`பாஜக கூட்டணிக்கு நிபந்தனையற்ற ஆதரவு தருகிறோம்!' - டி.டி.வி.தினகரன்

திருச்சியில் தி.மு.க அரசைக் கண்டித்து திருச்சியில் நடைபெற்ற ஆர்ப்பாட்டத்துக்கு வருகை தந்த அ.ம.மு.க கட்சியின் பொதுச்செயலாளர் டி.டி.வி.தினகரன், ஆர்ப்பாட்டத்திற்கு முன்னதாக திருச்சி மாவட்ட ஆட்சியர் சாலையில் உள்ள தனியார் நட்சத்திர ஹோட்டலில் செய்தியாளர்களைச் சந்தித்தார். அப்போது பேசிய அவர்,

"பா.ஜ.க - அ.ம.மு.க கூட்டணி உறுதியாகியுள்ளது. இன்று பா.ஜ.க மாநிலத் தலைவர் அண்ணாமலை, கிஷன் ரெட்டி ஆகியோர் என்னிடம் தொலைபேசியில் தொடர்பு கொண்டு பேசினார்கள். அவர்களிடம் பா.ஜ.க-விற்கு நிபந்தனையற்ற ஆதரவு அளிப்பதாக தெரிவித்து விட்டேன். கடந்த இரண்டு மாதங்களாக பா.ஜ.க மாநில நிர்வாகிகள் மற்றும் மேலிட பொறுப்பாளர்களிடம் பேசி வருகிறோம். எங்களின் கோரிக்கைகள் சிலவற்றை அவர்களிடம் தெரிவித்துள்ளோம். அது அவர்களுக்கு நன்றாகவே தெரியும். இன்று அவர்கள் என்னிடம் தொலைபேசியில் பேசியதைத் தொடர்ந்து, கூட்டணி உறுதி செய்யப்பட்டுள்ளது. மீண்டும் மூன்றாவது முறையாக பா.ஜ.க-தான் ஆட்சி அமைக்கும். நரேந்திர மோடி பிரதமர் ஆவார். தமிழ்நாட்டிற்கு தேவையான திட்டங்களை மத்திய அரசிடம் இருந்து பெற்று தர அம்மா மக்கள் முன்னேற்றக் கழகம் அணிலைப்போல் செயல்படும். எத்தனை தொகுதிகளில் போட்டியிடுவோம்... எங்கு போட்டியிடுவோம் என்பது பிரச்னை கிடையாது. எங்களின் தேவை பா.ஜ.க-விற்கு தெரியும். நியாயமான கோரிக்கையைத்தான் நாங்கள் வைத்துள்ளோம் என்பதும் தெரியும். எங்களை பா.ஜ.க தலைமை எந்த வகையிலும் நிர்பந்திக்கவில்லை. பேட்டியளிக்கும் டி.டி.வி.தினகரன்

தாமரை சின்னத்தில்தான் போட்டியிட வேண்டும் என எந்த நிர்பந்தமும் எங்களுக்கு தரவில்லை. குக்கர் சின்னத்தில்தான் நாங்கள் உறுதியாகப் போட்டியிடுவோம். பா.ஜ.க கூட்டணியில் அ.தி.மு.க இணைந்தால் உங்கள் நிலைப்பாடு என்னவாக இருக்கும் என்கிற கேள்வியைக் கேட்கிறீர்கள். தற்பொழுது நாங்கள் பா.ஜ.க கூட்டணிக்கு ஆதரவு தெரிவித்துள்ளோம். அரசியலில் சூழல் மாறினாலும் எங்கள் நிலைப்பாட்டில் உறுதியாக இருப்போம். தமிழ்நாட்டு மக்களுக்கு எதிரான திட்டங்களை பா.ஜ.க அரசு செயல்படுத்தினால், தமிழ்நாட்டு மக்கள் ஏற்றுக்கொள்ள மாட்டார்கள் என தான் ஏற்கெனவே தெரிவித்துள்ளேன். தமிழ்நாட்டிற்கு எதிரான திட்டங்களை பா.ஜ.க தற்போது செயல்படுத்தவில்லை. தமிழ்நாட்டில் வளர்ச்சிக்காக பல்வேறு திட்டங்கள் செயல்படுத்தப்படும் என பிரதமர் தெரிவித்துள்ளார். அதன் காரணமாக எந்த உறுத்தலும் இல்லாமல் பா.ஜ.க கூட்டணிக்கு ஆதரவு தெரிவிக்கிறோம். பா.ஜ.க பல மாநிலங்களில் தொகுதி உடன்பாடு செய்து விட்டு தமிழ்நாட்டிற்கு தற்பொழுது வந்துள்ள காரணத்தால், இங்கு கூட்டணி, தொகுதி இறுதி செய்ய தாமதம் ஏற்பட காரணமாக இருக்கலாம். ஆனால், எங்களோடு தொடர்ந்து பேசிக் கொண்டுதான் இருக்கிறார்கள்.

