``இதனால்தான் அரசியலிலிருந்து விலகினேன்" - 9 நாளில் கட்சியிலிருந்து விலகியது குறித்து அம்பத்தி ராயுடு

2019-ம் ஆண்டு உலக கோப்பை ஒருநாள் போட்டித்தொடரில் இந்திய அணிக்கு தான் தேர்வாகாத அதிருப்தியில் அதிரடியாக சர்வதேச கிரிக்கெட்டில் ஓய்வை அறிவித்த அம்பத்தி ராயுடு, கடந்த ஆண்டு நடைபெற்ற ஐ.பி.எல் தொடரில் வெற்றிக் கோப்பையோடு அனைத்து விதமான கிரிக்கெட்டிலிருந்தும் ஓய்வுபெற்றார். அதோடு தனது இரண்டாவது இன்னிங்க்ஸை அரசியலில் ஆடத் தயாரானார் அம்பத்தி ராயுடு.அம்பத்தி ராயுடு - ஜெகன் மோகன் ரெட்டி

விரைவில் ஆந்திர மக்களுக்கு சேவை செய்ய அரசியலுக்கு வருவேன் என்றும், அதற்கு முன் மக்களின் பிரச்னைகளை அறிய முடிவுசெய்திருக்கிறேன் என்றும் உறுதியாகக் கூறிவந்தார். அதற்கேற்றாற்போல, கடந்த டிசம்பர் 28-ம் தேதியன்று, முதல்வர் ஜெகன் மோகன் ரெட்டி முன்னிலையில், ஒய்.எஸ்.ஆர் காங்கிரஸ் கட்சியில் அதிகாரப்பூர்வமாக இணைந்தார்.

ஆனால், கட்சியில் சேர்ந்த ஒன்பதே நாள்களில், கட்சியிலிருந்தும், அரசியலிலிருந்து விலகுவதாக அறிவித்தார் அம்பத்தி ராயுடு. நேற்று முன்தினம் தனது X சமூக வலைதளப் பக்கத்தில், ``YSRCP கட்சியிலிருந்து விலகி, அரசியலிலிருந்து சிறிது காலம் ஒதுங்க முடிவு செய்திருக்கிறேன் என்பதை அனைவருக்கும் தெரிவிக்கிறேன். மேலும், அடுத்தகட்ட நடவடிக்கை உரிய நேரத்தில் தெரிவிக்கப்படும்" என அம்பத்தி ராயுடு பதிவிட்டிருந்தார். இந்த நிலையில், கட்சியிலிருந்தும், அரசியலிலிருந்து தான் ஏன் விலகினேன் என்று அம்பத்தி ராயுடு விளக்கமளித்திருக்கிறார்.

I Ambati Rayudu will be representing the Mumbai Indians in the upcoming ILt20 from jan 20th in Dubai. Which requires me to be politically non affiliated whilst playing professional sport.— ATR (@RayuduAmbati) January 7, 2024

இதுகுறித்து, அம்பத்தி ராயுடு தனது X சமூக வலைதளப் பக்கத்தில், ``துபாயில், ஜனவரி 20-ம் தேதி முதல் நடைபெறவிருக்கும் ILt20 போட்டியில் மும்பை இந்தியன்ஸ் அணியை நான் பிரதிநிதித்துவப்படுத்தவிருக்கிறேன். எனவே, தொழில்முறை விளையாட்டை விளையாடும்போது அரசியல் ரீதியில் நான் தொடர்பில்லாதவராக இருக்க வேண்டும்" என்று தெரிவித்திருக்கிறார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/46c3KEk">
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/46c3KEk">
https://bit.ly/46c3KEk />
காங்கிரஸில் இணையும் ஜெகன்மோகன் ரெட்டியின் தங்கை... ஷர்மிளாவின் ‘கை’ ஓங்குமா?!


http://dlvr.it/T15q0Z

Read More

ஓ.பி.எஸ்-ஐ வைத்து எடப்பாடிக்கு லாக்? - டெல்லி மேலிடத்தின் `மூவ்' என்ன?

அரசியல் களத்தில் பா.ஜ.க - அ.தி.மு.க கூட்டணியில் சந்தித்த அனைத்து தேர்தலிலும், அ.தி.மு.க-வுக்குத் தோல்வியே மிஞ்சியது. அதே சமயம் பா.ஜ.க தமிழ்நாட்டில் `கொஞ்சம்' வளர்ச்சியைச் சந்தித்தது. இது இரண்டு கட்சித் தலைவர்கள் இடையே பெரும் மோதலை உருவாக்கியது. குறிப்பாக அ.தி.மு.க-வின் தலைவர்கள், தங்கள் தோல்விக்கு பா.ஜ.க-தான் காரணம். அவர்களோடு ஏன் கூட்டணியில் தொடர வேண்டும் எனத் தொடர்ச்சியாகத் தலைமையைக் கேள்வி எழுப்பிக்கொண்டே இருந்தனர். மற்றொரு புறம் பா.ஜ.க மாநிலத் தலைமை, அ.தி.மு.க தலைவர்களையும் முன்னாள் அமைச்சர்களையும் கடுமையாக விமர்சனம் செய்துகொண்டே வந்ததது. ஒருகட்டத்தில் இரண்டாம் கட்டத் தலைவர்களின் நெருக்கடி, அ.தி.மு.க முன்னாள் தலைவர்கள்மீதான விமர்சனங்கள் அதிகரிக்க, “பா.ஜ.க-வுடன் இனி கூட்டணி இல்லை” என்ற முடிவை அறிவித்தது அ.தி.மு.க தலைமை. ஆனாலும், ``இந்த அறிவிப்பு போலியானது, நாடகம். தேர்தல் நேரத்தில் இருவரும் இணைந்துகொள்வார்கள்" என்ற பேச்சு எழ, பா.ஜ.க-வுடன் கூட்டணி இல்லை என்ற முடிவில் தெளிவாக இருப்பதாக சமீபத்தில் நடந்த பொதுக்குழுக் கூட்டத்தில் எடப்பாடி பழனிசாமி அறிவித்ததோடு, தமிழ்நாடு வந்த பிரதமர் மோடியைச் சந்திக்கவும் மறுத்துவிட்டார். இதெல்லாம் டெல்லி தலைமையை டென்ஷன் ஆக்கியிருக்கிறது என்கிறார்கள் கமலாலயத்தில்...அண்ணாமலை, ஓ.பி.எஸ், எடப்பாடி

கூட்டணி வேண்டாம் என்பதில் எடப்பாடி எடுத்திருக்கும் முடிவால் டெல்லி தரப்பிலிருந்து அவருக்கு நெருக்கடி அதிகரிக்கும் என்கிறார்கள் கமலாலய வட்டாரத்தில். அதற்காகத்தான் ஓ.பி.எஸ் உடன் பிரதமர் மோடி சந்தித்திருக்கிறார், என்கிறார்கள். அப்படியானால், ஓ.பி.எஸ்-ஐ வைத்து எடப்பாடிக்கு செக் வைக்க டெல்லி தரப்பு முயல்கிறதா என்ற கேள்வியோடு கமலாலயத்தை வலம் வந்தோம்...

