`அமைதியோ அமைதி!’ நாடாளுமன்ற அத்துமீறல் விவகாரத்தில் பாஜக மெளனம் காப்பது ஏன்?!

நாடாளுமன்ற அவைக்குள் புகுந்து இருவர் செய்த அத்துமீறல் நாடு முழுக்க பேசுபொருளாகியிருக்கிறது. காங்கிரஸ், தி.மு.க உள்ளிட்ட எதிர்க்கட்சி எம்.பி கடும் விமர்சனத்தை முன்வைக்கின்றனர். ஆனால் பிரதமர் மோடி, உள்துறை அமைசச்சர் அமித் ஷா தொடங்கி பா.ஜ.க-வினர் எவருமே இவ்விவகாரம் குறித்து வாய்திறக்கவில்லை. மத்திய அமைச்சர் ராஜ்நாத் சிங் மட்டும் அவையில் சிறிய விளக்கம் அளித்தார். பாஜக மெளனத்தின் பின்னணி என்ன?!நாடாளுமன்ற அத்துமீறல்

கடந்த டிசம்பர் 13-ம் தேதி நாடாளுமன்ற குளிர்கால கூட்டத்தின் விவாதங்கள் நடைபெற்று வந்தன. அப்போது திடீரென பார்வையாளர் மாடத்திலிருந்த இருவர் குதித்து எம்.பிக்கள் அமர்ந்திருந்த பகுதிக்கு வந்தனர். பிறகு ஷூவில் மறைத்து வைத்திருந்த குப்பியை எடுத்து வீசவே, புகை வரத் தொடங்கியிருக்கின்றன. அவைக்குள் நுழைந்தவர்களை எம்.பிக்களே சுற்றி வளைத்திருந்து பாதுகாவலர்களிடம் ஒப்படைத்தனர். இச்சம்பவத்தில் ஈடுபட்ட நால்வர் கைதும் செய்யப்பட்டுள்ளனர். இவ்விவகாரம் பெரும் பரபரப்பையும் பல்வேறு கேள்விகளையும் கிளப்பியுள்ளது. இதுகுறித்து பேசிய தி.மு.க எம்பி கனிமொழி, `புதிய நாடாளுமன்றத்துக்குள் யார் வேண்டுமானாலும் நுழையும் அளவில்தாம் கட்டட அமைப்பு இருக்கிறது. பாதுகாப்பின்மையே காரணம்” என விமர்சித்தார்.

சிதம்பரம் எம்.பி திருமாவளவனோ, `` நாட்டையாளும் உயர் மன்றத்தில் உள்ளவர்களின் பாதுகாப்பே கேள்விக்குறியாகி உள்ளது. இதற்கு உள்துறை அமைச்சர் அமித் ஷா பொறுப்பேற்று பதவி விலக வேண்டும். மக்களவைக்குள்ளே வரும் அனுமதிக்காக அந்தப் பார்வையாளருக்குப் பரிந்துரைத்த பா.ஜ.க எம்.பியையும் பதவி்நீக்கம் செய்ய வேண்டும்” என கடுமையாக சாடினார்.நாடாளுமன்றம்

நாடாளுமன்றத்துக்குள் இப்படியான சம்பவம் நிகழ்ந்துவிட்ட போதும் இதுகுறித்து எந்தவொரு விளக்கத்தை மத்திய அரசிடமிருந்து வரவில்லை. எதிர்க்கட்சி எம்.பிக்கள் கடுமையான விமர்சனத்தை முன்வைக்கும்போதும் பிரதமர் நரேந்திர மோடியோ, உள்துறை அமைச்சர் அமித் ஷாவோ இதுகுறித்து பேசவேயில்லை. அதுமட்டுமின்றி மாநில அளவிலான எந்த பா.ஜ.க உறுப்பினர்களும் மறு உத்தரவு வரும்வரை இதுகுறித்து பேச வேண்டாம் என வாய்மொழி உத்தரவு தரப்பட்டுள்ளதாகவும் சொல்லப்படுகிறது. இச்சம்பவம் குறித்து பா.ஜ.க பதிலளிக்க வேண்டுமென டிசம்பர் 14-ம் தேதி அவைக்குள் கேள்வி எழுப்பியபோது இது குறித்து பேச மறுப்பு தெரிவிக்கப்பட்டது.

நம்மிடம் பேசிய அரசியல் பார்வையாளர் ஜெகதீஸ்வரன் ``பாதுகாப்பு பணிகளில் மெத்தனமாக இருந்திருக்கிறார்கள் நாடாளுமன்ற பாதுகாவலர்கள் என்பது தெளிவாக தெரிகிறது. இவ்விவகாரத்தில் பா.ஜ.க-வின் இந்த மெளனம் பெரிய அச்சரியத்தை தரவில்லை. ஏனெனில் இதுகுறித்து எந்த விளக்கத்தை பா.ஜ.க சொன்னாலும் எதிர்க்கட்சிகள் விமர்சிக்க அதுபெரும் வாய்ப்பாக போய்விடும். அதிலும் பா.ஜ.க எம்.பி ஒருவரின் பரிந்துரையில் வந்தவர்கள் இப்படி செய்திருப்பதால் இவ்விவகாரத்தில் எதுவும் பேச முடியாமல் நிலை இருக்கிறது. பா.ஜ.க அமைதியாக இருப்பதே நல்லதென முடிவெடுத்துவிட்டது” என்கிறார்கள்.பிரதமர் மோடி

