சீன லைட்டர் விற்பனையால் தீப்பெட்டி தொழில் பாதிப்பு; உற்பத்தியாளர்கள் 10 நாள்கள் வேலை நிறுத்தம்!

இந்தியாவில் உற்பத்தி செய்யப்படும் தீப்பெட்டியில் 90 சதவீதம் தமிழகத்தில்தான் உற்பத்தி செய்யப்படுகிறது. குறிப்பாக தென்மாவட்டங்களான தூத்துக்குடி மாவட்டம் கோவில்பட்டி, நெல்லை, தென்காசி, விருதுநகர்  உள்ளிட்ட மாவட்டகளில் அதிகளவு தீப்பெட்டி உற்பத்தி நடைபெற்று வருகிறது. அதிலும்  கோவில்பட்டி சுற்று வட்டாரப் பகுதிகளில்தான் அதிக தீப்பெட்டி உற்பத்தி ஆலைகள் இயங்கி வருகின்றன.  குறிப்பாக 90 சதவீதம் பெண்கள்தான் தீப்பெட்டி ஆலைகளில் வேலை செய்து வருகின்றனர். இந்த தொழிலை நம்பி 3 லட்சம் தொழிலாளர்கள் உள்ளனர்.   தீப்பெட்டி உற்பத்தி

மூலப்பொருள்களின் விலை உயர்வு, தீப்பெட்டியின் விலை அதிகரிப்பால் ஆர்டர்கள் குறைவு, தீப்பெட்டி பண்டல்களின் தேக்கம் என, தீப்பெட்டி உற்பத்தியாளர்கள் கடுமையாக பாதிக்கப்பட்டு வரும் நிலையில், தற்போது  ஒரு முறை பயன்படுத்தக்கூடிய பிளாஸ்டிக் சீன லைட்டர்களின் வருகையால் தீப்பெட்டி உற்பத்தித் தொழில் அடியோடு பாதிக்கப்படும் அபாயம் ஏற்பட்டுள்ளது. ஒரு சிகரெட் லைட்டர் விற்பனை,  20 தீப்பெட்டிகளின் விற்பனையை தடை செய்து வருகிறது. எனவே சீன லைட்டர்களை தடை செய்ய வேண்டும் என மத்திய, மாநில .அரசுகளுக்கு கடந்த சில ஆண்டுகளாக தீப்பெட்டி உற்பத்தியாளர்கள் கோரிக்கை விடுத்து வந்தனர்.

இதனையடுத்து கடந்த ஆண்டு ரூ.20-க்கு கீழ் உள்ள பிளாஸ்டிக் லைட்டர்களுக்கு மத்திய அரசு தடை விதித்தது. இருந்த போதிலும் சீனாவில் இருந்து நோபாளம் வழியாக இந்தியாவிற்கு பிளாஸ்டிக் லைட்டர்கள் திருட்டுத்தனமாக கொண்டு வரப்பட்டு விற்பனை ஜோரூராக நடைபெற்று வருகிறது. ரூ.8 முதல்  ரூ.10 வரை பிளாஸ்டிக் லைட்டர்கள் விற்பனை செய்யப்படும் நிலை இருப்பதால், தீப்பெட்டி விற்பனை கடுமையாக பாதிக்கப்பட்டுள்ளது. இதனால் பலகோடி ரூபாய் மதிப்புள்ள தீப்பெட்டி பண்டல்கள் தேக்கம் அடைந்துள்ளன. இந்த நிலையில் இன்று (13-ம் தேதி) முதல் வரும் 21-ம் தேதி வரை தூத்துக்குடி மற்றும் தென்காசி மாவட்டங்களில் உள்ள தீப்பெட்டி ஆலைகளில் தீப்பெட்டி உற்பத்தியை நிறுத்துவது என்று தீப்பெட்டி உற்பத்தியாளர்கள் முடிவு செய்துள்ளதாக நேஷனல் சிறு தீப்பெட்டி உற்பத்தியாளர்கள் சங்கம் அறிவித்துள்ளது.  இது குறித்து நேஷனல் சிறு தீப்பெட்டி உற்பத்தியாளர்கள் சங்க தலைவர் பரமசிவம் கூறுகையில், ”தீப்பெட்டி உற்பத்தித் தொழில் நலிந்து போவதற்கு ஒரு முறை பயன்படுத்தப்படும் சீன பிளாஸ்டிக் லைட்டர்கள் ஒரு காரணமாக இருக்கும். தீப்பெட்டி உற்பத்தி

மத்திய மாநில அரசுகள் நடவடிக்கை எடுத்தாலும், அதிகாரிகள் லைட்டர்களை ஒழிக்க போதிய நடவடிக்கை எடுக்கவில்லை. இதனால் தீப்பெட்டி உற்பத்தி, விறப்பனை கடுமையாக பாதிக்கப்பட்டுள்ளது. இதன் காரணமாக வாங்கி பொருள்களுக்கு பணம் கொடுக்க முடியாத நிலை இருப்பதால், 10 நாள்கள் தீப்பெட்டி ஆலைகளில் உற்பத்தியை நிறுத்தம் செய்ய முடிவு செய்துள்ளோம். இதனால் பகுதி மற்றும் முழு இயந்திரம் என சுமார் 700 பகுதி நேர தீப்பெட்டி ஆலைகள், 1,200 தீப்பெட்டி உற்பத்தி சார்பு ஆலைகள் மூடப்படுவது மட்டுமின்றி, 3 லட்சம் தொழிலாளர்கள் வேலை வாய்ப்பினை இழக்கும் நிலை ஏற்படும். நாள் ஒன்றுக்கு 6 கோடி ரூபாய் தீப்பெட்டி உற்பத்தி  என ரூ.60 கோடி மதிப்பிலான தீப்பெட்டி உற்பத்தி பாதிக்கப்படும்” என்றார். தீப்பெட்டி உற்பத்தி பாதிப்பு; வெளிநாட்டு சிகரெட் லைட்டர்களைத் தடுக்க நடவடிக்கை..!


