டின் முதல்வருமான மு.க ஸ்டாலின் தனது எக்ஸ் ட்விட்டர் பக்கத்தில்,"மாநிலங்களவையில் தி.மு.க எம்.பி அப்துல்லா உரையாற்றும்போது சுட்டிக்காட்டிய தந்தை பெரியாரின் மேற்கோளுக்கு பா.ஜ.க.வினர் எதிர்ப்பு தெரிவித்துள்ளனர். பெரியாரின் பெயரும் அவைக்குறிப்பிலிருந்து நீக்கப்பட்டுள்ளது. நாடாளுமன்றத்திலேயே கருத்துரிமையின் கழுத்து நெரிக்கப்பட்டுள்ளது!முதல்வர் ஸ்டாலின்

மண்டல் ஆணையப் பரிந்துரையை அமல்படுத்தியபோது தந்தை பெரியார்தான் இதற்குக் காரணம் என்று பிரதமர் வி.பி.சிங் பேசிய நாடாளுமன்றத்தில் தந்தை பெரியார் பெயர் நீக்கப்பட்டுள்ளது அவமானம்! மக்களின் மனங்களில் நிலைத்து நின்று, வகுப்பு வாதிகளை இன்றளவும் அச்சுறுத்தும் தந்தை பெரியாரின் பெயரை எங்கும் - எப்போதும் - எந்தச் சூழலிலும் பயன்படுத்துவோம்! அனைவரும் பயன்படுத்துங்கள்!" எனப் பதிவிட்டிருக்கிறார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/46c3KEk">
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/46c3KEk">
https://bit.ly/46c3KEk />
`தந்தை பெரியார் தனி மனிதர் அல்லர்; பெரிய இயக்கம்!' - டி.டி.வி.தினகரன்


http://dlvr.it/T01bsl

Read More

நிவாரண நிதி ரூ.6000 போதுமானதா... எதிர்க்கட்சிகளின் கோரிக்கையும், தேவையும், நிபந்தனைகளும்!

சென்னை, காஞ்சிபுரம், திருவள்ளூர், செங்கல்பட்டு ஆகிய மாவட்டங்களை மிக்ஜாம் புயல் கடுமையாகப் பாதித்திருக்கிறது. இந்த நான்கு மாவட்டங்களிலும் பல பகுதிகள் மழை வெள்ளத்தில் மூழ்கின. அதனால், மக்கள் பல்வேறு இன்னல்களுக்கு ஆளானார்கள். அதனை தொடர்ந்து பாதிக்கப்பட்ட மக்களுக்கு உரிய நிவாரணங்களை தமிழ்நாடு அரசு வழங்க வேண்டும் என்ற கோரிக்கை எழுந்தது. மிக்ஜாம் புயல்

இந்த நிலையில், முதல்வர் மு.க. ஸ்டாலின் தலைமையில் தலைமைச்செயலகத்தில் டிசம்பர் 9-ம் தேதி ஆலோசனைக் கூட்டம் நடைபெற்றது. அதைத் தொடர்ந்து, மிக்ஜாம் புயலால் வாழ்வாதாரம் பாதிக்கப்பட்ட மக்களுக்கு நிவாரணத் தொகையாக ரூ. 6,000 வழங்க மு.க.ஸ்டாலின் உத்தரவிட்டார். இந்த நிவாரணத் தொகை, பாதிக்கப்பட்டவர்கள் குடியிருக்கும் பகுதிகளிலுள்ள நியாய விலைக்கடைகளின் மூலம் ரொக்கமாக வழங்கப்படும் என்று அரசு தெரிவித்திருக்கிறது.

‘புயல், வெள்ளத்தால் உயிரிழந்தவர்களின் குடும்பங்களுக்கு, இழப்பீட்டுத் தொகையை நான்கு லட்சம் ரூபாய் ஏற்கெனவே வழங்கப்பட்டுவருகிறது. அது, ஐந்து லட்சம் ரூபாயாக உயர்த்தி வழங்கப்படும். அதேபோல, சேதமடைந்த குடிசைகளுக்காக ஏற்கெனவே வழங்கப்படும் ஐயாயிரம் ரூபாய், தற்போது எட்டாயிரம் ரூபாயாக உயர்த்தி வழங்கப்படும்’ என்று தமிழ்நாடு அரசு கூறியிருக்கிறது. ஸ்டாலின் - எடப்பாடி பழனிசாமி

அதேபோல, ‘மழையினால் பாதிக்கப்பட்ட (33 விழுக்காடு மற்றும் அதற்கு மேலாக) நெற்பயிர் உள்ளிட்ட இறவைப் பாசனப் பயிர்களுக்கு ஹெக்டேர் ஒன்றுக்கு 13,500 ரூபாயிலிருந்து, 17 ஆயிரம் ரூபாயாக உயர்த்தி வழங்கவும், பல்லாண்டு பயிர்கள் மற்றும் மரங்கள் சேதமுற்றிருந்தால், (33 விழுக்காடு மற்றும் அதற்கு மேலாக) இழப்பீடாக ஹெக்டேர் ஒன்றுக்கு 18 ஆயிரம் ரூபாயிலிருந்து, 22,500 ரூபாயாக உயர்த்தி வழங்கப்படும்’ என்றும் தமிழ்நாடு அரசு கூறியிருக்கிறது. ஆடு மாடு உள்ளிட்ட வேறு பல இழப்புகளுக்கும் இழப்பீடு தொகைகளை அரசு அறிவித்திருக்கிறது.

