``இதுவரை நீங்கள் ஏந்திய மோடி எதிர்ப்பு கொடியை, இனி உங்கள் மருமகன் ஏந்துவான்!" - நிதிஷை சாடிய தேஜஸ்வி

பீகார் முதல்வர் நிதிஷ் குமாருக்கு எதிராக நம்பிக்கையில்லாத் தீர்மானம் கொண்டுவரப்பட்டது. அந்த தீர்மானத்தின் மீது இன்று, பீகார் சட்டமன்றக் கூட்டத்தில் வாக்கெடுப்பு நடத்தப்பட்டது. அப்போது பேசிய பீகாரின் முன்னாள் துணை முதல்வரும், தற்போது எதிர்க்கட்சி (ஆர்.ஜே.டி) தலைவருமான தேஜஸ்வி யாதவ், ``இந்த புதிய அரசுக்கு எதிராக நிற்கிறேன். 9 முறை பதவியேற்று சரித்திரம் படைத்ததற்காக முதல்வர் நிதிஷ் குமாருக்கு நன்றி தெரிவிக்க விரும்புகிறேன்.நிதிஷ் குமார் - மோடி

முதல்வர் நிதீஷ் குமாரை நாங்கள் எப்போதும் மதிப்போம்... உங்களை எங்கள் குடும்ப உறுப்பினராக நினைக்கிறோம். நாம் சமாஜ்வாடி குடும்பத்தைச் சேர்ந்தவர்கள்... இதுவரை நாட்டில் மோடியை எதிர்த்து நீங்கள் ஏந்திய கொடியை, இனி உங்கள் மருமகனான நான் தாங்கி பீகாரில் மோடியை எதிர்த்து நின்று பணியை முடிப்பேன். ஆனால், ஜே.டி.யு கட்சியின் எம்.எல்.ஏ-க்களை நினைத்தால்தான் பரிதாபமாக இருக்கிறது.

'நிதிஷ் குமார் ஏன் 3 முறை பதவியேற்றார்? சில தினங்களுக்கு முன்புவரை பா.ஜ.க-வை விமர்சித்தீர்கள், இப்போது அவர்களைப் பாராட்டுகிறீர்கள்... ஏன்? நீங்கள் என்னதான் சொல்ல வருகிறீர்கள்' என ஜே.டி.யு கட்சியின் எம்.எல்.ஏ-க்கள் கேட்டால்... காரணம் அவர்கள்தான் மக்களிடம் சென்று பதில் சொல்ல வேண்டியவர்கள். பலமுறை முதல்வராகப் பதவியேற்ற ஒருவரைப் பார்த்திருக்கிறோம். ஆனால், ஒரு முறை தேர்தலைச் சந்தித்து ஒரே பதவியில் மூன்று முறை பதவியேற்றதை இதற்கு முன்பு நாங்கள் பார்த்திராத ஒன்று.தேஜஸ்வி யாதவ்

ஜே.டி.யு, ஆர்.ஜே.டி, காங்கிரஸ் ஆகிய கட்சிகளை உள்ளடக்கிய மகாகத்பந்தனை கைவிட வேண்டிய நிர்ப்பந்தம் அவருக்கு ஏன் ஏற்பட்டது என எனக்குத் தெரியவில்லை. ஆனால், பீகார் மக்கள் அவர் ஏன் கட்சி மாறினார் என அறிய விரும்புகிறார்கள். பீகாரில் எந்த குழந்தையிடமாவது சென்றும் நிதீஷ் ஜியை நம்புகிறாயா எனக் கேளுங்கள். அதற்கு அவர்கள் பயன்படுத்தும் வார்த்தைகளைக் கூட என்னால் இங்குச் சொல்ல முடியாது. 2013-ம் ஆண்டு முதல் ஐந்து முறை கூட்டணியை மாற்றிக் கொண்டு முழுவதுமாக முதலமைச்சராக இருக்கிறார்.

