செந்தில் பாலாஜி: ஒரு மனு தள்ளுபடி; நாளை நேரில் ஆஜர்; ஜாமீன்?! - ஒரே நாளில் 3 முக்கிய நிகழ்வுகள்!

சட்டவிரோத பணபரிமாற்ற தடைச் சட்ட வழக்கில் அமலாக்கதுறையால் கைது செய்யப்பட்டுள்ள முன்னாள் அமைச்சர் செந்தில் பாலாஜி, ஜாமீன் கோரி இரண்டாவது முறையாக தாக்கல் செய்த மனு, நீதிபதி ஆனந்த் வெங்கடேஷ் முன், இரண்டாவது நாளாக விசாரணைக்கு வந்தது.

அப்போது, செந்தில் பாலாஜி தரப்பு வாதத்துக்கு பதிலளித்து, அமலாக்கத்துறை தரப்பில், கூடுதல் சொலிசிட்டர் ஜெனரல் ஏ.ஆர்.எல்.சுந்தரேசன் வாதிட்டார். சென்னை உயர் நீதிமன்றம்

`பதவியை ராஜினாமா செய்ததை தவிர, வேறு எந்த மாற்றமும் ஏற்படவில்லை’



அப்போது அவர், ``போக்குவரத்து துறையில் வேலை வாங்கி தருவதாகக் கூறி, பதவிக்கு ஏற்றவாறு, 2 லட்சம் ரூபாய் முதல் 12 லட்சம் ரூபாய் வரை என மொத்தம், 67 கோடி ரூபாய் வசூலித்து மோசடி செய்ததாக செந்தில் பாலாஜி உள்ளிட்டோருக்கு எதிராக மத்திய குற்றப்பிரிவு மூன்று வழக்குகள் தொடர்ந்துள்ளது. இந்த வழக்குகளில் சேகரிக்கப்பட்ட ஆதாரங்கள், சென்னை எம்.பி. - எம்.எல்.ஏ.க்களுக்கு எதிரான வழக்குகளை விசாரிக்கும் சிறப்பு நீதிமன்றத்தில் உள்ளன. அந்த ஆதாரங்கள், உயர் நீதிமன்ற உத்தரவின்படி மட்டுமே அமலாக்கத்துறை பெற்றது. அந்த ஆதாரங்கள் எதுவும் திருத்தப்படவில்லை” என விளக்கினார்.

மேலும், ``முந்தைய ஜாமீன் மனு தள்ளுபடிக்கு பிறகு, இந்த வழக்கில் செந்தில் பாலாஜி அமைச்சர் பதவியை ராஜினாமா செய்ததை தவிர, வேறு எந்த மாற்றமும் ஏற்படவில்லை. அதுவும் ஜாமீன் மனு விசாரணை துவங்குவதற்கு ஒரு நாள் முன் தான் ராஜினாமா செய்துள்ளார். இருப்பினும் இன்னமும் அவர் செல்வாக்கான நபராகவே உள்ளார். ஏற்கனவே பணம் கொடுத்தவர்களிடம் செந்தில் பாலாஜி சமரசம் செய்திருக்கிறார். வழக்கில் சாட்சிகள் இன்னும் நீதிமன்றத்தில் விசாரிக்கப்படாத நிலையில், செந்தில் பாலாஜிக்கு ஜாமீன் வழங்கினால், சாட்சிகளை கலைக்க கூடும். வழக்கில் குற்றம் சாட்டப்பட்டுள்ள சண்முகம், சகோதரர் அசோக்குமார் இன்னும் தலைமறைவாக உள்ளனர்” என்று கூடுதல் சொலிசிட்டர் ஜெனரல் வாதிட்டார். செந்தில் பாலாஜி

வழக்கில் உள்ள ஆதாரங்கள் அனைத்தும் மற்றொரு புலனாய்வு அமைப்பால் சேகரிக்கப்பட்டவை. அவை 2020-ல் பெறப்பட்டு, தடயவியல் ஆய்வுக்கு அனுப்பப்பட்டது. அமலாக்கத்துறை எந்த ஆதாரத்தையும் உருவாக்கவும் இல்லை; திருத்தவும் இல்லை. மத்திய குற்றப்பிரிவு பதிவு செய்த வழக்கு ஆவணங்களை மட்டுமே நம்பியுள்ளது” எனக் குறிப்பிட்டார்.

மேலும் ``30 வழக்குகளில் குற்றம் சாட்டப்பட்டுள்ள அவர், ஜாமீனில் விடுதலையானால் எந்த குற்றத்திலும் ஈடுபட மாட்டார் என நம்ப எந்த காரணமும் இல்லை. சாட்சி விசாரணை தொடங்க அமலாக்கத்துறை தயாராக உள்ளது. நீதிமன்ற விசாரணைக்கு ஒத்துழைக்காத அவருக்கு ஜாமீன் வழங்க கூடாது. அவரது மனுவை தள்ளுபடி செய்ய வேண்டும்” என கூடுதல் சொலிசிட்டர் ஜெனரல் வாதத்தை நிறைவு செய்தார்.

இதையடுத்து, செந்தில் பாலாஜி தரப்பு பதில் வாதத்துக்காக வழக்கு விசாரணையை பிப்ரவரி 19-ம் தேதிக்கு நீதிபதி தள்ளிவைத்தார். செந்தில் பாலாஜி - நீதிபதி அல்லி

தள்ளுபடி... நாளை நேரில் ஆஜர்!



இதனிடையே, சட்ட விரோத பணப் பரிமாற்ற தடைச் சட்டத்தில் அமலாக்கத்துறை பதிவு செய்த வழக்கின் விசாரணையை தள்ளி வைக்கக்கோரி முன்னாள் அமைச்சர் செந்தில் பாலாஜி தாக்கல் செய்த மனுவை தள்ளுபடி செய்த சென்னை மாவட்ட முதன்மை அமர்வு நீதிமன்ற நீதிபதி அல்லி, அவரை நாளை நேரில் ஆஜர்ப்படுத்த உத்தரவிட்டுள்ளார்.

அப்போது, இந்த உத்தரவை எதிர்த்து மேல்முறையீடு செய்ய உள்ளதால் விசாரணையை தள்ளிவைக்கக்கோரி மெமோ தாக்கல் செய்வதாகவும் அதனை ஏற்றுக்கொள்ள வேண்டும் எனவும் செந்தில் பாலாஜி சார்பில் கோரிக்கை விடுக்கப்பட்டது.

