அண்ணன் ஜெகன் Vs தங்கை ஷர்மிளா... எப்படி இருக்கிறது ஆந்திர அரசியல் ஜல்லிக்கட்டு?!

ஆந்திர அரசியல் பல புதிய காட்சிகளைக் காணத் தொடங்கிவிட்டது. அங்கு, இன்னும் நான்கு மாதங்களில் நாடாளுமன்றத் தேர்தலுடன் சேர்த்து, சட்டமன்றத்துக்கும் தேர்தல் நடைபெறவிருக்கிறது. தற்போதைய முதல்வரும், ஒய்.எஸ்.ஆர்.காங்கிரஸ் கட்சியின் தலைவருமான ஒய்.எஸ்.ஜெகன்மோகன் ரெட்டி, இரண்டாவது முறையாக வெற்றிபெற்று மீண்டும் ஆட்சியமைக்க வேண்டும் என்ற முனைப்புடன் செயல்பட்டுவருகிறார்.ஜெகன்மோகன் ரெட்டி

ஒரு காலத்தில், பெரும் செல்வாக்குடன் ஆளுங்கட்சியாக வலம்வந்த காங்கிரஸ் கட்சி, இழந்த செல்வாக்கை மீட்டு, மீண்டும் ஆட்சியதிகாரத்துக்கு வரத்துடிக்கிறது. அதற்கான ஒரு உத்தியாக, சமீபத்தில் காங்கிரஸ் கட்சியில் இணைந்த ஒய்.எஸ்.ஷர்மிளாவை, ஆந்திர மாநில காங்கிரஸ் கமிட்டியின் தலைவராக கட்சித் தலைமை நியமித்திருக்கிறது.

முதல்வர் ஜெகன்மோகன் ரெட்டியின் உடன்பிறந்த தங்கைதான் ஒய்.எஸ்.ஷர்மிளா என்பதுதான் களத்தின் சுவாரஸ்யமே. ஒன்றுபட்ட ஆந்திராவில் செல்வாக்குமிக்க காங்கிரஸ் கட்சித் தலைவராக விளங்கிய ஒய்.எஸ்.ராஜசேகர ரெட்டி, ஆந்திராவின் முதல்வராக இருந்தவர். அவரது மறைவுக்குப் பிறகு, காங்கிரஸ் கட்சியில் முக்கியப் பதவியை எதிர்பார்த்தார் ஜெகன். குறிப்பாக, முதல்வர் பதவி வழங்கப்பட வேண்டும் என்று காங்கிரஸ் தலைமையிடம் பலமுறை கோரிக்கை வைத்தார். ஒய்.எஸ்.ஷர்மிளா - காங்கிரஸ்

ஆனால், ரோசய்யா, கிரண் ரெட்டி போன்ற மூத்த அமைச்சர்களுக்கு முதல்வர் நாற்காலியில் அமரவைத்த காங்கிரஸ் கட்சி, ஜெகன்மோகன் ரெட்டிக்கு அந்த வாய்ப்பைத் தரவில்லை. அதனால், ஒய்.எஸ்.ஆர்.காங்கிரஸ் என்ற புதிய கட்சியைத் தொடங்கி, நடைப்பயணம் எல்லாம் அவர் சென்றார்.

அப்போது, அண்ணனுக்கு துணை நின்றவர்தான் ஒய்.எஸ்.ஷர்மிளா. தாய் விஜயம்மாவுடன் சேர்ந்து ஜெகனுக்கு ஆதரவாகத் தேர்தல் பிரசாரத்தில் தீவிரமாக ஈடுபட்டார் ஷர்மிளா. அதன் மூலமாக, மாநில அளவில் தலைப்புச்செய்தியாகவும் அவர் மாறினார்.கே.சந்திரசேகர ராவ், ஒய்.எஸ்.ராஜசேகர ரெட்டி

ராஜசேகர ரெட்டியின் ஆதரவாளர்கள் ஜெகன்மோகன் ரெட்டியின் பக்கம் சாய்ந்தார்கள். அதனால், ஆந்திராவில் காங்கிரஸ் கட்சி செல்வாக்கு இழந்தது. 2019-ல் நடைபெற்ற சட்டமன்றத் தேர்தலில் வெற்றிபெற்று முதல்வர் நாற்காலியை ஜெகன் பிடித்தார். ஜெகனுடன் ஏற்பட்ட கருத்து மாறுபாடு காரணமாக, தெலங்கானா அரசியலுக்குப் போனார் ஷர்மிளா. ஒய்.எஸ்.ஆர்.தெலங்கானா என்ற புதிய கட்சியைத் தொடங்கி, பி.ஆர்.தலைவரும் முன்னாள் முதல்வருமான கே.சந்திரசேகர ராவுக்கு எதிரான அரசியலை முன்னெடுத்துவந்தார் ஷர்மிளா.

