Saturday 16 March 2024
சிதம்பரம்: `என்ன செய்தார் தொல்.திருமாவளவன் எம்.பி?’ - உங்கள் கருத்து என்ன?!
தலைகாட்டவே இல்லை!”
தொல்.திருமாவளவனின் செயல்பாடுகள் குறித்து உங்கள் கருத்து என்ன... பதிந்து, முடிவைத் தெரிந்துகொள்ளுங்கள்.
இந்த சர்வேயில் விகடன் App-லிருந்து பங்கேற்க இங்கே க்ளிக் செய்யவும்.
https://forms.gle/g1EvcQDbJ2wmXmCp6?appredirect=websiteLoading…
http://dlvr.it/T485TK
Friday 15 March 2024
`கள்ளிப்பால் கொடுத்து ஆண் குழந்தைகளைக் கொல்லும் நிலை வருமோ என பயந்தேன்!' - பூண்டி கலைவாணன் பேச்சு
நிகழ்ச்சியில் திருவாரூர் தொகுதி சட்டமன்ற உறுப்பினர் கலைவாணன் சிறப்புரையாற்றினார். அவர் பேசுகையில், ``இது கல்லூரி நிகழ்ச்சி என்பதால், அரசியல் பேசக் கூடாது. ஆனால் இதைச் சொல்லியே ஆக வேண்டும். திராவிட மாடல் ஆட்சியில் தலையாயக் கொள்கைகளில் ஒன்று பெண்களுக்கு, முன்னுரிமையும் சம உரிமையும் வழங்குவது. அக்கொள்கை முயற்சியின் வெற்றியாக, இக்கலை அரங்கத்தில் மாணவர்களைக் காட்டிலும் மாணவிகளே அதிக அளவில் இடம் பெற்றிருக்கிறீர்கள். தஞ்சாவூர் நாடாளுமன்ற தொகுதியை பெண்களுக்கு ஒதுக்க திமுக முடிவா?! - ரேஸில் யார் யார்?!
பெண் கல்வியை ஊக்கப்படுத்த அரசுப் பள்ளிகளில் பயின்று, கல்லூரியில் கல்வி பயிலும் மாணவிகள் அனைவருக்கும் மாதம் ஆயிரம் ரூபாய் என்ற புதுமைப் பெண் திட்டம் துவக்கப்பட்டது. திராவிட மாடல் ஆட்சியில் மகளிருக்குக் கட்டணமில்லா இலவச பேருந்து , மாணவிகளுக்கு மாதம் ஆயிரம் ரூபாய், மகளிர் உரிமைத்தொகை என மகளிர் முன்னேற்றத்திற்காக எண்ணற்ற திட்டங்களை நம் முதல்வர் அறிவித்திருக்கிறார்.
எனக்குள் ஒரு பயம்... என்ன இது, எதை எடுத்தாலும் மகளிருக்கான திட்டங்களையே அறிவித்துக் கொண்டிருக்கிறார்களே... இப்படியே தொடர்ந்தால், முன்னர் பெண் குழந்தைகள் பிறந்தால், கள்ளிப்பால் கொடுத்துக் கொலைசெய்யும் வழக்கம் இருந்ததைப்போல, வரும் காலங்களில் ஆண் குழந்தைகள் பிறந்தால் கள்ளிப்பால் கொடுத்துக் கொலைசெய்யும் நிலை வந்துவிடுமோ எனப் பயந்து கொண்டிருந்தேன். ஆனால், நம் முதல்வர் அவர்கள் தமிழ் புதல்வன் என்ற அரசுப் பள்ளிகளில் பயின்று கல்லூரி பயிலும் மாணவர்களுக்கும் ஆயிரம் ரூபாய் என்ற சிறப்பான திட்டத்தை அறிவித்திருக்கிறார்" என்றார்.
தொடர்ந்து பேசியவர், ``இக்கல்லூரியில் உள்ள மாதவி கலையரங்கத்தில் அனைத்து மாணவர்களும் அமரும் வகையில் இட வசதி இல்லை... எனவே, புதிய கலையரங்கம் அமைத்துத் தர வேண்டும் என்ற கோரிக்கையை வைத்துள்ளீர்கள். நம் முதல்வர் அவர்கள் திருவாரூர் என்றாலே நிச்சயம் இல்லையென்று சொல்ல மாட்டார். இது குறித்து அரசுடன் கலந்தாலோசித்து நிச்சயம் கோரிக்கை நிறைவேற்றப்படும். அதுவரை இருக்கும் கலையரங்கத்தில் மாணவர்களுக்கும் இடமளித்து ஆண்களுக்கான சம உரிமையை மாணவிகள் வழங்க வேண்டும்" என்றார். சிக்கிய ரூ.75 லட்சம்; திமுக எம்.எல்.ஏ மகனிடம் ஊழல் தடுப்பு அதிகாரிகள் சோதனை - பூண்டி கலைவாணன் பதில்
http://dlvr.it/T46qg9
`பொன்முடி’க்காகவே டெல்லி சென்றாரா ஆளுநர்? - அமைச்சராக பதவியேற்பது எப்போது?
