தாராவி விவகாரம்: `திட்டத்தை இறுதி செய்ததே தாக்கரே அரசுதான்!' - அதானி குழுமம் விளக்கம்

மும்பையில் தாராவி குடிசை மேம்பாட்டுத் திட்டம் அதானி நிறுவனத்திற்குக் கொடுக்கப்பட்டதில் விதிமுறைகள் மீறப்பட்டுள்ளதாகவும், அதானிக்காக விதிகளில் திருத்தம் செய்யப்பட்டதாகவும் எதிர்க்கட்சிகள் குற்றம்சாட்டி வருகின்றன. ஏற்கெனவே காங்கிரஸ் கட்சி தாராவியில் இதற்காக போராட்டம் நடத்தி இருக்கும் நிலையில், உத்தவ் தாக்கரேயும் நேற்று தாராவியில் பேரணி நடத்தினார். கலாநகரிலிருந்து பாந்த்ரா குர்லா காம்ப்ளக்ஸில் இருக்கும் அதானி நிறுவனம் வரை நடந்த பேரணிக்குப் பிறகு, பொதுக்கூட்டத்தில் உத்தவ் தாக்கரே கலந்துகொண்டு பேசினார். இதில் கலந்து கொண்டு பேசிய உத்தவ் தாக்கரே, ``எனது ஆட்சிக்காலத்தில் டெண்டர் விடப்பட்டதாக கூறப்படுவதில் உண்மை இல்லை. அதற்கான அரசாணையை காட்ட முடியுமா... எனது அரசு பில்டர்களுக்கு சாதகமாக செயல்படாத காரணத்தால்தான் கவிழ்ந்தது.

எனது அரசை கவிழ்க்க யார் நிதியுதவி செய்தார்கள் என்பது மட்டும் தெளிவாக புரிகிறது. சிவசேனா இருந்ததால் பா.ஜ.க.வால் அதன் நண்பர்களுக்கு உதவ முடியவில்லை. எனவேதான் சிவசேனாவை உடைத்து கட்சியின் சின்னத்தை திருடிக்கொண்டார்கள். கட்சியின் சின்னத்தை திருடிக்கொண்டாலும் மக்களின் ஆதரவை எடுத்துக்கொள்ள முடியாது. தாராவி மேம்பாட்டுத் திட்டத்தில் 100 கோடி ரூபாய் அளவுக்கு டி.டி.ஆர் முறைகேடு நடக்கிறது. தாராவி மக்களுக்கு 500 சதுர அடி வீடு கொடுக்கவேண்டும்.

அங்கு தொழில் செய்பவர்களுக்கு அங்கேயே மாற்று இடம் கொடுக்கவேண்டும். போலீஸார், தூய்மைத் தொழிலாளர்கள், மில் தொழிலாளர்களுக்கு தாராவியில் வீடு கொடுக்கப்படவேண்டும். குடிசை மேம்பாட்டுத் திட்டத்தை அரசே மேற்கொள்ளவேண்டும்'' என்று தெரிவித்தார்.

இது குறித்து கருத்து தெரிவித்த மும்பை பா.ஜ.க. தலைவர் அசிஷ் ஷெலார், ``உத்தவ் தாக்கரே ஆட்சியில் இருந்த போதுதான் டி.டி.ஆர் விதிகள் மற்றும் டெண்டர் இறுதிசெய்யப்பட்டது. உத்தவ் தாக்கரே அரசு ஆட்சியில் இருந்தபோது ஏன் 500 சதுர அடி வீடு கொடுக்கவில்லை'' என்று கேள்வி எழுப்பினார். இது குறித்து அதானி நிறுவனமும் விளக்கம் அளித்துள்ளது. இது குறித்து அந்நிறுவனம் வெளியிட்டுள்ள அறிக்கையில், `திட்டத்தின் சில அம்சங்களைப் பற்றி தவறான தகவல்களைப் பரப்புவதற்கு கூட்டு முயற்சி மேற்கொள்ளப்படுவது துரதிஷ்டவசமானது.

மகாவிகாஷ் ஆட்சிக்காலத்தில்தான் தாராவி குடிசை மேம்பாட்டுத் திட்டத்திற்கான விதிகள் வகுக்கப்பட்டது. டெண்டர் விடப்பட்ட பிறகு இறுதி செய்யப்பட்ட விதிகளில் எந்தவித மாற்றமும் செய்யப்படவில்லை. அப்படி இருக்கும்போது டெண்டர் பெற்ற நிறுவனத்திற்கு சிறப்பு சலுகை வழங்கப்பட்டதாக கூறப்படுவதில் எந்த வித உண்மையும் இல்லை.

தாராவியில் தகுதியான குடிசைவாசிகளுக்கு தாராவியிலேயே மாற்று வீடு கட்டிக்கொடுக்கப்படும். தகுதியற்ற குடிசைவாசிகளுக்கும் வாடகை குடியிருப்புத் திட்டத்தில் வீடு கொடுக்கப்படும். மும்பையில் நிறைவேற்றப்படும் குடிசை மேம்பாட்டுத் திட்டத்தில் வழங்கப்படும் வீடுகளைவிட 17 சதவிகிதம் பெரிய வீடு வழங்க டெண்டரில் அனுமதிக்கப்பட்டுள்ளது. அதோடு டி.டி.ஆர் உருவாக்குவதும், பயன்படுத்துவது டெண்டர் நிபந்தனைப்படிதான் நடைபெறும். அதனை நிர்வகிக்க மும்பை மாநகராட்சியும், மாநில அரசும் இணைந்து தனி இணையத்தளத்தை உருவாக்க இருக்கிறது. டி.டி.ஆர் பிரச்னையால் தாராவி மக்களுக்கு எந்தவித பிரச்னையும் வராது.