நம்மிடம் பேசிய தி.மு,க செய்தி தொடர்பாளர் சல்மா, ``பா.ஜ.க எம்.பியின் பரிந்துரையால் அழைத்துவரப்பட்டவர்கள் இப்படி செய்துவிட்டதால் மெளனமாக இருக்கிறார்கள். இதுவே காங்கிரஸ் எம்.பிக்கள் அழைத்து வந்த நபர்களாக இருந்தால் 24 மணி நேரமும் இதையே பேசியிருப்பார்கள். பா.ஜ.க பக்கம் தப்பிருப்பதால் வாய்மூடி மெளனிக்கிறார்கள். இப்படித்தான் மணிப்பூர் விவகாரத்திலும் மெளனமாக இருந்தார்கள். அதுமட்டுமின்றி இதுகுறித்து கேள்வி கேட்ட எதிர்க்கட்சிகள் எம்.பிக்களுக்கு பதில் தர முடியாமல், 15 எம்.பிக்களை சஸ்பெண்ட் செய்வது ஜனநாயக விரோத செயல். பா.ஜ.க தனது தோல்வியை ஒப்புக் கொண்டதற்கு சமம் இது

எப்போதுமே ஜனநாயகத்தின்மீது நம்பிக்கையற்றது பா.ஜ.க-வின் அரசு என்பது மீண்டுமொருமுறை நிரூபணமாகிறது” என்றார் கொதிப்புடன்.அமித் ஷா, மோடி

இச்சம்பவங்கள் குறித்து தமிழ்நாடு பா.ஜ.க நிர்வாகிகள் ஓரிருவரிடம் பேச முயன்றோம்... ஆனால் டெல்லி தலைமை இதுகுறித்து பேச வேண்டாம் என்றுள்ளது, முழுவதாக விசாரணைகள் முடியட்டும்” எனக் கூறி பேச மறுத்துவிட்டனர். நாடாளுமன்றத்தையே பாதுகாக்க தவறியவர்கள் நாட்டை எப்படி பாதுகாக்கப் போகிறார்கள் என்ற கேள்வியை எதிர்கட்சிகள் எழுப்பியுள்ளபோதும் மெளனமாக இருக்கிறது பா.ஜ.க! எப்போது மெளனம் கலைப்பார்களோ?!

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்... 
https://bit.ly/46c3KEk">
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்... 
https://bit.ly/46c3KEk">
https://bit.ly/46c3KEk />
நாடாளுமன்ற அவைக்குள் அத்துமீறி நுழைந்த இருவர் உட்பட 4 பேர் கைது - புகைக்குண்டுகளை வீசியதால் பரபரப்பு


http://dlvr.it/T097rd

Read More

சபரிமலை: ``18-ம் படிக்கு முன்பு உள்ள கல் தூண்கள்தான் நெரிசலுக்கு காரணம்!” - போலீஸ் கூறுவது என்ன?!

சபரிமலை ஐயப்ப சுவாமி கோயிலில் மண்டலகால மகரவிளக்கு பூஜைகளுக்காக திருநடை கடந்த நவம்பர் மாதம் 16-ம் தேதி மாலை திறந்தது. அன்றிலிருந்து பக்தர்கள் தரிசனத்துக்காக அனுமதிக்கப்பட்டு வருகின்றனர். இந்த நிலையில் டிசம்பர் 1-ம் தேதிக்கு பிறகு சபரிமலையில் பக்தர்கள் கூட்டம் படிப்படியாக அதிகரித்தது. கடந்த சில நாள்களாக பக்தர்கள் நிலக்கல்லுக்கு செல்ல முடியாத அளவுக்கு வாகன நெரிசலும், பம்பையில் இருந்து சந்நிதானம் செல்ல சுமார் 18 மணி நேரம் காத்திருக்கும் நிலையும் ஏற்பட்டது. சபரிமலை ஐயப்ப சுவாமி கோயில்

குழந்தைகளுக்கு தண்ணீர்கூட கிடைக்காத நிலை ஏற்பட்டதாக பக்தர்கள் வேதனை தெரிவித்தனர். நிலக்கல்லில் இருந்து பம்பைக்கு சரியான பஸ் வசதி ஏற்படுத்தவில்லை எனவும் குற்றச்சாட்டு எழுந்தது. இதற்கிடையே சபரிமலையில் தரிசனம் செய்யாமல் பக்தர்கள் வீடுதிரும்பிய சம்பவங்களும் அரங்கேறின. ஒரு பகுதி பக்தர்கள் பந்தளம் ஸ்ரீதர்மசாஸ்தா கோயிலில் இருமுடியை சமர்ப்பித்துள்ளனர். சபரிமலை விவகாரம் விஸ்வரூபம் எடுத்ததை தொடர்ந்து முதல்வர் பினராயி விஜயன் தலைமையில் உயர்மட்ட ஆலோசனைக் கூட்டம் நடைபெற்றது.

அதைத்தொடர்ந்து தேவசம்போர்டு அமைச்சர் ராதாகிருஷ்ணன் நிலக்கல்லில் இருந்து அரசு பஸ்ஸில் பம்பைக்கு பயணம் செய்ததுடன், பம்பையில் இருந்து சபரிமலைவரை நடந்து சென்று ஆய்வு செய்தார். சபரிமலையில் மீடியாக்களை சந்தித்த அவர், சபரிமலை விஷயத்தை எதிர்கட்சிகள் அரசியல் ஆக்க முயல்வதாகவும், சிலர் எழுதி வைத்ததை படித்தது போன்று வேண்டும் என்றே குற்றச்சாட்டுக்களை மீடியாக்களிடம் கூறியதாகவும் தெரிவித்தார்.

