`இந்த 5 கேள்விகளுக்கு நாட்டின் பெண்கள் பதில் எதிர்பார்க்கிறார்கள் பிரதமரே!' - ஜெய்ராம் ரமேஷ் காட்டம்

உலகம் முழுவதும் இன்று சர்வதேச மகளிர் தினம் கொண்டாடப்படும் நிலையில், காங்கிரஸ் தலைவர் ஜெய்ராம் ரமேஷ், பிரதமர் மோடியிடம் இந்தியா முழுவதும் உள்ள பெண்கள் பிரச்னைகள் குறித்து 5 கேள்விகளை எழுப்பியிருக்கிறார்.

இது தொடர்பாக அவர் செய்தியாளர் சந்திப்பின்போது பேசுகையில், ``மணிப்பூரில் ஒரு வருடத்திற்கும் மேலாகத் தொடரும் உள்நாட்டுப் போரால் பாதிக்கப்பட்டுள்ள ஒரு மாநிலத்தில், பெண்கள் தாக்கப்பட்டு நிர்வாணமாக இழுத்துச் செல்லப்படும் வீடியோக்கள் வெளியாகியது. மணிப்பூர் மாநிலத்திலும் மத்தியிலும் பா.ஜ.க-வின் இரட்டை இன்ஜின் ஆட்சிதான் நடந்து வருகிறது. இன்றுவரை அந்த மாநிலத்திற்கு பிரதமர் ஏன் செல்லவில்லை... பாதிக்கப்பட்ட பெண்களை ஏன் கண்டுகொள்ளவில்லை?மணிப்பூர் பழங்குடி பெண்கள் நிர்வாணக் கொடுமை

பா.ஜ.க எம்.பி பிரிஜ் பூஷன் சரண் சிங்குக்கு எதிராக, இந்தியாவுக்குப் பெருமை சேர்ந்த மல்யுத்த வீராங்கனைகள் பாலியல் துன்புறுத்தல் குற்றச்சாட்டுகள் கூறியபோது இந்தியாவின் மகள்களுக்கு ஆறுதல் கூறாமல் பிரதமர் மோடி மௌனம் காத்தது ஏன்? இந்தப் பிரச்னையில் பிரதமரின் நிலைப்பாடு என்ன? பிரிஜ் பூஷன் சரண் சிங்கை `மோடி கா பரிவார்' மோடியின் குடும்ப உறுப்பினராக மோடி கருதுகிறாரா?

அத்தியாவசியப் பொருள்களின் விலைவாசி உயர்வைச் சமாளிக்க மோடி அரசு தவறிவிட்டது. உணவு மற்றும் அத்தியாவசியப் பொருள்களின் விலைகள் வேகமாக உயர்ந்து வருகின்றன. இந்த விலைவாசி உயர்வின் பாதிப்பிலிருந்து குடும்பங்களைப் பாதுகாக்கும் திட்டம் பிரதமரிடம் உள்ளதா?பிரதமர் மோடி

மோடியின் அநியாய ஆட்சியில் வேலை தேடும் பெண்களின் உயர் வேலையின்மை விகிதம் அதிகரித்து வருகிறது. டாக்டர் மன்மோகன் சிங்கின் தலைமையின்கீழ் இருந்த ஆட்சியில் தற்போதைய நிலையை விட 20 சதவிகிதம் குறைவாகத்தான் இருந்தது. இது பொருளாதாரத்தின் நீண்டகால திறனைக் குறைக்கும் போக்கு. பெண்களை மீண்டும் பொருளாதார நீரோட்டத்திற்குக் கொண்டு வரப் பிரதமரிடம் தீர்வு இருக்கிறதா?

`பேட்டி பச்சாவோ பேட்டி படாவோ' யோஜனா, அதாவது பெண் சிசுக்கொலையைத் தடுத்தல் மற்றும் கல்வியை மேம்படுத்துவதற்கான அர்த்தமுள்ள முன்முயற்சிகளுக்குப் பதிலாக அதன் பட்ஜெட்டில் கணிசமான தொகை விளம்பரங்களுக்கு மட்டும் ஒதுக்கப்பட்டிருக்கிறது. விளம்பரத்தில் தன் முகத்தைக் காட்டுவதற்குப் பிரதமருக்கு ஒரு வாய்ப்புக் களமா அது? இந்தியாவின் பெண்கள் பதில்களை எதிர்பார்க்கிறார்கள்" எனக் குறிப்பிட்டிருக்கிறார்.


http://dlvr.it/T3p7T1

Read More

சிறுமி கொலைக்கு நீதி கேட்டு எதிர்க்கட்சிகள் பந்த் போராட்டம் - ஒட்டு மொத்தமாக முடங்கிய புதுச்சேரி!

