`சின்னம் விவகாரம்' - அடம்பிடிக்கும் கூட்டணிக் கட்சிகள்! - திமுக-வின் முடிவு என்ன?

கடந்த நாடாளுமன்ற தேர்தலில் 20 இடங்களை தனக்கு எடுத்துக்கொண்டது தி.மு.க. மீதம் உள்ள இடங்களை கூட்டணி கட்சிகளுக்கு பிரித்து கொடுத்தது. அதில் காங்கிரஸுக்கு 9 தொகுதிகள், கம்யூனிஸ்ட் கட்சிகள், வி.சி.கவுக்கு தலா 2 தொகுதிகள், ம.தி.மு.க, கொ.ம.தே.க, முஸ்லிம் லீக், ஐ.ஜே.கே உள்ளிட்டவற்றுக்கு தலா ஒரு தொகுதிகள் ஒதுக்கப்பட்டன. இதில் 38 இடங்களில் தி.மு.க கூட்டணி வெற்றி பெற்றது. தேனியில் போட்டியிட்ட ஈ.வி.கே.எஸ்.இளங்கோவன் மட்டும் தோல்வியடைந்தார்.ஸ்டாலின்

இதில் உதயசூரியன் சின்னத்தில் ம.தி.முக, கொ.ம.தே.க ஆகிய கட்சிகள் போட்டியிட்டன. வி.சி.க-வை பொறுத்தவரையில் சிதம்பரம் தொகுதியில் போட்டியிட்ட திருமாவளவன் மட்டும் பானைச் சின்னத்தில் போட்டியிட்டார். வி.சி.க-வின் மற்றொரு வேட்பாளரான ரவிக்குமார், உதயசூரியன் சின்னத்தில் போட்டியிட்டார். இதனால் நாடாளுமன்றத்தில் தி.மு.க உறுப்பினர்களின் எண்ணிக்கை அதிகமாக இருந்தது. இந்த சூழலில் வரும் தேர்தலில் தி.மு.க கூட்டணியில் இருக்கும் கட்சிகள் சொந்த சின்னத்தில் போட்டியிட விருப்பம் தெரிவித்திருக்கின்றன.

இது குறித்து நம்மிடம் பேசிய விவரப்புள்ளிகள், "கடந்த தேர்தலில் தி.மு.க கூட்டணியில் இடம் பெற்ற காங்கிரஸ், கம்யூனிஸ்ட் கட்சிகள் சொந்த சின்னத்தில் போட்டியிட்டன. ம.தி.முக, கொ.ம.தே.க, வி.சி.க உள்ளிட்ட கட்சிகள் உதயசூரியன் சின்னத்தில் நின்றன. இந்த சூழலில் வரும் தேர்தலில் சம்பந்தப்பட்ட கட்சிகளிடம் மீண்டும் உதயசூரியன் சின்னத்தில் போட்டியிட வேண்டும் என தி.மு.க தரப்பில் இருந்து வலியுறுத்தப்பட்டது. ஆனால், வி.சி.க தரப்பில் பானை சின்னத்திலும், ம.தி.மு.க பம்பரம் சின்னத்திலும் என சொந்த சின்னத்தில் நிற்பதற்கே விரும்புகிறார்கள்.மதிமுக

தி.மு.க கூட்டணிக்குச் செல்ல காய் நகர்த்தும் கமல், டார்ச் லைட் சின்னத்தில்தான் தேர்தலை சந்திக்க போவதாக அறிவித்துவிட்டார். இதேபோல் காங்கிரஸ், கம்யூனிஸ்ட் கட்சிகள் வழக்கம்போல சொந்த சின்னத்தில்தான் தேர்தலை சந்திப்பார்கள். இதனால் நாடாளுமன்றத்தில் தி.மு.க உறுப்பினர்களின் எண்ணிக்கை குறையும். எனவே, இந்த விவகாரம் குறித்து ஆலோசித்துக் கொண்டிருக்கும் தி.மு.க, என்ன முடிவை எடுக்கப் போகிறது என்பதை பொறுத்திருந்துதான் பார்க்க வேண்டும்" என்றனர் விரிவாக.Election 2024: திருநாவுக்கரசருக்கு பதில் துரை வைகோ... திருச்சியை குறிவைத்த மதிமுக!


http://dlvr.it/T2XVG6

Read More

`ஒரே கல்லில் இரண்டு மாங்காய்' - எடப்பாடியும் ஆ.ராசாவுக்கு எதிரான `அவிநாசி' ஆர்ப்பாட்டமும்!

தி.மு.க துணைப் பொதுச்செயலாளரும் எம்.பி-யுமான ஆ.ராசா, மறைந்த முன்னாள் முதல்வர் எம்.ஜி.ஆர் குறித்து சர்ச்சையாக பேசியிருந்தார். இதற்குக் கடுமையான எதிர்ப்பை அ.தி.மு.க நிர்வாகிகள் தெரிவித்து வந்தனர். இதைத் தொடந்து அ.தி.மு.க பொதுச்செயலாளர் எடப்பாடி பழனிசாமி தனது தலைமையில் அவிநாசியில் பிப்ரவரி 9-ம் தேதி போராட்டம் நடைபெறும் என்று, கடந்த 5-ம் தேதி அறிவித்திருந்தார்.ஆ.ராசா

அதன்படி, அவிநாசியில் பிப்ரவரி 9-ம் தேதியான இன்று திட்டமிட்டப்படி கண்டன ஆர்ப்பாட்டம் நடைபெற்றது. இதில் பேசிய எடப்பாடி, ஆ.ராசா குறித்து கடுமையான விமர்சனங்களை முன்வைத்ததோடு, கொங்கு பகுதியில் அ.தி.மு.க ஆட்சியில் இருந்ததைப் பட்டியலிட்டார். இது கண்டன ஆர்ப்பாட்டமா அல்லது தேர்தல் பொதுக்கூட்டமா என்கிற அளவுக்கு இருந்திருக்கிறது. உண்மையில் அவிநாசியில் கண்டன ஆர்ப்பாட்டம் ஏன் என்ற கோணத்தில் அ.தி.மு.க சீனியர்களிடம் பேசினோம்.

