திமுக மேயரை கத்தியைக் காட்டி மிரட்டியதாக வழக்கு பதிவு; காங்கிரஸ் கவுன்சிலர் தலைமறைவு - என்ன நடந்தது?

கன்னியாகுமரி மாவட்டம், நாகர்கோவில் மாநகராட்சியின் முதல் மேயராக தி.மு.க-வைச் சேர்ந்த மகேஷ் உள்ளார். கன்னியாகுமரி கிழக்கு மாவட்ட தி.மு.க செயலாளராகவும் உள்ளார் மகேஷ். மேயர் மகேஷுக்கும் மாவட்ட அமைச்சர் மனோ தங்கராஜுக்கும் கோஷ்டி மோதல் இருந்துவருகிறது. மனோ தங்கராஜின் ஆதரவாளரான துணை மேயர் மேரி பிரின்ஸி லதா மற்றும் சில கவுன்சிலர்கள், மேயர் மகேஷுக்கு எதிராகச் செயல்பட்டு வருகின்றனர். கடந்த சில மாதங்களாக தி.மு.க கவுன்சிலர்களுடன் தி.மு.க-வின் கூட்டணிக் கட்சியான காங்கிரஸ் கட்சியைச் சேர்ந்த 44-வது வார்டு கவுன்சிலர் நவீன்குமாரும் மேயருக்கு எதிராக உள்ளிருப்பு போராட்டம் நடத்துவது உள்ளிட்ட செயல்களில் ஈடுபட்டு வந்தார். கவுன்சிலர் நவீன் குமார் காங்கிரஸ் கட்சியின் நாகர்கோவில் மாநகர் மாவட்டத் தலைவராகவும் உள்ளார். இந்த நிலையில் கடந்த 10-ம் தேதி இரவு நாகர்கோவிலில் உள்ள மாவட்ட ஆட்சியர் அலுவலகத்திற்கு எதிரில் மேயர் தனது காரில் அமர்ந்தபடி, ஒருவரிடம் பேசிக்கொண்டிருந்தார். அப்போது மேயரின் காரில் மோதுவது போன்று ஒரு கார் வந்துள்ளது. அந்த கார் யாருடையது என பார்க்க மேயரின் தபேதார் மணிகண்டன் சென்றிருக்கிறார்.காங்கிரஸ் கவுன்சிலர் நவீன்குமார்

அந்த காரில் காங்கிரஸ் கவுன்சிலர் நவீன்குமார் இருந்துள்ளார். மேயரின் காரில் மோதுவது போன்று வந்தது பற்றி தபேதார் மணிகண்டன் கேட்டுள்ளார். அதற்கு, நவீன்குமார் அசிங்கமாக திட்டியதுடன் தபேதாரையும், மேயரையும் `கார் ஏற்றி கொலை செய்துவிடுவேன்' என மிரட்டியதுடன், கத்தியைக் காட்டி கொலை மிரட்டல் விடுத்ததாகவும் கூறப்படுகிறது. இது குறித்து மேயரின் தபேதார் மணிகண்டன், நேசமணிநகர் காவல் நிலையத்தில் புகார் அளித்தார். நவீன்குமார் மீது வழக்கு பதிந்த போலீஸார் அவரை தேடி வருகின்றனர். நவீன்குமார் செல்போனை ஸ்விட்ச் ஆஃப் செய்துவிட்டு தலைமறைவாகியுள்ளார்.நாகர்கோவில் மாநகராட்சி மேயர் மகேஷ்

இது குறித்து போலீஸார் கூறுகையில், "அரசு பணியை செய்யவிடாமல் தடுத்தல், கொலை மிரட்டல் விடுதல் உள்ளிட்ட பிரிவுகளில் நவீன்குமார் மீது வழக்கு பதிவுசெய்துள்ளோம். சம்பவம் நடைபெற்ற இடத்தில் உள்ள சி.சி.டி.வி காட்சிகளை கைப்பற்றி விசாரணை நடத்திவருகிறோம். தலைமறைவாக உள்ள கவுன்சிலர் நவீன்குமாரை தேடி வருகிறோம்" என்றனர். காங்கிரஸ் மேயரை நான்கு மணி நேரம் சிறைப்பிடித்த திமுக துணை மேயர் - கும்பகோணம் மாநகராட்சி பரபரப்பு!


http://dlvr.it/T1M00J

Read More

புரூனே: அரச குடும்பம் அல்லாத பெண்ணை மணமுடிக்கும் இளவரசர்... ஜொலிக்கும் அரண்மனை - சுவாரஸ்ய தகவல்கள்!

தென்கிழக்கு ஆசியாவின் சிறிய நாடான புரூனேவின் அரசர் சுல்தான் ஹஸ்ஸனல் போல்கியா. (Brunei Sultan Hassanal Bolkiah). இவரின் 6-வது மகன் இளவரசர் அப்துல் மதீன்(Prince Abdul Mateen - 32). இவரும், அரசரின் சிறப்பு ஆலோசகர்களில் ஒருவரான பெஹின் டத்தோ இசாவின் பேத்தியான அனிஷா ரோஸ்னா இசா-கலேபிக் (Anisha Rosnah Isa-Kalebic- 29)-க்கும் காதலித்து வந்ததாகத் தகவல் வெளியானது. புரூனே இளவரசரின் திருமண விழாபுரூனே இளவரசரின் திருமண விழா

இருவரும் 2022-ம் ஆண்டு இளவரசி ஃபட்ஸிலா போல்கியா, 2023-ல் இளவரசி அஸெமா நிஃமத்துல் போல்கியா ஆகியோரின் திருமண விழாக்களில் மட்டுமே ஒன்றாகக் காணப்பட்டனர். இவர்கள் குறித்த வேறெந்த தகவலும் வெளியாகவில்லை. அதைத் தொடர்ந்து, இவர்களின் நிச்சயதார்த்தம் கடந்த ஆண்டு அக்டோபர் மாதம் நடந்தது.

