புதுச்சேரியில் நாற்றமெடுக்கும் பேனர் கலாசாரம்! - மாவட்ட ஆட்சியருக்கு குட்டு வைத்த நீதிமன்றம்

புதுச்சேரியில் அமலில் இருக்கும் அனைத்து சட்டங்களும் பொதுமக்களை மட்டும்தான் கட்டுப்படுத்துகிறதே தவிர, அரசியல் தலைவர்களையோ அல்லது அவர்களது அடிபொடிகளையோ சிறிதும் கட்டுப்படுத்தாது. அந்த சட்டங்களை காப்பாற்ற வேண்டிய அதிகாரிகளே, அதை மீறுவதற்காக துணை நிற்கும் அவலம் புதுச்சேரியில் அரங்கேறி வருகிறது. அதில் முக்கியமானது பொது இடங்களில் வைக்கப்படும் பேனர்கள். புதுச்சேரியில் கடந்த 2000-ம் ஆண்டிலிருந்து பேனர் தடை சட்டம் அமலில் இருக்கிறது. இந்த சட்டத்தின்படி,  பொது இடங்களில் அனுமதியின்றி பேனர்கள் வைப்பது தடை செய்யப்பட்டிருக்கிறது. ஆனால் அதையும் மீறி முதலமைச்சர் தொடங்கி, அமைச்சர்கள், எம்.எல்.ஏக்கள் மற்றும் அவர்களின் ஆதரவாளர்களுக்காக விதிகளை மீறி, அதுவும் சாலைக்கு நடுவில் தாறுமாறாக வைக்கப்படும் பேனர்களால், பொதுமக்கள் நாள்தோறும் விபத்தை சந்தித்து வருகின்றனர்.பேனர் கலாசாரம்

சிக்னல்களிலும், சாலைகளின் ஓரத்திலும் பொதுமக்களை அச்சுறுத்தும் வகையில் `மெகா’ சைஸ் பேனர்களை வைக்கின்றனர். அதைவிட ஒரு படி மேலே சென்று, பிரதான சாலைகளை மறித்து அலங்கார வளைவுகளையும் வைக்கின்றனர். அதை தடுக்க வேண்டிய மாவட்ட நிர்வாகம், கண்டும் காணாமல் கடந்து செல்கிறது. பல ஆண்டுகளுக்குப் பிறகு புதுச்சேரியில் தற்போது சாலைகள் போடப்பட்டு வருகின்றன. ஆனால் புதிதாக போடப்பட்ட அந்த சாலைகளில், பள்ளம் தோண்டி ஆட்சியாளர்களின் பிறந்தநாளுக்காக ராட்சத பேனர்களையும், அலங்கார வளைவுகளையும் அமைக்கிறார்கள் அவர்களது ஆதரவாளர்கள். அடுத்த சில நாள்களில் அந்த பள்ளம் பெரிதாகி சாலைகள் மீண்டும் பழைய நிலைமைக்கே செல்லும் என்பது தெரிந்தும் மாவட்ட நிர்வாகமும், சாலை அமைத்த பொதுப்பணித்துறையும், நகராட்சியும் மௌனம் காத்து வருகின்றன.

தங்களின் சுய விளம்பரத்துக்காக தங்கள் புகைப்படங்களை போட்டு, முதல்வர், அமைச்சர்களுக்கு முதலில் பேனர் வைப்பவர்கள், அதன் பிறகு `எதிர்காலமே.. வருங்காலமே.. வருங்கால சட்டமன்றமே’ என்று தங்களையே தாங்களே புகழ்ந்து கொண்டு புதுச்சேரி முழுவதும் பேனர்களால் நிரப்பி விடுகிறார்கள். இப்படி பேனர் வைக்கும் பலர் குற்றப் பின்னணி உடையவர்கள் என்பதுதான் அதிர்ச்சியான விஷயம். அதேபோல பல பேனர்களில் கொலை வழக்குகளில் தண்டனை பெற்று, தற்போது சிறையில் உள்ளவர்களின் படங்கள் இடம்பெறுவதும் வாடிக்கையான ஒன்றாக மாறிவிட்டது. முக்கிய வீதிகளின் நடைபாதைகள் முழுவதும் வணிகர்களால் ஆக்கிரமிக்கப்பட்டு விட்டதால், பொதுமக்கள் சாலைகளில் நடந்து செல்கின்றனர். இதனால் நாள் முழுவதும் போக்குவரத்து நெரிசல் ஏற்படுகிறது. ஆக்கிரமிப்பு இடங்களை தவிர்த்து இருக்கும் குறுகலான வழியில்தான் வாகன ஓட்டிகள் ஊர்ந்து செல்கின்றனர். அதிலும் பேனர்களும், அதை கட்டி வைத்திருக்கும் கம்புகளும், கம்பிகளும் நீட்டிக் கொண்டிருக்கின்றன.புதிதாக போடப்பட்ட சாலையை உடைத்து வைக்கப்பட்ட பேனர்