இனியும் நிதிஷ் குமார் கட்சி மாறமாட்டார் என்பதற்கு பிரதமர் மோடி உத்தரவாதம் தருவாரா... எங்களுக்குச் சோர்வானவர்கள் தேவையில்லை. ராமனைக் காட்டிற்கு அனுப்ப தசரத மன்னனுக்கு விருப்பமில்லை. ஆனால் நிர்ப்பந்தம் ஏற்பட்டது. அதைக் கைகேயி செய்துமுடித்தாள். அதுபோலத்தான் நிதிஷ் குமாருக்கும் ஏற்பட்டிருக்கும். இனியாவது முதலமைச்சராக இருந்து, கொடுத்த வாக்குறுதிகளை சரியாக நிறைவேற்ற வேண்டும் என விரும்புகிறோம்" எனக் குறிப்பிட்டார்.நிதிஷ் குமார்

அதைத் தொடர்ந்து நம்பிக்கையில்லாத் தீர்மானத்தின் மீது வாக்கெடுப்பு நடத்தப்பட்டது. எதிர்க்கட்சிகள் தலைமையிலான மகாகத்பந்தன் கூட்டணி சட்டமன்றத்திலிருந்து வெளிநடப்பு செய்த நிலையில், நிதிஷ் குமார் அங்கம் வகிக்கும் NDA கூட்டணிக்கு ஆதரவாக 129 எம்.எல்.ஏ-க்கள் வாக்களித்தனர். அதனால், நிதிஷ் குமார் மீண்டும் முதல்வராக தொடர்கிறார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/47zomWY />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/47zomWYஅயோத்தி விவகாரம்: "போலி இந்துத்துவா குறித்து விழிப்புடன் இருக்க வேண்டும்!” - பீகார் கல்வியமைச்சர்


http://dlvr.it/T2g8rc

Read More

``அரசுக்கும், ஆளுநருக்கும் இடையிலான பிரச்னை... சபாநாயகர் மரபை கடைபிடிக்கவில்லை!"- எடப்பாடி பழனிசாமி

தமிழ்நாடு சட்டமன்றத்தில் இன்று நடைபெற்ற இந்த ஆண்டின் முதல் கூட்டத்தொடரில், மாநில அரசு தயாரித்துக் கொடுத்த உரையை, ஆளுநர் ஆர்.என்.ரவி வாசிக்காமல் புறக்கணித்ததும், தேசிய கீதம் இசைக்கப்படுவதற்கு முன்பே அவையிலிருந்து வெளியேறியதும் விவாதப்பொருளாகியிருக்கிறது.அப்பாவு - ஆளுநர் ரவி - தமிழ்நாடு சட்டமன்றம்

இந்த நிலையில், `இது ஆளுநருக்கும் அரசுக்கும் இடையிலான பிரச்னை' என்றும், `இந்த உரை உப்பு சப்பில்லாத உரை' என்றும் சட்டமன்ற எதிர்க்கட்சித் தலைவர் எடப்பாடி பழனிசாமி கூறியிருக்கிறார்.

சட்டமன்றத்துக்கு வெளியே செய்தியாளர்களிடம் பேசுகையில் இதனைத் தெரிவித்த எடப்பாடி பழனிசாமி, ``இந்த ஆண்டு ஆளுநர் உரையில், கடந்து ஆண்டைப்போலவே எந்த விதமான குறிப்பும் இல்லை. இந்த அரசின் கொள்கைகளை விளக்கும் உரையாக இது இல்லை. மக்களுக்கு எந்த நன்மையும் கிடைக்காது என்பதை நிரூபிக்கும் வகையில்தான் ஆளுநர் உரை இருக்கிறது. விடியா அரசின் இந்தாண்டுக்கான ஆளுநர் உரை என்பது உப்பு சப்பில்லாத, ஊசிப்போன உணவுப் பண்டம்.