கடந்தகால திமுக ஆட்சியில் அமைச்சராக இருந்த பொன்முடி, தனது பதவியைத் தவறாகப் பயன்படுத்தி வருமானத்துக்கு அதிகமான சொத்து சேர்த்ததாகக் குற்றம் சாட்டப்பட்டது. இந்த வழக்கில் பொன்முடி, அவரின் மனைவி விசாலாட்சி குற்றம் சாட்டப்பட்ட நிலையில் ஏற்கனவே இந்த வழக்கில் இருந்து இருவரும் விடுவிக்கப்பட்டிருந்தார்கள். இருந்தபோதிலும் இந்த வழக்கின் மேல்முறையீட்டில் கடந்த டிசம்பர் மாதம் பொன்முடிக்கும் அவரது மனைவிக்கும் மூன்று ஆண்டு சிறைத் தண்டனையும், 50 லட்ச ரூபாய் அபராதமும் விதிக்கப்பட்டது.பொன்முடி
இந்த தீர்ப்பின் காரணமாக பொன்முடி மக்கள் பிரதிநிதித்துவ சட்டத்தின் கீழ் தனது சட்டமன்ற உறுப்பினர் பதவியையும், அமைச்சராகும் தகுதியையும் இழந்தார். திருக்கோவிலூர் சட்டமன்றத் தொகுதி கலியானதாகவும் மார்ச் மாதம் முதல் வாரம் தேர்தல் ஆணையத்துக்கு கடிதம் எழுதப்பட்டது. இருந்தபோதிலும், இந்த தீர்ப்பை எதிர்த்து பொன்முடி தரப்பில் உச்ச நீதிமன்றத்தில் மேல்முறையீடும் செய்யப்பட்டிருந்தது. இந்த விசாரணையில் கடந்த சில தினங்களுக்கு முன்பாக, பொன்முடியின் மீதான தீர்ப்பை நிறுத்தி வைப்பதாக உச்ச நீதிமன்றம் கூறியுள்ளது.
மீண்டும் அமைச்சர் பதவி!
உச்ச நீதிமன்றம், சிறப்பு நீதிமன்றம் வழங்கிய தீர்ப்பை நிறுத்தி வைத்ததால், தீர்ப்புக்கு முந்தைய நிலையே தொடரும். அதாவது அவர் சட்டமன்ற உறுப்பினராகவே தொடர்வார் என்ற பொருள். உச்ச நீதிமன்ற தீர்ப்பை அடுத்து, திருக்கோவிலூர் சட்டமன்றத் தொகுதி காலியானதாக வெளியான அறிவிப்பைத் திரும்பப் பெறுவதாகத் தமிழ்நாடு சட்டப்பேரவை செயலகம் அறிவித்துள்ளது. இந்த அறிவிப்பின்படி பொன்முடி மீண்டும் தனது சட்டமன்ற உறுப்பினர் பதவியைத் தக்கவைத்திருக்கிறார் என்பது உறுதியாகிறது.பொன்முடி
இதனால், பொன்முடி மீண்டும் அமைச்சராகப் பொறுப்பேற்பார் என்று எதிர்பார்க்கப் பட்டது. எதிர்பார்த்தபடி, தமிழ்நாடு முதல்வர் ஸ்டாலின் பொன்முடியை அமைச்சராகப் பதவிப் பிரமாணம் செய்துவைக்கும்படி தமிழ்நாடு ஆளுநர் ஆர்.என்.ரவிக்குக் கடிதம் எழுதியிருந்தார். தமிழக அரசு சார்பில் இப்படி ஒரு கோரிக்கை வைக்கப்பட்டிருக்கும் நிலையில், ஆளுநர் ரவி டெல்லிக்கு மூன்று நாள் பயணமாக சென்றுள்ளார். ஆளுநர் சனிக்கிழமை சென்னை திரும்பும் நிலையில், அதுவரை பதவிப் பிரமாணம் செய்துவைக்க வாய்ப்பு இல்லை.