கடந்த 10 ஆண்டுகளில் சுமார் 100 பேர்களாவது, பேனர்கள் சாய்ந்து படுங்காயங்களுடன் உயிர் தப்பியிருக்கிறார்கள். ஆனால் அது குறித்து அவர்கள் எங்கும் புகாரளிக்க முடியாது. ஏனென்றால் அந்த பேனர்கள் அரசியல்வாதிகளுக்கும், அமைச்சர்களும், அவர்களின் ஆதவரளர்களுக்கும் வைக்கப்பட்ட பேனர்கள். அதனால் எந்த காவல் நிலையத்திலும், அது குறித்த புகார்களை ஏற்பதில்லை. சில மாதங்களுக்கு முன்பு காரைக்காலில் என்.ஆர்.காங்கிரஸ் எம்.எல்.ஏ திருமுருகன் வீட்டின் அருகே, முதலமைச்சர் ரங்கசாமியின் பிறந்தநாளுக்காக பேனர் வைத்தனர் முன்னாள் அமைச்சர் சந்திர பிரியங்காவின் ஆதரவாளர்கள். அதில் ஏற்பட்ட மோதலால் இரு தரப்பிலும் 16 பேர் மீது வழக்கு பதிவுசெய்யப்பட, அங்கு பதற்றம் ஏற்பட்டது. விளைவு விதிகளை மீறி வைக்கப்பட்ட அந்த பேனர்களை அகற்றாமல், இரவு பகலாக அதற்கு காவலுக்கு நின்றனர் போலீஸார்.

``புதுச்சேரியில் ஆளும் கட்சியினரும், எதிர்க்கட்சியினரும் சட்டத்தை மீறி தொடர்ச்சியாக பேனர்களை வைத்து வருகின்றனர். இது தொடர்பாக சென்னை உயர் நீதிமன்றத்தில் நான் வழக்கு தொடுத்தபோது, சட்டவிரோத பேனர்களை புதுச்சேரி முழுவதும் அப்புறப்படுத்த வேண்டும் என்று உத்தரவிட்டது நீதிமன்றம். ஆனால் அவற்றை அகற்றாமல், அகற்றிவிட்டதாக நீதிமன்றத்தில் பொய்யான அறிக்கையை தாக்கல் செய்தனர் தலைமைச் செயலரும், மாவட்ட ஆட்சியரும். அதை எதிர்த்து கடந்த ஆண்டு மீண்டும் நான் நீதிமன்றம் சென்றேன். அப்போதும் பேனர்களை அகற்றி விட்டதாக பொய்யான பதில் மனுவை தாக்கல் செய்கிறது புதுச்சேரி அரசு. தற்போது ஆதாரங்களுடன் மீண்டும் நீதிமன்றம் சென்றிருக்கிறேன்” என்கிறார் மக்கள் உரிமை இயக்கத்தின் செயலாளர் ஜெகன்நாதன். இந்த நிலையில்தான் புதுச்சேரி நீதிமன்றத்தின் தலைமை நீதிபதியான சந்திரமோகன், புதுச்சேரி மாவட்ட ஆட்சியருக்கு கடிதம் ஒன்றை எழுதியிருக்கிறார்.புதுச்சேரி மாவட்ட ஆட்சியர் வல்லவன்

 அதில், ``சென்னை உயர் நீதிமன்றம் கடந்த 01.10.2021 மற்றும் 28.04.2022 அன்று பிறப்பித்த உத்தரவில், பொதுமக்கள் நடந்து செல்லும் சாலைகள், நடைபாதைகள் மற்றும் பொது இடங்களில் அனுமதியின்றி வைக்கப்பட்டிருக்கும் பேனர்கள், ஃபிளக்ஸ் போர்டுகள், அலங்கார வளைவுகள், ஹோர்டிங்ஸ், கட்-அவுட்கள், தட்டிகளை அகற்றுவதற்கு உத்தரவிட்டிருக்கிறது. ஆனால் புதுச்சேரியின் முக்கிய சந்திப்புகளிலும், போக்குவரத்து நெரிசல் மிகுந்த சாலைகளிலும், பேனர்கள், ஃபிளக்ஸ் போர்டுகள், அலங்கார வளைவுகள், ஹோர்டிங்ஸ், கட்-அவுட்கள், தட்டிகள் இருக்கின்றன. இது உயர் நீதிமன்ற உத்தரவை மீறும் செயல். எனவே உயர் நீதிமன்ற உத்தரவுப்படி பேனர்கள், ஃபிளக்ஸ் போர்டுகள், அலங்கார வளைவுகள், ஹோர்டிங்ஸ், கட்-அவுட்கள், தட்டிகளை உடனே அகற்ற வேண்டும். இதை மீறி பேனர் வைப்பதில் விதிமுறை மீறல்கள் கண்டறியப்பட்டால், நீதிமன்ற அவமதிப்பு நடவடிக்கை எடுக்க, உயர் நீதிமன்றத்தின் கவனத்திற்குக் கொண்டு செல்லப்படும்” என்று குறிப்பிட்டிருக்கிறார்.புதுச்சேரியைப் பாழாக்கும் பேனர் கலாசாரம்! - மௌனம் காக்கும் புதுச்சேரி நிர்வாகம்


http://dlvr.it/T2Ytwn

Read More

`பாஜக ஆதரவில்தான் அதிமுக ஆட்சி நடைபெற்றது... இபிஎஸ் செய்தது உட்சபட்ச துரோகம்!' - ஓபிஎஸ் தாக்கு