தாராவி திட்டத்திற்கு நிலம் பெற ரயில்வேயுடன் மாநில அரசு 99 ஆண்டுகளுக்கு ஒப்பந்தம் செய்து கொண்டுள்ளது. தாராவி மக்களுக்கு சிறந்த வாழ்க்கை, போதுமான சுகாதாரம், கல்வி மற்றும் தொழில் பயிற்சி, வேலை வாய்ப்புகள், அத்தியாவசிய வசதிகள் இத்திட்டத்தின் மூலம் வழங்கப்படும். இதற்கு கொள்கைகளை மறந்து அனைத்து தரப்பினரின் ஆதரவு தேவை' என்று குறிப்பிடப்பட்டுள்ளது.தாராவி: 50% மக்களை வெளியேற்றத் திட்டம்... 500 சதுர அடி வீடு கோரி அதானிஅலுவலகம் நோக்கி உத்தவ் பேரணி!


http://dlvr.it/T0FFbP

Read More

விசாரணை கைதிகளின் பற்களைப் பிடுங்கிய விவகாரம் - 15 பேருக்கும் ஜாமீன் வழங்கிய நெல்லை நீதிமன்றம்!

நெல்லை மாவட்டம், அம்பாசமுத்திரத்தில் ஏ.எஸ்.பி-யாக (பயிற்சி) இருந்தவர் ஐ.பி.எஸ் அதிகாரி பல்வீர் சிங். சிறு சிறு வழக்குகளில் சிக்கி கைதுசெய்யப்பட்டு காவல் நிலையத்துக்கு அழைத்து வருவோரின் பற்களைப் பிடுங்கியும், ஆணுறுப்பைத் தாக்கியும் சித்ரவதை செய்வதாகப் புகார் எழுந்தன. இதையடுத்து பல்வீர் சிங் காத்திருப்போர் பட்டியலுக்கு மாற்றப்பட்டார். மேலும் இது குறித்து விசாரணைக்கும் உத்தரவிடப்பட்டது. சேரன்மகாதேவி சார் ஆட்சியர் முகமது சபீர் ஆலம் முதலில் இந்த வழக்கை விசாரணை செய்தார். இந்த நிலையில், பல்வீர் சிங் சஸ்பெண்ட் செய்யப்பட்டார். அவர்மீது நெல்லை மாவட்ட குற்றப்பிரிவு காவல்துறை மூன்று பிரிவுகளின் கீழ் நான்கு வழக்குகள் பதிவுசெய்தது. நெல்லை மாவட்ட குற்றவியல் நீதிமன்றம்

உயர்மட்ட விசாரணை அதிகாரியாக ஊரக வளர்ச்சி மற்றும் ஊராட்சித்துறை முதன்மைச் செயலாளர் அமுதா ஐ.ஏ.எஸ் நியமனம் செய்யப்பட்டார். அவர் இரண்டு கட்டமாக விசாரணை நடத்திவந்தார்.  முதற்கட்ட விசாரணையில் யாரும் ஆஜராகவில்லை. இரண்டாம் கட்ட விசாரணையில் பாதிக்கப்பட்ட 10 பேர் அவர் முன்பு ஆஜராகி வாக்குமூலம் அளித்தனர். இதன் விசாரணை அறிக்கையையும் சமர்ப்பித்தார்.  இதையடுத்து இந்த வழக்கு நெல்லை மாவட்ட சி.பி.சி.ஐ.டி-க்கு மாற்றப்பட்டது.

வன்கொடுமை தடுப்புச் சட்டத்தின் கீழும் பல்வீர் சிங் மற்றும் சில காவலர்கள்மீது  சி.பி.சி.ஐ.டி போலீஸார் வழக்கு பதிவுசெய்தனர்.  இதற்கிடையில் அமுதா ஐ.ஏ.எஸ் நடத்திய விசாரணை அறிக்கைகளை வழங்க வேண்டும் என பல்வீர் சிங்கால் பாதிக்கப்பட்ட அருண்குமார், சென்னை உயர் நீதிமன்ற மதுரைக் கிளையில் மனு ஒன்றைத் தாக்கல் செய்திருந்தார். அந்த வழக்கு விசாரணைக்கு வந்தபோது ”வழக்கு விசாரணை இறுதிக்கட்டத்தில்  இருக்கிறது. சம்பந்தப்பட்ட காவல் நிலையத்தில் சி.சி.டி.வி காட்சி ஆதாரங்கள் எதுவுமில்லை. இந்த வழக்கின் விசாரணை கிட்டத்தட்ட  நிறைவடைந்தது. இதன் குற்றப்பத்திரிகையும், விசாரணை அதிகாரி அமுதாவின் அறிக்கையும் விரைவில் தாக்கல் செய்யப்படும்” என சி.பி.சி.ஐ.டி விசாரணை அதிகாரி சங்கர் பதிலளித்தார். வழக்கு விசாரணைக்கு ஆஜரானவர்கள்