தனது கோரிக்கையை நிறைவேற்றாததால், உரையைப் படிக்கவில்லை என்று ஆளுநர் தெரிவித்திருக்கிறார். இது அரசுக்கும், ஆளுநருக்கும் இடையிலுள்ள பிரச்னை. ஆளுநருக்கும், அரசுக்கும், சபாநாயகருக்கும் என்ன பிரச்னை என்று அவர்களிடம்தான் கேட்கவேண்டும். மரபை மாற்றுகிறார்களா, மரபை கடைப்பிடிக்கிறார்களா என்பதை அவர்களிடம் கேட்டால்தான் தெரியும். நம் சபாநாயகர் பல மரபுகளைக் கடைப்பிடிக்கவில்லை. சட்டமன்றத்தில், எதிர்க்கட்சித் தலைவர், எதிர்க்கட்சித் துணைத் தலைவர் இருப்பதும் மரபுதான். இதைப் பலமுறை கோடிட்டு காட்டியிருக்கிறேன். ஆனால், ஒவ்வொரு முறையும் எதாவது ஒரு காரணத்தைச் சொல்கிறார். இப்போது மரபை கடைப்பிடிக்க வேண்டும் என்று அவரே கூறியிருக்கிறார். இனியாவது சபாநாயகர் மரபை கடைப்பிடிப்பார் என்று எதிர்பார்க்கிறேன்" என்று கூறினார்.எடப்பாடி பழனிசாமி

தொடர்ந்து பேசியவர், ``சபாநாயகர் நடுநிலையோடு செயல்பட வேண்டும் என்று எதிர்பார்க்கிறோம். ஆனால், அவரே ஒருதலைபட்சமாகச் செயல்படும்போது என்ன செய்யவேண்டும் என்று மக்கள்தான் முடிவுசெய்ய வேண்டும்" என்று கூறினார். மேலும், தேசிய கீதம் பாடப்படும் முன்பே ஆளுநர் வெளியேறியது குறித்து பத்திரிகையாளர் எழுப்பிய கேள்விக்குப் பதிலளித்த எடப்பாடி பழனிசாமி, ``ஆளுநரிடம்நான் கேட்க முடியும்" என்றார்.சந்தித்துக்கொண்ட வானதி, ஓ.பி.எஸ் ஆதரவாளர்கள் டு பாதியில் வெளியேறிய ஆளுநர்! | TN Assembly Photo Album


http://dlvr.it/T2ddB0

Read More

`திமுக-வுக்கு ஆதரவாக வந்த கருத்துக்கணிப்பு பொய்' - சாடிய டி.டி.வி.தினகரன்!

தஞ்சாவூர் திலகர் திடலில் அ.ம.மு.க சார்பில், அக்கட்சியின் பொதுச்செயலாளர் டி.டி.வி.தினகரன் தலைமையில், தி.மு.க அரசின் சட்டம் ஒழுங்கு சீர்கேடு மற்றும் மக்கள் விரோதப் போக்கை கண்டித்து கண்டனப் பொதுக்கூட்டம் நடைபெற்றது. இதற்கான ஏற்பாட்டை முன்னாள் எம்.எல்.ஏ ரெங்கசாமி, மாநகரச் செயலாளர் ரஜேஸ்வரன் உள்ளிட்டோர் செய்தனர். இதற்காக நாடாளுமன்றம் வடிவில் மேடை அமைத்திருந்தனர். கூட்டத்தில் பேசிய நிர்வாகிகள் சிலர், ``தி.மு.க ஆட்சி அனைத்திலும் ஃபெயிலியர் ஆகிவிட்டது. எந்த டெல்லி தினகரனை வேண்டாம் என்றதோ, அதே டெல்லியில் பிரதமர் பதவியேற்பு நிகழ்ச்சியில் டி.டி.வி.தினகரனுக்கு சிகப்பு கம்பளம் விரித்து வரவேற்பார்கள்" என்றனர்.தி.மு.க அரசை கண்டித்து நடைபெற்ற பொதுக்கூட்டத்தில் டி.டி.வி.தினகரன்