கடந்த 1999 -ம் வருடம் நடைபெற்ற தேர்தலின்போது, 'பா.ஜ.க-வுடன் இனி கூட்டணி கிடையாது' என ஜெயலலிதா அறிவித்தார். ஆனால், 2004-ம் ஆண்டு பாராளுமன்ற தேர்தலில் பா.ஜ.க-வுடன் கூட்டணி அமைத்தார். மீண்டும் 2014-ம் ஆண்டு தேர்தலில் வேறொரு நிலைப்பாட்டை எடுத்தார். இன்று ஜெயலலிதா இருந்திருந்தால் என்ன நிலைப்பாடு எடுத்திருப்பார் என்பது அவருக்குத்தான் தெரியும். தற்பொழுது தமிழ்நாட்டின் நலனுக்காக நாங்கள் பா.ஜ.க-வுடன் கூட்டணி அமைத்துள்ளோம். ஏற்கெனவே, பா.ஜ.க எங்களை பற்றி புரிந்து கொள்ளாமல் இருந்திருக்கலாம். ஆனால் இன்று, அ.ம.மு.க பற்றியும், டி.டி.வி.தினகரன் பற்றியும் நன்றாக புரிந்து வைத்துள்ளார்கள். கடந்த 2021-ம் ஆண்டு தேர்தலில் எங்களுக்குள் கூட்டணி அமைந்திருக்கும். ஆனால், சில காரணங்களால் அது அமையவில்லை. தற்பொழுது நாங்கள் கூட்டணி அமைத்துள்ளோம். தேர்தலில் நான் போட்டியிடுவது குறித்து இன்னும் முடிவு செய்யவில்லை பா.ஜ.க இந்தியாவின் வளர்ச்சிக்கான இயக்கம். பேட்டியளிக்கும் டி.டி.வி.தினகரன்

அவர்களின் கொள்கைகள் சில எங்களுக்கு உடன்பாடு இல்லாமல் இருக்கலாம். ஆனால், தற்போதைய சூழலில் இந்தியாவின் வளர்ச்சிக்கான இயக்கமாக பா.ஜ.க தான் உள்ளது. நாங்களும், ஓ.பன்னீர்செல்வமும் அரசியலில் இணைந்து பயணிக்க உள்ளோம் என்பதை ஏற்கெனவே தெளிவுபடுத்தியிருக்கிறோம். அண்ணாமலை படித்த புத்திசாலி. அவர் என்னுடன் திறந்த மனதோடு பேசுகிறார். எனக்குப் பிடித்தமான நண்பராக இருக்கிறார். பா.ஜ.க-வோடு, அ.தி.மு.க கூட்டணி அமைத்தால் அப்பொழுது என்ன செய்கிறோம் என்பதைப் பாருங்கள். எடப்பாடி பழனிசாமிக்கும், எனக்கும் எந்த தனிப்பட்ட பிரச்னையும் கிடையாது. துரோக புத்தியுள்ள பழனிசாமியுடன் இணைந்து பயணிப்பது எந்த காலத்திலும் சாத்தியமில்லை. ஒருவேளை அவர் துரோக சிந்தனையை விட்டு திரும்பி வந்தால், அவருடன் பயணிப்பது குறித்துப் பேசிக் கொள்ளலாம்" என்றார்.CAA: குடியுரிமை திருத்தச் சட்டத்தை அமல்படுத்திய பாஜக அரசு; எதிர்க்கட்சிகளின் ரியாக்‌ஷன் என்ன?!


http://dlvr.it/T3xXYJ

Read More

EVM எந்தெந்த நாடுகளில் பயன்படுத்தப்படுகிறது... இதன் வரலாறு என்ன? | The Imperfect Show

http://dlvr.it/T3vwzV

Read More

சேலம்: தவறிய குழந்தையின் தங்கக்காப்பு - குப்பையிலிருந்து மீட்டு கொடுத்த தூய்மை பணியாளர்கள்!

சேலம், ராமகிருஷ்ணா ரோடு பகுதியை சேர்ந்த தம்பதியினர் நேற்று முன்தினம் தங்களது 2 வயது குழந்தையுடன் சூரமங்கலத்தில் உள்ள ஒரு சினிமா தியேட்டரில் படம் பார்க்க சென்றனர். படம் பார்த்து முடித்துவிட்டு வீட்டிற்கு திரும்பியபோது, அப்போது குழந்தை கையில் கிடந்த 1.5 பவுன் தங்கக்காப்பு காணவில்லை. இதனால் பதற்றமடைந்து உடனே தியேட்டருக்கு சென்று தேடிப் பார்த்தனர். அங்கு தங்கக்காப்பு கிடைக்கவில்லை. உடனே தியேட்டருக்கு வெளியே வந்து தாங்கள் சென்ற இடங்களில் தங்க காப்பை தேடியுள்ளனர். அப்போது அப்பகுதியை மாநகராட்சி தூய்மை பணியாளர்கள் சுத்தப்படுத்தி குப்பையை வாகனத்தில் எடுத்துச் சென்றதாக அங்கிருந்தவர்கள் தெரிவித்துள்ளனர். இதையடுத்து தியேட்டர் பகுதியில் குப்பை சேகரிப்பில் ஈடுபட்ட மாநகராட்சி சுகாதாரத்துறை மேற்பார்வையாளர் குமரேசனை குழந்தையின் பெற்றோர் தொடர்பு கொண்டு பேசினர்.