ஆளுநர் பயணமும் - பதவிப் பிரமாணமும்!
ஆளுநரின் திடீர் பயணம் குறித்து ஆளுநர் மளிகை வட்டாரத்திலும், சட்டமன்ற அலுவலகத்திலும் விசாரித்தோம். "பொன்முடிக்குப் பதவிப் பிரமாணம் செய்துவைக்கச் சொல்லி 13-ம் தேதி மதியமே ஆளுநர் மாளிகைக்குக் கடிதம் வந்துவிட்டது. இருந்தபோதிலும், நீதிமன்ற உத்தரவு குறித்த இணைப்புகள் அதில் இல்லை. மேலும் ஆளுநர் மாளிகையிலிருந்து தமிழக அரசிடம் சில ஆவணங்கள் கேட்கப்பட்டன. நீதிமன்ற உத்தரவுகள் குறித்த முழு விவரமும் வந்த பிறகு அதுகுறித்து சட்ட ஆலோசனை பெறவேண்டிய நிலை இருக்கிறது.ஆளுநர் ரவி
ஆளுநர் டெல்லி பயணத்தில் பொன்முடியை மீண்டும் அமைச்சராகப் பதவிப் பிரமாணம் செய்து வைப்பது குறித்து சட்ட ஆலோசனை செய்ய உள்ளார். அனைத்து ஆலோசனைகளும் பெற்ற பிறகு மீண்டும் சென்னை வந்து அடுத்தகட்ட நடவடிக்கைகள் எடுக்கப்படும். அதேநேரத்தில், ஆளுநர் தமிழகம் திரும்புவதற்கு முன்பாக தேர்தல் தேதி அறிவிக்கப்பட்டால் தேர்தல் நடத்தை அமலுக்கு வந்துவிடும். இருந்தபோதிலும், அமைச்சராகப் பதவியேற்பதற்கும் அதற்கும் எந்த சம்பந்தமும் இல்லை என்று ஏற்கனவே சபாநாயகர் தெளிவுபடுத்தியிருக்கிறார்." என்றார்கள். மறுபுறம், ஆளுநர் பயணம் ஏற்கனவே திட்டமிட்டது எனவும் அதற்கும் இந்த தீர்ப்புக்கும் தொடர்பு இல்லை என்றும் சொல்லப்படுகிறது. ஆளுநர் மீண்டும் தமிழகம் வரும்போதுதான் அனைத்தும் தெரியவரும்
Junior Vikatan-ன் பிரத்யேக Whatsapp Group...
இணைவதற்கு இங்கே க்ளிக் செய்யவும்...
https://bit.ly/47zomWY
வணக்கம்,
BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.
ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/47zomWYஜாபர் சாதிக் வாக்குமூலமும் பிரபலங்களும்... போதைப்பொருள் வழக்கு நிலவரம் என்ன?!
http://dlvr.it/T46N5M
EP02 நாடாளுமன்றத்தில் இவர்கள்: காமராஜரின் தேர்வு டு சோவியத்தில் மரணம் - வரலாற்றில் லால் பகதூர் சாஸ்திரி!
விவசாயிகள் போராட்டம் வீறுகொண்டு எழுந்திருக்கும் இன்றைய சூழலில், இந்தியாவில் 60 ஆண்டுகளுக்கு முன்பு ஒலித்த ‘ஜெய் ஜவான் ஜெய் கிசான்’ என்ற முழக்கத்தை ஒருவர் நினைவூட்டியிருக்கிறார். அவர், காங்கிரஸிலிருந்து விலகி பா.ஜ.க-வில் இணைந்திருக்கும் விபாகர் சாஸ்திரி. லால் பகதூர் சாஸ்திரி!
எந்த அரசுக்கு எதிராக விவசாயிகள் போராடுகிறார்களோ, விவசாயிகள் மீது எந்த அரசு அடக்குமுறையில் ஈடுபடுகிறதோ, அந்த அரசுக்கு தலைமை தாங்கும் கட்சியில் சேர்ந்த ஒருவர், ‘ஜெய் கிசான்’ என்று முழங்குவதுதான் முரணாக இருக்கிறது. முதன் முதலில் ‘ஜெய் ஜவான் ஜெய் கிசான்’ என்று முழங்கியவர், இந்திய அரசியலில் எளிமையின் சின்னமாக விளங்கியவரும், மதச்சார்பற்ற கொள்கையில் உறுதியாக இருந்தவரும், முன்னாள் பிரதமருமான லால் பகதூர் சாஸ்திரி. அவருடைய பேரன்தான், விபாகர் சாஸ்திரி.