இதைத் தொடர்ந்து டி.டி.வி.தினகரன் பேசியதாவது, ``நான் அரசியலுக்கு வருவேன் என நினைத்துக்கூட பார்க்கவில்லை. ஜெயலிலதா என்னை அழைத்து வந்தார். நான் எதையும் எதிர்பார்த்து அரசியலுக்கு வரவில்லை. இந்த ஏழு ஆண்டுகளில் வந்த சோதனையைக் கடந்து, தமிழகத்தில், ஜெயலிலதாவின் உண்மையான ஆட்சியை செய்திடவும், அவர்கள் விட்டுச் சென்ற பொறுப்புகளை செய்திடவும் உருவாக்கப்பட்ட இயக்கம் அ.ம.மு.க. ஆர்.கே., நகர் தேர்தலில் தி.மு.க., கூட்டணியும், பழனிசாமி கம்பெனியையும் விழ்த்தி வெற்றி பெற்ற கூட்டம். `பாஜக ஆதரவில்தான் அதிமுக ஆட்சி நடைபெற்றது... இபிஎஸ் செய்தது உட்சபட்ச துரோகம்!' - ஓபிஎஸ் தாக்கு

நாடாளுமன்றம் மற்றும் சட்டசபை தேர்தல்களில் தோல்வியை சந்தித்து இருக்கலாம். ஆனால் என்னுடைய முயற்சியில் நான் பின் வாங்கியது இல்லை. ஜெயலிலதா மறைவுக்குப் பிறகு பழனிசாமி கொள்ளையடித்தப் பணத்தை வைத்துக்கொண்டு அ.ம.மு.க-வையும், தினகரனையும் அழித்து, அரசியல்ரீதியாக ஒழித்து விடலாம் என பல நிர்வாகிகளை ஆசைகாட்டி விலைக்கு வாங்கி விடலாம் என நினைத்தார்கள். அ.தி.மு.க., முன்னாள் அமைச்சர்கள் எல்லாம் தினகரன் தரம் தாழ்ந்து பேசுகிறார் என்கிறார்கள். உங்களுக்கு பதவிக்கொடுத்து, முதல்வர் சீட்டில் அமர வைத்தவர்களுக்கு துரோகம் செய்தவர்கள் நீங்கள். துரோகத்தை தவிர உங்களுக்கு என்ன தெரியும். மக்கள் வரிப்பணத்தை கொள்ளையடிக்க தெரியும். அதைக் கொண்டு இன்றைக்கு ஆட்டம் போட்டுக்கொண்டிருக்கிறார்கள். உங்கள் ஆட்டத்தை முடிவுக்குக் கொண்டு வரும் முதல் தேர்தலாக இந்த நாடாளுமன்ற தேர்தல் இருக்கும். டி.டி.வி.தினகரன்

பழனிசாமி செய்த ஊழலால், தவறான நிர்வாகத்தால், மக்கள் கொதிப்படைந்து, தி.மு.க., திருந்தி இருக்கும் என வாக்களிக்க நினைத்தார்கள். அப்போதே தி.மு.க., என்ற ஊழல் பெருச்சாலிகளுக்கு வாக்களிக்க வேண்டாம் என்றேன். ரேஷன் கடைகள் மூலம் சிறுதானிய விநியோகம் செய்வோம் என்றனர். இப்போது ஏற்கெனவே கிடைத்த பொருள்கள்கூட கிடைக்கவில்லை. தடையின்றி மும்முனை மின்சாரம் தருவோம் என்றார்கள். ஆனால் மின்சாரமே கிடைக்கவில்லை. இவ்வளவு பிரச்னை நடக்கிறது. ஆனால் கம்யூனிஸ்ட் கட்சியை சேர்ந்தவர்கள் என்ன ஆனார்கள்... தேர்தலுக்கு நிதி வாங்கி சென்ற பிறகு என்ன ஆனார்கள் என தெரியவில்லை. கம்யூனிஸ்ட்டின் சத்தத்தையே காணவில்லை.

