குலதெய்வ கோயிலில் தந்தை... சதுரகிரியில் மகன் - விருதுநகரில் ஆன்மிக விசிட் அடித்த ஓ.பி.எஸ் தரப்பு

தமிழகத்தில், நாடாளுமன்ற தேர்தல் பரபரப்பு, அரசியல் கட்சிகளுக்குள் கடும் அனலை கிளப்பியிருக்கிறது. தி.மு.க., அ.தி.மு.க. உள்பட ஏனைய பிற கட்சிகளும் கூட்டணி பேச்சுவார்த்தையை ஒருபக்கம் தீவிரமாக நடத்திக் கொண்டிருக்கும் நிலையில், அ.தி.மு.க.விலிருந்து நீக்கப்பட்ட முன்னாள் முதல்வர் ஓ.பன்னீர்செல்வம், அ.தி.மு.க. தொண்டர்கள் உரிமை மீட்புக்குழு எனும் பெயரில் மற்றொரு பக்கமாக மீண்டுமொரு தன் தர்மயுத்த போரை நடத்த தொடங்கியிருகிறார். இன்னும் சற்று கூடுதலாக, வருகிற நாடாளுமன்ற தேர்தலில் அ.தி.மு.க.வேட்பாளர்களுக்கு எதிராக, தனது சார்பில் வேட்பாளர்களை களம் இறக்கும் முனைப்பிலும் அவர் செயல்பட்டு வருகிறார். இதற்காக வலுவான கூட்டணி நோக்கி காய் நகர்த்தும் ஓ.பன்னீர் செல்வம், சசிகலா ஆதரவுடன், அம்மா மக்கள் முன்னேற்ற கழக பொதுச்செயலாளர் டி.டி.வி.தினகரன், ஆகியோருடன் கூட்டணி சேர்ந்து தேர்தலை சந்திப்போம் என ஏற்கெனவே அறிவித்தார்.ஓ.பன்னீர்செல்வம்

இந்நிலையில், பிணைப்பை மேலும் வலுவாக்க பா.ஜ.க.வுடன் கூட்டணி பேச்சுவார்த்தை நடத்தி வரும் தகவல்களும் தடதடக்கின்றன. நாடாளுமன்ற தேர்தலில் மட்டுமல்ல, சட்டமன்ற தேர்தலிலும் இனி பா.ஜ.க.வுடன் கூட்டணி கிடையாது என அ.தி.மு.க. பொதுச்செயலாளர் எடப்பாடி பழனிசாமி அறிவித்திருக்கும் நிலையில், பா.ஜ.க.கூட்டணியில் அ.தி.மு.க. இல்லாத இடத்தை நிரப்பிட ஓ.பன்னீர்செல்வம் தரப்பு முயற்சித்து வருகிறது. ஆனால் ஒருங்கிணைந்த அ.தி.மு.க.வை எதிர்பார்க்கும் பாஜக, ஓ.பன்னீர்செல்வத்துடனான தனிப்பட்ட கூட்டணியை விரும்பாமல் கூட்டணி பேச்சுவார்த்தையை தள்ளிபோடுவதாக கூறப்படுகிறது. இந்நிலையில், ஓ.பன்னீர்செல்வம் தனது குலதெய்வம் கோயிலுக்கு குடும்பத்துடன் வந்து பூஜை செய்திருக்கிறார்.

முதல்வர் பதவியை இழந்த சமயத்திலும், அ.தி.மு.க. பிளவுபட்ட நேரத்திலும், இரட்டை இலை சின்னத்துக்காக உச்ச நீதிமன்றத்தில் வழக்காடும் போதிலும் தனது குலதெய்வ கோயிலுக்கு தனியே வந்து பூஜைகள் செய்துவிட்டு காரியத்தை தொடங்கி ஓ.பன்னீர்செல்வம், இம்முறை மகன்கள், மருமகள்கள், பேரன், பேத்தி என ஒட்டுமொத்த குடும்பத்துடனும் குலதெய்வ கோயிலுக்கு வந்து சென்றிருக்கிறார்.ஓ.பன்னீர்செல்வம்

இதுகுறித்து, ஓ.பன்னீர்செல்வம் அணி தொண்டர்களிடம் விசாரித்தோம். அப்போது நம்மிடம் பேசியவர்கள், "ஸ்ரீவில்லிபுத்தூர் அருகே உள்ள செண்பகத்தோப்பு வனப்பகுதியில் இருக்கும் பேச்சியம்மன்- ராக்காச்சி அம்மன் கோவில் தான் ஓ.பன்னீர்செல்வத்தின் குலதெய்வ கோயில். இம்முறை குலதெய்வ கோயில் வழிபாட்டுக்கு முன்பாக, ராஜபாளையம் அருகே நீர்காத்த அய்யனார் கோயிலில் ஓட்டக்காரன் சாமியை தரிசனம் செய்தபின்பே குலதெய்வமான பேச்சியம்மன் கோயிலுக்கு வந்து சாமிதரிசனம் செய்தார்.