விவசாயிகளின் கோரிக்கைகளையும் பா.ஜ.க அரசு ஏற்காத நிலையிலும், ‘பிரதமர் நரேந்திர மோடி தலைமையில், லால் பகதூர் சாஸ்திரியின் ‘ஜெய் ஜவான் ஜெய் கிசான்’ என்ற தொலைநோக்குப் பார்வையை மேலும் வலுப்படுத்துவதன் மூலம் நாட்டுக்கு சேவையாற்ற முடியும் என்று நினைக்கிறேன்’ என்கிறார் லால் பகதூர் சாஸ்திரியின் பேரன். லால் பகதூர் சாஸ்திரியை இழிவுபடுத்தும் செயல், இதைவிட வேறு எதுவும் இருக்க முடியாது என சாடுகிறார்கள் விவசாயிகள். சரி, அது இருக்கட்டும். நாம், இந்திய தேர்தல் வரலாற்றில் லால் பகதூர் சாஸ்திரி தொடர்பான சில பக்கங்களைப் புரட்டிப் பார்ப்போம். லால் பகதூர் சாஸ்திரி
சுதந்திரப் போராட்ட வீரரான லால் பகதூர் சாஸ்திரி, காந்திய கொள்கைகளால் பெரிதும் ஈர்க்கப்பட்டவர். நாட்டின் சுதந்திரத்துக்குப் பிறகு குடியரசு நாடாக இந்தியா உருவானதற்குப் பின்பாக, 1952-ம் ஆண்டு முதல் பொதுத்தேர்தல் நடைபெற்றது. அப்போது, காங்கிரஸ் கட்சியின் வேட்பாளர்கள் தேர்வுசெய்வதற்கான பொறுப்பு லால் பகதூர் சாஸ்திரிக்கு வழங்கப்பட்டது.
தேர்தல் பிரசாரம் தொடர்பான பணிகளையும் அவரே கவனித்தார். அந்தத் தேர்தலில், காங்கிரஸ் கட்சி மிகப்பெரிய வெற்றியைப் பெற்றது. அந்த வெற்றிக்கு முக்கியக் காரணமாக இருந்தவர், லால் பகதூர் சாஸ்திரி. நாட்டின் முதல் பிரதமராக ஜவஹர்லால் நேரு பதவியேற்றார். நேருவின் அமைச்சரவையில் ரயில்வே மற்றும் போக்குவரத்து அமைச்சராகப் பொறுப்பேற்றார் லால் பகதூர் சாஸ்திரி.ரயில் விபத்தும்... ராஜினாமாவும்!
1956-ம் ஆண்டு, ரயில்வே அமைச்சராக லால் பகதூர் சாஸ்திரி இருந்தபோது, மகபூப்நகர் ரயில் விபத்து நிகழ்ந்தது. அந்த விபத்துக்குப் பொறுப்பேற்று ரயில்வே அமைச்சர் பதவியை அவர் ராஜினாமா செய்தார். ஆனால், அவரின் ராஜினாமா கடிதத்தை வாங்க மறுத்துவிட்டார் பிரதமர் நேரு. அடுத்து, இரண்டரை மாதங்கள் கழித்து தமிழ்நாட்டின் அரியலூரில் ஒரு ரயில் விபத்து நிகழ்ந்தது. அதற்கு பொறுப்பேற்று பதவியை ராஜினாமா செய்தார் லால் பகதூர் சாஸ்திரி. லால் பகதூர் சாஸ்திரி
இந்த முறை அவரது ராஜினாமா கடிதத்தை நேரு ஏற்றுக்கொண்டார். நாட்டில் எங்கோ ஒரு மூலையில் நடந்த ரயில் விபத்தில், டெல்லியில் இருக்கும் ரயில்வே அமைச்சருக்கு நேரடித் தொடர்பு இல்லை. ஆனாலும், அந்த விபத்துக்கு தார்மீகப் பொறுப்பேற்க வேண்டும் என்ற உணர்வு லால் பகதூர் சாஸ்திரி போன்ற நேர்மையான அரசியல்வாதிகளுக்கு அப்போது இருந்திருக்கிறது. 1959-ம் ஆண்டு மத்திய வர்த்தகம் மற்றும் தொழில் துறை அமைச்சராகவும், 1961-ம் ஆண்டு மத்திய உள்துறை அமைச்சராகவும் லால் பகதூர் சாஸ்திரி இருந்தார்.காமராஜரின் தேர்வுலால் பகதூர் சாஸ்திரி
லால் பகதூர் ஸ்ரீவஸ்தவா என்பதுதான் அவரது பெற்றோர் வைத்த பெயர். ஸ்ரீவத்சவா என்பது சாதிப் பெயர். எனவே, தன் பெயரில் இருந்த ஸ்ரீவஸ்தவாவை அவர் நீக்கிவிட்டார். எளிமைக்கும் நேர்மைக்கும் இலக்கணகமாக வாழ்ந்தவர் லால் பகதூர் சாஸ்திரி. மத்திய `Home Minister’ ஆக இருந்த அவருக்கு, சொந்தமாக ஒரு `Home’ இல்லை என்று நகைச்சுவையாகச் சொல்வார்கள். மத்திய அமைச்சராக இருந்தும், அவருக்கு சொந்த வீடு கிடையாது.