மெமோவை பெற்றுக்கொள்வதற்கு முதலில் மறுப்பு தெரிவித்த நீதிபதி, பின்னர் மெமோவை தற்போது பெற்றுக்கொள்வதாகவும் அதன் மீது பின்னர் முடிவெடுக்கப்படும் என்றும் நீதிபதி எஸ்.அல்லி கூறினார். அதேநேரம் செந்தில் பாலாஜியின் நீதிமன்ற காவல் இருபதாவது முறையாக நாளை ஒரு நாள் மட்டும் நீட்டிக்கப்பட்டுள்ளது குறிப்பிடத்தக்கது.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/47zomWY">
https://bit.ly/47zomWY />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/47zomWY">
https://bit.ly/47zomWY />

http://dlvr.it/T2nh2r

Read More

Farmers Protest: `சோனிக் ஒலிபெருக்கி டு தற்காலிக சிறைகள்'- விசாயிகளை தடுக்க போலீஸின் முன்னேற்பாடுகள்

விவசாய விளைபொருள்களுக்கு, எம்.எஸ்.சுவாமிநாதன் கமிட்டி பரிந்துரைப்படி குறைந்தபட்ச ஆதரவு விலை வழங்க சட்டம் கொண்டு வருதல், விவசாயிகளுக்கு மாத ஓய்வூதியம், விவசாயக் கடன் தள்ளுபடி, வேளாண் சட்ட எதிர்ப்பு போராட்டத்தில் உயிரிழந்த விவசாயிகளுக்கு நினைவு மண்டபம் உள்ளிட்ட கோரிக்கைகளை முன்வைத்து, `டெல்லி சலோ' முழக்கத்துடன் பஞ்சாப், ஹரியானாவைச் சேர்ந்த விவசாயிகள் டெல்லி முற்றுகைப் போராட்டத்தை நடத்திவருகின்றனர்.டெல்லியை நெருங்கிய பஞ்சாப் விவசாயிகள்

இன்னொருபக்கம், 2021-ல் வேளாண் சட்டங்களுக்கு எதிராகப் போராடிய விவசாயிகள் டெல்லிக்குள் நுழைந்தது போல, இந்த முறையும் டெல்லியில் விவசாயிகள் நுழைந்துவிடக் கூடாது என எல்லை சாலைகளில் போலீஸாரை குவித்து வைத்திருக்கிறது மத்திய பா.ஜ.க அரசு. இருப்பினும், ஆறு மாதங்களுக்குத் தேவையான உணவுப்பொருள்கள், டீசல் இருப்புடன் டிராக்டர்களில் டெல்லி நோக்கி முன்னேறிய வண்ணம் இருக்கின்றனர் விவசாயிகள்.

இதில், கடந்த இரண்டு நாள்களாக எல்லைகளில் குவிந்த விவசாயிகள் மீது போலீஸார் டிரோன் மூலமாக கண்ணீர் புகைக் குண்டுகள் வீசி பரபரப்பை ஏற்படுத்தினர். இதுமட்டுமல்லாமல், டிராக்டர்கள் கடக்க முடியாத வகையில் கான்கிரீட் தடுப்புகள், இரும்பு தடுப்புகள், சாலைகளில் இரும்பு ஆணிகள் பதித்தல், மணல், செங்கல் நிரப்பிய தடுப்புகள், பல அடுக்கு முள் கம்பி சுற்றிய தடுப்புகள், குதிரைகளில் சாலையைக் கடப்போர் விழும் வகையில் தரையில் லூப்ரிகன்ட்ஸ் (Lubricants) ஊற்றிவைத்து துப்பாக்கிகளுடன் போலீஸார் தயாராக இருக்கின்றனர்.விவசாயிகளைத் தடுக்கும் பணியில் போலீஸ்

முக்கியமாக, அதீத ஒலி எழுப்பக்கூடிய சோனிக் ஒலிபெருக்கிகளையும் போலீஸார் பொருத்திவைத்திருக்கின்றனர். இதன் மூலம் போராட்டத்தில் ஈடுபட்டுள்ள சிலர் செவித்திறனைப் பாதிக்கும் அபாயமும் இருக்கிறது. சில இடங்களில் தற்காலிக சிறைகளும் அமைக்கப்பட்டிருக்கிறது. அதேசமயம், கண்ணீர் புகைக் குண்டுகளை வீசும் டிரோன்களை காற்றாடி கொண்டும், கான்கிரீட் தடுப்புகளை டிராக்டர்கள் கொண்டும் விவசாயிகள் தகர்த்துவருகின்றனர். இத்தகைய செயல்பாடுகளால், `விவசாயிகளை இவ்வளவு கடுமையாகத் தீவிரவாதிகள் போல பா.ஜ.க அரசு எதிர்க்கிறது' என எதிர்க்கட்சிகள், சமூக ஆர்வலர்கள் விமர்சிக்கின்றன.Farmers Protest

இத்தகைய சூழலில், பஞ்சாப் கிசான் மஸ்தூர் சங்கர்ஷ் கமிட்டி, சன்யுக்த் கிசான் மோர்ச்சா உள்ளிட விவசாய அமைப்புகளுக்கு மத்திய வேளாண் துறை அமைச்சர் அர்ஜுன் முண்டா தரப்பிலிருந்து பேச்சுவார்த்தைக்கு நேற்று அழைப்பு விடுக்கப்பட்டிருக்கிறது. அதுவரையில் போராட்டத்தை நிறுத்திவைக்குமாறும் கோரிக்கை வைக்கப்பட்டிருக்கிறது. சண்டிகரில் இன்று நடைபெறும் இந்தப் பேச்சுவார்த்தையில் மத்திய வேளாண் துறை அமைச்சர் அர்ஜுன் முண்டா, உணவு மற்றும் பொது விநியோகத் துறை அமைச்சர் பியூஷ் கோயல், உள்துறை இணையமைச்சர் நித்யானந்த் ராய் ஆகியோர் கலந்துகொள்ளவிருப்பதாகத் தெரிவிக்கப்பட்டிருக்கிறது.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/47zomWY />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/47zomWYFarmers Protest: விவசாயிகளை தடுக்கும் முன்னேற்பாடுகள்தான் இவை..! டெல்லி எல்லை காட்சிகள் | Album


http://dlvr.it/T2mtZy

Read More

பாஜக-வுக்கு கைகொடுக்குமா அமமுக... களைகட்டும் வேட்பாளர் ரேஸ் - பாஜக vs காங்கிரஸ் மோதும் தஞ்சாவூர்?!