இந்த நிலையில் சபரிமலை பதினெட்டாம் படி மழையில் நனையாமல் இருக்கும் வகையில் மேற்கூரை அமைப்பதற்காக நிறுவப்பட்டுள்ள கல் தூண்களால்தான் அதிக அளவு பக்தர்கள் பதினெட்டாம் படி ஏறிச்செல்ல முடியாத நிலை ஏற்பட்டுள்ளதாக போலீஸ் தரப்பில் கூறப்பட்டுள்ளது. பதினெட்டாம் படியை ஒட்டி இப்போது கல் தூண் அமைக்கப்பட்டுள்ள இடத்தில்தான் போலீஸார் நின்றுகொண்டு பக்தர்களை பதினெட்டாம் படியில் ஏற்றிவிடுவது வழக்கம். ஆனால், மேற்கூரை பணிக்காக கல் துண்கள் அமைக்கப்பட்டதால் பக்தர்களை ஏற்றிவிட முடியாத நிலை ஏற்பட்டுள்ளதாக போலீஸ் தரப்பில் அரசிடம் தெரிவிக்கப்பட்டுள்ளது. கடந்த ஆண்டைப்போன்று நிமிடத்துக்கு 750 பக்தர்களை ஏற்றிவிட முடியாத நிலை உள்ளதாகவும், நிமிடத்துக்கு சுமார் 450 பக்தர்களையே பதினெட்டாம் படியில் ஏற்றிவிட முடிவதாகவும் போலீஸ் தரப்பில் தெரிவிக்கப்படுள்ளது. மொத்தத்தில் சபரிமலையில் நெரிசல் உள்ளிட்ட பிரச்னைகளுக்கு காரணம் பதினெட்டாம் படிக்கு முன்பு உள்ள கல் தூண்கள்தான் என போலீஸ் தரப்பில் கூறப்பட்டுள்ளது.பதினெட்டாம்படி முன் அமைக்கப்பட்டுள்ள கல்தூண்கள்

சபரிமலையில் ஐயப்பசுவாமி கோயிலில் பதினெட்டாம் படியில் ஏறிச்செல்வது புனித நிகழ்வாக கருதப்படுகிறது. பதினெட்டாம் படியில் விளக்கு ஏற்றி அவ்வப்போது படி பூஜைகள் செய்யப்படுவதும் வழக்கம். மழைக்காலத்தில் படிபூஜைக்கு தடை ஏற்பட்டு வந்தது. மேலும் மழைகாலத்தில் படிபூஜை நடத்துவதற்காக தார்ப்பாய் கட்டப்பட்டும் வந்தன. இதற்கெல்லாம் தீர்வு ஏற்படுத்தும் விதமாகவும். ஐம்பொன்னால் ஆன பதினெட்டாம் படியை பாதுகாக்கும் விதமாகவும் ஹைட்ராலிக் மேற்கூரை அமைக்க தேவசம்போர்டு கடந்த ஆண்டு முடிவு செய்தது. அதற்கு ஐதராபாத்தை சேர்ந்த ஒரு தனியார் நிறுவனம் நன்கொடை வழங்கி உள்ளது. அந்த நிறுவனத்தின் பங்களிப்புடன் மேற்கூரை அமைக்க கல் தூண்கள் அமைகப்பட்டுள்ளன. மேற்கூரை பணிகள் இன்னும் முழுமை அடையாமல் உள்ளன. இதற்கிடையே பதினெட்டாம் படியின் அழகையும், புனிதத்தையும் கெடுப்பதாக கூறி கல் தூண்கள் அமைத்ததற்கு எதிராக கோர்ட்டில் வழக்கும் தொடரப்பட்டுள்ளது. இந்த நிலையில்தான் கல் தூண்களால் சபரிமலையில் பக்தர்கள் நெரிசல் ஏற்பட்டதாக போலீஸ் அதிகாரிகளும் அரசிடம் தெரிவித்துள்ளனர்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்... 
https://bit.ly/46c3KEk">
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்... 
https://bit.ly/46c3KEk">
https://bit.ly/46c3KEk />

http://dlvr.it/T097gH

Read More

`அதுவொன்றும் குறைபாடு அல்ல' - மாதவிடாய்க்கு சம்பளத்துடன்கூடிய விடுமுறைக்கு ஸ்மிருதி இரானி எதிர்ப்பு!

பிரசவத்துக்குப் பெண்களுக்குச் சம்பளத்துடன்கூடிய விடுமுறை கொடுக்கப்படுகிறது. அதே போன்று மாதவிடாய்க்கு பெண்களுக்குச் சம்பளத்துடன்கூடிய விடுமுறை கொடுக்க வேண்டும் என்ற கோரிக்கை இருந்துவருகிறது. இந்தப் பிரச்னை குறித்து நாடாளுமன்றத்தில் காங்கிரஸ் உறுப்பினர் சசி தரூர் கேள்வி எழுப்பினார். ராஷ்ட்ரிய ஜனதா தள உறுப்பினர் மனோஜ் குமாரும் ராஜ்ய சபாவில் இது குறித்துக் கேள்வி எழுப்பினார். இதற்கு பதிலளித்த மத்திய பெண்கள் மற்றும் குழந்தைகள் நலத்துறை அமைச்சர் ஸ்மிருதி இரானி, ''பெண்களுக்கான மாதவிடாய் மற்றும் மாதவிடாய் சுழற்சி ஒரு குறைபாடு கிடையாது. ஸ்மிருதி இரானி

பெண்களின் வாழ்க்கைப் பயணத்தில் அதுவும் ஓர் இயற்கையான பகுதி. மாதவிடாய் இல்லாத ஒருவருக்கு மாதவிடாய் குறித்து ஒரு குறிப்பிட்ட கண்ணோட்டம் இருக்கிறது என்பதற்காக, பெண்களுக்கு சம வாய்ப்புகள் மறுக்கப்படும் பிரச்னைகளை முன்மொழியக் கூடாது.