கே.சி.ஆரை எதிர்த்து அவரால் அரசியல் செய்ய முடியவில்லை. தெலங்கானாவில் சமீபத்தில் நடைபெற்ற சட்டமன்றத் தேர்தலிலும் அவரது கட்சி போட்டியிடவில்லை. தெலங்கானாவில் காங்கிரஸ் வெற்றிபெற்ற நிலையில், மல்லிகார்ஜுன கார்கே, ராகுல் காந்தி ஆகியோர் முன்னிலையில் காங்கிரஸில் இணைந்து, ஒய்.எஸ்.ஆர்.தெலங்கானா கட்சியை காங்கிரஸுடன் இணைத்துவிட்டார். தற்போது மாநிலத் தலைவர் பதவியையும் காங்கிரஸ் கட்சி அவருக்கு வழங்கியிருக்கிறது. ஷர்மிளா

இதனால், தனது அண்ணனுடன் நேரடியாக அரசியல் களத்தில் மோதும் இடத்துக்கு ஷர்மிளா வந்திருக்கிறார். ஆந்திராவில் காங்கிரஸ் கட்சிக்கு புத்துயிரூட்ட நடந்துவரும் முயற்சியில், ராஜசேகர ரெட்டியின் ஆதரவாளர்களில் ஒரு பகுதியினர் மீண்டும் தாய்க் கட்சிக்குத் திரும்புவார்கள் என்று காங்கிரஸ் தலைவர்கள் எதிர்பார்க்கிறார்கள்.``வரும் மக்களவைத் தேர்தலில் பாஜக தனிப்பெரும் கட்சியாக வரும்” - சசி தரூர் சொல்வதென்ன?

அப்பா முதல்வராக இருந்தார். அண்ணன் முதல்வர் நாற்காலியில் அமர்ந்துவிட்டார். எனவே, தானும் முதல்வராக வேண்டும் என்ற ஆசை ஷர்மிளாவுக்கும் இருக்கிறது. இதுதான் சரியான வாய்ப்பு என்று அவர் கருதுகிறார். சந்திரபாபு நாயுடு

இதற்கிடையில், தெலங்கு தேசம் கட்சியின் தலைவரும், முன்னாள் முதல்வருமான சந்திரபாபு நாயுடுவும் மீண்டும் ஆட்சியைப் பிடிப்பதற்கான முயற்சியில் இறங்கியிருக்கிறார். ஆனால், ஜெகனுக்கும் பாபுவுக்குமான மோதலைவிட, ஜெகனுக்கும் ஷர்மிளாவுக்கும் இடையே நடக்கவிருக்கும் மோதலைத்தான் ஆந்திரா அரசியல் பார்வையாளர்கள் ஆவலுடன் எதிர்பார்க்கிறார்கள். தெலங்கானாவில் செய்தது போன் இங்கும் சுற்றுப்பயணம் மேற்கொள்வாரா, அண்ணனுக்கு எதிராக தங்கையின் ஆக்‌ஷன் பிளான் எப்படி இருக்கும், அதற்கு அண்ணனின் எதிர்வினை எப்படி இருக்கும் என்பதே இப்போதைய எதிர்பார்ப்பாக இருக்கிறது.!

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/47zomWY">
https://bit.ly/47zomWY />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/47zomWY">
https://bit.ly/47zomWY />

http://dlvr.it/T1VYGS

Read More

மணிப்பூரில் மீண்டும் பதற்றம்... மர்ம நபர்களின் தாக்குதலில் கமாண்டோ ஒருவர் பலி - தொடரும் சோகம்

கடந்த ஆண்டு மே மாதம் குக்கீ - மெய்தி என இரு இனங்களுக்கு இடையே தொடங்கிய மோதல், கலவரமாக மாறியது. மணிப்பூர் வன்முறையில் இதுவரை 180 க்கும் மேற்பட்டோர் உயிரிழந்துள்ளனர். மேலும் ஆயிரக்கணக்கானோர் உள்நாட்டிற்குள் இடம்பெயர்ந்துள்ளனர். நாள்கள், மாதங்களாக கடந்த பின்னரும் முழுமையான அமைதிக்கு இன்னும் மணிப்பூர் திரும்பவில்லை.

இந்நிலையில் மணிப்பூர் மாநிலத் தலைநகர் இம்பாலில் இருந்து சுமார் 110 கிமீ தொலைவில் உள்ள மோரே நகரத்தில், இன்று மர்மநபர்கள் நடத்திய தாக்குதலில் மணிப்பூர் காவல்துறை கமாண்டோ ஒருவர் கொல்லப்பட்டார். பாதுகாப்பு படையினருக்கும், மர்ம நபர்களுக்கும் இடையே காலை முதல் துப்பாக்கிச்சூடு நடந்து வருவதாக அரசு வட்டாரங்கள் தெரிவிக்கின்றன.மணிப்பூர்!

இது தொடர்பாக வெளியான தகவலின் படி, மோரே அருகே உள்ள பாதுகாப்புச் சாவடி மீது மர்ம நபர்கள் இன்று வெடிகுண்டுகளை வீசி துப்பாக்கியால் சுட்டனர். மோரே இந்தியா - மியான்மர் எல்லையில் உள்ள ஒரு முக்கிய வர்த்தக நகரமாகும்.  தற்காலிக கமாண்டோ முகாம் மீது மர்ம நபர்கள் ஆர்பிஜி எனப்படும் கையெறி குண்டுகளை வீசியதாகவும், அருகில் நிறுத்தப்பட்டிருந்த பல வாகனங்களை சேதப்படுத்தியதாகவும் போலீஸார் தெரிவிக்கின்றனர். வன்முறையில் கொல்லப்பட்ட கமாண்டோ, மோரேயில் உள்ள மாநில போலீஸ் கமாண்டோவில் பணிபுரிந்து வந்த வாங்கெம் சோமோர்ஜித் என தெரிய வந்துள்ளது. இவர் இம்பால் மேற்கு மாவட்டத்தில் உள்ள மாலோம் பகுதியைச் சேர்ந்தவர். 