அதன் தொடர்ச்சியாக கடந்த 7-ம் தேதி முதல் வரும் 16-ம் தேதி வரை 10 நாட்கள் தொடர்ச்சியாக திருமண விழா கொண்டாட்ட நிகழ்வுகள் ஏற்பாடு செய்யப்பட்டிருக்கிறது. இந்த திருமணத்தின் முக்கிய நிகழ்வான திருமண சடங்கு, சுல்தான் உமர் அலி சைபுதீன் மசூதியில் வியாழக்கிழமை நடைபெற்றது.புரூனே இளவரசரின் திருமண விழாபுரூனே இளவரசரின் திருமண விழாபுரூனே இளவரசரின் திருமண விழா

அந்த சடங்கில், ஆண்கள் மட்டுமே, குறிப்பாக அமைச்சர்கள், அரச அதிகாரிகள் மட்டுமே அனுமதிக்கப்பட்டனர். அதைத் தொடர்ந்து, நாளை (14-ம் தேதி) சுல்தான் அரண்மனையான இஸ்தானா நூருல் இமானில் நடைபெறும் திருமண விருந்தில், பிரபலங்கள், குறிப்பிடத்தக்க விருந்தினர்கள், பல அரச குடும்பத்தினர் கலந்துக்கொள்வார்கள் என எதிர்பார்க்கப்படுகிறது.

யார் யார் கலந்துகொள்வார்கள் என்ற அறிவிப்பு வெளியிடப்படவில்லை என்றாலும், பிரிட்டிஷ் அரச குடும்பத்தைச் சேர்ந்தவர்கள், ஜோர்டான் அரச குடும்பத்தினர் உள்ளிட்ட பல்வேறு அரச குடும்பங்கள் கலந்துகொள்ள வாய்ப்பிருப்பதாகக் கூறப்படுகிறது.புரூனே இளவரசரின் திருமண விழாபுரூனே இளவரசரின் திருமண விழா

மணமகன் இளவர் அப்துல் மதீன் பயிற்சி பெற்ற ஹெலிகாப்டர் பைலட் ஆவார். மேலும் ராயல் புரூனே விமானப்படையின் மேஜர், போலோ விளையாட்டில் பதக்கங்களை வென்றிருக்கிறார். இன்ஸ்டாகிராமில் சுமார் 2.5 மில்லியன் ஃபாலோயர்களை கொண்டு இருக்கிறார்.

மணமகள் அனிஷா ரோஸ்னா இசா-கலேபிக், ராயல் புரூனே ஏர்லைன்ஸின் நிறுவனத் தலைவராகவும், இசா கலலேபிக் சில்க் கலெக்டிவ் என்ற ஃபேஷன் நிறுவன உரிமையாளராகவும் இருக்கிறார். மேலும், Authentiary என்ற சுற்றுலா நிறுவனத்தை நண்பருடன் இணைந்து நடத்தி வருகிறார்.புரூனே இளவரசரின் திருமண விழாபுரூனே இளவரசரின் திருமண விழா

அரச குடும்பம்

புரூனேவின் அரசர் சுல்தான் ஹஸ்ஸனல் பல்கியாஹ், உலகின் மிகப்பெரும் பணக்காரர்களில் ஒருவர். இவரின் சொத்துமதிப்பு சுமார் 28 பில்லியன் டாலர் மதிப்புடையது.

இந்த அரசக் குடும்பத்திடம், பல ஜெட் விமானங்கள், பல்வேறு ரோல்ஸ் ராய்ஸ், ஃபெராரிஸ் கார்கள் இருக்கின்றன. 1,700 அறைகள் கொண்ட இஸ்தானா நூருல் இமான் எனும் மாபெரும் அரண்மனையில் தான் இவர்கள் வசித்து வருகின்றனர்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/46c3KEk">
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/46c3KEk">
https://bit.ly/46c3KEk />
புருனே: கள்ளக்காதலில் ஈடுபட்டால் கல்லால் அடித்து கொல்லும் மரண தண்டனை அமல்!


http://dlvr.it/T1Kxx0

Read More

`தாம்பத்திய உறவுகொள்ள மறுப்பது மனரீதியில் கொடுமையானது..!’ - கணவருக்கு விவாகரத்து வழங்கிய நீதிமன்றம்

மத்திய பிரதேசத்தை சேர்ந்த சுதீப் என்பவர், கடந்த 2006-ம் ஆண்டு மெளமிதா என்ற பெண்ணை திருமணம் செய்தார். ஆனால் திருமணமான நாளில் இருந்து மெளமிதா தனது கணவருடன் தாம்பத்திய உறவு வைத்துக்கொள்ள அனுமதிக்கவில்லை எனக் கூறப்படுகிறது. இதையடுத்து சுதீப் தனக்கு தனது மனைவியிடமிருந்து விவாகரத்து வழங்கவேண்டுமென்று கோரி போபால் குடும்ப நல நீதிமன்றத்தில் மனுத்தாக்கல் செய்தார். இம்மனுவை விசாரித்த நீதிமன்றம் அவருக்கு விவாகரத்து வழங்க மறுத்தது.

இத்தீர்ப்பை எதிர்த்து மத்திய பிரதேச உயர் நீதிமன்றத்தில் சுதீப் மேல்முறையீடு செய்தார். அம்மனுவில், ''மெளமிதாவுடன் 2006-ம் ஆண்டு ஜூலை 12-ம் திருமணம் நடந்தது. ஆனால் தனக்கு வேறு ஒரு காதலன் இருப்பதாகவும், தன்னை பெற்றோர் கட்டாயப்படுத்தி திருமணம் செய்துவைத்துவிட்டதாக கூறி தன்னுடன் தாம்பத்திய உறவு வைத்துக்கொள்ள மறுத்துவிட்டார். அதே ஆண்டு செப்டம்பர் மாதம் அவரது பெற்றோர் வீட்டிற்கு சென்றுவிட்டார்.

