India - Maldives Row: மோடி குறித்து அவதூறு; இந்தியாவைச் சீண்டிய மாலத்தீவு - இழப்பும் தாக்கமும் என்ன?

சமீபத்தில், பிரதமர் நரேந்திர மோடி இரண்டு நாள்கள் பயணமாக லட்சத்தீவுக்குச் சென்றுவந்தார். தனது லட்சத்தீவு பயணம் குறித்த அனுபவங்களை ட்விட்டர் எக்ஸ் தளத்தில் பகிர்ந்த பிரதமர், ‘லட்சத்தீவு, வெறும் தீவுகளின் கூட்டமல்ல. அது, காலம் காலமாக நீடித்துவரும் பாரம்பர்ய மரபு, மக்களுக்கான சான்று. கற்கவும், வளர்வதற்குமான வாய்ப்பாக என் பயணம் அமைந்தது’ என்று குறிப்பிட்டிருந்தார். மோடி

மேலும், ‘லட்சத்தீவுகளின் பிரமிக்க வைக்கும் அழகையும் அங்கு வாழும் மக்களின் அரவணைப்பையும் கண்டு பிரமிக்கிறேன். சாகச சுற்றுலா பயணத்தை விரும்புவோருக்கு லட்சத்தீவு மிகச் சிறந்த இடம். நான் ஸ்நோர்கெலிங் பொழுதுபோக்கில் ஈடுபட்டேன். கவச உடையில் நீருக்கடியில் மூழ்கியது புதிய அனுபவமாக இருந்தது’ என்று குறிப்பிட்டு, லட்சத்தீவு பயணத்தின்போது எடுக்கப்பட்ட புகைப்படங்களையும், வீடியோவையும் பிரதமர் பகிர்ந்திருந்தார்.

அந்தப் புகைப்படங்களும், வீடியோ பதிவுகளும் சமூக வலைதளங்களில் வைரலாகின. மோடியின் பயணத்தைத் தொடர்ந்து, கூகுளில் அதிகம் தேடப்பட்ட வார்த்தையாக `லட்சத்தீவு' மாறியது. இந்த நிலையில், மாலத்தீவு நாட்டின் அமைச்சர்கள் பிரதமர் மோடியை இழிவுபடுத்தும் வகையில் கருத்துகள் தெரிவித்தது, இரு நாடுகளிடையிலான உறவில் கடும் உஷ்ணத்தை ஏற்படுத்தியிருக்கிறது.லட்சத்தீவு

‘மாலத்தீவுக்கு மாற்றாக இந்தியாவின் லட்சத்தீவை மிகப்பெரிய சுற்றுலாத் தலமாக மாற்றுவதற்கு பிரதமர் நரேந்திர மோடி முயல்கிறார். மாலத்தீவை இந்தியா குறிவைக்கிறது’ என்று மாலத்தீவின் இளைஞர் நலத்துறை இணை அமைச்சர் அப்துல்லா மஹ்சூம் மஜித் ட்விட்டர் எக்ஸ் தளத்தில் குறிப்பிட்டிருக்கிறார். பிரதமர் மோடியை `இஸ்ரேலின் ஊதுகுழல்' என்று மாலத்தீவின் தகவல், கலைத்துறை இணை அமைச்சர் மரியம் ஷியுனா குறிப்பிட்டிருக்கிறார். கடலில் ஸ்கூபா டைவிங்... கடற்கரை ஓரம் ரிலாக்ஸ்... லட்சத்தீவில் பிரதமர் மோடி! | அசத்தல் போட்டோ ஆல்பம்

மாலத்தீவு இளைஞர் நலத்துறை இணையமைச்சர் மால்ஷா ஷெரீப், ‘மோடி முர்தாபாத்' என்று இந்திய பிரதமரை இழிவாக விமர்சித்தார். மாலத்தீவினுடைய ஆளுங்கட்சியின் மூத்த தலைவரான ஜாகித் ரமீஸ், இந்தியர்களை கேலி செய்யும் வகையில் சமூக வலைதளத்தில் கருத்துகளைத் தெரிவித்தார்.லட்சத்தீவில் பிரதமர் மோடி

‘சுற்றுலா துறையில் நாங்கள் வழங்கும் சேவையைப் போன்று இந்தியாவால் வழங்க முடியுமா... இந்தியர்களால் சுத்தத்தைப் பேண முடியுமா... இந்திய சுற்றுலா நகர அறைகளின் தூர்நாற்றமே, அந்த நாட்டின் சுற்றுலாத் துறையைப் படுபாதாளத்துக்கு தள்ளிவிடும்’ என்று ஜாகித் ரமீஸ் தனது பதிவில் கூறியிருந்தார். இந்தப் பதிவுகளுக்கு எதிராக எழுந்த கண்டனங்களைத் தொடர்ந்து, மாலத்தீவு அமைச்சர்கள் தங்கள் பதிவுகளை நீக்கிவிட்டனர்.அதிமுக: தேசியக் கட்சிகளை ஆதரிக்காமல் மக்களவைத் தேர்தலை சந்திப்பது சாதகமா, பாதகமா?!

ஆனாலும், இந்த விவகாரம் மாலத்தீவு அரசுக்குப் பெரும் தலைவலியை ஏற்படுத்தியிருக்கிறது. பிரதமர் மோடி பற்றி இழிவாகப் பதிவிட்ட மூன்று அமைச்சர்களையும் அந்நாட்டு அரசு தற்காலிகப் பதவிநீக்கம் செய்திருக்கிறது. அத்தோடு பிரச்னை முடிந்துவிடவில்லை. மாலத்தீவு அமைச்சர்களின் இழிவான கருத்துகள் குறித்து மாலத்தீவு அரசிடம் இந்தியா கேள்வி எழுப்பியிருக்கிறது. ஆனால், பிரதமர் மோடி குறித்து மாலத்தீவு அமைச்சர்களின் இழிவான பதிவுகளை, தனிப்பட்ட கருத்து என்ற ரீதியில் ஒதுங்கிக்கொள்ள மாலத்தீவு அரசு முயல்கிறது.பிரதமர் மோடி

இதற்கிடையில், ஏராளமான இந்தியர்கள் மாலத்தீவுக்குச் சுற்றுலா செல்வதற்காக திட்டமிட்டிருந்த பயணத்தை ரத்து செய்திருக்கிறார்கள். இதனால், மாலத்தீவுக்குச் செல்லும் விமானங்கள் ரத்துசெய்யப்பட்டிருப்பதாகச் சொல்லப்படுகிறது. ஏராளமான ஹோட்டல் முன்பதிவுகளும் ரத்துசெய்யப்பட்டிருக்கின்றன. இதனால், மாலத்தீவு நாட்டின் சுற்றுலாத்துறை பெரும் பாதிப்புகளைச் சந்தித்துவருகிறது.