2024 நாடாளுமன்ற தேர்தல் களம் விறுவிறுப்படைந்துள்ளது. யார் யாருடன் கூட்டணி என்பது குறித்து தி.மு.க, அ.தி.மு.க உள்ளிட்ட எந்த ஒரு கட்சியும் இதுவரை உறுதியாக இறுதியாக அறிவிக்கவில்லை. இந்நிலையில் அந்தந்த கட்சியில் முன்னணியில் உள்ள நிர்வாகிகள் தேர்தலில் போட்டியிட சீட் பெறுவதற்கு காய் நகர்த்தி வருகின்றனர். வேட்பாளர் லிஸ்டில் தங்கள் பெயர் இடம் பெற வேண்டும் என்ற முனைப்பில் ரேஸில் வேகம் காட்டி வருகின்றனர்.தஞ்சாவூர் பெரிய கோயில்

தஞ்சாவூர் நாடாளுமன்ற தொகுதியை பொறுத்தவரை தி.மு.க கூட்டணியில் காங்கிரஸ் இத்தொகுதியை குறி வைத்து செயல்பட்டு வருவதாக சொல்லப்படுகிறது. தி.மு.க கூட்டணியில் இடம்பெற உள்ள காங்கிரஸ் கட்சிக்கு தி.மு.க தலைமை இந்த முறை மூன்று தொகுதிகளை மாற்றி கொடுக்க முடிவு செய்திருப்பதாக சில தகவல் வெளியாகியுள்ளது. அந்த வகையில் திருச்சி தொகுதி காங்கிரஸ் கட்சிக்கு இல்லை எனவும் கூறப்படுகிறது. அதில் மதிமுக களமிறங்க அதிக வாய்ப்பு உள்ளதாக சொல்லப்படுகிறது. வந்தாரை வெற்றி பெறவைக்கும் வரலாறு... திருச்சியைக் குறிவைக்கும் துரை வைகோ - சிக்கலில் திருநாவுக்கரசர்

திருச்சி கிடைக்காது என்ற பேச்சு நிலவுவதால், டெல்டாவில் எப்படியும் தஞ்சாவூரை பெற்று விட வேண்டும் என காங்கிரஸ் தலைமை முனைப்பு காட்டுவதாக சொல்லப்படுகிறது. அதேநேரம் இந்த தொகுதியில் தொடர்ந்து வெற்றிப்பெற்று வரும் திமுக-வின் எஸ்.எஸ்.பழனிமாணிக்கம் போன்ற சீனியர்கள் அத்தனை எளிதாக காங்கிரஸுக்கு தொகுதியை விட்டுக்கொடுக்க விரும்பாததும் தெரிகிறது.

அதே போல் பா.ஜ.க கூட்டணியில் அ.ம.மு.க இடம் பெற இருப்பது கிட்டதட்ட உறுதியாகிவிட்டது என்கிறார்கள். அதிமுக, பாஜக கூட்டணியில் இடம் பெறாத பட்சத்தில், அமமுக பாஜக் கூட்டணியில் இருக்கும் என்பது கணக்கு. இதில் தஞ்சாவூர் தொகுதியில் பா.ஜ.க போட்டியிடப் போவதாகவும் சொல்லப்படுகிறது. அ.தி.மு.க-வும் தன்னுடன் கூட்டணி அமைக்கும் கட்சிக்கு தஞ்சாவூர் தொகுதியை கொடுத்து விட முடிவு செய்திருப்பதாக தெரிகிறது. கூட்டணி இறுதி செய்யப்பட்ட பிறகு அந்த விவரங்கள் வெளியாகும் என்கிறார்கள் அக்கட்சியினர். பூண்டி.வெங்கடேசன்

அந்த வகையில் தஞ்சாவூர் தொகுதியில் பா.ஜ.க, காங்கிரஸ் இடையே நேரடி போட்டி நிலவுவதற்கான வாய்ப்புகள் தென்படுவதாக கூறப்படுகிறது. இதனால் பா.ஜ.க-வில் தஞ்சாவூர் தொகுதியில் சீட்டை பிடிப்பதற்கான ரேஸ் கடுமையாக நடக்கின்றன. அக்கட்சியின் மாநில பொதுச் செயலாளர் கருப்பு முருகானந்தம், தஞ்சாவூர் பாராளுமன்ற தொகுதி இணை அமைப்பாளர் பூண்டி.வெங்கடேசன், தஞ்சாவூர் தெற்கு மாவட்டத் தலைவர் ஜெய் சதிஷ் ஆகியோர் தொகுதியை கைப்பற்றுவதற்கான ரேஸில் இடம்பிடித்துள்ளனர்.

இது குறித்து பா.ஜ.க தரப்பில் சிலரிடம் பேசினோம், ``கடந்த 11-ம் தேதி தஞ்சாவூரில் தி.மு.க அரசை கண்டித்து அ.ம.மு.க சார்பில் நடைபெற்ற பொதுக்கூட்டத்தில் பேசிய அ.ம.மு.க நிர்வாகிகள் பா.ஜ.க, அ.ம.மு.க கூட்டணி உறுதியானதை சூசகமாக வெளிப்படுத்தினர். மேலும் திருச்சி தொகுதிக்கு அ.ம.மு.கவை சேர்ந்த சில வேட்பாளர்கள் பெயரை சொல்லி இதில் தினகரன் யாரை கைகாட்டினாலும் வெற்றி பெற வைப்போம் என்றனர். ஆனால் தஞ்சாவூர் குறித்து யாரும் பேசவில்லை. இவற்றை கணக்கிட்டால் தஞ்சாவூர் பா.ஜ.க-வுக்கு ஒதுக்கப்பட்டிருப்பதாக தெரிகிறது.கருப்பு.முருகானந்தம்

பா.ஜ.க-வை பொறுத்தவரை கருப்பு.முருகானந்தம், பூண்டி வெங்கடேசன், ஜெய் சதிஷ் ஆகியோர் தான் ரேஸில் உள்ளனர். குறிப்பாக பூண்டி.வெங்கடேசன் சீட்டை பெறுவதற்கு தீவிரமாக மெனக்கெட்டு வருகிறார். கடந்த சட்டமன்ற தேர்தலில் அ.தி.மு.க கூட்டணியில் திருவையாறு தொகுதியில் போட்டியிட்ட பூண்டி.வெங்கடேசன் சுமார் 49,500 வாக்குகள் பெற்றார். அப்போது அந்த தொகுதியில் அ.ம.மு.க சார்பில் போடியிட்ட வழக்கறிஞர் வேலுக்கார்த்திகேயன் சுமார் 34,000 வாக்குகள் பெற்றார். தற்போது அ.ம.மு.க தங்கள் கூடணியில் இடம் பெற வாய்ப்பிருப்பதால் அந்த வாக்குகளையும் சேர்த்து பூண்டி.வெங்கடேசன் அறுவடை செய்யலாம் என கருதுகிறார். இதை தனக்கான ப்ளஸாக பயன்படுத்தி களத்தில் இறங்கி வேலை செய்து வருகிறார். ஆனால் அதிமுக கூட்டணியில் இல்லை என்பதும் கவனிக்கத்தக்கது.

