`ஓய்வில்லாமல் உழைப்பதாக கூறும் மோடிக்கு ஓய்வு கொடுக்க வேண்டும்”- மார்க்சிஸ்ட் கம்யூனிஸ்ட் உ.வாசுகி

தூத்துக்குடி மக்களவைத் தொகுதியின் தி.மு.க வேட்பாளர் கனிமொழியை ஆதரித்து மார்க்சிஸ்ட் கம்யூனிஸ்ட் கட்சியின் மத்தியக்குழு உறுப்பினர் வாசுகி தேர்தல் பரப்புரை மேற்கொண்டார். அப்போது பேசிய அவர், “கடந்த 10 ஆண்டுகளில் பா.ஜ.கவுடன் இணைந்து பணியாற்றி பா.ஜ.க அரசு கொண்டு வந்த விவசாயிகள், தொழிலாளர்களுக்கு எதிரான சட்டங்கள், நீட் தேர்வு, கியூட் தேர்வு, குடியுரிமை திருத்தச் சட்டம் போன்ற மக்கள் விரோத சட்டங்களுக்கு உடந்தையாக இருந்த அ.தி.மு.க இன்று பா.ஜ.க கூட்டணியில் இருந்து மக்களின் நலனுக்காக வெளியேறியதாகவும், கூட்டணி தர்மத்திற்காகவே அந்த சட்டங்களுக்கு உடந்தையாக இருந்ததாகவும் கூறுகிறார்கள். அப்படியானால், மக்கள் விரோத சட்டங்களுக்கு உடந்தையாக இருந்ததை அவர்களாகவே தற்போது ஒப்புக் கொண்டுள்ளனர். உ.வாசுகி

தங்கள் காரியங்களை எல்லாம் சாதித்துவிட்டு தற்போது பா.ஜ.கவை எதிர்ப்பதைப் போல எடப்பாடி பழனிசாமி நாடகமாடுகிறார். இந்தத் தேர்தலில் மோடியையும், எடப்பாடி பழனிசாமியையும் வீழ்த்த வேண்டும். தரம் குறைந்த மருந்துகளை தயாரித்தது தொடர்பாக வழக்கு மற்றும் விசாரணையில் உள்ள நிறுவனங்களிடம் இருந்து தேர்தல் பத்திரம் மூலம் ஆயிரம் கோடி ரூபாயை பா.ஜ.க வாங்கியுள்ளது. தரம் குறைந்த மருந்துகளை பிரதமர் மோடி, மத்திய நிதியமைச்சர் நிர்மலா சீத்தாராமன், அதானி, அம்பானி, அண்ணாமலை போன்றவர்கள் பயன்படுத்த மாட்டார்கள். ஏழை மக்கள்தான் இந்த மருந்துகளை பயன்படுத்துவார்கள். அவர்கள் உயிர்களை பற்றி மோடிக்கு அக்கறை கிடையாது.

இந்தியாவில் கடந்த 10 ஆண்டுகளாக ஆட்சி செய்து வரும் பிரதமர் மோடி, ஓய்வில்லாமல் உழைத்து வருவதாகச் சொல்கிறார். அவர் யாருக்காக உழைத்தார் என்பது கேள்விக்குறிதான். அதானி, அம்பானி போன்ற கார்ப்பரேட் நிறுவனங்களுக்காக மட்டுமே அவர் உழைத்துள்ளார். நிச்சயமாக நாம் அவருக்கு ஓய்வு கொடுக்க வேண்டும். கடந்த பா.ஜ.க ஆட்சியில் ஒன்றிய தணிக்கைக் குழு அளித்துள்ள அறிக்கையில், ஏழரை லட்சம் கோடி முறைகேடு நடந்துள்ளதாக தெரிவித்துள்ளது. இதுகுறித்து பா.ஜ.க தலைவர்கள் யாரும் கருத்து தெரிவிக்கவில்லை. நாங்கள் ஊழலுக்கு அப்பாற்பட்டவர்கள் என்று கூறிக் கொள்ளும் பா.ஜ.கவினர் இது குறித்து வாய்திறக்காதது ஏன்? ரஃபேல் போர் விமான கொள்முதலில் நடந்த ஊழலில் அனில் அம்பானிக்கு ஆதரவாக மோடி செயல்பட்டார்.  பல ஆயிரம் கோடி பங்குச்சந்தை மோசடியில் அதானிக்கு ஆதரவாகச் செயல்பட்டார்.  தேர்தல் பரப்புரை