33 மாதங்கள் முடிந்து விட்டது. தேர்தல் அறிக்கையில் கொடுத்த வாக்குறுதிகளை தி.மு.க நிறைவேற்றவில்லை. தற்போது மக்களை ஏமாற்றும் விதமாக, தேர்தல் அறிவிக்கவில்லை, கூட்டணியும் முடிவாகவில்லை. ஆனால் 37 அல்லது 39 தொகுதிகளில் தி.மு.க., வெற்றி பெறும் என கருத்துக்கணிப்பு வெளியிட்டு வருகிறார்கள். தி.மு.க., மீது மக்கள் கோபமாய் இருக்கிறார்கள். தி.மு.க திருந்தவே திருந்தாது என ஆணித்தரமான முடிவுக்கு வந்து விட்டனர். இதனால் அ.ம.மு.க., தான் ஒரே மாற்று கட்சி என உணர்ந்து வருகிறார்கள். நாடாளுமன்றத் தேர்தல் கூட்டணியை நான் பார்த்துக் கொள்கிறேன். தி.மு.க அரசை கண்டித்து நடைப்பெற்ற பொதுக்கூட்டத்தில் டி.டி.வி.தினகரன்

கடந்த ஜனவரி 24 முதல் பிப்ரவரி 3-ம் தேதி வரை சில நாடாளுமன்ற தொகுதிகளில் சிலர் 15 ஆயிரம் பேரிடம் சர்வே எடுத்துள்ளனர். அந்த தகவல் எனக்கு கிடைத்தது அதன் மூலம் தி.மு.க-வுக்கு ஆதரவாக வந்த சர்வே பொய் என்பதை உறுதி செய்துள்ளனர். தேர்தல் வாக்குறுதி என்ற பெயரில் எப்படி மக்களை ஏமாற்றினார்களோ, சர்வே என்ற பெயரில் ஏமாற்றுவதற்கு தி.மு.க-வின் பின்னணியில் முயற்சி நடந்து வருகிறது. காரணம், தி.மு.க., கூட்டணியும், அவர்கள் அமைத்த இந்தியா கூட்டணியும் சிதறிவிட்டது. கர்நாடகா அணைக்கட்டுவதை தடுக்க முடியமால், ஸ்டாலின் வேஷம் போட்டு வருகிறார். 33 மாதங்களில் தி.மு.க-வால் மக்களுக்கு என்ன கிடைத்தது என அனைவரும் சிந்திக்க துவங்கிவிட்டார்.

அ.ம.மு.க சுயம்பாக தோன்றியது. எந்த கொம்பனாலும் அழிக்க முடியாது. தி.மு.க., துணைச் செயலாளரான ஆ.ராசா சமீபத்தில் எம்.ஜி.ஆர்., குறித்து வாய் கூசும் விதமாகப் பேச என்ன தகுதி இருக்கிறது. இவர் செய்வதைக் கண்டித்து பழனிசாமி கூட்டம் போடுகிறார். ராசாவுக்கும், பழனிசாமிக்கும் எந்த தகுதியும் இல்லை. மறைந்த தலைவர்கள் பற்றி பேசினால் ராசாவுக்கு நல்லதில்லை. ராசா போன்றவர்கள் அதற்கான பலனை அனுபவிப்பார்கள். தமிழக அரசியலில் திசை திரும்பி, மக்களை ஏமாற்றி ஊழல் முறைகேடு செய்வதை தொடர்ந்து வரும் தி.மு.க.,வுக்கு தக்க பாடம் புகட்ட வேண்டும்" என்றார். `ஜெயலலிதாவே அயோத்தி ராமர் கோயிலைக் கட்ட வேண்டுமென்று கூறிவந்தார்...' - டி.டி.வி.தினகரன்


http://dlvr.it/T2cxL9

Read More

பஞ்சாப்பைத் தொடர்ந்து டெல்லியிலும் தனித்து களமிறங்குகிறதா ஆம் ஆத்மி? - கெஜ்ரிவால் கூறியதென்ன?