இந்த நிலையில், வேதநாரயணன், சூர்யா, வெங்கடேசன், அருண்குமார் ஆகியோரின் புகார்களின் அடிப்படையில் ஏ.எஸ்.பி பல்வீர் சிங், ஆய்வாளர் ராஜகுமாரி, உதவி ஆய்வாளர் முருகேஷ், இசக்கிராஜா, கார்த்திக், சதாம் உசேன், ராஜ்குமார், ஆபிரகாம் ஜோசப், ராமலிங்கம், சுடலை, விக்னேஷ், முத்து செல்வகுமார், சந்தனகுமார், மணிகண்டன், விவேக் ஆண்ட்ரூஸ் ஆகிய காவல்துறை அலுவலர்கள்மீது சி.பி.சி.ஐ.டி போலீஸார் நெல்லை முதலாவது குற்றவியல் நீதிமன்றத்தில் 1,000-க்கும் மேற்பட்ட பக்கங்கள்கொண்ட குற்றப்பத்திரிக்கையைத் தாக்கல் செய்தனர்.

இந்த நான்கு  வழக்குகளும்  நீதிமன்ற நடுவர் திரிவேணி முன்னிலையில் விசாரணைக்கு வந்தது. இதில், ஏ.எஸ்.பி பல்வீர் சிங் உள்ளிட்ட 15 காவல்துறையினரும் ஆஜராகினர். “குற்றம்சாட்டப்பட்டர்களை ஜாமீனில் விடுவிக்கக் கூடாது. இந்த வழக்கில் சி.பி.சி.ஐ.டி போலீஸார் முறையாக விசாரணை நடத்தவில்லை. பல் பிடுங்கியதற்கு ஆதாரமாக இருக்கும் கட்டிங் பிளேயர், ரத்தக்கறை படிந்த ஆடைகள், அவர்களை அழைத்துவர பயன்படுத்தப்பட்ட  தனியார் வாகனம் ஆகியவற்றை போலீஸார் பறிமுதல் செய்யவில்லை. இவர்களைக் கைதுசெய்ய வேண்டும். முறையாக விசாரணை நடத்தி பல் பிடுங்கியதற்கு பயன்படுத்திய ஆயுதங்களைப் பறிமுதல் செய்ய வேண்டும்” என பாதிக்கப்பட்டவர்களின் தரப்பில் ஆஜரான வழக்கறிஞர் மகாராஜன் வாதிட்டார். ஒருங்கிணைந்த நீதிமன்ற வளாகம்

விசாரணைக்குப் பிறகு குற்றம்சாட்டப்பட்ட 15 பேருக்கும் ஜாமீன் வழங்கி உத்தரவிட்டதுடன். இந்த வழக்கு விசாரணையை வரும் 26-ம் தேதிக்கு ஒத்திவைத்தார் நீதிபதி.  15 பேருக்கும் 1,000-க்கும் மேற்பட்ட பக்கங்கள்கொண்ட குற்றப்பத்திரிக்கையின் நகல் வழங்கப்பட்டது.  பல்வீர் சிங் நான்கு வழக்குகளிலும் முதல் குற்றவாளியாகச் சேர்க்கப்பட்டிருப்பதால் அவருக்கு நான்கு நகல்கள் வழங்கப்பட்டன.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்... 
https://bit.ly/46c3KEk">
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்... 
https://bit.ly/46c3KEk">
https://bit.ly/46c3KEk />

http://dlvr.it/T0F4rs

Read More

"ரோல் மாடல் ஜெயலலிதா; திமுக வாயால் வடை சுடுகிறது; ஆளுநர் செய்வது தவறல்ல!" - பிரேமலதா சொல்வதென்ன?

தே.மு.தி.க-வின் பொதுக்குழு - செயற்குழுக் கூட்டம் 14-ம் தேதி விஜயகாந்த் முன்னிலையில் நடந்தது. அந்தக் கூட்டத்தில் பொதுச்செயலாளராக பிரேமலதா விஜயகாந்த் அறிவிக்கப்பட்டார். அதைத் தொடர்ந்து, பிரேமலதா விஜயகாந்த் பொதுச்செயலாளராக முதல் பத்திரிக்கையாளர் சந்திப்பை இன்று நடத்தினார். அப்போது, ``அரசியலில் சவால்கள் இருக்கும். குறிப்பாக பெண்கள் அதிக சவால்களைச் சந்திக்கவேண்டியிருக்கும். அதற்குச் சிறந்த உதாரணம் ஜெயலலிதா அம்மையார். விஜயகாந்தின் மனைவியாகவே கடைசிவரை இருக்க வேண்டும் என நினைத்தேன். ஆனால், தலைவர் எனக்குப் பொருளாளர் பதவியை வழங்கினார்.பிரேமலதா விஜயகாந்த்

தே.மு.தி.க-வின் தொண்டர்கள் பல ஆண்டுகளாக கேப்டனிடம் தெரிவித்த கோரிக்கையை ஏற்று, இப்போது பொதுச்செயலாளர் பதவி வழங்கியிருக்கிறார். எனவே, இந்தக் கட்சி எதை நோக்கமாகவைத்துத் தொடங்கப்பட்டதோ அதை நிறைவேற்றுவதுதான் எங்களின் இலக்கு. கேப்டனுடன் திருமணம் ஆனதிலிருந்து பயணிக்கிறேன். ரசிகர் மன்றம், நற்பணி மன்றம், பிறகு கொடி, கட்சி, அதைத் தொடர்ந்து எதிர்க்கட்சித் தலைவர் என வளர்ந்துவந்தது இந்தக் கட்சி. இத்தனையிலும் தொண்டர்கள் எங்களுடன் இருக்கிறார்கள்.