காவல்துறையின் கமாண்டோ கொலை செய்யப்பட்ட சம்பவத்தில் ஈடுபட்டதாக இரண்டு பழங்குடியினரை போலீஸார் கைது செய்துள்ளனர். மேலும் ஆயுதமேந்திய மர்ம நபர்கள் பாதுகாப்பு வாகனங்களை தள்ளிவிட்டு மோரேக்குள் நுழைவது குறித்த காணொலிகள் வெளியாகி உள்ளன. 

முன்னதாக, பொது அமைதிக்கு குந்தகம் விளைவிப்பது, பொது அமைதிக்கு இடையூறு மற்றும் மனித உயிர்கள், உடைமைகளுக்கு ஏற்படும் ஆபத்து ஆகியவற்றை கருத்தில் கொண்டு ஜனவரி 16-ம் தேதி காலை 12 மணி முதல் மணிப்பூர் அரசு முழு ஊரடங்கு உத்தரவை பிறப்பித்தது. ஆனால் சட்டம் மற்றும் ஒழுங்கு பாதுகாப்பு  மற்றும் அத்தியாவசிய சேவைகளை வழங்கும் அரசாங்கத்தின் நிறுவனங்களுக்கு ஊரடங்கு உத்தரவு பொருந்தாது என்று  மாவட்ட மாஜிஸ்திரேட் தெரிவித்தார்.

Today (17.01.2024) at early morning, armed militants orchestrated a violent attack on the State forces, employing firearms and explosives in Moreh, Tengnoupal district. In the incident, one personnel of 6th Manipur Rifles namely Wangkhem Somorjit Meetei S/o (L) W. Chaoton Singh…— Manipur Police (@manipur_police) January 17, 2024




இதனிடையே குக்கி பழங்குடியினர் மோரேவில் இருந்து மாநில காவல்துறையை அகற்றிவிட்டு மத்தியப் படைகளை மட்டும் வைத்திருக்குமாறு மத்திய அரசை கேட்டுக் கொண்டனர். குக்கி இன மக்கள் மீது போலீஸார் தாக்குதல் நடத்தியதாக அவர்கள் குற்றம் சாட்டியுள்ளனர். இந்த குற்றச்சாட்டுகளை  மணிப்பூர் காவல்துறை மறுத்துள்ளது. மேலும் மாநில காவல்துறை கமாண்டோக்களை தாக்கியவர்கள் மலை பகுதி கிளர்ச்சியாளர்கள் என்று கூறுகின்றனர்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/47zomWY">
https://bit.ly/47zomWY />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/47zomWY">
https://bit.ly/47zomWY />

http://dlvr.it/T1VY2L

Read More

``வரும் மக்களவைத் தேர்தலில் பாஜக தனிப்பெரும் கட்சியாக வரும்” - சசி தரூர் சொல்வதென்ன?

வரும் மக்களவைத் தேர்தல் தேதி அடுத்த மாதம் அறிவிக்கப்படலாம் என்று எதிர்பார்க்கப்படுகிறது. அதற்காகத்தான் இப்போது அவசர அவசரமாக ராமர் கோயில் திறப்பு விழா நடைபெறுகிறது என எதிர்க்கட்சிகள் சாடுகின்றன. எதிர்க்கட்சிகளும் தொகுதிப்பங்கீடு செய்து கொள்ள முயன்று வருகிறது. ஆனால் மேற்கு வங்கம், உத்தரப்பிரதேசம் போன்ற மாநிலங்களில் இந்தியா கூட்டணியில் தொகுதி பங்கீடு இழுபறியாக இருந்து வருகிறது. நடைபெற இருக்கும் மக்களவைத் தேர்தல் முடிவுகள் மற்றும் எதிர்க்கட்சி தொகுதிப் பங்கீடு குறித்து காங்கிரஸ் முன்னாள் மத்திய அமைச்சர் சசி தரூர் அளித்த பேட்டியில் பா.ஜ.க. இம்முறையும் தனிப்பெரும் கட்சியாக வரும் என்று தெரிவித்துள்ளார்.

இது தொடர்பாக அவர் அளித்துள்ள பேட்டியில், ''வரும் மக்களவை தேர்தலில் பா.ஜ.க தனிப்பெரும் கட்சியாக வரும். ஆனால் பா.ஜ.க.கூட்டணியில் இடம் பெற்ற சில கூட்டணி கட்சிகள் இப்போது அவர்களுக்கு ஆதரவு கொடுக்க மறுத்து இருப்பதால் பா.ஜ.க.வெற்றி பெறும் தொகுதிகளின் எண்ணிக்கை கணிசமாக குறையும். அவர்களுடன் சேர்ந்து ஆட்சி அமைக்கக்கூடிய கட்சிகள் அவர்களுடன் சேர தயாராக இல்லை. அந்த கட்சிகள் எங்களுடன் கூட்டணி வைக்கலாம். எனவே நாங்களும் முயற்சி செய்து பார்ப்போம். எதிர்க்கட்சி கூட்டணியில் சுமூகமாக தொகுதி பங்கீடு ஏற்படும் என்று நம்புகிறேன்.