புதுச்சேரி, முத்தியால்பேட்டை சோலை நகரைச் சேர்ந்த சிறுமி, கடந்த 2-ம் தேதி தனது வீட்டின் அருகில் விளையாடிக் கொண்டிருந்தபோது மாயமானார். அதையடுத்து 5-ம் தேதி அதே பகுதியில் உள்ள கழிவு நீர் கால்வாயில், கை கால்கள் கட்டப்பட்ட நிலையில் சடலமாக மீட்கப்பட்டார். இந்த சம்பவத்தில் விவேகானந்தன், கருணாஸ் என இருவர் கைது செய்யப்பட்டிருக்கும் நிலையில், சிறுமி பாலியல் வன்கொடுமை முயற்சியில் கொலை செய்யப்பட்டிருப்பது முதல்கட்ட விசாரணையில் தெரிய வந்தது. அதையடுத்து ஒட்டுமொத்த புதுச்சேரியும் போராட்டக்களமாக மாறியது. அரசியல் கட்சிகள், சமூக பொதுநல அமைப்புகள், பொதுமக்கள், கல்லூரி மாணவர்கள் என அனைத்து தரப்பினரும் போராட்டங்களில் குதித்தனர்.புதுச்சேரி சிறுமி கொலை | போராட்டங்கள்

முத்தியால்பேட்டை, சோலை நகர் மற்றும் கோட்டக்குப்பம் பகுதிகளில், கடந்த இரண்டு நாட்களாக வணிகர்கள் தாங்களாகவே கடைகளை திறக்கவில்லை. இந்த நிலையில் சிறுமியின் உடல் நேற்று ஊர்வலமாக எடுத்துச் செல்லப்பட்டு, நல்லடக்கம் செய்யப்பட்டது. சிறுமியின் கொலைக்கு நீதி கேட்டும், கஞ்சா உள்ளிட்ட போதை கலாசாரத்திற்கு எதிராகவும் இந்தியா கூட்டணியும், அ.தி.மு.க-வும் தனித்தனியே இன்று பந்த போராட்டத்திற்கு அழைப்பு விடுத்திருந்தன. அதன் தொடர்ச்சியாக தனியார் பள்ளிகள் விடுமுறையை அறிவித்தன.

அதேபோல காலை மற்றும் மதிய காட்சிகள் ரத்து செய்யப்படுவதாக திரையரங்க உரிமையாளர்கள் தெரிவித்திருக்கின்றனர். அதன்படி இன்று காலை முதல் பந்த் போராடம் தொடங்கியது. புதுச்சேரி அரசுப் பேருந்துகள் இயக்கப்படும் என்று கூறப்பட்டிருந்தது. ஆனாலும் அந்தப் பேருந்துகளும் பெரும்பாலும் இயக்கப்படவில்லை. தமிழக அரசுப் பேருந்துகள் இயக்கப்பட்டாலும், அவை புதுச்சேரியில் எல்லைகளிலேயே திருப்பி விடப்படுகின்றன. அதனால் அங்கிருந்து புதுச்சேரி வரும் பயணிகளையும், புதுச்சேரியில் இருந்து தமிழகம் செல்லும் பயணிகளையும் தனியார் வாகனங்களில் எல்லைகளுக்கு அனுப்பி வைத்து வருகின்றனர் போலீஸார்.புதுச்சேரி சிறுமி கொலை |பந்த்

பள்ளிகளைப் பொறுத்தவரை பொதுத் தேர்வுகள் நடைபெறும் என்று மாவட்ட ஆட்சியர் அறிவித்திருக்கும் நிலையில், தேர்வு எழுதச் செல்லும் மாணவர்களுக்கு எந்த தடையையும் ஏற்படுத்த மாட்டோம் என்று பந்த போராட்டம் நடத்தும் அரசியல் கட்சிகளும் தெரிவித்திருக்கின்றன. அதேபோல பெரிய மார்க்கெட், வர்த்தக வீதியான நேரு வீதி, காந்தி வீதி உள்ளிட்ட பகுதிகளிலும், கிராமப்பகுதிகளில் உள்ள கடைகளும் முழுமையாக அடைக்கப்பட்டிருக்கிறது. இதனால் ஒட்டுமொத்தமாக முடங்கியிருக்கிறது புதுச்சேரி.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/47zomWY />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/47zomWY`போதை நகரமாக மாறியதுதான் சிறுமி கொலைக்குக் காரணம்!’ - புதுச்சேரி அரசுக்கு வலுக்கும் எதிர்ப்பு


http://dlvr.it/T3nk1w

Read More

``ரஷ்யாவிலிருக்கும் என் மகனை உயிரோடு பார்க்க வேண்டும்!" - அரசிடம் மன்றாடும் கர்நாடக போலீஸ் அதிகாரி

தெலங்கானா, குஜராத், கர்நாடகா, ஜம்மு காஷ்மீர், உத்தரப்பிரதேசத்தைச் சேர்ந்த ஆண்கள், துபாயில் வசிப்பவரால் அதிக சம்பளம் என்ற பெயரால் ரஷ்யாவுக்கு அழைத்துச் செல்லப்பட்டு, ஏமாற்றி உக்ரைனுக்கு எதிராக ரஷ்ய ராணுவத்தில் ஈடுபட வைத்ததாக சமீபத்தில் ஒவைசி குற்றச்சாட்டு முன்வைத்திருந்தார். அதையடுத்து, அங்கு சிக்கிக்கொண்டவர்களை மீட்க நடவடிக்கை எடுத்துவருவதாக இந்திய வெளியுறவுத்துறை கூறிவந்தது.ஹைதராபாத் இளைஞர் முகமது அஸ்ஃபான்

இத்தகைய சூழலில், அவ்வாறு ரஷ்யாவுக்கு அழைத்துச் செல்லப்பட்ட ஹைதராபாத் இளைஞர் முகமது அஸ்ஃபான் (30) என்பவர், ரஷ்யாவில் உயிரிழந்ததாக ரஷ்யாவிலிருக்கும் இந்திய தூதரகம், தனது அதிகாரபூர்வ X சமூக வலைதளப் பக்கத்தில் நேற்று பதிவிட்டது. ஆனால், முகமது அஸ்ஃபான் அங்கு எவ்வாறு உயிரிழந்தார் என்ற காரணத்தை இந்திய தூதரகம் கூறவில்லை.

