Wednesday 14 February 2024
Tuesday 13 February 2024
Farmers Protest: விவசாயிகளை தடுக்கும் முன்னேற்பாடுகள்தான் இவை..! டெல்லி எல்லை காட்சிகள் | Album
http://dlvr.it/T2h6BH
'ஜோதிமணிக்கு சீட் வழங்க கூடாது' - தீர்மானம் நிறைவேற்றிய எதிர் கோஷ்டி... கரூர் காங்கிரஸ் கலாட்டா
இந்நிலையில்தான், ஜோதிமணிக்கு எதிராக, 'சீட் வழங்க கூடாது' என்று தீர்மானம் நிறைவேற்றி, காங்கிரஸ் கட்சியின் ஒரு பிரிவினர் ஜோதிமணி தரப்பை அதிர வைத்திருக்கிறார்கள்.
கரூர் தாந்தோன்றிமலையில் உள்ள தனியார் திருமணம் மண்டபத்தில், மாவட்ட காங்கிரஸ் கட்சியின் சார்பில் மாவட்ட செயலாளர் சி.சேகர் தலைமையில் நாடாளுமன்றத் தேர்தல் சம்பந்தமான ஆலோசனை கூட்டம் நடைபெற்றது. இக்கூட்டத்தில், கரூர் மாவட்டத்தில் உள்ள காங்கிரஸ் கமிட்டியில் உள்ள நிர்வாகிகள், தொண்டர்கள் என்று நூற்றுக்கும் மேற்பட்டோர் கலந்து கொண்டனர்.
இக்கூட்டத்தில், 'விரைவில் தமிழகத்துக்கு வருகை தரவுள்ள அகில இந்திய காங்கிரஸ் கட்சித் தலைவர் மல்லிகார்ஜுன கார்கே அவர்களுக்கு சிறப்பான வரவேற்பு அளிப்பது, நாடாளுமன்ற தேர்தலில் இந்தியா கூட்டணி வெற்றி பெற பாடுபடுவது, காங்கிரஸ் கட்சி கரூர் மக்களவை உறுப்பினர் ஜோதிமணி கட்சியில் சரிவர பணியாற்றாமலும், பொதுமக்கள் மற்றும் சொந்த கட்சியினரிடம், சரியான அணுகுமுறை இல்லாத காரணத்தினாலும், கூட்டணி கட்சியினரிடம் வெறுப்பு உணர்வை ஏற்படுத்திய காரணத்தினாலும், தொகுதி முழுவதும் பெரும் அதிருப்தி நிலவி வருவதால், இம்முறை ஜோதிமணிக்கு மீண்டும் காங்கிரஸ் கட்சி சார்பில் போட்டியிட வாய்ப்பு வழங்க வேண்டாம் என்று அகில இந்திய காங்கிரஸ் கமிட்டியையும், தமிழக காங்கிரஸ் கமிட்டியையும் கேட்டுக் கொள்வது என ஒரு மனதாக தீர்மானங்கள் நிறைவேற்றப்பட்டிருக்கிறது. ஜோதிமணிக்கு எதிரான தீர்மானம்
அதேபோல, காங்கிரஸ் கமிட்டி தலைவர் மற்றும் தமிழக காங்கிரஸ் நிர்வாகிகளிடம் மோதல் போக்கை கடைபிடித்து வரும், எம்.பி ஜோதிமணியை வன்மையாக கண்டிப்பது என தீர்மானம் நிறைவேற்றப்பட்டது. தவிர, கரூர் தொகுதியை காங்கிரஸ் கமிட்டியின் முன்னாள் கரூர் மாவட்ட தலைவரும், அகில இந்திய காங்கிரஸ் கமிட்டியின் உறுப்பினருமான 'பேங்க்' சுப்பிரமணியனுக்கு சீட் வழங்க அகில இந்திய காங்கிரஸ் கமிட்டி மற்றும் தமிழக காங்கிரஸ் கமிட்டியினை கேட்டுக்கொள்வது என்ற தீர்மானத்தையும் நிறைவேற்றியுள்ளனர். இந்தக் கூட்டத்தில் பேசிய 'பேங்க்' சுப்பிரமணியன், ஜோதிமணிக்கு எதிராக பேசினார்.