தோல்வியை தவிர்க்க நடவடிக்கை எடுக்கப்படும். ஒரு மாநிலத்தில் அனைத்து எதிர்க்கட்சிகளிடையே உடன்பாடு எட்டப்படும் போது பா.ஜ.க-வுக்கு எதிராக ஒரே வேட்பாளரை நிறுத்த முடியும். மற்ற மாநிலத்தில் இரண்டு அல்லது மூன்று வேட்பாளர் இருக்கலாம். வாக்காளர்கள் தாங்கள் சிறந்த வேட்பாளராக கருதும் நபரை தேர்ந்தெடுப்பார்கள். அது ஒன்றுதான் வாக்காளர்களால் செய்யக்கூடிய ஒன்றாகும். இதில் கருத்து வேறுபாடுகள் இருக்கும் பட்சத்தில் பா.ஜ.க.வேட்பாளர் வெற்றி பெறலாம். தமிழ்நாடு மற்றும் கேரளாவை எடுத்துக்கொள்ளுங்கள்.

கேரளாவில் இந்தியா கூட்டணியில் இடம் பெற்றுள்ள கட்சிகளிடையே தொகுதி பங்கீடு நினைத்து பார்க்க முடியாத ஒன்று ஆகும். ஆனால் அதன் அண்டை மாநிலமான தமிழ்நாட்டில் காங்கிரஸ் கட்சியும், மார்க்சிஸ்ட் கம்யூனிஸ்ட் கட்சியும் கருத்து வேறுபாடு இல்லாமல் ஒரே அணியில் இடம் பெற்று இருக்கிறது. அவர்கள் இணைந்து தேர்தலில் போட்டியிட்டு இருக்கிறார்கள். வரும் தேர்தலிலும் போட்டியிடுவார்கள். எனவே மக்களுக்கு நினைவூட்டுவது என்னவென்றால் உங்களது தொகுதியில் சிறந்தவர்களுக்கு வாக்களிப்பதுதான். சசிதரூர்

மோடி மோடி என்று கோஷமிடுபவர்கள் மோடியை வாரணாசி மக்களால் மட்டுமே தேர்ந்தெடுக்க முடியும் என்பதை தெரிந்து கொள்ளவேண்டும். ஒவ்வொருவரும் தங்களது தொகுதியில் சிறந்த வேட்பாளருக்கு வாக்களிக்கவேண்டும் என்று நினைக்கிறார்கள். மோடியை அனுப்புவதற்கு மட்டுமே வாக்களிக்க வேண்டும் என்று அவர்கள் விரும்பினால் அது அவர்களது விருப்பம்'' என்று தெரிவித்தார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/47zomWY">
https://bit.ly/47zomWY />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/47zomWY">
https://bit.ly/47zomWY />

http://dlvr.it/T1TpRf

Read More

வேலூர்: பிரதான சாலையில் தேங்கிக் கிடக்கும் கழிவுநீர்... நிரந்தர தீர்வு காணுமா மாநகராட்சி?!

வேலூர் புதிய பேருந்து நிலையத்திலிருந்து பழைய பேருந்து நிலையத்தை நோக்கிப் பேருந்தில் பயணித்துக்கொண்டிருந்தேன். ஜன்னலோர இருக்கையென்பதால், வெளிப்புறமே எனது பார்வை இருந்தது. அப்போதுதான் சாக்கடைக் கழிவுநீர் சாலையோரங்களில் தேங்கியிருப்பதைப் பார்த்தேன். பழைய பேருந்து நிலையத்தை அடைந்தவுடன், நடைப்பயணமாகவே அந்தச் சாக்கடைக் கழிவுநீர் தேங்கியிருந்த இடத்துக்குச் சென்றேன். அதுவொன்றும் சிறிய தெருவோ அல்லது மறைமுகமான சாலையோகூட கிடையாது. வேலூரிலிருந்து புதிய பேருந்து நிலையத்துக்குச் செல்லும் பிரதான சாலைதான் அது. திருவண்ணாமலை மார்க்கமாக காட்பாடி, பெங்களூரு போன்ற இடங்களுக்கும் இந்தச் சாலை வழியாகத்தான் பேருந்துகள் செல்லும்.

அப்படி ஒரு பரபரப்பான சாலையிலேயே கழிவுநீர் தேங்கி, சுகாதாரச் சீர்கேடு நிலவுவது என்னை அதிர்ச்சியடையச் செய்தது. அதை ஏன் யாரும் சரி செய்யவில்லை... அப்படி என்ன சிக்கல் இருக்கும், இதைச் சரிசெய்வதில்... என்று எனக்குள்ளேயே கேள்விகள் எழ, சில தினங்களாகத்தான் இந்தப் பிரச்னை இருக்கும்போல என பதில் கூறிக்கொண்டு, என்னை நானே ஆசுவாசப்படுத்திக் கொண்டேன்.