சில பெண்கள்/ சிறுமிகள் கடுமையான டிஸ்மெனோரியா அல்லது இதே போன்ற பிரச்னைகளால் பாதிக்கப்படுகின்றனர். இந்தப் பிரச்னைகள் பெரும்பாலானவை மருந்துகளால் சரிசெய்யப்படுகின்றன. இருப்பினும், மாதவிடாய் மற்றும் அதனுடன் தொடர்புடையவை பெரும்பாலும் அவமானத்துடன் நடத்தப்படுகின்றன. மாதவிடாய்

மேலும் மாதவிடாய் நபர்களின் நடமாட்டம், சுதந்திரம் மற்றும் சாதாரண நடவடிக்கைகள் கட்டுப்படுத்தப்படுகின்றன. இது பல நேரங்களில், துன்புறுத்தலுக்கும், சமூக விலக்கலுக்கும் வழிவகுக்கிறது.

மத்திய சுகாதாரம் மற்றும் குடும்ப நலத்துறை அமைச்சகத்துடன் கலந்தாலோசித்து மாதவிடாய் சுகாதார வரைவுக் கொள்கை வகுக்கப்பட்டிருக்கிறது'' என்று தெரிவித்தார்.

10-19 வயதுக்குட்பட்ட பெண் குழந்தைகளிடையே மாதவிடாய் சுகாதாரத்தை மேம்படுத்துவதற்கான திட்டத்தை மத்திய அரசு ஏற்கெனவே கொண்டுவந்திருக்கிறது. பணியில் இருக்கும் பெண்களுக்கு மாதவிடாய் காலத்தில் சம்பளத்துடன்கூடிய விடுப்பு வழங்க வேண்டும் என்று கோரி, சுப்ரீம் கோர்ட்டில் பொதுநல மனு தாக்கல் செய்யப்பட்டது. இந்தியாவில் சில தனியார் நிறுவனங்கள் பெண்களுக்கு மாதவிடாய் காலத்தில் ஆண்டுக்கு 10 நாள்கள் விடுமுறை எடுத்துக்கொள்ள அனுமதி கொடுத்திருக்கின்றன.Mahua Moitra: `பாலினத்தை ஊழலுக்குக் கவசமாகப் பயன்படுத்த அனுமதிக்கக் கூடாது’ - ஸ்மிருதி இரானி


http://dlvr.it/T08x64

Read More

`தமிழிசை சௌந்தரராஜன், இன்னமும் தன்னை பாஜக மாநிலத் தலைவராகவே நினைத்துக்கொண்டிருக்கிறார்!' - ரகுபதி

புதுக்கோட்டை மாவட்டம், திருவேங்கைவாசல் விலக்கு பகுதியில் நடைபெற்ற நிகழ்ச்சியில், தமிழ்நாடு சட்டத்துறை அமைச்சர் ரகுபதி கலந்துகொண்டார். அப்போது, செய்தியாளர்களைச் சந்தித்துப் பேசிய அவர், ``கண்கெட்ட பிறகு சூரிய நமஸ்காரம் என்பதைப்போல, உச்ச நீதிமன்றம் கூறியதற்குப் பிறகு ஆளுநர் முதலமைச்சரை அழைத்திருக்கிறார். இருப்பினும் தமிழ்நாடு முதலமைச்சர் வெள்ள நிவாரணப் பணிகள் முடிவுற்ற பிறகு, ஆளுநரைச் சந்திப்பதாகத் தகவல் வெளியாகியிருக்கிறது. எல்லா மசோதாக்களையும் குடியரசுத் தலைவருக்கு அனுப்பிவிட்டு ஆளுநரும் முதலமைச்சரும் சந்தித்துப் பேசுவதனால் எவ்வளவு தூரம் அது பலன் தரும் என்பதைப் பொறுத்திருந்துதான் பார்க்க வேண்டும். Parliament Breach

தமிழ்நாட்டில் ஆளுநர் மாளிகை இருக்கக்கூடிய ஒரு தெருவில் நடந்த சம்பவத்துக்கு, சட்டம்-ஒழுங்கு கெட்டுவிட்டது, தேசிய புலனாய்வு விசாரணை தேவை என்றெல்லாம் கேட்டார்கள். ஆனால், தற்போது நாடாளுமன்றத்தில் நடந்த சம்பவம் கண்டிக்கத்தக்கது. இந்திய இறையாண்மைக்கு எதிராக எந்த ஒரு சம்பவம் நடந்தாலும், முதல் குரல் எழுப்பக்கூடியவர் தமிழ்நாடு முதலமைச்சர். இறையாண்மை பாதுகாக்கப்பட வேண்டும் என்பதில் மிகவும் அக்கறையானவர். தேசநலன் காக்கப்படுவதில் தி.மு.க-வுக்கு மாறுபட்ட கருத்து கிடையாது. அன்றைக்கு தேசிய புலனாய்வு அமைப்பு விசாரணை நடத்த வேண்டும் என்று கூறியவர்கள், இன்று எந்த அமைப்பை அழைக்கப்போகிறார்கள் என்று தெரியவில்லை. இது, நாடாளுமன்றத்துக்குள்ளேயே நடந்திருப்பது என்பது கண்டிக்கத்தக்கது என்று சொன்னாலும்கூட மிகுந்த பாதுகாப்பை மீறி, நாடாளுமன்றத்தில் தாக்குதல் நடைபெற்ற 21-ம் ஆண்டு அனுசரிப்பு தினத்தில், அந்த நாளில் ஏதாவது அசம்பாவிதம் நடந்தால் மிக மிக அசிங்கம் என்று தெரிந்தும், பாதுகாப்புக் கோளாறு எப்படி ஏற்பட்டது... எப்படி உள்ளே இருவர் சென்று கலர் புகைக்குண்டை எடுத்துச் செல்ல அனுமதித்தனர்.`மழை பாதிப்பு; 4,435 பள்ளிகளில், 32 பள்ளிகளில் வேலை செய்யவேண்டியிருக்கிறது' - அன்பில் மகேஸ் தகவல்அமைச்சர் ரகுபதி