அதன் பிறகு வரவே இல்லை. 2013-ம் ஆண்டு என் மீதும் எனது பெற்றோர் மீது நாங்கள் அவரை சித்ரவதை செய்வதாகவும், வரதட்சணை கேட்டுகொடுமைப்படுத்துவதாகவும் கூறி போலீஸில் பொய்யான ஒரு புகாரை கொடுத்துள்ளார். அதோடு அவரை நானும் எனது பெற்றோரும் சேர்ந்து சேலையால் கழுத்தை நெரித்து கொலை செய்ய முயன்றதாகவும், சேலையில் தீவைக்க முயன்றதாகவும் புகாரில் பொய்யான ஒரு தகவலை தெரிவித்துள்ளார். எனது பெற்றோர் இப்புகாரில் 23 நாட்கள் சிறையில் இருந்துள்ளனர்.

அதோடு எனது பெற்றோரிடம் 10 லட்சம் ரூபாய் பெற்றுக்கொண்டு செட்டில்மென்ட் ஆவணங்களில் கையெழுத்தும் போட்டுக்கொடுத்துள்ளார். அப்படி இருந்தும் வேறு ஒரு போலீஸ் நிலையத்தில் புகார் கொடுத்துள்ளார்'' என்று குறிப்பிட்டு இருந்தார்.

இம்மனுவை விசாரணைக்கு ஏற்றுக்கொண்ட நீதிபதி ஷில் நாகு தலைமையிலான அமர்வு, ''திருமண உறவை அனுபவிக்காமல் இருப்பது மற்றும் கணவனுடன் மனைவி தாம்பத்திய உறவுக்கு மறுப்பது மனரீதியில் கொடுமையானது. புகாரின்தாரரின் குற்றச்சாட்டை மறுக்க சம்பந்தப்பட்ட பெண்ணோ அல்லது அவர் தரப்பிலோ யாரும் ஆஜராகவில்லை'' என்று கூறி சுதீப்பிற்கு விவாகரத்து வழங்கி நீதிபதிகள் உத்தரவிட்டனர்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/46c3KEk">
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/46c3KEk">
https://bit.ly/46c3KEk />

http://dlvr.it/T1KxjZ

Read More

"நான் முன்னாள் முதல்வர்தானே தவிர நிராகரிக்கப்பட்டவனல்ல!" - விமர்சனத்துக்கு சிவராஜ் சிங் சௌகான் பதில்

கடந்த ஆண்டு மத்தியப் பிரதேசத்தில் நடந்த சட்டமன்றத் தேர்தலில் பா.ஜ.க வெற்றி பெற்று ஆட்சியைத் தக்கவைத்துக்கொண்டது. அதைத் தொடர்ந்து, 4 முறை மத்தியப் பிரதேச முதல்வராக இருந்த சிவராஜ் சிங் சௌகானுக்கு பதிலாக, மோகன் யாதவ்-வை முதல்வராக அறிவித்தது பா.ஜ.க தலைமை. இதற்கிடையில், 'சிவராஜ் சிங் சௌகானை பா.ஜ.க நிராகரித்திருக்கிறது' என்ற விமர்சனங்கள் பரவலாகப் பேசப்பட்டது.

இந்த நிலையில், நேற்று, புனேவில் உள்ள MIT ஸ்கூல் ஆஃப் கவர்ன்மென்ட்டில் நடந்த நிகழ்ச்சியில் கலந்துகொண்டு பேசிய முன்னாள் முதல்வர் சிவராஜ் சிங் சௌகான்,``நான் இப்போது முன்னாள் முதல்வர் தானே தவிர, நிராகரிக்கப்பட்ட முதல்வர் அல்ல. நீண்ட காலம் பதவியில் இருப்பவர்களை மக்கள் தவறாகப் பயன்படுத்தத் தொடங்கும் போது, அந்த முதல்வர்கள் தங்கள் பதவிகளை ராஜினாமா செய்வது வழக்கம். நான் முதல்வராக இருந்து விலகிய பின்னரும் கூட, நான் எங்குச் சென்றாலும் மக்கள் என்னை மாமா என அழைத்துக் கூக்குரலிடுகிறார்கள்.

மக்களின் அன்புதான் எனது உண்மையான பொக்கிஷம். நான் முதல்வர் பதவியிலிருந்து விலகியதால், தீவிர அரசியலை விட்டு விலகுவேன் என்பது அர்த்தமல்ல. நான் எந்த பதவிக்காகவும் அரசியல் செய்பவனல்ல. மக்களுக்குச் சேவை செய்வதற்காகவே அரசியலுக்கு வந்தவன். இதுவரை 11 தேர்தல்களில் வெற்றி பெற்றிருக்கிறேன். ஆனால் நான் எனக்காகத் தேர்தல் பிரசாரத்தில் ஈடுபட்டதில்லை.மோகன் யாதவ் - சிவராஜ் சிங் சௌகான்

வேட்புமனு தாக்கல் செய்வதற்கு ஒரு நாள் முன்னதாக தான் எனது தொகுதி கிராமங்களுக்குச் செல்வேன். கிராம மக்கள் என்னிடம் தேர்தலுக்கான நிதி மற்றும், தேர்தலில் எனக்கு உதவும் நபர்களுக்கான பட்டியலுடன் என்னைச் சந்திப்பார்கள். இதை நான் ஆணவத்தில் பேசவில்லை... நேர்மையாகத் தேர்தலில் போட்டியிட்டால், மக்கள் உங்கள் பக்கம்தான் இருப்பார்கள் என்பதை விளக்கினேன்." எனப் பேசினார்.