அங்கிருந்த கடைக்காரர்களிடம், `ஏன் அண்ணே... இந்தப் பிரச்னை எத்தனை நாளா இருக்கு?' என பேச்சுக் கொடுக்கையில், ``ஒரு வருடத்துக்கும் மேலாக இந்த இடம் இப்படித்தான் தம்பி இருக்கு"  என்ற அவர்களின் பதில், என்னை அதிர்ச்சியில் ஆழ்த்தியது.

`ஒரு வருஷமா இந்தப் பிரச்னை இருக்குதுனு சொல்றீங்களே, நீங்க மாநகராட்சி நிர்வாகத்திடம் தெரிவிச்சிருக்கலாமே..?' எனக் கேட்டேன். அதற்கு, ``நீங்க யாரு தம்பி... எதுக்கு இதெல்லாம் பத்தி கேக்குறீங்க..?" எனக் கேட்க, ஊடகத்திலிருந்து வந்திருப்பதை அவரிடம் சொல்லிவிட்டு, என்னை அறிமுகப்படுத்திக்கொண்டேன். ``நீங்க பிரஸ்காரங்களா தம்பி..." எனக் கேட்டுவிட்டு, பேச்சைத் தொடர்ந்தவர், ``ஒரு வருஷமா இந்தச் சாக்கடை கழிவுநீர் துர்நாற்றத்துலதான் தம்பி, வியாபாரம் செஞ்சுட்டு இருக்குறோம். இந்த அவலத்தை சரி செய்யுங்கன்னு மனு கொடுக்காத அதிகாரிங்க கெடையாது. கவுன்சிலர், மேயர், எம்.எல்.ஏ-னு எல்லார்கிட்டயும் சொல்லிப்பார்த்துட்டோம். எங்கப் புகார்கள வாங்கிட்டு, உடனே சரி செய்திடறோம்னு சொல்லுவாங்க... நாங்களும் நம்பிட்டு இருப்போம்.

ஆனா, எந்தவித நடவடிக்கையும் இருக்காது. இதுக்கு நிரந்தர தீர்வு வேணும்னுங்கிறதுதான் எங்களோட கோரிக்கை. ஆனா, கார்ப்பரேஷன் ஆளுங்க டேங்கரோட வந்து, இங்க தேங்கியிருக்குற சாக்கடைத் தண்ணிய மோட்டார் போட்டு எடுத்துட்டுப் போய்கிட்டு இருக்காங்களே தவிர, இதுக்கு நிரந்தர தீர்வுகாண ஒரு நடவடிக்கையும் இல்ல. இவங்க எடுத்துட்டுப் போவாங்க, கொஞ்ச நேரத்துலயே சாக்கடைத் தண்ணி ரோட்டுல தேங்கி நின்னுடும். இதுக்கு நிரந்தர தீர்வுகாண, டிஜ்ல இருக்க அடைப்ப எடுக்கணும். ஆனா, அதுவும் கொஞ்சம் சிரமம்தான். ரோட்ட ஒடச்சாத்தான் அது நடக்கும். ரோட்ட ஒடச்சாலும், மாச கணக்கா ஆகும், அத சரி பண்ண. இதனால போக்குவரத்துதான் பாதிக்கும். 

மனு கொடுத்து, கொடுத்து சலிச்சுப் போச்சு தம்பி. நீங்களே சொல்லுங்க... இந்த மாறி சாக்கடைத் தண்ணி எதிர தேங்கியிருக்கக் கடைக்குப் போவீங்களானு! இதுக்கு நிரந்தர தீர்வு காணணும்னு நெனச்சுருந்தா, எப்பவோ பண்ணியிருக்கலாம். பாப்போம் எப்போத்தான் எங்களுக்கு விடிவு காலம் வரும்னு" என்று தனது வருத்தத்தைத் தெரிவித்தார்.

அங்குள்ள மக்களின் கோரிக்கையை ஏற்று வேலூர் மாநகராட்சி நிர்வாகம் இந்தப் பிரச்னைக்கு நிரந்தர தீர்வு காணுமா அல்லது இனி வரும் காலங்களிலும் மோட்டார் போட்டே நீரை உறிஞ்சிக்கொண்டிருக்குமா என்பதைப் பொறுத்திருந்துதான் பார்க்க வேண்டும்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/47zomWY />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/47zomWYவேலூர்: ‘‘மேயர் உத்தரவை அதிகாரிகள் மதிப்பதே கிடையாது!’’ - கடுகடுத்த கவுன்சிலர்கள்


http://dlvr.it/T1Tb7v

Read More

விவாகரத்து: குழந்தையை அம்மாவிடம் ஒப்படைக்க வேண்டிய நாளில் தலைமறைவான அப்பா, கைது செய்த போலீஸ்!

நெதர்லாந்தை சேர்ந்த பெண் ஒருவர் கடந்த 2009-ம் ஆண்டு இந்தியா வந்தபோது மும்பையை சேர்ந்த நிம்பல்கர் (30) என்பவரை சந்தித்தார். இருவரும் பழகி பின்னர் திருமணமும் செய்து கொண்டனர். இருவரும் நெதர்லாந்து சென்று வாழ ஆரம்பித்தனர். அவர்களுக்கு ஐந்து வயதில் ஒரு பெண் குழந்தை உள்ளார். பில்கிஸ் பானோ வழக்கு: சட்டத்தின் பார்வையில் தீர்ப்பின் முக்கியத்துவம் பெறும் கூறுகள்..!