“பா.ஜ.க கூட்டணியிலிருந்து விலகுவதாக அ.தி.மு.க அறிவித்தது தற்காலிகமானது என்றுதான் டெல்லி தலைமை நினைத்திருந்தது. நாடாளுமன்றத் தேர்தலுக்கு எங்களுக்கு எந்தளவு அ.தி.மு.க தேவையோ அதே அளவு அவர்களுக்கும் எங்கள் தேவை இருக்கிறது” எனப் பேசத் தொடங்கியவர்கள்... “எடப்பாடியே மீண்டும் மீண்டும் பா.ஜ.க-வுடன் கூட்டணி இல்லை எனச் சொல்லிக்கொண்டிருப்பதைக் கேட்ட டெல்லி தலைமை கடும் அப்செட் ஆகிவிட்டது. ஏனெனில் அ.தி.மு.க கூட்டணியை மீட்டெடுக்க டெல்லியில் சில விவகாரங்கள் பேசப்பட்டன. அது அ.தி.மு.க எதிர்பார்த்த முடிவும்கூட. ஆனால், அ.தி.மு.க இப்படிப் பேசிக்கொண்டிருப்பதால் அவர்கள் மீண்டும் எங்களுடன் கூட்டணியில் இருக்க வாய்ப்பில்லை என டெல்லி முடிவு செய்துவிட்டது. எனவே, நாங்கள் எங்களுக்கான கூட்டணிப் பேச்சுவார்த்தையில் இறங்கிவிட்டோம்” என்றவர்களிடம்...மோடி, எடப்பாடி பழனிசாமி

“அதற்காகத்தான் ஓ.பி.எஸ் மூலமாக எடப்பாடிக்கு நெருக்கடி கொடுக்கிறீர்களா?” எனக் கேட்க, ``அப்படி எதுவும் திட்டம் இல்லை” என முடித்துக்கொண்டனர். `எடப்பாடி குறித்த அந்த ரகசியம்; தெரியப்படுத்த வேண்டியவரிடம் தெரிவிப்பேன்..!' - ஓ.பி.எஸ் `பளீர்'

எடப்பாடி தரப்பிலோ, “அவர்கள் என்ன செய்தாலும் நாங்கள் அவர்களுடனேயே இருப்போம் என நினைத்துவிட்டார்கள்போல. ஆனால், அதெல்லாம் டெல்லிக்கும் கூட்டணி தர்மத்துக்கும் நாங்கள் கொடுத்த மரியாதைதானே தவிர, தனி நபருக்கு கொடுத்த மரியாதை இல்லை. ஓ.பி.எஸ் மூலமாக எங்களுக்கு பா.ஜ.க, செக் வைக்கவே நினைக்கும். அதனால்தான் எடப்பாடி பற்றி ஓ.பி.எஸ்-ஐப் பேசவைத்து வேடிக்கைப் பார்க்கிறார்கள். அவரும் எடப்பாடி திகார் செல்வது உறுதி எனப் பேசுவது மட்டுமல்லாமல், தொண்டர்கள் உரிமை மீட்புக் குழு, பொதுக்குழு தொடர்பான வழக்குகள், பிரதமரிடம் ஏதோ ஃபைலைக் கொடுத்துவிட்டு, அதை எடப்பாடிக்காகக் கொடுத்தேன் என்பதுபோல பேசுவது, எனத் தொடர்ந்து நெருக்கடி கொடுத்துக்கொண்டே இருக்கிறார்கள். ஓ.பி.எஸ் மூலம் மட்டுமல்ல, கொடநாடு கொலை, கொள்ளை வழக்கில் சாட்சியங்களை பதிவுசெய்வதற்காக ஜன.,30 மற்றும் 31-ல் அ.தி.மு.க பொதுச்செயலாளர் இ.பி.எஸ் ஆஜராக சென்னை உயர் நீதிமன்றம் உத்தரவிட்டிருப்பதன்மூலம், நீதிமன்றங்கள் மூலமும் நெருக்கடி கொடுக்கத் தயாராகிறார்களோ என்ற எண்ணம் உருவாகிறது” என்றனர். ஓ.பி.எஸ் - இ.பி.எஸ்

”எது கள எதார்த்தமோ அதைச் சொல்கிறோம். எடப்பாடியின் வரலாறு அப்படி. எனவே, நாங்கள் சொல்வதால் அவர் சிறைக்குச் செல்வார் என்று பொருளில்லை. சசிகலா, தினகரனைத் தொடர்ந்து ஓ.பி.எஸ்-க்கும் கட்சித் தொண்டர்களுக்கும் துரோகம் செய்திருக்கிறார். அதற்கான பலனை அவர் அனுபவிப்பார்” என்கிறார்கள் ஓ.பி.எஸ் தரப்பினர்... தேர்தல் நெருங்க... நெருங்க... இந்த அரசியல் ஆட்டத்தில் இன்னும் சூடு கிளம்பும்... என்ன நடக்கிறது என்பதைப் பொறுத்திருந்து பார்க்கலாம்!