பல ஆயிரம் கோடி ஊழல் செய்த ரெட்டியை கட்சியில் சேர்த்துள்ளனர்.  தேர்தல் பத்திரம் மூலம் பெறப்பட்ட ஊழல் பணத்தில் பல மாநிலங்களில் ஆட்சியைக் கவிழ்த்தனர். பலரை விலை கொடுத்து கட்சியில் சேர்த்துள்ளனர். குற்றவாளிகள் எல்லாம் பா.ஜ.கவில் சேர்ந்து சுத்தவாளியாக மாறுகின்றனர். ஆனால், எதிர்க்கட்சியினர் ஊழல் செய்தனர் என்று கூறி,  அவர்களை மட்டும் அமலாக்கத்துறை மூலம் கைது செய்து வருகின்றனர். தேர்தல் நேரத்தில் அரவிந்த் கெஜ்ரிவால், ஹேமந்த் சோரன் போன்ற முதலமைச்சர்களை கைது செய்தனர். ஓட்டப்பந்தயத்தில் ஓடுகிறவர்களை தடுத்து நிறுத்திவிட்டு மோடி மட்டுமே வெற்றி பெற வேண்டும் என்ற எண்ணத்தில் அமலாக்கத்துறையின் செயல்பாடு உள்ளது” என்றார்.     

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/47zomWY">
https://bit.ly/47zomWY />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/47zomWY">
https://bit.ly/47zomWY />

http://dlvr.it/T5K4W8

Read More

பா.ஜ.க-வின் தேர்தல் பயம் காரணமாக எதிர்க்கட்சித் தலைவர்கள் வேட்டையாடப்படுகிறார்களா? - ஒன் பை டூ

கனகராஜ், மாநிலச் செயற்குழு உறுப்பினர், சி.பி.எம்

“யாராலும் மறுக்க முடியாத உண்மை. பா.ஜ.க இரண்டு வழிகளில் ஒரு கட்சியைச் சிதைக்கப் பார்க்கும். மாநிலத்தில் வலுவாக இருக்கும் கட்சியுடன் கூட்டணிவைத்து உறவாடுவதுபோல, அந்த மாநிலக் கட்சியை முழுவதுமாகவே அழித்துவிடுவது ஒன்று. மற்றொன்று, தேர்தலுக்கு முன்பாக ஒரு கட்சியின் மீது ஆதாரமே இல்லாத அவதூறுகளை அள்ளி வீசுவது. இப்படித்தான், தமிழகத்தில் 2021 தேர்தலையொட்டி மு.க.ஸ்டாலினின் மகள் வீட்டில் வருமான வரித்துறை சோதனை, கேரளாவில் தங்கக் கடத்தல் வழக்கில் முதல்வருக்குத் தொடர்பு, கர்நாடகாவில் டி.கே.சிவகுமாருக்குச் சொந்தமான இடங்களில் சோதனை என்றெல்லாம் அவதூறுகளைப் பரப்பியது பா.ஜ.க. இப்போது மக்களவைத் தேர்தலுக்காக தெலங்கானாவில் கவிதா, டெல்லியில் அரவிந்த் கெஜ்ரிவால் ஆகிய இருவரையும் மதுபானக் கொள்கை வழக்கில், கைதுசெய்து சிறையில் அடைத்துவிட்டது பா.ஜ.க. இதே ஊழல் வழக்கில், சம்பந்தப்பட்ட மதுபான நிறுவனம் பா.ஜ.க-வுக்கு 55 கோடி ரூபாயை நிதியாகக் கொடுத்திருக்கிறது. அப்படியென்றால் கைது செய்யப்பட வேண்டியவர் பா.ஜ.க தலைவர் ஜே.பி. நட்டாதானே... தோல்வி பயத்தில் இருக்கும் பா.ஜ.க., துளிகூட ஆதாரமற்ற குற்றச்சாட்டுகளை எதிர்க்கட்சியினர் மீது சுமத்தி, அதைத் தேர்தல் வெற்றியாக மாற்ற முயல்கிறது. கடந்த பத்தாண்டுக்காலச் சாதனைகள் என்று சொல்லி வாக்கு கேட்க வக்கில்லாததால்தான், இப்படி இறங்கிவிட்டது பா.ஜ.க.”கனகராஜ், ஜி.கே.நாகராஜ்