மத்திய அமைச்சராக ஆவதற்கு முன்பு, உத்தரப்பிரதேச மாநிலத்தின் உள்துறை, போக்குவரத்துத் துறை அமைச்சராக இருந்தார். அப்போது, கூட்டத்தைக் கலைக்க தடியடி நடத்துவதற்குப் பதிலாக, அவர் மீது தண்ணீரைப் பீய்ச்சியடிக்கும் முறையை நாட்டில் முதன்முதலாக அவர் கொண்டுவந்தார். பேருந்துகளில் பெண்களை நடத்துநர்களாக முதன்முதலில் நியமித்தவரும் லால் பகதூர் சாஸ்திரிதான்.நேரு தன் மகள் இந்திரா காந்தியுடன்...
அமைச்சர் பதவியை லால்பகதூர் சாஸ்திரி ராஜினாமா செய்த பிறகு, நேரு அமைச்சரவையில் இலாகா இல்லாத அமைச்சராக அவர் தொடர்ந்தார். பிரதமர் நேரு மேற்கொள்ள வேண்டிய பல வேலைகளை எடுத்துச்செய்து, நேருவுக்கு பக்கபலமாக இருந்தார் லால்பகதூர் சாஸ்திரி. இந்த நிலையில், 1964-ம் ஆண்டு மே 27-ம் தேதி பிரதமர் நேரு திடீரென காலமானார். அதனால், இடைக்கால பிரதமராக குல்சாரிலால் நந்தா பொறுப்பேற்றார். அடுத்த பிரதமர் யார் என்ற கேள்வி எழுந்தது. பிரதமர் பதவிக்கு வர மொராஜி தேசாய் விரும்பினார். அப்போது, காங்கிரஸ் கட்சியின் தலைவராக இருந்த காமராஜர், அடுத்த பிரதமரைத் தேர்வுசெய்யும் இடத்தில் இருந்தார். மொராஜி தேசாய் போட்டியில் இருந்தாலும், காமராஜரின் தேர்வு லால் பகதூர் சாஸ்திரியாக இருந்தது.
இந்தியாவின் இரண்டாவது பிரதமராக லால் பகதூர் சாஸ்திரி பதவியேற்றார். நேரு அமைச்சரவையில் இடம்பெற்றிருந்த நிதியமைச்சர் டி.டி.கிருஷ்ணமாச்சாரி, பாதுகாப்புத்துறை அமைச்சர் யஷ்வந்த்ராவ் சவான் உட்பட பலர் லால் பகதூர் சாஸ்திரி அமைச்சரவையிலும் அமைச்சர்களாகத் தொடர்ந்தனர். ஸ்வரன் சிங்கை வெளியுறவுத்துறை அமைச்சராகவும், இந்திரா காந்தியை தகவல் மற்றும் ஒளிபரப்புத்துறை அமைச்சராகவும், குல்சாரிலால் நந்தாவை உள்துறை அமைச்சராகவும் நியமித்தார் லால் பகதூர் சாஸ்திரி.காமராஜர்வெண்மைப் புரட்சியும்... பசுமைப் புரட்சியும்!
நேருவின் சோசலிச பொருளாதாரக் கொள்கைகளையே லால் பகதூர் சாஸ்திரியும் தொடர்ந்து கடைப்பிடித்தார். இந்தியாவில் பால் உற்பத்தியை அதிகரிப்பதற்கான வெண்மைப் புரட்சியை முன்னெடுத்த பெருமை லால் பகதூர் சாஸ்திரியை சாரும். அவர் பிரதமராக இருந்த காலத்தில் உணவுப்பஞ்சம் ஏற்பட்டது. அப்போது, தினமும் ஒரு வேளை உணவைத் தவிர்க்குமாறு மக்களுக்கு வேண்டுகோள் விடுத்தார் லால் பகதூர் சாஸ்திரி. ஒருவேளை உணவைத் தவிர்ப்பதன் மூலம், அந்த உணவை இன்னொருவருக்கு கிடைக்கச் செய்யலாம் என்ற லால் பகதூர் சாஸ்திரி, அதை முதலில் தன் குடும்பத்தில் அமல்படுத்திவிட்டுத்தான், நாட்டு மக்களுக்கு வேண்டுகோள் விடுத்தார் என்பார்கள் அவர் குறித்து அறிந்தவர்கள்.