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/46c3KEkகொடநாடு வழக்கு: `எடப்பாடி பழனிசாமி ஆஜராக வேண்டும்!' - உயர் நீதிமன்றம் உத்தரவு


http://dlvr.it/T13vBR

Read More

Tamil Nadu Global Investors Meet: `இந்திய பொருளாதார வளர்ச்சியை தமிழ்நாடு வடிவமைக்கும்!' - முதல்வர் ஸ்டாலின்

`இந்திய பொருளாதார வளர்ச்சியை தமிழ்நாடு வடிவமைக்கும்!' - முதல்வர் ஸ்டாலின்



``தலைமைத்துவம், நீடித்த நிலைத்தன்மை, அனைவரையும் உள்ளடக்கிய வளர்ச்சியை என்ற கருப்பொருள்களில் இந்த மாநாடு நடைபெறுகிறது. இந்தியாவின் பொருளாதார வளர்ச்சியை வடிவமைப்பதில் தமிழ்நாடு முக்கியப் பங்காற்ற வேண்டும் என்ற குறிக்கோளோடு, 2030-ம் ஆண்டுக்குள் தமிழ்நாட்டின் பொருளாதாரத்தை ஒரு ட்ரில்லியன் அமெரிக்க டாலர் அளவுக்கு உயர்த்த வேண்டும் என்ற லட்சிய இலக்கை நான் நிர்ணயித்திருக்கிறேன்." - உலக முதலீட்டாளர்கள் மாநாட்டில் முதல்வர் ஸ்டாலின் பேச்சு

`1 ட்ரில்லியன் பொருளாதாரம்; இலக்கை அடைய தமிழ்நாடு அரசுக்கு வாழ்த்துகள்' - பியூஷ் கோயல்



`நாட்டில் உள்ள பணி செய்யும் பெண்களில் 43% பேர் தமிழ்நாட்டில் பணியாற்றுகின்றனர். மேலும் இந்த எண்ணிக்கை அதிகரித்து, நாட்டின் பொருளாதார உயர்வில் பெண்கள் பங்களிப்பு உயர வேண்டும் என விரும்புகிறேன். 2030-ம் ஆண்டுக்குள் ஒரு ட்ரில்லியன் பொருளாதாரம் என்ற இலக்கை அடைய, தமிழ்நாடு அரசுக்கு வாழ்த்துகள்!' - மத்திய அமைச்சர் பியுஷ் கோயல் உரை

`இந்தியத் தொழிற்துறை வளர்ச்சியில் தமிழ்நாட்டின் பங்களிப்பு மிகச் சிறப்பு!' - CII தேசிய தலைவர் தினேஷ் 

CII தேசிய தலைவர் தினேஷ்

``இந்திய தொழிற்துறை வளர்ச்சியில் தமிழ்நாடு சிறப்பான பங்களிப்பை வழங்கி வருகிறது. தமிழ்நாடு அரசின் தொழிற்கொள்கை குறித்தும், தொழில் நிறுவனங்களுக்கு தமிழ்நாடு அரசால் வழங்கப்படும் சலுகைகள் குறித்தும், பல நாடுகளில் பல நிறுவனங்கள் என்னிடம் தெரிவிக்கின்றன. முதலீடுகளை ஈர்க்கும் முக்கிய மாநிலமாக தமிழ்நாடு திகழ்கிறது. வேலைவாய்ப்புகளை உருவாக்குவதில் தமிழ்நாடு அரசு மிகுந்த கவனம் செலுத்தி வருகிறது. ஒரு ட்ரில்லியன் பொருளாதாரம் என்ற தமிழ்நாடு முதல்வரின் இலக்கை அடைய, இந்திய தொழில் கூட்டமைப்பு பங்களிக்கும்" - சென்னையில் நடைபெற்று வரும் உலக முதலீட்டாளர்கள் மாநாட்டில் Confederation Of Indian Industry-ன் தேசிய தலைவர் தினேஷ் பேச்சு

`தமிழ்நாட்டில் கூடுதலாக ரூ.6,000 கோடி முதலீடு!' - ஹூண்டாய் நிறுவனம் அறிவிப்பு



``தமிழ்நாட்டில் கடந்த ஆண்டு 20,000 கோடி ரூபாய் முதலீடு செய்த ஹூண்டாய் நிறுவனம், தற்போது கூடுதலாக 6,000 கோடி ரூபாய் முதலீடு செய்யவிருக்கிறது. தமிழ்நாட்டுக்கும் ஹூண்டாய் நிறுவனத்துக்கும் நீண்டகால தொழில் தொடர்பு உள்ளது.' - ஹூண்டாய் இந்திய நிர்வாக அதிகாரி

``இந்தியாவின் இரண்டாவது மிகப்பெரிய பொருளாதாரம் கொண்ட மாநிலம் தமிழ்நாடு!" - அமைச்சர் டி.ஆர்.பி.ராஜா

அமைச்சர் டி.ஆர்.பி.ராஜா

``இந்தியாவின் இரண்டாவது மிகப்பெரிய பொருளாதாரம் கொண்ட மாநிலம் தமிழ்நாடு. பல்வேறு துறைகளில் முதலிடத்திலும் இருக்கிறது. தமிழ்நாடு 45,000 தொழிர்சாலைகளுடன் உற்பத்தி மையமாகத் திகழ்கிறது. ஆட்டோ மொபைல், மின்வாகனம், டயர் உற்பத்தியில் தமிழ்நாடு முதலிடத்தில் இருக்கிறது. எலக்ட்ரானிக்ஸ் உற்பத்தி பொறுத்தவரையில் இந்தியாவின் ஏற்றுமதியில் தமிழ்நாட்டின் பங்களிப்பு 30 சதவிகிதம். தோல் பொருள்கள் உற்பத்தியில் நாட்டின் முதலிடத்தில் இருக்கிறோம். இந்தியாவில் வேலைக்கு செல்லும் மொத்த பெண்களில் தமிழ்நாட்டில் மட்டும் 43 சதவிகிதம். கல்வி மற்றும் மருத்துவத்தில் நாட்டில் முன்னணியில் இருக்கிறோம். தமிழ்நாடு, ஒவ்வொரு 250 பேருக்கும் ஒரு மருத்துவரைக் கொண்டிருக்கிறது. மேலும், ஒவ்வோர் ஆண்டும் ஒரு லட்சத்து ஐம்பதாயிரம் இன்ஜினீயர்களை உருவாக்குகிறோம். இந்தியாவின் டாப் 100 கல்லூரிகளில் 22 கல்லூரிகள் தமிழ்நாட்டில் இருக்கிறது." - உலக முதலீட்டாளர்கள் மாநாட்டில், தமிழ்நாடு தொழில்துறை அமைச்சர் டி.ஆர்.பி.ராஜா பேச்சு

உலக முதலீட்டாளர்கள் மாநாட்டைத் தொடங்கிவைத்தார் முதல்வர் ஸ்டாலின்!