இதையெல்லாம் விசாரணை அமைப்புதான் கண்டுபிடித்துச் சொல்ல வேண்டும். உள்ளேயே சதி நடந்ததா அல்லது வெளியே சதி நடந்ததா, இதில் யாருக்குத் தொடர்பிருக்கிறது என்பதையெல்லாம் எந்த விசாரணை அமைப்பு விசாரிக்கப் போகிறதோ, அந்த அமைப்பு கண்டுபிடித்துச் சொல்ல வேண்டும். நல்ல தீர்ப்பு நாட்டு மக்களுக்குக் கிடைத்தால் சரி. 2001-ல் இது போன்ற சம்பவம் நடைபெற்று, 2004-ல் எங்களுடைய கூட்டணி வெற்றிபெற்றது. இன்றைக்கும் நாட்டு நலன் கருதி, தங்களது பாதுகாப்பு கருதி இந்தச் சம்பவத்துக்குப் பிறகு `இந்தியா’ கூட்டணிக்கு நிச்சயம் மக்கள் வாக்களிப்பார்கள் என்ற நம்பிக்கை எங்களுக்கு இருக்கிறது. எப்போதும் ஒரு கட்சியின் எம்.பி அனுமதி கடிதம் கொடுக்கும்போது, தனக்கு நன்றாக அறிமுகமானவர்களுக்குத்தான் கொடுப்பது வழக்கம். ஆனால், இந்த விவகாரத்தில் எப்படி பா.ஜ.க எம்.பி கொடுத்தார் என்று தெரியவில்லை. நான்கு பேர், ஆறு பேர் என்றெல்லாம் கூறுகிறார்கள். இவர்கள் அனைவரும் வெவ்வேறு மாநிலங்களைச் சேர்ந்தவர்கள். அவர்கள் எவ்வாறு ஒன்று கூடினார்கள் என்பது வியக்கத்தக்க ஒன்று. அவர்களுக்கு எவ்வாறு கர்நாடக மாநிலத்தைச் சேர்ந்த மைசூர் எம்.பி அனுமதில் கடிதம் கொடுத்து பரிந்துரை செய்தார் என்பது கேள்விக்குறியாக இருக்கிறது. தி.மு.க-வுக்கு எப்படிப் பேச வேண்டும் என்பதை, தமிழிசை சௌந்தரராஜன் சொல்லித் தரவேண்டியது இல்லை. அதேபோல், நாங்கள் அவரிடம் கற்றுக்கொள்ளவேண்டிய அவசியமும் கிடையாது.

தி.மு.க இளைஞரணிச் செயலாளருக்கு எந்த நேரத்தில், எப்படிப் பேச வேண்டும் என்பது நன்றாகத் தெரியும். நிச்சயமாக துணிச்சலாக கருத்துகளை அவர் சொல்வதாலேயே, அவர்கள் மிகவும் பயப்படுகிறார்கள், அச்சப்படுகிறார்கள் என்பதற்கு அவருடைய பேச்சு ஓர் எடுத்துக்காட்டு. இது உதயநிதி ஸ்டாலினின் துணிச்சலுக்கு எடுத்துக்காட்டு. ஆளுநராக இருக்கக்கூடிய தமிழிசை சௌந்தரராஜன் மட்டும்தான் அதிகப்படியான பேட்டிகளைக் கொடுத்துவருகிறார். மற்ற ஆளுநர்கள் இது போன்று பேசுவது கிடையாது. தமிழிசை சௌந்தரராஜனைப் பொறுத்தவரை, தமிழ்நாடு பா.ஜ.க மாநிலத் தலைவராகவே அவர் தற்போது வரை கருதிக்கொண்டு இருக்கிறார். புழல் சிறையில் மிகுந்த பாதுகாப்பு இருக்கிறது. அந்தப் பாதுகாப்பையும் மீறி ஒரு சில சமயங்களில் சிறைக் கைதிகள் தப்பிச் செல்கின்ற சம்பவங்கள் நடந்துவிடுகின்றன. ஆனால், உடனே அவர்களை நிச்சயம் பிடித்துவிடுவோம். அமைச்சர் ரகுபதி

சிறையில் இருக்கக்கூடிய சிறைவாசிகளின் மன உளைச்சலைப் போக்க அவர்களின் குடும்பத்தினர், குழந்தைகள் எவ்வாறு இருக்கிறார்கள் என்பதைத் தெரிந்துகொள்வது அவசியமாக இருக்கிறது. மன உளைச்சலிலிருந்து அவர்களை மீட்பதற்காக அவர்கள் குடும்பத்தாருடன் அதிக நேரம் பேசுவதற்கும், வீடியோ கால் மூலம் பேசுவதற்கும் வாய்ப்புகளை உருவாக்கித் தந்திருக்கிறோம்" என்றார். Parliament Security Breach: `அரசாங்கத்தின் கவனத்தை ஈர்க்கவே..!’ - கைது செய்யப்பட்டவர்கள் கூறியதென்ன?


http://dlvr.it/T07NP7

Read More

மிக்ஜாம் புயல்: "ஒரே நாளில் இவ்வளவு மழை பெய்யும் என எச்சரிக்கவில்லை!" - முதல்வர் ஸ்டாலின்