ஆனால், கடந்த ஆண்டு அவர்கள் முறைப்படி கோர்ட் மூலம் விவாகரத்துப் பெற்றுக்கொண்டனர். கடந்த ஆண்டு ஆகஸ்ட் மாதம், குழந்தை 15 நாள்கள் தந்தையுடன் விடுமுறையை கழிக்க இந்தியாவிற்குச் செல்ல நெதர்லாந்து கோர்ட் அனுமதித்தது. குழந்தையை இந்தியாவுக்கு அழைத்து வந்த நிம்பல்கர், விடுமுறை முடிந்த பிறகும் நெதர்லாந்துக்கு குழந்தையை அழைத்துச் செல்லவில்லை.

இதையடுத்து குழந்தையின் தாய் நெதர்லாந்து கோர்ட்டில் மனுத்தாக்கல் செய்தார். நெதர்லாந்து கோர்ட்டும் குழந்தையை ஒப்படைக்க நிம்பல்கருக்கு உத்தரவிட்டது. ஆனால் குழந்தையை நிம்பல்கர் ஒப்படைக்கவில்லை. இதையடுத்து குழந்தையின் தாய் மும்பை உயர் நீதிமன்றத்தில் இது தொடர்பாக மனுத்தாக்கல் செய்தார்.Baby(Representational image)

இம்மனுவை விசாரித்த கோர்ட், தந்தை மற்றும் மகள் இரண்டு பேரும் கோர்ட்டில் ஆஜராக உத்தரவிட்டது. அதன்படி நிம்பல்கர் தன் மகளுடன் கோர்ட்டில் ஆஜரானார். குழந்தையை தாயிடம் ஒப்படைக்கும்படி கோர்ட் உத்தரவிட்டது. ஹோட்டல் ஒன்றில் அறை முன்பதிவு செய்து, அங்கு வைத்து குழந்தையை தாயிடம் கொடுக்க நிம்பல்கருக்கு உத்தரவிட்டது.

இதையடுத்து குழந்தையை பெற நிம்பல்கர் சொன்ன ஹோட்டலுக்கு நெதர்லாந்து பெண் வந்தார். ஆனால் நிம்பல்கர் சொன்னபடி குழந்தையுடன் அங்கு வரவில்லை. இதையடுத்து இது குறித்து அப்பெண் போலீஸில் புகார் செய்தார். இன்ஸ்பெக்டர் கணேஷ் பவார் தலைமையில் போலீஸார் நிம்பல்கரின் மும்பை வீட்டிற்குச் சென்று தேடினர். ஆனால் அங்கு நிம்பல்கர் மற்றும் குழந்தை இல்லை.Father`தாம்பத்திய உறவுகொள்ள மறுப்பது மனரீதியில் கொடுமையானது..!’ - கணவருக்கு விவாகரத்து வழங்கிய நீதிமன்றம்

இதையடுத்து அவரை கைது செய்ய கோர்ட் வாரன்ட் பிறப்பித்தது. நிம்பல்கர் தனது போனை ஆஃப் செய்து வைத்திருந்தார். அப்படி இருந்தும் போலீஸார் நிம்பல்கரை குஜராத் எல்லையில் உள்ள தாமன் என்ற இடத்தில் கண்டுபிடித்து கைது செய்தனர். அவரை கைது செய்து குழந்தையை மீட்டு தாயிடம் ஒப்படைத்தனர். குழந்தையை அழைத்துச் செல்ல, குழந்தையின் தாய் தன் பெற்றோருடன் இந்தியாவிற்கு வந்திருந்தார்.ிர்ல்


http://dlvr.it/T1S2vv

Read More

திருவள்ளுவர்: `சனாதன துறவி!' - ஆளுநர் | `வள்ளுவரை யாரும் கறைப்படுத்த முடியாது!' - முதல்வர்

உலகம் முழுவதும் தமிழர்கள் வாழும் பகுதிகளில் பொங்கல் பண்டிகை விமரிசையாகக் கொண்டாடப்பட்டு வருகிறது. தை இரண்டாம் நாளான இன்று, மாட்டுப் பொங்கல் மற்றும் திருவள்ளுவர் தினம் அனுசரிக்கப்படுகிறது. இந்த நிலையில், உலகப் பொதுமறை இயற்றிய திருவள்ளுவருக்கு ஒரு குறிப்பிட்ட அடையாளம் பூசப்படுவதாக சர்ச்சை தொடர்ந்து வருகிறது. வெண்ணிற ஆடையில், தலையில் கொண்டை, தாடியுடன் ஒரு கையில் எழுத்தாணி மற்றொரு கையில் ஓலைச்சுவடி வைத்திருக்கும் படமே தமிழ்நாடு அரசால் அங்கீகரிக்கப்பட்ட திருவள்ளுவரின் படம். ஓவியர் வேணுகோபால் சர்மாவால் இந்த ஓவியம் வரையப்பட்டது.சிபிஎஸ்சி புத்தகத்தில் திருவள்ளுவர் - தமிழ்நாடு அரசு அங்கீகரித்த திருவள்ளுவர்