அவரது வேண்டுகோளுக்கு பெரும் ஆதரவு கிடைத்தது. ஒவ்வொரு வாரமும் திங்கள்கிழமை மாலையில் உணவகங்கள் அடைக்கப்பட்டன. பல குடும்பங்களில் ‘சாஸ்திரி விரதம்’ கடைப்பிடிக்கப்பட்டது. உணவு உற்பத்தியை அதிகரிப்பதற்கான பல நடவடிக்கைகளை முடுக்கிவிட்ட அவர், 1965-ம் ஆண்டு பசுமைப் புரட்சியை ஊக்குவித்தார். குறிப்பாக, பஞ்சாப், ஹரியானா, உத்தரப்பிரதேசம் ஆகிய மாநிலங்களில் உணவுப்பொருள் உற்பத்தியை அதிகரிக்க பல முயற்சிகளை அவர் மேற்கொண்டார். அதிக மகசூல் தரக்கூடிய கோதுமை ரகம் அப்போதுதான் உருவாக்கப்பட்டது.லால்பகதூர் சாஸ்திரி
லால் பகதூர் சாஸ்திரி பிரதமராக இருந்தபோதுதான், தமிழ்நாட்டில் இந்தி எதிர்ப்பு போராட்டம் நடைபெற்றது. உடனே, இந்தி பேசாத மாநிலங்கள் விரும்பும்வரை, அதிகாரப்பூர்வ மொழியாக ஆங்கிலம் தொடரும் என்று சாஸ்திரி உறுதியளித்தார். அதன் காரணமாக, இந்தி எதிர்ப்பு போராட்டம் தணிந்தது.லால் பகதூர் சாஸ்திரியும்!இந்தியா பாகிஸ்தான் போரும்
1965-ம் ஆண்டு இந்தியாவுக்கும் பாகிஸ்தானுக்கும் இடையே போர் நிகழ்ந்தபோது, இந்தியாவை வழிநடத்தியவர் லால் பகதூர் சாஸ்திரி. பாகிஸ்தான் படைகள் ஜம்மு காஷ்மீருக்குள் ஊடுருவி இந்தியாவுக்கு எதிரான நடவடிக்கைகளில் ஈடுபட முயன்றபோது, இரு நாடுகளிடையே போர் மூண்டு இரு தரப்பிலும் கடும் பாதிப்புகள் ஏற்பட்டன. அமெரிக்காவும் சோவியத் யூனினும் ராஜாங்க ரீதியில் முயற்சிகள் மேற்கொண்டு, ஐ.நா தலையீட்டைத் தொடர்ந்து போர் நிறுத்தம் ஏற்பட்டது. அந்தப் போரின்போதுதான், ‘ஜெய் ஜவான் ஜெய் கிசான்’ என்ற முழக்கத்தை லால் பகதூர் சாஸ்திரி எழுப்பினார். அது தேசிய முழக்கமாக மாறியது. லால் பகதூர் சாஸ்திரி மறைவு தொடர்பாக ஆனந்த விகடனில் வெளியான கார்ட்டூன்லால் பகதூர் சாஸ்திரி மறைவு தொடர்பாக ஆனந்த விகடனில் வெளியான கார்ட்டூன்
இந்தியா – பாகிஸ்தான் இடையே போர் நிறுத்தம் ஏற்பட்ட பிறகு, தாஷ்கன்ட் பிரகடனத்தில் கையெழுத்திட அன்றைய சோவியத் ரஷ்யாவின் தாஷ்கண்ட்டுக்குச் சென்றிருந்த லால்பகதூர் சாஸ்திரி அங்கு மரணமடைந்தார். 1966-ம் ஆண்டு ஜனவரி 11-ம் தேதி அந்த துர்சம்பவம் நிகழ்ந்தது. அந்தச் செய்தியைக் கேள்விப்பட்டு, ஒட்டுமொத்த இந்திய தேசமும் சோகத்தில் மூழ்கியது. அவரது மரணம் குறித்து மர்மம் இருப்பதாக சர்ச்சை எழுந்தது. அவர் விஷம் வைத்துக் கொல்லப்பட்டார் என்றுகூட சொல்லப்படுகிறது. ஆனால், அவரது மரணத்துக்கு மாரடைப்புதான் காரணம் என அதிகாரப்பூர்வமாக அறிவிக்கப்பட்டது.