மத்தியப் பிரதேச முதல்வராக மோகன் யாதவ் பதவியேற்ற சில நாள்களில்,``சில சமயங்களில் சிலருக்கு திடீரென 'வன்வாஸ்' (வெளியேற்றம்) கிடைக்கிறது, சிலருக்கு 'ராஜ் திலகம்' (முடிசூட்டு விழா) நடக்கிறது. ஆனால் உண்மையில் என்ன நடந்தாலும் அது ஒரு பெரிய நோக்கத்திற்காகவே நடைபெறுகிறது. ஆட்சியில் இருக்கும் போது, தாமரையில் இருக்கும் பாதத்தைப் போலக் கவனித்துக்கொள்கிறார்கள்.சிவராஜ் சிங் சௌகான்

பதவியில் இல்லை என்றால், சிலர் உடனே நிறத்தை மாற்றிக்கொண்டு, படங்களில் இருக்கும் கழுதையின் தலையிலிருந்து, கொம்புகள் மறைவது போல மறைந்துவிடுகிறார்கள்." எனப் பேசியது சலசலப்பை ஏற்படுத்தியது குறிப்பிடத்தக்கது.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/46c3KEk">
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/46c3KEk">
https://bit.ly/46c3KEk />
`எம்.எல்.ஏ தேர்தலில்' எம்.பி-க்கள், மத்திய அமைச்சர்கள்!
ஓரங்கட்டப்படும் சிவராஜ் சிங் செளகான்?


http://dlvr.it/T1KxXf

Read More

`மகனை, துணை முதல்வராக்குவதில்தான் முதல்வரின் கவனம் இருக்கிறது!' - அண்ணாமலை சாடல்

தமிழ்நாடு பா.ஜ.க-வின் மத்திய சென்னை தொகுதியின் செயல்வீரர்கள் மாநாடு, சென்னை ராயப்பேட்டை யு.எம்.சி.ஏ மைதானத்தில் நடைபெற்றது. இதில் தமிழ்நாடு பா.ஜ.க மாநிலத் தலைவர் அண்ணாமலை, அமைப்பு பொதுச்செயலாளர் கேசவ விநாயகம், மத்திய சென்னை தொகுதியின் அமைப்பாளர் வினோஜ் பி செல்வம் உள்ளிட்டவர்கள் பங்கேற்றனர். நிகழ்வில் மத்திய சென்னை தொகுதியை வெற்றிபெற செய்திட வேண்டும், பேரிடர் காலங்களில் சென்னையை கண்டுகொள்ளாமல்விட்ட தி.மு.க எம்.பி-க்களை தோல்வியடைய செய்து பழிதீர்க்க வேண்டும் எனக் காட்டமாக பேசியதோடு, தமிழ்நாடு அமைச்சர்களையும் சென்னை மேயரையும் `கோமாளி’ என விமர்சித்தார்.

நிகழ்வில் பேசிய அண்ணாமலை, ``மற்ற கட்சிகளில் சிலர் தொடர்ச்சியாக வேட்பாளராக இருப்பார்கள். அவர்களுடைய வாரிசுகள் வேட்பாளராக இருப்பார்கள். அவர்களை ஜெயிக்க வைப்பதற்காக ஒரு கட்சியை உழைக்க வைப்பார்கள். எல்லா இடங்களிலும் பதவிக்காக சண்டை போடும்போது பா.ஜ.க-வில் மட்டும்தான் தன்னுடைய காலம் முடிந்த பிறகு நாகரிகமாக அடுத்த தலைமுறைகளுக்கு வழிவிடுகின்றனர். தமிழ்நாட்டில் 2026-க்கு பா.ஜ.க தயாராகிவிட்டது என்று மக்களிடையே கூறுவதற்கு, 2024 நாடாளுமன்றத் தேர்தல் தேவைப்படுகிறது. சென்னையின் வளர்ச்சி கீழே இறங்க ஆரம்பித்துவிட்டது. இந்தியாவின் தூய்மையான மாநகரங்களின் பட்டியலில் 43-வது இடத்திதிருந்த சென்னை, இன்றைக்கு 199-வது இடத்தில் இருக்கிறது.

இந்தியாவின் மிக முக்கியமான நகரமாக இருக்கும் சென்னை நம் கண் முன்னால் அழிந்து கொண்டிருக்கிறது. இந்தத் தேர்தலை பொறுத்தவரையில் சென்னையை மாற்றுவதற்கான ஒரு வாய்ப்பாக வரும் நாடாளுமன்றத் தேர்தலைக் கையிலெடுக்க வேண்டும். குடும்பத்தில் ஒருவருக்கு சீட் கொடுக்க வேண்டும் என்று, தென் சென்னை எம்.பி சீட்டை தமிழச்சி தங்கபாண்டியனுக்கு கொடுத்திருக்கிறார்கள். குடும்பத்திலிருந்து வந்தவர் என்பதற்காக தயாநிதி மாறனுக்கு மத்திய சென்னை எம்.பி சீட்டை கொடுத்திருக்கிறார்கள். மேலும், ஆற்காடு வீராசாமி மகன் கலாநிதி வீராசாமிக்கு வடசென்னை எம்.பி சீட். எனவே, ஸ்டாலினைப் பொறுத்தவரையில் அவர் தெளிவாக இருக்கிறார். தமிழகத்தில் இருக்கக்கூடிய 15 குடும்பங்களுக்கும் அவர் சீட் கொடுத்தால்தான், தன்னுடைய மகனுக்கு அவர் சீட் கொடுக்க முடியும். இப்போது உதயநிதி ஸ்டாலினுக்கான பில்டப் திருவிழா நடந்து கொண்டிருக்கிறது.உதயநிதி, ஸ்டாலின்