2011-வரை தே.மு.தி.க யாருடனும் கூட்டணி இல்லாமல் தனித்தே போட்டியிட்டது. அப்போது வரை கட்சி அபரிமிதமாக வளர்ச்சி கண்டது. முதல் தேர்தலில் 8.33%, என்றும் அடுத்த தேர்தலில் 10.3% என்றும் வாக்கு சதவிகிதம் வளர்ந்தது. கூட்டணி என்று சென்றதும், பல சவால்களும், துரோகமும்தான் கட்சியின் சறுக்கலுக்குக் காரணமாக இருந்தன. விஜயகாந்த் நம்பிய எம்.எல்.ஏ-க்கள் முதுகில் குத்தியதால்தான் அவரின் உடல்நிலையில் இவ்வளவு பெரிய சிக்கல் ஏற்பட்டது. இனி வெற்றி வியூகம் மட்டுமே அமைப்போம்.பிரேமலதா விஜயகாந்த்

அதன் மூலம் வெற்றிபெறுவோம். பொதுக்குழுக் கூட்டம் திடீரென எடுத்த முடிவல்ல. அது ஓர் ஆண்டுக்காலமாக திட்டமிட்டதுதான். என்னுடைய ரோல் மாடலாக நான் முன்னாள் முதல்வர் அம்மையார் ஜெயலலிதாவை எடுத்துக்கொள்கிறேன். என்னைச் சுற்றிப் பெண்களுக்கு அதிகம் பதவிகள் வழங்கப்படும். எனக்கு தமிழ்நாட்டிலிருக்கும் அனைத்துக் கட்சித் தலைவர்களும் வாழ்த்துகளை போனிலும், சமூக வலைதளங்கள் மூலமும் தெரிவித்திருக்கிறார்கள். கூட்டணி குறித்தெல்லாம் தேர்தலின்போதுதான் முடிவுசெய்ய முடியும். கடவுள் நமக்குத் தேவையான நீரைக் கொடுத்துக்கொண்டுதான் இருக்கிறார்.

ஆனால், தமிழ்நாட்டின் அரசு அதைச் சேமிக்கும் திறனற்று இருக்கிறது. திட்டமிடுதல் இல்லை. அதனால்தான் அனைத்து தண்ணீரும் கடலில் கலந்துகொண்டிருக்கிறது. ஒருவேளை இந்த தண்ணீர் சேமிக்கப்பட்டால் மற்றவர்களிடம் நாம் கையேந்த வேண்டியதில்லை. ஆளுநரும் முதல்வரும் அவர்களுக்கான வேலையைச் செய்துகொண்டிருக்கிறார்கள். அதனால், ஆளுநர் செய்வது தவறும் அல்ல, முதல்வர் செய்வது அனைத்தும் சரியானதுமல்ல. ஜால்ரா தட்டுபவர்கள் மட்டுமே சரியானவர்கள் என்பதெல்லாம் இல்லை. நிவாரணத் தொகை ரூ.6,000 தமிழ்நாட்டில் பாதிக்கப்பட்டவர்கள் அனைவருக்கும் வழங்கப்பட வேண்டும் என்பதில் மாற்றுக் கருத்தில்லை.பிரேமலதா விஜயகாந்த்

ஆனால், பாதிக்கப்பட்டவர்களுக்கு இது மட்டும் போதாது. அவர்களின் வாழ்வாதாராமே பாதிக்கப்பட்டிருக்கிறது. எனவே, இதுபோல இன்னோரு வெள்ளம் வராமலிருக்க அரசு நடவடிக்கை எடுக்க வேண்டும். எல்லோர் வாயையும் பணத்தை வைத்து அடைக்க முயல்கிறார்கள். இதைத் தடுக்க வேண்டும். எண்ணூர் - பழவேற்காடு வரை எண்ணெய் கடலில் கலந்து பெரிதும் பாதிக்கப்பட்டிருக்கிறது. சிங்காரச் சென்னை எனக் கூறியவர்கள் இந்தத் தி.மு.க-காரர்கள். இந்த மழையில் அதைப் பார்த்துவிட்டோம். இதுதான் வாயால் வடை சுடுவது என்பது.