http://dlvr.it/T5RsDC

Read More

”அன்று ஜெயலலிதா, இன்று மோடி... கேள்வி கேட்கிறார்கள்; திமுக வாய் திறக்கவில்லை” - நிர்மலா சீதாராமன்

தஞ்சாவூர் தொகுதி பா.ஜ.க வேட்பாளர் கருப்பு முருகானந்தத்தை ஆதரித்து, மத்திய நிதியமைச்சர் நிர்மலா சீதாராமன் ரோடு ஷோ மூலம் பிரசாரம் மேற்கொண்டார். மேலவீதி மூல அனுமார் கோவிலில் இருந்து பிரசாரத்தை தொடங்கிய அவர் சிவகங்கை பூங்கா வரை வாகனத்தில் சென்றபடி பொதுமக்களை பார்த்து கையசைத்து ஓட்டு கேட்டார். இதற்காக வந்த நிர்மலா சீதாராமனுக்கு பாஜகவினர் மலர் தூவி வரவேற்பு கொடுத்தனர். அத்துடன் கோயில் சார்பில் பூரண கும்ப மரியாதை அளிக்கப்பட்டது.நிர்மலா சீதாராமன்

பிரசார வாகனத்தில் இருந்தபடியே வழியில் இருந்த மூல அனுமார், கோதண்டராமர், பங்காரு காமாட்சி, காசிநாதர், கொங்ணேஷ்வர் உள்ளிட்ட கோயில்களை பார்த்து வணங்கினார். பின்னர் தேரடியில் நிர்மலா சீதாராமன் பேசியதாவது, ``தமிழகத்தில் பெரிய மாறுதல் ஏற்பட வேண்டும். மாறுதல் வேண்டும் என்பது மக்கள் மனதில் இருக்கிறது. தமிழகத்தில், உண்மைக்கு புறம்பாக நிறைய விஷயங்களை பேசி வருகிறார்கள்.

கச்சத்தீவு விஷயத்தை ஏன் இப்போது பேச வேண்டும் என்கிறார்கள். அதை பற்றிய அம்சம் குறித்து மக்கள் பேச வேண்டும். விவாதம் செய்ய வேண்டும். கச்சத்தீவு பரம்பரை பரம்பரையாக மீன்வர்கள் மீன்பிடித்த இடம். கச்சத்தீவை தாரைவார்த்து கொடுத்ததால் தான் இன்றைக்கு வரை மீனவர்கள் பிரச்னை தீராமல் உள்ளது என்ற உண்மையை நம் அனைவரும் பேச வேண்டும். திமுகவை கேள்வி கேட்க வேண்டும். நிர்மலா சீதாராமன் ரோடு ஷோ

இன்றைக்கு பிரதமர் மோடி கேள்வி கேட்கிறார் என்பது அல்ல. சட்டசபையில் முன்னாள் முதல்வர் ஜெயலலிதா கேள்வி கேட்டுள்ளார் அப்போதும் பதில் இல்லை, இப்போதும் பதில் இல்லை. இது குறித்து இன்றைக்கு வரை திமுக பேசவில்லை. திமுக செய்கின்ற ஒவ்வொரு தமிழக விரோத செயல் குறித்து எந்த பதிலும் அளிக்க மாட்டார்கள். உண்மைக்கு புறம்பாக தகவல்களை திமுக கூறி வருவதற்கு இது ஒரு உதாரணம்.

சமீபத்தில் திமுக அமைச்சராக இருந்த ஒருவரே, அந்த குடும்பம் 30 ஆயிரம் கோடி ரூபாய் சம்பாதித்து பணத்தை எங்கே வைப்பது என தெரியாமல் அலைந்துக் கொண்டு இருக்கிறார்கள் என்றார். இது குறித்து ஊடங்கள் கேள்வி கேட்டது. அதற்கு கூட இன்றைக்கு வரை பதில் இல்லை. ஆனால் அந்த அமைச்சரை வேறு துறைக்கு மாற்றி விட்டனர். நிர்மலா சீதாராமன்

காவிரியில் தண்ணீர் இல்லை. ஆனால், சாராயம் தண்ணீர் போல கொட்டுகிறது. பல ஆண்கள் சாராயத்திற்கு அடிமையாகி போனதால், குடும்பங்கள் கெட்டுக்கொண்டு இருக்கிறது. முழுமையாக சாராயத்தை ஒழிக்காவிட்டாலும், சீர்திருத்தங்களுடன் விற்பனை செய்தாலும் பரவாயில்லை. குழாயயை திறந்தால் தண்ணீர் வருவது போல சாராயம் வருகிறது.