ஜி.கே.நாகராஜ், மாநில விவசாய அணித் தலைவர், பா.ஜ.க

“வாய்க்கு வந்ததைச் சொல்லியிருக்கிறார் பிரகாஷ் காரத். பாரதம் முழுவதும் பா.ஜ.க-வுக்குக்கான வெற்றி அலை வீசுகிறது. `இந்தியா’ கூட்டணி துடைத்து எறியப்படும் என்பதும் உறுதியாகிவிட்டது. இந்தத் தோல்வி பயத்தில், `இந்தியா’ கூட்டணியில் இருப்பவர்கள்தான் பொய் சொல்லிக்கொண்டு திரிகிறார்கள். தமிழகத்திலும் இதே பயம் இருப்பதால்தான், ‘கோவையில் கூட்டணிக் கட்சி தோல்வியைத் தழுவும்’ என்று பயந்து தி.மு.க-வே நேரடியாகக் களமிறங்கியிருக்கிறது. இதே பயத்தில்தான் எதிரும் புதிருமாக இருந்துவரும் ஆம் ஆத்மி, திரிணாமுல் காங்கிரஸ், கம்யூனிஸ்ட் என்று அனைவரும் ஒரே கூட்டணியில் இணைந்திருக்கிறார்கள். யார் எந்தக் கூட்டணி வைத்தாலும் வெற்றிபெறப்போவது பா.ஜ.க கூட்டணி மட்டுமே என்பது உறுதியாகிவிட்டது. 2004-2014 வரை மன்மோகன் சிங் பிரதமராக இருந்த காலத்தில், அமலாக்கத்துறை கைப்பற்றிய பணம் 536 கோடி மட்டுமே. அதே 2014-2024 வரை பிரதமர் மோடி அரசில் கைப்பற்றப்பட்ட பணம் 93,000 கோடி ரூபாய். இந்தப் புள்ளிவிவரமே எந்த ஆட்சி சிறப்பாகச் செயல்பட்டிருக்கிறது என்பதைக் காட்டும். மேலும், அமலாக்கத்துறையால் இப்போது கைதுசெய்யப்பட்ட யாரும் தவறு செய்யாதவர்கள் கிடையாது. எங்கள் தலைவர் நட்டா சொன்னதுபோல, `இந்தியா’ கூட்டணித் தலைவர்களில் பாதிப் பேர் சிறையில் இருக்கிறார்கள்... மீதிப் பேர் பெயிலில் இருக்கிறார்கள் என்பதுதான் உண்மை!”


http://dlvr.it/T5JD0n

Read More

சைக்கிள் ஓட்டிய வாசன் | மேளம் அடித்த திலகபாமா | பாஜக தேர்தல் நோட்டீஸில் எம்.ஜி.ஆர் - Election Clicks

திண்டுக்கல் காந்தி மார்க்கெட் பகுதியில் பாமக வேட்பாளர் திலகபாமா பரப்புரை மேற்கொண்டார்மேளம் அடித்து வாக்கு சேகரித்த திலகபாமாதிருநெல்வேலி தொகுதி பா.ஜ.க வேட்பாளர் நயினார் நாகேந்திரனை ஆதரித்து நெல்லையில். பொதுமக்களுக்கு வினியோகிககப்படும் தேர்தல் பிரச்சாரம் நோட்டீஸ்களில் பிரதமர் மோடி, அண்ணாமலை படங்களுடன் எம்.ஜி.ஆர் படம்.!சிவகாசியில் விருதுநகர் தொகுதியில் தேமுதிக வேட்பாளர் விஜயபிரபாகருக்கு ஆதரவு கோரி முன்னாள் அமைச்சர் ராஜேந்திர பாலாஜி, ஐஸ் கம்பெனிக்கு சென்று ஐஸ் தயாரித்து வாக்காளர்களை கவர்ந்தார்.திண்டுக்கல் - ஒட்டன்சத்திரத்தில் உரிய ஆவணமின்றி எடுத்துவரப்பட்ட 80 லட்சம் ரூபாய் பறிமுதல்.ஈரோட்டு நாம் தமிழர் கட்சி வேட்பாளர் கார்மேகனை ஆதரித்து சீமான் பிரசாரம்.தாம்பரம் எம் ஐ டி கல்லூரியில் வாக்குப்பதிவு இயந்திரங்களை செங்கல்பட்டு மாவட்ட கலெக்டர் பார்வையிட்டார்திருப்பூர் பாஜக வேட்பாளர் ஏ.பி.முருகானந்தத்தை ஆதரித்து அர்ஜுன் சம்பத் பிரசாரம்.பொள்ளாச்சி அதிமுக வேட்பாளர் கார்த்திகேயன் அப்புசாமிகோவை திமுக வேட்பாளர் கணபதி ராஜ்குமார் பல்லடம் அனுப்பட்டி பகுதி பிரசாரத்தில் , குறிப்புகள் எழுதப்பட்ட சீட்டை பார்த்து பேசி வாக்காளர்களிடம் வாக்கு சேகரித்தார்.நெல்லை - 'இந்தியா கூட்டணி' கட்சிகளின் வேட்பாளர்களை ஆதரித்து ராகுல் காந்தி பிரசாரம் செய்யவுள்ள பாளையங்கோட்டை, பெல் மைதானத்தை அமைச்சர் தங்கம் தென்னரசு மற்றும் தி.மு.க நிர்வாகிகள் பார்வையிட்டனர்.ஈரோடு சித்தோடு பகுதியில் வாக்கு சேகரிப்பில் ஈடுபட்ட அதிமுக வேட்பாளர் அசோக் குமார்.ஈரோடு தொகுதியில் திமுக வேட்பாளர் கே.இ.பிரகாஷ் வேங்கியாம்பாளையம் பகுதிகளில் பிரசாரம் மேற்க்கொண்டார்.


http://dlvr.it/T5HRzq

Read More

விருதுநகர்: `வாக்காளர் அட்டையைத் திரும்ப ஒப்படைக்குறோம்... வேற வழி தெரியல!' - பி.ஏ.சி.எல் முகவர்கள்!