இருப்பினும், உக்ரைனுக்கு எதிரான போரில் எல்லையில் ராணுவப் பணியில் ஈடுபட்டிருந்தபோது முகமது அஸ்ஃபான் சுட்டுக்கொல்லப்பட்டதாகக் கூறப்படுகிறது. அதோடு, முகமது அஸ்ஃபான் ராணுவ உடையில் இருக்கும் படங்களும் சமூக வலைதளங்களில் பரவி வருகின்றன. இந்த நிலையில், கர்நாடக மாநிலம், கலபுர்கி மாவட்டத்திலுள்ள மட்பூல் காவல் நிலையத்தில் தலைமைக் காவலராக பணிபுரியும் சையத் நவாஸ் அலி, இந்த செய்தியறிந்த பிறகு தன்னுடைய மகனும் ரஷ்யாவில் சிக்கியிருப்பதாகவும், அவரை உயிரோடு மீட்டுவர அரசிடம் மன்றாடுவதாகவும் தெரிவித்திருக்கிறார்.போலீஸ்

இது குறித்து தனியார் ஊடகத்திடம் பேசியிருக்கும் சையத் நவாஸ் அலி, ``என் மகன் சையத் இலியாஸ் ஹுசைனி (22), ஓரிரு ஆண்டுகள் துபாயில் வேலைபார்த்துவந்தார். பின்னர், மாஸ்கோவில் ரூ.70,000 சம்பளத்தில் வேலைவாங்கித் தருவதாக ஹுசைனியை ஏஜென்ட் ஒருவர் தொடர்புகொண்டார். இதுவே அவரை அங்கு செல்லத் தூண்டியது. டிசம்பரில் வீட்டுக்கு வந்த ஹுசைனி சில நாள்கள் இங்கிருந்தார். தற்போது, அவருடன் பேசியே ஐந்து நாள்கள் ஆகிறது. அவரைத் தொடர்புகொள்ள முடியவில்லை. என் மகன் உயிருடன் திரும்பி வருவதை நான் பார்க்க வேண்டும். இப்போது என்ன செய்ய வேண்டும், யாரைத் தொடர்புகொள்வது... அவர் உயிருடன் இருக்கிறாரா என்பதுகூட எங்களுக்குத் தெரியாது. என் மகனைக் காப்பாற்ற அரசிடம் மன்றாடுகிறேன்" என்று தெரிவித்திருக்கிறார்.காவல்துறை

மேலும், ``ஹுசைனியுடனான கடைசியாக தொலைபேசி அழைப்பில், தற்போது எல்லையில் பணியமர்த்தப்பட்டிருப்பதாகவும், எப்போது வேண்டுமானாலும் போர்க்களத்துக்குச் செல்லலாம் என்றும் அவர் கூறினார். அவர் பதட்டமாக இருப்பதாக எங்களுக்குத் தோன்றியது. ஆனால், அதை எங்களிடம் காட்டவில்லை" என்றும் சையத் நவாஸ் அலி கூறியிருக்கிறார். இந்த விவகாரத்தைப் பொறுத்தவரை, சையத் நவாஸ் அலி கடந்த மாதமே, கலபுர்கி துணை கமிஷனர் ஃபவுசியா, மாநில அமைச்சர் பிரியங்க் கார்கே ஆகியோருக்கு கடிதம் எழுதியிருந்தார்.ரஷ்ய ராணுவத்தில் சிக்கிக்கொண்ட இந்திய இளைஞர் உயிரிழப்பு... போரில் கொல்லப்பட்டாரா?!


http://dlvr.it/T3l5qD

Read More

Delhi Chalo: `விவசாயிகள் போராட்டத்தில் குழந்தைகளை ஈடுபடுத்துவதா..?' - நீதிமன்றம் அதிருப்தி

பஞ்சாப், ஹரியானா விவசாயிகள், பயிர்களுக்குக் குறைந்தபட்ச ஆதரவு விலைக்கு சட்டப்பூர்வ உத்தரவாதம் உள்ளிட்ட கோரிக்கைகளை வலியுறுத்தி, 'டெல்லி சலோ' போராட்டத்தை முன்னெடுத்திருக்கின்றனர். பஞ்சாப் - ஹரியானா இடையேயான ஷம்பு, கானௌரி எல்லைப் பகுதியில் தொடர்ந்து போராடிவருகின்றனர். இந்தப் போராட்டத்தைக் கட்டுப்படுத்த, சாலையில் ஆணி, கண்ணீர்ப் புகைக்குண்டு, ரப்பர் குண்டுத் தாக்குதல், லத்தி சார்ஜ் உள்ளிட்ட பல்வேறு வழிமுறைகளை அரசு கையாண்டும் போராட்டம் கட்டுப்பட்டப்பாடில்லை.டெல்லி விவசாயிகள் போராட்டம்