மதுரை மாநாட்டில் எடப்பாடி பழனிசாமிக்கு புரட்சித் தமிழர் பட்டம் வழங்கியதுபோல், ஓ.பி.எஸ்-ஸுக்கு புரட்சிக் காவலர் பட்டத்தை வழங்கி, அவரை உற்சாகப்படுத்தியுள்ளனர் சிவகங்கை மாவட்ட ஆதரவாளர்கள்.சிவகங்கை கூட்டன்

அ.தி.மு.க தொண்டர்கள் உரிமை மீட்புக் குழுவின் சிவகங்கை மாவட்ட நிர்வாகிகளின் ஆலோசனைக் கூட்டம், சிவகங்கையில் நடைபெற்றது.

இக்கூட்டத்தில் மாவட்ட நிர்வாகிகள் சார்பில் ஓ.பன்னீர்செல்வத்திற்கு `புரட்சிக் காவலர்' என்ற பட்டத்தை வழங்கி, வீரவாள், வளரி உள்ளிட்டவைகளை ஆதரவாளர்கள் பரிசாக வழங்கினார்கள்.

பின்னர் செய்தியாளர்களை சந்தித்த ஓ.பன்னீர்செல்வம், "ஒரே நாடு, ஒரே தேர்தல் என்பதை சில விதிகளின்படி அமைத்துக்கொள்ளலாம் என ஜெயலலிதா சொல்லியிருக்கிறார்.ஓபிஎஸ்

அ.தி.மு.க கொடி, சின்னத்தை நான் பயன்படுத்தக் கூடாது என்றுதான் தீர்ப்பு உள்ளது. தொண்டர்கள் பயன்படுத்த தடை ஏதும் இல்லை.

எந்த தேர்தல் வந்தாலும் எங்களது அணி இரட்டை இலை சின்னத்தில்தான் நிற்க்கும். நான்கரை ஆண்டுக்காலம் பல தவறுகள் செய்தாலும், பா.ஜ.க-வின் ஆதரவில்தான் அ.தி.மு.க ஆட்சி நடைபெற்றது. பா.ஜ.க கூட்டணி முறிவு, எடப்பாடி பழனிசாமியின் உச்சபட்ச துரோகம் .

அ.ம.மு.க பிரிந்து போட்டியிட்டதால் சட்டமன்றத்தில் அ.தி.மு.க தோல்வியைத் தழுவியது. ஆனாலும், எடப்பாடி பழனிசாமி திருந்தவில்லை. தற்போது மேலும் பல பிரிவுகள் ஏற்பட்டுள்ளது. எடப்பாடி பழனிசாமி பொதுச்செயலாளராகி கட்சியை ஐந்தாக உடைத்திருக்கிறார். ஆதலால் தொண்டர்களை இணைக்கும் முயற்சியில் நாங்கள் ஈடுபட்டிருக்கிறோம். அதில் வெற்றியும் பெறுவோம். எடப்பாடி இல்லாத அ.தி.மு.க மலரும்.சிவகங்கை கூட்டத்தில் ஓபிஎஸ்

பொது சிவில் சட்டம் என்பது மனிதாபிமான முறையில், எந்த மக்களுக்கும் தீங்கு ஏற்படாத வகையில், மக்களுக்கு உரிய சட்டமாகவும், காலம் காலமாக ஏற்றுக்கொள்ளப்பட்ட பழக்க வழக்கங்களுக்கு மாசு ஏற்படாத வகையிலும் அமைய வேண்டும்" என்றார். `` `மோடியா... லேடியா?' என ஜெயலலிதா அப்போது பேசியதை, தற்போது நாம் சொல்ல முடியுமா?" - ஓபிஎஸ்


http://dlvr.it/T2YBfX

Read More

வடசென்னை: `என்ன செய்தார் கலாநிதி வீராசாமி எம்.பி?’ - உங்கள் கருத்து என்ன?!

வடசென்னை தொகுதியின் எம்.பி-யாகத் தேர்ந்தெடுக்கப்பட்ட கலாநிதி வீராசாயின் செயல்பாடுகள் குறித்து, விரிவாக ரிப்போர்ட் செய்திருக்கிறது நமது நிருபர் படை. தொகுதிக்குள் அவர் செய்திருக்கும் வளர்ச்சிப் பணிகள், செய்யத் தவறிய பணிகள், வாக்குறுதிகளின் நிலை குறித்தெல்லாம் அலசி ஆராய்ந்து 'என்ன செய்தார் எம்.பி?' என்கிற தலைப்பில் கட்டுரை வெளியாகியிருக்கிறது. கட்டுரையைப் படிக்க...

கலாநிதி வீராசாயின் செயல்பாடுகள் குறித்து உங்கள் கருத்து என்ன... பதிந்து, முடிவைத் தெரிந்துகொள்ளுங்கள்.

இந்த சர்வேயில் விகடன் App-லிருந்து பங்கேற்க இங்கே க்ளிக் செய்யவும்.
https://forms.gle/wTFKPPe87bAZHbu27?appredirect=websiteLoading… />

http://dlvr.it/T2YBXS

Read More

`சின்னம் விவகாரம்' - அடம்பிடிக்கும் கூட்டணிக் கட்சிகள்! - திமுக-வின் முடிவு என்ன?