அதற்கு காரணம், புராண வரலாறுபடி ராக்காச்சி அம்மன் பேச்சி அம்மனின் சகோதரர்கள்தான் ராஜபாளையம் நீர்காத்த அய்யனார் கோயிலில் அருள்பாலிக்கும் சாமிகள். அதில் ஓட்டக்காரன் சாமியின் பெயர்தான் ஓ.பன்னீர்செல்வத்தின் தந்தையின் பெயர்.ஓ.பன்னீர்செல்வம்

ஆகவே தனது தந்தையின் பெயர் காரண சாமியான ஓட்டக்காரனையும், நீர்காத்த அய்யனாரையும் முதலில் வணங்குவதுதான்‌ எடுத்தக்காரியங்களின் வெற்றிக்கு சித்தமாயிருக்கும் என நெருங்கியவர்கள் சொன்ன அறிவுரையின்படி குடும்பத்தினரை குலதெய்வக்கோயிலில் அமரவைத்துவிட்டு ஓ‌.பி.எஸ்.-ம், அவரின் தம்பி ஓ.ராஜாவும் மட்டும் தனியே அங்கு சென்று முதலில் சாமி தரிசனம் செய்தார்.

அதன்பின் தனது குலதெய்வமான பேச்சியம்மன் - ராக்காச்சி அம்மன் ஆகியோரை தரிசனம் செய்தனர். ஓ.ராஜாவின் பேத்திக்கு முடிக்காணிக்கை செலுத்தி வேண்டுதலையும் நிறைவேற்றியிருக்கிறார். குலதெய்வ அருள் மட்டுமல்லாமல், குலதெய்வ சாமிகளின் முன்னோர் மற்றும் மூத்தோர் அருளையும் சேர்த்து வேண்டியிருப்பதால் இனி எல்லாம் சுமுகமாக முடியும் என ஓ.பி.எஸ் நம்புகிறாராம்.ஓ.பி.ஆர்.

அதுமட்டுமல்ல மஹா சிவராத்திரியை முன்னிட்டு முன்னிட்டு ஓ.பி.ரவீந்திரநாத் மட்டும் தனியே நேற்று மாலை திடீரென ஸ்ரீவில்லிபுத்தூருக்கு வந்திறங்கினார். தொடர்ந்து அவர் ஆன்மீக பயணமாக சதுரகிரி மலை மீது உள்ள சுந்தரமகாலிங்கம் சாமி கோயிலுக்கு புறப்பட்டு சென்றார். முன்னதாக மலையடிவாரத்தில் உள்ள விஸ்வேஸ்வரர் தியான நிலையத்தில் நடைபெற்ற சிறப்பு பூஜையில் கலந்து கொண்ட அவர், சிவலிங்கத்திற்கு பால் அபிஷேகமும், திருநீறு அபிஷேகமும் செய்து மனமுருக வேண்டிக் கொண்டார். அபிஷேகம்

வழக்கமாக ஜெயபிரதீப்தான் ஆன்மிக பணிகளில் அதிக ஈடுபாட்டுடன் இருப்பவர். ஆனால் அவரை மிஞ்சும் அளவுக்கு ஓ.பி.ஆர்.நேற்று பயபக்தியுடன் பூஜையில் கலந்துக்கொண்டது‌ எங்களுக்கு ஆச்சரியத்தை ஏற்படுத்தியது. வருகிற நாடாளுமன்ற தேர்தலில், ஓ.பி.எஸ்.அணி சார்பில் அவரின் மகன்களில் யாரேனும் ஒருவர் விருதுநகரில் போட்டியிடலாம் என கணிப்புகள் இருக்கும்‌ நிலையில் ஓ.பி.ஆரின் தனிப்பட்ட விஜயம், ஆன்மிக ஈடுபாடு ஆகியவை, அவர் வேட்பாளராக களமிறங்குவதற்கான நகர்தலாக இருக்குமோ என சந்தேகிக்கிறோம்" என எதிர்பார்ப்பை கிளப்பினர்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/47zomWY />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/47zomWY``மக்களும், தொண்டர்களும் விரும்பினால் ஓ.பி.எஸ் தேனியில் போட்டியிடுவார்!” - ரவீந்திரநாத் எம்.பி


http://dlvr.it/T3r1VX

Read More

மதுரை எய்ம்ஸ்: `தேர்தல் நேர கண்துடைப்பு' - சு.வெ கருத்து எத்தகையது? - விகடன் கருத்துக்கணிப்பு முடிவு

2018-ம் ஆண்டு மதுரை தோப்பூரில், 222 ஏக்கரில் எய்ம்ஸ் மருத்துவமனை அமைப்பதற்கு மத்திய அரசு ஒப்புதல் அளித்தது. அதற்கு, 2019-ம் ஆண்டு பிரதமர் மோடி அடிக்கல் நாட்டினார். அதன் பிறகு, எந்தப் பணியும் தொடங்கப்படவில்லை. அதனால், மத்திய பா.ஜ.க அரசை தி.மு.க உள்ளிட்ட கட்சிகள் கடுமையாக விமர்சித்துவந்தன. தற்போது, நாடாளுமன்றத் தேர்தல் நெருங்கிவரும் சூழலில், மதுரை எய்ம்ஸ் மருத்துவமனைக்கு திடீரென பூமிபூஜை நடத்தியிருப்பது, அரசியல் அரங்கில் பேசுபொருளாகியிருக்கிறது.விகடன் கருத்துக்கணிப்பு

இது தொடர்பாக மதுரை எம்.பி-யான சு.வெங்கடேசன், ``கடந்த வாரம்தான் பிரதமர் மோடி மதுரைக்கு வந்து சென்றார். எனவே, மதுரை எய்ம்ஸ் கட்டுமானப் பணிகளை உண்மையிலேயே தொடங்குவதாக இருந்தால், பிரதமர் மோடி தலைமையில் அதை பிரமாண்டமாக செய்திருக்க முடியும். ஆனால், தமிழ்நாடு அரசுக்கோ, மாவட்ட நிர்வாகத்துக்கோ, மதுரை எம்.பி-க்கோ, அந்த இடம் அமைந்திருக்கும் விருதுநகர் மக்களவைத் தொகுதி எம்.பி-யான மாணிக்கம் தாகூருக்கோகூட தெரியாமல், யாரையும் அழைக்காமல் ஏன் பூமிபூஜை நடத்துகிறார்கள்?