இந்த நிலையில், கடந்த பிப்ரவரி 21 அன்று போராட்டக்காரர்கள் மீது துப்பாக்கிச்சூடு நடத்தப்பட்டதில் பதிண்டா மாவட்டத்தைச் சேர்ந்த 24 வயதான சுப்கரன் சிங் என்ற விவசாயி உயிரிழந்தார். விவசாயிகள் போராட்டம், விவசாயி பலி உள்ளிட்ட பொது மனுக்கள் தொடர்பான விசாரணை இன்று ஹரியானா - பஞ்சாப் உயர் நீதிமன்றத்தில் நடந்தது. அதைத் தொடர்ந்து நீதிமன்ற அமர்வு, ``பஞ்சாப்-ஹரியானா எல்லையில் கடந்த பிப்ரவரி 21-ம் தேதி போராட்டத்தில் ஈடுபட்ட விவசாயி சுப்கரன் சிங் உயிரிழந்த சம்பவம் தொடர்பாக நீதி விசாரணை நடத்த வேண்டும்.

வெளிப்படைத்தன்மைக்கான காரணங்களுக்காக விசாரணையை பஞ்சாப் அல்லது ஹரியானா அரசுகளிடம் ஒப்படைக்க முடியாது. ஓய்வுபெற்ற உயர் நீதிமன்ற நீதிபதி, ஹரியானா மற்றும் பஞ்சாப் மாநிலத்தைச் சேர்ந்த ஏ.டி.ஜி.பி அந்தஸ்தில் உள்ள இரண்டு அதிகாரிகள் உள்ளிட்ட மூன்று பேர் கொண்ட குழு அமைக்கப்படும். ஏ.டி.ஜி.பி அதிகாரியின் பெயர்களை மாலை 4 மணிக்குள் தெரிவிக்க வேண்டும் என இரு மாநில அரசுக்கும் உத்தரவிடப்படுகிறது. இந்தப் போராட்டத்தில் குழந்தைகள் கேடயமாகப் பயன்படுத்தப்பட்டது முற்றிலும் வெட்கக்கேடானது!Farmers Protest | விவசாயிகள் ‘டெல்லி சலோ’ போராட்டம்

பள்ளியில் படிக்க வேண்டிய குழந்தைகளுக்கு அவர்கள் இருக்கக்கூடாத இடத்தைக் காட்டுகிறார்கள்... இது ஒரு போர் போன்ற சூழலை ஏற்படுத்தியிருக்கிறது. போராட்டக்காரர்கள் மீது ஹரியானா காவல்துறை எந்த வகையான தோட்டாக்கள் மற்றும் பெல்லட்டுகளைப் பயன்படுத்தியது என்பது குறித்த விவரங்களைத் தெரிவிக்க வேண்டும். விவசாயிகளுக்குப் போராட்டம் நடத்த உரிமை உண்டு, ஆனால் அது நியாயமான கட்டுப்பாடுகளுக்கு உட்பட்டது. விவசாயிகள் போராட்டத்திற்காக டிராக்டர்கள் போன்ற வண்டிகளில் செல்வதை ஏற்றுக்கொள்ள முடியாது.

மோட்டார் வாகனச் சட்டத்தின்படி, நெடுஞ்சாலையில் டிராக்டர்கள் போன்ற வாகனங்களை பயன்படுத்த முடியாது... அமிர்தசரஸிலிருந்து டெல்லிக்கு டிராக்டர்கள் போன்ற வண்டிகளில் பயணம் செய்கிறீர்கள்... அந்த சாலையில் பயணிக்க அனைத்து பொதுமக்களுக்கும் உரிமை இருக்கிறது. அரசுக்கு அரசியலமைப்பு கடமைகளும் இருக்கின்றன என்பதை நினைவில் நிறுத்துங்கள்" எனக் குறிப்பிட்டது.மீண்டும் வெடித்தது விவசாயிகள் போராட்டம்... தேர்தல் நேரத்தில் பாஜக-வுக்கு தலைவலியா?!


http://dlvr.it/T3l5Vf

Read More

விசிக-வின் Other State Politics... `போட்டி’ என அறிவித்ததன் நோக்கம் என்ன?!

தெலங்கானா, ஆந்திரா, கேரளா ஆகிய மாநிலங்களிலும் விடுதலை சிறுத்தைகள் கட்சிப் போட்டியிடப் போவதாக அறிவித்திருகிறார் கட்சித் தலைவர் திருமாவளவன். மற்ற மாநில தேர்தல் களத்தில் வி.சி.க களமிறங்குவதன் பின்னணி குறித்து விசாரித்தோம்.

தி.மு.க கூட்டணியில் வி.சி.க-வுக்கு எத்தனை சீட் என முடிவாகாமல் இழுபறி நீடிக்கும் இச்சூழலில், தெலங்கானாவில் பத்து தொகுதிகளிலும், கர்நாடகாவில் ஆறு தொகுதிகளிலும், கேரளாவில் மூன்று தொகுதிகளிலும் போட்டியிடுவதாக அறிவித்திருக்கிறார் கட்சியின் தலைவர் தொல்.திருமாவளவன்.