ஆனால், தமிழ்நாடு அரசு அறிவித்திருக்கும் இழப்பீடு போதுமானதல்ல என்று எதிர்க்கட்சிகள் கூறுகின்றன. ‘மிக்ஜாம் புயல், மழை வெள்ளத்தால் பாதிக்கப்பட்ட மக்களுக்கு தற்போது அறிவிக்கப்பட்டுள்ள நிவாரணத் தொகையான 6,000 ரூபாய் போதாது. அதை, 12,000 ரூபாயாக அதிகரிக்க வேண்டும். எடப்பாடி பழனிசாமி

எந்த நிபந்தனையும் விதிக்காமல் பாதிக்கப்பட்ட மக்கள் அனைவருக்கும் நிவாரண நிதியை வழங்க வேண்டும்’ என்று அ.தி.மு.க பொதுச்செயலாளர் எடப்பாடி பழனிசாமி வலியுறுத்தியிருக்கிறார்.

தி.மு-க அரசு உரிய முன்னெச்சரிக்கை நடவடிக்கை எடுக்காததால் மக்களுக்கு பெரும் பாதிப்புகள் ஏற்பட்டிருப்பதாக அ.தி.மு.க., பா.ஜ.க உள்ளிட்ட குற்றம்சாட்டியிருக்கின்றன. எடப்பாடி பழனிசாமி வெளியிட்ட அறிக்கையில், ‘தி.மு.க ஆட்சிக்கு வந்து 31 மாதங்களாகின்றன. ஆனால், முறையாக மழைநீர் வடிகால் பணிகளைச் செய்யவில்லை. அதனால், மக்கள் பெரும் பாதிப்புகளுக்கு உள்ளாகியுள்ளனர். மக்கள் தங்கள் வாழ்வாதாரங்களை இழந்து, உடைமைகளை இழந்து, வாகனங்களை இழந்து பெரும் துயரத்தில் இருக்கிறார்கள்.அண்ணாமலை

அவர்கள், ஆட்சியாளர்கள் மீது தங்களின் எதிர்ப்பை வெளிப்படுத்திவருகிறார்கள். தி.மு.க அரசு அறிவித்திருக்கும் நிவாரணத் தொகை மிகவும் சொற்பமானது. எனவே, இது பாதிக்கப்பட்ட மக்களிடையே கடும் அதிருப்தியை ஏற்படுத்தியிருக்கிறது. அவர்களுக்கு உரிய இழப்பீடு வழங்கப்பட வேண்டும்’ என்று கூறியிருக்கிறார்.‘பிரிவு 370 நீக்கம் சரியே..!’ - உச்ச நீதிமன்றத் தீர்ப்பும், ஜம்மு காஷ்மீரின் எதிர்காலமும்!

இந்த மழை வெள்ளத்தில் ஏழை, எளிய, நடுத்தர மக்களின் இரு சக்கர வாகனங்கள், ஆட்டோ, நான்கு சக்கர வாகனங்கள் பழுதடைந்திருக்கின்றன. எனவே, உரிய நிறுவனங்களின் மூலமாக பகுதி வாரியாக சிறப்பு வாகன பழுது நீக்கும் முகாம்களை அரசு ஏற்பாடு செய்ய வேண்டும். அரசின் செலவில் பழுது நீக்க நடவடிக்கை எடுக்க வேண்டும் என்ற கோரிக்கைகளையும் எதிர்க்கட்சிகள் முன்வைத்திருக்கின்றன. ஸ்டாலின்

குடியிருப்பு பகுதிகளில் மழைநீர் வடிந்த பிறகும் கழிவுநீர் கலந்த சேறும் சகதியும் தெருக்களில் காணப்படுகின்றன. இதனால், தொற்றுநோய் பரவும் அபாயம் இருக்கிறது. எனவே, போர்க்கால அடிப்படையில் சேறு, சகதி, குப்பைக் கழிவுகளை அகற்ற வேண்டும். கிருமிநாசினிகளைத் தெளித்து தொற்று நோய் பரவாமல் தடுக்க வேண்டும். பாதிக்கப்பட்ட பகுதிகளில் மக்களுக்கு மருத்துவ சிறப்பு முகாம்களை நடத்த வேண்டும் என்ற கோரிக்கைகளையும் எதிர்க்கட்சிகள் முன்வைத்திருக்கின்றன.