உண்மையிலேயே, மதுரை எய்ம்ஸ் மருத்துவமனைக்கான கட்டுமானப் பணிகளை மத்திய அரசு தொடங்கியிருப்பது தேர்தல் நேர கண்துடைப்பு நாடகம்தான்" எனக் குறிப்பிட்டிருந்தார்.

மதுரை எம்.பி-யின் விமர்சனம் குறித்து நமது விகடன் வலைதளப்பக்கத்தில் கருத்துக்கணிப்பு நடத்தினோம். மதுரை எய்ம்ஸ் மருத்துவமனைக்கான கட்டுமானப் பணிகளை மத்திய அரசு தொடங்கியிருப்பது தேர்தல் நேர கண்துடைப்பு நாடகம் என எம்.பி குறிப்பிட்டிருப்பது, "சரி" - "தவறு" - "கருத்து இல்லை" என மூன்று விருப்பத் தேர்வுகளையும் கொடுத்திருந்தோம்.விகடன் கருத்துக்கணிப்பு

இந்தக் கருத்துக்கணிப்பில் கலந்துகொண்ட வாசகர்களில், 'மதுரை எய்ம்ஸ் மருத்துவமனைக்கான கட்டுமானப் பணிகளை மத்திய அரசு தொடங்கியிருப்பது தேர்தல் நேர கண்துடைப்பு நாடகம்' என எம்.பி சு.வெங்கடேசன் கூறியிருப்பது 'சரி' என 75 சதவிகித வாசகர்களும், `தவறு' என 21 சதவிகித வாசகர்களும், `கருத்து இல்லை' என 4 சதவிகித வாசகர்களும் தெரிவித்திருக்கின்றனர்.

இந்தக் கருத்துக்கணிப்பைத் தொடர்ந்து, மகளிர் தினத்தை முன்னிட்டு சமையல் எரிவாயு சிலிண்டர் விலையில் ரூ.100 குறைக்க முடிவு செய்திருப்பதாக பிரதமர் மோடி அறிவித்திருப்பது குறித்து கருத்துக்கணிப்பு நடத்தப்படுகிறது.விகடன் கருத்துக்கணிப்பு

அதற்கு விருப்பத்தேர்வாக `மக்கள் மீதான அக்கறை', `தேர்தல் ஆதாயத்துக்காக', `கருத்து இல்லை' என மூன்று விருப்பத்தேர்வுகளும் வழங்கப்பட்டிருக்கிறது. அதில் உங்கள் கருத்தைத் தெரிவிக்க www.vikatan.com என்ற லிங்க்கை க்ளிக் செய்து, வாக்களிக்கலாம்.`எம்.ஜி.ஆர், ஜெயலலிதாவை மோடி புகழ்ந்து பேசியதன் நோக்கம் என்ன?' - விகடன் கருத்துக்கணிப்பு முடிவுகள்


http://dlvr.it/T3pXQN

Read More

புதுச்சேரி: சிறுமி கொலைக்கு நீதி கேட்டுப் போராட்டம்; ஆளுநர் மாளிகையை நெருங்கியதால் போலீஸ் தடியடி!

புதுச்சேரி, முத்தியால்பேட்டை சோலை நகரைச் சேர்ந்த 9 வயது சிறுமி, கடந்த 2-ம் தேதி தனது வீட்டின் அருகில் விளையாடிக் கொண்டிருந்தபோது மாயமானார். அதையடுத்து 5-ம் தேதி அதே பகுதியில் உள்ள கழிவு நீர் கால்வாயில், கை கால்கள் கட்டப்பட்ட நிலையில் சடலமாக மீட்கப்பட்டார். இந்த சம்பவத்தில் விவேகானந்தன், கருணாஸ் ஆகிய இருவர் கைது செய்யப்பட்டிருக்கும் நிலையில், சிறுமி பாலியல் வன்கொடுமைக்கு உள்ளாக்கப்பட்டு கொலை செய்யப்பட்டிருப்பது முதற்கட்ட விசாரணையில் தெரியவந்தது. அதையடுத்து ஒட்டுமொத்த புதுச்சேரியும் போராட்டக்களமாக மாறியிருக்கிறது. அதையடுத்து கொலைசெய்ய காரணமான போதைப்பொருளை கட்டுப்படுத்த தவறிய முதலமைச்சர் ரங்கசாமி, அமைச்சர் நமச்சிவாயம் ஆகியோர் பதவி விலக வேண்டும் என வலியுறுத்தி இந்தியா கூட்டணி கட்சிகள் சார்பில் பந்த் போராட்டம் இன்று நடந்தது.புதுச்சேரி சிறுமி கொலை