கருப்பு.முருகானந்தம் தஞ்சாவூரில் போட்டியிடுவதை பெரிய அளவில் விரும்பவில்லை என அவரின் ஆதரவாளர்கள் தரப்பில் பேசப்படுகிறது. இராமநாதபுரம் தொகுதியை குறிவைத்து அவர் ஏற்கனவே செயல்பட்டு வருவதாக சொல்லப்படுகிறது. ஜெய்சதிஷ் சீட் கிடைத்தால் நிற்கலாம் என்கிற மனநிலையில் இருப்பதாக தெரிகிறது. இந்நிலையில் தன் ரூட் கிளியர் ஆகிவிட்டதாக தொகுதியில் வலம் வந்து கொண்டிருக்கிறார் வெங்கடேசன். சில தினங்களுக்கு முன்பு திங்களூர் சந்திரன் கோயிலில் சிறப்பு பூஜைகளுடன் பிரச்சாரத்தை தொடங்கி விட்டதாக சொல்கிறார்கள் அவரின் ஆதரவாளர்கள்.தாமரை சின்னம் வரையும் பூண்டி.வெங்கடேசன்

சுவர்களில் தாமரை சின்னம் வரைதல், வர்த்தக சங்கத்தை சேர்ந்தவர்களை சந்தித்து பேசுதல், பொது விழாக்களில் கலந்து கொள்தல் என சுழன்று வருகிறார். சமீபத்தில் திருக்காட்டுப்பள்ளி புதுச்சந்திரம், கச்சமங்கலம் உள்ளிட்ட சில ஊராட்சிகளில் சுமார் நூற்றுக்கும் மேற்பட்ட தி.மு.க உறுப்பினர்கள் வெங்கடேசன் பா.ஜ.கவில் இணைய வைத்திருப்பதாக சொல்லப்படுகிறது. இதனை பா.ஜ.கவின் தலைமைக்கு தெரியப்படுத்த அவர்களும் ஹேப்பி ஆனார்களாம். டெல்லியின் ஆசி இருப்பதால் கூட்டணியில் தொகுதி பா.ஜ.க-வுக்கு ஒதுக்கப்பட்டால் பூண்டி. வெங்கடேசனுக்குத்தான் சீட் என்பது அவரின் நடவடிக்கையில் தெரிகிறது என்கிறார்கள் உள்விபரம் அறிந்தவர்கள். மேலே குறிப்பிட்டுள்ளது போல் காங்கிரஸ் கட்சியும் தொகுதியை கைப்பற்றி விட்டால் தஞ்சாவூரில் பா.ஜ.க, காங்கிரஸ் கட்சிகள் நேரடியாக மோதுவதற்கான வாய்ப்பு உள்ளது” என்றனர்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/47zomWY">
https://bit.ly/47zomWY />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/47zomWY">
https://bit.ly/47zomWY />

http://dlvr.it/T2mZHZ

Read More

செந்தில் பாலாஜி: `திருத்தப்பட்ட ஆதாரங்கள்...' - அடுக்கடுக்கான வாதங்கள்... பரபரத்த நீதிமன்றம்!

சட்டவிரோத பணப் பரிமாற்ற தடைச் சட்ட வழக்கில் கைதுசெய்யப்பட்டுள்ள முன்னாள் அமைச்சர் செந்தில் பாலாஜி, ஜாமீன் கோரி சென்னை உயர் நீதிமன்றத்தில் மனுத்தாக்கல் செய்திருந்தார்.

இந்த மனு, நீதிபதி ஆனந்த் வெங்கடேஷ் முன்பு இன்று மீண்டும் விசாரணைக்கு வந்தது. அப்போது, செந்தில் பாலாஜி தரப்பில் ஆஜரான மூத்த வழக்கறிஞர் ஆர்யமா சுந்தரம், ``சட்டவிரோத பணப் பரிமாற்ற தடைச் சட்டம் 45-வது பிரிவின்படி, குற்றம் புரிந்திருக்கவில்லை என நீதிமன்றம் திருப்தியடையும் வகையில் நிரூபிக்க வேண்டும். ஆனால் வழக்கு விசாரணையே துவங்காத தற்போதைய நிலையில், அப்பாவி எனக் கூற முடியாது" என்றார்.செந்தில் பாலாஜி

மேலும், ``செந்தில் பாலாஜிக்கு எதிராக பதியப்பட்ட வழக்கில் நியாயமான சந்தேகம் உள்ளது. டிஜிட்டல் ஆதாரங்கள் திருத்தப்பட்டுள்ளது குறித்து விசாரணையின் போதுதான் நிரூபிக்க முடியும் என அமர்வு நீதிமன்றம் கூறியது தவறு. திருத்தப்பட்ட ஆதாரங்களை நீக்கிவிட்டால் செந்தில் பாலாஜிக்கு எதிராக எந்த ஆதாரங்களும் இல்லை. அவர், சந்தேகத்துக்கு இடமின்றி விடுதலை செய்யப்பட வேண்டும்" என வாதிட்டார்.

தொடர்ந்து பேசிய அவர், ``அமலாக்கத்துறையின் மொத்த வழக்கும், சோதனையின்போது பறிமுதல் செய்த பென் டிரைவ் மற்றும் ஹார்டு டிஸ்க் அடிப்படையிலேயே உள்ளது. சோதனையின்போது ஐந்து மின்னணு சாதனங்கள் பறிமுதல் செய்த நிலையில், நீதிமன்றத்தில் வேறு மின்னணு சாதனங்கள் சமர்ப்பிக்கப்பட்டன. பறிமுதலுக்குப் பின், அந்த மின்னணு சாதனங்களில்  67 பதிவுகள் மேற்கொள்ளப்பட்டுள்ளன. சோதனைக்குப் பின் பென் டிரைவ் குறித்த அறிக்கையில், 284 கோப்புகள் இருந்ததாகக் கூறப்பட்டுள்ளது. பின்னர் அந்த பென் டிரைவ் குறித்த மற்றொரு அறிக்கையில், 472  கோப்புகள் உள்ளதாக கூறப்பட்டுள்ளது. அமலாக்கத்துறையின் ஆதாரங்கள் திருத்தப்பட்டுள்ளன. இந்த ஆதாரங்களுக்கு என்ன மதிப்பு உள்ளது, ஆதாரங்கள் திருத்தம் தொடர்பாக தற்போது நிரூபிக்க முடியாத நிலையில், விசாரணை முடியும் வரை செந்தில் பாலாஜி சிறையில் இருக்க வேண்டுமா... பறிமுதலுக்குப் பின் பென் டிரைவ், ஹார்டு டிஸ்க்கில் இருந்த கோப்புகள் அழிக்கப்பட்டுள்ளன. புதிய கோப்புகள் அதில் உருவாக்கப்பட்டுள்ளன என்பது தடயவியல் ஆய்வில் தெரியவந்துள்ளது. செந்தில் பாலாஜி ராஜினாமா... காரணம், கைக்கு வந்த ஷாக் ரிப்போர்ட்! | Elangovan Explains

