`சென்னை பள்ளிகளுக்கு வெடிகுண்டு மிரட்டல்... சம்பவம்!' சுவிஸ் நிறுவனத்துக்கு தடையா? - பகீர் பின்னணி

சமீபத்தில் சென்னையில் உள்ள 13 பள்ளிகளுக்கு அடுத்தடுத்து வெடிகுண்டு மிரட்டல் விடுக்கப்பட்ட சம்பவத்தில், சுவிட்சர்லாந்தைச் சேர்ந்த இ-மெயில் நிறுவனத்தை இந்தியாவில் தடைசெய்ய வேண்டும் என சென்னை காவல்துறை மத்திய அரசுக்கு பரிந்துரை செய்திருக்கிறது.வெடிகுண்டு மிரட்டல்

13 பள்ளிகளுக்கு வெடிகுண்டு மிரட்டல்:

கடந்த பிப்ரவரி 8-ம் தேதி, சென்னையில் இயங்கி வரும் 13 பள்ளிகளுக்கு இமெயில் மூலம் வெடிகுண்டு மிரட்டல் விடுக்கப்பட்டது. குறிப்பாக, சென்னையின் பிரபலமானப் பள்ளிகளான ஆர்.ஏ.புரத்திலுள்ள செட்டிநாடு வித்யாஸ்ரம் பள்ளி, திருமழிசை, அண்ணாநகர், முகப்பேர் ஆகிய இடங்களிலுள்ள சென்னை பப்ளிக் ஸ்கூல், பூந்தமல்லி, பெரம்பூர், எழும்பூர் ஆகிய இடங்களிலுள்ள சனா ஸ்மார்ட் பள்ளி, கோபாலபுரத்திலுள்ள டிஏவி ஆண்கள் மற்றும் பெண்கள் பள்ளி மற்றும் பாரிமுனையில் உள்ள செயின்ட் மேரீஸ் ஸ்கூல் உள்ளிட்ட 13 பள்ளிகளுக்கு வெடிகுண்டு மிரட்டல் விடுக்கும் இமெயில் வந்தது. அந்த மெயிலில், ``நான் கூறுவதை சாதாரணமாக எடுத்துக்கொள்ளாதீர்கள். உங்கள் பள்ளியில் 2 வெடிகுண்டுகள் வைத்திருக்கிறோம். இவை வெடித்து சிதறுவதற்குள், பள்ளிக் குழந்தைகளின் உயிரைக் காப்பாற்றிக்கொள்ளுங்கள்" என்ற ரீதியில் பகிரங்க மிரட்டல் விடுக்கப்பட்டது.

வெடிகுண்டு மிரட்டலையடுத்து அதிர்ச்சியடைந்த ஆசிரியர்கள் மற்றும் பள்ளிகளின் நிர்வாகத்தினர் உடனடியாக பள்ளிக் குழந்தைகளை வகுப்பறையை விட்டு வெளியே வரவழைத்து, கிரவுண்டில் பாதுகாப்பாக கொண்டுவந்து அமர்த்தினர். அதேநேரம் காவல்துறைக்கும் அவசரமாக தகவல் தெரிவித்திருக்கின்றனர். இதேபோல, பல பள்ளிகளிலிருந்தும் புகார் வர, அனைத்து பள்ளிகளுக்கும் வெடிகுண்டு நிபுணர்கள் வந்து சோதனை நடத்தினர். இதற்கிடையில் சம்மந்தப்பட்ட பள்ளிகளுக்கு அவசர விடுமுறை அளிக்கப்பட்டு, குழந்தைகளை வீடுகளுக்கு அழைத்துச் செல்லவும் பெற்றோர்களுக்கு அறிவுறுத்தப்பட்டது. வெடிகுண்டு நிபுணர்களின் தீவிர சோதனைக்குப் பிறகு எந்தப் பள்ளிகளிலும் வெடிகுண்டு இல்லை, இது ஒரு வதந்தி என்பது நிரூபணமானது. அதேபோல, வெடிகுண்டு மிரட்டல் விடுக்கப்பட்ட அனைத்து பள்ளிகளுக்கும் ஒரே இமெயிலிலிருந்து ஒரே மாதிரியான மிரட்டல் வந்திருப்பதும் கண்டுபிடிக்கப்பட்டது. இந்த சம்பவம் தமிழ்நாடு முழுக்க பெரும் அதிர்வலைகளை ஏற்படுத்தியது. விட்சர்லாந்தைச் சேர்ந்த புரோடான்(Proton mail) எனும் தனியார் நிறுவன இமெயில் நெட்வொர்க்

தீவிர விசாரணையில் சைபர் கிரைம்:

அந்த நிலையில், வெடிகுண்டு மிரட்டல் வந்த இமெயில் ஐடியை வைத்து தீவிர விசாரணை மேற்கொண்ட சென்னை காவல்துறை, சைபர் கிரைம் உதவியுடன் மெயில் வந்த ஐபி அட்ரஸை கண்டுபிடிக்கும் முயற்சிகளில் ஈடுபட்டது. ஆனால், மிரட்டல் மெயில் அனுப்பிய மர்ம நபர் விவரமாக தனது ஐபி அட்ரஸை எளிதில் கண்டுபிடிக்க முடியாதபடி, அதிநவீன தொழில்நுட்பம் மூலம் வெளியில் தெரியாதபடி ஹைடு செய்திருப்பது தெரியவந்தது. இதனால் வெடிகுண்டு மிரட்டல் விடுத்த நபர் யார்? என்பதை கண்டுபிடிப்பதில் சிக்கல் ஏற்பட்டது. இதையடுத்து அடுத்தகட்ட நடவடிக்கை மேற்கொண்ட காவல்துறை, சம்மந்தப்பட்ட மெயில் ஐடி சுவிட்சர்லாந்தைச் சேர்ந்த புரோடான்(Proton mail) எனும் தனியார் நிறுவன இமெயில் நெட்வொர்க்கின் ஐடி என்பதைக் கண்டறிந்தனர்.தமிழ்நாடு காவல்துறை