இந்தியர்கள் விரும்பி சுற்றுலா செல்லக்கூடிய நாடுகளில் மாலத்தீவு முதன்மையானது. கடந்த டிசம்பரில் மாலத்தீவுக்கு சென்ற சுற்றுலா பயணிகளில் பெரும்பாலோர் இந்தியர்கள் என்பது குறிப்பிடத்தக்கது. தற்போது, ஏராளமானோர் மாலத்தீவு பயணத்தை ரத்துசெய்திருப்பதால், அந்நாட்டின் சுற்றுலாத்துறை சார்ந்த பொருளாதாரம் கடுமையாகப் பாதிக்கப்பட்டிருக்கிறது.லட்சத்தீவு

மாலத்தீவுக்குச் செல்வதற்கு பதிலாக, லட்சத்தீவுக்கு சுற்றுலா செல்லுமாறு திரைக்கலைஞர்களும், விளையாட்டு வீரர்களும், அரசியல் பிரபலங்களும் தங்கள் சமூக வலைதளப் பக்கங்களில் பதிவுகளை வெளியிட்டுவருகிறார்கள். மோடி குறித்து அவதூறு; டிரெண்டான Boycott ஹேஷ்டேக்; மாலத்தீவு அமைச்சர்கள் சஸ்பெண்ட்! - என்ன நடந்தது?


http://dlvr.it/T16D31

Read More

TNGIM 2024: `2 நாள்களில் ரூ.6,64,180 கோடி அளவுக்கான முதலீடுகள்..!' - முதல்வர் ஸ்டாலின் தகவல்

தமிழ்நாடு தொழிற்துறை அமைச்சர் டி.ஆர்.பி.ராஜா தலைமையிலான `உலக முதலீட்டாளர்கள் மாநாடு- 2024' இரண்டாவது நாளாக இன்றும் நடைபெற்றது. இதில், இந்திய மற்றும் வெளிநாட்டு முதலீட்டாளர்கள் முதல் மாநில அமைச்சர்கள், எம்.பி-க்கள், எம்.எல்.ஏ-க்கள் எனப் பலரும் கலந்துகொண்டனர். இந்த நிலையில், இரண்டு நாள்கள் உலக முதலீட்டாளர்கள் மாநாடு மூலம் ரூ.6,64,180 கோடி அளவுக்கு முதலீடு செய்யப்பட்டிருப்பதாகவும், இதனால் 26,90,657 பேருக்கு வேலைவாய்ப்புகள் கிடைக்கும் என்றும் முதல்வர் ஸ்டாலின் தெரிவித்திருக்கிறார்.உலக முதலீட்டாளர்கள் மாநாடு

நிகழ்ச்சியில் நன்றியுரையாற்றுகையில் இதனைத் தெரிவித்த முதல்வர் ஸ்டாலின், ``இந்த உலக முதலீட்டாளர்கள் மாநாடு மூலமாகத் தமிழ்நாட்டின் 20 ஆண்டுகால வளர்ச்சிக்கு அடித்தளம் அமைக்கப்பட்டிருக்கிறது. நாங்கள் ஆட்சிக்கு வந்த பிறகு `முதலீட்டாளர்களின் முதல் முகவரி தமிழ்நாடு' என்ற பெயரில் நடத்தப்பட்ட முதலீட்டாளர்கள் மாநாடுகள் மூலமாக ரூ.1,90,803 கோடிக்கான முதலீடுகள் ஈர்க்கப்பட்டதன் மூலம் 2,80,600 பேருக்கு வேலைவாய்ப்புகள் ஏற்பட்டது. ஐக்கிய அரபு நாடுகள், சிங்கப்பூர், ஜப்பான் ஆகிய நாடுகளுக்கு நான் பயணம் மேற்கொண்டதன் மூலம் 17,371 பேருக்கு வேலைவாய்ப்புகள் ஏற்படுத்துகிற வகையில், ரூ.7,441 கோடி மதிப்பிலான முதலீடுகள் பெற்றோம்.

இந்த முதலீடுகள் செயல் வடிவம் பெறுவதைத் தொடர்ந்து நான் கண்காணிப்பேன். அந்த வகையில் ஆட்சிக்கு வந்த நாள் முதல் இதுவரைக்கும் 44 தொழிற்சாலைகளுக்கு அடிக்கல் நாட்டியிருக்கிறேன். 27 தொழிற்சாலைகளைத் திறந்து வைத்திருக்கிறேன். இதன் மூலமாக 74,757 இளைஞர்கள் மற்றும் மகளிருக்கு வேலை வாய்ப்பு ஏற்படுத்தப்பட்டிருக்கிறது. அதுபோல இந்த மாநாடு தமிழ்நாட்டின் தொழில் வளர்ச்சியில் பெரும் பாய்ச்சலாக அமையும். உலக அளவில் முதலீட்டுக்கான சிறந்த மாநிலமாகத் தமிழ்நாட்டை முன்னேற்ற வேண்டும் என்று அதிகாரிகளுக்கு அன்பு கட்டளையிட்டிருக்கிறேன்.முதல்வர் ஸ்டாலின்

இந்த உலக முதலீட்டாளர்கள் மாநாட்டின் மூலம் இறுதி செய்யப்பட்ட மொத்த முதலீடுகள் ரூ.6,64,180 கோடி என்பதை இந்தியாவே உற்றுநோக்கும் வகையில் மகிழ்ச்சியோடு அறிவிக்கிறேன். இந்த திட்டங்கள் மூலம் நேரடி வேலைவாய்ப்பு என்ற வகையில் 14,54,712 நபர்களுக்கும், மறைமுக வேலைவாய்ப்பு என்ற வகையில் 12,35,945 நபர்களுக்கும் என மொத்தம் 26,90,657 வேலைவாய்ப்புகள் உருவாக்கப்படும். மேம்பட்ட மின்னணுவியல் உற்பத்தி, பசுமை எரிசக்தி, தோல் அல்லாத காலணிகள், வாகனங்கள், மின் வாகனங்கள், வான்வெளி மற்றும் பாதுகாப்பு, தரவு மையங்கள், திறன்மிகு மையங்கள் தகவல் தொழில்நுட்ப சேவைகள் போன்ற பலதரப்பட்ட துறைகள் மூலமாக இந்த முதலீடுகள் வந்திருக்கிறது.

ஈர்க்கப்பட்டுள்ள மொத்த முதலீடுகளில், உற்பத்தித் துறையில், தொழில் முதலீட்டு ஊக்குவிப்பு மற்றும் வர்த்தகத் துறை சார்பாக, ரூ.3,79,809 கோடி முதலீடுகள், எரிசக்தித் துறை சார்பாக ரூ.1,35,157 கோடி முதலீடுகள், வீட்டுவசதி மற்றும் நகர்ப்புற வளர்ச்சித் துறை சார்பாக ரூ.62,939 கோடி முதலீடுகள், தகவல் தொழில்நுட்பத் துறை மற்றும் டிஜிட்டல் சேவைகள் துறை சார்பாக ரூ.22,130 கோடி முதலீடுகள், பெருந்தொழிற்சாலைகளுக்கு வலுவான விற்பனையாளர் தளத்தை வழங்கும் குறு, சிறு மற்றும் நடுத்தரத் தொழில் நிறுவனங்கள் துறை சார்பாக ரூ.63,573 கோடி முதலீடுகள் ஈர்க்கப்பட்டுள்ளது. சீரான, பரவலான வளர்ச்சியை உறுதிப்படுத்துகின்ற விதமாக, இந்த முதலீடுகள் எல்லாம், மாநிலம் முழுவதும் பரவலாக மேற்கொள்ளப்படவிருக்கிறது.