கடந்த நாடாளுமன்ற தேர்தலில் 20 இடங்களை தனக்கு எடுத்துக்கொண்டது தி.மு.க. மீதம் உள்ள இடங்களை கூட்டணி கட்சிகளுக்கு பிரித்து கொடுத்தது. அதில் காங்கிரஸுக்கு 9 தொகுதிகள், கம்யூனிஸ்ட் கட்சிகள், வி.சி.கவுக்கு தலா 2 தொகுதிகள், ம.தி.மு.க, கொ.ம.தே.க, முஸ்லிம் லீக், ஐ.ஜே.கே உள்ளிட்டவற்றுக்கு தலா ஒரு தொகுதிகள் ஒதுக்கப்பட்டன. இதில் 38 இடங்களில் தி.மு.க கூட்டணி வெற்றி பெற்றது. தேனியில் போட்டியிட்ட ஈ.வி.கே.எஸ்.இளங்கோவன் மட்டும் தோல்வியடைந்தார்.ஸ்டாலின்

இதில் உதயசூரியன் சின்னத்தில் ம.தி.முக, கொ.ம.தே.க ஆகிய கட்சிகள் போட்டியிட்டன. வி.சி.க-வை பொறுத்தவரையில் சிதம்பரம் தொகுதியில் போட்டியிட்ட திருமாவளவன் மட்டும் பானைச் சின்னத்தில் போட்டியிட்டார். வி.சி.க-வின் மற்றொரு வேட்பாளரான ரவிக்குமார், உதயசூரியன் சின்னத்தில் போட்டியிட்டார். இதனால் நாடாளுமன்றத்தில் தி.மு.க உறுப்பினர்களின் எண்ணிக்கை அதிகமாக இருந்தது. இந்த சூழலில் வரும் தேர்தலில் தி.மு.க கூட்டணியில் இருக்கும் கட்சிகள் சொந்த சின்னத்தில் போட்டியிட விருப்பம் தெரிவித்திருக்கின்றன.

இது குறித்து நம்மிடம் பேசிய விவரப்புள்ளிகள், "கடந்த தேர்தலில் தி.மு.க கூட்டணியில் இடம் பெற்ற காங்கிரஸ், கம்யூனிஸ்ட் கட்சிகள் சொந்த சின்னத்தில் போட்டியிட்டன. ம.தி.முக, கொ.ம.தே.க, வி.சி.க உள்ளிட்ட கட்சிகள் உதயசூரியன் சின்னத்தில் நின்றன. இந்த சூழலில் வரும் தேர்தலில் சம்பந்தப்பட்ட கட்சிகளிடம் மீண்டும் உதயசூரியன் சின்னத்தில் போட்டியிட வேண்டும் என தி.மு.க தரப்பில் இருந்து வலியுறுத்தப்பட்டது. ஆனால், வி.சி.க தரப்பில் பானை சின்னத்திலும், ம.தி.மு.க பம்பரம் சின்னத்திலும் என சொந்த சின்னத்தில் நிற்பதற்கே விரும்புகிறார்கள்.மதிமுக

தி.மு.க கூட்டணிக்குச் செல்ல காய் நகர்த்தும் கமல், டார்ச் லைட் சின்னத்தில்தான் தேர்தலை சந்திக்க போவதாக அறிவித்துவிட்டார். இதேபோல் காங்கிரஸ், கம்யூனிஸ்ட் கட்சிகள் வழக்கம்போல சொந்த சின்னத்தில்தான் தேர்தலை சந்திப்பார்கள். இதனால் நாடாளுமன்றத்தில் தி.மு.க உறுப்பினர்களின் எண்ணிக்கை குறையும். எனவே, இந்த விவகாரம் குறித்து ஆலோசித்துக் கொண்டிருக்கும் தி.மு.க, என்ன முடிவை எடுக்கப் போகிறது என்பதை பொறுத்திருந்துதான் பார்க்க வேண்டும்" என்றனர் விரிவாக.Election 2024: திருநாவுக்கரசருக்கு பதில் துரை வைகோ... திருச்சியை குறிவைத்த மதிமுக!


http://dlvr.it/T2XVG6

Read More

`ஒரே கல்லில் இரண்டு மாங்காய்' - எடப்பாடியும் ஆ.ராசாவுக்கு எதிரான `அவிநாசி' ஆர்ப்பாட்டமும்!