ஆனால், 2019-ம் ஆண்டு பா.ஜ.க-வின் அதிகாரபூர்வ ட்விட்டர் பக்கத்தில் காவி உடையணிந்த திருவள்ளுவரின் புகைப்படம் பகிரப்பட்டது. அதைத் தொடர்ந்து, 2020-ம் ஆண்டு குடியரசு துணைத் தலைவர் வெங்கைய நாயுடு தனது ட்விட்டர் பக்கத்தில் காவி உடையில் திருவள்ளுவர் இருப்பது போன்ற படத்தைப் பகிர்ந்தார். இதற்குக் கடும் எதிர்ப்பு கிளம்பியதும், அந்தப் படத்தை நீக்கிவிட்டு, மீண்டும் வெள்ளை நிற உடையில் இருந்த படத்தைப் பதிவேற்றியிருந்தார். இப்படி திருவள்ளுவரின் உடை குறித்த சர்ச்சை தொடர்ந்துகொண்டே இருக்கிறது.

அதேநேரம், எட்டாம் வகுப்பு சி.பி.எஸ்.இ பாடப்புத்தகத்தில், திருவள்ளுவர் காவி உடை அணிந்து, தலையில் முடியில்லாமல் ஒரு சிறிய குடுமியுடன், நெற்றியில் திருநீறு பூசி, ருத்ராட்ச மாலை அணிந்திருப்பது போன்ற படம் இடம்பெற்றிருந்தது. `தமிழ்நாட்டின் அடையாளத்தை பா.ஜ.க மாற்ற முயல்கிறது' எனப் பல்வேறு தரப்பிலிருந்து கண்டனங்கள் வலுத்தன. இப்படி காவி உடையில் திருவள்ளுவர் உருவத்தை பா.ஜ.க தொடர்ந்து முன்னிலைப்படுத்தி வருவது விமர்சிக்கப்பட்டு வருகிறது.ஆளுநர் ஆர்.என்.ரவி பகிர்ந்த திருவள்ளுவர் படம்

இந்த நிலையில், இன்று திருவள்ளுவர் தினத்துக்கு வாழ்த்து தெரிவித்த தமிழ்நாட்டின் ஆளுநர் ஆர்.என். ரவி, தனது அதிகாரபூர்வ ட்விட்டர் பக்கத்தில், திருவள்ளுவர் காவி உடையில் இருப்பது போன்ற புகைப்படத்தைப் பதிவிட்டு,``திருவள்ளுவர் தினத்தில், ஆன்மிக பூமியான நமது தமிழ்நாட்டில் பிறந்த பெரும்புலவரும், சிறந்த தத்துவஞானியும் பாரதிய சனாதன பாரம்பர்யத்தின் பிரகாசமான துறவியுமான திருவள்ளுவருக்கு எனது பணிவான மரியாதையை செலுத்துகிறேன்.

அவரது ஞானம் நமது தேசத்தின் சிந்தனை மற்றும் அடையாளத்தை வடிவமைத்து, வளப்படுத்தி ஒட்டுமொத்த மனித குலத்துக்கு வழிகாட்டியாகவும் உத்வேகத்தின் ஆதாரமாகவும் நீடிக்கிறது. இந்த புனிதமான நாளில், அனைவருக்கும் எனது அன்பான நல்வாழ்த்துகளைத் தெரிவித்துக் கொள்கிறேன்" எனக் குறிப்பிட்டிருந்தார்.

அதைத் தொடர்ந்து, பா.ஜ.க தலைவர் அண்ணாமலை,`` `வள்ளுவன் தன்னை உலகினுக்கே தந்து வான்புகழ் கொண்ட தமிழ்நாடு' என்ற மகாகவி பாரதியின் வரிகளுக்கேற்ப, உலகம் முழுவதும் எக்காலத்துக்கும் பொருந்தும்படியான திருக்குறளை வழங்கிய தெய்வப்புலவர் திருவள்ளுவர் தினம் இன்று கொண்டாடப்படுகிறது.அண்ணாமலை பகிர்ந்த திருவள்ளுவர் படம்

பிரதமர் மோடியின் சீரிய முயற்சியால், திருக்குறள் இன்று உலகின் பல மொழிகளில் மொழிபெயர்க்கப்பட்டு, உலகப் பொதுமறை என்ற பெயருக்கு ஏற்ப புகழ் பெற்று திகழ்கிறது. உலக நாடுகளில் திருவள்ளுவரின் பெருமை பரவி வருகிறது. பாரதத்தின் கலாச்சாரமும், பாரம்பரியமும், மனித குலத்தின் வாழ்வியல் முறைகளும் நிறைந்திருக்கும் திருக்குறளை உணர்ந்து படிப்போம். அய்யன் திருவள்ளுவரைப் போற்றுவோம்" எனக் காவி உடையில் திருவள்ளுவர் படத்தைப் பதிவிட்டிருந்தார்.

