தேவாலயத்தில் ஆசிபெற்ற பாஜக வேட்பாளர் | தேர்தல் புறக்கணிப்பில் தஞ்சை கிராமத்தினர் - Election Clicks

புதுச்சேரி அதிமுக வேட்பாளர் தமிழ்வேந்தனுக்கு ஆதரவாக புதுச்சேரி அதிமுக மாநில செயலாளர் அன்பழகன் தலைமையில் வாக்குகள் சேகரித்தனர்.புதுச்சேரி காங்கிரஸ் வேட்பாளர் வைத்திலிங்கத்துக்கு ஆதரவாக முன்னாள் முதல்வர் நாராயணசாமி தேர்தல் பிரச்சாரம் செய்தார்நீலகிரி நாடாளுமன்ற தனி தொகுதி வாக்கு எண்ணிக்கை மைய வளாகத்தில் கண்காணிப்பு கேமராக்கள் பொறுத்தும் பணி நடக்கிறது.நீலகிரி நாடாளுமன்ற தனி தொகுதி வாக்கு எண்ணிக்கை மையமான அரசு பாலிடெக்னிக் கல்லூரியில் அதற்கான பணிகள் தீவிரமாக நடக்கிறது.நீலகிரி நாடாளுமன்ற தனி தொகுதியில் கூடுதலாக 240 வாக்குப்பதிவு இயந்திரங்களை கூடலூர் (தனி, குன்னூர் மற்றும் ஊட்டி ஆகிய மூன்று சட்டமன்ற தொகுதிகளுக்கு அனுப்பும் பணி நடந்தது.திமுக கூட்டணியைச் சேர்ந்த நவாஸ் கனிக்கு ஆதரவு தெரிவித்து ராமேஸ்வரத்தில் அமைச்சர்கள் அனிதா ராதாகிருஷ்ணன் , ராஜ கண்ணப்பன் ஆகியோர் மீனவ மக்களிடம் வாக்கு சேகரித்தனர்.தேனி மாவட்டம் -
நாடளுமன்ற பொதுத்தேர்தலில்
வாக்களிப்பதன் அவசியம் குறித்து விழிப்புணர்வு கையெழுத்து இயக்கம்சென்னையில் இன்று தொடங்கியது மக்களவை தேர்தலுக்கான தபால் ஓட்டு சேகரிக்கும் பணி.வடசென்னை பா‌.ஜ.க வேட்பாளர் பால் கனகராஜை ஆதரித்து மத்திய மீன்வளத் துறை அமைச்சர் பர்ஷோத்தம் ரூபாலா காசிமேடு மீனவ மக்களிடம் வாக்கு சேகரிப்பு.திருப்பூர் - பிச்சம்பாளையம் பகுதியில் சி.எஸ்.ஐ தேவாலயத்தில் பாஜக
வேட்பாளர் ஏ.பி.முருகானந்தம்ஈரோடு மாவட்டம் கொடுமுடியில் திமுக வேட்பாளர் பிரகாஷ் ஆதரித்து முன்னாள் சட்டமன்ற உறுப்பினர் ஆர்.எம்.பழனிச்சாமி பிரச்சாரம் மேற்கொண்டார்.தஞ்சாவூர் மாவட்டம் இனாத்துக்கான் பட்டி கிராமத்தில்
அடிப்படை வசதிகள் செய்து தரக்கோரி மக்கள் தேர்தலை புறக்கணிக்கப் போவதாக அறிவித்திருக்கின்றனர்.புதுச்சேரி காங்கிரஸ் வேட்பாளரை ஆதரித்து கம்யூனிஸ்ட் தமிழ் மாநில தலைவர் முத்தரசன் வாக்குகளை சேகரித்தார்.


http://dlvr.it/T5Dc8k

Read More

சின்னம் ஒதுக்கீடு; `தேர்தல் ஆணையம் பாரபட்சமாக நடந்துகொள்கிறதா?' - விகடன் கருத்துக்கணிப்பு முடிவு!

மத்தியில் பா.ஜ.க அரசு இரண்டாவது முறையாக ஆட்சியமைத்ததிலிருந்து `நாடு சர்வாதிகாரத்தை நோக்கி செல்வதாக' காங்கிரஸ் தொடர்ந்து குற்றம்சாட்டிவருகிறது. மத்திய புலனாய்வு அமைப்புகள் மூலம் குறிவைக்கப்படும் எதிர்க்கட்சிகள் முதல், எந்த சரியான காரணமுமின்றி திடீரென இந்திய தேர்தல் ஆணையத்தின் அருண் கோயல் ராஜினாமா வரை தொடர்ந்து பா.ஜ.க அரசு விமர்சனங்களை எதிர்கொள்கிறது.விகடன் கருத்துக்கணிப்பு