தி.மு.க துணைப் பொதுச்செயலாளரும் எம்.பி-யுமான ஆ.ராசா, மறைந்த முன்னாள் முதல்வர் எம்.ஜி.ஆர் குறித்து சர்ச்சையாக பேசியிருந்தார். இதற்குக் கடுமையான எதிர்ப்பை அ.தி.மு.க நிர்வாகிகள் தெரிவித்து வந்தனர். இதைத் தொடந்து அ.தி.மு.க பொதுச்செயலாளர் எடப்பாடி பழனிசாமி தனது தலைமையில் அவிநாசியில் பிப்ரவரி 9-ம் தேதி போராட்டம் நடைபெறும் என்று, கடந்த 5-ம் தேதி அறிவித்திருந்தார்.ஆ.ராசா

அதன்படி, அவிநாசியில் பிப்ரவரி 9-ம் தேதியான இன்று திட்டமிட்டப்படி கண்டன ஆர்ப்பாட்டம் நடைபெற்றது. இதில் பேசிய எடப்பாடி, ஆ.ராசா குறித்து கடுமையான விமர்சனங்களை முன்வைத்ததோடு, கொங்கு பகுதியில் அ.தி.மு.க ஆட்சியில் இருந்ததைப் பட்டியலிட்டார். இது கண்டன ஆர்ப்பாட்டமா அல்லது தேர்தல் பொதுக்கூட்டமா என்கிற அளவுக்கு இருந்திருக்கிறது. உண்மையில் அவிநாசியில் கண்டன ஆர்ப்பாட்டம் ஏன் என்ற கோணத்தில் அ.தி.மு.க சீனியர்களிடம் பேசினோம்.

``புரட்சித் தலைவர் எம்.ஜி.ஆர் குறித்து ஆ.ராசா அவதூறாகப் பேசுவது இது முதன்முறையல்ல. ஆனால் இம்முறை கொஞ்சம் ஓவராகப் பேசிவிட்டதால், தலைமை டென்ஷன் ஆகிவிட்டது. எனவே, ஆ.ராசாவை வைத்து தேர்தல் பரப்புரை செய்ய தலைமை திட்டமிட்டது. ஆனால், தமிழ்நாடு முழுக்க போராட்டம் செய்து, ஆ.ராசாவை பெரிய ஆளாக ஆக்கிவிடக் கூடாது என்று தலைமை உறுதியாக இருந்தது.எல்.முருகன்

நீலகிரி எம்.பி-யான ராசா மீண்டும் அதே தொகுதியில்தான் போட்டியிட இருப்பதால், அங்கு போராட்டம் செய்ய திட்டமிட்டது தலைமை. அதன்படியே நீலகிரி நாடாளுமன்றத் தொகுதிக்குட்பட்ட அவிநாசியில் போராட்டம் நடத்தப்பட்டது.

இதில் அரசியல் கணக்குகளும் இருக்கிறது. நாடாளுமன்றத் தேர்தலைப் பொறுத்தவரை நீலகிரி தொகுதியில் பா.ஜ.க-வைச் சேர்ந்த மத்திய இணை அமைச்சர் எல்.முருகன் அங்கு போட்டியிட ஆயத்தமாகி வருகிறார்.

கிட்டத்தட்ட 2 ஆண்டுகளுக்கு மேல் அங்கு வேலைப்பார்த்து வருகிறார். அதேபோல, ராசாவும் அங்கு தீவிரமாகப் பணியாற்றுகிறார். ஆனால், பா.ஜ.க-வுக்கு அடிப்படை பணிகள் செய்ய ஆள்களே இல்லை. தி.மு.க-வில் மாவட்டச் செயலாளர் முபாரக், மாவட்ட அமைச்சர் ராமசந்திரன் மற்றும் உள்ளூர் நிர்வாகிகளுக்கு இடையே மும்முனை போட்டி இருக்கிறது. இதனால், இருவருக்குமே தேர்தல் பணியில் சிக்கல் இருக்கிறது. இது நீலகிரி மாவட்ட அரசியல் சூழ்நிலையை அ.தி.மு.க-வுக்கு சாதகமாக்கி இருக்கிறது. அதேபோல மலையில்தான் தி.மு.க பா.ஜ.க போட்டி இருக்கிறது. மலைக்கு கீழே கொங்கு அரசியல் தாக்கம் இருப்பதால், அ.தி.மு.க-வுக்கு ஆதரவு இருக்கிறது.அவிநாசி ஆர்ப்பாட்டத்தில் எடப்பாடி

எனவே, அவர்கள் போட்டியிட்டு வாக்குகளைப் பிரித்தால், அது அ.தி.மு.க-வுக்குச் சாதகமாக அமையும். இதை மனதில் வைத்துதான் ஒரே கல்லில் ரெண்டு மாங்காய் அடிப்பதுபோல ராசாவுக்கு எதிராகப் பேசியதோடு, நீலகிரிக்கு அ.தி.மு.க ஆட்சியில் என்னென்ன திட்டங்கள் நிறைவேற்றப்பட்டதென்று, தேர்தல் பரப்புரையாக எடப்பாடி பட்டியலிட்டுப் பேசியிருக்கிறார். அதற்கு நல்ல வரவேற்பும் கிடைத்திருக்கிறது" என்றனர் விரிவாக.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/47zomWY />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/47zomWY`வானதி சீனிவாசன் டு அண்ணாமலை வார் ரூம்...' - கோவை தொகுதிக்கு பாஜக-வில் நடக்கும் மியூஸிக்கல் சேர்!


http://dlvr.it/T2X6Xj

Read More

சேலம்: தொடர் புகார்கள்; பரிந்துரைத்த முதன்மைச் செயலர்- சஸ்பெண்ட் ஆகிறாரா பெரியார் பல்கலை., பதிவாளர்?