நாடாளுமன்றத்தில் பிரதமர் மோடிக்கு அருகில் ராஜ்நாத் சிங், அமித் ஷா, நிர்மலா சீதாராமன், பியூஷ் கோயல் உள்ளிட்டோர் அமைர்ந்திருக்கிறார்கள், இவர்களெல்லாம் தனித்தன்மையால் வளர்ந்து தங்களை சிறந்த பணிகளின் மூலம் நிருபித்துக் கொண்டவர்கள், இது பா.ஜ.க அரசின் அமைச்சரவை. இதுவே தமிழ்நாடு அமைச்சரவையை பாருங்கள். தகுதி இல்லாமல் குடும்பத்திலிருந்து வந்தவர்களை தலைவராக்குகிறார்கள். சினிமாவில் வசனமாக பார்த்திருப்பீர்கள், நடுவில் இருப்பவர்களை அறிவாளியாக காட்ட வேண்டும் என்றால் சுற்றி கோமாளியாக அமரவைக்க வேண்டும் என சினிமா டயலாக் பார்த்திருப்போம். இப்போது உதயநிதி ஸ்டாலினை அறிவாளியாக காட்ட சேர் போட்டு நடுவில் அமரவைத்தால், அவருக்கு அருகில் அன்பில் மகேஸ் பொய்யாமொழியை உட்கார வைக்கவும், இதைவிட அறிவாளியாக உதயநிதி ஸ்டாலின் தெரியவேண்டுமா... பக்கத்தில் தா.மோ.அன்பரசனை அமர வையுங்கள்... இதற்கும் மேலும் அறிவாளியாக தெரியவேண்டுமா சேகர் பாபுவை அமரவையுங்கள்.. இதற்கெல்லாம் மேலும் மேலும் அவர் அறிவாளியாக தெரிய வேண்டுமா.. சென்னை மேயரை அருகில் உட்கார வையுங்கள்.

இப்போது, முதல்வரின் கவனம் எல்லாம் தன்னுடைய மகனை எப்படி துணை முதல்வர் ஆக்குவது என்பதில்தான் இருக்கிறது. இதே மாதிரி சென்றால் இந்த கட்சி கவிழ்ந்து விடும் என்று பி.டி.ஆர் தெளிவாக அவ்வப்போது உணர்த்துகிறார். பெரிய பெரிய சாம்ராஜ்யங்கள் உலகத்தில் அழிந்திருக்கிறது. அதைப் பார்க்கையில் தி.மு.க ஒன்றுமே இல்லை. திராவிட மாடல் அரசின் சாதனையாக ரூ.6.6 லட்சம் கோடி முதலீடு வந்திருப்பதாக தி.மு.க கூறுகிறது. ஆனால், கடந்த ஆண்டு பிப்ரவரியில் உத்தரப்பிரதேசத்தில் நடந்த முதலீட்டாளர்கள் மாநாட்டில் ரூ.33 லட்சம் கோடி முதலீடுகள் வந்திருக்கிறது. இந்தியாவின் மிகவும் பின்தங்கிய பகுதியான உத்தரப்பிரதேசத்தின் பூர்வஞ்சல் பகுதிக்கு முதலீடு மட்டுமே ரூ.9 லட்சம் கோடி. குஜராத்தில் உலக முதலீட்டாளர்கள் மாநாடு நடப்பதற்கு முன்பே ரூ.7.1 லட்சம் கோடி முதலீடுகள் வந்திருக்கிறது. தமிழ்நாடு போன்ற முழு தகுதி உள்ள மாநிலத்துக்கு ரூ.6 லட்சம் கோடி முதலீடு என்பது மிகக் குறைவு.உலக முதலீட்டாளர்கள் மாநாடு

இப்போது, 70 ஆண்டுகளாகக் கட்டமைத்த பிம்பத்தை நாம் எதிர்த்துக் கொண்டிருக்கிறோம். திரைப்படக்காரர்கள், எழுத்தாளர்கள், செய்தித்துறையில் இருப்பவர்கள், வாரப் பத்திரிகை ஆசிரியர் எனப் பலரை எதிர்க்கிறோம். அரசியல் களத்தில் கம்யூனிஸ்ட், சாதிக் கட்சிகள் தி.மு.க-வின் ஒரு பக்கம் என நமக்கு மட்டும்தான் 360 டிகிரி எதிர்ப்புகள் இருக்கின்றன. இருப்பினும், அவர்கள் இறுதியில் எதுவும் கிடைக்காதபோது சமூகநீதியைத் தூக்கிக் கொண்டு வருவார்கள். ஆனால், தமிழ்நாட்டில் தி.மு.க அமைச்சரவையில் இரண்டு பேர் மட்டுமே பட்டியலினத்தவர்கள். அதுவும், கடைசி இடத்தில் உப்பு சப்பு இல்லாத துறையைக் கொடுத்திருக்கிறார்கள். இதை சமூகநீதி என்றும் சொல்கிறார்கள். மேலும், இப்போது இருக்கும் 35 அமைச்சர்களில் 11 பேர்மீது நீதிமன்றத்தில் ஊழல் வழக்கு நடந்து கொண்டிருக்கிறது. அதில், ஏழு மாதமாக எந்த வேலையும் செய்யாமல் புழல் சிறையிலிருந்து கொண்டே ஒரு லட்சம் ரூபாய் சம்பளம் வாங்கிக் கொண்டிருக்கிறார் அமைச்சர் செந்தில் பாலாஜி. இதையெல்லாம் மக்களிடத்தில் எடுத்துச் செல்ல வேண்டும்.