இந்த நிலையில்தான் இரண்டு தேர்தல் ஆணையர்களை நியமித்த பா.ஜ.க-வுக்கு எதிராக காங்கிரஸ் உச்ச நீதிமன்றத்தில் வழக்கு தொடர்ந்தது. அதில், ``தலைமைத் தேர்தல் ஆணையர் மற்றும் பிற தேர்தல் ஆணையர்கள் (நியமனம், சேவை மற்றும் பதவிக் கால நிபந்தனைகள்) சட்டம் கடந்த ஆண்டு டிசம்பரில் நாடாளுமன்றத்தில் நிறைவேற்றப்பட்டது. இந்தச் சட்டத்தின்படி, தலைமை நீதிபதிக்கு பதிலாக தேர்வுக் குழுவின் மூன்று உறுப்பினர்களில் ஒருவராக கேபினட் அமைச்சர் சேர்க்கப்பட்டுள்ளார்.

இதன் மூலம் தேர்தல் அணையர்கள் நியமனத்தில் மத்திய அரசின் தாக்கமே அதிகமாக எதிரொலிக்கும். இதனால் மத்தியில் ஆளும் கட்சி தனக்கு சாதகமான நபர்களை தேர்தல் ஆணையத்தில் நியமித்துக்கொள்ள வாய்ப்பு ஏற்படும். இதன் மூலம் தேர்தல் ஆணையத்தின் சுதந்திரத் தன்மை கேள்விக்குறியாகும்" எனக் குறிப்பிட்டிருந்தது. காங்கிரஸ் கட்சியின் சந்தேகத்தை உறுதிப்படுத்தும் விதமாகவே, தேர்தல் ஆணையத்தின் செயல்பாடுகள் இருப்பதாக குற்றச்சாட்டுகள் எழுகின்றன.மோடி, அமித் ஷா - ED, CBI, IT

குறிப்பாக எதிர்க்கட்சிகளுக்கு தேர்தல் சின்னம் ஒதுக்குவதில் தேர்தல் ஆணையம் பாரபட்சமாக நடப்பதாக குற்றம்சாட்டப்பட்டது. இது தொடர்பாக நமது விகடன் வலைதளப் பக்கத்தில், `பா.ஜ.க-வின் கூட்டணிக் கட்சிகளுக்கு தனிச் சின்னம் ஒதுக்கும் தேர்தல் ஆணையம், தி.மு.க கூட்டணிக் கட்சிகள் மற்றும் நாம் தமிழர் கட்சிக்கு தனிச் சின்னம் ஒதுக்காமல் பாரபட்சமாகச் செயல்படுத்தப்படுவதாக அரசியல் கட்சிகள் வைக்கும் குற்றச்சாட்டு' குறித்து கருத்துக்கணிப்பு நடத்தியிருந்தோம்.

அதற்கு விடையாக "சரி - தவறு - கருத்து இல்லை" - ஆகிய மூன்று விருப்பத் தேர்வுகளைக் கொடுத்திருந்தோம். விகடன் கருத்துக்கணிப்பு

கருத்துக்கணிப்பின் முடிவில் `சரி' என 74 சதவிகித வாசகர்களும், `தவறு' என 23 சதவிகித வாசகர்களும், `கருத்து இல்லை' என 3 சதவிகித வாசகர்களும் வாக்களித்திருக்கின்றனர்.பாஜக-வுக்கு `ஷாக்’ கொடுத்த 165 தொகுதிகளின் நிலவரம் - தீவிர ஆலோசனையில் டெல்லி!


http://dlvr.it/T5DCWZ

Read More

கங்கனா ரனாவத் சர்ச்சை: ``அரசியல் லாபத்துக்காக வரலாற்றை திரிக்கக்கூடாது" - நேதாஜி குடும்பம்!

இமாச்சல பிரதேசத்தின் மண்டி தொகுதியில் பா.ஜ.க சார்பில் நடிகை கங்கான ரனாவத் தேர்தலை எதிர்கொள்கிறார். இவர், அடிக்கடி சர்ச்சைக்குரிய கருத்துக்களைச் சொல்லி சர்ச்சையில் சிக்குவது உண்டு. இந்த நிலையில், தனியார் தொலைக்காட்சி ஒன்றுக்கு பேட்டியளித்த அவர்,''`சுதந்திர இந்தியாவின் முதல் பிரதமர் நேதாஜி சுபாஷ் சந்திரபோஸ்" எனக் குறிப்பிட்டிருந்தார். இந்தியாவின் முதல் பிரதமர் ஜவஹர்லால் நேரு என்றிருக்க அவர் கூறிய தகவலால் `கங்கனாவின் IQ 110-ஐ தாண்டிவிட்டது... அதனால்தான் அவருக்கு பா.ஜ.க வாய்ப்பு வழங்கியிருக்கிறது’ என்று சமூக வலைதளங்களில் கடுமையாக விமர்சிக்கப்பட்டார்.கங்கனா ரனாவத்