அவர் அங்கு குப்பை அள்ளி வந்த வாகனத்தை சாலையோரம் நிறுத்தி காணாமல் போன தங்கக்காப்பை தேடியுள்ளார்கள். அதில், தூய்மை பணியாளர் மணிவேல் கையில் தாங்க காப்பு கிடைத்தது. உடனே அதனை தேடிய குழந்தையின் தந்தைக்கு தகவல் கொடுத்தனர். அவர்கள் வந்து தூய்மை பணியாளர்களிடமிருந்து தங்கக்காப்பை பெற்றுக் கொண்டனர். குழந்தை தவறவிட்ட தங்க காப்பை தூய்மை பணியாளர்கள் குப்பையில் இருந்து மீட்டு ஒப்படைத்த தகவலை அறிந்த மாநகராட்சி அதிகாரிகள் அவர்களை வெகுவாக பாராட்டினர்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/47zomWY />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/47zomWYசேலம்: செளடேஸ்வரி கல்லூரி முதல்வர்மீது பாலியல் புகார்; போலீஸ் விசாரணையும், முதல்வர் விளக்கமும்!


http://dlvr.it/T3vVxQ

Read More

ஜாபர் சாதிக் வழக்கு: `திமுகவை கொச்சைப்படுத்தும் பாஜகவின் அரசியல் நாடகம்' - பீட்டர் அல்போன்ஸ் ஆவேசம்

பால்வளத்துறை அமைச்சர் மனோ தங்கராஜ் எழுதிய 'மன் கீ பாத் - மனதின் குரலுக்கு ஓர் இந்திய குடிமகனின் 108 கேள்விகள்" என்ற புத்தகம் வெளியீட்டுவிழா நாகர்கோவிலில் நடந்தது. மாநில சிறுபான்மை ஆணைய தலைவர் பீட்டர் அல்போன்ஸ் புத்தகத்தை வெளியிட்டார். மாநில திட்டக்குழு துணைத்தலைவர் ஜெயரஞ்சன் முதல் பிரதியை பெற்றுக்கொண்டார்.

இந்த நிகழ்ச்சியில் பீட்டர் அல்போன்ஸ் பேசுகையில், "பா.ஜ.க, ஆர்.எஸ்.எஸ் கருத்தை முறியடிக்கும் விதமாக இந்த புத்தகத்தை எழுதிய மனோ தங்கராஜுக்கு வாழ்த்துகள். நாம் கூடியிருக்கிற இந்த காலம் இந்திய வரலாற்றிலே மிக முக்கியமான காலம். 17-வது நாடாளுமன்றத்தை முடித்து 18-வது நாடாளுமன்றத் தேர்தலுக்காக இந்த தேசம் காத்திருக்கின்றது. பொதுவாக அரசியல் கட்சி தலைவர்களுக்கு தங்களுடைய நீண்ட பயணத்தில் நாடாளுமன்ற சட்டமன்ற அமைச்சர்களாக பணியாற்றக் கூடிய வாய்ப்புகள் கிடைப்பதுண்டு. அப்படி கிடைக்கின்ற போதெல்லாம் பலர் தாங்கள் வகிக்கும் பதவி நிரந்தர பதவி என்று நினைத்துக் கொள்கிறார்கள். ஆனால், நாடாளுமன்ற உறுப்பினரோ, சட்டமன்ற உறுப்பினரோ, அமைச்சஎ என்பதோ நாம் ஏற்றுக் கொண்டிருந்த பயணத்தில் ஒரு சிறிய கட்டம் தானே ஒழிய அது நிரந்தரம் அல்ல.

நாம் எல்லோரும் சமூக போராளிகள். எந்த நேரத்திலும் போராட்டத்திற்கான ஆயுதத்தை கூர்மைப்படுத்திக் கொண்டே இருக்க வேண்டும். கருணாநிதி முதலமைச்சர் நாற்காலியில் இருந்தாலும் சரி, எதிர்க்கட்சி நாற்காலியில் இருந்தாலும் சரி, திராவிட முன்னேற்றக் கழக தலைவர் என்கிற பதவியில் இருந்தாலும் சரி எந்த காலகட்டத்திலும் அவர் தன்னிடமிருந்து எழுத்து திறமையை கூர்மையாக்கி கொண்டே இருந்தார். அதனால்தான் இன்று கருணாநிதி என்கிற மாபெரும் ஆளுமை உலகம் முழுவதும் கொண்டாடப்படுகின்ற ஆளுமையாக இருக்கிறது.