இந்நிலையில், செய்தியாளர்களிடம் பேசிய 'பேங்க்' சுப்பிரமணியன், "தமிழகத்தில் தி.மு.க ஆட்சி மிகச் சிறப்பாக இருப்பதினால் தமிழகத்தில் உள்ள 39 தொகுதிகளில் தி.மு.க கூட்டணி மிகப்பெரிய வெற்றி அடையும். காங்கிரஸ் - தி.மு.க கூட்டணி பேச்சுவார்த்தையில் காங்கிரஸ் கட்சி சார்பில் மீண்டும் கரூர் மக்களவைத் தொகுதியில் போட்டியிட ஜோதிமணி விருப்ப மனு வழங்குவார் என்பதால், நடைபெற்ற கரூர் மாவட்ட காங்கிரஸ் கட்சி நிர்வாகிகள் ஆலோசனை கூட்டத்தில், ஜோதிமணிக்கு அகில இந்திய காங்கிரஸ் தலைமையும், தமிழக காங்கிரஸ் கமிட்டியும், மீண்டும் போட்டியிட வாய்ப்பு வழங்கக்கூடாது என வலியுறுத்தி ஒருமனதாக தீர்மானம் நிறைவேற்றப்பட்டது. 'பேங்க்' சுப்பிரமணியன்
ராகுல் காந்தியின், 'ஒற்றுமை பயணம்' தேசிய அளவில் மிகப்பெரிய தாக்கத்தை ஏற்படுத்தியிருக்கிறது. அதேபோல், ஆட்சி மாற்றத்தை மக்கள் எதிர்பார்த்து காத்திருப்பதால் இந்தியா கூட்டணி மாபெரும் வெற்றி பெறும் என்ற நம்பிக்கையுடன் தேர்தல் பணியாற்ற காத்திருக்கிறோம்" என்றார்.
அதோடு, காங்கிரஸ் கட்சியின் க.பரமத்தி வட்டார துணை தலைவர் செந்தில்குமார் என்பவர், தன் ரத்தத்தில் எழுதியிருக்கும் கடிதத்தில், 'கரூர் எம்.பி தொகுதியை மீண்டும் காங்கிரஸ் கட்சிக்கு பெற்று தர வேண்டும். எம்.பி ஜோதிமணிக்கு மீண்டும் போட்டியிட சீட் வழங்க கூடாது. முன்னாள் மாவட்ட தலைவர் 'பேங்க்' சுப்பிரமணியனுக்கு வாய்ப்பு வழங்க வேண்டும்' என்று குறிப்பிட்டிருக்கிறார். இந்த கடிதத்தை தலைமைக்கு அனுப்பி வைக்க இருக்கிறார்களாம்.
ஜோதிமணிக்கு எதிராக சொந்தக் கட்சியினரே தீர்மானம் நிறைவேற்றிருப்பது, கரூர் மாவட்ட காங்கிரஸூக்குள் 'அதிரிபுதிரி' பரபரப்பை ஏற்படுத்தியிருக்கிறது.
Junior Vikatan-ன் பிரத்யேக Whatsapp Group...
இணைவதற்கு இங்கே க்ளிக் செய்யவும்...
https://bit.ly/47zomWY
https://bit.ly/47zomWY
வணக்கம்,
BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.
ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/47zomWY
https://bit.ly/47zomWY
http://dlvr.it/T2ggtj
'ஆளுநர் ரவி Vs தமிழக அரசு' - தொடரும் `சட்டசபை’ மோதல்கள்
அப்போது பேசிய ஆளுநர், சில கருத்துகளை தெரிவித்துவிட்டு உரையை படிக்காமல் அமர்ந்துவிட்டார். அதற்கு அவர் கூறிய காரணங்கள் பின்னர் அவை குறிப்பில் இருந்து நீக்கப்பட்டது.
அவையில் ஆளுநர் உரையின் தமிழாக்கத்தை சபாநாயகர் அப்பாவு வாசித்தார். அதில், "மத்திய அரசு ஜிஎஸ்டி வரி இழப்பீட்டை நிறுத்தியதால், ஒவ்வொரு ஆண்டும் தமிழ்நாட்டிற்கு சுமார் 20,000 கோடி ரூபாய் இழப்பு ஏற்படுகிறது. அதனால், ஜி.எஸ்.டி. இழப்பீட்டு முறையை மத்திய அரசு தொடர வேண்டும். மற்ற மாநிலங்களில் மெட்ரோ திட்டத்துக்கு பங்களிப்பு செய்கிறது, மத்திய அரசு. ஆனால் தமிழகத்து கொடுத்த வாக்குறுதியை நிறைவேற்றவில்லை. எனவே முழு திட்டச்செலவையும் மாநில அரசு செய்ய வேண்டியிருக்கிறது. மத்திய அரசின் குடியுரிமை திருத்தச் சட்டத்தை தமிழ்நாட்டில் ஒருபோதும் நடைமுறைப்படுத்த மாட்டோம். தேசிய மக்கள் தொகை கணக்கெடுப்பை நடத்தும் போது சாதிவாரிக் கணக்கெடுப்பையும் நடத்த வேண்டும்" என்பது உள்ளிட்ட விஷயங்கள் இடம்பெற்றிருந்தன.சட்டப்பேரவை
ஆளுநர் உரையை தொடர்ந்து பேசிய அப்பாவு, சில கருத்துக்களை தெரிவித்தார். அதுவும் பின்னர் அவைக்குறிப்பில் இருந்து நீக்கப்பட்டது.
அப்போது அவையிலிருந்து வெளியேறினார், ரவி. இதையடுத்து அவை முன்னவர் துரைமுருகன், "2024-ம் ஆண்டுக்கான முதல் கூட்டத்தொடரில் தமிழ், ஆங்கிலத்தில் தவிர்க்கப்பட்ட ஆளுநர் உரை, இந்த அவைக்கு வழங்கப்பட்ட படியே அவைக்குறிப்பில் பதிவேற்றம் செய்யப்பட வேண்டும்" என்ற தீர்மானத்தை கொண்டுவந்தார். குரல் வாக்கெடுப்பின் மூலம் ஒரு மனதாக நிறைவேற்றப்பட்டதாக அறிவிக்கப்பட்டது.