ஆனால், கங்கனா ரனாவத் தன் கருத்தை மிகவும் ஆழமாக நம்பினார். அதனால், அதை உறுதிப்படுத்தும் விதமாக,``நேதாஜி தன்னை இந்தியாவின் பிரதமர் என்று1943-ம் ஆண்டு அக்டோபர் 21-ம் தேதி அறிவித்துக்கொண்டார்’ எனக் கூறி சில ஸ்கிரீன் ஷார்ட்களைப் பகிர்ந்திருந்தார். இந்த நிலையில், சுபாஷ் சந்திர போஸின் மருமகன் சந்திர குமார் போஸ் தன் ட்விட்டர் எக்ஸ் பக்கத்தில், பிரதமர் மோடி, ஜே.பி நட்டா, கங்கனா ரனாவத் ஆகியோரை டேக் செய்து,``யாரும் தங்கள் அரசியல் ஆசைக்காக வரலாற்றை சிதைக்கக் கூடாது.

நேதாஜி சுபாஷ் சந்திரபோஸ் ஒரு அரசியல் சிந்தனையாளர், ராணுவ வீரர், அரசியல்வாதி, தொலைநோக்கு பார்வையுடையவர், பிரிவினைக்கு முன்பான இந்தியாவின் முதல் பிரதமர். இந்திய சுதந்திரத்திற்காக அனைத்து சமூகங்களையும் ஒன்றிணைத்து பாரதிய ஜனதாக்களாகப் போராடக்கூடிய ஒரே தலைவர். அவருக்கு உண்மையான மரியாதை அவருடைய சித்தாந்தத்தை பின்பற்றுவதுதான்" எனக் குறிப்பிட்டிருக்கிறார். சந்திர குமார் போஸ் கடந்த ஆண்டு செப்டம்பரில், ``எனது கொள்கைகள் கட்சியுடன் ஒத்துப்போகவில்லை" எனக் கூறி பா.ஜ.க-விலிருந்து ராஜினாமா செய்து வெளியேறினார் என்பது குறிப்பிடதக்கது.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/47zomWY />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/47zomWY``ராகுலும் பிரியங்காவும் அரசியலில் தொடர சோனியாவால் சித்ரவதை செய்யப்படுகிறார்கள்" - கங்கனா


http://dlvr.it/T5BTXd

Read More

``தமிழ்நாட்டில் 20,000 ரெளடிகள்; அதில் 10,000 பேர் பாஜக-வில் உள்ளனர்” - நாஞ்சில் சம்பத்

நாடாளுமன்றத் தேர்தலில் இந்தியா கூட்டணி சார்பில், தூத்துக்குடி நாடாளுமன்றத் தொகுதியில்  தி.மு.க வேட்பாளராக போட்டியிடும் கனிமொழியை ஆதரித்து தூத்துக்குடி மாவட்டம், புதுக்கோட்டையில் திராவிட இயக்கப் பேச்சாளா் நாஞ்சில் சம்பத் தேர்தல் பரப்புரை மேற்கொண்டார். அதில் பேசிய அவர், "தூத்துக்குடியில் பெய்த  மழை காலங்களில் கனிமொழி மட்டும் இந்த தொகுதிக்கு எம்.பியாக கிடைக்கவில்லை என்றால் மிகப் பெரிய பாதிப்பையும்  இழப்பையும் நாம் சந்தித்திருப்போம். நாஞ்சில் சம்பத் பரப்புரை

ஏனென்றால் அப்படிப்பட்ட காலகட்டத்தில் இருசக்கர வாகனம், ஜே.சி.பி, போன்ற வாகனங்களில் பாதிக்கப்பட்ட பகுதிகளுக்குச் சென்று மக்கள் நலனை கருத்தில் கொண்டு பணியாற்றி ஜனநாயக கடமையைச் செய்தார்.  ஏற்கனவே இங்குஅவர் செய்த பணிகள் ஏராளம்.  மீண்டும் ஓரு வாய்ப்பை வழங்கி அவர் வெற்றி பெற்றால் சென்னைக்கு அடுத்தப்படியாக தூத்துக்குடி பெரிய தொழில்நகரமாக எல்லா வகையிலும் வளர்ச்சியடையும்.  10 ஆண்டுகாலம் எந்த திட்டங்களையுமே செயல்படுத்தாத பா.ஜ.கவுக்கு முடிவுரை எழுதும் தேர்தல்.