இன்றைக்கு போதை பொருட்களை டன் கணக்கில் கொட்டுகிறார்கள். இதிலும், அந்த குடும்பத்திற்கு தொடர்பு உள்ளது என வெட்ட வெளிச்சமாக தெரிந்துள்ளது. போதை பொருள் விற்பனையில் கிடைத்த ஆதாயத்தை வைத்து அந்த குடும்பத்தை சேர்ந்தவர்கள் சினிமா எடுத்தார்கள். இதற்கு கோபாலபுரம் குடும்பம் இன்றைக்கு வரை எந்த பதிலும் சொல்லவில்லை. போதை பொருள் தொடர்பாக முதல்வர் பதில் சொல்ல வேண்டும். தஞ்சாவூர் பிரச்சாரத்தில் நிர்மலா சீதாராமன்

திராவிட முன்னேற்ற கழகம் என்பது, ட்ரக் முன்னேற்ற கழகமாக மாறியுள்ளது. போதை பொருள் நமது இளைஞர்களை இன்னும் 10 ஆண்டுகளில் மொத்தமாக அழித்து விடும். போதை பொருள் ஆதாயம் மூலமாக தங்கள் குடும்பம் வளரும். தமிழகத்தில் இளையதலைமுறைகள் எக்கேடு கெட்டால் எனக்கு என்ன என இருந்து வருகின்றனர். பாஜக, ஆர்எஸ்எஸ்ஸை ஓட ஓட விரட்டுவோம் என முதல்வர் ஸ்டாலின் சொன்னார். போதை விற்பனை செய்யும் திமுக-வை நாம் ஓட ஓட விரட்டோம்” என்றார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/47zomWY">
https://bit.ly/47zomWY />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/47zomWY">
https://bit.ly/47zomWY />

http://dlvr.it/T5Rdg1

Read More

`ஸ்டாலினைத் தவிர யாரையும் சகோதரர் என அழைப்பதில்லை...' - கோவை கூட்டத்தில் ராகுல் நெகிழ்ச்சி

காங்கிரஸ் எம்.பி ராகுல் காந்தி, இன்று மாலை தேர்தல் பிரசாரம் மேற்கொள்ளவதற்காக திருநெல்வேலி வந்திறங்கினார். அங்கு உரையாற்றியவர் பின்னர் அங்கிருந்து கோவையில் நடைபெறும் பொதுக்கூட்டத்தில் கலந்துகொண்டார். இந்தக் கூட்டத்தில் முதல்வர் ஸ்டாலின் உள்ளிட்டோரும் கலந்துகொண்டனர். கூட்டத்தில் பேசிய ராகுல் காந்தி, ``டியர் ராகுல் பிரதர்... புதிய இந்தியாவுக்கு விடியல் தருக! இந்தத் தேர்தலின் ஹீரோ காங்கிரஸ் கட்சியின் தேர்தல் அறிக்கைதான். பிரதமர் மோடி எப்பொதும் வெளிநாட்டு டூரில் இருப்பார்.நெல்லையில் ராகுல்

இப்பொது உள்நாட்டில் டூரில் இருக்கிறார். அரசியலுக்கு யார் வேண்டுமானாலும் வரலாம். தேர்தலில் நின்று மக்கள் வாக்களித்தால்தான் வரமுடியும். அவர் எங்களை மட்டும் அவமானப்படுத்தவில்லை. முதல்வர் ஸ்டாலின்

எங்களுடன் வாக்காளர்களையும் அவமானப்படுத்துகிறார். ஊழலைப் பற்றி மோடி பேசலாமா... ஊழல் யுனிவர்சிட்டிக்கு மோடிதான் வேந்தர். அமலாக்கத்துறை, வருமான வரித்துறை, சி.பி.ஐ போன்ற அவர்களின் கூட்டணியை வைத்து மிரட்டி தேர்தல் பத்திரத்துக்கு வசூல் செய்தனர்.

இனியும் நீங்கள் ஊழலைப் பற்றி பேசினால், 'யோக்கியன் வரான்... சொம்பு எடுத்து உள்ள வை' என்றுதான் சொல்ல வேண்டும். யார் பிரதமர் வேட்பாளர்... யாரை எதிர்த்துப் பேச வேண்டும், எதற்காக நிற்கிறோம் எனத் தெரியாமல் இருக்கிறது அ.தி.மு.க. பா.ஜ.க-வை எதிர்த்துப் பேச முடியாமல், கள்ளக் கூட்டணிக்கு ஆதரவு தேடி வருகின்றனர். ஒரு வரியில் சொன்னால் 'Simply Waste'." என்றார்.

அவரைத் தொடர்ந்து பேசிய ராகுல் காந்தி, ``நாட்டில் மிகப்பெரிய சித்தாந்த போர் நடந்து வருகிறது. இது மோடி அரசு அல்ல. அதானி அரசு. அதானி விரும்பும் எல்லாவற்றையும் மோடி உடனடியாக கொடுக்கிறார். அதானி எப்படி எல்லாம் சலுகை பெறுகிறார் என நாடாளுமன்றத்தில் பேசியவுடன் என் மக்களவை உறுப்பினர் பொறுப்பு, நான் குடியிருந்த வீடு எல்லாவற்றையும் எடுத்துவிட்டனர். நெல்லையில் ராகுல்