இந்த விவகாரம் மீண்டும் சர்ச்சையாக வெடித்தது. இதையடுத்து தமிழ்நாடு ஆளுநர் மாளிகை அளித்த விளக்கத்தில், "பிப்ரவரி 9-ம் தேதி ஆளுநர் உரை ஆளுநர் மாளிகைக்கு அனுப்பப்பட்டது. அதில் பல தகவல்கள் உண்மைக்கு மாறானதாக இருந்தன. இதையடுத்து தேசிய கீதத்திற்கு உரிய மரியாதை அளிக்கும் வகையில், ஆளுநர் உரைக்கு முன்பும் பின்பும் தேசிய கீதம் இசைக்கப்பட வேண்டும் என சபாநாயகருக்கும் முதலமைச்சருக்கும் கடிதம் எழுதப்பட்டது. மேலும், ஆளுநர் உரையானது அரசின் சாதனைகளை, கொள்கைகளை, திட்டங்களைச் சொல்வதாக இருக்க வேண்டுமே தவிர, தவறான தகவல்களை, பாரபட்சமான அரசியல் பார்வைகளைச் சொல்வதாக இருக்கக்கூடாது. ஆனால், அரசு ஆளுநரின் பரிந்துரைகளை நிராகரித்துவிட்டது.சட்டப்பேரவை நிகழ்வு
பிப்ரவரி 12-ம் தேதியன்று சபாநாயகர், முதல்வர் உள்ளிட்டோருக்கு வணக்கம் செலுத்திய ஆளுநர், ஆளுநர் உரையின் சில அம்சங்கள் உண்மைக்கு மாறாக இருப்பதால் அதனை வாசிக்க முடியாது என் கூறினார். சபாநாயகர் தமிழ் வடிவத்தை படிக்கும்போது ஆளுநர் முழுவதுமாக அமர்ந்திருந்தார். சபாநாயகர் உரையை வாசித்து முடித்தவுடன், தேசிய கீதம் வாசிக்கப்படும் என கருதி ஆளுநர் எழுந்தார். ஆனால், ஏற்கனவே இருந்த நிகழ்ச்சி நிரலை பின்பற்றுவதற்குப் பதிலாக ஆளுநரை நாதுராம் கோட்சேவை பின்பற்றுபவர் என்றெல்லாம் சபாநாயகர் கடுமையாக விமர்சித்தார். இதனால், தனது பதவியின் கண்ணியத்தைக் கருதி ஆளுநர் அவையைவிட்டு வெளியேறினார்" என சொல்லப்பட்டிருக்கிறது.
இதுகுறித்து நம்மிடம் பேசிய ராஜ் பவன் வட்டாரங்கள், "தமிழக அரசு அறிக்கை தயாரித்து அனுப்பியதும் ஆளுநர் ரவி டெல்லிக்கு சென்றார். அங்கு தனது தரப்பு விளக்கத்தை கூறினார். அப்போது ஆளுநர் தரப்பில் ``சில தகவல்களை படிக்க முடியாது. அதை தவிர்த்துவிட்டு படித்தால் கடந்த முறையை போல பிரச்னை வரும். எனவே முழுமையாக படிக்காமல் தவிர்க்கலாம்" என சொல்லப்பட்டிருக்கிறது. அதன்படியே ஆளுநர் படிக்கவில்லை" என்றன.
இதையடுத்து இந்த விவகாரம் நாடு முழுவதும் பேசும் பொருளாகி இருக்கிறது. முன்னதாக கடந்த ஜனவரி 25-ம் தேதி கேரள மாநிலத்தில் சட்டப்பேரவைக் கூட்டம் தொடங்கியது. அப்போது உரையின் 62 பக்க உரையைத் தவிர்த்துவிட்டு கடைசி பத்தியை மட்டும் வாசித்தார் ஆளுநர் ஆரிப் முகமது கான். அப்போது அவர் மொத்தமே 4 நிமிடங்கள்தான் அவையில் இருந்தது குறிப்பிடத்தக்கது.ப்ரியன்
இதுகுறித்து நம்மிடம் பேசிய மூத்த பத்திரிகையாளர் ப்ரியன், "சட்டசபையில் அரசுக்கும் ஆளுநருக்கும் இடையில் தொடர் மோதல் ஏற்படுகிறது. கவர்னர் அவையின் கண்ணியத்தை கெடுத்தது மட்டும் இல்லாமல் ஆளுநர் பதவிக்கான கண்ணியத்தையும் கெடுத்து விட்டார். மற்றவர்கள் தேசிய கீதத்தை மதிக்கவில்லை என்று கூறுகிறார். ஆனால் அவரே மதிக்காமல் செல்கிறார். அவருக்கு உரையில் எந்த பங்களிப்பும் கிடையாது. அதில் தவறு இருந்தால் எதிர்க்கட்சிகள் கேள்வி எழுப்புவார்கள். நான்கு வரியை மட்டும் படித்துவிட்டு கருத்து கூறுவதற்கு உரிமை இல்லை. எனவே தான் அவர் பேசியதை அவை குறிப்பில் இருந்து எடுத்துவிட்டார்கள். மீண்டும் அதை பதிவிட்டது உரிமை மீறல் செயல். அரசு சுமூகமாக இருக்க வேண்டும் என நினைத்தாலும் தொடர் மோதல் மனப்பான்மையை கடைபிடிக்கிறார் ஆளுநர்" என்றார்.