பா.ஜ.க-வை வீழ்த்தவேண்டிய கட்டாயத்தில் ஒருங்கிணைந்த எதிர்க்கட்சிகள், இந்தியா கூட்டணியாக அடுத்தடுத்து வேலைகளில் ஈடுபட்டு வந்தாலும், மக்களவைத் தேர்தலுக்கு இன்னும் இரண்டு மாதங்கள்கூட இல்லாத சூழலிலும், சீட் பகிர்வு முடிவாகாமல் கூட்டணிக்குள் பெரும் தலைவலியாக இருக்கிறது. தேசிய ஜனநாயகக் கூட்டணியிலும் இன்னும் சீட் பகிர்வு முடிவுசெய்யப்படவில்லை என்றாலும், அந்தக் கூட்டணி பா.ஜ.க-வின் ஒற்றைத் தலைமையின் கீழ் இருக்கிறது. இந்தியா கூட்டணி அப்படியில்லை.இந்தியா கூட்டணி

இந்தியா கூட்டணியிலிருக்கும் பெரும்பாலான கட்சிகள் தாங்கள் ஆளும் மாநிலங்களில் பலம் வாய்ந்தவையாக இருக்கின்றன. இதனாலேயே, காங்கிரஸுக்கு சீட் ஒதுக்குவது பிரச்னையாக இருக்கிறது. மேற்கு வங்கத்தில் `நாங்கள் தனியாகவே போட்டியிடுகிறோம், காங்கிரஸுக்கு ஒரு சீட்கூட இல்லை' என மம்தா தொடங்கிவைக்க, பஞ்சாப்பில் `நாங்கள் தனித்து களமிறங்குகிறோம், காங்கிரஸிடம் எந்தப் பேச்சுவார்த்தையும் இல்லை' என ஆம் ஆத்மி முதல்வர் பகவந்த் மான் கூறினார். ஆம் ஆத்மி தேசிய ஒருங்கிணைப்பாளர் அரவிந்த் கெஜ்ரிவாலும், பஞ்சாப்பில் தங்கள் கட்சி தனித்துப் போட்டி என்பதை உறுதி செய்தார்.

ஆனால், டெல்லியில் தனித்தா அல்லது காங்கிரஸுக்கு சீட் ஒதுக்கப்படுமா என்பது கேள்விக்குறியாகவே இருந்தது. இன்னொருபக்கம், பீகார் முதல்வர் நிதிஷ் குமார், ராஷ்ட்ரிய லோக் தள கட்சித் தலைவர் ஜெயந்த் சிங் ஆகியோர் கூட்டணியிலிருந்தே விலகினர். இத்தகைய சூழலில், டெல்லியிலும் காங்கிரஸுடன் சீட் பகிர்வு இல்லை என்பதை அரவிந்த் கெஜ்ரிவால் மறைமுகமாகத் தெரிவித்திருக்கிறார். இது தொடர்பாக பஞ்சாப் நிகழ்ச்சியொன்றில் அரவிந்த் கெஜ்ரிவால் பேசிய வீடியோவை ஆம் ஆத்மி தனது அதிகாரபூர்வ X சமூக வலைதளப் பக்கத்தில் பதிவிட்டிருக்கிறது.அரவிந்த் கெஜ்ரிவால்

அந்த வீடியோவில், ``டெல்லி மக்கள் 7 இடங்களையும் ஆம் ஆத்மிக்கு வழங்க முடிவுசெய்துவிட்டனர். அதேபோல, பஞ்சாப்பிலுள்ள 13 லோக் சபா தொகுதிகளில் 13-ம் ஆம் ஆத்மிக்கு அளித்து பகவந்த் மானின் கரங்களைப் பலப்படுத்துங்கள். பின்னர், மத்திய அரசுக்கும், ஆளுநருக்கும் பஞ்சாப்பின் பணத்தையோ, எந்த வேலையையும் தடுக்கும் துணிச்சல் வராது" என்று அரவிந்த் கெஜ்ரிவால் கூறியிருக்கிறார்.மகாராஷ்டிரா: ஷிண்டே, அஜித் பவாரை தொடர்ந்து அணி மாற தயாராகும் காங்கிரஸ் MLA-கள்?! - என்ன நடக்கிறது?


http://dlvr.it/T2cx78

Read More

கார்ட்டூன்: தென் மாநிலங்கள்...