Tamil Nadu Global Investors Meet:

நந்தனம் வர்த்தக மையத்தில், உலக முதலீட்டாளர்கள் மாநாட்டை, முதல்வர் ஸ்டாலின் தொடங்கி வைத்தார்.

Tamil Nadu Global Investors Meet: உலக முதலீட்டாளர்கள் மாநாடு... தொடங்கி வைக்கிறார் முதல்வர் ஸ்டாலின்!



உலக அளவில் பெரும் முதலீடுகளை ஈர்க்கும் வகையில், உலக முதலீட்டாளர்கள் மாநாடு நடத்தப்பட்டு வருகிறது. சர்வதேச அளவில் தொழில் முதலீடுகளை ஈர்த்திடும் நோக்கத்துடன், முதல்வர் ஸ்டாலின் ஐக்கிய அரபு நாடுகள், ஜப்பான், சிங்கப்பூர் உள்ளிட்ட நாடுகளுக்கு சுற்றுப்பயணம் மேற்கொண்டு, முதலீட்டுத் திட்டங்களுக்கான ஒப்பந்தங்களை மேற்கொண்டார்.

அதன் தொடர்ச்சியாக, தமிழ்நாட்டு பொருளாதாரத்தை 2030-ம் ஆண்டுக்குள் ஒரு ட்ரில்லியன் அமெரிக்க டாலர் அளவுக்கு உயர்த்திட வேண்டும் என்ற இலக்குடன், மாநில அரசு பல்வேறு நடவடிக்கைகளை மேற்கொண்டு வருகிறது. அதன் ஒரு பகுதியாக சென்னை நந்தம்பாக்கம் வர்த்தக மையத்தில், இன்றும் நாளையும் உலக முதலீட்டாளர்கள் மாநாடு நடைபெறவிருக்கிறது. உலக முதலீட்டாளர்கள் மாநாடு

இந்த தொடக்க விழா தொழில்துறை அமைச்சர் டி.ஆர்.பி.ராஜா தலைமையில் நடைபெறவிருக்கிறது. இன்று காலை 10 மணியளவில் முதல்வர் ஸ்டாலின் மாநாட்டை தொடங்கி வைத்து, சிறப்புரையாற்றவிருக்கிறார். இந்த மாநாட்டில் மத்திய அமைச்சர் பியூஷ் கோயல் சிறப்பு விருந்தினராக கலந்துகொள்கிறார். இந்த மாநாட்டில் 450-க்கும் மேற்பட்ட வெளிநாட்டு பிரதிநிதிகளும், 30,000-க்கும் மேற்பட்டோரும் பங்கேற்கவிருப்பதாகக் கூறப்படுகிறது.ஸ்டாலின்

அதேபோல இந்த மாநாட்டின் கருத்தரங்கில் ரிசர்வ் வங்கியின் முன்னாள் ஆளுநர் ரகுராம் ராஜன், மத்திய அரசின் தலைமை பொருளாதார ஆலோசகர் அரவிந்த் சுப்ரமணியன், இஸ்ரோ தலைவர் சோமநாத் உள்ளிட்ட பல முக்கிய பிரமுகர்கள் பங்கேற்று சிறப்புரையாற்றுகின்றனர். இந்த மாநாட்டின் மூலம் நூற்றுக்கணக்கான ஒப்பந்தங்களின் அடிப்படையில், ரூ.5.5 லட்சம் கோடி அளவுக்கான முதலீடுகள் ஈர்க்கப்பட வாய்ப்பு இருப்பதாகக் கூறப்படுகிறது.உலக முதலீட்டாளர்கள் மாநாடுகளால் தமிழகத்துக்கு இதுவரை கிடைத்தது என்ன?!


http://dlvr.it/T13v3Y

Read More

புதுச்சேரி: முதல்வர் ரங்கசாமி துறையில் சிபிஐ ரெய்டு; இரண்டு அதிகாரிகள் கைது! - பின்னணி என்ன?

புதுச்சேரி, அரியூர் பகுதியைச் சேர்ந்தவர் சோலை செல்வராஜ். அதே பகுதியில் இவருக்கு சொந்தமாக, `மணி பேக்கர்ஸ்’ என்ற பிளாஸ்டிக் தொழிற்சாலை இயங்கி வருகிறது. வணிக வரித்துறை அலுவலகத்திற்கு செலுத்த வேண்டிய வரியை செலுத்தாமல், வரி ஏய்ப்பு செய்த செல்வராஜ், போலி கணக்கு எழுதுவதற்காக வணிக வரி ஆலோசகர் ராதிகா என்பவரை அணுகியிருக்கிறார். அப்போது ``வணிக வரித்துறைக்கு செலுத்த வேண்டிய தொகையை குறைத்துக் கொடுத்தால், அதில் ஒரு பகுதியை உங்களுக்கு கமிஷனாக கொடுக்கிறேன்” என்று கூறியிருக்கிறார். உடனே அதற்கு சரியென்று சொன்ன ராதிகா, புதுச்சேரி வணிக வரித்துறையில் பணிபுரியும், உதவி வணிக வரித்துறை அதிகாரிகள் ஆனந்தன் மற்றும் முருகானந்தத்திடம் பேரம் பேசியிருக்கிறார்.கைதுசெய்யப்பட்டவர்கள்

அவர்களின் செல்போன் உரையாடல், சி.பி.ஐ அதிகாரிகளிடம் சிக்கியது. அதையடுத்து, இந்திரா காந்தி சிலை சதுக்கம் அருகில் உள்ள வணிக வரித்துறை அலுவலகத்துக்குள், நேற்று முன்தினம் மாலை சென்ற அதிகாரிகள், அதிரடி சோதனையில் ஈடுபட்டனர். அப்போது அங்கிருந்த வணிக வரித்துறை அதிகாரிகள் ஆனந்தன், முருகானந்தம், வணிக வரி ஆலோசகர் ராதிகா, பிளாஸ்டிக் தொழிற்சாலை அதிபர் செல்வராஜ் போன்றவர்களிடம் தனித்தனியே விசாரணை மேற்கொண்டனர். அவர்களிடம் நடத்திய விசாரணையில், வரி ஏய்ப்பு செய்ததும், அதை மறைப்பதற்காக லஞ்சம் வாங்கியதும் உறுதியானது.