பல்வேறு கட்சிகள் சிதறிக்கிடந்ததை ஓருங்கிணைத்து இந்தியா கூட்டணியை உருவாக்கிய தலைவர் முதலமைச்சர் ஸ்டாலின், இரண்டு முதலமைச்சர்கள், துணை முதலமைச்சர்,அமைச்சர் என பலரையும் தன்னுடைய அதிகாரத்தில் இருக்கின்ற சிபிஐ வருமான  வரித்துறை தேர்தல் ஆணையம் இதன்மூலம் பழிவாங்கியுள்ளது பா.ஜ.க அரசு. மீண்டும் பா.ஜ.க  ஆட்சிக்கு வருமேயானால் இந்தியா முழுவதும் சிறைச்சாலையாக மாறிவிடும். தமிழகத்தில் 20 ஆயிரம் ரெளடிகள் இருப்பதாக பட்டியல் தெரிவிக்கின்றன. நாஞ்சில் சம்பத் தேர்தல் பரப்புரை

அதில் 10 ஆயிரம் பேர் பா.ஜ.க கட்சியில் உள்ளனர். ஆன்மிகத்தில் அரசியலை கலந்து அதில் பிரிவினையை ஏற்படுத்துவதுதான் பா.ஜ.க. அதைப் பயன்படுத்தி தேர்தலில்  வாக்குகளைப் பெறலாம் என்ற பா.ஜ.கவின் திட்டத்திற்கு நாம் இடமளிக்கக் கூடாது.  நாம் எல்லோருக்கும் ஓரு மருந்தாக ஆன்மிகம் தேவைதான். ஆனால் அதில் அரசியலை கலப்பதுதான் தவறு.  மன்மோகன்சிங் பிரதமாராக இருந்தபோது 107 முறை செய்தியாளர்கள் சந்திப்பு நடத்தியுள்ளார்.

மோடி ஓரு முறைகூட சந்தித்தது கிடையாது. ஆனால் 204 நாடுகளுக்கு சுற்றுப்பயணம் செய்துள்ளர். அ.தி.மு.க, பா.ஜ.க கள்ளக்கூட்டணி அமைத்துள்ளது. தமிழ்நாட்டுக்கு எதிரான எல்லா சட்டங்களையும் ஆதரித்துவிட்டு இப்போது தேர்தலுக்காக தொடா்பு இல்லை என்று நாடகமாடுகிறார். முதலமைச்சராக இருக்கிற ஸ்டாலின் 23 வயதில் அவர் மிசாவை சந்தித்தவர். 50 ஆண்டுகாலம் பொதுவாழ்வில் உள்ளவர் அவர்கென்று ஓரு வரலாறு உண்டு. ஆனால், எடப்பாடி பழனிசாமிக்கு கூவத்துாில் காலை பிடித்து பதவிக்கு வந்த வரலாறுதான் உண்டு.  தேர்தல் பரப்புரை

கடைசியில் சசிகலாவை கட்சியை விட்டே நீக்கி விட்டார்கள் . இதிலிருந்தே நாட்டு மக்கள் உங்கள் துரோகத்தை தொிந்து கொள்வார்கள்.  இந்தியாவில் முதன்மை மாநிலமாக இருந்த குஜராத்தை பின்னுக்கு தள்ளி முதலமைச்சர் ஸ்டாலின் ஆட்சியில் தமிழகம் முன்னேறியுள்ளது. கனிமொழிக்கு நீங்கள் அளிக்கும் வாக்கு வெற்றியின் மூலம் இந்தியாவை தீர்மானிக்கும் இடத்தில் தமிழகம் இருக்கும்." என்றார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/47zomWY">
https://bit.ly/47zomWY />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/47zomWY">
https://bit.ly/47zomWY />

http://dlvr.it/T5BDT5

Read More

"விஜயபிரபாகரன் 2 லட்சம் வாக்கு வித்தியாசத்தில் வெற்றி பெறுவார்" - ஆர்.பி.உதயகுமார் நம்பிக்கை

மதுரை மாவட்டம் செக்காணூரணியில், விருதுநகர் நாடாளுமன்ற தொகுதி தேமுதிக வேட்பாளர் விஜய பிரபாகரனுக்கு முன்னாள் அமைச்சர் ஆர்.பி.உதயகுமார் தலைமையில் அதிமுக நிர்வாகிகள் வீதி வீதியாக வாக்கு சேகரித்தனர்
விஜய பிரபாகரன்

அப்போது செய்தியாளர்களிடம் பேசிய முன்னாள் அமைச்சர் ஆர்.பி.உதயகுமார், "விருதுநகர் தொகுதியில் மாணிக்கம் தாகூருக்கு மக்கள் வெற்றியை கொடுத்தார்கள், ஆனால், அவர் அந்த வாய்ப்பை சரியாக பயன்படுத்தவில்லை, மக்களுக்கான எந்த திட்டங்களையும் கொண்டு வரவில்லை. எய்ம்ஸ் மருத்துவமனை அமைய உள்ள  இடம் விருதுநகர் நாடாளுமன்ற தொகுதியில்தான் உள்ளது, மாணிக்கம் தாகூர் இதற்காக வலிமையாக போராடி எய்ம்ஸ் மருத்துவமனையை கொண்டு வந்திருக்கலாம்.