அம்பத்தூர் மண்டலகுழுத் தலைவரும், தி.மு.க தலைமை செயற்குழு உறுப்பினருமான பி.கே.மூர்த்தி இல்லத் திருமண விழா சென்னை அம்பத்தூரில் நடைபெற்றது. இதில் கலந்துகொண்டு பேசிய தி.மு.க தலைவரும், முதலமைச்சருமான மு.க.ஸ்டாலின், ``மணமகளின் அப்பாவுக்கு நான்தான் திருமணம் நடத்திவைத்தேன். தற்போது அவர்களின் மகளுக்கும் நானே திருமணம் நடத்திவைத்திருக்கிறேன். இவர்களின் பிள்ளைகளுக்கும் நான்தான் திருமணம் நடத்துவேன் என்ற நம்பிக்கை இருக்கிறது. எனவே, இது கழகக் குடும்பம். குடும்பம் என்றதும் வாரிசு அரசியல் என விமர்சிப்பார்கள்.முதல்வர் ஸ்டாலின்

குடும்பம் இருப்பவருக்குத்தானே அதன் அருமை தெரியும். அறிஞர் அண்ணா கழகத் தொண்டர்களை, 'தம்பி' என அழைத்தார். கலைஞர் 'உடன் பிறப்பே' என அழைத்தார். எனவே, தி.மு.க என்பது கழகக் குடும்பம். கோடிக்கணக்கான குடும்பங்களின் கலங்கரை விளக்குதான் தி.மு.க. சமீபத்தில் 47 வருடங்களில் பார்க்க முடியாத அளவிலான  பெருமழை பெய்திருக்கிறது. அந்த மழை வருவதற்கு நான்கைந்து நாள்களுக்கு முன்பு மழை குறித்து எச்சரிக்கை செய்தார்கள். ஆனால், இவ்வளவு பெரிய மழை வரும், ஒரே நாளில் இவ்வளவு மழை பெய்யும் என எச்சரிக்கவில்லை.

பெருமழை, கனமழை, காற்றுடன் கனமழை, புயல் மழை என்றுதான் கூறப்பட்டது. ஆனால், அந்த எச்சரிக்கைகளையெல்லாம் மீறி, 47 வருட வரலாற்றில் காண முடியாத அளவு மழை பெய்தது. தி.மு.க ஆட்சியில் இருந்தாலும், இல்லாவிட்டாலும் தொடர்ந்து மக்களுக்காகச் செயலாற்றும். அதற்கு உதாரணமாக கொரோனா பெருந்தொற்றைக் கூறலாம். கொரோனா தொடங்கியபோது எதிர்க்கட்சியாக இருந்த தி.மு.க `ஒன்றிணைவோம் வா’ என்ற திட்டத்தை அறிவித்து,  கொரோனாவால் பாதிக்கப்பட்ட மக்களுக்கு, உணவு, உடை, இடம் எனத் தேடித் தேடிச் சென்று உதவிகளை செய்தது என்பதை மறந்துவிடாதீர்கள். முதல்வர் ஸ்டாலின்

2015-ம் ஆண்டு ஜெயலலிதா முதல்வராக இருந்தார். அப்போது செம்பரம்பாக்கம் ஏரி நிறைந்துகொண்டிருந்தது. ஆனால், அதைத் திறந்துவிட முதல்வரிடம் கேட்க அதிகாரிகள் பயந்தார்கள். அதனால் விளைந்ததுதான் 2015 வெள்ளம். ஆனால், நமது அரசு, கொஞ்சம் கொஞ்சமாக செம்பரம்பாக்கம் ஏரியைத் திறந்து, பெரும் ஆபத்திலிருந்து தவிர்த்திருக்கிறோம். இந்த மழை பாதிப்பில், அரசு அதிகாரிகளும், அமைச்சர்களும், கட்சி நிர்வாகிகளும் களத்தில் இருந்தார்கள். 2015-ம் ஆண்டில் பொதுமக்கள் வழங்கிய உதவிகளில்கூட, அ.தி.மு.க ஸ்டிக்கர் ஒட்டினார்கள்.

ஆனால், தி.மு.க யாராக இருந்தாலும் கட்சி, ஆட்சிப் பாகுபாடு இல்லாமல் உதவிசெய்தது. வெள்ள நிவாரணத் தொகையாக ரூ.6,000, பாதிக்கப்பட்ட மக்களுக்கு, குறிப்பாக, சென்னை முழுவதும், திருவள்ளூர், காஞ்சிபுரம், செங்கல்பட்டு ஆகிய பாதிக்கப்பட்ட பகுதிகளில் வழங்கப்படும். ஒன்றிய அரசின் ஆய்வுக்குழு அதிகாரிகள், சென்னை வெள்ளம் குறித்து ஆய்வு செய்திருக்கிறார்கள். அந்தக் குழு பத்திரிகையாளர்களைச் சந்தித்தபோது, 'வெள்ள பாதிப்பை தமிழ்நாடு அரசு சிறப்பாகக் கையாண்டிருக்கிறது' எனத் தெரிவித்தார்கள்" எனப் பேசினார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்... 
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்... 
https://bit.ly/46c3KEk  />
மிக்ஜாம் புயல்: `நிவாரணத் தொகை யார் யாருக்கெல்லாம் கிடைக்கும்?' - அறிக்கை வெளியிட்ட தமிழக அரசு


http://dlvr.it/T07N5c

Read More

புதிய முதல்வரின் முதல் உத்தரவு; மத்தியப் பிரதேசத்தில் திறந்தவெளி முட்டை, இறைச்சி விற்பனைக்குத் தடை!