பந்த் போராட்டம் அறிவித்த இந்தியா கூட்டணி கட்சியினர், இன்று காலை 10 மணியளவில் ராஜா தியேட்டர் சந்திப்பில் ஒன்று கூடினர். அப்போது முதலமைச்சர் ரங்கசாமியும், உள்துறை அமைச்சர் நமச்சிவாயமும் பதவி விலக வேண்டும் என வலியுறுத்தியும் கோஷம் எழுப்பினர். சிலர் தரையில் அமர்ந்து போராட்டத்தில் ஈடுபட்டனர். இந்த நிலையில் திடீரென இந்தியா கூட்டணி கட்சியினர் ஊர்வலமாக புறப்பட்டனர்.  ஊர்வலத்தில் தி.மு.க அமைப்பாளரும், எதிர்க்கட்சித் தலைவருமான சிவா, மாநில காங்கிரஸ் தலைவர் வைத்திலிங்கம் எம்.பி, முன்னாள் முதலமைச்சர் நாராயணசாமி, காங்கிரஸ் சட்டமன்ற கட்சித்தலைவர் வைத்தியநாதன், தி.மு.க எம்.எல்.ஏ-க்கள் கென்னடி, சம்பத், செந்தில்குமார், இந்திய கம்யூனிஸ்ட் மாநில செயலாளர் சலீம், மார்க்சிஸ்ட் மாநில செயலாளர் ராஜாங்கம், விடுதலை சிறுத்தைகள் கட்சி  தேவபொழிலன் உள்ளிட்ட பலர் பங்கேற்றனர்.

நேரு வீதி வழியாக வந்த அந்த ஊர்வலத்தை நேருவீதி, மிஷன்வீதி சந்திப்பில் பேரிகார்டு அமைத்து போலீஸார் தடுத்தனர். இதனால் ஊர்வலத்தில் வந்தவர்கள் மிஷன் வீதியில் திரும்பினர். அவர்களை போலீஸார் தடுக்க முயன்றனர். அவர்களை தள்ளிவிட்டு, ஊர்வலத்தில் வந்தவர்கள் மிஷன் வீதி, ரங்கப்பிள்ளை வீதி வழியாக தலைமை தபால் நிலையத்தை அடைந்தனர். அங்கு போலீஸார் பேரிகார்டு அமைத்து அவர்களை தடுத்தனர். அங்கு பாதுகாப்பு பணியில் குறைவாகவே போலீஸார் இருந்தனர். இதனால் போலீஸாருடன் கடும் தள்ளுமுள்ளு ஏற்பட்டது. பெண் போலீஸார் உட்பட போலீஸார் அங்கு  குவிக்கப்பட்டனர். ஆனாலும் பேரிகார்டுகளை தள்ளிவிட்டு, போராட்டத்தில் ஈடுபட்ட பெண்கள், திருநங்கைகள் சிலர் கவர்னர் மாளிகையை நோக்கி சென்றனர். அவர்களை துரத்திச் சென்ற போலீஸார் பாரதிதாசன் சிலை அருகே தடுத்து நிறுத்தினர். பெண்கள் தரையில் அமர்ந்து தர்ணாவில் ஈடுபட்டனர். போலீஸார் அவர்களை கவர்னர் மாளிகை நோக்கி செல்லவிடாமல் சுற்றி வளைத்தனர்.

ஆனால் அவர்களை மீறி திடீரென மீண்டும் அங்கிருந்து கவர்னர் மாளிகை நோக்கி ஓடினர். சிலர் கவர்னர் மாளிகை வாசலில் இருந்த பேரிகார்டுகளை தாண்டி கவர்னர் மாளிகை வாசலுக்கு சென்றனர். கவர்னர் மாளிகை வாசலில் நின்று அவர்கள் கோஷம் எழுப்பினர். போலீஸார் அவர்களை துரத்திப் பிடித்து கைது செய்தனர். இந்த போராட்டத்தால் கவர்னர் மாளிகை வாசல், சுற்றுப்புற பகுதிகள் கலவரமாக காட்சியளித்தது. இதையடுத்து நூற்றுக்கணக்கான போலீஸார் கவர்னர் மாளிகையை சுற்றிலும் குவிக்கப்பட்டு பாதுகாப்பு பணியில் ஈடுபடுத்தப்பட்டனர். தொடர்ந்து போராட்டத்தில் ஈடுபட்ட இந்தியா கூட்டணி கட்சியினரையும் போலீஸார் கைது செய்தனர். வைத்திலிங்கம் எம்.பி, முன்னாள் முதலமைச்சர் நாராயணசாமி, எதிர்க்கட்சித் தலைவர் சிவா, தி.மு.க மற்றும் காங்கிரஸைச் சேர்ந்த 4 எம்.எல்.ஏ-க்கள் உட்பட நூற்றுக்கணக்கானவர்கள் கைதுசெய்யப்பட்டனர். போலீஸாருடன் ஏற்பட்ட மோதலில் 3 திருநங்கைகளுக்கு கை, கால்களில் லேசான காயம் ஏற்பட்டது.புதுச்சேரி கொடூரம்: மாயமான சிறுமி... வேட்டியில் சுற்றி சாக்கடையில் வீசப்பட்ட உடல் - நடந்தது என்ன?!


http://dlvr.it/T3pX3j

Read More

புதுச்சேரி: `அரசுப் பள்ளிகளில் மாணவர்களிடையே தலைவிரித்தாடும் கஞ்சா..!'- ஆசிரியர் கூட்டமைப்பு அச்சம்