அதில் எனக்கு மகிழ்ச்சி. எனக்கு வீடு தேவையில்லை. லட்சக்கணக்கான வீடுகள், முக்கியமாக தமிழ்நாடு மக்கள் வீடுகள் எனக்காக திறந்தே இருக்கும். எனக்கும் உங்களுக்கும் அரசியல் தொடர்பு இல்லை. இது குடும்ப உறவு. பெரியார், அண்ணாதுரை, காமராஜர், கலைஞர் ஆகிய தலைவர்கள் அறிவாற்றலால் மக்களின் உணர்விலும், உயிரிலும் கலந்தவர்கள். எதற்காக எங்கள் மொழி, அடையாளம், பாரம்பர்யத்தை அழிக்கிறீர்கள். இங்கு வந்து தோசை பிடிக்கும் என்கிறீர்கள். வட இந்தியா சென்று ஒரே நாடு ஒரே தேர்தல் என சொல்லி இந்த மக்களின் பாரம்பர்யத்தை அவமானப்படுத்துகிறீர்கள். ஏன் தமிழ், கன்னட, வங்காள மொழிக்கு பேசுவதில்லை. உங்களுக்கு தோசை பிடிக்குமா, வடை பிடிக்குமா என்பது பிரச்னை இல்லை. நாட்டுக்காகவும், தமிழ் மக்களுக்காகவும் என்ன செய்ய போகிறீர்கள். ஸ்டாலின் என் மூத்த சகோதரர். நான் வேறு யாரையும் சகோதரர் என்று அழைப்பதில்லை." என்றார்.`சித்தாந்தப் போர் இது... மோடி அல்ல உலகின் எந்த சக்தியும் உங்களைத் தொட முடியாது!' - நெல்லையில் ராகுல்


http://dlvr.it/T5RSjc

Read More

உ.பி: சீருடையில் மாற்றம்; சாமியார்களாக மாறிய போலீஸார்... காவல்துறை முடிவும் எழுந்த விமர்சனமும்!

உத்தரப்பிரதேச மாநிலம், வாரணாசியில் பிரபலமான காசி விஸ்வநாதர் கோயில் உள்ளது. இந்தக் கோயிலுக்கு ஆயிரக்கணக்கான பக்தர்கள் தினமும் வருகை தருகிறார்கள். இந்த நிலையில், வாரணாசி காவல்துறை ஆணையர் "No touch rule" என்ற ஆணையைப் பிறப்பித்திருக்கிறார். அதில், "காவல்துறை உடைக்குப் பதிலாக காவி உடை அணிந்த காவலர்கள், கோயில் பகுதியில் வளம் வருவார்கள். பக்தர்களுக்கு மத்தியில் ஏற்படும் சர்ச்சைகள், தரிசனத்துக்கான ஏற்பாடுகள், கூட்டத்தைக் கட்டுப்படுத்துவது உள்ளிட்ட பணிகளில் அவர்கள் ஈடுபடுத்தப்படுவார்கள்.காவி உடையில் காவல்துறை

அவர்கள் இது போன்ற சமயங்களில் பக்தர்களைத் தொடாமல் அவர்களை சீர்படுத்தும் பணிகளை மேற்கொள்வார்கள். இதற்காக 3 நாள்கள் பயிற்சியளிக்கப்டுகிறது" எனக் குறிப்பிட்டிருக்கிறது. இந்த உத்தரவுக்கு பல்வேறு தரப்பிலிருந்தும் கண்டனங்களும், எதிர்ப்பும் தெரிவிக்கப்பட்டுவருகிறது. ஒரு தரப்பு மட்டும் ஆதரவு தெரிவிப்பதால், தொடர்ந்து சர்ச்சை நிலவிவருகிறது.

இது தொடர்பாக விளக்கமளித்த வாரணாசி போலீஸ் கமிஷனர் மோஹித் அகர்வால், "கூட்டத்தை நிர்வகித்தல், பக்தர்களின் நல்வாழ்வு, வழிகாட்டுதல் ஆகியவற்றுக்காக இந்த முயற்சி மேற்கொள்ளப்பட்டுள்ளது. காவலர்களின் பாரம்பரிய காவி உடை யாத்ரீகர்களுடன் மிகவும் நேர்மறையான தொடர்புகளை வளர்க்கிறது. இதனால், அமைதியின்மை அபாயம் குறைக்கிறது. கோயிலில் உள்ள பாதுகாப்பு பணி மற்ற இடங்களிலிருக்கும் பாதுகாப்பு பணிகள் போன்றதல்ல. அது வேறுபட்டது.அகிலேஷ் யாதவ்

ஏனெனில் இங்கு வெவ்வேறு வகையான மக்கள் கூட்டத்தை காவல்துறை நிர்வகிக்க வேண்டும். காவல்துறையால் தள்ளப்படும் பக்தர் எரிச்சலடைகிறார். அதே காரியத்தை அர்ச்சகர்கள் செய்தால் அவர்கள் அதை நேர்மறையாக எடுத்துக்கொள்கிறார்கள். அதனால்தான் தொடுதல் கொள்கையைப் பின்பற்றாமல், பூசாரிகள் உடையில் போலீஸார் பணியமர்த்தப்படுகின்றனர்" எனக் குறிப்பிட்டார்.

இது தொடர்பாக தனது ட்விட்டர் எக்ஸ் பக்கத்தில் சமாஜ்வாடி கட்சித் தலைவர் அகிலேஷ் யாதவ், "காவல்துறை அதிகாரிகள் தங்கள் சீருடைகளைத் தவிர வேறு எதையும் அணிய அனுமதிக்கும் முடிவு, பெரிய பாதுகாப்பு ஆபத்தை ஏற்படுத்துகிறது. காவல்துறைக்கு அர்ச்சகர் வேஷம் போடுவது எந்த 'போலீஸ் கையேடு' படி சரி? இப்படி உத்தரவு போடுபவர்களை சஸ்பெண்ட் செய்ய வேண்டாமா? நாளை இதை சாதகமாகப் பயன்படுத்திக்கொண்டு அப்பாவி பொதுமக்களை யாரேனும் கொள்ளையடித்தால், தவறாக வழிநடத்தினால் என்ன செய்வது? உ.பி. அரசும் நிர்வாகமும் பதில் சொல்லுமா? ஆணையரின் இந்த முடிவு கண்டிக்கத்தக்கது!" எனக் குறிப்பிட்டிருக்கிறார்.Vietnam: 12.5 பில்லியன் டாலர் மோசடி வழக்கு; பெண் கோடீஸ்வரருக்கு மரண தண்டனை! - கோர்ட் அதிரடி


http://dlvr.it/T5QP7K

Read More

Vietnam: 12.5 பில்லியன் டாலர் மோசடி வழக்கு; பெண் கோடீஸ்வரருக்கு மரண தண்டனை! - கோர்ட் அதிரடி