2030-ம் ஆண்டுக்குள், தமிழ்நாடு ஒரு டிரில்லியன் அமெரிக்க டாலர் பொருளாதார வளர்ச்சி பெற்ற மாநிலமாகவும், இந்தியப் பொருளாதாரத்துக்கு மிக முக்கிய பங்களிக்கின்ற மாநிலமாகவும் சிறந்திட, பெரும் லட்சிய இலக்கை நிர்ணயித்து நாங்கள் செயல்பட்டு வருகிறோம். 20-க்கும் மேற்பட்ட கொள்கைகளை வெளியிட்டு, அந்தத் துறைகளில் உற்பத்தி மட்டுமல்லாமல், ஏற்றுமதியையும் வெகுவாக பெருக்கிடும் வகையில் முதலீடுகளைக் கணிசமாக ஈர்த்து, அதன்மூலம் வேலைவாய்ப்புகளை வெகுவாக அதிகரித்து வருகிறோம். மிகப்பெரும் உள்கட்டமைப்புத் திட்டங்கள் மேற்கொள்ளப்படும்போது, அதற்கான முதலீடுகள் முழுவதையும் அரசே மேற்கொள்வது கடினம். கூட்டு முயற்சியில், தனியார் துறைகளோடு இணைந்து செயல்படுவதுதான் நடைமுறையில் சாத்தியம்.

அந்த வகையில், அப்படிப்பட்ட முதலீடுகளை ஈர்க்க, தனியார் மற்றும் அரசுத் துறைகளின் சிறந்த நடைமுறைகளை இணைத்து, பொது-தனியார் கூட்டாண்மைக் கொள்கையையும் (Public-Private Partnership Policy) வெளியிட்டிருக்கிறோம். தமிழ்நாடு அரசின் புத்தொழில் மற்றும் புத்தாக்க ஊக்குவிப்பு நிறுவனமான STARTUP தமிழ்நாடு உருவாக்கியுள்ள டேன்-ஃபண்ட் மூலம் பன்னாட்டுத் துணிகர முதலீட்டு நிறுவனங்களை (Venture Funds) தமிழ்நாட்டின் புத்தொழில் நிறுவனங்களோடு இணைப்பதற்கான தளம், இன்றைக்குத் தொடங்கி வைக்கப்பட்டிருக்கிறது. நமது Startup தமிழ்நாடு, உலகளாவிய புத்தாக்கச் சூழல்களை ஆராயும் தரவு மற்றும் ஆலோசனை நிறுவனமான ஸ்டார்ட்அப் ஜினோம் ஆகியவற்றுக்கிடையே ஒத்துழைப்புக்கான ஒப்பந்தம் மேற்கொள்ளப்பட்டிருக்கிறது.Tamil Nadu Global Investors Meet: உலக முதலீட்டாளர்கள் மாநாடு

மாநிலத்திலுள்ள கல்லூரிகள் மூலமும், `நான் முதல்வன்' திட்டம் மூலமும் மாணவர்கள் அதிக அளவில் இந்த மாநாட்டில் பங்கேற்றுப் பயனடைய வாய்ப்பளிக்கப்பட்டிக்கிறது. சுமார் இருபதாயிரம் பிரதிநிதிகள் மற்றும் 39 லட்சம் மாணவர்கள், இதில் கலந்துகொண்டு பயனடைந்திருக்கிறார்கள். எங்களுடைய அரசை பொறுத்தவரைக்கும், நீங்கள் புரிந்துணர்வு ஒப்பந்தம் கையெழுத்துப் போடுவதிலிருந்து உங்களுடைய எல்லா செயல்களுக்கும், அதாவது நீங்கள் உங்கள் தொழிற்சாலையை முழுமையாகக் கட்டி முடித்து, உற்பத்தியைத் தொடங்குவதிலிருந்து, அதற்கு பிறகும்கூட, உங்களுக்கு நாங்கள் உறுதுணையாக இருப்போம். உங்களுக்குத் தேவையான எல்லா க்ளியரன்சும் - சிங்கிள் விண்டோ சிஸ்டம் மூலமாக, விரைந்து வழங்கப்படும். இந்த புரிந்துணர்வு ஒப்பந்தங்களை நடைமுறைப்படுத்த, தொழிற்துறை அமைச்சர் தலைமையில் ஒரு சிறப்புக்குழு அமைக்கப்படும்.

உங்களுக்கு எந்த தருணத்திலும், என்னிடம் ஏதாவது தகவல் தெரிவிக்க வேண்டும் என்றால், என்னுடைய அலுவலகத்தை, நீங்கள் எப்போது வேண்டுமானாலும் தொடர்பு கொள்ளலாம். இந்த உறுதிமொழியை நான் தொழிற்துறை அமைச்சர் மற்றும் அரசு அலுவலர்கள் முன்னிலையில் வழங்குகிறேன். அதனால் நீங்கள் நம்பிக்கையுடன் இருக்கலாம். இதுவரை, இங்கே முதலீடு செய்யாதவர்களும், எங்கள் மாநிலத்தில் முதலீடு செய்ய முன்வாருங்கள் என்று அன்போடு அழைக்கிறேன். உங்கள் எல்லோரையும் நான் தொழில்முனைவோராக மட்டுமில்லாமல் தமிழ்நாட்டின் நல்லெண்ணத் தூதுவர்களாகப் பார்க்கிறேன். எனவே, தமிழ்நாட்டை உலகுக்கு அறிமுகம் செய்யுங்கள். உலக நாடுகளைத் தமிழ்நாட்டுக்கு அழைத்து வாருங்கள்" என்று கூறினார்.உலக முதலீட்டாளர்கள் மாநாடுகளால் தமிழகத்துக்கு இதுவரை கிடைத்தது என்ன?!


http://dlvr.it/T16Cn2

Read More

எம்.பி சீட்டுக்கு அழுத்தம் கொடுக்கும் பூவை ஜெகன் - அதிமுக முடிவு என்ன?!

2024 நாடாளுமன்றத் தேர்தலுக்கான அறிவிப்பு விரைவில் வெளியிடப்படலாம் என்று எதிர்பார்க்கப்படுகிறது. தமிழ்நாட்டில் பெரிய கட்சியான திமுக-வும், அதிமுக-வும் அதற்கான பணிகளை துரிதப்படுத்தி வருகின்றன. இந்த நாடாளுமன்றத் தேர்தலுக்கும் 2026-ல் நடக்கவிருக்கும் சட்டமன்றத் தேர்தலுக்கும் பா.ஜ.க-வுடன் கூட்டணி இல்லை என்பதை அ.தி.மு.க பொதுச் செயலாளர் எடப்பாடி பழனிசாமி மீண்டும் மீண்டும் சொல்லி வருகிறார். இதனால், தமிழ்நாட்டில் பா.ஜ.க-வின் என்.டி.ஏ கூட்டணியில் விரிசல் விழுந்து இருக்கிறது. என்.டி.ஏ கூட்டணியில் இருந்த கிருஷ்ணசாமியின் புதிய தமிழகம் கட்சியும், பூவை ஜெகன் மூர்த்தியின் புரட்சி பாரதம் கட்சியும் அ.தி.மு.க பக்கமும், ஜான்பாண்டியனின் தமிழக முன்னேற்ற கழகமும், ஏ.சி. சண்முகத்தின் புதிய நீதிக்கட்சியும் பா.ஜ.க பக்கமும் இருக்கிறது. எடப்பாடி பழனிசாமி

அதன்படி, அ.தி.மு.க கூட்டணியில் இருக்கும் கிருஷ்ணசாமிக்கு தென்காசி தொகுதி ஒதுக்கப்படுவதாக பேச்சு அடிப்படுகிறது. அதேபோல, பூவை ஜெகன் மூர்த்தியும் சீட் கேட்பதாக தகவல் வெளியாகி இருக்கிறது.