தென் மாநிலங்கள்...


http://dlvr.it/T2ckvn

Read More

`பாஜக தலைவர்களின் இதயத்தில் தமிழகம் இருக்கிறது..!' - சென்னை கூட்டத்தில் பாஜக தலைவர் நட்டா பேச்சு

சென்னை வந்த பா.ஜ.க தேசியத் தலைவர் நட்டா, பொதுக்கூட்டத்தில் கலந்துகொண்டார். கூட்டத்தில் பேசுகையில், ``திருவள்ளுவர், பாரதியார் ஆகியோர் நாட்டுக்குச் செய்த தியாகங்களை நினைவு கூறுகிறேன். பா.ஜ.க தலைவர்களின் இதயத்தில் தமிழகம் இருக்கிறது. குறிப்பாகப் பிரதமர் மோடிக்கு தமிழகம் மிகவும் பிடிக்கும். உலகத்தில் எந்த இடத்துக்குச் சென்றாலும், தமிழகம் குறித்துப் பேசுவார். இங்கிருந்து செங்கோலைக் கொண்டு சென்று, நாடாளுமன்றத்தில் வைத்திருக்கிறோம்.

எம்.எஸ்.சுவாமிநாதனுக்கு பாரத ரத்னா விருது வழங்கி இருக்கிறோம். தமிழகத்தில் மிகப்பெரிய கலாசாரம், பண்பாடு இருக்கிறது. மிகவும் பழைமையான மொழியை வைத்திருக்கிறது. அறிவியல், தொழில்நுட்பம் என அனைத்திலும் தமிழகத்தின் பங்கு மிகவும் முக்கியமானது.

தமிழகத்தில் மிகவும் மோசமான தலைவர் இருக்கும் ஆட்சி நடந்து கொண்டிருக்கிறது. தி.மு.க ஆட்சியில் தமிழகம் சீரழிந்து கொண்டு இருக்கிறது. இன்று தமிழகத்தில் ஆட்சி செய்து கொண்டிருப்போருக்கு அறிவு இல்லை. வரும் வழியில் லைட் இல்லை. மிரட்டிக் கடைகளை மூட வைத்திருக்கிறார்கள். எதற்காக இவ்வளவு போலீஸ் இருக்கிறார்கள்... இதுதான் ஜனநாயகமா?

அதற்காகத்தான் `என் மண், என் மக்கள்' யாத்திரையை நடத்துகிறோம். விரைவில் யாத்திரை 234 தொகுதிகளிலும் பூர்த்தி அடையும். ஊழல் இல்லாத ஆட்சி நடத்திக் கொண்டிருக்கிறோம். யார் ஊழல் செய்தாலும், விட்டுவைக்க மாட்டோம்.

உலக பொருளாதாரத்தில் 5-வது இடத்துக்கு வந்திருக்கிறோம். மீண்டும் வாய்ப்பு கொடுத்தால், 3-வது இடத்துக்கு வந்துவிடுவோம்.

வாகன உற்பத்தியில் ஜப்பானை முந்திவிட்டோம். 97% மொபைல்கள் இந்தியாவில் உற்பத்தி செய்யப்படுகிறது. ராம ஜென்ம பூமியை மீட்டிருக்கிறோம். எனவே நாடு முழுவதும் மோடி அலை வீசுகிறது. மீண்டும் நீங்கள் மோடிக்கு வாய்ப்பளிக்க வேண்டும்.