வியட்நாமைச் சேர்ந்த ரியல் எஸ்டேட் நிறுவனம், வான் தின் ஃபாட். ட்ருங் மை லான் (67) என்பவர் இந்த நிறுவனத்தின் தலைவராகப் பதவி வகித்து வந்தார். இவர்மீது அரசு ஆவணங்களின்படி, 2012 முதல் 2022 வரை சைகோன் வர்த்தக வங்கியை தனிப்பட்ட ஆதாயங்களுக்காகப் பயன்படுத்தியதாகவும், சட்டவிரோதமாக அதைக் கட்டுப்படுத்தியதாகவும், அதன் மூலம் சுமார் 12.5 பில்லியன் டாலர் அளவுக்கு மோசடி செய்திருப்பதாகவும் குற்றம்சாட்டப்பட்டது. இது 2022-ம் ஆண்டில் நாட்டின் மொத்த உள்நாட்டு உற்பத்தியில் கிட்டத்தட்ட 3 சதவிகிதம் எனக்கூறப்படுகிறது.ட்ருங் மை லான்

இது தவிர, தனக்கும் தனது கூட்டாளிகளுக்கும் கடன் வழங்க உள்நாட்டிலும், சர்வதேச அளவிலும் பல "பொய் நிறுவனங்களை" பயன்படுத்தி கடன் பெற்றிருக்கிறார். இவர் பெற்ற கடன்களால் 27 பில்லியன் டாலர் அளவுக்கு நாட்டுக்கு இழப்பு ஏற்பட்டிருப்பதாக, வியாட்நாம் ஊடகங்கள் தெரிவித்திருக்கின்றன. இந்த மோசடியில் பல்வேறு துறை அரசு அதிகாரிகள் இவருக்கு உதவியிருக்கிறார்கள். ஆவணங்களின்படி, 5.2 மில்லியன் டாலர் அளவுக்கு முன்னாள் மத்திய அதிகாரி உட்பட அரசு அதிகாரிகளுக்கு லஞ்சம் கொடுத்திருக்கிறார். பல்வேறு அரசியல் தலைவர்களும் இதில் சிக்கியிருக்கின்றனர்.

இந்தக் கொள்ளை விவகாரம் 2022-ம் ஆண்டில் வியட்நாமை அதிர்ச்சிக்குள்ளாக்கியது. இது தொடர்பான வழக்கில் ட்ருங் மை லான் கைதுசெய்யப்பட்டார். இந்தக் கொள்ளைக்கு உதவிய அனைத்து அரசு அதிகாரிகளும் பணிநீக்கம் செய்யப்பட்டனர். இந்த மோசடி விவகாரத்தால், ரியல் எஸ்டேட் துறையும், வீடுகள் விற்பனை, வாடகை என அது தொடர்பான அனைத்தும் விவகாரங்களும் கடுமையாகப் பாதிக்கப்பட்டிருக்கின்றன.ட்ருங் மை லான்

இதனால் அரசுக்கும் கடுமையாக நெருக்கடி ஏற்பட்டிருக்கிறது. எனவே, கடந்த மார்ச் 5-ம் தேதி மோசடி, சட்ட விதிமீறல் ஆகிய விவகாரங்களில் ட்ருங் மை லான் குற்றம் புரிந்திருப்பதை நீதிமன்றம் உறுதிசெய்து, அவருக்கு மரண தண்டனை விதிக்கப்பட்டிருக்கிறது. இவரது மருமகளும் வான் தின் ஃபாட்டின் தலைமை நிர்வாகியுமான ட்ரூங் ஹியூ வானுக்கும் இந்த மோசடி வழக்கில், 17 ஆண்டுகள் சிறைத் தண்டனை விதிக்கப்பட்டிருக்கிறது.

யார் இந்த ட்ருங் மை லான்?!

1956-ல் பிறந்த ட்ருங் மை லான், ஆரம்பத்தில், ஹோ சி மின் நகரின் பழைமையான சந்தையில் அழகுசாதனப் பொருள்களை விற்று, தன் தாயாருக்கு உதவத் தொடங்கினார்.

1992-ல், அவரும் அவரது குடும்பத்தினரும் வான் தின் ஃபாட் என்ற நிறுவனத்தை நிறுவி, வியட்நாமின் முதன்மையான ரியல் எஸ்டேட் நிறுவனங்களில் ஒன்றாக அதை உருவாக்கினர். அதே ஆண்டு, ஹாங்காங் முதலீட்டாளர் எரிக் சு நாப்-கீ என்பவரை திருமணம் செய்து கொண்டார். இவர்களுக்கு இரண்டு மகன்கள் உள்ளனர்.காதலுக்கு உதவிய இளைஞர் கொலை; தந்தை, நான்கு மகன்கள் உட்பட ஐந்து பேருக்கு ஆயுள் தண்டனை!


http://dlvr.it/T5Q0xP

Read More

Tamil News Live Today: இன்று தமிழகம் வருகிறார் ராகுல் காந்தி - முதல்வர் ஸ்டாலினுடன் இணைந்து பிரசாரம்!