அந்த வகையிலே அமைச்சர் மனோ தங்கராஜ் அமைச்சர் பதவி கையிலே கிடைத்துவிட்டது, இதுதான் நிரந்தரம் என்று எண்ணவில்லை. அமைச்சருக்கு இருக்கின்ற அலுவல் நெருக்கடியில் தகவல்களை திரட்டி அதை அருமையாக தொகுத்து ஒரு புத்தகமாக வெளியிட்டு இருக்கிறார். புத்தக வெளியீட்டு விழாவில் கலந்துகொண்டவர்கள்

1947-க்கு பிறகு 1950 ஜனவரி மாதம் 26-ம் தேதி வரை இந்த தேசத்தை ஒரு குடியரசாக கட்டி அமைப்பதற்காக இந்த தேசத்தினுடைய முன்னோர்கள் ஏற்றுக்கொண்ட மிகப்பெரிய தியாக வரலாற்றை பற்றி மோடி-க்கு ஏதாவது அடிப்படை புரிதல் உண்டா. மோடி பிறப்பதற்கு முன்பே இந்த தேசம் சுதந்திரத்தை பார்த்து விட்டது. நேரு ஏறக்குறைய 200-க்கும் அதிகமான் பொதுத்துறை நிறுவனங்களை ஏற்படுத்தினார். சுதந்திர இந்தியாவின் ஒவ்வொரு பிரதமரும் பொதுத்துறை நிறுவனங்களை உருவாக்கிக் கொண்டே வந்திருக்கிறார்கள். 256 பொதுத்துறை நிலவரங்களை தன்னுடைய பத்தாண்டு காட்சி காலத்தில் தனியாருக்கு வழங்கியிருக்கிறார் மோடி. ஒரு பொதுத்துறை நிறுவனத்தை கூட தொடங்காத ஒரே பிரதமர் நரேந்திர மோடி. நாட்டை இரண்டு பேர் விற்கிறார்கள், இரண்டு பேர் வாங்கிக் கொண்டு இருக்கிறார்கள். கேரள முன்னாள் முதல்வர் ஏ.கே.ஆன்றணியின் மகன் அனில் ஆன்றணி, முன்னாள் முதல்வர் கே.கருணாகரனின் மகள் பத்மஜா என பலரையும் தங்கள் பக்கம் இழுத்துவிட்டனர்.

குற்றம் செய்தவர்களை தண்டிப்பதிலோ, நடவடிக்கை எடுப்பதிலோ, கைது செய்வதிலோ, சிறைக்கு அனுப்புவதிலோ எங்களை யாருக்கும் அச்சமும் இல்லை தடையும் இல்லை பயமும் இல்லை. ஒரு சிறிய பொறுப்பில் இருக்கும் ஜாபர் சாதிக் போதை மருந்து கடத்தியதாக நீங்கள் குற்றம் சாட்டுகிறார்கள். அந்த குற்றச்சாட்டு வருவதை பார்க்கின்ற போது எங்களுக்கு திகைப்பாக இருக்கிறது. நம்முடைய எதிரிகள் எவ்வளவு ஆபத்தானவர்கள் என்று புரிந்துகொள்ளுங்கள்.  இந்தியா கூட்டணிக்கு இருக்கிற வெற்றி வாய்ப்பினையும் முறியடிப்பதற்காக, இந்த கூட்டணிக்கு தலைமை வைத்திருக்கின்ற தி.மு.க-வை கொச்சைப்படுத்துவதற்கு அரசியல் நாடகத்தை பா.ஜ.க அரங்கேற்றியதாக நான் பகிரங்கமாக குற்றம் சாட்டுகிறேன்.

2024 நாடாளுமன்ற தேர்தலில் ஆட்சி மாற்றம் ஏற்படவில்லை என்று சொன்னால் நாம் சந்திக்கின்ற கடைசி தேர்தலாக இந்த தேர்தல் இருக்கும். பல்வேறு மனவருத்தங்கள் மனக்கசப்புகள் கூட்டணி கட்சிகளுக்குள் இருந்தாலும் எல்லாவற்றையும் மறந்து விட்டு இந்த நாடாளுமன்ற தேர்தல் என்பது நாமும் நமது இயக்கங்களும் பணி செய்ய வேண்டும்" என்றார்.அமைச்சர் மனோதங்கராஜ் எழுதிய 'மன் கீ பாத் - மனதின் குரலுக்கு ஓர் இந்திய குடிமகனின் 108 கேள்விகள்' என்ற புத்தகத்தை பீட்டர் அல்போன்ஸ் வெளியிட்டார்