தமிழகத்தில் பல்வேறு கிளைகளுடன் இயங்கி வந்த பி.ஏ.சி.எல். நிதி நிறுவனம் வாடிக்கையாளர்களின் முதலீட்டை திருப்பி தரவில்லை என எழுந்த குற்றச்சாட்டின் அடிப்படையில், அந்நிறுவனம் மீது வழக்கு பதிவு செய்யப்பட்டிருக்கிறது. இந்த நிலையில், விருதுநகர் மாவட்டத்தில் உள்ள பி.ஏ.சி.எல் வாடிக்கையாளர்கள், முகவர்கள் அனைவரும், மக்களவை தேர்தலை ஒட்டுமொத்தமாக புறக்கணிக்க முடிவு செய்து தங்களது வாக்காளர் அடையாள அட்டையை, மாவட்ட ஆட்சியர் அலுவலகத்தில் திரும்ப ஒப்படைப்பதற்காக வந்திருந்தனர்.

இது குறித்து குழு முகவர் காளிதாஸ் நம்மிடம் பேசுகையில், ``தமிழகம் முழுவதும் ஒரு கோடி வாடிக்கையாளர்களுக்கும் அதிகமான நபர்களுடன் இயங்கி வந்த பி.ஏ.சி.எல் நிதி நிறுவனம், வாடிக்கையாளர்கள் கொடுத்த பணத்தை திருப்பி தர மறுக்கிறது. இது தொடர்பான வழக்கில் வாடிக்கையாளர்கள் பணத்தை நிதி நிறுவனம் திருப்பி அளிக்கவேண்டும் என உத்தரவு பிறப்பித்தும் இதுவரை எங்களுக்கு பணம் திரும்ப கிடைக்கவில்லை. பாதிக்கப்பட்டவர்கள்

எனவே பாதிக்கப்பட்ட வாடிக்கையாளர்களின் சார்பில், அரசு அதிகாரிகள், ஆட்சி அதிகாரத்தில் உள்ளவர்கள் என பலதரப்பட்ட நபர்களுக்கும் கோரிக்கை கடிதம் அனுப்பி இருந்தோம். ஆனால் இதுவரை எந்த அதிகாரியும் பதில் தரவில்லை. தொடர்ந்து கடந்த பிப்ரவரி மாதம் விவசாய முன்னேற்ற சங்கத்தின் சார்பாக நடைபெற்ற பணம் மீட்பு குழு கூட்டத்தில் பி.ஏ.சி.எல் நிதி நிறுவனத்திலிருந்து வாடிக்கையாளர்களுக்கு தரவேண்டிய முதலீட்டு தொகையினை எந்த அரசியல் கட்சியினர் திரும்பப் பெற்று தருவதாக வாக்குறுதி தருகிறார்களோ அவர்களுக்கே தேர்தலில் ஆதரவு அளிப்பதென தீர்மானம் நிறைவேற்றி அனைத்து கட்சி பிரமுகர்களுக்கும் அனுப்பி இருந்தோம்.

மக்களவைத் தேர்தல் நடைபெற உள்ள நிலையில், விவசாய முன்னேற்ற சங்கத்தின் அந்த தீர்மானத்துக்கும் எந்த ஒரு அரசியல் கட்சியும் செவிசாய்க்கவில்லை. எனவே பி.ஏ.சி.எல் நிதி நிறுவனத்திலிருந்து வாடிக்கையாளர்களுக்கு தரவேண்டிய முதலீட்டு தொகையினை திருப்பித்தர நடவடிக்கை எடுப்பதாக வாக்குறுதி அளிக்காத யாருக்கும் நாங்கள் வாக்களிக்க போவதில்லை. எனவே, தமிழகத்தில் பி.ஏ.சி.எல் நிதி நிறுவனத்தில் முகவராகவும், வாடிக்கையாளராகவும் உள்ள அனைவரும் ஒட்டுமொத்தமாக நடைபெற உள்ள மக்களவைத் தேர்தலை புறக்கணிப்பது என முடிவு செய்திருக்கிறோம். அதன்படி பாதிக்கப்பட்ட பொதுமக்கள் அந்தந்த மாவட்டங்களில் உள்ள மாவட்ட ஆட்சியர் அலுவலகங்களில் தங்களுக்கான வாக்காளர் அடையாள அட்டையை திரும்ப ஒப்படைக்க வந்திருக்கிறோம்" என்றனர். தொடர்ந்து அவர்கள் புகார் மனுவுடன் சேர்த்து வாக்காளர் அடையாள அட்டையையும் மனுப்பெட்டியில் போட்டுவிட்டு சென்றனர்.மனு பெட்டியில்...