 புதுச்சேரி, முத்தியால்பேட்டை சோலை நகரைச் சேர்ந்த சிறுமி, கடந்த 2-ம் தேதி தனது வீட்டின் அருகில் விளையாடிக் கொண்டிருந்தபோது மாயமானார். அதையடுத்து 5-ம் தேதி அதே பகுதியில் உள்ள கழிவு நீர் கால்வாயில், கை கால்கள் கட்டப்பட்ட நிலையில் சடலமாக மீட்கப்பட்டார். இந்த சம்பவத்தில் விவேகானந்தன், கருணாஸ் ஆகிய இருவர் கைது செய்யப்பட்டிருக்கும் நிலையில், சிறுமி பாலியல் வன்கொடுமைக்கு உள்ளாக்கப்பட்டு கொலை செய்யப்பட்டிருப்பது முதற்கட்ட விசாரணையில் தெரியவந்தது. அதையடுத்து ஒட்டுமொத்த புதுச்சேரியும் போராட்டக்களமாக மாறியிருக்கிறது. இந்த நிலையில், புதுச்சேரி அரசு அனைத்து ஒருங்கிணைந்த ஆசிரியர் கூட்டமைப்பின் தலைவர் செந்தில்குமார், பேராசிரியார் கலைவாணி உள்ளிட்ட ஆசிரியர்கள் அறிக்கை ஒன்றை வெளியிட்டிருக்கின்றனர். அதில், ``புதுச்சேரியில் முத்தியால்பேட்டை அரசு தொடக்கப் பள்ளியில் ஐந்தாம் வகுப்பு படித்து வந்த சிறுமி, கஞ்சா போதை ஆசாமிகளால் கொடூரமான முறையில் பாலியல் வன்கொடுமை செய்யப்பட்டு, கொலை செய்யப்பட்டிருப்பது கண்டனத்திற்குரியது.மாணவர்கள் |கோப்புப் படம்

இது போன்ற நிகழ்வு இனிமேல் எந்த பள்ளி மாணவிக்கும் நடக்கக் கூடாது. அதற்கான கடுமையான நடவடிக்கைகளில் புதுவை அரசு ஈடுபடவேண்டும். பல அரசுப் பள்ளிகளில் பயிலும் மாணவர்கள், சர்வ சாதாரணமாக கஞ்சா உள்ளிட்ட போதை வஸ்துகளை பயன்படுத்த துவங்கியுள்ளனர். அவர்களிடம் ஆசிரியர்கள், குறிப்பாக பெண் ஆசிரியர்கள் இன்னல்கள் மற்றும் மன உளைச்சலுக்கு ஆளாகி வருகிறார்கள். எனவே இது குறித்து மாணவர்களுக்கு தகுந்த விழிப்புணர்வை உண்டாக்க வேண்டும். அத்துடன் தொடர்ச்சியாக கஞ்சா பயன்படுத்தும் மாணவர்களை உடனடியாக பள்ளியில் இருந்து விடுவித்து, மற்ற மாணவர்களை பாதுகாத்து நல்வழிப்படுத்தும் வகையில் அவர்களுக்கு மாற்று சான்றிதழ் கொடுத்து மாற்றுக் கல்வி முறையில் ஈடுபடுத்த வேண்டும். மேலும் கல்வித்துறையில் மாணவர்களின் போதை பழக்கங்களை கட்டுப்படுத்த ஆசிரியர்களுக்கு உரிய பணி பாதுகாப்பை உறுதி செய்து, அவர்களுக்கான அதிகாரத்தை அனைத்து வகைகளிலும் அதிகப்படுத்த வேண்டும்.

ஒவ்வொரு மேல்நிலைப் பள்ளியிலும் காவல்துறை மற்றும் சுகாதாரத்துறை, பெற்றோர் மற்றும் ஆசிரியர் சார்ந்த ஒருங்கிணைந்த குழுவை உருவாக்க வேண்டும். கஞ்சா, மது, சிகரெட் போன்ற போதை வஸ்துகளை பயன்படுத்தும் மாணவர்கள் மீது பாரபட்சம் இல்லாமல் உடனடியாக நடவடிக்கை எடுத்து புதுவை அரசும், கல்வித்துறையும் பள்ளியின் மதிப்பையும் ஒழுங்கையும் பேணிக்காக்க உறுதுணையாக இருக்கவேண்டும். அதேபோல தவறு செய்யும் மாணவர்கள் மீது எடுக்கப்படும் நடவடிக்கைகளுக்கு, எந்த ஒரு அதிகார மையத்தில் இருந்தும் பரிந்துரை செய்யாமல் இருக்கவேண்டும் என்று கேட்டுக் கொள்கின்றோம். எப்பொழுதும் ஆசிரியர்கள், மாணவர்கள், மற்றும் குழந்தைகள் மீது நன்மதிப்பை பெற்றிருக்கும் மாண்புமிகு முதலமைச்சர் அவர்கள் குழந்தைகள் நல வாரியத்தில் நேர்மையான உறுதியான குழுவை நியமித்து கண்காணிப்பை தீவிரப்படுத்த வேண்டும்.புதுச்சேரி அரசு