தமிழகத்தை ஆண்டு கொண்டிருக்கும் தி.மு.க, பொய் சொல்லிக் கொண்டிருக்கிறது. ஏராளமான திட்டங்களை தமிழகத்துக்கு செய்திருக்கிறோம். குடும்ப அரசியல், கொள்ளை, கட்டப்பஞ்சாயத்து செய்வதுதான் தி.மு.க. சிறையில் இருக்கும் அமைச்சர்களுக்கு இன்னும் ஊதியம் செல்கிறது. கொள்ளையடித்தப் பணத்தைப் பாதுகாக்க இந்தியா கூட்டணி அமைத்திருக்கிறார்கள். மீண்டும் பா.ஜ.க-வுக்கு வாய்ப்பு கொடுங்கள் எனச் சொல்லிக்கொண்டு விடைபெறுகிறேன்." என்றார். முன்னாள் அதிமுக எம்.எல்.ஏ-க்களை ஈர்ப்பதால், பாஜக-வுக்குப் பலன் இருக்கிறதா?!


http://dlvr.it/T2ckng

Read More

ஹங்கேரியா: பாலியல் குற்றவாளிக்கு ஆதரவு; முதல் பெண் குடியரசுத் தலைவர் ராஜினாமா! - காரணம் என்ன?

2022-ம் ஆண்டு ஹங்கேரியா நாட்டின் முதல் பெண் குடியரசுத் தலைவராகப் பதவியேற்றார் கத்தலின் நோவக் (46). இந்த நிலையில், அரசு நடத்தும் சிறார் இல்லத்தில், சிறுவர்களுக்கு பாலியல் வன்கொடுமை நடந்த விவகாரம் தொடர்பான வழக்கில் முன்னாள் துணை இயக்குநர் கைது செய்யப்பட்டார். அவர் பாலியல் குற்றத்தில் ஈடுபட்டவர்களைக் காப்பாற்றும் நோக்கில் செயல்பட்டதாகத் தண்டிக்கப்பட்டார்.

இதற்கிடையில், முன்னாள் துணை இயக்குநருக்குக் குடியரசுத் தலைவர் மன்னிப்பு வழங்கி ஆணை பிறப்பித்தார். கத்தலின் நோவாக்-வின் இந்த முடிவுக்கு நாடு முழுவதும் கடும் எதிர்ப்பு கிளம்பியது. இது தொடர்பாக எதிர்க்கட்சிகள் ஆர்ப்பாட்டத்தைத் தொடங்கினகத்தலின் நோவக்

இந்த நிலையில், உலக வாட்டர் போலோ சாம்பியன்ஷிப் போட்டியில் கஜகஸ்தான் - ஹங்கேரியா இடையே நடக்கும் போட்டியைக் காண கத்தார் சென்றிருந்த கத்தலின் நோவாக், உடனடியாக நாடு திரும்பினார். மேலும், அடுத்த சில மணி நேரங்களில் தனது ராஜினாமா குறித்த அறிவிப்பையும் வெளியிட்டிருக்கிறார்.

இது குறித்து செய்தியாளர்களிடம் பேசிய அவர்,``நான் எனது பதவியை ராஜினாமா செய்கிறேன். பாலியல் குற்றத்தை மறைத்தவருக்கு நான் மன்னிப்பு வழங்கியதன் மூலம் தவறு செய்துவிட்டேன். நான் காயப்படுத்தியவர்களிடமும், பாதிக்கப்பட்ட அனைவரிடமும் மன்னிப்புக் கேட்கிறேன்.

நான் எப்போதும் அவர்களை ஆதரிக்கவில்லை. நான் குழந்தைகள் மற்றும் குடும்பங்களைப் பாதுகாப்பதற்கு ஆதரவாக இருக்கிறேன்... இருந்தேன்... இருப்பேன்" எனக் குறிப்பிட்டிருக்கிறார்.

குடியரசுத் தலைவரின் ராஜினாமாவைத் தொடர்ந்து, நீதி அமைச்சர் ஜூடிட் வர்காவும் பொது வாழ்க்கையிலிருந்து விலகுவதாக அறிவித்திருக்கிறார் என்பது குறிப்பிடத்தக்கது.`அடுத்த 25 ஆண்டுகள் நாட்டுக்கு மிக முக்கியமானவை!' - 17-வது மக்களவையில் பிரதமர் மோடியின் கடைசி உரை


http://dlvr.it/T2bdgG

Read More