அதே போல பஸ்போர்ட் திட்டம், ரயில்வே மேம்பாலப் பணிகள் கிடப்பில் போடப்பட்டிள்ளது. கப்பலூர் டோல்கேட்டை அகற்றுவதாக வாக்குறுதி கொடுத்தனர். ஆனால், செய்யவில்லை. இந்த டோல்கேட்டினால் எவ்வளவு சட்ட ஒழுங்கு பிரச்னைகள் ஏற்பட்டு வருகிறது என்பது அனைவருக்கும் தெரியும்.ஆர்.பி.உதயகுமார்

தொகுதி வளர்ச்சிக்காக துளியளவு கூட எந்த முயற்சியும் எடுக்கவில்லை, அக்கறையும் செலுத்தவில்லை என்பதுதான் உண்மை. அதனால்தான் செல்கிற இடமெல்லாம் விஜய பிரபாகரனுக்கு ஆதரவு பிரகாசமாக உள்ளது. இரண்டு லட்சம் வாக்கு வித்தியாசத்தில் வெற்றி பெறுவார். அதில் திருமங்கலம் சட்டமன்றத் தொகுதி முதன்மையான பங்கு வகிக்கும்.

காங்கிரஸ் தேர்தல் அறிக்கையில், நீட் தேர்வு குறித்து மாநில அரசு முடிவெடுக்கலாம் என்று தெரிவித்துள்ளனர். நீட் தேர்வை கொண்டு வந்ததே திமுக - காங்கிரஸ் தானே. அவர்கள் கொண்டு வரவில்லையென்றால் இவ்வளவு பிரச்னை இல்லையே, எத்தனை பேர் உயிரிழந்துள்ளனர்.?விஜயபிரபாகரன்-ஆர்.பி.உதயகுமார்

பிள்ளையை கிள்ளி விட்டு, தொட்டிலையும் ஆட்டுவது போல திமுக-காங்கிரஸ் தேர்தல் அறிக்கை உள்ளது. திமுக, காங்கிரஸ் தேர்தல் அறிக்கை கானல் நீரை போன்றது, கண்ணால் பார்க்க மட்டுமே முடியும், பயன்படுத்த முடியாது, அதுபோலத்தான் இவர்களின் தேர்தல் அறிக்கை" என்றார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/47zomWY">
https://bit.ly/47zomWY />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/47zomWY">
https://bit.ly/47zomWY />

http://dlvr.it/T5BDG5

Read More

`கண்ணூரில் வெடித்த வெடிகுண்டை தயாரித்தது சி.பி.எம் நிர்வாகிகளா?’ - கேரளாவில் பற்றி எரியும் விவாதம்

கேரள மாநிலம் கண்ணூர் மாவட்டம் பானூரில் ஒரு வீட்டில் வெடிகுண்டு தயாரிக்கும் போது திடீரென வெடித்து சிதறிய சம்பவம் நேற்று முன்தினம் அதிகாலை சுமார் 1 மணியளவில் நடந்தது. இதில் சி.பி.எம் ஆதரவாளரான ஷெரின் என்பவர் மரணம் அடைந்தார். வினீத் என்பவர் படுகாயம் அடைந்த நிலையில் சிகிச்சைபெற்றுவருகிறார். வெடிகுண்டு வெடித்த வீட்டுக்குச் சென்று போலீஸார் விசாரணை நடத்தினர். அந்த வீட்டில் இருந்து வெடிக்காத 4 வெடிகுண்டுகள் பறிமுதல் செய்யப்பட்டன. வெடிகுண்டு தயாரிப்பில் மொத்தம் 10 பேர் ஈடுபட்டதாக தெரியவந்தது. அதில் அதுல், அருண், ஷபின்லால் ஆகிய மூவர் கைது செய்யப்பட்டுள்ளனர். அவர்கள் சி.பி.எம் கட்சியை சேர்ந்தவர்கள் என கூறப்படுகிறது. மற்றொருவர் போலீஸ் பிடியில் சிக்கியுள்ளதாக தகவல் வெளியாகி உள்ளது. மேலும், சிலர் தலைமறைவாக உள்ளதாகவும் போலீஸ் விசாரணையில் தெரியவந்துள்ளது. வெசிகுண்டு தயாரித்த வழக்கில் சிக்கியவர் கே.கே.சைலஜாவுடன் நிற்கும் போட்டோ