அதையடுத்து ஆனந்தன், முருகானந்தம், ராதிகா மற்றும் செல்வராஜை கைதுசெய்த சி.பி.ஐ அதிகாரிகள், புதுச்சேரி நீதிமன்ற தலைமை நீதிபதியும், சி.பி.ஐ சிறப்பு நீதிமன்ற நீதிபதியுமான சந்திரசேகரன் முன்னிலையில் ஆஜர்படுத்தினர். அப்போது கைதுசெய்யப்பட்ட நான்கு பேரையும், 15 நாள்கள் நீதிமன்றக் காவலில் வைக்க உத்தரவிட்டார் நீதிபதி சந்திரசேகரன். அதையடுத்து அவர்கள் காலாப்பட்டு சிறையில் அடைக்கப்பட்டனர். முதலமைச்சர் ரங்கசாமி பொறுப்பு வகிக்கும் வணிக வரித்துறையில், லஞ்சம் பெறப்பட்ட புகாரில் அதிகாரிகள் கைதுசெய்யப்பட்டிருப்பது பரபரப்பை ஏற்படுத்தியிருக்கிறது.முதல்வர் ரங்கசாமி

 சி.பி.ஐ தரப்பில் விசாரித்தபோது, ``அரசுக்குச் செலுத்த வேண்டிய வரியை செலுத்தாமல், பொய் கணக்கு காட்டி வரி ஏய்ப்பு செய்திருக்கிறார்கள். அதை மறைப்பதற்காக லட்சக்கணக்கில் பேரம் பேசியிருக்கிறார்கள். அதற்கான ஆவணங்கள் எங்களிடம் சிக்கியது. அவர்களும் உண்மையை ஒப்புக்கொண்டார்கள். அதையடுத்து அவர்களைக் கைதுசெய்திருக்கிறோம்” என்றனர்.புதுச்சேரி: ``மதுபான தொழிற்சாலை விவகாரத்தில் முறைகேடு” - சிபிஐ விசாரணை கேட்கும் காங்கிரஸ்


http://dlvr.it/T13ttc

Read More

திண்டுக்கல் பேருந்து நிலையம் எதிரே ஆறாய் ஓடும் சிறுநீர் - நடவடிக்கை எடுக்குமா மாநகர நிர்வாகம்?!

தொழிற்சாலைகள், கட்டுமான மற்றும் கட்டட பொருள்களுக்கு முக்கிய இடமாகவும், தென் மாவட்டங்களுக்கும், வட மாவட்டங்களுக்கும் செல்ல ஏதுவாக போக்குவரத்துகள், கல்வி நிறுவனங்கள், மருத்துவமனைகள் என ஏராளமான மிக முக்கியமான பகுதிகளை தன்னகத்தே கொண்டு நகராட்சியிலிருந்து மாநகராட்சியாக தரம் உயர்த்தப்பட்டுள்ளது திண்டுக்கல்.

அப்படி மாநகராட்சியாக தரம் உயர்த்தப்பட்டாலும் இன்னும் அதன் உட்கட்டமைப்புகள் ஏதும் பெரிதாக மாற்றம் செய்யப்படதாக தெரியவில்லை. மாநகராட்சியாக தரம் உயர்த்திய பிறகு பேருந்து நிலையம் புதிதாக கட்ட கட்டுமான பணிகள் தொடங்கி, அதுவும் பாதியிலேயே நிற்கிறது.

பேருந்து நிலையத்திற்கு வரும் பயணிகளுக்கு ஏதுவாக எந்தவித அடிப்படை வசதிகளும் செய்யப்படாமல் முன்பு இருந்தது போலவே தற்போதும் திண்டுக்கல் மாநகராட்சி (பேருந்து நிலையம்) விளங்குகிறது.

திண்டுக்கல் மாநகராட்சி பேருந்து நிலையத்திலிருந்து சென்னை, திருச்சி, கரூர், கோவை, மதுரை, தஞ்சாவூர் என பல மாவட்டங்களுக்கும் பேருந்துகள் இயக்கப்படுகின்றன. ஒவ்வொரு நாளும் ஆயிரக்கணக்கான பயணிகள் பேருந்துகள் மூலமாக வந்து செல்கின்றனர்‌. அப்படி வரும் பயணிகளுக்காக கழிப்பிட வசதி, குடிநீர், செல்போன் சார்ஜ் போடும் வசதி, காத்திருப்பு அறை, பாலூட்டும் தாய்மார்கள் அறை என எவ்வித அடிப்படை வசதியும் மாநகராட்சி நிர்வாகம் சார்பில் செய்து தரப்படவில்லை என்ற குற்றச்சாட்டு நீண்ட காலமாகவே உள்ளது. பயணிகள் காத்திருப்பு அறை மிகவும் மோசமான நிலையில் தூய்மை படுத்தாமல், அதற்குள்ளேயே சிறுநீர் கழித்து தூய்மையற்ற இருக்கிறது. மேலும் மது அருந்தியவர்கள் போதையில் படுத்து இருப்பதால் அங்கு சென்று அமர பெண் பயணிகள் அஞ்சுகின்றனர். இதனால் பயணிகள் பெரிதும் சிரமத்திற்கு ஆளாகின்றனர்.

திண்டுக்கல் பேருந்து நிலையத்தில் உள்ள கழிப்பறைகள் பெரும்பாலும் பணம் கட்டி செல்லும் கட்டண கழிப்பறைகளாகவே இருக்கின்றன. மாநகராட்சி சார்பில் இலவச கழிப்பிட வசதி செய்து தரப்படாலும், அது தற்போது பயன்படுத்தப்பட முடியாத சூழலில் இருக்கிறது. இதனால் வெளி மாவட்டங்களில் இருந்து வரும் பயணிகள் தங்களுடைய இயற்கை உபாதைகளை கழிப்பதற்கு கட்டணம் தந்து செல்லும் நிலை தான் இருக்கிறது. அதேநேரம் பல பயணிகள் பேருந்து நிலையத்தில் எதிர்புறம் இருக்கிற இச்சுவர்பகுதியில் சிறுநீர் கழிக்கின்றனர்.