இமெயில் நிறுவனத்துக்கு தடைகோரும் தமிழ்நாடு காவல்துறை:

அதையடுத்து, சென்னை காவல்துறையானது, `பள்ளிகளுக்கு வெடிகுண்டு மிரட்டல் விடுத்த மர்ம நபர் பயன்படுத்திய இமெயில் ஐடி எந்த செல்போன் எண்ணிலிருந்து உருவாக்கப்பட்டது' உள்ளிட்ட கேள்விகளைக் கேட்டு சுவிட்சர்லாந்தின் புரோடான் நிறுவனத்துக்கு கடிதம் அனுப்பியது. ஆனால், புரோடான் நிறுவனம் அதற்கு சரியான ஒத்துழைப்பு வழங்கவில்லை எனத் தெரிகிறது. தமிழக காவல்துறை கேட்ட தகவல்களை தர அந்நிறுவனம் மறுத்துவிட்டதாக தகவல் வெளியானது. இதையடுத்து, மத்திய உள்துறை அமைச்சகத்தின் மூலம் இன்டர்போல் உதவியைக் கேட்டு, புரோடான் நிறுவனத்தை அணுக சென்னை காவல்துறையினர் முடிவு செய்திருப்பதாக தகவல் வெளியானது. இந்த நிலையில், `புரோடான் மெயில் நிறுவனத்துக்கு இந்தியாவில் தடை விதிக்கவேண்டும், அதன் இந்திய சேவையை முடக்க வேண்டும்' எனக்கோரி மத்திய மத்திய தகவல் தொடர்புதுறைக்கு சென்னை காவல்துறை பரிந்துரை கடிதம் அனுப்பியிருக்கிறது. இதையடுத்து, மத்திய தகவல் தொடர்பு துறையும், புரோடான் மெயில் நிறுவனத்தின் இந்திய சேவைக்கு தடைவிதிக்க முடிவு செய்திருப்பதாக தகவல் வெளியாகியிருக்கிறது.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/47zomWY">
https://bit.ly/47zomWY />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/47zomWY">
https://bit.ly/47zomWY />

http://dlvr.it/T2sNw7

Read More

தனித்தனியாகப் போட்டியிடும் ‘இந்தியா’ கூட்டணிக் கட்சிகள் - வீழ்ச்சியா... வியூகமா?!

எல்லா எதிர்க்கட்சிகளும் ஓரணியில் திரண்டால்தான், வரும் நாடாளுமன்றத் தேர்தலில் பா.ஜ.க-வைத் தோற்கடிக்க என்ற முடிவுக்கு வந்த எதிர்க்கட்சிகள், ‘இந்தியா’ கூட்டணியை உருவாக்கின. 400 தொகுதிகளில் பொதுவேட்பாளர்களை நிறுத்தினால், பா.ஜ.க-வைத் தோற்கடித்துவிடலாம் என்று ‘இந்தியா’ கூட்டணியின் ஆரம்ப கூட்டங்களில் ஆலோசனைகள் நடத்தப்பட்டது. இந்தியா கூட்டணி தலைவர்கள்

ஆனால், ‘இந்தியா’ கூட்டணி கட்சிகளால், தங்களுக்குள் தொகுதிப் பங்கீடுகூட செய்துகொள்ள முடியவில்லை. நாடாளுமன்றத் தேர்தல் நெருங்க நெருங்க, எப்படியாவது தங்கள் கட்சி ஜெயித்தால் போதும் என்ற மனநிலைக்கு ஒவ்வொரு கட்சியும் வந்துவிட்டன.

‘மேற்கு வங்கத்தில் அனைத்து மக்களவைத் தொகுதிகளிலும் திரிணாமுல் கட்சியே போட்டியிடும்’ என்று மேற்கு வங்க முதல்வர் மம்தா பானர்ஜியும், ‘பஞ்சாப்பில் அனைத்து மக்களவைத் தொகுதிகளிலும் ஆம் ஆத்மியே போட்டியிடும்’ என்று பஞ்சாப் முதல்வர் பகவந்த் மானும் அதிரடியாக அறிவித்தார்கள். அதற்கடுத்து, டெல்லியில் அனைத்து தொகுதிகளிலும் ஆம் ஆத்மியே போட்டியிடும் என்று அறிவித்தார் டெல்லி முதல்வர் அரவிந்த் கெஜ்ரிவால்.மம்தா பானர்ஜி

அவர்களைத் தொடர்ந்து, ‘ஜம்மு காஷ்மீரில் தேசிய மாநாடு கட்சி தனித்துப் போட்டியிடும்’ என்று தற்போது அறிவித்திருக்கிறார் அந்தக் கட்சியின் தலைவரும் முன்னாள் முதல்வருமான ஃபரூக் அப்துல்லா. ‘ஜம்மு காஷ்மீரிலுள்ள ஐந்து மக்களவைத் தொகுதிகளிலும், லடாக்கிலுள்ள ஒரு மக்களவைத் தொகுதியிலும் தேசிய மாநாடு கட்சி தன் சொந்த செல்வாக்கில் போட்டியிடும்’ என்று அவர் கூறியிருக்கிறார்.