கையெழுத்து இல்லாத கடிதங்களை அமலாக்கத்துறை ஆதாரங்களாக சேர்த்துள்ளது. பணத்தை வசூலித்து உதவியாளர் சண்முகத்திடம் வழங்கியதாகக் கூறுகிறார்கள். ஆனால் சண்முகம் உதவியாளரே அல்ல. சட்டவிரோதமாக எந்த பணப் பரிமாற்றமும் நடைபெறவில்லை. கடந்த 2013-ம் ஆண்டு முதல் 2022-ம் ஆண்டு வரை செந்தில் பாலாஜி வங்கிக் கணக்கில் ஒரு கோடியே 34 லட்சம் ரூபாய் டிபாசிட் செய்யப்பட்டுள்ளதாகவும், அது குற்றம் மூலம் ஈட்டப்பட்டது எனவும் அமலாக்கத்துறை தெரிவித்துள்ளது. இதுசம்பந்தமாக வருமான வரித்துறைக்கு முறையாக கணக்கு காட்டப்பட்டுள்ளது. இதில் 64 லட்சம் ரூபாய் சம்பளமாக பெறப்பட்டுள்ளது. வங்கிக் கணக்கில் 58 லட்சம் எடுக்கப்பட்டது. இத்தொகை தகுதி நீக்கத்தை எதிர்த்த வழக்குக்காக எடுக்கப்பட்டு, பின் அத்தொகை வேறு கணக்கில் இருந்து டெபாசிட் செய்யப்பட்டது. பொருளாதார குற்ற வழக்கில் கைதுசெய்யப்பட்டவர்களுக்கு ஜாமீன் மறுக்கப்படக் கூடாது என உச்ச நீதிமன்றம் பல தீர்ப்புகளில் சுட்டிக்காட்டியுள்ளது. நீதிபதி ஆனந்த் வெங்கடேஷ்

இலாகா இல்லாத அமைச்சராக நீடிப்பதாலும், சாட்சிகள் அச்சுறுத்தப்படலாம் என்பதாலும், ஜாமீன் கொடுத்தால் வெளிநாடுகளுக்கு தப்பிச் செல்ல வாய்ப்புள்ளது என்பதாலும், சந்தர்ப்ப சூழலில் எந்த மாற்றமும் ஏற்படவில்லை எனவும் கூறி, ஜாமீன் மறுக்கப்பட்டுள்ளது. தற்போது செந்தில் பாலாஜி அமைச்சராக இல்லை. புலன் விசாரணை முடிந்து, குற்றப்பத்திரிகையும் தாக்கல் செய்யப்பட்டு விட்டது. வெளிநாடுகளுக்கு தப்பி விடுவார் என்றால், யாருக்கும் ஜாமீன் வழங்க முடியாது. தற்போது அமைச்சராக இல்லாத காரணத்தால் சந்தர்ப்ப சூழல் மாறியுள்ளது. குற்றம்சாட்டப்பட்டவர் தலைமறைவாக இருக்கிறார் என்பதற்காக ஜாமீன் மறுக்க முடியாது என உச்ச நீதிமன்றம் தெரிவித்துள்ளது என்பதால், ஜாமீன் வழங்க வேண்டும்" என்று வாதத்தை நிறைவு செய்தார்.சென்னை உயர் நீதிமன்றம்

அமலாக்கத்துறை தரப்பில் ஆஜரான கூடுதல் சொலிசிட்டர் ஜெனரல் ஏ.ஆர்.எல்.சுந்தரேசன், ``எந்த ஆதாரங்களும் திருத்தப்படவில்லை. ஆவணங்கள் அனைத்தும் சிறப்பு நீதிமன்றத்திலிருந்துதான் பெறப்பட்டன" என்றார்.

பின்னர், அமலாக்கத்துறை தரப்பு வாதங்களுக்காக வழக்கின் விசாரணையை நீதிபதி ஆனந்த் வெங்கடேஷ், நாளை பிற்பகலுக்கு தள்ளிவைத்தார்.செந்தில் பாலாஜி ராஜினாமா... காரணம், கைக்கு வந்த ஷாக் ரிப்போர்ட்! | Elangovan Explains


http://dlvr.it/T2mLj2

Read More

`பாஜக-வினரை தூங்க விடாமல் செய்கிறது திமுக; யார் தீவிரவாதிகள், உழவர்களா?!' - ஸ்டாலின் காட்டம்

நாடாளுமன்றத் தேர்தலை முன்னிட்டு, தி.மு.க தலைவரும், தமிழ்நாட்டின் முதல்வருமான மு.க ஸ்டாலின் தொண்டர்களுக்கு கடிதம் ஒன்றை எழுதியிருக்கிறார். அதில், ``நாடாளும் இந்திய ஒன்றிய ஆட்சியாளர்கள் கடந்த பத்தாண்டுகளில் ஜனநாயகத்தின் வேர்களில் வெந்நீர் ஊற்றி, மக்களாட்சியின் மாண்பை முற்றிலுமாகச் சிதைத்துள்ள நிலையில், 2024 நாடாளுமன்றத் தேர்தலில் மக்களின் தீர்ப்பு மூலமாகத் தமிழ்நாட்டை மட்டுமன்றி, இந்தியாவைக் காக்க வேண்டிய கடமையும் பொறுப்பும் தி.மு.க-வுக்கு இருக்கிறது.அமித் ஷா, மோடி,