இதுதொடர்பாக அதிமுக வட்டாரத்தில் விசாரித்தபோது, " 2019 நாடாளுமன்றத் தேர்தலில் இருந்து புரட்சி பாரதம் கட்சி அதிமுகவுக்கு ஆதரவு கொடுத்து வருகிறது. அதன்படி, 2021 சட்டமன்றத் தேர்தலில் புரட்சி பாரதத்துக்கு கே.பி.குப்பம் தொகுதி ஒதுக்கப்பட்டது. இரட்டை இலை சின்னத்தில் போட்டியிட்டு ஜெகன் மூர்த்தி வெற்றியும் பெற்றார். பா.ஜ.க-வுடன் கூட்டணி இல்லை என்பதை அறிவித்ததும், முதல் ஆளாக அதிமுக-வுக்கு ஆதரவு கொடுத்தது ஜெகன்தான். அவரின் கட்சி சார்பாக மனிதம் காப்போம் மாநாடு விழுப்புரத்தில் கடந்த டிசம்பர் 20-ம் தேதி நடத்தப்பட்டது. புரட்சி பாரதம் கட்சியின் மனிதம் காப்போம் மாநாட்டில் எடப்பாடி

அதில் சிறப்பு விருந்தினராக பொதுச் செயலாளர் எடப்பாடியை அழைத்து பெருமைப்படுத்தினார் ஜெகன். இதனால், எடப்பாடியும் ஜெகன் மீது நல்ல அன்பில் இருக்கிறார். இந்நிலையில்தான், வரும் நாடாளுமன்றத் தேர்தலுக்காக தமிழ்நாட்டில் உள்ள 7 தனித்தொகுதியில் ஏதேனும் ஒரு தொகுதியை கேட்டு இருக்கிறார் ஜெகன். அதிலும் குறிப்பாக புரட்சி பாரதம் பலமாக இருக்கும் திருவள்ளூர், காஞ்சிபுரம், விழுப்புரம் ஆகிய தொகுதிகளில் ஒன்றை குறிவைக்கிறார். இதுதொடர்பான பேச்சுவார்த்தை தலைமை கழகத்தில் நடந்து வருகிறது. நல்ல முடிவை எடப்பாடியாரே விரைவில் அறிவிப்பார்" என்றனர்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/46c3KEk">
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/46c3KEk">
https://bit.ly/46c3KEk />

http://dlvr.it/T15qWn

Read More

Bilkis Bano: ”குஜராத் அரசின் அதிகார துஷ்பிரயோகத்துக்கு எடுத்துக்காட்டு!" - தீர்ப்பின் முழு விவரம்

குஜராத் மாநிலத்தில், 2002-ல் அப்போதைய முதலமைச்சர் மோடி தலைமையிலான ஆட்சி நடைபெற்றுக் கொண்டிருந்தபோது, நிகழ்ந்த கோத்ரா ரயில் சம்பவமும், அதன்பின் நடந்த கலவரமும் இந்திய வரலாற்றின் அழியா கறுப்பு பக்கங்களாக இருக்கிறது. இந்தக் கலவரத்தில் மட்டும், 700-க்கும் மேற்பட்ட இஸ்லாமியர்களும், 250-க்கும் மேற்பட்ட இந்துக்களும் உயிரிழந்தனர். அதிலும் குறிப்பாக, இஸ்லாமிய மதத்தைச் சேர்ந்த ஐந்து மாத கர்ப்பிணி பில்கிஸ் பானு, கலவரக்காரர்களால் கூட்டு பாலியல் வன்கொடுமை செய்யப்பட்ட சம்பவம் பேரதிர்ச்சியை ஏற்படுத்தியது.பில்கிஸ் பானு வழக்கு

இந்த சம்பவத்தின்போது, அவரின் மூன்று வயது குழந்தை உட்பட அவருடைய குடும்பத்தைச் சேர்ந்த 14 பேர் கொல்லப்பட்டனர். அதன்பிறகு இந்த சம்பவம் வெளியே தெரியவந்து, பல்வேறு போராட்டங்களுக்குப் பிறகு, 2008-ல் பில்கிஸ் பானுவுக்கு நீதி கிடைக்கும் வகையில், இந்த வழக்கில் 11 குற்றவாளிகளுக்கு நீதிமன்றத்தால் ஆயுள் தண்டனை வழங்கப்பட்டது. அதோடு, பாதிக்கப்பட்ட பில்கிஸ் பானுவுக்கு 50 லட்சம் ரூபாய் இழப்பீடும், அரசு வேலையும், பாதுகாப்பான வீடும் குஜராத் அரசு வழங்க வேண்டும் என்று உச்ச நீதிமன்றம் தீர்ப்பளித்தது.

ஆனால், பில்கிஸ் பானுவுக்கு கிடைத்த நீதி கானல் நீராகும் வகையில், அந்த 11 குற்றவாளிகளும் வெளியில் சுதந்திரமாக நடமாட நன்னடத்தைப் பெயரில் 2022-ம் ஆண்டு சுதந்திர தினத்தன்று குஜராத் அரசு அந்தக் குற்றவாளிகளை விடுதலை செய்தது. நாட்டையே அதிர்ச்சிக்குள்ளாக்கிய கொடூரமான கூட்டு பாலியல் வன்கொடுமை வன்கொடுமை வழக்கின் குற்றவாளிகளை, 14 ஆண்டுகளில் குஜராத் அரசு தாமாக முன்வந்து விடுதலை செய்தது பெரும் விவாதத்தைக் கிளப்பியது. பா.ஜ.க அரசுக்கு எதிராக பல்வேறு கண்டனங்கள் எழுந்தன.பில்கிஸ் பானு - Bilkis Bano

அதன் தொடர்ச்சியாக, உச்ச நீதிமன்றத்தில் 11 குற்றவாளிகளின் விடுதலைக்கெதிராக மனுக்கள் குவிந்தன. குறிப்பாக, பில்கிஸ் பானு உட்பட இந்திய பெண்கள் தேசிய கூட்டமைப்பு, அதன் பொதுச் செயலாளர் அன்னி ராஜா, இந்திய கம்யூனிஸ்ட் கட்சி (மார்க்சிஸ்ட்) உறுப்பினர் சுபாஷினி அலி, பத்திரிகையாளர் ரேவதி லால், சமூக ஆர்வலரும் பேராசிரியருமான ரூப் ரேகா வர்மா, திரிணாமுல் காங்கிரஸ் முன்னாள் எம்.பி மஹுவா மொய்த்ரா ஆகியோர் மனுக்களை தாக்கல் செய்திருந்தனர்.