ஒருபுறம் இது, இது பானை சின்னத்தை பெறுவதற்கான யுக்தி எனச் சொல்லப்படுகிறது. சின்னம் ஒதுக்குவதில் பா.ஜ.க தன்வேலையை காட்டலாம் என்பதால் கவனமாக கையாளுகிறது வி.சி.க என்கிறார்கள். 11 மாநிலங்களிலும் போட்டிபோடுகிறோம் என விண்ணபித்து பாரதிய பிரஜா ஆகியதா என்ற கட்சி நாம் தமிழர் கட்சிக்கு கடந்த தேர்தல்களில் ஒதுக்கப்பட்ட கரும்பு விவசாயி சின்னத்தை கொடுத்துவிட்டது இந்திய தேர்தல் ஆணையம். அதுபோல் ஆகிவிடக் கூடாதென்பதால் தமிழ்நாடு உள்பட 5 மாநிலத்தில் போட்டியிடுகிறோம் என அறிவித்துள்ளது வி.சி.க என்கிறார்கள் அரசியல் பார்வையாளர்கள் சிலர்.திருமாவளவன்

சின்னத்துக்கான மட்டும் போட்டியிடவில்லை என மறுப்புடன் பேசத் தொடங்கிய வி.சி.க-வினர் சிலர், ``பல ஆண்டுகளாகவே, தெலங்கானா, கர்நாடகா, ஆந்திரா மற்றும் கேரளா ஆகிய மாநிலங்களில் கட்சி வளர்ச்சி பணிகள் மேற்கொள்ளப்பட்டன. குறிப்பாக கடந்தாண்டு, செப்டம்பரில் ஆந்திர மாநிலத்துக்கும் மே மாதம் நடந்த கர்நாடகா மாநிலத் தேர்தலிலும் காங்கிரஸ் கட்சிக்காக வி.சி.க வலுவாக இருக்கக்கூடிய பகுதிகளில் பிரசாரம் மேற்கொண்டதோடு, கட்சி நிகழ்ச்சிகளும் நடத்தப்பட்டன.

தேர்தலில் போட்டியிடும் அளவுக்கு தெலங்கானா, ஆந்திரா, கேரளாவில், கர்நாடகா ஆகிய மாநிலங்களில் கட்டமைப்பு உருவாக்கி விட்டதனால் களமிறங்குகிறது வி.சி.க” என்றனர். திருமாவளவன்

விவரமறிந்தவர்கள் சிலரோ, ``இந்திய அரசியலில் பட்டியல் சமூகத்தின் பிரதிநிதியாகத் தன்னை அடையாளப்படுத்திக்கொண்ட பல அரசியல் கட்சித் தலைவர்கள் தற்போதைய நிலையில் பா.ஜ.க-வுடன் கைகோர்ப்பதும், பா.ஜ.க-வோடு மென்மையான போக்கைக் கைபிடிப்பதுமாக இருக்கிறார்கள். எனவே பா.ஜ.க எதிர்ப்பு மனநிலை கொண்ட பட்டியல் சமூக வாக்காளர்களைக் குறிவைத்துக் காய்நகர்த்துகிறது விடுதலை சிறுத்தைகள் கட்சி. ஆனால் தெலங்கானா, கேரளா மற்றும் கர்நாடகா ஆகிய மாநிலங்களில் `இந்தியா’ கூட்டணியுடன் தொகுதி பங்கீடு செய்துகொள்ள வாய்ப்பே இல்லை என்பது வி.சி.க-வுக்குள்ள சிக்கல். தனித்து களமிறங்கினால் அது `இந்தியா’ கூட்டணிக்குஎதிராக போய்விடாதா என்ற கேள்வியும் கிளம்பிருக்கிறது” என்றனர்.

நம்மிடம் பேசிய தலைமைக்கு நெருக்கமான வி.சி.க-வினர் ``விடுதலை சிறுத்தைகள் கட்சி பிற மாநிலங்களில் வளர்ந்து வருகிறது. அதற்கான அங்கீகாரமாகவும், மக்கள் மத்தியில் இன்னும் வீரியமாக கொண்டு செல்லவும்தான் போட்டியிடுவோம். பா.ஜ.க-வுக்கு எதிரான பிரச்சாரத்தைதான் வி.சி.க முன்வைக்கும். வாய்ப்புள்ள இடங்களில் கூட்டணி வைப்போம். இல்லையென்றால் தனித்து களமிறங்குவோம். `இந்தியா கூட்டணியின் வெற்றி பாதிக்காத வகையில் விசிக தென்மாநிலங்களில் போட்டியிடும்’ என திருமாவளவன் சொல்லி இருக்கிறார். மற்ற அறிவிப்புகள் விரைவில் வெளியாகும்” என்றனர்.

இந்தியா கூட்டணி வேட்பாளர்கள் களமிறங்கும் தொகுதியில் விசிக வேட்பாளரை நிறுத்தும் எனில், அது எப்படி இந்தியா கூட்டணி வேட்பாளரின் வெற்றியை பாதிக்காமல் இருக்கும் என்ற கேள்விக்கு அவர்கள் தான் பதில் சொல்ல வேண்டும்.!