தி.மு.க ஒரு மாநிலக் கட்சிதானே என்று எள்ளி நகையாட நினைத்தவர்கள், ஒவ்வொரு மாநிலத்திற்குச் செல்லும்போதும் தி.மு.க.வை விமர்சித்துப் பேசுவதை வழக்கமாகக் கொண்டிருக்கிறார்கள். அந்தளவுக்கு தி.மு.க-வின் கொள்கை பலம் அச்சப்பட வைத்திருக்கிறது. மதவெறி அரசியல் நடத்தும் பா.ஜ.க-வை கருத்தியல்ரீதியாகவும் செயல்பாட்டுரீதியாகவும் எதிர்கொள்ளக்கூடிய வலிமை மாநிலக் கட்சியான தி.மு.க-வுக்கும் அதன் தோழமைக் கட்சிகளுக்கும் உண்டு என்பதால்தான், என்பதால்தான் பிரதமர் மோடி, உள்துறை அமைச்சர் அமித்ஷா, பா.ஜ.க.வின் தேசியத் தலைவர் நட்டா உள்ளிட்டவர்கள் எந்த மேடையில் ஏறினாலும், எந்த மாநிலமாக இருந்தாலும் தி.மு.க.வை விமர்சிக்கிறார்கள். அந்தளவுக்கு அவர்களைத் தூங்கவிடாமல் செய்கிறது திராவிட முன்னேற்றக் கழகம் எனும் பேரியக்கம். அவர்களுக்கே அப்படியென்றால், அந்தக் கட்சியின் மற்ற நிர்வாகிகளுக்கு ஒவ்வொரு இரவுமே தூக்கம் தொலைத்த இரவுகள்தான்.

அரசியல் கருத்துகளை - கொள்கை முரண்பாடுகளை ஜனநாயக வழியில் எதிர்கொள்ள வலுவோ - நேர்மையோ இல்லாத ஒன்றிய பா.ஜ.க அரசு, தன் வசப்படுத்தியுள்ள அமலாக்கத்துறை, மத்திய புலனாய்வுத்துறை, வருமான வரித்துறை இவற்றை ஏவி, தனக்கு எதிரான இயக்கங்களை நசுக்கிவிடலாம் என நினைத்து, வன்மத்துடன் செயல்பட்டு வருகிறது. பா.ஜ.க ஆட்சியில் இல்லாத மாநிலங்களில் சட்ட நெருக்கடிகளை ஏற்படுத்துவதுடன், சட்டமன்றத்திலும் தனது கைப்பாவையாக உள்ள ஆளுநர்களை வைத்து நெருக்கடி தரலாம் என நினைத்து, அண்ணல் அம்பேத்கர் உருவாக்கித் தந்த அரசியலமைப்புச் சட்டத்தையே அவமதிக்கும் வகையில் செயல்பட்டு வருகிறது.ஆளுநர் ரவி

சுருக்கமாகச் சொன்னால், ஹிட்லர் போன்ற சர்வாதிகாரத்தன்மையுடன் செயல்பட்டு, தங்களால் ஒருபோதும் வெற்றி பெற முடியாத தமிழ்நாடு போன்ற மாநிலங்களின் உரிமைகளையும் அதிகாரங்களையும் பறிக்கும் வகையில் ஒன்றிய பா.ஜ.க. ஆட்சியாளர்களின் செயல்பாடுகள் அமைந்துள்ளன. இந்திய ஜனநாயகத்திற்கு ஆபத்து நேரும்போதெல்லாம் அதனைக் காப்பதற்கான உறுதியான குரலில் முதலில் முழங்கும் மாநிலம், தமிழ்நாடுதான். 1975-ல் நெருக்கடிகளை எதிர்கொண்டு, ஆட்சியையே விலையாகக் கொடுத்து, ஜனநாயகத்தைக் காத்தது தி.மு.க.

நாடாளுமன்றத் தேர்தல் களத்தில், ஜனநாயக உரிமைகளைக் காக்கவும், மாநில உரிமைகளை மீட்கவும் நாடெங்கும் அந்தக் குரல் ஒலிக்க வேண்டும் என்பதற்கான முதல்படியாக பிப்ரவரி 16, 17, 18 ஆகிய நாள்களில், ‘உரிமைகளை மீட்க ஸ்டாலினின் குரல்’ என்ற தலைப்பில் ‘பாசிசம் வீழட்டும் இந்தியா வெல்லட்டும்’ என்ற முழக்கத்துடன் தமிழ்நாடு - புதுச்சேரி நாடாளுமன்றத் தொகுதிகளில் திராவிட முன்னேற்றக் கழகத்தின் உரிமை முழக்கம் ஒலிக்க இருக்கிறது.மோடி

2024 நாடாளுமன்றத் தேர்தல் களம் என்பது இந்தியாவில் இனி தேர்தல் முறை என ஒன்று இருக்குமா, மக்களின் வாக்குரிமை மதிக்கப்படுமா, ஜனநாயகம் நீடிக்குமா, அரசியல்சட்டம் நிலைக்குமா, பன்முகத்தன்மையும் மாநில உரிமைகளும் உயிர்த்திருக்குமா என்பதற்கான இறுதி விடையைத் தரக்கூடியக் களமாகும். இந்தியத் தலைநகர் டெல்லியிலும், மத்தியப் பிரதேசம் உள்ளிட்ட மாநிலங்களிலும் போர் மேகங்கள் சூழந்தது போன்ற பதற்றத்தை ஒன்றிய ஆட்சியாளர்கள் உருவாக்கியிருக்கிறார்கள்.

திரும்பிய பக்கமெல்லாம் தடுப்பு வேலிகள், வாகனங்களைத் தடுக்கும் ஆணிப் படுக்கைகள், எல்லாத் திசையிலும் பாதுகாப்புக் காவலர்கள், கடுமையான பரிசோதனை நடவடிக்கைகள். டெல்லியில் ஏன் போர்ச்சூழல் போன்ற பதற்றம் மிகுந்த பாதுகாப்பு ஏற்பாடுகள்... ஒன்றிய பா.ஜ.க அரசு, தன் சொந்த நாட்டில் வாழும் உழவர்களின் வாழ்வுரிமைப் போராட்டத்தை ஒடுக்க, போர்க்களத்தைவிடக் கொடுமையான சூழலை உருவாக்கியிருக்கிறது.Farmers Protest | டெல்லி விவசாயிகள் போராட்டம்

மூன்று வேளாண் திருத்தச் சட்டங்களைக் கொண்டு வந்து இந்திய உழவர்களின் வயிற்றிலடித்த ஒன்றிய பா.ஜ.க அரசை எதிர்த்து ஏறத்தாழ ஓராண்டு காலம் இடைவிடாது போராடினார்கள் பல்வேறு மாநிலங்களைச் சேர்ந்த உழவர்கள். தி.மு.க அவர்கள் பக்கம் உறுதியாக நின்றது. அசைந்து கொடுக்க மறுத்த ஒன்றிய பா.ஜ.க. அரசு, உழவர்களை ஒடுக்க நினைத்தது. அவர்களைத் தீவிரவாதிகளாகச் சித்திரித்தது. அப்போதும் உரிமைப் போராட்டத்தை ஒடுக்க முடியாத காரணத்தால், 3 வேளாண் திருத்தச் சட்டங்களைத் திரும்பப் பெற்றது.