இதனை விசாரித்த உச்ச நீதிமன்ற நீதிபதிகள் பி.வி.நாகரத்னா, உஜ்ஜல் புயான் ஆகியோர் அடங்கிய அமர்வு, 11 குற்றவாளிகளையும் விடுவித்ததற்கான ஆவணங்களை சமர்ப்பிக்குமாறு மத்திய அரசுக்கும், குஜராத் அரசுக்கும் உத்தரவிட்டது. பின்னர், 11 நாள் விசாரணைக்குப் பிறகு அக்டோபர் 12 தேதியன்று தீர்ப்பை ஒத்திவைப்பதாக உச்ச நீதிமன்ற அமர்வு தெரிவித்தது.உச்ச நீதிமன்றம் - பில்கிஸ் பானு

இந்த நிலையில், உச்ச நீதிமன்றத்தில் 11 குற்றவாளிகளின் விடுதலைக்கெதிரான வழக்கில் இன்று தீர்ப்புக்கு வந்தது. அப்போது, இந்த வழக்கில் குற்றவாளிகளை முன்விடுதலை செய்ய குஜராத் அரசுக்கு அதிகாரமில்லை எனக் கூறிய உச்ச நீதிமன்ற அமர்வு, 11 குற்றவாளிகளின் முன்விடுதலையை ரத்து செய்து தீர்ப்பளித்தது.

தீர்ப்பை வாசித்த நீதிபதி பி.வி.நாகரத்னா, ``குற்றம் நடந்த இடத்தை விட, விசாரணை நடத்தப்பட்டு தண்டனை வழங்கப்பட்ட இடத்துக்கு முக்கியத்துவம் கொடுக்கப்படுகிறது. அதன்படி, குற்றவாளிக்குத் தண்டனை விதித்த மாநிலத்தின் அரசே, அதில் மன்னிப்பு வழங்குவதற்கான பொருத்தமான அரசாக இருக்கும். மாறாக, குற்றம் நடந்த மாநிலத்தின் அரசு அல்ல.உச்ச நீதிமன்றம்

எனவே, நிவாரணத்துக்கான (தண்டனை குறைப்பு) விண்ணப்பங்களைப் பரிசீலிக்கவோ அல்லது அதற்கான உத்தரவுகளைப் பிறப்பிக்கவோ குஜராத் மாநில அரசுக்கு எந்தத் தகுதியும் இல்லை. சுவாரஸ்யமான விஷயம் என்னவென்றால், இதற்கு முந்தைய தீர்ப்பில், இதில் மகாராஷ்டிராதான் பொருத்தமான அரசு என்று இந்த நீதிமன்றத்தில் குஜராத் அரசு அறிக்கை சமர்ப்பித்தது. ஆனால், இந்த வாதம் நிராகரிக்கப்பட்டது. அதன்பிறகு, குஜராத் அரசு மறுஆய்வு மனு தாக்கல் செய்யவில்லை. அவர்கள், ஏன் தாக்கல் செய்யவில்லை என்பதை நாங்கள் புரிந்து கொள்ளத் தவறிவிட்டோம். அரசு மறுபரிசீலனை செய்ய மனு தாக்கல் செய்திருந்தால், அடுத்தடுத்த வழக்குகள் வந்திருக்காது. இந்த விவகாரத்தில், மகாராஷ்டிர அரசின் அதிகாரங்களைக் குஜராத் அரசு அபகரித்திருக்கிறது.

குஜராத் மாநிலம், குற்றவாளிகளுக்கு உடந்தையாகச் செயல்பட்டது. இந்த அச்சம்தான் விசாரணையை மாநிலத்துக்கு வெளியே மாற்ற இந்த நீதிமன்றம் வழிவகுத்தது. குஜராத் மாநிலம் தனது அதிகாரத்தைப் பயன்படுத்தியிருப்பது, அதிகாரத்தை அபகரிப்பதற்கும், அதிகார துஷ்பிரயோகத்துக்கும் சிறந்த எடுத்துக்காட்டு.குற்றவாளிகள்

உச்ச நீதிமன்றத்தின் உத்தரவைப் பயன்படுத்தி, நிவாரணம் அளித்து, சட்ட விதிகளை மீறும் வகையில் அமைந்திருக்கிற வழக்கு இது. ஜனநாயகத்தில் சட்டத்தின் ஆட்சி பாதுகாக்கப்பட வேண்டும். இங்கு இரக்கத்துக்கும், அனுதாபத்துக்கும் எந்தப் பங்கும் இல்லை. சட்டத்தின் ஆட்சியைக் கடைப்பிடிக்காமல் நீதி வழங்க முடியாது. நீதி என்பது குற்றவாளிகளின் உரிமைகளை மட்டுமல்ல, பாதிக்கப்பட்டவர்களின் உரிமைகளையும் உள்ளடக்கியது. எனவே, இந்த வழக்கில் 11 குற்றவாளிகள் அடுத்த இரண்டு வாரங்களுக்குள் மீண்டும் சிறையில் சரணடைய வேண்டும். குற்றவாளிகளின் சுதந்திரம் பறிக்கப்படுவது என்பது நியாயமானதாகவே நாங்கள் கருதுகிறோம். குற்றம்சாட்டப்பட்டு, சிறையிலடைக்கப்பட்டவுடனே தங்களின் சுதந்திரத்தை அவர்கள் இழக்கின்றனர். மீண்டும், அவர்கள் நிவாரணம் பெற விரும்பினால் அதற்கு சிறையில் இருப்பது அவசியம்" என்று உத்தரவிட்டார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/46c3KEk">
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/46c3KEk">
https://bit.ly/46c3KEk />
தேசத்தை உலுக்கிய பில்கிஸ் பானோ வழக்கில் 11 குற்றவாளிகளும் விடுதலை - எதிர்ப்பு வலுப்பது ஏன்?!


http://dlvr.it/T15qHj

Read More

``இதனால்தான் அரசியலிலிருந்து விலகினேன்" - 9 நாளில் கட்சியிலிருந்து விலகியது குறித்து அம்பத்தி ராயுடு

2019-ம் ஆண்டு உலக கோப்பை ஒருநாள் போட்டித்தொடரில் இந்திய அணிக்கு தான் தேர்வாகாத அதிருப்தியில் அதிரடியாக சர்வதேச கிரிக்கெட்டில் ஓய்வை அறிவித்த அம்பத்தி ராயுடு, கடந்த ஆண்டு நடைபெற்ற ஐ.பி.எல் தொடரில் வெற்றிக் கோப்பையோடு அனைத்து விதமான கிரிக்கெட்டிலிருந்தும் ஓய்வுபெற்றார். அதோடு தனது இரண்டாவது இன்னிங்க்ஸை அரசியலில் ஆடத் தயாரானார் அம்பத்தி ராயுடு.அம்பத்தி ராயுடு - ஜெகன் மோகன் ரெட்டி

விரைவில் ஆந்திர மக்களுக்கு சேவை செய்ய அரசியலுக்கு வருவேன் என்றும், அதற்கு முன் மக்களின் பிரச்னைகளை அறிய முடிவுசெய்திருக்கிறேன் என்றும் உறுதியாகக் கூறிவந்தார். அதற்கேற்றாற்போல, கடந்த டிசம்பர் 28-ம் தேதியன்று, முதல்வர் ஜெகன் மோகன் ரெட்டி முன்னிலையில், ஒய்.எஸ்.ஆர் காங்கிரஸ் கட்சியில் அதிகாரப்பூர்வமாக இணைந்தார்.