``புரட்சித் தலைவர் எம்.ஜி.ஆர் குறித்து ஆ.ராசா அவதூறாகப் பேசுவது இது முதன்முறையல்ல. ஆனால் இம்முறை கொஞ்சம் ஓவராகப் பேசிவிட்டதால், தலைமை டென்ஷன் ஆகிவிட்டது. எனவே, ஆ.ராசாவை வைத்து தேர்தல் பரப்புரை செய்ய தலைமை திட்டமிட்டது. ஆனால், தமிழ்நாடு முழுக்க போராட்டம் செய்து, ஆ.ராசாவை பெரிய ஆளாக ஆக்கிவிடக் கூடாது என்று தலைமை உறுதியாக இருந்தது.எல்.முருகன்

நீலகிரி எம்.பி-யான ராசா மீண்டும் அதே தொகுதியில்தான் போட்டியிட இருப்பதால், அங்கு போராட்டம் செய்ய திட்டமிட்டது தலைமை. அதன்படியே நீலகிரி நாடாளுமன்றத் தொகுதிக்குட்பட்ட அவிநாசியில் போராட்டம் நடத்தப்பட்டது.

இதில் அரசியல் கணக்குகளும் இருக்கிறது. நாடாளுமன்றத் தேர்தலைப் பொறுத்தவரை நீலகிரி தொகுதியில் பா.ஜ.க-வைச் சேர்ந்த மத்திய இணை அமைச்சர் எல்.முருகன் அங்கு போட்டியிட ஆயத்தமாகி வருகிறார்.

கிட்டத்தட்ட 2 ஆண்டுகளுக்கு மேல் அங்கு வேலைப்பார்த்து வருகிறார். அதேபோல, ராசாவும் அங்கு தீவிரமாகப் பணியாற்றுகிறார். ஆனால், பா.ஜ.க-வுக்கு அடிப்படை பணிகள் செய்ய ஆள்களே இல்லை. தி.மு.க-வில் மாவட்டச் செயலாளர் முபாரக், மாவட்ட அமைச்சர் ராமசந்திரன் மற்றும் உள்ளூர் நிர்வாகிகளுக்கு இடையே மும்முனை போட்டி இருக்கிறது. இதனால், இருவருக்குமே தேர்தல் பணியில் சிக்கல் இருக்கிறது. இது நீலகிரி மாவட்ட அரசியல் சூழ்நிலையை அ.தி.மு.க-வுக்கு சாதகமாக்கி இருக்கிறது. அதேபோல மலையில்தான் தி.மு.க பா.ஜ.க போட்டி இருக்கிறது. மலைக்கு கீழே கொங்கு அரசியல் தாக்கம் இருப்பதால், அ.தி.மு.க-வுக்கு ஆதரவு இருக்கிறது.அவிநாசி ஆர்ப்பாட்டத்தில் எடப்பாடி

எனவே, அவர்கள் போட்டியிட்டு வாக்குகளைப் பிரித்தால், அது அ.தி.மு.க-வுக்குச் சாதகமாக அமையும். இதை மனதில் வைத்துதான் ஒரே கல்லில் ரெண்டு மாங்காய் அடிப்பதுபோல ராசாவுக்கு எதிராகப் பேசியதோடு, நீலகிரிக்கு அ.தி.மு.க ஆட்சியில் என்னென்ன திட்டங்கள் நிறைவேற்றப்பட்டதென்று, தேர்தல் பரப்புரையாக எடப்பாடி பட்டியலிட்டுப் பேசியிருக்கிறார். அதற்கு நல்ல வரவேற்பும் கிடைத்திருக்கிறது" என்றனர் விரிவாக.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/47zomWY />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/47zomWY`வானதி சீனிவாசன் டு அண்ணாமலை வார் ரூம்...' - கோவை தொகுதிக்கு பாஜக-வில் நடக்கும் மியூஸிக்கல் சேர்!


http://dlvr.it/T2X6Xj

Read More

சேலம்: தொடர் புகார்கள்; பரிந்துரைத்த முதன்மைச் செயலர்- சஸ்பெண்ட் ஆகிறாரா பெரியார் பல்கலை., பதிவாளர்?

சேலம், பெரியார் பல்கலைக்கழகத்தின் துணைவேந்தராக ஜெகநாதன் மற்றும் பதிவாளராக தங்கவேல் ஆகியோர் நியமிக்கப்பட்டதற்குப் பிறகு, பல்கலைக்கழகத்தில் பல்வேறு முறைகேடுகள் நடைபெற்றதாக, தமிழ்நாடு அரசுக்குத் தொடர் புகார்கள் வந்தது. அதையடுத்து, உயர் கல்வித்துறையின் அரசு கூடுதல் செயலாளர் பழனிசாமி தலைமையில் இரண்டு பேர் கொண்ட விசாரணைக் குழுவைத் தமிழ்நாடு அரசு நியமித்து, புகார்கள் தொடர்பாக விசாரணை மேற்கொள்ள வேண்டும் என்று அரசாணை பிறப்பிக்கப்பட்டது.

இந்த விசாரணைக் குழு, பெரியார் பல்கலைக்கழகத்தில் பத்து கட்டங்களாக ஆய்வு மேற்கொண்டு, கடந்த 3 ஆண்டுகள் குறித்த ஆவணங்களைச் சரிபார்த்தது மட்டுமல்லாமல், பல்கலைக்கழக ஆசிரியர்கள், தொழிலாளர்கள், தனியார் அமைப்பினர் என அனைவரிடமும் தீவிர விசாரணை மேற்கொண்டது.