Junior Vikatan-ன் பிரத்யேக Whatsapp Group...
இணைவதற்கு இங்கே க்ளிக் செய்யவும்...
https://bit.ly/47zomWY
வணக்கம்,
BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.
ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/47zomWYExclusive: `மீண்டும் தேர்தலில் போட்டியா?' - தமிழிசை ஓப்பன் டாக்!
http://dlvr.it/T2gMyq
`3 தனித்தொகுதி + 1 பொதுத் தொகுதி..!' - திருமாவளவனின் கோரிக்கைக்கு திமுக-வின் ரியாக்ஷன் என்ன?!
காங்கிரஸ், ம.தி.மு.க, சி.பி.எம், சிபிஐ ஆகிய கட்சிகளும் தொகுதி பங்கீடு பேச்சுவார்த்தையை முதற்கட்டமாக முடித்திருக்கும் தி.மு.க, விடுதலை சிறுத்தைகள் கட்சியையும் அழைத்து நடத்திய பேச்சுவார்த்தையில் வி.சி.க தலைவர் திருமாவளவன், எம்.பி ரவிக்குமார், எம்.எல்.ஏ-க்கள் ஆளூர் ஷாநவாஸ், எஸ்.எஸ் பாலாஜி, சிந்தனை செல்வன் மற்றும் பனையூர் பாபு ஆகியோர் பங்கேற்றனர். தி.மு.க தரப்பில் தொகுதி பங்கீட்டு குழுத் தலைவர் டி.ஆர் பாலு தலைமையில் எம்.பி ஆ.ராசா, அமைச்சர்கள் ஐ.பெரியசாமி, பொன்முடி, எம்.ஆர்.கே பன்னீர்செல்வம் உள்ளிட்டோர் பங்கேற்றனர்.
நம்மிடம் பேசிய உள்விவரமறிந்தவர்கள், ``கடந்த 2019 நாடாளுமன்ற தேர்தலில் 2 எம்.பி தொகுதிகளை தி.மு.க-விடம் பெற்றுக் கொண்டது விடுதலை சிறுத்தைகள். இரண்டு இடங்களிலும் வெற்றியும் பெற்றனர். இந்தமுறை 4 தொகுதிகளில் நிற்க வேண்டும் என்பது விடுதலை சிறுத்தைகளின் விருப்பம். அதில் 1 பொதுத் தொகுதியும் 3 தனித் தொகுதிகளாகவும் ஒதுக்க கோரியுள்ளது. இதுதொடர்பான ஒரு பட்டியலையும் வி.சி.க வழங்கியுள்ளது. அதன்படி தனித் தொகுதிகளான விழுப்புரம், சிதம்பரம், திருவள்ளூர் மற்றும் காஞ்சிபுரம் ஆகிய தொகுதிகளில் மூன்று தொகுதிகளும், கள்ளக்குறிச்சி, மயிலாடுதுறை மற்றும் பெரம்பலூர் ஆகிய பொதுத் தொகுதிகளில் ஒரு தொகுதியும் கேட்டக்கப்பட்டிருக்கிறது” என்றனர். திருமாவளவன், ஸ்டாலின்
தொடர்ந்து நம்மிடம் பேசிய விடுதலை சிறுத்தைகள் கட்சியினர் சிலர், ``நாங்கள் 4 தொகுதிகளை கேட்டிருக்கிறோம். அதில் 3 தொகுதிகளை நிச்சயமாக தி.மு.க ஒதுக்கும் என்ற நம்பிக்கையுள்ளது. அதேபோல் நாங்கள் போட்டியிடும் 3, 4 தொகுதிகளிலும் தனிச் சின்னத்தில் போட்டியிடவது தான் எங்கள் திட்டம். சுமார் 14 நாடாளுமன்றத் தொகுதிகளில் பூத் கமிட்டி அமைத்து வலுவாக இருக்கிறது வி.சி.க” என்றனர்.