பாதிக்கப்பட்ட மக்களிடம் பேசுகையில், ``எங்களுக்கு ஏற்பட்டிருக்கும் பாதிப்புகளுக்கு இந்த நிவாரணம் பெரிய அளவில் உதவாது. வீட்டில் இருக்கும் பொருள்கள் தொடங்கி, வாகனங்கள் வரை கடுமையாக பாதிக்கப்பட்டுள்ளது. தினசரி வேலைக்கு செல்லும் எங்களால் ஒரு வாரம் பணிக்கு செல்ல முடியவில்லை. கஷ்டப்பட்டு உழைத்து வாங்கிய பல பொருள்கள் குப்பை தொட்டிக்கு தான் போனது. அதனால் நிவாரணத் தொகையை உயர்த்தி வழங்க வேண்டும்” என்கிறார்கள். மிக்ஜாம் புயல்

அரசு தரப்பில் பேசுகையில், `மக்களில் சிலருக்கு பாதிப்பு அதிகமாக இருக்கும். சிலருக்கு பாதிப்பு குறைவாக இருக்கும். அதனை எல்லாம் கணக்கிட்டு தனிதனியே கொடுக்க வேண்டும் என்றால் காலதாமதம் ஏற்படும். தற்போது உடனடி நிவாரணம் அளிக்கப்பட வேண்டியது தேவையாக உள்ளது. மேலும் சுகாதாரம் தொடர்பான சிக்கல்களுக்கு மருத்துவ முகாம்களும், சான்றிதழ்கள் இழந்தவர்களுக்கு சிறப்பு முகாம்களும் நடைபெறுகிறது. மேலும் வாகனங்களை பொறுத்தவரையில், இன்ஸுரன்ஸ் நிறுவனங்கள் முறையாக, உடனடியாக பாதிப்புக்கு உண்டான தொகையை அளிக்க வேண்டும் என அரசு சார்பில் அமைச்சர் கேட்டுக்கொண்டுள்ளார்’ என்கிறார்கள்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்... 
https://bit.ly/46c3KEk">
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்... 
https://bit.ly/46c3KEk">
https://bit.ly/46c3KEk />

http://dlvr.it/T01bkd

Read More

`மழை பாதிப்பு; 4,435 பள்ளிகளில், 32 பள்ளிகளில் வேலை செய்யவேண்டியிருக்கிறது' - அன்பில் மகேஸ் தகவல்

புதுக்கோட்டை நகரப் பகுதிக்குட்பட்ட எஸ்.எஸ்.நகரில் எம்.எஸ்.சுவாமிநாதன் ஆராய்ச்சி நிறுவன மையத்தில், 'ஒவ்வொரு குழந்தையும் ஒரு விஞ்ஞானி' என்ற திட்டத்தின் நிகழ்ச்சி நடைபெற்றது. அங்கு அனைத்துப் பள்ளிகளிலும் ஆறாம் வகுப்பு முதல் எட்டாம் வகுப்பு வரை பயிலும் மாணவர்களுக்கான பயிற்சி வகுப்பை தமிழ்நாடு பள்ளிக்கல்வித்துறை அமைச்சர் அன்பில் மகேஸ் பொய்யாமொழி தொடங்கிவைத்தார். புதுக்கோட்டை நிகழ்ச்சி

அப்போது செய்தியாளர்களைச் சந்தித்துப் பேசிய அவர், "ஒவ்வொரு குழந்தையும் ஒரு விஞ்ஞானி என்ற திட்டம், 2021-ம் ஆண்டு சென்னையில் ஆரம்பிக்கப்பட்டது. பின்னர், பூம்புகாரில் தொடங்கப்பட்டு இன்றைய தினம் புதுக்கோட்டையிலும் இந்தத் திட்டம் தொடங்கப்பட்டிருக்கிறது. புதுக்கோட்டையைச் சேர்ந்த மாணவர்கள் இதை நல்ல முறையில் பயன்படுத்திக்கொள்ள வேண்டும். ஆறாம் வகுப்பு, ஏழாம் வகுப்பு, எட்டாம் வகுப்பு படிக்கக்கூடிய மாணவர்கள் 15 தினங்கள் இங்கேயே தங்கியிருந்து, பயிற்சி பெறுவதுடன், பள்ளிக்கூடத்துக்குச் செல்லும்போது அந்தப் பாடத்திலும் அவர்களுக்குத் தெரிந்திருக்க வேண்டும் என்ற நோக்கோடு, அதையொட்டியே இங்கு பயிற்சி அளிக்கப்படுகிறது. இது போன்ற பயிற்சி பெரிய பெரிய மாநகராட்சிகள், நகரங்களில் மட்டும்தான் செயல்படுத்தப்பட்டுவந்தது. தற்போது கிராமப்புறப் பகுதியைச் சேர்ந்த மாணவர்களுக்குக் கொண்டு செல்ல வேண்டும் என்ற நோக்கத்தோடு, இதைச் செயல்படுத்தியிருக்கும் எம்.எஸ்.சாமிநாதன் ஆராய்ச்சி நிறுவனத்தைச் சேர்ந்த நிர்வாகத்தினருக்கும் மிக்க நன்றி.