ஆறு முறை கலைஞர், ஐந்து முறை ஜெயலலிதா முதல்வராக இருந்திருக்கிறார்கள். ஆனால், இன்றுவரை மழைநீரில் தமிழ்நாடு சிக்கிக்கொள்கிறது என்றால் என்ன பொருள் என்பதைச் சிந்திக்க வேண்டும். மகனுக்கான பதவி என்பதெல்லாம் அவருக்கு அனுபவம் பெறும்போது கேப்டன் வழங்குவார்" எனத் தெரிவித்தார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்... 
https://bit.ly/46c3KEk">
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்... 
https://bit.ly/46c3KEk">
https://bit.ly/46c3KEk />
விஜயகாந்த் பதவியில் பிரேமலதா - தே.மு.தி.க-வின் பயணம் இனி..?!


http://dlvr.it/T0D1Rz

Read More

Deep Fake: `புதினிடமே பேசிய புதின்..!’ - AI தொழில்நுட்ப மாணவரின் கேள்வியும், புதினின் பதிலும்

உலகம் முழுவதும் AI கோலோச்சத் தொடங்கிவிட்டது. அதிலும் குறிப்பாக சாட் ஜிபிடி வெற்றிக்குப் பிறகு AI கருவிகள் அடுத்தகட்டத்துக்குச் சென்றுவிட்டன. பல புதிய புதிய AI கருவிகள் உருவாக்கப்பட்டிருக்கும் நிலையில், அவற்றுக்கான ஆய்வுகளுக்கு நிதியும் குவிந்துவருகின்றன. அதேநேரம் மற்றொருபுறம் AI துறையால் பெரிய ஆபத்துகள் ஏற்படக்கூடும் என்ற எச்சரிக்கையும் அதிகரித்தேவருகிறது.மோடி

சமீபத்தில், AI துறையில் பல ஆண்டு அனுபவம்கொண்ட, இந்த ஆண்டு கூகுள் நிறுவனத்திலிருந்து ஓய்வுபெற்ற, `AI துறையின் காட்ஃபாதர்’ என்று அழைக்கப்படும் ஜெஃப்ரி ஹிண்டன், "எதிர்வரும் காலத்தில் AI துறையால் மிகப்பெரிய ஆபத்துகள் ஏற்பட வாய்ப்பிருக்கிறது. எனவே, AI என்று வரும்போது அரசும் சரி, பெருநிறுவனங்களும் சரி... மிகவும் கவனமாக இருக்க வேண்டும்" என எச்சரித்திருந்தார்.

இந்த நிலையில், AI மூலம் உலக நாடுகளின் தலைவர்களின் Deepfake வீடியோக்களும் சர்ச்சையாகிவருகின்றன. அது குறித்து அந்தந்த நாட்டுத் தலைவர்களே கவலை தெரிவித்தும்வருகின்றனர்.ஜோ பைடன்

இந்தியப் பிரதமர் மோடி, "சமீபகாலமாக `Deepfake’ வீடியோக்கள் அதிகம் உருவாக்கப்பட்டு, பகிரப்படுவது பெரும் கவலையளிக்கிறது. நானே பாடலைப் பாடுவது போன்ற பல வீடியோக்கள் ஆன்லைனில் இருக்கின்றன. செயற்கை நுண்ணறிவு காலத்தில், தொழில்நுட்பத்தைப் பொறுப்புடன் பயன்படுத்துவது முக்கியம்" என வேதனை தெரிவித்திருந்தார்.

அமெரிக்க அதிபர் ஜோ பைடன், "AI சாதனங்கள் மக்களை ஏமாற்றப் பயன்படுத்தப்படுகின்றன. ஏஐ மூலம் உருவாக்கப்படும் ஆடியோ, வீடியோக்கள் ஒருவரின் நற்பெயரைக் கெடுக்கும் போலிச் செய்திகளைப் பரப்பவும், மோசடி செய்யவும் பயன்படும் சூழல் நிலவுகிறது. உங்கள் குரலை மூன்று விநாடிகள் பதிவுசெய்தாலே போதும்... அப்படித்தான் நான் பேசியதாக ஒரு வீடியோ வெளியானது. அதில், நான் சொல்லாததை நானே சொன்னதுபோல வீடியோ இருந்தது. அதைக் கேட்டபோது, `நான் எப்போது இப்படிப் பேசினேன்?’ என ஆச்சர்யமாகக் கேட்டேன்" எனத் தெரிவித்திருந்தார்.புதின்

அதைத் தொடர்ந்து, தற்போது ரஷ்ய அதிபரிடம், அவரே கேள்வி கேட்பது போன்ற வீடியோ வைரலாகிவருகிறது. ரஷ்யாவில் ஒவ்வோர் ஆண்டின் இறுதியிலும் பொதுமக்களுடனான செய்தியாளர் சந்திப்பை நிகழ்த்துவது வழக்கம். அதனடிப்படையில், நேற்றைய முன்தினம் இணையவழிச் செய்தியாளர் சந்திப்பு நடந்தது.

அப்போது ரஷ்ய அதிபர் விளாடிமிர் புதினிடன், அவரைப்போலவே தோற்றம் மற்றும் அவரைப் போன்ற குரலைக்கொண்ட AI மாடல், "நான் செயின்ட் பீட்டர்ஸ்பர்க் மாநிலப் பல்கலைக்கழகத்தில் ஒரு மாணவன். உங்களிடம் நிறைய இரட்டையர்கள் இருப்பது உண்மையா... செயற்கை நுண்ணறிவு மற்றும் நியூரல் நெட்வொர்க்குகள் நம் வாழ்வில் கொண்டுவரும், AI ஆபத்துகளை நீங்கள் எப்படிப் பார்க்கிறீர்கள்?” என்று கேட்டது.