இந்த விசாரணைக் குழுவின் அறிக்கை கடந்த 5-ம் தேதி தமிழ்நாடு அரசிடம் சமர்ப்பிக்கப்பட்டுள்ளது. இதில், பெரியார் பல்கலைக்கழகத்தில் பதிவாளராகப் பொறுப்பு வகிக்கும் தங்கவேல் மீது சுமத்தப்பட்ட பல்வேறு குற்றச்சாட்டுகள் உறுதி செய்யப்பட்டுள்ளதாகவும், குறிப்பாகக் கணிதத் துறையில் முனைவர் பட்டம் பெற்று பேராசிரியராக இருந்த தங்கவேல், பெரியார் பல்கலைக்கழகத்தில் கணினி அறிவியல்துறையில் நியமனம் செய்ததில் முறைகேடு நடந்திருப்பதும் தெரியவந்திருக்கிறது. சேலம் பெரியார் பல்கலைக்கழகம்

மேலும் கணினி அறிவியல்துறைக்குத் தேவையான உபகரணங்களை ஒரே நிறுவனத்தில்... அதுவும், அவரின் உறவினர் நிறுவனத்திலேயே வாங்கியது, இதற்காக இரண்டு முறை கூடுதலாக முன்தொகையைப் பெற்றது, பெரியார் பல்கலைக்கழக வளாக பராமரிப்பு என்ற பெயரிலும், கணினி தொடர்பான ஹார்டுவேர், சாப்ட்வேர் வாங்கியதில் முறைகேடு நடந்திருப்பதும் தெரியவந்திருக்கிறது.

கணினி அறிவியல் மையத்திற்கு உயர்தர கட்டமைப்பு கொண்ட பொருள்கள் வாங்குவதாகக் கூறி, தரம் குறைவான பொருள்களை வாங்கியது உள்ளிட்ட தங்கவேல் மீதான பல்வேறு குற்றச்சாட்டுகள் உறுதி செய்யப்பட்டுள்ளதாக, பழனிசாமி விசாரணைக் குழுவின் அறிக்கையில் தெரிவிக்கப்பட்டுள்ளது.

அதுமட்டுமல்லாமல் மத்திய அரசின் தீன் தயாள் திட்டத்தின்கீழ் மாணவர்களுக்கு வழங்கப்பட்ட நிதியில் முறைகேடு, பெரியார் பல்கலைக்கழகத்தில் போதிய மனித வளம் இருந்தபோதும் பணிகளை அவுட் சோர்சிங் என்ற பெயரில் தனியார் அமைப்புகளுக்குக் கொடுத்ததன் மூலம் நடைபெற்ற முறைகேடு என பல்வேறு முறைகேடுகள் மற்றும் கையாடல்கள் உறுதி செய்யப்பட்டுள்ளதாகவும் அந்த அறிக்கையில் தெரிவிக்கப்பட்டுள்ளது.

இந்த விசாரணைக் குழுவின் அறிக்கையின் அடிப்படையில் பல்வேறு முறைகேடுகளில் ஈடுபட்ட பெரியார் பல்கலைக்கழக பதிவாளர் தங்கவேலுவை பணி ஓய்வு செய்திட அனுமதிக்கக் கூடாது என்றும், அவரை உடனடியாக பணியிடை நீக்கம் செய்திட வேண்டும் என்றும், தமிழ்நாடு உயர் கல்வித்துறை முதன்மைச் செயலாளர் கார்த்திக், பல்கலைக்கழக துணைவேந்தருக்குக் கடிதம் அனுப்பியுள்ளார்.பெரியார் பல்கலைக்கழக பதிவாளர் தங்கவேல்

எனவே, பெரியார் பல்கலைக்கழக பதிவாளர் தங்கவேலுவை, பல்கலைக்கழக துணை வேந்தர் பணியிடை நீக்கம் செய்யக்கூடும் என்கின்றனர்.ஜாமீனில் வந்த துணைவேந்தரைச் சந்தித்து ஆலோசனை நடத்திய ஆளுநர் - சேலம் பெரியார் பல்கலைக்கழகச் சர்ச்சை


http://dlvr.it/T2WjV7

Read More

நிதிப் பகிர்வு: `வடக்கு... தெற்கு எனப் பிரிக்கின்றனர்!' - பிரதமர் மோடி கொந்தளிப்பது சரிதானா?

மாநிலங்களுக்கான நிதிப் பகிர்வில் மத்திய அரசு பாரபட்சம் காட்டுவதாகவும், துரோகம் இழைப்பதாகவும் தமிழ்நாடு, கேரளா, கர்நாடகா உள்ளிட்ட தென் மாநிலங்கள் தொடர்ந்து குற்றம்சாட்டிவருகின்றன. மத்திய இடைக்கால பட்ஜெட் கடந்த 1-ம் தேதி நாடாளுமன்றத்தில் தாக்கல் செய்யப்பட்டதைத் தொடர்ந்து, இந்த விவகாரம் தீவிரமடைந்திருக்கிறது. டெல்லியில் முதல்வர் சித்தராமையா போராட்டம்

‘நிதிப் பகிர்வில் கர்நாடகாவுக்கு பாரபட்சம் காட்டும் மத்திய பா.ஜ.க அரசைக் கண்டித்து’ கர்நாடகா முதல்வர் சித்தராமையா, துணை முதல்வர் டி.கே.சிவக்குமார், எம்.எல்.ஏ-க்கள், எம்.பி-க்கள் ஆகியோர் டெல்லி ஜந்தர் மந்தரில் பிப்ரவரி 7-ம் தேதி தர்ணாவில் ஈடுபட்டனர். அந்தப் போராட்டத்தில் பேசிய முதல்வர் சித்தராமையா, ’பிரதமர் மோடி தலைமையிலான மத்திய அரசு அமைத்திருக்கும் 15-வது நிதிக்குழுவின் பரிந்துரைகளால் கர்நாடகாவுக்கு மிகப்பெரிய இழப்பு ஏற்பட்டிருக்கிறது.