தி.மு.க தரப்பில் பேசியபோது, ``ஏற்கனவே போட்டியிட்ட இரு தொகுதிகளை தர தி.மு.க தயாராகவுள்ளது. வி.சி.க மேலும் ஒருசில தொகுதிகளை கேட்பதால் முதலமைச்சர் மு.க ஸ்டாலினின் பார்வைக்கு கொண்டு சென்று, ஆலோசித்து முடிவெடுக்கப்படும்” என்றனர்.ஸ்டாலின், டி.ஆர்.பாலு
நம்மிடம் பேசிய அரசியல் பார்வையாளர்கள், ``2019 நாடாளுமன்ற தேர்தலிலும், 2021 சட்டமன்ற தேர்தலிலும் கூட்டணிக் கட்சிகளுக்கு ஒரே அளவிலான தொகுதிகளை ஒதுக்கியிருந்தது தி.மு.க. இச்சுழுலில் வி.சி.க மட்டும் 4 தொகுதிகள் கொடுத்து மற்றவர்களுக்கு 1, 2 என கொடுத்தால் பெரும் குழப்பத்தை ஏற்படுத்தும். எனவே வி.சி.க-வுக்கு 4 தொகுதிகளை தர வாய்ப்பு இல்லை. 2 தொகுதிகள் தர தயாராக இருக்கும் தி.மு.க 3 ஆக உயர்த்தி தரும் வாய்ப்புகளும் இருப்பதாக சொல்லப்படுகிறது. இப்போதைக்கு விழுப்புரம், சிதம்பரம் மட்டுமே உறுதி என்கிறார்கள். வரும்நாள்களில் என்ன நடக்கிறதென பொறுத்திருந்து பார்க்கலாம்” என்றனர்.
Junior Vikatan-ன் பிரத்யேக Whatsapp Group...
இணைவதற்கு இங்கே க்ளிக் செய்யவும்...
https://bit.ly/47zomWY
வணக்கம்,
BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.
ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/47zomWY3 தொகுதிகள்... தனிச்சின்னம்... மக்களவைத் தேர்தலுக்குத் தயாராகும் விடுதலைச் சிறுத்தைகள்?!
http://dlvr.it/T2g8yX
``இதுவரை நீங்கள் ஏந்திய மோடி எதிர்ப்பு கொடியை, இனி உங்கள் மருமகன் ஏந்துவான்!" - நிதிஷை சாடிய தேஜஸ்வி
முதல்வர் நிதீஷ் குமாரை நாங்கள் எப்போதும் மதிப்போம்... உங்களை எங்கள் குடும்ப உறுப்பினராக நினைக்கிறோம். நாம் சமாஜ்வாடி குடும்பத்தைச் சேர்ந்தவர்கள்... இதுவரை நாட்டில் மோடியை எதிர்த்து நீங்கள் ஏந்திய கொடியை, இனி உங்கள் மருமகனான நான் தாங்கி பீகாரில் மோடியை எதிர்த்து நின்று பணியை முடிப்பேன். ஆனால், ஜே.டி.யு கட்சியின் எம்.எல்.ஏ-க்களை நினைத்தால்தான் பரிதாபமாக இருக்கிறது.