இப்படி தொடர்ந்து காலங்காலமாக சிறுநீர் கழிப்பதால் அங்கு சிறுநீர் சுமார் 800 மீட்டர் தூரத்திற்கு ஆறாய் ஓடுகிறது. அத்தோடு திண்டுக்கல் பேருந்து நிலையத்திற்கு அருகில் பள்ளிகள் கல்லூரிகள் என ஏகப்பட்ட கல்வி நிறுவனங்களும் இயங்குகின்றன. கல்வி நிறுவனங்கள் செல்வதற்கு பேருந்து நிலையத்திற்கு வரும் மாணவ, மாணவிகள் முகம் சுளிக்கும் அளவிற்கு அங்கு சிறுநீர் துர்நாற்றம் வீசுகிறது . அதன் மூலம் உடல் உபாதைகளும் ஏற்பட வாய்ப்புள்ளது. திண்டுக்கல் பேருந்து நிலையத்திற்கு வரும் பெண் பயணிகள் துர்நாற்றம் தாங்க முடியாமல் மூக்கை துணியால் பொத்திக்கொண்டு செல்லும் அவல நிலையே இருக்கிறது.

பேருந்து நடத்துநர்கள், ஓட்டுநர்கள், வெளியூர் செல்லும் பயணிகள் என பலரும் இப்பேருந்து நிலையத்திற்கு எதிர்புறம் இருக்கும் சுவர் மீது சிறுநீர் கழித்து அந்த இடத்தை மிகவும் மோசமான நிலையில் வைத்துள்ளனர். பயணிகள் அவ்விடத்தை கடக்கும் பொழுது சுவாசிக்க கூட முடியாமல் வாந்தியும், குமட்டலும் ஏற்படுவதாக தெரிவித்தனர். இதில் குறிப்பிடத்தக்க செய்தி என்னவென்றால் சிறுநீர் கழிக்கும் இடத்திற்கு அருகில் தான் திண்டுக்கல் மாவட்ட ஆட்சியரின் வீடும் அமைந்துள்ளது.

யாரேனும் அரசியல் பிரமுகர்கள் அந்த இடத்தை கடக்க நேரிட்டாலோ அல்லது ஏதும் பேரணி நடைபெற்றால் மட்டுமே மாநகராட்சி சார்பில் பொடி தூவிவிட்டு செல்வார்கள். ஆனால் இச்செயல் திரும்ப திரும்ப நடப்பதை தடுக்கும் வழிமுறைகளை மாநகராட்சி நிர்வாகம் எடுக்கவில்லை. அத்தோடு இலவச கழிப்பறையில் சிறுநீர் கழிக்கும் பேசின்கள் உடைந்தும், பராமரிப்பு இன்றியும், அதனை சுத்தப்படுத்தாது மிக மோசமாக துர்நாற்றம் வீசும் அளவிற்கு இருக்கிறது. ஆனால் இதுவரை எந்தவித நடவடிக்கையும் இதற்கு எடுத்தபாடில்லை.

பேருந்து நிலையத்தில் புதிய தூய்மையான இலவச கழிப்பறைகள், காத்திருக்கும் அறைகள், தூய குடிநீர் இவை மூன்றையும் உடனே வழங்க வேண்டும் என பயணிகள் தெரிவித்தனர். இப்படி திறந்தவெளி சிறுநீர் கழித்தலை திண்டுக்கல் மாநகராட்சி தடுக்க வேண்டும். இல்லையெனில் திறந்த வெளி சிறுநீர் கழித்தலை மாநகராட்சி நிர்வாகமே ஊக்குவித்தது போலாகிவிடும் என பயணிகள் கருத்துக்களை தெரிவித்தனர்.

இதுகுறித்து திண்டுக்கல் மாநகராட்சி மேயர் இளமதி ஜோதிபிரகாஷ் அவர்களிடம் பேசினோம். ``திறந்தவெளியில் சிறுநீர் கழித்தல் என்பது சுற்றுப்புறத்திற்கும், உடல் நலத்திற்கும் தீங்கு விளைவிக்கக் கூடியது. அதனால் தான் அரசாங்கமே திறந்தவெளியில் சிறுநீர் கழித்தலை ஒழிப்பதற்காக கழிப்பிடங்களை கட்டித் தந்திருக்கிறது. பேருந்து நிலையம் முழுவதும் சிசிடிவி கண்காணிப்பு கேமராக்கள் பொருத்தப்பட்டு இருக்கிறது. இலவச கழிப்பிடங்கள் மாநகராட்சி சார்பில் கட்டி தரப்பட்டுள்ளது, இன்னும் கூடுதலாக இலவச கழிப்பிடங்கள் தேவைப்பட்டால் மாநகராட்சி நிர்வாகம் சார்பில் கட்டித் தர ஏற்பாடு செய்யப்படுவதாக” தெரிவித்தார்.

மேலும், `பயணிகள் குறிப்பிடுவது போல பயன்படுத்த முடியாத, சுகாதாரமற்ற முறையில் இருக்கும் கழிப்பறைகளை உடனே விரைந்து மாநகராட்சி பணியாளர்கள் மூலம் சரிசெய்து மக்கள் பயன்பாட்டிற்கு கொண்டுவர ஆவன செய்வதாகவும்’ கூறினார்.

மேலும் தொடர்ந்தவர், `பொதுவெளியில் சிறுநீர் கழிக்கும் இடத்தில் மாநகராட்சி நிர்வாகம் சார்பில் "இங்கு சிறுநீர் கழிக்கக்கூடாது" என்ற தகவல் பலகையும், அத்தோடு அங்கு சிறுநீர் கழிக்க இயலாதவாறு மாநகராட்சி பணியாளர்கள் மூலம் ஏற்பாடு செய்வதாகவும், திண்டுக்கலை தூய்மையான மாநகராட்சியாக மாற்ற மக்களும், பயணிகளும் தான் ஒத்துழைப்பு தர வேண்டும் என்றும், அதற்கு மாநகராட்சி நிர்வாகம் முழு ஆதரவு அளிப்பதாகவும்’ மேயர் தெரிவித்தார்.