வட இந்தியாவைக் காட்டிலும் தென்னிந்தியாவில் குடும்பக் கட்டுப்பாடு சிறப்பாகக் கடைப்பிடிக்கப்பட்டது. அதனால், தென்னிந்தியாவில் மக்கள்தொகை குறைந்தது. அதைக் காரணம் காட்டி, கர்நாடகாவுக்கு நிதிப் பகிர்வில் அநீதி இழைக்கப்பட்டிருக்கிறது. இது, பொருளாதாரக் கொடுங்கோன்மை’ என்று கொந்தளித்தார்.

சித்தராமையா போராட்டம் நடத்திய மறுநாள், மத்திய அரசைக் கண்டித்து அதே ஜந்தர் மந்தரில் கேரளா முதல்வர் பினராயி விஜயன் போராட்டம் நடத்தினார். அதில், தமிழ்நாடு அரசின் சார்பில் அமைச்சர் பி.டி.ஆர்.பழனிவேல் தியாகராஜன் பங்கேற்றார். டெல்லி முதல்வர் அரவிந்த் கெஜ்ரிவால், பஞ்சாப் முதல்வர் பகவந்த் மான், ஜம்மு காஷ்மீர் முன்னாள் முதல்வர் ஃபரூக் அப்துல்ல, இந்திய கம்யூனிஸ்ட் பொதுச்செயலாளர் டி.ராஜா ஆகியோரும் போராட்டத்தில் கலந்துகொண்டனர்.டெல்லி போராட்டத்தில் சித்தராமையா

இந்தப் போராட்டம் நடைபெற்ற அதே நேரத்தில், நாடாளுமன்ற வாளகத்திலுள்ள காந்தி சிலை முன்பாக தி.மு.க கூட்டணி கட்சிகளைச் சேர்ந்த எம்.பி-க்கள், மத்திய அரசைக் கண்டித்து ஆர்ப்பாட்டம் நடத்தினர்.

மணிப்பூர் விவகாரம், அதானி விவகாரம் என மத்திய அரசுக்கு எதிரான எந்தவொரு பிரச்னையிலும் மௌனத்தைக் கடைப்பிடிக்கும் பிரதமர் மோடி, உடனடியாக பதிலளிக்கும் அளவுக்கு, மாநில முதல்வர்கள் டெல்லியில் நடத்திய போராட்டங்கள், மத்திய பா.ஜ.க அரசுக்கு நெருக்கடியை ஏற்படுத்தியிருக்கிறது.

சித்தராமையா தலைமையில் போராட்டம் நடைபெற்றுவந்த வேளையில், நாடாளுமன்றத்தில் பேசிய பிரதமர் மோடி, ‘வடக்கு, தெற்கு என்று நாட்டைப் பிளவுபடுத்தும் வகையில் பேசுவதை நிறுத்துங்கள்’ என்று கூறினார்.

மாநிலங்களவையில் குடியரசுத் தலைவர் உரைக்கு நன்றி தெரிவிக்கும் தீர்மானம் மீதான விவாதத்துக்கு பதிலளித்து பிரதமர் மோடி பேசினார். அப்போது, ‘எங்களைப் பொறுத்தளவில், நாடு என்பது வெறும் நிலமல்ல. அது மனித உடலைப் போன்றது. காலில் முள் குத்தி வலி ஏற்பட்டால், உடனே அந்த முள்ளை கை எடுக்கும். காலில்தானே முள் இருக்கிறது. எனக்குக் கவலை இல்லை என்று கை இருக்காது. அதுபோலத்தான் நம் தேசமும்.

நாட்டின் எந்தப் பகுதியில் வளர்ச்சியில் விடுபட்டாலும், இந்தியா வளர்ந்த தேசமாக உருவெடுக்க முடியாது. நாட்டை ஒன்றாகப் பார்க்க வேண்டுமே அல்லாமல், தனித்தனிப் பகுதிகளாகப் பார்க்கக் கூடாது’ என்று பிரதமர் மோடி கொந்தளித்தார்.

அதேபோல, ‘தேசத்தின் ஒரு பகுதியில் தயாராகும் தடுப்பூசியை, இதர பகுதிக்குத் தரக் கூடாது என்று சிலர் பேசுகின்றனர். இது என்ன மாதிரியான சிந்தனை. இமயமலையில் உருவாகும் நதி நீரை வேறு மாநிலங்களுடன் பகிர முடியாது என்று சம்பந்தப்பட்ட மாநிலத்தவர் கூறினால் என்னவாகும்? எங்கள் வரி, எங்கள் பணம் என்று கூறுவது சரியா?’ என்று பல கேள்விகளை பிரதமர் எழுப்பினார். மேலோட்டமாகப் பார்த்தால், பிரதமரின் இந்த வாதம் சரியானது போலத் தெரியலாம். ஆனால், இந்தப் பிரச்னைகளை, மத்திய அரசின் நிதிப் பகிர்வு விவகாரத்துடன் ஒப்பிட முடியாது என்கிறார்கள் பொருளாதார வல்லுநர்கள். பினராயி விஜயன்

காவிரி நீர் தமிழ்நாட்டின் உரிமை. தமிழ்நாட்டுக்கு எவ்வளவு நீரை பங்கிட்டுக் கொடுக்க வேண்டும் என்று உச்ச நீதிமன்றம் உட்பட இது தொடர்பான அனைத்து அமைப்புகளும் இறுதித் தீர்ப்பை வழங்கிவிட்டன. ஆனால், அந்தத் தீர்ப்பின்படி தமிழ்நாட்டின் உரிமையை நிலைநாட்ட வேண்டிய மத்திய பா.ஜ.க அரசு, கடந்த பத்தாண்டுகளாக வேடிக்கை மட்டுமே பார்த்துக்கொண்டிருக்கிறது. நிதிப் பங்கீடு விவகாரத்தில் ஒன்றுகூடும் தென் மாநிலங்கள் - சமாளிக்குமா மோடி அரசு?