மேலும், எல்லாரும் கூட்டணி குறித்து கேட்கிறார்கள்... வீடு நாம் கட்டியிருக்கிறோம். கிரகப் பிரவேசத்துக்கு அழைத்திருக்கிறோம். எல்லோரும் வந்தார்கள், சாப்பிட்டார்கள். கொஞ்சம் பேர் இருந்தார்கள். இங்கு, தேசிய ஜனநாயகக் கூட்டணி என்பது நாம் கட்டிய வீடு. அதன் விழாவுக்கு எல்லோரும் வந்தார்கள். சில பேர் சாப்பிட்டு முடித்துவிட்டு கை கழுவிவிட்டுக் கிளம்பி விட்டார்கள். சில பேர் சாப்பிட்டுவிட்டு நம்மோடு இருக்க வேண்டும் என்று நினைப்பார்கள். சில பேர் நம் குடும்பத்தின் ஓர் அங்கமாக இருக்க வேண்டும் என்று நினைப்பார்கள். அதேசமயம், நம் வீட்டிலிருந்து வெளியே சென்றவர்கள், அந்த வீட்டில் நான் இல்லை என்று சொன்னால், அது அவர்களுடைய கருத்து. ஆனால், வீட்டில் இருக்கும் நாம் எதற்காக, `எங்கள் வீட்டில் அவர்கள் இல்லை' என்று கூற வேண்டும்.

வீட்டில் வந்து உணவருந்தியவர்கள் வெளியே சென்ற பிறகு, `உணவு சரியில்லை, காரம் கொஞ்சம் அதிகமாகப் போட்டுவிட்டார்கள், கடந்த 9 ஆண்டுகளாக அந்த காரத்தை பொறுத்துக்கொண்டுதான் சாப்பிட்டேன், இப்போது அந்த காரம் அதிகமாக இருக்கிறது என்று தெரிந்து விட்டது. அதனால், அந்த வீட்டில் சாப்பிட போவதில்லை' என்று கூறுகிறார்கள். ஆனால், நம் வீட்டில் உணவருந்தியவர்களை நாம் தவறாகப் பேசப்போவதில்லை. அவர்கள், இல்லையென்று எல்லோருக்கும் தெரியும், அதை யாராவது வாராவாரம் கூறுவார்களா... 17 முறை யாராவது கூறுவார்களா... ஆனாலும், மோடி அவர்களை ஏற்றுக்கொண்டு யார் வேண்டுமானாலும் எங்கள் வீட்டுக்கு வாருங்கள் நாங்கள் தயாராக இருக்கிறோம்.பிரதமர் மோடி

அதோடு, பிரதமர் என்றால் ஒரு தகுதி என்று மக்களுக்குத் தெரியும். யாராவது எங்கள் தலைவர் பிரதமர் என்று கூறினால் சிரித்துவிட்டுச் சென்று விடுங்கள். இன்னொருபக்கம், நமக்குப் பதில் காங்கிரஸே நமக்குப் பாதி பிரசாரம் செய்கிறது... மோடி இஸ்லாமிய நாட்டுக்கு எல்லாம் செல்கிறார், எல்லா நாடுகளிலும் பெரிய வரவேற்புகள்... இதைக் கூறியது அசோக் கெலாட்... அதேபோல், காங்கிரஸைச் சேர்ந்த சத்தீஸ்கர் முன்னாள் துணை முதல்வர், மோடி ஆட்சியில் பாரபட்சமே கிடையாது என்று கூறுகிறார்... மேலும், கார்த்தி சிதம்பரம் அவ்வப்போது உண்மையைப் பேசி மாட்டிக்கொள்வார். அதாவது மோடிக்கு யாரும் நிகரே இல்லை என்று உண்மையைச் சொல்லி இருக்கிறார்... ராகுல் காந்தி என்கிற ராக்கெட்டை 17 முறை லான்ச் செய்து பார்த்து விட்டார்கள்... பெயின்ட் மட்டும் அடித்தால் அந்த ராக்கெட் எப்படி போகும்... இப்போது தமிழ்நாட்டில் உதயநிதி ஸ்டாலின் என்ற ராக்கெட்டுக்கு லான்ச் நடக்கிறது" என்று கூறினார்.தேவாலய விவகாரம்: அண்ணாமலை மீது ’பொது அமைதியை கெடுத்தல்’ உள்ளிட்ட 3 பிரிவுகளில் வழக்கு பதிவு!


http://dlvr.it/T1JBNm

Read More

வேலூர்: ‘‘மேயர் உத்தரவை அதிகாரிகள் மதிப்பதே கிடையாது!’’ - கடுகடுத்த கவுன்சிலர்கள்

வேலூர் மாநகராட்சிக் கூட்டம்... இரண்டு மாதங்களுக்குப் பிறகு மேயர் சுஜாதா தலைமையில் இன்று நடைபெற்றது. ஏற்கெனவே, மாமன்றக் கூட்டம் சரிவர நடத்தப்படாத கோபத்தில் எதிர்க்கட்சி கவுன்சிலர்கள் மட்டுமல்லாமல், ஆளுங்கட்சி கவுன்சிலர்களுமே கொந்தளிப்புடன்தான் கூட்ட அரங்கிற்கு வந்தனர். தமிழக அரசின் சிறப்புத் திட்டங்கள் தொடர்பாக முதலமைச்சர் ஸ்டாலினுக்கு நன்றித் தெரிவிக்கும் வகையில், மேயர் சுஜாதா தீர்மானங்களை வாசித்தார். ‘சிறப்புத் திட்டங்கள்’ என்பதற்குப் பதிலாக ‘சிறியத் திட்டங்கள்’ என்று படித்தார். உச்சரிப்பு சரியில்லாமல், இப்படியே தவறாக தீர்மானத்தை வாசித்து முடித்தார் மேயர் சுஜாதா. அவரின் பேச்சு, சிரிப்பலையையும் ஏற்படுத்தின.மேயர் சுஜாதா

இதையடுத்து எழுந்து பேசிய, முதலாவது மண்டலக் குழுத் தலைவரும், தி.மு.க கவுன்சிலருமான புஷ்பலதா வன்னியராஜா, ‘‘என் மண்டலத்துக்குட்பட்ட வார்டுகளில் தெருவிளக்குகள் எரிவதில்லை. மக்கள் ஒருமாதிரியாகப் பேசுகிறார்கள். இது பற்றி தகவல் தெரிவிக்க அதிகாரிகள் அல்லது கான்ட்ராக்டர்களைத் தொடர்புகொண்டால், அவர்கள் போனையே எடுப்பதில்லை’’ என்றார்.