தற்பொழுது நடைபெற்று இருக்கக்கூடிய கொலை சம்பவம், பெற்றோர்களை குறிப்பாக பெண் குழந்தைகளை வைத்திருக்கும் பெற்றோர்கள் மற்றும் ஆசிரியர்கள் மத்தியில் மிகுந்த மன உளைச்சலையும், அச்சத்தையும் உண்டாக்கி இருக்கிறது. சமுதாயத்தில் பெண் பிள்ளைகளின் பாதுகாப்பை உறுதி செய்ய எதிர்காலத்தில் கடுமையான சட்டதிட்டங்களை உருவாக்க வேண்டும். அத்துடன் புதுவையில் அதிகரித்து வரும் போதை கலாசார சீரழிவு செயல்பாடுகளை இரும்பு கரம் கொண்டு ஒடுக்க நடவடிக்கை வேண்டும் என்று புதுச்சேரி மேதகு ஆளுநர், மாண்புமிகு முதலமைச்சர் மற்றும் மாண்புமிகு கல்வி அமைச்சர், மாண்புமிகு அமைச்சர் பெருமக்கள், சட்டமன்ற உறுப்பினர்கள், அரசியல் தலைவர்களுக்கும் மற்றும் கல்வித்துறை உயர் அதிகாரிகளை கேட்டுக் கொள்கிறோம்." எனக் குறிப்பிட்டிருக்கின்றனர்.புதுச்சேரி: ``அனைத்து ரெஸ்டோ பார்களிலும் கஞ்சா, கொக்கைன்!” - முதல்வர் ரங்கசாமியை விளாசும் அதிமுக


http://dlvr.it/T3p7l8

Read More

`இந்த 5 கேள்விகளுக்கு நாட்டின் பெண்கள் பதில் எதிர்பார்க்கிறார்கள் பிரதமரே!' - ஜெய்ராம் ரமேஷ் காட்டம்

உலகம் முழுவதும் இன்று சர்வதேச மகளிர் தினம் கொண்டாடப்படும் நிலையில், காங்கிரஸ் தலைவர் ஜெய்ராம் ரமேஷ், பிரதமர் மோடியிடம் இந்தியா முழுவதும் உள்ள பெண்கள் பிரச்னைகள் குறித்து 5 கேள்விகளை எழுப்பியிருக்கிறார்.

இது தொடர்பாக அவர் செய்தியாளர் சந்திப்பின்போது பேசுகையில், ``மணிப்பூரில் ஒரு வருடத்திற்கும் மேலாகத் தொடரும் உள்நாட்டுப் போரால் பாதிக்கப்பட்டுள்ள ஒரு மாநிலத்தில், பெண்கள் தாக்கப்பட்டு நிர்வாணமாக இழுத்துச் செல்லப்படும் வீடியோக்கள் வெளியாகியது. மணிப்பூர் மாநிலத்திலும் மத்தியிலும் பா.ஜ.க-வின் இரட்டை இன்ஜின் ஆட்சிதான் நடந்து வருகிறது. இன்றுவரை அந்த மாநிலத்திற்கு பிரதமர் ஏன் செல்லவில்லை... பாதிக்கப்பட்ட பெண்களை ஏன் கண்டுகொள்ளவில்லை?மணிப்பூர் பழங்குடி பெண்கள் நிர்வாணக் கொடுமை

பா.ஜ.க எம்.பி பிரிஜ் பூஷன் சரண் சிங்குக்கு எதிராக, இந்தியாவுக்குப் பெருமை சேர்ந்த மல்யுத்த வீராங்கனைகள் பாலியல் துன்புறுத்தல் குற்றச்சாட்டுகள் கூறியபோது இந்தியாவின் மகள்களுக்கு ஆறுதல் கூறாமல் பிரதமர் மோடி மௌனம் காத்தது ஏன்? இந்தப் பிரச்னையில் பிரதமரின் நிலைப்பாடு என்ன? பிரிஜ் பூஷன் சரண் சிங்கை `மோடி கா பரிவார்' மோடியின் குடும்ப உறுப்பினராக மோடி கருதுகிறாரா?

அத்தியாவசியப் பொருள்களின் விலைவாசி உயர்வைச் சமாளிக்க மோடி அரசு தவறிவிட்டது. உணவு மற்றும் அத்தியாவசியப் பொருள்களின் விலைகள் வேகமாக உயர்ந்து வருகின்றன. இந்த விலைவாசி உயர்வின் பாதிப்பிலிருந்து குடும்பங்களைப் பாதுகாக்கும் திட்டம் பிரதமரிடம் உள்ளதா?பிரதமர் மோடி

மோடியின் அநியாய ஆட்சியில் வேலை தேடும் பெண்களின் உயர் வேலையின்மை விகிதம் அதிகரித்து வருகிறது. டாக்டர் மன்மோகன் சிங்கின் தலைமையின்கீழ் இருந்த ஆட்சியில் தற்போதைய நிலையை விட 20 சதவிகிதம் குறைவாகத்தான் இருந்தது. இது பொருளாதாரத்தின் நீண்டகால திறனைக் குறைக்கும் போக்கு. பெண்களை மீண்டும் பொருளாதார நீரோட்டத்திற்குக் கொண்டு வரப் பிரதமரிடம் தீர்வு இருக்கிறதா?