During the yearly 'Direct Line' session, Vladimir Putin got a call from... Vladimir Putin! AI Putin asked whether the president has a lot of twins, to which the president answered, 'Only one person should look and speak like me – myself.' pic.twitter.com/Z2dJoGkcoe— RT (@RT_com) December 15, 2023




அதற்கு பதிலளித்த விளாடிமிர் புதின், “நீங்கள் என்னைப் போலவும், என் குரலில் பேசுவதையும் நான் பார்க்கிறேன். இந்த உலகில் ஒரு நபர் மட்டுமே என்னைப்போல இருக்க வேண்டும். என் குரலில் பேச வேண்டும். அது நானாக மட்டுமே இருக்க வேண்டும். சொல்லப்போனால், இதுதான் என்னுடைய முதல் இரட்டை” என பதிலளித்தார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்... 
https://bit.ly/46c3KEk
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்... 
https://bit.ly/46c3KEk

வெளியேற்றப்பட்ட சி.இ.ஓ சாம் ஆல்ட்மேனை திரும்ப அழைத்த ஓப்பன் ஏஐ..! ஏன் தெரியுமா?


http://dlvr.it/T0D1Gm

Read More

புதுச்சேரி: ``அரசின் இலவச சைக்கிள்களை மாணவர்கள் எடைக்கு போடுகிறார்கள்’’ - பகீர் கிளப்பும் அதிமுக

புதுச்சேரி மற்றும் காரைக்காலில் அரசுப் பள்ளிகள் மற்றும் அரசு நிதியுதவி பெறும் பள்ளிகளில் படிக்கும் மாணவ, மாணவிகளுக்கு, ஆண்டுதோறும் அரசு சார்பில் இலவச சைக்கிள்கள் வழங்கப்பட்டு வருகின்றன. அதன்படி இந்த கல்வியாண்டில் வழங்கப்பட்ட சைக்கிள் தரமற்றதாகவும், துருப்பிடித்து உடைந்தும் இருக்கின்றன என்று பரவலாக குற்றச்சாட்டுகள் எழுந்திருக்கின்றன. இந்நிலையில் இலவச சைக்கிள்கள் கொள்முதல் செய்யப்பட்டதில் முறைகேடுகள் நடந்திருப்பதாக, முதல்வர் ரங்கசாமியிடம் மனு கொடுத்திருக்கிறார் புதுச்சேரி அ.தி.மு.கவின் மாநில செயலாளர் அன்பழகன்.

அன்பழகனிடம் பேசினோம், ``புதுச்சேரி அரசின் மொத்த பட்ஜெட் நிதியில், 11 சதவிகிதம் அரசுப் பள்ளிகளுக்கு ஒதுக்கப்படுகிறது. ஆனாலும் புதுச்சேரி அரசுப் பள்ளிகளில் படிக்கும் மாணவர்களுக்கு சீருடைகள், புத்தகங்கள், மிதி வண்டிகள், லேப்டாப்கள், மழை கோட்டுக்கள், காலணிகள் போன்ற மாணவர்கள் நலன் சார்ந்த பொருள்கள் காலத்துடன் வழங்கப்படுவதில்லை.தரமற்ற இலவச சைக்கிள்கள்

அப்படி காலதாமதத்துடன் வழங்கப்படும் பொருட்கள், தரமானதாக இருக்கிறதா என்று அதிகாரிகளும் கவலைப்படுவதில்லை, சம்மந்தப்பட்ட அமைச்சரும் கவலைப்படுவதில்லை. அரசுப் பள்ளிகளில் ஒன்பதாம் வகுப்பு படிக்கும் படிக்கும் 7,034 மாணவ, மாணவிகள் மற்றும் அரசு நிதியுதவி பெறும் பள்ளிகளில் படிக்கும் 2,356 மாணவ, மாணவிகள் என ஆண்டுதோறும் இலவச சைக்கிள்கள் வழங்கப்படுகின்றன. அதன்படி இந்த கல்வியாண்டில் 9,390 சைக்கிள்கள் வழங்கப்பட்டிருக்கின்றன. அதற்காக மாநில அரசின் பட்ஜெட்டில் ரூ.5 கோடி ஒதுக்கப்பட்டது. அந்த தொகையில் அனைத்து மாணவர்களுக்கும் ரூ.5,000 மதிப்பில் தரமான சைக்கிள்களை வழங்கியிருக்கலாம். இந்த கல்வியாண்டில் ஒன்பதாம் வகுப்பு படிக்கும் 9,390 மாணவர்களுக்கு, 9,390 சைக்கிள்களை வாங்க வேண்டிய அரசு, 12,000 தரமற்ற சைக்கிள்களை வாங்க வேண்டிய அவசியம் என்ன? இந்த சைக்கிள்களை உற்பத்தி செய்யும் நிறுவனத்தில், தரமற்ற, விற்பனை ஆகாமல் கொட்டி வைத்திருந்த சைக்கிள்களை, கண்டெய்னர் மூலம் வாரி எடுத்து வந்து பள்ளி மாணவர்களுக்கு வழங்கியுள்ளனர்.