‘காவிரி நதி நீர் பிரச்னை பற்றி பிரதமர் மோடி என்றைக்காவது வாய்திறந்திருக்கிறாரா?’ என்ற கேள்வி தமிழ்நாட்டிலிருந்து எழுப்பப்படுகிறது. நிதிப் பகிர்வு என்று வருகிறபோது, வேறு பிரச்னைகளுடன் ஒப்பிட்டு, பிரதமர் திசைத்திருப்ப முயல்கிறார் என்று தென் மாநிலங்களைச் சேர்ந்த எதிர்க்கட்சிகள் குற்றம்சாட்டுகின்றன.மோடி

இப்போது பேசுவதைப்போலத்தான், குஜராத் மாநில முதல்வராக இருந்தபோது பிரதமர் மோடி பேசினாரா? ‘எங்கள் வரி, எங்கள் பணம் என்று சிலர் பேசுகிறார்கள். இது என்ன மாதிரியான பேச்சு? இது நாட்டின் நலனுக்கு நல்லதல்ல’ என்று நாடாளுமன்றத்தில் ஆவேசப்பட்டிருக்கிறார் பிரதமர் மோடி.

``குஜராத் முதல்வராக இருந்தபோது, ‘குஜராத் மக்கள் ரூ.60,000 கோடியை டெல்லிக்கு அனுப்புகிறார்கள். ஆனால், திரும்பிவருவது என்ன? குஜராத் என்ன பிச்சைக்காரர்கள் மாநிலமா? நாங்கள் என்ன டெல்லியில் திருவோட்டை ஏந்திக்கொண்டு நிற்க வேண்டுமா?’ என்று கொந்தளித்தவர்தான் பிரதமர் மோடி. எனவே, தற்போது மத்தியில் ஆட்சியிலிருக்கும் அவர், எதிர்க்கட்சிகளை இப்படிப் பேசுவது சரியல்ல" என்கின்றனர் அரசியல் நோக்கர்கள்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/47zomWY />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/47zomWY14+1; கட் & ரைட் பிரேமலதா... டிமாண்ட் செய்யும் இடத்தில்தான் இருக்கிறதா தேமுதிக?


http://dlvr.it/T2Vp3D

Read More

`10-வது முறையாக களமிறங்குவாரா பழனிமாணிக்கம்?!’ - தஞ்சாவூர் தொகுதி வேட்பாளர் ரேஸில் யார்... யார்?!

2024 நாடாளுமன்றத் தேர்தல் களம் சூடுபிடிக்கத் தொடங்கிவிட்டது. கூட்டணிக் கட்சிகள் தொகுதிப் பங்கீட்டிற்கான பேச்சுவார்த்தையில் மும்முரம் காட்டி வருகின்றன. தமிழ்நாட்டைப் பொறுத்தவரை தி.மு.க தலைமையில் காங்கிரஸ் உள்ளிட்ட கட்சிகள், அ.தி.மு.க தலைமையில் சில கட்சிகள் மற்றும், பா.ஜ.க தலைமையிலான கட்சிகள் போட்டியிடுவதற்கான சூழல் தற்போது நிலவுவதால், மும்முனை போட்டிக்கான வாய்ப்புள்ளதாக பேசப்படுகிறது. இதனைத் தவிர்த்து நாம் தமிழர் கட்சியும் வழக்கம்போல் தனித்துக் களம் காண உள்ளது. தஞ்சாவூர் கோயில்

இந்நிலையில் தஞ்சாவூர் நாடாளுமன்றத் தொகுதியில் போட்டியிடுவதற்கு தஞ்சாவூரைச் சேர்ந்த தி.மு.க நிர்வாகிகள் இடையே பலத்த போட்டி நிலவி வருகிறது. இந்த ரேஸில் முன்னணியில் இருப்பது யார் என தஞ்சாவூர் மாவட்ட தி.மு.க-வினர் மத்தியில் பரபரப்பாகப் பேசப்பட்டு வருகிறது.

சிட்டிங் எம்.பி., எஸ்.எஸ்.பழனிமாணிக்கம், தொழிலதிபரும், மாநில வர்த்தகப் பிரிவின் துணைத் தலைவருமான பழஞ்சூர் செல்வம், முன்னாள் எம்.எல்.ஏ., மகேஷ் கிருஷ்ணசாமி, மன்னார்குடி நகரச் செயலாளரான வீரா.கணேசன், துணை மேயர் டாக்டர் அஞ்சுகம் பூபதி உள்ளிட்டோர் எப்படியும் சீட் பெற்று விட வேண்டும் என்ற முனைப்பில் தலைமையில் காய் நகர்த்தி வருகின்றனராம்.

இதற்கிடையில் தி.மு.க கூட்டணியில் தஞ்சாவூர் தொகுதியில் போட்டியிடுவதற்கு காங்கிரஸ் கட்சியும் தன் பங்குக்கு தீவிரமாக முயன்று வருகிறது. ஒரு வேளை தொகுதி காங்கிரஸ் கட்சிக்கு ஒதுக்கப்பட்டால் சீனியரான வழக்கறிஞர் பட்டுக்கோட்டை ராஜேந்திரன், கிருஷ்ணசாமி வாண்டையார் உள்ளிட்டோர் சீட்டைக் கைபற்றும் ரேஸில் வேகம் காட்டி வருகின்றனர். இந்த நிலையில் தி.மு.க-வில் சிட்டிங் எம்.பி பழனிமாணிக்கம் தற்போது திமுக வேட்பாளர் ரேஸில் முன்னணியில் இருப்பதாகச் சொல்லப்படுகிறது. பழனிமாணிக்கம்

இது குறித்து தி.மு.க வட்டத்தில் பேசினோம், ``காங்கிரஸ் கட்சிக்குச் சாதகமான தொகுதி என அறியப்பட்ட தஞ்சாவூர் நாடாளுமன்றத் தொகுதி, பின்னாளில் தி.மு.க-வின் கோட்டையாக மாறிப்போனது. 2014-ல் நடந்த தேர்தலைத் தவிர தொடர்ந்து ஒன்பது முறை பழனிமாணிக்கம் போட்டியிட்டு வருகிறார். இந்த முறை சீட் கிடைத்தால், பத்தாவது முறையாக போட்டியிடக்கூடியவர் என்ற பெயரை பெறுவார்.