மேலும், மாணவர்களுக்கு 15 நாள்கள் இங்கு பயிற்சி வழங்கப்படுகிறது. அவர்களுக்கு, அவர்கள் தங்கும் நாள்களுக்குத் தேவைப்படக்கூடிய உணவு உள்ளிட்ட அனைத்தும் இங்கு வழங்கப்படுகின்றன. தமிழ்நாடு முதலமைச்சர் மழை, வெள்ளம் பாதிக்கப்பட்ட நான்கு மாவட்டங்களிலுள்ள பள்ளிக்கூடங்களைப் பராமரிப்பு செய்ய 1.9 கோடி ரூபாய் நிதி ஒதுக்கீடு செய்திருக்கிறார். மழையில் புத்தகங்கள் நனைந்துவிட்டன என்று சொன்னால் இன்றும் நாளையும் புத்தகங்கள் வழங்க அறிவுறுத்தப்பட்டிருக்கிறது. புத்தகங்கள் எப்போதும் இருப்பு வைத்திருக்கிறோம். அதனால், அந்தப் புத்தகங்கள் மாணவர்களுக்கு வழங்கப்பட்டுவிடும். அதனால்தான், இன்று நடைபெறவிருந்த அரையாண்டுத் தேர்வைக்கூட, வரும் 13-ம் தேதிக்கு மாற்றிவைத்திருக்கிறோம். மழை பெய்த நான்கு மாவட்டங்களிலுள்ள பள்ளிக்கூடங்களில் கட்டடங்கள் உறுதித்தன்மையுடன் இருக்கின்றனவா என்பதை அறிய, 20 வகையான அறிவுறுத்தல்களை வழங்கியிருக்கிறோம். பேட்டியளிக்கும் அமைச்சர் அன்பில் மகேஸ்

குறிப்பாக, ஊறிய சுவர்ப் பகுதியில் மாணவர்களை விடக் கூடாது, மின் இணைப்புகள் முறையாக இருக்கின்றனவா, பள்ளி வளாகத்திலுள்ள கிணறுகள் முறையாக இருக்கின்றனவா, போர்வெல் திறந்தவெளியில் இருக்கிறதா என்பதை முறையாகப் பார்க்க வேண்டும். அதேபோல், மழை பெய்து பள்ளி திறந்த பிறகு சில இடங்களில் தண்ணீர் தேங்கி, அதில் குப்பைகள் சூழ்ந்திருக்கின்றன. அதைக் கண்கூடாகப் பார்த்தோம். அதை அகற்ற அந்தந்தப் பகுதிகளிலுள்ள மாநகராட்சி, உள்ளாட்சிப் பிரதிநிதிகளை அறிவுறுத்தியிருக்கிறோம். மழை, வெள்ளம் பாதிக்கப்பட்ட நான்கு மாவட்டங்களில் 4,435 பள்ளிகளில் இன்னும் 32 பள்ளிகளில் வேலை செய்ய வேண்டியிருக்கிறது. நான் பொறுப்பு அமைச்சராக இருந்த பகுதிகளிலுள்ள 77 பள்ளிகளிலும் தண்ணீர் அப்புறப்படுத்தப்பட்டிருக்கிறது.

இன்னும் ஆறு பள்ளிகளில் தண்ணீர் தேங்கியிருக்கிறது. அதில் தனி கவனம் செலுத்தி, உடனடியாகத் தண்ணீரை வடியச் செய்ய நடவடிக்கை எடுக்க அறிவுறுத்தியிருக்கிறோம். பாதுகாப்பாக இருக்கும்பட்சத்தில் மட்டுமே பள்ளிகள் திறக்கப்பட்டு, அங்கு மாணவர்கள் அமர்ந்து படிக்க அறிவுறுத்தப்பட்டிருக்கிறது. பள்ளிகள் விடுமுறை விடும்போது, அதை ஈடுசெய்ய அடுத்தடுத்து வரக்கூடிய சனிக்கிழமைகளில் பள்ளிகளை வைத்துத்தான் அந்த விடுமுறையை ஈடுசெய்வோம். ஆனால், தற்போது அரையாண்டு தேர்வு நடைபெறவிருப்பதால், அந்தத் தேர்வுக்கு மாணவர்கள் தயாராகிவருகின்றனர்" என்றார்.கன்னிகாபுரம் வெள்ளம்: பிறந்து இறந்த குழந்தை - அட்டைப்பெட்டியில் உடல் கொடுக்கப்பட்ட அவலம்!


http://dlvr.it/T01NT7

Read More

``மனைவியின் வயது 18-க்கு மேல் இருந்தால் Marital Rape குற்றமல்ல..." - அலகாபாத் உயர்நீதிமன்றம்!