குறுக்கிட்ட மேயர் சுஜாதா, ‘‘நீங்கள் எப்போது பார்த்தாலும், எதிர்க்கட்சியைச் சேர்ந்தவரைப்போல நம்முடைய அரசைக் குறைச்சொல்லிக் கொண்டேதான் இருக்கிறீர்கள். போனக் கூட்டத்திலும் ராஜினாமா செய்வதாகச் சொன்னீர்கள். நம்முடைய முதலமைச்சரும், நம் மாவட்ட அமைச்சரும் எவ்வளவோ செய்கிறார்கள். அதைப்பற்றி பேசாமல், ஆளுங்கட்சியைத் தாக்கிப் பேசுவதிலேயே குறியாக இருக்கிறீர்கள்’’ என்றார் கோபமாக.

பேச்சைத் தொடர்ந்த தி.மு.க கவுன்சிலர் புஷ்பலதா வன்னியராஜா, ‘‘நான் அரசாங்கத்தைக் குறைசொல்லவில்லை. வார்டு பிரச்னைகளைத்தான் இங்குப் பேசுகிறேன். லைட் எரிகிறதா, இல்லையா என்று துணை மேயரிடம் கேட்டுப் பாருங்கள். அவரும் என் மண்டலத்தைச் சேர்ந்தவர்தானே’’ என்று பதிலடிக் கொடுத்தார். இதனால், மேயருக்கும், தி.மு.க கவுன்சிலர் புஷ்பலதா வன்னியராஜாவுக்கும் இடையே கடும் வாக்குவாதம் ஏற்பட்டது. ஒருக்கட்டத்தில் மாமன்றத்தை விட்டு வெளியேற முயன்ற புஷ்பலதா வன்னியராஜாவைத் துணை மேயர் சுனில்குமார் சமாதானப்படுத்தி, உட்காரச் சொன்னார்.பரபரப்புக்குள்ளான மாமன்றக் கூட்டம்

அதைத் தொடர்ந்துப் பேசிய அ.தி.மு.க கவுன்சிலர் ரமேஷ் என்பவர், ‘‘நீங்கள் மேயர்தானே. உங்களுக்கு அதிகாரம் இருக்கிறதா, இல்லையா... நீங்கள் எதுச் சொன்னாலும் அதிகாரிகளும், கான்ட்ராக்டர்களும் கேட்பதே இல்லை. மேயர் உத்தரவை அதிகாரிகள் மதிப்பதே கிடையாது. நான்கு மண்டலங்களிலும் கடந்த ஓராண்டாக ஒரு மீட்டிங்கூட நடத்தப்படவில்லை. மேற்கொண்டு, அடுத்த வேலைகளும் நடைபெறவில்லை. மண்டலத்துக்காவது பவர் இருக்கிறதா, இல்லையா?’’ என்று கேள்வியெழுப்பினார். உடனே, மேயரின் ஆதரவு கவுன்சிலர்கள் ஒருசிலர் கோபப்பட்டு எழுந்து, அ.தி.மு.க கவுன்சிலரைச் சூழ்ந்துகொண்டு... ‘‘மைக்கை கொடுயா. யோவ் உட்காருயா’’ என்று வாக்குவாதம் செய்ய, மாமன்றக் கூட்டமே சத்தமும், சலசலப்புமாக மாறியது. அரைமணி நேரத்துக்குள்ளாக கூட்டத்தையும் முடித்துக்கொண்டு வெளியேறினார் மேயர் சுஜாதா. மாநகராட்சிப் பணிகள் குறித்தும், பிரச்னைகள் பற்றியும் கடைசி வரை கலந்தாலோசிக்கப்படவே இல்லை. வேலூர்: ``ஸ்மார்ட் சிட்டி குளறுபடிகளுக்கு அதிமுக-தான் காரணம்!" - மேயர் சுஜாதா விளக்கம்


http://dlvr.it/T1JB4h

Read More

தமிழ்நாடு ரூ.6.6 லட்சம் கோடி... உ.பி ரூ.33 லட்சம் கோடி..! - முதலீடுகளை ஒப்பிடுவது சரியா?!

உலக முதலீட்டாளர்கள் மாநாடு சென்னையில் நடந்து முடிந்துள்ள நிலையில், குஜராத், உத்திரபிரதேசம், கர்நாடகா ஆகிய மாநிலங்களில் முதலீடு செய்யப்பட்ட தொகை தமிழ்நாட்டைவிட அதிகம் என்ற பேச்சு எழுந்துள்ளது. மாநிலங்களிடையேயான முதலீட்டு நிலவரங்களை ஒப்பிடுவது சரியா.. அதனை வைத்து வளர்ச்சியை கணிப்பது சரியா என்ற கேள்விக்கு பதில் தேடினோம். முதலீட்டாளர் மாநாடு

ஜனவரி 7, 8 ஆகிய தேதிகளில் உலக முதலீட்டாளர் மாநாடு சென்னையில் நடைபெற்றது. இதில் தமிழ்நாட்டுக்கு ரூ.6.6 லட்சம் கோடி வரை முதலீடு ஈர்க்கப்பட்டிருப்பதாக தமிழ்நாடு முதலமைச்சர் மு.க.ஸ்டாலின் அறிவித்தார். தி.மு.க ஆட்சிக்கு வந்தபிறகும்தான் தமிழ்நாட்டில் முதலீடுகள் குவிகின்றன. தமிழக பொருளாதாரம் அதிவிரைவுப் பாதையில் சென்று கொண்டிருக்கிறது எனப் பெருமிதம் கொண்டார் முதல்வர்.