கட்சியில் யாரையும் அனுசரிப்பதில்லை, பண்ணையார் தோரணையில் செயல்படுவார் என இவர்மீது தி.மு.க-வினரே விமர்சனங்கள் வைக்கின்றனர். ஆனாலும் தேர்தல் என்று வந்துவிட்டால் எதிர்ப்புகளை லாவகமாக கையாண்டு அனைவரையும் அரவணைக்கக்கூடிய திறன் படைத்தவர் எனவும் சொல்கின்றனர். அண்மையில் சென்னையில் உதயநிதி ஸ்டாலின் தலைமையில் நடைபெற்ற ஆலோசனைக் கூட்டத்தில் தஞ்சாவூர் மாவட்ட நிர்வாகிகள் கலந்துகொண்டனர். இதில் பழனிமாணிக்கம் மற்றும் முன்னாள் எம்.எல்.ஏ மகேஷ் கிருஷ்ணசாமியின் பெயர்கள் பலமாக உச்சரிக்கப்பட்டுள்ளன.எஸ்.எஸ்.பழனிமாணிக்கம் (தஞ்சாவூர்)

தேர்தலில் செலவு செய்வதற்கு பழனிமாணிக்கத்தை விட்டால் வேறு ஆளில்லை எனவும் பேசப்பட்டுள்ளது. இது போன்ற தகவலை பழனிமாணிக்கம் தரப்பினர் திட்டமிட்டு பரப்புவதாகவும் எதிர் முகாமில் உள்ளவர்கள் சொல்கிறார்கள்.

அமைச்சர் கே.என் நேருக்கு நெருக்கமானவர் என அறியப்பட்ட பழஞ்சூர் செல்வம், செல்வந்தர். அதனால் தேர்தல் செலவுக்கு அஞ்ச மாட்டார். கடந்த சில தேர்தல்களாக தொடர்ந்து சீட் கேட்டு வரும் அவருக்காக நேருவே ஸ்டாலினிடம் மெனக்கெட்டு பேசுவதாக அவரது ஆதரவாளர்கள் தரப்பில் சொல்லப்படுகிறது.

உதயநிதி தரப்பு, மகேஷ் கிருஷ்ணசாமியை டிக் அடிக்கும் மூடில் இருப்பதாக தெரிகிறது. அவரால் பெரிய தொகை செலவு செய்ய முடியாது என்றும் கட்சிதான் செலவு செய்ய வேண்டும் போன்ற கருத்துகளும் அப்போது எழுந்துள்ளன. தற்போது இந்த ரேஸில் உள்ளவர்களில் பழனிமாணிக்கம் உற்சாகமாகக் காணப்படுகிறார். இப்போதைக்கு வெற்றி பெறுவது என்பதை அவசியமாக கருதுகிறது தி.மு.க தலைமை. எனவே ரிஸ்க் எடுக்காமல் பழனிமாணிக்கத்திற்கே சீட் கொடுக்கலாமா எனவும் யோசிப்பதாக பேசப்படுகிறது. மகேஷ் கிருஷ்ணசாமி

அப்படி நடந்தால் பத்தாவது முறையாக தஞ்சாவூரில் போட்டியிடுபவர் என்ற பெயரைப் பெறுவார் பழனிமாணிக்கம்.” என்கிறார்கள். பொறுத்திருந்து பார்ப்போம்... அரசியல் சதுரங்கத்தில் என்ன வேண்டுமானாலும் நடக்கலாம்!

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/47zomWY />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/47zomWYஇழுக்கும் பாஜக... சி.வி.சண்முகத்தை அனுப்பிய எடப்பாடி - `தைலாபுர’ சந்திப்பின் பின்னணி என்ன?!


http://dlvr.it/T2VnwQ

Read More

India Today Survey: தமிழ்நாட்டில் திமுக முந்துகிறதா? | தெலங்கானா, கர்நாடகாவில் என்ன நிலவரம்?

நாடாளுமன்றத் தேர்தல் இன்னும் சில மாதங்களில் வரவிருக்கும் நிலையில், இந்தியாவின் அரசியல் சூழல் பரபரப்பாகி வருகிறது. இந்த நிலையில், ஒவ்வொரு நாடாளுமன்றத் தொகுதியிலும் வெற்றிப் பெற வேண்டும் என்ற தீர்க்கமான முடிவுடன் பா.ஜ.க தலைமையில் ஆளும் NDA கூட்டணியும், எதிர்க்கட்சியான காங்கிரஸ் தலைமையில் INDIA கூட்டணியும் களமாடி வருகின்றன.பா.ஜ.க - காங்கிரஸ்

இந்த நிலையில், இந்தியா டுடே செய்தி நிறுவனம், இந்தியா முழுவதும் மூட் ஆஃப் தி நேஷன் ( Mood of the Nation) என்ற கருத்துக்கணிப்பை நடத்தியது. இந்தக் கருத்துக்கணிப்பு டிசம்பர் 15, 2023 - ஜனவரி 28, 2024 வரை, ஒவ்வொரு மாநிலத்திலிருந்தும், 35,801 பேரை பங்கேற்பாளராகக் கொண்டு நடத்தி முடிக்கப்பட்டிருக்கிறது. அதனடிப்படையில், இந்தியாவின் முக்கிய மாநிலங்களில் எந்தெந்தக் கட்சிக்கு எத்தனை மக்களவை இடங்கள், எத்தனை சதவிகித வாக்குகள் பதிவாகும் என்ற கருத்துக்கணிப்பு முடிவுகளையும் தற்போது இந்தியா டுடே அறிவித்திருக்கிறது.