`மனைவியின் வயது 18 அல்லது அதற்கு மேல் இருந்தால் மனைவியின் விருப்பத்துக்கு எதிரான கட்டாய உறவு (Marital rape) குற்றமாகக் கருதப்படாது' என அலகாபாத் உயர்நீதிமன்றம் தீர்ப்பளித்து சர்ச்சையை ஏற்படுத்தி உள்ளது. 

2013-ல் சஞ்சீவ் குப்தா என்பவர் மீது அவரின் மனைவி காசியாபாத்தில் வரதட்சணை தடை சட்டம், கட்டாய பாலுறவு மற்றும் பிற இந்திய தண்டனை சட்ட பிரிவுகளின் கீழ் வழக்கு பதிவு செய்து இருந்தார். காசியாபாத் விசாரணை நீதிமன்றம் மேற்கூறிய பிரிவுகளின் கீழ் அவர் குற்றவாளி என்று தீர்ப்பளித்தது. மேல்முறையீட்டிலும் விசாரணை நீதிமன்றத்தின் தீர்ப்பு உறுதி செய்யப்பட்டது. Marriage (Representational Image)குழந்தைக்கும் மனசு பாதிக்குமா..? | மகிழ்ச்சி - 11

இதனை எதிர்த்து சஞ்சீவ் குப்தா, அலகாபாத் உயர் நீதிமன்றத்தில் சீராய்வு மனுவை (revision petition) தாக்கல் செய்தார். இந்த வழக்கின் விசாரணையில், ``இந்திய தண்டனை சட்ட பிரிவு 377-ன் கீழ், நமது நாட்டில் மனைவியின் விருப்பத்துக்கு எதிரான கட்டாய உறவு இன்னும் குற்றமாகக் கருதப்படவில்லை.

இதனை குற்றமாக்கக் கோரி உச்ச நீதிமன்றத்தில் சில மனுக்கள் பரிசீலனைக்கு நிலுவையில் உள்ளன. ஆனால், அந்த மனுக்கள் மீது எந்த முடிவும் வரும் வரை, மனைவி 18 வயது அல்லது அதற்கு மேற்பட்ட வயதினராக இருக்கும்போது மேரிட்டல் ரேப் என்பது குற்றவியல் தண்டனை இல்லை.  

15 முதல் 18 வயதுக்குட்பட்ட ஆணுக்கும் அவரின் மனைவிக்கும் இடையே கட்டாய உடலுறவு இருப்பின் அது பாலியல் வன்கொடுமைக்குச் சமமாகக் கருதப்படும். 

இந்த வழக்கில் ஆதாரமாக கொடுக்கப்பட்டுள்ள மருத்துவ சான்றுகளும் இயற்கைக்கு மாறான பாலியல் குற்றச்சாட்டுகளை நிரூபிக்கும் வகையில் இல்லை.

அதுமட்டுமல்லாமல் இந்திய தண்டனை சட்டம் பிரிவு 377 விதியைப் போல பாரதிய நியாய சன்ஹிதாவில் (Bharatiya Nyaya Sanhita Bill, 2023) இது போன்ற எந்த விதியும் சேர்க்கப்படவில்லை’’ என்று கூறி இந்திய தண்டனை சட்டம் பிரிவு 377-ன் கீழ் குற்றவாளி அல்ல என்று கூறியுள்ளது.courtமனைவியின் விருப்பத்துக்கு எதிரான கட்டாய உறவு வழக்கு; இரு நீதிபதிகளின் முரண்பட்ட தீர்ப்பு!

இந்தப் பிரிவின் கீழ் விடுவிக்கப்பட்டாலும் வரதட்சணை மற்றும் தானாக முன்வந்து காயத்தை ஏற்படுத்துதல் போன்ற இந்திய தண்டனை சட்ட பிரிவுகள் 498A மற்றும் 323-ன் கீழ் அவர் குற்றவாளி என்று தீர்ப்பளித்துள்ளது.

லோக் சபாவில் முன்மொழியப்பட்ட பாரதிய நியாய சன்ஹிதா மசோதா இயற்றப்பட்டால் தற்போதுள்ள இந்திய தண்டனை சட்டம் மாற்றப்படும் என்பது குறிப்பிடத்தக்கது. 

மனைவி 18 வயதுக்கு மேற்பட்டவராக இருப்பின் மனைவியின் விருப்பத்துக்கு எதிரான கட்டாய உறவு (Marital rape) குற்றமாகக் கருதப்படாது என்ற அலகாபாத் உயர்நீதிமன்றத்தின் தீர்ப்பு குறித்து உங்களின் கருத்தென்ன?... கமென்டில் சொல்லுங்கள்!


http://dlvr.it/Szzrs9

Read More

ராமஞ்சேரி: `புதிய ஏரி திட்டம்’... அமைச்சர் துரைமுருகன் கருத்தும் தேவையும் - ஓர் அலசல்!