மகாத்மா காந்தி அவர்களின் உடல் அடக்கம் செய்த இடத்தின் அருகிலேயே லால் பகதூர் சாஸ்திரியின் உடலும் அடக்கம் செய்யப்பட்டது. அவரின் நினைவிடத்தில் "வாழ்க போர்வீரன்! வாழ்க விவசாயி" என்ற பொருள்படும் "ஜெய் ஜவான் ஜெய் கிஷான்" என்ற வார்த்தைகள் எழுதப்பட்டுள்ளது. லால் பகதூர் சாஸ்திரி சிலை
லால் பகதூர் சாஸ்திரியின் மரணத்தைத் தொடர்ந்து, நாட்டின் இடைக்கால பிரதமராக குல்சாரிலால் நந்தா பொறுப்பேற்றார். அதன் பின்னர் தான், இந்திய அரசியலில் பல அதிரடியான அத்தியாயங்களைப் படைத்த இந்திரா காந்தி, இந்தியாவின் பிரதமராகப் பதவியேற்றார்.
(தொடரும்..!)
Junior Vikatan-ன் பிரத்யேக Whatsapp Group...
இணைவதற்கு இங்கே க்ளிக் செய்யவும்...
https://bit.ly/47zomWY
https://bit.ly/47zomWY
வணக்கம்,
BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.
ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/47zomWY
https://bit.ly/47zomWY
http://dlvr.it/T45ym0
``நியாய யாத்திரை செல்லும் ராகுல், ஏன் சிஏஏ பற்றி எதுவும் பேசவில்லை?" - பினராயி விஜயன் கேள்வி
இந்த நிலையில் கேரள முதல்வர் பினராயி விஜயன் செய்தியாளர்களை சந்தித்தார். அப்போது அவர் மத்திய அரசுக்கு அடிபணியமாட்டோம் எனவும், ராகுல் காந்தி ஏன் சிஏஏ பற்றி பேசவில்லை எனவும் கேள்வி எழுபினார். செய்தியாளர்கள் சந்திப்பில் பினராயி விஜயன் கூறுகையில், "அரசியலமைப்புக்கு எதிராகவும் பிரிவினைவாத நோக்கத்துடன் குடியுரிமை சட்ட திருத்த மசோதா கேரளத்தில் நடைமுறைப்படுத்த மாட்டோம் என்று உறுதியாக அறிவித்துள்ளோம். அந்த நிலைபாட்டை எல்லா மட்டங்களிலும் உறுதிபடுத்த அரசு முடிவு எடுத்துள்ளது. அதுசம்பந்தமாக மாநில அரசு ஃபைல் செய்துள்ள ஒரிஜினல் சூட் சுப்ரீம் கோர்ட்டில் உள்ளது. குடியுரிமை திருத்த சட்டம் (CAA)
குடியுரிமை சட்டத்தை கொண்டுவந்து தேர்தலுக்கு சற்று முன்பாக அவசரகதியில் செயல்படுத்தி உள்ளது மத்திய அரசு. அதற்கு எதிராக சட்டரீதியாக தொடர் நடவடிக்கைகளை மேற்கொள்ள நேற்று நடைபெற்ற அமைச்சரவை கூட்டத்தில் முடிவு செய்யப்பட்டுளது.
இந்திய அரசியலமைப்புக்கு விரோதமாக மக்களை மதரீதியாக பிரிக்கிறது இந்த சட்டம். இது சங்பரிவாரின் தீவிர ஹிந்துத்துவ அஜண்டாவின் ஒரு பகுதியாகும். தேர்தல் சமயத்தில் ஆதாயம் அடையும் நோக்கத்தில் பிரித்தாளும் அரசியலை சங்பரிவார் கையில் எடுத்துள்ளது. இந்த கேவலமான நடவடிக்கைக்கு எதிராக சர்வதேச அளவில் கேள்வி எழுப்பப்படுகிறது. ஐநா சபையில் இருந்தும் இந்தச் சட்டத்தின் பாரபட்சம் குறித்து விமர்சனம் எழுந்துள்ளது. எந்த வகையில் பார்த்தாலும் இந்தியா என்ற கருத்துக்கு ஒரு சவாலானதாக சிஏஏ சட்டம் உள்ளது.