மத்தியப் பிரதேசத்தில் நடந்த சட்டமன்றத் தேர்தலில் பா.ஜ.க மீண்டும் வெற்றி பெற்று, ஆட்சியைப் பிடித்திருக்கிறது. புதிய முதல்வராக மோகன் யாதவ் நேற்று பதவியேற்றுக்கொண்டார். அவருடன் இரண்டு பேர் துணை முதல்வர்களாகப் பதவியேற்றுக்கொண்டனர். பதவியேற்பு விழாவில் பிரதமர் நரேந்திர மோடி மற்றும் பா.ஜ.க ஆளும் மாநில முதல்வர்கள் கலந்துகொண்டனர். புதிய அமைச்சரவை பதவியேற்றப் பிறகு நடந்த முதல் அமைச்சரவைக் கூட்டத்தில், சில முக்கிய முடிவுகள் எடுக்கப்பட்டன. அதில் எடுக்கப்பட்ட முடிவுகள் குறித்துப் பேசிய முதல்வர் மோகன் யாதவ், ``திறந்தவெளியில் இறைச்சி மற்றும் முட்டை விற்பனை செய்ய தடைவிதிக்கப்படுகிறது. மோகன் யாதவ்

ஏற்கெனவே இருக்கும் உணவுப் பாதுகாப்புச் சட்ட விதிகளின்படி, இந்த தடை விதிக்கப்படுகிறது. இது குறித்து மக்கள் மத்தியில் முறையான விழிப்புணர்வை ஏற்படுத்திய பிறகு, நடவடிக்கை எடுக்கப்படும். உள்ளாட்சி அமைப்பினரும், போலீஸாரும் டிசம்பர் 15-ம் தேதியிலிருந்து 31-ம் தேதி வரை விழிப்புணர்வு பிரசாரத்தில் ஈடுபடுவார்கள்.

அயோத்தியிலுள்ள ராமர் கோயிலுக்குச் செல்பவர்களுக்குத் தேவையான வசதிகளைச் செய்து கொடுப்போம். அனைத்து வழிபாட்டுத்தலங்களிலும் இருக்கும் ஒலிபெருக்கிகள் அனுமதி பெற்று பயன்படுத்தப்படுகின்றனவா என்பதை ஆய்வுசெய்ய, பறக்கும்படை ஒன்று அமைக்கப்படும்.அயோத்தி ராமர் கோயில்

அந்தப் படை மூன்று நாள்களில் ஆய்வுசெய்து, தனது அறிக்கையைத் தாக்கல் செய்யும். அதோடு ஒலிபெருக்கிகள் சுப்ரீம் கோர்ட்டின் வழிகாட்டுதலின் செயல்படுகிறதா என்று ஆய்வுசெய்யப்படும். நிர்ணயிக்கப்பட்ட அளவைவிடக் கூடுதலாக ஒலிபெருக்கி பயன்படுத்த தடைவிதிக்கப்படுகிறது'' என்று தெரிவித்தார்.மத்தியப் பிரதேசம்: மூன்று மாநில அரசுகளின் வான்டட் மாவோயிஸ்ட் - காட்டுக்குள் என்கவுன்ட்டர்!


http://dlvr.it/T06g32

Read More

எண்ணூர் எண்ணெய்க் கழிவு: அரசின் நடவடிக்கைகளால் மக்கள் காக்கப்படுவார்களா?!

எண்ணூர் சுற்றுவட்டார பகுதியிலுள்ள நீர்நிலைகளில் எண்ணெய்க் கழிவுகள் கசிந்திருக்கும் விவகாரம் பெரும் அதிர்வை கிளப்பியுள்ளது. நீர்நிலைகளில் கலந்துள்ள எண்ணெய்யை அகற்றும் பணிகள் அரசு தரப்பிலும் சம்பந்தப்பட்ட CPCL நிறுவனத்தின் தரப்பிலும் மேற்கொள்ள வேண்டுமென பசுமை தீர்ப்பாயம் உத்தரவிட்டிருக்கிறது. ஆனால் மீட்பு பணிகள் திருப்திகரமாக இல்லையென எண்ணூர்வாசிகள் குற்றம் சுமத்திவருவதை தொடர்ந்து விசாரணையில் இறங்கினோம். எண்ணூர்: கொசஸ்தலை ஆறு

நம்மிடம் பேசிய விவரமறிந்த சிலர், ``எண்ணூர், மணலி சுற்றுவட்டார நீர்நிலை பகுதிகளான கொசஸ்தலை ஆறு, பங்கிங்காம் கால்வாய் உள்ளிட்ட பகுதிகளில் சுமார் 12 சதுர கிலோ மீட்டர் தொலைவுக்கு எண்ணெய்க் கழிவு கலந்தது தொடர்பான வீடியோக்கள் வெளியானதை தொடர்ந்து தாமாக முன்வந்து விசாரித்தது பசுமை தீர்ப்பாயம். விசாரணையில் CPCL நிறுவனத்திலிருந்து எண்ணெய்க் கழிவு கலந்தது தெரிய வந்தது. இதில் முதன்மையாக நீர்நிலைகளில் கலந்துள்ள எண்ணெய் கழிவுகளை அகற்றிட வேண்டுமென கறார் உத்தரவு பிறப்பித்தது தென்மண்டல பசுமை தீர்ப்பாயம். கழிவு நீர்

இதனை தொடர்ந்து சம்பந்தப்பட்ட CPCL நிறுவனமும், தமிழ்நாடு அரசும் எண்ணெய்யை அகற்றும் பணிகளை மேற்கொண்டு வருகின்றனர். மீட்பு பணிகள் குறித்து பசுமை தீர்ப்பாயத்தில் கருத்து தெரிவித்த CPCL நிறுவனம் எண்ணெய்யை அகற்ற உரிய கருவிகளை பயன்படுத்துகிறோம் என உறுதியளித்துள்ளது” என்றனர்.