மிக்ஜாம் புயல் பாதிப்புகளிலிருந்து படிபடியாக மீண்டுகொண்டிருக்கிறது சென்னை மாநகர். நீர்நிலைகள் ஆக்கிரமிப்பும், மழைநீர் வடிய முறையான நீர்வழிப்பாதைகள் இல்லாததும்தான் பெருவெள்ளத்துக்கான அடிப்படைப் பிரச்னை என்ற பேச்சு எழுந்துவரும் சூழலில், ``சென்னையின் புறநகரான ராமஞ்சேரி என்ற இடத்தில் புதிய ஏரியை உருவாக்க அரசு முயல்கிறது” எனப் பேசியிருக்கிறார் நீர்வளத்துரை அமைச்சர் துரைமுருகன். அவர் பேசியது குறித்தும், அதன் சாத்தியங்கள் குறித்தும் அலசினோம்.புழல் ஏரி

கடந்த டிசம்பர் 4-ம் தேதி மிக்ஜாம் புயலின் தாக்கத்தால் சென்னை மாநகர் முழுக்க பெருமழை பெய்தது. வரலாறு காணாத பெருமழைப்பொழிவால் நகரே வெள்ளக்காடானது. பெருமழைக்குப் பிறகு புழல் ஏரியைப் பார்வையிட்ட தமிழ்நாடு நீர் வளத்துறை அமைச்சர் துரைமுருகன், ``சென்னை புறநகரில் ராமஞ்சேரி என்ற இடத்தில் புதிய ஏரியை உருவாக்க அரசு முயல்கிறது. சமீபத்தில்கூட முதலமைச்சர் ஸ்டாலினிடம் இது குறித்துப் பேசியிருக்கிறேன்” என்றார்.

நம்மிடம் பேசிய விவரமறிந்தவர்கள், ``ரூ.4,000 கோடி செலவில் அமைக்கப்பட்டதாகச் சொல்லப்பட்ட மழைநீர் வடிகால் அமைப்பு டிசம்பர் 4-ம் தேதி பெய்த பெருமழைக்கு போதுமான அளவு கைகொடுக்காதது பெரும் பிரச்னையாகிவிட்டது. மிக்ஜாம் புயல் சென்னைக்கு 100 கிமீக்குள்ளாக மையம்கொண்டிருந்ததால் கடல் கொந்தளிப்புடன் காணப்பட்டது. ஆகவே, மழைநீரைக் கடல் உள்வாங்கவில்லை. மழைநீர் வடிகால் அமைப்பும் 20 செ.மீ வரைதான் தாக்குப்பிடிக்கும். ஆனால், பெய்ததோ 40 செ.மீ. இதன் விளைவாக நீர், குடியிருப்புப் பகுதிகளுக்குள்ளேயே தேங்கிவிட்டது. கடல் உள்வாங்குவதில் பிரச்னை ஏற்படாமல் இருந்திருந்தாலும், மழைப்பொழிவு குறைந்திருந்தாலும் பாதிப்புகள் குறைந்திருக்கும். போதிய ஏரிகள் இல்லை, அதனால்தான் நீர் தேங்கிவிட்டது என்ற வாதத்துக்கு இடமில்லை” என்றனர்.சென்னை மழை

நம்மிடம் பேசிய பூவலகின் நண்பர்கள் அமைப்பின் வெற்றிச்செல்வன், ``முதலில் நினைத்த இடத்தில் ஓர் ஏரியை அமைத்துவிட முடியாது. எதனடிப்படையில் அமைச்சர் துரைமுருகன் இப்படிச் சொல்கிறார் எனத் தெரியவில்லை. ஓர் ஏரியை உருவாக்குகிறோம் என்றால் அதற்கான ஆய்வுகள் மேற்கொள்ளப்பட வேண்டும்,

பரந்தூரில் ஏற்கெனவே இருக்கும் 13 நீர்நிலைகளை அழித்துவிட்டு விமான நிலையம் அமைக்கப்படும் என்கிறார்கள், மறுபக்கம் ஏரியை உருவாக்குவோம் என்கிறார்கள். என்ன லாஜிக் இது... ஏற்கெனவே நம்மிடம் இருக்கும் நீர்நிலைகளைப் பாதுகாக்க நம்மிடம் என்ன செயல்திட்டம் இருக்கிறது... ஏரிகளை ஆக்கிரமித்து வீடு, கட்டுமானங்களை அமைத்துவிட்டு ஏரியை உருவாக்குவோம் என்பது வேடிக்கையாக இருக்கிறது” என்றார். பரந்தூர்