ஆனால், உழவர்களின் வாழ்வு செழிப்பதற்கான திட்டங்களை அறிவிக்கவில்லை. அவர்கள் மீது போடப்பட்ட வழக்குகளையும் திரும்பப் பெறவில்லை. தங்கள் கோரிக்கையை வலியுறுத்தி, தலைநகரில் போராட்டம் நடத்த வரும் உழவர்களுக்கு எதிராகத்தான் ஆயுதம் ஏந்திய காவலர்களும், முள்-ஆணி படுக்கைகளைப் பாதையில் விரித்துப் போட்டிருக்கும் கொடூரமும் நிகழ்ந்துள்ளது. இதில் யார் தீவிரவாதிகள்… உழவர்களா? அரசாங்கமா?எடப்பாடி பழனிசாமி, மோடி

பா.ஜ.க-வின் பாசிச நடவடிக்கைகள் அனைத்திற்கும் துணை நின்று ஆதரித்த அ.தி.மு.க-தான் இப்போது பா.ஜ.க சொல்லிக் கொடுத்ததுபோலவே கூட்டணி இல்லை என்று பசப்பிக் கொண்டிருக்கிறது. தமிழ்நாட்டு மக்களுக்கும் இந்திய அளவிலும் பா.ஜ.க செய்த அத்தனை பாவங்களுக்கும் உடந்தையாக இருந்ததுதான் அ.தி.மு.க. மக்களின் எதிரிகளான இந்த இரண்டு கட்சிகளையும் அம்பலப்படுத்த வேண்டிய கடமை உடன்பிறப்புகளாம் உங்களுக்கு இருக்கிறது" எனக் குறிப்பிட்டிருக்கிறார்.`இதைவிட காமெடியான கொள்கை இருக்க முடியுமா?’ - முதல்வர் ஸ்டாலின் கொண்டுவந்த தீர்மானங்கள்


http://dlvr.it/T2mLSl

Read More

பில்கிஸ் பானோ வழக்கு: குஜராத் அரசுக்கு எதிரான வார்த்தைகளை திரும்ப பெறக்கோரி சுப்ரீம் கோர்ட்டில் மனு!

குஜராத்தில் கடந்த 2002-ம் ஆண்டு நடந்த கோத்ரா கலவரத்தின் போது பில்கிஸ் பானோ என்ற பெண் கூட்டு பாலியல் வன்கொடுமை செய்யப்பட்டார். பில்கிஸ் பானோ வழக்கு விசாரணை மும்பை நீதிமன்றத்தில் நடந்து வந்தது. கோர்ட் குற்றவாளிகள் 11 பேருக்கு ஆயுள் தண்டனை வழங்கியது. ஆயுள் தண்டனை பெற்று சிறைத்தண்டனை அனுபவித்து வந்த 11 குற்றவாளிகளை கடந்த 2022-ம் ஆண்டு தண்டனை முடியும் முன்பே குஜராத் அரசு சிறையில் இருந்து விடுதலை செய்து உத்தரவிட்டது. இதை எதிர்த்து பில்கிஸ் பானோ சுப்ரீம் கோர்ட்டில் மேல் முறையீடு செய்தார்.பில்கிஸ் பானோ

அதனை விசாரித்த சுப்ரீம் கோர்ட், கடந்த ஜனவரி மாதம் 8-ம் தேதி குஜராத் அரசு குற்றவாளிகளை விடுவிக்கப் பிறப்பித்த உத்தரவை ரத்து செய்தது. குற்றவாளிகள் அனைவரும் 2 வாரத்தில் சிறையில் சரணடைய வேண்டும் என்று நீதிபதிகள் தெரிவித்து இருந்தனர். அதோடு, இவ்விவகாரத்தில் சுப்ரீம் கோர்ட் குஜராத் அரசுக்கு எதிராக கடுமையான சில கருத்துகளை தெரிவித்து இருந்தது. குற்றவாளிகளை விடுவிக்கும் விவகாரத்தில் குஜராத் அரசு தனது அதிகாரத்தை துஷ்பிரயோகம் செய்திருப்பதாகவும், வழக்கு விசாரணை மும்பை நீதிமன்றத்தில் நடந்திருப்பதால், மும்பை நீதிமன்றம்தான் இது குறித்து முடிவு செய்ய வேண்டும் என்றும் சுப்ரீம் கோர்ட் நீதிபதிகள் தெரிவித்திருந்தனர்.

சுப்ரீம் கோர்ட்டின் இக்கருத்தை கோர்ட் குறிப்பில் இருந்து நீக்கவேண்டும் என்று கோரி குஜராத் அரசு சார்பாக சுப்ரீம் கோர்டில் மனுத்தாக்கல் செய்யப்பட்டுள்ளது. அதில், பில்கிஸ் பானோ வழக்கில், சுப்ரீம் கோர்ட் நீதிபதிகள், மாநில அரசு குற்றவாளிகளுடன் இணைந்து செயல்பட்டது என்று குறிப்பிடப்பட்டு இருப்பது நியாயமற்றது என்று குறிப்பிட்டுள்ளது. சுப்ரீம் கோர்ட் தெரிவித்த கருத்துகள் மாநில அரசு மீது தவறான எண்ணத்தை ஏற்படுத்தி இருக்கிறது என்றும், எனவே இவ்வழக்கில் நீதிபதிகள் குஜராத் அரசுக்கு எதிராக தெரிவித்த கருத்துகளை திரும்பப் பெறவேண்டும் என்றும் அதில் குறிப்பிடப்பட்டுள்ளது.பில்கிஸ் பானோபில்கிஸ் பானோ வழக்கு: சட்டத்தின் பார்வையில் தீர்ப்பின் முக்கியத்துவம் பெறும் கூறுகள்..!