சேலம், பெரியார் பல்கலைக்கழகத்தின் துணைவேந்தராக ஜெகநாதன் மற்றும் பதிவாளராக தங்கவேல் ஆகியோர் நியமிக்கப்பட்டதற்குப் பிறகு, பல்கலைக்கழகத்தில் பல்வேறு முறைகேடுகள் நடைபெற்றதாக, தமிழ்நாடு அரசுக்குத் தொடர் புகார்கள் வந்தது. அதையடுத்து, உயர் கல்வித்துறையின் அரசு கூடுதல் செயலாளர் பழனிசாமி தலைமையில் இரண்டு பேர் கொண்ட விசாரணைக் குழுவைத் தமிழ்நாடு அரசு நியமித்து, புகார்கள் தொடர்பாக விசாரணை மேற்கொள்ள வேண்டும் என்று அரசாணை பிறப்பிக்கப்பட்டது.

இந்த விசாரணைக் குழு, பெரியார் பல்கலைக்கழகத்தில் பத்து கட்டங்களாக ஆய்வு மேற்கொண்டு, கடந்த 3 ஆண்டுகள் குறித்த ஆவணங்களைச் சரிபார்த்தது மட்டுமல்லாமல், பல்கலைக்கழக ஆசிரியர்கள், தொழிலாளர்கள், தனியார் அமைப்பினர் என அனைவரிடமும் தீவிர விசாரணை மேற்கொண்டது.

இந்த விசாரணைக் குழுவின் அறிக்கை கடந்த 5-ம் தேதி தமிழ்நாடு அரசிடம் சமர்ப்பிக்கப்பட்டுள்ளது. இதில், பெரியார் பல்கலைக்கழகத்தில் பதிவாளராகப் பொறுப்பு வகிக்கும் தங்கவேல் மீது சுமத்தப்பட்ட பல்வேறு குற்றச்சாட்டுகள் உறுதி செய்யப்பட்டுள்ளதாகவும், குறிப்பாகக் கணிதத் துறையில் முனைவர் பட்டம் பெற்று பேராசிரியராக இருந்த தங்கவேல், பெரியார் பல்கலைக்கழகத்தில் கணினி அறிவியல்துறையில் நியமனம் செய்ததில் முறைகேடு நடந்திருப்பதும் தெரியவந்திருக்கிறது. சேலம் பெரியார் பல்கலைக்கழகம்

மேலும் கணினி அறிவியல்துறைக்குத் தேவையான உபகரணங்களை ஒரே நிறுவனத்தில்... அதுவும், அவரின் உறவினர் நிறுவனத்திலேயே வாங்கியது, இதற்காக இரண்டு முறை கூடுதலாக முன்தொகையைப் பெற்றது, பெரியார் பல்கலைக்கழக வளாக பராமரிப்பு என்ற பெயரிலும், கணினி தொடர்பான ஹார்டுவேர், சாப்ட்வேர் வாங்கியதில் முறைகேடு நடந்திருப்பதும் தெரியவந்திருக்கிறது.

கணினி அறிவியல் மையத்திற்கு உயர்தர கட்டமைப்பு கொண்ட பொருள்கள் வாங்குவதாகக் கூறி, தரம் குறைவான பொருள்களை வாங்கியது உள்ளிட்ட தங்கவேல் மீதான பல்வேறு குற்றச்சாட்டுகள் உறுதி செய்யப்பட்டுள்ளதாக, பழனிசாமி விசாரணைக் குழுவின் அறிக்கையில் தெரிவிக்கப்பட்டுள்ளது.

அதுமட்டுமல்லாமல் மத்திய அரசின் தீன் தயாள் திட்டத்தின்கீழ் மாணவர்களுக்கு வழங்கப்பட்ட நிதியில் முறைகேடு, பெரியார் பல்கலைக்கழகத்தில் போதிய மனித வளம் இருந்தபோதும் பணிகளை அவுட் சோர்சிங் என்ற பெயரில் தனியார் அமைப்புகளுக்குக் கொடுத்ததன் மூலம் நடைபெற்ற முறைகேடு என பல்வேறு முறைகேடுகள் மற்றும் கையாடல்கள் உறுதி செய்யப்பட்டுள்ளதாகவும் அந்த அறிக்கையில் தெரிவிக்கப்பட்டுள்ளது.

இந்த விசாரணைக் குழுவின் அறிக்கையின் அடிப்படையில் பல்வேறு முறைகேடுகளில் ஈடுபட்ட பெரியார் பல்கலைக்கழக பதிவாளர் தங்கவேலுவை பணி ஓய்வு செய்திட அனுமதிக்கக் கூடாது என்றும், அவரை உடனடியாக பணியிடை நீக்கம் செய்திட வேண்டும் என்றும், தமிழ்நாடு உயர் கல்வித்துறை முதன்மைச் செயலாளர் கார்த்திக், பல்கலைக்கழக துணைவேந்தருக்குக் கடிதம் அனுப்பியுள்ளார்.பெரியார் பல்கலைக்கழக பதிவாளர் தங்கவேல்

எனவே, பெரியார் பல்கலைக்கழக பதிவாளர் தங்கவேலுவை, பல்கலைக்கழக துணை வேந்தர் பணியிடை நீக்கம் செய்யக்கூடும் என்கின்றனர்.ஜாமீனில் வந்த துணைவேந்தரைச் சந்தித்து ஆலோசனை நடத்திய ஆளுநர் - சேலம் பெரியார் பல்கலைக்கழகச் சர்ச்சை


http://dlvr.it/T2WjV7

Read More

நிதிப் பகிர்வு: `வடக்கு... தெற்கு எனப் பிரிக்கின்றனர்!' - பிரதமர் மோடி கொந்தளிப்பது சரிதானா?