இந்நிலையில் எண்ணெய் கழிவுகள் அகற்றம் குறித்து கருத்து தெரிவித்துள்ள பூவுலகின் அமைப்பின் ஜி.சுந்தர்ராஜன் `` தேங்கிய எண்ணெய் கழிவுகளை அகற்றும் பணியில் 50க்கும் மேற்பட்ட உள்ளூர் மக்கள் எவ்வித பாதுகாப்பு உபகரணங்களும் இல்லாமல் ஈடுபடுத்தப்பட்டுள்ளனர். இது மிகதவறான செயல், வன்மையாக கண்டிக்கிறோம்” என அதிர்ச்சி தகவலை வெளியிட்டார்.கொசஸ்தலை ஆறு

இங்கு நிலைமை மோசம் என பேச ஆரம்பித்த எண்ணூர் பகுதியை சேர்ந்த சூழலியல் ஆர்வலர் பூஜா குமார், ``ஆற்றுப் பகுதிகளில் கலந்த எண்ணெயை அகற்றும் மீட்பு பணிகள் திருப்திகரமாக இல்லை. பணிகள் மெத்தனமாக நடக்கிறதென்பதைவிட நீரோடு கலந்திருக்கும் எண்ணெய் கழிவை அகற்ற உள்ளூர் மக்கள் பயன்படுத்தபப்ட்டு வருகிறார்கள். எண்ணெய் கழிவுகள் மிகவும் ஆபத்தானவை. அதனை தகுந்த உபகரணங்கள் இன்றி வெறும் கையால் அள்ளும் அவல நிலையே நீடிக்கிறது. எண்ணெய் கொட்டியுள்ள பகுதிகளிலிருந்து சுவாசிப்பது நுரையீரல் பிரச்னைகளையும், அங்கே இருப்பதே தோல் நோய்களுக்கு வழிவகுக்கும் நிலை ஏற்படும். ஆகவே மீட்பு பணிகளில் ஈடுபட்டிருப்பவர்களுக்கு முறையான பயிற்சியும் உபகரணங்களும் அழிக்கப்பட வேண்டும்” என்றார்

நம்மிடம் பேசிய நாம் தமிழர் கட்சியினர் சிலர், ``தமிழ்நாடு அரசின் அலட்சியத்தால்தான் எண்ணெய் கலப்பே நடந்திருக்கிறது. தமிழ்நாடு மாசுகட்டுப்பாட்டு வாரியம் முறையாக ஆய்வு மேற்கொண்டிருந்தால் விதிமீறல்களை முன்பே தடுத்திருக்கலாம். அதனை செய்ய தவறியதோடு, தற்போது மீட்பு பணிகளிலும் மெத்தனமும் அலட்சியமும் காட்டுவது வருத்தமளிக்கிறது.

எண்ணெய்க் கலந்துள்ள பகுதிகளை சுற்றி உடனடியாக அதிகளவில் மருத்துவ முகாம்களை நடத்திட வேண்டும். மீட்பு பணிகள் விரைந்து நடக்கவேண்டுமென அப்பாவி மீனவர்களை களமிறக்கி எண்ணெய்யை அள்ளும் பணிகளை மேற்கொள்ளக்கூடாது” என்றனர் காட்டமாக.

உரிய பாதுகாப்பு அம்சங்களுடன் மீட்பு பணிகளில் ஈடுபடுவோர் இருந்திடவும், மருத்துவ பரிசோதனைகளை அதிகளவில் நடத்திடுவதும்... எண்ணெய்யை நீர்நிலைகளில் இருந்து அகற்ற சிறந்த தொழில்நுட்பங்களையும் பயன்படுத்தப்பட வேண்டும் என்ற கோரிக்கை எழுந்துள்ளது.எண்ணெய் கசிவு

தமிழ்நாடு அரசின் அறிக்கையின்படி, ``எண்ணெய் அகற்றுவதற்காக ஸ்கிம்மர் எனும் இயந்திரம் பயன்படுத்தப்படுகிறது. தேவைக்கேற்ப உபகரணங்களை அதிகரிக்கும் திட்டமும் தமிழ்நாடு அரசிடம் உள்ளது. அதேபோல் 75 படகுகளுடன் 300 பணியாளர்களும் பணியில் இருக்கிறார்கள் இந்தப் படகுகள், தண்ணீரின் மேற்பரப்பிலிருந்து எண்ணெயை உறிஞ்சி பாதுகாப்பாக கரைக்கு கொண்டு செல்லும் பணியில் ஈடுபடுத்தப்பட்டுள்ளன. மேற்பரப்பில் இருந்து எண்ணெயை உறிஞ்சுவதற்கு நான்கு கல்லி சக்கர் இயந்திரங்கள் பயன்படுத்தப்பட்டுள்ளன. அதேபோல் எண்ணெய் படிந்த குப்பைகளை சுத்தம் செய்யும் பணி தொடங்கியுள்ளது” என்றுள்ளது. அரசு இயந்திரங்கள் பயன்படுத்துவதாக சொல்லப்பட்டாலும் பல இடங்களில் பணியாளர்கள் வாளிகளின் முலம் பாதுகாப்பற்ற முறையில் பணியாற்றுவதை காண முடிவது சோகம்!

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்... 
https://bit.ly/46c3KEk">
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்... 
https://bit.ly/46c3KEk">
https://bit.ly/46c3KEk />
கடலெனப் பரவிய எண்ணெய்க் கழிவுகள்... எண்ணூர் முகத்துவாரத்தின் கொடூரக் காட்சிகள் | Shocking Photos


http://dlvr.it/T06fry

Read More