காங்கிரஸ் கட்சியுடனான தொகுதிப் பங்கீடு குறித்து அவரிடம் கேட்கப்பட்டபோது, ‘அவர்கள் கடின முயற்சியை மேற்கொண்டார்கள். ஆனால், அதில் முன்னேற்றம் ஏற்படவில்லை’ என்றார் ஃபரூக் அப்துல்லா. மேலும், ‘நாடாளுமன்ற மக்களவைத் தேர்தலுடன் சேர்த்து, சட்டமன்றத் தேர்தலும் இங்கு நடத்தப்படும் என்று நினைக்கிறேன். வரும் தேர்தலில் தேசிய மாநாடு கட்சி தனித்துப் போட்டியிடும். அதில் எந்த சந்தேகமும் இல்லை’ என்கிறார் அவர்.ஃபரூக் அப்துல்லா

ஆனால், ‘பேச்சுவார்த்தை தொடர்ந்து நடைபெறுகிறது’ என்கிறார் காங்கிரஸ் பொதுச்செயலாளர் ஜெய்ராம் ரமேஷ். ‘ஒவ்வொரு கட்சிக்கும் வரைமுறைகள் உண்டு. தேசிய மாநாடு கட்சியும், மக்கள் ஜனநாயகக் கட்சியும் இந்தியா கூட்டணியின் அங்கங்களாக இருக்கின்றன, தொடர்ந்து இருக்கப்போகின்றன’ என்றும் அவர் கூறுகிறார்.

மத்தியப்பிரதேசம் உள்ளிட்ட ஐந்து மாநில சட்டமன்றத் தேர்தலில், அகிலேஷ் யாதவ் தலைமையிலான சமாஜ்வாடி கட்சியை காங்கிரஸ் கட்சி ஊதாசீனப்படுத்தியது. அந்தக் கட்சியுடன் மத்தியப்பிரதேசத்தில் தொகுதிப்பங்கீடு செய்துகொள்ள காங்கிரஸ் தயாராக இல்லை. இப்போது, காங்கிரஸ் கட்சியுடன் தொகுதிப்பங்கீடு செய்துகொள்ளப்போவதில்லை என்று மூன்று கட்சிகள் அறிவித்திருக்கின்றன. அகிலேஷ் யாதவ்

‘ஒரே கூட்டணியில் இருந்துகொண்டு தனித்தனியாகப் போட்டியிடுவது என்பது இந்தியா கூட்டணியின் தேர்தல் உத்திகளில் ஒன்றா?’ என்று அரசியல் பார்வையாளர்கள் ஆச்சர்யத்துடன் கேள்வி எழுப்புகிறார்கள். ஏனென்றால், எதிர்க்கட்சிகளைப் பொறுத்தளவில், எப்படியாவது பா.ஜ.க-வைத் தோற்கடித்தாக வேண்டும்.

ஏனென்றால், அமலாக்கத்துறை உள்ளிட்ட விசாரணை அமைப்புகளை எதிர்க்கட்சிகள் மீது ஏவிவிட்டிருப்பதால், பல எதிர்க்கட்சிகள் படாதபாடு படுகின்றன. ஜார்க்கண்ட் முதல்வர் ஹேமந்த் சோரனை அமலாக்கத்துறையை வைத்து தூக்கிவிட்டார்கள் என்ற நிலையில், பா.ஜ.க மீதான அச்சம் எதிர்க்கட்சிகளுக்கு மேலும் அதிகரித்திருக்க வேண்டும். ஹேமந்த் சோரன்

இப்போது, காங்கிரஸ் கட்சியின் வங்கிக் கணக்குகளை முடக்கிவிட்டார்கள். நூற்றாண்டைக் கடந்த ஒரு தேசியக் கட்சிக்கே இந்த நிலையென்றால், நாமெல்லாம் எம்மாத்திரம் என்ற அச்சம் மாநிலக் கட்சிகளுக்கு வந்திருக்க வேண்டும். அந்த அச்சம் இருந்தால், எல்லா எதிர்க்கட்சிகளும் சேர்ந்து பெரும்பான்மையான தொகுதிகளில் பொதுவேட்பாளர்களை நிறுத்த முன்வந்திருப்பார்கள். ஆனால், அப்படி எதுவும் நடக்கவில்லை. தேர்தல் பத்திரங்கள் மீது பேரார்வம் காட்டிய பாஜக-வுக்கு, தடை உத்தரவு எந்த வகையில் பின்னடைவு?!

மம்தா பானர்ஜி, கெஜ்ரிவால், பகவந்த் மான் போன்றவர்களுக்கு பா.ஜ.க மீது பயம் இல்லையா, அல்லது, தனியாகப் போட்டியிட்டு, தேர்தலுக்குப் பிறகு எதிர்க்கட்சிகள் இணைந்து ஆட்சியமைக்கலாம் என்று நினைக்கிறார்களா என்பது தெரியவில்லை.

ஏற்கெனவே, ‘இந்தியா’ கூட்டணியில் இருந்த பீகார் முதல்வர் நிதிஷ் குமாரும், ஆர்.எல்.டி தலைவர் ஜெயந்த் சௌத்ரியும் பா.ஜ.க பக்கம் போய்விட்டனர். அதனால், தற்போது தனித்துப் போட்டியிடப்போவதாக ஃபரூக் அப்துல்லா கூறியிருக்கும் நிலையில், அவரும் பா.ஜ.க கூட்டணிக்கு வந்துவிடுவார் என்று பா.ஜ.க-வினர் பேசத் தொடங்கியிருக்கிறார்கள்.நிதிஷ் குமார்

ஆனால், அதற்கு வாய்ப்பு மிகவும் குறைவு. ஏனென்றால், ஜம்மு காஷ்மீருக்கான சிறப்பு அந்தஸ்த்தைப் பறித்து, அதை இரண்டு யூனியன் பிரதேசங்களாக மாற்றிய பா.ஜ.க-வுடன் கூட்டணி சேர்ந்தால், தேசிய மாநாடு கட்சி ஜம்மு காஷ்மீர் மக்களின் கடும் கோபத்துக்கு ஆளாக நேரிடும். மக்களவைத் தேர்தலுக்கான அறிவிப்பு விரைவில் வெளியிடப்படும் என்று எதிர்பார்க்கப்படுகிறது. அதற்குள் இந்தக் குழப்பங்களெல்லாம் ஒரு முடிவுக்கு வந்துவிடுமா என சந்தேகம் எழுப்பிகிறார்கள் அரசியல் நோக்கர்கள்.