நம்மிடம் பேசிய நீரியல் ஆய்வறிஞர்கள் சிலர், ``ஏரியை உருவாக்குவது அவசியமற்றது எனச் சொல்லிவிட முடியாது. அதேசமயம் சென்னையில் புதிய ஏரியை அமைப்பதற்கு முன்பு தமிழ்நாடு அரசுக்குப் பல்வேறு முக்கிய வேலைகள் இருக்கின்றன. ஆக்கிரமித்து அழித்தது போக சென்னையில் 4,100 நீர்நிலைகள் இன்னும் இருக்கின்றன. அந்த நீர்நிலைகளைத் தூர்வாரி, முறைப்படுத்தினால் 150 சி.எம்.சி நீரைத் தேக்கலாம். சென்னை மழைநீர் செல்ல பாதையும் விரிவடையும். தற்போதிருக்கும் பிரச்னைக்குக் கிட்டத்தட்ட தீர்வு கிடைத்துவிடும். ஏற்கெனவே இருக்கும் நீர்நிலைகளைச் சீர்செய்யாமல், புதிய ஏரி அமைப்பதால் பயனில்லை. அப்படிப் புதிய ஏரி அமைத்தாலும் குடியிருப்புப் பகுதிகளிலிருந்து புதிய ஏரிக்கு நீர் சென்றடையும் பாதைகள் அமைக்கப்பட வேண்டும்.

அதற்கென ஆக்கிரமிப்புகளை நீக்க அரசு முன்வருமா என்பதெல்லாம் சந்தேகம்தான். மறுபுறம் ஓர் ஏரியை அமைத்திடுவது அவ்வளவு எளிதல்ல. அமைவிடத்தின் புவியல் தன்மையை ஆய்வுக்கு உட்படுத்தவேண்டியிருக்கிறது. ஒரு புதிய ஏரியை அமைக்க பொருட்செலவும் கடுமையானதாக இருக்கும்” என்றனர்.சென்னை மழை

நம்மிடம் பேசிய சென்னை மாவட்ட அ.தி.மு.க-வினர், ``தமிழ்நாடு அரசுக்கு எரிகளை உருவாக்குவது, குளங்களைத் தூர்வாருவது போன்ற நோக்கங்களெல்லாம் கிடையவே கிடையாது. உண்மையிலேயே ஏரியைக் கட்டமைக்கும் எண்ணம் கொண்டிருந்தால் கூவத்தைத் தூர்வாரி மிக்ஜாம் புயல் பாதிப்புகளைக் குறைத்திருப்பார்கள். மழைநீர் வடிகால் குறித்துப் பத்திரிகையாளர்களின் கேள்விகளைச் சமாளிப்பதற்கு இப்படிப் பேசியிருப்பார் அமைச்சர். நீர்மேலாண்மையில் அவர்களிடம் எந்தத் திட்டமும் இல்லை என்பதை மிக்ஜாம் புயல் பட்டவர்த்தனமாக மக்களுக்குத் தெரியப்படுத்திவிட்டது” என்றார்.

`ராமஞ்சேரியில் ஏரி அமைக்கப்படும்` என்பது மட்டுமே நீர்வளத்துறை அமைச்சர் துரைமுருகனின் தகவல். அது குறித்து ஆய்வுகள் மேற்கொள்ளப்பட்டனவா... ஏரி அமைக்கவேண்டிய தேவை ஏற்பட்டிருக்கிறதா... ஏரி அமைக்கப்படும் என்றால் அதன் செயல்திட்டங்கள் என்னனென்ன என்பதை தமிழ்நாடு அரசுதான் தெளிவுபடுத்த வேண்டும். பொறுத்திருப்போம்!

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/46c3KEk">
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/46c3KEk">
https://bit.ly/46c3KEk />
தூக்கத்தில் துரைமுருகன்... துக்கத்தில் விவசாயிகள்!


http://dlvr.it/SzzrYz

Read More

Gaza War: "யாஹ்யா சின்வாருக்காக சாகாதீர்கள்... சரணடைந்துவிடுங்கள்!" - ஹமாஸுக்கு நெதன்யாகு எச்சரிக்கை

பாலஸ்தீனத்தின் ஹமாஸ் குழு கடந்த அக்டோபர் 7-ம் தேதி இஸ்ரேல்மீது தாக்குதல் நடத்தியதையடுத்து, அதற்கடுத்த நாளிலிருந்து இன்றுவரை பாலஸ்தீனம்மீது தாக்குதல் நடத்திவருகிறது இஸ்ரேல். பாலஸ்தீனத்தின் காஸாவில் இரண்டு மாதங்களுக்கும் மேலாக இஸ்ரேல் நடத்திவரும் இந்தப் போரில், கிட்டத்தட்ட 18,000 பாலஸ்தீனியர்கள் இறந்திருக்கின்றனர். அதேசமயம், இஸ்ரேல் தரப்பில் 1,200 பேர் உயிரிழந்திருக்கின்றனர். இதற்கிடையில், ஹமாஸ் பிடித்துவைத்திருக்கும் இஸ்ரேலியர்களை விடுவித்தால் போரைக் கொஞ்சம் நிறுத்துவோம் என இஸ்ரேல் பிரதமர் நெதன்யாகு தெரிவித்திருந்தார்.இஸ்ரேல்-ஹமாஸ் யுத்தம்