கைதுசெய்யப்பட்டவர்களை அழைத்துக்கொண்டு வெடிகுண்டு தயாரித்த பகுதியில் போலீஸார் சோதனை நடத்தினர். வெடிகுண்டு வெடித்த வீட்டுக்கு அருகே உள்ள இடத்தில் புதர்களுக்கிடையே 7 ஸ்டீல் வெடிகுண்டுகள் கண்டுபிடிக்கப்பட்டன. துருபிடித்த ஆணிகள், உடைந்த கண்ணாடி துண்டுகள் உள்ளிட்டவைகளை பயன்படுத்தி ஸ்டீல் வெடிகுண்டை தயாரித்துள்ளது தெரியவந்தது.

இதுகுறித்து கருத்துதெரிவித்த காங்கிரஸ் மாநில தலைவர் கே.சுதாகரன், "சி.பி.எம் கட்சி ஒரு தீவிரவாத அமைப்பு. மனிதர்களை கொல்வதற்கு முயற்சி செய்யும் தீவிரவாத அமைப்புகள் இந்த நாகரீக சமூகத்திற்கு ஒருபோதும் ஏற்புடையதல்ல" என்றார்.

இதற்கிடையே சி.பி.எம் கட்சியை சேர்ந்த சிட்டிங் எம்.எல்.ஏ-வும், வடகரா தொகுதி வேட்பாளருமான முன்னாள் அமைச்சர் கே.கே.சைலஜாவுடன் வெடிகுண்டு தயாரித்த வழக்கில் சிக்கியவர்கள் நிற்கும் போட்டோவை இளைஞர் காங்கிரஸ் மாநில தலைவர் ராகுல் மாம்கூட்டத்தில் தனது முகநூலில் பகிர்ந்திருந்தார். இதுகுறித்து கே.கே.சைலஜா கூறுகையில், "பானூரில் வெடிகுண்டு தயாரித்த கும்பலுடன் கட்சிக்கோ, எனக்கோ எந்த பந்தமும் இல்லை. திருமணம் உள்ளிட்ட பல நிகழ்ச்சிகளில் செல்லும்போது பலரும் போட்டோ எடுத்திருப்பார்கள். காங்கிரஸ் கூட்டணிக்கு தேர்தல் சமயத்தில் சொல்ல ஒன்றுமே இல்லை என்பதால் இந்த விவகாரத்தை கையில் எடுத்துள்ளனர்" என்றார்.வெடிகுண்டு தயாரிக்கப்பட்ட வீடு

இது குறித்து காங்கிரஸ் எதிர்க்கட்சித் தலைவர் வீ.டி. சதீசன் கூறுகையில், "வெடிகுண்டு தயாரித்தவர்கள் சி.பி.எம் வேட்பாளருடன் நிற்கும் போட்டோக்கள் வெளிவந்துள்ளன. ஆனாலும் அவர் தங்கள் கட்சியை சேர்ந்தவர் இல்லை என கூசாமல் பொய் சொல்கிறார்கள். அவர் சி.பி.எம் கட்சி நிர்வாகிதான். இப்போது அவர்கள் யாருடனும் பந்தமில்லை என சொல்லுகிறார்கள். இவர் யாரையுமே தெரியாது என மறுத்து சொல்வார்கள். வெடிகுண்டு தயாரிக்கும் செயல்களில் ஈடுபடுவது சி.பி.எம் கட்சி தான். கண்ணூரில் ஆர்.எஸ்.எஸ் அமைப்புக்கும் சி.பி.எம் கட்சிக்கும் சமீப காலமாக எந்த பிரச்னையும் இல்லை. அதை எல்லாம் முதல்வரும் ஆர்.எஸ்.எஸ் நிர்வாகிகளும் பேசி தீர்த்துவிட்டனர். அவர்கள் வெடிகுண்டு தயாரித்தது எங்களைக் கொல்வதற்காகத்தானோ என்ற சந்தேகம் எழுந்துள்ளது.