கூட்டணி கட்சிகள் தனித்து போட்டியிட போவதாக அறிவித்துள்ள மாநிலங்களில் காங்கிரஸ் கட்சி என்ன நிலைபாடு எடுக்கப்போகிறது என்பதை வைத்து தான், இது எத்தகைய பின்னடைவு அல்லது இதுவே தான் வியூகமா என்ற முடிவுக்கு வர முடியும்!

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/47zomWY">
https://bit.ly/47zomWY />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/47zomWY">
https://bit.ly/47zomWY />

http://dlvr.it/T2sNnt

Read More

தேர்தல் பத்திரங்கள் மீது பேரார்வம் காட்டிய பாஜக-வுக்கு, தடை உத்தரவு எந்த வகையில் பின்னடைவு?!

‘வரும் நாடாளுமன்றத் தேர்தலில் தேசிய ஜனநாயகக் கூட்டணி 400 இடங்களைப் பிடிக்கும். பா.ஜ.க 370 இடங்களைப் பிடிக்கும்’ என்று உற்சாகத்துடன் முழங்கினார் பிரதமர் நரேந்திர மோடி. ‘இந்தியா’ கூட்டணியில் இருந்த பீகார் முதல்வர் நிதிஷ் தலைமையிலான ஐக்கிய ஜனதா தளமும், ஜெயந்த் சௌத்ரி தலைமையிலான ராஷ்டிரிய லோக் தளமும் தங்கள் பக்கம் வந்துவிட்டதால், பா.ஜ.க பெரும் மகிழ்ச்சியில் இருக்கிறது.மோடி - நிதிஷ் குமார்

மேலும், ‘இந்தியா’ கூட்டணி சார்பில் பா.ஜ.க-வுக்கு எதிராக பொது வேட்பாளர்களை நிறுத்துவது என்ற ஆலோசனை, நடைமுறை சாத்தியமில்லாமல் போய்விட்டது. இதுவும் பா.ஜ.க-வுக்கு மகிழ்ச்சியை ஏற்படுத்தியிருக்கிறது. வரும் நாடாளுமன்றத் தேர்தலில் தங்கள் வெற்றி எளிதாகிவிட்டதாக பா.ஜ.க-வினர் கருதிக்கொண்டிருக்கிறார்கள்.

இந்த நேரத்தில், தேர்தல் பத்திரங்கள் திட்டத்துக்கு எதிரான வழக்கில் உச்ச நீதிமன்றம் நேற்று (பிப். 15) வழங்கிய தீர்ப்பு பா.ஜ.க-வுக்கு பெரும் அதிர்ச்சியைக் கொடுத்திருக்கிறது. தேர்தல் நிதியில் வெளிப்படைத்தன்மை வேண்டும் என்பதற்காகக் கொண்டுவருகிறோம் என்று சொல்லி, ‘தேர்தல் பத்திரங்கள்’ என்ற புதிய திட்டத்தை மத்திய பா.ஜ.க அரசு 2018-ம் ஆண்டு கொண்டுவந்தது. உச்ச நீதிமன்றம்

ஆனால், இந்தத் திட்டத்தில் வெளிப்படைத்தன்மை இல்லை என்று எதிர்க்கட்சிகள் விமர்சிக்க ஆரம்பித்தன. காரணம், எந்தக் கட்சிக்கு எவ்வளவு நிதி வருகிறது என்பது மட்டுமே வெளிப்படையாகத் தெரியும். ஆனால், அந்த நிதியைக் கொடுத்தது யார் என்பதில் வெளிப்படைத்தன்மை இல்லை. இதுதான் பிரச்னை. எனவே, இந்தத் திட்டத்துக்கு எதிராக மார்க்சிஸ்ட் கம்யூனிஸ்ட் கட்சியும், வேறு சில தரப்பினரும் உச்ச நீதிமன்றத்தில் வழக்குத் தொடுத்தனர்.

‘தேர்தல் பத்திரங்கள் திட்டத்தில் மிகப்பெரிய ஊழல் நடக்கிறது’ என்று சொல்லி தாக்கல் செய்யப்பட்ட இந்த வழக்கை விசாரித்த தலைமை நீதிபதி சந்திரசூட் தலைமையிலான ஐந்து நீதிபதிகள் கொண்ட அரசியல் சாசன அமர்வு, ‘தேர்தல் பத்திரங்கள் திட்டம் சட்டவிரோதமானது’ என்று தீர்ப்பு வழங்கியிருக்கிறது. மேலும், ‘தேர்தல் பத்திரங்கள் மூலம் எந்தெந்த கட்சிக்கு யார் யார் எவ்வளவு நிதி வழங்கியிருக்கிறார்கள் என்ற விவரங்களை எஸ்.பி.ஐ வங்கியும், தேர்தல் ஆணையமும் வெளிப்படையாகத் தெரிவிக்க வேண்டும்’ என்று உச்ச நீதிமன்றம் தீர்ப்பில் கூறியிருக்கிறது. தலைமை நீதிபதி சந்திரசூட்

தேர்தல் பத்திரங்கள் மூலம் அரசியல் கட்சிகளுக்கு இதுவரை வழங்கப்பட்ட நிதியில், பா.ஜ.க-வுக்குத்தான் மிக அதிகமான நிதி கிடைத்திருக்கிறது என்று புள்ளிவிவரங்கள் தெரிவிக்கின்றன. இந்தப் பின்னணியில்தான், இந்தியாவின் மிகப்பெரிய பணக்கார கட்சியாக பா.ஜ.க உருவெடுத்திருக்கிறது என்கிறார்கள். இந்த நிலையில் உச்ச நீதிமன்றம் இப்படியொரு தீர்ப்பை வழங்கியிருப்பதுதான், பா.ஜ.க-வுக்கு பின்னடைவாகப் பார்க்கப்படுகிறது.