இதேபோல், விருதுநகர் மாவட்டம், ராஜபாளையம் தாலுகா வடக்கு மலையடிபட்டியில் உள்ள பட்டியல் இனத்தைச் சேர்ந்த பொதுமக்களும் தேர்தல் புறக்கணிப்பில் ஈடுபடுவதாக கூறி பரபரப்பை ஏற்படுத்தினர். இது குறித்து நம்மிடம் பேசிய அப்பகுதி பெண்கள், ``வடக்கு மலையடிப்பட்டியில் வாழும் பட்டியலின சமூக மக்கள் பகுதிக்கு இதுநாள்வரை குடிநீர் குழாய் இணைப்பு வழங்கவில்லை‌. ஆய்வுக்கு வரும் அதிகாரிகளும், அரசியல் கட்சியினரும் வாக்குறுதிகளை மட்டுமே அள்ளி வீசிச் செல்கின்றனர். ஆனால் உருப்படியாய் எந்த நடவடிக்கையும் எடுக்கவில்லை. கர்ப்பிணிகளுக்கு கிடைக்க பேறுகால நிதி உதவி உள்பட சுகாதாரமான குடிநீர் என எதுவும் கிடைக்காததால் இங்கு வாழும் பட்டியலின மக்கள் மிகுந்த சிரமத்திற்கு உள்ளாகியுள்ளோம். நோய்வாய்பட்டோர், முதியவர்கள், கர்ப்பிணிகள் என பலதரப்பட்ட மனிதர்களும் மலையடிவாரத்தில் இருந்து மலைக்கு மேலே தண்ணீர் குடங்களை சுமந்து செல்லக்கூடிய நிலைமை ஏற்பட்டிருக்கிறது. இந்நிலைமையினை மாற்றுவதற்கு யார் நடவடிக்கை எடுக்கிறார்களோ அவர்களுக்கே வருகின்ற தேர்தலில் ஆதரவளிக்க முடிவு செய்திருக்கிறோம். கோரிக்கை நிறைவேற்றாவிட்டால் வடக்குமலையடிப்பட்டி பொதுமக்கள் அனைவரும் தேர்தல் புறக்கணிப்பில் ஈடுபடுவோம்" என கூறினார்.`ஜோடி செருப்பு' சின்னம் ஒதுக்கிய தேர்தல் ஆணையம்; கழுத்தில் செருப்பு மாலையுடன் களமிறங்கிய சுயேச்சை!


http://dlvr.it/T5HRlV

Read More

வேலூர்: ‘‘நான் விரித்த கம்பளத்தில்தான் மோடி வருகிறார்!’’ - சொல்கிறார் கதிர் ஆனந்த்

வேலூர் நாடாளுமன்றத் தொகுதி பா.ஜ.க வேட்பாளர் ஏ.சி.சண்முகம் உட்பட கூட்டணி கட்சிகளின் வேட்பாளர்களை ஆதரித்து, வேலூர் கோட்டை மைதானத்தில் நாளை நடைபெறவிருக்கும் பிரசாரப் பொதுக்கூட்டத்தில் பிரதமர் நரேந்திர மோடி கலந்துகொண்டுப் பேசுகிறார். வேலூர் அருகேயுள்ள அப்துல்லாபுரம் விமான நிலையத்துக்கு ஹெலிகாப்டரில் வந்திறங்கும் பிரதமர் மோடி, அங்கிருந்து சாலை மார்க்கமாக கோட்டை மைதானத்தை வந்தடைகிறார். பிரதமரின் வருகையையொட்டி, பாதுகாப்புப் படையினரின் கட்டுப்பாட்டுக்குள் வேலூர் கொண்டுவரப்பட்டிருக்கிறது.