இன்று தமிழகம் வருகிறார் ராகுல் காந்தி!



தமிழ்நாட்டில் தேர்தல் களம் சூடு பிடித்துள்ளது. பாஜக கூட்டணி வேட்பாளர்களை ஆதரித்து பிரசாரம் மேற்கொள்ள பிரதமர் மோடி பலமுறை தமிழ்நாடு வந்து சென்றுவிட்டார். மத்திய அமைச்சர்களும் ஒருவர் மாறி மற்றொருவர் என தமிழ்நாடு வந்து செல்கிறார்கள். மத்திய உள்துறை அமைச்சர் அமித் ஷாவும் இன்று தமிழகம் வருகிறார், இந்நிலையில் காங்கிரஸ் கட்சியின் மூத்த தலைவர் ராகுல் காந்தி திருநெல்வேலி, கோவையில் இன்று இந்தியா கூட்டணி வேட்பாளர்களை ஆதரித்து பிரசாரம் மேற்கொள்கிறார்.ஸ்டாலின், ராகுல் காந்தி

இன்று மாலை 3 மணிக்கு திருநெல்வேலி பெல் மைதானத்தில் நடைபெறும் தேர்தல் பிரசார பொதுக்கூட்டத்தில் ராகுல் காந்தி பங்கேற்கிறார், பின்னர், அதனை தொடர்ந்து மாலை 6 மணியளவில் கோவை செட்டிபாளையம் எல். அண்டு டி பைபாஸ் சாலையில் நடைபெறும் பொதுக்கூட்டத்தில், தமிழக முதல்வர் ஸ்டாலினுடன் இணைந்து பொதுக்கூட்டத்தில் பேசுகிறார். வரும் 15-ம் தேதி அகில இந்திய காங்கிரஸ் தலைவர் மல்லிகார்ஜுன கார்கேவும் தமிழகம் வர இருக்கிறார் என்பது குறிப்பிடத்தக்கது.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/47zomWY">
https://bit.ly/47zomWY />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/47zomWY">
https://bit.ly/47zomWY />

http://dlvr.it/T5PKyS

Read More

"பாஜக செய்த அனைத்து ஊழல் குறித்தும் காங்கிரஸ் விசாரிக்கும்"- தகவல் தொடர்பு ஒருங்கிணைப்பாளர் பவ்யா

தமிழ்நாடு, புதுச்சேரி, அந்தமான் தீவுகளின் காங்கிரஸ் கட்சி தகவல் தொடர்பு ஒருங்கிணைப்பாளர் பவ்யா நரசிம்மமூர்த்தி நேற்று விருதுநகரில் செய்தியாளர்களை சந்தித்து பேட்டி அளித்தார். அப்போது அவர் பேசுகையில், "மணிப்பூர் மாநில கலவரத்தில் நூற்றுக்கணக்கான அப்பாவி மக்கள் கொல்லப்பட்டனர். பல்லாயிரக்கணக்கானோர் பாதிக்கப்பட்டனர். பெண்கள் மானபங்கப்படுத்தப்பட்டு சித்திரவதைக்கு உள்ளாகினர். ஆனால் இந்த நாட்டை வளர்ச்சிப் பாதையில் அழைத்துச் செல்கிறேன் என கூறும் மோடி ஒருமுறை கூட மணிப்பூர் மாநிலத்திற்கு நேரில் செல்லவில்லை. மணிப்பூர் மாநில கலவரம் தொடர்பாக அம்மாநில முதலமைச்சர் மற்றும் அங்குள்ள மக்கள் பிரதிநிதிகளுடன் கூட அவர் கலந்துரையாடவில்லை.செய்தியாளர் சந்திப்பு

அதுபோல 5 மாநில தேர்தல் நடைபெற்ற போது தெலங்கானா, ஹரியானா உள்பட ஏனைய மாநிலங்களுக்கு சென்ற பிரதமர் மோடி மேகாலயாவுக்கு மட்டும் செல்லவில்லை. காரணம், மணிப்பூர் மாநில கலவரத்தை சரியான முறையில் கையாளாத மோடி அரசை விமர்சித்து மேகாலயா முதலமைச்சர் பிரசார மேடையை பிரதமர் மோடியுடன் பகிர்ந்துகொள்ளவில்லை. மணிப்பூரில் பாதிக்கப்பட்ட மக்களுக்கு அநீதி இழைக்கப்பட்டிருக்கிறது. இதை அகில இந்திய காங்கிரஸ் கட்சி வன்மையாக கண்டிக்கிறது. கண்டிப்பாக மணிப்பூர் மக்களுக்கு ஆதரவாக காங்கிரஸ் கட்சி நிற்கும்.

காங்கிரஸ் தேர்தல் அறிக்கையில் பெண்கள், இளைஞர்கள், விவசாயிகள் உள்பட ஐந்து அம்ச வாக்குறுதிகளை முக்கியமாக வலியுறுத்துகிறோம். மத்திய பா.ஜ.க. ஆட்சியில் பெண்களுக்கு பாதுகாப்பு இல்லாத நிலை உள்ளது. உத்திரபிரதேசத்தில் பா.ஜ.க. சட்டமன்ற உறுப்பினர் பாலியல் வன்கொடுமை வழக்கில் தொடர்பு உடையவராக உள்ளார். பா.ஜ.க.வின் மக்களவை உறுப்பினர் ஒலிம்பிக்கில் பதக்கம் வென்ற வீராங்கனைகளுக்கு பாலியல் தொல்லை கொடுத்திருக்கிறார். இதை விசாரணை நடத்த வேண்டிய மத்திய அரசு, வீரர்-வீராங்கனைகளின் போராட்டங்களை பற்றியோ, புகாரை பற்றியோ கவலைப்படவில்லை.`கோடீஸ்வர’ நண்பர்களுக்கு ரூ.16 லட்சம் கோடி கடன் தள்ளுபடி - மோடி மீதான ராகுல் சாடலும் பின்னணியும்!