அதன் விவரங்களைப் பின்வருமாறு காணலாம்:-

தமிழ்நாடு:

தமிழ்நாட்டில் 39 மக்களவைத் தொகுதிகளிலும், தி.மு.க அங்கம் வகிக்கும் INDIA கூட்டணி வெற்றி பெறலாம்.

வாக்கு சதவிகிதம்!

INDIA கூட்டணி - 47 சதவிகிதம்

NDA கூட்டணி - 15 சதவிகிதம்

மற்றவை - 38 சதவிகித வாக்குகளைப் பெறக்கூடும், எனக் கணிக்கப்பட்டிருக்கிறது.

மேற்கு வங்கம்:

மேற்கு வங்கத்தில் 42 மக்களவைத் தொகுதிகள் இருக்கின்றன. அதில் மம்தா பானர்ஜி தலைமையிலனா திரிணாமுல் காங்கிரஸ் 22 இடங்களிலும், பா.ஜ.க 19 இடங்களிலும், காங்கிரஸ் 1 இடத்திலும் வெற்றி பெறும் என முடிவு வெளியாகியிருக்கிறது.

வாக்கு சதவிகிதம்!

திரிணாமுல் காங்கிரஸ் - 53 சதவிகிதம்

பா.ஜ.க - 40 சதவிகிதம்

மற்றவை - 7 சதவிகித வாக்குகளைப் பெற வாய்ப்பிருக்கிறது.

கேரளா:

கேரளாவில் இருக்கும் 20 நாடாளுமன்றத் தொகுதிகளிலும், INDIA கூட்டணி வெற்றி பெறும் எனக் கணிக்கப்பட்டிருக்கிறது.

வாக்கு சதவிகிதம்!

INDIA கூட்டணி - 78 சதவிகிதம்

NDA கூட்டணி - 17 சதவிகிதம்

மற்றவை - 5 சதவிகித வாக்குகளைப் பெறும் எனக் கணிக்கப்பட்டிருக்கிறது.

ஆந்திரப் பிரதேசம்:

ஆந்திராவில் உள்ள 25 மக்களவைத் தொகுதிகளில் சந்திரபாபு நாயுடு தலைமையிலான தெலுங்கு தேசம் கட்சி 17 இடங்களிலும், ஆளும் ஜெகன் மோகன் ரெட்டி தலைமையிலான ஒய்.எஸ்.ஆர் காங்கிரஸ் கட்சி 8 தொகுதிகளில் வெற்றி பெறலாம்.

வாக்கு சதவிகிதம்!

தெலுங்கு தேசம் கட்சி - 45 சதவிகிதம்

ஒய்.எஸ்.ஆர் காங்கிரஸ் கட்சி - 41 சதவிகிதம்

INDIA கூட்டணி - 3 சதவிகிதம்

NDA கூட்டணி - 2 சதவிகித வாக்குகளைப் பெறும் எனக் கணிக்கப்பட்டிருக்கிறது.

கர்நாடகா:

கர்நாடகாவில் இருக்கும் 28 மக்களவைத் தொகுதிகளில் NDA கூட்டணி 24 இடங்களிலும், INDIA கூட்டணி 4 இடங்களிலும் வெற்றி பெறலாம்.

வாக்கு சதவிகிதம்!

NDA கூட்டணி - 53 சதவிகிதம்

INDIA கூட்டணி - 42 சதவிகிதம்

மற்றவை - 5 சதவிகித வாக்குகளைப் பெறும் எனக் கணிக்கப்பட்டிருக்கிறது.

தெலங்கானா:

தெலங்கானாவில் இருக்கும் 17 மக்களைவைத் தொகுதிகளில், காங்கிரஸ் 10 இடங்களிலும், NDA கூட்டணி 3 இடங்களிலும், முன்னாள் முதல்வர் கே.சி.ஆர்-ன் பி.ஆர்.எஸ் 3 இடங்களையும், அசாதுதீன் ஒவைசியின் ஏ.ஐ.எம்.ஐ.எம் 1 இடத்தையும் கைப்பற்றலாம்.

வாக்கு சதவிகிதம்!

காங்கிரஸ் - 41.2 சதவிகிதம்

பி.ஆர்.எஸ் - 29.1 சதவிகிதம்

பா.ஜ.க - 21.1 சதவிகிதம்

மற்றவை - 9.6 சதவிகித வாக்குகளைப் பெறும், எனக் கணிக்கப்பட்டிருக்கிறது.

உத்தரப்பிரதேசம்:

உத்தரப்பிரதேச மாநிலத்தில் இருக்கும் 80 இடங்களில், NDA கூட்டணி 72 தொகுதிகளில் வெற்றி பெறலாம். INDIA கூட்டணி 8 தொகுதிகளில் வெற்றி பெறலாம் எனக் கணிக்கப்பட்டிருக்கிறது.

வாக்கு சதவிகிதம்!

NDA கூட்டணி - 52 சதவிகிதம்

INDIA கூட்டணி - 36 சதவிகிதம்

மற்றவை - 12 சதவிகித வாக்குகளைப் பெற வாய்ப்பிருக்கிறது.

டெல்லி:

டெல்லியில் இருக்கும் 7 மக்களவைத் தொகுதிகளையும் NDA கூட்டணி கைப்பற்றக்கூடும்.

வாக்கு சதவிகிதம்!

NDA கூட்டணி - 57 சதவிகிதம்

INDIA கூட்டணி - 40 சதவிகிதம்

மற்றவை - 3 சதவிகித வாக்குகளைப் பெறும், எனக் கணிக்கப்பட்டிருக்கிறது.