`பேட்டி பச்சாவோ பேட்டி படாவோ' யோஜனா, அதாவது பெண் சிசுக்கொலையைத் தடுத்தல் மற்றும் கல்வியை மேம்படுத்துவதற்கான அர்த்தமுள்ள முன்முயற்சிகளுக்குப் பதிலாக அதன் பட்ஜெட்டில் கணிசமான தொகை விளம்பரங்களுக்கு மட்டும் ஒதுக்கப்பட்டிருக்கிறது. விளம்பரத்தில் தன் முகத்தைக் காட்டுவதற்குப் பிரதமருக்கு ஒரு வாய்ப்புக் களமா அது? இந்தியாவின் பெண்கள் பதில்களை எதிர்பார்க்கிறார்கள்" எனக் குறிப்பிட்டிருக்கிறார்.


http://dlvr.it/T3p7T1

Read More

சிறுமி கொலைக்கு நீதி கேட்டு எதிர்க்கட்சிகள் பந்த் போராட்டம் - ஒட்டு மொத்தமாக முடங்கிய புதுச்சேரி!

புதுச்சேரி, முத்தியால்பேட்டை சோலை நகரைச் சேர்ந்த சிறுமி, கடந்த 2-ம் தேதி தனது வீட்டின் அருகில் விளையாடிக் கொண்டிருந்தபோது மாயமானார். அதையடுத்து 5-ம் தேதி அதே பகுதியில் உள்ள கழிவு நீர் கால்வாயில், கை கால்கள் கட்டப்பட்ட நிலையில் சடலமாக மீட்கப்பட்டார். இந்த சம்பவத்தில் விவேகானந்தன், கருணாஸ் என இருவர் கைது செய்யப்பட்டிருக்கும் நிலையில், சிறுமி பாலியல் வன்கொடுமை முயற்சியில் கொலை செய்யப்பட்டிருப்பது முதல்கட்ட விசாரணையில் தெரிய வந்தது. அதையடுத்து ஒட்டுமொத்த புதுச்சேரியும் போராட்டக்களமாக மாறியது. அரசியல் கட்சிகள், சமூக பொதுநல அமைப்புகள், பொதுமக்கள், கல்லூரி மாணவர்கள் என அனைத்து தரப்பினரும் போராட்டங்களில் குதித்தனர்.புதுச்சேரி சிறுமி கொலை | போராட்டங்கள்

முத்தியால்பேட்டை, சோலை நகர் மற்றும் கோட்டக்குப்பம் பகுதிகளில், கடந்த இரண்டு நாட்களாக வணிகர்கள் தாங்களாகவே கடைகளை திறக்கவில்லை. இந்த நிலையில் சிறுமியின் உடல் நேற்று ஊர்வலமாக எடுத்துச் செல்லப்பட்டு, நல்லடக்கம் செய்யப்பட்டது. சிறுமியின் கொலைக்கு நீதி கேட்டும், கஞ்சா உள்ளிட்ட போதை கலாசாரத்திற்கு எதிராகவும் இந்தியா கூட்டணியும், அ.தி.மு.க-வும் தனித்தனியே இன்று பந்த போராட்டத்திற்கு அழைப்பு விடுத்திருந்தன. அதன் தொடர்ச்சியாக தனியார் பள்ளிகள் விடுமுறையை அறிவித்தன.

அதேபோல காலை மற்றும் மதிய காட்சிகள் ரத்து செய்யப்படுவதாக திரையரங்க உரிமையாளர்கள் தெரிவித்திருக்கின்றனர். அதன்படி இன்று காலை முதல் பந்த் போராடம் தொடங்கியது. புதுச்சேரி அரசுப் பேருந்துகள் இயக்கப்படும் என்று கூறப்பட்டிருந்தது. ஆனாலும் அந்தப் பேருந்துகளும் பெரும்பாலும் இயக்கப்படவில்லை. தமிழக அரசுப் பேருந்துகள் இயக்கப்பட்டாலும், அவை புதுச்சேரியில் எல்லைகளிலேயே திருப்பி விடப்படுகின்றன. அதனால் அங்கிருந்து புதுச்சேரி வரும் பயணிகளையும், புதுச்சேரியில் இருந்து தமிழகம் செல்லும் பயணிகளையும் தனியார் வாகனங்களில் எல்லைகளுக்கு அனுப்பி வைத்து வருகின்றனர் போலீஸார்.புதுச்சேரி சிறுமி கொலை |பந்த்

பள்ளிகளைப் பொறுத்தவரை பொதுத் தேர்வுகள் நடைபெறும் என்று மாவட்ட ஆட்சியர் அறிவித்திருக்கும் நிலையில், தேர்வு எழுதச் செல்லும் மாணவர்களுக்கு எந்த தடையையும் ஏற்படுத்த மாட்டோம் என்று பந்த போராட்டம் நடத்தும் அரசியல் கட்சிகளும் தெரிவித்திருக்கின்றன. அதேபோல பெரிய மார்க்கெட், வர்த்தக வீதியான நேரு வீதி, காந்தி வீதி உள்ளிட்ட பகுதிகளிலும், கிராமப்பகுதிகளில் உள்ள கடைகளும் முழுமையாக அடைக்கப்பட்டிருக்கிறது. இதனால் ஒட்டுமொத்தமாக முடங்கியிருக்கிறது புதுச்சேரி.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/47zomWY />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/47zomWY`போதை நகரமாக மாறியதுதான் சிறுமி கொலைக்குக் காரணம்!’ - புதுச்சேரி அரசுக்கு வலுக்கும் எதிர்ப்பு


http://dlvr.it/T3nk1w

Read More

``ரஷ்யாவிலிருக்கும் என் மகனை உயிரோடு பார்க்க வேண்டும்!" - அரசிடம் மன்றாடும் கர்நாடக போலீஸ் அதிகாரி