பா.ஜ.க. உறுப்பினர்களின் பாலியல் அத்துமீறல் குறித்து பிரதமர் மோடி ஒரு நாளும் வாய் திறக்கவில்லை. பாதிக்கப்பட்ட பெண்களுக்கு ஆதரவாகவோ, ஆறுதலாகவோ ஒரு வார்த்தை பேசவில்லை. கடந்த 2014ம் ஆண்டில் பிரதமர் மோடி ஆட்சிக்கு வந்ததிலிருந்து இந்தியாவில் பெண்களுக்கு எதிரான குற்றங்கள் 30 சதவிகிதம் அதிகரித்திருக்கிறது. எனவே பெண்களுக்கு பாதுகாப்பு அளித்து, அவர்கள் பிறர் சார்பற்று பெண்கள் தனித்து இயங்குவதற்கு, கல்வி, பொருளாதார ரீதியாக பெண்களை பலப்படுத்துவதற்கு காங்கிரஸ் மகாலட்சுமி திட்டம் மற்றும் மகளிருக்கு 50 சதவீத இட ஒதுக்கீடு திட்டத்தை அறிவித்திருக்கிறது. மத்திய மோடி அரசு, ஆண்டுக்கு 2 கோடி இளைஞர்களுக்கு வேலைவாய்ப்பு உருவாக்கி தரப்படும் என வாக்குறுதி அளித்தனர். ஆனால் இதுவரை ஒருவருக்குக்கூட வேலைவாய்ப்பை உருவாக்கி தரவில்லை. மாறாக நாட்டில் வேலையில்லா திண்டாட்டம்தான் உச்சத்தை தொட்டிருக்கிறது.

எனவே இளைஞர்களுக்கு நியாயம் சேர்க்கும் விதமாக 25 வயதுக்குட்பட்ட வேலையில்லா இளைஞர்களுக்கு ஒரு லட்சம் ரூபாய் நிதி உதவி அளிக்கும் திட்டத்தை காங்கிரஸ் வரையறுத்திருக்கிறது. அதுபோல உணவு டெலிவரியில் ஈடுபடும் தொழிலாளர்களுக்கு சரியான பணி வரன்முறை, சமூக பாதுகாப்பு, பணி பாதுகாப்பு இல்லாத சூழ்நிலை இருக்கிறது. அவர்களை பாதுகாக்கும் பொருட்டு உணவு டெலிவரி தொழிலில் ஈடுபடுபவர்களுக்கென தனி சட்டம் கொண்டு வந்து அவர்களுக்கான பணி பாதுகாப்பையும், சமூக பாதுகாப்பையும் காங்கிரஸ் உறுதிப்படுத்தும். புலம்பெயர் தொழிலாளர்கள் கொரோனா ஊரடங்கின் போது மிகவும் சிரமத்திற்கு உள்ளாகினர். பல்லாயிரக்கணக்கானோர் சொந்த ஊர் திரும்புவதற்கு போக்குவரத்து வசதியின்றி உணவின்றி செத்து மடிந்தனர். கொரோனா ஊரடங்கு தொடர்பாக பிரதமர் மோடி, நாட்டின் எந்த ஒரு முதலமைச்சருடனும் கலந்தாலோசிக்கவில்லை. பேரிடர் காலத்தை எதிர்கொள்வதற்கு தயார்நிலையில் இருக்கும்படி எந்த முன்னறிவிப்பும் கொடுக்கவில்லை.பேட்டி

பா.ஜ.க. ஆட்சி பொறுப்பேற்றப்பின்பு விவசாயிகளின் விளைபொருளுக்கு உரிய ஆதார விலை நிர்ணயித்து அவர்களின் வருமானத்தை இரட்டிப்பாக்குவதற்கு நடவடிக்கை எடுக்கப்படும் என உறுதி அளித்தார்கள். ஆனால் அதற்கு பதிலாக வேளாண் விவசாயிகளின் நலனை கெடுக்கும் விதமாக மூன்று வேளாண் சட்டங்களை வலுக்கட்டாயமாக திணித்தது மத்திய அரசு. இதனால் மோடி அரசுக்கு எதிராக விவசாயிகள் போராட்டத்தில் குதித்தனர். இந்த போராட்டத்தில் 750 விவசாயிகள் பலியாகினர். விவசாயிகள் போராட்டத்தின் தொடர் அழுத்தம் காரணமாக மூன்று வேளாண் சட்டங்களையும் வாபஸ் பெறுவதாக மோடி அரசு அறிவித்தது. ஆனாலும் இது இன்று வரை நடைமுறைக்கு வரவில்லை. ஆகவே மீண்டும் மத்திய அரசுக்கு எதிராக விவசாயிகள் போராட்டத்தில் குதித்திருக்கிறார்கள். பிற்படுத்தப்பட்ட மக்கள், பட்டியலின மக்கள், பழங்குடி மக்கள் என அனைத்து வகுப்பு சாதியினரும் ஒருங்கிணைந்த வளர்ச்சி வேண்டும், அனைத்து பிரிவினருக்கும் சம உரிமை, சம கல்வி, சம சமூக பாதுகாப்பு வழங்கப்பட வேண்டும் என்பதே இந்தியா கூட்டணியின் கொள்கை.