ஏற்கெனவே `துருப்பிடித்தும், உடைந்தும் இருக்கும் சைக்கிள்களை பள்ளி  மாணவர்களுக்கு நாங்கள் வழங்க மாட்டோம்’ என காரைக்காலில் சில எம்.எல்.ஏக்கள், அந்த நிகழ்ச்சியை புறக்கணித்தனர். சைக்கிள்கள் வாங்குவது குறித்து பெறப்பட்ட டெண்டரில், பஞ்சாப் மாநிலத்தைச் சேர்ந்த கோஹினூர் என்ற நிறுவனம் தேர்வு செய்யப்பட்டு, அதன் மூலமே சைக்கிள்கள் கொள்முதல் செய்யப்பட்டுள்ளது. தற்போது வழங்கப்பட்டுள்ள இந்த சைக்கிள்கள், இரண்டே மாதத்தில் முழுமையாக துருப்பிடித்து,  உபயோகப்படுத்த முடியாத அளவுக்கு தரமற்று கிடக்கிறது. இந்த சைக்கிள்களைப் பெற்ற மாணவர்கள், 1,000 ரூபாய்க்கும், 1,500 ரூபாய்க்கும் பழைய இரும்புகள் வாங்கும் கடைகளில் வேறு வழியில்லாமல் விற்றுள்ளனர். தரமற்ற இலவச அரிசியை உபயோகப்படுத்த முடியாமல் எப்படி மக்கள் குறைந்த விலைக்கு விற்கிறார்களோ, அப்படித்தான் இந்த தரமற்ற சைக்கிள்களின் நிலையும்.முதல்வர் ரங்கசாமியிடம் புகார் கொடுக்கும் அன்பழகன்

அரசுப் பள்ளி மாணவர்களுக்கு வழங்கப்படும் சைக்கிள்கள், தரமானதா என்பதை எந்த அரசு அதிகாரியாவது ஆய்வு செய்தார்களா? சுமார் 5 கோடி ரூபாய் செலவில் வழங்கப்பட்டுள்ள சைக்கிள்கள் உபயோகப்படுத்த முடியாமல் கிடப்பதற்கு பொறுப்பேற்கும் அதிகாரி யார்? அரசு துறைகளில் இதுபோன்ற தவறுகள் நடக்கும் போது, உரிய நடவடிக்கைகளை எடுப்பதில்லை. அதனால் `முறைகேடு’ என்பது புதுச்சேரி அரசின் அங்கீகரிக்கப்பட்ட அங்கமாக இருக்கிறது. இந்த இலவச சைக்கிள் வழங்கப்படும் திட்டத்தில் நடைபெற்ற முறைகேடுகள் தொடர்பாக, நேர்மையான அதிகாரிகளைக் கொண்டு, துறை ரீதியிலான விசாரணை நடத்த வேண்டும். அதனடிப்படையில் தவறு செய்தவர்கள் யாராக இருந்தாலும், அவர்கள் மீது கடுமையான சட்ட நடவடிக்கை எடுக்க வேண்டும் என்றுதான் முதல்வரிடம் மனு கொடுத்தேன்” என்றார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்... 
https://bit.ly/46c3KEk">
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்... 
https://bit.ly/46c3KEk">
https://bit.ly/46c3KEk />

http://dlvr.it/T0CVdH

Read More

Tamil News Today Live: தமிழகத்தில் 18 மாவட்டங்களில் மிதமான மழைக்கு வாய்ப்பு!

தமிழகத்தில் 18 மாவட்டங்களில் மிதமான மழைக்கு வாய்ப்பு



சென்னை வானிலை ஆய்வு மையம், புதுவை மற்றும் காரைக்கால் பகுதிகளில் இடி மின்னலுடன்கூடிய லேசானது முதல் மிதமான மழையும், ராமநாதபுரம், புதுக்கோட்டை, தூத்துக்குடி, சிவகங்கை, மயிலாடுதுறை, நாகப்பட்டினம், திருவாரூர், தஞ்சாவூர், திருநெல்வேலி, கன்னியாகுமரி, மதுரை, விருதுநகர் ஆகிய மாவட்டங்களில் ஓரிரு இடங்களில் கன முதல் மிக கனமழையும் பெய்ய வாய்ப்பிருக்கிறது என்றும் இரு தினங்களுக்கு தமிழ்நாடு, புதுச்சேரி, காரைக்கால் பகுதிகளுக்கு ஆரஞ்ச் அலர்ட் அறிவிக்கப்பட்டிருக்கிறது என்றும் தெரிவித்திருந்தது. மழை டிப்ஸ்