கன்னியாகுமரி நாடாளுமன்ற உறுப்பினர் விஜய் வசந்த் பேசுகையில், "அமைச்சர் மனோ தங்கராஜ் எதையும் லவ் பண்ணிதான் பண்ணுவார். அதனால்தான் இந்த புத்தகத்தைக்கூட காதலின் குறியீடான 143 பக்கங்கள் எழுதியுள்ளார்" என்றார். நிறைவாக ஆசிரியர் உரையில் அமைச்சர் மனோதங்கராஜ் பேசுகையில், "அமைச்சராக இருப்பதால் இந்த புத்தகத்தை யோசித்து வெளியிடுங்கள் என சிலர் சொன்னார்கள். தலைமையிலும், வழக்கறிஞரிடமும் கேளுங்கள் என்றனர். முதல்வர் ஸ்டாலின் ஒப்புதல் கொடுத்ததால் வெளியிடுகிறோம். மோடி என்கின்ற மனிதர் என்றைக்காவது பத்திரிகையை சந்தித்து நீங்கள் பார்த்திருப்பீர்களா. அவர் எந்த பத்திரிகையும் சந்திக்க மாட்டார். நாடாளுமன்றத்திலாவது வந்திருந்து எதிர்க்கட்சிகள் எழுப்புகின்ற கேள்விகளுக்கு அல்லது நாட்டிலே நடைபெறுகின்ற முக்கியமான பிரச்னைகளுக்கு பதில் சொல்வாரா என்று சொன்னால் அதுவும் இல்லை. மணிப்பூர் விவகாரத்தில் அவரை பேச வைப்பதற்காக ஒரு நம்பிக்கை இல்லா தீர்மானம் கொண்டு வர வேண்டிய நிலைமைக்கு இந்த நாடு தள்ளப்பட்டது.

அவர் மன் கீ பாத் என்ற நிகழ்ச்சியில் ரேடியோவில் பேசுவார். அவரது பேச்சை மாணவர்கள், அலுவலர்கள் கேட்க வேண்டும். பெண்களை அதிகாரப்படுத்தியிருக்கிறோம் என்பார். ஆனால் பெண்கள் சந்திக்கும் முக்கிய பிரச்னைகள், ஆஷிபா, மணிப்பூர் பெண்கள், மல்யுத்த வீரங்கணைகள் பட்ட துன்பம் பற்றி பேசமாட்டார். மேக் இன் இந்தியா என்பார் பிரதமர் மோடி. ஆனால், அனைத்தும் சீனா தயாரிப்பாக உள்ளது. சீனாவை பற்றி ஒருவார்த்தைக்கூட பேசாத பிரதமர் மோடி. இவர் கோழை பிரதமர் என சீனாவுக்கு தெரிந்திருக்கிறது. மனதின் குரல் நிகழ்ச்சியில் அவரிடம் மக்கள் முன் வைக்காத கேள்விகளை அவருக்கு நேரகா கேட்க்கும் விதமாக இந்த புத்தகத்தை வெளியிட்டிருக்கிறோம். ஆர்.எஸ்.எஸ்.பா.ஜ.க கேள்விகேட்டால் அதற்கான பதில்களுக்கான தரவுகளை தந்திருக்கிறேன். சாமானிய குடிமகன் பிரதமர் செய்யத்தவறியதை கேட்பது தான் இந்த புத்தகத்தின் நோக்கம்" என்றார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/47zomWY">
https://bit.ly/47zomWY />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/47zomWY">
https://bit.ly/47zomWY />

http://dlvr.it/T3vC8x

Read More

திமுக கூட்டணியில் ஒரே ஒரு ராஜ்ய சபா சீட் - ம.நீ.ம ஒப்புக்கொண்டதன் பின்னணி என்ன?!

மக்கள் நீதி மய்யத்துக்கு ஒரு ராஜ்ய சபா சீட் மட்டுமே ஒதுக்கியுள்ளது தி.மு.க. மேலும் மக்களவைத் தேர்தலில் போட்டியிடவில்லை என்றும் அறிவித்திருக்கிறார் கமல். தி.மு.க ம.நீ.ம-வுக்கு இடையே பேச்சுவார்த்தையின் தொடக்கத்திலிருந்தே என்ன நடந்தது என விரிவாக விசாரித்தோம்.

நாடாளுமன்றத் தேர்தலுக்கான தொகுதி பங்கீடு பேச்சுவார்த்தையை முடித்திருக்கிறது திமுக. இந்திய யூனியன் முஸ்லீம் லீக், கொங்கு மக்கள் தேசிய கட்சி. ம.தி.முக ஆகிய கட்சிகளுக்கு தலா ஒரு தொகுதியும், இரு கம்யூனிஸ்ட் கட்சிகள் வி.சி.க-வுக்கு தலா இரண்டு தொகுதிகள் என ஒப்பந்தம் கையெழுத்தாகியுள்ளது. அதிகபட்சமாக காங்கிரஸுக்கு கட்சிக்கு புதுச்சேரியுடன் சேர்ந்த்து 10 தொகுதிகள் ஒதுக்கப்பட்டுள்ளது. உதயநிதி ஸ்டாலின்

மக்கள் நீதி மய்யத்தை பொறுத்தவரை, அதிகாரப்பூர்வ கூட்டணிப் பேச்சுவார்த்தைகள் நடைபெறாத நிலையில் முதன் முறையாக மார்ச் 9-ம் தேதி அறிவாலயம் வந்தார் கட்சித் தலைவர் கமல்ஹாசன். மக்கள் நீதி மய்யத்துக்கு ஒரு ராஜ்ய சபா சீட் ஒதுக்கீடு செய்யப்படுவதாக ஒப்பந்தம் கையெழுத்தானது. மேலும் மக்களவைத் தேர்தலில் ம.நீ.ம போட்டியிடாது என்றும் தி.மு.க-வுக்காக தமிழ்நாடு மற்றும் புதுச்சேரியில் மக்கள் நீதி மய்யம் பிரசாரம் மேற்கொள்ளும் என்றும் முடிவு செய்யப்பட்டுள்ளது.