பிரதமரின் வருகைக் குறித்து நம்மிடம் பேசிய வேலூர் தி.மு.க வேட்பாளர் கதிர் ஆனந்த், ‘‘மோடியின் முகத்தைப் பார்த்தால், மக்களுக்கு இன்னும் கோபம்தான் வரும். இன்னொரு கட்சியின் தலைவரையோ அல்லது வேட்பாளரையோ விமர்சிக்க மாட்டேன். நான், அப்படிப்பட்டவனும் அல்ல. கதிர் ஆனந்த்

அவர் வரட்டும். பிரசாரம் பண்ணட்டும். என்ன நியாயத்தைச் சொல்லப் போகிறார் என்று பார்க்கலாம். வேடிக்கை என்னவென்றால், வேலூர் ஏர்போர்ட்டில் வந்து இறங்கப் போகிறார் பிரதமர் மோடி. பேப்பரில் இருந்த அந்த ஏர்போர்ட்டை தூசித் தட்டி ஏர்போர்ட்டாக உருவாக்கிக் கொடுத்தது, இந்த கதிர் ஆனந்த் தான். முன்பு இருந்த அ.தி.மு.க ஏர்போர்ட்டுக்கு தடை விதித்தது. இன்று இருக்கின்ற தி.மு.க அரசுதான் துணை நின்று... நிலத்தை கையகப்படுத்தி ஏர்போர்ட்டாக மாற்றிக்கொடுத்தது. இப்போது, காம்பவுண்ட் கட்டப்பட்டு... ரன்வே விரிவாக்கம் செய்து... டெஸ்ட் டிரைவ், டெக்னிக்கல் அனுமதியும் வாங்கி கமர்ஷியல் லைசென்ஸுக்காக காத்துக்கொண்டிருக்கிறோம்.

இதைச் செய்து கொடுத்ததும், இந்த கதிர் ஆனந்த் தான். அதில்தான் மோடி வந்து இறங்குறார். அங்கு இறங்கி ரோட்டில் வரப்போகிறார். அந்த ரோட்டையும் எங்களுடைய மாநில அரசுதான் போட்டுக்கொடுத்தது. பிறகு நஹாய் வழியாக கோட்டை வெளி மைதானத்துக்கு வருகிறார். அந்த ‘கோட்டை மைதானம் மக்கள் பயன்பாட்டுக்கு இருக்கக் கூடாது’ என்று அவர்களின் தொல்லியல்துறைதான் ‘சீல்’ வைத்தது. கதிர் ஆனந்த்

பண்டித ஜவஹர்லால் நேரு, அண்ணல் காந்தியடிகள், தந்தை பெரியார், பேரறிஞர் அண்ணா, முத்தமிழறிஞர் கலைஞர், தலைவர் ஸ்டாலின் வரை பலரும் இந்த மைதானத்தில் பேசியிருக்கிறார்கள். பாரம்பர்யமிக்க இந்த மைதானத்தை மக்கள் பயன்பாட்டுக்கு கொடுக்க வேண்டும் என்று நான்தான் பார்லிமென்ட்டில் பேசி, அனுமதி வாங்கிக்கொடுத்தேன். இப்போது, பொதுக்கூட்டங்களும், பொருட்காட்சிகளும் நடக்கின்றன. அந்த இடத்தில்தான் மோடியும் வந்து பேசப்போகிறார். எனவே, நான் விரித்த கம்பளத்தில்தான் மோடியும் நடந்து வரப்போகிறார். பாரதிய ஜனதா மீண்டும் ஆட்சிக்கு வராது. மக்கள் இனியும் பொறுத்துக்கொள்ள மாட்டார்கள். மக்களை வதைக்கின்ற அரசாக இருக்கிறது. மக்களை நாசப்படுத்தி நசுக்கினால், ஒருகட்டத்தில் ‘புரட்சி’ உண்டாகும். சாது மிரண்டால் நாடு தாங்காது. ஆகையால், பா.ஜ.க-வை ஆட்சி அமைக்க மக்கள் மீண்டும் விடமாட்டார்கள்’’ என்றார்.``ஃபேர் அண்ட் லவ்லி போட்டு வந்துட்டீங்களா... பளபளனு மின்னுறீங்க?”- மகளிர் தொகை குறித்து கதிர் ஆனந்த்


http://dlvr.it/T5H2nw

Read More

திருமணத்தை நிரூபிக்க `கன்னிகாதானம்' அவசியமில்லை: அலகாபாத் உயர் நீதிமன்றம் அதிரடி தீர்ப்பு!

இந்து திருமணத்தை உறுதிப்படுத்த `கன்னிகாதானம்' அவசியமில்லை என அலகாபாத் உயர் நீதிமன்றத்தின் லக்னோ பெஞ்ச் தனது தீர்ப்பில் தெரிவித்துள்ளது. கிரிமினல் வழக்கு ஒன்றில் வழங்கப்பட்ட விசாரணை நீதிமன்றத்தின் உத்தரவை எதிர்த்து, அசுதோஷ் யாதவ் என்பவர் குற்றவியல் சீராய்வு மனுத்தாக்கல் செய்திருந்தார். திருமணம்`சுதந்திரமாக வாழவே விவாகரத்து செய்தேன்' - ஆமீர் கான் முன்னாள் மனைவி கிரண் ராவ்

அதில் அவர் இந்து முறைப்படி நடைபெற்ற தன் திருமணத்தில் `கன்னிகாதானம்' செய்யப்படவில்லை என்றும், இதுதொடர்பாக தலைமை மற்றும் குறுக்கு விசாரணையின்போது இரு சாட்சிகள் அளித்த வாக்குமூலங்களில் சில முரண்பாடுகள் இருப்பதாகவும், மறுவிசாரணையின் மூலம் மட்டுமே அவற்றைத் தெளிவுபடுத்த இயலும்.