'நிதிஷ் குமார் ஏன் 3 முறை பதவியேற்றார்? சில தினங்களுக்கு முன்புவரை பா.ஜ.க-வை விமர்சித்தீர்கள், இப்போது அவர்களைப் பாராட்டுகிறீர்கள்... ஏன்? நீங்கள் என்னதான் சொல்ல வருகிறீர்கள்' என ஜே.டி.யு கட்சியின் எம்.எல்.ஏ-க்கள் கேட்டால்... காரணம் அவர்கள்தான் மக்களிடம் சென்று பதில் சொல்ல வேண்டியவர்கள். பலமுறை முதல்வராகப் பதவியேற்ற ஒருவரைப் பார்த்திருக்கிறோம். ஆனால், ஒரு முறை தேர்தலைச் சந்தித்து ஒரே பதவியில் மூன்று முறை பதவியேற்றதை இதற்கு முன்பு நாங்கள் பார்த்திராத ஒன்று.தேஜஸ்வி யாதவ்
ஜே.டி.யு, ஆர்.ஜே.டி, காங்கிரஸ் ஆகிய கட்சிகளை உள்ளடக்கிய மகாகத்பந்தனை கைவிட வேண்டிய நிர்ப்பந்தம் அவருக்கு ஏன் ஏற்பட்டது என எனக்குத் தெரியவில்லை. ஆனால், பீகார் மக்கள் அவர் ஏன் கட்சி மாறினார் என அறிய விரும்புகிறார்கள். பீகாரில் எந்த குழந்தையிடமாவது சென்றும் நிதீஷ் ஜியை நம்புகிறாயா எனக் கேளுங்கள். அதற்கு அவர்கள் பயன்படுத்தும் வார்த்தைகளைக் கூட என்னால் இங்குச் சொல்ல முடியாது. 2013-ம் ஆண்டு முதல் ஐந்து முறை கூட்டணியை மாற்றிக் கொண்டு முழுவதுமாக முதலமைச்சராக இருக்கிறார்.
இனியும் நிதிஷ் குமார் கட்சி மாறமாட்டார் என்பதற்கு பிரதமர் மோடி உத்தரவாதம் தருவாரா... எங்களுக்குச் சோர்வானவர்கள் தேவையில்லை. ராமனைக் காட்டிற்கு அனுப்ப தசரத மன்னனுக்கு விருப்பமில்லை. ஆனால் நிர்ப்பந்தம் ஏற்பட்டது. அதைக் கைகேயி செய்துமுடித்தாள். அதுபோலத்தான் நிதிஷ் குமாருக்கும் ஏற்பட்டிருக்கும். இனியாவது முதலமைச்சராக இருந்து, கொடுத்த வாக்குறுதிகளை சரியாக நிறைவேற்ற வேண்டும் என விரும்புகிறோம்" எனக் குறிப்பிட்டார்.நிதிஷ் குமார்
அதைத் தொடர்ந்து நம்பிக்கையில்லாத் தீர்மானத்தின் மீது வாக்கெடுப்பு நடத்தப்பட்டது. எதிர்க்கட்சிகள் தலைமையிலான மகாகத்பந்தன் கூட்டணி சட்டமன்றத்திலிருந்து வெளிநடப்பு செய்த நிலையில், நிதிஷ் குமார் அங்கம் வகிக்கும் NDA கூட்டணிக்கு ஆதரவாக 129 எம்.எல்.ஏ-க்கள் வாக்களித்தனர். அதனால், நிதிஷ் குமார் மீண்டும் முதல்வராக தொடர்கிறார்.
Junior Vikatan-ன் பிரத்யேக Whatsapp Group...
இணைவதற்கு இங்கே க்ளிக் செய்யவும்...
https://bit.ly/47zomWY
வணக்கம்,
BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.
ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/47zomWYஅயோத்தி விவகாரம்: "போலி இந்துத்துவா குறித்து விழிப்புடன் இருக்க வேண்டும்!” - பீகார் கல்வியமைச்சர்
http://dlvr.it/T2g8rc
Monday 12 February 2024
``அரசுக்கும், ஆளுநருக்கும் இடையிலான பிரச்னை... சபாநாயகர் மரபை கடைபிடிக்கவில்லை!"- எடப்பாடி பழனிசாமி
இந்த நிலையில், `இது ஆளுநருக்கும் அரசுக்கும் இடையிலான பிரச்னை' என்றும், `இந்த உரை உப்பு சப்பில்லாத உரை' என்றும் சட்டமன்ற எதிர்க்கட்சித் தலைவர் எடப்பாடி பழனிசாமி கூறியிருக்கிறார்.
சட்டமன்றத்துக்கு வெளியே செய்தியாளர்களிடம் பேசுகையில் இதனைத் தெரிவித்த எடப்பாடி பழனிசாமி, ``இந்த ஆண்டு ஆளுநர் உரையில், கடந்து ஆண்டைப்போலவே எந்த விதமான குறிப்பும் இல்லை. இந்த அரசின் கொள்கைகளை விளக்கும் உரையாக இது இல்லை. மக்களுக்கு எந்த நன்மையும் கிடைக்காது என்பதை நிரூபிக்கும் வகையில்தான் ஆளுநர் உரை இருக்கிறது. விடியா அரசின் இந்தாண்டுக்கான ஆளுநர் உரை என்பது உப்பு சப்பில்லாத, ஊசிப்போன உணவுப் பண்டம்.
தனது கோரிக்கையை நிறைவேற்றாததால், உரையைப் படிக்கவில்லை என்று ஆளுநர் தெரிவித்திருக்கிறார். இது அரசுக்கும், ஆளுநருக்கும் இடையிலுள்ள பிரச்னை. ஆளுநருக்கும், அரசுக்கும், சபாநாயகருக்கும் என்ன பிரச்னை என்று அவர்களிடம்தான் கேட்கவேண்டும். மரபை மாற்றுகிறார்களா, மரபை கடைப்பிடிக்கிறார்களா என்பதை அவர்களிடம் கேட்டால்தான் தெரியும். நம் சபாநாயகர் பல மரபுகளைக் கடைப்பிடிக்கவில்லை. சட்டமன்றத்தில், எதிர்க்கட்சித் தலைவர், எதிர்க்கட்சித் துணைத் தலைவர் இருப்பதும் மரபுதான். இதைப் பலமுறை கோடிட்டு காட்டியிருக்கிறேன். ஆனால், ஒவ்வொரு முறையும் எதாவது ஒரு காரணத்தைச் சொல்கிறார். இப்போது மரபை கடைப்பிடிக்க வேண்டும் என்று அவரே கூறியிருக்கிறார். இனியாவது சபாநாயகர் மரபை கடைப்பிடிப்பார் என்று எதிர்பார்க்கிறேன்" என்று கூறினார்.எடப்பாடி பழனிசாமி
தொடர்ந்து பேசியவர், ``சபாநாயகர் நடுநிலையோடு செயல்பட வேண்டும் என்று எதிர்பார்க்கிறோம். ஆனால், அவரே ஒருதலைபட்சமாகச் செயல்படும்போது என்ன செய்யவேண்டும் என்று மக்கள்தான் முடிவுசெய்ய வேண்டும்" என்று கூறினார். மேலும், தேசிய கீதம் பாடப்படும் முன்பே ஆளுநர் வெளியேறியது குறித்து பத்திரிகையாளர் எழுப்பிய கேள்விக்குப் பதிலளித்த எடப்பாடி பழனிசாமி, ``ஆளுநரிடம்நான் கேட்க முடியும்" என்றார்.சந்தித்துக்கொண்ட வானதி, ஓ.பி.எஸ் ஆதரவாளர்கள் டு பாதியில் வெளியேறிய ஆளுநர்! | TN Assembly Photo Album
http://dlvr.it/T2ddB0
Posts