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/47zomWY />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/47zomWY``திருமாவளவன் எதிர்காலத்தில் ஏன் துணை முதலமைச்சராக உருவாக கூடாது?!” - கேட்கிறார் விசிக ஆதவ் அர்ஜூனா


http://dlvr.it/T3l5BH

Read More

`நாம் தமிழர்’ கட்சியும் கரும்பு விவசாயி சின்ன விவகாரமும்... பழிவாங்கலா, நடைமுறையா?!

நாம் தமிழர் கட்சியின் வசமிருந்த கரும்பு விவசாயி சின்னத்தை வேறு கட்சிக்கு ஒதுக்கியுள்ளது இந்திய தேர்தல் ஆணையம். இவ்விவகாரத்தில் நாம் தமிழர் கட்சிக்கும், பா.ஜ.க-வுக்கும் வார்த்தை மோதல் முற்றியிருக்கிறது. `இது பா.ஜ.க-வின் அப்பட்டமான பழிவாங்கல்’ என சாடுகிறது நாம் தமிழர் கட்சி. `தாமதமாக விண்ணபித்ததே நா.த.க சின்னம் பறிபோக காரணம்’ என்கிறது பா.ஜ.க தரப்பு. இது `பழிவாங்கலா... இல்லை இது தான் நடைமுறை யதார்த்தமா?’நாம் தமிழர் கட்சி சின்னம்

2019 நாடாளுமன்றத் தேர்தல் மற்றும் 2021 சட்டமன்றத் தேர்தல்களில் நாம் தமிழர் கட்சிக்கு கரும்பு விவசாயி சின்னத்தை ஒதுக்கியது இந்திய தேர்தல் ஆணையம். கரும்பு விவசாயி சின்னத்தில் போட்டியிட்டு 2019-ல் 3.8 சதவீத வாக்குகளும் 2021 தேர்தலில் 6.87 சதவீத வாக்குகளும் பெற்றது நா.த.க. இந்நிலையில் `கன்னா கிசான்’ என்ற கரும்பு விவசாயி சின்னத்தை கர்நாடகவை சேர்ந்த பாரதிய பிரஜா ஆகியதா என்ற கட்சிக்கு ஒதுக்கப்பட்டுள்ளது. அந்த கட்சி 2022-ல் தொடங்கப்பட்டதாகவும் அதுவொரு லெட்டர்பேட் கட்சி என்றும் விமர்சிக்கிறது நா.த.க.

தேர்தலுக்கு இன்னும் 2 மாதங்கள்கூட இல்லாத நிலையில், கட்சியின் சின்னம் பறிக்கப்பட்டிருப்பது நா.த.க-வினரிடையே கொதிப்பை ஏற்படுத்தியுள்ளது. மேலும் இந்திய தேர்தல் ஆணையம் விதிமுறைகள் எதையுமே பின்னபற்றவில்லை எனக் குற்றம்சாட்டுகிறார்கள். `அ.தி.மு.க, தி.மு.க-வுக்கு பிறகு தமிழ்நாட்டில் தனித்து நின்று அதிக வாக்கு சதவீதம் வைத்திருக்கும் நா.த.க-வின் இடத்தை பா.ஜ.க பிடிக்க வேண்டும் என எண்ணத்தில் பழிவாங்குகிறது. எங்கள் வளர்ச்சியால் வயிற்றெரிச்சல் அடைந்து பா.ஜ.க இப்படியான நடவடிக்கை மேற்கொள்கிறது’ எனவும் சாடுகிறார்கள் நாம் தமிழர் கட்சியினர். சீமான்

`ஆனால் பா.ஜ.க தரப்பிலோ, சின்னத்தை பெற வேண்டிய தேதியில் பதிவு செய்யாமல் கோட்டைவிட்டுவிட்டு இப்போது வந்த எங்கள்மீது பழிவாங்கல் புகார் கொடுப்பது நகைப்பை ஏற்படுத்துகிறது’ என பதில் தருகிறார்கள். சின்னத்தை மீண்டும் எங்களுக்கே ஒதுக்க வேண்டுமென டெல்லி உயர் நீதிமன்ற மன்றத்தை நாடினார்கள். அதுவும் கைகொடுக்க வில்லை.

இந்நிலையில் உச்ச நீதிமன்றத்தை நாடியிருக்கிறது நாம் தமிழர் கட்சி. இதற்கிடையில் தமிழ்நாடு தேர்தல் ஆணையரையும் சீமான் சந்தித்து கரும்பு விவசாயி சின்னம் ஒதுக்க கோரிக்கை விடுத்துள்ளார்.கன்னா கிசான் சின்னம்