நம்மிடம் பேசிய விபரமறிந்தவர்கள் ``தி.மு.க - ம.நீ.ம இடையேயான பேச்சுவார்த்தை கமலுக்கும் உதயநிதிக்கும் இடையே நேரடியாக நடந்திருக்கிறது. மநீம உடனான தொகுதி பங்கீட்டில் உதயநிதியும் கலந்து கொண்டதை காண முடியும். தென்சென்னை அல்லது கோவை தொகுதியில் போட்டியிட வேண்டும் என விருப்பம் தெரிவித்திருக்கிறார் கமல். தேர்தல் நெருக்கத்தில் பார்த்துக் கொள்வோம் என இசைவு தெரிவித்திருக்கிறது தி.மு.க. தென்சென்னையை பொறுத்தவரை தி.மு.க-வின் கோட்டையாக கருதப்படும் பகுதி, மேலும் டிசம்பர் வெள்ளத்தால் சில அதிருப்திகள் நிலவும் வாய்ப்பும் இருப்பதால், அதனை கூட்டணிக் கட்சிகளுக்கு கொடுப்பது சரியாக இருக்காது என முடிவெடுத்திருக்கிறது. கமல்

கோவை பொறுத்தவரை, அ.தி.மு.க-வும் பா.ஜ.க-வும் பிரிந்து நிற்கும் சூழலில், இருவருக்குமே கணிசமான வாக்குகள் உள்ள தொகுதி. இந்நிலையில் கமல்ஹாசனை அதுவும் டார்ச் லைட் சின்னத்தில் நிற்க வைப்பது வொர்க்கவுட் ஆகாது என்பது தி.மு.க-வின் அனுமானம். அதேசமயம் எங்களுக்கு `கோவை வேண்டும்’ என அழுத்தமாக வலியுறுத்தியிருக்கிறது சி.பி.எம். பலகட்ட ஆலோசனைகளுக்கு பிறகு `உதயசூரியன் சின்னத்தில் கோவையில் கமலை நிற்க வைக்கலாம்’ என முடிவெடுத்தது தி.மு.க. ஒரு கட்சியின் தலைவர் எப்படி மற்றொரு கட்சி சின்னத்தில் நிற்க முடியும்’ என மறுத்திருக்கிறது ம.நீ.ம தரப்பு. `உதயசூரியன் சின்னத்தில் கோவை அல்லது ராஜ்ய சபா’ இரண்டில் ஒன்றை தொடுங்கள் என தன் முடிவில் உறுதி காட்டி இருக்கிறது அறிவாலயம். உதயசூரியன் சின்னத்தில் போட்டியிடுவதற்கு ராஜ்ய சபா சீட் பெறுவதுமேல் என இம்முடிவை எடுத்திருக்கிறார் கமல்” என்றனர்.

நம்மிடம் பேசிய தலைமைக்கு நெருக்கமான சிலர் ``உதயசூரியன் சின்னத்தில் போட்டியிடுவதில் கமல் உள்ளிட்ட ம.நீ.ம முதற்கட்ட தலைவர்கள் யாருக்குமே விருப்பமில்லை. அதனைவிட்டால் போட்டியிட எங்களுக்கு தி.மு.க எந்த வாய்ப்பும் வழங்கவில்லை. இறுதி நிமிடத்தில் கூட்டணி மாற, உகந்த அணிகளும் இல்லை, தனித்து நிற்கும் கட்டமைப்பையும் நாங்கள் தயார் செய்திருக்கவில்லை. எனவே ராஜ்ய சபா சீட்டுக்கு ஒப்புக் கொண்டோம்” என்றார் வருத்தத்துடன்.ஸ்டாலின்

நம்மிடம் பேசிய மக்கள் நீதி மய்யத்தின் ஊடகப் பிரிவு செயலாளர் முரளி அப்பாஸ், ``பேச்சுவார்த்தையில் இதெல்லாம் நடந்ததா என்ற வியூகங்களுக்கு பதிலளிக்க முடியாது. பா.ஜ.க-வை தோற்கடிக்க வேண்டும் என்ற ஒற்றை நோக்கத்தில் உருவாக்கப்பட்ட இந்தியா கூட்டணியில் இணைந்திருக்கிறது மக்கள் நீதி மய்யம். `எங்களுடைய தனிப்பட்ட நலனை விட தேசத்தின் நலனே முக்கியமானது’ என்பதால், ராஜ்ய சபா சீட்டை பெற்றிருக்கிறோம். திமுக தலைமையிலான கூட்டணியை ஆதரித்து வரக்கூடிய நாடாளுமன்றத் தேர்தலில் பிரசாரம் மேற்கொள்ள இருக்கிறோம். எங்கள் தலைவர் கமல்ஹாசனின் முடிவை கட்சி முழுமனதுடன் ஏற்றுக் கொண்டுள்ளது” என்று முடித்துக்கொண்டார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/47zomWY />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/47zomWYஎன்ன ஆனது மக்கள் நீதி மய்யம்?


http://dlvr.it/T3v1BG

Read More

கார்ட்டூன்: SBI உண்டியல்..!