கடந்த ஆறு ஆண்டுகளில், தேர்தல் பத்திரங்கள் மூலம் அரசியல் கட்சிகளுக்கு வழங்கப்பட்ட நிதியில் பெரும் பகுதிக்கு பா.ஜ.க-வுக்குத்தான் போயிருக்கிறது. எஸ்.பி.ஐ வங்கி மட்டுமே தேர்தல் பத்திரங்களை விற்பனை செய்கிறது. எந்தக் கட்சிக்கு யார் யார் எவ்வளவு நிதி வழங்கியிருக்கிறார்கள் என்ற விவரம் எஸ்.பி.ஐ வங்கியிடம் இருக்கிறது. உச்ச நீதிமன்றம் உத்தரவிட்டிருப்பதால், அந்த விவரங்களை எஸ்.பி.ஐ வெளிப்படுத்த வேண்டும். அப்போது, பா.ஜ.க உள்ளிட்ட கட்சிகளுக்கு நிதி வழங்கியவர்கள் யார் யார் என்ற விவரம் வெளிப்படும்.அதானி - மோடி

‘பெரும் கார்ப்பரேட்களுக்கு வரிச்சலுகைகளையும், கடன் தள்ளுபடிகளையும் பல்லாயிரம் கோடிகளில் வாரி வழங்கியவதற்கு பிரதிபலனாக, பா.ஜ.க-வுக்கு தேர்தல் பத்திரங்கள் மூலமாக பல்லாயிரம் கோடி ரூபாய் கிடைத்திருக்கிறது என்பது எதிர்க்கட்சிகளின் குற்றச்சாட்டு. ’ஹிண்டன்பர்க் அறிக்கை’யைத் தொடர்ந்து, தொழிலதிபர் கௌதம் அதானிக்கும் பிரதமர் மோடிக்குமான தொடர்பு குறித்து பெரும் சர்ச்சை எல்லாம் எழுந்தது. அது குறித்து நாடாளுமன்றத்திலேயே எதிர்க்கட்சிகள் பகிரங்கமாக பல குற்றச்சாட்டுகளை முன்வைத்தன. `ஒரே நாடு ஒரே தேர்தல், தொகுதி மறுசீரமைப்பு..!’ - தமிழக அரசின் வாதமும் விளக்கமும்!

அந்தக் குற்றச்சாட்டுகளை பா.ஜ.க-வினர் அடியோடு மறுத்தனர். ஆனால், தேர்தல் பத்திரங்கள் நிதி தொடர்பான விவரங்கள் வெளியாகும் பட்சத்தில், அதில் சில குறிப்பிட்ட நிறுவனங்கள் அதிகபட்சமாக நன்கொடை அளித்திருப்பது தெரிய வந்தால், எதிர்க்கட்சிகளின் வாதத்துக்கு அவை வலுசேர்ப்பதாகி விடும். ‘கட்சிகளுக்கு வழங்கப்பட்ட நன்கொடை குறித்து அறிந்துகொள்ள மக்களுக்கு உரிமை இல்லை. பொதுமக்கள் எதை வேண்டுமானாலும் தெரிந்துகொள்ள முடியும் என்ற நிலை இருக்க முடியாது’ என்று உச்ச நீதிமன்றத்தில் பிரமாணப் பத்திரம் தாக்கல் செய்த பா.ஜ.க அரசு, தற்போது மௌனம் காக்கிறது என்று எதிர்க்கட்சிகள் விமர்சிக்கின்றன. எதிர்க்கட்சிகள் - மோடி

நாடாளுமன்றத் தேர்தல் நெருங்கிவரும் வேளையில் இப்படியொரு தீர்ப்பு வந்தது, பா.ஜ.க-வுக்குத்தான் பெரும் பாதிப்பை ஏற்படுத்துவதாக இருக்கிறது என்கிறார்கள் அரசியல் பார்வையாளர்கள். ‘பெரும் கார்ப்பரேட் நிறுவனங்களுடன் பா.ஜ.க அரசு ரகசியமாக உறவு வைத்திருக்கிறது’ என்ற எதிர்க்கட்சிகளின் விமர்சனம் உண்மை என்று ஆதாரங்களுடன் நிரூபணமானால், ‘நாங்கள் ஊழலுக்கு அப்பாற்பட்டவர்கள்; லஞ்சத்துக்கு எதிரானவர்கள்’ என்று பா.ஜ.க-வினரின் பெருமைப் பேச்சு இனி எடுபடாமல் போய்விடும் ஆபத்து உள்ளது!