ஆனால், கட்சியில் சேர்ந்த ஒன்பதே நாள்களில், கட்சியிலிருந்தும், அரசியலிலிருந்து விலகுவதாக அறிவித்தார் அம்பத்தி ராயுடு. நேற்று முன்தினம் தனது X சமூக வலைதளப் பக்கத்தில், ``YSRCP கட்சியிலிருந்து விலகி, அரசியலிலிருந்து சிறிது காலம் ஒதுங்க முடிவு செய்திருக்கிறேன் என்பதை அனைவருக்கும் தெரிவிக்கிறேன். மேலும், அடுத்தகட்ட நடவடிக்கை உரிய நேரத்தில் தெரிவிக்கப்படும்" என அம்பத்தி ராயுடு பதிவிட்டிருந்தார். இந்த நிலையில், கட்சியிலிருந்தும், அரசியலிலிருந்து தான் ஏன் விலகினேன் என்று அம்பத்தி ராயுடு விளக்கமளித்திருக்கிறார்.

I Ambati Rayudu will be representing the Mumbai Indians in the upcoming ILt20 from jan 20th in Dubai. Which requires me to be politically non affiliated whilst playing professional sport.— ATR (@RayuduAmbati) January 7, 2024

இதுகுறித்து, அம்பத்தி ராயுடு தனது X சமூக வலைதளப் பக்கத்தில், ``துபாயில், ஜனவரி 20-ம் தேதி முதல் நடைபெறவிருக்கும் ILt20 போட்டியில் மும்பை இந்தியன்ஸ் அணியை நான் பிரதிநிதித்துவப்படுத்தவிருக்கிறேன். எனவே, தொழில்முறை விளையாட்டை விளையாடும்போது அரசியல் ரீதியில் நான் தொடர்பில்லாதவராக இருக்க வேண்டும்" என்று தெரிவித்திருக்கிறார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/46c3KEk">
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/46c3KEk">
https://bit.ly/46c3KEk />
காங்கிரஸில் இணையும் ஜெகன்மோகன் ரெட்டியின் தங்கை... ஷர்மிளாவின் ‘கை’ ஓங்குமா?!


http://dlvr.it/T15q0Z

Read More

ஓ.பி.எஸ்-ஐ வைத்து எடப்பாடிக்கு லாக்? - டெல்லி மேலிடத்தின் `மூவ்' என்ன?

அரசியல் களத்தில் பா.ஜ.க - அ.தி.மு.க கூட்டணியில் சந்தித்த அனைத்து தேர்தலிலும், அ.தி.மு.க-வுக்குத் தோல்வியே மிஞ்சியது. அதே சமயம் பா.ஜ.க தமிழ்நாட்டில் `கொஞ்சம்' வளர்ச்சியைச் சந்தித்தது. இது இரண்டு கட்சித் தலைவர்கள் இடையே பெரும் மோதலை உருவாக்கியது. குறிப்பாக அ.தி.மு.க-வின் தலைவர்கள், தங்கள் தோல்விக்கு பா.ஜ.க-தான் காரணம். அவர்களோடு ஏன் கூட்டணியில் தொடர வேண்டும் எனத் தொடர்ச்சியாகத் தலைமையைக் கேள்வி எழுப்பிக்கொண்டே இருந்தனர். மற்றொரு புறம் பா.ஜ.க மாநிலத் தலைமை, அ.தி.மு.க தலைவர்களையும் முன்னாள் அமைச்சர்களையும் கடுமையாக விமர்சனம் செய்துகொண்டே வந்ததது. ஒருகட்டத்தில் இரண்டாம் கட்டத் தலைவர்களின் நெருக்கடி, அ.தி.மு.க முன்னாள் தலைவர்கள்மீதான விமர்சனங்கள் அதிகரிக்க, “பா.ஜ.க-வுடன் இனி கூட்டணி இல்லை” என்ற முடிவை அறிவித்தது அ.தி.மு.க தலைமை. ஆனாலும், ``இந்த அறிவிப்பு போலியானது, நாடகம். தேர்தல் நேரத்தில் இருவரும் இணைந்துகொள்வார்கள்" என்ற பேச்சு எழ, பா.ஜ.க-வுடன் கூட்டணி இல்லை என்ற முடிவில் தெளிவாக இருப்பதாக சமீபத்தில் நடந்த பொதுக்குழுக் கூட்டத்தில் எடப்பாடி பழனிசாமி அறிவித்ததோடு, தமிழ்நாடு வந்த பிரதமர் மோடியைச் சந்திக்கவும் மறுத்துவிட்டார். இதெல்லாம் டெல்லி தலைமையை டென்ஷன் ஆக்கியிருக்கிறது என்கிறார்கள் கமலாலயத்தில்...அண்ணாமலை, ஓ.பி.எஸ், எடப்பாடி

கூட்டணி வேண்டாம் என்பதில் எடப்பாடி எடுத்திருக்கும் முடிவால் டெல்லி தரப்பிலிருந்து அவருக்கு நெருக்கடி அதிகரிக்கும் என்கிறார்கள் கமலாலய வட்டாரத்தில். அதற்காகத்தான் ஓ.பி.எஸ் உடன் பிரதமர் மோடி சந்தித்திருக்கிறார், என்கிறார்கள். அப்படியானால், ஓ.பி.எஸ்-ஐ வைத்து எடப்பாடிக்கு செக் வைக்க டெல்லி தரப்பு முயல்கிறதா என்ற கேள்வியோடு கமலாலயத்தை வலம் வந்தோம்...

“பா.ஜ.க கூட்டணியிலிருந்து விலகுவதாக அ.தி.மு.க அறிவித்தது தற்காலிகமானது என்றுதான் டெல்லி தலைமை நினைத்திருந்தது. நாடாளுமன்றத் தேர்தலுக்கு எங்களுக்கு எந்தளவு அ.தி.மு.க தேவையோ அதே அளவு அவர்களுக்கும் எங்கள் தேவை இருக்கிறது” எனப் பேசத் தொடங்கியவர்கள்... “எடப்பாடியே மீண்டும் மீண்டும் பா.ஜ.க-வுடன் கூட்டணி இல்லை எனச் சொல்லிக்கொண்டிருப்பதைக் கேட்ட டெல்லி தலைமை கடும் அப்செட் ஆகிவிட்டது. ஏனெனில் அ.தி.மு.க கூட்டணியை மீட்டெடுக்க டெல்லியில் சில விவகாரங்கள் பேசப்பட்டன. அது அ.தி.மு.க எதிர்பார்த்த முடிவும்கூட. ஆனால், அ.தி.மு.க இப்படிப் பேசிக்கொண்டிருப்பதால் அவர்கள் மீண்டும் எங்களுடன் கூட்டணியில் இருக்க வாய்ப்பில்லை என டெல்லி முடிவு செய்துவிட்டது. எனவே, நாங்கள் எங்களுக்கான கூட்டணிப் பேச்சுவார்த்தையில் இறங்கிவிட்டோம்” என்றவர்களிடம்...மோடி, எடப்பாடி பழனிசாமி