பீகார்:

பீகார் மாநிலத்தில் இருக்கும் 40 மக்களவைத் தொகுதிகளில், NDA கூட்டணி 32 இடங்களையும், INDIA கூட்டணி 8 இடங்களையும் கைப்பற்றலாம். (இந்தக் கருத்துக்கணிப்பு டிசம்பர் 15, 2023 - ஜனவரி 28, 2024-க்கு இடையில் நடத்தப்பட்டது. எனவே, கடந்த சில வாரங்களில் ஏற்பட்ட அரசியல் மாற்றங்களைக் கணக்கில் எடுத்துக்கொள்ளவில்லை)

வாக்கு சதவிகிதம்!

NDA கூட்டணி - 52 சதவிகிதம்

INDIA கூட்டணி - 38 சதவிகிதம்

மற்றவை - 10 சதவிகித வாக்குகளைப் பெறும் எனக் கணிக்கப்பட்டிருக்கிறது.

மகாராஷ்டிரா:

மகாராஷ்டிராவில் இருக்கும் 48 தொகுதிகளில் INDIA கூட்டணி 26 தொகுதிகளிலும், (காங்கிரஸ் - 12, உத்தவ் தாக்கரே தலைமையிலான சிவசேனா + சரத் பவார் தலைமையிலான தேசியவாத காங்கிரஸ் 14) NDA கூட்டணி 22 தொகுதிகளையும் கைப்பற்றும்.

வாக்கு சதவிகிதம்!

INDIA கூட்டணி - 45 சதவிகிதம்

NDA கூட்டணி - 40 சதவிகிதம்

மற்றவை - 15 சதவிகித வாக்குகளைப் பெறும் எனக் கணிக்கப்பட்டிருக்கிறது.இந்தியா டுடே - மூட் ஆஃப் தி நேஷன் கருத்துக்கணிப்பின்படி, பா.ஜ.க தலைமையிலான N.D.A கூட்டணி, ஆட்சி அமைப்பதற்குத் தேவையான 272 இடங்களைத் தாண்டி 335 இடங்களைக் கைப்பற்றி ஆட்சியை தக்கவைத்துக் கொள்ளும் எனத் தெரிகிறது. அதேபோல காங்கிரஸ் தலைமையிலான INDIA கூட்டணி 166 இடங்களில் வெற்றி பெறும் என எதிர்பார்க்கப்படுகிறது.Nitish Kumar கூட்டணி மாறியதும், INDIA கூட்டணிக்காக Kharge செய்த முதல் வேலை! | The Imperfect Show


http://dlvr.it/T2V3WZ

Read More

வெற்றி துரைசாமி: சட்லஜ் ஆற்றில் கண்டெடுக்கப்பட்ட உடைகள், சூட்கேஸ்... மீட்புப் பணிகள் நிலவரம் என்ன?!

சென்னை முன்னாள் மேயர் சைதை துரைசாமியின் மகன் வெற்றி துரைசாமி. திரைப்பட தயாரிப்பாளராக இருக்கும் இவர், இமாச்சல் பிரதேசத்துக்குச் சென்றிருந்தார். உடன் அவரின் உதவியாளர் கோபிநாத்தும் போனார். பிறகு கின்னவுர் மாவட்டத்தில் பாங்கி நல்லா பகுதியில் காரில் லொக்கேஷன் பார்ப்பதற்காகச் சென்றிருக்கிறார்கள். அப்போது ஓட்டுநருக்கு திடீரென மாரடைப்பு ஏற்பட்டிருக்கிறது. இதில் கட்டுப்பாட்டை இழந்த கார், தாறுமாறாக ஓடி சட்லஜ் ஆற்றில் விழுந்தது. உடனடியாக அந்தப் பகுதி மக்கள் போலீஸாருக்குத் தகவல் தெரிவித்தனர். அவர்கள் தீயணைப்புத்துறையின் உதவியுடன் மீட்புப் பணியில் ஈடுபட்டனர். அப்போது உயிரிழந்த ஓட்டுநர் டென்சின் உடல் மீட்கப்பட்டது. சிறிது தூரத்தில் காயத்துடன் கிடந்த கோபிநாத் மீட்கப்பட்டு, சிம்லா மருத்துவமனையில் அனுமதிக்கப்பட்டார்.வெற்றி துரைசாமி14+1; கட் & ரைட் பிரேமலதா... டிமாண்ட் செய்யும் இடத்தில்தான் இருக்கிறதா தேமுதிக?

ஆனால் வெற்றி துரைசாமி மட்டும் கிடைக்கவில்லை. இதையடுத்து அவரைக் கண்டுபிடிக்க உதவுமாறு துரைசாமி மற்றும் அவரது குடும்பத்தினர் உள்ளூர் மக்களிடம் வேண்டுகோள் விடுத்தனர். மேலும் சைதை துரைசாமி, தனது மகனை கண்டுபிடித்துத் தருபவர்களுக்கு ரூ.1 கோடி வழங்கப்படும் எனவும் அறிவித்தார். மீட்புக் குழுக்கள் மூலம் அவரைத் தேடும் பணி தீவிரமாக நடந்து வருகிறது. இந்தச் சூழலில் ஆற்றங்கரையில் மனித மூளை ஒன்றை போலீஸார் மீட்டனர்.சைதை துரைசாமி

பிறகு அதை டி.என்.ஏ பரிசோதனைக்கு அனுப்பி வைத்திருக்கிறார்கள். இது காணாமல்போன நபருடையதாக (வெற்றி துரைசாமி) இருக்கலாம் என போலீஸார் தெரிவித்திருக்கிறார்கள். இந்த நிலையில், நேற்று வெற்றி துரைசாமியின் உடைகள் கிடைத்தன. அவருடைய சூட்கேஸ், உடமைகளும் கிடைத்துள்ளன. இந்தச் சம்பவம், சைதை துரைசாமி குடும்பத்தினரையும் அவர் ஆதரவாளர்களையும் அதிர்ச்சியடையச் செய்திருக்கிறது. சைதை துரைசாமியின் மகன் சென்ற கார் இமாச்சல் ஆற்றில் கவிழ்ந்து விபத்து - தீவிர தேடுதலில் போலீஸ்!


http://dlvr.it/T2TgVw

Read More