தண்டனையை குறைக்கவேண்டும் என்று கோரி குற்றவாளிகள் கொடுத்த மனுவின் மீது, 1992-ம் ஆண்டு சட்டத்தின் படி, நன்னடத்தையின் அடிப்படையில்தான் அவர்கள் விடுவிக்கப்பட்டதாகவும் குஜராத் அரசு தனது மனுவில் குறிப்பிட்டு இருக்கிறது.


http://dlvr.it/T2kjBr

Read More

`140 கோடி சகோதர சகோதரிகளிடமிருந்து செய்தி கொண்டுவந்திருக்கிறேன்’ - `அஹ்லான் மோடி' நிகழ்வில் பிரதமர்

இரண்டு நாள் பயணமாக ஐக்கிய அரபு அமீரகத்துக்கு சென்றிருக்கும் இந்திய பிரதமர் மோடியை, அந்நாட்டு அதிபர் ஷேக் முகமது பின் சயீத் அரசு மரியாதையுடன் நேற்று வரவேற்றார். இந்த சந்திப்பின்போது, இருநாட்டுக்கும் இடையிலும் எட்டு புரிந்துணர்வு ஒப்பந்தங்கள் கையெழுத்தாகியிருப்பதாகக் கூறப்படுகிறது. அதைத்தொடர்ந்து, அபுதாபியில் சயீத் ஸ்போர்ட்ஸ் மைதானத்தில் புலம்பெயர் இந்தியர்களுடன் மோடி உரையாடும் வகையில் `அஹ்லான் மோடி' நிகழ்ச்சி ஏற்பாடு செய்யப்பட்டிருந்தது.மோடி - ஷேக் முகமது பின் சயீத்

அதில் வெளிநாடு வாழ் இந்தியர்களின் முன்னிலையில் உரையாற்றிய பிரதமர் மோடி, ``இன்று எனது குடும்ப உறுப்பினர்களைச் சந்திக்க இங்கு வந்திருக்கிறேன். ஐக்கிய அரபு எமிரேட்ஸின் மூலை முடுக்குகள் மற்றும் இந்தியாவின் பல்வேறு மாநிலங்களிலிருந்து வந்து அபுதாபியில் புதிய சரித்திரம் படைத்திருக்கிறீர்கள் நீங்கள். அனைவரின் இதயங்களும் ஒன்றாக இணைக்கப்பட்டிருக்கின்றன.

வாழ்நாள் முழுவதும் என்னோடும் உங்களோடும் இருக்கும் நினைவுகளைச் சேகரிப்போம். உங்களின் 140 கோடி சகோதர சகோதரிகளிடமிருந்து உங்களுக்கு ஒரு செய்தி கொண்டுவந்திருக்கிறேன். அந்த செய்தி என்னவென்றால், பாரதம் உங்களைப் பற்றி பெருமை கொள்கிறது. நீங்கள் நம் நாட்டின் பெருமை.மோடி

நான் முதல்முதலாக ஐக்கிய அரபு எமிரேட்ஸுக்கு-க்கு 2015-ல் வந்தது எனக்கு நினைவிருக்கிறது. மூன்று தசாப்தங்களுக்குப் பிறகான இந்தியப் பிரதமரின் முதல் ஐக்கிய அரபு எமிரேட் பயணம் மேற்கொண்டது அது. அப்போது ராஜதந்திர உலகம் எனக்கு புதிது. அப்போதைய பட்டத்து இளவரசரும், இன்றைய ஐக்கிய அரபு எமிரேட் அதிபரும் தனது ஐந்து சகோதரர்களுடன் என்னை வரவேற்க விமான நிலையத்துக்கு வந்தார். சகோதரர் ஷேக் முகமது பின் சயீத் இன்றும் விமான நிலையத்தில் என்னை வரவேற்க வந்தார்.மோடி - ஷேக் முகமது பின் சயீத்

அவரின் அரவணைப்பும் பாசமும் ஒரே மாதிரியாக இருந்தது. ஷேக் முகமது பின் சயீத்தை நான் சந்திக்கும் போதெல்லாம், ஐக்கிய அரபு எமிரேட்ஸின் வளர்ச்சியில் உங்கள் பங்கை அவர் பாராட்டுகிறார். ஐக்கிய அரபு அமீரகம், தனது உயரிய சிவிலியன் விருதான 'ஆர்டர் ஆஃப் சயீத்' விருதை எனக்கு வழங்கியதில் நான் மகிழ்ச்சி அடைகிறேன். இந்த மரியாதை எனக்கானது மட்டுமல்ல, கோடிக்கணக்கான இந்தியர்களுக்குமானது. 2047-க்குள் இந்தியாவை வளர்ந்த நாடாக மாற்றுவதே இன்று ஒவ்வொரு இந்தியனின் குறிக்கோள்.

பொருளாதாரத்தில் வேகமாக முன்னேறி வரும் நாடு நம் இந்தியா. உலகின் மூன்றாவது பெரிய ஸ்டார்ட்-அப் சுற்றுச்சூழல் அமைப்பைக் கொண்ட நாடு இந்தியா. முதல் முயற்சியிலேயே செவ்வாய் கிரகத்தை அடைந்த நாடு எதுவென்றால் அதுவும் நம் இந்தியா. நிலவின் தென் துருவத்தை அடைந்ததும், ஒரே நேரத்தில் 100 செயற்கைக்கோள்களை விண்ணில் செலுத்தி சாதனை படைத்ததும் நமது இந்தியா.வெளிநாடு வாழ் இந்தியர்கள்

5G தொழில்நுட்பத்தைச் சொந்தமாக உருவாக்கி அதை விரைவாக வெளியிட்ட நாடும் நம் இந்தியா. இன்று உலகின் அனைத்து முக்கிய மேடைகளிலும் இந்தியாவின் குரல் ஒலிக்கிறது. எங்கெல்லாம் நெருக்கடிகள் ஏற்படுகிறதோ, அங்கு முதலில் சென்றடையும் நாடுகளில் இந்தியாவின் பெயரும் இருக்கும். இன்றைய வலிமையான இந்தியா மக்களுடன் நிற்கிறது.பிரதமர் மோடி

உங்கள் பிரதமர் மோடி, மூன்றாவது ஆட்சிக்காலத்தில் இந்தியா மூன்றாவது பெரிய பொருளாதார நாடாக மாறும் என்று உறூதி அளித்திருக்கிறார்" என்று கூறினார்.

பிரதமர் மோடி தனது பயணத்தின் இரண்டாவது நாளான இன்று துபாய் நகரில் நடைபெறும் உலக அரசு உச்சி மாநாட்டில் கலந்து கொள்கிறார் என்பது குறிப்பிடத்தக்கது.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/47zomWY />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/47zomWYFarmers Protest: `6 மாதத்துக்கான உணவு பொருள்கள்’ - டிராக்டரில் டெல்லியை நெருங்கிய பஞ்சாப் விவசாயிகள்


http://dlvr.it/T2kGns

Read More