“அதற்காகத்தான் ஓ.பி.எஸ் மூலமாக எடப்பாடிக்கு நெருக்கடி கொடுக்கிறீர்களா?” எனக் கேட்க, ``அப்படி எதுவும் திட்டம் இல்லை” என முடித்துக்கொண்டனர். `எடப்பாடி குறித்த அந்த ரகசியம்; தெரியப்படுத்த வேண்டியவரிடம் தெரிவிப்பேன்..!' - ஓ.பி.எஸ் `பளீர்'

எடப்பாடி தரப்பிலோ, “அவர்கள் என்ன செய்தாலும் நாங்கள் அவர்களுடனேயே இருப்போம் என நினைத்துவிட்டார்கள்போல. ஆனால், அதெல்லாம் டெல்லிக்கும் கூட்டணி தர்மத்துக்கும் நாங்கள் கொடுத்த மரியாதைதானே தவிர, தனி நபருக்கு கொடுத்த மரியாதை இல்லை. ஓ.பி.எஸ் மூலமாக எங்களுக்கு பா.ஜ.க, செக் வைக்கவே நினைக்கும். அதனால்தான் எடப்பாடி பற்றி ஓ.பி.எஸ்-ஐப் பேசவைத்து வேடிக்கைப் பார்க்கிறார்கள். அவரும் எடப்பாடி திகார் செல்வது உறுதி எனப் பேசுவது மட்டுமல்லாமல், தொண்டர்கள் உரிமை மீட்புக் குழு, பொதுக்குழு தொடர்பான வழக்குகள், பிரதமரிடம் ஏதோ ஃபைலைக் கொடுத்துவிட்டு, அதை எடப்பாடிக்காகக் கொடுத்தேன் என்பதுபோல பேசுவது, எனத் தொடர்ந்து நெருக்கடி கொடுத்துக்கொண்டே இருக்கிறார்கள். ஓ.பி.எஸ் மூலம் மட்டுமல்ல, கொடநாடு கொலை, கொள்ளை வழக்கில் சாட்சியங்களை பதிவுசெய்வதற்காக ஜன.,30 மற்றும் 31-ல் அ.தி.மு.க பொதுச்செயலாளர் இ.பி.எஸ் ஆஜராக சென்னை உயர் நீதிமன்றம் உத்தரவிட்டிருப்பதன்மூலம், நீதிமன்றங்கள் மூலமும் நெருக்கடி கொடுக்கத் தயாராகிறார்களோ என்ற எண்ணம் உருவாகிறது” என்றனர். ஓ.பி.எஸ் - இ.பி.எஸ்

”எது கள எதார்த்தமோ அதைச் சொல்கிறோம். எடப்பாடியின் வரலாறு அப்படி. எனவே, நாங்கள் சொல்வதால் அவர் சிறைக்குச் செல்வார் என்று பொருளில்லை. சசிகலா, தினகரனைத் தொடர்ந்து ஓ.பி.எஸ்-க்கும் கட்சித் தொண்டர்களுக்கும் துரோகம் செய்திருக்கிறார். அதற்கான பலனை அவர் அனுபவிப்பார்” என்கிறார்கள் ஓ.பி.எஸ் தரப்பினர்... தேர்தல் நெருங்க... நெருங்க... இந்த அரசியல் ஆட்டத்தில் இன்னும் சூடு கிளம்பும்... என்ன நடக்கிறது என்பதைப் பொறுத்திருந்து பார்க்கலாம்!

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/46c3KEkகொடநாடு வழக்கு: `எடப்பாடி பழனிசாமி ஆஜராக வேண்டும்!' - உயர் நீதிமன்றம் உத்தரவு


http://dlvr.it/T13vBR

Read More

Tamil Nadu Global Investors Meet: `இந்திய பொருளாதார வளர்ச்சியை தமிழ்நாடு வடிவமைக்கும்!' - முதல்வர் ஸ்டாலின்

`இந்திய பொருளாதார வளர்ச்சியை தமிழ்நாடு வடிவமைக்கும்!' - முதல்வர் ஸ்டாலின்



``தலைமைத்துவம், நீடித்த நிலைத்தன்மை, அனைவரையும் உள்ளடக்கிய வளர்ச்சியை என்ற கருப்பொருள்களில் இந்த மாநாடு நடைபெறுகிறது. இந்தியாவின் பொருளாதார வளர்ச்சியை வடிவமைப்பதில் தமிழ்நாடு முக்கியப் பங்காற்ற வேண்டும் என்ற குறிக்கோளோடு, 2030-ம் ஆண்டுக்குள் தமிழ்நாட்டின் பொருளாதாரத்தை ஒரு ட்ரில்லியன் அமெரிக்க டாலர் அளவுக்கு உயர்த்த வேண்டும் என்ற லட்சிய இலக்கை நான் நிர்ணயித்திருக்கிறேன்." - உலக முதலீட்டாளர்கள் மாநாட்டில் முதல்வர் ஸ்டாலின் பேச்சு

`1 ட்ரில்லியன் பொருளாதாரம்; இலக்கை அடைய தமிழ்நாடு அரசுக்கு வாழ்த்துகள்' - பியூஷ் கோயல்



`நாட்டில் உள்ள பணி செய்யும் பெண்களில் 43% பேர் தமிழ்நாட்டில் பணியாற்றுகின்றனர். மேலும் இந்த எண்ணிக்கை அதிகரித்து, நாட்டின் பொருளாதார உயர்வில் பெண்கள் பங்களிப்பு உயர வேண்டும் என விரும்புகிறேன். 2030-ம் ஆண்டுக்குள் ஒரு ட்ரில்லியன் பொருளாதாரம் என்ற இலக்கை அடைய, தமிழ்நாடு அரசுக்கு வாழ்த்துகள்!' - மத்திய அமைச்சர் பியுஷ் கோயல் உரை

`இந்தியத் தொழிற்துறை வளர்ச்சியில் தமிழ்நாட்டின் பங்களிப்பு மிகச் சிறப்பு!' - CII தேசிய தலைவர் தினேஷ் 

CII தேசிய தலைவர் தினேஷ்

``இந்திய தொழிற்துறை வளர்ச்சியில் தமிழ்நாடு சிறப்பான பங்களிப்பை வழங்கி வருகிறது. தமிழ்நாடு அரசின் தொழிற்கொள்கை குறித்தும், தொழில் நிறுவனங்களுக்கு தமிழ்நாடு அரசால் வழங்கப்படும் சலுகைகள் குறித்தும், பல நாடுகளில் பல நிறுவனங்கள் என்னிடம் தெரிவிக்கின்றன. முதலீடுகளை ஈர்க்கும் முக்கிய மாநிலமாக தமிழ்நாடு திகழ்கிறது. வேலைவாய்ப்புகளை உருவாக்குவதில் தமிழ்நாடு அரசு மிகுந்த கவனம் செலுத்தி வருகிறது. ஒரு ட்ரில்லியன் பொருளாதாரம் என்ற தமிழ்நாடு முதல்வரின் இலக்கை அடைய, இந்திய தொழில் கூட்டமைப்பு பங்களிக்கும்" - சென்னையில் நடைபெற்று வரும் உலக முதலீட்டாளர்கள் மாநாட்டில் Confederation Of Indian Industry-ன் தேசிய தலைவர் தினேஷ் பேச்சு