அதே நேர்த்தில் பாஜக-வினரோ, ``இதில் பாஜக-வுக்கு எந்த பின்னடைவும் கிடையாது. அனைத்து கட்சிகளுக்கும் நிதி என்பது வங்கி வழியாக சென்றிருக்கிறது. நிறுவனங்கள், பொதுமக்களுக்கு எந்த கட்சி மீது நம்பிக்கை இருக்கிறதோ அவர்களுக்கு நிதியை வங்கிகள் மூலம் தருகிறார்கள். இதில் பாஜகவுக்கு மட்டும் பின்னடைவு என்று சொல்வதை ஏற்க முடியாது” என்கிறார்கள்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/47zomWY">
https://bit.ly/47zomWY />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/47zomWY">
https://bit.ly/47zomWY />

http://dlvr.it/T2rDQT

Read More

`இத்தாலியில் பூர்வீகச் சொத்து; புதுடெல்லியில் விவசாய நிலம்!’ - சோனியா காந்தி வேட்பு மனுவில் தகவல்

காங்கிரஸ் முன்னாள் தலைவர் சோனியா காந்தி இம்முறை மக்களவைத் தேர்தலில் போட்டியிடவில்லை. தனது உடல் நலத்தை காரணம் காட்டி தான் மக்களவைத் தேர்தலில் போட்டியிடவில்லை என்று தெரிவித்துள்ளார். அவர் இதுவரையில் போட்டியிட்டு வெற்றி பெற்ற ரேபரேலி தொகுதியில் பிரியங்கா காந்தி போட்டியிடுவார் என்று எதிர்பார்க்கப்படுகிறது. சோனியா காந்தி ராஜ்ய சபை தேர்தலில் போட்டியிட ராஜஸ்தானில் வேட்பு மனு தாக்கல் செய்துள்ளார். அவர் தாக்கல் செய்துள்ள பிரமாண பத்திரத்தில் தனக்கு இருக்கும் சொத்துக்கள் குறித்த விபரத்தை தெரிவித்துள்ளார். அதில் இத்தாலியில் தனது குடும்ப பூர்வீக சொத்தில் தனக்கு பங்கு இருப்பதாகவும், அதன் மதிப்பு ரூ.27 லட்சம் என்றும், அதில் இருந்து தனக்கு வருமானம் வந்து கொண்டிருப்பதாகவும் குறிப்பிட்டுள்ளார்.

இதற்காக ரிசர்வ் வங்கியிடம் ஒப்புதல் பெறப்பட்டு இருப்பதாகவும் அதில் தெரிவித்துள்ளார். இது தவிர தனக்கு ரூ.12.53 கோடி மதிப்புள்ள சொத்து இருப்பதாகவும் சோனியா காந்தி தெரிவித்துள்ளார். கடந்த ஐந்து ஆண்டுகளில் தனது சொத்து மதிப்பு ரூ.72 லட்சம் அதிகரித்து இருப்பதாகவும், 88 கிலோ வெள்ளி இருப்பதாகவும், 1.267 கிலோ தங்கம் இருப்பதாகவும், புதுடெல்லியில் ரூ.5.88 கோடி மதிப்புள்ள விவசாய நிலம் இருப்பதாகவும் சோனியா காந்தி குறிப்பிட்டுள்ளார்.

தனக்கு எம்.பி.சம்பளம், வங்கியில் இருக்கும் இருப்புத்தொகைக்கு வட்டி, மியூச்சுவல் பண்ட் டிவிடெண்ட், புத்தகங்களுக்கான ராயல்டி போன்ற வகைகளில் தனக்கு வருமானம் வருவதாக குறிப்பிட்டுள்ளார். அதோடு தனக்கு சொந்தமாக காரோ அல்லது மற்ற வாகனமோ இல்லை என்றும் சோனியா காந்தி குறிப்பிட்டுள்ளார்.

சோனியா காந்தியின் 2019-ம் ஆண்டு மக்களவைத் தேர்தல் பிரமாணப் பத்திரத்திலும் இத்தாலியில் உள்ள குடியிருப்பு சொத்துக்கள் குறிப்பிடப்பட்டிருந்தன, ஆனால் அதன் மதிப்பை அப்போது குறிப்பிடவில்லை என்பது குறிப்பிடத்தக்கது.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/47zomWY">
https://bit.ly/47zomWY />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/47zomWY">
https://bit.ly/47zomWY />

http://dlvr.it/T2qRrV

Read More

மணிப்பூர்: கலவரத்துக்கு காரணமான செல்ஃபி; காவலர் சஸ்பெண்ட், தீவைப்பு - வெடித்த வன்முறையில் 2 பேர் பலி

மணிப்பூரில் கடந்த ஆண்டில் இருந்து கலவரம் நடந்து கொண்டிருக்கிறது. பழங்குடியின மக்களான குக்கி இன மக்களும், மெய்தி இன மக்களும் தொடர்ந்து மோதல் போக்கு நீடித்து வருகிறது. இக்கலவரத்தில் 100-க்கும் அதிகமானோர் உயிரிழந்துவிட்டனர். ஆனாலும் இன்னும் கலவரம் முழுமையாக முடிவுக்கு வரவில்லை. கலவரம் முடிவுக்கு வந்தது போன்று இருக்கும். ஆனால் திடீரென மீண்டும் கலவரம் ஏற்படும்.

இதனிடையே சுரசந்த்பூர் மாவட்டத்தில் ஷியாம்லால் பால் என்ற போலீஸ்காரர் குக்கி இனத்தை சேர்ந்த சிலருடன் சேர்ந்து செல்ஃபி எடுத்துக்கொண்டார். ஷியாம்லால் செல்ஃபி எடுத்துக்கொண்ட நபர்கள் கையில் ஆயுதம் வைத்திருந்தனர். அவர்கள் கிராம பாதுகாவலர்கள் என்று கூறப்படுகிறது.