மாநிலங்களுக்கான நிதிப் பகிர்வில் மத்திய அரசு பாரபட்சம் காட்டுவதாகவும், துரோகம் இழைப்பதாகவும் தமிழ்நாடு, கேரளா, கர்நாடகா உள்ளிட்ட தென் மாநிலங்கள் தொடர்ந்து குற்றம்சாட்டிவருகின்றன. மத்திய இடைக்கால பட்ஜெட் கடந்த 1-ம் தேதி நாடாளுமன்றத்தில் தாக்கல் செய்யப்பட்டதைத் தொடர்ந்து, இந்த விவகாரம் தீவிரமடைந்திருக்கிறது. டெல்லியில் முதல்வர் சித்தராமையா போராட்டம்

‘நிதிப் பகிர்வில் கர்நாடகாவுக்கு பாரபட்சம் காட்டும் மத்திய பா.ஜ.க அரசைக் கண்டித்து’ கர்நாடகா முதல்வர் சித்தராமையா, துணை முதல்வர் டி.கே.சிவக்குமார், எம்.எல்.ஏ-க்கள், எம்.பி-க்கள் ஆகியோர் டெல்லி ஜந்தர் மந்தரில் பிப்ரவரி 7-ம் தேதி தர்ணாவில் ஈடுபட்டனர். அந்தப் போராட்டத்தில் பேசிய முதல்வர் சித்தராமையா, ’பிரதமர் மோடி தலைமையிலான மத்திய அரசு அமைத்திருக்கும் 15-வது நிதிக்குழுவின் பரிந்துரைகளால் கர்நாடகாவுக்கு மிகப்பெரிய இழப்பு ஏற்பட்டிருக்கிறது.

வட இந்தியாவைக் காட்டிலும் தென்னிந்தியாவில் குடும்பக் கட்டுப்பாடு சிறப்பாகக் கடைப்பிடிக்கப்பட்டது. அதனால், தென்னிந்தியாவில் மக்கள்தொகை குறைந்தது. அதைக் காரணம் காட்டி, கர்நாடகாவுக்கு நிதிப் பகிர்வில் அநீதி இழைக்கப்பட்டிருக்கிறது. இது, பொருளாதாரக் கொடுங்கோன்மை’ என்று கொந்தளித்தார்.

சித்தராமையா போராட்டம் நடத்திய மறுநாள், மத்திய அரசைக் கண்டித்து அதே ஜந்தர் மந்தரில் கேரளா முதல்வர் பினராயி விஜயன் போராட்டம் நடத்தினார். அதில், தமிழ்நாடு அரசின் சார்பில் அமைச்சர் பி.டி.ஆர்.பழனிவேல் தியாகராஜன் பங்கேற்றார். டெல்லி முதல்வர் அரவிந்த் கெஜ்ரிவால், பஞ்சாப் முதல்வர் பகவந்த் மான், ஜம்மு காஷ்மீர் முன்னாள் முதல்வர் ஃபரூக் அப்துல்ல, இந்திய கம்யூனிஸ்ட் பொதுச்செயலாளர் டி.ராஜா ஆகியோரும் போராட்டத்தில் கலந்துகொண்டனர்.டெல்லி போராட்டத்தில் சித்தராமையா

இந்தப் போராட்டம் நடைபெற்ற அதே நேரத்தில், நாடாளுமன்ற வாளகத்திலுள்ள காந்தி சிலை முன்பாக தி.மு.க கூட்டணி கட்சிகளைச் சேர்ந்த எம்.பி-க்கள், மத்திய அரசைக் கண்டித்து ஆர்ப்பாட்டம் நடத்தினர்.

மணிப்பூர் விவகாரம், அதானி விவகாரம் என மத்திய அரசுக்கு எதிரான எந்தவொரு பிரச்னையிலும் மௌனத்தைக் கடைப்பிடிக்கும் பிரதமர் மோடி, உடனடியாக பதிலளிக்கும் அளவுக்கு, மாநில முதல்வர்கள் டெல்லியில் நடத்திய போராட்டங்கள், மத்திய பா.ஜ.க அரசுக்கு நெருக்கடியை ஏற்படுத்தியிருக்கிறது.

சித்தராமையா தலைமையில் போராட்டம் நடைபெற்றுவந்த வேளையில், நாடாளுமன்றத்தில் பேசிய பிரதமர் மோடி, ‘வடக்கு, தெற்கு என்று நாட்டைப் பிளவுபடுத்தும் வகையில் பேசுவதை நிறுத்துங்கள்’ என்று கூறினார்.