அரசு இது போன்ற சுகாதாரம் தொடர்பான விஷயங்களில் கூடுதல் கவனம் செலுத்தி நடவடிக்கை எடுக்க வேண்டியது அவசியம் என்ற போதும், பொது மக்களும் பொறுப்புள்ளவர்களாக இருக்க வேண்டிய கட்டாயம் இருக்கிறது. இவ்விரண்டும் இணையும் இடம் தான், முழுமையான தீர்வுக்கான இடமாக அமையும் என்பதில் சந்தேகம் இல்லை!

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/46c3KEk">
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/46c3KEk">
https://bit.ly/46c3KEk />

http://dlvr.it/T13tj4

Read More

வெள்ள நிவாரணம்: "வங்கியில் செலுத்தாமல் ரொக்கமாக வழங்கப்பட்டது ஏன்?" - அரசு சொன்ன விளக்கம்

மிக்ஜாம் புயல் காரணமாக ஏற்பட்ட வெள்ளத்தில் பாதிக்கப்பட்ட சென்னை உள்ளிட்ட நான்கு மாவட்டங்களைச் சேர்ந்த 37 லட்சம் குடும்பங்களுக்கு தலா 6 ஆயிரம் ரூபாய் நிவாரண உதவி வழங்க அரசு அறிவிப்பு வெளியிட்டது. ரொக்கமாக வழங்கப்படும் இந்த நிவாரணத் தொகையை சம்பந்தப்பட்டவர்களின் வங்கி கணக்கில் செலுத்தக் கோரி முன்னாள் ராணுவ வீரர் ராமதாஸ் என்பவரும், நிவாரண தொகையை அதிகரித்து வங்கி கணக்கில் வழங்க வேண்டும் என சட்டக் கல்லூரி மாணவர் செல்வகுமார் என்பவரும் சென்னை உயர் நீதிமன்றத்தில் பொது நல வழக்குகள் தாக்கல் செய்திருந்தனர்.மிக்ஜாம் புயல் நிவாரணம்

இந்த வழக்குகள் தொடர்பாக தமிழக அரசு தரப்பில் அரசு பிளீடர் முத்துகுமார் பதில் மனுத் தாக்கல் செய்தார். அந்த மனுவில்,"சென்னை காஞ்சிபுரம், திருவள்ளூர், செங்கல்பட்டு மாவட்டங்களைச் சேர்ந்த 24 லட்சத்து 25 ஆயிரத்து 336 குடும்பங்களுக்கு தலா 6 ஆயிரம் ரூபாய் வீதம் ஆயிரத்து 450 கோடியே 20 லட்சம் ரூபாய் நிவாரண உதவியாக விடுவிக்கப்பட்டு கடந்த டிசம்பர் 15-ம் தேதி அரசாணை பிறப்பிக்கப்பட்டது.

அதேபோல, நிவாரண உதவிக்கோரி விண்ணப்பிக்கும், குடும்பங்களில் தோராயமாக 10 சதவீத குடும்பத்தினருக்கு தலா 6 ஆயிரம் ரூபாய் வீதம் 31 கோடியே 74 லட்சத்து 58 ஆயிரம் ரூபாய் நிவாரண உதவியாக ஒதுக்கீடு செய்யப்பட்டது. இதுவரை, 23 லட்சத்து 18 ஆயிரம் குடும்பங்களுக்கு நியாயவிலை கடைகள் மூலமாக, நிவாரண தொகை வழங்கபட்டுள்ளதாகவும், நிவாரணத் தொகை கோரி அளிக்கப்பட்டுள்ள 7 லட்சத்து 3 ஆயிரத்து 170 விண்ணப்பங்கள் பரிசீலிக்கப்பட்டு, தகுதியான விண்ணப்பதாரர்களுக்கு வங்கி மூலம் நிவாரணத் தொகை டெபாசிட் செய்யபடும்.மிக்ஜாம் புயல் நிவாரணம்

மழை, வெள்ளம் காரணமாக ஏடிஎம்கள் செயல்படாததாலும், பயனாளிகள் வங்கிக் கணக்கு விவரங்களைப் பெற தாமதமாகும் என்பதாலுல், மழை வெள்ளத்தில் வங்கி கணக்கு விவரங்கள், ஏ.டி.எம்களை தொலைந்திருக்கக் கூடும் என்பதாலும், நிவாரணத் தொகையை ரொக்கமாக வழங்க உத்தரவிடப்பட்டது. சட்டம் - ஒழுங்கு பிரச்னை இல்லாமல், ரேஷன் கடைகள் மூலம் நிவாரணத் தொகை வழங்கபட்டது.

மழை வெள்ளத்தால் பலியானவர்களுக்கான இழப்பீடு, பயிர் சேதத்திற்கான இழப்பீடு, கால்நடைகளுக்கான இழப்பீடு, சேதமடைந்த படகுகளுக்கான இழப்பீடுகளை அதிகரித்தும் முதல்வர் உத்தரவு பிறப்பித்திருக்கிறார்" என விளக்கமளிக்கப்பட்டிருக்கிறது.முதல்வர் ஸ்டாலின்

இந்த வழக்கின் விசாரணையை பிப்ரவரி 2-ம் தேதிக்கு தலைமை நீதிபதி கங்கபுர்வாலா மற்றும் நீதிபதி பரத சக்கரவர்த்தி அடங்கி அமர்வு தள்ளிவைத்துள்ளது.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/46c3KEk">
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/46c3KEk">
https://bit.ly/46c3KEk />
வீட்டுக் காப்பீடு: வெள்ளம், தீ, புயல், பூகம்பம்... பறிபோகும் வீடு, உடைமைகளுக்கு பக்கா நிவாரணம்!


http://dlvr.it/T13tVN

Read More

``கூட்டணியிலிருந்து வெளியேற திருமாவளவன் காத்திருக்கிறார்!" - எல்.முருகன் சொல்வதென்ன?