`தமிழ்நாட்டில் கூடுதலாக ரூ.6,000 கோடி முதலீடு!' - ஹூண்டாய் நிறுவனம் அறிவிப்பு



``தமிழ்நாட்டில் கடந்த ஆண்டு 20,000 கோடி ரூபாய் முதலீடு செய்த ஹூண்டாய் நிறுவனம், தற்போது கூடுதலாக 6,000 கோடி ரூபாய் முதலீடு செய்யவிருக்கிறது. தமிழ்நாட்டுக்கும் ஹூண்டாய் நிறுவனத்துக்கும் நீண்டகால தொழில் தொடர்பு உள்ளது.' - ஹூண்டாய் இந்திய நிர்வாக அதிகாரி

``இந்தியாவின் இரண்டாவது மிகப்பெரிய பொருளாதாரம் கொண்ட மாநிலம் தமிழ்நாடு!" - அமைச்சர் டி.ஆர்.பி.ராஜா

அமைச்சர் டி.ஆர்.பி.ராஜா

``இந்தியாவின் இரண்டாவது மிகப்பெரிய பொருளாதாரம் கொண்ட மாநிலம் தமிழ்நாடு. பல்வேறு துறைகளில் முதலிடத்திலும் இருக்கிறது. தமிழ்நாடு 45,000 தொழிர்சாலைகளுடன் உற்பத்தி மையமாகத் திகழ்கிறது. ஆட்டோ மொபைல், மின்வாகனம், டயர் உற்பத்தியில் தமிழ்நாடு முதலிடத்தில் இருக்கிறது. எலக்ட்ரானிக்ஸ் உற்பத்தி பொறுத்தவரையில் இந்தியாவின் ஏற்றுமதியில் தமிழ்நாட்டின் பங்களிப்பு 30 சதவிகிதம். தோல் பொருள்கள் உற்பத்தியில் நாட்டின் முதலிடத்தில் இருக்கிறோம். இந்தியாவில் வேலைக்கு செல்லும் மொத்த பெண்களில் தமிழ்நாட்டில் மட்டும் 43 சதவிகிதம். கல்வி மற்றும் மருத்துவத்தில் நாட்டில் முன்னணியில் இருக்கிறோம். தமிழ்நாடு, ஒவ்வொரு 250 பேருக்கும் ஒரு மருத்துவரைக் கொண்டிருக்கிறது. மேலும், ஒவ்வோர் ஆண்டும் ஒரு லட்சத்து ஐம்பதாயிரம் இன்ஜினீயர்களை உருவாக்குகிறோம். இந்தியாவின் டாப் 100 கல்லூரிகளில் 22 கல்லூரிகள் தமிழ்நாட்டில் இருக்கிறது." - உலக முதலீட்டாளர்கள் மாநாட்டில், தமிழ்நாடு தொழில்துறை அமைச்சர் டி.ஆர்.பி.ராஜா பேச்சு

உலக முதலீட்டாளர்கள் மாநாட்டைத் தொடங்கிவைத்தார் முதல்வர் ஸ்டாலின்!

Tamil Nadu Global Investors Meet:

நந்தனம் வர்த்தக மையத்தில், உலக முதலீட்டாளர்கள் மாநாட்டை, முதல்வர் ஸ்டாலின் தொடங்கி வைத்தார்.

Tamil Nadu Global Investors Meet: உலக முதலீட்டாளர்கள் மாநாடு... தொடங்கி வைக்கிறார் முதல்வர் ஸ்டாலின்!



உலக அளவில் பெரும் முதலீடுகளை ஈர்க்கும் வகையில், உலக முதலீட்டாளர்கள் மாநாடு நடத்தப்பட்டு வருகிறது. சர்வதேச அளவில் தொழில் முதலீடுகளை ஈர்த்திடும் நோக்கத்துடன், முதல்வர் ஸ்டாலின் ஐக்கிய அரபு நாடுகள், ஜப்பான், சிங்கப்பூர் உள்ளிட்ட நாடுகளுக்கு சுற்றுப்பயணம் மேற்கொண்டு, முதலீட்டுத் திட்டங்களுக்கான ஒப்பந்தங்களை மேற்கொண்டார்.

அதன் தொடர்ச்சியாக, தமிழ்நாட்டு பொருளாதாரத்தை 2030-ம் ஆண்டுக்குள் ஒரு ட்ரில்லியன் அமெரிக்க டாலர் அளவுக்கு உயர்த்திட வேண்டும் என்ற இலக்குடன், மாநில அரசு பல்வேறு நடவடிக்கைகளை மேற்கொண்டு வருகிறது. அதன் ஒரு பகுதியாக சென்னை நந்தம்பாக்கம் வர்த்தக மையத்தில், இன்றும் நாளையும் உலக முதலீட்டாளர்கள் மாநாடு நடைபெறவிருக்கிறது. உலக முதலீட்டாளர்கள் மாநாடு

இந்த தொடக்க விழா தொழில்துறை அமைச்சர் டி.ஆர்.பி.ராஜா தலைமையில் நடைபெறவிருக்கிறது. இன்று காலை 10 மணியளவில் முதல்வர் ஸ்டாலின் மாநாட்டை தொடங்கி வைத்து, சிறப்புரையாற்றவிருக்கிறார். இந்த மாநாட்டில் மத்திய அமைச்சர் பியூஷ் கோயல் சிறப்பு விருந்தினராக கலந்துகொள்கிறார். இந்த மாநாட்டில் 450-க்கும் மேற்பட்ட வெளிநாட்டு பிரதிநிதிகளும், 30,000-க்கும் மேற்பட்டோரும் பங்கேற்கவிருப்பதாகக் கூறப்படுகிறது.ஸ்டாலின்

அதேபோல இந்த மாநாட்டின் கருத்தரங்கில் ரிசர்வ் வங்கியின் முன்னாள் ஆளுநர் ரகுராம் ராஜன், மத்திய அரசின் தலைமை பொருளாதார ஆலோசகர் அரவிந்த் சுப்ரமணியன், இஸ்ரோ தலைவர் சோமநாத் உள்ளிட்ட பல முக்கிய பிரமுகர்கள் பங்கேற்று சிறப்புரையாற்றுகின்றனர். இந்த மாநாட்டின் மூலம் நூற்றுக்கணக்கான ஒப்பந்தங்களின் அடிப்படையில், ரூ.5.5 லட்சம் கோடி அளவுக்கான முதலீடுகள் ஈர்க்கப்பட வாய்ப்பு இருப்பதாகக் கூறப்படுகிறது.உலக முதலீட்டாளர்கள் மாநாடுகளால் தமிழகத்துக்கு இதுவரை கிடைத்தது என்ன?!


http://dlvr.it/T13v3Y

Read More