மாநிலங்களவையில் குடியரசுத் தலைவர் உரைக்கு நன்றி தெரிவிக்கும் தீர்மானம் மீதான விவாதத்துக்கு பதிலளித்து பிரதமர் மோடி பேசினார். அப்போது, ‘எங்களைப் பொறுத்தளவில், நாடு என்பது வெறும் நிலமல்ல. அது மனித உடலைப் போன்றது. காலில் முள் குத்தி வலி ஏற்பட்டால், உடனே அந்த முள்ளை கை எடுக்கும். காலில்தானே முள் இருக்கிறது. எனக்குக் கவலை இல்லை என்று கை இருக்காது. அதுபோலத்தான் நம் தேசமும்.

நாட்டின் எந்தப் பகுதியில் வளர்ச்சியில் விடுபட்டாலும், இந்தியா வளர்ந்த தேசமாக உருவெடுக்க முடியாது. நாட்டை ஒன்றாகப் பார்க்க வேண்டுமே அல்லாமல், தனித்தனிப் பகுதிகளாகப் பார்க்கக் கூடாது’ என்று பிரதமர் மோடி கொந்தளித்தார்.

அதேபோல, ‘தேசத்தின் ஒரு பகுதியில் தயாராகும் தடுப்பூசியை, இதர பகுதிக்குத் தரக் கூடாது என்று சிலர் பேசுகின்றனர். இது என்ன மாதிரியான சிந்தனை. இமயமலையில் உருவாகும் நதி நீரை வேறு மாநிலங்களுடன் பகிர முடியாது என்று சம்பந்தப்பட்ட மாநிலத்தவர் கூறினால் என்னவாகும்? எங்கள் வரி, எங்கள் பணம் என்று கூறுவது சரியா?’ என்று பல கேள்விகளை பிரதமர் எழுப்பினார். மேலோட்டமாகப் பார்த்தால், பிரதமரின் இந்த வாதம் சரியானது போலத் தெரியலாம். ஆனால், இந்தப் பிரச்னைகளை, மத்திய அரசின் நிதிப் பகிர்வு விவகாரத்துடன் ஒப்பிட முடியாது என்கிறார்கள் பொருளாதார வல்லுநர்கள். பினராயி விஜயன்

காவிரி நீர் தமிழ்நாட்டின் உரிமை. தமிழ்நாட்டுக்கு எவ்வளவு நீரை பங்கிட்டுக் கொடுக்க வேண்டும் என்று உச்ச நீதிமன்றம் உட்பட இது தொடர்பான அனைத்து அமைப்புகளும் இறுதித் தீர்ப்பை வழங்கிவிட்டன. ஆனால், அந்தத் தீர்ப்பின்படி தமிழ்நாட்டின் உரிமையை நிலைநாட்ட வேண்டிய மத்திய பா.ஜ.க அரசு, கடந்த பத்தாண்டுகளாக வேடிக்கை மட்டுமே பார்த்துக்கொண்டிருக்கிறது. நிதிப் பங்கீடு விவகாரத்தில் ஒன்றுகூடும் தென் மாநிலங்கள் - சமாளிக்குமா மோடி அரசு?

‘காவிரி நதி நீர் பிரச்னை பற்றி பிரதமர் மோடி என்றைக்காவது வாய்திறந்திருக்கிறாரா?’ என்ற கேள்வி தமிழ்நாட்டிலிருந்து எழுப்பப்படுகிறது. நிதிப் பகிர்வு என்று வருகிறபோது, வேறு பிரச்னைகளுடன் ஒப்பிட்டு, பிரதமர் திசைத்திருப்ப முயல்கிறார் என்று தென் மாநிலங்களைச் சேர்ந்த எதிர்க்கட்சிகள் குற்றம்சாட்டுகின்றன.மோடி

இப்போது பேசுவதைப்போலத்தான், குஜராத் மாநில முதல்வராக இருந்தபோது பிரதமர் மோடி பேசினாரா? ‘எங்கள் வரி, எங்கள் பணம் என்று சிலர் பேசுகிறார்கள். இது என்ன மாதிரியான பேச்சு? இது நாட்டின் நலனுக்கு நல்லதல்ல’ என்று நாடாளுமன்றத்தில் ஆவேசப்பட்டிருக்கிறார் பிரதமர் மோடி.

``குஜராத் முதல்வராக இருந்தபோது, ‘குஜராத் மக்கள் ரூ.60,000 கோடியை டெல்லிக்கு அனுப்புகிறார்கள். ஆனால், திரும்பிவருவது என்ன? குஜராத் என்ன பிச்சைக்காரர்கள் மாநிலமா? நாங்கள் என்ன டெல்லியில் திருவோட்டை ஏந்திக்கொண்டு நிற்க வேண்டுமா?’ என்று கொந்தளித்தவர்தான் பிரதமர் மோடி. எனவே, தற்போது மத்தியில் ஆட்சியிலிருக்கும் அவர், எதிர்க்கட்சிகளை இப்படிப் பேசுவது சரியல்ல" என்கின்றனர் அரசியல் நோக்கர்கள்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/47zomWY />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/47zomWY14+1; கட் & ரைட் பிரேமலதா... டிமாண்ட் செய்யும் இடத்தில்தான் இருக்கிறதா தேமுதிக?


http://dlvr.it/T2Vp3D

Read More