தேர்தல் வரும்போது எதற்காக வெடிகுண்டு தயாரிக்கிறார்கள். முதல்வரும், போலீஸும் வெசிகுண்டு தயாரிப்பவர்களுக்கு பாதுகாப்பாக இருக்கிறார்கள். வெடிகுண்டு தயாரிக்கும் சம்பவம் போலீஸுக்கு தெரியாதா? போலீஸ் என்ன செய்து கொண்டிருக்கிறது. கேரளா மாநில மக்கள் இதை எல்லாம் பார்த்துக் கொண்டிருக்கிறார்கள் என்பதை நினைவில் வைத்துக் கொள்ளுங்கள்" என்றார்.காங்கிரஸ் எதிர்க்கட்சித் தலைவர் வி.டி.சதீசன்

வெடிகுண்டு தயாரிப்புக்கும் சி.பி.எம் கட்சிக்கும் சம்பந்தம் இல்லை என தொடர்ந்து மறுத்துவருகிறார்கள் அக்கட்சி நிர்வாகிகள். இதுபற்றி சி.பி.எம் மாநில செயலாளர் எம்.வி.கோவிந்தன் கூறுகையில், "ஒரு வன்முறை சம்பவத்திலும் நாங்கள் ஈடுபடுவது இல்லை. எங்கள் கட்சி நிர்வாகிகள் தாக்குதலுக்கு ஆளான சம்பவங்களும் கேரளத்தில் நடந்துள்ளது. அப்படிப்பட்ட சந்தர்ப்பத்தில்கூட தடுப்பு நடவடிக்கையாக கூட எந்த சம்பவத்திலும் நாங்கள் ஈடுபட்டதில்லை" என்றார்.

ஆலப்புழாவில் செய்தியாளர்களை சந்தித்த முதல்வர் பினராய் விஜயன் கூறுகையில், "வெடிகுண்டு தயாரித்தது சட்ட விரோத செயலாகும். அந்த சம்பவத்தில் கடும் நடவடிக்கை எடுக்கப்படும். அதில் எந்த சந்தேகமும் வேண்டாம். போலீஸ் கடும் நடவடிக்கை எடுக்கும். வெடிகுண்டு தயாரிப்பது குறித்து உளவுத்துறை ரிப்போர்ட் செய்துள்ளதா என தெரியவில்லை. அந்த சம்பவத்துக்கும் கட்சிக்கும் பந்தம் இல்லை என ஏற்கனவே சி.பி.எம் தெரிவித்துள்ளது" என்றார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/47zomWY">
https://bit.ly/47zomWY />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/47zomWY">
https://bit.ly/47zomWY />

http://dlvr.it/T5BD8j

Read More

கூட்டணி வேட்பாளர்களையும் பாஜக-வே முடிவு செய்கிறதா?! - மகனுக்கு போராடி சீட் வாங்கிய ஷிண்டே!

மகாராஷ்டிராவில் மக்களவைத் தேர்தலுக்கான தொகுதி பங்கீடு இன்னும் முடியவில்லை. ஆளும் பா.ஜ.க வில் 4 தொகுதியில் எந்த கட்சி போட்டியிடுவது என்பதில் இழுபறி நீடித்துக் கொண்டிருக்கிறது. ரத்னகிரி, நாசிக், கல்யாண் மற்றும் தானே தொகுதியை பா.ஜ.க வும், சிவசேனா(ஷிண்டே)வும் கேட்டுக்கொண்டிருந்தன. மேலும் பா.ஜ.க சொல்லும் நபரைத்தான் வேட்பாளராக அறிவிக்கவேண்டிய கட்டாயத்தில் ஏக்நாத் ஷிண்டே இருக்கிறார் என்கிறார்கள் அரசியல் பார்வையாளர்கள்.

பா.ஜ.க உள்ளூர் தலைவர்கள் உதவியுடன் ஒரு கருத்துக்கணிப்பு நடத்தி இருக்கிறது. அதில் தற்போது இருக்கும் எம்.பி.க்களுக்கு வெற்றி வாய்ப்பு எப்படி இருக்கிறது என்பது தொடர்பாக அக்கருத்துக்கணிப்பு இருந்தது. அதன் அடிப்படையில்தான் வேட்பாளர்களை பா.ஜ.க நியமித்து வருகிறது. தனது கட்சி மட்டுமல்லாது சிவசேனா(ஷிண்டே) மற்றும் தேசியவாத காங்கிரஸ்(அஜித்பவார்) கட்சிகளின் வேட்பாளர்களையும் பா.ஜ.க வே முடிவு செய்து கொண்டிருக்கிறதாம்.

பா.ஜ.க சொன்னபடி 3 தொகுதிக்கு வேறு வேட்பாளர்கள் அறிவிக்கப்பட்டுள்ளனர். இது தவிர சிவசேனாவின் வசம் இருக்கும் நாசிக் தொகுதியை அஜித் பவார் கட்சியிடம் கொடுக்க பா.ஜ.க பேச்சுவார்த்தை நடத்தி வருகிறது. ஹின்கோலி தொகுதிக்கு முதல்வர் ஷிண்டே வேட்பாளரை அறிவித்த பிறகு அவரை மாற்றும்படி பா.ஜ.க கேட்டுக்கொண்டது. வேறு வழியில்லாமல் ஷிண்டே மாற்றி இருக்கிறார். முதல்வர் ஷிண்டேயின் சிவசேனாவில் தற்போது 13 எம்.பி.க்கள் இருக்கின்றனர். பா.ஜ.க வின் தலையீடு காரணமாக அவர்களில் 5 பேருக்கு மீண்டும் வாய்ப்பு கிடைக்காத நிலை ஏற்பட்டு இருக்கிறது என்கிறார்கள்.