எனவே, சாட்சிகளை மறுவிசாரணை செய்ய அனுமதிக்கக் கோரி மனுத்தாக்கல் செய்திருந்தார். மனு மீது விசாரணை நடத்திய அலகாபாத் உயர் நீதிமன்றத்தின் லக்னோ பெஞ்ச் நீதிபதி சுபாஷ் வித்யார்த்தி, ``ஒரு வழக்கில் நியாயமான தீர்ப்பு வழங்க குற்றவியல் நடைமுறைச் சட்டப் பிரிவு (CrPC) 311-ன் கீழ், சாட்சிகளை மீண்டும் அழைத்து மறுவிசாரணை நடத்த நீதிமன்றத்துக்கு அதிகாரம் உள்ளது. ஆனால், இந்த வழக்கில், சாட்சிகளைத் திரும்ப அழைத்து விசாரணை செய்வதற்குத் தேவை இல்லை" எனத் தெரிவித்துள்ளார்.நீதிமன்றம் தீர்ப்புகாஷ்மீரில் மிகப்பெரிய ஆடம்பர ஹோட்டல்... இந்தியாவில் முதல்முறையாகத் தொடங்கிய ரேடிசன்!

மேலும், அவர் தெரிவிக்கையில், "இந்து திருமணச் சட்டத்தின்படி இந்து முறைப்படி நடக்கும் திருமணம் நிறைவு பெற்றதாகக் கருதுவதற்கு, நெருப்பின் முன் மணமகனும், மணமகளும் இணைந்து 7 அடி எடுத்து வைத்துச் சுற்றிவரும் 'சப்தபதி' எனும் சடங்கு மட்டுமே போதுமானது. கன்னிகாதானம் செய்யப்பட்டதா இல்லையா என்பதை நிரூபிக்க வேண்டிய அவசியமில்லை எனத் தெரிவித்துள்ளார்.

கன்னிகாதானம் என்றால் என்ன?

இந்து முறைப்படி நடைபெறும் திருமணங்களில் இது முக்கிய சடங்காகப் பாவிக்கப்படுகிறது. மணப்பெண்ணின் தந்தை தன் மகளின் கையை மணமகனின் கை மேல் வைத்து, தானமாக மணமகனிடம் ஒப்படைக்கும் சடங்குதான் கன்னிகாதானம். Marriage `திருமணம் தாண்டிய விருப்ப உடலுறவு குற்றமல்ல' - ராஜஸ்தான் உயர் நீதிமன்றம் தீர்ப்பு... பின்னணி என்ன?

ஒரு தந்தை, தன் மகளை மற்றொரு குடும்பத்தைச் சேர்ந்த ஒருவருக்கு அவரின் வம்சத்தை விருத்தி செய்வதற்காக தானம் அளிப்பதையே கன்னிகாதானம் எனும் பாரம்பர்யம் குறிக்கிறது. திருமணத்தை உறுதிசெய்ய அது அவசியமில்லை. எனவும் நீதிமன்றம் தனது தீர்ப்பில் தெரிவித்துள்ளது.


http://dlvr.it/T5Gf05

Read More

``ஜோதிமணிக்கு தோல்வி பயம்; அதனால்தான் கண்ணீர் வடிக்கிறார்..!" - சொல்கிறார் காயத்ரி ரகுராம்

கரூர் நாடாளுமன்றத் தொகுதியில் அ.தி.மு.க சார்பில் எல்.தங்கவேல் போட்டியிடுகிறார். இந்நில்லையில், கரூர் பசுபதிபாளையம், ராயனூர் உள்ளிட்டப் பகுதிகளில் அ.தி.மு.க சார்பில் கரூர் நாடாளுமன்ற தொகுதியில் போட்டியிடும் எல்.தங்கவேலுவை ஆதரித்து, அ.தி.மு.க கழகப் பேச்சாளரும், நடிகையுமான காயத்ரி ரகுராம் பிரசாரம் மேற்கொண்டார். அப்போது பேசிய அவர், ``பாரதிய ஜனதா கட்சியும், தி.மு.க-வும் தமிழக மக்களுக்கு எதுவும் செய்யவில்லை. கரூர் நாடாளுமன்ற தொகுதியில் எம்.பி-யாக இருந்த காங்கிரஸ் கட்சியைச் சேர்ந்த ஜோதிமணி கரூர் மக்களுக்காக நாடாளுமன்றத்தில் எதுவும் பேசவில்லை. தற்பொழுது மீண்டும் கரூர் தொகுதியில் போட்டியிடுவதால், அவருக்கு தோல்வி பயம் வந்துவிட்டது. அதனால், தற்போது பிரசாரத்தின் போது கண்ணீர் வடிக்கிறார். ஜோதிமணி