தெலங்கானா, குஜராத், கர்நாடகா, ஜம்மு காஷ்மீர், உத்தரப்பிரதேசத்தைச் சேர்ந்த ஆண்கள், துபாயில் வசிப்பவரால் அதிக சம்பளம் என்ற பெயரால் ரஷ்யாவுக்கு அழைத்துச் செல்லப்பட்டு, ஏமாற்றி உக்ரைனுக்கு எதிராக ரஷ்ய ராணுவத்தில் ஈடுபட வைத்ததாக சமீபத்தில் ஒவைசி குற்றச்சாட்டு முன்வைத்திருந்தார். அதையடுத்து, அங்கு சிக்கிக்கொண்டவர்களை மீட்க நடவடிக்கை எடுத்துவருவதாக இந்திய வெளியுறவுத்துறை கூறிவந்தது.ஹைதராபாத் இளைஞர் முகமது அஸ்ஃபான்

இத்தகைய சூழலில், அவ்வாறு ரஷ்யாவுக்கு அழைத்துச் செல்லப்பட்ட ஹைதராபாத் இளைஞர் முகமது அஸ்ஃபான் (30) என்பவர், ரஷ்யாவில் உயிரிழந்ததாக ரஷ்யாவிலிருக்கும் இந்திய தூதரகம், தனது அதிகாரபூர்வ X சமூக வலைதளப் பக்கத்தில் நேற்று பதிவிட்டது. ஆனால், முகமது அஸ்ஃபான் அங்கு எவ்வாறு உயிரிழந்தார் என்ற காரணத்தை இந்திய தூதரகம் கூறவில்லை.

இருப்பினும், உக்ரைனுக்கு எதிரான போரில் எல்லையில் ராணுவப் பணியில் ஈடுபட்டிருந்தபோது முகமது அஸ்ஃபான் சுட்டுக்கொல்லப்பட்டதாகக் கூறப்படுகிறது. அதோடு, முகமது அஸ்ஃபான் ராணுவ உடையில் இருக்கும் படங்களும் சமூக வலைதளங்களில் பரவி வருகின்றன. இந்த நிலையில், கர்நாடக மாநிலம், கலபுர்கி மாவட்டத்திலுள்ள மட்பூல் காவல் நிலையத்தில் தலைமைக் காவலராக பணிபுரியும் சையத் நவாஸ் அலி, இந்த செய்தியறிந்த பிறகு தன்னுடைய மகனும் ரஷ்யாவில் சிக்கியிருப்பதாகவும், அவரை உயிரோடு மீட்டுவர அரசிடம் மன்றாடுவதாகவும் தெரிவித்திருக்கிறார்.போலீஸ்

இது குறித்து தனியார் ஊடகத்திடம் பேசியிருக்கும் சையத் நவாஸ் அலி, ``என் மகன் சையத் இலியாஸ் ஹுசைனி (22), ஓரிரு ஆண்டுகள் துபாயில் வேலைபார்த்துவந்தார். பின்னர், மாஸ்கோவில் ரூ.70,000 சம்பளத்தில் வேலைவாங்கித் தருவதாக ஹுசைனியை ஏஜென்ட் ஒருவர் தொடர்புகொண்டார். இதுவே அவரை அங்கு செல்லத் தூண்டியது. டிசம்பரில் வீட்டுக்கு வந்த ஹுசைனி சில நாள்கள் இங்கிருந்தார். தற்போது, அவருடன் பேசியே ஐந்து நாள்கள் ஆகிறது. அவரைத் தொடர்புகொள்ள முடியவில்லை. என் மகன் உயிருடன் திரும்பி வருவதை நான் பார்க்க வேண்டும். இப்போது என்ன செய்ய வேண்டும், யாரைத் தொடர்புகொள்வது... அவர் உயிருடன் இருக்கிறாரா என்பதுகூட எங்களுக்குத் தெரியாது. என் மகனைக் காப்பாற்ற அரசிடம் மன்றாடுகிறேன்" என்று தெரிவித்திருக்கிறார்.காவல்துறை

மேலும், ``ஹுசைனியுடனான கடைசியாக தொலைபேசி அழைப்பில், தற்போது எல்லையில் பணியமர்த்தப்பட்டிருப்பதாகவும், எப்போது வேண்டுமானாலும் போர்க்களத்துக்குச் செல்லலாம் என்றும் அவர் கூறினார். அவர் பதட்டமாக இருப்பதாக எங்களுக்குத் தோன்றியது. ஆனால், அதை எங்களிடம் காட்டவில்லை" என்றும் சையத் நவாஸ் அலி கூறியிருக்கிறார். இந்த விவகாரத்தைப் பொறுத்தவரை, சையத் நவாஸ் அலி கடந்த மாதமே, கலபுர்கி துணை கமிஷனர் ஃபவுசியா, மாநில அமைச்சர் பிரியங்க் கார்கே ஆகியோருக்கு கடிதம் எழுதியிருந்தார்.ரஷ்ய ராணுவத்தில் சிக்கிக்கொண்ட இந்திய இளைஞர் உயிரிழப்பு... போரில் கொல்லப்பட்டாரா?!


http://dlvr.it/T3l5qD

Read More