கார்ட்டூன்


http://dlvr.it/T3v12H

Read More

`அன்று ED, இன்று NCB; ஜாபர் சாதிக்குக்கும் திமுக-வுக்கும் எந்தத் தொடர்பும் இல்லை!' - அமைச்சர் ரகுபதி

போதைப்பொருள் கடத்தலுக்கு மூளையாகச் செயல்பட்ட தி.மு.க சென்னை மேற்கு மாவட்ட அயலக அணி துணை அமைப்பாளராக இருந்த ஜாபர் சாதிக், ஜெய்ப்பூர் பங்களாவில் பதுங்கியிருந்தது தெரியவந்தது. இதையடுத்து அவர் டெல்லிக்கு அழைத்து வரப்பட்டு போதைப்பொருள் தடுப்பு அதிகாரிகளால் நேற்று கைதுசெய்யப்பட்டார். இந்த நிலையில், தமிழ்நாட்டின் சட்டத்துறை அமைச்சர் ரகுபதி இன்று செய்தியாளர்களைச் சந்தித்துப் பேசினார். அப்போது அவர், ``தி.மு.க-வை கலங்கப்படுத்த பா.ஜ.க செய்யும் அரசியல் தமிழ்நாட்டிலும், இந்திய அளவிலும் எடுபடாது.சட்டத்துறை அமைச்சர் ரகுபதி

பா.ஜ.க அரசின் சர்வாதிகாரப்பிடியிலிருந்து நாட்டை விடுவிக்கவேண்டும் என்பதற்காக, அகில இந்தியளவில் அணி திரட்டுவதில் முக்கியப் பங்கு வகித்த, வகித்துக்கொண்டிருக்கும் தி.மு.க-வை தேர்தல் களத்தில் கலங்கப்படுத்தி, அதன் மூலம் அரசியல் லாபம் பார்க்கலாம் என பா.ஜ.க தப்புக் கணக்குப் போட்டுக்கொண்டிருக்கிறது. அதற்கு அ.தி.மு.க-வும் துணை நிற்கிறது. வருமான வரித்துறை, சி.பி.ஐ, அமலாக்கத்துறை போன்ற அமைப்புகளை வரிசையாகக் களமிறக்கிவிட்ட பா.ஜ.க அரசு, தற்போது தி.மு.க அரசை எதிர்க்க என்.சி.பி அமைப்பை இறங்கியிருக்கிறது.

தி.மு.க அரசின் போதைக்கு எதிரான நடவடிக்கையை நீதிமன்றமே பாராட்டியிருக்கிறது. ஆனால், மத்திய பா.ஜ.க அரசு என்.சி.பி-யை வைத்து மிரட்டிப்பார்க்கலாம் என நினைக்கிறது. என்.சி.பி-யின் துணை இயக்குநர் ஞானேஸ்வர்சிங் புலன் விசாரணை முழுமையாக முடிவதற்கு முன்பே அவசர அவசரமாக பத்திரிக்கையாளரைச் சந்திக்கிறார். புலன் விசாரணை முழுமையாக்கப்படுவதற்கு முன்பே செய்தியாளர்களைச் சந்திப்பது இதுவே முதன்முறை. அதன் மூலம் தி.மு.க-வை கலங்கப்படுத்த முயல்கிறார். தி.மு.க எதிர்க்கட்சியாக இருந்தபோதுதான், தமிழ்நாட்டில் அமைச்சரே குட்கா வியாபாரிக்குத் துணை போனது குறித்து வழக்கு தொடர்ந்தோம். நீதிமன்றமே, துணைபோன அதிகாரிகள் மீது சி.பி.ஐ விசாரணை நடத்தியது.சட்டத்துறை அமைச்சர் ரகுபதி

முன்னாள் அமைச்சர் விஜயபாஸ்கர் வீட்டில் சோதனை நடத்தியபோது கிடைத்த ஆவணத்தில், ரூ.85 கோடி எந்தெந்த அமைச்சருக்குத் தரப்பட்டது என்பது குறித்த விவரங்கள் இருந்தன. ஆனால், அது குறித்து அமலாக்கத்துறையோ, வருமான வரித்துறையோ நடவடிக்கை எடுத்ததாகத் தெரியவில்லை. பா.ஜ.க-வை தாங்கிப் பிடிக்கப் புலன் விசாரணை அமைப்புகள் தீவிரமாக முயன்றுவருகின்றன. பிப்-15-ம் தேதி ஜாபர் சாதிக்கைத் தேடப்படும் குற்றவாளியாக அறிவித்ததாகச் சொல்கிறது என்.சி.பி. ஆனால், பிப்-21 அன்று அவர் மங்கை திரைப்பட வெளியிட்டு விழாவில் கலந்துகொண்டார். அப்போது என்.சி.பி எங்கே போனது...