மலை உச்சியில் நின்று இந்த செல்ஃபி எடுத்துக்கொண்டனர். இந்த செல்ஃபி புகைப்படம் சோசியல் மீடியாவில் வெளியானது. உடனே ஷியாம்லால் பணியில் இருந்து சஸ்பெண்ட் செய்யப்பட்டார். அவரை மீண்டும் பணியில் சேர்க்கவேண்டும் என்று கோரி நேற்று மாலையில் சுரசந்த்பூரில் கலவரம் ஏற்பட்டது. 400க்கும் மேற்பட்ட கலவரக்காரர்கள் மாவட்ட கண்காணிப்பாளர் அலுவலகத்தை சூழ்ந்து கொண்டு ஷியாம்லாலை மீண்டும் பணியில் சேர்க்கவேண்டும் என்று கோரினர். அவர்கள் அங்கு நின்ற பஸ் ஒன்றுக்கு தீவைத்தனர்.

எஸ்.பி.அலுவலகத்திற்கு வெளியில் இருந்த அனைத்தையும் தீவைத்து கொளுத்தினர். அலுவலகத்தின் மீது போராட்டக்காரர்கள் கல் வீசித்தாக்கினர். இதனால் கலவரக்காரர்களை கலைக்க அவர்கள் மீது போலீஸார் கண்ணீர் புகைக்குண்டுகளை வீசினர். இதில் 25 பேர் காயம் அடைந்தனர். மேலும் இரண்டு பேர் உயிரிழந்தனர். மொபைல் இண்டர்நெட் சேவை துண்டிக்கப்பட்டது. இதனால் அங்கு பதட்டமான சூழ்நிலை இருந்து வருகிறது.

இக்கலவரத்திற்கு மாவட்ட போலீஸ் கண்காணிப்பாளர் தான் காரணம் என்று குக்கி இன மக்கள் தெரிவித்துள்ளனர். சுரசந்த்பூர் மாவட்டத்தில் குக்கி இன மக்கள் அதிகமாக இருக்கின்றனர். அடிக்கடி தங்களது பகுதிக்குள் புகுந்து போலீஸார் தாக்குவதாக குக்கி இன மக்கள் குற்றம் சாட்டியுள்ளனர். ஆனால் இக்குற்றச்சாட்டை போலீஸார் மறுத்துள்ளனர்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/47zomWY">
https://bit.ly/47zomWY />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/47zomWY">
https://bit.ly/47zomWY />

http://dlvr.it/T2q7fp

Read More

சசிதரூருக்கு எதிராக மத்திய அமைச்சர்... கேரளாவில் `வி.ஐ.பி’-களை களமிறக்கும் பாஜக!

கேரள மாநிலத்தில் பா.ஜ.க நாடாளுமன்ற தொகுதியை ஒன்றுகூட இதுவரை வென்றதில்லை. கடந்த 2016 சட்டசபை தேர்தலில் நேமம் தொகுதியில் கும்மனம் ராஜசேகர் வெற்றிபெற்று எம்.எல்.ஏ ஆனார். அதுதான் கேரளா சட்டசபையில் பா.ஜ.க-வின் வெற்றியாக அமைந்தது. ஆனால் நாடாளுமன்ற தேர்தலில் இதுவரை கணக்கை தொடங்காமலே உள்ளது பா.ஜ.க. ஆனால், வரும் நாடாளுமன்ற தேர்தலில் கேரளாவில் கால் பதிக்க பா.ஜ.க புதிய வியூகங்களை வகுத்து வருகிறது.

ஏற்கனவே சினேக யாத்திரை என்ற பெயரில் கிறிஸ்தவ மத தலைவர்களுக்கு கிறிஸ்துமஸ் வாழ்த்து போன்றவை தெரிவித்து வருகின்றனர். கேரளாவில் சிறுபான்மை கிறிஸ்தவ சமூகத்தை வளைக்க பா.ஜ.க அதீத முயற்சிகளை செய்து வருகிறது. மேலும், பிரதமர் நரேந்திர மோடியும் கேரளாவுக்கு அடிக்கடி விஜயம் செய்து வருகிறார். அதுமட்டும் அல்லாது, வரும் நாடாளுமன்ற தேர்தலில் மத்திய அமைச்சர்கள் உள்ளிட்ட பிரபலங்களை, நன்கு பரிச்சயமான முகங்களை கேரளாவில் களம் இறக்கவும் பா.ஜ.க தலைமை வியூகம் வகுத்து வருகிறது.காங்கிரஸ் எம்.பி சசிதரூர்

ராஜ்யசபா எம்.பி பதவி வரும் ஏப்ரலில் முடிவடைய உள்ள கேரளாவைச் சேர்ந்த மத்திய அமைச்சர் வி.முரளீதரன்  உள்ளிட்ட 7 சிட்டிங் அமைச்சர்களுக்கு மீண்டும் ராஜ்யசபா சீட் வழங்கவில்லை பா.ஜ.க தலைமை. அவர்களை நாடாளுமன்ற தேர்தலில் களம் இறக்க பா.ஜ.க முடிவு செய்துள்ளதாக தகவல் வெளியாகி உள்ளது.