வங்கதேசம், ஆப்கானிஸ்தான் ஆகிய நாடுகளில் இருந்து 2014 டிசம்பர் 31 அன்றோ அதற்கு முன்போ இந்தியாவுக்கு வந்த முஸ்லிம் அல்லாத பிற மதத்தினருக்கு குடியுரிமை வழங்கலாம் என்கிறார்கள். முஸ்லிம்களுக்கு மட்டும் குடியுரிமை வழங்கக் கூடாது என்பதுதான் இந்த சட்டத்தின் கருவாகும். இது அரசியலமைப்பு சட்டத்தில் கூறப்பட்டுள்ள விழுமியங்களை வெளிப்படையாகவே மீறும் செயலாகும்.ராகுல் காந்தி பாரத் ஜோடோ யாத்திரை
குறிப்பிட்ட மதங்களை சார்ந்தவர்களுக்கு குடியுரிமை வழங்குவதன் மூலம் முஸ்லிம் மதத்தை சேர்ந்தவர்களை இரண்டாம் தர குடிமக்களாக கணக்கிடுகின்றனர். குடியேற்றக்காரர்களை முஸ்லிம் என்றும், முஸ்லிம் அல்லாதவர்கள் என்றும் எப்படி பிரித்துபார்க்க முடியும். அரசியலமைப்பு சட்டத்துக்குப் பதில் மனுஸ்மிருதியை ஸ்தாபிக்கும் சங்க பரிவாரின் மூளையிலிருந்து தான் இந்த விஷச் சட்டம் பிறந்திருக்கிறது.
குடியுரிமை சட்டதிருத்த மசோதாவுக்கு எதிராக கேரளா ஏற்கனவே போராட்டங்களை நடத்தியிருந்தது. சட்டசபையில் தீர்மானமும் நிறைவேற்றியிருந்தோம். அந்த தீர்மானத்துடன் முதலில் ஒத்துப்போவதாக கூறிய காங்கிரஸ் பின்னர் திடீரென நிலைபாட்டை மாற்றியது. அன்றைய கேரள மாநில காங்கிரஸ் தலைவர் அந்த தீர்மானத்தை கிண்டலாக பேசினார். போராட்டத்தில் கலந்துகொண்டவர்கள் மீது காங்கிரஸ் கட்சி தலைமை நடவடிக்கை எடுத்தது.கேரள முதல்வர் பினராயி விஜயன்
குடியுரிமை பிரச்னைகளில் காங்கிரஸின் மெளனம் குற்றகரமானது. சிஏஏ-க்கு எதிராக காங்கிரஸின் தேசிய நிலைப்பாடு என்ன? நியாய யாத்திரை மேற்கொண்டுள்ள ராகுல் காந்திக்கு இது தெரியாதா? இதுபற்றி அவர் ஒரு வார்த்தைகூட பேசவில்லையே. காங்கிரஸ் பொதுச் செயலாளரான கே.சி.வேணுகோபால், ஏன் அவசரம் என்று மட்டும் கேட்டார்.
நாங்கள் மத்திய அரசின் நடவடிக்கைக்கு முன் மண்டியிட்டு மெளனமாக இருக்கமாட்டோம். குடியுரிமை சட்டதிருத்த மசோதாவுக்கு எதிராக கேரளாவில் போராடியவர்களுக்கு எதிராக பதியப்பட்ட வழக்குகளை ரத்துசெய்ய தீர்மானித்திருக்கிறோம். 835 வழக்குகள் பதிவுசெய்யப்பட்ட நிலையில் 629 வழக்குகள் நிதிமன்றத்தால் தள்ளுபடி செய்யப்பட்டன. மீதமுள்ள 260 வழக்குகளில் 86 வழக்குகளை வாபஸ்பெற அரசு ஒப்புக்கொண்டது. ஒரே ஒரு வழக்குதான் விசாரணை நிலையில் உள்ளது. வழக்கை ரத்துச்செய்ய வேண்டும் என மனு அளிக்கப்படாததும், பெரிய அளவில் குற்றங்களைக் கொண்ட வழக்குகளுமே தொடர்ந்து நடந்துவருகின்றன. மனு அளிக்கும் வழக்குகள் வாபஸ் பெறப்படும்" என்றார்.
Junior Vikatan-ன் பிரத்யேக Whatsapp Group...
இணைவதற்கு இங்கே க்ளிக் செய்யவும்...
https://bit.ly/47zomWY
https://bit.ly/47zomWY
வணக்கம்,
BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.
ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/47zomWY
https://bit.ly/47zomWY
http://dlvr.it/T45Ntg
Posts