அதன்படி, தாங்கள் பிடித்துவைத்திருந்த 200-க்கும் மேற்பட்ட இஸ்ரேலியர்களில் குறிப்பிட்ட எண்ணிக்கையில் நபர்களை ஹமாஸ் விடுவித்துக்கொண்டிருந்த வரை இஸ்ரேல் தனது தாக்குதலை நிறுத்திவைத்தது. ஹமாஸ் இன்னும் முழுமையாக பணயக்கைதிகளை விடுவிக்காததாகக் கூறப்படும் நிலையில், ஹமாஸை ஒழித்துக்கட்டுவோம் என இஸ்ரேல் தனது தாக்குதலை மீண்டும் தொடர்ந்து வருகிறது.

இரண்டு நாள்களுக்கு முன்புகூட, ஐ.நாவில் நடைபெற்ற அவசரக் கூட்டத்தில் காஸாவில் போர்நிறுத்தம் கொண்டுவரத் தீர்மானம் முன்வைக்கப்பட்டபோது, இஸ்ரேலுக்கு ஆயுதங்களை வழங்கும் அமெரிக்கா தனது வீட்டோ (Veto) அதிகாரத்தைப் பயன்படுத்தி தீர்மானத்தை வீழ்த்தியது. அமெரிக்காவின் இந்த முடிவை ஆதரித்த நெதன்யாகு, ``ஹமாஸ் மீதான தாக்குதலை இன்னும் தீவிரப்படுத்துவோம். அவர்களை அழிக்கும் வரை போரை நிறுத்தமாட்டோம்" எனக் கூறியிருந்தர். இந்த நிலையில், ஹமாஸ் தலைவர் யாஹ்யா சின்வாருக்காக(Yahya Sinwar) யாரும் சாகாதீர்கள் என்றும், சரணடைந்துவிடுங்கள் என்றும் ஹமாஸுக்கு நெதன்யாகு எச்சரிக்கை விடுத்திருக்கிறார்.இஸ்ரேல் பிரதமர் நெதன்யாகு

இதுகுறித்து நெதன்யாகு நேற்று தனது அறிக்கையில், ``போர் இன்னும் நடந்து கொண்டுதான் இருக்கிறது. ஹமாஸின் முடிவுக்கான தொடக்கம்தான் இது. எனவே, ஹமாஸிடம் ஒன்றைச் சொல்கிறேன். இது அவ்வளவுதான் முடிந்துவிட்டது. யாஹ்யா சின்வாருக்காக நீங்கள் சாக வேண்டாம், சரணடைந்துவிடுங்கள். கடந்த சில நாள்களில், டஜன் கணக்கான ஹமாஸ் குழுவினர் எங்கள் படைகளிடம் சரணடைந்திருக்கின்றனர்" என்று தெரிவித்திருக்கிறார்.

இருப்பினும், ஹமாஸ் குழுவினர் சரணடைந்ததற்கான ஆதாரங்களை இஸ்ரேல் ராணுவம் வெளியிடாததால், ஹமாஸ் முற்றிலுமாக அதனை மறுத்திருக்கிறது.போர்நிறுத்தம்: விடுவிக்கப்படும் பிணைக் கைதிகள் - ஊட்டச்சத்து, மனநிலையில் கவனம் செலுத்தும் இஸ்ரேல்!


http://dlvr.it/Szz84k

Read More

Tamil News Today Live: `விஜயகாந்த் பூரண குணமடைந்து வீட்டுக்குத் திரும்பினார்..!’ - மருத்துவமனை அறிக்கை

விஜயகாந்த் வீட்டுக்குத் திரும்பினார்..!

Vijayakanth |விஜயகாந்த்

நடிகரும், தேமுதிக தலைவருமான விஜயகாந்த் கடந்த சில நாள்களாக உடல்நலக் குறைவு காரணமாக சென்னை மியாட் மருத்துவமனையில் அனுமதிக்கப்பட்டு சிகிச்சை பெற்றுவந்தார். இந்த நிலையில் அவரின் உடல்நலம் குறித்து அவ்வப்போது வதந்திகள் பரவி வந்தன. அப்போது அவரின் மனைவி பிரேமலதா அதை மறுத்து வந்தார். மேலும் அவர் சிகிச்சை பெற்றுவரும் புகைப்படங்களையும் பகிர்ந்து நம்பிக்கையளித்தார். இந்த நிலையில் தற்போது அவர் பூரண குணமடைந்து வீட்டுக்குத் திரும்பியிருப்பதாக மருத்துவமனை நிர்வாகம் அறிக்கை மூலம் தெரிவித்திருக்கிறது.


http://dlvr.it/Szz7w2

Read More