2013-லேயே ஜாபர் சாதிக் மீது ஒரு வழக்கு வந்தது. அப்போது ஆட்சியிலிருந்தது அ.தி.மு.க, வழக்கை உறுதியாக நடத்தாமல் கோட்டைவிட்டது. அப்போதே உருப்படியாக நடத்தியிருந்தால், இந்த நிலை ஏற்பட்டிருக்காது. மேலும், அப்போது ஜாபர் சாதிக்குக்காக வாதாடிய வழக்கறிஞர் பா.ஜ.க-வின் வழக்கறிஞர் அணித் தலைவர் பால் கனகராஜ். எங்கள் இயக்கத்தில் 2 கோடிக்கும்மேல் தொண்டர்கள் இருக்கிறார்கள். அவர்களில் யார்மீதாவது தவறுகள் இருந்தால், உடனடியாக அவர்களைக் கட்சியிலிருந்து நீக்கி உடனடி நடவடிக்கை எடுக்கப்பட்டிருக்கிறது. இந்த போதைப்பொருளுக்கு முக்கியக் காரணமாக இருப்பது, குஜராத் மாநிலத்தின் முந்த்ரா துறைமுகம்தான்.எடப்பாடி பழனிசாமி

அங்கேதான், 21 ஆயிரம் கிலோ, 9 ஆயிரம் கிலோ என போதைப்பொருள்கள் கடத்தப்பட்டிருக்கிறது. அதுவும், பாகிஸ்தான் அமைப்புகளுடனெல்லாம் தொடர்பு வைத்துக் கடத்தப்பட்டிருக்கிறது. இந்திய அளவில், குஜராத், உத்தரப்பிரதேசம், மகாராஷ்டிராவில்தான் அதிக போதைப்பொருள் கடத்தல் வழக்குகள் போடப்பட்டிருக்கிறது. எனவே, தற்போது பா.ஜ.க தேர்தலுக்காக தி.மு.க மீது குற்றச்சாட்டைச் சுமத்திவிட முடியாதா எனக் கனவுக் காண்கிறது. தமிழ்நாட்டு மக்கள் அனைத்தையும் பார்த்துக்கொண்டிருக்கிறார்கள்.

ஜாபர் சாதிக் தொடர்புடைய போதைப்பொருள்கள்கூட தமிழ்நாட்டில் பிடிக்கப்படவில்லை. ஏனென்றால் தமிழ்நாட்டுக்குள் போதைப்பொருள் கடத்துவதைத் தீவிரமாகக் கண்காணித்து ஒழித்து வருகிறோம். இந்தியாவிலேயே தமிழ்நாடுதான் கஞ்சா உள்ளிட்ட போதை வஸ்துக்கள் விளைவிக்கப்படாத மாநிலம். எனவே, தமிழ்நாட்டில் போதைப்பொருள் நடமாட்டத்துக்கு தி.மு.க அரசு ஒருபோதும் உறுதுணையாக இருக்காது. தமிழ்நாட்டின் வளர்ச்சி ஏன் வடமாநிலங்களில் இல்லை என வடமாநில மக்கள் அந்தந்த மாநில அரசுகளிடம் கேள்விகேட்கத் தொடங்கிவிட்டார்கள்.முந்த்ரா துறைமுகம்

அதன்காரணமாகதான் தமிழ்நாட்டை போதைப்பொருள் மாநிலமாகச் சித்திரிக்க சதித்திட்டம் நடக்கிறது. இன்றளவும் பா.ஜ.க-வை சேர்ந்தவர்கள் போதைப்பொருள் கடத்தலில் ஈடுபட்டு வருகிறார்கள். ஆனால், அவர்கள் பா.ஜ.க-வில் இணைந்ததும் புனிதர்களாக மாறிவிட்டார்கள். ஜாபர் சாதிக்குக்கும் தி.மு.க-வுக்கும் எந்த தொடர்புமில்லை. அவருடன் தொடர்பிலிருந்தவர்கள் அனைவரும், அ.தி.மு.க, பா.ஜ.க-வில் தான் இருக்கிறார்கள்.

போதைப்பொருள் கடத்தப்பட்டதிலிருந்து கட்சிக்குப் பணம் கொடுத்ததாக முன்வைக்கப்படும் குற்றச்சாட்டுகள் அனைத்தும் பொய். குற்றவாளிக்கு துணைபோகமாட்டோம், குற்றவாளியை தப்பிக்கவும் விடமாட்டோம். எந்த ஆதாரமும் இல்லாமல், குற்றவாளியுடன் தொடர்புப்படுத்தி கட்சித் தலைவர்களை இணைக்கிறார்கள் என்றால், அதற்கு எதிராக வழக்கு தொடர்ந்து நடவடிக்கை எடுக்கப்படும்" எனத் தெரிவித்திருக்கிறார். ஜாபர் சாதிக்: `3,500 கிலோ போதைப் பொருள்; சினிமா தொடர்பு... விசாரிக்கப்படும்!’ - அதிகாரி சொல்வதென்ன?


http://dlvr.it/T3sr8P

Read More