சின்னம் விவகாரத்தில் நா.த.க-வின் குற்றசாட்டுக்கு பதிலளித்து பேசிய தமிழ்நாடு பா.ஜ.க தலைவர் அண்ணாமலை, ``நா.த.க-வுக்கு கரும்பு விவசாயி சின்னம் வேண்டுமென்றால் முதலில் விண்ணபிக்க வேண்டும். யார் முதலில் செல்கிறார்களோ அவர்களுக்குத்தான் சின்னம் கிடைக்கும். சென்னையில் வெள்ளம் வந்துவிட்டதால் விண்ணப்பிக்க முடியவில்லை என்கிறார்கள். அவர்கள் விண்ணப்பிக்க கூடாதென நான் தடுக்கவில்லை. இதில் அண்ணாமலைக்கும், பா.ஜ.க-வுக்கும் நாம் தமிழர் கட்சிக்கு இதற்கு முன்பு ஒதுக்கப்பட்ட சின்னம் மீண்டும் ஒதுக்கப்படாததற்கும் என்ன தொடர்பு இருக்கிறது?” எனக் காட்டமாக வினவினர்.அண்ணாமலை

இதுகுறித்து விளக்கம் கேட்டு நா.த.க-வின் மாநில செய்தி தொடர்பாளர் பாக்கியராசனிடம் பேசினோம், ``நடப்பு ஆட்சி முடிவதற்கு ஆறு மாதங்களுக்கு முன்பிருந்து தேர்தல் தேதி அறிவிக்கும் நாளுக்கு 5 நாளுக்கு முன்னர் வரை பொதுச் சின்னத்திற்குப் பதிவு செய்யப்பட்ட அங்கீகரிக்கப்படாத கட்சிகள் விண்ணப்பிக்கலாம் என்பதே விதி. எனவே விண்ணப்பிக்க கால வரையறை இன்று வரை முடிவடையவில்லை. மேலும் மூன்று வருடம் வருமானவரி கட்டிய விவரமும், இரண்டு தேர்தல் செலவுகளைத் தேர்தல் ஆணையத்தில் தாக்கல் செய்த விவரமும் இணைத்து விண்ணப்பித்தால் மட்டுமே பொதுச் சின்னம் கொடுக்கப்படும் என்பது சின்னம் ஒதுக்குவதற்கான விதிமுறைகள். இதையடுத்து பிப்ரவரி முதல் வாரம் விவசாயி சின்னம் கேட்டு போதிய ஆவணங்களுடன் விண்ணபித்தோம். சீமான்

ஆனால் கரும்பு விவசாயி சின்னத்தைக் கர்நாடகாவை சார்ந்த 2022-ல் தொடங்கிய ஒரு கட்சிக்குக் கொடுத்திருக்கிறார்கள். இதுகுறித்து தேர்தல் ஆணையத்தில் விளக்கம் கேட்டபோது, அவர் முன்பே விண்ணப்பித்திருக்கிறார்கள், அதோடு தேசிய கட்சியாகப் பதிவு செய்திருக்கிறார்கள் அதனால் தரப்பட்டிருக்கலாம் என்ற பதிலை சொன்னார்கள். தேர்தல் ஆணையத்தின் விதியை எதையுமே பின்பற்றாத ஒரு கட்சிக்கு எப்படிச் சின்னம் ஒதுக்கினீர்கள் என்றும், அந்தக் கட்சி இருக்கும் கர்நாடகாவில் அவர்கள் வேறு சின்னதை வாங்கிவிட்டு அவர்கள் கட்சி உருவாக்கப்படாத தமிழ்நாடு உள்ளிட்ட 11 மாநிலங்களில் நாங்கள் விண்ணப்பித்த சின்னத்தைப் பெற்றிருப்பதற்குப் பின்னால் எங்களை முடக்கவேண்டும் என்ற நோக்கமிருக்கிறது என்ற கேள்வியையும் முன்வைத்தோம். அதற்கு எந்தப் பதிலையும் தேர்தல் ஆணையம் தரவில்லை.சே.பாக்கியராசன்

அதன் பின்னர்... First Come First Serve என்பதே சட்டவிரோதம், யார் தகுதி வாய்ந்த கட்சியோ அதற்குத் தான் முன்னுரிமை கொடுக்க வேண்டும். விண்ணப்பிப்பதற்கான காலம் முடியும் முன்னரே முதலில் விண்ணப்பித்தார் என்று அவசர அவசரமாகச் சின்னத்தை எடுத்துக்கொடுப்பது ஜனநாயகமற்ற செயல். மேலும் சின்னத்தை பெற்றுள்ள அந்த கட்சி எந்த வரையரைகளையும் கொண்டிருக்கவில்லை. எனவே திட்டமிட்டு ஒரு சின்னத்தை இன்னொருவருக்குக் கிடைக்காமல் முடக்கவேண்டும் என்ற நோக்கத்தில் செய்யும் காரியத்தை தேர்தல் ஆணையமே துணை போவது கொடுமை என டெல்லி உயர் நீதிமன்றத்தில் வாதிட்ட நிலையில் வழக்கு தள்ளுபடி ஆகியது மிகுந்த ஏமாற்றத்தை தருகிறது. எனவே. உச்சநீதிமன்றம் சென்றிருக்கிறோம்” என்றார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/47zomWY />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/47zomWY'உண்மை தெரிந்து பேசுங்கள்..!' - சின்னம் விவகாரத்தில் சீமானுக்கு அண்ணாமலை பதில்


http://dlvr.it/T3l4qX

Read More

Indelible ink: தேர்தல் மை தயாரிக்கும் பணி 70% முடிந்தது... சுவாரஸ்ய தகவல்கள்!