ஜார்க்கண்டில் கடந்த நவம்பர் 15-ம் தேதி, `விகாஸ் பாரத் சங்கல்ப் யாத்ரா' என்ற பெயரில், மத்திய அரசின் திட்ட விழிப்புணர்வு பிரசார யாத்திரையை பிரதமர் மோடி தொடங்கி வைத்தார். 'நமது லட்சியம், வளர்ச்சியடைந்த பாரதம்' என்ற கருப்பொருளில் மத்திய அரசின் திட்டங்களை அவரவர் இருப்பிடத்துக்கே சென்று விளக்குவது, திட்டப் பயனாளிகளைச் சந்திப்பது, பயனாளிகளைக் கண்டறிந்து அவர்களுக்கு நலத்திட்ட உதவிகளை வழங்குவதுதான் இதன் நோக்கம்.விக்சித் பாரத் யாத்திரா

அதன்படி, புதுச்சேரி, தெலங்கானா உள்ளிட்ட 5 மாநிலங்களில் 'விக்சித் பாரத் சங்கல்ப் யாத்ரா' துவக்க நிகழ்ச்சி நேற்று மாலை நடந்தது. இதனை, காணொலி வாயிலாக பிரதமர் மோடி துவக்கி வைத்துப் பேசினார். புதுச்சேரி காமராஜர் மணிமண்டபத்தில் இது நேரலையாக ஒளிபரப்பு செய்யப்பட்டது. இந்த நிகழ்ச்சியில் மத்திய அமைச்சர் எல்.முருகன் உட்பட பலரும் கலந்துகொண்டனர்.

பின்னர், செய்தியாளர்களிடம் பேசிய எல்.முருகன், ``பிரதமர் மோடி, நவம்பர் 15-ம் தேதி ஜார்க்கண்ட் மாநிலத்தில், வளர்ந்த பாரதம் 2047 உறுதிமொழி யாத்திரையை தொடங்கி வைத்தார். பிரதமர் வீடு கட்டும் திட்டம், விவசாயிகளுக்கு ரூ.6,000 சன்மானம் வழங்கும் திட்டம், 80 கோடி பேருக்கு அரிசி, பருப்பு வழங்கும் திட்டம், ரூ.5 லட்சம் மதிப்புள்ள பிரதமர் இன்சூரன்ஸ் திட்டம், முத்ரா கடன் திட்டம், பீமா யோஜனா ஆயுள் காப்பீட்டு திட்டம் உள்ளிட்ட மத்திய அரசின் திட்டப் பயனாளிகளுடன் கலந்துரையாடல் செய்வது மற்றும் புதிய பயனாளிகளைச் சேர்ப்பது போன்றவைதான் இதன் நோக்கம்.எல்.முருகன்

இந்த வாகனத்தில் ஆதார் கார்டு திருத்தங்கள், சேர்க்கை ஆகியவைகளையும் செய்ய முடியும். 2047-ல் பாரத நாடு உலகத்துக்கு வழிகாட்டியாகவும், வல்லரசு நாடாகவும் இருக்க இப்போதே அடியெடுத்து வைத்திருக்கிறோம். மக்கள் கடமையுடன், காலனித்துவ மனோபாவத்தையும் விட்டுவிட்டு சேவை செய்ய வேண்டும். புதுச்சேரியில் ஒவ்வொரு வார்டு வாரியாக இந்த வாகனப் பயணம் மேற்கொள்ளவிருக்கிறது.

வாரிசாக பதவிக்கு வந்தவர் உதயநிதி. மழை நின்று 10 நாட்கள் ஆகின்றது. ஆனாலும் சென்னை புறநகரின் பல பகுதிகளில் மழைநீர் வடியாமல் இருக்கிறது. வாரிசு அடிப்படையில் பதவிக்கு வந்திருப்பதனால்தான் `அப்பன் வீட்டுப் பணமா?' என உதயநிதி கேட்கிறார். தேர்தல் மூலம் வந்திருந்தால் இதுபோன்று பேசியிருக்க மாட்டார். 2ஜி ஊழல், ஆற்றுமணல் ஊழல், ஏன் அவர்களது முன்னாள் நிதியமைச்சரே அவர்களின் குடும்பத்தின்மீது ஊழல் குற்றச்சாட்டு சுமத்தியிருக்கிறார்.உதயநிதி ஸ்டாலின்

ஒரே குடும்பத்திலிருந்து வந்ததால்தான், அவரின் எண்ணமும், செயல்களும், குடும்பத்தைச் சுற்றியே இருப்பதைத்தான் காட்டுகிறது. இந்தியா கூட்டணி உடைந்து போகும். அதற்கான வாய்ப்புகள் அதிகம் இருக்கிறது. காங்கிரஸ் கட்சியும், கம்யூனிஸ்ட் கட்சியும் கேரளாவில் இணைந்து போட்டியிடுமா... மேற்கு வங்கத்தில் கம்யூனிஸ்ட், காங்கிரஸ், திரிணாமுல் காங்கிரஸ் இணைந்து போட்டியிடுமா... டெல்லியில் ஆம் ஆத்மி காங்கிரஸ் இணைந்து போட்டியிடுமா... அகிலேஷ் யாதவ் அதிருப்தியில் இருக்கிறார்.

தமிழகத்தில் கூட்டணியில் இருந்து எப்போது வெளியில் வரலாம் என்று திருமாவளவன் காத்திருக்கிறார். இந்தியா கூட்டணியால் கூட்டம்கூட நடத்த முடியவில்லை. அதன் தலைவர்களிடம் ஒற்றுமையில்லை. மொத்தத்தில் அது ஒரு உருப்படாத கூட்டணி. புதுச்சேரியில் தேசிய ஜனநாயக கூட்டணி ஆட்சி நடைபெறுகிறது. கூட்டணியுடன் இணைந்து தேர்தல் பணியைத் தொடங்கியிருக்கிறோம்.திருமாவளவன்

மீனவர்கள் சிறை பிடிக்கப்படுவதைப் பொறுத்தவரை, இரண்டு நாடுகளுக்கிடையிலான பிரச்னை. மீனவர்கள் எல்லை தாண்டாமல் இருக்க ஜி.பி.எஸ் கருவி கொடுத்திருக்கிறோம். அவர்கள் கைதுசெய்யப்படும் பட்சத்தில், தலையிட்டு அவர்களை மீட்டு வருகிறோம். மீனவர்கள் கைதுசெய்யப்படுவது முழுமையாக நிறுத்தப்பட, நாடுகளுக்கு இடையிலான கூட்டம் நடைபெற வேண்டும். அந்த அரசியல் சூழ்நிலைகளால் கூட்டம் நடத்தப்படாமல் இருக்கிறது" என்றார்.மிரட்டும் பேய் மழை; மிதக்கும் சாத்தான்குளம்! | Spot Reporting Photo Album


http://dlvr.it/T0GpRn

Read More