இதற்கிடையில் பத்திரிகையாளர்களை சந்தித்த தமிழ்நாடு பா.ஜ.க தலைவர் அண்ணாமலை, ``தமிழ்நாட்டில் 10 லட்சம் கோடி முதலீடுகளை எதிர்பார்த்தோம், தமிழக அரசு சரியாக இலக்குடன் பயணிக்க வேண்டும்.

பா.ஜ.க தலைமையிலான மத்திய அரசு அமைந்த பின்னர்தான் உலக நாடுகள் மத்தியில் இந்தியாவின் மீது நம்பிக்கை அதிகரித்து, முதலீடு செய்ய ஆர்வம் காட்டிவருகின்றனர்” எனப் பேசியதோடு, `உத்திரபிரதேசத்தில் ரூ.33 லட்சம் கோடி முதலீடாக ஈர்க்கப்பட்டிருக்கிறது... குஜராத்தில் முதலீட்டாளர்கள் மாநாடு தொடங்குவதற்கு முன்பே ரூ.10 லட்சம் கோடியை நோக்கி முதலீடுகள் சென்றுகொண்டிருக்கின்றன’ என தமிழ்நாட்டு முதலீட்டோடு பூடமாக ஒப்பிட்டு பேசினார். அதோடு 6.6 லட்சம் கோடி முதலீட்டுக்காக தி.மு.க பெருமை பேசிக் கொள்ள எதுவுமில்லை என்றும் தாக்கினார் அண்ணாமலை.அண்ணாமலை

நம்மிடம் பேசிய அரசியல் விபரமறிந்தவர்கள், ``உலக முதலீட்டாளர்கள் மாநாடு தி.மு.க அரசுக்கு நன்மதிப்பை பெற்றுதந்துள்ளது. பொருளாதார நிபுணர்களும் தொழில் அதிபர்களும் அரசை பாராட்டியுள்ளார்கள். ஆனால் தமிழ்நாடு பா.ஜ.க இதிலும் அரசியல் அஸ்திரத்தை கையிலெடுக்கிறது. முதலீட்டுக்கு காரணமே மோடிதான் என்றும், இதென்ன பெரிய முதலீட்டு உத்திரபிரதேசத்தை பாருங்கள், குஜராத்தை பாருங்கள் எனக்கூறி, அதனை ஒப்பிடும்போது தமிழ்நாட்டுக்கு வந்த முதலீடுகள் மிகக் குறைவுதான் என கருத்துருவாக்கம் செய்துவருகிறார்கள்” என்றனர்.

இந்த ஒப்பீட்டை எப்படி பார்ப்பது. இது சரியானது தானா? என மூத்த பொருளாதார நிபுணர்கள் சிலரிடம் பேசினோம்... ``இதர மாநிலங்களின் முதலீடுகளை ஒப்பிடுவதே முதலில் தவறு. அந்ததந்த மாநிலத் தேவைக்கேற்ப முதலீட்டு திட்டங்களை மாநில அரசுகள் வரவேற்கும். தமிழ்நாட்டில் கார் உற்பத்தி தொழிற்சாலைகள் ஏற்கனவே தேவைக்கேற்ப இருந்தால் மீண்டும் மீண்டும் கார் நிறுவன தொழிற்சாலைகளை புதியதாக ஈர்க்கப் போவதில்லை, ஆனால் கார் தொழிற்சாலைகளே இல்லாத மாநிலங்கள் அதிகளவில் அதனை ஈர்க்கத்தான் செய்யும். அதற்காக அவர்கள் வளர்ந்துவிட்டார்கள் என்று பொருளாகாது. சொல்லப்போனால் ஓருவர் வீட்டில் இரண்டாவது கார் வாங்குகிறார். அதன் மதிப்பு 6 லட்சம், மற்றொருவர் 7 லட்சத்துக்கு முதன்முறையாக ஒரு கார் வாங்குகிறார் என்றால் இதில் வளர்ச்சியடைந்தவர் யார் என நீங்களே கண்க்கீடு செய்யலாம்.பிரதமர் மோடி

மேலும் ஒரு நிறுவனம் தொடங்கும் முன், மாநில அரசோடு புரிந்துணர்வு ஒப்பந்தங்கள் கையெழுத்தாகும். அதன் அம்சங்களை பொறுத்தும் முதலீடுகள் வரும். எடுத்துக்காட்டாக, மாநில தொழிலாளர் நலன், சூழலியல் நலன் கருதி புரிந்துணர்வு ஒப்பந்தங்களில் நிபந்தனைகளை மாநில அரசு முன்வைக்கும், தமிழ்நாடு பொருளாதாரம்

ஒருவேளை சில மாநிலங்களில் நிபந்தனைகளே இல்லையென்றாலும், அங்கே எளிதாக தொழில்தொடங்கலாம் என அங்கே செல்லும் வாய்ப்புகள் உண்டு. அது பல நேரங்களில் சுற்றுசூழல் சிக்கல்களை கொண்டு வந்து விடுகிறது. தமிழ்நாட்டை பொறுத்தவரை அதிக எண்ணிக்கையிலான நிறுவனங்களை ஈர்ப்பதைவிட பலன் தரக்கூடியவை எவை என்பதை கணக்கில் கொண்டுள்ளார்கள். குறிப்பாக எவ்வளவு தொகை முதலீடாக ஈர்க்கப்பட்டுள்ளது என்பதைவிட தனிமனித வருமானம், மாநிலத்தின் வர்த்தக வளர்ச்சி உள்ளிட்டவற்றை வைத்துதான் வளர்ச்சியை கணக்கிட வேண்டுமே தவிர முதலீட்டு தொகையை வைத்து அல்ல” என்றார்கள் விளக்கமாக!

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/46c3KEk">
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/46c3KEk">
https://bit.ly/46c3KEk />
`தமிழ்நாட்டில் ரூ.6.6 லட்சம் கோடி முதலீடு’ யார் காரணம்... மோடியா, ஸ்டாலினா?!


http://dlvr.it/T1HpLK

Read More