இந்நிலையில் தமிழகத்தில் 18 மாவட்டங்களில் அடுத்த இரண்டு மணிநேரத்துக்கு மிதமான மழைக்கு வாய்ப்பு என தெரிவிக்கப்பட்டுள்ளது. சென்னை, காஞ்சிபுரம், திருவள்ளூர், செங்கல்பட்டு, தி.மலை, விழுப்புரம், கள்ளக்குறிச்சி, கடலூர், மயிலாடுதுறை, நாகை, திருவாரூர், தஞ்சை, புதுக்கோட்டை, ராமநாதபுரம், சிவகங்கை, தூத்துக்குடி, நெல்லை, குமரி ஆகிய மாவட்டங்களில் மழைக்கு வாய்ப்பு என தெரிவிக்கப்பட்டுள்ளது. மேலும் ராமநாதபுரம், சிவகங்கை, தூத்துக்குடி, புதுக்கோட்டை மாவட்டங்களில் கனமழைக்கு வாய்ப்பு உள்ளதாகவும் தெரிவிக்கப்பட்டுள்ளது. அதே போல காற்று பலமாக வீசக்கூடும் என்பதால், புதுக்கோட்டை மீனவர்கள் கடலுக்கு செல்ல வேண்டாம் என மீன்வளத்துறை சார்பாக எச்சரிக்கை விடுக்கப்பட்டுள்ளது.


http://dlvr.it/T0CVSF

Read More

Parliament Breach: ``அரசாங்கம் பொறுப்பல்ல... அமித் ஷா ஏன் பதிலளிக்க வேண்டும்?" - பாஜக எம்.பி கேள்வி!

டிசம்பர் 4-ம் தேதிமுதல் நாடாளுமன்ற குளிர்காலக் கூட்டத்தொடர் நடைபெற்றுவருகிறது. இதில், கடந்த புதன்கிழமை நடந்த கூட்டத்தில், மக்களவையில் பார்வையாளர்கள் மாடத்தில் அமர்ந்திருந்தவர்களில் இரண்டு இளைஞர்கள் திடீரென அவைக்குள் குதித்து, மஞ்சள் நிறப் புகையைப் பரப்பிய சம்பவம், பரபரப்பை ஏற்படுத்தியிருந்தது. அதே சமயத்தில், நாடாளுமன்றத்துக்கு வெளியேயும் ஒரு பெண், ஓர் ஆண் போராட்டத்தில் ஈடுபட்டு, உள்ளே பரப்பப்பட்ட வண்ணப் புகையைப் பரப்பினர்.நாடாளுமன்றம்

இறுதியில், நாடாளுமன்ற பாதுகாப்பு அதிகாரிகள் அவர்களைக் கைதுசெய்து தனியாக அழைத்துச் சென்று விசாரிக்கத் தொடங்கினர். அதைத் தொடர்ந்து, இத்தகைய பாதுகாப்பு மீறல் சம்பவத்துக்கு பா.ஜ.க அரசுதான் பொறுப்பு, அவர்கள் பதிலளிக்க வேண்டும் என எதிர்க்கட்சிகள் வலியுறுத்தத் தொடங்கின. இந்தச் சம்பவம் நடந்த அடுத்த நாள், நாடாளுமன்றத்தின் இரு அவைகளிலும், `பிரதமர் மோடியும், மத்திய உள்துறை அமைச்சர் அமித் ஷாவும் பதிலளிக்க வேண்டும்' என எதிர்க்கட்சி எம்.பி-க்கள் வலியுறுத்தினர்.

அவ்வாறு வலியுறுத்திய எம்.பி-க்களில், 14 எம்.பி-க்கள் மட்டும் அமளியில் ஈடுபட்டதாக சஸ்பெண்ட் செய்யப்பட்டனர். இந்த நிலையில், அன்று நடந்த சம்பவத்துக்கு மக்களவை செயலகம்தான் பொறுப்பு என்றும், எதற்காக அமித் ஷா பதிலளிக்க வேண்டும் என்றும் பா.ஜ.க எம்.பி நிஷிகாந்த் துபே கூறியிருக்கிறார்.பாஜக எம்.பி நிஷிகாந்த் துபே

நாடாளுமன்றத்துக்கு வெளியே ஊடகத்திடம் பேசிய நிஷிகாந்த் துபே, ``மக்களவையின் பாதுகாப்பு என்பது, மக்களவைச் செயலகத்தின் பொறுப்புதானே தவிர, அரசாங்கத்தின் பொறுப்பு அல்ல. அப்படியிருக்க, உள்துறை அமைச்சர் ஏன் இதற்கு பதிலளிக்க வேண்டும்... இன்றைக்கு மூன்று முக்கிய மசோதாக்கள் தாக்கல் செய்யப்பட வேண்டும். ஆனால், காங்கிராஸ் இன்று அவையைச் செயல்பட விடவில்லை" என்று கூறினார்.

மேலும், நிஷிகாந்த் துபே தனது X சமூக வலைதளப் பக்கத்தில், 1974-ம் ஆண்டு, ஏப்ரல் 11-ம் தேதி நாடாளுமன்றத்துக்குள் ஒருவர் கைத்துப்பாக்கியுடன் நுழைந்ததாகவும், அப்போதைய பா.ஜ.க, ஜனசங்கம் போன்ற எதிர்க்கட்சிகள் அதை அரசியல் பிரச்னையாக்கவில்லை என்றும் ட்வீட் செய்திருக்கிறார்.Parliament Breach: 18 மாதங்களாகத் திட்டம்; அவையில் அத்துமீறிய பகத்சிங் ரசிகர் கிளப் - நடந்தது என்ன?


http://dlvr.it/T0CK92

Read More