கரூர் மாவட்டத்தைச் சேர்ந்த பா.ஜ.க மாநிலத் தலைவர் கரூரில் போட்டியிட்டால் வெற்றிபெற மாட்டோம் என தெரிந்து கோயம்புத்தூரில் போட்டியிடுகிறார். தகர பெட்டியுடன் கோவை சென்றதாக கூறும், அண்ணாமலை, கோவை தொகுதியிலும் வெற்றி பெறப் போவதில்லை. அதனால், மீண்டும் அவர் கர்நாடகாவுக்கே செல்ல இருக்கிறார். அ.தி.மு.க ஆட்சியில் தமிழகத்தில் பெண்களுக்காக கொண்டுவரப்பட்ட திட்டங்களை தி.மு.க அரசு நிறுத்திவிட்டு வெறும் 30 சதவிகித பெண்களுக்கு மட்டுமே மகளிர் உரிமைத் தொகையாக ஆயிரம் ரூபாயை வழங்கி ஏமாற்றி வருகின்றனர்.

தமிழகத்தில் நீட் தேர்வு ரத்து செய்வோம் என்று கூறி ஆட்சிக்கு வந்த தி.மு.க அரசு இதுவரை ஏன் நீட் தேர்வை ரத்து செய்ய நடவடிக்கை மேற்கொள்ளவில்லை. ஆனால், மாணவர்களையும், மக்களையும் ஏமாற்றாமல் ஆட்சி நடத்தியவர் எடப்பாடி பழனிசாமி மட்டுமே.தங்கவேலுவை ஆதரித்து காயத்ரி ரகுராம் பிரசாரம்

பெண்களுக்கு தாலிக்கு தங்கம், அரசு பள்ளியில் படிக்கும் மாணவர்களுக்கு 7.5 இட ஒதுக்கீடு, ஒரே ஆண்டில் பதினோரு அரசு மருத்துவக் கல்லூரிகளை தமிழகத்தில் கொண்டு வந்தது உள்ளிட்ட பல சாதனைகளை அ.தி.மு.க அரசு செய்துள்ளது. தமிழகத்தில் போதை கலாசாரம் அதிகரித்து வருவதால் ஆட்சியில் உள்ள தி.மு.க காவல்துறை செயல்படாத காரணத்தினால் இன்று இளைஞர்கள் போதைப் பொருளுக்கு அடிமையாகி வருகின்றனர். இதனால், எதிர்காலத்தில் பெண்கள் மீதான குற்றங்கள் அதிகரிக்கும். தி.மு.க நிர்வாகிகள் போதைப் பொருளை வெளிநாட்டில் இருந்து கடத்தி வந்தது தெரியவந்து, அவர் கைது செய்யப்பட்டு இருக்கிறார்.

தமிழகத்தில் மூன்று மடங்கு வரி உயர்வு உயர்த்தப்பட்டுள்ளது. தாலிக்கு தங்கம் வழங்கும் திட்டம் நிறுத்தப்பட்டது... மகளிருக்கான திருமண உதவித்தொகை நிறுத்தப்பட்டது அனைத்தும் தி.மு.க ஆட்சியில் தான். இதுகுறித்து கரூர் தொகுதி வேட்பாளர் ஜோதிமணி, தி.மு.க அரசிடம் கேள்வி கேட்க முடியுமா?. அ.தி.மு.க உறுப்பினர் இருந்தால்தான் இதுகுறித்து சட்டமன்றத்திலும் நாடாளுமன்றத்திலும் கேள்வி கேட்க முடியும். அண்ணன் தங்கவேல் அத்தனைப் பிரச்னைகளுக்காகவும் கேள்வி எழுப்புவார். தமிழ்நாட்டின் வளர்ச்சிக்கும், முன்னேற்றத்திற்கும் பாடுபடும் ஒரே கட்சி அ.தி.மு.க மட்டும் தான். கரூர் தொகுதியில் போட்டியிடும் அ.தி.மு.க வேட்பாளருக்கு நீங்கள் வாக்களித்தால் நாடாளுமன்றத்தில் தமிழகத்தின் உரிமைகளுக்காக குரல் கொடுப்பார்" என்றார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/47zomWY">
https://bit.ly/47zomWY />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/47zomWY">
https://bit.ly/47zomWY />

http://dlvr.it/T5FmhY

Read More