தேர்தல் சமயங்களில் வாக்களிக்கும் நபர்களுக்கு கை விரல்களில் விரைவில் அழியா மை (indelible ink) வைக்கப்படும். இதன் மூலம் கள்ள ஒட்டு போடுவது, ஏமாற்றுவது போன்ற தவறுகள் தவிர்க்கப்படுகிறது. 2024 மக்களவைத் தேர்தலுக்கு அரசு தயாராகி வரும் நிலையில், அழியாத மை தயாரிக்கும் பணி 70% முடிந்துள்ளதாக மைசூரு நிறுவனம் தெரிவித்துள்ளது.

சுருக்கமாக எம்பிவிஎல் என அறியப்படும் `மைசூரு பெயின்ட்ஸ் அண்ட் வார்னிஷ் லிமிடெட்’ நிறுவனம் தேர்தலுக்கான மை தயாரிக்கும் ஆர்டர்களை வாங்கி உள்ளது. கர்நாடக அரசின் கட்டுப்பாட்டில் இயங்கும் இந்நிறுவனம், 1962-ம் ஆண்டு முதல் தேர்தல் ஆணையத்துக்கான மையைத் தயாரித்து வருகிறது. `217 முறை கோவிட் தடுப்பூசி செலுத்திக் கொண்டவர்...' ஆராய்ச்சியாளர்களைத் திணறடித்த நபர்..?!

தேர்தல் மை தயாரிப்பு குறித்து பேசியுள்ள நிறுவனத்தின் மேனேஜிங் டைரக்டர் கே முகமது இர்பான், ``தேர்தலுக்கான மை தயாரிக்கும் பணி 70% முடிந்துவிட்டது. மீதமுள்ளவை மார்ச் 15-ம் தேதிக்குள் முடிக்கப்படும். 

2024 பொதுத் தேர்தலுக்காக தேர்தல் ஆணையத்திடம் இருந்து பெற்ற ஆர்டர்தான் இதுவரை கிடைத்த மிகப்பெரிய ஆர்டர். வடகிழக்கு மற்றும் ஜம்மு காஷ்மீர் மாநிலங்களுக்கு மை நிரம்பிய குப்பிகளை டெலிவரி செய்துவிட்டோம். தற்போது கேரளா, கர்நாடகா, ஆந்திரா மற்றும் தெலுங்கானா மாநிலங்களுக்கு மை தயாரித்து வருகிறோம். வரவிருக்கும் தேர்தலுக்காக பல்வேறு மாநிலங்களுக்கு 26 லட்சம் குப்பிகளில் அழியாத மை வழங்கி உள்ளோம்’’ என்று கூறியுள்ளார்.

அழியாத மை குறித்து நீங்கள் தெரிந்து கொள்ள வேண்டிய தகவல்கள்…

*கள்ள ஒட்டு போடுவதைத் தவிர்க்க அழியாத மையை டெல்லியில் உள்ள தொழில்துறை ஆராய்ச்சி கவுன்சில் - தேசிய இயற்பியல் ஆய்வகம் உருவாக்கியது. இதில் சில்வர் நைட்ரேட் உள்ளது. நகம் மற்றும் ஒளிக்கு வெளிப்படும்போது எதிர்வினையாற்றி கருமையாக மை மாறுகிறது. 

*இந்த மையில் ஆல்கஹால் போன்ற ஒரு கரைப்பான் பயன்படுத்தப்படுகிறது. அதனால் கையில் பட்டவுடன் விரைவிலேயே உலர்ந்து விடுகிறது. மை வைக்கப்படும் இடத்தில் ஊதா நிற அடையாளம் ஏற்படுகிறது. மூன்று நாட்களுக்கு மேலாக மை கையில் இருக்கும்.

*10 மில்லி மை குப்பியில் இருந்து சுமார் 700 பேரின் விரல்களில் மை வைக்கலாம். கோவிட்`217 முறை கோவிட் தடுப்பூசி செலுத்திக் கொண்டவர்...' ஆராய்ச்சியாளர்களைத் திணறடித்த நபர்..?!

*வாக்களித்ததற்கு ஆதாரமாக ஒருவரின் இடது கையில் உள்ள ஆள்காட்டி விரலில் மை வைக்கப்படும். அவருக்கு இடது கையில் ஆள்காட்டி விரல் இல்லையென்றால், இடது கையில் உள்ள மற்ற ஏதேனும் ஒரு விரலில் மை வைக்கப்படும். இடது கையில் அனைத்து விரல்களும் இல்லையென்றால் வலது கையின் ஆள்காட்டி விரலிலோ அல்லது வேறு ஏதேனும் விரலிலோ மை வைக்கப்படும்.  

*ஒரு வேளை இரண்டு கைகளின் விரல்களும் இல்லாமல் இருந்தால் தோளின் இடது அல்லது வலது பக்கத்தில் மை வைக்கப்படும் என்று தேர்தல் விதிமுறைகள் கூறுகின்றன. 

*தேர்தல் சமயத்தைத் தாண்டி, கோவிட் தொற்று சமயத்தில் இந்த மை பயன்படுத்தப்பட்டது. தனிமைப்படுத்தலில் இருந்தவர்களை அடையாளம் காண சில மாநிலங்களில் மையை பயன்படுத்தினர்.     


http://dlvr.it/T3l4TJ

Read More