கேரளா தலைநகரான திருவனந்தபுரத்தில் காங்கிரஸ் கட்சியைச் சேர்ந்த சசிதரூர்  சிட்டிங் எம்.பி-யாக உள்ளார். அவரை வீழ்த்தும் விதமாக மத்திய தகவல் தொழிநுட்பவியல் அமைச்சர் ராஜீவ் சந்திரசேகரை போட்டியிட வைக்க பா.ஜ.க தலைமை திட்டமிட்டுள்ளதாம். அதனால்தான் கடந்த முறை கர்நாடகாவில் இருந்து ராஜ்ய சபாவுக்கு தேர்ந்தெடுக்கப்பட்ட ராஜீவுக்கு மீண்டும் ராஜ்யசபா சீட் வழங்கப்படவில்லை என கூறப்படுகிறது.மத்திய அமைச்சர் வி.முரளீதரன்

மேலும் கேரளா-வைச் சேர்ந்த மத்திய இணை அமைச்சர் வி.முரளீதரன் மகாராஷ்டிரா-வில் இருந்து ராஜ்யசபா எம்.பி-யாக தேர்ந்தெடுக்கப்பட்டிருந்தார். இந்த நிலையில் அவரை ஆற்றிங்கல் தொகுதியில் போட்டியிட வைக்கும் விதமாக மீண்டும் ராஜ்யசபா சீட் வழங்கப்படவில்லை என கூறப்படுகிறது. மேலும், திருச்சூர் தொகுதியில் முன்னாள் ராஜ்யசபா எம்.பி-யும் நடிகருமான சுரேஷ் கோபியை களம் இறக்க பா.ஜ.க தயாராகிவருவதாக கூறப்படுகிறது. அதனால்தான் சுரேஷ்கோபி திருச்சூரை சுற்றியே அரசியல் செய்துவருகிறார். பா.ஜ.க இம்முறை கேரளாவில் கால்பதிக்க புது வியூகங்களை கையில் எடுத்துவருகிறது. இந்த வியூகங்கள் கைகூடுமா... பொறுத்திருந்து தான் பார்க்க வேண்டும்!

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/47zomWY">
https://bit.ly/47zomWY />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/47zomWY">
https://bit.ly/47zomWY />

http://dlvr.it/T2pwM3

Read More

தேர்தல் பத்திரம்:``உச்ச நீதிமன்ற தீர்ப்பை மதிக்கிறோம். ஆனால்..." - என்ன சொல்கிறது பாஜக?!

கார்ப்பரேட் நிறுவனங்கள், தனிநபர் எனப் பலரும் அரசியல் கட்சிகளுக்கு எளிதாக நிதியளிப்பதற்காக 2018-ல் தேர்தல் பத்திரங்கள் (Electoral Bonds) திட்டத்தை பா.ஜ.க அரசு கொண்டுவந்தது. இதன் மூலம் யார் எந்தக் கட்சிக்கு எவ்வளவு நிதி கொடுத்தார்கள் என்பதை ரகசியமாக வைத்திருக்கும் வகையிலும், இது தொடர்பாக, தகவல் அறியும் உரிமைச் சட்டத்தின் கீழும் குடிமக்கள் தகவல் பெற முடியாத வகையிலும் இந்தத் திட்டத்தை பா.ஜ.க அரசு வகுத்திருந்தது.உச்ச நீதிமன்ற நீதிபதிகள்

இதை எதிர்த்து உச்ச நீதிமன்றத்தில் மனுத்தாக்கல் செய்யப்பட்ட நிலையில், ஐந்து நீதிபதிகள் கொண்ட அமர்வில் இந்த வழக்கு நேற்று விசாரணைக்கு வந்தது. இந்த விசாரணையின் இறுதியில்,``தேர்தல் பத்திரங்கள் திட்டங்கள் சட்டத்துக்கு முரணானது. தகவல் அறியும் உரிமை மற்றும் பிரிவு 19 (1) (a)-க்கு எதிரானது. எனவே இந்த சட்டம் ரத்து செய்யப்படுகிறது" எனத் தீர்ப்பளித்திருக்கிறது.

இந்த நிலையில், பா.ஜ.க தலைவரும் முன்னாள் சட்ட அமைச்சருமான ரவிசங்கர் பிரசாத் பா.ஜ.க தேசிய தலைமை அலுவலகத்தில் செய்தியாளர்களைச் சந்தித்துப் பேசினார். அப்போது,`` தேர்தல் பத்திரங்கள் அரசியலமைப்பிற்கு முரணானவை என்று உச்ச நீதிமன்றத்தின் அரசியலமைப்பு அமர்வு வழங்கிய தீர்ப்பை பா.ஜ.க மதிக்கிறது. ஆனால், இந்தத் திட்டம் தேர்தல் நிதியில் வெளிப்படைத்தன்மையைக் கொண்டுவரும் நோக்கமாக அறிமுகப்படுத்தப்பட்டது. இது தொடர்பான தீர்ப்பு நூற்றுக்கணக்கான பக்கங்கள் இருக்கின்றன.ரவிசங்கர் பிரசாத், அமித் ஷா

எனவே, இதுதொடர்பான விளக்கமளிக்கும் முன்பு விரிவான ஆய்வு தேவைப்படும். பிரதமர் மோடி தலைமையிலான அரசு தேர்தல் நிதியைச் சீர்திருத்தும் முயற்சிகளை மேற்கொண்டது. தேர்தல் பத்திரங்கள் அறிமுகமும் அதன் ஒரு பகுதிதான். கார்ப்பரேட் நிறுவனங்கள் ஆளும் பா.ஜ.க அரசுக்கு லஞ்சம் வழங்க இந்த தேர்தல் பத்திரங்களைப் பயன்படுத்துவதாக எதிர்க்கட்சிகள் குற்றம்சாட்டி வருகின்றனர். ஊழல் மற்றும் லஞ்சத்தை அடிப்படையாகக் கொண்ட கட்சிகள் அத்தகைய குற்றச்சாட்டுகளைச் சுமத்தக்கூடாது" எனத் தெரிவித்திருக்கிறார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/47zomWY />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/47zomWYதேர்தல் பத்திரங்கள் மூலம் ரூ.16,500 கோடி... பாதிக்கும்மேல் பாஜக; எந்த கட்சிக்கு எவ்வளவு? முழு விவரம்


http://dlvr.it/T2pw9r

Read More