ஆகவே இந்தியா கூட்டணி ஆட்சிக்கு வந்த பின்பு இந்தியா முழுவதும் விரிவுபடுத்தப்பட்ட அளவில் சாதிவாரி கணக்கெடுப்பு நடத்தப்படும். இதுநாள்வரை இந்தியாவில் சாதிவாரி கணக்கெடுப்பை மத்திய மோடி அரசு நடத்தாததற்கு பின்புலத்தில் ஆர்.எஸ்.எஸ். ஒளிந்திருக்கிறது. மத்திய மோடி அரசு தேர்தல் பத்திரங்களின் மூலம் பல லட்சம் கோடி ரூபாயை நன்கொடையாக பெற்றிருக்கிறது. நன்கொடை கொடுத்தவர்களின் பட்டியலை முழுமையாக வெளியிட பாரத ஸ்டேட் வங்கியை உச்ச நீதிமன்றம் கடுமையாக கண்டித்த பிறகு தேர்தல் பத்திரங்கள் தொடர்பான விவரங்களை அந்தவங்கி வெளியிட்டிருக்கிறது. அதன்படி, தேர்தல் பத்திரங்கள் மூலமாக நாட்டிலேயே அதிகம் நன்கொடை பெற்ற கட்சி பா.ஜ.க. என்பது தெரியவந்துள்ளது. வருமான வரித்துறை மற்றும் அமலாக்கத்துறை ரெய்டுகளின் மூலமாக அச்சுறுத்தப்பட்ட கார்ப்பரேட்டுகளிடமிருந்து 6000 கோடியை பா.ஜ.க. அரசு பெற்றிருக்கிறது.பவ்யா

ஐ.டி., இ.டி. ரெய்டு நடத்தி நன்கொடை பெறுவதன் மூலம் இந்த அரசு எதை மறைக்க நினைக்கிறது. ஆகவே பா.ஜ.க. தேர்தல் பத்திர ஊழல், ரபேல் ஊழல் குறித்தும் இந்தியா கூட்டணி ஆட்சி அமைந்ததும் விசாரணை நடத்தப்படும். கடந்த 10 ஆண்டுகளில் மோடி அரசு செய்த தவறுகளையும், ஊழல்களையும் மக்களுக்கு அம்பலப்படுத்தும் விதமாக காங்கிரஸ் அரசு செயல்படும். சி.பி.ஐ., வருமான வரித்துறை, அமலாக்கத்துறை ஆகிய துறைகளை சுதந்திரமாக செயல்பட விடாமல் அரசியல் நோக்கத்துக்காக தவறாக பயன்படுத்துவதை காங்கிரஸ் கட்சி தடுத்து நிறுத்தும். காங்கிரஸ் ஆட்சியில் அந்த துறைகள் யாவும் அதற்குரிய தனித்துவத்தோடு தனித்து இயங்குவதற்கான நடவடிக்கைகள் எடுக்கப்படும். சமீபத்தில் 17,000 ஏக்கர் பரப்பளவு நிலத்தை எல்லை ஒப்பந்தத்தின் அடிப்படையில் பங்களாதேஷ் நாட்டுக்கு நரேந்திர மோடி அரசு வழங்கியது. இதற்கு பதிலாக வெறும் 7000 கோடி ரூபாயை மட்டுமே அந்நாட்டு அரசு பா.ஜ.க. அரசுக்கு திருப்பி அளித்துள்ளது. ஆனால் கச்சத்தீவு விவகாரம் அப்படியல்ல. கச்சத்தீவு விவகாரமானது இருநாட்டு நல்லுறவு ஒப்பந்தத்தின் அடிப்படையில் மேற்கொள்ளப்பட்டது.

கச்சத்தீவிற்கு பதிலாக, 6 லட்சம் மீனவர்களின் வாழ்க்கையையும், கடல் வள மிகுந்த பகுதிகளையும் அந்நாடு நமக்கு திருப்பி அளித்துள்ளது. ஆகவே தமிழ் மீனவர்களின் உணர்வுகளோடு மோடி அரசு விளையாடக்கூடாது. ஆகவே நடந்த உண்மையில் பாதியை மறைத்து மீதியை சொல்லி வெறுப்பு அரசியலை திணித்து அதில் ஆதாயம் தேட நினைக்கும் பா.ஜ.க.வின் எண்ணம் பலிக்காது. தமிழக மீனவர்கள் தெளிவாக இருக்கிறார்கள். தேர்தலைப் பொறுத்தவரையில் மணிப்பூர் உள்பட பா.ஜ.க.வின் கோரமுகத்தை பார்த்த எந்த மாநிலத்திலும் அந்த கட்சி ஒரு எம்.பி. சீட் கூட வெல்லப்போவதில்லை. தென்னிந்தியா முழுவதுமே பா.ஜ.க.வுக்கு எதிரான மன நிலையில் தான் உள்ளது. ஆகவே இந்த முறை இந்தியா கூட்டணி அநேக இடங்களில் வெற்றி பெறும். வடமாநிலங்களில் கூட, நாட்டின் வளர்ச்சிக்கும் பாதுகாப்புக்கும் பா.ஜ.க.‌எவ்விதத்திலும் உதவாது என்பதை இளைஞர்கள் புரிந்து வைத்துள்ளனர்" என்றார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/47zomWY />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/47zomWYமகாராஷ்டிரா: லாரி மோதியதில் நொறுங்கிய நானா பட்டோலே கார்; கொலை முயற்சி என காங்கிரஸ் புகார்!


http://dlvr.it/T5PKpm

Read More