இதற்குப் பதிலளிக்கும் வகையில், முதல்வர் ஸ்டாலின் தனது எக்ஸ் ட்விட்டர் பக்கத்தில், ``தமிழினத்தில் பிறந்து அமிழ்தமிழில் அறம் உரைத்து உலகம் முழுமைக்குமான நெறிகள் சொன்ன வான்புகழ் வள்ளுவர் நாள் வாழ்த்துகள்! பிறப்பொக்கும் எல்லா உயிர்க்கும் என்ற சமூகநீதிக் கோட்பாட்டையும் - முயற்சி மட்டுமே வெற்றியைத் தரும் என்ற தன்னம்பிக்கை ஊக்கத்தையும் - அறன் எனப் பட்டதே இல்வாழ்க்கை என்ற கருத்தியலையும் வழிகாட்டியவர் வள்ளுவர்.முதல்வர் ஸ்டாலின் பகிர்ந்த திருவள்ளுவர் படம்

133 அடியில் சிலையும் - தலைநகரில் கோட்டமும் அமைத்துப் போற்றும் குறளோவியத் தமிழ்நாட்டில், வள்ளுவரை யாரும் கறைப்படுத்த முடியாது. குறள் நெறி நம் வழி! குறள் வழியே நம் நெறி!" என தமிழ்நாடு அரசு அங்கீகரித்த வெள்ளை நிற உடையில் திருவள்ளுவர் படத்தை பதிவிட்டு வாழ்த்து தெரிவித்திருக்கிறார்.சி.பி.எஸ்.இ பாடப்புத்தகத்தில் காவி உடையில் திருவள்ளுவர் படம்; தொடரும் சர்ச்சை - வலுக்கும் கண்டனங்கள்


http://dlvr.it/T1S2hx

Read More

அமெரிக்க அதிபர் தேர்தல்: முன்னேறும் ட்ரம்ப்; பின்வாங்கிய விவேக் ராமசாமி - காரணம் என்ன?!

நான்கு ஆண்டுகளுக்கு ஒருமுறை அமெரிக்காவில் தேர்தல் நடைபெறும் நிலையில், 2020-ஐ தொடர்ந்து 2024-ம் ஆண்டு அதிபர் தேர்தல் நடைபெறவிருக்கிறது. அமெரிக்காவில் ஜனநாயகக் கட்சி, குடியரசுக் கட்சி ஆகிய இரண்டும்தான் பிரதான கட்சிகளாகச் செயல்பட்டுவருகின்றன. தற்போது ஜனநாயகக் கட்சியைச் சேர்ந்த அதிபர் ஜோ பைடனின் பதவிக்காலம், இந்த ஆண்டுடன் நிறைவுபெறுகிறது. அதைத் தொடர்ந்து, வரும் நவம்பர் மாதம் அதிபர் தேர்தல் நடைபெறும் என எதிர்பார்க்கப்படுகிறது.டொனால்டு ட்ரம்ப்

இந்தத் தேர்தலில், குடியரசுக் கட்சி சார்பாக, பல தடைகளைக் கடந்து முன்னாள் அதிபர் டொனால்டு ட்ரம்ப் மீண்டும் போட்டியிடுகிறார். அதே கட்சியைச் சேர்ந்த, கேரள மாநிலம், வடக்கன் சேரியைப் பூர்வீகமாகக் கொண்ட விவேக் ராமசாமி (37)-யும் போட்டியிட விருப்பம் தெரிவித்திருந்தார். அதற்கானப் பணிகளையும் மும்முரமாகத் தொடர்ந்தார். இதற்கிடையில், ட்ரம்ப் தனது `ட்ரூத்' சோஷியலில், விவேக் ராமசாமியை `மோசடியாளர்' எனச் சாடினார். மேலும், `இந்திய-அமெரிக்கருக்கு அளிக்கப்படும் வாக்கு, எதிர் தரப்புக்கு அளிக்கப்படும் வாக்கு' என கருத்து தெரிவித்தார்.

அந்தச் சூழலில், அயோவா, காக்கஸ் தொகுதிகளில் தேர்தல் நடைபெற்றது. இந்தத் தேர்தலில், டொனால்ட் ட்ரம்ப் அதிக சதவிகித வாக்குகளைப் பெற்று முதலிடத்துக்கு முன்னேறியிருக்கிறார். ஆனால், விவேக் ராமசாமி 7.7 சதவிகித வாக்குகளைப் பெற்று 4-வது இடத்துக்குத் தள்ளப்பட்டிருக்கிறார். இந்த நிலையில்தான், அதிபர் தேர்தலிலிருந்து பின்வாங்குவதாக விவேக் ராமசாமி அறிவித்திருக்கிறார்.விவேக் ராமசாமி

இது தொடர்பாக அவர் தனது எக்ஸ் ட்விட்டர் பக்கத்தில், ``நான் எனது இலக்கை அடையவில்லை. வெள்ளை மாளிகையில் எங்களுக்கு ஓர் அமெரிக்க தேசபக்தர் தேவை. மக்கள் தங்களுக்கு யார் வேண்டும் என்று சத்தமாகவும் தெளிவாகவும் பேசுகிறார்கள். எனவே, நான் எனது பிரசாரத்தை இடைநிறுத்துகிறேன். மேலும், டொனால்டு ட்ரம்ப்பை ஆதரிக்கிறேன். அவர் அடுத்த அமெரிக்க ஜனாதிபதி என்பதை உறுதிப்படுத்த என்னால் முடிந்த அனைத்தையும் செய்வேன்." எனக் குறிப்பிட்டிருக்கிறார்.`குழந்தையை பராமரிக்க 80 லட்சம் சம்பளம்' விவேக் ராமசாமி வீட்டில் குவியும் விண்ணப்பம்..!


http://dlvr.it/T1S2QD

Read More