இப்போதே இப்படி என்றால் அடுத்த சில மாதங்களில் நடக்க இருக்கும் சட்டமன்ற தேர்தலில் பா.ஜ.க எப்படி நடந்து கொள்ளுமோ என்று முதல்வர் ஷிண்டே கவலையடைய ஆரம்பித்துள்ளார் என்கிறார்கள் அவரின் ஆதரவாளர்கள். கல்யான் தொகுதியில் முதல்வர் ஏக்நாத் ஷிண்டே மகன் ஸ்ரீகாந்த் ஷிண்டே இரண்டு முறை போட்டியிட்டு வெற்றி பெற்று இருக்கிறார். அப்படி இருந்தும் அந்த தொகுதியை முதல்வர் மகன் ஸ்ரீகாந்த் ஷிண்டேயிக்கு கொடுக்க பா.ஜ.க எதிர்ப்பு தெரிவித்து வந்தது. இதனால் கல்யான் தொகுதிக்கு வேட்பாளரை அறிவிப்பதில் இழுபறி நீடித்தது. எப்படியும் தனது மகனுக்கு சீட் வேண்டும் என்பதில் முதல்வர் ஷிண்டே உறுதியாக இருந்தார்.

இதையடுத்து வேறு வழியில்லாமல் அத்தொகுதியை சிவசேனாவிற்கு பா.ஜ.க விட்டுக்கொடுத்துள்ளது. நேற்று துணை முதல்வர் தேவேந்திர பட்னாவிஸ் நிருபர்களுக்கு பேட்டியளிக்கையில் கல்யான் தொகுதியில் ஸ்ரீகாந்த் ஷிண்டே போட்டியிடுவார் என்று அறிவித்தார். இந்த அறிவிப்பின் போது பா.ஜ.க தொண்டர்கள் எதிர்ப்பு தெரிவித்து போராட்டம் நடத்தினர். ஆனால் ஸ்ரீகாந்த் ஷிண்டேயை நிறுத்த பா.ஜ.கவில் எந்த வித எதிர்ப்பும் இல்லை என்று பட்னாவிஸ் அறிவித்து இருக்கிறார்.ஏக்நாத் ஷிண்டே - பட்னாவிஸ்

மாமனாரை எதிர்த்து மருமகள் போட்டி:

மகாராஷ்டிரவில் உள்ள வார்தா தொகுதியில் பா.ஜ.க சார்பாக ராம்தாஸ் என்பவர் இரண்டு முறை போட்டியிட்டு வெற்றி பெற்று இருக்கிறார். அவரை எதிர்த்து அவரது மருமகள் பூஜா சுயேச்சையாக போட்டியிட வேட்பு மனுத்தாக்கல் செய்துள்ளார். குடும்ப பிரச்னையில் ராம்தாஸ் மகனிடமிருந்து அவரது மருமகள் பூஜா பிரிந்து வாழ்கிறார். பூஜாவின் வேட்பு மனுவிற்கு அவரது மாமானார் ராம்தாஸ் கடும் எதிர்ப்பு தெரிவித்தார். ஆனால் வேட்பு மனு ஏற்கபட்டுபட்டுவிட்டது. பூஜா தனது 17 வயது மகனுடன் வந்து வேட்பு மனுவை தாக்கல் செய்தார். வேட்பு மனு தாக்கல் செய்த பிறகு நிருபர்களுக்கு பேட்டியளித்த பூஜா,''எனது மகனுக்கு நீதிவேண்டும். எனது கணவர் வீட்டில் மாமனார் மற்றும் மாமியாரால் கடுமையாக சித்ரவதைக்கு ஆளானேன். என்னைப்போன்று பல பெண்கள் பாதிக்கப்பட்டுள்ளனர். எனவே ஒவ்வொரு பெண்ணின் உரிமைக்காக போராடுகிறேன்''என்றார். இது போன்ற நிகழ்வுகளால் மகாராஷ்டிரா அரசியலில் வெப்பம் அதிகரித்துக்கொண்டே செல்கிறது!

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/47zomWY">
https://bit.ly/47zomWY />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/47zomWY">
https://bit.ly/47zomWY />

http://dlvr.it/T5BCtc

Read More